गुरबचन सिंघ भुल्लर कलम दा मैराथन दौड़ाक है। दम रख्ख के लंमी दौड़ दौड़न वाला। मैराथन दौड़ बताली किलोमीटर दी हुंदी है, उस नूं कलम चलाउंदिआं सठ्ठ साल हो गए हन। चुरासी सालां दा जुआन हो के उह सगों होर तेज़ दौड़न लग्ग पिऐ जिस कर के किताबां लिखण दीआं ढेरीआं लाई जा रिहै। उस नें शाइद ही कोई विशा, विधा जां साहितक रूप लिखणों छड्डिआ होवे। मौलिक सिरजणा, संपादना, अनुवाद, आलोचना, मुखबंद, भूमिकावां, जीवनीआं, सफ़रनामे, कवितावां, कहाणीआं, नावल, हास विअंग, अरथचारा ते इतिहास, गल्ल की हर मैदान कलम दा घोड़ा भजाइआ है। शबद चित्तर उलीकण विच तां गारगी ते वी झंडी कर दित्ती है। हर तरहां दे लेखकां, कवीआं, दानिशवरां, कलाकारां, यारां दोसतां ते माईआं बीबीआं बारे लिखिआ है। इथों तक कि खेड साहित ते मेरे वरगे खेड लेखक बारे वी कलम वाही है। किसे बारे पंज सफ़े, किसे बारे दस, वीह, पंजाह ते किसे बारे सौ सफ़े लिखे हन! हुणे उस दीआं दो होर पुसतकां ‘अख्खर अख्खर बोलदा’ ते ‘सिरजणा दे कौल-फुल्ल’ छपीआं हन। हैरानी हुंदी है उहदी कलम दी दौड़ ते! आम बंदे अस्सीआं नूं टप्प के आलसी हो जांदे हन ते ढेरी ढाह बहिंदे हन पर समध्धर कद्द दा साडा इह कद्दावर लेखक बुढ्ढेवारे वी टौप गेअर च पिआ होइऐ। उहदी किताबां लिखण दी सपीड विशव रिकारड रख्खण वाले दौड़ाक उसैन बोलट नूं मात पा रही है। सिरफ डेढ दो सालां विच ही 8 प्रकाशकां वल्लों प्रकाशत उहदीआं किताबां दी गिणती 18 हो गई है। ‘करो-नां काल’ उहदे लई ‘करो-काल’ साबत होइआ है। पिछले दिनीं उहदे जीवनीनुमा चित्तरां दी पुसतक ‘असां मरना नाहीं’ पहड़न नूं मिली सी ते हुण ‘अख्खर अख्खर बोलदा’ मिली है। इहदे विच इक लेख मेरी खेड लेखणी बारे वी है:

खेड लेखक सरवण सिंघ दी ते मेरी पहिली मुलाकात उहनां दो रेल गड्डीआं वरगी सी जो दो सटेशनां विचकार दूहरी पटड़ी उत्ते इक दूजी दे कोलों दी लंघ जांदीआं हन। 1967 विच जदों उह खालसा कालज दिल्ली दी प्रोफ़ैसरी छड्ड के ढुड्डीके कालज विच प्रोफ़ैसर लग्गण लई पंजाब वल्ल चाले पा रिहा सी, मैं पंजाब विचों गुरू काशी कालज दमदमा साहिब दी प्रोफ़ैसरी छड्ड के सोवीअत दूतावास दे सूचना विभाग विच कंम करन लई दिल्ली वल्ल कूच कर रिहा सी।

