अज्ज दा युग तकनीकी तरक्की, तेज़ जीवन-शैली अते असंख ज़रूरतां दी पूरती दी दौड़ नाल भरिआ होइआ है। मनुख्ख नें भौतिक तौर ’ते तां काफ़ी तरक्की कर लई है पर मानसिक अते भावनातमक पध्धर ’ते उह अंदरों कई वार खोखला हो रिहा है। आधुनिकता नें सहूलतां तां दित्तीआं हन पर नाल ही तणाअ, चिंता अते डिप्रैशन वरगीआं मानसिक बिमारीआं नूं वी वधाइआ है। इही कारन है कि अज्ज “आधुनिकता बनाम मानसिक बिमारी” इक्क गंभीर समाजिक चरचा दा विशा बण गिआ है।

आधुनिकता दा चिहरा अते मनुख्खी जीवन ’ते प्रभाव

आधुनिक युग विच्च मनुख्ख दी ज़िंदगी बहुत तेज़ हो गई है। सवेर तों शाम तक कंम, मुकाबला, पैसा कमाउण दी दौड़ अते सोशल मीडीआ दी लगातार वरतों नें मनुख्ख दे मन नूं बेचैन कर दित्ता है। पहिलां जित्थे लोक परिवार नाल समां बिताउंदे सन, हुण हर विअकती आपणे मोबाइल फोन अते डिजिटल दुनीआ विच्च ही गुंम है।

पंजाब वरगे राज, जो आपणे हस्समुख अते मिलणसार सुभाअ अते बहादरी लई जाणे जांदे सन, उत्थे वी हुण तणाअ अते मानसिक दबाअ दे मामले वध रहे हन। पिंडां तों लै के शहिरां तक नौजवान वरग विच्च चिंता, बेरुज़गारी अते नशिआं कारन मानसिक बिमारीआं तेज़ी नाल वध रहीआं हन।

मानसिक बिमारी: इक्क अद्रिश पर गंभीर रोग

मानसिक बिमारी उह हालत है जो मनुख्ख दी सोच, भावनावां अते विवहार नूं प्रभावित करदी है। इह बिमारी बाहरों दिखाई नहीं दिंदी पर अंदरों मनुख्ख नूं कमज़ोर कर दिंदी है। विशव सिहत संगठन (WHO) दे अनुसार दुनीआ भर विच्च लगभग हर 8 विच्चों 1 विअकती किसे नां किसे मानसिक समस्सिआ नाल जूझ रिहा है। भारत विच्च करीब 14% तों 20% लोक मानसिक रोगां दे प्रभाव हेठ आ रहे हन, जिनहां विच्च डिप्रैशन अते चिंता सभ तों आम हन। मानसिक बिमारी दा सभ तों ख़तरनाक पख्ख इह है कि पीड़ित विअकती अकसर आपणे दरद नूं छुपा के रख्खदा है। उह हस्सदा-बोलदा दिखाई दिंदा है पर अंदरों टुट्ट रिहा हुंदा है।

मानसिक बिमारी दे मुख्ख कारन

आधुनिक समाज विच्च मानसिक बिमारीआं दे कई कारन हन:

1. परिवारक टुट्ट-भज्ज अते इकल्लापन

पुराणे समिआं विच्च संयुकत परिवार हुंदे सन जित्थे हर समस्सिआ सांझी कीती जांदी सी। अज्ज छोटे परिवारां अते विअसत जीवन कारन लोक इकल्ले हो रहे हन। ज़िआदातर परिवारां विच्च अज्ज कल्ल्ह इक्को बच्चा पैंदा करन दा चलण चल्ल रिहा ते उसनूं वी मां पिओ अगलेरी उच्च विद्दिआ लई बाहरले देसां विच्च भेज दिंदे हन ते आप इकल्ले रहि जांदेहन। इस तरहां इह इकल्लापन डिप्रैशन दा वड्डा कारन बण रिहा है।

2. मोबाइल अते सोशल मीडीआ दी अधिक वरतों

लगातार सक्रीन देखणा, सोशल मीडीआ ’ते तुलना करन दी आदत अते वरचुअल दुनीआ विच्च जिऊणा मनुख्ख नूं असली ज़िंदगी तों दूर कर रिहा है। इस नाल Anxiety अते Loneliness वध रही है।

3. नशिआं दी समस्सिआ

नशा सिरफ सरीरक नहीं सगों मानसिक तंदरुसती नूं वी तोड़दा है। पंजाब विच्च नशिआं दी समस्सिआ नें नौजवानां नूं बहुत प्रभावित कीता है। नशा कई वार डिप्रैशन दा कारन वी बणदा है अते कई वार नतीजा वी।

