बीते कुझ दिन इद्दां दीआं घटनावां वाले साबत होए हन कि अज्ज किसे इक्को मुद्दे उत्ते लिखणा ते होर मुद्दिआं नूं पासे रख्खणा इक्क तरहां सौखा नहीं रिहा। इस लई असीं इस इक्को लिखत विच्च अजोकी दुनीआ दे हालात, देश दे हालात ते जो कुझ साडे पंजाब विच्च वापर रिहा है, उनहां कुझ मुद्दिआं बारे मुकंमल बेशक नां सही, किसे नां किसे हद्द तक कुझ खास नुकते पाठकां नाल सांझे करन दी लोड़ समझी है।
पहिली गल्ल साडे पंजाब दे साबका मंतरी बिकरम सिंघ मजीठीआ दी ग्रिफतारी अते इस नाल इस राज दी राजनीती उत्ते पै सकदे असर दी है। बिकरम सिंघ मजीठीआ दी ग्रिफतारी दी गल्ल बाअद विच्च, पहिली गल्ल इह है कि इसने साडे राज दे राजसी लीडरां दी मौकाप्रसती दा बुरका पाड़ सुट्टिआ है। पिछले डेढ दहाके तों जिहड़े लीडर इह कहिंदे रहे सन कि साडा राज आइआ तां मजीठीआ नूं संगलां नाल जकड़ के थाणे लिजाणा अते फिर जेल्ह विच्च ताड़ना है, उह उसदी ग्रिफतारी हुंदे सार दुहाई पाउण लग्ग पए कि उस नाल सिआसी बदलाखोरी हो रही है। जिस साबका मुख्ख मंतरी नें आपणे थोहड़े जिहे दिनां वाले राज विच्च वी मजीठीए नूं मुद्दा बणा रख्खिआ सी ते उसदे खिलाफ पंजाब विच्च पहिला पुलिस केस खुद दरज कराइआ सी, उह वी इह कहिण लग्ग पिआ है कि मजीठीए विरुध्ध सिआसी बदलाखोरी कीती गई है। हकीकत इह है कि बिकरम सिंघ मजीठीए दे केस विच्च कारवाई दी शुरूआत बादल राज विच्च ही हो गई सी, जदों मुंबई पुलिस नें एशीअन चैंपीअन अते पंजाब पुलिस दे डी ऐस्स पी जगदीश भोला नूं फड़िआ सी। उदों चरचा हुंदी रही सी कि पंजाब वाले जिहड़ा कंम खुद नहीं सन करना चाहुंदे, उह मुंबई पुलिस नूं सूचना दे के इत्थों दी सरकार दे इशारे उत्ते उत्थों कराइआ गिआ सी, किउंकि मजीठीआ इत्थे सरकार लई बोझ बणदा जांदा सी ते उसदी सरगरमी किसे दिन इस राज दी सरकार लई मुसीबत बण सकदी सी। उनहीं दिनीं अकाली दल दे इक्क विधाइक नें पंजाब दे मुख्ख मंतरी नूं इक्क चिठ्ठी सरकारी तौर तरीके तों भेजी सी, जिस विच्च इस मुद्दे बारे सारा कुझ लिखिआ पिआ सी। उह चिठ्ठी इस वेले वी अदालती फाईलां विच्च पई है। किहा जांदा सी कि इह चिठ्ठी लिखण वाले नें लिखी नहीं, उस कोलों किसे खास सोच नाल लिखवाई गई है।
पंजाब दी राजनीती अते इसदे खूंजिआं विचली सरगरमी दी हाथ रख्खण वाले बहुत सारे लोक इह गल्ल जाणदे हन कि अकाली दल दे किसे खास आगू वल्लों उस वेले इद्दां दी चिठ्ठी किसे अकाली विधाइक तों लिखवाए जाण पिछ्छे कारन किहड़े सन! उस वेले इह चिठ्ठी लिखवाउण दा मंतव मजीठीए विरुध्ध कारवाई करन नालों वध्ध इह गल्ल भविख्ख दी वरतों लई रिकारड उत्ते रख्खणा सी। अज्जकल्ल्ह जिहड़े केस विच्च बिकरम सिंघ मजीठीए दी ग्रिफतारी होई है, उसदा मूल अधार इक्क सौ गिआरां दिनां दी कांगरसी सरकार दौरान दरज कीते गए केस विच्च लुकिआ है। पता नहीं अग्गों इह कहाणी कित्थों तक जावेगी!
