9

संमती दीआं ठप्प होईआं सरगरमीआं ’ते गुरमीत डाहडा दुखी सी।

पाले अते मीते दा चलान पेश हो चुक्का सी। कुझ दिनां बाअद सुणवाई शुरू होण वाली सी। दोशीआं दी अगांह पैरवाई कीती जावे जां नां, संमती तों इह फ़ैसला नहीं सी हो रिहा।

संमती विचलीआं कुझ धिरां दा विचार सी कि संमती दा गठन पुलिस अत्तिआचारां नूं ठल्ल्ह पाउण लई कीता गिआ सी। पाले अते मीते दी ग्रिफ़तारी तों बाअद इह अत्तिआचार बंद हो चुक्का सी। हुण संमती दी कोई ज़रूरत नहीं सी। इस नूं भंग कर देणा चाहीदा है।

संमती दा इक शकतीशाली धड़ा इस ग्रिफ़तारी दा विरोध कर रिहा सी। इह धड़ा संघरश जारी रख्खणा चाहुंदा सी। इस धड़े विच उह लोक शामल सन, जिनहां नें पाले अते मीते नूं आपणे हत्थीं पुलिस कोल पेश कीता सी जां जिनहां नें उहनां दी ग्रिफ़तारी तों कई दिन पहिलां थाणे बैठिआं देखिआ सी।

 

जीवन, गुरमीत अते सरदारी दी मंग सी कि इहनां दी रिहाई तक संघरश जारी रख्खिआ जावे।

उहनां दी इस मंग दी ताईद शामू, अजीत सिंघ अते हेम राज दे नाल-नाल बाबा गुरदित्त सिंघ वी कर रिहा सी।

“जे इह दोशी हुंदे तां पहिले दिन ही नां फड़ लए जांदे?” संघरश जारी रख्खण वाला धड़ा दूजे तों पुछ्छ रिहा सी।

इस खिच्चोताण दी सभ तों वध्ध मानसिक पीड़ा गुरमीत नूं हो रही सी।

उस नें पाले अते मीते दा मुकद्दमा लड़न लई नौकरी छड्डी सी। आपणे उदेश दी प्रापती लई उस नूं संमती ’ते टेक रख्खणी पैणी सी। जे संमती ही खिंड-पुंड गई तां उस दे मिशन दा की बणेगा? इहो फ़िकर उस नूं खाई जा रिहा सी।

संमती दीआं रुस्सीआं धिरां नूं उह वीह-वीह वार मिल चुक्का सी। उहनां नूं पाले अते मीते दे निरदोश होण बारे वार-वार समझा चुक्का सी। सौड़े सिआसी हित्तां तों उपर  उठ्ठ के, इनसाफ़ वरगे सांझे मुद्दे ’ते इक-मुठ्ठ हो के लड़न लई प्रेर चुक्का सी पर किसे वी धिर नें पैरां ’ते पाणी नहीं सी पैण दित्ता।

कई वार उस नूं बाबे ’ते वी ग़ुस्सा आउंदा सी। सारे पासिउं निराश हो के जदों उह बाबे कोल किसे जलदी फ़ैसले दी मंग लै के जांदा सी तां उह ‘थोहड़ा जिहा होर उडीक’ दा मंतर सुणा दिंदा सी।

इह मंतर सुणाउण पिछ्छे बाबे दी आपणी मजबूरी सी।

“भविख्ख विच की होण वाला है?” बाबे तों लुकिआ नहीं सी। नां उहनां दा साथ अकालीआं नें देणा सी, नां कांगरसीआं नें अते नां जनसंघीआं नें। इह लड़ाई उहनां नूं आपणी हिक्क दे ज़ोर ’ते लड़नी पैणी सी। बाबा नहीं सी चाहुंदा कि उहनां नूं वख्ख करन दा दोश संमती सिर लग्गे। उह उहनां नूं ख़ुद ही संमती छड्ड जाण दा मौका दे रिहा सी।

हाले किसे फौरी संघरश दी वी लोड़ नहीं सी। मुकद्दमा मुढ्ढले पड़ाअ उत्ते सी। दोशीआं वल्लों वकील पेश होणा कोई ज़रूरी नहीं सी।

उंझ गुपत रूप विच गुरमीत केस दी पैरवाई कर ही रिहा सी।

केस नूं मज़बूत करन लई पुलिस पैर-पैर ’ते बिआन बदल रही सी। ज़िमनीआं तबदील हो रहीआं सन। हर बदले जा रहे काग़ज़ दी फ़ोटो गुरमीत कोल पहुंच रही सी। की इह पैरवाई घट्ट सी।

गुरमीत दे बहुता ज़ोर देण ’ते बाबे नें इक गल्ल सपश्शट कीती। संमती पाले अते मीते दा केस हर हालत विच लड़ेगी। ढुकवां समां आउण तक गुरमीत निज्जी रूप विच मुकद्दमा लड़दा रहे जां किसे मित्तर वकील तों लड़ाउंदा रहे। पिछ्छों संमती आपे सथिती संभाल लएगी।

जलदी फ़ैसला कराउण दे उदेश नाल संमती दीआं मीटिंगां जलदी-जलदी रख्खीआं गईआं। हर वार निराशा पल्ले पैण लग्गी।

पहिली मीटिंग विच अकाली तोड़-विछोड़ा कर गए।

दलील उहो घसी-पिटी सी। पुलिस अत्तिआचार बंद हो चुक्का है। जे दोशी कसूरवार होए तां सज़ा हो जाणगे। बे-कसूर होए तां बरी। अकाली दल निआं-पालिका दे कंम विच दख़ल देण दे हक्क विच नहीं सी।

सभ नूं पता सी अकालीआं दा संमती नालों वख्ख होण दा असल कारन इह नहीं सी।

पिछली वार मख्ख मंतरी जदों संगरूर आइआ सी तां पारटी वरकरां दी इक विशेश मीटिंग बुलाई गई सी। मुख्ख मंतरी नें जथेदार नूं मिठ्ठीआं-मिठ्ठीआं झाड़ां पाईआं सन। जे हुकमरान पारटी ही पुलिस दा विरोध करन लग्गे तां पुलिस  नालों ज़िआदा नुकसान पारटी दा हुंदै। लोक पुलिस वधीकीआं लई हुकमरान पारटी नूं ज़िंमेवार ठहिराउंदे नें।

मुख्ख मंतरी नें जथेदार नूं अहिसास कराइआ। भोलेपण कारन उह कामरेडां दे हत्थ चहड़ गिऐ। जथेदार दा असल फ़रज़ इह सी कि उह कामरेडां दी चाल नूं समझदा। कामरेडां दी थां पुलिस दी मदद करदा। पाले अते मीते दे सज़ा होण नाल सिख्ख भाईचारे दे वकार विच वाधा होणा सी। अकालीआं नूं थां-थां इह प्रचार करना चाहीदा सी कि सिख्खां नूं तां वाधू विच ही अतिवादी जां वख्खवादी आख के बदनाम कीता जा रिहै। सिख्खी मासूमां दा कतल करना नहीं सिखाउंदी। इह तां पाले वरगे जराइम-पेशा लोक हन जिहड़े सिख्खी दी पनाह लै के कौम नूं बदनाम कर रहे हन। इस तरहां दे प्रचार नाल सरकार दीआं जहड़ां मज़बूत होणगीआं। सरकार मज़बूत होएगी तां जथेदारां दी सरकारे-दरबारे चहड़त होएगी। सरकार दी छुट्टी हो गई तां जथेदारां नूं धरम-युध्ध ला के मुड़ जेल्ह दीआं रोटीआं खाणीआं पैणगीआं।

“हुण किहड़ा सानूं कोई पुछ्छदै? सरकार-सरकूर दा कोई फ़ाइदा नी।”

जथेदार दे इस शिकवे दा तुरंत निपटारा कीता गिआ। पुलिस कपतान अते डिपटी कमिशनर नूं मत्थे लाइआ गिआ सी। “अग्गों तों जथेदार दे सभ कंम होइआ करन।” उहनां नूं हुकम सुणाइआ गिआ सी।

उस दिन तों जथेदार नूं थाणे कुरसी मिलण लग्गी सी। पुलिस दा नमक खा के उह सरकारी बोली बोलण लग्गा सी। उस नूं पाला अते मीता कातल नज़र आउण लग्गे सन। फेर उस दी पारटी दा संमती विच की कंम?

अगली मीटिंग विच कांगरसीआं नें पिठ्ठ भुआ लई।

कांगरस नूं आपणे सौ-साला इतिहास ’ते माण सी। कांगरस नें देश नूं जिस निआं-प्रणाली  नाल निवाजिआ सी, उस दी मिसाल सारी दुनीआं विच नहीं मिलदी। कानूंन दी इक इक सतर लिख दित्ती गई सी। उहो कानूंन राशटरपती ’ते लागू हुंदै,   उहो उस दे सफ़ाई सेवक ‘ते। अदालतां निरपख्ख रहिण इस लई इहनां नूं सरकारी दख़ल तों मुकत रख्खिआ गिऐ। प्रधान मंतरी तक तां दख़ल नहीं दे सकदा। अजिही पवित्तर संसथा ’ते शक्क करना चंन ’ते थुक्कण बराबर सी।

संमती नूं जे कातलां नाल बहुती हमदरदी सी तां संमती दे ख़रचे ’ते दोशीआं लई कोई चंगा वकील कर दित्ता जावे। इस तों वध्ध उह किसे तरहां दी कारवाई लई तिआर नहीं सन।

कांगरसी वरकरां नूं आपणे नेतावां नाल गिला सी। इस लड़ाई दा असल सिहरा बाबे अते उस दीआं समरथक जथेबंदीआं नूं गिआ सी।

इह ठीक सी कि पारटी नें जलसे-जलूसां विच खुल्ल्ह के हिस्सा नहीं सी लिआ पर भाशण तां करारे-करारे दित्ते सन। इह वी ठीक सी कि पारटी दे किसे वरकर नें कदे कोई ग्रिफ़तारी नहीं दित्ती पर अफ़सरां नूं मिलण वाले वफ़दां विच तां उहनां दी गिणती सभ तों वध्ध होइआ करदी सी। जे उह संमती नूं इसे तरहां सहियोग दिंदे रहे तां बाबा उहनां दे सिर ’ते पैर रख्ख के आप कोठे जा चहड़ेगा।

अगली लड़ाई विच उहनां नूं कोई सिआसी लाभ होण वाला नहीं सी। लड़ाई अदालत तक सीमत रहिणी सी। बहुता ज़ोर गवाहां नूं मुकराउण जां सफ़ाई विच भुगताउण ’ते लग्गणा सी। अजिहे मुकद्दमिआं दे फ़ैसले कई वार वीह-वीह साल नहीं होइआ करदे। इंनी देर तक कांगरस खब्बे-पख्खीआं नाल मोढा जोड़ के नहीं खड़ो सकदी।

पारटी नूं केंदर वल्लों वी संकेत आइआ सी। मौजूदा सरकार केंदर दे सहारे चल्लदी सी। केंदर नूं सरकार तोड़न विच कोई दिलचसपी नहीं सी। सरकार दा ओना कु विरोध कीता जाए जिस नाल पारटी दा आधार बणिआ रहे।

केंदर नें मुख्ख मंतरी नूं साफ़-साफ़ शबदां विच आख दित्ता सी कि  उस दी पारटी दे वरकरां दे कंम अकालीआं नालों पहिलां होणे चाहीदे हन। मुख्ख मंतरी झट्ट मंन गिआ सी।

कांगरस आपणे-आप नूं अनुशासन पसंद पारटी आखदी सी। केंदर दे हुकम ’ते उहनां झट्ट फुल्ल चहड़ा दित्ते।

भारती जनता पारटी दा तां संमती नाल पहिलां ही बहुता सहियोग नहीं सी। जदों लाला जी नें ख़ुद ही पुलिस अत्तिआचार दे ख़िलाफ़ हाअ दा नाअरा मारिआ सी तां पारटी दे कुझ वरकर संमती विच शामल हो गए सन। पारटी इह मंनण नूं तिआर नहीं सी कि पाला अते मीता निरदोश सन। उहनां दा तरक सी कि इह दोवें पेशेवर मुजरम सन। किसे विशेश कारन करके जे उह कुझ समें लई जुरम नहीं कर सके जां पुलिस दुआरा फड़े नहीं गए तां इस दा इह मतलब नहीं कि उह दुध्ध-धोते बण गए। जुरम करन दा दौरा इहनां नूं कदे वी पै सकदै। अजिहे हड्ड-हरामीआं तों मिहनत दी आस नहीं रख्खणी चाहीदी।

हो सकदै उहनां नूं पुलिस कोल पेश कीता गिआ होवे। इह वी हो सकदै कि बाबे अते होर बंदिआं नें उहनां नूं थाणे बैठे देखिआ होवे। हो सकदै पहिलां पुलिस नें उहनां तों पुछ्छ-गिछ्छ कीती होवे। हो सकदै पुछ्छ-गिछ्छ होण ’ते कोई सुराग मिल गिआ होवे।

पारटी आपणी दलील दी पुशटी लई इसे शहिर विच होए ख़रैती लाल दी पतनी दे कतल दी उदाहरण दिंदी सी।

बलवंत पंदरां साल ख़रैती लाल दी दुकान ’ते नौकर रिहा सी। ख़रैती नूं उस ’ते धीआं- पुत्तां वरगा भरोसा सी। सारा लैण-देण उसे राहीं हंदा सी। दिन विच वीह-वीह वार उह घर चक्कर मारदा सी। कदे रुपए लै गिआ, कदे दे गिआ।

इक दिन वीह हज़ार रुपए फड़ाउण आए बलवंत दी नीअत फिट्ट गई। दरवाज़े विच खड़ो के उह बंती नूं अलमारी विच पैसे रख्खदी नूं ताड़दा रिहा।

घंटे कु बाअद मूंह ढक्क के, डाकूआं वाला भेस बणा के उह चुबारे जा चहड़िआ। डरा-धमका के पैसे लै लए। माड़ी किसमत बंती दी। मुड़े जांदे बलवंत दी उस नें पिठ्ठ पछाण लई।

“हैं वे बलवंत) तूं?” बंती दे मूंहों निकलिआ हउका उस दी मौत दा बुलावा बण गिआ।

घबराए बलवंत नें उस दा गला घुट्ट दित्ता। मच्च के मरी है, इह भुलेखा पाउण लई उस नूं अग्ग ला दित्ती।

अधीआ अंदर सुट्ट के शाम नूं उह अफ़सोस करन लई जुड़ी भीड़ विच आ बैठा। उच्ची-उच्ची बंती दे वैण पाउण लग्गा। ख़रैती दे गल लग्ग-लग्ग के धाहां मारन लग्गा।

पूरे चौवी घंटे किसे नूं बलवंत ’ते शक्क नहीं सी होइआ।

फेर पुलिस नूं मुख़बरी होई। लोकां नूं उस समें ही पता लग्गा जदों बलवंत  नें बिजली दे मीटर हेठों रकम वी वसूल करवा दित्ती अते ख़ून नाल लिब्बड़े आपणे कप्पड़े वी।

जे कोई आखे। बलवंत नूं उस नें बंती लई धाहां मारदे देखिआ सी तां इस दा इह मतलब तां नहीं कि उह बे-कसूर सी।

संमती दी हमाइत दी थां भारती जनता पारटी पाले अते मीते नूं सज़ा कराउण ’ते तुल गई। संमती नालों वख्ख होण दा ऐलान उस भरे इकठ्ठ विच कीता। पारटी दी दलील सपश्शट सी। पुलिस दा मनोबल पहिलां ही डिग्गिआ होइआ सी। जे पारटी नें उस दा विरोध कीता तां दहिशतगरदी नूं उतशाह मिलेगा। निआं-पालका वी डरी होई सी। पारटी नें उस ख़िलाफ़ आवाज़ बुलंद कीती तां उस नें रहिंदा-खूंहदा हौसला वी छड्ड जाणै।

पाले अते मीते नूं सज़ा होण विच ही सभ दा भला सी। दो निरदोश बंदिआं नूं फाहा लग्ग गिआ, फेर किहड़ा पहाड़ टुट्ट पैणा सी। अग्गे वी हज़ारां निरदोश कतल होए सन। दो होर हो गए तां किहड़ा संसार सुंना हो जाणा सी। इहनां नूं सज़ा होण नाल होरां नूं कंन हो जाणगे।

पारटी दी नवी नीती सपश्शट सी। उह पाले अते मीते नूं ही बंटी दे कातल समझदी सी। उहनां नूं सज़ा कराउण लई पारटी हर हीला वरतेगी।

देखदे ही देखदे सारी बद्दलवाई छट गई।

पिछ्छे रहि गिआ बाबा, उस दीआं समरथक्क कुझ जथेबंदीआं जां सच्च दा पल्ला फड़ी रख्खण वाले जीवन आहड़तीए वरगे कुझ समाज सेवक।

नवीं गठित होई संमती दा निशाना वी सपश्शट सी। लोकां नें संमती विच विशवास प्रगट कीता सी। संमती नें इस विशवास नूं बहाल रख्खणा  सी।

संमती वल्लों मुकद्दमा लड़न लई लीगल सैल्ल सथापित कीता गिआ। गुरमीत नूं उस दा मुखी थापिआ गिआ। सैल्ल विच होर किहड़े वकील शामल करने सन, इस दी उस नूं खुल्ल्ह दित्ती गई।

गुरमीत वल्लों पहिला सद्दा पिआरे लाल नूं गिआ सी। लोक लख्ख उस नूं विहलड़ अते निकंमा समझदे रहिण, गुरमीत नूं उह गुदड़ी विच छुपिआ लाल जापदा सी। उस नूं आपणी लिआकत दिखाउण दा मौका मिलणा चाहीदा सी।

मोहन जी वल्लों पेशकश आपे आई सी। मुढ्ढ तों ही उह मीते अते पाले दा वकील रिहा सी। इह केस उह बिनां फ़ीस लए झगड़न नूं तिआर सी।

अंनहा की भाले दो अख्खां? सैल्ल नूं उस दीआं सेवावां दी सख़त ज़रूरत सी। इस केस विचले बहुते गवाह पुलिस टाऊट सन। पुलिस वल्लों उह सैंकड़े केसां विच गवाही भुगत चुक्के सन। उहनां नूं पुलिस पख्खी साबत करन लई सैल्ल नूं उहनां सारे केसां दा रिकारड चाहीदा सी। मोहन जी कोल इक-इक गवाह दी जनम-कुंडली मौजूद सी।

लीगल सैल्ल दी इस टीम दी कामयाबी दी कामना करदिआं संमती दीआं बाकी इकाईआं नें वी आपणे-आपणे मोरचे संभाल लए।

सैल्ल दा पहिला कंम दोशीआं दी ज़मानत कराउणा मिथिआ गिआ।

 

 

10

पाले अते मीते नूं ग्रिफ़तार होइआं नब्बे दिन हो गए सन। हाले तक पुलिस उहनां दे ख़िलाफ़ चलान पेश नहीं सी कर सकी। इस आधार ’ते उहनां दी ज़मानत होणी सी।

शाइद जेल्ह विच इह उहनां दा आख़री दिन सी।

पाला अते मीता आपणा समान समेटण अते घर जाण दीआं तिआरीआं विच रुझ्झे होए सन।

साथी कैदी वधाईआं दे रहे सन। कतल-केस ’च तां साल-साल ज़मानत नहीं हुंदी। उहनां दे गलों तिंन महीनिआं बाअद ही पंजाली लहि चल्ली सी।

भदौड़ीए वैली नें उहनां नूं वधाई नहीं सी दित्ती। उस दा मन इह मंनण नूं तिआर नहीं सी कि पुलिस नब्बे दिनां दे अंदर-अंदर चलान पेश नहीं कर सकी। कोई माड़ा-धीड़ा केस हुंदा तां उह मंन वी लैंदा। इस केस दी मशहूरी तां दिल्ली-दख्खण तक होई-होई सी। केस नूं सिआसी रंग चहड़ चुक्का सी। जे दोशीआं दी ज़मानत हो गई तां थाणेदार दे मोढिउं सटार लहि जाणगे। पुलिस मैजसिट्रेट नूं गठ्ठ के चलान पिछलीआं तारीख़ां विच पेश करिआ दिखावे जां कोई होर खूह पुट्टे, उह चलान समें सिर पेश कर के छड्डू। भदौड़ीए दा तजरबा इहो आखदा सी।

थाणा, कचहिरी जां जेल्ह भदौड़ीए लई नवां नहीं सी। उस दा वीह-साला तजरबा सी। कमानीदार चाकू तों लै के कतल केस तक उस ’ते पै चुक्के सन। उह हुण वी कतल केस ’च अंदर सी। उस दे वारिस अड्डी-चोटी दा ज़ोर ला चुक्के सन। सुपरीम कोरट तक जा आए सन, ज़मानत नहीं सी होई। इह समझदे हन बिनां हिंग फटकड़ी लाए ही चोखा रंग चहड़ जाएगा।

भोले पंछी आपणी तुलना धनौले वाले भिंदे नाल कर रहे सन। उस दी ज़मानत वी इसे तरहां होई सी, पर किथे राजा भोज, किथे गंगू तेली। उह शेरे बदमाश दी पारटी दा बंदा सी। शेरा आपणे बंदिआं लई पैसा पाणी वांग वहाउंदै। भिंदा उस दी सज्जी बांह सी। शेरे दा सारा ज़ोर उस दी रिहाई ’ते लग्गा होइआ सी।

भिंदे दी ज़मानत होण दा इक कारन होर वी सी। जिस बुढ्ढे दा उस नें कतल कीता सी, उह लावारिस सी। बुढ्ढे दे नां बहुती ज़मीन जाइदाद वी नहीं सी। चार विघे दा इक टक्क सी अते डेढ दा इक। शरीकां नूं पता सी। ओने दी ज़मीन हत्थ नहीं आउणी, जिंने उत्ते लग्ग जाणगे। बदमाशां नाल दुशमणी वाधू विच। लोक लाज रख्खण लई उहनां परचा तां दरज करवा दित्ता पर पैरवाई लई इक दिन वी थाणे नां गए। पैरवाई बिनां तिंन सौ तेई दा मुकद्दमा वी सिरे नहीं चहड़दा, इह तां कतल केस सी। पुलिस पहिलां ही भिंदे वल्ल डक्का सुट्टदी सी। वस्स चल्लदा तां ग्रिफ़तारी बिनां ही सार दिंदी पर अफ़सरां तों डरदी पुलिस नूं ज़ाबता पूरा करना पिआ।

“किउं वकीलां दा घर भरदे हो? वकील वाली फ़ीस मैनूं दिओ। ज़मानत तां होएगी ही, परचा वी खारज हो जू।” ग्रिफ़तारी समें ही थाणेदार नें उहनां नूं सिध्धे राह पा दित्ता सी।

शेरे नें थाणेदार दे बोलां ’ते फुल्ल चहड़ाए। थाणेदार नें वाअदा निभाइआ। तां नब्बे दिन लंघे, तां ज़मानत होई।

“इहनां मूरखां नूं कोई पुछ्छे बई तुसीं किस भड़ूए नूं बंनहिऐ? ऐवें हवा ’च डांगां मारदे नें। धक्के-धुक्के खा के शाम नूं आपे खुड्डे ’च मुड़ आउणगे। वधाई दित्ती ऐवें जाएगी”, सोचदा भदौड़ीआ दड़ वट्ट गिआ।

