1

सरकारी वकील नूं उडीक रहे थाणेदार नूं लग्ग रिहा सी जिवें तीसरा दिन वी भंग दे भाड़े जाएगा।

दोशीआं नूं ग्रिफ़तार कीतिआं पचासी दिन हो गए सन। जे पंज दिनां दे अंदर- अंदर चलान पेश नां होइआ तां उहनां दी ज़मानत हो जाणी सी। दोशीआं दी ज़मानत दा मतलब सी फांसी दे फंदे दा उहनां गलों लहि के तफ़तीशी दे गल पै जाणा।

तफ़तीश नब्बे दिनां दे अंदर-अंदर मुकंमल किउं नहीं होई? इस प्रशन नूं लै के नाज़र सिंघ थाणेदार दी जवाब-तलबी होणी सी। कई महीने अफ़सरां नें उस नूं खज्जल-ख़ुआर करना सी। खहिड़ा छुडाउण लई नाज़र सिंघ नूं हज़ारां रुपए चहड़ावा चहड़ाउणा पैणा सी। छोटी-मोटी सज़ा वट्ट ’ते सी। वड्डी सज़ा दी संभावना तों वी इनकार नहीं सी कीता जा सकदा।

विरोधी धिर दे इक विधाइक नें असैंबली विच प्रशन पुछ्छ रखिआ सी। इहनां बेकसूरां नूं छड्डिआ किउं नहीं जा रिहा? असल दोशीआं नूं  किउं फड़िआ नहीं जा रिहा?  उह उत्तर चाहुंदा सी।

थाणे दे छोटे मुलाज़म तों लै के मुख्ख मंतरी तक सभ इस प्रशन तों टलणा चाहुंदे सन। कानूंनदानां नें टलण दा इको राह सुझाइआ सी। केस नूं जलदी तों जलदी अदालत दे सपुरद कर दित्ता जावे। अदालत दे विचार-अधीन (सब जुडाईस) मसला किधरे होर नहीं विचारिआ जा सकदा। विधान सभा विच वी नहीं।

इह अहिम ज़िंमेवारी किस नूं सौंपी जावे? इस प्रशन ’ते पुलिस कपतान नें ख़ुद विचार कीता सी। थाणे विच ताइनात सभ तफ़तीशीआं दे नावां नूं उस नें   वारी-वारी विचारिआ सी।

डिपटी नें पाखर दा नां सुझाइआ सी।

उह लिखा-पहड़ी दा माहिर  सी। उस दी बहुती सरविस सी.आई.ए. सटाफ़ दी सी। इको दोशी ’ते तिंन-तिंन ऐकटां अधीन केस फिट्ट करन विच उस नूं मुहारत हासल सी। सिर ’ते चोरी कीते भांडिआं वाली बोरी, हत्थ विच बरछा अते खीसे विच अफ़ीम। कमी-पेशी रहि जाए तां मोढे ’ते लटकाए झोले विच नाजाइज़ शराब दीआं बोतलां। लिखा-पहड़ी इंनी साफ़-सुथरी कि वड्डे तों वड्डे वकील नूं वी राह नहीं दिंदा। उस दे सारे केसां विच सज़ा हुंदी सी।

इह नां कपतान दे नक्क हेठ नहीं सी आइआ। अफ़ीम शराब दे केसां दी लिखा- पहड़ी वी कोई लिखा-पहड़ी हुंदी है। अजिहे केसां दे बिआन इको जिहे हुंदे हन। छोटी-मोटी तबदीली कर के डंग टप्प जांदा है। तफ़तीशी दी हुशिआरी दा पता उदों लग्गदै जदों ग़बन, कतल जां बलातकार वरगे किसे केस नाल वाह पिआ होवे। पाखर नें सारी नौकरी विच इक वी अजिहा केस नहीं कीता। बिनां मूंह-सिर वाला इह कतल केस उस दे वस्स दा नहीं सी।

कपतान नूं अजिहे तफ़तीशी दी लोड़ सी, जिस दी बुध्धी तीखण अते कलपना शकती तेज़ होवे। गुंझलदार केसां विच तफ़तीशी कोल वापरीआं घटनावां दीआं कुझ तंदां हुंदीआं हन। कानूंन दे सांचे विच फिट्ट करन लई कहाणी दा बाकी ताणा-पेटा उस नें ख़ुद बुणना हुंदा है। इस केस दी तफ़तीशी नूं कहाणी वी घड़नी पैणी सी अते सबूत वी।

कपतान नूं लग्गदा सी कि इस अड़े गड्डे नूं जे कोई कढ्ढ सकदा सी तां उह नाज़र सिंघ सी।

बलताकार दे इक केस ’च उलझी गत्थी नूं जिस अकल अते दलेरी नाल नाज़र नें सुलझाइआ सी, उस नाल उह कपतान दीआं नज़रां विच उच्चा उठ्ठ गिआ सी।

अनाथ आशरम दी इक वारडन दे भरा नें पंदरां सालां दी इक लड़की नाल दिन-दिहाड़े बलातकार कीता सी।  पर लड़की दी विगड़ी हालत देख के उह घबरा गिआ अते घरों फ़रार हो गिआ।

अजिहीआं घटनावां आशरम लई नवीआं नहीं सन। लड़कीआं रो-धो के चप्प हो जाइआ करदीआं सन। वारडन नें इसे आस नाल तुफ़ान दे गुज़र जाण तक दड़ वट्टणी बेहतर समझी

पर कुझ ही घंटिआं विच बिल्ली बोरी विचो बाहर आ गई।

खथर प्रबंधकां तक पुज्ज गई। उह कारवाई लई काहले पैण लग्गे। इस दे कई कारन सन। पहिला इह कि लड़की दी उमर  छोटी सी। दूजा इह कि बलातकार करन वाला इक साधारन आदमी सी, कोई प्रबंधक नहीं। इस तरहां तां जणे-खणे नूं मूंह मारन दी आदत पै जाएगी। तीजा कारन वारडन ख़ुद सी। उह बहुत सोहणी सी पर प्रबंधकां नूं उस दे सुहप्पण दा कोई लाभ नहीं सी पुज्ज रिहा। हुण बटेरा पैर थल्ले सी।

आपणी नौकरी खुस्सण अते भरा नूं सज़ा होण दे डरों वारडन नें हालात काबू ’च रख्खण दी कोशिश कीती। वकील दी सलाह लई। इक पासे उह प्रबंधकां नूं टरकाउंदी रही अते दूजे पासे बलातकार दे सबूत मिटाउंदी रही।

हफ़ते विच जद सारे सबूत मिट गए तां इक रात उह  वी पत्तरा वाच गई। प्रबंधकां दे तन-बदन नूं अग्ग लग्ग गई। ग़ुस्से हो के उहनां केस पुलिस नूं दे दित्ता।

पुलिस इस मुरदा केस दा की करे?

पहिलां तां केस ही इक हफ़ता बाअद दरज कराइआ गिआ सी। इह देरी दोशीआं नूं बरी करवाउण लई काफ़ी सी। फेर बलातकार समें लड़की नें जिहड़े कप्पड़े पहिने सन, उह साड़े जा चुक्के सन। पुलिस लई उहनां कप्पड़िआं नूं कबज़े विच लैणा बहुत ज़रूरी सी। उहनां ’ते दोशी दा वीरज सी। दोहां दे गुपत अंगां दे वाल हुंदे सन।  लड़की दे सरीर ’ते लग्गीआं झरीटां ठीक हो गईआं सन। ताज़े ज़ख़मां बिनां वी केस ’च दम नहीं रहिणा। कोई चशमदीद गवाह वी नहीं सी। इकल्ली लड़की दे बिआनां दे आधार ’ते तां सज़ा नहीं सी हो जाणी।

कपतान उहनीं दिनीं उस इलाके दा डिपटी हुंदा सी। मसले दी नज़ाकत नूं देखदे होए तफ़तीश उस नूं सौंपी गई। डिपटी दी तफ़तीश होवे ते दोशी नूं सज़ा नां होवे) इह किवें हो सकदा सी? पर सबूतां बिनां सज़ा वी संभव नहीं सी। डिपटी करे तां की करे?

नाज़र सिंघ उस समें डिपटी दा रीडर हुंदा सी। उस दी सलाह लई गई।

नाज़र नें घंटे विच सबूतां दे ढेर ला दित्ते।

बिआन लिखण दे बहाने उह लड़की नूं आपणे कुआरटर लै गिआ। घंटे बाअद जदों उह वापस आए तां लड़की दी हालत उसे तरहां दी सी, जिस तरहां पहिले बलातकार समें सी।

केस सफलता दी पौड़ी चहड़ गिआ।

सोच-समझ के ही नाज़र सिंघ दे मोढिआं ’ते इह भार पाइआ गिआ सी।

उस समें नाज़र सिंघ नें इस ज़िंमेवारी नूं खिड़े-मत्थे सवीकार कीता सी। अफ़सरां नें उस ’ते विशवास कीता सी। इह उस लई फ़ख़र वाली गल्ल सी।

पर जिउं-जिउं तफ़तीश अग्गे वध रही सी, उस दा जोश मठ्ठा पैंदा जा रिहासी।

पड़ताल ’ते आए डिपटी नें आपणी जाणे तां नाज़र सिंघ ’ते मिहर कीती सी। नाज़र सिंघ नूं कोई तंग नां करे, इस लई बाकी दीआं ज़ेरे-तफ़तीश मिसलां उस तों लै के दूसरे थाणेदारां हवाले कर दित्तीआं सन। उस दा हलके विच जाणा वी बंद। चुप्प कर के मेज़ ’ते बैठे अते इस केस दी लिखा-पहड़ी मुकंमल करे।

डिपटी दी इह मिहरबानी नाज़र नूं महिंगी पै रही सी।

उह आप हेराफेरी नां करे तां वी चलान दे अदालत सपुरद होण तक हज़ार-पंदरां सौ ख़रच होणा सी। इंना ख़रच चंगे-भले केस विच  हो जांदां है। इस मरे-मुक्के केस विच तां सभ कुझ नवें सिरिउं होण वाला सी। सकेली नकशा चाहीदा सी। फ़ोटोग्राफ़र नूं पैसे देणे सन। हत्थ-लिखत दे माहिर तों रिपोरट ठीक करवाउणी सी। बिआनां, ज़िमनीआं दी रद्दो-बदल करनी सी। सरकारी वकील नूं सलूट मारना सी। नाइब कोरट नूं चाह-पाणी पुछ्छणा सी। पैरवाई करन वाला नाल हुंदा तां सारे कंम फटाफट हो जांदे। हुण नाज़र सिंघ नूं मुशकल बणी होई सी। नां कोलों ख़रच कीता जा सकदै, नां ख़रच कीते बिनां मिसल मुकंमल हुंदी है। नतीजे वज्जों केस लटक रिहै।

नाज़र सिंघ तों होर तफ़तीशां नां खोहीआं हुंदीआं तां उह किधरो हत्थ-पल्ला मार लैंदा। भदौड़ कतल केस दे मुदई्ई नूं बुलाउंदा जां सहिकारी सभा दे मुलज़म नूं। किसे नूं की पतै किस नूं किंनी फ़ीस देणी है। इको धिर तों दुगणे पैसे दिवा के उह खहिड़ा छुडा लैंदा।

इसे तरहां इक वार तिंन सौ छब्बी दा केस अड़ गिआ सी। भरावां दा आपसी झगड़ा सी। रिशतेदारां नें विच पै के राज़ीनामा करवा दित्ता। राज़ीनामा करवाउण दी सारी फ़ीस मुख्ख अफ़सर आप डकार गिआ। उपरों सरपंच नूं आख दित्ता, “किसे हरामज़ादे नूं दुआनी नां दिओ, कोई तंग करे तां मेरे कोल आ जाइओ।” भाऊ चुप्प कर के घर बैठ गए। सरकारी वकील नें मिसल     लई। नां कोई धिर सरकारी वकील नूं पैसे देवे, नां उह चलान पेश करे। हर मीटिंग विच नाज़र दे छित्तर पिआ करन, केस लेट किउं हो रिहै? आख़िर इक दिन जूआ खेडदे लाले उस दे हत्थ लग्ग गए। जूए दे दोश विच दोशी आपणे जुरम दा इकबाल कर जाण ता वी पंजाह रुपए तों वध्ध जुरमाना नहीं हुंदा। अजिहे चलानां वल्ल सरकारी वकील बहुता धिआन नहीं दिंदे। सरसरी जिही नज़र मारी ते चलान पास।

नाज़र नें लाले दबकाए। सरकारी वकील दा रोहब पाइआ।

“जे मुठ्ठी गरम नां कीती तां कैद करा देऊ। जज्ज नाल सूत है। अख्खां ठंढीआं हो गईआं तां मुआफ़ी दिवा देऊ।”

डरे लालिआं नें झट्ट सौ-सौ दे पंज नोट फड़ा दित्ते। दो नाज़र नें आप रख्खे, तिंन सरकारी वकील दे हवाले कीते। इक नोट इस केस दे खाते अते दो छब्बी दे खाते। झट सभ कंम नक्की हो गए।

इह पैसे दी कमी ही सी कि चलान पचासीआं दिनां तों लटक रिहा सी।

कतल रोज़-रोज़ तां हुंदे नहीं। कदे हो जावे तां हर इक नूं फ़ीस मिलण दी आस बझ्झदी है। इहो आस सरकारी वकील नूं सी। उस नें पूरे तिंन घंटे मग़ज़ खपाई करनी सी। मिसल दा अख्खर-अख्खर पहड़ना सी। बिआनां दा मिलाण करना सी। पोसट-मारटम दी रिपोरट देखणी सी। नकशे दी पड़ताल करनी सी। सभ दसतावेज़ां दा आपस विच तालमेल बिठाउणा सी। सरकार वल्लों तां उहनां नूं बदाम मिलदे नहीं। कोई धिर हीला करू तां उह मग़ज़ खपाई करू।

नां नाज़र नें उस दे हत्थ ’ते कुझ धरिआ सी, नां सरकारी वकील नें चलान दराज़ों बाहर कढ्ढिआ सी। तिंन दिन तों उह जिथे सी, उथे ही पिआ सी।

पहिले दिन नाज़र सिंघ जदों चलान लै के आइआ सी तां सुरिंदर कुमार बड़ी हलीमी नाल मिलिआ सी। नाज़र सिंघ कतल केस लै के आइआ है, इह सुण के उस दा चिहरा गुलाब वांग खिड़ उठिआ सी। माड़े तों माड़े केस विच वी पंज-चार सौ वट्ट ’ते सी।

काफ़ी देर सुरिंदर कुमार मिसल दे वरके पलटदा रिहा। नाज़र सिंघ सभ समझ रिहा सी। उस नूं फ़ीस दी उडीक सी। नाज़र नूं चाहीदा सी मिसल दे नाल ही फ़ीस वी सरकारी वकील दे हवाले कर दिंदा। नाज़र कोल कुझ हुंदा तां ही दिंदा। उह चुप्प-चाप बैठा रिहा। कोई ज़रूरी नहीं हर केस विच पैसे दित्ते जाण। आख़र चलान चैक्क करना उस दी डिऊटी सी।

थाणेदार नूं बेशरम होइआ देख के सरकारी वकील नें वी मूंह ’ते मिट्टी मल लई। बिनां भूमिका बंनहे उस नें सिध्धा ही पुछ्छ लिआ।

“किउं मुदई नाल लिआंदै?”

“मुदई लाला जी हन, युवा संघ है, उहनां दा तुहानूं पता है। अग्गे ही पुलिस दे पिछ्छे पए होए नें। शिकाइत करन दा बहाना भालदे नें।”

“फेर मुलज़मां दा कोई होऊ?”

“उहनां दा वी तुहानूं पता ही है। संमती वाले हर रोज़ पुलिस दा जलूस कढ्ढदे हन। मसला पारलीमैंट तक गिआ होइऐ।”

“फेर तूं ता किधरे नहीं गिआ।” खिझे सरकारी वकील नें कटाख़श कीता सी जां मज़ाक, नाज़र दी समझ नहीं सी आइआ।

“असीं कदों भज्जे हां।।” नाज़र नें इह आखिआ जरूर पर जेब विच्च हत्थ नां पाइआ।

“कोई नहीं  मैं मिसल पहड़ लवां। तूं कल्ल्ह नूं गिआरां कु वजे आ के लै जाईं।”

अग्गों सरकारी वकील किहड़ा कूला सी। बहाने नाल उस नें नाज़र नूं टाल दित्ता। नकद नहीं तां वगार सही। वगार वी नहीं करेगा तां धक्के खाएगा।

सुरिंदर नूं फसे तफ़तीशी तों कंम लैणा आउंदै। होर नहीं तां विगड़ी घड़ी ही फड़ा दित्ती, ठीक कराओ। कदे गैस वाला सिलंडर चुकवा दित्ता, इस नूं भराओ। सिनमे दे टिकट लिआओ। बच्चिआं नें सैर करन जाणै, कार चाहीदी है। जिंना चिर वगार पूरी नहीं हुंदी, थाणेदार सरकारी वकील दे मत्थे नहीं लग्ग  ।

पर शुकर सी पहिले दिन नाज़र सिंघ नूं अजिही कोई वगार नहीं सी पई।

वगार नां पाउण दा जिहड़ा कारन  नाज़र नूं समझ आइआ सी, शाइद उह इह सी कि उह धिरां नाल सिध्धा संपरक काइम करना चाहुंदा सी।

हाले तक उस नें धिरां नाल संपरक काइम नां कीता होवे, इह वी संभव नहीं सी। मुनशी, वकील, अहिलकार, पंच, सरपंच अते प्रधान सभ उस दे यार-बेली सन। हुण तक उह धिरां नूं सरकारी वकील दे अग्गे-पिछ्छे घुमा-घुमा के हंभ चुक्के होणगे। कुझ नें लंबी-चौड़ी भूमिका बंनह के लाला जी नूं समझाइआ होएगा।

“सरकारी वकील नें मिसल बंनहणी है। चंगा है, उस नूं मिल लईए। नां मिले तां केस ढिल्ला छड्डदू।”

कुझ होर मुलज़मां कोल गए होणगे। मुलज़मां दे मोटे दिमाग़ ’च गल्ल पाउण लई उहनां नूं वार-वार समझाइआ होवेगा।

“थाणेदार नें बथेरी मदद करती। फ़ाइदा तां होऊ जे सरकारी वकील इसे तरहां केस पास कर दए। जेब भरांगे तां हाथी अग्गों दी लंघण देऊ। नहीं तां पूछ फड़ के घड़ीस लू।”

घबराईआं दोवें धिरां सुरिंदर कोल आईआं होणगीआं।

ठंढा पाणी पिआ के सुरिंदर नें लाला जी दा सीना ठारिआ होवेगा।

“फ़िकर नां करो सेठ जी। अजिही मिसल बंनूं, बई पुत्त मेरे, हाई कोरट तक बरी नी होणे।”

मुलज़मां दे वारिसां नूं उस नें घर बुलाइआ होएगा। उहनां दी पिठ्ठ थापड़ के आखिआ होएगा।

“फ़िकर नां करो। केस ’च बरी होण लई वीह मोरीआं नें। जे मैं नां भरीआं तां जज्ज भावें मुदई दा साला लग्गदा होवे तां वी मुंडिआं नूं सज़ा नी कर सकदा।”

गल्लां ’च आए साइलां नें जेबां उलटन  दा वाअदा कीता होएगा।              ।

पर सुरिंदर दीआं गल्लां तों लग्गदा सी जिवें नाज़र वांग उस दे पल्ले वी कुझ नहीं सी पिआ।

कुझ पल्ले पिआ हुंदा तां  मिसल दा अख्खर-अख्खर पहड़दा। मुलज़मां नूं बे-कसूर अते बेकसूर नूं मुलज़म बणाउणदे राह लभ्भदा। मुदई, मुलज़मां नाल कीते वाअदे निभाउण लई मिसल विच रद्दो-बदल करवाउंदा।

नाज़र दे इक केस विच उस नें इंझ ही कीता सी।

लंबड़ां दे शराबी मुंडे नें नशे दे लोर ‘विच आपणे गुआंढीआं ’ते हवाई फ़ाइर कर दित्ता सी। पुलिस नें परचा दरज करदे समें गोली चल्ली दा कारन मुंडे दी अणगहिली अते ला-प्रवाही लिखिआ सी। इस तरहां तिंन सौ छब्बी दा मामूली जिहा केस बणिआ सी, उह वी काबले ज़मानत। लंबड़ां नें मुख्ख अफ़सर नाल गिटमिट कर के मुंडा सिध्धा अदालत विच पेश कर दित्ता। अदालत नें झट्ट ज़मानत लै लई। विरोधी धिर देखदी ही रहि गई।

आपणे वकील नाल मशवरा करन लई मुदई धिर सुरिंदर कुमार दे धक्के चहड़ गई। उस नें पहिलां नोटां दी थही आप लई ते फेर तफ़तीशी नूं दिवाई। गवाहां दे बिआनां विच मामूली जिही रद्दो-बदल करन नाल ही मुकद्दमा तिंन सौ सत्त विच तबदील हो गिआ। पहिलां बंदूक दा मूंह असमान वल्ल सी, फेर मुदई्ई वल्ल कर दित्ता। काबले-ज़मानत जुरम, नां-काबले ज़मानत बण गिआ। महीना जेल्ह दी हवा खा के मुंडे दी ज़मानत होई, उह वी हाई कोरट विचों।

सरकारी वकील जो मरज़ी करे। नाज़र सिंघ नूं कोई सरोकार नहीं। उह लाला जी नूं बुलाए जां दोशीआं दे वारिसां नूं। गवाहां दे बिआन बदले जां दफ़ावां विच घाटा-वाधा करे। बस्स, चलान पास कर देवे।

पर अगले दिन वी पनाला उथे दा उथे सी।

 

नाज़र नूं चलाण गिआरां वजे मिलणा सी। उह दस वजे ही आ धमकिआ।

धोबी दे कुत्ते वांग उह नां घर दा रिहा सी, नां घाट दा। थाणे जांदा तां मुख्ख अफ़सर सूई कुत्ती वांग पैंदा।

“इथे की आंडे दिंनै? उस भड़ूए दे सिर ’ते जा के बैठ।” झिड़क के मुख्ख अफ़सर नाज़र नूं कचहिरी धक्क दिंदा।

कचहिरी आए नूं सरकारी वकील राह नहीं सी दिंदा।

नब्बिआं विचों पचासी दिन लंघ चुक्के सन पर नाज़र नें हाले गोहड़े विचों पूणी वी नहीं सी कत्ती। पहिलां इह सरकारी वकील नुकस कढ्ढेगा। फेर चलान इस तों वड्डे सरकारी वकील कोल जाएगा। उह आपणी अकल दिखाएगा। फेर ज़िल्हा अटारनी नोक-झोक करेगा। इहो सपीड रही तां चलान होर नब्बे दिन गेड़े खांदा रहेगा।

दस वजे सरकारी वकील कचहिरी पेश होइआ-होइआ सी।

गिआरां वजे पता लग्गा उह बार-रूम विच बैठा ताश खेड रिहै। नाज़र नें कई सुनेहे भेजे पर उसदे कंन ’ते जूं नां सरकी।

उथों उठ्ठ के उह सिध्धा खाणा खाण तुर गिआ।

खाणा खा के आइआ तां मुड़ कचहिरी वड़ गिआ।

नाज़र सिंघ लुक्कण-मीटी दा कारन समझदा सी। उह नाज़र दा कंम नहीं सी करना चाहुंदा। जाण-बुझ के टाल रिहा सी।

तिंन कु वजे उह सैणी वकील दे खोखे ’च जा बैठा। नाज़र नूं कुझ राहत महिसूस होई। सैणी लाला जी दे नज़दीकी मित्तरां विचों इक सी। शाइद कोई हेठ-उतांह करन गिआ होवे।

झट्ट कु बाअद नाज़र दी ख़ुशी ग़मी विच बदल गई। खोखे विच खारे सोडे जाण लग्गे। खोखे दा दरवाज़ा बंद हो गिआ। अंदरों कहिकहे सुणाई देण लग्गे।

जदों चार वजे तक कुझ पल्ले नां पिआ तां मजबूर होए नाज़र सिंघ नूं सैणी वकील दे बूहे ’ते दसतक दित्ती।

सुरिंदर नूं जिवें उसे दी उडीक सी। बड़े अदब नाल नाज़र नूं अंदर बुलाइआ गिआ। पहिलां कुरसी पेश कीती गई, फेर जामउस वल्ल वधाइआ गिआ।

नाज़र पीण दे मूड विच नहीं सी। पीण बैठ गिआ तां कंम विचे रहि जाएगा। उस नें गलास परहां खसका दित्ता।

इस तों पहिलां कि नाज़र चलान बारे पुछ्छदा, सैणी नें सुरिंदर नूं हुझ्झ मारी। विसकी वाली बोतल ख़ाली हो गई सी। इह समझाइआ।

“तूं शाम नूं कोठी आ जाईं। आराम नाल बैठ के चलान कढ्ढांगे। हुण तूं इउं कर.....दो विसकी दीआं बोतलां, दो चिकन अते इक किल्लो मछ्छी फड़ लिआ।”

इह चीज़ां लिआउण विच नाज़र नूं कोई इतराज़ नहीं सी। उस नें हुकम अगांह तोर देणा सी। शराब ठेकेदारां कोलों मुफ़त अते मछ्छी अजीत तों। फ़िकर सी तां इस गल्ल दा कि शराबी होइआ सुरिंदर चलाण किवें चैक्क करू।

नाज़र नूं इक वार पहिलां उस नाल बैठण दा मौका मिलिआ सी। अधीए नाल ही उह गुट्ट हो गिआ सी। गुट्ट होए सुरिंदर नूं कोई सुध्ध नहीं सी कि उह किथे बैठा सीअते किस नाल बैठा सी।  पहिलां उह होटल वाले नाल लड़िआ, फेर होटलों  निकल के इउं बक्कारे बुलाउण लग्गा, जिवें कोई अनपहड़ गवार होवे। राह जांदीआं कुड़ीआं नूं अवाज़े कस्सण लग्गा। रिकशे ’च चहड़न लग्गे नें रिकशे वाले दे थप्पड़ जहड़ दित्ता। नाज़र नाल नां हुंदा तां कोई नां कोई उस दी भुगत सवार दिंदा।

नाज़र कोल आपणे पैर ’ते कुहाड़ा मारन तों सिवा कोई चारा नहीं सी।

हुकम दी पालना होई मूंह-हनेरे उह सुरिंदर दी कोठी  गिआ। चलान इक पासे रिहा, उह ख़ुद वी घर नहीं सी पुज्जा। सड़दा बलदा उह वापस मुड़ आइआ ।

अज तीसरे दिन वी कहाणी उथे ही खड़ोती सी।

सरकारी वकील नूं उडीकदा नाज़र आपणे मुख्ख अफ़सर नूं कोसण लग्गा।

लाल सिंघ नूं इस थाणे दा मुख्ख अफ़सर बणिआं तिंन महीने हो गए सन। उस मां दे पुत्तर नें इक वार वी कचहिरी ’च चक्कर नहीं सी मारिआ। सरकारी वकीलां अते जज्जां दे मूंह सुज्जे होए सन। दस-वीह दिनां बाअद जे उह अफ़सरां नूं सलूट मार जावे, फेर किहड़ा उस दा तुरला लहि जावे। छोटे मुलाज़मां नूं सौख हो जावे। हुण डिग्गी खोते तों ग़स्सा घुमिआर ’ते वाली कहाणी बणी पई सी। अफ़सरां तों लाल सिंघ दा कुझ विगाड़ नहीं सी हुंदा। नज़ला नाज़र सिंघ वरगिआं ’ते झड़दा सी।

इस पख्खों पहिला मुख्ख अफ़सर सिआणा सी। हाहड़ी नूं कणक सुटवा देणी। लोहड़ी दीवाली नूं चार-चार बोतलां विसकी दीआं भेज देणीआं। कदे पिंड जाणा होवे तां गड्डी भेज दित्ती। बस्स अफ़सर बाग़ो-बाग़। जिथे मरज़ी अंगूठा लगवा लओ।

लाल सिंघ नूं आखो तां पुठ्ठा पएगा। धौण ’च मुख्ख अफ़सरी दा किल्ला अड़िआ होइऐ। आखेगा।

“तुसीं ख़ुद पहिलां उनहां नूं सिर चहड़ाउंदे हो, फेर पिट्टदे हो। जे चलान चैक्क नहीं करदा तां रोज़नामचे ’च रपट पा दे। कापी डी.ए. नूं भेज दे। लिख दे, पैसे मंगदै। आपे पड़ताल हुंदी रहू साले दी।”

दूजिआं नूं नसीहतां देणीआं सौखीआं सन। आप अमल करना पए, फेर आटे-दाणे दा भाअ पता लग्गे। नाज़र नें हाले नौकरी करनी है, घर नहीं जाणा।

नाज़र नूं आपणे उसताद दी तरसयोग हालत भुल्ली नहीं सी। इसे तरहां चुक्के- चुकाए उसताद नें इक वार इक सरकारी वकील दी शिकाइत कर दित्ती। ज़िल्हा अटारनी नें आपणे सरकारी वकील दी झाड़-झंब कीती जां नहीं, इह किसे नूं नहीं पता, पर उस नें पुलिस कपतान दे कंन ज़रूर भरे सन। उसताद दे लैण-देण दे सारे किस्से साहिब नूं जा सुणाए सन। उसताद नूं जान छुडाउणी औखी हो गईसी। साहिब दे अलग्ग गोडीं हत्थ लाए अते सरकारी वकील दे अलग्ग।

सरकारी वकीलां ’च  उस दी पड़त मारी गई। उह उस नूं दफ़तर नां वड़न दिआ करन। चलान नां पास करिआ करन। इतराज़ ’ते इतराज़ ठोक दिआ करन। अग्गों साहिब नां सुणे। आखिआ करे देख अफ़सरां नाल विगाड़न दा मज़ा।

शिकाइत नाज़र दे मसले दा हल्ल नहीं सी। गल पिआ ढोल उस नूं वजाउणा ही पैणा सी।

अज्ज उह फ़ैसला कर के आइआ सी। जे हाले तक वी चलान चैक्क नां होइआ तां सौ दा इक नोट उस नें सरकारी वकील दे मत्थे मारना सी। इथे सौ नाल खहिड़ा छुट्ट जाणा सी। चलान लेट हो गिआ तां राई दा पहाड़ बण जाणा सी।

सोच समझ के नाज़र नें सौ दा इक नोट बटूए विचों कढ्ढिआ अते साहमणी वाली जेब विच पा लिआ।

नाइब कोरट नूं समझाइआ। जिउं ही सरकारी वकील दफ़तर वड़े, उह झट्ट जूस दा जग्ग भरा लिआए।

अज्ज मिहनत पल्ले पएगी जां नहीं? इस हिसाब ’च गुआचे नाज़र नूं पता नहीं सी लग्गा कदों सुरिंदर कुमार उस दे साहमणे आ बैठा सी।

“किउं अख्ख लग्ग गई?” इको घुट्ट नाल जूस दा अध्धा गलास अंदर सुट्टदे सुरिंदर नें नाज़र दा सुपना तोड़िआ।

“नहीं जनाब.....शाइद ..।” इक हत्थ नाल अख्खां मलदे अते दूजे हत्थ नाल ढिल्ला जिहा सलूट मारदे नाज़र नें आपणे आप नूं संभालिआ।

“चंगा बंदै तुहाडा मुख्ख अफ़सर। केसां दी पैरवाई लई पैरवाई अफ़सर नहीं भेजदा। गवाह धड़ाधड़ मुक्कर रहे हन। होर तां होर पुलिस वाले वी मुकर जांदे हन। माल-मुकद्दमा सही नहीं आउंदा। नां संमन तामील हुंदे हन।” दफतर वड़दिआं ही सरकारी वकील नें थाणेदार दा मनोबल डेगणा शुरू कीता।

पैरवाईअफ़सरभेजदा,माल-मुकद्दमेदाख़िआलरख्खणाजांसंमनतामीलकरवाउणे नाज़र सिंघ दा कंम नहीं सी। इह मुख्ख अफ़सर जाणे जां मुनशी। नाज़र इह जवाब देणा चाहुंदा सी। पर चलान चैक्क होण तक उस नें चुप्प वट्टणी ही बेहतर समझी।

“कोई नी जनाब, अज्ज ही थाणे जा के मुनशी अते तामीली नूं खिच्चदा हां। कल्ल्ह तों सभ ठीक हो जाएगा।

कुझ देर दोहां विच ख़ामोशी छाई रही।

फेर सुरिंदर नें कुझ मिसलां दराज़ विचों कढ्ढीआं अते उलटा-पुलटा के देखण लग्गा।

“मेरा कंम होइआ जनाब?” पहिलां नाज़र नूं लग्गा जिवें सरकारी वकील उसे दी मिसल कढ्ढ रिहा होवे। जदों उस नें कोई होर मिसल चैक्क करनी शुरू कर दित्ती तां मजबूरन नाज़र नूं आपणी हाज़री दा मकसद दस्सणा पिआ।

“किहड़ा कंम?”

