25
संघ सुरजीत हो चक्का सी। मुख्ख मंतरी मुड़ केस विच दिलचसपी लैण लग्गा सी। इस नाल अफ़सरां नूं राहत महिसूस होण लग्गी।
लोकां दा भरोसा जित्तण लई नवें आए मुख्ख अफ़सर नें थाणे अखंड पाठ खुल्हवाइआ। पतवंते सज्जणां तों इलावा पुलिस कपतान अते डिपटी कमिशनर नूं बुलाइआ गिआ। महाराज दी हज़ूरी विच पुलिस वालिआं नें सहुं खाधी, अग्गों तों नां उह ग़लत कंम करनगे, नां रिशवत लैणगे।
ज़िल्हा अटारनी नें कई दिन पहिलां ही शहिर ’च डेरा ला लिआ। आपणी सहाइता लई दो डिपटी ज़िल्हा अटारनीआं नूं बुला लिआ।
सारी मिसल दा इक वार फेर मुआइना होइआ। कोई कमी तां नहीं? जे है तां उह किवें दूर होवे? इह विचारिआ गिआ।
सरकारी फ़रज़ निभा के ज़िल्हा अटारनी नें आपणा धिआन गिआन सिंघ ’ते केंदरित कीता। सपैशन पी.पी. मुख्ख मंतरी दी मुछ्छ दा वाल सी। ज़िल्हा अटारनी नूं अजिहे बंदे दी तलाश सी। इस ज़िल्हे ’च उस दी टरम पूरी हो चुक्की सी। अपरैल ’च बदली दी संभावना सी। जे गिआन सिंघ ख़ुश हो गिआ तां केस दी पैरवाई दे बहाने बदली रुकवा देवेगा। बदली नां रुकवा सकिआ तां चंगा सटेशन दिवा देवेगा।
केस दी तिआरी दे नाल-नाल गिआन सिंघ नूं ख़ुश करन वल्ल वी धिआन दित्ता गिआ। उस दी मन-पसंद विसकी दे बरांड दा पता कीता गिआ। उस नूं किस किसम दे ‘सनैकस’ पसंद सन, इह खुरा खोजिआ गिआ। फेर उसे मुताबक किसे नूं तित्तर फड़न भेजिआ गिआ ते किसे नूं मछ्छी।
पुलिस विभाग नें वी आपणी गंभीरता दा सबूत दित्ता।
पैरवाई लई इक विशेश टीम बणाई गई। सुंदर दास इंसपैकटर नूं इस दा मुखी बणाइआ गिआ। टीम विच लिखा-पहड़ी दे माहिर अफ़सर वी लए गए अते मार-धाड़ करन वाले वी। मार-धाड़ वाले अफ़सरां नें गवाहां नूं तलब करना सी। माहिरां नें बिआन समझाउणा सी। सुंदर दास नें उहनां गवाहां नाल आप नजिठ्ठणा सी, जिहड़े गवाही देण तों टलण दा यतन करन।
मीडीए राहीं सरकार दे इहनां यतनां दा ख़ूब प्रचार कीता गिआ।
संघ नें वी कमरकस्से कस्स लए। इश वार उह गवाहां नूं संमती दे चुंगल विच नहीं फसण देणगे।
मोता सिंघ नें वी अहुदा संभाल लिआ।
घर-घर उस दी ईमानदारी अते दलेरी दे चरचे होण लग्गे।
कोई आखदा अठ्ठ साल दी नौकरी दे बावजूद वी उस कोल सकूटर तक नहीं, नां रंगदार टी.वी. है। बच्चिआं दी पहड़ाई दा ख़रच चलाउण लई उस नूं कदे जी.पी. फंड विचों उधार लैणा पैंदा है, कदे यारां-दोसतां कोलों।
कोई आखदा। उह सरदारां दा काका है। पंजाह एकड़ ज़मीन इकल्ले दे हिस्से आउंदी है, पैसे ’ते धार नहीं मारदा।
कोई आखदा। उह मुख्ख मंतरी तक दी परवाह नहीं करदा। बलताकार दे इक केस विच उस नें इक ऐम.ऐल.ए. नूं सज़ा सुणा दित्ती सी।
कोई आखदा। इक वार लुधिआणा दा इक सनअतकार उस नूं इक लख्ख रुपिआ देण आइआ सी। जज्ज नें नोटां वाला बैग सड़क ’ते वगाह मारिआ सी ते सेठ नूं रिशवत देण दे दोश विच जेल्ह भिजवा दित्ता सी।
मोता सिंघ दी नियुकती ’ते संमती नां ख़ुश सी, नां उदास। किसे ऐम.ऐल.ए. नूं विशेश हालत विच सज़ा सुणाउणा जां पैसे ठुकराउणा होर गल्ल सी, सिआसी दबाअ नूं ठुकरा के निरपख्ख फ़ैसला सुणाउणा होर गल्ल।
फेर वी इक तसल्ली सी। नां मोता सिंघ नूं पैसा ख़रीद सकेगा, नां नाअरे डरा सकणगे। नां विसकी दी पेटी बदले किसे नूं तारीख़ मिलेगी, नां किसे डिपटी नूं कोठी वड़न दित्ता जाएगा।
संघ लई इह ख़ुशीआं भरिआ मौका सी।
सपैशल पी.पी. दी नियुकती नाल संघ दी वाहवा होण लग्गी सी। लोकां नूं यकीन होण लग्गा कि सरकारे-दरबारे संघ दी हाले वी पुछ्छ है।
संघ दी इस प्रापती ’ते कई रुस्से वरकर मंन गए। संघ दीआं मीटिंगां विच मुड़ रौणक होण लग्गी।
भावें दोहां धिरां नूं जज्ज ’ते विशवास सी, फेर वी कोई धिर ज़ोख़म नहीं सी उठा रही।
पुलिस गवाहां पिछ्छे हरल-हरल करदी फिरदी सी।
पुलिस अते ज़िल्हा अटारनी दीआं सरगरमीआं नूं धिआन विच रख्खदिआं संमती नें अहिम-अहिम गवाह मुड़ खिसका लए।
संघ नें आपणे पक्के गवाहां ’ते पुलिस दा पहिरा लगवा लिआ।
जिहड़े-जिहड़े गवाह मिले उहनां नूं फड़ के पुलिस नें ज़िल्हा अटारनी अग्गे पेश कीता।
जिहड़े गवाह नहीं मिल रहे सन, उहो अहिम सन। उहनां नूं वार-वार समझाउणा ज़रूरी सी। सपैशल पी.पी. नें वी उहनां ’ते ही मग़ज़-खपाई करनी सी।
पेशी विच इक दिन बाकी सी। सवेरे ही गिआन सिंघ हुरां आ जाणा सी। गवाह सन कि पूरे नहीं सन हो रहे।
घबराए ज़िल्हा अटारनी नें पुलिस कपतान नूं फ़ोन कीता।
कपतान नें ख़ुफ़ीआ विभाग तों रिपोरट मंगी। कुझ गवाह बाबे दी कोठी सन अते कुझ गुरमीत दे घर।
अजिहे गवाहां नूं तलब करन लई संमती नाल टक्कर लैणी पैणी सी। कपतान अजिहे मूड विच नहीं सी। ख़ुफ़ीआ विभाग ’ते भरोसा नहीं सी कीता जा सकदा। जे गवाह कोठीउं नां मिले तां मुसीबत खड़ी हो जाएगी। मुख्ख मंतरी दीआं हदाइतां तों बिनां उह कोई वी ग़ैर-कानूंनी कंम करन नूं तिआर नहीं सी।
ज़िल्हा अटारनी चुप्प कर गिआ। उस दी डिऊटी पुलिस वल्लों लिआंदे गवाहां नूं समझाउणा सी। जिहड़े गवाह हाज़र सन उहनां नूं तोते बणा दित्ता गिआ सी। जे पुलिस बाकी गवाह तलब करन तों झिजकदी सी तां ज़िल्हा अटारनी नूं बला आपणे गल पाउण दी की ज़रूरत सी।
चुप्प कर के उह सपैशल पी.पी. दी उडीक करन लग्गा।
सपैशल पी.पी. मिथे समें ’ते पुज्ज गिआ।
गवाहां बारे रिपोरट तसल्लीबख़श नहीं सी।
इहो सथिती रही तां पेशी होर लैणी पएगी जां गवाहां नूं सफ़ाई धिर दे हक्क विच भुगत जाण देणा पएगा। दोहां सथितीआं विच नुकसान सरकारी धिर दा होएगा।
डिपटी सैकटरी नूं फ़ोन कीता गिआ। उस नूं तुरंत ज़िल्हा हैड्डकुआरटर बुलाइआ गिआ।
सारे अहिलकारां नें सथिती दा जाइज़ा लिआ।
बहिस दा सार इह सी कि सारे गवाह झूठे सन। संमती गवाहां दी आतमा नूं झंजोड़न विच कामयाब हो चुक्की सी। हुण गवाह झूठ बोलण तों टल रहे सन।
जो गिआ सो गिआ। अहिलकारां दा कंम सरकार दा वकार बहाल करना सी। इथों ही कोई राह लभ्भिआ जाणा चाहीदा सी।
गिआन सिंघ चाहुंदा सी, गवाह जिथे वी होण उहनां नूं चुक्क लिआंदा जावे। गवाह नां मिलण तां वारिसां ’ते सख़ती कीती जावे।
इस मशवरे नाल कोई अफ़सर सहिमत नहीं सी।
डिपटी कमिशनर अते पुलिस कपतान कोल पक्की ख़बर सी कि संमती नें आपणी सारी ताकत इक-मुठ्ठ कर रख्खी सी। उह किसे मौके दी ताक विच सी। मौका मिलदे ही उस नें आपणी शकती दा विखावा करना सी। धरनिआं, रैलीआं अते जलसे-जलूसां राहीं सरकार बदनाम कीती जाणी सी। पुलिस वल्लों इक वी गवाह नूं हत्थ पाउण नाल सूबा-विआपी लहिर उठ्ठ खड़ोणी सी।
डिपटी सैकटरी दी वी इहो राए सी। मुख्ख मंतरी साहिब दी सख़त हदाइत सी, मुकद्दमा कानूंनी चाराजोई नाल जित्तिआ जाए। सरकार पहिलां ही बहुत बदनाम हो चुक्की सी। केस नूं गलीआं विच होर नां घड़ीसिआ जावे।
कानूंनी राह इको सी। पहिलां इह पता लाइआ जावे कि किहड़ा गवाह किस कोल है? गवाह किथे छुपिआ है? फेर उस थां दा ‘सरच-वारंट’ लिआ जावे।
सरच-वारंट हासल करन लई अदालत विच दरख़ासत दित्ती गई।
दरख़ासत विच दोश लाइआ गिआ। सफ़ाई धिर गवाहां नूं डरा-धमका रही सी। कई गवाह उस दे कबज़े विच सन, उहनां नूं रिहाअ कराइआ जावे। गवाह निरपख्ख हो के गवाही दे सकण, इस लई इह ज़रूरी सी।
वारंट जारी होण तों पहिलां लीगल सैल्ल नें वी दरख़ासत दे दित्ती। वारंट जारी करन तों पहिलां उसनूं वी सुणिआ जावे।
सैल्ल नूं वी सपैशल पी.पी. वाला इतराज़ सी। गवाह सच्च बोलणा चाहुंदे सन, पुलिस झूठ बुलाउणा चाहुंदी सी।
इसे कारन पिछली पेशी गवाह नहीं सन लिखे गए। महीने दी तारीख़ पा के जज्ज नें पुलिस नूं मन-मानी करन दा खुल्ल्हा समां दित्ता सी।
गुरमीत नें मंनिआ कुझ गवाह सफ़ाई धिर कोल सन। संमती गवाहां नूं अदालत विच पेश करन लई तिआर सी। अदालत इह यकीन दिवाए कि कोई धिर गवाहां ’ते दबाअ नहीं पाएगी। गवाहां नूं मरज़ी नाल बिआन देण दी खुल्ल्ह होएगी।
गिआन सिंघ भंबल-भूसिआं विच पै गिआ। इनसाफ़ दे पख्खों सफ़ाई धिर दी दलील दरुसत सी। जे उह सफ़ाई दा वकील हुंदा तां इहो दलील दिंदा।
गिआन सिंघ दी ज़मीर आखदी सी, उह संमती दी दलील दा विरोध नां करे, पर वकील दी आपणी कोई ज़मीर नहीं हुंदी। उस नूं उसे धिर दी ज़मीर दी अवाज़ नूं सुणना पैंदा है, जिस दा उह वकील हुंदा है। इस समें गिआन सिंघ सरकार दा नमक खा रिहा सी। उस नूं उसे दी बोली बोलणी पैणी सी।
“गवाह सरकारी धिर दे हन। सरकारी वकील नूं आपणे गवाहां नूं मिलण दा अते उहनां नूं बिआन समझाउण दा पूरा हक्क है।”
“गवाह किसे धिर दे नहीं हुंदे। उहनां जो देखिआ-सुणिआ हुंदा है, उहनां उहो दस्सणा हुंदा है। उहनां नूं कुझ पहड़ाउण जां समझाउण दा की मतलब?” गुरमीत सिंघ नें गिआन सिंघ दे तरक नूं कट्टिआ।
जज्ज गुरमीत नाल सहिमत सी।
पर गवाही तक गवाहां नूं रख्खिआ किथे जावे?
सरकारी धिर नूं जेल्ह ही ढुकवीं थां लग्गी सी।
सफ़ाई धिर नूं इस ’ते सख़त इतराज़ सी। जेल्ह थाणे दा ही दूसरा नां सी। आखण नूं इह निआंइक हिरासत सी। कंटरोल उथे वी पुलिस दा सी। पुलिस उथे असानी नाल आ-जा सकदी सी। गवाहां नूं डरा-धमका सकदी सी। सफ़ाई धिरां दी उथे चिड़ी तक नहीं फड़क सकेगी।
“मैं गवाहां नूं आपणी कोठी तां रख्खणों रिहा?” खिझे जज्ज नें ढुकवीं थां दा फ़ैसला सफ़ाई धिर ’ते सुट्ट दित्ता।
गुरमीत दा विचार सी कि गवाहां नूं जलंधर दे ‘आबज़रवेशन होम’ विच भेज दित्ता जावे। उथों दे मुलाज़म सरकार दे सिध्धे प्रभाव हेठां नहीं सन।
अदालत वल्लों ‘होम’ दे अधिकारीआं नूं हदाइतां जारी होईआं।
गवाहां नूं बाकी बंदिआं नालों अलग्ग रख्खिआ जावे। इसतगासे जां सफ़ाई धिर तों लै के गवाहां दे रिशतेदारां तक नूं उहनां नाल नां मिलाइआ जावे।
वकीलां दा इक पैनल होम विच रहेगा। पैनल ’ते इक-इक नुमाइंदा दोहां धिरां दा होएगा अते इक अदालत दा। पैनल गवाहां ’ते नज़र रख्खेगा।
सरकारी धिर नूं भावें इह योजना जची नहीं सी पर उस कोल कोई बदलवां सुझाअ वी नहीं सी।
गवाह खुल्ल्हे माहौल विच निरपख्खता नाल सोच सकण, इस लई पेशी नूं इक हफ़ते लई अगांह खिसका दित्ता गिआ।
26
दस वजदिआं ही अदालती कारवाई शुरू हो गई।
गिआन सिंघ दी सहाइता लई ज़िल्हा अटारनी हाज़र सी। ज़िल्हा अटारनी दी सहाइता लई इक बुढ्ढा कलरक।
कलरक दे हत्थ विच मोटी सारी मिसल सी। मिसल नूं सज्ज-विआही वहुटी वांग सजाइआ गिआ सी। अज्ज भुगतण वाले गवाहां दे बिआनां ’ते रंग-बरंगे फलैग लगाए गए सन। हर फ़लैग ’ते गवाह दा नां लिखिआ गिआ सी।
मेज़ ’ते कुझ किताबां वी सजाईआं गईआं सन। हर पुसतक दे कुझ विशेश पंनिआं विचकार काग़ज़ फसाइआ गिआ सी। लोड़ पैण ’ते पंना तुरंत कढ्ढिआ जा सके, इस सहूलत दा धिआन रख्खिआ गिआ सी।
जिउं ही मुशताक अली गवाह नूं हाज़र होण लई आवाज़ पई, ब्ढे बाबू नें फ़लैग तों अली दा नां पहड़िआ, बिआन वाला पंना कढ्ढिआ अते बड़े अदब नाल मिसल सपैशल पी.पी. दे अग्गे रख्ख दित्ती।
गिआन सिंघ कई दिनां तों मिसल नूं घोटा लाउंदा आ रिहा सी। बिआन दा अख्खर-अख्खर उस नूं याद सी। फेर वी रसमी कारवाई पूरी करन लई उस नें बिआन ’ते नज़र मारनी शुरू कीती।
पुलिस अनुसार मुशताक अली पिछले तीह साल तों शहिर विच पहिरेदारी करदा सी। शहिर दी सड़क-सड़क अते गली-गली दा उह वाकिफ़ सी। सड़क ’ते घुंमण वाले ओपरे बंदे नूं उह तोर तों ही पछाण लैंदा सी।
वकूए वाले दिन उस दी डिऊटी हसपताल वाले इलाके विच सी। रात दे गिआरां कु वजे दो आदमी उस नूं मिले सन। तेज़-कदमीं उह हसपताल दे अहाते वल्ल जा रहे सन। इक दी कुछ्छड़ विच बोरी सी। बोरी विच कुझ लपेटिआ होइआ सी।
खंभे दी रौशनी विच पहिरेदार नें दोहां नूं घेर लिआ। किथों आए हो? किधर जाणा है? अजिहे सारे रसमी सवाल उस नें पुछ्छे सन। इक नें आपणा नां पाला अते दूजे नें मीता दस्सिआ सी। उह गड्डीउं उतर के आए सन। उहनां धानकिआं दी बसती जाणा सी।
पहिरेदार दी तसल्ली हो गई। गड्डी दा समां सी। देखण नूं वी उह धानकिआं दे ही मुंडे लग्गदे सन। जिस दिशा वल्ल जा रहे सन, उधर चोरी होण दी संभावना नहीं सी।
बसती विच दिने कुझ नहीं लभ्भदा, रात नूं की लभ्भणा सी?