भदौड़ीए दी बेरुख़ी पाले अते मीते दे चित्त-चेते वी नहीं सी। इक घाट ज़रूर उहनां नूं रड़क रही सी। रिहाई दी ख़बर सुणदिआं ही कुझ मित्तर उहनां दुआले मंडराउण लग्गे सन। जेल्ह दी रीत अनुसार पाले अते मीते नें आपणा वाधू-घाटू सामान उहनां दे हवाले करना सी। भावें उहनां दे प्रसंसकां दी गिणती बहुती नहीं सी पर उहनां कोल देण लई कख्ख वी नहीं सी।

जे उहनां विचों वी कोई भदौड़ीआ वैली, सेठ हज़ारी लाल जां भिंदा बदमाश हुंदा तां उहनां कोल वी वंडण लई ढेर सारा सामान हुंदा। इहनां दा कोई नां कोई रिशतेदार मुलाकात लई आइआ ही रहिंदा सी। आइआ रिशतेदार ढेर सारा सामान वी लिआउंदा सी। कुझ चीज़ां इह खा-पी लैंदे, कुझ बच रहिंदीआं सन, तेल, साबण, घिउ, अचार, बिसकुट जां बीड़ी सिगरट वी भला नाल लै के जाण वाली चीज़ है? कोई बाहर लै के जाण दी कोशिश वी करे तां वी जेल्ह अधिकारी इल्लां वांग झपट पैणगे। इह चीज़ां बख़शीश दे बहाने धक्के नाल ही ज़बत कर लैणगे। जेल्ह अधिकारीआं दी थां फेर किउं नां मित्तरां नूं ही ख़ुश कीता जावे? भिंदा तां आपणे चापलूसां नूं पीपे, परने अते रज़ाई, कंबल वी दे गिआ सी।

पाला अते मीता ख़ुद बख़शीश ’ते दिन कट्टदे सन। उहनां नूं तां कदे बाहरों बहुता सामान आइआ ही नहीं सी।

पंदरां दिनां बाअद पाले अते मीते दी रूह-नुमाई दी पेशी पैंदी सी। पेशी वाले दिन उहनां नूं अदालत विच लिजाइआ जांदा सी।

हवालातीआं नाल भरी बस्स सवेरे दस वजे कचहिरी पुज्ज जांदी सी। पेशी बाअद दुपहिर नूं पैंदी सी। छोटे-मोटे जुरमां वालिआं नूं दरख़्ख़त हेठ बिठा दित्ता जांदा। उहनां नूं कचहिरी विच बणे हवालात विच बंद कीता जांदा। हवालाती किसे तरहां दा वी हुंदा, मुलाकाती नूं परेशानी नहीं सी हुंदी। सिपाहीआं नूं चाह दा कप्प पिआ के जां चार केले खवा के ही सर जांदा सी।

पाले दे घर दे उस नूं कचहिरी ही मिलदे सन।

इक पासे मापे ग़रीब, दूजे पासे मिलण वाले सामान दे हिस्से पाउण वाले दो। घरों आइआ सामान दो दिनां विच ही मुक्क जांदा। बाकी दे दिन फाकिआं दे हुंदे।

जिहो जिहे उह, उहो जिहे उहनां दे झोली-चुक्क। देबू भईए, बहादर पहाड़ीए जां सोनूं सुनिआर नूं उहनां तों बहुतीआं आसां नहीं सन। पर उहनां नूं रौशनी दी किसे किरन दी आस रख्खणा वी गुनाह नहीं सी लग्गदा।

पाला अते मीता जे घिओ, पिंनीआं जां रज़ाई कंबल देण जोगे नहीं तां इस दा इह मतलब वी नहीं कि उह बिनां हत्थ झाड़े ही तुर जाणगे। उह वी जेल्ह दी रीत निभाउणगे ते मित्तरां नूं कोई नां कोई निशानी दे के जाणगे। उहनां दे दोसतां विच देबू भईए दी हालत सभ तों भैड़ी सी। उह तिंन साल तों जेल्ह विच सी। उस दे कप्पड़े कदों दे लीरो-लीर हो के उस दे सरीर दा साथ छड्ड गए सन। नंगेज़ ढक्कण लई उस दे सरीर ’ते इक कछ्छा बाकी सी। उह वी घस चुक्का सी ते किसे वी समें आपणा फ़रज़ निभाउण तों नांह कर सकदा सी। शेव करिआं साल हो गिआ सी। वालां नूं तेल नसीब नहीं सी होइआ। उस दे काले घुंगराले वाल भूरे चिट्टे हो गए सन। रंग उस दा पहिलां ही काला सी। नंगे पिंडे ’ते पैंदी धुप नें उस नूं होर गूहड़ा कर दित्ता सी। देबू नूं कदे रज्जवीं रोटी नहीं सी मिली। उपरों हड्ड-भंनवीं मुशक्कत। उस दा गठवां सरीर हड्डीआं दा ढांचा बण चुक्का सी। भूत-प्रेत लग्गदे इस देबू नूं उहनां दे रहिम दी सभ तों वध्ध ज़रूरत सी।

ग्रिफ़तारी समें पुलिस नें पाले अते मीते नूं नवें कप्पड़े सिला के दित्ते सन। इक-इक जुत्ती अते पग्ग वी लै के दित्ती सी। पाले अते मीते नूं सारी उमर अजिहे कप्पड़े नसीब नहीं सन होए। जेल्ह वड़दिआं ही उहनां इह संभाल के रख्ख लए सन। इक वार वी नहीं सी पाए। अज्ज ख़ुशी दा मौका सी, उहनां इहो कप्पड़े पहिने सन। पुराणे कप्पड़े उह देबू नूं देणगे। मीते नें आपणी पुराणी पैंट देबू दे हवाले कर दित्ती, नाल हवाई चप्पलां दा जोड़ा वी। पाले नें साबण दी अध्धी टिक्की अते तेल वाली शीशी उस दे हवाले कीती। यारां दे रिहाअ होण दी ख़ुशी विच उह वी मालशां करे, मल-मल नहाए ते बोदिआं नूं तेल नाल लिशकाए।

बहादर दो साल तों अंदर सी। उह निपाली पहाड़ीआ सी। सारी उमर उस नें अफ़सरां दे घरां विच नौकरी कीती सी। बण-संवर के रहिण दा शौकीन सी। जदों जेल्ह आइआ सी तां रंग गोरा-निछोह अते सरीर गठवां सी। हुण उस दी अते देबू दी हालत विच उन्नी-इक्की दा फ़रक सी। जदों जेल्ह सुपरडैंट दा नौकर छुट्टी गिआ हुंदा तां उस नूं उस दी कोठी जाण दा मौका मिलदा। इस सुनहिरी मौके दा उह भरपूर फ़ाइदा उठाउंदा। शैंपू नाल नहाउंदा ते नारीअल दे तेल झस्सदा। रज्ज के खांदा। कई-कई दिन बाबू बणिआ रहिंदा। पाले नूं महिसूस होइआ जिवें इस शौकीन पुत्त नूं कंघे-शीशे दी सभ तों वध्ध ज़रूरत सी। उस नें आपणा छोटा कंघा अते जेबी शीशा उस नूं संभाल दित्ता।

सोनूं नूं जेल्ह आइआं चार महीने होए सन। अलूआं जिहा इह मुंडा कुड़ीआं वरगा सी। उस नाल छेड़-छाड़ करना अते उस नूं चुंमणा-चट्टणा हर कोई आपणा हक्क समझदा सी। कैदी बिन मंगिआं ही उस अग्गे चीज़ां दा ढेर ला दिंदे सन। खाण-पीण जां पहिनण-पच्चरन दी उस नूं कोई घाट नहीं सी।

उस नूं इक वाअदा चाहीदा सी। दिलों कीता वाअदा।

“बाई, किवें नां किवें मैनूं इस नरक ‘चों बाहर कढ्ढो। जिहड़ा वी ख़रच होऊ, उस तों दुग्गणा मैं बाहर आ के दे दं।” रो-रो हंभ चुक्का सोनूं मीते दा हत्थ फड़ के वार-वार डडिआउण लग्गदा।

“तूं फ़िकर नां कर। बाहर जांदा ही पहिलां मैं आपणे वकील नूं आख के तेरी ज़मानत दी दरख़ासत दिवाऊं। दो-चार दिनां तक तूं वी बाहर होएंगा।” सोनूं दा हत्थ घुट्टदा, उस दे हंझू पूंझदा मीता उस नूं विशवास दिवाउंदा।

सोनूं उस दीआं गल्लां ’ते विशवास करे जां नां, उस नूं समझ नां आउंदी। जेल्हों जांदा हर कैदी उस नाल इहो वाअदा करदा सी। सोनूं वाअदे ’ते विशवास करदासी। सारा दिन डिउड़ी वल्ल तक्कदा सी। रिहाई लई पैण वाली आवाज़ नूं उडीकदा सी।

उस नूं जागदे नूं ही सुपने आउण लग्गदे। कदे लग्गदा, उस लई चोटी दा वकील कीता गिऐ। वकील उस लई धूंआंधार बहिस कर रिहै। जज्ज नें सोनूं नूं बरी कर दित्तै। देव-पुरश बणिआ कैदी उस नूं काल-कोठड़ी विचों बाहर लै के जा रिहै। उह आपणे जमातीआं ’च खेड रिहै, पहड़ रिहै, गलीआं-बज़ारां विच घुंम रिहै, गोल-गप्पे खा रिहै, दुपहिर तक घूक सुत्ता पिऐ।

उस नूं की पता हुंदा, बाहर गिआ कैदी उस नूं भुल्ल गिऐ। वकीलां दीआं फ़ीसां, ज़ामनां दी वगारां तों उह डर गिऐ। उस दा ख़ुद दा ही खहिड़ा मसां छुट्टै। उस नें किसे तों की लैणै?

जिउं-जिउं दिन लंघदे जांदे, तिउं-तिउं उस दे सुपने खेरूं-खेरूं हुंदे जांदे।

इंने विच किसे होर दी रिहाई आ जांदी। पहिले कैदी दी आस छड्ड के उह नवें कैदी ’ते आस ला लैंदा।

इह आस उह हुण पाले अते मीते ’ते लाउणा चाहुंदा सी।

जिस गरम-जोशी नाल उह सोनूं नूं यकीन दिवा रहे सन, उस तों देबू अते बहादर दे मूंह विच लालां टपक पईआं। किउं नां इहो सवाल उह वी पा देण।

पाले अते मीते नूं तिंनां नाल हमदरदी सी। उहनां वांग तिंनां नाल धक्का होइआ सी। उहनां लई पाला अते मीता जो कुझ वी कर सके, उह ज़रूर करनगे।

सोनूं, देबू अते बहादर नें पाले अते मीते दी रिहाई लई सुख्खां सुख्खीआं। उह उहनां नूं डिउड़ी तक विदा करन आए। वार-वार उनां वधाई दित्ती अते मुड़-मुड़ वाअदे याद कराए।

पर शाम नूं उह मूंह लटकाई वापस आ गए।

सारी बैरक विच संनाटा छा गिआ। देबू, सोनूं अते बहादर पीले भूक हो गए।

“चाचा भदौड़ीआ सच्च आखदा सी.....कहिंदे पुलिस नें कल्ल्ह चलान पेश करता।” साथीआं दे चिहरिआं ’ते उकरे प्रशन दा उत्तर मीते नें दित्ता।

“मारे गए.....।” देबू अते बहादर दे मूंहों इको समें निकलिआ।

“घबराओ नां। बाहर संघरश संमती बण गई है.....उस नें साडे केस लड़न लई तिंन वकीलां दी कमेटी बणाई है.....वकीलां नें सानूं आखिऐ उह साडा ही नहीं, उहनां सभनां दा केस लड़नगे जिनहां नाल धक्का होइआ.....मैं देबू, सोनूं अते बहादर दा नां लिखा आइआं.....उह इहनां दी पैरवाई वी करनगे.....सारा ख़रचा संमती करेगी.....किसे होर नूं संमती दी ज़रूरत होवे तां नाम लिखा सकदै.....।”

साथीआं दा दिल रख्खण अते भदौड़ीए दीआं टिच्चरां तों बचण लई पाले नें छोटा जिहा लैकचर झाड़िआ।

भदौड़ीआ टिच्चरां दे मूड विच नहीं सी। उह तां मुंडिआं दे भोलेपण ’ते सभ तों वध्ध उदास सी।

 

 

11

ऐडीशनल सैशन जज्ज सतिंदर नाथ समें दा बड़ा पाबंद सी। दस वज्जण तों पंज मिंट पहिलां ही उह कुरसी संभाल लैंदा।

पहिलां ज़मानत दीआं दरख़ासतां दी सुणवाई हुंदी। इह सुणवाई दोशीआं लई बड़ी अहिम सी। इसे सुणवाई दौरान इह फ़ैसला हुंदा सी कि महीनिआं तों जेल्ह ’च सड़ रहे दोशी नें बाहर आउणा है जां जेल्ह दीआं होर रोटीआं खाणीआं सन। दोशी नें पेशगी ज़मानत करवा के सुरख़रू होणा सी जां पुलिस हत्थों होर ज़लील होणा सी।

नाथ दी अदालत विच सुणवाई लई इको आवाज़ पैंदी सी। जिहड़ा वकील हाज़र, उस दी दरख़ासत ’ते फ़ैसला वी झट्टपट। जिहड़ा वकतों खुंझ गिआ, उस दी सुणवाई अगले महीने।

जिहा राजा तिही परजा। नाथ जे पंज मिंट पहिला आउंदा सी तां वकीलां नूं पंदरां मिंट पहिलां आउणा पैंदा सी। डरे साइल नूं सूरज चहड़न तों वी पहिलां अदालत अग्गे धरना देणा पैंदा सी।

आम दिनां नालों उलट नाथ अज्ज इक घंटा लेट सी। सुणवाई लई लग्गीआं दरख़ासतां वी ढेर सारीआं सन। इक-इक करके फ़ौजदारी दे बहुते वकील कोरट-रूम विच पुज्ज चुक्के सन।

हेठलीआं अदालतां विच कंम शुरू हो चुक्का सी। वकीलां नूं आवाज़ां ’ते आवाज़ां पै रहीआं सन। कई वकीलां नूं कई-कई बुलावे आ च्के सन।

इक पासे मैजिसट्रेट साइलां नूं झईआं लै-लै पैंदा। दूजे पासे वकील सैशन कोरट विचों निकलण दा नां नां लैंदे। हेठली अदालत दा की सी? सुणवाई घंटा ठहिर के वी शुरू हो सकदी सी। वकील जे इक वार सैशन कोरट विचों निकल गिआ तां पिछ्छों जज्ज आ गिआ तां उस दे साइल दा कूंडा हो जाणा सी। वकील दे मुड़न तक दरख़ासत ख़ारज हो चुक्की होणी सी अते साइल किसे होर वकील दे फट्टे ’ते बैठ चक्का होणा सी। कोई वी वकील किसे किसम दा ज़ोख़म उठाउण नूं तिआर नहीं सी।

कड़िक्की ’च फसिआ साइल बाहर ही खड़ो जांदा। जो होएगी, देखी जाएगी। वकील बिनां उह वापस नहीं जाएगा। साइल फैसला करेग़ा।

कोरट रूम विच वकीलां अते बाहर साइलां दा इकठ्ठ बझ्झण लग्गा।

वकीलां दे बैठण लई कुरसीआं अठ्ठ सन अते बैठण वाले वीह।

जिहड़े पहिलां आ गए, उहनां कुरसीआं मल्ल लईआं।

पिछ्छों आउण वालिआं विचों कोई सटैनो कोल जा खड़ोता, कोई रीडर कोल अते कोई अरदली कोल।

जिहड़े फेर वी बच गए उह छोटीआं-छोटीआं टोलीआं बणा के जज्ज दे लेट आउण दे कारनां दा किआस लाउण लग्गे।

गुरमीत जिस टोली विच खड़ा सी, उस दीआं गल्लां दा विशा वी इहो सी।

भंडारी वकील दा ख़िआल सी कि रात उह ज़िआदा पी गिआ होणै। हुण बैठा नशा उतार रिहा होणै।

सरदारी लाल दा ख़िआल सी कि किसे असामी कोल पैसे घट्ट गए होणगे। जिंना चिर पैसे पूरे नहीं हुंदे, उह कचहिरी नहीं वड़दा।

गुरमीत नूं इहनां गल्लां विच कोई दिलचसपी नहीं सी। उस दी नज़र रीडर ’ते टिकी होई सी।

रीडर नूं मुनशीआं मुसद्दीआं नें घेर रख्खिआ सी। कोई उस नूं वीह दा नोट फड़ा रिहा सी अते कोई सौ दा। कदे कोई साइल उस दा झग्गा खिच्च लैंदा अते कदे अरदली।

गुरमीत उस नाल इकांत विच गल्ल करना चाहुंदा सी। पर मौका नहीं सी मिल रिहा।

गुरमीत नूं पल-पल सहाई सी। जज्ज किसे वी समें टपक सकदा सी। जज्जां दे आउण तों पहिलां-पहिलां उस दी रीडर नाल गल्ल होणी चाहीदी सी।

पाले अते मीते दी दरख़ासत मनज़ूर कराउणी ज़रूरी सी। दोशी नां जज्ज तक पहुंच कर सकदे सन, नां सरकारी वकील तक। मुल्लां दी दौड़ मसीत तक ही सी।

रीडर नें कल्ल्ह मोहन जी दा इक अड़िआ गड्डा कढ्ढिआ सी।

मोहन जी दे इक साइल ’ते पंझी बोरे डोडिआं दा केस सी। साइल अमली सी।

अमल बिनां अमली जेल्ह ’च मरन वाला होइआ पिआ सी। इधर नाथ साहिब आपणे असूलां ’ते अड़े बैठे सन। वीह बोरिआं तों वध्ध वाले केस विच उह ज़मानत नहीं सन लैंदे। हाई कोरट जा के ज़मानत कराउण दी अमली दी परोखों नहींसी।

डुब्बदी बेड़ी नूं रीडर नें बंने लाइआ सी।

कल्ल्ह डोडिआं वाले तिंन केसां विच दोशीआं दीआं ज़मानतां दीआं दरख़ासतां दी सुणवाई होणी सी। पहिले कोलों वीह बोरे फड़े सन, दूजे कोलों बाई अते तीजा मोहन जी दा साइल सी।

रीडर नें पहिलां वीह बोरिआं वाली अरज़ी पेश कीती। जज्ज नें झट्ट ज़मानत मनज़ूर कर लई।

फेर रीडर नें बाई बोरिआं वाली दरख़ासत रख्ख दित्ती। उस दोशी दा वकील भंडारी सी। भंडारी लेलहड़ीआं कढ्ढण लग्गा। वीह अते बाई विच की फ़रक है?

इक तां वीह अते बाई बोरिआं विच सच्चमुच्च बहुता फ़रक नहीं सी। दूजे उस नूं भंडारी दी शरम मार गई। हाले कल्ल्ह ही उह उस दे फ़ारम ’ते इकठ्ठे होए सन। पारटी ’ते बहुता नहीं तां भंडारी नें दो-तिंन हज़ार तां ख़रचिआ ही होएगा।

कुझ देर किड़-किड़ कर के नाथ नें उह दरख़ासत वी मनज़ूर कर लई।

दूजी दरख़ासत दे मनज़ूर हुंदिआं ही मोहन जी शेर बण गिआ।

नाथ रीडर दी हुशिआरी समझ गिआ। उस नें रीडर नूं लाल-पीलीआं अख्खां तां दिखाईआं पर दरख़ासत नां-मनज़ूर नां कर सकिआ।

गुरमीत नूं अज्ज रीडर दी इसे तरहां दी मदद दी ज़रूरत सी, पर रीडर सी कि विहला ही नहीं सी हो रिहा।

थोहड़ी जिही सीड़ हुंदिआं ही गुरमीत नें रीडर नूं इशारे नाल उठाइआ अते बाहर लै गिआ।

बिनां कोई भूमिका बंनहे गुरमीत नें आपणा उदेश सपश्शट कीता। मोहन जी वाले केस वांग उह पाले अते मीते दी अरज़ी अजिही थां फिट्ट करे, जिथे उह नां-मनज़ूर नां हो सके।

इक-इक करके गुरमीत नें सुणवाई विच लग्गीआं सारीआं दरख़ासतां दा जाइज़ा लिआ। बिल्लू नूं दो दरख़ासतां दा पता सी, जिनहां नूं नाथ नें मनज़ूर करना सी।

पहिली खंने वाले विउपारीआं दी सी।

उहनां दी कैटल फीड दा सैंपल भरिआ गिआ सी। सैंपल विच मिलावट पाई गई सी। पुलिस उहनां नूं ग्रिफ़तार करन ’ते तुली होई सी। वकील राहीं उहनां दा नाथ नाल सौदा हो चुक्का सी।

“पर भाई, लालिआं दे केस नाल आपणे केस दा की संबंध? किथे नमूनिआं दा केस अते किते कतल केस। हो सके तां इस नूं किसे कतल केस नाल लिंक कर।”

लालिआं दीआं ज़मानतां नाल पाले अते मीते नूं कोई फ़ाइदा नहीं सी पुज्जणा। गुरमीत दरख़ासत नूं किसे ढुकवीं थां पहुंचाउण दे यतन करन लग्गा।

“इक कतल केस वी हैगा।” रीडर गुरमीत नूं दूजी दरख़ासत दा वेरवा समझाउण लग्गा।

उस केस विच दिन-दिहाड़े इक बैंक लुट्टिआ गिआ सी। बैंक लुट्टदे समें दहिशतगरदां दी बैंक-मैनेजर नाल झड़प हो गई सी। मैनेजर थाएं मारिआ गिआ सी। संतरी नें गोली चलाई तां इक दहिशतगरद दी लत्त उड्ड गई। दहिशतगरद नें बाकी साथी वी फड़वा दित्ते। लुट्टिआ कैश बरामद हो गिआ। इहनां दहिशतगरदां ’ते दूहरे कतल, बैंक डकैती अते नजाइज़ असला रख्खण वरगे संगीन जुरम सन।

दहिशतगरदां वल्लों वी ज़मानत दी दरख़ासत दित्ती गई सी। उस दरख़ासत दी सुणवाई वी अज्ज होणी सी।

गुरमीत समझदा सी, जे दहिशतगरदां दी ज़मानत हो गई तां पाले अते मीते दी ज़मानत वी हो जाएगी। बहिस तिआर करदे समें उस नें दोहां दे केसां दा मुकाबला कर के देखिआ सी।

दहिशतगरदां उपर दूहरे कतल दा दोश सी जदों कि पाले अते मीते उपर इकल्ले बंटी दा। दहिशतगरदां विचों इक मौके ’ते ही फड़िआ गिआ सी। बंटी कतल केस विच पुलिस नूं डेढ महीने तक कातलां दा सुराग नहीं सी मिलिआ। दहिशतगरदां दा केस चशमदीद गवाहां दी गवाही ’ते आधारत सी। पाले अते मीते ख़िलाफ़ पुलिस कोल इक वी चशमदीद गवाह नहीं सी। दहिशतगरदां विरुध्ध गवाही देण वाले गवाह बैंक मुलाज़म सन जां बैंक विच लैण-देण करन आए गाहक। उहनां दी गवाही नूं सच्च मंनणा अदालत दा फ़रज़ सी। इधर मामला उलट सी। पाले अते मीते वाले केस दे सठ्ठ फ़ीसदी गवाह पुलिस टाऊट सन। उहनां दी गवाही ’ते विशवास करन तों पहिलां अदालत नूं सौ वार सोचणा पैणा सी। सभ तों वड्डा वाधा इह सी कि दहिशतगरदां नें ज़मानत हुंदिआं ही फ़रार हो जाणा सी। पिछ्छों नां दहिशतगरद लभ्भणे सन, नां उहनां दे ज़ामन। पाला अते मीता नां पहिलां भज्जे सन, नां उहनां फेर भज्जणा सी। उहनां दा ज़ामन जीवन आहड़तीए अते बाबा गुरदित्त सिंघ नें बणना सी।

जे दहिशतगरदां दी ज़मानत हो गई तां पाले अते मीते दी किउं नहीं होएगी?