“बंटी कतल कांड वाला चलान, जिहड़ा मैं परसों दे गिआ सी?”

“उह? नां तूं आखदा सी, मैं लाला जी नूं भेजांगा। मैं उडीकदा रिहा। नां लाला जी आए नां तूं कुझ कीता।” सुरिंदर कोल इधर-उधर दीआं गल्लां मारन दा समां नहीं सी। उह सिध्धा असल मुद्दे ’ते पुज्जा।

“थोनूं दस्सिआ तां सी.....। दोवें धिरां माड़ीआं नें.....।”

“पर तूं तां नी माड़ा। ज़रूरी नी तुसीं सानूं उसे केस विच फ़ीस देवो जिस विच तुहानूं मिली होवे। बथेरे केस हुंदे नें, जिहड़े तुसीं बाहरो-बाहर डकार जांदे हो। साडेतक नां केस आउंदा, नां पारटी। इहो जिहे केस विच उस कोटे विचों फ़ीस दे दिआ करो।”

“किथे जनाब) डिपटी बड़ा माड़ै। पता नहीं किवें सूह कढ्ढ लैंदै। वीह रुपए वी किसे तों लै लईए, उह वी अगले दिन मेज़ ’ते रखा लैंदै। मसां दिन-कटी करदे हां जनाब) फेर वी आह लओ.....” आखदे नाज़र नें उहो सौ दा नोट कढ्ढिआ जिहड़ा उस नें इसे मकसद लई जेब विच पाइआ सी।

“बस्स)” सौ दा इक नोट देख के सुरिंदर बेइज़्ज़त होइआ महिसूस करन लग्गा।

“बहुत है जनाब। पल्लिओं दे रिहां। कदे फेर भांगा कढ्ढ दिआंगे।” नोट नूं मेज़ ’ते पई किताब हेठ रख्खदिआं नाज़र नें तरला लिआ।

“फेर दी फेर देखी जाऊ। इंने नाल कंम नहीं चल्लणा।” किताब नाज़र वल्ल धक्कदे सुरिंदर नें नराज़गी प्रगटाई।

“तुसीं रख्खो वी। कल्ल्ह वी तिंन-चार सौ लग्ग गिआ सी।” नाज़र सुरिंदर दी सौदेबाज़ी ’ते चिड़न लग्गा। पहिलां कीतीआं वगारां खूह ’च पै चल्लीआं सन।

कल्ल्ह दे ख़रचे दी गल्ल ’ते सुरिंदर कुझ ढिल्ला तां पिआ पर उह इक अध्धा नोट होर बटोरन दी आस नहीं सी छड्ड रिहा।

सुरिंदर नें दराज़ खोल्हिआ ते इक थब्बा होर चलानां दा कढ्ढ के मेज़ ’ते सजा लिआ।

“इह सारे चलान तेरे चलान तों पहिलां दे आए होए नें। जे नंबरवार कढ्ढण लग्गिआ तां तेरी वारी दस दिन नहीं आउणी।”

“पर जनाब, मेरा चलान बहुत ज़रूरी है। पंजां दिनां दे अंदर-अंदर चलान पेश नां होइआ तां मेरी पेटी उतर जू।”

“पचासी दिन मिसल कुछ्छड़ ’च देई फिरदे रहे। पंज दिन रहि गए तां सानूं फाहे चाहड़ दित्ता। आख़िर कतल दा मुकद्दमा है। अख्खर-अख्खर पहड़ना हुंदै।”

“किहड़ा इक कंम सी जनाब। पहिलां मिसल दी लिखा-पहड़ी कीती। दस दिन चंडीगहड़ बैठ के उंगलां दे निशान ते मोलड बदलवाए। मैं तां पहिले दिनों इसे मिसल ’ते हां।” नाज़र दे सबर दा पिआला भर गिआ। उह गुसताख़ी ’ते उतरन लग्गा।

“फेर मैं किहड़ा विहला बैठां। दो कचहिरीआं दा कंम है। सिर खुरकण दी विहल नहीं।”

“तुसीं ठीक फ़ुरमा रहे हो जनाब। कल्ल्ह मीटिंग विच इहो गल्ल चल्ली सी। डिपटी साहिब आखदे सन, ज़िआदा कंम होण करके तुहाथों कंम निब्बड़दा नहीं। उह कहिंदे सन डी.ए. नाल गल्ल कर के तुहाडा भार हलका कराउणगे। मैं वी आख देवांगा, उह जलदी चिठ्ठी लिखण।”

आख़िर नाज़र दे पैरां हेठ बटेरा आ गिआ। नाज़र नूं सिध्धी उंगल नाल घिओ निकलदा नज़र नहीं सी आ रिहा। उस नें दुखदी रग ’ते उंगल रख्खी।

पहिला सरकारी वकील असतीफ़ा दे गिआ सी। उस दी थां किसे नूं नहीं सी लाइआ गिआ। उस दी कचहिरी दा चारज लैण लई इथों दे सरकारी वकीलां विच होड़ लग्गी रही सी। कोई डी.ए. वल्ल घिओ दा पीपा लै के भज्जा सी ते कोई विसकी दी पेटी।

पर बाज़ी सुरिंदर नें जित्ती सी।

इक वार डिपटी नें शिकाइत कर दित्ती तां कचहिरी वी खुस्सणी सी ते बदनामी वी होणी सी।

“डी.ए. डू.ए. नूं लिखण दी की लोड़ आ। लिआ पहिलां तेरा चलान कढ्ढां। दोशीआं दी सच्ची नां किधरे ज़मानत हो जे।”

नाज़र दा तीर सही निशाने ’ते वज्जा। बुड़-बुड़ करदे सरकारी वकील नें मिसल फरोलणी शुरू कीती।

नोट उसे तरहां किताब हेठ पिआ रिहा। नां सुरिंदर नें चुक्किआ ते नां नाज़रने।

¬

 

 

2

कचहिरी छुट्टदी नज़र आउंदिआं ही सुरिंदर कुमार दी होश टिकाणे आ गई।

साऊ जिहा बण के उह आपणी डिऊटी निभाउण लग्गा।

अख्खां मिसल ’ते सन पर ज़िहन डिपटी वल्लों लग्गे दोशां दी घोख कर रिहा सी।

देखिआ जाए तां डिपटी दी गल्ल सच्ची सी। सब-डवीज़न दे छेआं विचों चार थाणे हुण उस कोल सन। थाणे वी इक दूजे तों चहड़दे। अजिहे थाणे जिथे दो-दो चार-चार केस हर रोज़ दरज हुंदे सन। कंम इंना वध गिआ सी कि सुरिंदर नूं सिर खुरकण तक दी विहल नहीं मिलदी। उह इक थाणेदार नूं तोरदा सी, दो होर आ जांदे सन। कदे अंदरली अदालत विच आवाज़ पै गई, कदे बाहरली विच।

इह वाधू ज़िंमेवारी आपणे आप उस दे मोढिआं ’ते नहीं सी आ पई। इस ज़िंमेवारी नूं हथिआउण लई उस नूं कई दिन नठ्ठ-भज्ज करनी पई सी। वज़ीर तों सिफ़ारश वी करवाई सी ते नाल डी.ए. नूं पंज हज़ार दे नोट वी भेट कीते सन। इनहीं दिनीं सूबे विच सरकारी वकीलां दी घाट सी। कई असामीआं ख़ाली पईआं शन। अप्रैल तक इथे किसे नहीं सी आउणा। जिस हिसाब नाल पहिले सरकारी वकील कोल लोकां दी भीड़ लग्गदी सी, उस तों साफ़ ज़ाहर सी कि इंने कु पैसे पहिले महीने ही बण जांदे सन।

वाधू मिली कचहिरी नाल शहिरी थाणा लग्गदा सी। शहिरी थाणे दा सुआद सुरिंदर कुमार कई वार चख्ख चुक्का सी।

बठिंडे उस दी बहुत चहड़त रही सी। इक पासे उस दा लोकां नाल सिध्धा संपरक हो गिआ सी ते दूजे पासे सथानक पुलिस उस दा आखा नहीं सी मोड़ सकदी। थाणे लै जाण वाला कोई नां कोई खड़ा ही रहिंदा सी। कदे डाकटर नें कुंडा खड़का दित्ता, कार दा ऐकसीडैंट हो गिआ, कार छुडाओ। कदे मासटर जी आ गए, गुआंढी नाल लांघे दा रौला पै गिआ। गुआंढी थाणा चहड़ा लिआइऐ, समझौता कराओ। कदे लाला जी जूआ खेडदे फड़े गए, केस तों बचाओ। दारू सिक्का ता असामी सिर उसे समें हो जांदा जदों अगले नाल उह उठ्ठ के तुरदा। अहिसान वाधू दा। पिछ्छों भावें चौथे दिन गड्डी वाले तों गड्डी मंगवा लओ ते राशन वाले तों राशन। कोई मत्थे वट्ट नहीं सी पाउंदा।

रामपुरे उस नूं वड्डीआं-वड्डीआं असामीआं टक्करीआं सन। उनहीं दिनीं गुपते ऐस.डी.ओ. दा चोरी दा सीमिंट फड़िआ गिआ ते गरेवार ओवरसीअर दी लुक्क। जैनीआं दी नूंह सड़ के मरी ते हैड्डमासटर दी कुड़ी निकली। फसीआं धिरां नूं छुडाउण लई उसे नूं अहिम भूमिका निभाउणी पई। दोहां पासिआं तों मोटी फ़ीस उगराही। अध्धी आप रख्खी, अध्धी पुलिस नूं दित्ती।

 

सथानक थाणे दे सरकारी वकील दी वुक्कत ऐम.ऐल.ए. तों घट्ट नहीं हुंदी।

इहो वुक्कत हासल करन लई सुरिंदर नें पैसा पाणी वांग वहाइआ सी।

‘किधरे इह मनहूस बंटी कतल-केस उस दीआं जड़ां विच ही नां बैठ जाए।’ जदोंदी नाज़र नें डिपटी वाली गल्ल सुणाई सी, उदों तों उस नूं इहो फ़िकर खाई जा रिहासी।

उस नूं समझ नहीं सी आउंदी, उह डी.ए. नूं आपणी पिठ्ठ ’ते समझे जां नां? अफ़सर दे किल्ले दे ज़ोर ’ते उह बहड़क मारे जां नां? डिपटी नें जे सच्चमुच्च शिकाइत कर दित्ती, डी.ए. उस दी मंनू जां नां?

जे वगारां दे हिसाब नाल सोचिआ जावे तां डी.ए. सौ फ़ीसदी उस दे नाल सी।

कचहिरी मिली नूं दस दिन वी नहीं सी होए कि उस नें कार दी वगार पा दित्ती, अखे अंम्रितसर विआह जाणै। इक दिन लई आख के गिआ, तिंन दिन वापस नां आइआ। कार इउं वरती जिवें पाणी ’ते चल्लदी होवे। पिशाब करन जाणा तां वी कार विच, टट्टी जाणा तां वी कार विच। पूरे तिंन हज़ार दा बिल्ल चुकाउणा पिआ सी सुरिंदर कुमार नूं।

इह घाटा पूरा नहीं सी होइआ कि नवीं वगार आ पई। इस वार वगार डी.ए. नूं पई सी। पई जां नहीं इह ख़ुदा ही जाणे। उह कहिंदा सी। डाइरैकटर नूं वी.सी.आर. भेजणा। वी.सी.आर. ’ते वीह हज़ार लग्गणा सी। वाधू कंम दे के डी.ए. नें सुरिंदर ’ते जो मिहरबानी कीती सी, हुण भीड़ समें उह उस दा अहिसान चुकाए। पूरा नहीं तां सुरिंदर अध्धा बोझ तां उठाए ही।

वगारां तों तंग आए सुरिंदर दे इक वार मन विच आइआ सी, उह कचहिरी ही वापस कर देवे। पर अफ़सर नूं नराज़ वी तां नहीं सी कीता जा सकदा। उसे दे सहारे उह बहड़कां मारदा सी। मुदई्ई मुलज़म तों लै के हौलदार थाणेदारां तक तों उह ठोक-वजा के पैसे लैंदा सी।

कोई औखा होऊ तां डी.ए. कोल ही शिकाइत करू। जलदी-जलदी उह किसे नूं नेड़े ढुकण नहीं दिंदा। कोई बहुता खहिड़े पै जाए तां दरख़ासत लै के रख्ख लऊ। उधर सुरिंदर नूं इतलाह भेज दऊ। सुरिंदर किसे विचोले नूं विच पा के बंदे नूं पुचकार लैंदा सी।

अदालतां ’च सुरिंदर दी जो दहिशत बणी सी, उह डी.ए. दे सहारे ही बणी सी। सभ नूं पता सी, उह मन-मरज़ी दा पुलिस रिमांड लैंदा सी अते जुरम दा इकबाल करन वाले नूं मरज़ी दी सज़ा कराउंदा सी। हर मुलज़म नूं अदालत विच वड़न तों पहिलां सुरिंदर नूं सलूट मारना पैंदा सी।

मिसल घोख रहे सुरिंदर नूं लग्ग रिहा सी, जिवें सरदारी उस तों सांभी नहीं सी जा रही।

जे सुरिंदर सिआणा हुंदा तां इस केस विच पैसिआं दी झाक नां करदा। चंगा भला पता है कि इस केस विच कढ्ढण-पाउण नूं कख्ख नहीं। जिस अफ़सर नें वी कुताही कीती, उसे नें सज़ा भुगती। पुलिस कपतान तक दा तबादला हो गिआ। सुरिंदर किथों दा पाणीहार सी।

लाला जी दा पोता मरिआ सी। उस दा घर उंझ ही उजड़ गिआ सी। पाले अते मीते नूं सज़ा होण दा लाला जी नूं की लाभ होएगा? लाला जी सरकारी वकील नूं पैसे किउं देण?

मुलज़म विचारे वी नंग सन। वैसे वी निरदोश सन। थोहड़ा जिहा वी दम हुंदा तां केस विच किउं फसदे? होरां वांग पैसे दे के छुट्ट नां गए हुंदे।

बाकी रहि गिआ तफ़तीशी। पल्लिउं ख़रच के कंम कढाउण वाला तफ़तीशी कोई टावां-टल्ला ही हुंदै। नाज़र उहनां टावें-टल्लिआं विचों ही सी। उह तिंन-चार सौ दे हेठ आ चुक्का सी। माड़ी मद्द ’ते रहि के खुल्ल्ह-दिली नाल ख़रच करना उस दी दलेरी दा सबूत सी। नहीं तां सुरिंदर दा तजरबा दस्सदा सी कि माड़ी थां ‘तेताइनातपुलसीआ जेब ‘चों धेला नहीं कढ्ढदा। पुलिस ट्रेनिंग कालज फिलौर विच सुरिंदर नें थाणेदारां दी तरसयोग हालत देखी सी। उहो थाणेदार जिहड़े कार विचों पैर नहीं सन लाहिआ करदे, जदों फ़िलौर लग्गे सन तां तिंन रुपए बचाउण लई बस्स सटैंड तों किल्हे तकतुर के जाइआ करदे सन। उहो हौलदार जिहड़े वधीआ तों वधीआ विसकी नूं वी नक्कमार के पीआ करदे सन, सठ्ठ पैसे दा चाह दा कप्प पीण तों गुरेज़ करिआ करदे सन। इनहीं दिनीं नाज़र दी हालत वी फिलौर दे किल्हे विच लग्गे थाणेदारां वरगी ही सी।

जे सच्चमुच्च पंज दिनां दे अंदर-अंदर चलान पेश नां होइआ तां पुलिस दे नाल- नाल सुरिंदर दी वी शामत आउणी सी। नाज़र नें तां रोज़नामचे विच रपटां पा-पा अते ज़िमनीआं लिख-लिख, आपणे आप नूं बेकसूर सिध्ध कर रख्खिआ होणा है। चलान लेट होण दी सारी ज़िंमेवारी सुरिंदर सिर महड़ी गई होणी है। जे सरकारी वकील चलान चैक्क नां करे तां नाज़र तफ़तीश मुकंमल किवें करे?

इस पख्खों डी.ए. माड़ा सी। मातहितां दा पख्ख नहीं सी पूरदा। लोकांदीआंशिकाइतां ’ते भावें कंन नहीं सी धरदा पर पुलिस अफ़सरां नूं अहिमीअत दिंदा सी। पुलिस कपतान जां डिपटी दी शिकाइत ’ते कारवाई करनी ही होई। जे कोई मुख्ख अफ़सर आख आवे कि सरकारी वकील सहियोग नहीं दिंदा, उह तां वी सरकारी वकील दा थाणा बदल दिंदा सी।

पुलिस अफ़सरां नूं ख़ुश रख्खण विच उस दा आपणा सवारथ सी, उस नूं मसां-मसां इह ज़िल्हा मिलिआ सी। किसे मातहित ख़ातर उह आपणी कुरसी नूं ख़तरे विच किउं पाए? ख़ुश होए पुलिस अफ़सरां तों उह वगारां कराउंदा सी अते आपणी लीडरी चमकाउंदा सी। जणे-खणे नाल उठ के तुर पऊ। थाणे जा वड़ू। हौलदारां नाल बैठ के दारू पीण लग्ग जू। दो घड़ी सुरिंदर कुमार वी थाणे जाणों झिजकदा सी। उह ज़िल्हे दा मालक हो के वी तुर पैंदा सी।

जदों अफ़सरां दा इह हाल होवे तां सुरिंदर वरगे सिआणे अफ़सर नूं समें दी नज़ाकत पछाणनी चाहीदी सी। उस दा फ़रज़ बणदा सी, उह आपणे विरुध्ध उठ्ठण वाले तुफ़ान दा रुख़ समें सिर ही बदल देवे।

हुण भला इसे विच सी कि चलान चैक्क कर के नाज़र नूं ख़ुश कीता जावे।

इह बड़ा गुंझलदार मुकद्दमा सी। सारे केस विच इक वी चशमदीद गवाह नहीं सी। सारा केस हालातां दे आधारत गवाही ते खड़ा सी। केस विचलीआं घटनावां दी तंद नाल तंद इंनी हुशिआरी नाल जोड़नी पैणी सी कि दोशीआं दे कातल नां होण विच शक्क दी रत्ती भर वी गुंजाइश नां रहे।

मिसल नाल गिणती दे काग़ज़ सन। इक ऐम.आई.आर. सी जिहड़ी चार महीना पहिलां लिखी गई सी। उह वी बंटी दे अगवा होण बारे सी। फेर दोशीआं वल्लों फिरौती लई लिखीआं चिठ्ठीआं सन। इक दोशी दी हत्थ-लिखत दे नमूने सन। अगांह हत्थ-लिखतां दे माहिर दी रिपोरट सी, जिस विच उस नें चिठ्ठीआं पाले वल्लों लिखीआं तसदीक कीतीआं सन। पोसट मारटम दी रिपोरट सी। लाश दी बरामदगी वाली थां तों मिले उंगलां दे निशान सन। इक होर माहिर दी रिपोरट सी, जिस अनुसार इह निशान पाले अते मीते दे सन। मौके तों मिली पैड़ दा मोलड सी। फेर माहिर दी रिपोरट सी। ग्रिफ़तारी समें जिहड़ी जुत्ती पाले तों बरामद कराई गईं सी, इह उसे जुत्ती दे पैड़ सी। आख़िर विच दोशीआं वल्लों मैजिसट्रेट साहमणे दित्ता गिआ इकबालीआ बिआन सी।

बच्चे नूं अगवा करन दी साज़िश किथे रची गई? बच्चा किस नें,  किथों चुक्किआ, किथे रख्खिआ? चिठ्ठीआं किथे बैठ के लिखीआं? चिठ्ठीआं किस नें सुट्टीआं? लैटर-पैड किथों आए? बरतन किथों ख़रीदे? बच्चा किथे मारिआ गिआ? लाश इथे कौण सुट्ट के गिआ? कतल लई वरते हथिआर किथों आए? फेर किधर गए? हुण किथे हन? इनहां ज़रूरी गल्लां बारे मिसल ख़ामोश सी।

इक वार सुरिंदर दा दिल कीता, जिस तरहां मिसल आई सी, उसे तरहां अगांह धक्क देवे। उस नूं भाईचारक तौर ’ते वी किसे नें दुआ-सलाम नहीं सी कीती। जदों दोशी बरी हो गए, लाला जी आपे अख्खां ’च घसुंन दे के रोणगे।

इस तरहां सोचदे सुरिंदर नूं अजिहे कई केस चेते आए, जिथे उस नें इसे कारन मुदई्ई धिर दा भठ्ठा बिठाइआ सी।

शहिणे दे साधां वाले कतल केस विच मुदई्ई दे वकील नें मुदई्ई नूं पुठ्ठी पट्टी पहड़ा दित्ती सी। वकील दा सुरिंदर कुमार नाल कमिशन दा रौला सी। कचहिरी दी शरहा अनुसार सुरिंदर उस नूं तीजा हिस्सा देण नूं तिआर सी। उह शरहा दे उलट अध्ध भालदा सी। इह असामी सुरिंदर नें आप ही फसाई सी। उह पैसे फड़न दा अध्ध भालदा सी। खिझे वकील नें असामी टरका दित्ती। अखे इह छोटा सरकारी वकील है। इस नें कुझ नहीं करना। कंम सैशन कोरट दे सरकारी वकील नें करनै। इस तों वाधू ’च धौड़ी किउं लुहाई जाए?

अगांह सुरिंदर वी सत्तां पत्तणां दा तारू सी। मुलज़मां नूं बरी कराउण दा नुकता उह पहिलां ही लभ्भी बैठा सी।

रपट विच दरज सी कि मरन वाले नूं मोटी सब्बल नाल कुट्ट-कुट्ट के मारिआ गिऐ। चशमदीद गवाह वी इसे तत्थ दी ताईद करदे सन।

पोसट-मारटम दी रिपोरट कहाणी नूं उलटा रही सी। रिपोरट आखदी सी कि मौत गला घुट्टण नाल होई सी। मरन वाले दे सट्टां लग्गीआं ज़रूर सन पर उह मामूलीसन।

दोशीआं नूं सज़ा तां हुंदी जे चशमदीद गवाहां दी गवाही अते डाकटर दी  रिपोरट विच इक-सुरता हुंदी।

इसे नुकस नूं ताड़ के सुरिंदर नें मुदई्ईआं नूं बुलाइआ। उस नें दो हफ़ते मिसल दब्बी रख्खी। जे मुदई्ई गल्ल करदे तां उह डाकटर तों रिपोरट बदलवा दिंदा। वकील दे हत्थ ’ते चहड़ के मुदई्ई जदों दड़ वट्ट गए तां सुरिंदर वी सौं गिआ। उस नें तफ़तीशी तक नूं इलम नां होण दित्ता कि डाकटर दी रिपोरट विच इंनी घपलेबाज़ी है।

भावें दोशीआं कोलों वी उस नूं कुझ नहीं सी मिलिआ, पर मुदई्ईआं नूं झोटीआं चुंघा के उस नूं बोतल वरगा नशा होइआ सी।

कोई साधारन केस हुंदा तां सुरिंदर इसे तरहां करदा पर इह अहिम केस सी। मिसल कई वार मख्ख मंतरी दे दफ़तर दे चक्कर कट्ट आई सी। पता नहीं किंने वार होर जाणी सी। सुरिंदर दी कोई वी अणगहिली ख़तरनाक सिध्ध हो सकदी सी। सुरिंदर साहमणे खड़ी बिल्ली नूं देख कबूतर वांग अख्खां मीच के ख़तरे नूं टाल देण दा भरम नहीं सी पाल सकदा।

उस नूं आपणी काबलीअत दा सबूत देण दा मौका मिलिआ सी। उस नूं मिसल इस ढंग नाल तिआर करनी चाहीदी सी कि उपरले अफ़सर अश-अश कर उठ्ठण।

मन इकागर कर के सुरिंदर नें मिसल दा अख्खर-अख्खर पहड़िआ। बिआनां नाल बिआन मिलाए। फेर बिआनां नाल माहिरां दीआं रिपोरटां मिलाईआं। उंगलां दे निशानां, हत्थ-लिखतां अते माहिरां दीआं रावां दा मिलान कीता।

इथों तक सभ ठीक सी।  पर जे घटना दी कड़ी नाल कड़ी नां जोड़ी गई तां इहनां सबूतां दे आधार ’ते दोशीआं ’ते चारज तक नहीं सी लग्गणा।

कुझ राशी जेब ’च पई हुंदी तां सुरिंदर दे दिमाग़ नें कंपिऊटर वांग हल्ल ’ते हल्ल लभ्भणा सी। मुफ़त विच पैन्न खोल्हण नूं दिल नहीं सी करदा, दिमाग़ खुल्ल्हण दी गल्ल दूर सी।

महीने दा आख़री हफ़ता चल्ल रिहा सी। इनहां दिनां विच उस दा हत्थ तंग रहिंदा सी। तनख़ाह वाले तिंन हज़ार पहिली तारीख़ नूं ही मुक्क जांदे सन। हज़ार कोठी वाला लै जांदा सी, सत्त सौ करिआने वाला, पंज सौ दुध्ध वाला अते चार सौ टिऊशनां वाला। बाकी बचदे पैसे धोबी, मोची अते जमांदार लै जांदे सन। महीने दे बाकी उनत्ती दिन लंघाउण लई सुरिंदर नूं वकीलां अते थाणेदारां दे हत्थां वल्ल देखणा पैंदा सी।

पंज-चार सौ मिल जांदा तां हत्थ सुखाला हो जांदा।  पर मजबूरी सी। सबर दा घट्ट भरना ही पैणा सी।

कलपना शकती नूं तेज़ करन लई सुरिंदर नें सिगरट सुलघाई। नाले उह लंबे-लंबे कश मारदा रिहा, नाले उलझी ताणी दीआं तंदां सुलझाउंदा रिहा।

“नाज़र सिंआं, मैनूं तां केस ’च कख्ख नज़र नी आउंदा। सच्च-सच्च दस्स, केस नूं सिरे चहड़ाउणै जां नहीं?”

“की आखदे हो जनाब? हर तफ़तीशी चाहुंदै उस दा केस कामयाब होवे। इस केस ’च तां तरक्की मिलण दे चांस नें।”

“फेर सुण) सबूत घड़न लई झूठे-सच्चे गवाहां दी कतार खड़ी कर, फेर कंम बणू।”

“जिवें आखोगे, कर लवांगा जनाब।”

 

 

“चंगा नां हुंदा जे इक दोशी दी ग्रिफ़तारी होर पा लई जांदी। सी.बी.आई. वाले इसे तरहां करदे हन। जदों केस माड़ा होवे तां आपणा कोई ख़ास बंदा पहिलां दोशी बणा लैंदे हन, फेर वाअदा-मुआफ़ गवाह। उसे गवाह दे सिर ’ते बाकी दोशी सज़ा खा जांदे हन।”

“उस समें की पता सी जनाब। ऊईं राई दा पहाड़ बण गिआ। असीं सोचिआ सी, दोशीआं दी ग्रिफ़तारी नाल लोकां दा रोह ठंढा पै जाऊ। फेर दोशी सज़ा होण जां बरी, सानूं की?