पहिरेदार नें बिनां रोक-टोक दे उहनां नूं हसपताल वल्ल जाण दित्ता सी।
उस रात पहिरेदार नूं जिहड़े बंदे मिले सन उह उहो सन, जिहड़े अज्ज दोशीआं दे कटहिरे विच खड़े सन। जिस बोरी विचों बंटी दी लाश मिली सी, उह वी उहो सी, जिहड़ी इहनां विचों इक नें आपणी कुछ्छड़ दित्ती होई सी।
इह गवाह मुदई्ई धिर लई बहुत अहिम सी, पर सी इह संमती-पख्खी। पहिलां वी इह संमती दे कबज़े विच रिहा सी। हुण वी ‘होम’ विचों आइआ सी।
गिआन सिंघ दा तजरबा आखदा सी कि सफ़ाई धिर दा नमक खाण वाला गवाह मुदई्ई धिर दे हक्क विच कदे वी नहीं भुगतदा। फेर वी आस दी इक किरन उस नूं दिखाई दिंदी सी।
पुलिस अते पहिरेदार इको सिक्के दे दो पासे सन। इक दी दूजे बिनां गती नहीं सी हुंदी। पुलिस नें पहिरेदार तों शक्की बंदिआं दी मुख़बरी लैणी हुंदी सी ते बदले विच पहिरेदार नें सुरख्खिआ। पहिरेदार दे सिर ’ते पुलिस दा हत्थ नां होवे तां चोर-उचक्के आथण नूं उस दा भुग्गा कुट्ट देण। गिआन सिंघ नूं उमीद सी, पहिरेदार समुंदर ’च रहि के मगरमछ्छ नाल दुशमणी मुल्ल नहीं लएगा।
आशा-निराशा दीआं घुंमण-घेरीआं विच फसिआ सपैशल पी.पी. मुशताक अली दा बिआन कराउण लग्गा।
गिआन सिंघ दी आस धरी-धराई रहि गई।
मुशताक अली मक्कर जांदा तां कोई अणहोणी गल्ल नां हुंदी पर उस दा बिआन पुलिस कहाणी नूं जिहड़ा नवां मोड़ कटा गिआ, इह सभ लई चिंता दा विशा सी।
कटहिरे विच खड़े दोहां दोशीआं नूं अली बचपन तों जाणदा सी। जदों उह चोरीआं करिआ करदे सन तां कई वार पहिरेदार दे हत्थ आए सन। पहिलां उह उहनां दी ख़ुद धौड़ी लाहुंदा सी, फेर पुलिस दे हवाले करदा सी। जे उस रात उह उस नूं मिले हुंदे जां उहनां कोई जुरम कीता हुंदा तां अली उहनां नूं सुक्के नां जाण दिंदा।
कुझ अरसे तों उह जराइम-पेशे नूं तिआग चुक्के सन। हलाल दी रोटी खाण वाले नूं सड़कां कछ्छण दी ज़रूरत नहीं पैंदी।
सच्च पुछ्छो तां उस रात पाले अते मीते दी थां पुलिस दी जीप उस इलाके ’च चक्कर कट्टदी रही सी। पहिलां जदों वी कदे पुलिस पहिरेदार नूं मिलदी तां ‘सभ अछ्छा’ दी रिपोरट लैंदी। उस दिन जीप पहिरेदार तों किनारा करदी रही। आख़री चक्कर ’च जीप डंगरां दे हसपताल गई अते काफ़ी देर उथे रुकी रही।
उहनीं दिनीं शहिर ’च करफ़िऊ लग्गा होइआ सी। किसे ऐरे-ग़ैरे बंदे दा सड़कां ’ते घुंमण दा सवाल ही पैदा नहीं सी हुंदा। नां उस रात पाला अते मीता उस नूं मिले सन नां पुलिस कोल उस नें कोई बिआन दित्ता सी।
अली नूं शक्क सी कि इह लाश पुलिस नें उथे सुट्टी सी।
मरे-मुक्करे दा कोई इलाज नहीं हुंदा। फ़ज़ूल दे सवाल पुछ्छ के गिआन सिंघ समां बरबाद करना नहीं सी चाहुंदा।
सफ़ाई धिर दा बुत्ता उंझ ही सर गिआ।
झट्ट अगले गवाह नूं बुलाइआ गिआ।
अगला गवाह तारा मसीह सी, जो हसपताल दा चौकीदार सी। उह वी अबज़रवेशन होम विचों आइआ सी। उस वल्लों बोली जाण वाली बोली दा किआस वी गिआन सिंघ भली प्रकार ला सकदा सी।
पुलिस बिआन अनुसार उस रात चौकीदार नें दो शक्की बंदिआं नूं हसपताल दे उजाड़ कमरिआं विचों निकले देखिआ सी। चौकीदार नें उहनां दा पिछ्छा कीता सी। हत्थोपाई होई सी। बंदे तां भज्ज गए पर निशानी पिछ्छे छड्ड गए। इक दा बटूआ डिग्गा सी अते दूजे दी पग्ग। बटूए विचों मीते दी फ़ोटो निकली सी। पग्ग दी पछाण ललारी नें कीती सी। उह पाले दी सी।
मुदई्ई धिर लई इह गवाह वी बड़ा अहिम सी। आपणे बिआन तों तां इह मुक्करेगा ही, किधरे इह वी अली दे राह नां तुर पए। गिआन सिंघ नूं इहो फ़िकरसी।
ज़िल्हा अटारनी सपैशल पी.पी. दी पिठ्ठ थापड़ रिहा सी। इह गवाह सरकार दे हक्क विच भुगतेगा, उह यकीन दिवा रिहा सी।
सख़त पहिरे दे बावजूद वी पुलिस उस नाल होम विच संपरक काइम कर चुक्की सी। गवाह नूं समझाइआ वी गिआ सी अते डराइआ वी। जे उह सही भुगत गिआ तां सरकार वल्लों इनाम मिलेगा, मुक्कर गिआ तां हत्थकड़ी।
उस नूं इस केस विच उलझाउणा बहुत आसान सी।
उह हसपताल दा चौकीदार सी। रात नूं पहिरा देणा उस दी डिऊटी सी। चौकीदार दे हाज़र हुंदिआं हसपताल विच लाश किवें आई? चौकीदार ख़ुद कातल सी जां कातलां नाल मिलिआ होइआ सी।
चौकीदार नूं समझाउण वाले उस दे अफ़सर नूं वी कचहिरी विच बुलाइआ गिआ सी। अफ़सर दे हाज़र-नाज़र हुंदिआं उह भला पुलिस बिआन दी पुशटी किउं नहीं करेगा?
होइआ उहो जिस दी गिआन सिंघ नूं तवक्को सी। तारा मसीह नें नां धमकीआं दी परवाह कीती नां अफ़सर दी हाज़री दी।
उलटा उस नें ठोक-वजा के मुशताक अली वल्लों सिरजी कहाणी दी पुशटी करनी शुरू कर दित्ती।
वकूए वाले दिन दोशीआं दी थां पुलिस हसपताल आई सी। चौकीदार नूं जागदा देख के उह घबराई सी। चाह बणाउण दे बहाने चौकीदार नूं उथों टालिआ गिआ सी। जदों तक उह चाह बणा के लिआइआ, पुलिस जा चुक्की सी। चौकीदार दा मत्था उदों ही ठणक गिआ सी। पुलिस उस नूं फसाउण लई किधरे कुझ सुट्ट ही नां गई होवे, उस नें इधर-उधर झात मारी सी। उस नूं कमरे दी इक नुक्कर विच पई बोरी ओपरी-ओपरी जिही लग्गी सी पर मसीह नें बोरी वल्ल बहुता धिआन नहीं सी दित्ता।
पुलिस दी जीप जाण दे घंटा बाअद ही उथे पहिरा लग्ग गिआ। फेर पुलिस नें ख़ुद ही शोर मचाइआ, “बंटी दी लाश लभ्भ पई, बंटी दी लाश लभ्भ पई।”
चौकीदार नें कोई कुताही नहीं सी कीती। नां ओथे कोई ओपरा बंदा आइआ सी, नां उस दी किसे नाल हत्थोपाई होई सी। नां किसे दा बटूआ डिग्गा सी नां पग्ग।
तारा मसीह दे बिआन नाल गिआन सिंघ दे मनों भुलेखा निकल गिआ। सफ़ाई धिर दे वकील नां नवें सन नां अनाड़ी। बड़ी सूझ-बूझ नाल उह केस लड़ रहे सन। मुदई्ई दीआं जुत्तीआं नाल ही मुदई्ई दा सिर कट्ट रहे सन।
“मुरदा बोलू खफ्फण पाड़ू।” समझे समझाए गवाह तों होर सवाल पुछ्छणा ख़तरनाक सिध्ध हो सकदा सी। ढोल नूं ढक्किआ ही रहिण देणा चाहीदा सी।
अगले सारे गवाह संघ दे आपणे सन। इट्ट वरगे पक्के। उहनां दे सही भुगतण नाल दोशीआं नूं सज़ा होण दी संभावना बण सकदी सी। गिआन सिंघ उहनां गवाहां वल्ल धिआन केंदरत करन लग्गा।
सौ फ़ीसदी सरकार दे हक्क विच भुगतण वाले पहिले गवाह दा नां राम सरूपसी।
उह बरामदगी दा गवाह सी।
ग्रिफ़तारी पिछ्छों दोशीआं दी पुछ्छ-गिछ्छ उसे साहमणे होई सी।
पुछ्छ-गिछ्छ दौरान पहिलां पाले नें इकबाल कीता सी। उह राड जिस नाल बंटी मारिआ गिआ सी, उस नें शहिर दे बाहरले भठ्ठे दे खंडरां विच छुपा रख्खी सी। उस बारे केवल उसे नूं पता सी। निशानदेही करके बरामद करवा सकदा सी।
फेर ज़ेर हिरासत पुलिस अग्गे-अग्गे चल्ल के पाले नें उह राड बरामद कराई सी। उह राड अज्ज अदालत विच हाज़र सी।
इसे तरहां मीते नें बिआन दित्ता सी। बंटी दी उह वरदी जिहड़ी अगवा समें उस नें पहिन रख्खी सी, मीते नें मोमी काग़ज़ विच लपेट के आपणे घर दे विहड़े विच दब्ब रख्खी सी।
फेर पुलिस राम सरूप समेत मीते दे घर गई सी। मीते नें दस्सी होई थां तों वरदी बरामद कराई सी। वरदी नूं राम सरूप नें बंटी दी होणा शनाख़त कीता सी।
दोहां बरामदगीआं दीआं फ़रदां बणीआं सन। फ़रदां ’ते राम सरूप नें सही पाई सी। पुलिस नें उस दा बिआन वी लिखिआ सी जो बिलकुल दरुसत सी।
रटे-रटाए बिआन नूं हू-बहू दुहराउण विच राम सरूप नूं कोई दिक्कत महिसूस नहीं सी होई।
सफ़ाई धिर वल्लों राम सरूप ’ते जिराह पिआरे लाल नें करनी सी।
पिआरे लाल दा बहुता ज़ोर इह साबत करन ’ते लग्गणा सी कि आउण वाले सारे गवाह (’इनटरैसटड विटनैस’ सन। ‘इनटरैसटड विटनैस’ अजिहे गवाह नूं आखिआ जांदा है, जिस दी वफ़ादारी इनसाफ़ नाल घट्ट पर उस धिर नाल ज़िआदा हुंदी है जिस वल्लों उह गवाही देण आइआ हुंदा है। फ़ौजदारी केसां विच अजिहे गवाहां दी बहुती अहिमीअत नहीं रहिंदी)।
पहिली लड़ी दे सारे प्रशन इसे उदेश नूं मुख्ख रख्ख के पुछ्छे गए सन। सभनां प्रशनां दा उत्तर राम सरूप नूं हां विच देणा पिआ।
इह ठीक सी कि उह युवा संघ दा प्रधान सी। युवा संघ दी नींह लाला जी नें रख्खी सी। युवा-संघ बंटी दे अगवा होण तों लै के हुण तक पूरी तरहां इस केस नाल जुड़िआ रिहा सी। बच्चे नूं जलदी बरामद कीता जावे। पहिलां इस मुद्दे नूं लै के संघ नें शहिर विच हड़तालां करवाईआं, जलसे कीते अते जलूस कढ्ढे। पाले अते मीते दी ग्रिफ़तारी ’ते संघ नें जशन मनाए। हुण संघ मुकद्दमे दी पैरवाई कर रिहा सी। पहिलां-पहिल दोशीआं नूं फाहे लाउण दी मंग लै के कचहिरी विच नाअरेबाज़ी वी हुंदी रही सीआदि।
दूजी लड़ी दे प्रशनां नें इह साबत करना सी कि राम सरूप नें इसे उदेश दी प्रापती लई झूठ बोलिआ सी।
पाले कोलों बरामद होई राड बारे बहुती पुण-छाण दी ज़रूरत नहीं सी। डाकटर पहिलां ही साबत कर चुक्का सी कि बरामद होई राड उह नहीं सी जिस नाल बंटी दे सट्ट मारी गई सी।
मीते कोलों वरदी बरामद होई दिखा के पुलिस इह साबत करना चाहुंदी सी कि असल कातल उहो सन। कातलां दा वरदी लाहुण दा मकसद बच्चे दी शनाख़त छुपाउणा सी।
पर सिआणी पुलिस अते चुसत गवाह इह भुल्ल गए सन कि असल वरदी पहिले दिन ही लाला जी दे घर पुज्ज चक्की सी।
राम सरूप दा मुखौटा उतारन लई पिआरे लाल विअंगमई सवाल पुछ्छण लग्गा।
प्रशन। “सकूल जांदा बच्चा इक वरदी पहिनदा है जां दो?”
उत्तर। “इक।”
प्रशन। “इह ठीक है कि बंटी दे अगवाकारां नें बंटी दा बसता अते फिरौती बारे इक चिठ्ठी इक टोपीए हेठ छुपा के लाला जी दे घर अग्गे रख्ख दित्ती सी?”
उत्तर। “हां।”
प्रशन। टोपीए हेठों बसते दे नाल-नाल बंटी दी इक वरदी वी मिली सी। इह वी ठीक है?”
उत्तर। “जी हां।”
प्रशन। “फेर बंटी दी असल वरदी तां उस दिन बरामद हो गई सी। मीते कोल वरदी किथों आई?”
इस प्रशन दा उत्तर दिंदे राम सरूप दे मत्थे ’ते पसीने दीआं बूंदां टपक पईआं। उस दा सरीर कंबण लग्गा। अख्खां अग्गे भंबू-तारे नच्चण लग्गे। राम सरूप नूं लग्गा जिवें उस दा बलड्ड-प्रैशर इक दम वध गिआ। किसे वी समें उस दा सिर फट सकदा सी।
राम सरूप दा उत्तर सुणन लई चारे पासे सन्नाटा छा गिआ। लग्गदा सी जिवें कुझ पलां लई वकत रुक गिआ।
“बोल बई.....। हां जां नां विच उत्तर दे।” जज्ज गवाह नूं बहुती देर ख़ामोश रहिण दी इजाज़त नहीं सी दे रिहा।
“इस बारे मैनूं की पता? मैनूं तां इंना पता बई इह वरदी बंटी दी है।”
कुझ देर ख़ामोश रहि के वी जदों राम सरूप नूं कोई ढुकवां उत्तर नां सुझिआ तां उस नें गिआन सिंघ वाला फ़ारमूला अज़माइआ सी। बिआन समझाउण लग्गिआं गिआन सिंघ नें दस्सिआ सी कि जिहड़े प्रशन दा उत्तर गवाह नूं ठीक आउंदा होवे उह दे देवे, जिस प्रशन दा उत्तर नां आउंदा होवे जां जिहड़ा प्रशन भंबल-भूसिआं विच पाउंदा होवे अजिहे प्रशन दे उत्तर नूं ‘याद नहीं’ आख के टाल दित्ता जावे।
अग्गे पिआरे लाल वी पीरां दा पीर सी। भलमाणसी नाल खहिड़ा छड्डण वाला उह वी नहीं सी।
दूजी वरदी किथों आई, इस बारे राम सरूप नूं चंगी तरहां पता सी। किसे होर नें नहीं, राम सरूप नें ख़ुद इह वरदी लाला जी दे घरों खिसकाई सी। वरदी हासल कर के नाज़र सिंघ नें हिक्क थापड़ के आखिआ सी, “वरदी दी बरामदगी दिखा के इक नूं तां बच्चू बणा दूं।”
उस समें राम सरूप नूं की पता सी कि कचहिरी विच उसे नूं बच्चू बणना पऊ।
राम सरूप दे मूंहों ऊट-पटांग उत्तर सुण के गिआन सिंघ दा दिल धक्क-धक्क करन लग्गा। उस नें इह केस प्रसिध्धी प्रापत करन लई लिआ सी। लग्गदा सी कालख़ दा टिक्का मत्थे लग्गेगा।
पुलिस दे हक्क विच खड़ोण वाला दूसरा गवाह देस राज भांडिआं वाला सी। उह वी लाला जी दे भगतां विचों इक सी।
पिआरे लाल ग़फ़ूर मीआं वाला फ़ारमूला देस राज ’ते वी लागू करना चाहुंदा सी। शाइद उह वी गीता ’ते हत्थ रख्ख के झूठ नां बोले। लोकां नूं धरम दे रसते चल्लण दीआं नसीहतां देण वाला ख़ुद कुराहे पएगा इस दी पिआरे लाल नूं आस नहीं सी। गीता ’ते हत्थ रख्ख के कुझ पलां लई उह झिजकिआ। झट्ट ही संभल गिआ। फेर टेप रिकारड वांग उह बिआन सुणाउण लग्गा।
लाला जी दे घर अग्गे रख्खिआ टोपीआ देस राज दी दुकान तों विकिआ सी। ख़रीदण वाले नें टोपीए ’ते आपणा नां ख़ुदवाइआ सी। ख़रीददार पाला सी। पाला देस राज दा पुराणा गाहक सी। पहिलां उह देस राज कोल चोरी दा माल वेचिआ करदा सी। इह टोपीआ पाले नें बंटी दे अगवा होण तों दो दिन पहिलां ख़रीदिआसी। टोपीए ’ते उकरे नां तों देस राज नें पहिलां टोपीए दी शनाख़त कीती, फेर ख़रीददारदी।
जिराह विच देस राज नूं मंनणा पिआ कि उस दी थोक दी दुकान सी। उह इनकम टैकस दिंदा सी। सेल टैकस भरदा सी। पित्तल दे भांडिआं ’ते सेल टैकस लग्गदा सी। जिस चीज़ ’ते सेल टैकस लग्गदा होवे, उस दा बिल्ल कट्टणा पैंदा है। इस टोपीए नूं पाले नूं वेचण संबंधी देस राज नें नां कोई बिल्ल कट्टिआ सी नां अजिहे किसे विकरी दा ज़िकर उस दीआं वहीआं विच सी।
“बिल्ल किउं नहीं कट्टे गए? इंदराज किउं नहीं होए?”