“जज्ज नाल कोई लैण-देण होइआ होवे, इस दा मैनूं पता नहीं। इह ज़रूर पतै बई ज़मानत हो जू।” समुच्चे हालात दा जाइज़ा लै के रीडर नें गुरमीत नाल सहिमती प्रगटाई।

“बस्स ठीक है। तूं साडी दरख़ासत इहनां दे पिछ्छे ला दे। फेर देखी जाऊ।”

रीडर नाल सीटी मिला के गुरमीत सिंघ निसर फ़ंड हो गिआ। हुण जज्ज जदों मरज़ी आए, उस नूं कोई फ़िकर नहीं सी।

जज्ज नें कुरसी ’ते बैठदिआं ही पहिलां आपणे लेट होण ’ते सभ तों मुआफ़ी मंगी। फेर लेट कढ्ढण लई उह फ़ुरती नाल अरज़ीआं निपटाउण लग्गा।

रीडर ठीक आखदा सी। सभ तों पहिलां खंने वालिआं दी पेशगी ज़मानत मनज़ूर कीती गई। फेर कुझ होर दोशीआं दी साड़ सती क<टी गई।

दहिशतगरदां दी सुणवाई तक लगभग सभ कंम निपट चुक्का सी।

अदालत विच गुरमीत, पिआरे लाल अते सरकारी वकील तों सिवा कोई नहीं सी।

दहिशतगरदां दे वकील नूं हाज़र होण लई कई आवाज़ां पै चुक्कीआं सन। इक वार अरदली वी उस दे फट्टे ’ते जा आइआ सी, पर वकील किधरे नहीं सी लभ्भा।

साधारन केस हुंदा तां दरख़ासत इसे आधार ते रद्द हो गई हुंदी। पर इह मुलज़म ख़तरनाक सन। थोहड़ी जिही भड़काहट ’ते ही इह जज्ज दे गल पै सकदे सन। बाहरले आपणे साथीआं तों धमकी-पत्तर जारी करवा सकदे सन। लोड़ पैण ’ते कोई नुकसान वी करवा सकदे सन।

दहिशतगरदां दे वकील नूं बुलाउण लई इक वार फेर अरदली नूं भेजिआ गिआ।

जिंना चिर तक वकील नहीं आउंदा, ओना चिर तक सरकारी वकील नूं आपणा पख्ख पेश करन दा मौका दित्ता गिआ।

सरकारी वकील नें इक वार दहिशतगरदां दे केसरी पग्गां वाले मित्तरां वल्ल तक्किआ अते फेर मिलवीं जिही जीभ नाल बहिस करन लग्गा।

“तुसीं आपे देख लओ जनाब) मैं की आखणै?”

जदों सरकारी वकील ही टल गिआ तां जज्ज नूं आपणे गल बला पाउण दी की लोड़ सी। सफ़ाई धिर दे वकील दे आउण तों पहिलां ही उह सटैनो नूं ज़मानत दा हुकम डिकटेट कराउण लग्गा।

दहिशतगरदां दी ज़मानत दा हुकम सुण के गुरमीत हुरां नूं कुझ राहत महिसूस होई। हुण पाले अते मीते लई राह पध्धरा सी।

पाले अते मीते दी दरख़ासत ’ते सुणवाई शुरू होण तों पहिलां ही भंडारी वकील  अदालत विच आ धमकिआ। उस नाल चार-पंज वकील, संघ दे अठ्ठ-दस वरकर अते किताबां वाली पेटी सी। बहिस दौरान उस नें सरकारी वकील दी मदद करनी सी।

भंडारी दे अदालत विच दाख़ल हुंदिआं ही बाहर नाअरेबाज़ी शुरू हो गई।

“बंटी दे कातलां नूं.....फाहे लाओ।”

“कातलां दे समरथक.....मुरदाबाद।”

अदालत दी कारवाई इकदम रुक गई। चारे पासे ख़ामोशी छा गई। सभ इक-दूजे दे मूंह वल्ल तक्कण लग्गे।

अदालत अंदर खड़े संघ दे वरकरां विच वी घुसर-मुसर शुरू हो गई। उह नाअरा लाउण दी हिंमत तां नां जुटा सके पर अजिही ही अरथ रख्खदीआं टिप्पणीआं करन लग्गे।

गुरमीत नूं इस नाअरेबाज़ी ’ते सख़त इतराज़ सी। इह अदालत दे कंम विच दख़ल अंदाज़ी सी। संघ दा उदेश सपश्शट सी। उह अदालत ’ते दबाअ पाउणा चाहुंदा सी। इह अदालत दी तौहीन वी सी। जज्ज नूं अदालत दी मानहानी दे जुरम विच दोशीआं नूं नोटिस जारी करना चाहीदा सी।

नाथ नूं वी इस नाअरेबाज़ी ’ते सख़त इतराज़ सी। उस नें धमकी दित्ती, जे दोशीआं नें मुआफ़ी नां मंगी तां उह नोटिस जारी करेगा।

भंडारी नें तुरंत मौका संभाल लिआ। उस नें आपणी ग़लती दी वी मुआफ़ी मंगी अते वरकरां वल्लों वी।

इस मुआफ़ी नाल गुरमीत दी तसल्ली नहीं सी होई। उह संघ दे वरकरां विरुध्ध कारवाई कराउणा चाहुंदा सी।

मुआफ़ी ’ते जज्ज दी तसल्ली हो गई। उह वाधू दे झंजटां विच पैण नूं तिआर नहीं सी।

गुरमीत नूं हदाइत होई। उह आपणा पख्ख पेश करे। जज्ज नें फ़ैसला मैरिट दे आधार ’ते करना सी, संघ दी मरज़ी अनुसार नहीं।

भंडारी आपणी चाल चल्ल चुक्का सी। हुण की फ़ैसला होएगा? किसे तों लुका नहीं सी।

गुरमीत नूं ख़ुश करन लई जज्ज नें उस नूं आपणा पख्ख पेश करन दा खुल्ल्हा समां दित्तासी।

गुरमीत ताड़ रिहा सी कि जज्ज बहिस विच उक्का दिलचसपी नहीं सी लै रिहा। समां बिताउण लई कदे उह किसे मिसल दे वरके पलटण लग्गदा, कदे किसे काग़ज़ ’ते दसतख़त करन लग्गदा अते जे करन नूं कुझ वी नां हुंदा तां उबासीआं लैण लग्गदा।

जदों गुरमीत मझ्झ अग्गे बीन वजा चुक्का तां साहिब नें फ़ैसला सुणा दिता।

“सारी सर) हाई कोरट जा के कोशिश करो।”

जज्ज दे इह कौड़े बोल गुरमीत अते मोहन जी दीआं छातीआं विच तीर वांग खुभ्भ गए।

पर अख्खां सूहीआं करन तों सिवा उह कुझ नां कर सके।

 

 

12

ऐडीशनल सैशन जज्ज दी अदालत विचों दरख़ासत दे रद्द होण नूं संमती नें बहुती अहिमीअत नहीं सी दित्ती। कतल केस सैशन कोरट लई बहुत अहिम हुंदे हन। इस हेठली अदालतों कतल दे दोशीआं दीआं ज़मानतां घट्ट-वध्ध ही मनज़ूर हुंदीआं हन। शहिर विचले असाधारन हालात कारन जज्ज दा सहिम जाणा अते दोशीआं दी ज़मानत नां लैणा कोई अनहोणी गल्ल नहीं सी।

पर हाई कोरट वल्लों दरख़ासत दे रद्द होण नूं संमती नें गंभीरता नाल लिआसी।

आम केसां विच अजिही दरख़ासत दा विरोध करन लई सहाइक ऐडवोकेट जनरल पेश हुंदा सी। कोई विशेश केस होवे तां डिपटी चला जांदा सी। इस केस विच ऐडवोकेट जनरल ख़ुद पेश होइआ सी। उस दे पेश होण दा मतलब सी कि मामला गंभीर सी अते सरकार उहो चाहुंदी सी जो उह बोल रिहा सी।

जज्जां ’ते मनोविगिआनक दबाअ पाउण लई सरकार नें आपणे मीडीए दी भरपूर वरतों कीती सी। इक-दो नहीं, पूरे दरजन पत्तरकारां नूं कैमरे अते टेप-रिकारडर दे के कोरट रूम विच भेजिआ गिआ सी। उहनां दी अगवाई लोक-संपरक विभाग दे डिपटी डाइरैकटर नें कीती सी।

सरकार दीआं चालां सफ़ल रहीआं सन।

हाई कोरट नूं झट्ट मसले दी गंभीरता दी समझ आ गई।

सुणवाई कर रहे जज्जां नूं इनसाफ़ नालों इस गल्ल दी चिंता लग्ग गई कि उहनां दे फ़ैसले दा लोकां अते सरकार ’ते की प्रतीकरम होएगा? जे उहनां दरख़ासत मनज़ुर कर लई तां कल्ल्ह नूं अख़बारां विच छपण वालीआं रिपोरटां दा रुख़ किधर नूं होएगा? रिपोरटां लोकां दे मूड नूं प्रभावित करनगीआं अते लोकां दा मूड सरकार नूं? अगांह सरकार दे मूड ’ते जज्जां दा भविख्ख निरभर करेगा।

सारी सोच-विचार दे बाअद जज्ज इस सिट्टे ’ते पुज्जे सन कि सरकार संकट विच सी। संकट दी इस घड़ी विच हाई कोरट दा फ़रज़ सरकार नाल खड़ोन दा बणदा सी अते हाई कोरट सरकार नाल खड़ो गई।

इस फ़ैसले नें सरकार दी डगमगाउंदी किशती संभाल लई।

जे दोशीआं दी ज़मानत हो जांदी तां उह गलीआं-बज़ारां विच शरेआम घुंमण लग्गदे। कातलां नूं इंझ फिरदे देख लोकां दा ग़ुस्सा भड़कदा। इह ग़ुस्सा सरकार लई ख़तरनाक साबत हुंदा।

हुण केस दे अंतिम फ़ैसले तक दोशीआं नें लोकां दीआं अख्खां तों ओझल रहिणा सी। अगांह सरकार नें दोशीआं नूं जलदी तों जलदी सज़ा कराउण दा यतन करना सी। जे सज़ा दे आसार नां बणे तां फ़ैसले नूं लटका देणा सी। सरकार नें ओनी देर फ़ैसला नहीं सी होण देणा, जिंनी देर लोक होर भखदे मसलिआं विच नां उलझ जाण, जिंनी देर तक बंटी दे कतल दी याद धुंदली नां पै जावे।

हाल दी घड़ी इस संकट नूं टाल के सरकार तां सुख दी नींद सौं गई पर संमती दी नींद हराम हो गई।

सरकार वल्लों अपणाई इह रणनीती संमती लई चिंता दा विशा सी।

दरख़ासत दे रद्द होण दा सैल्ल दे तिंनां वकीलां ’ते वख्ख-वख्ख प्रतीकरम होइआसी।

मोहन जी इक पेशेवार वकील सी। पैरवाई लई उस कोल बीसीआं केस आउंदे- जांदे रहिंदे सन। किसे इक केस दी जित्त-हार दा नां उस दे मन ’ते असर हुंदा सी नां धंदे ‘ते, पर कतल केस विच उह पहिली वार पेश हो रिहा सी। इस केस दी जित्त-हार उस दे वकार दा सवाल सी। ज़मानत दे नां होण नूं उह असफलता दी शुरूआत गिणदा सी। इस लई घबराहट विच सी।

पिआरे लाल नूं घबराहट नालों वध्ध मानसिक पीड़ा सी। इह पीड़ा इस लई सी कि निआं-पालिका दा जिहड़ा सरूप उस नें आपणे ज़िहन विच चित्तर रख्खिआ सी, इस फ़ैसले नाल उस दा हुलीआ विगड़ गिआ सी। भारती निआं-पालिका दी आज़ादी, निडरता अते निरपख्खता ’ते उस नूं शक्क होण लग्गा सी। की इसे दा नां इनसाफ़ है? इस तरहां दे सैंकड़े प्रशन उस दे ज़िहन विच उठ्ठ खड़ोते सन।

गुरमीत नूं नां घबराहट सी, नां मानसिक पीड़ा। उस दी तीसरी अख्ख नें पहिलां ही भांप लिआ सी कि इस केस दी जित्त कोई सवादी केक नहीं सी, जिहड़ा सरकार नें पलेट विच परोस के उहनां अग्गे रख्ख देणा सी। इस केस नूं जित्तण लई संमती नूं लंबा संघरश करना पैणा सी।

गुरमीत इस फ़ैसले नूं इक वंगार दे रूप विच लै रिहा सी। संमती लई इह इक सबक सी। सरकार दे इरादिआं नूं पहड़न अते आपणी रणनीती घड़न दा।

उह साथी वकीलां दे गिरे मनोबल नूं उच्चा चुक्कण अते मुहिंम नूं लामबंद करन दे उपराले सोचण लग्गा।

संमती दीआं सरगरमीआं तेज़ कीतीआं गईआं। अग्गों तों की रणनीती अपणाई जाए? इस विशे नूं लै के राए-मशवरे होण लग्गे। कानूंनी दाअ-पेचां दा गिआन लीगल- सैल्ल वालिआं नूं सी। गुरमीत अते मोहन जी दे नाल-नाल पिआरे लाल दी राए वी लई जाण लग्गी।

पिआरे लाल जदों वी किसे मीटिंग विच जांदा तां उस दा धिआन सुझाअ देण वल्ल घट्ट अते आपणी दुबिधा हल्ल करन वल्ल वधेरे हुंदा।

पिआरे लाल दे प्रशन बाबा जी नूं प्रभावत करदे अते बाबा जी दे तरक-भरपूर उत्तर पिआरे लाल दी जगिआसा शांत करदे, उस दे ज़ख़मां ’ते मल्हम धरदे। कुझ ही मीटिंगां विच बाबे नें पिआरे लाल नूं पछाण लिआ। उह इक अण-घड़िआ हीरा सी। थोहड़ा जिहा तराशे जाण ’ते ही उस नें लोक-संघरश लई बहुमल्ला बण जाणा सी। उह पिआरे लाल वल्ल ज़िआदा धिआन देण लग्गे।

पिआरे लाल वी संमती दे हर कंम विच वध्ध-चहड़ के हिस्सा लैण लग्गा। हौली-हौली उस नूं वी सच्च दी पछाण होण लग्गी।

इक गल्ल सभ लई सपश्शट सी। इह लड़ाई इकल्ले लीगल सैल्ल दे वस्सदी नहीं सी। सरकार दे हत्थकंडिआं दा मुकाबला अदालतां दे नाल-नाल सड़कां ’ते वी करना पैणा सी।

कौण आखदा सी कि लड़ाई इकल्ले लीगल सैल्ल नें लड़नी सी? सारी संघरश संमती सैल्ल दे नाल सी। सरकार दी हर चाल दा मूंह-तोड़वां जवाब दित्ता जाणा सी। संमती दा हर कारकुन जान दी बाज़ी तक लाउण नूं तिआर सी।

बाबे दे इस ऐलान नें लीगल सैल्ल विच नवीं रूह फूक दित्ती।

सैल्ल दे सुझाअ ’ते संमती दी विशेश मीटिंग बुलाई गई। हर मैंबर नूं हाज़र होण अते ठोस सुझाअ लै के आउण दा आदेश जारी कीता गिआ।

हुकम दी तामील होई। हाज़री भरवीं रही। मैंबरां विच अथाह उतशाह सी।

नवीं रणनीती घड़न विच सैल्ल नें अहिम रोल अदा करना सी। पहिलां उसे नूं आपणे विचार पेश करन दा मौका दित्ता गिआ।

सैल्ल वाले आपणे फ़रज़ां तों सुचेत सन। हर कोई नवें तों नवें सुझावां नाल लैस सी।

मोहन जी दा विचार सी कि इस मुकद्दमे नूं जिंना हो सके लटकाइआ जावे।

मुकद्दमे नूं लटकाउण दे बहुत फ़ाइदे होणे सन। पहिला इह कि समां बीतण नाल गवाहां नें खिंड-पुंड जाणा सी। किसे पुलिस वाले नें बदल के रोपड़ चले जाणा सी अते किसे नें पटिआले। कदे इक गवाह गवाही देण आ गिआ कदे दूजा। नां सारे गवाह इकठ्ठे होण, नां गवाही होवे, नां केस अगांह तुरे।

किसे गवाह नें विदेश तुर जाणा सी, किसे नें मर जां रिटाइर हो जाणा सी। कोई पुलसीआ डिसमिस हो गिआ तां वी दोशीआं दीआं पौं बारां हो जाणीआं सन। पुलिस दी वरदी उतरदिआं ही ताकत दा नशा वी उतर जाणा सी। कुझ गवाहां दी ज़मीर जागण लग्गणी सी। किसे दी ज़मीर नां वी जागे, विकण ज़रूर लग्गणी सी। रिटाइर होए गवाह दा रेट वी ससता हो जाणा सी। मोहन जी नें कई वार चाह दे कप्प जां दुपहिर दे खाणे नाल वी कंम सारिआ सी। नौकरीउं वख्ख होए गवाह नूं किसे दा डर  नहीं रहिंदा। उह मन-मरज़ी दी बोली बोल सकण लई आज़ाद होणा सी।

इस हफड़ा-दफड़ी दा फाइदा उठा के दोशीआं नें बरी हो जाणा सी।

मोहन जी आपणे बहुते केस इसे तरहां बरी कराउंदा सी।

इक वार उस कोल अजिहा केस आइआ, जिस विच दोशीआं कोलों भक्की दा भरिआ टरक्क फड़िआ गिआ सी। दोशी पंज सन। डराईवर, कंडकटर अते मज़दूर। मालक लै-दे कर के पहिलां ही खंभ छुडा गिआ सी।

सारे पख्ख विचार के मोहन जी नें इहो ढंग अपणाइआ। उस नें आपणे साइलां नूं समझाइआ। जे सारे गवाह भुगत गए तां तिंन-तिंन साल दी कैद होएगी। भला इसे विच सी जे मरज़ी नाल महीना-महीना कट्ट लई जावे।

मुकद्दमे दे गवाह अते माल-मुकद्दमा कदे-कदाईं ही इकठ्ठे हुंदे हन। भुल्ल-भुलेखे कदे इकठ्ठे हो वी जांदे तां मोहन जी आपणी योजना अनुसार किसे इक दोशी नूं ग़ैर-हाज़र कर दिंदा। दोशी दे ग़ैर-हाज़र होण कारन सारी कारवाई रुक जांदी। गवाह बेरंग मुड़ जांदे। भुक्की वालीआं बोरीआं फट जांदीआं। अध्धा माल सड़कां ’ते बिखर जांदा।

दसां-पंदरां दिनां बाअद दोशी नूं अदालत विच पेश कीता जांदा। नाल पंजां रुपिआं वाला मैडीकल सरटीफ़िकेट नत्थी कर दित्ता जांदा। जज्ज भलामाणस हुंदा तां दोशी दी झिड़क-झंभ कर के नवीं ज़मानत लै लैंदा। कब्बा हुंदा तां हफ़ते-दस दिनां लई जेल्ह भेज दिंदा।

चार दोशीआं दे ग़ैर-हाज़र हुंदिआं ही केस अठ्ठ साल पुराणा हो गिआ। केस दी हिसटरी-शीट बण गई। जज्ज दी खिचाई होण लग्गी। फ़ैसला किउं नहीं हुंदा?

पहिलां मुलज़म होर तारीख़ लैण लई हाड़े कढ्ढदे सन, फेर सरकारी वकील कढ्ढण लग्गा। कदे गवाह पूरे नां हुंदे। गवाह आ जांदे तां टरक्क नां आउंदा। टरक्क आ जांदा तां माल-मुकद्दमा नां आउंदा।

जज्ज पेशीआं पा-पा दुखी हो गिआ।

केस वड्डा सी। उस नूं दोशीआं नूं बरी करन तों वी डर लग्गदा सी। अक्क-थक्क के उस नें सैशन जज्ज नाल गल्ल कीती।

सैशन जज्ज वी हाई कोरट नूं आपणे सपश्शटीकरन दे-दे हंभ चुक्का सी। सैशन जज्ज नें हरी झंडी दे दित्ती। गवाह नहीं आउंदे, नां आउण। गवाह पेश करन लई आख़री मौका दिउ। फेर फ़ैसला कर दिउ।

जदों पनाला फेर वी उथे दा उथे ही रिहा तां जज्ज नें दोशीआं नूं बा-इज़्ज़त बरी कर दित्ता।

पिआरे लाल इस सुझाअ नाल सहिमत नहीं सी। इह ढंग इस केस विच नहीं सी अपणाइआ जा सकदा।

इस दा पहिला कारन इह सी कि इह सैशन केस सी। सैशन केसां दे संमनां दी तामील वल्ल पुलिस विशेश धिआन दिंदी सी। सैशन कोरट विच गवाहां नूं बहुती देर टालणा असंभव सी।

दूजा, इस केस दे दोवें दोशी पहिलां ही जेल्ह विच सन। जिंना केस वध्ध लटकेगा, ओनी वध्ध सज़ा उहनां नूं मुफ़त विच कट्टणी पवेगी।

तीजा, जिस हिसाब नाल अदालतां इस केस दी कारवाई नूं निपटा रहीआं सन, उस तों प्रतख्ख सी कि सरकार इस केस नूं जलदी तों जलदी निपटाउणा चाहुंदीसी।

मैजिसट्रेट नें महीनिआं विच मुकंमल होण वाली कारवाई दिनां विच नबेड़ीसी।

चलान पेश होण पिछ्छों पेशी लई मिसल मुआइने लई पैणी सी। नकलां देण विच रही कमी पेशी अगली तारीख़ ’ते पूरी होणी सी। इह सारी कारवाई इको  दिन च हो गई। तीजे दिन केस सैशन सपुरद हो गिआ।

अगांह सैशन नें वी कोई ढिल्ल नहीं सी दिखाई। पहिली पेशी ही चारज ला के केस गवाहीआं ’ते पा दित्ता सी।

गवाहीआं लई वी तारीख़ लंबी नहीं सी पई। सरकार नूं गवाह पेश करन लई इक महीने दा समां दित्ता गिआ सी। गवाहीआं दो दिन लगातार होणीआं सन।

जे अदालतां नूं उपरों कोई हदाइत नां होई हंदी तां चलान पेश होण पिछ्छों दो-तिंन पेशीआं काग़ज़ां दी जांच-पड़ताल लई पैणीआं सन। हर पेशी पंदरां-दिनां दी होणी सी। जे वकील नकलां घट्ट मिलण दा इतराज़ करदे तां कई महीने नकलां तिआर करन नूं लग्ग जांदे। फेर बहिस हुंदी। किहड़ी धारा बणदी है, किहड़ी नहीं। फेर किधरे जा के केस सैशन सपुरद हुंदा।

कई पेशीआं सैशन जज्ज चारज नां लाउंदा। चारज बणदा वी है? जे हां तां किस धारा अधीन? इस नुकते ’ते वकीलां विचकार बहिस हुंदी। बहिस लई कई पेशीआं पैंदीआं। कदे जज्ज कोल वकत नां हुंदा, कदे इक धिर दे वकील कोल अते कदे दूजी धिर दे वकील कोल।

फेर चारज लग्गदा।

गवाहीआं लई घट्टो-घट्ट छे महीने दा समां दित्ता गिआ।

पिआरे लाल दा विचार सी कि जदों अदालत केस निपटाउण लई ततपर होए तां वकील नूं टंग नहीं अड़ाउणी चाहीदी। दोशीआं नूं बरी कराउण लई कोई होर तरीका वरतिआ जाणा चाहीदा सी।

फेर दूसरा तरीका सी, जज्ज तों लै के गवाहां तक्क नूं गंढण दा।

इस विच कोई शक्क नहीं सी कि जज्ज अते सरकारी वकील दोवें पैसे दे पुत्त सन। रिशवत बिनां सके बाप दा कंम नहीं करदे पर गुरमीत अनुसार उह इंने अनाड़ी वी नहीं सन कि समें दी नज़ाकत नां पहिचानण। बलदी अग्ग विच हत्थ पा के उह आपणी नौकरी नूं ख़तरा खड़ा नहीं करन लग्गे।

किउं नां बुराई दी जहड़ नूं हत्थ पाइआ जावे?

