भारत देश बारे अमरीकी सरकार दा कोई प्रतीनिध कदे उलटी टिप्पणी करे जां कोई संसथा इद्दां दी रिपोरट देवे कि इत्थे कानूंन दी उलंघणा हुंदी है तां होर भारतीआं वांग मैनूं वी बुरा लगदा है कि आपणा घर संभालण जोगे नहीं ते साडे बारे टिप्पणीआं करदे फिरदे हन। उनहां दे आपणे देश दे अनेकां नुकस सारे लोकां नूं पता हन अते उत्थों दी सरकार गंन-कलचर जां नसलवाद दे प्रगटाविआं समेत इहो जिहे मुड़-मुड़ उभ्भरदे संकेतां साहमणे बेवस्स जापदी है। इद्दां ही किसे होर विकसित देश दा कोई पिआदा टिप्पणीआं करदा है तां सानूं बुरा लगदा है अते इद्दां लग्गणा गलत नहीं हुंदा, इस लई लगदा है कि उनहां दे आपो-आपणे देशां विच्च वी उसे तरहां दे छत्ती नुकस दस्से जा सकदे हन। फिर वी जदों बुक्कल विच्च झाती मारन वांग असीं भारती लोक कदी इस देश दे अंदरूनी हालात बारे दिलों सोचण लग्गीए तां सानूं इस गल्ल बारे ओहला नहीं रहिंदा कि इत्थे इंनी किसम दे अपराध हुंदे हन कि गिणने मुशकिल हो जांदे हन। कई इद्दां दे अपराध होण दीआं खबरां वी मिलदीआं हन, जिनहां कारन आपणे देश विच्च सभ्भिअता दा विकास होण दा शक्क उठ्ठ सकदा है। सरकारां कहिंदीआं हन कि उह कानूंन मुताबक ही राज चलाउंदीआं हन अते कदे किसे नाल पख्खपात नहीं करदीआं, पर पख्खपात इंना साफ हुंदा है कि सौ परदे पाड़ के वी बाहर आई जांदा है।

ताज़ा किस्सा उत्तर प्रदेश दे इक्क पत्तरकार नाल संबंधत है। उस दे खिलाफ केस दरज कीता गिआ सी, जिहड़ा सुपरीम कोरट नें रद्द कर दित्ता अते राज सरकार नूं झाड़ पाई है। पत्तरकार दा कसूर इह सी कि उस नें इक्क रिपोरट बारे सोशल मीडीआ उत्ते लिखिआ सी कि उत्तर प्रदेश सरकार आपणे राज विच्च इक्क खास जात वल्ल लिहाजू है, जिसदा दूसरा अरथ इह कि बाकी जातां बारे उह आपणे फरज़ां दी पालणा पूरी तरहां नहीं कर रही होवेगी। इंनी गल्ल तों उस विरुध्ध केस दरज हो गिआ अते ग्रिफतारी होण दी नौबत आई तां गल्ल सुपरीम कोरट पहुंच गई, जित्थों अदालत नें इद्दां दे केस बणाउण तों उत्तर प्रदेश सरकार नूं झाड़िआ अते पत्तरकार दी खलासी हो गई। जिहड़ी गल्ल तों उस दे खिलाफ केस बणाइआ गिआ, जे इस कारन केस बणाउणे होण तां उत्थों दे मुख्ख मंतरी योगी आदित्तिआनाथ उत्ते कई परचे दरज कीते जा सकदे हन, जिस नें कई वारी आपणे तों पहिलीआं सरकारां उत्ते ऐन इसे तरहां दे दोश कई वार लाए सन। बीबी माइआवती तिलक, तराज़ू और तलवार वाले नाअरे नाल हिंदू धरम समुच्चे बारे बहुत कुझ जनतक तौर उत्ते कहिंदी रही, उदों कदी कोई केस नहीं सी बणिआ। भारत विच्च किसे वी राज दी राजनीती विच्च जातां नूं मुद्दा बणाइआ जाणा आम वरतारा है अते जदों नितीश कुमार नें आपणे बिहार विच्च जातां बारे जन-गणना दा कंम शुरू कराइआ सी, इह दोश उस उत्ते वी लगदा रिहा सी, पर उस विरुध्ध कोई केस दरज नहीं सी कीता गिआ। पत्तरकार दे खिलाफ केस दरज करन दा भाव सिरफ उस इकल्ले दे खिलाफ केस दरज करना नहीं, समुच्चे पत्तरकारी भाईचारे नूं दबकाउण दी कोशिश है कि जिस नें वी इस राज दी सरकार दे खिलाफ कोई रिपोरट छापी, उस नाल इहो कुझ हो सकदा है। फिर कानूंन दा राज कित्थे है!