इस दा उत्तर देस राज कोल नहीं, पिआरे लाल कोल सी।
देस राज जिस दिन टोपीआ वेचण दी गल्ल कर रिहा सी, उस दिन उह इस शहिर विच हाज़र नहीं सी। देस राज भांडे ख़रीदण जगाधरी गिआ होइआ सी। उथे उह दो दिन रिहा सी। पिआरे लाल नें उहनां फ़रमां दे नां दस्से अते बिल्लां दीआं नकलां पेश कीतीआं, जिथों उस नें माल ख़रीदिआ सी। सेल टैकस दे उह फ़ारम वी पेश कीते, जिहड़े उस नें जगाधरी दीआं फ़रमां नूं दित्ते सन अते जिनहां उपर उस दे दसतख़त सन।
देस राज नूं झूठा साबत करन लई होर वी सबूत पेश कीते गए।
पहिलां-पहिल इस केस दी तफ़तीश मनबीर सिंघ थाणेदार नें कीती सी। पैसे बटोरन लई उस नें प्रैस अते भांडिआं वालिआं नूं थाणे बुलाइआ सी। मनबीर सिंघ नें देस राज दा बिआन कलमबंद कीता सी। उस समें देस राज नें जगाधरी जाण दा बहाना घड़ के आपणा खहिड़ा छुडाइआ सी। जे इह टोपीआ पाले नें ख़रीदिआ सी तां देस राज नें उस समें उस दा नां किउं नहीं लिआ?
भांडिआं वालिआं नें मनबीर दी धक्केशाही विरध्ध जलूस कढ्ढिआ सी। उस दे विरुध्ध शहिर विच पोसटर लग्गे सन। पोसटरां विच होरां तों इलावा देस राज दे वी दसतख़त सन। जे टोपीआ उसे कोलों विकिआ सी तां उस नें मनबीर नूं पैसे किउं दित्ते? पाले दा नां किउं नां लिआ?
किसे वी प्रशन दा देस राज कोल उत्तर नहीं सी।
सिर सुट्टी उह उस घड़ी नूं कोसदा रिहा जिस घड़ी उस नें गवाही पाउण लई हां कीती सी।
कमला प्रिंटिंग प्रैस वाले कमल प्रशाद नें वी पुलिस कहाणी दी ही ताईद करनी सी।
जिनहां लैटर-पैडां ’ते दोशीआं नें धमकी-पत्तर लिखे सन, उह पैड उसे दी प्रैस विच छपे सन। पैड मीते नें छपवाए सन। पैड छपवाउण लई उस नें पिसतौल दी वरतों कीती सी। लोकां नूं धमकी-पत्तर लिख के पैसे वसूलण वालीआं बीसीआं जथेबंदीआं बणीआं फिरदीआं हन। कोई इहनां दा आखा नां मंने, इह गोली मार दिंदे हन।
डरदे कमल प्रशाद नें वी काग़ज़ छाप दित्ते। दहिशतगरदां तों डरदा पहिलां उह चुप्प रिहा। ग्रिफ़तारी बाअद उस नें मीते नूं पछाण लिआ।
कमल प्रशाद ’ते जिराह करन दी वारी मोहन जी दी सी।
कमल प्रशाद नें मंनिआ कई सालां तों उह सेवा संमती दा प्रधान चलिआ आ रिहा सी। लाला जी वल्लों लाए हर कैंप विच उह मोहरी हुंदा सी। सेवा संमती वल्लों छापे जांदे सभ इशतिहार उसे दी प्रैस तों छपदे सन। सेवा संमती तों उह कोई पैसा नहीं सी लैंदा।
प्रैस दा मालक होण दे नाते उह काऊंटर ’ते बैठदा सी। कंपोज़ करना जां मशीन चलाउणा उस दे वस्स दा रोग नहीं सी। वरकरां दे हुंदे इस दी ज़रूरत वी नहीं सी।
इह पैड कंपोज़ किसे होर वरकर नें कीता सी अते छापिआ किसे होर वरकर नें सी। इस दी जिलदसाज़ी तीजी थां होई सी।
सारे कंम लई घट्टो-घट्ट दो घंटे दा समां तां लग्गा ही होएगा।
इह पैड किस वरकर नें कंपोज़ कीता? किस वरकर नें छापिआ? मीता किस समें आइआ? इंना समां उह किथे बैठा रिहा? इंने बंदिआं नूं इकल्ला किवें डराउंदा रिहा? जे उह धमकी दे के चला गिआ सी तां किसे नें पुलिस नूं इतलाह किउं नां दित्ती?
किसे वी प्रशन दा कमल प्रशाद कोल तसल्ली-बख़श उत्तर नहीं सी।
उस नें बस्स इको रट लाई रख्खी, “असीं डरे होए सी।”
कमल प्रशाद नूं इह वी याद नहीं सी कि पैड नूं वधीआ काग़ज़ लाइआ गिआ सी जां घटीआ? पैड दो रंगां विच छापिआ गिआ सी जां इक विच? किसे बलाक दी वरतों होई जां नहीं? सारे पैड लई इको तरहां दा काग़ज़ लग्गा सी जां तरहां-तरहां दा?
याददाशत ताज़ा कराउण लई उस नूं अदालत वाली मिसल दिखाई गई। मिसल नाल लग्गीआं चिठ्ठीआं दी उस तों घोख कराई गई।
सवालां दी झड़ी इक वार फेर लाई गई।
इह दरुसत सी कि मिसल नाल लग्गीआं चिठ्ठीआं दो तरहां दे पैड ’ते लिखीआं गईआं सन। इक पैड दा काग़ज़ वधीआ सी अते दूजे दा घटीआ। वधीआ काग़ज़ वाली पैड दी सिआही वी उत्तम सी अते छपी वी दो रंगां विच सी। इस पैड ’ते छपे जथेबंदी दे चिंनह नूं छापण लई बलाक दी वरतों कीती गई सी।
दूसरा पैड इक रंग विच छपिआ सी अते उस दी सिआही घटीआ सी।
जदों कमल प्रशाद तों इह पुछ्छिआ गिआ कि किहड़ा पैड उस दी प्रैस विचों छपिआ सी तां झट्ट उस नें दूसरी किसम दे पैड ’ते उंगल रख्ख दित्ती।
इहो सच्च सी। इह उहो पैड सी जिहड़ा नाज़र सिंघ नें उस तों छपवाइआ सी। वगार दे कंमां विच नां काग़ज़ वधीआ लग्गदा है, नां सिआही।
धमकीआं लिखण लई असल दोशीआं नें वधीआ पैड दी वरतों कीती सी। घटीआ पैड ’ते धमकीआं पुलिस नें पिछ्छों लिखवाईआं सन। इह तत्थ हत्थ-लिखत दा माहिर पहिलां ही साबत कर चुक्का सी। हुण सोने ’ते सुहागा हो गिआ सी।
केस दी आख़री कड़ी विच उह गवाह भुगतणा सी, जिस दे साहमणे दोशीआं नें बंटी नूं अगवा करन दी साज़िश घड़ी सी।
इह तत्थ राधे शिआम चाह वाले नें साबत करना सी।
राधे दी दुकान टरक्क यूनीअन दे साहमणे सी। दाणा-फक्का संभरदा पाला अकसर उस दी दुकान ’ते आइआ सी। मीते दा रेहड़ा वी उथों दी लंघदा हुंदा सी। उह वी राधे दी मुछ्छ-मरोड़ चाह दा शौकीन सी।
बंटी दे अगवा होण तों इक दिन पहिलां मूंह-हनेरे उह दोवें उस दी दुकान ’ते आए सन। अख़ीरले कैबन विच बैठ के उहनां चाह मंगवाई सी। चाह देण गए राधे नें उहनां दीआं गल्लां सुणीआं सन। उह किसे बच्चे नूं अगवा कर के पैसे बटोरन दीआं सकीमां घड़ रहे सन।
राधा कबीलदार बंदा सी। उह इहनां झंजटां विच नहीं सी पैणा चाहुंदा। गल्ल इक कंन सुणी ते दूसरे राहीं कढ्ढ दित्ती।
राधे शिआम दे पोतड़िआं तक सफ़ाई धिर नूं पता सी।
जिथे उह दुकान करदा सी, उह थां मिऊंसिपैलटी दी सी। दुकान करन तों पहिलां उह हलवाई दी दुकान ’ते नौकरी करदा सी। राम लील्हा दे दिनां विच चाह उसे हलवाई दी दुकान तों जांदी सी। चाह देण राधा जाइआ करदा सी।
लाला जी नूं राधे ’ते रहिम आ गिआ। पहिलां राधे नूं राम लील्हा गराऊंड विच तख़त-पोश रख्ख के चाह दी दुकान लाउण दी इजाज़त दित्ती गई। फेर कमेटी दे प्रधान कोल सिफ़ारश कर के इह थां अलाट कराई गई। इस तरहां लाला जी नें राधे नूं नौकर तों मालक बणाइआ। उह लाला जी दा अंनहा भगत बण गिआ। लाला जी लई उह खूह ’च छाल मारन लई तिआर सी। झूठी गवाही देणा तां मामूली गल्लसी।
इह वी ठीक सी कि उस कोल दस-बारां मुलाज़म कंम करदे सन। पंदरां-वीह गाहक हर वकत दुकान ’ते बैठे रहिंदे सन। राधे शिआम नूं तां भठ्ठी ही जकड़ी रख्खदी सी। गाहकां नूं चाह फड़ाउण दा उस कोल वकत किथे?
फेर उस दिन उह चाह फड़ाउण किउं गिआ? राधे कोल इस प्रशन दा कोई उत्तर नहीं सी।
राधा झूठ बोल रिहा सी। उस दी दुकान विच कोई साज़िश नहीं घड़ी गई। राधे नूं झूठा साबत करन लई मोहन जी सबूत पेश करन लग्गा।
जिस दिन साज़िश घड़ी दस्सी गई सी, उस दिन पाला इस शहिर विच मौजूद नहीं सी। उस दिन उह पटिआले गिआ होइआ सी।
जीवन आहड़तीए दा कोई रिशतेदार राजिंदरा हसपताल दाख़ल सी। उस दा पता लैण जाणा सी। पाले नें साथ दा लाहा तक लिआ। कई दिनां तों उस दीआं अख्खां विच सख़त दरद सी।
अख्खां दे विभाग दे मुखी नें उस दीआं अख्खां टैसट कीतीआं सन। मुखी नें परची आपणे हत्थीं तिआर कीती सी।
इथे ही बस्स नहीं, पाले दा केस गुंझलदार सी। उस नूं मैडीकल कालज दे विदिआरथीआं साहमणे पेश कीता गिआ सी। कालज विच दो दिन उस ’ते लैकचर हुंदा रिहा सी। इहनां दो दिनां विच उह दिन वी शामल सी, जिस दिन बंटी अगवा होइआ सी।
इस तत्थ दी पुशटी लई मोहन जी नें हसपताल दी परची, मुखी दा सरटीफ़िकेट अते विदिआरथीआं दे हलफ़ीआ बिआन पेश कीते।
इहनां बारीकीआं दा राधे शिआम नूं की पता सी? उह अनपहड़ बंदा सी। “हो सकदै साज़िश इक-दो दिन अग्गों-पिछ्छों घड़ी गई होवे।”
“फेर तां इह वी हो सकदै कि गल्लां करन वालिआं विच पाले दी थां गामा अते मीते दी थां नैबा होवे।” राधे दे उत्तर तों खिझे अते उस दा मौजू उडाउण लई ततपर होए मोहन जी नें विअंग कीता।
“आहो) इह वी हो सकदै”, वकील दे समझाए अनुसार पैंतड़ा बदलण दी कोशिश करदा राधा कुझ होर ही आख गिआ। राधे दे इस उत्तर नाल कचहिरी विच हासा पै गिआ। जदों गल्लां करन वाले पाला अते मीता नहीं सन तां झंजट ही मुक्क गिआ। सफ़ाई धिर नूं होर मग़ज़-खपाई करन दी ज़रूरत नहीं सी।
इस हासे-ठठ्ठे नाल अज्ज दी कारवाई समापत हो गई।
कुरसी छड्डण तों पहिलां जज्ज नें दोहां धिरां दा धंनवाद कीता। उहनां दी सूझ-बूझ सदका ही माहौल मित्तरता भरिआ बणिआ रिहा सी।
सरकारी वकीलां दे चिहरे उतरे होए सन। मूंह लटकाई उह अदालतों बाहर जाण लग्गे।
सफ़ाई धिर दे वकीलां दे चिहरिआं ’ते जलौ सी।
जोश नाल भरे संमती दे वरकरां नें कोरट रूम ’ते धावा बोल दित्ता।
कोई वरकर मोहन जी नूं चुंमण लग्गा, कोई पिआरे लाल दी पिठ्ठ थापड़न लग्गा, कोई गुरमीत नूं कलावे ’च भरन लग्गा।
वधाईआं कबूलदे बाबे दी हिक्क वी गिठ्ठ चौड़ी होई होई सी।
पाले अते मीते दी किसे नूं सुध्ध नहीं सी। हत्थकड़ीआं विच जकड़े, अदालत दी इक नुक्करे खड़े उह वकीलां दे मूंहों कुझ सुणना चाहुंदे सन।
गवाहां नें की गवाही दित्ती? सफ़ाई धिर नें की जिराह कीती? मुकद्दमे दा रुख़ किधर नूं सी? सारा कुझ अख्खीं देख अते कंनीं सुण के वी उहनां दे कख्ख पल्ले नहीं सी पिआ।
संमती दे वरकरां दे उतशाह तों ही उह अंदाज़ा लगा रहे सन। ज़रूर केस उहनां दे हक्क विच गिआ होवेगा।
फेर वी उह आपणे वकीलां दे मूंहों कुझ सुणना चाहुंदे सन।
पाले नें इक-दो वार आवाज़ां वी मारीआं, पर उह कावां-रौली विच गवाच गईआं।
पुलिस दी वैन अदालत अग्गे आ रुकी।
सिपाही दोशीआं नूं जेल्ह लिजाण लई काहले पैण लग्गे।
दोशीआं दे मिंनत-तरले ’ते दो-चार-पंज मिंट होर उडीकिआ गिआ। जदों फेर वी किसे नें उहनां दी जात नां पुछ्छी तां धूह के उहनां नूं गड्डी विच सुट्ट लिआ गिआ।
पाले अते मीते दे इस तरहां निराश हो के मुड़न दा अहिसास संमती नूं उस समें होइआ जदों उहनां नूं लिजाण वाली वैन अख्खां तों ओहले हो गई।
ख़ुसीआं दे जशन तुरंत बंद कीते गए।
पिआरे लाल जेल्ह जाए। उहनां नाल मुलाकात कर के इह ख़ुशख़बरी सुणाए। इह प्रबंध कीते जाण लग्गे।
27
मुदई्ई धिर दी गवाही ख़तम होण ’ते मुलज़मां दे बिआन लिखे गए। फेर दोशीआं नूं सफ़ाई पेश करन दा मौका दित्ता गिआ।
साधारन केस हुंदा तां सफ़ाई धिर नूं दसतावेज़ इकठ्ठे करन अते गवाहां नाल संपरक काइम करन लई घट्टो-घट्ट महीने दा समां मिलदा। लटकदा-लटकदा इह सालां विच तबदील हो जांदा। किसे वी धिर नूं फ़ैसले दी काहल नां हंदी। सफ़ाई धिर नूं सज़ा दा डर हुंदा। मुदई्ई धिर नूं दोशीआं दे बरी होण दा। जज्ज सौ सफ़िआं दा फ़ैसला लिखण तों कतरा रिहा हुंदा।
इस केस दी सथिती उलट सी। सारीआं धिरां केस नूं जलदी निपटाउण ’ते तुलीआं होईआं सन।
सज़ा कराउण वालिआं दी गिणती बरी कराउण वालिआं नालों कई गुणा ज़िआदा सी। केस दा लटकदे रहिणा संमती लई ख़तरनाक सी। सफ़ाई दे गवाह मुकराए जा सकदे हन। सरकार वल्लों जज्ज तक पहुंच कीती जा सकदी सी। सरकार कोई होर हत्थ-कंडा वी वरत सकदी सी।
केस बहुत कमज़ोर हो चुक्का सी। सज़ा होण दी संभावना नहीं सी। संमती दा भला फ़ैसला जलदी कराउण विच ही सी।
संघ वालिआं दे वी सत्तू मुक्क चुक्के सन। उहनां दी जथेबंदी मुड़ खेरूं-खेरूं होण लग्गी सी। होर धूह-घसीट करनी मुशकल सी। झूठ दा पोल खुल्ल्ह चुक्का सी। संघ दे समरथक गवाह किते मूंह विखाउण जोगे नहीं सी रहे। हाले मुख्ख मंतरी दी गद्दी काइम सी। उस दी निज्जी दिलचसपी कारन दोशीआं नूं सज़ा हो सकदी सी। उस दे गद्दीउं लहिंदिआं ही उह बरी हो सकदे सन।