सरवण सिंघ आप तां दिल्ली तों आ गिआ पर पिछ्छे दिलचसप गल्लां छड्ड आइआ।जिवें अतर-फुलेल लाए वाला बंदा बैठक विचों उठ्ठ के चलिआ गिआ होवे ते महिक पिछ्छे छड्ड गिआ होवे। अनजाणे सरवण सिंघ नाल मेरी कड़ी गुरदेव सिंघ रुपाणा सी। उह उहदे वेले तों दिल्ली सी ते दोवें चंगे दोसत सन। हुण उह मेरा दोसत बण गिआ सी। मेरे दिल्ली पहुंचण वेले ही अजिहे यारां दे यार ते मौजी बंदे दा उथों चले जाणा, अनजाणिआ होण दे बावजूद, किसे मित्तर-पिआरे दे चले जाण वांग लगदा। रुपाणे दी इस हैरानी विच मेरी हैरानी वी रल जांदी कि उह दिल्ली दा खालसा कालज छड्ड के ढुड्डीके दे पेंडू कालज विच किउं चलिआ गिआ!

भुल्लर दी लिखत नें मैनूं गुरदेव रुपाणा याद करा दित्तै। चुरासी तां भुल्लर वांग उह वी कट्टी बैठा है। बैठा इस कर के है कि चूळा हिल्ल जाण कर के तुर नहीं हुंदा। नहीं तां उह किथे टिकण वाला सी? हासा-ठठ्ठा नां असीं दिल्ली छड्डिआ सी ते नां दिल्ली तों दूर जा के छड्डिआ है। कदे कहाणीकार मंटो नें किहा सी, “शराब पीण वांग ही मैनूं कहाणी लिखण दी लत लग्ग गई है। कहाणी नां लिखां तां लगदा है जिवें शराब नहीं पीती।“

रुपाणे नूं पुछ्छिआ, “तूं वी कहाणीकार ऐं, तैनूं वी मंटो वांग कोई लत लग्गी?”

उह अख्खां `चों हस्सिआ, “ऐहो जिही तां कोई लत नी लग्गी पर लत्तां बहुत लग्गीआं!”

फिर पुछ्छिआ, “भुल्लर साहिब नें तां पहिलां कवितावां लिखीआं, फेर कहाणीआं; ते तुसीं?”

“मैं कविता तों कहाणी वल्ल नी आइआ। हां, इक वार कविता दा बंद ज़रूर जोड़िआ सी पर उह किस्सा होर सी। अंम्रिता प्रीतम दी नागमणी शाम सी। उहने किहा, हर लेखक कवी हुंदै। अज्ज सारे इक इक नज़म सुणाओ। मैनूं शरारत सुझ्झी। उथे जिहड़े माडरन शाइर बैठे सी, उनहां दा मज़ाक उडाउंदिआं मैं उसे वेले चार तुकां दा बंद सुणा दित्ता जो मैनूं हाले तक्क याद ऐ:

मैं सभिअता दा टल्ल

समें दी भेड दे गल्ल बध्धा

भेड है बोळी मैं हां गुंगा

कौण किसे नूं जाणे!

उह ऐसी जंमी कि अंम्रिता नें ‘नागमणी` विच छाप’ती। मैं किहा, “अंम्रिता मैं तां मज़ाक कीता सी।” नाल बैठा दविंदर बोलिआ, “रुपाणा जी इही तां असली कविता है वे!“

जिवें रुपाणा आरां लाउण विच माहर रिहा, उवें भुल्लर वी टिच्चर मखौल करन विच घट्ट नहीं रिहा। जदों दोवें दिल्ली हुंदे सी तां दिल्ली दीआं कहिंदीआं कहाउंदीआं कलमां नूं वखत पाई रख्खदे सी। देखण नूं भलेमाणस लग्गदे सी पर जिवें चंगे भले लेखकां ते लेखकावां दीआं गुझ्झीआं गल्लां नशर करदे सी, उह कहिंदे कहाउंदे मुखबरां नूं मात पाउंदीआं सी। एना शुकर सी कि भानी मार के किसे दा सिरे चहड़दा सौदा नहीं सी विगाड़दे।