दूसरा मुद्दा भारत दी कमांड कर रही सिआसी धिर अते इस पिछ्छे असली जथेबंदक ताकत आर ऐस्स ऐस्स वल्लों भारत दा मुहाण इक्क वख्खरी दिशा वल्ल मोड़न दा है। इस मकसद लई उह हर किसे संविधानक अदारे उत्ते आपणा जफ्फा मज़बूत करन लई हर हद्द टप्प रहे दिसदे हन। बीते दिनीं जदों निआं पालिका दे कुझ फैसले इनहां नूं चुभण लग्गे सन तां उस वकत दे मुख्ख जज्ज विरुध्ध दोश लाए गए अते जांच करन दे नांअ उत्ते फिर उस नूं इंना परेशान कीता गिआ कि उसदे फैसलिआं दी सारी तान बदल गई। इस पिछ्छों उस नाल अंदरखाते की गल्ल होई, पता नहीं, पर जदों उह जज्ज सेवामुकत होइआ तां पारलीमैंट दे उतले हाऊस राज सभा दी मैंबरी जिवें उस नूं झटापट दित्ती गई, उस तों साफ हो गिआ कि आखरी दिनां विच्च उस वल्लों फैसलिआं दी तान बदलण पिछ्छे राज़ की सी! उस पिछ्छों जिस मुख्ख जज्ज नूं देश दी निआं पालिका दी अगवाई दा मौका मिलिआ, उसदी इमानदारी अते कानूंन वल्ल वचनबध्धता दे चरचे चल्लदे सन, पर आखरी दिनां विच्च अचानक उसदे रंग बदल गए अते फिर इक्क दिन उसदे घर हुंदी आरती मौके प्रधान मंतरी नरिंदर मोदी जा पहुंचे सन। उस दिन उत्थे होई आरती नूं निज्जी जां घरेलू रख्खण दी थां मीडीए विच्च जिद्दां बाकाइदा जारी कीता गिआ, उसने दस्स दित्ता सी कि अंदर की चल्लदा है! रही कसर कढ्ढ देण लई निआं पालिका दे खिलाफ पहिलां इक्क राज दे गवरनर वल्लों, फिर भारत दे उप राशटरपती वल्लों अते अंत विच्च भाजपा दे इक्क बेहूदा बोलण वाले पारलीमैंट मैंबर वल्लों जिहड़ी भद्दी टिप्पणी दी खबर आई, उस तों कोई ओहला नहीं सी रहि गिआ कि देश किध्धर नूं लिजाइआ जा सकदा है! इंने उत्ते गल्ल मुक्क नहीं गई, इस झुकाअ दे मोहरीआं नें देश दे संविधान विच्चों समाजवादी अते धरम निरपख्खता दे शबद कट्ट देण दी मुहिंम अरंभ कर दित्ती है। समाजवादी शबद विचारधारा दे तौर उत्ते कट्टणा कई लोकां नूं शाइद नां चुभे, पर धरम निरपख्खता शबद कढ्ढण दी मंग अजोकी हाकम धिर दे इरादे सपशट कर दिंदी है।
तीसरा अते आखरी मुद्दा टरंपशाही डिपलोमेसी दे उस दौर दा है, जिसदा असर इस संसार मोहरे इक्क होर संसार जंग दा भांबड़ मच्चण दे शक्क वजों दिखाई दे सकदा है। इरान अते इसराईल दी जंग विच्च अमरीका दा अचानक कुद्दणा, इरान दे ऐटमी अड्डिआं उत्ते ज़ोरदार हमले करना ते फिर नेड़ले देशां विच्च अमरीकी अड्डिआं उत्ते इरान दा हमला होणा अणकिआसिआ घटनाकरम सी। जिंनी तेज़ी नाल इस जंग दे अखाड़े विच्च अमरीका नें छाल मारी सी, उस तों वध्ध काहली नाल अमरीका नें इक्कतरफा तौर उत्ते जंगबंदी दा ऐलान कर के इह दाअवा कर दित्ता कि इरान नाल बथेरी हो गई है। इरान अग्गों इह कही