इस केस कारन शहिर विच तणाओ रहिंदा सी। प्रशासन इस तणाओ तों बड़ा दुखी सी। जदों दा इह मसला भखिआ सी, कई अफ़सर मुअत्तल हो चुक्के सन। कईआं नूं घर बैठणा पिआ सी। तबादले दी तलवार हर वकत सिर ’ते लटकदी रहिंदी सी।
प्रशासन झोटिआं दे भेड़ विच फसिआ महिसूस करदा सी।
इक पासे संघ सी, जिस दी पिठ्ठ ’ते सरकार सी।
दूजे पासे संमती सी जिहड़ी किसे वी हद्द तक जा सकदी सी। जिस हिसाब नाल संमती नें रिकारड इकठ्ठा कीता सी अते सरकारी गवाहां नाल नजिठ्ठिआ सी, उस तों सिआणे अफ़सरां नूं आपणा दामन बचाई रख्खण दा सबक मिलिआ सी।
प्रशासन चाहुंदा सी केस दा फ़ैसला जलदी होवे। दोशी बरी होण जां सज़ा उस दी बला नूं। अग्गे केस हाई कोरट चल्लणा सी। जलसे-जलूस उथे होणे सन। ज़िल्हा अधिकारीआं दा खहिड़ा छुट्टणा सी।
जज्ज दा विचार वी इहो जिहा सी। उस उपर वी सभ पासिउं दबाअ पै रिहा सी। इक पासे सरकार वल्लों इशारे हो रहे सन, दोशीआं नूं सज़ा करो। दूजे पासे संमती दा ख़ुफ़ीआ विभाग उस दा पिछ्छा कर रिहा सी। मोता सिंघ कैदीआं वरगी ज़िंदगी बतीत कर रिहा सी। डरदा नां किसे नूं मिलदा सी, नां किसे दे जांदा सी। उह फ़ोन तक नहीं सी करदा। की पता संमती सुण रही होवे।
हाले तक भावें किसे नें मोता सिंघ तक पहुंच नहीं सी कीती, फेर वी उस नूं चौवी घंटे डर बणिआ रहिंदा सी। हाई कोरट दे किसे जज्ज नें फ़ोन कर दित्ता तां उह की करेगा? उह जलदी तों जलदी इस झंजट विचों निकलणा चाहुंदा सी।
जदों मीआं-बीवी राज़ी तां की करेगा काज़ी वाली अखाउत वांग सभ धिरां दी सहिमती नाल सफ़ाई लई इक हफ़ते दी पेशी पाई गई।
बंटी कतल केस नूं जे सिआसी रंगत नां चहड़ी हुंदी तां जज्ज नें हफ़ते दी तारीख़ वी नहीं सी देणी। मुदई्ई धिर दे सबूत बंद हुंदिआं ही जज्ज दोशीआं नूं ‘घर दौड़’ जाण दा हुकम सुणा देणा सी। इक-दो जां चार-पंज नें नहीं, इस केस विच तां सारे दे सारे गवाहां नें केस दा भठ्ठा बिठाइआ सी।
समें दी नज़ाकत नूं पहिचाणदा जज्ज ख़ामोश रिहा सी। सफ़ाई देणी है जां नहीं, इस दा फ़ैसला सफ़ाई धिर ’ते छड्ड दित्ता गिआ सी।
सफ़ाई देणी है जां नहीं? जे हां तां किहड़ी? इस नुकते दा फ़ैसला करन लई लीगल सैल्ल दी मीटिंग होई सी।
पिआरे लाल सफ़ाई देण दे हक्क विच नहीं सी। जदों दोशीआं दे ख़िलाफ़ कुझ साबत ही नहीं हुंदा तां सफ़ाई किस नुकते ’ते देणी सी? जज्ज दे इशारे नूं समझणा चाहीदा सी। हफ़ते दी तारीख़ पाउण दा उस दा इहो मतलब सी। “तुसीं सफ़ाई बंद करो। मैं दोशी बंद करां।” सफ़ाई दे गवाह तलब कर के समां अते पैसा नशट नहीं सी करना चाहीदा।
अगली पेशी ’ते सफ़ाई दी थां बहिस होणी चाहीदी सी।
गुरमीत सिंघ दुशमण नूं कमज़ोर समझण दे हक्क विच नहीं सी।
सैल्ल नूं सिआसी केसां दे फ़ैसलिआं दे इतिहास नूं याद रख्खणा चाहीदा सी। भुट्टो नूं फ़ांसी लाउण लग्गिआं फ़ौजी अदालतां नें कानूंनी पाबंदीआं दी परवाह नहीं सी कीती। पिआरे लाल नूं चोपड़ा बच्चिआं दे कतल केस दी कहाणी वी याद होवेगी। रंगे अते बिल्ले नूं सिआसी ग़ुस्से दा शिकार होणा पिआ सी। इंदरा कतल केस तां कल्ल्ह दी कहाणी है। इस लई जिथों तक हो सके सफ़ाई धिर नूं आपणे हत्थ मज़बूत कर लैणे चाहीदे सन।
सफ़ाई धिर दे हत्थ मज़बूत करन लई मोहन जी नें आपणीआं सेवावां पेश कीतीआं।
जे मुदई्ई धिर नें झूठे सबूत घड़े हन तां सफ़ाई धिर नूं वी घड़ने चाहीदे हन। जे सैल्ल चाहे तां मोहन जी किसे वी दोशी नूं, किसे वी दिन, किसे वी हसपताल विच दाख़ल जां किसे जेल्ह विच बंद दिखा सकदा है। मन-मरज़ी दीआं पंचाइतां तों पिछलीआं तारीख़ां विच मन-मरज़ी दे मते पवा सकदा है। डाकख़ाने तों दित्तीआं तारां, कराईआं रजिसटरीआं दे सबूत लिआ सकदा है।
गुरमीत मोहन जी नाल वी सहिमत नहीं सी। सैल्ल दा पल्लड़ा भारी सी। उह असलीअत वी साहमणे लिआएगा अते सच्च दा पल्ला वी नहीं छड्डेगा।
अदालतां बंदिआं नालों काग़ज़ां ’ते वध्ध विशवास करदीआं हन। सैल्ल दसतावेज़ां दा ढेर लाएगा।
आपणे हक्क दे कुझ दसतावेज़ सैल्ल पहिलां ही पेश कर चुक्का सी। कुझ दसतावेज़ उस नें होर पेश करने सन।
उहनां विचों वी अहिम सी उह मिसल जिस राहीं संमती नें थाणे ’ते रेड कराइआ सी।
इस मिसल राहीं वारंट अफ़सर नें इह साबत करना सी कि दोशीआं दी ग्रिफ़तारी तों इक दिन पहिलां जदो उस नें थाणे ’ते रेड कीता सीतां रेड समें संमती दे कारकुनां दे नाल-नाल उस नूं पाला अते मीता वी थाणे बैठे मिले सन।
इस तत्थ दी पुशटी लई संमती वल्लों कुझ गवाहां नूं वी भुगताइआ गिआ सी।
गवाहां दी गवाही नूं परखण लई अदालत दी आपणी ही कसवट्टी सी। गवाही दी सच्चाई नूं गवाह दे रुतबे अनुसार परखिआ जांदा सी। कलरक नालों गज़टिड अफ़सर, मज़दूर नालों कारख़ानेदार अते करज़ाई नालों शाहूकार ज़िआदा भरोसेमंद होणा सी।
कानूंन दी इस कमज़ोरी दा सफ़ाई धिर नें ख़िआल रख्खिआ सी। उस वल्लों गवाह उच्चे रुतबे वाले ही भुगताए जाणे सन।
मोहन जी नूं उह केस याद सी जिस विच इक डिपटी कमिशनर नें सफ़ाई विच भुगत के केस दा पासा पलट दित्ता सी।
उस केस विच फ़रम दे इक हिस्सेदार नें दूजे हिस्सेदार दा कतल कीता सी। कतल होटल वरगी शरेआम जगहा ’ते होइआ सी। चशमदीद गवाह बीसीआं सन। गवाहां दी गवाही वी ठोकवीं सी अते कतल दा मकसद वी सपश्शट सी। हिसाब-किताब कारन हिस्सेदारां विच झगड़ा सी। तूं-तूं मैं-मैं पहिलां वी कई वार होई सी। मार-धाड़ पहिली वार होई सी। कातल कोल लाइसैंसी पिसतौल सी। उसे पिसतौल नाल मिरतक नूं मारिआ गिआ सी।
जदों बरी होण दे सारे राह बंद हो गए तां सिआणे वकील नूं इको राह लभ्भा सी। कातल दा इक दोसत राजसथान विच किधरे डिपटी कमिशनर लग्गा होइआ सी। जे उह सफ़ाई विच भुगत जावे तां बचाअ हो सकदा सी।
दोसती ख़ातर डिपटी कमिशनर आइआ सी। सहुं खा के उस नें झूठ बोलिआ सी, कतल वाली रात उस दा दोसत उस कोल राजसथान सी। वारदात वाली थां उथों पंज सौ मील दूर सी। हवाई जहाज़ राहीं उथे पुज्जणा होवे तां वी दिहाड़ी चाहीदी सी।
जज्ज नूं इक आई.ए.ऐस. अफ़सर दी गवाही झुठलाउणी मुशकल हो गई। मामूली जिही गल्ल ख़ातर ऐडे वड्डे अफ़सर नूं झूठ बोलण दी की लोड़ सी? इह कानूंन वी आखदा सी अते जज्ज दा दिल वी।
डिपटी कमिशनर दे बिआन नें दोशी दीआं हत्थकड़ीआं खुल्हवा दित्तीआं।
कानूंन दा ढिड्ड भरन लई सैल्ल नें सामाजिक रुतबिआं वाले गवाह भुगताउणे शुरू कीते।
इस लड़ी दा पहिला गवाह जीवन आहड़तीआ सी।
उह पंज लख्ख दी असामी सी। लख्खां रुपिआ इनकम टैकस भरदा सी। नां उस नें चार-पंज सौ लई झूठ बोलणा सी, नां झूठी सहुं खा के नरकां दा भागी बणना सी।
मीते वांग पाला वी सुधर चुक्का सी। उह जीवन दी दुकान ’ते मज़दूरी करदा सी। साज़िश अते अगवा वाले दिन उह उस नाल पटिआले गिआ होइआ सी। पिछ्छों वी निधड़क हो के दुकान ’ते कंम करदा रिहा सी।
जदों फड़-फड़ाई शुरू होई तां डरदा पाला उस कोल आइआ। जीवन नें उस नूं उस समें दे सरकारी वकील गुरमीत राहीं थाणे पेश कीता सी। इस तत्थ दी ताईद गुरमीत नें कटहिरे विच खड़ो के कीती सी।
कंमीं-कारीं गुरमीत जदों थाणे जांदा सी तां पाले दे नाल-नाल मीते नूं वी मिलदा सी। थाणेदार कोल दोहां नूं छड्डण दी सिफ़ारश करदा सी। किसे नां किसे बहाने रिहाई टलदी रही सी।
इहनां ग्रिफ़तारीआं दे विरुध्ध ही उस नें असतीफ़ा दित्ता सी।
बाबा गुरदित्त सिंघ वी पिछ्छे नहीं सी रिहा।
बंटी दे कातलां नूं लभ्भण नई पुलिस नें जो अत्तिआचार आरंभिआ सी, उसे नूं ठल्ल्ह पाउण लई बाबे नें संघरश संमती दा गठन कीता सी। संघरश दौरान बाबे नूं ग्रिफ़तारी देणी पई सी।
जदों बाबा पुलिस हिरासत विच सी तां होर मुसतविआं दे नाल-नाल बाबे नें पाले अते मीते नूं वी थाणे बैठिआं देखिआ सी। बाबे दी उहनां नाल गल्लबात वी होई सी।
संमती कोल भुगताउण लई बथेरे गवाह सन, पर बाबे नूं भुगता के उसनूं लग्गा जिवें हाथी दी पैड़ विच सभे पैड़ां आ गईआं सन।
28
सपैशल पबलिक प्रासीकिऊटर तिंन दिनां तों बहिस दी तिआरी कर रिहा सी। पूरी मग़ज़-खपाई दे बावजूद वी केस पकड़ विच नहीं सी आ रिहा।
कई वार उस दे मन विच आइआ, किउं नां सरकारी वकील दे असल फ़रज़ निभाए जाण। किउं नां अदालत नूं साफ़-साफ़ आख दित्ता जावे कि केस विच कुझ नहीं। दोशीआं नूं बरी कर दित्ता जावे।
झट्ट ही उह मन बदल लैंदा। मुख्ख मंतरी दा मूंह-मुलाहज़ा, आपणी वकालत दा भविख्ख अते हालात मंग करदे सन कि उह फ़रज़ां नूं छिक्के टंग के दोशीआं नूं सज़ा कराए। हर हीले मुख्ख मंतरी दी पग्ग बचाए।
दोशी बरी हो गए तां मुख्ख मंतरी दी सभ तों वध्ध बदनामी होणी सी। विरोधी धिर उस दे भिउं-भिउं छित्तर लाएगी। सरकार करीब सठ्ठ हज़ार रुपिआ गिआन सिंघ नूं नकद दे चुक्की सी। इंना उस ’ते होर ख़रच चुक्की सी। जे दोशी बरी ही कराउणे सन तां गिआन सिंघ वरगे सफ़ैद हाथी दी की ज़रूरत सी। इह कंम कोई वी सरकारी वकील कर सकदा सी।
गिआन सिंघ दा आपणा वकार वी दाअ ’ते सी। सरकार नें उस दी काबलीअत ’ते भरोसा कीता सी। जे दोशी बरी हो गए तां उस दी डो-डो होणी सी।
केस कबूलदे समें गिआन सिंघ नें गंगानगर वाला महिंगा सिंघ बणन दा सुपना लिआ सी।
इक वार गंगानगर दी इक पारटी तों बठिंडे कतल हो गिआ। मरन वाले दा मामा बठिंडे दा सिरकढ्ढ वकील सी। बठिंडे दा कोई वी वकील दोशीआं नाल खहड़न दी जुरअत्त नां कर सकिआ। केस लड़न लई दोशी आपणा वकील गंगानगर तों लिआउण लग्गे। महिंगा सिंघ दोशीआं नूं बरी कराउण विच कामयाब हो गिआ। झट्ट उस दी पैंठ पै गई। बठिंडे वाले उस दे भगत बण गए। अ्धिआं नालों वध्ध केसां विच उह वकील होण लग्गा। बठिंडे तों उह संगरूर पुज्ज गिआ अते संगरूर तों पटिआले। अज्ज कल्ल्ह सारे पंजाब ’च उस दा सिक्का चल्लदा सी। उह मूंहों मंगी फ़ीस लैंदा सी। मरज़ी दे केस चुणदा सी।
जे गिआन सिंघ हार कबूल कर गिआ तां उस नूं नवें केस तां की मिलणे सन, पुराणे वी खुस्स जाणे सन।
गिआन सिंघ नें जे महिंगा सिंघ बणना है तां उस नूं दोशीआं नूं सज़ा कराउणी ही पएगी।
पर सज़ा होवे तां किस तरहां?
गिआन सिंघ केस दे हक्क विच इक नुकता लभ्भदा तां विरोध विच वीह नुकते खड़े हो जांदे।
हर वार उस नूं बहिस नवें सिरिउं तिआर करनी पैंदी।
वड्डी समस्सिआ इह सी कि इह इक ‘बलाईंड मरडर केस’ सी। बच्चे दे अगवा होण अते दोशीआं दी ग्रिफ़तारी विचकार करीब महीने दा फ़रक सी। चशमदीद गवाहां दी अणहोंद कारन केस हालात ’ते आधारत गवाही ’ते खड़ा सी। हालात घड़दी पुलिस नें पैर-पैर ’ते ग़लती कीती सी। सरकारी वकीलां नें वी अख्खां मीच के मख्खी ’ते मख्खी मार दित्ती। गिआन सिंघ मुरदे विच जान पावे तां किस तरहां?
खिझे गिआन सिंघ नें कई वारी मुख्ख मंतरी दे नां चिठ्ठी लिखी। कसूरवार पुलिस अफ़सरां अते सरकारी वकीलां दे ख़िलाफ़ कारवाई करन दी सिफ़ारिश कीती।
जिउं ग़स्सा ठंढा हुंदा, उह चिठ्ठी पाड़ दिंदा।
गहु नाल घोखदा तां सारे ही बेकसूर जापदे।
पहिलां पुलिस ’ते दबाअ पाइआ गिआ। दोशीआं नूं बंटी दे भोग तक ग्रिफ़तार करो। असल दोशी नां मिले तां इह फड़ लए गए।
फेर हुकम होइआ, नब्बे दिनां दे अंदर-अंदर चलान पेश करो।
हुकम दी तामील लई फटा-फट सबूत घड़े गए।
तफ़तीशी कोल इह तसदीक करन दा वकत ही नहीं सी कि अखौती साज़िश वाले दिन दोशी शहिर विच मौजूद सन जां नहीं।
मुढ्ढली तफ़तीश किसे होर थाणेदार नें कीती सी। पहिली वरदी बरामद होण दा मिसल विच किधरे ज़िकर नहीं सी। नवें तफ़तीशी नूं पहिली वरदी दा सुपना किथों आउंदा?
टोपीआ जदों देस राज दी दुकान तों विकिआ ही नहीं तां उस दीआं वहीआं विच विकरी दा ज़िकर किवें हो जांदा?
फेर कसूरवार होइआ तां कौण?
