भारत नूं संसार दा सभ तों वड्डा लोकराज आखिआ जांदा है। इत्थों दा संविधान वी सारे संसार विच्च वधीआ मंनिआ जांदा है। इस नूं तिआर करन वाली कमेटी नें दुनीआ दे संविधानां दा अधिऐन करके अते भारती लोड़ां अनुसार इसदी रचना कीती। इह सच्चमुच्च लोकां दे राज दा प्रतीक है, किउंकि इसदा अरंभ लोकां दी प्रमुख्खता नूं दरसाउंदा होइआ शुरू हुंदा है। इह लोकां दा संविधान लोकां लई ते लोकां दुआरा तिआर कीता गिआ है। इस प्रती बचन-बध्धता वी देश दे सारे लोकां दी है किउंकि इसदा अरंभ हुंदा ही लोक बचनबध्धता नाल है। इसदे मुढले शबद हन, ‘असीं भारत दे लोक’। इंझ साडा संविधान साडा माण है। इसदी राखी करना जित्थे सरकार दी ज़िंमेवारी है, उत्थे देश दे नागरिकां दी उस तों वी वध्ध ज़िंमेवारी है। किउंकि सरकार चलाउण लई आपणे प्रतीनिधीआं दी चोण लोक ही आपणीआं वोटां नाल करदे हन। जेकर देश विच्च कुझ गलत हुंदा है तां इसदी ज़िंमेवारी वी असिध्धे तौर उत्ते लोकां दी ही बणदी है, किउंकि सरकार चलाउण वालिआं दी चोण लोकां नें ही कीती हुंदी है। साडे संविधान विच्च देश दे सारे नागरिकां नूं इनसाफ़, जिस विच्च आरथिक, समाजिक अते राजनीतक पख्ख शामिल हन, उनहां नूं सोचण-विचारन, विशवास, धरम अते बोलण दी अज़ादी, बराबरी भाव, सारिआं नूं बराबर दे मौके देणे अते बराबर दे अधिकार हन। सारे नागरिकां दे माण सनमान दा सतिकार ज़रूरी मंनिआ गिआ है। कानूंनी तौर उत्ते भावें सारिआं नूं बराबरी दे अधिकार दित्ते गए हन पर असली रूप विच्च अजे वी आरथिक, समाजिक अते राजनीतक पध्धर ’ते चोखा वितकरा है।

इस विच्च कोई शक्क नहीं कि पिछले तिंन दहाकिआं दौरान देश नें हरेक खेतर विच्च तरक्की कीती है। पर इह वी सच्च है कि देश दी घट्टो घट्ट इक्क तिहाई वसों अजिही है जिसदीआं मुढलीआं लोड़ां दी पूरती नहीं हो रही। इस वसों नूं संतुलित भोजन तां दूर, ढिड्ड भरवीं रोटी वी नसीब नहीं हो रही। सरकार कोई 80 करोड़ नागरिकां नूं हरेक महीने मुफ़त अनाज दे रही है। इनहां कोल आपणा घर नहीं है। इह विद्दिआ अते सिहत सहूलतां तों वांझे हन। अमीर गरीब विच्च पाड़ा घट्ट होण दी थां वध रिहा है। देश दी अध्धीउं वध्ध दौलत केवल दस प्रतीशत लोकां दे कबज़े विच्च आ गई है। आबादी विच्च तेज़ी नाल वाधा होइआ है। अगले साल भारत दुनीआं दा सभ तों वध्ध आबादी वाला देश बण जावेगा। संसार दे भुख्खे ते गरीब लोकां दी अध्धी वसों भारत विच्च रहिंदी है। राजनीती देश सेवा दी थां विउपार बण रही है। देश विच्च भ्रिशटाचार दा बोलबाला है ते इस नूं प्रफुलित करन विच्च साडे नेता मोहरी हन। देश लोकराज दी थां वोट राज बण रिहा है। चोणां विच्च वोट प्रापती लई बेतहाशा खरच कीता जांदा है। इस खरचे दी भरपाई लई गलत ढंगां नाल पैसा इकठ्ठा कीता जांदा है। वोटां लैण लई लोकां नूं मुफ़त दीआं रिउड़ीआं वंडीआं जांदीआं हन जिसदा आरथिकता उत्ते बुरा प्रभाव पैदा है। केंदरी सरकार ते राज सरकारां करज़े हेठ डुब्बीआं होईआं हन। लीडरां अते अफसरशाही नें आपणे खरचे इंने वधा लए हन कि सरकारां कोल विकास लई पैसा बचदा ही नहीं है। सरकारी खरचिआं विच्च कटौती करन लई सरकारी नौकरीआं खतम कीतीआं जा रहीआं हन। इस नाल बेरुज़गारी विच्च वाधा हो रिहा है।