दूसरा मामला आंधरा प्रदेश दे मुख्ख मंतरी वल्लों तिरूपती बाला जी दे प्रसिध्ध मंदर विच्च मिलण वाले प्रशाद बारे बिआन दा है। चंदर बाबू नाइडू कोई नवां उभ्भरिआ नेता नहीं, पहिलां तिंन वारी कुल्ल मिला के पंदरां साल राज कर चुक्का है ते इस वेले चौथी वार राज चला रिहा है। इक्क दिन अचानक उस नें कहि दित्ता कि तिरूपती मंदर विच्च चहड़ाए जांदे प्रशाद विच्च गां दी चरबी अते होर कई कुझ पाइआ जाण दीआं रिपोरटां हन अते इह सभ उस सपलाइर दे कारन हो रिहा है, जिस नूं उस दे विरोधी आगू दी सरकार नें इह कंम सौंपिआ सी। सारे पासे दुहाई मचण पिछ्छों मामला सुपरीम कोरट पहुंच गिआ तां जज्जां नें पुछ्छिआ कि इस प्रशाद दी जांच किसे लैबारटरी तों कराई कि नहीं, तां पता लग्गा कि अजे कराउणी है। अदालत नें कौड़ नाल आखिआ कि जदों अजे कोई जांच ही नहीं करवाई तां इद्दां आख के सनसनी किउं फैलाई गई तां राज दी सरकार जांच करवाउण लग्ग पई, पर उस नूं सुपरीम कोरट नें इस कंम तों रोक के जांच दा कंम आपणी बणाई पंज मैंबरी टीम नूं दे दित्ता। इहो कुझ किसे आम आदमी नें कीता हुंदा तां भावनावां नूं ठेस लाउण दे मुकद्दमे अग्गड़-पिछ्छड़ कई दरज हो जाणे सन, पर मुख्ख मंतरी चंदर बाबू नाइडू विरुध्ध किसे नें कोई केस दरज नहीं कराइआ। फिर वी किहा जांदा है कि कानूंन सारिआं लई बराबर है।

भारत दी सरकार चला रही धिर बीते समें विच्च विरोधी आगूआं दे खिलाफ केस दरज करवा के जेल्हां विच्च सुट्टदी रही अते उनहां उत्ते भ्रिशटाचार दे दोश लाउंदी रही। चोण फंड लैण लई इलैकटोरल बांड दा खुलासा जदों सुपरीम कोरट विच्च होइआ तां देश नूं पता लग्गा कि केंदरी एजंसीआं किसे विरोधी आगू उत्ते कोई केस बणाउण लई किसे विअकती नूं निशाना बणाउंदीआं सन ते जदों उह एजंसी दी मरज़ी मुताबक उस आगू खिलाफ बिआन देण लई मंन जांदा तां उस दी ज़मानत हो जांदी सी। इहो नहीं, केंदरी एजंसीआं उस नूं छड्डण तों पहिलां उस कोलों केंदर विच्च राज करदी पारटी लई करोड़ां रुपए दे फंड वी इलैकटोरल बांड राहीं टरांसफर करवा लैंदीआं सन। इह इक्क तरहां उस विअकती नूं कानूंनी कारवाई करन दे ओहले हेठ अगवा कर के उस तों राज करदी पारटी लई फिरौती उगराहुण दा अपराध सी, जिस वासते इह कंम करन वाले अधिकारीआं खिलाफ कारवाई करनी बणदी सी, पर कीती नहीं गई। फिर करनाटक विच्च इह कारवाई चल्ल पई, जदों उत्थे कुझ लोकां नें दस्सिआ कि उनहां नूं जांच दे नांअ उत्ते हिरासत विच्च लै के उनहां तों केंदर विच्च राज करदी पारटी लई इद्दां दे फंड टरांसफर कराए गए हन ते इस अपराध दी शिकाइत विच्च भारत दी केंदरी वित्त मंतरी निरमला सीतारमन दा नांअ वी जुड़ गिआ। बीबी नें उतली अदालत तों कारवाई उत्ते हाल दी घड़ी रोक लवा लई है, पर इहो कंम किसे विरोधी धिर दी सरकार दी किसे एजंसी नें कीता हुंदा अते उस राज दे मुख्ख मंतरी खिलाफ केस बणिआ हुंदा तां केंदरी वकीलां नें उस दी सौखी तरहां ज़मानत वी नहीं सी होण देणी अते कई महीनिआं तक जेल्ह विच्च बंद रख्खण लई ज़ोर लाउणा सी। इद्दां दी हालत विच्च वी सानूं इह दस्सिआ जांदा है कि देश विच्च कानूंन दा राज सभ लई इक्को जिहा है!