गिआन सिंघ वी सरकार दा पख्ख पूरन आइआ सी। केस जित्तण लई उस नें अड्डी-चोटी दा ज़ोर लाइआ सी। जे दोशी फेर वी बरी हो गए तां इस दा इह मतलब थोहड़ा होणा सी कि गिआन सिंघ नालाइक सी।
इस तरहां सोचदा गिआन सिंघ आपे अफ़सरां नूं दोशी ठहिरा दिंदा अते आपे दोश-मुकत कर दिंदा।
गिआन सिंघ दा बहुता तजरबा सफ़ाई धिर वल्लों पेश होण दा सी। उह इसे द्रिशटीकोण तों सोचण दा आदी सी। शाइद इसे लई उस नूं गुण घट्ट अते औगुण वध्ध दिखाई दे रहे सन।
आपणी तसल्ली लई गिआन सिंघ नें ज़िल्हा अटारनी नूं बुला लिआ। उह सरकारी पख्ख पेश करन दा माहिर सी।
गवाहां दी कारगुज़ारी ’ते ज़िल्हा अटारनी डाढा ख़ुश सी। अजिहे केसां विच कुझ गवाह मुक्कर ही जाइआ करदे सन। कुझ गवाह इधर-उधर वी हो जांदे सन। कुल मिला के गवाहीआं कानूंन दे हर नुकते दा ढिड्ड भरदीआं सन।
“मसलन?” ज़िल्हा अटारनी दे तसल्ली प्रगटाउण ’ते हैरान होए गिआन सिंघ नें जदों उदाहरण पुछ्छी तां ज़िल्हा अटारनी सपश्शटीकरन देण लग्गा।
सरकारी धिर दा पहिला फ़रज़ जुरम पिछला उदेश साबत करना सी। भुगतीआं गवाहीआं तों पाले अते मीते दा उदेश सपश्शट हुंदा सी। इह कारा उहनां नें फिरौती वसूलण लई कीता सी।
“कोई सबूत?”
“दोशीआं दे हत्थीं लिखीआं चिठ्ठीआं।”
“सवाह अते खेह।’ ज़िल्हा अटारनी दे जवाब ’ते खिझे गिआन सिंघ दे मूंहों इक-दम निकलिआ।
“मीता मशहूर जेब कतरा है। वीह-पंजाह हज़ार दी जेब कट्ट लैणा उस दे खब्बे हत्थ दी खेड है। पाला नामी चोर है। किसे दी छाप चुरा लैंदा तां वी चार-पंज हज़ार वट्टिआ जांदा। ढाई-ढाई हज़ार दी मामूली रकम लई उहनां नूं ऐडा ज़ोख़म मुल्ल लैण दी की लोड़ सी? फेर इह वी सिध्ध हो चुक्का सी कि असल चिठ्ठीआं उहनां लिखीआं ही नहीं।”
“नहीं जनाब) पंजाब विच जिहो जिहा माहौल चल्ल रिहै, उस विच जेबां कट्टणीआं अते चोरीआं करनीआं औखीआं होईआं पईआं नें। थां-थां पुलिस दा पहिरा है। इह चोरी किथे करन? जेबां किथे कट्टण? अजिहे पेशेवार मुलज़मां नें आपणे धंदे बदल लए हन। हुण इहनां फिरौती वसूलण वरगे जुरम करने शुरू कर दित्ते हन। तां ही दिनो-दिन अमीर लोकां नूं अगवा कर के फिरौती वसूलण वरगीआं घटनावां वध रहीआं हन।
“जे फरौती ही वसूलणी सी तां लख्ख दो लख्ख तां मंगदे।”
“इहो तां इहनां दी चलाकी है। इहनां जाण-बुझ के घट्ट रकम मंगी सी। पता सी छोटी रकम जलदी मिल जाएगी। इह लाला जी दी बदकिसमती सी कि चिठ्ठी पुलिस दे हत्थ लग्ग गई। नहीं तां रकम पुज्ज जांदी ते बच्चा बचिआ रहिंदा। जे इह कारा किसे अत्तवादी संसथा दा हुंदा तां उहनां लख्ख ही मंगणा सी। इहो नुकता सारे हक्क ’च जांदै।” आपणे तरक नाल गिआन सिंघ नूं सहिमत हुंदा देख के ज़िल्हा अटारनी दा हौसला वधण लग्गा।
“इक नुकता होर वी। कतल पिछ्छे जे कोई अत्तवादी संसथा हुंदी तां बच्चे नूं गोली नां मारदी?” इह मामूली मुलज़म हन। इहनां कोल कीमती हथिआर सन ही नहीं। बच्चा चुक्क तां बैठे पर मोड़ना मुशकल हो गिआ। बच्चे नूं सही-सलामत घर मोड़दे तां फड़े जांदे। खहिड़ा छुडाउण दा इको-इक राह कतल सी। सो इहनां कर दित्ता।”
“जो कुझ तुसीं आखिआ इह सच्च हो सकदै, पर इस बारे मिसल ’च कोई सबूत है?” गिआन सिंघ दलील नालों तत्थ नूं पहिल दिंदा सी।
“किस नूं नहीं पता जनाब कि दहिशतगरदी कारन पंजाब दे लोक डरे होए हन। किसे दा सका पिओ वी जे अख्खां साहमणे कतल होइआ होवे, उह वी गवाही नहीं दिंदा। इस केस विच गवाह डराए धमकाए गए। इहो तत्थ मिसल ’च आ चुक्कै। गवाह किउं मुक्कर गए? अदालत आपे जुडीशीअल नोटिस लै लएगी।”
“डी.ए. साहिब) असीं किसे सैमीनार जां कलास-रूम विच भाशण नहीं देणा। असीं अदालत विच बहिस करनी है। हर दलील दी पुशटी लई तत्थां दा हवाला देणा पैणै। असमान विच उड्डण दी थां धरती ’ते खड़ो के गल्ल करो।”
ज़िल्हा अटारनी दे लंबे-चौड़े भाशन तों अक्के गिआन सिंघ कोल उस नूं झाड़न तों सिवा कोई चारा नहीं सी।
“तत्थ तां जनाब फेर इहो जिहे ही नें। सिध्धी सपश्शट गवाही तां साडे हक्क विच इक वी नहीं। सानूं कानूंनी नुकतिआं दा ही सहारा लैणा पऊ।”
शरमसार होइआ ज़िल्हा अटारनी इकदम पाणी विच बैठण लग्गा।
“मैनूं तां कोई नुकता नज़र नहीं आउंदा।”
“कानूंनी नुकता है जनाब) दोवें दोशी दस नंबरीए हन। दोहां ’ते बीसीआं मुकद्दमे चल्ल चुक्के हन। कई-कई वार सज़ा कट्ट आए हन। इक जेब कतरा है, दूजा चोर। इहनां जुरमां विच पैसा असानी नाल बण जांदै। अजिहीआं सैंकड़े उदाहरणां मौजूद हन, जिनहां विच पहिलां दोशी जुरम करना छड्ड गए पर जदों हड्ड-भंनवीं मिहनत करनी पई तां फेर जराइम-पेशे विच आ गए। इंझ ही साडे दोशीआं नाल होइआ। दोशीआं दे भैड़े चाल-चलण दा नुकता साडे हक्क ’च जांदै।”
“भलिआ लोका, इस दलील दा फ़ाइदा साडे नालों सफ़ाई धिर नूं वध्ध होवेगा। साडे गवाहां दा चाल-चलण दोशीआं नालों वध्ध शक्की है। जिनहां गवाहां दा चाल-चलण ठीक सी, उह लाला जी दे भगत निकले।” गिआन सिंघ नूं कोई नुकता जच नहीं सी रिहा।
“पुलिस दी दोशीआं नाल कोई दुशमणी नहीं। पुलिस नूं इहनां ’ते झूठा केस पाउण दी की लोड़ सी?” अख़ीर विच ज़िल्हा अटारनी सपैशल पी.पी. नूं इह घसी-पिट्टी दलील सुणाउण लग्गा।
“पुलिस नूं इस तरहां करन दी सख़त ज़रूरत सी। इस लोड़ दा ज़िकर सफ़ाई धिर नें थां-थां कीतै। असीं इह दलील दित्ती तां सफ़ाई धिर नूं मुख्ख मंतरी नूं केस विच घड़ीसण दा मौका मिल जाणै। उहनां दा केस नाल लगाओ साबत करन लई गिआन सिंघ दी नियुकती दी उदाहरण दित्ती जावेगी।”
इस तों सिवा ज़िल्हा अटारनी नूं कुझ नहीं सी सुझ रिहा।
गिआन सिंघ नूं जद कुझ वी चंगा नां लग्गा तां ज़िल्हा अटारनी वी खिझ गिआ। अजीब सी सपैशल पी.पी.। ज़िल्हा अटारनी दी हर दलील नूं रद्द करदा जा रिहा सी। होर बहिस किस तरहां दी हुंदी सी? बहिस विच इहो कुझ तां हुंदा है। ज़िल्हा अटारनी तां इसे तरहां बहिस करदा सी। दोशी सज़ा वी हुंदे सन। गिआन सिंघ उस तों होर की भालदा सी?
गिआन सिंघ दीआं दलीलां नें ज़िल्हा अटारनी दा ‘बरेन वाश’ कर दित्ता। उस दा मनोबल गिर गिआ। उस नूं महिसूस होण लग्गा जिवें सच्चमुच्च केस विच कुझ नहींसी।
भंडारी वकील वी सरकारी पख्ख पूर रिहा सी। किउं नां उस दे दिमाग़ नूं वी परख लिआ जावे। शाइद उह कोई नवीं गल्ल कर सके।
भंडारी नूं बुलाइआ गिआ।
“जिथों तक केस दा संबंध है इस विच कख्ख नहीं। दोशी बरी नें, पर जे गिआन सिंघ हुरीं चाहुण तां दोशीआं नूं सज़ा हो सकदी है।” बिनां किसे विंग-वल दे आपणी हार कबूलदा भंडारी केस जित्तण दे राह सुझाउण लग्गा।
“वाह भंडारी साहिब) मैं केस जित्तणा किउं नहीं चाहांगा? मैं इथे आइआ ही इसे मकसद नाल हां।” भंडारी दा सुझाअ जाणन लई गिआन सिंघ काहला पैण लग्गा।
“फेर सुणो। कानूंन अते दलील तों सिवा दोशीआं नूं सज़ा कराउण दे होर बथेरे राह हन।”
अगली गल्ल गिआन सिंघ आपे ही समझ गिआ।
भंडारी बिलकुल ठीक आखदा सी।
कल्ल्ह उह बहिस समापत नहीं करनगे। बहिस नूं अगले दिन तक लटकाइआ जाएगा।
रात नूं उह चंडीगहड़ जाएगा। सारी सथिती मुख्ख मंतरी नूं समझाएगा। नवें राह सुझाएगा।
दोशीआं नूं सज़ा दा इंतज़ाम हो चुक्का सी।
मिसल अते कानूंन दीआं किताबां परे सुट्ट के उह इउं घुराड़े मारन लग्गा जिवें घोड़े वेच के सुत्ता होवे।
29
फ़ैसला बहिस दे तिंन दिनां बाअद सुणाइआ जाणा सी।
इह तिंन दिनां दा समां सभ लई उतेजना भरिआ सी।
जिथे वी दो बंदे जुड़दे, इस केस दे चरचे छिड़ पैंदे।
वकीलां नूं तां जिवें होर कोई कंम ही नहीं सी। बार रूम विच विहले बैठे वकील उपरों-उपरों सैल्ल दे वकीलां दी मिहनत दी दाद दिंदे, अंदरों उहनां दी सफ़लता ’ते चिड़दे।
सीनीअर वकीलां नूं कुझ ज़िआदा ही चिंता सी। कल्ल्ह दीआं भूतनीआं दा सिवे ’च अध्ध बणदा जा रिहा सी।
इक नहीं, दो नहीं पूरे तिंन-तिंन वकील सथापत होण लग्गे सन।
कुझ वकील इस कामयाबी दा सिहरा मोहन जी दे सिर बंनहदे। गवाहां दी पैड़ उसे नें नप्पी सी। जे गवाह पैरों नां निकलदे तां कुझ पल्ले नां पैंदा।
रातो-रात मोहन जी सीनीअर वकील बण गिआ सी। हुण उह आखदा फिरदा सी, छोटीआं अदालतां नालों वड्डीआं अदालतां विच कंम करना सौखा है। नवें सभ शैसन केस उस नें आपणे कोल रख्ख लए। दोशीआं दे बरी हुंदिआं ही उस दे हौसले बुलंद हो जाणगे। फेर सैशन कोरट विच वी मोहन जी-मोहन जी होइआ करेगी।
कुझ वकील केस दा छुपिआ रुसतम गुरमीत नूं समझदे सन। उह बोलदा घट्ट ते कंम ज़िआदा करदा सी। केस जित्तण विच उस दा पुलिस रसूख़ सभ तों वध्ध कंम आइआ सी। सिपाही तों लै के डिपटी तक उस दे हमाइती सन। केस दीआं ज़िमनीआं, बिआनां दीआं नकलां, असली नकली चिठ्ठीआं दे सैट्ट जे समें सिर नां मिलदे तां केस दा रुख़ दूजे पासे होणा सी।
जिस वकील दी मदद पुलिस करदी होवे, उस नूं सफ़लता दी पौड़ी चहड़ना की औखा सी? हुण जदों गुरमीत नें वकालत करन दा मन बणा ही लिआ सी तां फ़ौजदारी वकीलां नूं किसे होर थां दी तलाश करनी चाहीदी सी।
कल्ल्ह तक शराबी-कबाबी अते निकंमा समझिआ जांदा पिआरे लाल वी इकदम ही धरू तारे वांग चमक पिआ सी। बहिस वरगी महत्तवपूरन ज़िंमेवारी उसे नें निभाई सी। इक-इक नुकते नूं जिस अंदाज़ नाल उस नें पेश कीता, उस तों सीनीअर तों सीनीअर वकील वी प्रभावित होइआ सी। बहिस दौरान उस नें अजिहे बीसीआं सवाल उठाए सन जिनहां दा सरकारी धिर कोल कोई उत्तर नहीं सी। जवाब दी मंग करदीआं उस दीआं सवालीआ अख्खां जदों गिआन सिंघ वल्ल उठ्ठदीआं तां गिआन सिंघ दा मत्था पसीने नाल तर हो जांदा अते शरम दा मारिआ उह सिर झुका लैंदा।
बहिस सुणदे हर सरोते नूं इहो महिसूस हुंदा सी जिवें दोशी सौ फ़ीसदी बेकसूर सन। इहो वधीआ बहिस दी निशानी सी।
अदालतों बाहर आ के गिआन सिंघ नूं वी पिआरे लाल दी पिठ्ठ थापड़नी पई सी।
लोकां नें उस दी लिआकत नूं मानता देणी शुरू कर दित्ती सी। अज्ज कल्ल्ह उस दा फट्टा पहिलां वांग बे-रौणका नहीं सी रहिंदा। कुझ-कुझ केसां विच उस दे वकालत- नामे लग्गण लग्गे सन।
पाले अते मीते दे बरी हुंदिआं ही उस दी झंडी सभ तों उपर होणी सी।
सिआणे मुनशीआं नें उहनां दे भविख्ख नूं भांप लिआ सी। हाले तक नां गुरमीत नें मुनशी रख्खिआ सी नां पिआरे लाल नें। कुझ पुराणे मुनशी उहनां दुआले कट्टीआं- वछ्छीआं बंनहण लग्गे सन। कुझ चुसत मुनशीआं नें इक-इक, दो-दो केस दिवा के उहनां नूं भरमाउणा वी शुरू कर दित्ता सी।
कई सिआणे साइलां नें वी गुदड़ी दे लाल पछाण लए। कुझ फ़ैसले दी उडीक करन लग्गे। पाले अते मीते दे बरी हुंदिआं ही उहनां आपणे लिफ़ाफ़े चुक्क के उहनां कोल आ जाणा सी। साईआं वधाईआं उह पहिलां ही लाउण लग्गे।
इस सारी उथल-पुत्थल नूं देख के पिआरे लाल दे मन विच लड्डू फुट्टण लग्गदे। वैसे उस नूं यकीन सी कि फ़ैसला उहनां दे हक्क विच होएगा। फेर की कई वार मन डोल जांदा। कल्ल अते बुल्ल्हां विचकारले फ़ासले वाली अंगरेज़ी अखाउत उस नूं डराउण लग्गदी।
इंतज़ार दी हर घड़ी उस नूं इक युग्ग जिड्डी लग्गदी।
कचहिरीआं दे भेती लोक बहिस दौरान ही भांप जांदे हन कि ऊठ किधर नूं करवट लएगा। जज्ज दा मूड भांपण लई पिआरे लाल वी तरलोमछ्छी हो रिहा सी। पाले अते मीते दी ज़िंदगी दे नाल-नाल उस दे भविख्ख दा फ़ैसला होणा सी।
आपणी जगिआसा शांत करन लई कदे उह मोहन जी दे मुनशी कोल जा बैठदा।
“केस लीगल सैल्ल ही जित्तेगा।” दाअवा करदा मुनशी शरत लाउण तक नूं तिआर हो जांदा।
तुसीं देखिआ तां सी जज्ज गवाहां नूं किवें झईआं लै-लै पैंदा सी। आह किवें होइआ? उह किवें होइआ? इसतगासा धिर नूं मिऊं-मिऊं करन तों सिवा कदे कुझ सुझ्झिआ सी? साथों तां जज्ज नें थोहड़े जिहे सपश्शटीकरन मंगे सन। हर सपश्शटीकरन ’ते उहदी तसल्ली हो जांदी सी। जज्ज दे मन ’च पैदा होइआ शंकिआं दा फ़ाइदा सफ़ाई धिर नूं ही जाएगा। नहीं?”