भुल्लर लिखदै: महांकवी टैगोर नें किहा सी, दुनीआ विच हर रोज़ एने मनुख्खां दे जंमण तों पता लग्गदा है कि परमातमा मनुख्ख बणाउंदा थक्किआ नहीं। राजिंदर सिंघ बेदी दा कहिणा सी कि मैं सिरफ़ टैगोर दे इस कथन दा सबूत बणन वासते 1 सतंबर 1915 नूं लाहौर विच अंम्रित वेले तिंन वज्ज के संताली मिंट ते पधारिआ।

हास-विअंग दे छट्टे देण विच बेदी भुल्लर तों वी अगांह सी। बंबई विखे संत सिंघ सेखों दे माण विच दित्ती पारटी पिछ्छों कुझ लेखक बेदी दी नवीं कार विच जा रहे सन। नवीं कार देख के सुखबीर नें किहा, “बेदी साहिब, इह गड्डी तुहाडे प्रोडिऊसर बणन दी गवाही भरदी है।” हरनाम सिंघ नाज़ नें सिफ़त कीती, “गड्डी काहदी, पूरा गड्डा है इह तां!”

गड्डे वाहुण वालिआं विचों आए संत सिंघ सेखों नें संतबाणी उचारी, “इहदे विच तां भावें आलूआं दीआं वीह बोरीआं लद्द लओ!”

बेदी नें सुखन अलाइआ, “आलू ही तां लद्दी जा रिहां मालको!”

बेदी साहिब आपणे आप नूं साहितकार मंनदे सन, फिलमी बंदा नहीं। साहित उनहां दा इशक सी ते फिलमां दी थां रखेल वाली सी। रब्ब बारे उनहां दा नज़रीआ सी: जे भगवान मनुख्ख बणाउण दी उजड्डता करदा है तां मैं मनुख्ख हो के भगवान बणाउंदे रहिण दी बेवकूफ़ी किउं करां?

मनचाहिआ जीवन जिऊण पर अणचाहीआं मुशकिलां सहेड़न वाली अंम्रिता प्रीतम दा शबद चित्तर भुल्लर नें कमाल दा चितरिआ। उहदे विचों ही उहदा चरचित नावल ‘इहु जनमु तुमहारे लेखे’ निकलिआ सी।

भुल्लर दी खेड लिखत

पंजाब सदीआं तों खेडां ते खिडारीआं दी धरती रिहा है। पहिलवान, डंड-बैठकां कढ्ढण वाळे, कबड्डी दे खिडारी, भार-चुकावे अते अनेकां होर देसी खेडां दे खिडारी लगभग हर पिंड विच हुंदे सन। लोक उहनां दी वडिआई करदे ते उहनां नूं पिंड दा माण समझदे। पहिलवानां नूं तां साधूआं-संतां वांग भले पुरश समझिआ जांदा सी। पिंड वाळे उहनां नूं घिओ, जो ओदों उहनां दी मुख्ख ख़ुराक हुंदा सी, पीपे भर-भर भेट करदे। मैनूं आपणा बचपन चेते है जदों किक्कर सिंघ, कल्लू ते गामे वरगे पहिलवानां प्रती लोक किवें शरधा प्रगट करदे सन अते उहनां दी प्रसिध्धी किवें दूर-दूर तक फ़ैली होई सी।

आधुनिक साहित दा जुग्ग शुरू होइआं मसां डेढ कु सदी होई है। पर जदों साहित होर सभ विधावां विच तेज़ी नाल प्रफुल्लत होण लग्गिआ, खेडां खिडारीआं बारे लिखण लई कोई लेखक प्रेरित नां होइआ। नामी पहिलवानां बारे कवीशरां दे लिखे होए कुझ छोटे-मोटे किस्से ज़रूर मिलदे सन। फिर वलाइत वासी बलबीर सिंघ कंवल नें 1964 विच ‘भारत दे पहिलवान’ पुसतक छपवा के पंजाबी खेड साहित दी पगडंडी पाई। इस पगडंडी नूं शाहराह बणाउण दा सिहरा प्रिंसीपल सरवण सिंघ दे सिर बझदा है जो 1966 तों खेडां खिडारीआं बारे लगातार लिखदे आ रहे हन अते उनहां दीआं खेड पुसतकां दी गिणती वीहां तों टप्प चुक्की है। उह पंजाबी दे प्रमुख्ख खेड लेखक तां हन ही, जे उहनां नूं पंजाबी विच खेड साहित दे मोढी कहि लिआ जावे तां कोई अतिकथनी नहीं।

