जद आपणा अंदर किसी अंदरली दौलत नाल भरिआ हुंदा है, तद गरमीआं नूं उहदी ठंढ ते सरदीआं नूं उहदी निघ्घ कालजे नूं इक अकहि जिहे सुख विच्च रख्खदी है, तद फिक्का बोलण हो ही नहीं सकदा। वाह वाह ! किहा सोहणा, आहा आहा किहा चंगा। बस्स इहो जिहे अनंद नाद ही मूंह विच्चों निकलदे हन, जिवें शहिद नाल भरिआ मूंह हुंदा है, वचन मिठ्ठे नाल लिब्बड़े, सूरज किरणां दे सोने नाल गुंदे, होठां दी गुलाबी भाह नाल चमकदे, झरदे हन। ठंढ पांदे हन, कीरत, सिफत सलाह करन नाल साडी आपणी शखसीअत उच्ची, मिठ्ठी ते डूंघी हुंदी है, "जे तूं अकल लतीफ काले लिख नां लेख" फरीद जी दा कहिणा इक खास गंभीरता नाल भरिआ है। "दस्स वे! पिआरे घाह दिआ पत्तिआ, तूं की हैं"? अम्रीका दा शाइर पुछ्छदा है ते नां सिरफ आप विसमाद विच्च जांदा है पर सानूं वी ओस अजीब अरथ भरी निगाह नाल हैरान कर दिंदा है? ठीक! किस नूं पता है कि इह निमाणी घाह दी पत्ती की है। बनफशे दा फुल्ल की शहिद दी मख्खी कोई फुल्ल बण गई है, या किसे दे नैन कि बिजली वांग पिआर विच्च फुल्ल बण गए हन? शमस-तबरेज़ उसी हैरानी विच्च जांदा है ॥

"नी अड़ीओ सानूं पता नहीं असी कौण?

मनुख्ख, कि देव, कि परी, कि पत्थर,

कि कुछ नहीं॥"

ते फिर-

"हाइ! पैनूं पता नां लग्गा,

की पहड़ां ते कित्थों तक?

की जाणां ते की कुझ?

हद्दां विच्च बेहद्दां मारन झाकीआं,

हाइ वे मैं तां हैरान फिरां।

हो मतवाला इस दुनीआं दी जादू गली विच्च॥"

कद बणी दुनीआं? किस बणाई? कौण है? कोई कित्थे है? किध्धरों आइआ? किध्धरों जासी? की ? किध्धर ? कित्थे ? किउं ? बस्स इह बिजली वांग पैंदे सवालां दा कोई जवाब नहीं दे सक्कदा ते मारिआ जांदा है। दुनीआं दी अकल मानों अफ्रीका दा रेगसतान है ते रेगसतान विच्च डुब्बदा जांदा बुत्त, सिरफ सिर कुछ बाहर, इक अधी तीमी ते अधे मरद दा बुत्त कुछ हैवान दा, सिफंकस, हैवानीअत अधी ते अधी इनसानीअत दा बुत्त इह सवाल पुछ्छदा है ते जो जवाब नहीं दिंदा, मारिआ जांदा है। जद अकल इनहां सवालां दा जवाब दे नहीं सक्कदी तद ओह वेख वेख हैरान हुंदी जांदी है, ते डूंघे उतरदी जांदी है ते वाह वाह करदी है, जे रब्ब दी सुगंधित सो किधरों मिल जावे आवेश हुंदा है, कीरत ते सिफत सलाह विच्च आउंदी है, कोई सोहणी चीज इस ला-जवाब करामात जिही कुदरत विच्च ओहनूं खिच्चदी है, ते ओह खिच्ची सुरति पिआर दरदां विच्च सोहणी हुंदी जांदी है ते कहिंदी है-"सभ कुछ चंगा" "जो है सो वाह वाह" ब्रोनिंग किधरे इशारा करदा है। "वाह वाह! रब्ब असमानां विच्च वाह वाह! तूं तां हिठाहां खेडदा, सभ वल ते चंगे हन"॥