पिआरे लाल मुनशी दे तरक नाल सहिमत तां हुंदा पर उस दा दिल नां टिकदा।लछमण दास उहनां दा आपणा मुनशी सी। वकील वांग मुनशी दा मन वी केस दी सफ़लता नाल जुड़िआ होइआ सी। उस नूं चारे पासे हरा-हरा दिखाई देणा ही सी।
भाने नंबरदार नें वी आपणे वाल कचहिरीआं विच ही सफ़ैद कीते सन। उस नें वी सारी बहिस सुणी सी। साइलां नूं उस ’ते रब्ब वरगा भरोसा सी। बहिस सुण के जिस तरहां उह आखिआ करदा सी, फ़ैसला अकसर उसे तरहां होइआ करदा सी।
भावें नंबरदार भंडारी दे कैबन विच बैठदा सी। उसे दा नमक खांदा सी, फेर वी पिआरे लाल नूं यकीन सी कि उस कोल उह झूठ नहीं बोलेगा।
कदे पिआरे लाल भाने कोल जा बैठदा।
“इह केस तां भतीज तूं जित्तणै। गड्डा भर के किताबां दा जो लै गिआ सी। साडा वकील तां तिंन किताबां ई लै गिआ सी। उह वी बिनां दिखाए मोड़ लिआइआ। जिस दे केस ’च दम होऊ, उहो किताबां लिजाऊ। जिस दे हक्क ’च कानूंन होऊ, भतीज फेर केस वी उहो जित्तू।”
नंबरदार दी बहुतीआं किताबां वाली दलील पिआरे लाल नूं घट्ट-वध्ध ही जचदी। सौ सुनिआर दी अते इक लोहार दी वांग कई वार इको किताब सौ किताबां जिंना कंम दे जांदी सी। तिंन किताबां लिआउण वाली धिर सरकारी सी। सरकार नें किताबां दिखा-दिखा किहड़ा साइल ’ते रोहब पाउणा सी। इह नाटक प्राईवेट वकीलां नूं करना पैंदा सी। भावें पिआरे लाल नें दिखावा नहीं सी कीता, फेर वी किताबां दी गिणती फ़ैसले दा आधार नहीं सी बण सकदी।
दुध्ध दा दुध्ध अते पाणी दा पाणी तां सीनीअर वकील ही कर सकदे सन। कईआं सीनीअर वकीलां नें केस दी हर सुणवाई नूं गहु नां वाचिआ सी। उहनां विचों इक धीर वी सी।
धीर कोल जाण लग्गिआं पिआरे लाल नूं कुआरीआं कुड़ीआं वांग शरम आउंदी सी। उस नूं लग्गदा सी वकील सोचेगा जिवें पिआरे लाल फूक छक रिहै। आपणी तारीफ़ सुणना चाहुंदै। असलीअत इह नहीं सी। उह तां फ़ैसला जाणना चाहुंदा सी। फ़ैसले दे रुख़ बारे जाणना चाहुंदा सी।
कंटीन विच धीर नूं इकल्ला बैठा देख के पिआरे लाल नें मन करड़ा कीता अते उस दुआले हो गिआ।
“लाला जी, जे फ़ैसले गुणां औगुणां दे आधार ’ते होण ते फेर गल्लां काहदीआं। फ़ैसला करन तों पहिलां जज्ज सौ कुझ देखदै। पैसा, सिफ़ारिश, धिरां दा रुतबा अते आपणी इज़्ज़त। मैरिट दी वारी अख़ीर विच आउंदी है। ईमानदार जज्जां नें बेईमान जज्जां नालों वध्ध इनसाफ़ दा भठ्ठा बिठा रख्खिऐ। उस नूं इको ख़तरा बणिआ रहिंदै। दोशी बरी करन नाल किधरे उस दी इज़्ज़त नां चली जावे। लोक इह नां आखण जज्ज नें पैसे लै के दोशी बरी करता। मैनूं तां इस गोरख धंदे दी सारी उमर समझ नहीं आई। सज़ा वाले केस बरी हो जांदे नें बरी वाले सज़ा। जिंना चिर जज्ज दे मूंहों हुकम नहीं निकलदा, ओना चिर खूह ’च इट्ट ही समझो।”
धीर दीआं खरीआं-खरीआं गल्लां नें पिआरे लाल दा दिल धक्क-धक्क करन ला दित्ता।
इस कौड़े सच्च नूं निकलणा पिआरे लाल लई मुशकल हो गिआ।
“रावां आख़र रावां हुंदीआं हन। जिस दा जिहो जिहा तजरबा, उस दी उहो जिही खट्टी-मिठ्ठी राए।” सोचदा-सोचदा पिआरे लाल रावां दा खहिड़ा छड्ड के असलीअत पिछ्छे घुंमण लग्गा।
जज्ज दा सटैनो इको-इक अजिहा बंदा सी जिहड़ा सारी असलीअत जाणदा सी। अदालत दे सारे दरवाज़े बंद कर के जज्ज दो दिनां तों उस नूं फ़ैसला लिखवा रिहासी।
कल्ह थक्का-टुट्टा सटैनो जदों रिटाइरिंग रूम विचों बाहर निकलिआ सी तां पिआरे लाल नें उस नूं घेरिआ सी।
“हाले पहिला हिस्सा ही लिखाइऐ। केस दे रुख़ दा अगले हिस्से तों पता लग्गू।” सटैनो नें हाले इंना कु भेत ही खोल्हिआ सी कि एने नूं भंडारी दा मुनशी आ धमकिआ।
सिगरट बीड़ी पिलाउण दे बहाने उह सटैनो नूं आपणे कैबन वल्ल धूहण लग्गा।
पिआरे लाल नालों मुनशी दा सटैनो ’ते वध्ध ज़ोर सी। पिआरे लाल नूं पहिली वार कंम पिआ सी। मुनशी उस नूं हर रोज़ गफ्फे दिवाउंदा सी।
मुनशी अते सटैनो दी बुक्कल सांझी सी। इक शिकार नूं उठाउंदा सी अते दूजा फंडदा सी।
“जो मैं आखिआ ठीक आखिआ। मेरे ’ते यकीन करो।” मुनशी नाल जांदे सटैनो नें पिआरे लाल नूं इक वार फेर यकीन दिवाइआ सी।
बदनामी तों बचण लई मुनशी सटैनो नूं भंडारी दी थां शिंदे वकील दे कैबन विच लै गिआ।
पहिलां सिगरटां दी डब्बी फूकी गई। सटैनो जदों फेर वी कुझ नां उचरिआ तां बोतल मंगवाई गई।
बोतल देख के पिआरे लाल दी आस दा दीवा बुझ्झ गिआ।
पहिले पैग्ग नाल सटैनो नें शराबी हो जाणा सी। शराबी हो के उस नें अबा-तबाबोलणा सी। वगार ते वगार पाउणी सी। वगार पूरी नां हो सकी तां नुकसान करनासी।
पिआरे लाल नूं कंन लपेट के तुर जाण विच ही भला लग्गा सी।
पिआरे लाल दे पिछ्छों लहि जाण ’ते मुनशी नें सुख दा साह लिआ सी।
“बंटी कतल केस ’च की हो रिहै?” अध्धी बोतल सड़ाक के अते दो घंटे बरबाद करके वी जदों सटैनो नें कोई राह नां दित्ता तां खिझे मुनशी नें आपे गल्ल तोरी।
“देवी दी सहुं। जज्ज नें हाले तत्थ लिखाए नें। जिंना चिर बहिस नी लिखाउंदा, कुश पता नी लग्गदा।”
“तेरी मरज़ी।” सटैनो दी सहुं नूं नज़र अंदाज़ कर के मुनशी नें रोस प्रगटाइआ।
जदों सटैनो नें फेर वी राह नां दित्ता तां हरखे मुनशी नें बाकी बचदी शराब नूं गलासां विच पाइआ, अंदर सुट्टिआ ते घर जाण लई उठ्ठ खड़ोता।
“तूं ऐवें ग़ुस्सा कर गिआ। मैं सच्च आख रिहां।” सटैनो रुस्से मुनशी नूं मनाउण दा यतन करन लग्गा।
सटैनो दा हाले कुझ नहीं सी बणिआ। उह उठ्ठण दे मूड विच नहीं सी।
मुनशी दे अध्ध विचकार डोबा दे के तुर जाण ’ते सटैनो पछताउण लग्गा। मुनशी दे लालच ’च उह पिआरे लाल नूं वी हत्थों कढ्ढ चुक्का सी।
पल्लिउं पीण वाला सटैनो वी नहीं सी।
पिआरे लाल दा कमरा किहड़ा दूर सी। डिगदा-ढहिंदा उह पिआरे लाल कोल पुज्ज गिआ।
पिआरे लाल नें उस नूं दारू नाल नुहा दित्ता। फ़ैसले बारे दस्सण लई उस कोल फेर वी कुझ नहीं सी।
दूजे दिन वी पनाला उथे दा उथे सी।
जज्ज दा मन सथिर नहीं सी। कदे उह सज़ा वाला फ़ैसला लिखवा दिंदा अते कदे बरी वाला। फेर सारे वरके पाड़ दिंदा।
सटैनो नूं कल्ल्ह सुबहा कोठी बुलाइआ गिआ सी। जज्ज नें उस नाल वाअदा कीता सी। रात नूं उह आपणा मन बणा लएगा। कल्ल्ह नूं हर हालत विच उह फ़ैसला डिकटेट कराएगा।
“कल्ल्ह वी आ जाएगी।” हउका भर के सबर करन तों सिवा पिआरे लाल कुझ नहीं सी कर सकिआ।
30
बेचैन पिआरे लाल सारी रात उसल-वट्टे लैंदा रिहा। कदे अख्ख झपकदी वी तां कचहिरी दे सुपने आउण लग्गदे। कदे जज्ज दोशीआं नूं सज़ा कर रिहा हुंदा, कदे बरी। कदे पिआरे लाल दी वाह-वाह हो रही हुंदी, कदे निंदिआ।
बहिस होई नूं दो दिन हो गए सन। सटैनो आखदा सी जज्ज नें हाले तक मन नहीं बणाइआ। पिआरे लाल नूं इह बहाना जचिआ नहीं सी। इह किहड़ा अफ़ीम शराब दा केस सी बई दिल करिआ चार पंने लिखवा दित्ते। इह उलझणां भरिआ कतल केस सी। जज्ज नूं घट्टो-घट्ट सौ पंना लिखणा पैणा सी। ऐडा फ़ैसला लिखणा होवे तां जज्ज नूं मन कई दिन पहिलां बणाउणा पैंदा सी।
पिआरे लाल नूं सटैनो ’ते शक्क सी। उस नें सटैनो दी मुठ्ठी गरम नहीं सी कीती। इस लई उह झूठ बोल गिआ सी।
इह वी हो सकदै दोशीआं नूं सज़ा होणी होवे। सटैनो डर गिआ होवे। संमती किधरे पहिलां ही रौला नां पा देवे। जज्ज दे ख़िलाफ़ मोरचा नां ला लवे। इंझ हो गिआ तां सटैनो दा की बणेगा?
सचाई जाणन दा इछ्छुक पिआरे लाल साझरे ही तिआर हो गिआ।
कचहिरी जाण लई उस नें उह राह चुणिआ जिहड़ा जज्ज दी कोठी अग्गों दी लंघदा सी।
सटैनो दा सकूटर कोठी अग्गे खड़ा देख के पिआरे लाल नूं कुझ राहत महिसूस होई। सटैनो नें झूठ नहीं सी बोलिआ।
पिआरे लाल दा दिल कोठी अग्गे धरना लाउण नूं कीता, उह सटैनो तों ख़ुशख़बरी सुण के ही कचहिरी जावे।
पर इह शेख़चिल्ली वाले सुपने सन। सटैनो दा इंतज़ार कचहिरी बैठ के ही हो सकदा सी।
ख़ुशीआं-ग़मीआं ’च गवाचा पिआरे लाल कचहिरी आ बैठा।
गुरमीत पहिलां दा ही आइआ बैठा सी। पिछ्छे ही बाबा आ गिआ। ताज़ा दम होण लई उह कंटीन विच जा बैठे।
शहिर तों लै के रूस तक दे चलंत मसलिआं ’ते बहिस होण लग्गी।
“किउं गुरमीत, फ़ैसले बारे तेरा की विचार ऐ?” पिआरे लाल ’ते इको धुन सवार सी। घुमा-फिरा के उह गल्लबात नूं इसे विशे ’ते लिआ खहड़ाउंदा।
“जे फ़ैसला कानूंन मुताबक होइआ तां असीं जित्तांगे, नहीं तां हारांगे।” फ़ैसले बारे गुरमीत दे विचार सपश्शट सन।
“ते बहुती संभावना दूसरी तरहां दे फ़ैसले दी है।” बाबा वी पिआरे लाल नूं किसे भुलेखे विच नहीं सी रहिण देणा चाहुंदा।
“फ़ैसला कानूंन मुताबक किउं नहीं होएगा? जज्ज बड़ा भलामाणस है। कानूंन नूं नज़र-अंदाज़ किउं करेगा? तुसीं देख लैणा, फ़ैसला मिसल मुताबक होवेगा।” पिआरे लाल नूं हर उह विअकती बुरा लग्गदा सी जिहड़ा केस दे हारन दी गल्ल करदा सी। उह बाबा होवे भावें गुरमीत।
“इस केस विच नां जज्ज दी वुक्कत है, नां कानूंन दी। फ़ैसला सरकार दी इछ्छा अनुसार होणै।” गुरमीत चाहुंदा सी आउण वालीआं परसथितीआं दा साहमणा करन लई आपणे आप नूं पहिलां ही तिआर कर लिआ जावे। जिंनी वध्ध उह आस रख्खणगे, पिछ्छों ओना वध्ध निराश होणगे।
“जे फ़ैसले दा पहिलां ही पता सी तां आह महांभारत किउं लड़िआ? किउं गवाहां दीआं मिंनतां कीतीआं? किउं सारी-सारी रात अख्खां गालीआं?” मिहनत दा फल हत्थों खुस्सदा पिआरे लाल तों जरिआ नहीं सी जा रिहा।
“उदास नां हो। साडी जित्त पाले अते मीते दे सज़ा जां बरी होण नाल नहीं जुड़ी होई। साडी मंज़िल दूर है। मुकद्दमा बेशक्क असीं हार जाईए, जित्त फेर वी साडी होएगी। असीं लोक राए जाग्रित कीती है। इक सच्ची-सच्ची निआं-पसंद बार दे की फ़रज़ हुंदे हन? लोकां नूं इह दरसाइआ है।” ग़मां दीआं गहिराईआं ’च उतरदे जा रहे पिआरे लाल नूं गुरमीत संभालण दा यतन करन लग्गा।
पिआरे लाल हाले वी घुंमण-घेरीआं विच फसिआ होइआ सी। बाबे अते गुरमीत दीआं गल्लां तों लग्गदा सी, उह केस हारनगे। पिआरे लाल दा मन आखदा सी उह केस जित्तणगे।
अजिही दोचित्ती विच सटैनो दी महत्तता होर वी वध गई सी।
याद आउंदिआं ही जादू दे जिंन वांग उह उहनां साहमणे आ खलोता।
इस वार कुझ दस्सण दी उतसुकता सटैनो नूं सी। उस दी उतेजना बहुत प्रबल सी। जज्ज दी कोठी की वापरिआ? इस दा वेरवा देण लग्गिआं उह इह वी भुल्ल गिआ कि उह कंटीन वरगी शरेआम जगहा ’ते खड़ा सी। सटैनो वल्लों कीती गल्ल नूं खंभ लग्ग सकदे सन ते इह खंभ सटैनो लई घातक सिध्ध हो सकदे सन।
बिनां चंगे माड़े दी परवाह करे सटैनो मन दा ग़ुबार कढ्ढण लग्गा।
सटैनो दित्ते समें ’ते कोठी पुज्ज गिआ सी। जज्ज पहिलां ही तिआर बैठा सी। उस दा चिहरा शांत सी अते मन इकागर।
जिउं ही जज्ज नें फ़ैसला लिखाउणा शुरू कीता तां बैल्ल खड़क गई।
अरदली नें आए महिमान दा नां जज्ज दे कंन विच दस्सिआ।
भावें महिमान अनपहड़ गवार लग्गदा सी फेर वी उस नूं विशेश अहिमीअत दित्ती गई। सतिकार नाल उस नूं डराइंग रूम विच बिठाइआ गिआ। बड़े ठरंहमे नाल उस दी गल्ल सुणी गई।
महमिान कुझ ज़रूरी काग़ज़ अते इक निज्जी चिठ्ठी देण आइआ सी।
पहिलां सटैनो नें सोचिआ उह जज्ज दा रिशतेदार होवेगा पर जदों जज्ज दी इकागरता भंग हो गई तां सटैनो नूं शक्क होण लग्गा।
महिमान दे जांदिआं ही जज्ज दी फ़ैसले तों पकड़ जांदी रही। कदे कुझ लिखा दिंदा अते कदे कुझ।
घंटा मत्था मार के वी जदों कोई सिट्टा नां निकलिआ तां जज्ज नें सटैनो तों मुआफ़ी मंगी। जज्ज उस नूं वाधू विच तकलीफ़ दे रिहा सी। जज्ज दा मन विचलित हो गिआ सी। मन टिकाणे आइआ तां उह फ़ैसला हत्थ नाल लिख लएगा। फ़ैसला नां लिखिआ गिआ तां होर तारीख़ पा देवेगा।
कोठीउं वापस मुड़दे सटैनो दा शक्क पक्का हो गिआ। महिमान कोई साधारन आदमी नहीं सी। उह कुझ जाणिआ-पहिचाणिआ जिहा लग्गदा सी।
हुण तक्क सटैनो महिमान नूं पछानण विच कामयाब हो चुक्का सी। उह जसटिस शिंगारा सिंघ दा पी.ए. सी। दो साल पहिलां जदों शिंगारा सिंघ इंसपैकशन ’ते आइआ सी तां सटैनो दी उस नाल मुलाकात होई सी।
पी.ए. दा भेस वटा के आउण दा कारन सपश्शट सी। उह जसटिस शिंगारा सिंघ दा कोई गुपत सुनेहा लै के आइआ सी। सुनेहा इसे केस नाल संबंधत सी। भेस संमती दे डरों वटाइआ गिआ सी।
सटैनो दे विचार अनुसार कुझ माड़ा वापरन वाला सी।
संमती नूं सुचेत कर के सटैनो नें मुफ़त कानूंनी सहाइता दे इस यग्ग विच आपणी आहूती पा लई।
“हुण की कीता जावे?” सोच विचार करन लई उह कंटीन तों उठ्ठ के पिआरे लाल दे तख़तपोश ’ते जा बैठे।
उहनां विचार शुरू कीता ही सी कि जीवन आहड़तीआ आ धमकिआ।
उस कोल वी भैड़ी ख़बर सी।
चंडीगहड़ों फ़ोन आइआ सी। उथों दे वरकरां नें गिआन सिंघ दीआं गतीविधीआं ’ते नज़र रख्खी सी।
शहिरों आ के गिआन सिंघ सिध्धा मुख्ख मंतरी दी कोठी गिआ सी। उस नाल भंडारी वकील अते संघ दा इक वफ़द वी सी।
पिछ्छों मुख्ख मंतरी नें शिंगारा सिंघ नूं तलब कीता सी। फेर उहनां विचकार कोई खिचड़ी पक्की सी।
फ़ैसला किसे तों चंडीगहड़ों लिखवाइआ गिआ सी। उह टाईप हो के शिंगारा सिंघ दे पी.ए. राहीं शहिर भेजिआ जा रिहा सी।
हो सके तां पी.ए. नूं शहिर ’च घेरिआ जावे। फ़ैसला खोह लिआ जावे।
चंडीगहड़ वालिआं नें हाई कोरट विच दरख़ासत दे दित्ती सी। केस मोता सिंघ दी अदालत विचों तबदील कीता जावे। पर फैसला किस नें लिखिआ है? किथे टाईप होइआ? इस तरहां दे ठोस सबूत हाले हत्थ नहीं सन लग्गे। खोज जारी सी।
दरख़ासत दी सुणवाई कल्ल्ह होणी सी। कोई सबूत मिल गिआ तां केस कल्ल्ह ही तबदील हो जाएगा। नहीं बंदी तां हो ही जाएगी।
इक दरख़ासत हेठली अदालत विच वी दित्ती जाए। मोता सिंघ नूं दरख़ासत दे फ़ैसले तक फ़ैसला सुणाउण तों रोकिआ जावे।
सुनेहा सुणदिआं ही सभ दे चिहरिआं ’ते मुरदनी छा गई।
शिंगारा सिंघ दा दूत हत्थों निकल चुक्का सी।
फौरी कारवाई दे तौर ’ते केवल दरख़ासत ही दित्ती जा सकदी सी।
इह किस्सा सुण के पिआरे लाल दी फ़ैसला सुणन दी उतसुकता उक्का ही जांदी रही।
31
मोता सिंघ नूं यकीन दिवाइआ गिआ सी कि होण वाले फ़ैसले दा राज़ उस अते शिंगारा सिंघ दे विचकार ही रहेगा।
पर संमती वल्लों आई दरख़ासत अते शहिर विच हो रहे सख़त सुरख्खिआ प्रबंधां तों लग्गदा सी जिवें होण वाले फ़ैसले दी कनसोअ दुनीआं भर नूं हो गई सी।
आपणी ज़मीर विरुध्ध फ़ैसला सुणाउण दा उस दा इह पहिला मौका सी।
पहिलां कदे उस नें इंझ नहीं सी कीता।
उस नूं पता सी कि उस दा इह रवई्ईआ उस नूं महिंगा पै रिहा सी। उह समाज अते भाईचारे नालों अलग्ग-थलग्ग हो रिहा सी।
इक-इक करके रिशतेदार उस नालों नाता तोड़दे जा रहे सन। उह आखदे सन कि मोता सिंघ दी गरदन विच जज्जी वाला किल्ला अड़ गिऐ। हुण उस नें रिशतेदारां तों की लैणै?
