कहिंदे हन कि डाकटर रब्ब दा दूजा रूप हुंदे हन। पर जे इहो रब्ब दा दूजा रूप कोई अणगहिली करे तां फिर की कीता जावे? इह वाकिआ 2017 दा है। मेरी पतनी नूं हरनीआ सी, इलाज लई मैं उस नूं शहिर दे इक्क नामी प्राईवेट हसपताल लै गिआ, जित्थे डाकटर नाल मेरा थोहड़ा बहुत लिहाज़ सी। डाकटर वल्लों पतनी दा चैक्कअप कीता गिआ ते अपरेशन दी डेट दे दित्ती गई। अपरेशन हसपताल वल्लों हाइर कीते डाकटर दुआरा कीता जाणा सी, जिस नें मुहाली तों आउणा सी।

तैअ मिती नूं मेरी पतनी दा अपरेशन कर दित्ता गिआ। कुझ दिनां पिछ्छों संबंधित दवाई अते जो परहेज़ कीता जाणा सी, उस बारे दस्स के सानूं हसपताल तों छुट्टी दे दित्ती गई। असीं घर वापस आ गए।

कुझ दिनां बाअद मेरी पतनी दे पेट विच्च मुड़ दरद होण लग्गा। असीं मुड़ उसे हसपताल चले गए। हसपताल दे डाकटर नें चैक्कअप करन पिछ्छों किहा, “इनफैकशन है, इह जलदी ठीक हो जावेगी। इस वासते कुझ दिन हसपताल विच्च रख्खिआ जावेगा।”

इलाज दौरान इक्क दिन शाम नूं जदों मेरी पतनी दी सिहत ज़िआदा विगड़ गई, डाकटर नें पतनी नूं लुधिआणे लै जाण लई आख दित्ता। लुधिआणा हसपताल दे डाकटरां नें पतनी नूं 15 दिनां पिछ्छों हसपताल विच्चों डिसचारज कर दित्ता अते नाल ही हफ़ते पिछ्छों चैक्क करवाउंदे रहिण लई आख दित्ता।

साल, डेढ साल आराम रहिण पिछ्छों पतनी दे मुड़ दरद शुरू हो गिआ। असीं वख्ख वख्ख डाकटरां तों चैक्कअप करवाइआ। उहनां सानूं लुधिआणे जां चंडीगहड़ तों इलाज करवाउण दी सलाह दित्ती। सानूं समझ नां आवे कि कित्थों इलाज करवाइआ जावे। असीं चोखे प्रेशान हो गए। समस्सिआ समझ नहीं आ रही सी, उत्तों 10-15 लख्ख रुपइआ खरच आ चुक्का सी। मानसिक परेशानी वख्खरी। मैं आपणे इक्क डाकटर दोसत नाल गल्ल कीती। उसदी बेटी चंडीगहड़ दे सैकटर-16 दे सरकारी हसपताल विच्च सरजन सी। उसदे दोसत दे कहिण ’ते मैं आपणी पतनी नूं चंडीगहड़ हसपताल लै गिआ।

सकैन कीते जाण उत्ते पेट विच्च कलाटस (Clots गढ्ढां, गठ्ठां) होण दी रिपोरट आई, जिस ’ते डाकटरां वल्लों अपरेशन दी सलाह दित्ती गई। दो दिन हैड्ड सरजन वल्लों अपरेशन कीता गिआ, जो तकरीबन 6 घंटे चल्लिआ। अपरेशन करन वाली टीम विच्च मेरे दोसत दी बेटी वी शामल सी। अपरेशन उपरंत दोसत दी बेटी साडे कोल आई ते मेरी पतनी दे पेट विच्चों निकलिआ मास दा टुकड़ा विखाउंदी होई कहिण लग्गी, “अंकल जी! आंटी दे पेट विच्चों गौज़ (Gauze, जाळीदार पट्टी, जिहड़ी ज़खम नूं साफ करन जां खून सोखण लई ज़खम दे उप्पर लाई जांदी है।) निकली है। इह शाइद पहिलां करवाए अपरेशन दौरान पेट विच्च रहि गई होवे।”

मेरे पैरां हेठों ज़मीन निकल गई। उस वकत मेरा बेटा वी कोल सी। अपरेशन उपरंत पतनी दे पेट विच्चों निकले मास दे टुकड़े नूं लैबौटरी भेजिआ गिआ। तिंन हफते पिछ्छों रिपोरट आई तां गौज़ दी पुशटी हो गई है। हसपताल विच्चों छुट्टी पिछ्छों असीं घर आ गए। जदों इस संबंधी असीं उस हसपताल दे डाकटर कोल (जिस तों 2017 विच्च अपरेशन करवाइआ सी) जा के दस्सिआ कि तुहाडे डाकटर नें अपरेशन समें लापरवाही करदे होए पेट विच्च गौज़ छड्ड दित्ती सी, पहिलां तां उह साफ़ ही मुक्कर गिआ कि असीं तां अपरेशन कीता ही नहीं पर जदों मैं उस नूं उस दे अपरेशन थीएटर दी 10 हज़ार फीस वाला बिल्ल विखाइआ गिआ तां उह कहिण लग्गा कि जिस डाकटर नें अप्रेशन कीता है, उह उस नूं बुलावेगा। फिर की सी, डाकटर वल्लों सिफारिशां दी झड़ी लग्ग गई। मीटिंग करन लई सुनेहे आउण लग्ग पए। इक्क सांझे दोसत दे घर मीटिंग होई, जित्थे उह डाकटर, जिसने मेरी पतनी दा अपरेशन कीता सी ते कुझ होर पतवंते मौजूद सन। बड़ी हैरानी होई जदों डाकटर आपणी गलती मंनण दी थां इह कहिण लग्गा कि सटिच्चिंग वेले मेरे सहाइक कोलों गौज़ रहि गई होवेगी। डाकटर दे मूंहों इह गल्ल मैनूं ‘चिड़ीआं दा मरना ते गवारां दा हासा’ वाली गल्ल लग्गी। डाकटर वल्लों कीती अणगहिली, अणगहिली नहीं सगों इक्क बज्जर गुनाह जापिआ किउंकि डाकटर दी उस लाह परवाही दी वजाह करके मेरी पतनी नें तिंन वरहे दोज़ख भुगतिआ।

डाकटर दी उस अणगहिली कारन मेरी पतनी दी सिहत नाल जो खिलवाड़ होइआ, उस दा ख़मिआज़ा असीं अज्ज वी भुगत रहे हां। डाकटर वल्लों पेट विच्च गौज़ छड्डे जाण नूं हलके विच्च लैणा ते उसदी ज़िंमेवारी सहाइक ’ते सुट्ट के आपणी ज़िंमेवारी तों पल्ला झाड़ना मैनूं अज्ज तक चुभ्भदा है किउंकि पेट विच्च गौज़ सदका मेरी पतनी मौत दे मूंह विच्चों बचके निकली है।

* * * * *