“हूं.....।” आखदा सुरिंदर कहाणी घड़न विच मगन रिहा।

“जो होणा सी, हो गिआ। हुण इसे तरहां बेड़ी बंने लाओ।”

कुझ देर उडीक के नाज़र नें चप्प बैठे सुरिंदर दा मुड़ धिआन खिच्चिआ।

“उहो सोच रिहां.....। इंझ करीए, कहाणी साज़िश तों शुरू करीए। चाह-दुध्ध दी दुकान वाला कोई अजिहा गवाह खड़ा कर, जिहड़ा आखे कि पाले अते मीते नें उस दी दुकान विच बैठ के साज़िश घड़ी सी। इस केस विच साज़िश साबत करनी बहुत ज़रूरी है।”

“फेर लभ्भ कोई रेहड़ी वाला। उस नूं बंटी दे सकूल अग्गे रिओड़ी गच्चक दी रेहड़ी लाउंदा दिखा। उह बंटी अते दोशीआं दा जाणू होवे। उह आखे_पहिलां बंटी दा दादा उस नूं सकूल छड्ड के जांदा सी अते लै के वी आउंदा सी। घटना वाले दिन दादे दी थां पाला अते मीता उस नूं लैण आए सन। अध्धी छुट्टी वेले उनहां ख़ुद वी गच्चक खाधी अते बंटी नूं वी खवाई। पिछ्छों तिंने इक रिकशे ’ते बैठ के चले गए।”

“फेर लोड़ पएगी किसे रिकशे वाले दी। उह आखेगा, उह दसां सालां तों रिकशा चलाउंदा है। अगवा वाले दिन पाले अते मीते नें उस दा रिकशा लिआ सी। उनहां नाल बंटी वी सी। उह तिंनां नूं धानकिआं दी बसती उतार आइआ सी। इस तरहां अगवा करन दा दोश साबत होएगा। समझिआ?”

“जी जनाब)” मूंह ‘’च उंगल पाई बैठे नाज़र नें हुंगारा भरिआ।

“अगांह कोई अजिही बुढ्ढी फड़ो जिहड़ी इकल्ली रहिंदी होवे, जिस दा नां अग्गा होवे नां पिछ्छा। उह आखेगी दोशी, बच्चे नूं अगवा कर के पहिलां उस दे घर लै आए।चाकू दिखा के उनहां बुढ्ढी नूं डराइआ-धमकाइआ। रौला पाउण तों वरजिआ। सबर दाघुट्ट भरी उह सभ कुझ सहिंदी रही। बंटी नूं कुझ दिन उस दे घर रख्खिआ दिखाओ। इहवी लिखो कि बच्चे लई खाण-पीण वालीआं चीज़ां उह नाल दी दुकान तों लिआउंदी रही।

“बुढ्ढी वल्लों टाफ़ीआं, बिसकुट ख़रीदण दी तसदीक किसे अजिहे दुकानदार तों कराओ, जिहड़ा उसे बसती विच दुकान करदा होवे।”

“कतल वाली रात उह बुढ्ढी नूं बिनां कुझ दस्से बच्चा उथों लै गए। बुढ्ढी पुलिस नूं इतलाह देणा चाहुंदी सी पर डर कारन चुप्प रही। दोशीआं दे फड़े जाण ’ते तुरंत उस नें बिआन कलमबंद करवा दित्ता। इस तरहां करन लाल बिआन लिखण विच होई देरी कवर हो जाएगी।”

“बुढ्ढी अते दुकानदार दे बिआन बच्चे दी ग़ैर-कानूंनी हिरासत साबत करनगे। ठीक है?”

“बिलकुल ठीक)”  नाज़र नें इउं हुंगारा भरिआ, जिवें नानी तों कहाणी सुणदा कोई बच्चा हुंगारा भरदा है।

“इक सब्बल वी बरामद कराओ। सब्बल ’ते ख़ून दे धब्बे होण। बुढ्ढी तों सब्बल दी शनाख़त कराओ। इस दा भला की फ़ाइदा होएगा?”

“कतल होणा साबत होएगा।”

“शाबाश।”

“हसपताल दे चौकीदार अते मुहल्ले दे पहिरेदार नूं थापी दिओ। पहिरेदार आखेगा_उस ले लाश दी बरामदगी वाली रात दोशीआं नूं शक्की हालत विच हसपताल वल्ल जांदे देखिआ सी। उनहां विचों इक कोल बोरी सी। बोरी विच कोई चीज़ सी। पहिरेदार नें उनहां नूं रोकिआ ज़रूर पर बोरी दी तलाशी नहीं सी लई। बोरी सणे उह हसपताल वल्ल चले गए।”

“चौकीदार उनहां नूं हसपतालों बाहर निकलदे ख़ाली हत्थ दिखाएगा। उस दी दोशीआं नाल हत्थोपाई होई। हत्थोपाई ’च इक दा बटूआ गिर गिआ। बटूए विच पाले दी फ़ोटो सी। दूजे दी पग्ग डिग्ग पई। पग्ग ’ते ललारी दी निशानी सी। किसे ललारी दा बिआन लिखो कि पग्ग मीते दी सी।”

“इस तरहां पाले अते मीते दी शनाख़त वी हो जाएगी अते उनहां वल्लों लाश दा हसपताल विच सुट्टे जाणा वी साबत हो जाएगा।” उतेजित होए थाणेदार नें सरकारी वकील दे पछ्छण तों पहिलां ही बिआनां दा मकसद दस्स दित्ता।

“बरामदगी समें लाश नंगी सी। इस नुकते दा फ़ाइदा उठाओ। लाला जी कोलों बंटी दी इक वरदी हासल करो। उस ’ते ख़ून दे धब्बे लाओ। फेर वरदी नूं किसे दोशी दी निशानदेही ’ते बरामद करो।”

“जे लाला जी सहिमत होण तां उनहां दी मदद नाल किसे प्रिंटिंग प्रैस वाले दा बिआन लिखो। उह साबत करे कि दोशीआं नें डरा-धमका के उस तों लैटर-पैड छपवाइआ सी।”

“किसे भांडिआं वाले राहीं दोशीआं नूं टोपीए दी सेल होई दिखाओ।”

“इंना कुझ करोगे तां केस सिरे चहड़ेगा।’

सुरिंदर दी तजवीज़ तां ठीक सी पर इस नूं सिरे चाहड़ना इंना आसान नहींसी।

नाज़र साहमणे पहिली दिक्कत इह सी कि झूठे गवाहां दी लिसट बहुत लंबी सी। किसे जट्ट दा केस हुंदा तां उस नें सारे रिशतेदारां नूं बतौर गवाह पेश कर देणा सी। लाला जी तों इह आस नहीं सी रख्खी जा सकदी।

इस विशे ’ते लाला जी नाल गल्ल करन विच नाज़र नूं घाटा रहिणा सी। जे  लाला जी नूं पता लग्ग गिआ कि पुलिस मनघड़त कहाणी घड़ रही है तां उह सच्चा बिआन देणों वी मुक्कर सकदा सी।

रेहड़ी, रिकशे वालिआं पिछ्छे कौण फिरेगा? थाणे विच पक्के गवाहां दी लंबी-चौड़ी लिसट मौजूद सी। गवाह वी इक-दूजे तों चहड़दा, चशमदीद गवाहां नालों वधीआ गवाही देण वाला। नाज़र नें मन बणा लिआ, उनहां विचों ही उह किसे नूं रेहड़ी वाला अते किसे नूं रिकशे वाला बणाएगा। माली, पहिरेदार जां चौकीदार तों पुछ्छण दी ज़रूरत नहीं सी। उनहां दे आपे मरज़ी दे बिआन लिख देवेगा। जदों उह गवाही देण आए, घुरकी मार के मना लएगा।

दिक्कत आउणी सी तां प्रैस जां भांडिआं वालिआं वल्लों। उनहां दी थां टाऊट फिट नहीं होणे। इस बारे उह युवा संघ वाले राम सरूप अते दरशन नाल गल्ल करेगा। उह ज़रूर बंदे लभ्भ देणगे। नाज़र उनहां नूं समझा देवेगा। इनसाफ़ प्रापत करन लई कदे झूठ बोलणा पए तां उह वी सच्च वरगा हुंदै।

इह राड़ा-बीड़ा नाज़र नें कर लैणा सी, पर मैजिसट्रेट कोलों इकबालीआ बिआन तबदील कराउणे उस दे वस्स दा नहीं सी।

सुरिंदर नूं नाज़र दी नादानी ’ते हासा आइआ। जज्ज कोलों बिआन बदलाउणा किहड़ा वड्डा कंम सी।

जे केस सुरिंदर कुमार वाले जज्ज कोल हुंदा तां उह मिंटीं-सकिंटीं बिआन बदलवा दिंदा। आपणे जज्ज नाल उस दी बुक्कल सांझी सी। बड़ा भलामाणस जज्ज सी। पहिले दिन ही सुरिंदर कुमार नूं रिटाइरिंग रूम विच बुला के उस नें समझा दित्ता सी।

“जिहड़ा दोशी मैं बरी करना होऊ तैनूं दस्स के करूं। जिहड़ा तूं कराउणा होऊ मैनूं दस्स देईं। जिहड़े दोशी बरी कराउणे होण, उनहां दे बिआन रीडर कोल लिखाइआ कर। सज़ा वाले सटैनो कोल। मैं वी इसे तरहां करां तां झट्ट समझ जाइआ कर मेरा मन किधर है।”

बस्स उसे दिन तों उनहां दी बहुत वधीआ निभ रही सी।

दूजे  जज्ज नाल हाले सुरिंदर दी सीटी नहीं सी रली। सीटी उह कदों दा रला लैंदा पर पैसे देण वाली कोई असामी नहीं सी आई।

उंझ सुरिंदर नूं पता सी, इह जज्ज वी उस दे जज्ज वरगा ही सी, सगों दो चंदे वध्ध सी। हेरा-फेरी वाले केस विच इह ख़ुद बिआन लिखदा सी। बिआन लिखदा-लिखदा उहो गल्लां लिखदा जिहड़ीआं धिर दे हक्क विच  हंदीआं। विरुध्ध जांदे नुकते छड्ड जांदा सी। जज्ज दे लिखे बिआनां ’ते कोई शक्क वी नहीं कर सकदा। सुपरीम कोरट तक्क उनहां नूं ठीक मंनिआ जांदै। बिआनां विच फ़रक पा के उह पारटी नूं जिता दिंदै।

सुरिंदर दिलों चाहे तां इस जज्ज तों वी कंम करवा सकदै।  पर उह वाधू ’च अहिसान किउं करवाए? कल्ल्ह नूं निउंदे विच जज्ज दे कंम करने पैणगे। जिस दीआं अख्खां दुखणगीआं, आपे दवाई पाएगा। जज्ज नूं धिजाउणा तफ़तीशी दा कंम सी, सरकारी वकील दा नहीं।

नाज़र वी इसे तरहां सोच रिहा सी।

इह ज़िंमेवारी मुख्ख अफ़सर दी सी। उह आपे कंम करवाए। मिंनत तरला कर के नाज़र नें जे कंम करवा लिआ, मैजिसट्रेट नें तां अहिसान उस ’ते करनै। लग्गदे हत्थ कोई वगार पा देणी है। नाज़र किस दी मां नूं मासी आखेगा।

कंम औखा  सी।  मुख्ख अफ़सर दे आखे वी नहीं सी होणा।  कंम डिपटी राहीं होणा चाहीदा सी। डिपटी दी मैजिसट्रेट नाल पूरी बणदी सी। उह मैजिसट्रेट दी कलम फड़ के कंम करवा सकदा सी।

कालेके वाले पुलिस मुकाबले दे सारे गवाह मुक्कर गए सन। दोशीआं तों छित्तर खाण वाला हौलदार अते झग्गा पड़वाउण वाला सिपाही वी पैरां सिर नहीं सी खड़ो सके। जदों डिपटी नूं भिणक पई कि दोशी बरी होण वाले हन, उह झट्ट जज्ज दे रिटाइरिंग रूम विच आ बैठा। जे इह बदमाश बरी हो गए तां पुलिस दा वकार ख़तम हो जू। जणा-खणा उठ्ठ के अफ़सरां नूं हत्थ पा लऊ। ओना चिर डिपटी धरना लाई बैठा रिहा, जिंना चिर जज्ज नें तिंन-तिंन साल दी कैद नां सुणा दित्ती।

पिछले महीने अमरीका तों इक मुंडा पंजाब आइआ सी। चाअ-चाअ ’च उस नें चाचे दी बंदूक गल ’च पा लई अते लग्गा रिशतेदारीआं ’च गेड़े देण। उस विचारे नूं की पता सी इनहीं दिनीं पंजाब विच माड़ी-माड़ी गल्ल ’ते पाबंदी लग्गी होई सी। हुण पहिलां वरगीआं खुल्ल्हां थोहड़ा सन।

इक नाके ’ते पुलिस नें उस नूं घेर लिआ।

नाजाइज़ असला कबज़े ’च रख्खण दा परचा दरज करन दी तिआरी कर लई।

मुंडा गिड़गिड़ाइआ। उह खांदे-पींदे घर दा पुत्त सी। अमरीका विच इंजीनीअर सी, परचा दरज होण नाल उस दा कैरीअर तबाह हो जाणा सी। चंगे घर दा पुत्त सी, अमरीका तों आइआ सी, इह होर वी वधीआ गल्ल सी। चंगे पैसे बणनगे। पुलिस सिर हो गई।

अमरीका तों लिआंदे सारे डालर लै के पुलिस नें उस दा फ़ाइदा करना शुरू कीता। मुंडे दे चाचे नूं पिंडों बुलाइआ गिआ।  उस नूं कार दी पिछली सीट ’ते बैठा दिखाइआ गिआ। इंझ मुंडे नूं दहिशतगरदी कानूंन दीआं धारावां तों बचाइआ गिआ। पिछ्छे रहि गिआ मामूली जिहा जुरम। धारा इक सौ अठासी।

चार कु घंटे मुलज़म बण के थाणे बैठण नाल मुंडे दा मन पंजाबों उकता गिआ। उह दो महीनिआं दी छुट्टी विचे छड्ड के अमरीका मुड़न दी तलब करन लग्गा। रात नूं बड़ाअ-बड़ाअ उठ्ठण लग्गा। इथों दी पुलिस दा की वसाह, उस नूं किसे कतल केस विच उलझा देवे।

जिंना चिर केस चल्लणा सी, उह देशों बाहर नहीं सी जा सकदा। इह सुण के मुंडे नूं होर घबराहट हो गई। इह हिंदुसतान है, इथे छोटे तों छोटे केस नूं मुक्कण विच दस-दस वरेहे लग्ग जांदे हन। इक वार उस दा खहिड़ा छुट्टे, मुड़ उह इस सूबे विच  तां की, इस देश विच पैर नहीं पाएगा।

मुंडे दे मानसिक संतुलन नूं देखदिआं मापिआं नें डिपटी नाल राबता काइम कीता। मुंडे दे सुख्खी-सांदी अमरीका मुड़न दा उनहां मुल्ल चुकाइआ। पैसे लै के डिपटी  नें सौखा राह सुझाइआ। मुंडा जुरम दा इकबाल करे। उह जज्ज नूं आख के वारनिंग करवा देवेगा। मिसल वी खुरद-बुरद करवा देवेगा। मुंडे दा रिकारड पहिलां वांग साफ़-सुथरा रहेगा।

जिंना चिर कंम सिरे नां चहड़िआ, डिपटी ख़ुद मिसल कुछ्छड़ ’च देई फिरदा रिहा। उह सुरिंदर कोल वी आइआ सी।

“इह मेरा रिशतेदार है। कंम तुसीं करना ही है। आह लओ) सकूटर ’च तेल पवा लिओ।” आखदे डिपटी नें मल्लो-मल्ली पंज सौ रुपिआ उस दी जेब ’च पा दित्तासी।

डौर-भौर होइआ सुरिंदर नांह नहीं सी कर सकिआ।

जज्ज नाल वी गिट्टमिट्ट उसे नें दी कीती सी।

जिंना चिर मुंडा अमरीका नां पुज्ज गिआ, मिसल जज्ज दी कोठी पई रही। फ़ैसला वी पिछ्छों लिखवाइआ गिआ। कोई मुंडे विरध्ध शिकाइत कर सके, इस दा किसे नूं मौका ही नां दित्ता गिआ।

जिहड़ा डिपटी जज्ज तों मरज़ी दे फ़ैसले करवा सकदा होवे, उस लई बिआनां विच घाट-वाध कराउणा खब्बे हत्थ दी खेड सी। फेर इह किहड़ा किसे दा निज्जी कंम सी। अजिहे केसां विच दिलचसपी लैणा डिपटी दा फ़रज़ सी।

सुरिंदर दीआं गल्लां नें नाज़र दा मन मोह लिआ। उह ऐवें सुरिंदर नाल नराज़ होइआ फिरदा सी। इह बंदा कंम दा वी सी अते दिमाग़ी वी।

ख़ुशी दी लोर ’च आए तफ़तीशी नें काग़ज़ समेट के बैग विच पाए। बटूए विचों सौ दा इक होर नोट कढ्ढिआ, पहिले नाल रलाइआ। फेर दोवें नोट सुरिंदर कुमार वल्ल वधा दित्ते।

“कोई नी रहिण दे.....इहो राइ मैं किसे प्राईवेट पारटी नूं दित्ती हुंदी तां पंज हज़ार लिआ हुंदा। सरकार देख लै मुफ़त ’च दिमाग़ खाई जांदी ऐ”, आखदे सुरिंदर नें नोटां नूं नाज़र वल्ल खिसकाउण दा नाटक कीता।

“तुसीं हुण शरमिंदा नां करो। मैं बहुत ख़रची बैठां। हाले उपर वी ख़रच होणै।” नाज़र सिंघ सुरिंदर वल्ल इउं झुकिआ जिवें गोडीं हत्थ लाउणे होण।

“चंगा इउं कर। किसे कंटीन वाले दा बिल्ल दिवा दे। थोडे अग्गे-पिछ्छे बथेरे फिरदे नें ख़रच करन वाले।

जदों नाज़र नें सुरिंदर दी जेब विच नोट पा दित्ते तां उस नें गरम होए तवे ’ते इक होर रोटी सेकणी शुरू कीती।

“आह लओ) तुसीं आपे ही दे दिउ।” आखदे नाज़र नें पंजाह दा इक होर नोट उुस वल्ल वधाइआ।

हुण दोवें ख़ुश सन।

नाज़र इस लई कि उस दा पंजाह विच ही खहिड़ा छुट्ट गिआ। बिल्ल पता नहीं तिंन सौ दा सी जां पंज सौ दा।

सुरिंदर इस लई कि इक तां नाज़र ख़ुश हो गिआ। हुण शिकाइत दी संभावना नहीं सी रही, दूजा इस लई कि जांदे चोर दी लंगोटी वांग उस नें बिल्ल दे बहाने पंजाह दा इक होर नोट मांज लिआ सी।

¬

 

 

3

अहिलकारां दे दफ़तर पुज्जण दा समां साढे नौं वजे दा सी। आम दफ़तरांतोंउलट इथों दे मुलाज़म नौं वजे तों पहिलां ही कुरसीआं मल्ल लैंदे सन। ‘जिंना कोई पहिलां आएगा, ओनी वध्ध कदर करवाएगा।’ इथों दे मुलाज़मां दी इहो धारना सी।

मेजर सिंघ अहिलमद्द नौं वजे पुज्जण वाले अहिलकारां विचों मोहरी हुंदी सी।

अज्ज नाज़र सिंघ उस तों वी काहला निकलिआ। उह मेजर तों वी पहिलां कुरसी सांभी बैठा सी।

नाज़र सिंघ दे हत्थ विच मोटी सारी मिसल देख के मेजर सिंघ दा चिहरा गुलाब वांग खिड़ उठिआ।

मेजर सिंघ नूं झट्ट याद आइआ, अज्ज बंटी कतल केस पेश करन दी आख़री तारीख़ सी। कतल केस अते उह वी आख़री दिन। मतलब सी नीले नोट दे दरशन होण ही वाले सन।

इसे चलान नें पहिलां मेजर दे हत्थां विच खेलणा सी। उस नें इस केस दी ऐफ़.आई.आर., रिमांड पेपर, ज़मानत-नामे अते अरज़ीआं-पत्तर मिसल नाल नत्थी करने सन, नाल दी नाल उस नें चलान दी घोख करनी सी। पुलिस नें जिंने काग़ज़ मिसल नाल नत्थी होणा लिखे सन, की उह मिसल नाल नत्थी सन? जे सन तां की उह ठीक ठाक सन? जिंना चिर अहिलमद्द हरी झंडी नहीं दिंदा, जज्ज चलान सवीकार नहीं कर सकदा।

इस हरी झंडी लई मेजर दी फ़ीस निशचित सी। जे काग़ज़ पूरे होण तां साधारन केस दी फ़ीस वीह रुपए अते सैशन सपुरद होण वाले केस दे पंजाह। तफ़तीशी नें किहड़ा पल्लिउं देणे सन। नाल आए मुदई्ई, मुलज़म नूं इशारा करना सी। चलान आख़रीदिन पेश करना होवे तां ऐमरजैंसी फ़ीस लग्गदी सी जो साधारन नालों दुग्गणी हुंदी सी।

मेजर सिंघ नूं पता सी नाज़र सिंघ ताबेदार सी। दस दी थां वीह दिवाउण वाला।

इसे लई उस नें नाज़र सिंघ दा खिड़े मत्थे सवागत कीता सी।

नाज़र सिंघ नें वी खड़ा हो के मेजर नूं कुरसी भेट कीती सी हालांकि थाणेदार लई अहिलमद्द दे सवागत विच खड़ा होणा ज़रूरी  नहीं सी।

“आ बई नाज़र सिंआं। किसे भीड़ ’च फसिआ लग्गदैं, जिहड़ा तड़के ही बूहा आ मल्लिआ।” लंच बाकस नूं मेज़ दी दराज ’च रख्खदिआं अते आपणी कुरसी ’ते बैठदिआं मेजर सिंघ नें नाज़र सिंघ नूं टुणकाइआ।

“हां छोटे वीर, अज्ज बंटी कतल केस दा फाहा वढ्ढणै।” हत्थले काग़ज़ां नूं ठीक करदे थाणेदार नें नाले आपणे आउण दा मकसद दस्सिआ, नाले रमज़ नाल समझाइआ,  इह वाधू अते वगारी केस है, इस विच उह बहुती आस नां रख्खे।

मेजर उस दी रमज़ समझ गिआ। आपणे आप नूं रुझ्झिआ दरसाउण लई उह बिनां मतलब मिसलां इधर-उधर करन लग्गा। कदे मिसल नाल संमन नत्थी कर दित्ते,’ कदे किसे नालों लाह लए।

असामीआं दे आउण दा वकत सी। मेजर सिंघ चाहुंदा सी नाज़र सिंघ कंम दी गल्ल करे ते जाए। कई डरपोक असामीआं नें कोल बैठे थाणेदार नूं देख के टल जाणा सी। अरदली कचहिरी पुज्ज चुक्का सी। उस नें असामी अड़ा लई तां विचों अध्ध मार जाणा सी।

थाणेदार नूं वी काहल सी। उह मेजर दे विहले होण नूं उडीक रिहा सी। बोहणी समें उह आपणा रंडी-रोणा लै के नहीं सी बैठणा चाहुंदा।

“चाह पीएंगां जां ठंढा? आपणा अरदली कित्थे है?” माण-ताण लई थाणेदार नें अहिलमद्द तों पुछ्छिआ।

“नहीं) किसे चीज़ दी ज़रूरत नहीं। हुणे रोटीआं झंम के आइआं।” नाज़र दे हत्थ फड़ी मिसल वल्ल तक्क के उह फेर कंम विच रुझ्झ गिआ।

‘मैं किउं आखां? अक्क-थक्क के आपे फ़ीस कढ्ढेगा।’ सोचदे मेजर नें उनहां केसां दी लिसट तिआर करनी शुरू कर दित्ती, जिनहां विच अज्ज दोशीआं नूं पेश कीता जाणा सी जां उनहां दे चलानां नूं। उस दा धिआन उनहां केसां वल्ल ज़िआदा सी, जिनहां विच हाले तक्क कोई वकील पेश नहीं सी होइआ। दूजे नंबर ’ते उह केस सन, जिनहां दा वकील नवां सी जां अनाड़ी। अजिहे वकील किवें नां किवें इक वार वकालतनामा ला लैंदे हन पर उनहां तों बहुता चिर टिकिआ नहीं जांदा। जिउं ही दोशी नूं कचहिरी दे ज़ाबते दी समझ आउंदी है, उह झट्ट वकील बदल लैंदा है। मेजर नें अजिहीआं संभावनावां दा पता लाउणा सी।

इस शहिर विच फ़ौजदारी दे वकील बहुत थोहड़े सन, जिहड़े सन उनहां सभनां नाल मेजर दा राबता सी। उह सारिआ नूं ही अजिहे केसां दे नां-पते नोट करवा आउंदा सी। मुरगी नें किसे नां किसे कोल फसणा ही हुंदै। जिस कोल वी फस गई, उस कोलों मेजर दा हिस्सा पक्का।

लिसट तिआर कर के मेजर जिउं ही उठ्ठण लग्गा, थाणेदार नें उस नूं रोक लिआ।

मिसल अहिलमद्द दी मेज़ ’ते रख्खण तों पहिलां उस नें इक नोट जेब विचों कढ्ढिआ अते तहि कर के मेजर दी मुठ्ठी विच दे दित्ता।

पहिले हल्ले मेजर नें कोई उज़र नां कीता। ख़िआल सी, सौ दा नोट ही होएगा।

फेर ओपरी जिही नज़र नाल उस नें नोट घोखिआ। इह तां वीहां दा सी। उस दे सत्तीं कप्पड़ीं अग्ग लग्ग गई। थाणेदार नें अहिलमद्द दा मज़ाक उडाइआ सी।

“आह नोट आपणे कोल संभाल के रख्ख। कतल केस ’च सारे वीह रुपए?”