जांदा है कि उस नाल नहीं होई, अमरीका नूं सबक दे दित्ता है कि उसदे फौजी अड्डिआं नूं निशाना बणाउण वाला वी कोई है अते इस हमले पिछ्छों उसदे अड्डे वाले एशीअन देश कतर दी सरकार दी बहुड़ी पाउण नें टरंप दे मूंहों इक्कतरफा जंगबंदी दी गल्ल कढ्ढवाई सी। इसदे बावजूद डौनलड टरंप नें आपणी मुहारनी बंद कदे नहीं कीती, सगों इह कहिण तक पहुंच गिआ कि जिवें हीरोशीमा अते नागासाकी नें दूसरी संसार जंग रुकवाई सी, ओदां ही इस वारी उस वल्लों चुक्के कदम नें इरान-इसराईल जंग रुकवा दित्ती अते दुनीआ नूं वड्डे खतरे तों बचा लिआ है। बाकी दुनीआ उसदी इस गल्ल नूं हज़म करन लई तिआर नहीं।
उस नालों वध्ध हैरानी दी गल्ल इह है कि अगले दिनीं जदों अमरीका दी पक्की धिर मंने जांदे नाटो गठजोड़ दी मीटिंग होई तां उस दौरान डौनलड टरंप नें यूरपी देशां नूं इह गल्ल कहि दित्ती कि उह नाटो दे खरच दा बोझ चुक्कण लई आपणा हिस्सा होर वधा देण। उह देश इस गल्ल तों भड़क पए। युकरेन-रूस जंग बारे उनहां अते टरंप दे मत्तभेद पहिलां उभ्भर चुक्के होण कारन इह गल्ल चल्ल पई कि जे तीसरी जंग दे हालात बणे तां यूरप वाले देश ऐतकीं अमरीका दी अगवाई मंनण दी थां विरोधी धिर वी बण सकदे हन। इस तों पहिलां कदे इद्दां दे हालात नहीं सन बणदे वेखे कि नाटो दे मैंबर देश किसे गल्ल विच्च अमरीकी सरकार दे उलट जाण दा कोई संकेत वी दे सकदे होण। बहुते लोकां नूं याद नहीं कि दूसरी जंग तों पहिलां दुनीआ दी अगवाई अमरीका कोल नहीं, यूरप कोल अते खास तौर उत्ते ब्रिटेन दे कोल सी। संसार जंग विच्च अमरीका दूर होण कारन बहुते नुकसान तों बचिआ रिहा ते ब्रिटेन समेत सारे यूरपी देश जंग दी मार नाल आरथिक पख्खों बहुते कमज़ोर हो गए तां अमरीका दे हत्थ अगवाई आई सी। ताज़ा हालात बहुत देर बाअद इद्दां दे संकेत दिंदे महिसूस कीते जाण लग्गे हन कि संसार दा नकशा बदलण दे डौनलड टरंप दे यतन, जिद्दां उह कैनेडा नूं आपणा इकवंजवां राज बणाउण दे दबके मारी जांदा है, दे कारन अमरीका लई इक्कदम उलट सथिती पेश करन वाली सथिती वी बण सकदी है। जे इस तरहां हो गिआ तां दुनीआ भर दे देशां अते संसार पध्धर दे संगठनां आदि दी हैसीअत वी नवें सिरिउं तैअ हुंदी दिखाई दे सकदी है।
हालात पैरो-पैर विगड़दे जांदे हन, पंजाब दे वी, भारत अते सारी दुनीआ दे वी, पर इसदे बारे जिहड़े सोचवान लोक जां जिहड़े संगठन दुनीआ पध्धर दी हैसीअत रख्खण दे बावजूद अजे तक बोलण नूं ठीक नहीं समझदे, उनहां कोलों बहुता चिर चुप्प नहीं रिहा जा सकणा। कोई चाहे जां नां चाहे, इद्दां दी हालत आस तों वध्ध छेती वी आ सकदी है कि अमन-अमन दीआं कूकां सुणन लग्ग पैण। इह कदे वी हो सकदा है।