संविधान दे मुख्ख घाड़े डा. अंबेदकर नें आखिआ सी कि अज्ज साडे संविधान नें देश दे सारे नागरिकां नूं बराबर दे हक्क दित्ते हन पर सही अरथां विच्च इह उदों ही प्रापत होणगे जदों लोकां विचले आरथिक पाड़े नूं मेटिआ जावेगा अते धरम अते जात अधारित वखरेवें खतम हो जाणगे। पर अफ़सोस नाल लिखणा पैदा है कि देश भावें विकसत हो रिहा है पर अजे वी इसदी गिणती गरीब देशां विच्च कीती जा रही है। वसों दे कोई 20 प्रतीशत लोक ही अंग्रज़ी भाशा दी मुहारत रख्खदे हन अते इनहां दे कबज़े विच्च ही वड्डीआं नौकरीआं हन। रिशवत दा हर पासे बोलबाला है। मनुख्खी अधिकारां दा बहुता घाण सरकारी तंतर वल्लों ही कीता जांदा है। लोकराज विच्च सरकारी करमचारी लोकां दे नौकर हुंदे हन पर साडे देश विच्च उह लोकां दे हाकम बण के बैठ गए हन। लोकां दी थोहड़ी बहुत कदर केवल चोणां समें ही हुंदी है। होणा इसदे उलट चाहीदा है। लोक आपणीआं वोटां नाल आगूआं दी चोण करदे हन ते उनहां नूं ताकत दी बखशिश करदे हन। आगूआं उत्ते इह ज़िंमेवारी आउंदी है कि उह लोकां दे हक्कां दी राखी करन। जेकर दफ़तरां विच्च लोकां दा माण मनमान नहीं हुंदा, उनहां दे कंम करन विच्च देरी कीती जांदी है जां रिशवत मंगी जांदी है तां सबंधित करमचारी विरुध्ध ढुकवीं कारवाई होणी चाहीदी है। करमचारी लोकां दे नौकर हन। लोकां दा सतिकार करना उनहां दा फ़रज़ बणदा है। सही अरथां विच्च उह देश ही लोकराज वाले ते विकसत हन जित्थे मनुख्ख दी कदर कीती जांदी है। साडे सरकारी ढांचे विच्च रिशवत खोरी वध रही है। बहुते नेता वी केवल आपणे हक्कां दी राखी ही करदे हन। पारलीमैंट अते राजां दीआं असैंबलीआं विच्चों उसारू बहिस ख़तम हो रही है। बहुता समां शोर शराबे विच्च ही बरबाद हो जांदा है। लोक हक्कां दी राखी लई उसारू बहिस घट्ट ही हुंदी है।

संविधान विच्च प्रापत मनुख्खी अधिकारां दी राखी दी ज़िंमेवारी सभ तों वध्ध सरकार दी है। देश विच्चों अनपहड़ता दा खातमा कीता जावे अते लोकां नूं उनहां दे हक्कां अते इस सबंधी बणे कानूंनां बारे जाणकारी दित्ती जावे। इसदे नाल ही लोकराज दी सफ़लता लई लोकां दीआं ज़िंमेवारीआं वी सरकर जिंनीआं ही हन। वोट पाउण समें केवल इमानदार अते लोक सेवा नूं समरपित सूझवान नेता ही चुणे जाण। नियमां दी पालणा करवाउणा जित्थे सरकारी तंतर दा फरज़ है, उत्थे इनहां दी पालणा करना लोकां दा वी फ़रज है। देश नूं साफ़ सुथरा रख्खणा, सड़की नियमां दा पालण करना, कंमकाज विच्च इमानदारी वरतणी, इह लोकां दा धरम होणा चाहीदा है। धारमिक आगूआं नूं वी चाहीदा है कि उह लोकां नूं सच्चा ते सुच्चा जीवन जिऊण अते दूजिआं दे हक्कां दा सतिकार करन लई प्रेरना देण। धरम दा सरूप सौड़ा बणा के इसदी वरतों लोकां विच्च वंडीआं पाउण अते वोट प्रापती लई नां कीती जावे।

नागरिकां नूं वी आपणे फ़रजां प्रती सुचेत होणा चाहीदा है। जदों तक सरकारां अते नागरिक रल के आपणे फ़रजां दी पूरती नहीं करदे उदों तक साडा देश सही अरथां विच्च लोकराज नहीं बण सकदा।