हरप्रीत कौर संधू मनोविगिआन दी विदिआरथण है। उह आपणी पहड़ाई दी मुहारत करके मनुख्ख दे मन विच्च की वापर रिहा है, उस दी जाणकारी प्रापत कर लैंदी है? इस लई उह मन दी सथिती नूं काबू विच्च रख्खके ज़िंंदगी किस प्रकार बिहतरीन ढंग नाल बसर कीती जा सकदी है, बारे नुसखिआं दे रूप विच्च लघू लेख लिखदी रहिंदी है। उस दी चरचा अधीन ‘ज़िंदगी दे रूबरू’ पुसतक विच्च उस दे 63 लघू लेख हन।

मनुख्खी ज़िंदगी परमातमा दा बिहतरीन तोहफ़ा है, इस तोहफ़े सदउपयोग/दुरउपयोग करना इनसान दे आपणे हत्थ विच्च हुंदा है। इनसान नूं दुख्ख/सुख्ख दा लाभ/नुकसान हुंदा है। होर किसे नूं इस दा फ़रक नहीं पैंदा, फिर इनसान लोकां दी ख़ुशहाली वेख के दुख्खी किउं हुंदा है? जिस करके उह दुख्खी हुंदा है, उस दा दूजे इनसान नूं तां कोई फरक नहीं पैंदा, फिर इनसान आपणा नुकसान किउं करदा है? प्रसंसा दा बहुत वड्डा योगदान हुंदा है। प्रसंसा करन विच्च कोई ख़रचा नहीं हुंदा प्रंतू जिसदी प्रसंसा करदे हां, उस नूं उतशाह मिलदा है। निंदिआ करन नाल इनसान निरउतशाह हुंदा है।

इनहां लेखां विच्च हरप्रीत कौर संधू नें इहो कुझ दस्सण दी कोशिश कीती है, उस नें ज़िंदगी नूं सफल बणाउण दे अनेकां छोटे-छोटे नुसख़े इस पुसतक विच्च दित्ते हन। किसे दी ज़िंदगी विच्च बेलोड़ा दख़ल नां दित्ता जावे। ख़ुशी इनसान दे अंदर ही है, इस लई इस नूं महिसूस करके वंडिआ जावे। किसे दा दुख्ख वंडिआ जावे तां दुख्ख घट्टदा है। इक चुप्प सौ सुख्ख वाला मुहावरा वी अज्ज दे समें सही साबत नहीं हो रिहा। ज़ुलम दे विरुध्ध आवाज़ बुलंद कीती जाणी चाहीदी है। संवेदनशीलता दे अरथ वी बदलण दी ज़रूरत है। किसे नूं ठेस नां पहुंचाओ। हलीमी, पिआर सतिकार इनसान दे गहिणे हन।

इकल्लता डिपरैसन पैदा करदा है ते डिपरैशन नशे दा कारन बणदा है। इस लई आपणे आप नूं रुझेविआं विच्च लगाई रख्खो। छोटीआं-छोटीआं गल्लां नाल रिशते बणदे/विगड़दे हन। साफ़ ते सपशट गल्ल करो। संसार विच्च कोई वी चीज़ सथाई नहीं, धन इकठ्ठा करके मनुख्ख ख़ुश नहीं रहि सकदा, ख़ुशी इनसान दे अंदर है। लोकां नूं बहुता महत्तव देण दी थां आपणी पछाण करो। तुहाडे कोल ही रहिमतां दा ख़जाना है। आपणा विवहार ठीक रख्खो, लोक आपे बदल जाणगे, जे नां वी बदलण, तुसीं आपणे विवहार नूं बदलण दी कोशिश नां करो।

हर पल दा आनंद माणो किउंकि जीवन नाशवान है। सच्च नूं समझण अते सवीकार करन नूं पहिल दिओ। लोक दोहरे किरदार वाले हन। जीवन विच्च तकलीफ़ां ते ख़ुशीआं आउणगीआं ही हन, इनहां नूं हस के प्रवान करो, रोण धोण दा कोई लाभ नहीं। आपणे मन नूं जित्तण दी कोशिश करदे रहो तां सुख्ख पाओगे। ज़िंदगी विच्च नाकारातमिक सोच तों दूर रहो, विशवास सोच समझके करो। लोक आपणी असुरख्खिआ नूं दूजिआं ते थोपदे हन। दूजिआं बारे हमेशा उसारू सोच रख्खो, तुहाडा वरताओ लोकां लई अहिमीअत रख्खदा है। जे तुसीं चंगे होवोगे तां लोकाई नूं लाभ हो सकदा है। ज़िंदगी विच्च सलीका ते अनुसाशन सफलता दे गहिणे हन।

नियमा अनुसार चलो, कुदरत दे नियमां तों सिखिआ प्रापत करो। दोसती बहुत ज़रूरी है, प्रंतू दोसत धिआन नाल बणाओ किउंकि लोक खुदगरज़ हो गए हन। ज़िंदगी दा आनंद माणो, ज़िंदगी कट्टो नां, उमर दे वध्धण नाल सरीर विच्च आईआं तबदीलीआं कुदरत दे नियम हन। अपणत नाल संसार विच्च विचरो, लोक तुहाडे मुदई बणनगे। नम्रता दा भाव इह नहीं कि तुसीं दूसरिआं अग्गे विछ जाओ। आपणी महत्तता अनुसार विवहार करो। औरत ते मरद दा कोई टकराओ नहीं, उह इक्क दूजे दे पूरक हन ते सिरजणा दे प्रतीक। दोवें इक दूजे दे चंगे गुणा नूं अपणा लैण। भलाई करके जताउणा नहीं सगों नेकी करो ते भुल्ल जाओ। आपणी सिहत दा धिआन रख्खो, किसे दा गुस्सा नां करो सगों मुआफ़ कर दिओ। मुआफ़ करन नाल दोवें संतुशट हो जाणगे। आपणा खिआल आप ही रख्खो, दूजिआं ते आस नां करो।