नोट नूं मुड़ थाणेदार दी मुठ्ठ ’च थमाउंदे मेजर नें उज़र कीता।

“ठीक है छोटे भाई। तैनूं पता तां है, मैं ढाई महीने तों थाणे नहीं वड़िआ। मुदई ख़रच करदे हुंदे नें जां मुलाज़म। इथे मैं ही सभ कुझ हां। नोट पल्लिउं दे रिहां, माण-ताण वजों, फ़ीस दे तौर ’ते नहीं।” रोण-हाके होए नाज़र दी आवाज़ विच तरला सी।

हाथी नाज़र नें कढ्ढ लिआ सी, पूछ बाकी सी। किवें नां किवें इक वार चलान पेश होवे ते खहिड़ा छुट्टे।

“जिथे होर ख़रच हो गिआ होर सही। कढ्ढ इक नीला नोट ते देख मेजर दे हत्थ। घंटे ’च फ़ारग़ नां कीता तां तूं वी की समझेंगा।” सवेर दा समां होण करके मेजर मूड ख़राब करन दे रौं विच नहीं सी। उह समझौते दी नीअत नाल बोलिआ।

“मैं कदे किसे दा हक्क नहीं रख्खिआ। जदों असामी हत्थ विच होवे तां दो दी थां चार दिवाउंदां। शराब दे इकबाल वाले केस विच तैनूं दस दी थां पंजाह नहीं सी दिवाए? बोतल अलग्ग।”

कुझ दिन पहिलां नाज़र सिंघ कोल इक चंगी असामी फस गई सी, दस दी थां नाज़र नें इस नूं पंजाह दिवा दित्ते। सोचिआ सी दानी दान करे तां भंडारी दा ढिड्ड किउं दुखे? अहिसान हेठां दब्बिआ अहिलमद्द कदे कंम आएगा। नाज़र सिंघ मेजर नूं नाले उस मिहरबानी दी याद दिवा रिहा सी, नाले पछता रिहा सी। मुख्ख अफ़सर सच्च आखदा सी। पहिलां वध्ध पैसे दिवा के इनहां नूं सिर चहड़ा लईदा है। जदों लहू मूंह लग्ग जांदा है तां इह आपणिआं नूं ही बुरक मारन लग्गदे हन। चंगा हुंदा जे नाज़र नाली दे कीड़े नूं नाली विच रहिण दिंदा।

“उह तुसीं कोई अहिसान नहीं सी कीता सरदार जी) तुसीं फड़िआ होर मुलज़म सी ते इकबाल किसे होर तों कराइआ सी। इह मेरी भलमाणसी सी कि जज्ज साहिब दे नोटिस विच नहीं लिआंदा। नहीं नाले तेरी पेटी लहिंदी नाले चार सौ वीह दा परचा दरज हुंदा।” मेजर वी किसे तों घट्ट नहीं सी। इहो जताउण लई उस नें असलीअत दा परदा फ़ाश कीता सी।

जे तफ़तीशी मुख़बरां दा जाल विछा के रख्खदे हन तां अहिलमद्द मेजर सिंघ वी किसे तों घट्ट नहीं। मेजर सिंघ थाणे दे नाइब-कोरट तों लंका ढाहुण लई भबीशण दा कंम लैंदा सी।

कचहिरी वड़दिआं ही नाइब-कोरट दा कंम मेजर नूं डाइरी देणा हुंदा सी। उस दिन पेश होण वाले रिमांडां, चलानां अते इकबाल करन वालीआं असामीआं विच किंना दम है, उस नें इह दस्सणा हुंदा सी। उस इतलाह दे आधार ’ते मेजर आपणी फ़ीस तहि करदा सी।

इस इकबाल दी हिसटरी मेजर नूं उस नें दस्सी सी। असल दोशी काटन मिल्ल दे मालक दा भाणजा सी। शरम दा मारिआ उह पहिले दिन तों ही घरों फ़रार सी। घर वाले नहीं सी चाहुंदे कि उस दे दसतख़त अंगूठे कचहिरी दे रिकारड विच आउण। भाणजे दी थां मालकां नें आपणा नौकर भेजिआ सी।

सरकारी वकील नें मुलज़म तबदील करन दी मोटी फ़ीस लई सी। नाइब-कोरट नूं सारे पंजाह मिले सन। इसे गल्ल ’ते ग़ुस्से हो के नाइब कोरट नें चुराहे ’च भांडा भंनिआ सी।

नाज़र दा इह तीर निशाने तों खुंझ गिआ। उस नें दूजा वार कीता।

“चल्ल उह छड्ड, बिमला रेप केस विच दो सौ दिवाइआ सी। उस दे मुलज़म तां नहीं सी बदले।”

“उस विच वी हेरा-फेरी होई सी। उस केस दे असल दोशी नूं बे-कसूर ठहिरा के तुसीं कालम नंबर दो विच रख्ख दित्ता सी। मुदई धिर उच्च अधिकारीआं तों इनकुआइरी करा के उस नूं ग्रिफ़तार कराउणा चाहुंदी सी। दोशी नूं डरा के तुसीं चलान जलदी पेश करन दा इक हज़ार रुपिआ लिआ सी। आपणी फ़ीस तुसीं पहिलां ही हज़म कर चुक्के सी। उह हज़ार साडा अहिलकारां दा सी। तुसीं दो सौ दिवा के कोई अहिसान नहीं सी कीता। सगों साडे हिस्से दा अठ्ठ सौ हड़प्पिआ सी।”

मेजर नें इथे वी मार नां खाधी। किस-किस नूं किंने-किंने पैसे पुज्जे सन, इस दी इतलाह उस नूं मुलज़मां दा वकील दे गिआ सी।

डर दे मारे नाज़र सिंघ दा दिल धक्क-धक्क करन लग्गा।

“लै दस होर लै लै.....मेरे कोल बस्स इंने ही नें, नांह नां करीं।” दस दा नोट होर कढ्ढ के जेबां झाड़दे नाज़र नें फेर तरला लिआ।

“जे तेरा सच्चीं दिवाला निकल गिआ तां इह वी रख्ख, चाह-पाणी पी लईं। मैं मुफ़त विच कंम कर दिंनां।.....जाह, पहिलां साहिब तों मिसल ’ते घग्गी मरवा लिआ। उह मेरे नां हुकम जारी कर देणगे।” साढे नौं वज्जदे देख के मेजर नें नाज़र नूं गलों लाहुणा ठीक समझिआ।

हुण तक कई मुनशी उस नूं इशारे कर चुक्के सन। इक दो वकीलां दे सुनेहे वी आ चुक्के सन। जे उह इस तरहां नाज़र सिंघ नाल उलझिआ रिहा तां दिहाड़ी गुल्ल हो जाणी सी।

चहिल वकील दे वसीअत दे इक केस विच संमन तामील हो के आए सन। संमन मिसल नाल लग्ग गए तां उस नूं गवाह भुगताउणे पैणगे। होर तारीख़ मंगी तां जज्ज भज्ज-भज्ज पएगा। गवाह हाले तिआर नहीं सन। भला इसे विच सी कि संमन मिसल नाल नत्थी नां होण दित्ते जाण। जदों मिसल नाल संमन नहीं होणगे तां जज्ज नूं तारीख़ देणी पएगी। संमन तां लहिणगे जे मेजर नाल सौदा तहि होएगा। मेजर कुझ मिंट लेट हो गिआ तां मिसल जज्ज दी मेज़ ’ते चली जाएगी। मिसल मेज़ ’ते जाण नाल मेजर दी कमानों तीर निकल जाएगा। चहिल नाल फ़ौरन गिट-मिट होणी चाहीदी सी।

मोहन जी भठ्ठी दे इक केस विच बहिस नहीं सी करना चाहुंदा। उस दी धिर दी हाले जज्ज नाल गल्ल नहीं सी होई। बिनां गल्ल करे बहिस करना ख़तरे तों ख़ाली नहीं सी। इस दा हल्ल मेजर ही कर सकदा सी। उस नें उस मिसल नूं उस दिन सुणवाई लई लग्गे केसां दी लिसट विचों कढ्ढ देणा सी। नां रहेगा बांस, नां वज्जेगी बंसरी। शाम नूं आपे तारीख़ पै जाणी सी। मेजर नूं इथों वी चंगी दिहाड़ी बणन दी आससी।

वैसे वी मेजर अज्ज वध्ध तों वध्ध पैसे बटोरना चाहुंदा सी। उस नूं पैसे दी सख़त ज़रूरत सी। दो किशतां दा भूत उस नूं डरा रिहा सी।

पहिली किशत पलाट दी सी, जिहड़ी उस नें अज्ज भरनी सी। इस तिमाही किशत लई उस नूं दस हज़ार चाहीदा सी। दूजी किशत भाईचारक लाटरी दी सी, इह ऐतवार नूं निकलणी सी। इस लई हज़ार वख्खरा चाहीदा सी।

सटैनो अते रीडर नूं देख के मेजर नें वी पलाट ख़रीद लिआ सी। दो-दो सालां विच उनहां दे पलाट दुगणे-तिगणे दे हो गए सन। सटैनो नें दो पलाट ख़रीदे सन। इक दे नफ़े विच उस नें दूसरे ’ते मकान उसार लिआ। रीडर नें दुगणे पैसे वट्ट के टरक्क ’च हिस्सा पा लिआ। सटैनो कोठी वाला अते रीडर टरांसपोरटर अखवाउंदा सी।

सटैनो दी जज्ज नाल सिध्धी सी। जिहड़ी असामी उह जज्ज कोल फसाउंदा, उस विचों उस नूं हिस्सा मिलदा। उह रकम उह किशत लई राखवीं रख्ख लैंदा।

रीडर दी घर वाली टीचर सी। उह किशत उस दी तनख़ाह नाल पूरी करदा। मेजर दी नां जज्ज नाल बणदी सी, नां उस दी घरवाली नौकर सी। उस नें इधरों-उधरों ही हत्थ मारना सी।

नाज़र सी कि उस दी मजबूरी समझ ही नहीं सी रिहा।

“उनहां तों वी करवा लिआउनां। तूं इक नज़र तां मार लै। उनहां नें हाले घंटे नूं आउणै।” तीह रुपए मुड़ अहिलमद्द दी जेब विच पाउंदा थाणेदार गिड़गिड़ाइआ।

“मैनूं होर बथेरे कंम नें। तूं उनहां तों हुकम करा। मैं झट्ट मिसल चैक्क कर दूं। काग़ज़ वी कढ्ढ लं। तूं रिटाइरिंग रूम अग्गे जा के बैठ। जे साहिब उपर गए बैठ गए तां इक वजे तक बैठा रहि जाएंगा।”

बोहणी दे पैसे सन। मेजर नें मोड़ने ठीक नहीं समझे। जे इहो मुड़ गए तां सारा दिन मनहूस निकलेगा। कंम मेजर नें मरज़ी नाल करना सी। जिंना चिर फ़ीस पूरी नहीं होएगी, उस नें टस्स तों मस्स नहीं सी होणा।

नाज़र नूं तोर के अहिलमद्द उह सारे हीले सोचण लग्गा, जिनहां नाल उह चलान टरका सके।

मेजर नूं पता सी कि दो दिन पहिलां थाणे वालिआं नें मैजिसट्रेट दी वगार कीती सी। वगार वी छोटी-मोटी नहीं, सैशन जज्ज दी मारूती कार दे चारों टाइर नवें पवाएे सन।  इस लई मैजिसट्रेट दा रवई्ईआ नरम रहिणा सी।

पुलस दा कंम करन लग्गे मैजिसट्रेट नें आपणी समझ ’च हुशिआरी तों कंम लिआ सी। इस केस नाल संबंधत सारे काग़ज़ उस नें कोठी मंगवाए सन। अहिलमद्द दी अख्ख वी इल्ल वरगी सी। दूरों ही ताड़ गई। मेजर नें सारे काग़ज़ां दी पहिलां ही फ़ोटो करवा लई। काग़ज़ां विच कोई हेरा-फेरी होई तां मेजर नूं कई फ़ाइदे होणे सन। पहिला इह कि जज्ज काणा रहेगा। दूजा कदे कोई अहिलमद्द ’ते हेरा-फेरी दा शक्क करे तां सफ़ाई वजों उस कोल सबूत रहेगा। तीजा इह कि लोड़ पैण ’ते इनहां नूं सफ़ाई दे वकील कोल वेचिआ जा सकेगा। इस आधार ’ते दोशी शरतीआ बरी होणगे।

मेजर दा अंदाज़ा ठीक निकलिआ। दो दिनां बाअद जदों काग़ज़ वापस आए सन तां दोशीआं दे इकबालीआ बिआनां दा हुलीआ विगड़िआ होइआ सी।

इसे रिआइत दा मुल्ल चार टाइर पाइआ गिआ सी। नाइब-कोरट झूठ नहीं सी बोलदा। उह ख़ुद टाइर छड्ड के आइआ सी।

इस तों पहिलां कि थाणेदार जज्ज कोलों हुकम करा लए, मेजर नूं पहिलां ही जज्ज दे कंन विच फूक मार देणी चाहीदी सी।

जज्ज दे रिटाइरिंग रूम विच वड़दिआं ही उह वी दसतख़त कराउण दे बहाने अंदर जा वड़िआ।

नाले उह मिसलां ’ते दसतख़त कराउंदा रिहा, नाले बाहर बैठे थाणेदार दे अदालत आउण दा मकसद समझाउंदा रिहा।

थाणेदार कोल कतल केस सी। दोशी दो सन पर नकलां दा सैट्ट इक सी। उस सैट्ट विच वी नकलां पूरीआं नहीं सन।

अहिलमद्द नें जज्ज नूं उस केस दी याद दिवाई जिहड़ा नकलां दी घाट कारन कई दिन चरचा दा विशा बणिआ रिहा सी। उस केस विच गवाहां दे बिआनां दीआं नकलां दे दित्तीआं गईआं सन पर रिकारड दीआं नहीं। उह चलान वी दोशी दी ग़ैर-हाज़री विच पेश होइआ सी। चलान दोशी जां वकील दी हाज़री विच पेश होवे तां सर जांदा है। जज्ज ओना चिर चलान सवीकार नहीं करदा, जिंना चिर वकील इह नां आखे कि नकलां पूरीआं हन। उस केस दा दोशी इक सेलज़मैन सी। रिकारड विच कैश-बुक्कां, बिल्ल-बुक्कां, सटाक-रजिसटर अते हर पता नहीं की-की शामल सी। दोशी ख़ुद नकलां कराउण लग्गदा तां बिल्ल वकील दी फ़ीस तों टप्प जाणा सी। पहिलां मुख्ख अफ़सर इह आख के चलान दे गिआ कि बाकी दीआं नकलां तिंन दिनां दे अंदर-अंदर पेश कर दिआंगे। पहिलां दोशी नां लभ्भा, जदों दोशी हाज़र होइआ तां मुख्ख अफ़सर बदल गिआ। नवें मुख्ख अफ़सर नें कई तफ़तीशीआं दी डिऊटी लाई। नकलां करवा के दिओ। हर तफ़तीशी टाल जांदा। फ़ीस कोई होर खावे, बिल्ल उह चुकावे। जदों मसला सैशन-जज्ज तक अपड़न वाला हो गिआ तां अहिलमद्द नूं नकलां पल्लिउं करा के देणीआं पईआंसन।

इस केस विच वी इंझ ही होणा सी। नकलां पूरीआं करवा लईआं जाण जां वकील तों नकलां पूरीआं होण बारे लिखवा लिआ जावे।

मेजर नें उना चिर भाशण जारी रख्खिआ सी, जिंना चिर जज्ज उस नाल सहिमत नहीं सी हो गिआ।

अहिलमद्द दे बाहर निकलदे ही नाज़र नें सलूट जा मारिआ।

इक नुकरे छुपिआ मेजर आपणी लाई आर दा प्रतीकरम देखण लग्गा।

मैजिसट्रेट नें थाणेदार नूं बैठण लई कुरसी दित्ती। तत्ता-ठंढा पुछ्छिआ पर उह दोशीआं दी ग़ैर-हाज़री विच चलान लैण लई सहिमत नां होइआ। चंगा होवे जे नाज़र दो दिन ठहिर जावे।

नाज़र नें जदों अज्ज नब्बे दिन पूरे होण दी मजबूरी दस्सी तां जज्ज नें दूसरा सुझाअ पेश कीता। हाले दस ही वज्जे सन। उह दोशीआं दे प्रोडकशन वरंट लए अते दोशीआं नूं जेल्हों बुला लए।

नाज़र इस सुझाअ नाल सहिमत नहीं सी। इस तरहां दिहाड़ी लग्ग जाणी सी। नाज़र इकल्ला सी। चलान चैक्क कराउण तों लै के नकलां तिआर करन तक दी सारी कारवाई बाकी पई सी। नाज़र कोल दोशीआं नूं लिआउण लई नां गड्डी सी नां गारद।

जे नाज़र कुझ वी नहीं कर सकदा तां नकलां तां पूरीआं करे। थाणेदार वांग जज्ज वी इक मुलाज़म सी। उस दीआं वी मजबूरीआं सन। पहिलां पुलिस वाले मिंनत तरला कर के चलान पेश कर जांदे हन, पिछ्छों लोहे दे थण बण जांदे हन। सौ-सौ सुनेहे ’ते वी नहीं आउंदे। दोशी ज़मानत ’ते  हुंदे, उह फेर वी चलान लै लैंदा। फेर इक-दो पेशीआं वध्ध-घट्ट पैण नाल उनहां नूं कोई फ़रक नहीं सी पैणा। वकील दा वी पता नहीं, उनहां किहड़ा करना है। कोई सिआणा वकील कीता हुंदा तां जज्ज नूं समझा दिंदा। मिसल-मुआइने दी दो सौ रुपिआ फ़ीस लै, पंजाहां ’च नकलां करवा ते बाकी बोझे ’च पा। दोशी अमीर होण जज्ज तां वी चलान लै लए। अमीर दोशी दो तारीख़ां वध्ध भुगतण नालों पल्लिउं पैसे ख़रच के नकलां तिआर करन नूं तरजीह दिंदा है। हुण जदों कि नां साइल विच परोखो सी ते नां वकील दा पता सी तां जज्ज की करे?

इस केस दी समाइत सैशन जज्ज नें करनी सी। उथे वाधू पई इक-इक तारीख़ दा हिसाब होणा सी। सैशन जज्ज नें उस तों सपश्शटीकरन मंगणा सी। मैजिसट्रेट दी कुताही कारन दोशी वध्ध सज़ा किउं भुगतण?

दोवें धिरां आपणी-आपणी थां जाइज़ सन। फेर मसला हल्ल किवें होवे?

जज्ज कुड़िक्की विच सी। उसनूं कराई वगार दी शरम सी। कानूंनी तौर ’ते वी उह चलान वापस नहीं सी कर सकदा। जे चलान वापस हो गिआ तां दोशीआं दी ज़मानत हो गई तां मरिआ सप्प पुलिस दे गलों लहि के जज्ज दे गल आ पैणा सी, पिछ्छों उस नूं खहिड़ा छुडाउणा औखा हो जाणा सी।

आख़िर हल्ल लभ्भिआ गिआ।

अहिलमद्द नूं बुलाइआ गिआ। उस नूं नकलां चंगी तरहां चैक्क करन दा हुकम सुणाइआ गिआ।

नकलां पूरीआं करन दी ज़िंमेवारी नाज़र दी थां, मेजर दी लाई गई।

इह फैसला दोहां नूं मनज़ूर सी।

नाज़र नूं इस लई किउंकि उस नें मेजर दा घर पूरा कीता होइआ सी। उह कमी-पेशी आपे ढक्क देवेगा।

मेजर इस लई कि थाणेदार हुण उस दी दाहड़ हेठ सी। उह दो सौ ख़रच के नकलां पूरीआं करेगा जां मेजर नूं बाकी दे सत्तर रुपए देवेगा।

¬

 

 

4

नाज़र सिंघ दो घंटे तों वारी उडीक रिहा सी। अहिलमद्द नें हाले तक्क  उस दी वात नहीं सी पुछ्छी।

इस अरसे दौरान अहिलमद्द कोल कई आए ते कंम करा के चले गए। इक-दो सिपाही अते हौलदार वी चलान पास करवा गए। नाज़र नें जदों वी आपणे बैठे होण दा अहिसास कराइआ, उह टाल जांदा रिहा। फसी नूं फड़कण की? उह सबर दा घुट्ट भरी बिटर-बिटर तक्कदा रिहा।

मेजर नूं कदे विहल मिलदी तां उह छोटे-मोटे कंमां विच रुझ्झ जांदा।

पहिलां उह मिसलां दा मुठ्ठा लै के बैठ गिआ। इक-इक कर के सारीआं मिसलां खोल्हीआं, तरतीबवार कर के बंनह दित्तीआं। फेर दूसरा मुठ्ठा खोल्हिआ अते इहो कारवाई दुहराई।

फेर बड़ी प्रीत नाल संमन कट्टण लग्गा। इक-इक संमन ’ते तिंन-तिंन मिंट लाउण लग्गा, जदों कि उस दी रफ़तार इक मिंट विच तिंन संमन कट्टण दी सी।

फेर इस दा मतलब सी मेजर सिंघ उस दा कंम नहीं सी करना चाहुंदा।

शक्क दूर करन लई थाणेदार नें मेजर तों साफ़-साफ़ शबदां विच पुछ्छिआ, “मेरी वारी आऊ कि नहीं?”

“आऊ किउं नहीं। मैं विहला बैठां। सरकारी कंम कर रिहां।” मेजर दी आवाज़ विच वी थाणेदार जिंनी ही कुड़त्तण सी

“कई मेरे तों पिछ्छों आ के पहिलां कंम करा गए।”

“उनहां पूरी फ़ीस दित्ती है। तं दे दे।” मेजर वी थाणेदार नूं किसे भुलेखे विच नहीं सी रख्खणा चाहुंदा। बारां वज्ज चुक्के सन। समरी केसां दे दोशीआं दी हाज़री लाउण दा समां हो गिआ सी। नाज़र तुरे तां उह पैसे बटोरने शुरू करे।

नाइब कोरट कई चक्कर ला चुक्का सी। उस दे हत्थ विच टरैफ़िक दे चलानां दा थब्बा सी। दुकानां, फ़ैकटरीआं वाले तां थाणेदार तों नहीं सन झिजके। मेजर नाल गल्ल  कर गए सन पर टरैफ़िक दे चलान पुलिस राहीं भुगतदे सन। नाइब कोरट पुलिस करमचारी सी। थाणेदार दे साहमणे कोई हेरा-फेरी होई तां उस दी शिकाइत हो जाणी सी। डिपटी बड़ा अड़ीअल सी। ससपैंड कर के सिध्धा घर नूं तोरेगा। उस नें कई थाणेदार मुअत्तल कीते सन, सिपाही किस खेत दी मूली सी।

इस वार जदों नाइब कोरट वापस मुड़िआ तां नाज़र नें खंघूरा मार दित्ता। मेजर मतलब ताड़ गिआ। नां खेडणा नां खेडण देणा, खुत्ती विच.....। जे मेजर उस दा कंम नहीं करदा तां उह वी फ़ीस नहीं लै सकदा।

दोहां नें अड़ी फड़ लई। उह इक-दूजे दे कंम विच रोड़ा अटकाउण लग्गे।

नाज़र सिंघ नें तां कुरसी नां छड्डी, मेजर ही टल गिआ। जे इथे सौदा नहीं हुंदा नां सही। मुनशीआं, नकल-नवीसां अते टाईपिसटां दे तख़तपोशां जां वकीलां दे खोखिआं विच सही।

मुनशीआं मुसद्दीआं तों उगराही करदे अहिलमद्द नूं इक वज्ज गिआ।

लंच-बकस चुक्कण जदों उह वापस आइआ तां नाज़र ग़ाइब सी। मेजर नें सुख्ख दा साह लिआ। बला टली।

मेजर दे पहिली बुरकी तोड़दिआं ही नाइब कोरट आ धमकिआ। उस नें मेजर नूं सावधान कीता। थाणेदार बहुत गरम सी। सरकारी वकील दे दफ़तर विच मेजर दे ख़िलाफ़ गोंद गुंदी जा रही सी।

सरकारी वकील बलदी ’ते तेल पा रिहा सी। उह मेजर ’ते विजीलैंस दा रेड कराउण दा सुझाअ दे रिहा सी। मेजर नें अत्त चुक्की होई सी। बिनां पैसे लए उह सके बाप दा वी कंम नहीं सी करदा। उह आख रिहा सी।

इह तजवीज़ नाज़र सिंघ नूं मनज़ूर नहीं सी। रेड ’ते पूरी दिहाड़ी लग्गणी सी। मसला तां शाम तक चलान पेश करन दा सी।

नाज़र सिंघ दे दड़ वट्ट लैण ’ते सुरिंदर नें दूजा हल्ल सुझाइआ सी।

“असीं अहिलमद्द दे बाप दे नौकर नहीं, बई सारा दिन उस दे बूहे अग्गे बैठे रहीए। काग़ज़-पत्तर लाउणा उस दी डिऊटी है। काग़ज़ लभ्भदे हन तां लावे, नहीं लभ्भदे तां नां लावे। “

“तं चलान रख्ख जा। मैं आपे पेश कर देऊं। काग़ज़-पत्तर सही हन जां नहीं, इह घोखणा जज्ज दा कंम नहीं। घाट-वाध होएगी तां दोशी बरी हो जाणगे। जज्ज नें इहो देखणा है कि जिंने काग़ज़ पुलिस चलान नाल लग्गे आखदी है, उह लग्गे हन जां नहीं, बस्स।”

इस तजवीज़ ’ते वी नाज़र नें चुप्प धार लई।

दुध्ध दा फूकिआ उह लस्सी नूं वी फूकां मार के पींदा सी। दूजिआं सहारे कंमसुट्टणदी अणगहिली उस तों इक वार होई सी। उसे विच उस दी दो साल दीनौकरी कट्टी गई सी। नहीं उह अज्ज सब इंसपैकटर हुंदा ते किसे थाणे दा मुख्ख अफ़सर।

इह ग़लती उस समें होई जदों उह पहिली वार हौलदार लग्गा सी।

पहिले हौलदार नें शराब दे इक ठेकेदार कोलों दस बोरे शराब दे फड़े सन, बिनां परमिट दे। दोशी कोई करिंदा हंदा तां ठेकेदार परवाह नां करदा। मुकद्दमा हिस्सेदार ’ते बणिआ सी। ज़िल्हे भर दे ठेकेदारां दे वकार दा सवाल सी। सारे ठेकेदार मुकद्दमा कैंसल कराउण ’ते तुल्ल गए।

पहिलां उनहां ऐकसाईज़ इंसपैकटर तों उस दे महिकमे दा सारा रिकारड तबदील करवाइआ। फेर उस तों रिपोरट करवाई। फड़िआ माल परमिट दा सी, परमिट उसे नें जारी कीता सी। ठेकेदार पुलिस नूं वगार नहीं सी दिंदा। इसे रंजिश कारन इह मुकद्दमा बणिआ सी।

पुलिस कपतान नें ठेकेदारां दे इस दोश दी पड़ताल करवाई। दोश तां साबत नां होए पर मुकद्दमा चार महीने लई ज़रूर लटक गिआ।

ठेकेदारां दी इथे दाल नां गली तां उनहां कैमीकलज़ ऐगज़ामीनर नाल रिशतेदारी गंढी। उह नमूने विच तां हेराफेरी करन दी जुरअत नां कर सकिआ पर कुझ समें लई रिपोरट ज़रूर दब्ब लई।

नाज़र नूं मिसल मिआद मुक्कण तों इक दिन पहिलां दित्ती गई।

मिंनत तरला कर के उस नें सरकारी वकील तो चलान पास करवा लिआ मुलज़म नूं लैण गिआ तां पता लग्गा उह जंमू बैठा है।

बिनां दोशी तों आख़री दिन चलान पेश करन दा मतलब सी, कोई वड्डी सारी वगार। उनहीं दिनीं हाईकोरट दे जज्ज नें इंसपैकशन ’ते आउणा सी। उस दे अमले फैले लई फंड इकठ्ठा कीता जा रिहा सी। जिहड़ा वी तफ़तीशी कचहिरी वड़दा, उसे दी जेब कट्ट लई जांदी। नाज़र नवां-नवां हौलदार बणिआ सी। डरदा रिशवत नहीं सी लैंदा। बहुता भार झल्लणा उस दे वितों बाहर सी।

पंजाह दा नोट लै के अहिलमद्द नें हिक्क थापड़ी। उह आपे जज्ज कोलों दसतख़त करवा लएगा। अहिलमद्द ’ते सारा थाणा भरोसा करदा सी। नाज़र नें वी कर लिआ। अहिलमद्द दे मोढिआं ’ते भार सुट्ट के उह सुख्ख दी नींद जा सत्ता।

अख्ख उदों खुल्ल्ही जदों पुलिस कपतान वल्लों नोटिस आ गिआ। दोशी उस दी अणगहिली कारन बरी होइआ सी। चलान मिआद दे अंदर पेश किउं नां कीता? इस दा कारन पुछ्छिआ गिआ सी।

नाज़र दुहत्थड़े मारन तों सिवा कुझ नहीं सी कर सकिआ। उह अहिलमद्द कोल जा के पिट्टिआ। उस नें मजबूरी ज़ाहर कीती। ठेकेदारां नें जज्ज तक पहुंच कर लई सी। चलान ज<ज नें टरकाइआ सी उस दिन तों नाज़र नें कंनां नूं हत्थ ला लए। जिंना चिर अहिलमद्द आपणे रजिसटर विच चलान पेश होण दा इंदराज नहीं सी कर लैंदा, उना चिर उह थाणे वापस नहीं सी जांदा।

बंटी कतल केस बहु-चरचित केस सी। इस विच उस नूं रसीद चाहीदी सी। उह वी अहिलमद्द दे दसतख़ती।

उह चलान सरकारी वकील नूं फड़ा के जाण लई तिआर नहीं सी। उह चलान पेश वी करेगा अते रसीद वी लएगा, मेजर विरुध्ध जो कर सकिआ करेगा।

समस्सिआ दे हल्ल लई नाज़र नूं किसे दी सहाइता दी ज़रूरत नहीं सी। नां विजीलैंस दी, नां सरकारी वकील दी। जे उस नें अहिलमद्द विरुध्ध कारवाई करनी हुंदी तां उह ख़ुद करेगा, आपणे बल-बूते ‘ते।

नाज़र सिंघ सारे अमले-फैले नूं जाणदा सी। शाम नूं सभ शराबी होए हुंदे हन। कोई किसे वकील दे खोखे विच लेटिआ पिआ हुंदै, कोई किसे चौक विच। कोई किसे अवारा ज़नानी नूं लई रिटाइरिंग रूम विच वड़िआ हुंदा अते कोई ताश फड़ी कोरट-रूम नूं जूआख़ाना बणाई बैठा हुंदा। नाज़र नूं उनहां सारे अड्डिआं दा पता है, जिथे जा के इह खेह खांदे हन। नाज़र चाहे तां अज्ज ही सारिआं दे हत्थकड़ी जहड़ देवे। उह उनहां दा लिहाज़ रख्खदा सी। हर रोज़ मूंह-मत्थे लग्गदे सन। लोक की आखणगे? डैण नें इक घर वी नहीं छड्डिआ।

अक्किआ थाणेदार अज्ज शाम कोई कारवाई कर सकदा सी

 

नाइब कोरट नें जो सुणिआ सी, उह हू-ब-हू मेजर नूं आ सुणाइआ सी। अगांह मेजर नें सोचणा सी कि उस नें की करना सी।

उंझ नाइब कोरट दी सलाह सी कि गल्ल बहुती नां वधाई जाए। नाज़र बंदा माड़ा नहीं। इस केस नें सच्चमुच्च उस दी टोटनी गंजी कर दित्ती सी। नाइब कोरट उस दा ज़ामन बणन नूं तिआर सी। जिउं ही नाज़र नूं कोई तफ़तीश मिली, उह सौ दा नोट लिआ देवेगा।

अहिलमद्द नाइब कोरट नाल सहिमत नहीं सी। पहिलां सत्त-अठ्ठ सौ सुरिंदर रगड़ गिआ, फेर डी.ए. नें वगार करवाई। मेजर वारी जेब नूं जिंदा किउं?