“किवें नां किवें गवाहां नूं काबू कीता जावे। नां रहेगा बांस नां वज्जेगी बंसरी।” फ़ौजदारी केसां विच गवाहां दी अहिमीअत समझाउंदे गुरमीत नें आपणा सुझाअ पेश कीता।

बंटी कतल केस विच इक वी चशमदीद गवाह नहीं सी। सारा केस हालात ’ते आधारत गवाही ’ते खड़ा सी। कहाणी वख्ख-वख्ख कड़ीआं राहीं सिरजी गई सी। इक कड़ी दे टुट्ट जाण ’ते ही रेत दा इह महल्ल, ढहि-ढेरी हो जाणा सी।

इस केस दा इक वी गवाह सच्चा नहीं सी। पुलिस नें सभ तों झूठ बुलाउणा सी। गवाहां नूं झूठ बोलण तों रोकण अते सच्च बोलण लई मजबूर कर के संमती नें नां कोई सिधांतक उकाई करनी सी, नां इख़लाकी।

समुच्ची बहिस तों बाअद जो रणनीती घड़ी गई, उह इह सी कि हुण संमती नूं हर फ़रंट ’ते लड़ाई आरंभ देणी चाहीदी सी। कानूंनी नुकते-नज़र तों ज़िआदा  धिआन गवाहां नाल संपरक करन वल्ल दित्ता जाणा चाहीदा सी।

इसे पैंतड़े अनुसार वख्ख-वख्ख इकाईआं नूं वख्ख-वख्ख ज़िंमेवारीआं संभालीआं गईआं।

पिआरे लाल ऐल.ऐल.ऐम. पास सी। उह नवें तों नवें कानूंन लभ्भण विच माहिर सी। उह इस केस विच लोड़ पैण वाले हर कानूंन दी खोज करेगा। अग्गे तों बहुता समां उह लाइब्रेरी विच बिताएगा।

मोहन जी इस केस दे हर गवाह दी रग-रग तों वाकिफ़ सी। हरिदुआर दे पाडिआं वांग, उस कोल हर गवाह दी हिसटरी-शीट सी। किस गवाह दी किथे रिशतेदारी है? किस रिशतेदार दी उह मंनदा है अते किस दी नहीं। पैसे दा पुत्त है जां सिफ़ारश मंनदा है। जे पैसे लैंदा है तां किंने? उस दी वही विच सभ दरजसी।

किस गवाह नाल किवें पेश आइआ जावे? इस बारे मोहन जी संमती दी अगवाई करेगा।

गुरमीत पहिलां ही अहिम ज़िंमेवारी निभा रिहा सी। आपणे पुलिस सूतरां राहीं उह मिसल विच हो रहीआं हेरा-फेरीआं दी सूचना हासल कर रिहा सी। इहनां हेरा- फेरीआं नें दोशीआं दे बरी होण दा आधार बणना सी। गुरमीत नें इह कंम जारी रख्खिआसी।

गवाहां नाल संपरक काइम करन दी ज़िंमेवारी *तीकारी फ़रंट नूं सौंपी गई। इह ज़ोख़म भरिआ कंम सी। हुशिआरी दी मंग करदा सी। मोहन जी नें फ़रंट नूं पहिलां ही सुचेत कीता।

पहिलां गवाह नूं समझाउण बुझाउण दी कोशिश कीती जावे। गवाह ढिल्ल-मिस्स करे तां किसे रिशतेदार जां सिआसी दबाअ दा इसतेमाल कीता जावे। जे पाणी सिरों लंघदा दिसे तां डराउण-धमकाउण तों वी गुरेज़ नां कीता जावे।

फौरी तौर ’ते गवाह ’ते यकीन नां कीता जावे। पहिली ही मुलाकात विच गवाह नूं मुकरन दा मशवरा नां दित्ता जावे। पहिलां इह तसल्ली कर लई जावे कि गवाह जे संमती दी मदद नहीं करेगा तां घट्टो-घट्ट विरोध वी नहीं करेगा। जे इक वी गवाह नें पुलिस कोल मुख़बरी कर दित्ती तां संमती दी योजना धरी-धराई रहि जाएगी।

विदिआरथी विंग नें संघ दे जलूसां दा जवाब देणा सी। इट्ट दा जवाब पत्थर नाल दित्ता जाणा सी।

साहितकार सरकार दे भंडी प्रचार नूं ठल्ल्ह पाउणगे। नवें-नवें तत्थ इकठ्ठे कर के अख़बारां रसालिआं विच लेख लिखणगे। पोसटर कढ्ढणगे अते परचे वंडणगे।

तरकशील रिज़रव फ़ोरस दा कंम करनगे। सारीआं जथेबंदीआं विच तालमेल रख्खणा, उहनां दी ज़िंमेवारी होएगी। जिस जथेबंदी नूं वी लोड़ पए, उह उहनां नूं हाक मार लए।

माली सहाइता लई जीवन आहड़तीआ हाज़र सी। उस दी दुकान नूं संमती दे दफ़तर वजों वरतिआ जाणा सी।

संमती दीआं इहनां योजनावां नाल लीगल सैल्ल दे हौसले बुलंद हो गए।

जदों केस विच ही कख्ख नां रिहा तां दोशीआं दा कोई की विगाड़ लएगा? सैल्ल वाले सोचण लग्गे।

 

 

13

ऐडीशनल सैशन जज्ज दी अदालत दा पहिला घंटा ज़मानतां दीआं दरख़ासतां दी सुणवाई लई राखवां सी पर बंटी कतल केस नूं किंनी अहिमीअत दित्ती जा रही सी, उह इस तत्थ तों प्रतख्ख सी कि  उस दिन होर किसे केस दी समाइत तां की कीती जाणी सी, ज़मानतां वरगे अहिम मसले दी सुणवाई वी अग्गे पा दित्ती गई सी।

आपणे इस आशे नूं जज्ज नें लुका के नहीं सी रख्खिआ। सारीआं संबंधत धिरां नूं इक दिन पहिलां ही हदाइतां जारी कर दित्तीआं गईआं सन।

पहिलां अहिलमद्द दी पेशी होई सी। मिसल नूं तरतीबवार कर के कोठी भेज दित्ता जावे। जज्ज साहिब केस दे तत्थां तों वाकिफ़ होणा चाहुंदे हन। जे जज्ज दी मिसल पहड़ी होवे तां अदालत दा समां बरबाद नहीं हुंदा। कारवाई तेज़ी नाल चल्लदी रहिंदीहै।

सटैनो नूं वी ताड़िआ गिआ। टाईप-राईटर, नवां रिबन अते काग़ज़ पत्तर टिच्च होण। इह नां होवे कि इधर गवाही शुरू हो जावे ते उधर सटैनो किसे थाणेदार नूं रिबन लिआउण लई आख रिहा होवे ते किसे वकील नूं काग़ज़ां दे रिम लई।

जिहड़े चार-पंज केस कल्ल्ह सुणवाई ’ते लग्गे सन, रीडर उहनां विच अज्ज ही तारीख़ां पा देवे। इह नां होवे कि इधर बंटी कतल केस दी सुणवाई शुरू हो जावे अते उधर वकील तारीख़ां लैण लई अदालत विच मेला ला लैण।

जेल्ह सुप्रिटैंडैंट नूं वी सुनेहा भेजिआ गिआ। मुलज़म सही साढे नौं वजे अदालत विच हाज़र होण। इह नां होवे कि इधर गवाह अते वकीलां दी बरात खुरे वढ्ढण लग्गे ते उधर लाहड़ा साहिब पधार नां रहे होण। फ़ोरस दे घट्ट होण जां गड्डी दे ख़राब होण दा बहाना नहीं चल्लेगा। सभ कासे दा प्रबंध अज्ज ही कर लिआ जावे।

सरकारी वकील बचन सिंघ नूं रिटाइरिंग रूम विच बुलाइआ गिआ। उस नूं समझाइआ गिआ। आम दिनां वांग उह मसती नां मारे। आप वी समें सिर आवे अते गवाह वी। आम केसां वांग उह मुदई्ई दे वकील ’ते निरभर नां रहे। ख़ुद मिसल पहड़ के आवे अते गवाहां नूं बिआन आप पहड़ावे। साधारन केसां विच जज्ज सरकारी वकील दा फ़रज़ वी ख़ुद ही निभाअ दिआ करदा सी। इस केस विच बचन सिंघ जज्ज तों कोई आस नां रख्खे।

फेर सफ़ाई धिर दे वकीलां नूं बुलाइआ गिआ। हेठलीआं अदालतां विच लग्गे केसां दा उह इंतज़ाम कर लैण। हो सके तां जूनीअर वकीलां नूं केस तिआर करवा दित्ते जाण। जे आप पेश होए बिनां नां ही सरदा होवे तां मैजिसट्रेट तों पेशी लै लई जावे। हेठलीआं अदालतां नूं पहिलां ही हुकम भेजिआ जा चुक्का सी। उह बंटी कतल केस विच पेश होण वाले किसे वी वकील नूं आपणी अदालत विच पेश होण लई मजबूर नां करन।

पेशी वाले दिन इंझ ही होण लग्गा।

जेल्ह सुप्रिटैंडैंट नें साफ़-सुथरे कप्पड़े पवा के दोशीआं नूं नौं वजे अदालत अग्गे लिआ बिठाइआ। इक जीप अते चार सिपाहीआं दी गारद, इहनां दोशीआं लई राखवीं रख्खी गई।

थाणे वाले वी चुकंने हो गए। कोई गड़बड़ नां होवे, इस लई भारी गिणती विच हथिआरबंद सिपाही अदालत विच ताइनात कीते गए। केस दी पैरवाई लई नाज़र सिंघ थाणेदार नूं भेजिआ गिआ। इह केस उसे दा तिआर कीता होइआ सी। उस नूं गवाह पछानण, उहनां नूं बिआन समझाउण अते सरकारी वकील अग्गे पेश करन विच असानी रहेगी।

आदत तों उलट सरकारी वकील वी अध्धा घंटा पहिलां हाज़र सी।

गवाह उस तों वी काहले सन। सभ तों पहिलां बंटी दा पोसट-मारटम करन वाले डाकटर दी गवाही होणी सी। उह बचन सिंघ तों वी पहिलां पुज्जा होइआ सी। पिछ्छे ही हत्थां-पैरां दे निशानां दा माहिर आ धमकिआ। हत्थ-लिखतां दा माहिर चंडीगहड़ों आइआ सी। इस लई उह कुझ पछ्छड़ गिआ सी।

सरकारी मुलाज़म सरकारी वकील दे दफ़तर जा बैठे। बाकी गवाह बाहर खड़े नाज़र सिंघ दुआले हो गए।

बचन सिंघ नूं डाकटर जां माहिरां तों कोई ख़तरा नहीं सी। उह उहनां नूं समझा वी की सकदा सी? उह बचन सिंघ नालों किते वध्ध जाणदे सन। वैसे वी इह सरकारी मुलाज़म सन। इहनां उसे तरहां गवाही देणी सी, जिवें सरकार चाहंदी सी। गवाही तों इधर-उधर होण ’ते नौकरी खुस्स सकदी सी। इह गवाहीआं देण विच वी माहिर सन। इहनां विचों इक वी गवाह अजिहा नहीं सी, जिस नें घट्टो-घट्ट पंजाह केसां विच गवाही नां दित्ती होवे। उहो घसे-पिटे सवाल अते उहो घसे-पिटे जवाब। जे इहनां दी नीअत ठीक होवे तां वकील भावें अड्डी-चोटी दा ज़ोर ला लवे, इह वाल जिंना वी राह नहीं देणगे। इस लई बचन सिंघ इहनां वल्लों बेफ़िकर सी।

बचन सिंघ दी बेफ़िकरी दा इक कारन होर वी सी। सफ़ाई धिर दे सारे वकील अनाड़ी सन। इहनां गवाहां ’ते जिराह पिआरे लाल नें करनी सी। उस शराबी, कबाबी वकील नूं की पतै, कानूंन की हुंदै? नां उस नूं मैडीकल जुरसपूरडैंस दा पतै, नां हत्थ-लिखतां परखण दा। आपे पंज-चार ऊट-पटांग सवाल पुछ्छ के हट जाएगा।

मोहन जी नूं केस दी समझ तां सी पर उह हेठलीआं अदालतां दा वकील सी। इह उस दा पहिला सैशन केस सी। सैशन कोरट विच पेश हुंदिआं तां वड्डे-वड्डे वकीलां दे पसीने छुट्ट जांदे सन। इह केस उस विचारे दे वस्स दा नहीं सी।

गुरमीत सरकारी वकील ज़रूर रिहै। मिहनती वी सी पर सरकारी वकालत अते प्राईवेट वकालत दा ज़मीन असमान दा फ़रक सी। सरकारी वकील अग्गे बणी-बणाई खीर आ जांदी है। ‘अग्गे की होइआ’, ‘फेर की होइआ?‘ ही आखणा सी। कानूंन दी लोड़ पए तां मुदई्ई दा वकील लिआ दिंदा सी। प्राईवेट वकील नूं सारा ताणा-बाणा आप बुणना पैंदा सी। आपणे दिमाग़ दी वरतों कर के पुलिस दे किल्हे वरगे केस विच मघोरा कर के राह बणाउणा पैंदा सी। इह मुहारत समें नाल ही आउंदी सी।

इस तरहां दे हवाई किल्हे उसार के बचन सिंघ केस दी अहिमीअत नूं समझण अते जज्ज दी ताड़ना दे बावजूद वी केस वल्ल धिआन नहीं सी दे रिहा। उह गवाहां  नाल गप्प-शप्प करन अते जाण-पहिचाण वधाउण विच मसरूफ़ सी।

डाकटर तों उस नूं दवाईआं दी ज़रूरत सी। उस दी बेटी मिरगी दी बीमारी दी शिकार सी। हर रोज़ गारडीनल दीआं कई गोलीआं खाणीआं पैंदीआं सन। पहिलां इह सेवा डाकटर गुपता निभाउंदा सी। उह बदल चुक्का सी। हुण डाकटर भाग मल्ल इह ज़िंमेवारी संभाले। बचन सिंघ आप वी कई दिनां तों कमज़ोरी महिसूस कर रिहा सी। इक शीशी बीकासूल दे कैपसूलां दी मिल जावे तां किआ कहिणे। सोफ़रामाईसन दीआं दो टिऊबां वी चाहीदीआं सन। बच्चे सट्टां खाई ही रख्खदे हन। काटन तां हसपताल विच आम हुंदी है, दो पैकट उस दे वी।

गोली कीहदी ते गहिणे कीहदे। हसपताल दीआं दवाईआं वी कोई दवाईआं  हुंदीआं हन। खा के चंगा-भला बंदा बीमार हो जांदै। डाकटर नें झट्ट रमेश मैडीकल  हाल दे नां परची लिख दित्ती। बचन सिंघ परची दिखा के  दवाई लै लवे।

डाकटर नूं खाण-पीण दे आहर ला के बचन सिंघ धिआन चंद दे दुआले हो गिआ। उस नूं उस तक वी कंम सी।

समां थोहड़ा सी। बचन सिंघ नें संखेप शबदां विच गल्ल मुकाई। धिआन चंद नूं इक चिट्ट फड़ाई। चिट्ट ’ते केस दा अनुवान लिखिआ गिआ सी। इस केस विच बचन सिंघ नूं धिआन चंद दी मदद दी ज़रूरत सी। दोशीआं ’ते दोश सी कि उहनां नें फ़रज़ी बंदा खड़ा कर के वीह किल्ले ज़मीन दी रजिसटरी आपणे नां करवा लई सी। पुलिस इस रजिसटरी ’ते लग्गे अंगूठे दा मुलाहज़ा, इक होर रजिसटरी ’ते लग्गे अंगूठे नाल करवाउणा चाहंदी सी। इह रजिसटरी पुलिस नूं मुदई्ई धिर नें दित्ती सी अते इस रजिसटरी ’ते मालक दा सही अंगूठा लग्गा होइआ सी। पुलिस नें दोवें रजिसटरीआं मुआइने ते रिपोरट लई फ़िलौर भेजीआं सन।

असलीअत वी इहो सी। दोवें अंगूठे वख्ख-वख्ख सन। हुण दोशीआं दा बचाअ तां ही हो सकदा सी, जे फ़िलौरों इह रिपोरट आवे कि दोहां दसतावेज़ां ’ते इको विअकती दे अंगूठे सन। दोशी बचन सिंघ दे नेड़े दे रिशतेदार सन। इज़्ज़त दा सवाल सी। इह इज़्ज़त धिआन चंद दे हत्थ सी।

“तुसीं ख़ुद सिआणे हो वकील साहिब) इह किहड़ा दसख़त जां लिखत है बई जिहड़ी मरज़ी रिपोरट कर देईए। हत्थ-लिखत तां समें-समें बदलदी रहिंदी है। अंगूठे दा निशान उमर भर उहो रहिंदा है। वख्ख-वख्ख अंगूठिआं नूं इको किवें लिखिआ जा सकदै?”

धिआन चंद लई इह कंम ज़ोख़म भरिआ सी। सखी नालों सूम भला जो तुरत देवे जवाब वांग धिआन चंद नें पहिलां ही किनारा करना ठीक समझिआ।

“तूं फ़िकर नां कर। रिशतेदारी रिशतेदारी दी थां। आपां तैनूं ठोक के फ़ीस दिखावांगे। पूरे दस हज़ार, पंज मैं लै रख्खिऐ। बाकी रिपोरट तों पिछ्छों लै जाईं। मेरी ज़िंमेवारी है।” मछ्छी हत्थों निकलदी देख के बचन सिंघ नें पैंतड़ा बदलिआ।

“बस्स तूं अंगूठे ’ते अंगूठा ला के असल अंगूठे नूं बेपछाण कर दे। फेर मैं आपे सांभ लऊं। तहिसीलदार दे दफ़तर विचला रिकारड मैं बदलवा दित्तै। अंगूठे लाउण वाला पहिलां ही मर चुक्कै। बस इहो सबूत बाकी है। इक वार अंगूठा बेपछाण हो गिआ तां साडा कंम बण जाऊ।

पंज हज़ार दे नोट धिआन चंद तों मोड़े नां गए।

“फ़लौर आउण तक बथेरे हत्थां ताईं निकले होणगे इह काग़ज़। कोई पुछ्छू तां आख देवांगे ख़बरे किस नें शरारत कीती है।” सोचदे धिआन चंद नें कंम हो जाण दा बचन दे दित्ता।

इह ज़िंमेवारी निभा के बचन सिंघ हलका-फल्ल महिसूस करन लग्गा। निशचिंत हो के उह दफ़तर आ बैठा। हुण जज्ज जदों मरज़ी केस शुरू कर लए।

 

 

14

दस वजे तों पहिलां ही कोरट रूम दरशकां नाल भर गिआ।

कोरट रूम दे बाहर उस तों वध्ध भीड़ सी। संघ दे बहुत सारे वरकर पिप्पल हेठां जुड़े खड़ोते सन। उह नाअरेबाज़ी दे मौके दी तलाश विच सन।

संमती दे बहुत सारे कारकुन वी कचहिरी दे अहाते विच मौजूद सन। बाबा जी वी हाज़र सन पर संमती दी हाज़री महिसूस नहीं सी हो रही। उह इधर-उधर खिंडे होए सन। फेर वी उहनां विच गुपत तालमेल काइम सी। संघ दे पहिले नाअरे दे जवाब विच उहनां असमान गूंजण ला देणा सी।

अदालत नें गवाहां नूं दो हिस्सिआं विच वंडिआ सी। माहिर गवाह अते साधारन गवाह। दुपहिर तों पहिलां माहिर गवाहां दे बिआन लिखे जाणे सन। बाअद दुपहिर मोदन रेहड़ी वाले, बाबू रिकशे वाले, सकूल दे चपड़ासी, मीते दी गुआंढण भागो अते बसती दे दुकानदार ग़फ़ूर दी वारी आउणी सी।

इसे ही ढंग नाल वकीलां नें आपणी डिऊटी वंडी सी

माहिरां दे बिआन सरकारी वकील नें कराउणे सन। बाकी दे भंडारी नें।

माहिरां ’ते जिराह पिआरे लाल नें करनी सी अते बाकी गवाहां ’ते मोहन जीने।

सफ़ाई दे वकील पौणे दस वजे ही कोरट रूम विच आ बिराजे।

दस वज्जण तों पंज मिंट पहिलां सरकारी वकील नें वी आपणी कुरसी आ मल्ली।

अदालत दे कलाक नें जिउं ही दस वजाए, पिछले दरवाज़िउं नाथ साहिब वी अदालत विच प्रवेश कर गए।

कोरट रूम विच हाज़र हर छोटा-वड्डा शहिरी अदालत दी वडिआई लई खड़ा हो गिआ। सभ ओना चिर खड़े रहे जिंना चिर मानयोग जज्ज साहिब नें कुरसी नां संभाल लई।

जज्ज दे बैठदिआं ही बाकी अहिलकारां, वकीलां अते दरशकां नें वी आपणे- आपणे सथान ग्रहिण कर लए।

जज्ज दे सज्जे हत्थ बैठे रीडर नें सुणवाई लई रख्खे केसां दी सूची ’ते झात मारी। सूची विच केवल इको केस सी। सरकार बनाम पाला सिंघ वग़ैरा।

रीडर नें मेज़ ’ते पई मिसल चुक्की, अरदली नूं मिसल दा अनुवान पहड़ के सणाइआ अते मुड़ मिसल जज्ज साहिब दे अग्गे रख्ख दित्ती।

रीडर दे मूंहों मुकद्दमे दा नां निकलदिआं ही दोहां धिरां दे वकीलां नें आपणीआं- आपणीआं कुरसीआं छड्डीआं अते लैकचर सटैंड मल्ल लए।

मुकद्दमे दे अनुवान नूं कई-कई वार दुहराउंदे अरदली अदालत दे दरवाज़े कोल पुज्जा अते आवाज़ां मारन लग्गा।

“सरकार बनाम पाला सिंघ वग़ैरा.....हाज़र हो.....।”

पाले अते मीते नूं हत्थकड़ीआं विच जकड़ी खड़े सिपाही पहिलां ही आवाज़ दी उडीक विच सन। झट्ट उह उहनां नूं अदालत अंदर लै गए।

दोशीआं नें झुक के सलाम बुलाई। सिपाहीआं नें ज़ोर नाल बूट खड़का के सलूट मारे। फेर उह सारे दोशीआं दे कटहिरे कोल आ गए।