उह आप यूनीवरसिटी पध्धर दे खिडारी होण कर के तन दी अरोगता ते अरोगता विच खेडां दे महत्तव तों अते अरोग तन विच अरोग मन होण दे तत्थ तों भलीभांत सचेत होण सदका लंमे समें तों लंमी सैर ते वरज़िश दा नित्तनेम निभाउंदे आ रहे हन। उहनां दा कंमकाजी जीवन इकत्ती साल लैकचरर वजों ते चार साल प्रिंसीपल वजों वख्ख-वख्ख कालजां नाल जुड़िआ रिहा। इंज उह कालजां दीआं खेडां नाल वी जुड़े रहे। उनहां दे कथन अनुसार, “मेरी तकड़ा खिडारी बणन दी रीझ सी जो पूरी नां हो सकी। उस रीझ नूं पूरी करन लई मैं खेड लेखक बणिआ। इह तां समां ही दस्सेगा मेरी सीमा किथे तक है?”

उह पहिले पंजाबी लेखक हन जिनहां नें खेडां ते खिडारीआं बारे निठ्ठ के लिखणा शुरू कीता अते इस नूं सौखा शुगल समझण दी थां समाजिक ज़िंमेदारी ते समें दी लोड़ वजों पूरी गंभीरता नाल लिआ। इह तत्थ वरनणजोग है कि खेड-लेखक बणन तों पहिलां उहनां नें कहाणीआं लिखणीआं शुरू कीतीआं होईआं सन अते उहनां दा शुमार संभावना भरपूर कहाणीकारां विच होण लग्ग पिआ सी। उहनां दीआं कहाणीआं चरचित होण विच एनीआं सफल रहीआं सन कि जे उह उसे राह तुरदे रहिंदे, यकीनन अज्ज उहनां दा नां पहिली कतार दे कहाणीकारां विच लिआ जांदा। इसे लई मैं उहनां नूं आखदा हां, तुहाडा कहाणी लेखक तों खेड लेखक बणना खेड साहित दी जिंनी प्रापती है, कहाणी साहित लई ओनी ही घाटेवंदी है।

मनुख्खी जीवन विच सबब्ब कई वार वड्डी भूमिका निभाउंदा है। प्रिंसीपल सरवण सिंघ दा खेड लेखक बणना वी सबब्बी वरतारा किहा जा सकदा है। 1966 विच उह ख़ालसा कालज दिल्ली विच पहड़ाउंदे सन ते गरमी दीआं छुट्टीआं विच पिंड गए होए सन। उहनां नूं अख़बार तों पता लग्गिआ कि किंगसटन विच होण वाळीआं कामनवैलथ खेडां लई कौमी पध्धर दे अथलीटां दा कोचिंग कैंप पटिआले लग्गिआ होइआ है। उहनां विचों कुझ अथलीट इहनां दे चंगे जाणू सन। उहनां नूं मिलण दी नीत नाल इह पटिआले जा पहुंचे। कुझ रातां होटल विच बिताउण मगरों इहनां दा टिकाणा महिंदरा कालज दे होसटल विच हो गिआ। रात इह उथे कटदे ते सारा दिन अथलीटां दी संगत विच बीतदा। होर नां कोई कंम सी ते नां कोई ज़िंमेदारी, इको-इक रुझेवां अथलीटां नूं प्रैकटिस करदे देखदे रहिणा जां उहनां नाल गल्लां बातां करदे रहिणा सी।