नाइब कोरट नें ख़ुद ही तां दस्सिआ सी। इह चलान लै के नाज़र तिंन दिन डी.ए. दे दफ़तर अग्गे बैठा रिहा सी। डी.ए. चाहुंदा सी फ़ीस दी गल्ल पहिलां नाज़र सिंघ चलाए। वड्डे अफ़सर आप फ़ीस दी गल्ल चलाउंदे चंगे नहीं लग्गदे। नाज़र सी कि लीह ’ते नहीं सी आ रिहा।

जदों नाज़र नें मूंह ’ते मिट्टी मल लई तां ऐन आख़री वकत ’ते डी.ए. नें कछ्छ ‘चों मुंगला कढ्ढ मारिआ।

उंगलां दे निशानां बारे राए दिंदे समें फोरैंसिक साइंस लबारटरी वालिआं तों इक वड्डी ग़लती होई सी। उह दरुसत नां होई तां दोशीआं नें बरी हो जाणा सी।

जिस थां तों बंटी दी लाश बरामद होई सी, उस थां तों माहिरां नूं उंगलां दे कुझ निशान मिले सन। सबूत वज्जों उह निशान उसे दिन लबारटरी विच जमहां होणे चाहीदे सन, जिस दिन दोशीआं नें काबू आउणा सी। उस दिन उनहां दे निशान मुड़ जाणे सन। फेर लबारटरी वालिआं नें मौके तों मिले निशानां नूं दोशीआं दे निशानां नाल मिलाउणा सी ते इह साबत करना सी कि जिनहां विअकतीआं नें मौके ’ते लाश सुट्टी सी उह इहो सन।

मौके ’ते मिले निशान पता नहीं किस आदमी दे सन। जदों पाले अते मीते नूं इस केस विच ग्रिफ़तार करन दा प्रोगराम बणिआ सी तां उनहां दीआं उंगलां दे निशान वी लै लए गए सन। इक भरोसेयोग अफ़सर राहीं पहिलिआं दी थां इह निशान रखवाए गएसन। फेर ज़ाबते अनुसार कारजकारी मैजिसट्रेट साहमणे उनहां दीआं उंगलां दे निशान लए गए अते ज़ाबते अनुसार लबारटरी कोल पहिलां जमहां करवाए निशानां नाल मिलान करन लई भेजे गए।

लबारटरी वालिआं नें निशान तबदील कर दित्ते। पुलिस दी लोड़ अनुसार रिपोरट वी लिख दित्ती। रिपोरट विच इक ख़ाना सी जिस विच उह तारीख़ दरज करनी सी जिस दिन मौके तों लए गए निशान लबारटरी विच जमहां होए सन। भुलेखे नाल इथे  उह तारीख़ लिख गए जिस दिन पुराणे निशानां नूं नवें निशानां नाल तबदील कीता गिआ सी। इस ग़लती नाल इह साबत हो रिहा सी कि मौके तों लए गए निशान दो तारीख़ां ’ते जमहां होए सन। इक वार लाश बरामदगी वाले दिन, दूजी वार रिपोरट विच दरज तारीख़ वाले दिन। इस घपले नाल खेड विगड़ जाणी सी।

रिपोरट दरुसत होणी ज़रूरी सी। नवीं दी थां पुराणी तारीख़ दरज होणी चाहीदीसी।

लबारटरी विचों नवीं चिठ्ठी जारी करवाउणी कोई वड्डी गल्ल नहीं सी। समस्सिआ सी समें दी घाट। शाम दे चार वज्ज चुक्के सन। चंडीगहड़ जा के बाबूआं नूं घरों लभ्भणा, रिपोरट ठीक करवाउणी अते फेर अफ़सरां तों दरुसत करवाउणा असंभव सी।

डी.ए. हाले इसे तरहां चलान पेश करे। नाज़र इसे तरहां पेश कर देवेगा। पिछ्छों चंडीगहड़ जा के नवीं चिठ्ठी जारी करवाएगा अते चुपके जिहे मिसल नाल नत्थी कर देवेगा।

इह पाप सी, जुरम सी। इस जुरम विच डी.ए. भागीदार किउं बणे? जे उस नूं वी पापां दी पंड चुकाउणी है तां उस दी समस्सिआ दा हल्ल कीता जावे। गरमी नेड़े आ रही सी। उस नूं कूलर चाहीदा सी, प्रबंध कीता जावे।

कूलर दी वगार सुणदिआं ही नाज़र दी भुब्ब निकल गई। उस नें आपणी मजबूरी दस्स के खहिड़ा छुडाउणा चाहिआ तां डी.ए. डाइरी कढ्ढ के बैठ गिआ। अंकड़े दस्सण लग्गा। तफ़तीश समें किस थाणेदार नें किस विअकती तों किंने पैसे लए सन। कूलर ’ते उस दा सौवां हिस्सा वी ख़रच नहीं सी आउणा।

नाज़र नूं खैतान पख्खे दे पैसे दे के खहिड़ा छुडाउणा पिआ सी।

नाइब कोरट कुझ वी आखे, मेजर नूं थाणेदार नाल कोई हमदरदी नहीं सी।

नाज़र तां नाज़र, अहिलमद्द नूं सरकारी वकील दा वी कोई डर नहीं सी।

“मैनूं किसे सरकारी वकील दा डर नहीं। उस नें किहड़ा मुफ़त ’च कंम कीतै? दो दिन पींदा रिहा। फेर नकद नराइण लिआ। हुण साडी फ़ीस ’ते जलदै।”

 

अजिहा काणा सरकारी वकील मेजर नाल पंगा नहीं लै सकदा।

फेर वी मेजर चुकंना हो गिआ। उह नाज़र नाल उचित ढंग नाल निबड़न दी तिआरी करन लग्गा।

उहो होइआ, जो नाइब कोरट दस्स के गिआ सी।

दुबारा आइआ थाणेदार उस ’ते हावी होण दा यतन करन लग्गा।

“आह पई आ मिसल, जिहड़ी मरज़ी रिपोरट कर। मैं अगांह ऐस.ऐस.पी. नूं रिपोरट करनी है।” आखदे नाज़र नें मिसल मेजर दे टेबल ’ते वगाह मारी।

“किंने मुलज़म आ इस केस विच?”

“दो।”

“नकलां दे सैट्ट किंने नें?”

“इक।”

“दो सैट्ट लिआ। मैं रिपोरट कर दिंनां।” मेजर ’ते नाज़र दी धमकी दा कोई असर नहीं सी। बड़ी निमरता नाल उस नें मिसल थाणेदार वल्ल खिसका दित्ती।

“दोहां मुलज़मां नें इको वकील कीतै। इक सैट्ट नाल कंम चल्ल जू।”

“फेर तूं वकील तों लिखवा लिआ।”

“मैं किसे वकील दी मिंनत नहीं करनी।”

“फेर साडी कर।” मेजर नें विअंग कीता।

“तुसीं बाबू लोक किसे दा लिहाज़ नहीं करदे। उह दिन भुल्ल गिआ, जदों मेमणे वांग मेरे अग्गे पिछ्छे मिआंकदा फिरदा सी। मैं चाहां तां तैनूं हुणे अंदर कर सकदां। किहड़ा जुरम है, जिहड़ा तुसीं नहीं करदे? मिसलां वकीलां दे घर पहुंचा देंदे हो। सारे गुपत दसतावेज़ां दीआं नकलां उनहां कोल हुंदीआं हन। तुसीं वसीअतां, परनोटां अते रिकारड विच हेरा-फेरी करदे हो। केस तबाह कर दिंदे हो।”

नाज़र दा पारा चहड़दा जा रिहा सी। उस दी उच्ची आवाज़ सुण के नाल बैठे बाबू आपणीआं-आपणीआं सीटां छड्ड के उनहां कोल आ खड़ोते।

“तुसीं किहड़ा घट्ट गंद पाइआ होइऐ। सारा दिन साडे सिरां ’ते खड़े रहिंदे हो। कदे लाहण दी टैसट रिपोरट बदला दिओ, कदे मकैनिक दी। कदे दफ़ा काहठ दे बिआन ठीक कर दिउ, कदे नकशा मौका। असीं सोडा साथ नां देईए तां तुसीं चार दिनां ’च घर नूं तुर जावो। नाले इस केस विच जाणी तूं कदे रद्दो-बदल नहीं करेंगा? कल्ल्ह नूं ही आखेंगा, मैं फ़ोरैंसिक साइंस लबारटरी दी रिपोरट बदलनी ऐं।”

नाज़र नें जदों बाबूआं ’ते हमला कर दित्ता तां दीवानी अहिलमद्द शतीश कुमार नूं वी ग़ुस्सा आ गिआ। उह नाज़र दे होश टिकाणे करन लग्गा।

इक-इक करके सारा सटाफ़ नाज़र दे गल पै गिआ। वकत खुल्ल्हा हुंदा तां पहिलां उह थाणे जांदा। अहिलमद्द ’ते कुरप्पशन दा परचा दरज करदा, भरी कचहिरी ‘चों ग्रिफ़तार कर के उस नूं नानी याद कराउंदा। नतीजा चाहे कुझ वी निकलदा। उह पुलिस अफ़सर सी। दुआनी दे बाबू तों तौहीन तां नहीं सी कराउणी।

इस वकत नाज़र केवल शिकाइत ही कर सकदा सी।

जज्ज कंम मुका के रिटाइरिंग रूम विच जा चुक्का सी। उह सटैनो नूं कोई फ़ैसला लिखा रिहा सी। अरदली बाहर खड़ा सी। अरदली नूं सख़त हदाइत सी, ‘जिंना चिर फ़ैसला लिखाइआ जा रिहै कोई अंदर नां आवे।’ पर भरे-पीते नाज़र नें किसे दी परवाह नां कीती। उह तुफ़ान वांग रिटाइरिंग रूम विच जा वड़िआ।

“हद्द हो गई जनाब) अहिलमद्द नें मैथों पैसे वी लै लए ते कंम वी नहीं करदा। तीह लै गए, सत्तर होर मंगदै।” ग़ुस्से ’च लाल-पीला होए नाज़र नूं सारे पुलिस रूल भुल्ल गए। बिनां सलूट मारे ही उह आपणे दुखड़े रोण लग्गा।

“मैं राजा हरीशचंदर वरगी ईमानदार पुलिस नूं जाणदां। छज्ज तां बोले छानणी की बोले।” मैजिसट्रेट वी उसे गुसताख़ी नाल नाज़र ’ते वरह पिआ। इस तरहां दा विवहार कर के उह मेजर दा पख्ख नहीं सी लै रिहा, सगों नाज़र दे बिनां इजाज़त अंदर घुस आउण ’ते औखा सी। अंदर तां चलो उह आ गिआ, गल्ल तां सलीके नाल करे।

जज्ज दी झाड़ नें नाज़र दे मत्थे दीआं तिऊड़ीआं होर संघणीआं कर दित्तीआं। टोभे दा गवाह डड्डू। इक वार उस दे मन विच आइआ, उह पुलिस नूं ‘छानणी’ आखण वाले जज्ज नूं पहिलां पीहड़ी थल्ले सोटा मारन लई आखे। जदों उस नें टाइर मंगे सन, उदों उह हरीश चंदर सी?

ग़स्सा नाज़र दे काबू तों बाहर हुंदा जा रिहा सी। उह दस-बारां साल पहिलां वाला इतिहास दुहराउणा चाहुंदा सी। उस समें उह सुनाम लग्गा होइआ सी। उथे जज्ज तोता राम सी, बड़ा सख़त। थाणेदार जे संमन तामील कर के शहादत देण नां आवे तां उह अगली वार आए नूं जुरमाना करे बग़ैर नहीं सी छड्डदा। जुरमाना वी नकद नहीं सी वसूलदा। वसूली लई पुलिस कपतान नूं लिखदा सी। मतलब हुंदा सी, ग़लती कपतान दी नज़र चहड़ जावे।

उपरों ईमानदारी दा ढौंग रचदा सी। वैसे उह नाज़र नाल खुल्ल्हा सी। अड़े-थुड़े नाज़र उस दे कंम आउंदा सी।

इक वार नाज़र दे वी वरंट जारी हो गए। जिस दिन उस दी गवाही सी, उस दिन शहिर विच मुख्ख मंतरी आइआ होइआ सी। वी.आई.पी. डिऊटी कारन उह गवाही देण नहीं सी आ सकिआ।

पेशी तों इक दिन पहिलां नाज़र नूं कोठी बुलाइआ गिआ। जज्ज कोल सैशन जज्ज दा सुप्रिटैंडैंट बैठा सी।

ऐतवार नूं सुप्रिटैंडैंट दी लड़की दी शादी सी। जज्ज उस नूं घिओ दा पीपा भेजणा चाहुंदा सी।

नाज़र नें खिड़े मत्थे हुकम दी तामील कीती।

अगले दिन जदों उह गवाही देण गिआ तां तोता राम नें उस नाल अख्ख  नां मिलाई। नाज़र नें सोचिआ अफ़सर ठीक कर रिहै। जदों रिआइत करनी होवे तां दिखावा नहीं करीदा।

गवाही समें होरनां वांग उस नूं वी नोटिस जारी कीता गिआ। नाज़र नूं हाले वी आस सी कि जज्ज उस दे सपश्शटीकरन नूं सही मंन के नोटिस ख़ारज कर देवेगा। इस तरहां दूसरिआं नूं इतराज़ करन दा मौका नहीं मिलेगा।

जदों जज्ज नें उस नूं वी पंजाह रुपए जुरमाना कर दित्ता तां उस दे पैरां हेठों ज़मीन खिसक गई।

जदों कोई वी मिंनत-तरला जज्ज नूं पसीज नां सकिआ तां नाज़र अंदरला भैरों जाग उठ्ठिआ। अख्खां ‘चों अग्ग बरसाउंदा उह रिटाइरिंग रूम विच जा बैठा।

उस नूं रिटाइरिंग रूम विच वड़िआ देख के जज्ज वी पिछ्छे ही आ गिआ।

“कल्ल्ह जिहड़ा पीपा मैं भेजिआ सी, उस ’ते मेरा डेढ सौ लग्गा सी। पंजाह कट्ट के सौ मैनूं वापस कर दिउ।”

नाज़र दी गल्ल सुण के जज्ज दा चिहरा पीला भूक हो गिआ। उह मिउं-मिउं करन लग्गा। उस नूं खहिड़ा छुडाउणा औखा हो गिआ। जिंना चिर जज्ज नें नोटिस पाड़  नां दित्ता, नाज़र नूं सबर नां आइआ।

कुझ उहो जिहा जवाब उह इस भलेमाणस नूं देणा चाहुंदा सी पर हुण तक्क करोड़ां गैलन पाणी पुलां हेठ दी लंघ चुक्का सी। अज्ज-कल्ल्ह उह अफ़सरां नूं नराज़ नहीं सी करदा। ढीठ बण के सबर दी घुट्ट भरदा सी।

नाज़र दी शिकाइत नूं रद्दी दी टोकरी विच नहीं सी सुट्टिआ गिआ। उसे वकत मेजर नूं तलब कीता गिआ। की उस नें सच्चमुच्च थाणेदार तों रिशवत लई सी? इस दोश दा सपश्शटीकरन मंगिआ गिआ।

मेजर दी सारी आकड़ लहि गई। उह थर-थर कंबण लग्गा। थरथराउंदी आवाज़ नाल उह इहो बहाना घड़दा रिहा।

“दोशी दो हन पर नकलां दा सैट्ट इक है।”

“मैं इक ज़िंमेवार पुलिस अफ़सर हां। जदों मैं सारी ज़िंमेवारी लै रिहा हां कि कल्ल्ह नूं नकलां पेश कर दिआंगा तां इह मंनदा किउं नहीं?”

नाज़र दा ग़ुस्सा हाले वी ठंढा नहीं सी होइआ।

“समझ लै तेरा चलान पेश हो गिआ। तूं आपणे कपतान नूं इह सूचना भेज दे। हुण तां ठीक है? .....हुण दूजी गल्ल सुण। नकलां अज्ज ही तिआर करवा, भावें रात दे बारां वज्ज जाण। बस्स) होर कोई बहाना नहीं।”

मैजिसट्रेट नें सोच-समझ के अजिहा फ़ैसला सुणाइआ सी, इस नाल दोहां धिरां दी रहि जाणी सी।

रिटाइरिंग रूम विचों बाहर निकलदीआं दोवें धिरां ख़ुश सन।

मेजर इस लई कि नाज़र नें जे सत्तर नहीं दित्ते नां सही, फ़ोटोआं ’ते तां दो सौ लाएगा ही।

नाज़र सिंघ इस लई कि चलान वी पेश हो गिआ अते आकड़ वी रहि गई।

बहुता ज़ोर ला के नकलां दा बिल्ल पंजाह रुपए बणेगा। उस नें किहड़ा पल्लिउं देणे सन। फ़ोटो-सटैट वाले नाल उस दा हिसाब चल्लदा सी। खाते विच लिखवा देवेगा। कदे किसे असामी तों दिवा देवेगा।

 

 

¬

 

 

5

बंटी कतल केस दे अदालत विच पेश होण दी सूह सभ तों पहिलां बलवंत राए मुनशी नूं मिली सी।

नाज़र सिंघ थाणेदार नाल उस दी यारी सी। चलान पेश कर के थाणे मुड़दा नाज़र सिंघ उस दे कंन विच फूक मार गिआ सी।

“दोवें दोशी लावारिस हन। तिंन महीनिआं तों अंदर हन। हाले तक उनहां नें कोई वकील नहीं कीता। चलान पेश होण नाल समाइत शुरू हो जाणी है। दोशीआं नूं हुण वकील करना पैणा है। तूं जे थोहड़ी जिही हिंमत मार लएं तां केस तेरी झोली पै सकदा है।”

झट्ट बलविंदर दे कंन खड़े हो गए। उह सच्च आखदा सी। इह कतल केस सी। कतल केस विच वकील नें चोखी फ़ीस लैणी सी। मुनशी नूं मुनशीआणा वी उसे हिसाब नाल मिलणा सी अते केस दिवाउण दा कमिशन वी।

चलान पेश होण दी ख़बर दे कचहिरी विच फैलण तों पहिलां-पहिलां बलविंदर नूं दोशीआं नाल संपरक काइम कर लैणा चाहीदा सी।

मुनशीपुणा बलविंदर दा ख़ानदानी पेशा सी। उस दे बाप-दादे दी उमर वी कचहिरी दे इनहां तख़तपोशां उपर ही गुज़री सी। बलविंदर दे आपणे तजरबे दा वी इह तीहवां वरहा सी। अजिहीआं असामीआं ठुंगण दे उस कोल ढेर सारे नुसख़े सन।

पाले अते मीते उपर उह किहड़ा नुसख़ा वरते? इह जाइज़ा लैण लई बलविंदर नें सिगरटां दी इक नवीं डब्बी ख़रीदी अते सैशन कोरट दी नुक्कर वाले पिप्पल हेठ जा बैठा।

दो सिगरटां जोड़ के उस नें इक सिगरट बणाई। उंगल नाल धरती ’ते शतरंज वाही।

जदों कदे उस नें गंभीर चिंतन करना होवे, उदों उह इंझ ही करदा सी।

इक पासे उह सिगरट दे लंबे-लंबे कश लाउंदा अते दूजे पासे शतरंज दे मोहरे दुड़ाउंदा।

सिगरट दा पहिला कश ला के  उह मीते ’ते डोरे पाउण दीआं सकीमां घड़न लग्गा।

गांधी बसती ‘चूहड़िआं विहड़े’ दा आधुनिक नां सी। नां इह पिंड सी नां शहिर। पिंड इह इस लई नहीं सी, किउंकि इह शहिर दी हदूद विच आउंदा सी। इथों दे वसनीक सीरी-पाली रलण दी थां घरां-कारख़ानिआं विच कंम करदे सन। शहिर विच इस बसती नूं इस लई नहीं सी गिणिआ जांदा, किउंकि शहिर दी असल वस्सों तों इह इक किल्लोमीटर दूर सी। दूजे शहिर दी इक वी आधुनिक सहूलत इस दे कोल दी नहीं सी लंघी।

बलविंदर लई समस्सिआ इह सी कि मीते नूं फसाउण लई उह शहिरी नुसख़े वरते जां पेंडू?

इह बसती कोई पिंड हुंदी तां बलविंदर मूंह-हनेरे आपणा साईकल चुक्कदा अते पिंड दे राह पै जांदा।

पिंड वड़न तों पहिलां उह बाहरले विहड़े बरेक मारदा। चौकीदार दे घर अग्गे खड़ो के साईकल दी घंटी खड़काउंदा।

मुनशी नूं घर आइआ देख के चौकीदार दी हिक्क गिठ्ठ चौड़ी हो जांदी। उस नूं लग्गदा, जिवें कीड़ी घर भगवान आइऐ। ख़ुशी दी लोर ’च आइआ चौकीदार नाले मीते नूं काबू करन दे ढंग तरीके दस्सदा नाले ख़बरां वाली पटारी खोल्ह दिंदा।

बलविंदर बारे लोकां नूं वहिम सी कि उस नें कोई दैवी शकती वस्स कीती होई है। नहीं भला इह किवें संभव सी कि धिरां नूं हाले होण वाले झगड़े दा सुपना तक  नहीं आइआ हुंदा अते बलविंदर नूं उनहां उपर दरज होण वाले मुकद्दमे दीआं धारावां तक दा पहिलां पता लग्ग जांदा सी।

बलविंदर लोकां दी मूरखता ’ते हस्सदा सी। इह सच्च सी कि उस नूं होण वाले झगड़िआं दा इलम अगाऊं हो जांदा सी। इह वी सच्च सी कि उस नूं लग्गण वालीआं धारवां दा पहिलां पता लग्ग जांदा सी पर इह झूठ सी कि इस करामात पिछ्छे किसे ग़ैर-कुदरती शकती दा हत्थ सी। इह करामात उह इसे मात-लोक दे जिऊंदे-जागदे लोकां दे सिर ’ते करदा सी। इनहां करामाती लोकां विच पिंड दा चौकीदार वी शामलसी।

इनहां शकतीआं नूं वस्स करन लई बलविंदर नूं नां किसे टूणे-टामण दी ज़रूरत पैंदी सी, नां किसे मंतर-जाप दी।

विचारे चौकीदार दा की सी? तंगी-तुरशी वेले चार छिल्लड़ उधार दे दित्ते। कुड़ी-कत्तरी दे विआह ’ते रैड्ड-करास विचों पंज-चार सौ दी सहाइता लै दित्ती। इंने नाल चौकीदार उस दे अग्गे-पिछ्छे घुंमण लग्गदा सी।

चौकीदार नूं बलविंदर पिंड दी मां समझदै। हर पिंड वासी दे दुखणे दा उस नूं इलम हुंदै।

बलविंदर पिंड पिछ्छों वड़दा, चौकीदार आउण वाले तुफ़ान दी सूचना उस नूं पहिलां दे दिंदा।

पिछली पहिली तारीख़ नूं बलविंदर जदों महिलीं गिआ सी तां उस नूं चौकीदार दी मारू चाह अंम्रित वरगी लग्गी सी। पहिले हल्ले उस नें पिंड विच दो मुकद्दमिआं दे बीजे जा चुक्के बीजां दी इतलाह दित्ती सी।

मिंदे दे मुंडे दी छटी सी। उस नें चार डरंम लाहण दे पाए सन। ठेकेदारां नूं शराब विकदी नज़र नहीं सी आउंदी। उह दरोगे नूं लै के सूह कढ्ढदे फिरदे सन। जिउं ही भठ्ठी चहड़ी छापा पएगा। भठ्ठी दा केस बणेगा।

काले अमली कोल अजित्तवाल वाला दरशन आउण लग्ग पिऐ। अमली खाहरे तों अफ़ीम लैणों हट गिऐ। उह दरशन दी अफ़ीम दे गुण गाउंदा रहिंदा। किसे वी दिन खाहरा दरशन अते अमली ’ते छापा मरवा सकदै। अफ़ीम दे दो केस बणने सन।

बलदी ’ते कुझ फूस बलविंदर नें पाइआ सी। हफ़ते दे अंदर-अंदर दोनों भविख्ख- बाणीआं नूं सच्च विच तबदील कराइआ सी। फेर दोनां केसां नूं आपणी झोली पाइआ सी।

हुण मीते बारे उह किस चौकीदार नाल संपरक करे? बसती दा कोई चौकीदार ही नहीं सी। इस दा मतलब सी उस दा पहिला मोहरा अजाईं चलिआ गिआ सी।

इस दा बलविंदर नूं कोई फ़िकर नहीं सी। हाले उस कोल आहला तों आहला मोहरे बाकी सन।

सिगरटां दा नवां जोड़ा सुलगा के उह नवें मोहरे बारे सोचण लग्गा।

बलविंदर लई चौकीदार जे पिंड दी मां सी तां पटवारी पिंड दी दाई। दाईआं तों कदे पेट लुके नें? पिंड दी जमहांबंदी, गिरदावरी खोल्हदिआं ही पटवारी दे मन नूं खुड़क जांदी है कि किस धिर नें किस धिर दा कदों सिर पाड़ना है? किस शरीक नें किस शरीक ’ते कदों दाअवा ठोकणा है?

अजिहे जोतिश लगवाउण बलविंदर ख़ुद पटवारी कोल जाइआ करदा सी।

पटवारी कोल गिआ बलविंदर किसे निभागे दिन ही ख़ाली हत्थ मुड़दा सी। नहीं तां अकसर उस दा मूंह मिठ्ठा हुंदा सी।

परसों महंतां वाली ज़मीन दे नंबर लैण उह शहिणे गिआ सी।

पटवारी नें नंबरां दी गल्ल पिछ्छों सुणी सी अते आपणे ढिड्ड दा गुबार पहिलां कढ्ढिआ सी।

बाजवा पत्ती वाले लंबड़ां दा औत ताइआ मर गिआ सी।

ताए दे मरन दी ख़बर दा मतलब मुनशी झट्ट समझ गिआ सी। लंबड़ां दे मुंडिआं विचकार मुकद्दमेबाज़ी शुरू होण वाली सी।

वड्डा मुंडा कोई दस-वीह साल पुराणी वसीअत पेश करेगा, जिस दे आधार ’ते उह बुढ्ढे दी ज़मीन दा वारिस बणेगा।

छोटे कोल कुझ महीने पहिलां लिखी ख़ानगी वसीअत होएगी, जिहड़ी पंचां-सरपंचां दुआरा तसदीक कीती होएगी।

सभ तों छोटा ताए ता मुतबंना होण दा दाअवा करेगा।

सिआणे होए तां दीवानी मुकद्दमे नाल सार लैणगे। चार भरावां दे धक्के चहड़ गए तां छब्बी तों लै के कतल तक दी फ़ौजदारी कर के वकीलां मुनशीआं दे घर भरनगे।

पटवारी नें बलविंदर नूं इह वी दस्सिआ सी कि वड्डे मुंडे नूं उस नें आपणे हत्थ ’ते चहड़ा रख्खिआ सी। छोटिआं विचों इक नूं उह चाहड़ लवे। फेर मुकद्दमे ही मुकद्दमे सन। दोहां लई उमर भर दीआं रोटीआं खरीआं सन।

कल्ल्ह बलविंदर इस केस दे इंतज़ाम विच लग्गा रिहा सी।

आपणा इक चेला उस नें  लंबड़ां दे विचकारले मुंडे तारे पिछ्छे लाइआ सी।

जाअली वसीअत बणाउण लई तारे नूं इक वसीका-नवीस दी ज़रूरत पैणी सी। वसीअत नें तां ही भरोसे-योग बणना सी जे उस नें किसे वसीका-नवीस दे रजिसटर विच पिछलीआं तारीख़ां विच चहड़िआ होणा सी। तारे दी इसे लोड़ नूं मुख्ख रख्ख के बलविंदर नें उस पिछ्छे भोले नूं लाइआ सी। भोले दा अध्धे नालों वध्ध रजिसटर ख़ाली सी। सारे दा सारा रजिसटर तारे दी सेवा विच हाज़र सी।

वसीका-नवीस नूं आपे घर आइआ देख के तारे दीआं अख्खां चुंधिआ गईआं।  उस नूं लग्गा जिवें वाहिगुरू ख़ुद उस दी पिठ्ठ थापड़न आइआ सी। उस दे भाग जगाउण लग्गा सी।

“जदों चेला हनूमान वरगा कौतकी सी तां गुरू ज़रूर विशनूं दा अवतार होएगा।” सोचदे तारे नें बलविंदर दी हाज़री भरी सी।

बलविंदर नें तारे नूं अशीरवाद दित्ता सी। जदों उह बलविंदर दी शरन आ ही गिआ तां उस दी रख्खिआ करना उस दा धरम सी।

तारे नूं हुण घबराउण दी ज़रूरत नहीं सी। मुकद्दमा जिताउण वालीआं हर प्रकार दीआं सेवावां दा उस कोल प्रबंध सी।

जाअली वसीअत लई सभ तों पहिलां तारे नूं गवाहां दी ज़रूरत पैणी सी। पंच, सरपंच अते नंबरदार तों लै के वकील तक दी उह गवाही पवा सकदा सी। हर गवाह दी आपणी अहिमीअत सी। इह तारे नें देखणा सी कि किंना गुड़ पा के उस नें किंने मिठ्ठे दा सवाद चख्खणा सी?

फेर वसीअत उपर ताए दे दसतख़त साबत करन लई हत्थ-लिखतां दे माहिर दी ज़रूरत पैणी सी। हर तरहां दे माहिर दा नां-पता उस कोल नोट सी।

मुक्कदी गल्ल इह कि उह जाअली वसीअत नूं सौ फ़ीसदी सच्च सिध्ध करन दी ताकत रख्खदा सी।

वेग ’च आए तारे नें बलविंदर दे गोडीं हत्थ वी लाए सन अते नोटां नाल जेब वी भरी सी।

जे इह दीवानी केस हुंदा, उह पटवारी दे सिरहाणे जा बैठदा। उस तों धिर दे कंन खिचाउंदा। असामी भलमाणसी नाल नां मंनदी तां उस तों धमकी दिवाउंदा।

मलंग मीते कोल कुझ वी नहीं सी नां उस नूं किसे पटवारी दा डर सी, नां किसे रिकारड दे उलट-पुलट होण दा।

किउं झल्लेगा उह पटवारी दा रोहब?

कोई फ़ाइदा नहीं सी पटवारी पिछ्छे फिरन दा।

दूजा मोहरा भंग दे भाड़े गुआ के बलविंदर नूं डाढा दुख्ख होइआ सी।

सिगटरां दे तीजे जोड़े दी उस नूं तलब महिसूस होण लग्गी।

किसे धिर दा चौकीदार जां पटवारी बिनां सर सकदै पर पंचां, सरपंचां बिनां नहीं सरदा। फ़ौजदारी मुकद्दमिआं विच दोशीआं नूं  इनहां नूं जवाईआं वांग पलोस के रख्खणा पैंदै। नंबरदार तों ज़मानत तसदीक कराउणी हुंदी है। सरपंचां तों आपणे हक्क ’च मता पास कराउणा हुंदै। जिस धिर नाल पिंड दी पंचाइत नां होवे, अध्धा मुकद्दमा उह पहिले दिन ही हार जांदी है।

बलविंदर इस नुकते नूं चंगी तरहां समझदा सी। पंज-दस जां पंदरां-वीह नहीं, उस नें पंचां, सरपंचां अते नंबरदारां दी फ़ौज पाल रख्खी सी।

उह पंच-सरपंच ही काहदा, जिस नें पिंड दी हर घटना ’ते कड़ी नज़र  नां रख्खी। इसे नज़र दी उह खट्टी खांदे सन।

सवेरे ही उह पोचवीं पग्ग बंनह के बैठ जांदे। की पतै कदों कोई थाणे कचहिरी लै जाण वाला उस दा बूहा आण खड़काए। इह नां होवे कि नंबरदार तिआर हुंदा रहि जाए अते अगला काहल कारन किसे होर नूं लै तुरे।

इक नूं तिआर रहिण दा सुनेहा ला के जे भुल्ल-भुलेखे कोई दूजे नूं लै जावे तां पहिले दे तन-बदन नूं अग्ग लग्ग जांदी सी। नाले उस दा सारे दिन दा सैर-सपाटा गिआ, नाले खाण-पीण अते नाले दिहाड़ी-दप्पा। पहिले मोहतबर नूं उना चिर चैन नहीं सी आउंदी, जिंना चिर उह सारी ताणी नूं सुलझा नहीं सी लैंदा।

तफ़तीश कर के उह बलविंदर वल्ल दौड़दा। उस नूं पूरी रिपोरट दिंदा। फलाणे नंबरदार नें फलाणे दी जआली वसीअत ’ते गवाही पाई है, फलाणे नें फलाणे दी ग़लत शनाख़त कर के झूठा कलेम दवाइआ है अते फलाणे नें फलाणे दी जाइदाद नूं ग़लत तसदीक कीता है।

इक वार बलविंदर नूं किसे ठग्गी दा पता लग्गे सही, उह ओना चिर चैन नाल नहीं सी बैठदा, जिंना चिर धिरां दे सिर नहीं सी भिड़ जांदे। सिर भेड़ के डब्बू कंध’ते।

इस मुकद्दमे विच सिर पहिलां ही भिड़ चुक्के सन। ज़मानत हाले मनज़ूर नहीं सी होई। मीते नूं किसे डब्बू दी ज़रूरत पए तां किस तरहां?