गवाही लई पहिलां डाकटर शरमा नूं बुलाइआ गिआ। पोसट मारटम वाला रजिसटर लै के उह सिध्धा गवाहां दे कटहिरे विच जा खड़ोता।

सुणवाई शुरू होई। आपणा नां-पता लिखाउण तों पहिलां डाकटर नें सहुं खाधी, “जो कुझ आखांगा, धरम नूं जाण के सच्च आखांगा।”

वीह अकतूबर दी शाम नूं डाकटर नें बंटी नां दे इक बच्चे दा पोसट मारटम कीता सी। लाश दा मुआइना करन ’ते  उस नूं पता लग्गा सी कि पहिलां कतल दे इरादे नाल बच्चे दे सिर विच राड मारी गई सी। किसे कारन बच्चा बच गिआ। फेर उहो राड बच्चे दी गरदन ’ते रख्ख के दबा दित्ती गई। मुआइने समें बच्चे दीआं गल्ल्हां ’ते हंझूआं दे निशान सन। अख्खां बाहर नूं आईआं होईआं सन। उह सुक्क के तीला होइआ-होइआ सी। बदन ’ते कोई कप्पड़ा मौजूद नहीं सी।

जे पिआरे लाल दा उदेश आपणी वकालत चमकाउणा हुंदा तां उह आपणी लिआकत दा सिक्का जमाउण लई डाकटर तों औखे-औखे सवाल पुछ्छदा। डाकटर दे हर जवाब ’ते कानूंनी नुकताचीनी करदा। निक्के-निक्के नुकते उठा के जज्ज नाल बहिसदा। आपणी दलील दी पुशटी लई कानूंन दीआं किताबां पेश करदा।

ऊट-पटांग सवाल दी थां उस नें डाकटर तों दो ही सपश्शटीकरण मंगे।

डाकटर दी रिपोरट अनुसार मरन समें बच्चे दा पेट ख़ाली सी। डाकटर दे अंदाज़े अनुसार पेट किंने कु दिन ख़ाली रिहा होएगा।

सवाल सुण के डाकटर ठठंबर गिआ। असलीअत इह सी कि उस नें पोसट मारटम धिआन नाल कीता ही नहीं सी। डाकटर नूं दस्सिआ गिआ सी कि इह अतिवादी केस है। किहड़ा दोशी फड़े जाणे हन? फड़े वी गए तां किसे नें गवाही नहीं देणी। डाकटर नें बस्स रिपोरट देण दा ज़ाबता ही पूरा करना है। पुलिस दे इस मशवरे नूं धिआन विच रख्खदिआं ही डाकटर नें मौत समें बच्चे दा पेट ख़ाली होणा लिखिआ सी। जे पेट विचों कुझ मिलिआ दिखाइआ हुंदा तां पेट विचों मिली वसतू नूं टैसट लई कैमीकल ऐगज़ामीनर कोल भेजणा पैणा सी। विसरे नूं उेथे तक पहुंचाउण लई पंजाह झंजटां विच पैणा पैणा सी। इहनां झंजटां तों बचण लई ही डाकटर नें इह सौखा राह अपणाइआ सी, पर वकील दे सवाल नें उहो झंजट फेर खड़ा कर दित्ता।

“इंज लग्गदा सी जिवें हफ़ता भर बच्चे दे पेट विच खिल्ल तक नां गई होवे।” खहिड़ा छुडाउण लई डाकटर नें अंदाज़े नाल तीर छड्डिआ।

बच्चे दे अगवा होण तों दो दिन पहिलां सकूल विच बच्चिआं दा डाकटरी मुआइआ होइआ सी। उस अनुसार बच्चे दा भार तीह किल्लो सी। पोसट मारटम समें इह भार वीह किल्लो सी।

“वीह दिनां विच दस किल्लो भार घटण दा भला की कारन हो सकदा है?”

“भुख्ख अते दहिशत।” इस सवाल दा जवाब देण विच डाकटर नूं कोई दिक्कत पेश नहीं सी आई। इथे महिज़ उस दी राए जाणी गई सी।

“दहिशत हुंदिआं वी जे रज्जवां खाणा मिलदा रहे तां की इंना भार घट्ट सकदा है?” पिआरे लाल दा अगला सवाल सी।

“नहीं।”

“तां इस दा मतलब है कि भार घटण दा वड्डा कारन भुख्ख सी।”

“जी हां।”

पहिला नुकता सपश्शट करवा के पिआरे लाल नें दूजा नुकता छोहिआ। इह नुकता बच्चे नूं कतल करन लई वरती गई राड दे डाइआमीटर संबंधी सी।

“बच्चे दा सिर छोटी वी हुंदा है अते नाज़ुक वी। फुल्ल वरगे सिर नूं खख्खड़ी-खख्खड़ी करन लई असफल होई राड दा डाइआमीटर भला किंना कु होवेगा?”

जवाब सपश्शट सी। ज़ख़म दी लंबाई, चौड़ाई अते डूंघाई डाकटर नें आपणी रिपोरट विच दरज कीती होई सी। ज़ख़म मुताबक राड दी गोलाई डेढ-दो इंच दे विचकार होणी चाहीदी सी।

“भाव इह कि बच्चे नूं सट्ट मारन लई खिड़कीआं, रौशनदानां विच वरते जांदे किसे साधारन जिहे सरीए दी वरतों कीती गई होवेगी?”

“इंज ही जापदा है”

“की इह ज़ख़म अजिही सब्बल नाल संभव है, जिस दा डाइआमीटर चार इंच होवे?”

“नहीं। अजिही सब्बल तां बच्चे दी चटनी बणा दिंदी है।”

“बहुत-बहुत धंनवाद। तुसीं जा सकदे हो।” मतलब दा जवाब हासल कर के पिआरे लाल नें डाकटर नूं फ़ारग कीता।

डाकटर दे तुर जाण ’ते सरकारी वकील नें अगले गवाह दा नां-पता दस्सणा सी। अरदली नें उस गवाह नूं आवाज़ मारनी सी। फेर उस गवाह दी गवाही शुरू होणी सी।

पर बचन सिंघ नूं अगले गवाह दा नां-पता दस्सण दी सुध्ध नहीं सी। सफ़ाई धिर नें इह सवाल किस आशे नाल पुछ्छे सन? उह इह गुत्थी सुलझाउण विच रुझ्झा होइआ सी। बच्चे दे भुख्खे रहिण जां वज़न दे घटण बारे सवाल किउं पुछ्छे गए, इह तां उस नूं समझ नां आई पर राड दे डाइआमीटर वाली पहेली सपश्शट सी। पोसट मारटम रिपोरट अनुसार राड दी गोलाई ओनी ही बणदी सी, जिंनी डाकटर नें दस्सी पर बेवकूफ़ थाणेदार नें दोशीआं कोलों जिहड़ी सब्बल बरामद कीती सी, उस दा डाइआमीटर इस तों कई गुणां वध्ध सी। बरामद होई सब्बल दी सट्ट नाल तां दारा सिंघ वरगा पहिलवान वी पाणी नां मंग सकदा।

सफ़ाई धिर नूं पहिले ही हल्ले मिली कामयाबी ’ते बचन सिंघ खिझ रिहा सी।

“चलो देखी जाएगी। अजिहीआं छोटीआं-मोटीआं ऊणताईआं दे आधार ’ते दोशी बरी थोहड़ा हो जाणे नें।” सोचदे बचन सिंघ नें मन नाल समझौता कीता अते अगले गवाह दा नां-पता दस्सिआ।

धिआन चंद वी गवाही देण दे काइदे-कानूंन तों वाकिफ़ सी। उस नां-पता लिखाइआ, सहुं खाधी अते आपणा बिआन दरज कराउण लग्गा।

इस साइंटिफ़िक अफ़सर नें इस मुकद्दमे नाल संबंधत उंगलां दे निशानां दा मिलान कीता सी।

बंटी दी लाश खुरद-बुरद करदे समें दोशीआं तों इक कुताही होई सी। लाश नूं हसपताल दे वीरान कमरे विच सुट्टदे समें उह हत्थां ’ते दसताने चहड़ाउणा भुल्ल गए सन। नतीजे वजों उंगलां दे कुझ निशान मौके ’ते रहि गए। उस थां दी पड़ताल समें माहिरां नें इह निशान लभ्भ लए सन। काइदे अनुसार इहनां नूं लिफ़ाफ़े विच बंद कर के लिफ़ाफ़े नूं सरब-मोहर कर के फिंगर-प्रिंट बिओरो फ़िलौर कोल जमहां कराइआ गिआ सी।

पंदरां दिनां बाअद दोशीआं नूं फड़ लिआ गिआ सी। उहनां दीआं उंगलां दे निशान तहिसीलदार साहमणे लए गए सन। अगले दिन विशेश दूत राहीं उह निशान वी फ़िलौर भेज दित्ते गए सन।

फ़िलौर वालिआं नें सुरख्खिअत रख्खे निशानां नूं दोशीआं दे निशानां नाल मिलाउणा सी अते दस्सणा सी कि उहनां विचों कोई इहनां दोशीआं दे सन जां नहीं।

इह फ़रज़ धिआन चंद नें निभाए सन। सारे विगिआनक ढंग तरीके अपणा के उह इस सिट्टे ’ते पुज्जा सी कि वकूए वाली थां तों मिले निशान मीते दोशी दे सन। इस तरहां उस दी रिपोरट इह साबत करदी सी कि मीता जुरम विच भागीदार सी।

जिराह शुरू करन तों पहिलां पिआरे लाल नें धिआन चंद नूं इक वार फेर उसदी रिपोरट दिखाई।

इथे सपश्शट शबदां विच इह लिखिआ होइआ सी कि इक पारसल मुख़तिआर सिंघ सिपाही नें उस कोल वीह अकतूबर नूं जमहां कराइआ सी। इस पारसल ’ते नाज़र सिंघ थाणेदार नें आपणीआं मोहरां लाईआं सन। इस पारसल विच उह निशान सन, जिहड़े मौके तों मिले सन।

रिपोरट अनुसार इह वी दरुसत सी कि दूसरा पारसल पंज नवंबर नूं प्रापत होइआ सी। इस नूं सिपाही सुरजीत सिंघ लै के आइआ सी। इस नूं वी नाज़र सिंघ थाणेदार नें ही सरब-मोहर कीता। इस पारसल विच उह निशान सन, जिहड़े तहिसीलदार साहमणे दोशीआं कोलों लए गए सन।

धिआन चंद  नें इहनां दोहां पारसलां विचों निकले निशानां दा ही मिलान कीता सी अते आपणी राए प्रगटाई सी।

इथों तक सारी जिराह सुख-शांती नाल हुंदी रही। सटैनो तों लै के जज्ज तक नूं पिआरे लाल दे इह सवाल मूरखता भरे लग्गे सन। इह सभ कुझ रिपोरट विच लिखिआ होइआ सी। इहनां बारे गवाह नूं पक्किआं करन दी की ज़रूरत सी?

धिआन चंद नूं जिहड़ी थोहड़ी-बहुत घबराहट सी, इहनां अनाड़ी सवालां नाल उह वी जांदी रही।

गवाह नूं पूरे जलौ विच आइआ देख के पिआरे लाल नें प्रशनां दा अगला दौर शुरू कीता।

धिआन चंद कोलों उह रजिसटर खुल्हवाइआ गिआ, जिस विच बिओरो विच प्रापत हुंदे पारसलां दा इंदराज कीता जांदा सी।

“रजिसटर देख के इह दस्सो कि वीह अकतूबर नूं इह पारसल किस नें जमहां करवाइआ सी अते उह पारसल किस वल्लों सरब-मोहर कीता गिआ सी?”

उत्तर देण लई जिउं ही धिआन चंद नें संबंधत पंना पहड़ना शुरू कीता, तिउं ही उस दीआं अख्खां अग्गे हनेरा छा गिआ।

इथे तां पारसल जमहां कराउण वाले दा नां सुरजीत सिंघ लिखिआ होइआ सी। अगांह इक घपला होर सी। रजिसटर अनुसार जमहां होए पारसल नूं देव राज ए.ऐस.आई. नें सरब-मोहर कीता सी। इह दोनों तत्थ रिपोरट नाल मेल नहीं सी खांदे। इस फ़रक तों इह साबत हुंदा सी कि धिआन चंद वीह अकतूबर नूं जमहां होए पारसल दी थां कोई होर पारसल वरत गिआ सी। इह की माजरा सी? इक दम धिआन चंद नूं समझ नहीं सी आ रिहा।

धिआन चंद नूं टपला नां लग्गा होवे, इस लई उस नें इक वार फेर पहिलां आपणी रिपोरट घोखी अते फेर रजिसटर। दोवें आपणी-आपणी थां ठीक सन। फेर इह फ़रक किउं? भवंतरिआ, कदे उह पिआरे लाल वल्ल तक्कदा, कदे जज्ज वल्ल अते कदे  बचन सिंघ वल्ल।

“बोल बई)” जदों कई-कई वार पंने पलट के वी धिआन चंद कोई सपश्शटीकरन नां दे सकिआ तां जज्ज नूं हुकम सुणाउणा पिआ।

“रजिसटर विच पारसल जमहां कराउण वाले दा नां सुरजीत सिंघ ते मोहरां लाउण वाले दा नां देव राज दरज है जनाब।”

जवाब दिंदे धिआन चंद नूं पसीना वी आइआ अते उस दी ज़बान वी थथलाई।

चारे पासे संनाटा छा गिआ। रिपोरट अते रजिसटर विचले इस ज़मीन असमान दे फ़रक ’ते सभ हैरान सन। इस तरहां तां दोशी सिध्धे बरी हो जाणे सन।

“इह कलैरीकल मिसटेक है जनाब) नां लिखण समें ग़लती लग्ग गई।” घबराए बचन सिंघ नें सपश्शटीकरन देणा चाहिआ।

जज्ज नें बचन सिंघ दे तरक वल्ल कोई धिआन नां दित्ता। उस नूं चुप्प रहिण दी हदाइत होई।

जज्ज ख़ुद रजिसटर अते रिपोरट दी घोख करन लग्गा।

“हुण इह दस्सो कि उह पारसल किथे है जिहड़ा सुरजीत सिंघ नें वीह तारीख़ नूं जमहां कराइआ सी?” जदों जज्ज दी पड़ताल ख़तम हो गई तां पिआरे लाल नें मुड़ जिराह शुरू कीती।

धिआन चंद नूं उस पारसल बारे कोई इलम नहीं सी। खहिड़ा छुडाउण लई उह बहाने घड़न लग्गा।

“इह वीह अकतूबर वाला पारसल ही तां सी। ग़लती नाल होर नां पते लिखे गए होणगे। वीह अकतूबर नूं तां कोई मुख़तिआर सिंघ फ़िलौर आइआ ही नहीं सी। उस दिन उस वल्लों पारसल किवें जमहां हो गए?”

“इह किवें जमहां होए इस दा जवाब तुहाडा रजिसटर ही देवेगा। कढ्ढो दो नवंबर वाला पंना अते पहड़ो इंदराज नंबर बारां।”

इह इंदराज दस्सदा सी कि उस दिन मुख़तिआर सिंघ नें इस केस नाल संबंधत इक पारसल दफ़तर जमहां कराइआ सी। उह पारसल नाज़र सिंघ दीआं मोहरां नाल सरब-मोहर सी।

“हुण आपणी रिपोरट देख के दस्सो कि की उस विच इस पारसल दा किधरे ज़िकर है?”

धिआन चंद नूं अजिहा कोई ज़िकर आपणी रिपोरट विच नां लभ्भा। इह की हो गिआ? सभ कुझ उथल-पुथल किवें हो गिआ? धिआन चंद दी समझों बाहर सी। वाड़ विच फसे बिल्ले वांग उह बिटर-बिटर तक्कण लग्गा।

सफ़ाई धिर वल्लों धिआन चंद नूं खुल्ल्हा समां दित्ता गिआ। ठंढे दिमाग़ नाल सोच के उह सारी सथिती सपश्शट करे।

धिआन चंद तां ही दस्से, जे उस नूं कुझ पता होवे। उह डुंन-वट्टा बण के खड़ा रिहा।

धिआन चंद दी रिपोरट ’ते पाणी फिर गिआ। उह शक्की तां बणी ही, नाल इह वी साबत करन लग्गी कि इह किसे साज़िश अधीन तिआर कीती गई सी।

“असल माजरा की है?” सच्च जाणन दी जगिआसा जज्ज अंदर वी जाग पई। मिसल इक पासे रख्ख के उह सच्च जाणन लई बेचैन होण लग्गा।

असलीअत इह सी कि वीह अकतूबर वाला इंदराज दरुसत सी। उह पारसल देव राज नें तिआर कीता सी अते जमहां सुरजीत सिंघ नें करवाइआ सी। चुसती इह सी कि उस पारसल विच ख़ाली काग़ज़ रख्खे गए सन, महिज़ ज़ाबता पूरा करन लई। पुलिस दी पहिलां ही इह नीयत सी कि असल दोशीआं दे फड़े जाण ’ते इह काग़ज़ उहनां निशानां नाल तबदील कर लए जाणगे।

इहनां दोशीआं नूं ग्रिफ़तार करन दा प्रोगराम इक-दो नवंबर नूं बणिआ सी। सभ तों पहिलां इहो कारवाई होई। मीते दीआं उंगलां दे निशान लै के फ़िलौर भेजे गए।

इहनां निशानां नूं थां सिर पहुंचाउण दी ज़िंमेवारी साधू सिंघ सब-इंसपैकटर दी लाई गई। कई साल उह पुलिस ट्रेनिंग कालज विच रिहा सी। उथों दे बच्चे-बच्चे तों वाकिफ़ सी।

साधू सिंघ नाल मुख़तिआर सिंघ नूं भेजिआ गिआ सी। इह सारा मामला मुख़तिआर सिंघ तों गुपत रख्खिआ गिआ। उस नूं शक्क नां होवे, इस लई दो होर केसां दे पारसल उस नूं जमहां कराउण लई दित्ते गए।

साधू नूं पिंड गए नूं महीना हो गिआ सी। उस दी किहड़ा फ़िलौर वालिआं नाल पग्ग वट्टी होई सी? कंम पैसे नाल होणा सी। पैसा ख़रच के इह कंम मुख़तिआर सिंघ वी कर सकदा सी। कलरक नूं दित्ती जाण वाली आम फ़ीस नालों पंजाह रुपए वाधू दे के साधू सिंघ नें इकल्ले मुख़तिआर नूं फ़िलौर भेज दित्ता। नाल कलरक दे नां इक चिठ्ठी लिख दित्ती। कलरक नें की करना है? इह चिठ्ठी विच लिख दित्ता। फ़ीस अते चिठ्ठी मुख़तिआर नूं फड़ा के साधू पिंड वाली बस्स चहड़ गिआ।

जे मुख़तिआर नूं पता हुंदा तां उह काग़ज़ां दी रद्दो-बदल कोल बैठ के करवा दिंदा। कलरक जदों आम फ़ीस विच ही पारसल जमहां करने मंन गिआ तां उस नूं वाधू दे पंजाह रुपए देणे औखे हो गए। जदों कलरक नें अध्ध कोल ही कंम कर दित्ता तां सिफ़ारशी चिठ्ठी तों की कराउणा सी। मुख़तिआर नें पंजाह रुपए बोझे विच पा लए अते चिठ्ठी पाड़ के औह मारी।

कलरक नें तिंने लिफ़ाफ़े फड़े, रजिसटर विच दरज कीते अते रसीद मुख़तिआर सिंघ दे हत्थ फड़ा दित्ती।

बस्स, इथे ही गड़बड़ होई सी। धिआन चंद नें दो नवंबर वाले निशानां नाल निशान मिला लए अते आपणा सिट्टा कढ्ढ लिआ सी। वीह अकतूबर वाला असल पारसल उस अग्गे पेश ही नहीं सी कीता गिआ।

“पर रिपोरट विच तां इहो लिखिऐ कि इह पारसल वीह अकतूबर नूं जमहां होइआ सी?” जज्ज नें सपश्शटीकरन मंगिआ।

धिआन चंद नें जाण-बुझ्झ के हेराफेरी कीती सी। चलान चैक्क करदे समे ज़िल्हा अटारनी नें जदों साइंटिफ़िक अफ़सर दी रिपोरट घोखी उस नें इह ग़लती फड़ लई। पुलिस रिकारड अनुसार पहिला पारसल वीह अकतूबर नूं जमहां होइआ सी। रिपोरट विच इह दो नवंबर नूं जमहां होणा दरसाइआ सी। इह फ़रक किउं?

दरुसती लई नाज़र सिंघ भज्जा-भज्जा फिलौर गिआ सी। धिआन चंद नें मिंनत- तरला करवा के नवीं रिपोरट तिआर कर दित्ती। तारीख़ तां दो नवंबर दी वीह अकतूबर कर दित्ती पर पारसल जमहां कराउण अते पारसल नूं सरब-मोहर करन वाले दे नां-पते नां बदले। बदलदा वी किवें? उस नूं किहड़ा इस बारे दस्सिआ गिआ सी। धिआन चंद नें सोचिआ सी, उस तों ग़लती हो गई। उस नें आपणी जाण विच आपणी ग़लती सुधारी सी।

“इह मन-घड़त कहाणी है जनाब)” सरकारी वकील नूं पिआरे लाल दे इस बिआन ’ते सख़त इतराज़ सी।

“मन-घड़त कहाणी घड़न दी आदत तुहानूं है जनाब) इसे लई कहाणी पैरां सिर खड़ो नहीं रही। मेरे कोल आपणी कहाणी नूं साबत करन लई ढेर सारे सबूत मौजूद हन।” बचन सिंघ नूं चुप्प करवा के पिआरे लाल आपणे सबूत पेश करन लग्गा।

जे तारीख़ विच होई रद्दो-बदल नूं नज़र-अंदाज़ वी कर दित्ता जावे तां वी इह तत्थ सपश्शट सी कि साइंटिफ़िक अफ़सर नें जिस पारसल वाले निशानां दा मिलान कीता सी, उह पारसल नाज़र सिंघ दा तिआर कीता होइआ सी। नाज़र सिंघ नें उह पारसल सरब-मोहर किवें कर दित्ता जदों कि उह तां उस दिन इस थाणे विच लग्गा ही नहीं सी होइआ। की उस नें इह पारसल बाहरले थाणे विचों आ के तिआर कर दित्ता?

इह वी कोरा झूठ सी कि वीह तारीख़ नूं कोई पारसल मुख़तिआर सिंघ नें फ़िलौर जमहां कराइआ सी। उस दिन तां उह इसे शहिर विच हाज़र सी। शहिर ही नहीं इसे अदालत विच हाज़र सी। इक कतल केस विच उह गवाही दे के गिआ सी। फेर उह फ़िलौर कदों अते किवें चला गिआ?