अथलीट आपणी वरज़िश, खेड सिखलाई ते आराम करदे समां लंघाउंदे। सरवण सिंघ उहनां नूं देखदा रहिंदा-वरज़िश ते खेड नाल कमाए होए उहनां दे सरीर, इक-दूजे नाल हुंदा हासा-मखौल, उहनां दीआं आदतां, उहनां दा खाण-पीण, उहनां दी अभिआसी मिहनत ते लगन। गल्ल की, दो कु दिनां विच ही उहदे मन विच हर अथलीट दी वख्खरी शख़सीअत उभरन लग्गी। उहनीं दिनीं लेखकां दे शबद चित्तर लिख के चरचित होण वाळे बलवंत गारगी दा शबद चित्तरां दा नवां संग्रहि ‘निंम दे पत्ते’ सज्जरा पहड़िआ होण करके उहदे मन विच विचार आइआ, किउं नां एने नेड़िउं तक्के इहनां कौमी ते कौमांतरी पध्धर दे खिडारीआं दे शबद चित्तर लिखे जाण! इह सी बीज जो छेती ही खेड-लेखक दे रूप विच भरिआ पूरा बिरछ बण गिआ।

सरवण सिंघ सारा दिन कैंप विच शामल खिडारीआं नूं गहु नाल देखदा-निहारदा रहिंदा ते रात नूं आपणे टिकाणे आ के उह सभ कुझ काग़ज़ उत्ते उतार लैंदा। नतीजा इह होइआ कि तिंन हफ़तिआं मगरों घर परतदिआं दो कु दरजन खिडारीआं बारे दो-ढाई सौ पंनिआं दी कच्ची समग्गरी उहदे झोले विच सी। दिल्ली परत के उस नें पहिला शबद चित्तर ‘मुहड़के दा मोती’ डिकैथलोन दे एशीअन चैंपीअन ते टोकीओ ओलंपिक खेडां विच पंजवें नंबर दे हरडलज़-दौड़ाक गुरबचन सिंघ रंधावे बारे लिखिआ जो साहितक मासक ‘आरसी’ नूं भेज दित्ता। छपिआ तां पाठकां नें ख़ूब सलाहिआ। ‘आरसी’ वल्लों मंग आउंदी रहिंदी, इह लिखदा रहिंदा ते पाठक सलाहुंदे रहिंदे। उदों लगातार दस बारां शबद चित्तर ‘आरसी’ विच छपे। फेर होर अख़बारां रसालिआं दी मंग वी आउण लग्गी।

हुण तक्क जिनहां खिडारीआं नूं इहनां नें आपणे शबदां विच चित्तरिआ है, उहनां दी गिणती दो सौ नूं पुज्ज गई है। नाल ही पाठक देसी-बदेसी खेडां दीआं बरीकीआं जाणन दी उतसुकता दिखाउण लग्गे ते इहनां नें सौ दे लगभग खेडां दी जाणकारी अख़बारां-रसालिआं राहीं उहनां तक्क पुजदी कर दित्ती। इहनां दीआं खेड-लिखतां अनेक देसां दे पंजाबी अख़बारां विच छप के बहुत वड्डे पाठक-घेरे तक्क पुज्जदीआं हन। 1978 विच इहनां दी पहिली पुसतक ‘पंजाब दे उघ्घे खिडारी’ नवयुग पबलिशरज़ नें प्रकासि਼त कीती जिस पिछ्छों होर किताबां दी चल्ल सो चल्ल हो गई।

प्रसिध्ध कवी जनाब मजरूह सुलतानपुरी दा इक शिअर है: “मैं अकेला ही चला था जानबि-ए-मंज़िल मगर, लोग साथ आते गए और कारवां बनता गिआ!” खेड लेखण दे मारग उत्ते तुरे तां सरवण सिंघ इकल्ले ही सन पर कुझ ही सालां मगरों सज्जे-खब्बे देखिआ तां इहनां नाल पूरा कारवां जुड़ चुक्किआ सी। कई होर लेखक वी अख़बारां-रसालिआं नूं खेड लिखतां भेजण लग्गे। पत्तर प्रेरक टूरनामैंटां ते खेड मेलिआं दीआं ख़बरां वल्ल धिआन देण लग्गे। हौळी-हौळी सभ रोज़ाना अख़बारां नें इक पंना खेडां-खिडारीआं दे नां करना शुरू कर दित्ता। महत्तवपूरन खेड उतसवां दा सज्जरा हाल आपणे पाठकां तक्क पुजदा करन वासते विशेश प्रतीनिध भेजणे शुरू कर दित्ते।

