इस वेले पंजाब दे 23 ज़िल्हिआं विच्चों 22 ज़िल्हिआं दे लोक हहड़ां दे कहिर कारन घरों बेघर हो गए हन। इक्क पासे हहड़ां कारन पंजाब बेहाल है, दूजे पासे दरिआ अते डैम नक्को नक्क भरे होए मनुख्खी जान माल, पशूआं अते फसलां दा नुकसान कर रहे हन। लोक भैअ भीत हन। अजिहा कहिर 1988 तों बाअद दूजी वार पंजाबीआं दे हिस्से आइआ है। 11 अगसत तों लगातार भारी मींह कारन 1655 पिंडां दे 3.55 लख्ख लोक मुसीबतां दा साहमणा कर रहे हन। हुण तक 37 लोक हहड़ां दी लपेट विच्च आ के आपणी जान तों हत्थ धो बैठे हन अते कुझ विअकती लापता वी हन। इनहां हहड़ां कारन 365 पशूआं दी मौत वी हो चुक्की है। 11750 मुरगीआं वी हहड़ां दी मार कारन मर गईआं हन। पाणी विच्च करंट आउण कारन लुधिआणे विच्च तिंन बच्चिआं दी मौत हो गई है। घग्गर दरिआ खतरे दे निशान तों टप्पण कारन पटिआला ज़िल्हे दे 21 पिंड अते राजपुरा इलाके दे 10 पिंडां दे लोकां नूं सुरख्खिअत थांवां ’ते जाण लई ज़िल्हा प्रशासन वल्लों किहा गिआ है। घग्गर दरिआ दे नाल नाल सतलुज, रावी, टांगरी नदी, चिट्टी वेईं दे कई थांवां तों टुट्टे बंनहां कारन फसलां अते घर ढहि ढेरी हो रहे हन। गुरदासपुर ज़िल्हे दे कई पिंडां विच्च नौं-नौं फुट्ट पाणी वग रिहा है। छत्तां ’ते बैठे लोक वी आपणे आप नूं सुरख्खित महिसूस नहीं कर रहे। हहड़ां कारन रेलां दीआं पटड़ीआं उप्पर वी पाणी वगण कारन रेल मारग वी प्रभावित होइआ है अते पंजाब दे कई इलाकिआं विच्च रेल मारग ठप्प हो गिआ है।

सरकार वल्लों हहड़ां कारन होए नुकसान दा जाइज़ा लिआ गिआ, जिस अनुसार 4.35 लख्ख एकड़ फसलां नूं नुकसान पुज्जिआ है। इस विच्च गुरदासपुर ज़िल्हे दीआं इक्क लख्ख एकड़ अते अंम्रितसर विच्च 70537 एकड़ फसलां दा नुकसान शामल है। किसानां दीआं फसलां विच्च झोना, मक्की, गंना अते नरमे दीआं फसलां हहड़ां दी करोपी दा शिकार होईआं हन। इस भारी नुकसान नें सूबे दी आरथिकता अते वातावरण नूं वी डूंघा झटका दित्ता है। हहड़ां कारन 845 घर पूरी तरहां तबाह हो गए हन अते 3254 होर घर डिगूं डिगूं दी हालत विच्च हन। रसते, पुल अते बिजली दीआं लाईनां तबाह होण कारन आवाजाई अते विउपार नूं वी डूंघी सट्ट वज्जी है।

पंजाब दा तकरीबन हर किसान औसतन 3.5 लख्ख दा करज़ाई है। फसलां दी बरबादी नें उसदी हालत पाणीउं पतली कर दित्ती है। पाणी सुक्कण उपरंत खेतां विच्च रेते दी परत जंमण कारन किसानां नूं दुबारा फसल बीजण समें कई दिक्कतां दा साहमणा करना पवेगा।

पंजाब सरकार वल्लों समाज सेवकां दे सहियोग नाल 171 राहत कैंपां विच्च 5167 लोकां नूं पहुंचाइआ गिआ है अते 19597 लोकां नूं हहड़ां दे पाणी विच्चों सुरख्खिअत बाहर कढ्ढिआ गिआ है। राहत कारजां लई आम लोक, समाज सेवक, फौज, पुलिस अते ऐन्न. डी. आर. ऐस्स दे जवान तनदेही नाल लग्गे होए हन। पंजाब सरकार नें हहड़ राहत अते मुड़ वसेबे लई 71 करोड़ रुपए जारी कीते हन। इस दरमिआन पहिले पड़ाअ विच्च 35.50 करोड़ रुपए हर ज़िल्हे नूं जारी कीते जा चुक्के हन। कई थांवां ’ते राहत कारजां लई किशतीआं अते थैलिआं दी घाट रड़कदी है। जिस तरीके नाल कलाकार, समाज सेवी, मुलाज़म वरग, पत्तरकार भाईचारा अते समाज दा हर वरग इस संकट दी घड़ी विच्च अग्गे आए हन, इसदे लई उह वधाई दे पातर हन।