इक-इक करके अफ़सर वी औखे हो गए। आखदे सन। इह हरीश चंदर बणिआ बैठै। उतले-हेठले किसे दी वी परवाह नहीं करदा।
मोता सिंघ नूं सच्चमुच्च किसे दी परवाह नहीं सी। सिफ़ारशी मूंह सुजाउंदे सन सुजा लैण। रिशतेदार रुस्सदे सन रुस्स जाण। उह बिनां सिफ़ारशां वालिआं दा गला किवें घुट्ट देवे?
पर अज्ज उस नूं दो मासूमां दा गला घुट्टणा पै रिहा सी।
आपणी ज़मीर विरुध्ध फ़ैसला सुणाउण लई मन बणाउंदे मोता सिंघ नूं दिक्कत ’ते दिक्कत पेश आ रही सी। आपणी बाग़ी ज़मीर ’ते काबू पाउण लई कदे उह किसे तरक दा सहारा लैंदा अते कदे किसे तरक दा।
सभ तों शकतीशाली तरक उस ’ते शिंगारा सिंघ वल्लों होए अहिसानां दा सी।
मोता सिंघ वड्डा ज़िमींदार ज़रूर सी पर वड्डा वकील नहीं सी।
उस दे रिशतेदार वड्डे-वड्डे अफ़सर सन। कोई ऐस.ऐस.पी. अते कोई डिपटी कमिशनर। उहनां दे सहारे मोता सिंघ नूं कंम मिलदा सी। उहनां दे सहारे उह मुकद्दमे वी जित्तदा सी। फेर वी उस दा नां चोटी दे वकीलां विच शामल नहीं सी हुंदा।
उस दी आमदन वी बझ्झवीं नहीं सी। जदों रिशतेदार नेड़े-तेड़े ताइनात हुंदे तां आमदन दा गराफ़ असमान छूहण लग्गदा, जदों उह दूर निकल जांदे तां गराफ़ हेठां नूं डिग्गण लग्गदा।
इस अनिशचितता तों तंग आइआ मोता सिंघ कोई कारोबार शुरू करन बारे सोच ही रिहा सी कि मामे दी लाटरी निकल आई। शिंगारा सिंघ हाई कोरट दा जज्ज बण गिआ।
कुरसी संभालदिआं ही मामे नें भाणजे दी पिठ्ठ थापड़ी। ऐडीशनल सैशन जज्जां दीआं नौकरीआं निकलण सही, पहिली थां भाणजे लई राखवीं होएगी।
इंझ ही होइआ। अगले साल मोता सिंघ नूं वी जज्जी मिल गई।
मामे नें भाणजे लई बथेरीआं कुरबानीआं दित्तीआं सन।
मामे दे हिस्से इक पोसट आई सी।
उह चाहुंदा तां इस दा मुल्ल वट्ट लैंदा। दस-वीह लख्ख बोझे पा लैंदा।
उह चाहुंदा तां किसे नेता नूं ख़ुश कर लैंदा। वज़ीरी लई राह पध्धरा हो जांदा।
उह चाहुंदा तां आपणे किसे बास दी वाहवा खट्ट लैंदा। सुपरीम कोरट दी जज्जी लई इक वोट पक्की कर लैंदा।
पर शिंगारा सिंघ नें केवल मोता सिंघ दे सिर ’ते ही हत्थ रख्खिआ सी।
हुण मोता सिंघ उस हत्थ नूं किवें झटक देवे?
इह कुरसी मोता सिंघ नूं कदे वी आपणी नहीं सी लग्गी। इस दा असली मालक उस नूं शिंगारा सिंघ ही लग्गदा सी। उस दे मूंहों उहो हुकम निकलेगा जिहड़ा जे शिंगारा सिंघ इस कुरसी ’ते बैठा हुंदा तां उस दे मूंहों निकलदा।
शिंगारा सिंघ दे हुकम दी तामील कर के मोता सिंघ नूं सकून दी तमंना सी। उस दे सिर चहड़े अहिसानां दा बोझ कुझ हलका होणा सी।
मामे नें भाणजे नूं पहिली वार सवाल पाइआ सी।
अगांह मामे दी मजबूरी सी। जलदी ही उस नें रिटाइर हो जाणा सी। उस लई मुख्ख मंतरी नूं ख़ुश करना बहुत ज़रूरी सी। ख़ुश होइआ मुख्ख मंतरी उस नूं सुपरीम कोरट भेज सकदा सी, कोई पड़तालीआ कमिशन बिठा के उस दा चेअरमैन बणा सकदा सी। गवरनरी, अंबैसडरी लई सिफ़ारश कर सकदा सी।
भेली फुट्टी तां डली मोता सिंघ नूं वी मिलणी सी।
उस दी तरक्की दा केस अड़िआ पिआ सी। मोता सिंघ तों उपरले जज्ज दा रिकारड ख़राब सी, पर हाई कोरट दे जज्जां दा इक धड़ा उस जज्ज दी मदद कर रिहा सी। उह धड़ा उस नूं ‘इगनोर’ नहीं सी होण दे रिहा। विरोधी धड़ा उस नूं परमोट नहीं सी होण दिंदा। तिंनां सालां तों इहो झगड़ा चलिआ आ रिहा सी। उपरले जज्ज दा कोई फ़ैसला होवे तां मोता सिंघ दा नंबर आवे।
दोशीआं नूं सज़ा होण नाल शिंगारा सिंघ दी सरकारे-दरबारे पछ्छ वधणी सी। उस दे हत्थ मज़बूत होणे सन। मज़बूत होए शिंगारा सिंघ नें मोता सिंघ दी तरक्की लई अड़ जाणा सी। मोता सिंघ नूं जे साधारन तरक्की नहीं देणी तां सपैशल तरक्की दिओ। जे इंदरा नूं बाइज़्ज़त बरी करन वाले अते सतवंत सिंघ अते किहर सिंघ नूं फ़ांसी दी सज़ा सुणाउण वाले जज्जां नूं विशेश तरक्की मिल सकदी है तां मोता सिंघ नूं किउं नहीं? उह वी तां उहनां दीआं ही पैड़ां ’ते चल्लिआ सी।
किथे ऐडीशनल सैशन जज्ज। महिज़ इक डिगनीफाईड कलरक। किथे सैशन जज्ज, ज़िल्हे दा मालक।
कुझ देर लई ज़िल्हे दी मालकी दा नशा मोता सिंघ नूं भरमाउंदा रिहा।
पर संमती दी दोशां भरी दरख़ासत नें मोता सिंघ नूं झंजोड़ दित्ता। शिंगारा सिंघ अते सैशन जज्जी नालों उस दा मोह भंग होण लग्गा।
सारी रात मोता सिंघ बेचैन रिहा सी। निरदोशां दे ख़ून नाल हत्थ रंगण तों किवें बचिआ जावे? इस बारे सोचदा रिहा सी।
सभ तों सही अते पाक राह गुरमीत वाला सी।
गुरमीत नें आपणी ज़मीर दी आवाज़ सुणी सी। उस नें रबड़ दी मोहर बणन दी थां नौकरी छड्डण नूं तरजीह दित्ती सी।
गुरमीत नालों मोता सिंघ नूं नौकरी छड्डणी सौखी सी। गुरमीत दी सारी आरथिकता उसे नौकरी ’ते निरभर सी। मोता सिंघ नूं नां आरथिकता दी समस्सिआ सी, नां कबीलदारी दी। जाइदाद उस कोल बथेरी सी। दोवें लड़के पहड़-लिख के चंगीआं नौकरीआं ’ते लग्ग गए सन। इको-इक धी कीनीआ विआही होई सी।
जे गुरमीत नौकरी दी थां सच्च नूं तरजीह दे सकदा सी तां मोता सिंघ किउं नहीं?
मोता सिंघ गुरमीत नहीं सी बण सकदा। आरथिकता ही तां सभ कुझ नहीं हुंदी। रुतबा वी तां महत्तव रख्खदै। किथे मामूली जिही नौकरी। किसे शहिनशाहां वरगी सैशन जज्जी। अग्गे-पिछ्छे फिरदी पुलिस। जी हज़ूरी करदे सेठां, सरदारां दा झुरमट। हत्थ जोड़ी खड़े दोशी। इह नशा किते धरिआ पिऐ।
फेर तरक्कीआं ही तरक्कीआं। हाई कोरट, सुपरीम कोरट, गवरनरी अते होर कुझ वी।
जे मोता सिंघ जज्ज नां हुंदा तां उस दे धीआं-पुत्त नां ऐडे रुतबिआं ’ते पुज्ज सकदे, नां ऐडे घर विआहे जांदे। जे उस नें नौकरी छड्ड दित्ती तां कुड़म की आखणगे? रिशता करन लग्गिआं रिशतेदारां नें उस दे सिआड़ थोहड़ा देखे सन। रुतबा देखिआसी।
मोता सिंघ नें आपणी कुरसी वी बचाउणी सी, मामे दी इज़्ज़त अते आपणी ज़मीर वी। उस नूं कोई ढुकवां राह लभ्भणा चाहीदा सी।
पहिलां इज़्ज़त वाला राह इहो सी कि संमती वल्लों आई दरख़ासत मनज़ूर कर लई जाए। फ़ैसले नूं टालण दी थां उह मुकद्दमा ही टाल देवे।
निआं-पालिका दा सदाचार वी इहो मंग करदा सी। जज्ज दी इज़्ज़त कुआरीआं कुड़ीआं वरगी हुंदी है। शक्क दा वहिम वी उस दी निरपख्खता नूं दाग़ी कर दिंदा है। जदों किसे धिर नूं जज्ज दी निरपख्खता ’ते शक्क होवे तां उह फ़ैसले दी थां केस तबदील कर दिआ करदा है।
साधारन हालात हुंदे तां मोता सिंघ इंझ ही करदा। आपे केस तबदील करन नाल उलटा उस दी इज़्ज़त विच वाधा हंदा।
इस समें फ़ैसला टालणा ख़तरे भरिआ सी। जलदी फ़ैसले दी आपणी इछ्छा हाई कोरट विच पहिलां ही ज़ाहर कर चुक्का सी।
केस तबदील होण ’ते हाई कोरट नें मोता सिंघ ’ते शक्क करना सी। मोता सिंघ डर गिआ जां लालच ’च आ गिआ। दोहां हालतां विच उस दी अते शिंगारा सिंघ दी पैंठ ख़राब होणी सी।
केस तबदील करन नाल मोता सिंघ नूं मानसिक संतुशटी मिल जाएगी, पर दोशीआं नूं कोई फ़ाइदा नहीं सी होणा। हेठली अदालत दी की मजाल सी कि उह उपरली अदालत दी इछ्छा दे विरुध्ध जा सके। केस जिथे वी जाएगा उथे कोई मोता सिंघ वरगा बैठा होएगा। दोशीआं नूं जदों सज़ा ही होणी है तां मोता सिंघ ही किउं नां कर देवे।
दोशीआं नूं फ़ाइदा घट्ट सज़ा दे के वी पहुंचाइआ जा सकदा है।
“पाले अते मीते वरगे दोशीआं नूं बख़शिआ नहीं जांदा।” लोकां नूं इह जता के सरकार आपणी इज़्ज़त रख्खणा चाहुंदी सी।
लोकां दे मन दोशीआं नूं उमर कैद करवा के वी जित्ते जा सकदे सन। सज़ा दा मकसद समाज नूं गुनाहगारां तों मुकत कराउणा सी। पाले अते मीते नूं उमर कैद होण नाल वी समाज नूं राहत मिलणी सी।
चंगा होवे जे मोता सिंघ फ़ांसी दी थां उमर कैद दी सज़ा सुणा देवे। इंझ मोता सिंघ निरदोशां दे कतल दे जुरम तों वी बच जाएगा अते सरकार दी वी रहि जाएगी।
इस सज़ा नाल दोशीआं नूं वी लाभ पुज्जेगा।
फ़ांसी दी सज़ा होण नाल हाई कोरट नूं झट्ट सुणवाई करनी पएगी। झट्ट सुणवाई होई तां नतीजा हेठली अदालत वाला ही रहेगा।
उमर कैद नाल अपील दी सुणवाई अठ्ठ-दस साल लई टल जाएगी। इह मिसल वी बाकी मिसलां दे ढेर हेठ दब्ब जाएगी। जदों तक इस दी वारी आएगी, करोड़ां गैलन पाणी पुलां हेठ दी लंघ चुक्का होएगा। नां मुख्ख मंतरी हेठ कुरसी होएगी, नां शिंगारा सिंघ हेठ। कोई कुरसी ’ते होइआ वी तां उस कोल इस केस लई वकत नहीं होएगा। उस समें तक हज़ारां नवें मसले उठ्ठ खड़े होणगे। लोक बंटी अते पाले ते मीते नूं भुल्ल चुक्के होणगे। उदों तक होर सैंकड़े निरदोशां दे कतल हो चुक्के होणगे। लोक किस-किस पाले दा पिछ्छा करनगे?
फेर फ़ैसला मैरिट दे आधार ’ते होएगा। फ़ैसला मैरिट दे आधार ’ते होइआ तां सख़त तों सख़त जज्ज वी इहनां नूं सज़ा नहीं देवेगा।
इंझ दोशीआं नूं बरी होए देख के किसे नां किसे दिन मोता सिंघ आपणे मन दे बोझ तों मुकत हो जाएगा।
जिउं ही मोता सिंघ टाईप होए फ़ैसले विच रद्दो-बदल करन दी हिंमत बटोरदा तिउं ही शिंगारा सिंघ दे पी.ए. दी ताड़ना आड़ेह आ जांदी।
“साहिब दा फ़ुरमान है। फ़ैसला हू-ब-हू लागू होणा चाहीदै।”
जे दुध्ध देणा ही है तां मेंगणां किउं घोलीआं जाण?