मनुख्ख कोई वी संपूरन नहीं। ऊणताईआं ज़िंदगी दा हिस्सा हन, परफैकशन दी भाल नें इनसान नूं उलझा दित्ता है। आपणे बच्चिआं खास तौर ‘ते लड़कीआं दी काबलीअत दी तारीफ़ करो, जेकर अवेसले रहांगे तां उह बाहरले लोकां दी तारीफ दे झांसे विच्च आ जाणगीआं। जे हो सके इक दूजे दी बांह फहड़ो, आपणे कंम तक्क सीमत रहो, बहुते हत्थ पैर नां पसारो। परवास विच्च जा के हर तरहां दा कंम करदे हो, भारत विच्च ही करो, कंम कोई छोटा वड्डा नहीं हुंदा।

मुहब्बत सिरफ़ पती ते पतनी तक्क महिदूद नहीं। मुहब्बत भैण-भरा, माता-पिता अते होर रिशतेदारां नाल हो सकदी है। मुहब्बत नूं इशक मज़ाजी तक्क सीमत नां करो। फिलमा असली ज़िंदगी नहीं हुंदीआं। औरत बहुत ही भावनातमिक हुंदी है। दिल तों ज़िआदा कंम लैंदी ते तिआग दी मूरत हुंदी है। ज़िंदगी विच्च खड़ोत नहीं होणी चाहीदी। सवाल जवाब दे चक्कर विच्च कई वार रिशते विगड़ जांदे हन। कई वार चुप्प रहिके वी जवाब दित्ता जा सकदा है। मनुख्ख गुणां दी गुथली हुंदा है, सरीरक सुंदरता गुणां दा मुकाबला नहीं कर सकदी। हर इनसान विच्च कोई इक गुण हुंदा है, उसदा सदउपयोग करो।

समाजिक वरतारे विच्च ग़लत नूं ग़लत कहिणा सिख्खो। कहिण दी ज़ुअरत करो। रिशतिआं दीआं गंढां मज़बूत करन लई आपणिआं दे दरद दी पछाण करो। इह ज़रूरी नहीं कि औरत जेकर तुहाडे नाल चंगा विवहार करदी है तां उह तुहाडे नाल सरीरक संबंध बणाउणा चाहुंदी है। पर जेकर औरत आपणे प्रेमी पुरश नाल हमबिसतर होणा चाहुंदी है तां उह चरितरहीण नहीं, उह आपणीआं इछावां दी पूरती करदी है। बिमार मानसिकता वाले औरत नूं चरितरहीण कहिणगे प्रंतू मरद अजिहे रिशते बणाउंदा तां उस नूं बहादर गिणिआं जांदा है। रिशतिआं दे समीकरन नूं बणा के रख्खणा अतिअंत ज़रूरी है। रिशते रूह दे हाणी नाल खिड़दे हन। रिशतिआं विच्च निरासता नां लिआओ। कई वार रिशते बणदे अते टुट्टदे रहिंदे हन। रिशतिआं नूं बोझ नां बणन दिओ।

जेकर कोई तुहानूं अणडिठ करदा है तां पिछ्छे हट जाओ। प्रंतू कुड़त्तण नाल रिशते ख़तम नां करो। ग़लतफहिमी मेल मिलाप ते संबंध ख़तम करदी है। ग़लतफहिमी दे अरथ ही साफ़ प्रगटावा करदे हन। आपणी आतमा दी आवाज़ सुणके फ़ैसले करो। जो तुसीं कर रहे हो, उस तों ख़ुश रहो दुचिती विच्च नां पओ। मन दी शांती, ख़ुशी अते सकून मनुख्ख दे अंदर ही हन, इनहां दा आनंद लैणा मनुख्ख देे आपणे वस विच्च है। शराफ़त कमज़ोरी नहीं हुंदी प्रंतू चलाकी कोई गुण नहीं हुंदा।

हंकार करन वाला घाटे विच्च रहिंदा है। अणख़ पंजाबीआं दे किरदार दा हिस्सा है। हंकार ते अणख दरमिआन थोहड़ा जिहा अंतर है। इह अंतर ही नुकसान/लाभ दा कारन बणदा है। बंदा ही बंदे दा सहाई हो सकदा। हर इनसान विच्च कोई नां कोई हुनर हुंदा है, उस दी पछाण करो ते हुनरमंद हो जाओ।

कुदरत बहुरंगी है। कुदरत आपणे रंगां नाल इनसान नूं ख़ुशी बख़शदी है। विखावा, धोखा अते निराशा ज़िंदगी लई मुशकलां खहड़ीआं करदे हन। घड़म्म चौधरीआं तों दूर रहो। पिठ्ठ पिछ्छे कहीआं गल्लां कई वार तुहाडे तक्क पहुंचदीआं दे अरथ बदल जांदे हन। कदी वी हार नां मंनो, हमेशा चहड़दी कला विच्च रहो।

लेखिका नें इनसान नूं आपणी ज़िंदगी बिहतरीन ढंग नाल जिओण दे नुकते दित्ते हन। इनहां नुकतिआं दी वरतों सोच समझके करनी चाहीदी है, हो सकदा हर इक्क लई इह सारथिक नां होण प्रंतू इह नुकते वज़नदार हन।

112 पंनिआं, 195 रुपए कीमत वाली इह पुसतक कैलीबर पबलीकेशन नें प्रकाशत कीती है।

***