इह कीरत करनी, इंव सिफत सलाह करनी, जिंदगी दा उच्चा विसमाद राग है।

केंट फिलासफर लिखदा है कि "ओह असगाह नीला गगन तारिआं भरिआ ते इह मेरे आपणे अंदर सोझ ते कोझ बुरे ते भले दी खबर-उह रब्बता कुदरत दी ते इह मेरे अंदर उच्चा रूहानी राज-मैनूं हैरान करदे हन"॥

शाह हुसैन कहिंदा है, "हीआ नां ठाहीं कहींदा" ते इक होर इहो जिहा "मिठ्ठा बोलीं जग्ग" ते गुरू नानक साहिब जी लिखदे हन:-

नानक फिकै बोलिऐ तनु मनु फिका होइ॥

फिको फिका सदीऐ फिके फिकी सोइ॥

फिका दरगह सटीऐ मुहि थुका फिका पाइ॥

फिका मूरखु आखीऐ पाणा लहै सजाइ॥1॥

बस्स फिक्का बोलणा ओह नुकताचीनी है, जिहड़ी वड्डीआं चीज़ां नूं निक्का करके दस्सदी है। हर इह चीज वल की पत्थर, की दरिया, की चंन ते सूरज, मनुख्ख, हैवान वल इक अदब जिहड़ा हुंदा है ते होण करके साडे जीवन नूं आप-मुहारा डूंघा करदा है, ओह फिक्की नुकताचीनी नाल गुंम जांदा है। पिआर दा कतरा नैनां विच्चों सुक्क जांदा है, दिल दी सादा हमदरदी इक करख़त कठोरपन विच्च बदल जांदी है। आदमी फिक्के बोल ते फिक्के विचार ते फिक्की नुकताचीनी नाल आप मर जांदा है॥

फिक्की अकल हर इक कुदरती अणोखापन नूं तत्तां विच्च फाड़ फाड़ वेंहदी है ते विच्चों कुछ नहीं निकलदा। इक वड्डे महांपुरख दी आतमिक उपद्द्रव लै आउण वाली समरथा दा विचार नहीं, उहदे खाण पीण आदि दे औगुण दस्स के इह कहि देणा कि साडे वरगा सी, इह फिका विचार है, जिस नें महांपुरखां, नूं तां की निक्का करना है, सानूं मार जांदा है॥

कोई गल्ल मंनणी नहीं चाहीदी, तजरबा कर के आप उत्ते वरत के वेखणा चाहीदा है। पर आओ वेखो, इक किसी पिआर विच्च आप वसके अंदरला भर के अकहि कुदरत (जिस विच्च मनुख्ख वी शामल सदा है) दी परम अगंम सुंदर अमूरत मूरती नूं अग्गे वेख के सिफत करना, इह साडी आपणी जिंदगी ते की असर करदा है? तजरबा करो ते फिका विचार की? सभ फज़ूल, सभ गुनाहगार, कोझे, इह इक डूंघी नाउमैदी अंदर पैदा करदा है, अर जद कोई 'मुशकल आ बणे ढोई कोई नां देवे' ते आपे थां वी डर लग्गे तद अंदर चलाइमान मन नूं तुल देण वाला कोई नहीं रहिंदा। इनहां फिक्के विचारां दा फल मादी दुनीआं, मादा जिसम, ते खा पी के कंम करन वालीआं पंज इंद्रीआं दे सुखां दुखां नूं भान करन या भोगण दा "सच्च" अथवा "कूड़" साडे पल्ले रहि जांदा है, कोई अचरज करन वाली गल्ल नहीं दिस्सदी।इह जगत-करामात जिस दा इक इक किणका अनेक रूहानी जलविआं नाल भरिआ है, ओह निरी काली ते बुरी ते, चिट्टी रेत दे रेगसतान दिस्सण लग्ग जांदी है। अंदर हनेरा बाहर हनेरा, इहो जिहे समें विच्च आदमी आपे थीं दिक आए, किसी महांपुरख दी उडीक करदे हन, हाए कोई आवे ते दस्से, इस रेगसतान विच्च बहिशतां दे बहिशत हन। सोहणी अमूरती कोई अनेक मूरतीआं वाली हसती है ते ओह पिआर करदी है॥