बुलडोज़र नाल कारवाई कर के लोकां नूं इह दस्सण दा यतन करना कि अपराधी तत्तां खिलाफ सखती कीती जा रही है, इह वरतारा उत्तर प्रदेश विच्च मुख्ख मंतरी योगी आदित्तिआनाथ दे राज विच्च शुरू कीता गिआ अते फिर दूसरे राजां तक गिआ है। बहुत सारे लोक इस उत्ते इतराज़ करदे रहे, पर प्रवाह कोई नहीं सी करदा। फिर इह केस देश दी सभ तों वड्डी अदालत विच्च पहुंच गिआ ते जज्ज साहिबान नें पहिली सुणवाई दौरान ही कहि दित्ता कि कोई बंदा अपराधी वी होवे तां उस दा घर इस तरहां नहीं ढाहिआ जा सकदा, इसदी कानूंनी प्रकिरिआ अपणाई जाणी बणदी है। अदालत नें इह वी किहा कि किसे दा घर ढाहुण लग्गिआं इह वेखणा पवेगा कि उस घर दी मालकी किस दे नांअ है ते जे उस अपराधी दे नांअ उत्ते उह बिलडिंग नहीं तां फिर उह ढाही नहीं जा सकदी अते उस दे नांअ उत्ते वी होई तां वेखणा पवेगा कि इह घर अपराध दी कमाई नाल बणाइआ जां पहिलां बणिआ पिआ सी! उस पहिली सुणवाई दे दौरान ही सुपरीम कोरट नें इह गल्ल कहि दित्ती सी कि अग्गे तों किसे थां बुलडोज़र ओनी देर तक नहीं फेरिआ जाणा चाहीदा, जदों तक इस केस बारे सुपरीम कोरट फैसला नहीं दे दिंदी। इसदे बावजूद रिपोरटां आ गईआं कि आसाम दी भाजपा सरकार दे इशारे उत्ते इह करवाई अजे वी हुंदी पई है तां सुपरीम कोरट नें फिर दुहराइआ कि इद्दां करन दी आगिआ नहीं। कारवाईआं दीआं रिपोरटां अजे तक मिलदीआं हन, पर इस तरहां सभ तों वड्डी अदालत दे हुकमां दी उलंघणा दा केस किते दरज नहीं हुंदा। भारत दे किसे आम नागरिक तों किसे छोटी तों छोटी अदालत दी अवग्गिआ उत्ते केस दरज कीता जा सकदा है, पर मुख्ख मंतरी जां अधिकारीआं नूं कोई डर ही नहीं। फिर वी कहिंदे हन कि कानूंन सभ लई बराबर है।

उरदू दा अखाण है कि ‘मरज़ बड़ता गिआ, जूं जूं दवा की’, भाव इह कि जिउं जिउं इलाज करदे गए, बिमारी होर तों होर वधदी गई। भारत विच्च कानूंन लागू करन दे मामले विच्च इहो कुझ हुंदा ते आम लोक भुगतदे रहिंदे हन, पर जिहड़े लोक कहिंदे हन कि कानूंन सारिआं लई बराबर है, उनहां वासते इस तरहां दी उलंघणा दीआं रिपोरटां कोई अरथ नहीं रख्खदीआं। इह तां वेखिआ नहीं जांदा कि कित्थे किद्दां दी उलंघणा होई है, सगों इह वेखिआ जांदा है कि उलंघणा करन वाला किंनी हैसीअत वाला है अते जे उस दी हैसीअत साहमणे बाकी लोक बौणे जिहे जापदे हन तां पंजाबी मुहावरे वांग उस लई ‘सत्त खून माफ’ हन ते कानूंन दा मूंह चिड़ा के उह मन-मरज़ी करदा रहि सकदा है। हिंदू धारमिकता विच्च तुलसी दास दे इस दोहे बारे सभ लोक जाणदे कि ‘समरत्थ को नहीं दोश गुसाईं’, जिसदा अरथ है कि समरत्थावान विअकती, जिस को ल नां सिरफ पैसा हुंदा है, सगों वड्डी पहुंच करन दी समरत्था वी हुंदी है, उस दा पाप वी पाप नहीं गिणिआ जांदा अते कानूंन उस दे साहमणे मोम वांग पिघल जांदा है। कानूंन भारत विच्च सखत वी बहुत है, नरम वी, पर सखत इह आम नागरिकां खिलाफ वरतण लई हुंदा है, समरत्थावान लोकां वासते इह असलों नरम जिहा हो जांदा है। इसदे बावजूद कहिंदे हन कि इत्थे कानूंन दा राज है!