सिगरटां दे तीजे जोड़े दा भोग पैंदिआं ही बलविंदर दीआं मोहतबरां ’ते लग्गीआं आसां दा वी भोग पै गिआ।

हुण उस कोल इक मोहरा बाकी सी। महाराजे वरगा इह मोहरा सी पुलिस दा।

पुलिस दा ख़िआल आउंदिआं ही बलविंदर नूं आपणी अणगहिली ’ते पछतावा होण लग्गा।

चलान पेश हो चुक्का सी। केस नाल हुण पुलिस दा कोई लागा-देगा नहीं सी। जे उस नूं पहिलां पता हुंदा कि केस नें इंझ करवट लैणी है, उह बंटी दे अगवा वाले दिन ही केस नाल चिंबड़ जांदा।

पहिलां उह इंझ ही करदा सी।

किसे होण वाले झगड़े दी सूह मिलदिआं ही उह थाणे जा वज्जदा सी। थाणेदार दे कंन भरदा सी। थाणेदार झट्ट अगले दी गिच्ची जा नप्पदा।

मुख़बरी कर के बलविंदर कुझ देर ख़ामोश रहिंदा।

जदों परचा दरज हो जांदा अते फड़ो-फड़ाई शुरू हो जांदी तां किधरों बरसाती खुंबां वांग आ टपकदा।

मोहतबर बण के कदे मुदई्ई दा पख्ख पूरदा अते कदे मुलज़म दा।

नाज़र नाल उस दी जाण-पहिचाण इंझ ही होई सी।

फरवाही वाले ‘धगड़िआं’ दी जदों सांझी कंध ख़ातर लड़ाई होई सी तां बलविंदर नें मुदईआं दा पख्ख पूरिआ सी।

पहिले हल्ले परचा तिंन सौ चौवी विच दरज होइआ सी। कुझ सट्टां बारे डाकटर नें हाले राए देणी सी। उसे राए नें इह फ़ैसला करना सी कि परचे नें तिंन सौ छब्बी विच तबदील होणा सी जां चौवी विच रहिणा सी।

इस तबदीली लई उस नूं धगड़िआं दे बुड़ेह नाल मथा-भकाई करनी पई सी। कदे उह बुहड़े नूं इक पासे लिजा के तिंन सौ चौवी दे नुकसान समझाउंदा। कदे दूजे पासे लिजा के छब्बी दे फ़ाइदे दस्सदा। कदे उह आखदा।

“बुहड़िआ) चौवी दा जुरम काहदा जुरम हुंदै। जिहा लग्गिआ तिहा नां। इस दफ़ा दा पहिला नुकस इह आ कि पुलिस नें दोशीआं नूं पिंड ही छड्ड जाणै। इह काबले-ज़मानत जुरम ऐ। पुलिस जे चाहे तां वी उनहां नूं थाणे नहीं लिजा सकदी। नाले इह जुरम काबले-राज़ीनामा ऐ। हर पेशी ’ते जज्ज राज़ीनामे लई ज़ोर पाइआ करू। होर सुण, इस जुरम दी वध्ध तों वध्ध सज़ा तिंन साल कैद ऐ। सख़त तों सख़त जज्ज नें छे महीने तों वध्ध कैद नहीं करनी।”

उह फेर आखदा।

“.....हुण छब्बी दे नज़ारे देख। पहिलां पुलिस दोशीआं नूं घर तों लै के थाणे तक कुट्टदी लिजाऊ। फेर हवालात बंद करू। बहुते नहीं तां पंदरां दिनां लई जज्ज उनहां नूं जेल्ह दीआं रोटीआं खवाऊ ही खवाऊ। छब्बी ’च सज़ा उमर कैद है। रहिम-दिल तों रहिम-दिल जज्ज नूं वी तिंन साल कैद करनी पऊ। पंचाइत धिरां विचकार राज़ीनामा करवा देवे तां वी मुलज़मां नूं साल भर कचहिरी विच धक्के खाणे पैणगे। अरदली, रीडर अते सटैनो तों लै के वकील तक दीआं जेबां भरनीआं पैणगीआं।”

फेर लोहा गरम होइआ देख उह आख़री सट्ट मारदा।

“.....माड़ी जिही जेब ढिल्ली कर। हुण छब्बी बणा दिंनां। छब्बी नां बणी, गले सारी उमर डो-डो करदे रहिणगे। आखणगे धगड़िआं नें की साडा फंनूं पट्ट लिआ?”

धगड़िआं नूं बलविंदर दी राए कड़ाह वरगी लग्गी सी। झट्ट बुहड़े नें नोटां वाली पोटली खोल्ह दित्ती सी।

पहिलां बलविंदर नें नाज़र दी जेब भराई, फेर डाकटर दी।

इंझ उस नें नाज़र सिंघ नाल यारी गंढी सी।

अज्ज तक नाज़र सिंघ वी यारी वाली कसवट्टी ’ते पूरा उतरदा आ रिहा सी।-सैकड़े केस बलविंदर नूं दवा चुक्का सी।

 

पाले अते मीते दा चलान पेश हो चुक्का सी। हुण नां पुलिस रिमांड मिल सकदा सी, नां किसे दफ़ा विच वाध-घाट हो सकदी सी। नाज़र सिंघ मजबूर सी।

 

पुलिस वाला मोहरा हार के बलविंदर नें हार कबूल कर लई।

धरती ’ते वाही शतरंज ढाह के उस नें सिगरटां वाली डब्बी दी घोख कीती।

सिगरटां दा इक जोड़ा हाले बाकी सी।

आख़री जोड़ा सुलगा के उह पाले नूं निशाना बणाउण लग्गा।

पाले दी मां नूं उस नें कई वारी कचहिरी घुंमदे देखिआ सी। कदे उह सरदारी लाल दे फट्टे ’ते बैठी हुंदी, कदे गुपते दे अते कदे मोहन जी दे। इह किहड़ा चोरी दा मुकद्दमा सी बई सौ-दो सौ नाल सर जाऊ। इह कतल केस सी। घट्टो-घट्ट दस हज़ार उस नूं वकील दे बोझे पाउणा पैणा सी। शाइद इसे कारन उस दा किसे वकील नाल सौदा तहि नहीं सी हो रिहा।

बलविंदर किसे दे भरोसे नहीं रहेगा। उह ख़ुद पाले दी मां नाल गल्ल करेगा। उस भोली तीवीं नूं संमती दी सिआसत समझाएगा।

संमती दा उदेश सिआसी सी। उस नें किसे नूं रिशवत थोहड़ा देणी सी। इह घोर कलयुग्ग है। इस कलयुग्ग विच जे राजा हरीश चंदर उपर मुकद्दमा बण जाए, मजाल है, उह बिनां रिशवत दित्तिआं छुट्ट जाए। पाले दी मां नूं उह सच्चाई समझाएगा। संमती दे नाल-नाल उह ख़ुद वी यतन करे। तकड़ा, नहीं तां छोटा-मोटा वकील खड़ा कर लए तां खहिड़ा छुट्टेगा।

उंझ पाले दी मां नें ही मंन जाणा सी। उस नें कोई झिजक दिखाई तां बलविंदर नें जीवन आहड़तीए कोल चले जाणा सी। पैसा उथों ही आउणा सी। जे आहड़तीए बजाजां अते पंसारीआं तों असामी नूं आपणी ज़िंमेवारी ’ते उधार दिवा सकदे हन तां उह वकील वी करवा सकदे हन।

बलविंदर दा बथेरे आहड़तीआं नाल विहार चल्लदा सी। आहड़तीआं नूं घर बैठिआं नूं आहड़त पुज्जदी सी।

नवें विहार विच जीवन नूं वी की इतराज़ हो सकदा सी? बलविंदर नें उस नूं जिनस दे विउपार नालों दुग्गणा कमिशन दिवाउणा सी।

जे पाणी सारे ही पुलां हेठ दी लंघ चुक्का होइआ तां बलविंदर नें मोहन जी दे दर ’ते अलख जगाउणी सी।

जिनहां वकीलां नूं बलविंदर केस दिंदा सी, मोहन जी उहनां विचों इक सी।

मोहन जी छोटा वकील सी। उह सैशन केस नहीं सी लैंदा। अजिहा कोई केस आ जावे तां उह सीनीअर वकील कराउंदा सी। सीनीअर कोलों आपणा हिस्सा लैंदा सी।

पहिलां पाले अते मीते हुरां दे सारे मुकद्दमे उहो लड़दा सी। जे इह मुकद्दमा उस कोल गिआ तां उस नें अगांह ही देणा सी।

बलविंदर नूं यकीन सी, मोहन जी उस दा आखा नहीं मोड़ेगा। इह भाईचारक सांझ सी। वकील दी फ़ीस विचों मिलण वाला सारा हिस्सा बलविंदर नें मोहन जी नूं दे देणा सी। बलविंदर नूं मुनशीआना मुफ़त विच मिल जाणा सी।

सिगरट दे ख़तम होण तक बलविंदर दे हौसले बुलंद हो गए।

उह पहिलां ही बहुत लेट सी। होर लेट होणा ख़तरे तों ख़ाली नहीं सी।

मन ’च लड्डू भोरदे बलविंदर नें साईकल चुक्किआ अते पाले दे घर दे राह पा लिआ।

पाले दी मां नूं जिवें उसे दा इंतज़ार सी।

बलविंदर जो आखदा सी सभ ठीक सी, पर उस कोल ओना पैसा नहीं सी जिंना बलविंदर मंगदा सी। उह वध्ध तों वध्ध पंज-छे सौ दे सकदी सी अते उह वी किशतां विच।

पाले दी मां हज़ार तक्क अप्पड़ी, बलविंदर तां वी कोई वकील अहड़का दिंदा। पंज-छे सौ विच की नंगी नहाएगी अते की नचोड़ेगी?

पाले दी मां नूं हां जां नांह करन तों पहिलां उह जीवन अते मोहन जी नूं टोहणा चाहुंदा सी। तत्ता लक्कण विच कोई फ़ाइदा नहीं सी।

जीवन आहड़तीए नें वी पैरां ’ते पाणी नां पैण दित्ता।

आहड़तीए नूं संमती ’ते यकीन सी। पाला बेगुनाह सी। सच्चे बंदे दा कदे वाल विंगा नहीं हुंदा। इह उस दा विशवास सी।

फेर उह संमती दे अनुशासन विच बझ्झा होइआ सी। सौ-दो सौ रुपए दे लालच विच उह संमती नाल विशवासघात नहीं सी कर सकदा।

अगांह मोहन जी वी ‘पालकी वाला’ बणिआ बैठा सी। अखे ‘ताइआ इह केस मैं आप लड़ूं। सज़ा तां उनहां नूं होणी ही होणी है। आपणा तजरबा हो जू।”

घर मुड़दे बलविंदर नूं अध्धी रात हो गई।

बिनां कुझ खाधे-पीते उह चुबारे जा चहड़िआ।

“इस केस बिनां मैं किहड़ा नंग हो जूं)”

सवेर तक करवटां बदलदा उह अजिहा कुझ बड़ाउंदा रिहा।

¬

 

 

6

जे गुरमीत सिंघ सरकारी वकील नें नौकरी तों असतीफ़ा नां दित्ता हुंदा तां पिआरे लाल ऐडवोकेट वी इस केस विच नहुं अड़ाउण दी आस रख्ख सकदा सी। दोहां विचों इक दोशी गुरमीत दा ख़ास सी अते गुरमीत पिआरे लाल दा। हुण जदों गुरमीत ख़ुद बेरुज़गारां दी कतार विच खड़ोता सी, उह पिआरे लाल वरगे विहलड़ां दा की सवार सकदा सी?

काश) असतीफ़ा देण तों पहिलां गुरमीत नें इक वार तां पिआरे लाल नाल मशवरा कीता हुंदा। इस धंदे विच सथापत होण लई किंना ज़लील होणा पएगा? पिआरे लाल तों इक वार पुछ्छिआ हुंदा। होर नहीं तां पिआरे लाल दी हड्ड-बीती वल्ल ही झात मार लैंदा। कदे किसे नें  नहीं पुछ्छिआ, पिआरे लाल कोल किहड़ी डिगरी  अते किस यूनीवरसिटी दी?

की गुरमीत नें आपणे आप नूं बब्बू समझ लिआ, बई आउंदे दे ही पैर जंम जाणगे।

बब्बू तां भारती जनता पारटी दे प्रधान दा पोता सी। इसे करके वकालत दे पहिले साल ही उस दे फट्टे ’ते बाणीआं दा झुरमट बझ्झण लग्गा। किसे बाणीए कोल वहीआं दा बसता हुंदा अते किसे कोल परनोटां दा थब्बा। किसे नें दुकान ख़ाली कराउणी हुंदी  अते किसे नें मकान। असामी लिआउण वाला पारटी वरकर हुंदा है। मूंह-मंगी फ़ीस मिलदी है। गुरमीत उस नाल किवें रल जू?

जां गुरमीत नें आपणे आप नूं सरदारां दा बिल्लू समझ लिआ होणै।

बिल्लू दी वकालत चमकण लई इंना ही काफ़ी सी कि उह इक पुलिस कपतान दा साला सी। इलाके दी पुलिस ’ते इसे गल्ल दा रोहब सी। सरदार जी पटिआले लग्गे सन, फेर की होइआ? कदे इथे वी आ सकदे सन। इथों दे पुलिस अफ़सर पटिआले जा सकदे सन। तबादला नां होवे, फेर किहड़ा किसे दा कंम नहीं करवा सकदे। जदों वी कचहिरी आउंदा, दो घड़ी बिल्लू कोल बैठ के जांदा। चाह-पाणी बहाना हुंदा। मकसद इह दरसाउणा हुंदा कि उस दी काका जी नाल लिहाज़ ऐ। इस इशारे नूं कौण नहीं समझदा? पुलिस टाऊट पुराणे वकीलां दे नाल-नाल बिल्लू वल्ल वी फेरा मारदे सन। सिपाहीआं, हौलदारां नूं तां सलूट तक मारना पैंदै। हाज़री लवाउण लई उह केस भेजदे सन। डरदे हिस्सा-पत्ती वी नहीं लैंदे। दो सालां विच उह फ़ौजदारी वकीलां विच गिणिआ जाण लग्गिआसी।

वकालत चमकाउण लई हुण गुरमीत किस कपतान नाल रिशतेदारी पाएगा?

गुरमीत आपणे कंम दा माहिर ज़रूर सी। डिगरी करदे समें उह गोलड मैडल वी जित्त चुक्का सी। पर कचहिरी विच उस दी लिआकत नूं किस पुछ्छणा सी?

उह पिआरे लाल वल्ल देखदा। उह ऐल.ऐल.ऐम. पास सी। उस नें फ़ौजदारी कानूंन विच विशेश मुहारत हासल कीती सी। अज्ज तक कदे किसे नें डिगरी दे आधार ’ते उस दी वात नहीं सी पुछ्छी।

गुरमीत नें कई साल नौकरी कीती सी। इस धंदे दा उस नूं गूहड़ा तजरबा सी। की उस नूं नहीं सी पता कि साइल दी बुध्धी ’ते परदा तां कचहिरी वड़दिआं ही पै जांदा है।  उस दी रहिंदी-खूंहदी अकल टाऊट मार दिंदे हन। उह जादूगर, वकील बारे कुझ सोचण ही नहीं दिंदे।

केवल इक वार इक साइल पिआरे लाल दे फट्टे ’ते ऐल.ऐम.ऐम. लिखिआ पहड़ के उस कोल आइआ सी। वकालतनामे दा फ़ारम लैण गए नूं ही उस नूं किसे टाऊट नें घेर लिआ सी।

“चंडीगहड़ों तां जणा-खणा पहड़ के आ जांदै। ऐल.ऐल.ऐम. दी थां भावें पी-ऐच.डी. दी डिगरी लै आउ। साडा वकील बाहरों पहड़ के आइऐ।

बाहरों पहड़ के आउण दी गल्ल नें साइल नूं भंबल-भूसिआं विच पा दित्ता सी। उस नूं लग्गा सी जिवें उस दा वकील वलैतों पहड़ आइआ है।

फ़ीस वापस मंगण आए साइल नूं पिआरे लाल नें बथेरा समझाइआ सी। वकील विदेशों नहीं, गंगानगरों पहड़ के आइऐ। उथों डिगरी हासल करन लई विदिआरथी नूं सारी-सारी रात दीवा बालण दी लोड़ नहीं पैंदी। उथे हाड़ी-सौणी जा के फ़ीसां भर के अते इमतिहान विच बैठ के सर जांदा। कालज वालिआं नूं पैसा चाहीदै अते पैसे वालिआं नूं डिगरी। उस दे वकील नें इउं डिगरी हासल कीती है।

पर पिआरे लाल नालों टाऊट दा तरक तेज़ सी। साइल नें फ़ीस मुड़वा के ही साह लिआ सी।

पंजां सालां तों पिआरे लाल कचहिरीआं विच धक्के खांदा आ रिहा सी। इक वी केस विच उस नूं आपणी योगता दिखाउण दा मौका नहीं सी मिलिआ। पिआरे लाल नूं लग्गदा सी, उस दे दोसत गुरमीत नाल वी इंझ ही होवेगी। कौण लिआ के देवेगा उस नूं केस?

पाले अते मीते नें जे इह कतल नहीं कीता सी, नां सही। सन तां उह दस नंबरीए ही। बथेरे लोड़वंदां दीआं उहनां जेबां कट्टीआं होणगीआं। बथेरे ग़रीबां दे घरों सामान चोरी कीता होवेगा। कानूंन दीआं कमज़ोरीआं दा फ़ाइदा उठा के बरी वी हुंदे रहे होणगे। समाज नूं अजिहे मुजरमां तों राहत मिलणी ही चाहीदी सी। उहनां ’ते जो झूठा केस महड़ दित्ता गिआ सी तां गुरमीत नूं की? पिआरे लाल समझदा सी, उस नूं बादशाहां वरगी नौकरी नहीं सी छड्डणी चाहीदी।

शाइद गुरमीत वी पिआरे लाल वरगा आदरशवादी सी। पहिलां-पहिल हर कोई हुंदा है। काला कोट पाउण तों पहिलां पिआरे लाल नें वी प्रतिग्गिआ कीती सी, “उह इक वकील दे फ़रज़ां नूं द्रिड़ता नाल निभाएगा। उह जज्ज दे साहमणे सच्चाई लिआइआ करेगा। उस दा उदेश आपणी धिर नूं जिताउणा नहीं होएगा। उह ससता इनसाफ़ मुहई्ईआ कराउण विच लोकां दी मदद करेगा। वकालत विच पूरी तरहां सथापत हो के वी उह साइलां दीआं जेबां नहीं कट्टेगा। कानूंन तोड़न विच फ़ख़र महिसूस करन वालिआं दा कदे उह वकील नहीं बणेगा। मनुख्खी अधिकारां दी रख्खिआ करेगा। अजिहा करदे समें उस नूं कदे कोई संघरश छेड़ना पिआ तां उह छेड़ेगा।

शाइद इहो जिहा कोई उदेश साहमणे रख्ख के ही गुरमीत नें असतीफ़ा दित्ता होवेगा।

पर रोटी-रोज़ी लई जूझदे पिआरे लाल दा आदरशवाद  दिनां विच ही खंडित हो गिआ सी। भुख्ख नें उस दीआं अख्खां विच लटकदे सुपने इक-इक कर के झाड़ दित्ते सन। थक्के हारे पिआरे लाल नूं वकीलां दी भीड़ विच गुआच के इक साधारन मैंबर बणन लई मजबूर होणा पिआ सी।

गुरमीत नूं चोखी तनख़ाह मिलदी सी, भरे ढिड्ड नाल उपदेश देणे सौखे हुंदे हन। पिआरे लाल नूं लग्गदा सी, गुरमीत फूक छक गिआसी। छोटे-मोटे मुजरमां नूं जुरम करनों हटा के जां पिआरे लाल वरगे वकीलां नूं चार केस दिवा के आपणे-आप नूं फ़रिशता समझ बैठै। जदों आटे-दाणे दा भाअ पता लग्गा तां पिआरे लाल वांग उस नूं आपे सारे आदरश भुल्ल जाणगे।

पिआरे लाल नूं समझ नहीं सी आ रही, गुरमीत नूं असतीफ़ा देण दा झल्ल किउं चहड़िआ?

शाइद पिआरे लाल वांग उह वी शेख़-चिल्ली बण गिआ सी। सुपनिआं विच ही उह उच्चीआं उडारीआं मार गिआ सी।

दिने सुपने देखण विच पिआरे लाल दा कसूर नहीं सी। इह गुण उस नूं विरासत विच मिलिआ सी।

पिआरे लाल दे बाप मुकंद लाल नें वी सुपना लिआ सी। पिआरे लाल नूं वकील बणाउण दा। उस दे जनम तों वी पहिलां।

किसे असामी नें मुकंद लाल दे दो सौ रुपए मार लए सन। उस नूं सहे नालों पहे दा ज़िआदा डर सी। अज्ज इस असामी नें झग्गा चुक्किआ, कल्ल्ह दूसरी चुक्केगी अते परसों तीसरी। इस तरहां मुकंद लाल दा कारोबार ठप्प हो सकदा सी।

अदालत दा दरवाज़ा खड़काउण लई मुकंद लाल नें बिहारी लाल वकील कीता सी। पहिली सट्टे ही उस नें पंजाह रुपए झाड़ लए सन। इंनी रकम नां मुकंद लाल तों इक महीने विच कमाई जाणी सी, नां उस दी असामी कोलों।

फ़ीस दे नाल-नाल वगारां वी। कदे साग मंगवा लिआ, कदे गंने। कदे मख्खण अते कदे खोआ।

वकील दे ख़रबूज़िआं वरगे बच्चे, मख्खणी वरगी पतनी, नौकर-चाकर अते हवेली जिड्डा घर। वकील दी ऐशो-इशरत देख के मुकंद लाल दे मूंह विच पाणी आ जांदा।

दो साल तारीख़ां भुगत के उस नूं महिसूस होइआ, अदालतां दे तां मुनशी मुसद्दी नहीं माण। वकीलां दे तां किआ कहिणे।

“उह वी मुंडे नूं वकील बणाउणगे”, पिआरे लाल दे जनम लैंदिआं ही पती पतनी नें मता पका लिआ सी।

वकालत कराउण ’ते बहुत ख़रच होणा सी। बाणीए पुत्त नें वीह साल पहिलांही योजना घड़ लई। पली-पली कर के जोड़िआ तां वी उस समें तक कुप्पा भर जाणासी।

उहनां दे पिंडों शहिर बारां मील दूर सी। जवान बंदे लई इंना कु पैंडा की हंदै। मूंह-हनेरे उठ्ठ के शहिर जाइआ करेगा। सबज़ी दी खुरजी भर लिआइआ करेगा। जिहड़ी वाधू आमदन होई, उह वकील पुत्त दे खाते जमहां करा दिआ करेगा।

कलावंती नें वी साथ दित्ता। उस नूं बथेरे हुनर आउंदे सन। दरीआं, खेस ते नाले बुण लैंदी सी। थोहड़ी बहुत सिलाई मशीन वी जाणदी सी। उहनां मशीन ख़रीद लई तां पूरी मुहारत हो जाएगी। पिंड विच कप्पड़े सिवाउण वालिआं दा घाटा नहीं सी।

उहनां आपणी योजना नूं अमली जामा पहिनाइआ। उहनां दे कंम दा समां सवेरे तिंन वजे शुरू हो के रात नूं गिआरां वजे ख़तम होण लग्गा।

पिआरे लाल आपणा फ़रज़ निभाउंदा रिहा। लाअ दी डिगरी हासल करन तक पहिले पंजां-सत्तां विच आउंदा रिहा।

पिआरे लाल दे प्रोफ़ैसर उस नूं समझाउण लग्गे। उह जज्ज बणे। इंगलिश उस दी पहिलां ही चंगी सी। कानूंन उस नूं समझ आउंदा सी।

पिआरे लाल इनसाफ़ दी कुरसी ’ते बैठण दे सुपने लैण लग्गा।

ऐल.ऐल.बी. कर के वकालत करन दी थां उस नें ऐल.ऐल.ऐम. विच दाख़ला लै लिआ। वज़ीफ़ा मिल जाणा सी। यूनीवरसिटी बैठ के उह कंपीटीशन दी तिआरी करेगा। निकल गिआ तां ठीक नहीं मासटर आफ़ लाअ बण जाएगा।

इक-इक कर के ऐल.ऐल.ऐम. दे दो साल निकल गए पर पी.सी.ऐस. दीआं नौकरीआं नां निकलीआं। महीने-वीह दिनां बाअद उह सकत्तरेत गेड़ा मार आउंदा। कदों कु कढ्ढोगे पोसटां? पुछ्छ-पड़ताल कर आउंदा। हौली-हौली उस नूं पता लग्गा। हाई कोरट अते पबलिक सरविस कमिशन विचकार झगड़ा चल्लदा सी। कमिशन लिखती इमतिहान दे  नाल-नाल इंटरविऊ रख्खणा चाहुंदा सी। हाई कोरट इंटरविऊ रख्खण लई राज़ी नहीं सी। कमिशन दी शुहरत माड़ी सी। माड़ी शुहरत वालिआं नूं ‘दूजे रब्ब’ चुणन दी छुट्टी नहीं सी दित्ती जा सकदी। जे कमिशन वाले आपणी मरज़ी नाल चोण नहीं कर सकदे, आपणे भाई-भतीजिआं नूं नौकरी नहीं दिवा सकदे तां उहनां दा दिमाग़ फिरिऐ बई दिन रात मत्था मार-मार सरकार नूं जज्ज भरती कर के देण। इसे कशमकश कारन भरती वाली फ़ाईल दोहां दफ़तरां विचकार गेंद वांग बुहड़कदी फिरदी सी।

ऐल.ऐल.ऐम. कर के चंडीगहड़ बैठणा मुशकल हो गिआ। वज़ीफ़ा बंद हो गिआ। प्रोफ़ैसरी मिलण दा कोई चानस नहीं सी।

पिआरे लाल नूं पिंड डेरा जमाउण विच बिहतरी लग्गी। नाले वकालत करेगा, नाले इमतिहान दी तिआरी।

वकील बण के घर आए पुत्तर नूं देख के मापिआं दा धरती ’ते पैर नहीं सी लग्गदा। उहनां दे सुपने साकार होए सन।

पंडत नूं बुला के महूरत कढाइआ गिआ। साक-संबंधीआं अते जाण-पहिचाण वालिआं नूं दस्सण लई रामाइण दा पाठ रखवाइआ गिआ।

दहीं खुआ के  अते मत्थे ’ते तिलक लगा पूरे शगनां नाल उस नूं कचहिरी तोरिआ गिआ।

शामीं पिआरे लाल जदों घर मुड़िआ तां कंध ’ते लटकदा वड्डा सारा बोरड देख के उह हैरान रहि गिआ। उस दा बाप सारा दिन पेंटर दे सिरहाणे बैठा रिहा सी तां किधरे जा के बोरड तिआर होइआ सी।

पिआरे लाल कमरे विच पुज्जा तां मेज़ ’ते इक लैटर पैड पई सी। इह छोटे भरा नें छपवा के लिआंदी सी। सोहणे-सोहणे अख्खरां विच मुलाइम-मुलाइम काग़ज़ां ’ते लिखिआ सी। ‘पिआरे लाल बी.ए. (आनरज़), ऐल.ऐल.ऐम. ऐडवोकेट पंजाब ऐंड हरिआणा हाई कोरट’।

घर अग्गे लटकदे बोरड अते मेज़ उप्पर पई पैड नूं देख के घर दे होरनां मैंबरां वांग पिआरे लाल नूं वी अजीब जिहा नशा चहड़िआ सी। घर विच विआह वरगी चहिल-पहिल सी। वार-वार उह घरों बाहर निकलदे ते चोर अख्ख नाल कंध ’ते लटकदे फट्टे नूं तक्कदे। बिलकुल उसे तरहां जिवें सज्ज-विआही वहुटी नूं गुआंढी तक्कदे हन।

पर इह ख़ुमारी कुझ दिनां बाअद ही उतरनी शुरू हो गई। इक, दो अते फेर तिंन महीने लंघ गए। उस कोल इक वी केस नां आइआ।

पता कीता तां ग़लती दा अहिसास होइआ। उस नूं कुझ साल किसे सीनीअर वकील दा जूनीअर बणना चाहीदा सी। इस तरहां नाले लोकां नाल वाकफ़ीअत बण जांदी, नाले जेब ख़रचा निकलदा रहिंदा।

उहनीं दिनीं तरक्की लाल दी सभ तों वध्ध चहड़त सी। पिआरे लाल बड़े माण नाल उस कोल गिआ, शागिरद बणन लई। पिआरे लाल नूं आपणी डिगरी अते लिआकत ’ते भरोसा सी। तरक्की लाल कोल भावें कई जूनीअर सन पर पिआरे लाल दे मुकाबले दा इक वी नहीं सी। उस नूं यकीन सी, कुझ ही महीनिआं विच उह तरक्की लाल दा हत्थ वटाउण लग्ग पएगा।