पंजाब विच खेड मेले तां कई लगदे हन पर किला राइपुर दीआं खेल्हां दी आपणी ही शान है। उथे अणगिणत वंनसुवंनीआं खेडां हुंदीआं होण सदका उहदा नां ‘पेंडू ओलंपिक’ पै गिआ है। उथे खेड लेखकां ते पत्तरकारां दा वी मेला जुड़ जांदा है। इस पनीरी विचों बहुत बूटे विगसे हन ते बहुत फुल्ल खिड़े हन। हुण पंजाबी विच चाली पंजाह खेड लेखक अजिहे हन जिनहां दी घट्टो-घट्ट इक पुसतक तां छपी ही है ते कईआं दीआं इक तों वध्ध पुसतकां वी छपीआं हन। सवा सौ तों वध्ध खेड पुसतकां विच इकल्ले सरवण सिंघ दा योगदान दो दरजन खेड पुसतकां नाल पंजवां हिस्सा बण जांदा है!

एनी गिणती विच इह रचना इहनां नें आपणे लिखण मेज़ उत्ते बैठ के ही नहीं कर दित्ती। अजिहा करना संभव वी नहीं सी। इह कोई कालपनिक साहित नहीं सी, ठोस तत्थां अते वेरविआं दी अख्खीं देखी जाणकारी लोड़दा सी। इहनां वल्लों अख्खीं देखे पेंडू टूरनामैंटां तों लै के कौमी खेडां, एशीअन खेडां, कामनवैलथ खेडां ते विशव कप्पां विचों दी हुंदिआं ओलंपिक खेडां ते अंतरराशटरी कबड्डी मेले वेखण दी गिणती सैंकड़िआं विच है। तिंन पुसतकां तां अख्खीं डिठ्ठे खेड मेलिआं बारे ही लिख दित्तीआं हन। उहनां विचों सौ तों वध्ध खेड मेलिआं विच कबड्डी दे मैचां दी रस-भरी भाशा विच कमैंटरी कर के दरशकां दी वाह-वाह खट्टी है। दिल्ली दे सपताहिक ‘सचित्तर कौमी एकता’ विच ‘खेड मैदान ’चों’ नां दा कालम पंदरां साल चलाउणा इहनां दी कलमी समरत्था दा प्रमाण है।

खेड मेलिआं दी विशालता देखो, “स्रिशटी इक महां खेड मेला है ते ब्रहिमंड उस दा विशाल खेड मैदान। धरती, सूरज, चंद, तारे ते उपग्रहि उहदे खिडारी हन। दिन-रात ते रुत्तां दे गेड़ मैचां दा समां समझे जा सकदे हन। जीवन इक खेड ही तां है! जीव आउंदे हन ते तुरदे जांदे हन। कोई जित्त रिहै, कोई हार रिहै। जिहड़े जित्त जांदे नें उह बल्ले-बल्ले करा जांदे नें ते जिहड़े हार जांदे नें उह भुल्ल-भुला जांदे नें। कुदरत दे कादर नें अलौकिक मेला रचा रख्खिऐ ते बाज़ी पा रख्खी है: बाजीगर बाजी पाई सभ खलक तमाशे आई।”