जद फिक्का बोलण लग्गीए, तद विचार कर लईए कि इस साडे सिदक ते विसमाद ते जीवन दी कमाल सादगी दी असलीअत नूं फूक सुट्टण वाली इह भाह है। कीरती करना इक आचरण है। बाबा अमर दास जी वाले बखशे 'भभ्भे' बड़े चंगे हन, उनहां विच्च कीरती करन वाला डूंघा ते सच्चा आचरण है॥

भ-भला जी।

भ-भुला जी।

पर नक्क चाहड़णा ते आपणी चिड़ी वरगी अकल नाल, असगाहा-जिहड़ा इक मोम दी बत्ती दे बलण विच्च वी प्रतख्ख ते गुपत है-नूं पिआ तोलणा ते हिसाब लाणे, इह आचरण नूं निक्का ते भैड़ा करदा है॥ आदमी कोई खिडाउणा तां नहीं, कुदरत कोई मंतक दी किताब तां नहीं। जीवन दी दिल धड़कां, दी रवानगी है। इस विच्च मंतकी असूलां दा गठ्ठा बंनह के मोढे ते चुक्की फिरणा कोई गुझ्झी गल्ल तां नहीं। मजूर टोकरी चुक जा रिहा है, मौलवी किताबां, पादरी , होर असूल ते पंडित होर असूल, इनहां बझ्झे असूलां विच्चों तां जीवन दे दोपत्तीआ शगूफां फुट्ट के नहीं, निकलणा, उह तां अनंत धरती विच्चों समा पाके फुटणा है, जीवन ते आचरण कुदरत दे सादा, पर असगाह दिल धड़कां दे रवाना दरिया विच्चों कोई कंवल फुल्ल दी निकली डोडी है। जिस विच्च हीरे दी चमक प्राणां वाली जींदी कोई भेत हो रही है। जिहड़ा अंदरों बाहरों मिठ्ठा है ते मिठ्ठे बचन करदा है, उह कुदरत दी धड़क विच्च आपणे दिल दी धड़क सुण रिहा है। सुच्चे आचरण वालिआं दी सरलता ते सादगी वल इशारा है। रयाकार ते ठग्ग बाहरों बड़े मिठे ते अंदरों कसाई हुंदे हन, उह हाले मुरदे पत्थर अलमास ते हीरे हन, उनहां नूं हाले जीवन कणी प्रापत होणी है, पर जिस नूं कुदरत दी जिंद दी खबर मिल गई है, उस दे दिल दे परदे आप-मुहारे ओडर जांदे हन, कपाट जेहड़े बंद सन, खुल्ह जांदे हन। इहदीआं सभ दिल-थांवां आनंत गगन दी खुशी नाल भरदीआं हन ते उह धोखा कर ही नहीं सकदा। आप तां रिहा ही नहीं, परदा किस उप्पर पावे, कूड़ा करकट सभ खुशी दी अग्ग नें जला दित्ता है॥

इह आचरण है, बाकी की? हर इक नाना तरां दे कुदरत दे अनेक रंग हन। मिठ्ठा बोलण नाल तां शाइद कुछ नां बण सक्के, पर जे अंदर उह भेत भरी खुशी होवे ते उह सुच्चा आचरण मिठ्ठा बोले तद सड़ी दुनीआं दे अहोभाग ! सुक्के हरे हो जाणगे ॥