4. बेरुज़गारी अते आरथिक दबाअ

नौकरी नां मिलणा जां आरथिक असथिरता मनुख्ख नूं अंदरों तोड़ दिंदी है। अज्ज कल्ल्ह आम देखण विच्च आइआ है कि इह बिमारी अमीरां विच्च गरीबां दे मुकाबले ज़िआदा देखण विच्च आ रही है इही दबाअ कई वार आतमहत्तिआ तक वी लै जांदा है।

5. सिख्खिआ अते मुकाबले दा दबाअ

अज्ज दे विदिआरथी लगातार मुकाबले विच्च जीअ रहे हन। अंकां दी दौड़ अते मापिआं दीआं उमीदां उनहां दे मन ’ते बहुत दबाअ पाउंदीआं हन। कई वार मन इछ्छत नतीजे नां मिलण कारन बच्चे मानसिक दबाअ हेठ आ जांदे हन

मानसिक बिमारी दे प्रभाव

मानसिक बिमारी सिरफ विअकती नूं नहीं सगों पूरे परिवार अते समाज नूं प्रभावित करदी है।

विअकती दी सोचण समरत्था घट जांदी है।

नींद नां आउण दी समस्सिआ वध जांदी है।

रिशतिआं विच्च दूरी आ जांदी है।

कंम करन दी समरत्था घट जांदी है।

कई मामलिआं विच्च आतमहत्तिआ दी संभावना वध जांदी है।

भारत विच्च हर साल हज़ारां नौजवान आतमहत्तिआ करदे हन, जिनहां विच्च इक्क वड्डा कारन मानसिक दबाअ अते डिप्रैशन हुंदा है।

पंजाब दा संदरभ

पंजाब, जो कदे बहादरी, खुशहाली अते खेडां लई मशहूर सी, अज्ज नशिआं अते मानसिक तणाअ नाल जूझ रिहा है। कई सरवेखणां अनुसार पंजाब दे नौजवानां विच्च चिंता अते डिप्रैशन दे मामले तेज़ी नाल वधे हन। पिंडां विच्च वी इकल्लापन अते परवास कारन परिवारक टुट्ट-भज्ज वधी है।

हल्ल अते सुझाअ

मानसिक बिमारी तों बचा संभव है जेकर समाज सही दिशा विच्च कदम चुक्के:

1. परिवारक समां

हर विअकती नूं आपणे परिवार नाल समां बिताउणा चाहीदा है। रोज़ाना गल्लबात मन नूं हलका करदी है।

2. सोशल मीडीआ दी सीमित वरतों

डिजिटल डिटाकस अज्ज दी लोड़ है। मोबाइल दी अधिक वरतों घटाउणी चाहीदी है।

3. खेडां अते कसरत

बच्चिआं अते नौजवानां नूं खेडां नाल जोड़ना बहुत ज़रूरी है। इह मन नूं तंदरुसत रख्खदा है।

4. नशिआं ’ते कंटरोल

सरकार अते समाज दोवां नूं मिल के नशिआं ख़िलाफ सख़त कदम चुक्कणे चाहीदे हन।

5. मानसिक सिहत सेवावां

हर सकूल, कालज अते पिंड पध्धर ’ते कौंसलिंग सहूलत होणी चाहीदी है अते इस सबंधी अजोके पाठक्रम विच्च वी सुधार दी ज़रूरत है।

6. सिहतमंद जीवन-शैली

पौशटिक आहार, पूरी नींद अते योगा मानसिक सिहत लई बहुत लाभदाइक हन।

समापती

आधुनिकता नें मनुख्ख नूं सुविधावां तां दित्तीआं हन पर उसदी अंदरूनी शांती नूं काफ़ी हद्द तक प्रभावित कीता है। मानसिक बिमारी अज्ज इक्क अजिही हकीकत है जिसनूं अणडिठ्ठ नहीं कीता जा सकदा। जेकर समाज, परिवार अते सरकार मिल के यतन करन तां इस समस्सिआ ’ते काबू पाइआ जा सकदा है।

सभ तों वड्डी लोड़ इह है कि असीं आपणे आप नूं सिरफ सरीरक तौर ’ते नहीं सगों मानसिक तौर ’ते वी तंदरुसत बणाईए, किउंकि सिहतमंद मन ही इक्क सिहतमंद समाज दी नींह है।

* * * * *