इस दे उलट इह पारसल लै के सुरजीत दा फ़िलौर जाणा कई दसतावेज़ां राहीं सिध्ध हुंदा सी। पहिलां तां इस बारे थाणे दा रोज़नामचा बोलदा है। उस विच इस बारे रपट लिखी होई सी। उस समें दे तफ़तीशी देव राज नें इस बारे सुरजीत सिंघ दा बिआन वी लिखिआ सी। उह बिआन अज्ज तक वी अदालत दी मिसल नाल नत्थी है। पिआरे लाल नें उह बिआन पहड़ के सुणाइआ। सोने ’ते सुहागा इह सी कि सुरजीत नें उस दिन फ़िलौर जाण दा टी.ए., डी.ए. वी लिआ सी। इस बिल्ल दीआं नकलां पेश कीतीआं।

उस समें तां सनसनी ही फ़ैल गई जदों पिआरे लाल नें उस रिपोरट दी फ़ोटो कापी अदालत विच पेश कीती, जिहड़ी धिआन चंद वल्लों पहिलां तिआर कीती गई सी अते पिछ्छों नाज़र सिंघ दे आखण ’ते पाड़ दित्ती गई सी।

“की इह रिपोरट तुहाडी तिआर कीती होई नहीं?” रिपोरट साइंटिफ़िक अफ़सर अग्गे कर के पिआरे लाल नें पुछ्छिआ।

इस हनेर-ग़रदी ’ते जज्ज साहिब नूं ग़ुस्सा वी आइआ अते हैरानी वी होई।

“साफ़-साफ़ दस्स किस-किस नें हेरा-फेरी कीती है? नहीं रिकारड विच रद्दो-बदल करन दे जुरम विच हुणे अंदर तुंन दिऊं।”

जज्ज दी इस धमकी नें धिआन चंद दा रहिंदा-खूंहदा साह-सत वी सूत लिआ।

धिआन चंद नूं फ़िलौर दे इक डाकटर दा किस्सा याद आइआ। धिआन चंद वांग उस नें वी हसपताल दे रिकारड विच हेरा-फेरी कीती सी। फड़े जाण ’ते उस नूं तिंन महीने दी कैद होई सी।

साइंटिफ़िक अफ़सर नूं हथिआर सुट्टण विच ही भलाई नज़र आई। गवाह तों सच्च उगला के सफ़ाई धिर नें बाज़ी दा इह दौर पूरी तरहां जित्त लिआ।

तीसरा गवाह बुलाउण दी सरकारी वकील दी हिंमत नहीं सी पै रही। पहिले दो गवाहां नें तां भठ्ठा बिठा ही दित्ता सी। उस दा मन आखदा सी कि तीसरा वी कोई चंन ही चाहड़ेगा।

सरकारी वकील नूं ओना ग़ुस्सा गवाहां ’ते नहीं सी आ रिहा, जिंना नाज़र सिंघ ’ते आ रिहा सी। जे निशान तबदील कराउणे ही सन तां आप जा के कराउंदा। पुलिस महिकमा वी बड़ा लीचड़ सी। जदों रिशवत लैणी होवे तां पुलसीए मगर-मछ्छ जिड्डा मूंह अड्ड लैंदे सन। कदे रिशवत देणी पवे तां माइआ ’ते सप्प वांग कुंडली मार के बैठ जांदे सन।

बचन सिंघ आपणी अणगहिली ’ते वी कुहड़ रिहा सी। उस समें वी इह दसतावेज़ मिसल नाल नत्थी सन। बचन सिंघ नें गहु नाल देखिआ हुंदा तां इह ग़लती फड़ी जाणी सी। उस नूं सुरिंदर कुमार ’ते वी हिरख आइआ। अजिहीआं छोटीआं-मोटीआं ग़लतीआं फड़ना, छोटे अफ़सर दा कंम सी। जे वड्डे अफ़सरां नें अख्खर-अख्खर ही पहड़ना होइआ तां छोटे अफ़सर की रगड़ के फोड़े ’ते लाउणे सन? पर उह सुरिंदर कुमारदे ख़िलाफ़ कोई कारवाई वी नहीं सी कर सकदा। उहो ग़लती बचन सिंघ तों वी होईसी।

तीजे गवाह नूं कटहिरे विच खड़ा करन तों पहिलां बचन सिंघ इक वार फेर काग़ज़ां दी घोख-पड़ताल करना चाहुंदा सी पर इंना समां किथे? जज्ज पहिलां ही गवाह नूं बुला चुक्का सी।

कपूर सिंघ हत्थ लिखतां परखण दा माहिर सी। उह चंडीगहड़ों फ़ोरैंसिक साइंस लेबारटरी विचों आइआ सी।

उस दी गवाही वी धिआन चंद नाल मिलदी-जुलदी सी। उस नूं लेबारटरी विच इक पारसल वीह अकतूबर नूं मिलिआ सी, जिहड़ा देव राज थाणेदार वल्लों सरब-मोहर कीता गिआ सी, इह पारसल चिरंजी लाल सिपाही नें जमहां कराइआ सी। इस विच उह चिठ्ठीआं सन, जिहड़ीआं दोशीआं नें समें-समें सिर बंटी दे वारिसां नूं फिरौती वसूलण लई लिखीआं सन।

दूसरा पारसल उस नूं पंज नवंबर नूं मिलिआ सी। इह पारसल चिरंजी लाल नें लिआ के दित्ता सी। इस विच पाले दोशी दीआं उह लिखतां सन, जिहड़ीआं नमूने वज्जों मैजिसट्रेट साहमणे लईआं गईआं सन। इह पारसल नाज़र सिंघ वल्लों तिआर कीता गिआ सी।

धिआन चंद वांग कपूर सिंघ वी सारे विगिआनक ढंग-तरीके अपणा के इस सिट्टे ’ते पुज्जा सी कि फ़िरौती वसूलण लई लिखीआं सारीआं चिठ्ठीआं पाले दोशी दी कलम तों सन। दोहां लिखतां विच रत्ती भर वी फ़रक नहीं सी। इस तरहां पाला बंटी नूं अगवा करन अते फिरौती वसूलण दे दोश दा भागीदार सी।

“किउं वकील साहिब इथे की बदलिआ गिऐ?” तणाओ भरे माहौल नूं सुखावां बणाउण लई जज्ज नें विअंग कीता। चारे पासे हासा फैल गिआ।

“आगे आगे देखीए होता है किआ?” हासे दा पिआरे लाल ’ते कोई असर नहीं सी होइआ। उस दे हौसले पहिलां वांग ही बुलंद सन।

“फेर इस दा रिकारड वी देखीए?”

“नहीं जनाब) इस दी ज़रूरत नहीं होवेगी।”

“किउं?”

“पारसल बदलण लई किसे अणजाण सिपाही नूं चंडीगहड़ नहीं सी भेजिआ गिआ। तफ़तीशी अफ़सर ख़ुद गिआ सी। असल चिठ्ठीआं लै लईआं गईआं सन अते पाले कोलों लिखवाईआं चिठ्ठीआं रख्ख दित्तीआं गईआं सन। इह कंम अफ़सरां दी सहिमती नाल होइआ सी। इस लई अजिही ग़लती दी कोई संभावना नहीं।” माहिर दीआं अख्खां विच अख्खां पा के पिआरे लाल नें रिकारड दे दरुसत होण दा कारन समझाइआ।

“हां.....हां शुरू करो।”

कपूर सिंघ आपणे कंम विच किंना कु माहिर है, इह साबत करन लई पिआरे लाल नें इक-इक करके अजिहे अठारां केस गिणाए, जिहड़े पिछले चार सालां विच इस सब-डवीज़न दे थाणिआं नें उस कोल सलाह लई भेजे सन। किसे केस विच रजिसटरी ’ते होए दसतख़तां दी पछाण करनी सी अते किसे विच चैक्क ’ते होए दसतख़तां दी। किसे केस विच चिठ्ठी दे लेखक दी पछाण कीती जाणी सी अते किसे विच कैश  बुक्क दे लेखक दी। इह लिखतां पाले वरगे किसे अजिहे विअकती दीआं नहीं सन, जिनहां नूं लिखत करन दा मौका हाड़ी-सौणी कदे-कदे ही मिलदा होवे। इह लिखतां अजिहे विअकतीआं दीआं सन, जिनहां दे लिखण-ढंग सथापत हो चुक्के सन अते जिनहां दीआं लिखतां दे हज़ारां नमूने मौजूद सन।

दो केसां नूं छड्ड के बाकी विच पता की राए आउंदी रही? नमूने वालीआं लिखतां असपश्शट हन। अजिहीआं होर लिखतां भेजीआं जाण, जिनहां नूं दोशी आपणीआं वी मंने अते जिहड़ीआं परखे जाण वाले दसतावेज़ दे नेड़े-तेड़े दे समें लिखीआं गईआं होण। उदेश सपश्शट हुंदा सी। नां नौं मण सुरमा होएगा नां राधा नच्चेगी। बहुते केस रफ़ा-दफ़ा हो गए जां कमज़ोर पै गए।

“की इह ठीक है कि तुसीं इहनां केसां विच कोई राए नहीं सी दे सके?” पिआरे लाल नें इक-इक केस दा वेरवा दे के पुछ्छिआ।

कपूर सिंघ दीआं लत्तां उस समें तों ही कंब रहीआं सन, जदों तों पिआरे लाल नें आखिआ सी कि चिठ्ठीआं माहिर दी सहिमती नाल बदलीआं गईआं सन। इस नवें बंब नें उस दे छक्के ही छुडा दित्ते।

कोई चारा नां चल्लदा देख के कपूर सिंघ नें हां विच सिर हिला दित्ता।

“सभ लिखतां दरुसत हुंदीआं हन। उहनां ही दसतावेज़ां दे आधार ’ते प्राईवेट माहिर बड़ी सपश्शट राए दिंदे हन। उहनां रावां नूं अदालतां मानता वी दिंदीआं हन। तुसीं सपश्शट राए इस लई नहीं दिंदे, किउंकि तुहानूं कंम नहीं आउंदा जां तुहाडी नीयत साफ़ नहीं हुंदी।”

गवाह रहिंदा-खूंहदा संतुलन वी गवा बैठा सी, इस लई पिआरे लाल नें उस दी इमानदारी ’ते सिध्धा हमला कीता।

बाकी दे केसां विच माहिर नें की रिपोरट दित्ती अते किउं दित्ती, पिआरे लाल इस बारे वी दस्स सकदा सी पर हाले समां ढुकवां नहीं सी।

कपूर सिंघ जदों पूरी तरहां होशो-हवास गवा बैठा तां पिआरे लाल असली मुद्दे ’ते आइआ।

बंटी दे कतल तक लाला जी नूं धमकी-भरे चार पत्तर मिल च्के सन। इह चारे ख़त पुलिस नें आपणे कबज़े विच लै लए सन। इहनां चिठ्ठीआं नें दोशीआं दी शनाख़त विच अहिम रोल अदा करना सी। इसे लई इहनां नूं हत्थ-लिखत दे माहिरां कोल भेजिआ गिआ सी। दोहां दोशीआं विचों इकल्ला पाला ही पंजाबी जाणदा सी। तफ़तीश दौरान उसे दी लिखत दा नमूना हासल कीता गिआ सी।

इहनां चारे चिठ्ठीआं अते हत्थ-लिखतां दे आधार ’ते कपूर सिंघ नें आपणी रिपोरट तिआर कीती सी।

धिआन चंद वांग जदों कपूर सिंघ नें आपणी रिपोरट नूं गहु नाल वाचिआ तां पाइआ कि रिपोरट नाल चार दी थां अठ्ठ चिठ्ठीआं लग्गीआं होईआं सन। चिठ्ठीआं चार दीआं अठ्ठ किवें बण गईआं? इह तां उस नूं समझ आ गई पर असल चिठ्ठीआं रिपोरट नाल किवें लग्ग गईआं, इह समझ नां आई।

नियमां अनुसार दफ़तर विच प्रापत होए हर दसतावेज़ उपर रसीद नंबर अते मुकद्दमे दा अनुवान लिखिआ जांदा है। फेर महिकमे दी मोहर लग्गदी है अते उपर अफ़सर दे दसतख़त हंदे हन।

इहनां नियमां दी पालना असल चिठ्ठीआं उपर वी होई सी अते नकली चिठ्ठीआं  उपर वी। नवीआं चिठ्ठीआं नें पुराणीआं दी थां लैणी सी, इस लई नवीआं चिठ्ठीआं उपर पुराणीआं चिठ्ठीआं वाले नंबर ही लाए गए सन। जिथों तक कपूर सिंघ नूं याद सी, पुराणीआं चिठ्ठीआं खुरद-बुरद कर दित्तीआं गईआं सन। फेर वी, किउंकि दोहां सैट्टां उपर उस दे दसतख़त सन, इस लई इहनां दी होंद तों मुनकर वी नहीं सी होइआ जा सकदा। हर चिठ्ठी उपर पंना नंबर लग्गा होइआ सी। रिपोरट विच जिंने दसतावेज़ नत्थी करने लिखे सन, उहनां दी गिणती तां ही पूरी हुंदी सी, जे अठ्ठे चिठ्ठीआं विच गिणीआं जाण।

हेरा-फेरी फड़ी जा चुक्की सी। फ़ैसला लिखदे समें जज्ज नें इस हेरा-फेरी दा गंभीर नोटिस लैणा सी, पर कपूर सिंघ धिआन चंद वांग मिउं-मिउं करन वाला अफ़सर नहीं सी। धिआन चंद नाल ख़ुद धोखा होइआ सी। इथे सारी कारवाई कपूर सिंघ दे हत्थीं होई सी। उह ग़लती मंन गिआ तां नौकरी तां जाएगी ही, केस वी बणेगा।

कपूर सिंघ नूं साफ़ मुकर जाण विच बिहतरी लग्गी। उस नें नवीआं चिठ्ठीआं नूं ही असल होणा मंनिआ। पुराणीआं चिठ्ठीआं ’ते उस दे दसतख़त जाअली सन जां धोखे नाल कराए गए सन।

माहिर वल्लों आपणे ही दसतख़त मुक्कर जाण ’ते जज्ज नूं ग़ुस्सा आ गिआ। इह अदालत दी तौहीन सी।

‘जे तूं आपणे दसतख़त वी नहीं पछाण सकदा, फेर तूं हत्थ-लिखतां दा माहिर टट्टू दा हैं। इह दसतख़त तेरे हन जां नहीं? हां जां नांह विच जवाब देह।” हरखे जज्ज नें पुराणीआं चिठ्ठीआं कपूर सिंघ अग्गे सुट्टदिआं आखिआ।

दो-चार वार अख्खां तों ऐनक लाहुण-पाउण अते पंज-सत्त वार लैनज़ां राहीं दसतख़तां नूं घोखण दा नाटक कर के कपूर सिंघ नें दसतख़त आपणे कीते होए मंन लए। जज्ज होर चिड़ गिआ।

“हुण इह वी दस्स दे कि इह दसतख़त तूं जाण-बुझ्झ के कीते हन जां किसे नें धोखे नाल कराए नें?” जज्ज किसे नतीजे ’ते पुज्जणा चाहुंदा सी।

कपूर सिंघ दी हालत उस सप्प वरगी सी, जिस दे मूंह विच कोहड़ किरली फस गई सी। जे कपूर सिंघ आखे दसतख़त उस दे हन तां इह जुरम दा इकबाल होएगा। जे आखे किसे नें धोखे नाल कराए हन तां सिध्ध होएगा कि उह इक नंबर दा ला-परवाह है। मुजरम बणन नालों उस नूं ला-परवाह बणन विच बिहतरी नज़र आई।

“गवाह आल्हा दरजे दा बेईमान है। पैर-पैर ’ते झूठ बोलदा है। इस लई गवाही काबले-इतबार नहीं।” कपूर सिंघ दीआं हेरा-फेरीआं तों खिझे जज्ज नें उस ख़िलाफ़ सटरिकचर पास कर दित्ते।

जज्ज दे इहनां सटरिकचरां दे नाल ही माहिर गवाहां दी लिसट समापत हो गई।

इहनां गवाहां दे बिआनां लई लंच तक दा समां निशचित कीता गिआ सी। पिआरे लाल नें कानूंनी दाअ-पेचां दी थां, तत्थां दे सहारे उहनां दी गवाही तहिस- नहिस कर दित्ती। इस लई इह कंम बारां वजे तक निब्बड़ गिआ।

ग़ैर-सरकारी गवाहां ’ते जिराह मोहन जी नें करनी सी। कपूर सिंघ दी गवाही ख़तम होण तों पहिलां ही उह कोरट रूम विच दाख़ल हो गिआ। केस सफ़ाई धिर दे हक्क विच जा रिहा सी। जिंने गवाह भुगत जाण ओना ही फ़ाइदा सी।

बचन सिंघ होर गवाह भुगताउण लई तिआर नहीं सी। बाकी दे गवाह दुपहिर तों बाअद लिखे जाण। हाले नां गवाह तिआर हन, नां उह आप।

नाथ साहिब वी इहो चाहुंदे सन। सफ़ाई धिर नें केस दी रीहड़ दी हड्डी तोड़दित्ती सी। सरकारी वकील नूं विगड़ी सथिती नूं संभालण लई कुझ समां मिलणाहीचाहीदासी।

“बाकी गवाह लंच तों बाअद।” दा हुकम सुणा के जज्ज नें कुरसी छड्ड दित्ती।

 

 

15

माहिरां दी गवाही नें सरकारी धिर नाल जुड़े हर विअकती नूं प्रेशान कर रख्खिआसी।

इस केस विच इक वी अजिहा गवाह नहीं सी जिहड़ा हिक्क थापड़ के आख सकदा कि उस नें बंटी नूं कतल हुंदिआं देखिआ है। सारा केस हालात ’ते आधारत गवाही ’ते निरभर सी। पुलिस नें अजिहे हालात दा होणा सिध्ध कीता सी जिस तों इह साबत हुंदा सी कि दोशीआं तों सिवा कोई होर बंटी नूं कतल कर ही नहीं सकदा। इहनां हालातां दी किसे नां किसे कड़ी नूं साबत करन लई पुलिस नें माहिरां दा सहारा लिआ सी, माहिरां दी गवाही नें फ़ाइदे दी थां उलटा नुकसान पहुंचाइआ सी।

सभ तों वध्ध फ़िकर नाज़र सिंघ नूं सी। सभ तों पहिलां नज़ला उसे ’ते झड़ना सी। मार वी दूहरी पैणी सी।

पहिलां इस लई कि अज्ज उह केस दी पैरवाई लई आइआ सी। पैरवाई अफ़सर होण दे नाते उस दा फ़रज़ सी कि हर गवाह सरकार दे हक्क विच भुगते। इस उदेश दी प्रापती लई उस नूं सरकार वल्लों पूरी खुल्ल्ह सी। प्राईवेट गवाहां नूं उह कुट्ट-मार तक कर सकदा सी। गवाह सरकारी मुलाज़म होण तां उहनां दे महिकमे  नूं कारवाई लई लिख सकदा सी। कोई गवाह उस दी पहुंच तों बाहर होवे तां उच्च- अधिकारीआं नूं दस्से। फेर उह गवाह नूं आपे सिध्धे रसते पाउणगे।

वैसे इह फ़रज़ निभाउण विच नाज़र सिंघ नें कोई कुताही नहीं सी कीती। सभ गवाह पहड़े-लिखे अते सरकारी अफ़सर सन। नाज़र उहनां नूं की समझा सकदा सी? उहनां दी टहिल सेवा कर सकदा सी। टहिल सेवा विच उस नें कोई कसर बाकी नहीं सी छड्डी। किसे नें चाह मंगी तां उस नें दुध्ध मंगवाइआ। किसे नां पाणी मंगिआ तां उस नें जूस पिलाइआ।

इस दोश तों तां शाइद उह मुकत हो जावे पर रिकारड विच होई हेरा-फेरी नें उस दे जोड़ां विच बैठ जाणा सी। किसे नें नहीं सी मंनणा कि इह हेरा-फेरी उस नें अफ़सरां दी हदाइत ’ते कीती सी। इस कुताही दी सारी ज़िंमेवारी नाज़र सिर महड़ी जाणी सी।

उह कई वार सरकारी वकील दे गोडीं हत्थ ला चक्का सी। विसकी दी पेटी भेजण दा वाअदा कर चक्का सी। नाज़र सिंघ दी पग्ग बचन सिंघ दे हत्थ सी, बचा लवे भावें उछाल देवे। सरकारी वकील जे बहुती मदद नहीं कर सकदा तां इह वाअदा तां करे कि उह इस कुताही बारे कपतान नूं चिठ्ठी नहीं लिखेगा।

धिआन चंद अते कपूर सिंघ दा हाल उस तों वी भैड़ा सी। मुअत्तल होणा, पड़ताल कराउणी अते फेर बहाल हो जाणा पुलिस अफ़सरां लई मामूली गल्ल सी। माहिरां दे विभाग विच इंझ नहीं चल्लदा। मामूली जिही शिकाइत ’ते सी। अग्गों तों अहिम दसतावेज़ मुआइने लई नहीं दित्ते जांदे। रोटी-टुक्क दा साधन बंद हो जांदा सी।

माहिरां दा कसूर वी कोई नहीं। इह रद्दो-बदल उहनां सरकार दी बिहतरी लई कीती सी, नां कि किसे लालच लई। सरकारी वकील किवें नां किवें मौका संभाले। जज्ज नाल गल्ल करे, दोशीआं नूं सज़ा कराए। जे दोशी सज़ा हो जाण तां सभ दे पाप धोते जाण। जे इंझ संभव नहीं तां दूजी धिर दे वकीलां नाल राबता काइम कीता जावे। उह दोशी भावें बरी करा लैण पर माहिरां दी ग़लती नां उछालण। इस मिहरबानी लई जे ख़रच-वरच करना पवे तां वी बचन सिंघ नां झिजके। माहिर खुल्ल्हे ख़रच लई तिआर सन।

उह पैण ढठ्ठे खूह ’च। बचन सिंघ दी आपणी जान कड़िक्की विच फसी पई सी। सभ तों पहिलां खिचाई उसे दे होणी सी।

माहिरां अते तफ़तीशी दे नाल-नाल बचन सिंघ नूं भंडारी वकील अते युवा संघ ’ते वी ग़ुस्सा आ रिहा सी। भंडारी अजीब बंदा सी। सारी कारवाई दौरान इक वार वी अदालत विच पैर नहीं सी धरिआ। उस दा फ़रज़ सी, उह अंदर आ के गवाहां दा हाल-चाल पुछ्छदा। उह भंडारी नूं समझा दिंदा। ‘जज्ज गवाहां नूं दबके ’ते दबका मार रिहा है। दबके दी ताब नां झल्लदे होए गवाह नड़े वांग उधड़ पैंदे हन।’ बचन सिंघ दे इशारे ’ते संघ नें जे इक नाअरा वी मारिआ हुंदा तां उलटा जज्ज नें दबक जाणा सी ते केस दे रुख़ नें सरकार वल्ल हो जाणा सी।

हाले वी डुल्ल्हे बेरां दा कुझ नहीं विगड़िआ। माहिर आख़र माहिर ही हुंदा है। उस नें केवल राए ही दित्ती सी। ज़रूरी नहीं राए हमेशा सही होवे। जे मौके दे गवाहां दी गवाही मज़बूत होवे तां जज्ज नूं माहिरां नालों उहनां दी गवाही नूं तरजीह देणी पैणी सी। हुण उस दा बचाअ इसे विच सी कि मौके दे गवाह नूं चंगी तरहां भुगता लिआ जावे।

माहिरां नूं टाल के बचन सिंघ भंडारी दे खोखे वल्ल हो गिआ।

सुबहा बचन सिंघ दा विचार सी कि सरकारी गवाह उह भुगता देवेगा अते प्राईवेट गवाह भंडारी ’ते छड्ड देवेगा। सवेर दे तजरबे नें उस दा इह विचार बदल दित्ता। नवीं योजना तहित उस नें गवाह वी आपणे भुगताउणे सन अते उहनां नूं गवाही वी ख़ुद समझाउणी सी। इसे लई उस नें बारां वजे कचहिरी बरख़ासत करवा लई सी। उस कोल दो घंटे दा समां सी। रोटी-टुक्क दा ख़िआल छड्ड के उह गवाहां नाल मग़ज़ खपाई करना चाहुंदा सी।