मिठ बोलड़ा जी हरि सजन सुआमी मोरा ॥

हउ संभल थकी जी उह कदी न बोले कउरा ॥

बस्स नुकताचीनी करना चीज़ां नूं, की वड्डीआं ते की छोटीआं नूं फूक सुट्टणा है । "मां" ''मां" कहिंदिआं बच्चे जींदे हन, पुतां दीआं बाहां विच्च बल आउंदा है, बड़े बड़े वरिआम सूरबीरता दे कंम "मां" दे पिआर विच्च कर जांदे हन । "मां" दे वडे सरूप मुलक पिछ्छे की की कुरबानीआं नहीं हुंदीआं ते मां तां कोई जींदी जागदी आपा वारण दा अवतार है, पर निरे कौमी झंडिआं नूं हवा विच्च लहिरांदा देख फतह पाण वालीआं कौमां दे बचे किसी सरूर ते हड्डीं गरूर नूं पहुंचदे हन अर उनहां दे दिल विच्च ताकत भरदी है। इह कहि देणा "मां" की है, बस्स कारबन आकसीज़न, हाईडरोजन, कैलसीअम, फासफोरस आदि दा इक जोड़ अथवा हड्डी मास आदि। तद उह हकीकत "मां" शबद विच्च जिहड़ी है, उह तां इह अंतम फाड़ दस्स नहीं' सक्कदी, हत्थ विच्च तां मुठ्ठी छाई दी रहिंदी है, ते मुठ्ठी छाई दी नें तां उह अवेश पिआर, कुरबानी, बीरता मेरे दिल विच्च नहीं उपजाए सन । इसे तरां रब्ब की है ? गुरू की है ? संत साध की हुंदे हन ? महां पुरख की हन ? आदि प्रशनां दे उत्तर इस जीवन नुकताचीनी दी छाण बीण दे देणे ते उनां नूं सच्च समझणा जीवन दे नुकते थीं सरा सर कूड़ है ते अकल इनां अज कल दे लोकां लई कूड़ां नूं सच्च कर के सटेज ते लिआ रही है, इह सभ बरबादीआं हन । सिफत सलाह करना, इक निक्की पत्ती घाह थीं जिहड़ी हवा दे गले लग्ग के झूमदी है, सूरज तक, हैवान तक, बंदे तक, महां पुरखां तक, इक जीवन नूं बनाउणा है जिंदा करना है । आप नूं आपणी तारीफ कोई चंगी लग्गदी है, चंगी नहीं आपदे रूह नूं ताकत देण वाली कोई गिज़ा है। खुशामद जे कूड़ी वी करदा होवे उस नूं रोकणा बड़ा मुशकल है, आतमा जे अंदरों प्रसंन हुंदा है । दिल जे उच्चा हुंदा है, कुल दुनीआं विच्च हंभले, परउपकार, भजन भगती, इलम उनर दे हर कोई मारदा है, पर उह छिपके इह वी धिआन नाल सुणदा है कि कौण कौण इस किरत दी कोई सिफत करदा है ? किउं ? इस वासते कि जीवन सिफत सलाह नूं पाके प्रदीपत हुंदा है । इस वासते सिफत सलाह करना चाहे विसमाद विच्च आके अंतम ते इलाही सुहणप्प दा, चाहे अदब लिहाज दी खातर, चाहे हिया न ठाहीं कहींदा इस दरद दी खातर, हर तरां इह जीवन नूं पालणा है ते नुकताचीनी उसे नूं मारणा है ॥

लोकी कहिंदे हन कि नुकताचीनी तां औगुण दस्सके गुणां वल खड़दी है, ठीक जे भाव अंदरला हमदरदी पिआर दा होवे तद, उह साड़ू ते मारू नुकताचीनी नहीं, उह पिआर विच्च गुंदी निरोल फितरत दी अथवा मन दी परख तक पहुंच जांदी है। उह तां काबलीअत दी गल्ल है, साहितयक, अथवा रसिक किरत इक आलीशान कीरत है, पर फिक्का बोलणा सदा इक पाप है, जिहड़ा असी कई वेरी दिन विच्च करदे हां अर सानूं खिआल नहीं आउंदा कि असी जगत विच्च जिहड़ा जीवन कुदरत पली पली जोड़ जोड़ बड़ी मुशकल नाल बनाउंदी फुलांदी फलांदी है, असी आपणे फिक्के अर कौड़े बचनां नाल किस तरां कुदरत दीआं बनाउण दीआं ताकतां नूं घबरा दिंदे हां ॥