दूजे पासे दुखांतक पख्ख इह वी है कि कुझ अखौती समाज सेवक मुफ़त दी प्रशंसा लई बिसकुटां वगैरा दे इक्क दो पैकट लोड़वंदां दे हत्थां विच्च फड़ा के फोटो सैशन ’ते ज़ोर ला रहे हन। दरअसल अजिहे दानीआं दी सथिती इस तरहां दी है:

इक्क दो केले, इक्क अध्ध पैकट साडे हत्थ फड़ाके।

अंनदाता उह बण जांदे नें इक्क फोटो खिचवाके।

इत्थे इह दस्सणा वी ज़रूरी है कि कई समाज दोखीआं नें इस दुख्ख दी घड़ी दा आरथिक लाभ लैण दी कोशिश कीती है। कई भद्दर पुरशां नें हहड़ पीड़ितां दी मदद लई आपणे बैंक खाते दा नंबर दे के पैसे भेजण दी अपील कीती है। अजिहे ठग्गां तों सुचेत रहिणा वी ज़रूरी है।

हां, हहड़ां दी मारू सथिती समें सिआसी वाअ-वरोले दा ज़िकर करना वी ज़रूरी है। पंजाब दे सनौर इलाके दा विधाइक सटेट दे प्रबंधकी कंमां विच्च दिल्ली वाले आगूआं दी लोड़ तों ज़िआदा दखल अंदाज़ी अते पंजाब दे जल सरोत विभाग दे प्रमुख्ख सकत्तर दी कारगुज़ारी तों संतुशट नहीं सी। इक्क नवंबर नूं उसने टांगरी नदी ’ते किशती विच्च बहिके बुलंद आवाज़ विच्च किहा कि विधाइकां नूं पंजाब विच्च दिल्ली वालिआं दी हर प्रबंधकी कंम विच्च नजाइज़ दखल अंदाज़ी विरुध्ध आवाज़ उठाउणी चाहीदी है। उसने इह वी किहा कि दिल्ली वालिआं दीआं नीलीआं फिलमां वी मेरे कोल हन अते समां आउण ’ते मैं नशर वी करांगा। इत्थे इह वी वरनणयोग है कि सनौर वाला विधाइक पंजाब दे मुख्ख मंतरी दा नज़दीकी रिशतेदार वी है।

भला दिल्ली वाले इहो जिहे चुभवें शबद किंझ बरदाशत कर लैंदे? उनहां वल्लों तुरंत कारवाई करदिआं इक्क नवंबर नूं ही जबर जनाह दे केस विच्च धारा 376 अधीन मुकद्दमा दरज करके उस नूं करनाल नेड़े पिंड डबरी विच्चों ग्रिफतार करन लई दो नवंबर नूं सवेरे ही ऐंटी गैंगसटर टासक फोरस भेजी गई। मुकद्दमे दा पिछोकड़ 2021 विच्च विधाइक विरुध्ध दित्ती उह अरज़ी सी जिस विच्च इक्क औरत नें दोश लाइआ सी कि विधाइक नें पहिली पतनी हुंदिआं उस नाल 2021 विच्च विआह करवा के धोखा दित्ता सी।

हुण इत्थे विसथार विच्च जाण दी थां ’ते इह गंभीर हो के सोचण वाली गल्ल है कि औरत तां इनसाफ लई 2021 तों रौला पा रही सी, मुकद्दमा दरज उदों हुंदा है जदों उह दिल्ली वालिआं दे विरुध्ध बोलदा है। इस तों पहिलां औरत दी बेनती किउं नहीं सुणी गई? लोक इह वी कहिंदे हन कि जेकर उह दोशी सी, फिर पारटी वल्लों उस नूं 2022 विच्च चोण लड़न लई टिकट ही किउं दित्ती गई? इस वेले जदों लोक पीड़ित हन, घरों बेघर हो के दर दर दीआं ठोकरां खा रहे हन, उस समें पुलिस दी धाड़ विधाइक नूं ग्रिफ़तार करन दी थां चंगा हुंदा जे इह पुलिस दा वड्डा काफ़ला हहड़ पीड़ितां दी मदद लई भेजिआ जांदा। सत्ता विरुध्ध आवाज़ उठाउण वाले विधाइक नूं “सूत” करन लई अते दूजे विधाइकां नूं “सुनेहा” देण लई इह समां ढुकवां नहीं सी।

* * * * *