भंडारी दे कैबन विच पूरी गहिमा-गहिमी सी। लाला जी तों लै के संघ दे प्रधान ते सकत्तर तक सभ मौजूद सन। प्राईवेट गवाहां दे नाल-नाल पुलिस मुलाज़मां दा वी तांता लग्गा होइआ सी। भंडारी दे सारे जूनीअर वकील गवाहां नाल दो-चार हो रहे सन।

हुण केवल दुहराई हो रही सी। गवाहां नूं बिआन तां कल्ल्ह ही तोते वांग रटा दित्ते गए सन।

गवाही समझाउण अते पक्की करन दा भंडारी दा आपणा ही ढंग सी। उह आपणी लंबी-चौड़ी कोठी विच उसे तरहां दा सैट्ट तिआर कर लिआ करदा सी, जिस तरहां दी कहाणी पुलिस नें घड़ी हुंदी सी। उहो जिहा मौसम, उहो जिहा समां अते उहो जिहा माहौल। गवाहां अते नकली दोशीआं नूं उसे थां खड़ाइआ जांदा, जिथे पुलिस नें आपणे नकशे विच खड़े दिखाइआ हुंदा। कतल जां लड़ाई-झगड़े दा मुकद्दमा होवे तां नकली दोशीआं दे हत्थां विच उहो जिहे हथिआर फड़ाए जांदे, जिहड़े पुलिस नें असल दोशीआं दे हत्थां विच फड़ाए हुंदे। फेर कहाणी मुताबक मजरूबां दे सट्टां मारन दा नाटक खेडिआ जांदा। किस नें किहड़ा ललकारा मारिआ, किस नें किस नूं किथे सट्ट मारी? कौण किधर नूं भज्जा? किस नें किस नूं संभालिआ? सारी कहाणी दुहराई जांदी। जदों पुलिस वल्लों घड़ी कहाणी नूं इंज असलीअत विच बदल दित्ता जांदा तां विरोधी धिर दे वकील नूं जिराह करन समें बिआनां विच फ़रक पाउण दा मौका ही नहीं मिलदा। इसे गुण कारन भंडारी अकसर मुदई्ई धिर दा वकील बणिआ करदा है अते उस वल्लों लड़े बहुते केसां विच सज़ा हुंदी है।

इस केस दी कहाणी भावें अजीबो-ग़रीब सी, फेर वी भंडारी नें सैट्ट तिआर करवा के ही गवाही समझाई सी।

गवाह आपणा-आपणा रोल कल्ल्ह ही समझ गए सन। अज्ज महिज़ रिहरसल हो रही सी। गवाह नूं पहिलां पुलिस वल्लों लिखिआ बिआन पहड़ के सुणाइआ जांदा। फेर हर लाईन दा मतलब समझाइआ जांदा। फेर भंडारी गवाह तों बिआन सुणदा। जिथों उह उक्कदा, उथों उस नूं पक्का करवाइआ जांदा।

जदों गवाह आपणा बिआन रट लैंदा तां उस नूं उह सवाल समझाए जांदे जिहड़े दूजे वकील नें गवाह तों पुछ्छणे सन। सवालां दे उत्तर समझाए जांदे। आख़र विच इक मंतर पहड़ाइआ जांदा। जे सवाल दा उत्तर नां सुझ्झे तां आख दिउ ‘याद नहीं’।

जदों भंडारी दी तसल्ली हो जांदी तां गवाह जूनीअर दे हवाले हुंदा। फेर उहो कारवाई उह दुहराउंदा।

जंगी पध्धर ते हो रही तिआरी नूं देख के बचन सिंघ नूं राहत महिसूस होई। जे इह गवाह चंगी तरहां भुगत जाण तां वी बचाअ हो जावे।

बचन सिंघ दे आखण ’ते वारी-वारी हर गवाह उस अग्गे पेश कीता गिआ। गवाह टल्ली वांग टणकदे सन। बचन सिंघ नें सौ-सौ सवाल पुछ्छे, कोई इक तों वी नां थिड़किआ।

गवाहां ’ते शक्क करना बचन सिंघ दा इक वहिम साबत होइआ। दुध्ध दे फूके वांग उह लस्सी नूं वी फूकां मार रिहा सी।

गवाहां वल्लों निस्सर फंड हो के बचन सिंघ नें भंडारी नाल दूसरा मसला विचारिआ। नाअरेबाज़ी नां कर के संघ नें पहिलां ही बहुत नुकसान करवा लिआ सी। इह ग़लती नां दुहराई जाए।

“पहिलां तां ऊईं उक्क ‘गे। तुसीं परवाह नां करो। अदालत दे बैठदिआं ही पूरे ज़ोर-शोर नाल नाअरेबाज़ी होएगी।”

भंडारी दा इह विशवास हासल कर के बचन सिंघ अदालत विच जा बैठा। जिंने गवाह वध्ध भुगत जाण, ओना ही फ़ाइदा सी।

इहो उदेश मोहन जी दा वी सी। उस नूं संमती वल्लों रिपोरट मिली सी। अज्ज भुगतण वाले सारे गवाह आपणे बिआनां तों मुकरने सन। जिंने गवाह भुगत जाण, ओनी अगांह सौख रहेगी।

दोहां धिरां दे वकीलां नूं हाज़र होइआं देख के जज्ज साहिब वी कुरसी ’ते आ बिराजे।

कारवाई शुरू हुंदिआं ही मोहन जी नें कई इतराज़ उठाए।

पहिलां इह कि गवाहां नूं डराइआ-धमकाइआ जा रिहा सी।

उह कल्ल्ह दे पुलिस हिरासत विच सन। हुण वी उह सरकारी वकील दे दफ़तर ’च बैठे सन। कई वकील उहनां नूं बिआन रटाउण विच जुटे होए सन। गवाहां नूं बिआन समझाउण दा की मतलब? उहनां जो देखिआ है, आपे दस्स देणगे।

दूजा इह कि कुझ गवाहां नूं नशा पिआ दित्ता गिआ सी। उह सोच-समझ के गवाही देण दे काबल नहीं रहे। उसे तरहां बोलणगे, जिवें पुलिस नें रटाइआ सी। चंगा होवे जे तारीख़ अग्गे पा दित्ती जावे।

मोहन जी दी इस तजवीज़ ’ते बचन सिंघ, भंडारी अते जज्ज तिंनों तिलमिला उठ्ठे।

इह नहीं हो सकदा। नां सरकारी वकील इंने गवाह मुड़ तामील करवा सकदा सी अते नां जज्ज बाकी दे दिन लई हत्थ ’ते हत्थ धर के बैठ सकदा सी। गवाह हर हीले लिखे जाणगे। कोई होर राह लभ्भदा होवे तां अदालत विचार कर सकदी है।

अदालत दे गवाह भुगताउण ’ते बज़िद्द होण ’ते बचन सिंघ बड़ा ख़ुश सी। सफ़ाई धिर वल्लों तारीख़ मंगण दा मतलब सी कि उह मैदानों भज रही सी। गवाह भुगताउण दा बचन सिंघ लई इहो उचित समां सी।

जे तारीख़ नहीं दित्ती जा सकदी, नां सही। अदालत इह तसल्ली कर लए कि गवाह रिशट-पुशट हन। उह किसे दे डर जां दबाअ थल्ले तां नहीं।

इस विच किसे नूं की इतराज़ सी। इह तां सगों जज्ज दा फ़रज़ सी।

सारे गवाहां नूं अदालत विच पेश कीता गिआ।

जज्ज नें इक-इक गवाह तों पुछ्छिआ। नां कोई बीमार सी, नां किसे नूं किसे दा डर सी।

लग्गदे हत्थ जज्ज नें इक होर फ़रज़ वी निभाइआ। गवाहां नूं पिआर नाल समझाइआ गिआ। उह बिनां किसे डर दे सच्च बोलण।

सफ़ाई धिर दे इतराज़ करन ’ते गवाहां नूं सरकारी वकील दे दफ़तर जां भंडारी दे खोखे विच जाणो रोक दित्ता गिआ। उहनां नूं अदालत दे बाहर पए बैंचां ’ते वी नां बैठण दित्ता गिआ। उह अहिम केस दे अहिम गवाह सन। कोई वी धिर उहनां दा नुकसान कर सकदी सी।

गवाहां नूं अहिलमद्द दे कमरे विच बिठाइआ गिआ, जिंना चिर सारे गवाह भुगत नहीं जांदे, ओना चिर नां उहनां नूं कमरे विचों बाहर आउण दित्ता जावे अते नां ही किसे नूं मिलण दित्ता जावे।

सफ़ाई धिर दे सारे इतराज़ दूर कर के अगली कारवाई शुरू होई।

अरदली दे पहिले गवाह नूं आवाज़ मारदिआं ही असमान नाअरिआं नाल गूंज उठ्ठिआ।

“बंटी दे कातलां नूं फाहे लाओ.....।”

चारे पासे भगदड़ मच्च गई। कावां-रौली जिही पै गई।

“निरदोशां नूं रिहाअ करो.....।”

“असली कातलां नूं ग्रिफ़तार करो।”

“पाले अते मीते नूं इनसाफ़ दिउ।”

इक दे मुकाबले कई-कई नाअरे पहिलां नालों वध्ध जोश नाल गूंजण लग्गे।

दोहां धिरां विचकार टाकरा नां हो जावे, इस लई पुलिस हरकत विच आ गई। कुझ नूं समझा के अते कुझ नूं डरा के भजा दित्ता गिआ।

अदालत दी कारवाई अध्धा घंटा रुकी रही। बचन सिंघ नूं आपणी योजना दे असफल होण ’ते पछतावा सी। लग्गदा सी, संमती पहिलां ही तिआर हो के आई सी। संघ दे वरकरां दी गिणती तां उहनां दे मुकाबले आटे विच लूण जिंनी वी नहीं  सी। संघ वाले दो-चार नाअरिआं बाअद ही ठंढे पै गए। संमती वालिआं दे नाअरे आख़र तक सुणाई दिंदे रहे। बचन सिंघ नूं फ़िकर हो गिआ। इस दा जज्ज ’ते किधरे उलटा असर ही नां हो जावे।

इस बेहूदगी नाल अदालत दा कीमती समां बरबाद होइआ सी। नाले तौहीन होई सी।

दोहां धिरां दे वकीलां नें आपणे-आपणे जुरम दा इकबाल कीता। मासूम जिहे बण के इस अणसुखावीं घटना लई मुआफ़ी मंगी।

जज्ज मुआफ़ी देण लई तिआर सी पर इक शरत ‘ते, वकील हाज़र आए गवाहां नूं भुगता के जाण भावें रात दे बारां वज जाण।

दोहां धिरां नें सिर झुका के सज़ा प्रवान कीती।

बड़े ही सुखावें माहौल विच गवाहीआं मुड़ शुरू होईआं।

 

 

16

पहिला नंबर मोदन दा सी।

पुलिस बिआन अनुसार उह इक साल तों बंटी दे सकूल अग्गे रेहड़ी लगाउंदा सी। गच्चक रिओड़ीआं वेचदा सी। लाला जी अते उस दे पोते नूं चंगी तरहां जाणदा सी। लाला जी हर रोज़ बंटी नूं सकूल छड्ड के जांदे अते फेर लै के आउंदे सन। उह पाले अते मीते नूं वी जाणदा सी। अगवा वाले दिन उह शक्की हालत विच सकूल अग्गे घुंमदे रहे सन। उहनां नें मोदन तों मूंगफली ख़रीदी सी। रेहड़ी कोल खड़ो के इधर- उधर तक्किआ सी। अध्धी छुट्टी समें फेर आए सन। उहनां नाल बंटी वी सी। इक नें बंटी दा बैग चुक्किआ होइआ सी अते दूजे नें रोटी वाला डब्बा। उहनां नें बंटी नूं टाफ़ीआं अते बिसकुट ख़रीद के दित्ते सन। “बंटी नूं किधर लई फिरदे हो?” मोदन नें उहनां नूं पुछ्छिआ सी, तसल्ली-बख़श जवाब दित्ते बिनां ही उह इक रिकशे विच बैठ के उथों चले गए सन।

कल्ल्ह दा मोदन नूं इहो बिआन रटाइआ जा रिहा सी। भंडारी नूं पता सी, उस नूं बिआन समझ के उह आपणा समां बरबाद कर रिहा सी। गवाही देणा मोदन लई कोई नवीं गल्ल नहीं सी। इह उस दा कारोबार सी। उस नूं चंगी तरहां पता सी, उस नें की कहिणा है? अते की नहीं कहिणा।

गवाहीआं वाला धंदा शुरू करन तों पहिलां उह मुख़बरी करिआ करदा सी।

मुख़बरी दा धंदा शुरू करन तों पहिलां उह इक साधारन किसान सी।

भले दिनां विच उस दा बाप इक कतल कर बैठा सी। केस दी पैरवाई लई मोदन नूं थाणे आउणा-जाणा पैंदा सी। जिहड़े चार छिल्लड़ पल्ले सन, उह वकीलां, मुनशीआं नें हड़प्प लए। पुलिस दी रिआइत दा मुल्ल चुकाउण लई उस कोल फुट्टी कौडी वी नहीं सी।

थाणेदारां नूं ख़ुश करन दा उस कोल इहो राह सी।

उह पुलिस नूं मुख़बरी देण लग्गा।

थाणेदार उस नूं भाजी मोड़न लग्गे। उस वल्लों फड़ाए दोशी तों मिलण वाली फ़ीस विचों हिस्सा देण लग्गे। फ़ीस नाल मोदन दे दिन चंगे लंघण लग्गे।

फेर कानूंन बदलिआ। अदालतां पुलिस ’ते ज़ोर पाउण लग्गीआं। रेड समें पुलिस पारटी विच किसे मोहतबर नूं शामल करिआ करो।

पुलिस नें उस नूं मोहतबर बणा लिआ।

मोदन पहिलां ही धंदा बदलण लई काहला सी। मुख़बर दे तौर ’ते उह सारे इलाके विच बदनाम हो चक्का सी। कोई जिवें मरज़ी फड़िआ जांदा, शक्क मोदन ’ते ही हुंदा।

उपर-थल्ली उस नूं दो वार मार पै चक्की सी।

इक वार उस नें लंबड़ां दी भठ्ठी फड़ाई सी। सोचिआ सी, आसामी चंगी है। नाले पुलिस नूं गफ्फे मिलणगे नाले मोदन नूं। उहनां भड़ूआं नें आपणे कुड़म दी सिफ़ारश लै आंदी। कुड़म डिपटी सी, परचा कट्टिआ जा चुक्का सी। डिपटी केस तां ख़ुरद-बुरद नां करवा सकिआ पर मुख़बर दा नां ज़रूर पुछ्छ गिआ। लंबड़ डांगां लै के आ गए। मोदन नें भरी पंचाइत विच आपणी ग़लती मंनी, नक्क नाल लकीरां कढ्ढीआं अते लंबड़ां नूं बरी कराउण तक दे सारे ख़रचे दी ज़िंमेवारी लई, तां किते जा के खहिड़ा छ्टिआ।

दूजी वारी चौधरी दे घरों नजाइज़ बंदूकां फड़ीआं गईआं। उहनां नूं वी मोदन ’ते शक्क हो गिआ। बिनां पुछ्छे-दस्से उह रात नूं मोदन दे डांगां जड़ गए। पूरा इक महीना उह हसपताल विच सहिकदा रिहा। “की लैणै आपां इस कुत्ते कंम तों? मलाई- मलाई पुलिस खा जांदी है, लस्सी साडे लई रहि जांदी है।” घर वाली दे मशवरे ’ते मोदन नें सहुं खाधी। हसपतालों छुट्टी होण ’ते मुड़ उह मुख़बरी वाले राह नहीं पएगा।

पर जदों रोटी पक्कणी बंद हुंदी दिस्सी तां घर वाली नें ख़ुद उस नूं थाणे भेज दित्ता।

गवाह बण के उह ख़ुश सी। जिस मुजरम ’ते उस दी गवाही पैंदी, उस दी अख्ख निवण लग्गदी। गल पैण दी थां उह मोदन दी जत्ती हेठ रहिंदा। नाले मोदन दी सेवा करदा नाले मिंनत।

इस धंदे विच कमाई वी वध्ध सी। हफ़ते दस दिनां बाअद कोई नां कोई गवाही आई ही रहिंदी। बरी होण लई मुलज़म नूं उस दी जेब भरनी पैंदी।

इस धंदे विच उस नूं इको वार डांगां पईआं सन। बलातकार दे इक केस विच उह मुजरम दे हक्क विच बैठ गिआ सी। कुड़ी वालिआं नें मूंह काला कर के उस दा सारे शहिर विच जलूस कढ्ढिआ। पुलिस नें छित्तर फेरिआ।

उस मार तों उस नें सबक सिख्खिआ। अग्गे तों उह अजिहे केस विच गवाही नहीं देवेगा जिथे दो धिरां दे सिंग अड़े होण। उह छोटे-मोटे केसां विच गवाही पाउण लग्गा। उह वी अजिहे, जिधर इक पासे सरकार होवे अते दूजी पासे दोशी।

बंटी कतल विच गवाही उस तों बिनां पुछ्छे रख्खी गई सी।

इह कतल केस सी। कतल दे दोश विच दोशीआं नूं फ़ांसी वी हो सकदी सी। मोदन झूठी गवाही ज़रूर दिंदा सी, पर छोटे-मोटे केसां विच। शराब, अफ़ीम जां चोरी वरगे मुकद्दमिआं विच दोशी अकसर बरी हुंदे सन। कदे कैद होवे वी तां साल छे महीने। इंनी कु सज़ा दे मोदन उहनां नूं हक्कदार समझदा सी।

थोहड़ी बहुत ज़मीर हाले मोदन विच बाकी सी। उह झूठ बोल के निरदोशां नूं फाहे  नहीं लगवा सकदा।

संमन मिलदिआं ही मोदन नें मन बणा लिआ सी। उह झूठी गवाही नहीं देवेगा।

उस नूं बस्स किसे पेशकश दी उडीक सी।

पेशकश जदों मोहन जी वल्लों आई तां उह फुल्ल के कुप्पा हो गिआ। मोदन मोहन जी दा कदरदान सी। मोदन नूं बहुती कमाई उसे राहीं हंदी सी। जे मोहन जी इह केस मुफ़त लड़ रिहा सी तां मोदन वी कोई झाक नहीं रख्खेगा। उस नें मोहन जी नूं यकीन दिवाइआ सी।

मोदन आपणे बोलां ’ते पूरा उतरिआ सी।

गवाही होण तक उस नें किसे नूं भिणक नहीं सी होण दित्ती कि उस दे मन विच की सी?

मोदन नूं सच्च बोलण दी सहुं रसमी तौर ’ते खवाई गई सी।

उह सच्चमुच्च सच्च बोलण लग्गा।

उह जट्टां दा पुत्त सी। उह रेहड़ी किउं लाएगा? उह अनपहड़ सी। उस नूं की पता, किल्लो दा वट्टा किहड़ा हुंदा ते सौ गराम दा किहड़ा।

उह पाले अते मीते नूं बहुत पहिलां तों जाणदा सी। पहिलां उहनां ’ते कई वार गवाही दे चुक्का सी। बंटी दे अगवा होण वाले दिन नां उस नें किते कोई रेहड़ी लाई सी, नां पाले अते मीते नूं किसे सकूल अग्गे देखिआ सी। नां मोदन तों पुलिस नें कोई पुछ्छ-गिछ्छ कीती सी, नां उस दा कोई बिआन लिखिआ सी। उस दा बिआन इक मन-घड़त कहाणी सी, जिहड़ी पुलिस नें आप घड़ी सी।

मोदन नूं किहड़ा सप्प सुंघ गिआ? इस दी नां भंडारी नूं समझ आई, नां बचन सिंघ नूं।

“इह भाड़े दा टट्टू सी। इस दी सेवा-सूवा नहीं सी कीती?” हैरान होए सरकारी वकील नें भंडारी तों पुछ्छिआ।

भंडारी नें नांह विच सिर हिलाइआ तां बचन सिंघ नें मत्थे ’ते हत्थ मारिआ।

“फेर इस दा सिर भविआं सी कि इह झूठी गवाही दे के नरकां दा भागी बणदा।”

इह पेशेवार गवाह सी। अजिहे गवाह दा कोई भरोसा नहीं हुंदा। जीअ करे गवाही दे जावे, नां जीअ करे नां देवे। बचन सिंघ नूं मोदन बारे इलम तां सी पर उह मुक्कर जाएगा, इस दी संभावना नहीं सी। इक पासे भंडारी वकील सी, जिहड़ा अजिहे गवाहां दीआं आदतां तों चंगी तरहां वाकफ़ सी। दूजे पासे पाले वरगे मलंग दोशी सन, जिहड़े गवाह नूं चाह दा कप्प तक नहीं पिला सकदे, ख़रीदणा तां दूर रिहा। इहो कुझ सोच के बचन सिंघ अवेसला रिहा सी।

इस अवेसलेपण दा नतीजा साहमणे सी।

अगला गवाह वी मोदन भाईचारे विचों सी। उह सी बाबू बदमाश।

तफ़तीश दौरान लिखे बिआन अनुसार उह वाण-वट्टणा सी। उह रिकशा-चालक सी। अगवा वाले दिन उस नूं कोई सवारी नहीं सी मिली। इधरों उधर ते उधरों इधर गेड़े मार-मार उह हंभ चुक्का सी। कुझ देर सुसताउण लई उह मोदन दी रेहड़ी कोल खड़ोइआ सी। इंने नूं उथे पाला अते मीता पुज्ज गए। उहनां नाल बंटी वी सी। उह तिंनां नूं जाणदा सी। पाले दे आखण ’ते उह उहनां नूं गांधी बसती छड्ड आइआ सी। उस नूं मज़दूरी दे दो दी थां चार रुपए मिले सन। अगले दिन आपणी इक रिशतेदारी विच उह राजसथान चला गिआ। दो महीने बाअद वापस आइआ तां पता लग्गा, बंटी दा कतल हो गिआ।

बाबू बंदा वी ख़तरनाक सी अते गवाही वी ख़तरनाक किसम दी दिंदा सी। मोदन वांग उह छोटे-मोटे केसां विच गवाही नहीं सी पाउंदा। उह अजिहे केसां विच ही गवाह बणदा सी, जिनहां दी समाइत सैशन जज्ज नें करनी हंदी सी।

बचन सिंघ नूं बाबू ’ते भरोसा सी। नां उह डरन वाला सी, नां विकण वाला।

उस दे इसे गुण कारन पुलिस उस नूं बहुत अहिम केसां विच वरतदी सी। उस नूं मरे केसां विच जान पाउण लई बुलाइआ जांदा जां अजिहे केसां विच जिथे उस दी गवाही दा मुल्ल लख्खां रुपए पैणा हुंदा। उस दी गवाही किसे अहिम नुकते  ’ते रख्खी जांदी। नुकता इधर तां दोशी बरी, उधर तां सज़ा।

मोदन वांग नां उह लालच विच आउंदा सी नां किसे रिशतेदार जां यार- दोसत दे दबाअ हेठ। उह केवल उसे थाणेदार दा आखा मंनदा, जिस नें उस नूं गवाह रख्खिआ हुंदा सी। गवाही मुक्करन दा मुल्ल वी उहो थाणेदार तैअ करदा सी।

पैसे थाणेदार फड़दा। गवाही बाबू मुक्करदा। दोशी बरी वी हो जांदा ते थाणेदार नूं आंच तक नां आउंदी। गफ्फे दोहां नूं मिलदे।

बंटी कतल केस विच नां कोई बाबू दा मुल्ल उतार सकदा सी, नां नाज़र सिंघ थाणेदार उस नूं मुकरन दा इशारा कर सकदा सी। फेर उह गवाही देवेगा किउं नहीं?