हां जां नांह करन तों पहिलां तरक्की लाल नें पूरी पुछ्छ-पड़ताल कीती, डिगरी जां डवीज़न बारे नहीं। उस तों अग्गे-पिछ्छे, ख़ानदानी अते सिआसी संबंधां बारे पुछ्छिआ गिआ। इहनां विच पिआरे लाल फाडी सी।

दो दिनां बाअद पिआरे लाल नूं टरका दित्ता गिआ। हाले उस कोल चार जूनीअर सन, कोई हटिआ तां पिआरे लाल नूं बुला लिआ जाएगा।

पहिलां पिआरे लाल नूं तरक्की लाल दा इह तरक ठीक लग्गा पर तिंन महीनिआं बाअद जदों उस नें लखविंदर नूं जूनीअर रख्ख लिआ तां उस नूं घोर निराशा होई।

पिआरे लाल नें होई नांह दा कारन लभ्भिआ। आपणा अते लखविंदर दा मुकाबला कीता। उह मारकसी पारटी नाल संबंधत किसान यूनीअन दे चोटी दे नेता दा भरा सी। पिंड विच कोई वी मसला खड़ा हुंदा तां किसान यूनीअन दुआरा नजिठ्ठिआ जांदा सी। मसला उहनां दे वसों बाहर हो जावे तां अदालत वी उहनां दे राहीं ही आउंदा सी। छोटे-मोटे केस भावें लखविंदर नूं मिलण, वड्डे तां सीनीअर नूं ही मिलणगे।

उथों निराश हो के उह महिंदरदीप कोल गिआ सी। उस बारे पिआरे लाल नें सुणिआ सी कि पहिलां-पहिलां उस नूं वी किसे नें जूनीअर नहीं सी रख्खिआ। पुराणे दिन याद कर के शाइद उह उस दी बांह फड़ लए।

महिंदरदीप नें उस नूं नांह तां नां कीती पर मुनशीआं नालों वड्डा रुतबा वी नां दित्ता। कंम दी गल्ल कदे नां दस्सी। लिफ़ाफ़े चुकाई नाल घुमाई फिरदा रिहा। पिआरे लाल विहला हुंदा तां उह वगारां कराउण लग्गदा। कदे टाईपिसट कोल बैठ के दाअवा टाईप कराओ, कदे दाअवे विचों ग़लतीआं कढ्ढो।

पैसा देण लग्गे दी जान निकलदी। जूनीअर दी फ़ीस वी उह आप हड़प्प जांदा। इक साल धक्के खा के वी जदों कुझ पल्ले नां पिआ तां पिआरे लाल नें मुड़ इकल्ले दा फट्टा ला लिआ।

आपणा कंम उस कोल बहुता नहीं सी, पर नवें मुंडिआं दा उह केंदर बिंदू बणन लग्गा। जिनहां वकीलां नूं सीनीअर वकीलां तों सही राए नां मिलदी, उह पिआरे लाल कोल आ जांदे। पिआरे लाल उहनां दे दाअवे लिख दिंदा, जवाब-दाअवे तिआर कर दिंदा। नवें-नवें कानूंन अते फ़ैसले लभ्भ दिंदा। लोड़ पैण ’ते उहनां दी थां बहिस कर आउंदा। इस बदले उस नूं हिस्से मुताबक फ़ीस मिलदी।

कोई गंझलदार मुकद्दमा हुंदा तां जूनीअर सारा केस पिआरे लाल नूं दे दिंदे। फ़ीस विचों आपणा हिस्सा लै लैंदे।

होर साल बाअद उस दे फट्टे ’ते वी रौणक रहिण लग्गी। उस दी डाइरी विच वी हर रोज़ इक-दो केस दरज रहिण लग्गे।

पिआरे लाल नूं सुख दा साह आउण लग्गा। इसे रफ़तार नाल कंम मिलदा रिहा तां इक दिन उह वी चंगी रोटी खाण लग्गेगा। उस नूं यकीन होण लग्गा।

उहनीं दिनीं सुत्ती सरकार जाग पई। जज्जां दी भरती लई वीह नौकरीआं कढ्ढ दित्तीआं।

पिआरे लाल नूं लग्गा, जिवें  उस दी लाटरी निकल आई होवे। इस वार चोण बिनां इंटरविऊ तों सी। अग्गे तों इंटरविऊ होइआ करनी सी। इंटरविऊ_जाणी कि सिफ़ारशीआं दी भरती। पिआरे लाल वरगिआं लई जज्ज बणन दा इह आख़री मौका सी।

उस नें पूरे ज़ोर-शोर नाल तिआरी आरंभ दित्ती। तिंन महीने उह चुबारे विच कैद रिहा। नां खाण दी सध्ध, नां पीण दी।

सारे पेपर बहुत वधीआ होए। उस दा धरती ’ते पब्ब नहीं सी लग्गदा। उह जज्ज बणिआ कि बणिआ। आपणे-आप नूं जज्ज समझ के, अख्खां विच अजीब-अजीब सुपने लटका के उह पिंड घुंमदा रिहा। कचहिरी वी उह कदे-कदाईं जांदा। जांदा वी तां जज्जां कोल जा बैठदा। उहनां तों कंम सिख्खण दे यतन करदा।

जदों नतीजा आइआ तां सारे अठ्ठ उमीदवार पास होए। बाकी सत्त सौ दे सत्त सौ फ़ेल्ह।

इह की भाणा वरत गिआ? उह मैरिट विच आउंदा जां नां, इह दूसरी गल्ल सी, फ़ेल्ह होण दा तां सवाल ही पैदा नहीं सी हुंदा।

घर विच मातम छा गिआ। पां पए कुत्ते वांग उह पिछली कोठड़ी विच पिआ रहिंदा। नां बाहर निकलदा, नां कुझ खांदा-पींदा।

हौली-हौली सभ नें हालात नाल समझौता कीता। मां-बाप नें उस नूं समझाइआ। इमतिहान किहड़ा कुंभ दा मेला है बई बारहां सालां बाअद आऊ। साल नूं फेर सही। जज्ज नां बणिआ तां की ऐ? सिआणे वकील हाई कोरट दी जज्जी तक नूं लत्त मार दिंदे नें। इह फेर मैजसिट्रेटी सी। वकालत घर दी खेती सी। जिंनी कोई वध्ध मिहनत करू, ओना वध्ध लाभ प्रापत करू।

नंबरां वाला कारड आइआ। नंबर पहड़ के मन होर मसोसिआ गिआ। बाकी सारे पेपरां विचों उह पहिले नंबर ’ते आइआ सी। अंगरेज़ी दे लेख वाले परचे विचों वीह, दस जां पंज नहीं, सिरफ़ ज़ीरो दित्ती गई सी। उस दा इह परचा दूजिआं नालों वी वधीआ होइआ सी।

पबलिक सरविस कमिशन नूं कोई ग़लती लग्गी सी। उस दा परचा बदल गिआ जां नंबर लाउणे रहि गए।

पिआरे लाल जिस कोल वी गिआ, उस नें इको राए दित्ती। हाई कोरट विच रिट कीती जावे, ज़रूर कामयाबी मिलेगी।

इक वार फेर पिआरे लाल नूं सुपने आउण लग्गे। हाई कोरट ज़रूर उस नूं इनसाफ़ देवेगा। उस नूं पास मारकस मिल गए, उह फेर वी मैरिट विच आ जावेगा।

हाई कोरट नें उस नाल कमिशन नालों वध्ध धक्का कीता।

“कमिशन नें जो नंबर लाए सन ठीक सन। लग्गे नंबरां नूं ग़लत जां सही ठहिराउण दा हाई कोरट कोल कोई अख़तिआर नहीं सी।”

“नंबर लग्गे हुंदे फेर रोणा काहदा सी? हाई कोरट इह तां देख लए कि उस दी आनसर-शीट किधरे कोरी तां नहीं? जे उह लिखी होई है तां की उस ’ते पिआरे लाल दी लिखत है जां नहीं?”

पिआरे लाल पिट्टदा ही रहि गिआ। हाई कोरट नें ‘मैं नां मानूं’ आख के झोटे वांग सिर हिला दित्ता।

धोबी दे कुत्ते वांग नां उह घर दा रिहा, नां घाट दा। नां जज्ज बण सकिआ, नां वकील ही रिहा।

पंज-छे महीनिआं दी ग़ैर-हाज़री कारन जिहड़े चार केस कोल सन, उह वी खिंड गए। मुड़ किसे दी उस नूं केस देण दी हिंमत नां पई। इस दा की पतै कदों इमतिहान देण तुर जावे। साइल जां केस दिवाउण वाला किस दी मां नूं मासी आखेगा?

पिछ्छों कई वारी नौकरीआं निकलीआं। लोकां दे लख्ख समझाउण दे बावजूद वी उह कदे इमतिहान विच नहीं सी बैठा। उस नूं चंगी तरहां समझ आ चुक्की सी कि जज्ज कौण बणदे हन?

जदों पिआरे लाल इमतिहान विच बैठा सी तां उस दे दो जमाती जज्ज बणे सन। उहनां विचों इक दा बाप सी.आई.डी. विच डी.ऐस.पी. सी। डिपटी नें पहिलां अंम्रितसरों पटिआले बदली करवाई। फेर आपणी सारी फ़ोरस कमिशन अधिकारीआं दे पिछ्छे ला के इह पता कीता कि प्रशन-पत्तर किस नें तिआर कीते सन? बहुते नहीं पर दो पेपर लीक कराउण विच उह कामयाब हो गिआ सी।

बाकी पेपरां बारे इह पता कीता गिआ कि उह किथे गए सन। फेर उहनां इगज़ामीनरां तक पहुंच कीती गई। मरज़ी दे नंबर लगवाए गए। डिपटी दी मिहनत सदका काका जज्ज बण गिआ।

पिआरे लाल तां कमिशन दे नेड़े नहीं सी ढुक सकदा। किसे दी हमाइत प्रापत करनी तां दूर दी गल्ल सी।

जज्जी दा खहिड़ा छड्ड के पिआरे लाल आपणा सारा धिआन वकालत वल्ल केंदरित करन लग्गा।

पर गुआची शाख़ मुड़ पिआरे लाल दे हत्थ नहीं सी आई।

इक पासे कमिशन वल्लों होए धक्के दा ग़म, दूजे पासे कंम दा फ़िकर। पिआरे लाल विचे-विच खुरन लग्गा।

कंम चलाउण लई पिआरे लाल हर हीला वरतण लग्गा। कंम सी कि रिहड़न दा नां ही नहीं सी लै रिहा।

पहिलां उस नें चहिल वकील नूं आपणा आदरश बणाइआ।

शुरू विच चहिल वी घरों लिआंदी रोटी खा के मुड़ जाइआ करदा सी। थक्क-हार के उस नें कई वार कचहिरी आउणा छड्डिआ सी। जदों घरों धक्के पैंदे, उह मुड़ कचहिरी आ जांदा सी।

समें दी नज़ाकत नूं पहिचाण के चहिल नें सिआसत विच मंह मारना शुरू कीता।

पहिलां उस नें मारकसी पारटी वल्ल हत्थ वधाइआ। सी.पी.आई दे वकील दे फट्टे ’ते वरकरां दा मेला लग्गा रहिंदा सी। उस नूं वधीआ कमाई हुंदी सी। चहिल नें सोचिआ किउं नां मारकसीआं दा बिल्ला ला के अध्धे केस खोहे जाण पर लाल पग्ग बंनहण जां दस मिंट मीटिंगां ’च शामल हो के कोई कामरेड नहीं बण जांदा। पारटी कारड लैण लई उस नूं कई साल लाईन विच खलोणा पैणा सी। इंने विच गड्डी नें सटेशनों लंघ जाणा सी।

कमिऊनिसटां वल्लों मूंह मोड़ के उस नें अकालीआं ’ते डोरे पाए। इथे नां कोई काडर सी, नां कारड। जदों मरज़ी पारटी विच शामल होवो ते जदों मरज़ी निकल जावो। बस्स इक काली पग्ग चाहीदी सी। दिक्कत इह सी कि अकालीआं कोल पहिलां ही बाबा बोहड़ जिड्डा वकील सी। उह लीडर वी सिरे दा सी। इक वार वज़ीर बण चुक्का सी। केंदर तक उस दी पहुंच सी, जलदी कीते चहिल सिआसत विच तां सथापत नहीं सी हो सकदा, पर कंम चल्लण दी पूरी संभावना सी। सरदार दा की सी। उह नां दा वकील सी, साल विचों अठ्ठ महीने चंडीगहड़ रहिंदा सी।

चहिल नें सरदार दे नेड़े-नेड़े कट्टे-वछ्छे बंनहणे शुरू कीते। उह पारटी दा मैंबर बण गिआ। जलसे-जलूसां ’च मंच ’ते बैठण लग्गा। वकील होण कारन पारटी ’च पुछ्छ जलदी पै गई।

जलदी ही अकाली सत्ता गवा बैठे। विरोधी धिर विच आए अकाली निचल्ले किवें बैठदे? झट्ट पारटी मोरचा ला लैंदी। जेल्हां भरन दा प्रोगराम बण जांदा।

शरमों-शरमीं चहिल नूं वी दो वार जेल्ह जाणा पिआ। सिआसत विच आइआ तां वकालत चमकाउण लई सी, पर लैणे दे देणे पै गए। जिहड़े चार केस मिलदे, उह जेल्हों मुड़न तक साफ़ हो जांदे।

चहिल नें हिंमत नां हरी। अख़ीर इक आज़ादी घुलाटीए दी धी नाल विआह करा लिआ। कुड़ी नां सोहणी सी, नां पहड़ी-लिखी। बस्स इको ही गुण सी। मापिआं दी उह इको-इक धी सी ते बारां किल्लिआं दी मालक सी।

चहिल दा सहुरा कांगरसी सी। पारटी विच चंगा रसूख़ सी। उस नें चहिल नूं कांगरस विच शामल करवा के पहिले हल्ले ही बलाक कांगरस दा प्रधान बणवा दित्ता। बहाना वधीआ सी। इक पहड़े-लिखे अकाली तों दल-बदली करवाई गई सी। वकील नूं मुआवज़ा मिलणा चाहीदा सी।

अगले साल उस नूं इंपरूवमैंट टरस्सट दा मैंबर बणवा दित्ता। चहिल दी सरकारे-दरबारे पुछ्छ पैण लग्गी। बैंकां अते सरकारी अदारिआं दा कंम मिलण लग्गा, चल्ल सो चल्ल।

वकील होण कारन पारटी विच जलदी अहुदा मिल जांदा। अहुदे कारन वकालत चमक जांदी।

अज्ज कल्ल्ह मंतरीआं तों लै के हाई कोरट दे जज्जां तक दा उस दे घर आउण-जाण सी। पारटी प्रधान नाल उस दी पक्की यारी सी। पारटी सत्ता विच आई तां उस दी वज़ीरी पक्की सी।

पिआरे लाल देख रिहा सी चहिल दीआं सदा ही बहारां सन।

पारटी सत्ता विच हुंदी तां लोक डरदे कंम लिआउंदे। अफ़सर वी वकील नूं ख़ुश करन लई डक्का उसे वल्ल सुट्टदे। पारटी विरोधी धिर विच हुंदी तां वी पौं बारां। सिआणिआं वरकरां लई वड्डे लीडरां नाल संबंध काइम करन दा इहो वधीआ मौका हुंदा। कचहिरी जां दफ़तर बैठ के उह वकील नाल घंटा-घंटा गप्प-शप्प करदे। मंदे ’च लाई यारी दा भले दिनां ’च लाभ उठाउंदे। इह मिलणी तां ही संभव हुंदी जे नाल कोई असामी हुंदी।

पिआरे लाल नें वी चहिल दे पद-चिंनहां ’ते चल्ल के देखिआ। होर कोई अजिही पारटी नहीं सी, जिस दे दो-दो, तिंन-तिंन वकील नां होण। असामी केवल राशटरी स:म-सेवक-संघ विच ख़ाली सी।

सुबहा शाम शाख़ा ’च जाण लई उस नूं शहिर रहिणा पैणा सी। पिआरे लाल नें इह अक्क वी चब्ब के देख लिआ। शहिर कमरा किराए ’ते लै लिआ।

संघ वालिआं नें संघ दा अहुदा झट्ट बख़श दित्ता पर कंम दिवाउण लग्गिआं खुल्ल्ह-दिली नां दिखाई। कचहिरी गए संघी, चाह भारती जनता पारटी दे वकील कोलों ही पींदे।

जदों सिआसत विच दाल नां गली तां पिआरे लाल नें मुनशीआं, टाऊटां वाले ढंग तरीके वरतणे शुरू कीते।

विहले समें उह थाणे अग्गे चक्कर कट्टदा। कोई सिपाही हौलदार मिलदा, उस नाल दोसती गंढण दा यतन करदा। उलटा उह महिंगे पैण लग्गे। किसे नूं शराब दी तलब हुंदी ते किसे नूं मीट-मुरग़े दी। कोई उस दे कमरे दी चाबी मंग लैंदा। कदे जूआ खेडण लई अते कदे माशूक बुलाउण लई।

दुपहिर समें पिआरे लाल बस्स अड्डे ’च गेड़ा मारदा। टाऊट इसे तरहां असामीआं फसाउंदे सन। जिउं ही पुलिस वाले किसे मुलज़म नूं लै के बस्सों उतरदे, उह उहनां दुआले हो जांदा। घट्टो-घट्ट फ़ीस विच वकील बणन लई तरले करदा। सिपाहीआं नूं मनाउंदा। अध्धी नालों वध्ध फ़ीस कमिशन वजों देण दा लालच दिंदा पर क्ते दी पूछ कदे कदाईं ही सिध्धी हुंदी। बहुत वार कामयाबी टाऊटां नूं मिलदी।

घरों ज़ोर पै रिहा सी, उह विआह करवाए। विआह दी उमर लंघदी जा रही सी। दो-चार साल होर लंघ गए तां किसे नें कुड़ी नहीं सी देणी।

विआह करवा के पिआरे लाल मीतपाल नहीं सी बणना चाहुंदा।

उस दे यार मीतपाल नें चाईं-चाईं विआह करवाइआ सी। दो पिआरे-पिआरे बच्चे वी हो गए। उस दी कमाई पिआरे लाल नालों वी घट्ट सी। घर दी हालत वी खसता।

उस दे घर ’च कलेश रहिण लग्गा। नां घरवाली दे अरमान पूरे होए, नां बच्चिआं दी संभाल।

पहिलां इक-इक करके पतनी दे गहिणे विके। फेर घर-बार। उह आप शराबी रहिण लग्गा। कई-कई डंग चुल्ल्हा नां मघदा। भुख्खे बच्चे चीकां मारदे रहिंदे। अख़ीर उस दी पतनी नूं शरम दा घग्गरा लाह के किल्ली टंगणा पिआ। लोक आखदे सन, उस दी पतनी काल-गरल बण गई। उस मां दे शेर नें मूंह ’ते मिट्टी मल लई। कदे इह नहीं सोचिआ, घर दा ख़रच किवें चल्लदा है?

पिआरे लाल इक होर मीतपाल नहीं सी बण सकदा।

मीतपाल वांग मानसिक दबाअ पिआरे लाल ’ते वी वधण लग्गा। कदे-कदे सौण लई उह नशे दा सहारा लैण लग्गा।

दो वकत दी रोटी दा ख़रचा कढ्ढण लई कई वार उस नूं आपणे साइलां दीआं जेबां कट्टणीआं पैंदीआं। ‘कदे तलबाना भरनैं’ आख के डेढ रुपए दी थां पंजाह लैणे पैंदे, कदे गवाह दे ख़रचे दे बहाने वीह दी थां सौ। कदे-कदे इस चुसती दा साइल नूं पता लग्ग जांदा। नाले उह कुपत्त करदा, नाले लिफ़ाफ़ा चुक्क के लै जांदा।

इक समां अजिहा वी आइआ, जदों उह हर तरहां दे ग़लत कंम करन लई मशहूर हो गिआ। किसे नें झूठा हलफ़ीआ बिआन तसदीक कराउणा होवे, किसे नें किसे थां झूठी गवाही पवाउणी होवे जां किसे नें किसे मरे-खपे बंदे दी थां वकील खड़ा करना होवे तां बिनां झिजक उह पिआरे लाल दी शरन आउंदा। बिनां किसे दी परवाह कीते उह आपणी मोहर टिका दिंदा। कोई इतराज़ करदा तां उह खरीआं- खरीआं सुणाउण लग्गदा।

“मैं वी रोटी खाणी है। ईमानदारी नाल नहीं मिलदी तां बेईमानी नाल सही। अग्गे किहड़ा अदालतां विच सही कंम हुंदा है। सभ झूठो-झूठ। कोई लुक के ठग्गी मारदा है, कोई जग्गर। मैं जग्गर ठग्गी मारांगा।”

गुरमीत दे शहिर तबदील हो के आउण तक उह पूरी तरहां तबाह हो चुक्का सी। उस नें पिंड जाणा छड्ड दित्ता सी। सारा दिन उह शराब पीई रख्खदा। नशे लई जीअ-जीअ अग्गे हत्थ अड्ड लैंदा। कई वार शराबी होइआ खोखिआं विच लिटिआ रहिंदा।

कई महीने नां पिआरे लाल नें गुरमीत नूं पछाणिआ, नां गुरमीत नें पिआरे लाल नूं। नां सरकारी वकील नूं शराबी वकील तक कोई वासता सी, नां पिआरे लाल नूं सरकारी वकील तक।

गुरमीत नूं पिआरे लाल दा उस समें पता लग्गा, जदों इक वार चंडीगहड़ गए तों उस दे इक दोसत नें पिआरे लाल दा हाल-चाल पुछ्छिआ।

वापस आ के गुरमीत नें उस नूं हिक्क नाल ला लिआ।

गुरमीत राहीं पिआरे लाल नूं पहिलां अजिहे केस मिलण लग्गे जिनहां विच दोशीआंने आपणे जुरम दा इकबाल करना हुंदा सी। छोटे-मोटे कंम दी थोहड़ी-बहुत फ़ीस मिलदी।

फेर उस नूं ग़रीब साइलां दे केस मिलण लग्गे। होर नहीं तां रुझेवां ही सही। रुझेवें कारन जीअ वी लग्गण लग्गा अते शराब दी तलब वी घटण लग्गी।

कचहिरीआं विच उस दा माण-ताण बहाल होण लग्गा। कदे-कदे उस दी काबलीअत दी तारीफ़ वी हुंदी।

हुण गुरमीत दे नौकरी छड्ड जाण नाल उह घबराहट विच सी।

जे उह नौकरी विच हुंदा तां शाइद पिआरे लाल नूं वी आपणी लिआकत दिखाउण दा मौका मिल जांदा।

¬

 

 

7

भावें कचहिरी विच बैठा हर वकील इह केस हासल करन लई तरलो-मछ्छी हो रिहा सी पर संत राम भंडारी बे-फ़िकर सी। उस नें मुदई्ई धिर वल्लों वकालत करनी ही करनी सी।

बंटी दे अगवा वाले दिन तों लै के अज्ज तक उह इस केस नाल जुड़िआ रिहा सी। वैसे वी भंडारी युवा संघ दा कानूंनी सलाहकार सी अते संघ उस दा प्रसंसक। जदों दोहां धिरां विच घिओ-खिचड़ी वाला रिशता सी तां केस बाहर किवें जा सकदा सी?

भंडारी दे लाला जी नाल वी निज्जी संबंध सन। लाला जी वांग भंडारी वी समाज सेवक सी। बहुत सारीआं संसथावां दोहां दे सहारे चल्लदीआं सन। जे लाला जी ख़ून-पसीना इक करके किसे संसथा नूं जनम दिंदे सन तां भंडारी साहिब धन-दौलत नाल उस दी परवरिश करदे सन। माता दे भंडारे लई सेवक लाला भेजदा तां राशन-पाणी भंडारी, हसपताल बीमार पए लोकां दी सेवा जे लाला करदा तां मुफ़त दवाईआं भंडारी भेजदा। जिथे लाला जी दी निशकाम सेवक वजों प्रसंसा हुंदी, उथे भंडारी दी महांदानी वजों।

केस लड़न पिछ्छे भंडारी नूं पैसे दा लालच नहीं सी। बंटी ख़ातर हज़ारां रुपिआ उह पहिलां ही पल्लिउं ख़रच चुक्का सी। अख़बारां विच इशतिहार छपवाए गए सन, रेडीओ अते टी.वी. ’ते सूचनावां दित्तीआं गईआं सन। इह सारा ख़रचा भंडारी नें दित्ता सी।

इस केस पिछ्छे भंडारी नूं उहो लालच सी जिहड़ा हर वकील नूं हुंदै। आपणी चरचा कराउण दा। जिंना वध्ध किसे दा प्रचार, ओनी वध्ध उस दी प्रैकटिस। प्रचार जे रेडीओ, टी.वी. जां अख़बारां राहीं हुंदा होवे तां किआ कहिणे। इस केस दी मीडीए विच पहिलां रज्ज के चरचा होई सी, अगांह वी होणी सी। प्रैस वालिआं नें अदालती कारवाई नूं वधा-चहड़ा के पेश करना सी। अख़बारां विच दोशीआं दे नाल-नाल वकीलां दे फ़ोटो छपणे सन।

असैंबली विच पहिलां वी रौला पिआ सी, अगांह वी पैणा सी। दबाअ हेठ आए मुख्ख मंतरी नूं दोशीआं नूं सज़ा कराउणी पैणी सी। जिस तरहां इंदरा कतल केस विच जेठमलानी अते लेखी वरगिआं दी गुड्डी चहड़ी सी, उसे तरां इस केस विच भंडारी दी गुड्डी चहड़नी सी।

वैसे वी अजिहे ख़तरनाक मुलज़मां नूं सज़ा कराउण नूं भंडारी समाज सेवा समझदा सी। उस दे विचार विच कुझ हज़ार रुपिआं बदले, किसे मासूम दा कतल करना, घोर अपराध सी, महां पाप सी। अजिहे दुशटां नूं फ़ांसी होणी चाहीदी सी।

इको तीर नाल उह दो शिकार फुंडणा लोचदा सी। मशहूरी वी अते समाज सेवा वी।

तफ़तीश दौरान  भंडारी नें आपणे असर-रसूख़ दी पूरी वरतों कीती सी।

पहिलां उस नें पुलिस ’ते दबाअ पाइआ। दोशी जलदी तों जलदी फड़े जाण।

दोशी फड़े गए तां मैजिसट्रेट ’ते दबाअ पाइआ। । “दोशी पुख़ता-मुजरम हन। जलदी-जलदी भेत देण वाले नहीं। वध्ध तों वध्ध रिमांड देवो तां जो पुलिस चज्ज नाल तफ़तीश कर सके।”

मैजिसट्रेट नें पूरे पंदरां दिनां दा रिमांड दे दित्ता।

उसनूं भंडारी दा अहिसान चुकाउेण दा मसां मसां मौका मिलिआ सी।

शहिर विच जज्ज बहुते सन अते सरकारी कोठी इक। उह वी बाबा आला वेले दी। कदे किसे कमरे दी छत्त गिर गई, कदे किसे कंध दा पलसतर। कदे सप्प निकल आए, कदे चूहिआं नें हल्ला बोल दित्ता। कदे बिजली दी तार सड़ गई, कदे पख्खा सड़ गिआ।

इह कोठी किहड़ा हर इक नूं नसीब हुंदी सी। जिस नूं मिल गई, मिल गई। बाकीआं नूं आपणा प्रबंध आप करना पैंदा सी।

शहिर विच वधीआ रिहाइश दी कमी सी। जज्जां दे सटैंडरड दीआं चाली पंजाह कोठीआं मसां सन। उहनां विचों बहुतीआं विच मालक रहिंदे सन। कदे कोई ख़ाली हुंदी तां जज्जां नूं उह वी नां मिलदी। उहनां नूं कोठीआं किराए ’ते देण विच मालकां नूं कई इतराज़ सन। पहिला इह कि जज्ज पूरा किराइआ नहीं दिंदे। असल विच उह पूरा किराइआ दे ही नहीं सकदे। तनख़ाह घट्ट सी अते किराइआ वध्ध। घट्ट किराइआ लैणों नांह कर के हाकम नाल दुशमणी पाउण नालों चंगा सी पहिलां ही आख दित्ता जावे कि कोठी किराए ’ते नहीं देणी। मालकां नूं दूजा इतराज़ इह सी कि लोड़ पैण ’ते कोठी ख़ाली नहीं सी हुंदी। कदे कोई कोठी ख़ाली करन लई आखण दी ग़लती कर बैठदा तां मुकद्दमे दी धमकी मिलदी जां पुलिस दे चहड़ा लिआउण दी।

किस मालक दा सिर भविआं सी, उह बलदी अग्ग विच हत्थ पावे।

इस दे उलट भंडारी कोल कोठीआं दी वी कमी नहीं सी अते खुल्ल्ह-दिली दी वी। शहिर दी रईस कालोनी भंडारी बाग़ विच उस दीआं पंज कोठीआं सन। इक विच आप रहिंदा सी, दो जज्जां लई राखवीआं सन।

जज्जां नाल उस दा नित्त दा वाह सी। काग़ज़ीं-पत्तरीं उह उहनां तों पूरा किराइआ वसूलदा सी। उहनां नूं वसूले किराए दीआं रसीदां वी दिंदा सी। इह दूसरी गल्ल सी कि किराइआ तां की लैणा सी, उह बिजली पाणी तक दा बिल्ल पल्लिउं भरिआ करदा सी।

इह नहीं कि भंडारी बुध्धू सी। उह अफ़सरां तों किराइआ वसूलदा सी, नोटां दी थां सोने दीआं मोहरां विच।

मालक-मकान अते किराएदार दे रिशते कारन पहिलां अफ़सरां नाल उस दी दोसती हुंदी। फेर इह दोसती यारी विच तबदील हो जांदी। लोड़ पैण ’ते उह यारी दा मुल्ल वट्टदी सी।

उस दी वकालत दा डंका सारे पंजाब विच वज्जदा सी। शहिर विच केस लड़न दी उस दी फ़ीस दस हज़ार सी। बाहर जाण दी पंची-तीह हज़ार।

बाहरले केस उह उदों ही फड़दा सी, जदों कुरसी ’ते कोई मित्तर बैठा हुंदा सी।

पिछ्छे जिहे जलंधर दे इक आई.टी.ओ. ’ते कुरपशन दा केस बण गिआ। पुलिस ग्रिफ़तार करन लई उस दे पिछ्छे लग्ग गई।

उथों दा सैशन जज्ज अड़ीअल टट्टू सी। किसे वी कीमत ’ते उह आई.टी.ओ. दी पेशगी ज़मानत लैण नूं तिआर नहीं सी।

किसे नें आई.टी.ओ. नूं सलाह दित्ती। इस जज्ज कोलों पेशगी ज़मानत दी गारंटी जे कोई दे सकदा है सी तां उह शहिर वाला भंडारी वकील ही सी।

जलंधर दे सैशन जज्ज दी अदालत विच पेश होण दा भंडारी नें पूरा वीह हज़ार रुपिआ लिआ सी।

इंझ मिलीआं नोटां दीआं थहीआं नूं उह कोठीआं दा किराइआ समझदा सी।

झेपो-झेपी इस मैजिसट्रेट नें वी बंटी कतल केस विच ओना पुलिस रिमांड दित्ता सी, जिंनां पुलिस नें मंगिआ सी।

मुकद्दमा चल्लण ’ते संघ नूं भंडारी दी फेर लोड़ पैणी सी। जे दोशीआं नूं सज़ा शहादतां दे अधार ’ते हुंदी नां दिखी तां भंडारी नूं सैशन जज्ज तक पहंच करनी पैणी सी। सैशन नें झिजक दिखाई तां हाई कोरटों हरी झंडी कराउणी पैणी सी।

जदों अंदरख़ाते कंम करना सी, फेर जग्गर हो के किउं नां कीता जावे? मुदई्ई दा वकील बण के नामणा किउं नां खट्टिआ जावे?