इहनां दा लिखण-कारज अख्खीं डिठ्ठे नूं काग़ज़ उत्ते संभाल लैण तक्क सीमत नहीं सगों इहनां नें खेडां दे संबंध विच पूरे सिदक-सिरड़ नाल नवीं खोज वी कीती है। मिसाल वजों जदों इह पंजाबी सरोतिआं-दरशकां नूं दसदे हन कि पंजाब दीआं निरोल आपणीआं देसी खेडां दी गिणती सौ तों वध्ध है, उह हैरान होए अणमंने जिहे मन नाल इक दूजे वल्ल देखण लगदे हन। पर जदों इह दसदे हन कि सतासी पंजाबी खेडां दी जाणकारी तां इहनां नें आपणी पुसतक ‘पंजाब दीआं देसी खेडां’ विच शामल कीती होई है, उहो सरोते इहनां दी कलम नूं धंन आखदे हन।

इसे तरहां दी खोज नाल इहनां नें पंजाबी हाकी खिडारीआं दे कुझ दिलचसप अंकड़े लभ्भे हन। जदों ओलंपिक खेडां विच भारती हाकी दी झंडी सी, हाकी नूं आपणी खिद्दो-खूंडी दा नेमबध्ध रूप समझण वाले पंजाबी खिडारी भारती टीम विच मोहरी भूमिका निभाउंदे सन। 1928 तों 2012 तक्क दे ओलंपिक हाकी मुकाबलिआं विच 137 सिख्ख खिडारी खेडे ते उहनां नें 254 गोल कीते। इह उहनां नौं देसां दी जाणकारी वी दिंदे हन जिनहां दीआं ओलंपिक हाकी टीमां विच सिख्ख खिडारी शामल रहे। 1972 दीआं मिऊनिख़ ओलंपिक खेडां विच जदों यूगंडा ते जरमनी विचकार हाकी दा मुकाबला होइआ, यूगंडा दी टीम विच कपतान समेत दस सिख्ख खिडारी देख के दरशक समझदे रहे कि मुकाबला भारत ते जरमनी विचकार है। जदों कीनीआ ते यूगंडा विचकार मैच होइआ तां इउं लग्गा जिवें मैच दो देसां विचकार नहीं, दो खालसा कालजां विचकार हो रिहा होवे! प्रिंसीपल सरवण सिंघ दीआं खेड लिखतां विच अनेक दिलचसप गल्लां पहड़न नूं मिलदीआं हन।

जदों सरवण सिंघ नें खेडां खिडारीआं बारे लिखणा शुरू कीता सी तां इक साहितक गोशटी विच किसे आलोचक दा कहिणा सी कि खेडां नाल संबंधित लिखतां नूं साहित नहीं मंनिआ जा सकदा। अज्ज उह आलोचक शाइद आपणे बोलां ते पछताउंदा होवे। हुण पंजाबी साहित विच खेड लिखतां नूं सिरफ़ इक विधा ही नहीं मंनिआ जांदा सगों होर विधावां वांग इस नाल संबंधित खोज कारज करदिआं कई खोजारथी ऐम्मफिल ते पीऐच्चडी कर चुक्के ते कर रहे हन।

पंजाबी खिडारीआं नें कुशती ते कबड्डी वरगीआं देसी खेडां दे नाल-नाल पछ्छम तों आईआं होर खेडां विच वी ख़ूब नामणा खट्टिआ अते उहनां नूं पंजाब दी धरती नाल लिआ जोड़िआ। प्रिंसीपल सरवण सिंघ नें खेडां ते खिडारीआं नूं कमाल दी वारतक विच साकारन दा पूरने-पाऊ उद्दम कीता ते इस विच खिडारीआं वांग ही भरपूर आदर-माण कमाइआ! पुसतक ‘पंजाबीआं दा खेड सभिआचार’ विच उहने पिंड तों लै के ओलंपिक तक्क दीआं खेडां नाल पंजाबीआं दे अटुट्ट नाते दी वारता जिस सुचज्ज नाल पेश कीती है उह दिलचसप वी है ते जाणकारी नाल भरपूर वी। उह हर वेले नूं लिखण-वेला समझण वाला कलम दा धनी है ते बोते दी सवारी नूं हवाई जहाज़ दी सवारी तों बिहतर मंनदा आ रिहै!