सरकारी वकील नें इह पुछ्छ के गवाही शुरू कीती कि उह किंने चिर तों रिकशा चलाउंदा है। रिकशा चलाउण वाली गल्ल सुणदिआं ही बाबू तैश विच आ गिआ। उह सरकारी वकील नूं झई लै के पिआ।

“चार टरक्कां दे मालक नूं की लोड़ है रिकशा चलाउण दी?”

बाबू दा उत्तर  सुणदिआं ही बचन सिंघ दे पैरां हेठों ज़मीन खिसकण लग्गी।

नाज़र सिंघ इह की ग़लती कर बैठा सी? गवाह रख्खदे समें उस दी अकल ’ते परदा किउं पै गिआ सी? उस नें बिआन लिखदे समें गवाह दा अग्गा-पिछ्छा किउं नहीं सी देखिआ।

रिकशा बाबू नहीं, बाबू दा बाप चलाउंदा सी।

रिकशा चलाउण लई उस नूं नशा-पत्ता खाणा पैंदा सी। नशे-पत्ते लई जदों पैसे नां हुंदे, उह थाणे चला जांदा। उस दा भतीजा थाणे दा मुनशी सी। नशे-पत्ते बदले भतीजा उस नूं किसे नां किसे केस विच गवाह रख्ख लैंदा। दोहां दा लांघा लंघ जांदा।

बापू मरिआ तां कबीलदारी दा बोझ बाबू सिर आ गिआ, पर रिकशा उस तों इक दिन वी नां चल्लिआ। रिकशे दी थां उस नें गवाहीआं वाला धंदा फड़ लिआ।

उह जवान सी, दलेर सी। थाणेदार जिथे अड़ा दिंदे, उह सानह वांग अड़ जांदा।

पुलिस दा इह विशवास पातर दिनां विच ही अमीर बण गिआ। इक-इक कर के चार गड्डीआं पा लईआं। बंदूक ख़रीद लई। फेर आपणी पारटी खड़ी कर लई। ज़मीनां, पलाटां ’ते कबज़े कराउण दे ठेके लैण लग्गा।

इलाके दे सिरकढ्ढ बदमाश नूं रिकशे वाला बणा के पेश करन ’ते जज्ज नूं वी हासा आ गिआ।

बाबू दी इक घुरकी नें भंडारी दे वी कंन खड़े कर दित्ते।

‘इह वी गिआ’ आखदिआं उस नें हउका लिआ।

बाबू नें इह रुख़ उंझ ही नहीं अपणाइआ। उस नूं सिध्धे राह पाउण लई मोहन जी नें ‘जैसे को तैसे’ दा राह अपणाइआ सी।

इह ज़िंमेवारी *तीकारी फ़रंट दे राजिंदर नें आपणे सिर लई सी। उस नूं याद सी, जवानी समें बाबू नें नाज़म समहां वाले ’ते गवाही लिखाई सी। जदों उह गवाही देण कचहिरी विच गिआ तां समहां वाले नें उस नूं कोरट-रूम विच ही ललकार दित्ता सी।

“बाबू, सच्च-सच्च बोलीं, नहीं फेर देख लईं। मेरे साथी तेरी ज़बान कट्ट के मेज़ ’ते रख्ख देणगे।”

ते घबराए बाबू दी घिग्गी बझ्झ गई सी।

उसे समहां वाले नूं इक वार फेर बाबू दे मत्थे लाइआ गिआ सी ते इक वार फेर उस दा चादरा गिल्ला होइआ सी।

‘वकीलां दे कंन कुतरन वाले बाबू नूं की हो गिआ?‘ भंडारी किआस अराईआं करदा ही रहि गिआ ते उधर बाबू सारा बिआन मुक्कर गिआ।

भंडारी उक्का ही दिल छड्ड गिआ। उस नें हज़ारां केस लड़े सन। उस नाल इंनी भैड़ी कदे नहीं सी होई। पुलिस नें केस बणाइआ जां ज़ाबता पूरा कीता सी? मुदई्ई धिर दे वकील तरलोमछ्छी हो रहे सन। सफ़ाई धिर दे वकील आराम नाल कुरसीआं ’ते बैठे सन। होणा उलट चाहीदा सी।

बचन सिंघ वी कसूती सथिती विच फस गिआ। अध्धे घंटे विच दो गवाह भुगत गए। बाकीआं दा वी इहो अंज़ाम होणा सी। अदालत दे उठ्ठण विच हाले डेढ घंटा बाकी सी। वैसे वी उह सारे गवाह भुगताउण दा वचन दे चुक्का सी। समां समापत होण दा बहाना नहीं सी घड़िआ जा सकदा। गवाहां नूं बाहरो-बाहरी भजाउणा वी मुशकल सी। उह पहिलां ही काबू कर लए गए सन।

गवाहां दे बीमार होण दा बहाना वी नहीं सी चल्ल सकदा। हुणे उह रिशट-पुशट दी पुशटी कर के गए सन।

उह बाकी गवाहां नूं टाले तां किस तरहां? बचन सिंघ नूं कुझ समझ नहीं सी आ रिहा।

पाला अते मीता चोर-उचक्के सन। उहनां तों तां चोरी दे केस दी पैरवाई नहीं सी होइआ करदी। कतल केस खेरूं-खेरूं किवें कर गए? पिआरे लाल दे मूंह तों मख्खी नहीं सी उठिआ करदी, उस अंदर अकल दा फुहारा किवें फुट्ट पिआ? मोहन जी दा इह पहिला कतल केस सी। उह वी पालकी वाले वांग हिक्क चौड़ी करी खड़ा सी। गहिरी चाल चल्ल रिहै। इह इनहां दी आपणी अकल दा कमाल नहीं हो सकदा। ज़रूर इहनां पिछ्छे कोई होर ताकत कंम कर रही है। उह किहड़ी बला है? किसे नूं कोई थहु-पता नहीं सी लग्ग रिहा।

मोहन जी आपणी चलाकी नाल चक्करविऊ रच चुक्का सी। हुण किसे वी गवाह नूं उस विचों बाहर कढ्ढणा मुशकल सी।

सिर सुट्ट के उह अगला गवाह भुगताउण लग्गा।

सकूल दे चपड़ासी मुरली नूं पुलिस नें गवाह रख्खिआ सी।

पुलिस अनुसार बंटी नूं पाले अते मीते दे हवाले उसे नें कीता सी। अध्धी छुट्टी समें उह सकूल आए सन। पाले नें दस्सिआ सी कि लाला जी बीमार हन। उह बंटी नूं लैण नहीं आ सके। बंटी दा मामा घर आइआ बैठा है। उहनां नानके जाणा है। उह बंटी नूं लैण आए हन। बंटी नूं बुला दित्ता जावे। मुरली उहनां दीआं गल्लां विच आ गिआ। उस नें बंटी नूं कलास विचों बुला के उहनां दे हवाले कर दित्ता।

इस गवाह नाल किवें नजिठ्ठिआ जावे? जदों लीगल सैल्ल दे वकीलां विचकार बहिस होई सी तां पिआरे लाल नें मत्त प्रगटाइआ सी कि कानूंनी नज़रीए तों इस गवाह दी कोई महत्तता नहीं। बंटी करीब वीह दिन गुंम रिहा सी। बंटी दी मौत दे पंदरां दिनां बाअद तक वी पुलिस दोशीआं दी शनाख़त नहीं कर सकी। इस सारे अरसे दौरान मुरली सकूल विच हाज़र रिहा सी। दोशीआं दी ग्रिफ़तारी तों पहिलां वी पुलिसने इहनां तों कई वार पुछ्छ-गिछ्छ कीती सी। जे इसे तरहां वापरिआ हुंदा तां इसनेपहिलां बिआन किउं नां दित्ता? इह पिछ्छों घड़ी कहाणी सी। अदालत मंनणनहींलग्गी।

पर गुरमीत किसे तरहां दा वी ज़ोख़म उठाउण नूं तिआर नहीं सी। भावें पिआरे लाल दी पुशटी लई सैल्ल कोल पुलिस दीआं आपणीआं लिखीआं रिपोरटां अते ज़िमनीआं मौजूद सन पर इह सिआसी केस सी। अजिहे केसां विच कई वार मामूली जिही गवाही वी फांसी दा कारन बण जांदी सी।

सेवादार बाबा जी दा उपाशक सी। इस सकूल विच उस नूं बाबा जी नें नौकरी दिवाई सी। उस दी बुढ्ढी मां नूं बुढापा पैनशन लै के दित्ती सी अते बाप नूं टी.बी. हसपताल विच दाख़ल कराइआ सी। सच्ची गवाही तों रोकणा माड़ी गल्ल सी। झूठ बोलण तों तां बाबा जी उस नूं रोक ही सकदे सन।

बाबा जी दी अपील ’ते मुरली चक्कां दे पुड़ां विच फसिआ महिसूस करन लग्गा। इक पासे पुलिस, मुख्ख अधिआपक दी धमकी अते संघ वालिआं दा डंडा, दूजे पासे उस दी आपणी ज़मीर अते बाबा जी दी अपील।

सोच-विचार के विचकारला रसता लभ्भिआ गिआ। बाकी बिआन मुरली बेशक्क दे देवे, बस्स पाले अते मीते नूं पछाणन तों नांह कर देवे। इस तरहां सप्प वी मर जाणा सी अते लाठी वी बची रहिणी सी।

सेवादार नें इसे तरहां कीता।

“ज़रा उहनां बंदिआं नूं तां पछाण, जिनहां हवाले तूं बंटी नूं कीता सी।”

मुरली नूं अदालत विच हाज़र भीड़ विचों दोशीआं दी शनाख़त करन दा हुकम होइआ। मुरली नें दिमाग़ ’ते बथेरा ज़ोर पाइआ पर उह किसे वल्ल उंगल नां कर सकिआ।

सरकारी वकील दे हुकम ’ते दोशीआं नूं कटहिरे विच खड़ा कीता गिआ। फेर उहनां वल्ल उंगल कर के मुरली तों पुछ्छिआ गिआ।

“देख, इहो नें नां उह बंदे?”

मुरली नें कुझ देर डूंघाई नाल सोचिआ। फेर नांह विच सिर हिला दित्ता। इह उह बंदे नहीं।

सरकारी वकील दे पुछ्छण ’ते उस नें सपश्शटीकरन दित्ता। पुलिस नें उस दा बिआन लिखिआ सी। बिआन विच उस नें पाले अते मीते दा नां वी दरज कराइआ सी। पर इह नां-पते उस नूं पुलिस नें ही दस्से सन।

सफ़ाई धिर दे सवालां दा जवाब दिंदिआं उस नें सथिती होर सपश्शट कीती। उह किसे पाले अते मीते नूं पहिलां नहीं सी जाणदा। गवाही लिखदे समें पुलिस नें उस नूं दो बंदे दिखाए सन। नाले आखिआ सी इहो पाला अते मीता हन। इहनां नूं चंगी तरहां देख लै। अदालत विच शनाख़त करनी पएगी। वैसे इह बंदे उह नहीं जिहड़े पुलिस नें उस नूं दिखाए सन।

इह उह नहीं, जिहड़े बंटी नूं सकूलों लै गए सन। इह तां कोई होर ही हन।

खूह ’च इट्ट सुट्टण वाले इस गवाह नूं सरकारी वकील घूरे जां शाबाश देवे। इस नें पुलिस दा पख्ख वी पूरिआ सी अते सफ़ाई धिर दा वी। चलो शनाख़त नहीं कर सकिआ नां सही। घट्टो-घट्ट इह तत्थ तां मिसल ’ते आइआ कि दो बंदिआं नें मुरली राहीं बंटी नूं सकूलों बाहर बुलाइआ सी। हाले बहुत गवाह बाकी सन। मुलज़मां दी शनाख़त किसे होर कोलों करवा लएगा।

हौसला फड़दे बचन सिंघ नें अगला गवाह तलब कीता। उह मीते दी गुआंढण भागो सी।

भागो नें पुलिस लई इह साबत करना सी कि उह मीते दी गुआंढण है। मीता वी इकल्ला रहिंदा है अते भागो वी। अगांह पाला अते मीता यार हन। उह मिल के चोरीआं करदे हन। बच्चे नूं अगवा कर के पहिलां उह मीते दे घर लिआए सन। जदों सख़ती वध गई तां उह भागो दे घर लै आए। इस बदले उस नूं सौ रुपिआ वी मिलिआ अते धमकी वी। जे गल्ल बाहर निकली तां भागो दी ख़ैर नहीं। डरदी भागो नें किसे कोल भाफ़ तक नां कढ्ढी। बच्चे लई दुध्ध, टाफ़ीआं, बिसकुट अते बरैड्ड ग़फ़ूर मीआं दी दुकान तों आउंदे रहे। कतल वाली रात उह बच्चे नूं उथों लै गए। आखदे सन उस दे मापिआं कोल छड्ड के आउणा है। उस नूं तां तीजे दिन पता लग्गा कि बच्चा उहनां मार दित्तै। दोवें ख़तरनाक मुजरम सन। कई वार कैद कट्ट चुक्के हन। छुरा मार देणा उहनां लई मामूली गल्ल सी। जिंना चिर उह पुलिस दे हत्थ नहीं आए भागो नें इह राज़ आपणे अंदर ही छुपाई रख्खिआ। फड़े गए तां झट्ट पुलिस कोल बिआन दरज करवा दित्ता। जिहड़ी सब्बल दोशीआं कोलों बरामद होई, उह भागो दी ही सी।

भागो दा पूरा रिकारड मोहन जी कोल मौजूद सी। इह औरत भावें गवाहां दे कटहिरे विच पहिलां कदे नहीं सी खड़ोती पर मुलज़मां दे कटहिरे विच अकसर खड़ोंदी सी। आवारागरदी विच उस दा कई वार चलान होइआ सी। कदे बरी हो जांदी ते कदे नेक-चलनी दी ज़मानत हो जांदी। इहनां सज़ावां दे आधार ’ते उह ‘दस नंबरी’ वी गरदानी गई सी।

केस भुगतदी-भुगतदी भागो नूं कचहिरी दा चसका पै गिआ। उह डराईवरां, कंडकटरां तों आपणे सरीर दा घाण किउं कराए। कचहिरी विच बथेरे कदरदान सन उस दे। मिहनत घट्ट, मज़दूरी ज़िआदा।

पहिलां उस नें आपणे वकील नाल यारी लाई ते फेर मुनशी नाल। मुनशी नें अगांह बाबूआं, अहिलकारां नाल वाकफ़ीअत करवा दित्ती। हौली-हौली उस दी जाण- पहिचाण पुलस नाल वी हो गई। फेर नां कदे उह फड़ी गई, नां चलान होइआ।

पिछले दो साल तों उह घर बैठी सी। वी.डी. वरगी भिआनक बीमारी उस नूं आ चंबड़ी सी। उस दे आशकां दी गिणती घटदी-घटदी सिफ़र ’ते पुज्ज गई सी। मुनशीआं ते अहिलकारां नें उस नूं धक्के मारने शुरू कर दित्ते सन।

भुख्खी मरदी भागो लई तां इक रुपिआ वी लख्ख वरगा सी। इस गवाही लई उस नूं तिंन सौ मिलणे सन। दो सौ पहिलां मिल चुक्का सी। सौ बाअद विच मिलणा सी। पेट दी अग्ग बुझाउण ख़ातर भागो मीते विरुध्ध गवाही देण नूं फिरदी सी।

उहो मीता, जिहड़ा उस नूं मां आखदा सी, उहो मीता, जिस नूं उह पुत्त आखदी सी। वेले-कुवेले मीता उस दे कंम आउंदा रिहा सी। करफ़िऊ समें भागो दो दिन भुख्खी बैठी रही सी। जे मीता रोटी नां दिंदा तां उस दा कदों दा ‘राम नाम सति’ हो गिआ हुंदा। पर लोक आखदे हन, जदों सप्पणी भुख्खी हुंदी है तां आपणे ही आंडे पी जांदी है। इसे तरहां दी डैण बणी बैठी सी भागो।

“चार छिल्लड़ां ख़ातर आपणे पुत्त नूं फाहे लवाएंगी? चंगी मां हैं तूं?” मीते दा इह सवाल लै के जदों जीवन आहड़तीआ उस नूं मिलिआ सी तां उह फुट्ट-फट्ट के रोई सी।

सौ रुपए दा तां तीह किल्लो आटा वी नहीं आउणा। जीवन आहड़तीए नें उस दे घर कणक दी बोरी वी सुटवाई अते पंज सौ रुपिआ वी दित्ता।

भुख्खे ढिड्ड भावें भागो कुफ़र तोल दिंदी। रज्ज-पुज्ज के उह मीते नाल धरोह नहीं सी कमा सकदी।

भरी कचहिरी विच मीते दा सिर पलोस के उस नें आखिआ सी।

“मेरा पुत्त होर कुझ वी होवे पर इक बच्चे दा कातल नहीं हो सकदा।

सफ़ाई धिर नें इथे ही सबर नहीं सी कीता। पुलिस दे दाअवे झुठलाउण लई उस नें उस रिपोरट दी नकल पेश कीती, जिस विच घर-घर दी तलाशी लए जाण दा ज़िकर सी। इस रिपोरट अनुसार करफ़िऊ अते तलाशीआं वाले दिनां विच पुलिस मीते अते भागो दोहां दे घर गई सी। दोवें आपणे घर मौजूद मिले सन। दोहां दे घरां दी तलाशी होई सी। फेर बच्चा उस समें किथे सी?

अज्ज दा आख़री गवाह ग़फ़ूर मीआं सी। उह गांधी बसती विच करिआने दी दुकान करदा सी। पुलिस अनुसार जिंना चिर बंटी उस बसती विच बंदी बणा के रख्खिआ गिआ सी, उस दे खाण-पीण दा समान इसे दी दुकान तों आउंदा रिहा सी। बंटी बरैड्ड, टाफ़ीआं अते बिसकुट खाण दा शौकीन सी। इहनां तों सिवा उह कोई चीज़ नहीं सी खांदा। उहनां दिनां विच पाला, मीता अते भागो उस तों इह चीज़ां चोखी मातरा विच लै के जांदे सन।

ग़फ़ूर मीआं दीन ईमान वाला बंदा सी। पंज वकत नमाज़ पहड़दा सी। जदों भंडारी नें उस दा बिआन पहड़ के सुणाइआ तां उस नें कंनां नूं हत्थ ला के तोबा कीती सी। उह इह कुफ़र नहीं तोल सकदा। उह रुख्खी-सुख्खी मिलण नाल ही अल्ल्हा दा शुकर गुज़ार है। किआमत वाले दिन उह की जवाब देवेगा?

ग़फ़ूर नूं मोहण लई भंडारी नें धरम-करम ’ते इक लंबा सारा भाशण झाड़िआ। बुराई दे ख़ातमे लई जे झूठ वी बोलणा पए तां उस तों वी गुरेज़ नहीं करना चाहीदा। आपणी दलील दी पुशटी लई भंडारी नें महांभारत विचों इक उदाहरण पेश कीती। धरम-पुत्तर युधिशटर नें सारी उमर कदे झूठ नहीं सी बोलिआ। इक वार उहनां दे साहमणे दी गऊ लंघी। गऊ पिछ्छे कसाई लग्गा होइआ सी। कसाई नें गऊ किधर गई है इस बारे धरम-पुत्तर तों ही पुछ्छ लिआ। धरम-पुत्तर धरम संकट विच फस गए। सच्च बोलदे हन तां गऊ हत्तिआ हुंदी है, झूठ बोलदे हन तां धरम भ्रिशट हुंदा है। आख़र उहनां झूठ बोलण नूं तरजीह दित्ती। उहनां दे झूठ बोलण नाल गऊ दी जान बच गई। धरम ग्रंथ उहनां दे इस झूठ नूं पाप नहीं, सगों पुंन मंनदे हन। इहो सथिती ग़फ़ूर दी सी।

भोला ग़फ़ूर गल्लां विच आ गिआ। जे धरम-पुत्तर झूठ बोल सकदे हन तां उह किउं नहीं?

संमती नें वी उस दी कमज़ोरी लभ्भ रख्खी सी। धारमिक वहिण विच वहि के जे  उह बोलण लई मंन सकदा है तां कुरान शरीफ़ दी हाज़री विच उह सच्च बोलणा वी मंन जाएगा।

हुण तक सभ गवाहां नूं ‘धरम नाल सच्च बोलण’ दी जो सहुं खुआई गई सी, उह ज़बानी-कलामी सी। गुण-गुण कर लैण अते सच्चमुच्च धारमिक ग्रंथ ’ते हत्थ रख्ख के सहुं खाण विच ज़मीन असमान दा फ़रक सी। इसे फ़रक नूं मिटाउण लई गुरमीत नें पवित्तर गंरथ नूं अदालत विच मंगवाइआ सी। उस दा तजरबा आखदा सी कि धारमिक रुचीआं वाले इनसान इशट दी सहुं खा के आपणे जानी दुशमणां दे ख़िलाफ़ वी झूठ नहीं बोलदे। उह ग़फ़ूर दी इसे कमज़ोरी दा फ़ाइदा उठाउणा चाहुंदा सी।

ग़फ़ूर दी कमज़ोरी सरकारी वकील वी समझदा सी। उस नें ग़फ़ूर दे चंगी तरहां सहुं खाण ’ते ज़ोर नहीं सी दित्ता।

“जो आखांगा, सच्च आखांगा” मलमी जिही जीभ नाल इंना कु आख के “ईमान  नाल सच्च आखांगा” वरगा अहिम वाक हज़म कर लिआ सी।

गवाह दे अधूरी सहुं चुक्कण ’ते सफ़ाई धिर नूं सख़त इतराज़ सी।

हरे कप्पड़े विच लपेटिआ धारमिक ग्रंथ अदालत विच मंगवाइआ गिआ। धारमिक ग्रंथ दी हाज़री विच जदों ग़फ़ूर नूं सच्च बोलण लई आखिआ गिआ तां ग़फ़ूर दे नाल-नाल बचन सिंघ नूं वी तरेली आ गई।

पवित्तर ग्रंथ दी हाज़री विच ग़फ़ूर इहो आख सकदा सी कि जिस बसती विच उह दुकान करदा सी, उस दे वसनीकां विच नां बरैड्ड ख़रीदण दी परोखों सी, नां बिसकुट। करफ़िऊ दे दिनां विच तां उस कोल आटा, आलू अते लक्कड़ां वी नहीं सन बचीआं। दुध्ध, बरैड्ड दी गल्ल तां दूर सी। जदों उह आपणी दुकान ’ते ऐश दीआं इह वसतां रख्खदा ही नहीं तां इहनां नूं किसे वल्लों ख़रीदण दा सवाल ही पैदा नहीं हुंदा।

ग़फ़ूर मीआं दी गवाही दे नाल ही उस दिन दी कारवाई समापत हो गई।

पिआरे लाल प्रैस कानफ़रंस बुलाउणा चाहुंदा सी।

बाबा जी अते गुरमीत इस दे उलट सन। हाले ख़ुशी वाली कोई गल्ल नहीं सी। असल लड़ाई हाले शुरू होणी सी।

अज्ज दी कारवाई तों घबराई पुलिस नें गवाहां ’ते कड़ाका चाहड़ना सी अते सरकार नें जज्ज ‘ते।

नामा-निगारां दा खहिड़ा छड्ड के उहनां नूं आउण वालीआं समस्सिआवां दे टाकरे लई तिआरी करनी चाहीदी सी।