भंडारी नूं वकील बणन दी पेशकश उडीकदिआं इक-इक करके तिंन महीने लंघ गए। पेशकश करनी दूर रही, लाला जी नें कदे उस कोल मुकद्दमे दा ज़िकर तक नां छेड़िआ।

पहिलां भंडारी चुप्प रिहा। जिस दीआं अख्खां दुखणगीआं, आपे पट्टी बंनहेगा।

जदों चलान पेश होण तों बाअद वी लाला जी नें वकालतनामा नां भेजिआ तां भंडारी नूं शक्क होइआ। “हो सकदै, लाला जी नूं पता ही नां होवे कि मुदई्ई धिर नूं वी वकील करना पैंदै।”

मुनशी हत्थ उहनां ख़ुद वकालतनामा भेज दित्ता।

लाला जी रब्ब दा भाणा मंनी बैठे सन। पाले अते मीते नूं सज़ा कराउण विच उहनां नूं कोई दिलचसपी नहीं सी। तुर गिआ तां वापस आउणा नहीं सी। उह किउं कुफ़र तोलण? किउं कचहिरीआं विच ज़लील होण?

लाला जी नें वकालतनामा बेरंग मोड़ दित्ता।

लाला जी नूं मनाउण अते जराइम-विगिआन दे नुकते समझाउण भंडारी ख़ुद लाला जी वल्ल चल्ल पिआ।

इनां ग़रीब-ग़ुरबिआं दे मूंह ख़ून लग्ग चुक्का है। इह पहिलां चोरीआं करदे सन, हुण कतल करदे हन। लाला जी नें चुप्प धार लई तां इह बरी हो जाणगे। बरी हो के बंदा मारना इहनां नूं टिच्चर लग्गेगा। लाला जी नें दोशीआं नूं सज़ा किसे निज्जी मुफ़ाद लई नहीं सी कराउणी। इहनां नूं सज़ा कराउणा वी इक समाज सेवा सी। इह खुल्ल्हे फिरदे रहे तां किसे होर बंटी नूं मारनगे। समाज नूं सुख दा साह दिवाउण लई अजिहे मास-खोरे बघिआड़ां नूं फाहे लवाउणा ज़रूरी सी।

समाज सेवा लाला जी दा परम-धरम सी। जे पाले अते मीते नूं सज़ा कराउेण नाल समाज दा कुझ संवर सकदा सी तां उह उहनां नूं सज़ा कराउण लई तिआरसन।

होर मासूमां दी जान बचाउण दे उदेश नाल लाला जी नें वकालतनामे ’ते दसतख़त कर दित्ते।

वकालतनामे नूं बोझे विच पा के भंडारी कछ्छां वजाउण लग्गा।

¬

 

 

8

पाला अते मीता मोहन जी दे पक्के साइल सन।

पाले दी मां उस कोल कई चक्कर ला चुक्की सी। अग्गे वांग इह केस वी उह इसे कोलों कराउणा चाहुंदी सी।

मीते दे जेलोहं कई सुनेहे आए सन। मोहन जी उहनां दा केस लड़े। फ़ीस दी परवाह नां करे। बाहर आउंदिआं ही उह मोहन जी दा घर नोटां नाल भर देवेगा।

मोहन जी नूं फ़ीस दी परवाह नहीं सी। आपणे पक्के साइलां नाल उस नें कदे फ़ीस नहीं सी खोल्ही। साइलां नूं फ़ीस दा आपे पता हुंदा सी। दस-दस, वीह-वीह हर पेशी दे के उह मोहन जी दा कोटा पूरा कर जाइआ करदे सन।

इह कतल केस सी। इस केस दी फ़ीस हज़ारां रुपए बणनी सी। पाले अते मीते नें हज़ारां रुपए वी चुका देणे सन। मोहन जी नें बस्स उहनां दी ज़बान ’ते विशवास करना सी अते उहनां दे बरी होण तक फ़ीस दे भुगतान नूं उडीकणा सी।

मोहन जी साहमणे मसला फ़ीस जां उडीक दा नहीं सी। मसला इह सी कि इह केस उस नें झगड़ना सी जां नहीं।

मोहन जी इक मुनशी तों वकील बणिआ सी। उस दा वकालत दा तजरबा वी ठीक-ठीक ही सी। छोटे-मोटे केस उस नें बथेरे लड़े सन। सैशन केस लड़न दा हाले तक हौसला नहीं सी पिआ।

सैशन कोरट दा नां सुणदिआं ही उस दीआं लत्तां कंबण लग्गदीआं, दिल धड़कण लग्गदा अते मत्थे ’ते पसीने दीआं बूंदां टपक पैंदीआं।

सैशन केसां विच दोशीआं नूं उमर कैद तों लै के फांसी तक दी सज़ा हुंदी सी। केस दी पैरवाई कई-कई दिन लगातार चल्लदी सी। सैशन केस सख़त मिहनत दी मंग करदा सी।

मोहन जी मिहनत तों नहीं सी डरदा, पर वीहां सालां दे लंबे संघरश बाअद उह मसां-मसां वकील अखवाउण अते सुख दी रोटी खाण लग्गा सी। किसे साइल नूं फांसी चहड़वा के नां उह अनाड़ी वकील अखवाउण दे रौं विच सी, नां हथले चार केसां नूं गवाउण दे। भुल्ल-भुलेखे जे कोई सैशन-केस उस कोल आ जांदा तां लालच तिआग के उह साइल नूं किसे सीनीअर वकील दे लड़ ला आउंदा।

बंटी कतल केस नूं उह अगांह धक्कण दे मूड विच नहीं सी।

जिस दिन तों पाले दी मां इस केस दी पेशकश लै के आई सी, उसे दिन तों उह आपणे-आप नाल खौझल रिहा सी।

जदों कई दिनां दी जद्दो-जहिद कोई सिट्टा नां कढ्ढ सकी तां रहिनुमाई लई  उह आपणे सीनीअर मनोहर लाल कोल गिआ सी।

केस सुण-समझ के मनोहर लाल नें झट्ट परवानगी दे दित्ती। पिछले दसां सालां दी उस दी कारगुज़ारी देख के मनोहर लाल तां पहिलां ही मोहन जी ’ते ज़ोर पाउंदा आ रिहा सी। उस नूं सैशन केस लड़न तों नहीं झिजकणा चाहीदा। मोहन जी मौका टालदा रिहा सी।

पहिलां जो हो गिआ, सो हो गिआ। हुण उस दे हत्थ उहो मौका लग्गा सी, जिस दी मोहन जी नूं सालां तों उडीक सी। सफलता दी पौड़ी दा अगला टंबा उस नूं आवाज़ां मार रिहा सी।

इह ‘बलाईंड मरडर केस’ सी। हुंदे कतल नूं अख्खीं देखण वाला पुलिस कोल इक वी गवाह नहीं सी। केस नूं खड़ा करन लई पुलिस नें जिहड़े गवाह रख्खे सन, उह सभ पुलिस टाऊट सन। हर पुलिस टाऊट दी मोहन जी कोल जनम-पत्तरी सी। उहनां दीआं वख्खीआं भंनण दा उह पहिलां ही माहिर सी। मोहन जी वरगे वा-वरोले साहमणे रेत दे इस महिल नें पहिले हल्ले ही ढहि जाणा सी।

ख़ुदा-नां ख़ासता जे इह दोशी सज़ा हो गए, फेर वी मोहन जी दी वकालत नूं ढाह लग्गण वाली नहीं सी। दोवें दोशी लावारिस सन। इहनां नूं सज़ा होण दा किसे नें नोटिस नहीं सी लैणा।

सारे पुठ्ठ-सिध्ध सोच के मोहन जी नें आपणी झिजक खोल्हण दा मन बणा लिआसी।

मोहन जी दे गुरू दीआं गल्लां दरुसत सन। इहनीं दिनीं नां उस नूं कंम दी कमी सी, नां कंम विच मिलण वाली कामयाबी दी। उस दे फूक-फूक पैर धरन दे दिन कदों दे लंघ चुक्के सन।

मोहन जी आपणी आदत तों मजबूर सी। सभ कुझ समझदा होइआ वी हाले तक उह आपणे अतीत तों खहिड़ा नहीं सी छुडा सकिआ।

हाले तक उस नूं उह दिन भुल्ले नहीं सन, जदों मोहन जी दे वकील बणन दे सुपने ’ते लोक हस्सिआ करदे सन।

कोई पराइआ नहीं, उस दा आपणा चाचा आखिआ करदा सी।

“जे खुसरिआं दे मुंडे होण लग्गण तां आदमीआं नूं कौण रोवे?”

मोहन जी नें कंनां ’च तेल पा लिआ सी।

उस नूं मनोहर लाल ’ते भरोसा सी। उसे नें उस नूं मुनशी बणाइआ सी। उहो उस नूं वकील बणाएगा।

मोहन जी दे दसवीं पास करदिआं ही उस दा बाप चल्ल वस्सिआ सी।

टी.बी. नें  उस दे बाप नूं जवानी विच ही घेर लिआ सी। इक छोटे जिहे खोखे विच पान-बीड़ी लाउण वाले पनवाड़ी कोल किंनी कु पूंजी बचा के रख्खी हो सकदी सी?  बाप दा सत्थर उठण तक्क, उहनां दे घर दा राशन तक्क मुक्क चुक्का सी।

मनोहर लाल जे उहनां दे गुआंढ नां वस्सदा हुंदा तां टब्बर दा पता नहीं की बणदा?

मोहन जी पहड़न विच हुशिआर सी, पर पहड़ाई नालों उस नूं भुख्खे ढिड्डां दा ज़िआदा फ़िकर सी। किसे छोटी-मोटी नौकरी लई उह तड़पण लग्गा।

मनोहर लाल नें उस नूं घर बुलाइआ। चुल्ल्हा मघदा रहे, इस लई पहिले हल्ले उस नें मोहन जी नूं आपणे मुनशी दा सहाइक बणा दित्ता।

मनोहर लाल शहिर दे सिरकढ्ढ वकीलां विचों इक सी। उस दी उपर तक पहुंच सी। उस नें सोचिआ सी कोई नौकरी निकलदिआं ही उह उस नूं किधरे अहड़का देवेगा। हाले डुब्बदे नूं तिनके दा सहारा काफ़ी सी।

जदों मनोहर लाल नें मोहन जी दी कंम करन दी लगन देखी तां उस नें आपणा पहिला ख़िआल तिआग दित्ता। उह महीने विच ही मुनशीपुणे दीआं सारीआं पेचीदगीआं समझ गिआ सी। जिहड़ा नुकता उस नूं इक वार समझा दित्ता गिआ, उस नुकते ’ते मनोहर लाल नूं कदे दुबारा मग़ज़-खपाई नहीं सी करनी पई।

दो कु महीनिआं बाअद उह दाअवे, जवाब-दाअवे अते अरज़ी-पत्तर तिआर करन विच वकील दा हत्थ वटाउण लग्गा।

तीजे महीने मनोहर लाल नें आपणे मन नाल फ़ैसला कर लिआ। मोहन जी नूं उह मुनशी नहीं रहिण देवेगा, उस नूं वकील बणाएगा।

हल्ला-शेरी दे के पहिलां मोहन जी नूं बी.ए. कराई। फेर गंगा नगरों लाअ करवा दित्ता।

काला कोट पा के वी पहिले पंज वरहे उह मनोहर लाल दे मज़बूत खंभां हेठ पलदा रिहा।

अलग्ग फट्टा ला के वी उह उस नूं रब्ब वांग पूजदा रिहा।

मनोहर लाल वी उस नूं पहिलां वांग दुलारदा रिहा। औखे समिआं विच उस नूं संभालदा रिहा।

“पहिले दिनां विच हारन वाले केस घट्ट फड़ो। बदनामी तों बचे रहोगे। केसां दे नाल-नाल केस लिआउण वालिआं उपर वी मिहनत करो।” अजिहे गुर समझाउंदा रिहा।

इनां नुसखिआं ते अमल करदिआं पहिलां उस नें मुनशीआं ’ते डोरे पाए। उहनां दे भाईचारे विचों सी। भाईचारा भाईचारे दी मदद नहीं करेगा तां कौण करेगा?

मदद दा वाअदा करदे मुनशीआं दे प्रधान नूं पहिलां-पहिलां झिजक होई। मुनशी नमक इक वकील दा खावे अते वफ़ादारी दूजे नाल करे, इह विशवासघात सी।

उस नूं समझाउण लई मोहन जी नूं कई दिन मग़ज़-खपाई करनी पई सी।

उह मुनशीआं नूं वकीलां दे सारे केस तोड़न लई थोहड़ा आख रिहा सी। उह तां उह केस मंगदा सी, जिहड़े निरोल मुनशीआं दे आपणे हुंदे सन। जिहड़े उहनां कोल उहनां दे आपणे रसूख़ नाल आउंदे सन। अजिहे केसां ’ते वकीलां दा कोई हक्क नहीं हुंदा।

मुनशीआं दे लिआंदे केसां विचों जे उहनां नूं हिस्सा मिलदा होवे तां उह केस जीअ सदके आपणे वकील नूं देण। जे अजिही असामी नूं वकील मुनशी दा फ़रज़ समझ के ही डकार जांदे होण, फेर तां मुनशीआं नूं आपणे हक्कां बारे सोचणा ही चाहीदै।

मुनशी सोचण लग्गे।

मोहन जी सच्च आखदा सी। उहनां नाल धक्का हो रिहा सी। उहनां नूं हिस्सा मिलणा चाहीदा सी।

मुनशीआं विचों पहिली वारी कोई वकील बणिआ सी। इस लई मोहन जी  उहनां दीआं तकलीफ़ां नूं समझदा सी। मुनशीआं नूं उस दी मदद करनी चाहीदी सी।

मदद वजों मुनशीआं वल्लों कुझ केस उस नूं मिलण लग्गे।

हुण समां बदल चुक्का सी।

हुण नां उस नूं किसे मुनशी दे सहारे दी ज़रूरत रही सी, नां किसे मोहतबर  दी।

मोहन जी नूं कंम हथिआउणा ही नहीं, संभालणा वी आ गिआ सी।

विउपारीआं वांग गाहक नूं उह रब्ब दा रूप समझदा सी। मापिआं वांग उह उहनां दा ख़िआल रख्खदा सी। साइल दी जाइज़-नजाइज़ हर ढंग नाल मदद करना उह आपणा धरम समझदा सी।

पाला अते मीता उंझ ही तां उस दे भगत नहीं सन बण गए। मोहन जी नें उहनां नूं सैंकड़े वार जेल्ह जाणों बचाइआ सी।

पहिलां जदों उहनां ’ते बीसीआं केस चल्लदे सन तां बाहर-अंदर गए उह अकसर तारीख़ भुल्ल जाइआ करदे सन।

उहनां नूं तारीख़ याद नहीं रही, नां सही। मोहन जी दी डाइरी नूं तां यादसी।

उहनां दे घंटा कु लेट होण ’ते मोहन जी नूं फ़िकर लग्ग जांदा।

घंटा कु होर उडीक के उह उहनां दे बचाओ दे प्रबंधां विच रुझ जांदा। कदे रीडर दी मुठ्ठी गरम करदा। उह अख्खां मीच लए। कदे आपणे किसे साइल दी ख़ुशामद करदा। उह पाला बण के पेशी भुगत आए।

लग्गदे वस्स उह आपणे साइल नूं जेल्ह वी नहीं सी जाण दिंदा। लोड़ पैण ’ते उहनां दे ज़ामन वी आप खड़े कर दिंदा सी अते ज़ामन नूं तसदीक करन वाले पंच-सरपंच वी।

अजिहे वकील नूं छड्ड के कोई साइल किधरे होर जावे तां किउं?

हुण जदों किसे साइल दे किधरे जाण दा ख़तरा नहीं सी तां मोहन जी नूं सैशन केस वी लड़ने चाहीदे सन।

केस लड़न दा इरादा पक्का करदिआं ही मोहन जी साहमणे दूसरी समस्सिआ आ खड़ोती।

मोहन जी दा उदेश मुकद्दमा लड़ना ही नहीं, जित्तणा वी हुंदा सी।

इह केस उह जित्तेगा किस तरहां? अज्ज-कल्ल्ह उह इसे समस्सिआ नाल जूझ रिहा सी।

इस केस दी सुणवाई ऐडीशनल सैशन जज्ज सतिंदर नाथ नें करनी सी।

केस लड़न दा फ़ैसला करन वाले दिन तों लै के अज्ज तक उह उसे दा पिछ्छा कर रिहा सी।

केस दी रण-नीती घड़न तों पहिलां उस नें नाथ साहिब दे मनोविगिआन नूं घोखणा अते उस दी विचारधारा नूं समझणा सी।

सैशन जज्ज साहमणे पेश होण दा उस दा इह पहिला मौका सी। इसे लई उह नाथ दीआं आदतां तों अणजाण सी।

जिनहां मैजिसट्रेटां दीआं अदालतां विच उह पेश हुंदा सी, उहनां दी उह रग-रग तों वाकिफ़ सी।

हाले बहुते दिन नहीं सन होए, जदों नत्थू राम मैजिसट्रेट कोलों उस नें दस किल्लो अफ़ीम दे इक दोशी नूं बरी कराइआ सी।

इस कतल केस वांग उस केस दी वी मोहन जी नूं घबराहट सी।

अफ़ीम दी मातरा दस किल्लो सी, गवाह बड़े चुसत सन। दोशी दे बरी होण दा कोई हीला बणदा उस नूं नज़र नहीं सी आ रिहा।

मोहन जी नें जज्ज दे लांगरी नूं गंढिआ। पता लग्गा ।

जज्ज धरमी-करमी सी। सुबहा-शाम उह पूजा-पाठ करदा सी। हर रोज़ गऊआं नूं पठ्ठे पाउण गऊशाला जांदा सी। पुंनिआ अते मस्सिआ वाले दिन ग़रीब-ग़ुरबिआं लई लंगर लाउंदा सी। साधां-संतां दा घर आउण-जाण बणिआ रहिंदा सी।

मोहन जी नें साइल नूं भगवें कप्पड़े पुआ दित्ते। सिर मुंनवा के हत्थ विच माला फड़ा दित्ती। हर पेशी ’ते उह अदालत दी इक नुक्करे बैठ जांदा अते माला फेरन लग्गदा।

हौली-हौली गवाहां अते सरकारी वकील दे मन विच बैठ गई कि इह कोई भगत सी।

जज्ज नूं वी तौख़ला होण लग्गा। जे झूठीआं गवाहीआं दे आधार ’ते इस नूं सज़ा हो गई तां इह सराप दे देवेगा।

सच्च परखण लई पिछली पेशी ’ते जज्ज नें दोशी अते तफ़तीशी दोहां नूं कटहिरे विच खड़ा कर लिआ सी।

“सच्च-सच्च दस्स भगता असलीअत की है?” हत्थ विच माला अते मूंह विच राम-राम करदा दोशी जज्ज नूं भगत लग्गा सी।

“अफ़ीम चरस सभ झूठ है भगत जी। मैं कदे अफ़ीम दी शकल तक नहीं देखी। फेर वी रब्ब दी रज़ा विच राज़ी हां। कैद लिखी होई तां ख़ुशी-ख़ुशी भुगतांगा। अगले- पिछले किसे जनम दे पाप दा फल भुगतणा ही पएगा भगत जी।” भगत नें अख्खां खोल्हीआं, जवाब दित्ता अते फेर माला फेरनी शुरू कर दित्ती।

“हुण तूं बोल बई हौलदारा) सही-सही दस्स की फड़िआ सी?” अख्खां लाल कर के जज्ज हौलदार ’ते वरहिआ सी।

इह भगत दी भगती दा असर सी जां जज्ज दी गहड़क दा, इह हौलदार जाणे। मोहन जी इंना जाणदा सी कि हौलदार दीआं लत्तां कंब गईआं सन अते सच्च बिआन करदिआं ज़ुबान थरथरा गई सी।

“जी, इस तों भठ्ठी फड़ी सी, थाणेदार दे आखण ’ते मैं अफ़ीम पा ती।”

आख़र दिल करड़ा कर के हौलदार नें सच्च उगलिआ सी।

सच्च साहमणे आ गिआ।

जे नत्थू राम धरमी-करमी सी तां देव सिंघ पूरा नासतिक। आपणी कामरेडी उस नें लुका-छिपा के नहीं सी रख्खी। सवेरे-शाम उह शहिर ’च साईकल ते घुंमदा सी, उह वी कुड़ता पजामा पा के। नां उह सबज़ी ख़रीदण विच झिजक महिसूस करदा सी, नां बच्चिआं नूं सकूल छड्डण जाण विच।

साधां-संतां दे उह पज्ज के ख़िलाफ़ सी, भरी कचहिरी विच उह उहनां नूं विहलड़, हड्ड-हराम अते मिहनतकशां नूं गुंमराह करन वाले गरदान दिंदा सी। जे कोई साध उस दे धक्के चहड़ जावे तां उस नूं जेल्ह दी चक्की पिसाए बिनां चैन नहीं सी लैंदा।

मोहन जी नें उस दी इस विचारधारा तों वी भरपूर फ़ाइदा उठाइआ सी।

उस दी अदालत विच पेश होण वाले आपणे साइलां नूं उस नें गुपत हदाइतां जारी कीतीआं सन। पेशी ’ते आउण लग्गे उह फटिआ झग्गा अते फिड्डी जुत्ती पहिन के आउण। दाहड़ी करड़-बरड़ी होवे अते वाल झत्थरा। देखण वाले नूं लग्गे, जिवें हड्ड-तोड़वीं मिहनत नें उहनां दे ख़ून दा कतरा-कतरा चूस लिऐ।

मोहन जी नें उस अदालत विचों वी चंगे नतीजे कढ्ढे सन। निरभै टरांसपोरट दे कंडकटरां वाला केस उस नें जित्तिआ सी। नौकरीउं निकले कंडकटर मुड़ बहाल हो गए सन।  किराएदार भईआं नें मारवाड़ी मकान-मालकां नूं हरा दित्ती सी। ज़बरी बेदख़ली विरुध्ध उहनां नूं बंदी मिल गई सी।

पाले अते मीते नूं उह साध बणाए जां मलंग। मोहन जी तों इह फ़ैसला नहीं सी हो रिहा।

जज्ज दा अरदली जज्ज नूं धरमी-करमी आखदा सी। लांगरी उलट बोलदा सी। उह आखदा सी, डिनर समें साबत मुरग़ा खाण वाला धरमी-करमी किवें हो सकदै।

सफ़ाईआं वाली दस्सदी सी, “उह ग़रीब-ग़ुरबिआं ते बहुत रहिम करदै। छोटे-मोटे मौकिआं ’ते वी उस नूं वड्डीआं बख़शिशां दिंदै।”

जमांदार उस दी गल्ल नूं झुठला रिहा सी। उह सोहणी है, इसे लई उह उस ’ते जान छिड़कदै। जमांदार नूं उह आपणे कमरे दे बूहे अग्गों दी नहीं लंघण दिंदा।

मोहन जी दोचित्ती विच सी। जज्ज दी विचारधारा सपश्शट नहीं सी हो रही। झटपट किसे नतीजे ’ते पुज्जण दी मोहन जी नूं कोई काहल वी नहीं सी। समाइत शुरू होण विच हाले ढेर समां बाकी सी।

इस फ़ैसले नूं अग्गे पा के उसने केस दे गवाहां ’ते धिआन केंदरित करना शुरू कीता।

इस केस विच पुलिस नें इक-दो नहीं, कई टाऊटां नूं गवाह रख्खिआ सी। इहनां विचों मोहन सिंघ अते बाबू बदमाश अहिम सन। दोवें हुण तक सैंकड़े केसां विच पुलिस वल्लों गवाह भुगत चुक्के सन। उहनां केसां दा लेखा-जोखा इस केस दी सफ़लता लई बहुत ज़रूरी सी।

ते सारीआं कचहिरीआं विचों इह लेखा-जोखा जे किसे कोल मौजूद सी तां उह मोहन जी ही सी।

फ़ौजदारी केसां विच गवाह दे पिछोकड़ ते चाल-चलण नूं बड़ी महत्तता दिती जांदी हुंदी सी। वार-वार पुलिस वल्लों भुगतण वाले गवाहां ’ते अदालतां चिड़न लग्गदीआं सन। हर केस विच अजिहे गवाह दी शमूलीअत पुलिस कहाणी झुठलाउण लग्गदी सी। टाऊट गरदाने गवाह सज़ा दी थां दोशीआं नूं बरी कराउण सहाई हुंदे हन।

ते किसे गवाह नूं टाऊट सिध्ध करन वाला तवीत मोहन जी कोल मौजूद सी।

इक तों वध्ध केस विच भुगतण वाले गवाह दा मोहन जी कोल झट्ट खाता खुल्ह जांदा सी। फेर खाते विच  हर उह केस दरज हुंदा जांदा, जिस विच उह गवाह भुगतदा सी। किस केस विच अदालत नें उस दी गवाही नूं मंनिआ अते किस विच उस नूं झूठा करार दित्ता? किस थाणेदार नें उस नूं ज़िआदा वरतिआ अते किस नें घट्ट? मोहन जी दीआं वहीआं हर सवाल दा जवाब दिंदीआं सन।

जदों मोहन जी मुनशी सी तां उस नें इक गवाह दे रिकारड दी फ़ीस पंज सौ रुपिआ रख्खी होई सी।

वकील बण के उस नें इह रिकारड वेचणा बंद कर दित्ता सी। हुण इस रिकारड दी वरतों उसे केस विच हुंदी सी जिस विच उह वकील हुंदा सी।

इस गिद्दड़-सिंगी नें वी मोहन जी दी वकालत चमकाउण विच ख़ूब मदद कीती सी। सिआणे समगलर पिछ्छों हाड़े कढ्ढण नालों पहिलां ही उस नूं वकील कर लिआ करदे सन।

मुलज़मां दे नाल-नाल टाऊटां नूं वी मोहन जी दी चौंकी भरनी पैंदी सी।

उस दी इस काढ नें टाऊटां दा पासा पलट दित्ता सी।

पहिलां गवाह दी जवाईआं जिंनी वुक्कत हुंदी सी। गवाह नूं मुकराउण लई पहिलां मुलज़म उस दी टहिल सेवा वी करदा सी अते नकद नाराइण वी चहड़ाउंदा सी।

हुण गवाहां दे नाल-नाल पुलिस नूं वी हत्थां-पैरां दी पई होई सी। पुलिस नूं किसे मोहतबर नूं गवाह रख्खे बिनां सरदा नहीं सी। नित्त नवें मोहतबर पुलिस किथों लिआवे? टाऊट दी गवाही पैंदिआं ही मोहन जी दा रिकारड दोशी दे बरी होण दे आसार पैदा कर दिंदा सी। गवाह दे पिछ्छे-पिछ्छे फिरन दी थां दोशी कछ्छां वजाउण लग्गदा सी।

आपणे कारनामे ढकाई रख्खण लई गवाह नूं मोहन जी दी चमची मारनी पैंदी सी। मोहन जी चुप्प रहेगा तां उनां दी दिहाड़ी बणेगी।

मोहन जी तों नां मोदन बाहर सी, नां बाबू। उहनां उहो आखणा सी, जो मोहन जी नें अखवाउणा सी।

मोहन जी नें उहनां नूं तां ही मकराउेणा सी जे दोशीआं नें उस नूं  वकील करना सी।

वकील उस नें पैसिआं लई नहीं, आपणी जक खोल्हण लईबणना सी ।

मोहन जी दी झिजक खुल्ल्हण दे बाकी सभ राह साफ़ सन। बस्स इको समस्सिआ सी।  उह सी संघरश संमती दी। दोशीआं वल्लों इह मुकद्दमा संमती लड़न जा रही सी।

मोहन जी वी ज़िद्दी सुभाअ दा सी। जो ठाण लैंदा सी, उह कर के छड्डदा सी।

उह बाबा जी नाल संपरक करेगा। गुरमीत नूं मिलेगा। संमती नूं आपणीआं सेवावां पेश करेगा।

उह कुझ वी करे। उह इह केस लड़ेगा अते आपणी झिजक खोलेहगा। इह उस दा आख़री फ़ैसला सी।