मोता सिंघ उहो करेगा, जो उस नूं हुकम होइआ है। रात मोता सिंघ नें मन करड़ा कर लिआ पर हुण जदों उह इनसाफ़ दी कुरसी ’ते बैठण जा रिहा सी तां उस दा मन मुड़ डोल गिआ।
अदालत जाण तों पहिलां मोता सिंघ महाराज दी हज़ूरी विच पेश होइआ। चित्त इकागर कर के उस नें अरदास कीती।
“हे वाहिगुरू) हाई कोरट दे जज्जां दे दिल ’च मिहर पा। दोशीआं दी दरख़ासत मनज़ूर कर। आपणे इस सेवक नूं नरकां दा भागी होण तों बचा।”
रब्ब ’ते डोरी सुट्ट के मोता सिंघ कुझ राहत महिसूस करन लग्गा।
32
गड़बड़ दी संभावना नूं मुख्ख रख्खदे होए सारे शहिर विच सख़त सुरख्खिआ प्रबंध कीते गए सन।
सुरख्खिआ बलां नें रात ही जज्ज दी कोठी नूं घेर लिआ सी। गेट तों लै के छत्त तक ’ते पहिरा लगा दित्ता गिआ सी।
कोठीउं कचहिरी तक दे इक किल्लोमीटर दे रसते ’ते चप्पे-चप्पे ’ते सिपाही खड़ासी।
जज्ज नूं कचहिरी लै जाण लई विशेश प्रबंध कीता गिआ सी। इक काले शीशिआं वाली बुलट-परूफ़ कार विच जज्ज नें बैठणा सी। दो हथिआरबंद कमांडोआं नें उस दे सज्जे-खब्बे होणा सी। कार दे अग्गे पाइलट जीप अते पिछ्छे इसकारट गड्डी होणी सी।
कचहिरी दे अहाते विच दफ़ा इक सौ चुताली लगा दित्ती गई सी। किरपान, सोटी तां की, किसे बुढ्ढे ठेरे नूं खूंडी तक अहाते विच लै जाण दी इजाज़त नहीं सी।
कचहिरी विच साइलां नालों वध्ध भीड़ सुरख्खिआ जवानां दी सी। कुझ वरदी विच सन। उस तों कई गुणां वध बिनां वरदी तों।
सुरख्खिआ प्रबंधां दी देख-रेख लई डिपटी ख़ुद अहाते विच मौजूद सी। लाठी चारज, अथरू गैस, रबड़ दीआं गोलीआं तों लै के असल गोली तक दा प्रबंध कीता गिआ सी।
सिवल अधिकारी वी पिछ्छे नहीं सन रहे। दो फ़ाइर ब्रिगेड अते दो ऐंबूलैंस तिआर-बर-तिआर खड़े सन। ज़िल्हा मैजिसट्रेट नें सारे अधिकार ऐस.डी.ऐम. नूं सौंप दित्ते सन। मौके मुताबक उस नूं हर तरहां दा हुकम सुणाउण दी खुल्ल्ह सी।
ऐस.डी.ऐम. नें जीप ’ते लाऊड सपीकर फिट्ट करवा लिआ सी। वाकी-टाकी अते वाइरलैस्स सिसटम वी तिआर सी। लोड़ पैण ’ते उह ज़िल्हा मैजिसट्रेट तों लै के शहिर विच ताइनात हर सिपाही नाल संपरक कर सकदा सी। फौरी कारवाई लई उह अहाते विच मौजूद सी।
इह सारी नाटकबाज़ी मोता सिंघ नूं पसंद नहीं सी आई। इस दिखावे नाल निआं-पालिका दा वकार घट्ट रिहा सी। आपणा रोस उस नें ज़िल्हा प्रशासन कोल प्रगटाइआ सी।
प्रोटैसट दे तौर ’ते मोता सिंघ नें सरकारी गड्डी ’च चहड़न तों नांह कर दित्ती। आम दिनां वांग उह आपणे सकूटर ’ते कचहिरी जाएगा।
उस नूं समझाउण ज़िल्हा मैजिसट्रेट ख़ुद आइआ सी।
सख़त सुरख्खिआ प्रबंध प्रशासन दी मजबूरी सी। प्रशासन नूं दोहां धिरां तों ख़तरासी।
मोता सिंघ नूं प्रशासन दी इह दलील निरमूल लग्गी सी। संघ कोई ख़तरा खड़ा करन दी सथिती विच नहीं सी। ख़तरा संमती तों हो सकदा सी। सख़त सुरख्खिआ प्रबंधां दा मतलब संमती तों सुचेत होणा सी। संमती तों सुचेत होण दा मतलब दोशीआं नूं सज़ा होणा सी।
मोता सिंघ दा गड्डी विच बैठणा ज़रूरी सी। उस नें मन-मरज़ी दा फ़ैसला सुणाउणा हुंदा फेर सथिती आम वरगी हुंदी। हुण फ़ैसला उपरों आइआ सी। इस बारे संमती नूं पता लग्ग चुक्का सी। ग़ुस्से ’च आई संमती जज्ज नूं नुकसान पहुंचा सकदीसी।
मजबूरी वस्स जज्ज नूं कार ’च बैठणा पिआ।
कार विच बैठे जज्ज नूं अजीब-अजीब ख़िआल आउण लग्गे। उह आपणे आप नूं पाले अते मीते नालों वी भैड़ी सथिती विच महिसूस करन लग्गा। उह वी आपणे आप नूं पुलिस हिरासत विच महिसूस करन लग्गा। उस नूं लग्गा जिवें सरकारी पिसतौल उस दी पुड़पुड़ी कोल तणिआ होइआ सी। जिवें इह पिसतौल उस नूं सरकारी बोली बोलण लई मजबूर कर रिहा सी।
कुझ कु पलां दी पुलिस हिरासत नें मोता सिंघ नूं युग्गां जिड्डी ग़ुलामी दा अहिसास करवा दित्ता। मुड़ आपणी ज़मीर अनुसार फ़ैसला सुणाउण लई उह तड़फण लग्गा।
हाई कोरट तों मिलण वाली बंदी दी आस रख्ख के जज्ज नें कुरसी संभाल लई।
पहिलां दोशीआं नूं कचहिरी विच लिआंदा गिआ।
धड़कदे दिल, भरे मन अते सिल्ल्हीआं अख्खां नाल मोता सिंघ नें दोशीआं वल्ल तक्किआ।
दोहां दे चिहरे पीले भूक सन। करड़-बरड़ी दाहड़ी इकड़-दुक्कड़ होई पई सी। अख्खां अंदर नूं धस गईआं सन अते जाभां बाहर नूं निकल आईआं सन। काली शाह बुल्ल्हां ’ते सिक्करी जंमी होई सी। सरीर सुक्क के काने बणे पए सन।
इहनां हड्डीआं दे ढांचिआं नूं भारीआं बेड़ीआं अते पुठ्ठीआं हत्थकड़ीआं विच जकड़िआ होइआ सी।
दोहां दोशीआं दीआं अख्खां बंद सन। उहनां दे बुल्ल तेज़ी नाल फरक रहे सन। जिवें उह किसे पाठ दा जाप कर रहे होण।
लग्गदा सी जिवें उह काहल विच सन। जिवें फ़ैसले तक उहनां नूं आपणे पाठ मुकंमल होण दी आस नहीं सी। जिवें उहनां नूं होण वाले फ़ैसले दा इलम सी। जिवें उह मौत नाल गल्लां कर रहे सन। जिवें कुझ ही पलां बाअद उहनां पाग़ल हो जाणासी।
इक वारी दोशीआं नें अख्खां खोल्हीआं। पाग़लां वांग उहनां कुरसी ’ते बैठे दूजे रब्ब वल्ल तक्किआ। झट्ट उहनां अख्खां मीच लईआं जिवें कबूतरां नूं बिल्ली दा झउला पिआ होवे।
“इह की सोच रहे होणगे?” मोता सिंघ उहनां दी मनोदशा दा अंदाज़ा लाउण लग्गा।
“शाइद उह रब्ब कोलों पुछ्छ रहे होण। निरदोशां नूं सज़ा कर के मोता सिंघ वी इक जुरम करेगा। फेर सज़ा दी थां उस नूं तरक्की किउं मिलेगी?
इस किउं दा मोता सिंघ नूं कोई उत्तर नहीं सी सुझ्झ रिहा।
जवाब लभ्भण दी थां उह मिसल दे वरके उलटाउण लग्गा।
कुझ देर बाअद दोहां धिरां दे वकील वी अदालत विच आ गए।
अंतिम फ़ैसले तों पहिलां सफ़ाई धिर दी दरख़ासत ’ते फ़ैसला होणा सी।
सरकारी धिर वल्लों ज़िल्हा अटारनी अते सफ़ाई धिर वल्लों पिआरे लाल आइआ सी।
गुरमीत नें अज्ज काला कोट नहीं सी पहिनिआ। वकील दी थां अज्ज उस नें संमती दे इक कारकुन दे फ़रज़ निभाउणे सन।
सारी सथिती दे सपश्शट हो जाण दे बावजूद वी पिआरे लाल दे दिल दे किसे कोने विच हाले वी आस दी जोत जगदी सी। शाइद चंडीगहड़ वाले वरकरां नूं भुलेखा लग्गा होवे। नां टाईप होइआ फ़ैसला किधरों आ सकदै, नां कोई जज्ज लिखिआ- लिखाइआ फ़ैसला सुणा सकदै। शाइद मोता सिंघ दी ज़मीर जाग पए। शाइद निज्जी मुफ़ादां नालों इनसाफ़ दी मरिआदा उस ’ते भारू हो जावे।
इहो जिहा सोचदा पिआरे लाल काला कोट पा के दरख़ासत ’ते बहिस करन आइआ सी।
सफ़ाई धिर दी दलील सी कि कुझ दिन फ़ैसला अग्गे पाउण ’ते सरकारी धिर नूं कोई उजर नहीं होणा चाहीदा। इहनां चार दिनां ’च फ़ैसले नें कोई बदल थोहड़ा जाणा सी। बस्स सफ़ाई धिर दी तसल्ली हो जाणी सी।
फ़ैसला अग्गे पाए जाण ’ते सरकारी धिर नूं सख़त इतराज़ सी।
सरकार नूं ख़ुफ़ीआ विभाग तों रिपोरट मिली सी। फ़ैसले वाले दिन भारी गड़बड़ होणी सी। दोशी सज़ा होए तां संमती गड़बड़ करेगी। बरी होए तां संघ। सरकार नें विआपक सुरख्खिआ प्रबंध कीते सन। लख्खां रुपिआ ख़रचिआ सी। वार-वार अजिहे प्रबंध नहीं कीते जा सकदे।
अदालत जो मरज़ी फ़ैसला सुणाए, पर सुणाए अज्ज ही।
उंझ ज़िल्हा अटारनी नूं ऐडवोकेट जनरल दा कल्ल्ह ही फ़ोन आ गिआ सी। हाई कोरट वल्लों बंदी नहीं होण दित्ती जाएगी। फ़ैसला अग्गे नां पैण दित्ता जाए। सफ़ाई धिर बहुता ज़ोर पावे तां फ़ैसला दुपहिर तक रुकवा लिआ जावे। तद तक होए फ़ैसले दी सूचना जज्ज तक पहुंचा दित्ती जाएगी।
सरकारी धिर दे मशवरे ’ते फ़ैसला दुपहिर तक टाल दित्ता गिआ।
हाई कोरट विच अजिहीआं दरख़ासतां ’ते सुणवाई गिआरां वजे तक हो जाइआ करदी सी। बंदी मिल गई तां लंबी तारीख़ पा दित्ती जावेगी, नां मिली तां फ़ैसला सुणा दित्ता जाएगा। इस समें दौरान धिरां आपणे-आपणे सूतरां तों होए फ़ैसले दी इतलाह लै लैण।
ज़िल्हा अटारनी नूं गिआरां वजे ही इतलाह मिल गई। दरख़ासत ख़ारज हो चुक्की सी। सफ़ाई धिर नूं चंगीआं झाड़ां पईआं सन। सफ़ाई धिर हर जज्ज ’ते दोश लाउण दी आदी हो गई सी। इंझ हाई कोरट केस बदलण लग्गे तां फ़ैसले किवें होणगे?
ज़िल्हा अटारनी नूं इह वी दस्सिआ गिआ कि फ़ोन राहीं जज्ज नूं वी सूचित कीता जा चुक्का सी। फेर वी जे लोड़ पवे तां ज़िल्हा अटारनी बिनां झिजक आपणा हलफ़ीआ बिआन दे देवे। ज़िल्हा अटारनी जो मरज़ी हत्थ-कंडा वरते पर फ़ैसला अज्ज ही कराए।
हलफ़ीआ बिआन टाईप करवा के ज़िल्हा अटारनी दुपहिर होण दा इंतज़ार करन लग्गा।
दुपहिर तक सारे शहिर विच ख़बर फैल गई। अज्ज बंटी कतल केस दा फ़ैसला होणा है।
संमती नें सथिती दा फ़ाइदा उठाइआ। उहनां नाल इक ख़बर होर जोड़ दित्ती। दोशीआं नूं फ़ांसी दी सज़ा होएगी। फ़ैसला मुख्ख मंतरी नें चंडीगहड़ों भेजिऐ।
अजीबो-ग़रीब केस दा अजीबो-ग़रीब फ़ैसला सुणन लई लोक वहीरां घत्त के कचहिरी वल्ल तुर पए।
संमती दे वरकर वी लोकां विच रल के कचहिरी पुज्ज गए। दफ़ा चुताली कारन फड़-फड़ाई दे डरों उह इधर-उधर खिंड गए। कोई किसे वकील कोल जा बैठा, कोई किसे अरज़ी-नवीस कोल।
संघ दे सारे वरकर कचहिरी पुज्जे होए सन। नां उहनां नूं पुलिस दा डर सी, नां पुलिस नूं उहनां तों। उहनां नूं बिनां रोक-टोक घुंमण दी खुल्ल्ह सी।
दोशीआं नूं सज़ा होणी सी। राम सरूप चाहुंदा सी कि इस ख़ुशी विच लड्डू वंडे जाण।
इस तजवीज़ ’ते पुलिस नूं सख़त इतराज़ सी। पुलिस दे यतनां दे बावजूद वी संमती दे कुझ वरकरां वल्लों कचहिरी विच हथिआर लै आउण दी संभावना बणी होई सी। संघ नें संजम तों कंम नां लिआ तां कोई वी घटना वापर सकदी सी।
हथिआरां दी गल्ल सुण के भंडारी धुर अंदर तक कंब गिआ। उस नूं आपणा पाला खाण लग्गा। भंडारी नें अदालत विच वकालत घट्ट कीती सी अते बाहर ज़िआदा। उह कई वार मुख्ख मंतरी नूं मिल चुक्का सी। सपैशल पी.पी. लाउण दा सुझाअ उसे दा सी। उसे दे सुझाअ ’ते फ़ैसला चंडीगहड़ों टाईप हो के आइआ सी। उसे दीआं कोशिशां सदका पाले अते मीते नूं सज़ा होण लग्गी सी।
भंडारी दी निज्जी दिलचसपी कारन संमती पहिलां ही उस ’ते नराज़ सी। हुण कचहिरी खचाखच भरी होई सी। भलमाणसी नाल पुलिस इंने लोकां नूं काबू नहीं सी कर सकदी। संमती वालिआं नें भंडारी ’ते हमला कर दित्ता तां उह किस दी मां नूं मासी आखेगा।
भंडारी नूं आपणे कीते दा पछतावा होइआ। उस नूं वी मोहन जी वांग आपणीआं गतीविधीआं नूं मुकद्दमे तक ही सीमत रख्खणा चाहीदा सी।
हुण बिहतरी किसे नां किसे बहाने अदालतों टल जाण विच सी।
खाणे दा समां सी।
पहिलां भंडारी लंच दे बहाने तुर गिआ। फेर घरों फ़ोन कर दित्ता। उस दे पेट विच दरद है, कचहिरी नहीं आ सकेगा।
खाणे दा समां समापत हुंदिआं ही मुड़ कारवाई शुरू होई।
दरख़ासत दे रद्द होण दी सूचना दोहां धिरां दे वकीलां नूं मिल चुक्की सी। हुण जज्ज फ़ैसला सुणाउण लई आज़ाद सी।
फ़ैसला सुणाउण तों पहिलां जज्ज नें दोहां धिरां दे वकीलां अते दोशीआं नूं कोल बुलाइआ।
इस तों पहिलां कि फ़ैसले दा कोई शबद जज्ज दे मूंहों निकलदा, अदालत दे बाहर जुड़ी भीड़ विचों किसे नें नाअरा मार दित्ता।
फेर नाअरिआं नाल असमान गूंजण लग्गा।
हौली-हौली गुत्थी सुलझी। नाअरेबाज़ी संमती वल्लों हो रही सी। बाबे दी कड़कवीं आवाज़ माहौल नूं जोशीला बणा रही सी। अंदर होण वाला फ़ैसला पहिलां ही बाहर सुणाइआ जा रिहा सी।
पुलिस नें पुज़ीशनां संभाल लईआं। फड़ो-फड़ी शुरू हो गई।
पुलिस दे ललकार अते संमती दे नाअरे साफ़ सणाई देण लग्गे।
रीडर, सटैनो, अरदली अते ज़िल्हा अटारनी, अदालत विच हाज़र विअकती दा दिल धड़कण लग्गा। बाहर पैंदे रौले-रप्पे तों साफ़ ज़ाहर सी कि बाहर कुझ वी वापर सकदा सी।
सभ नूं आपणा-आपणा फ़िकर सी। फ़ैसला होवे ते उह सुख्खीं-सांदी घर पुज्जण दा इंतज़ाम करन।
“पिआरे लाल जी, मुआफ़ करना। मैं तुहाडे साइलां नूं बरी नहीं कर सकिआ। सरकार दा पल्लड़ा भारी सी।”
फ़ैसला सुणाउंदे जज्ज दे हत्थ अते आवाज़ दोवें कंबण लग्गे।
“सज़ा बारे कुझ कहिणा है?” ज़ाबता पूरा करन लई जज्ज नें सफ़ाई धिर ’ते अगला सवाल कीता।
पिआरे लाल पहिलां ही भरिआ-पीता खलोता सी। इस उपचारकता नाल उस दा चिहरा होर वी सूहा हो गिआ। जोश अते ग़ुस्से नाल उस दा सरीर कंबण लग्गा।
जज्ज दा फ़ैसला जिवें बाहर खड़े लोकां दे कंनीं वी पै गिआ। संमती दे वरकर रोह विच आ गए। पुलिस घबरा गई। लाठी चारज होण लग्गा।
“जो उपरों लिख के आइआ है उहो सुणा देवो।”
पिआरे लाल दे मनों जदों निआं-पालिका प्रती बचदा-खुचदा विशवास उठ्ठ गिआ तां उस नें वी सख़त रवई्ईआ अपणा लिआ।
“इह अदालत दी तौहीन है” ज़िल्हा अटारनी नूं पिआरे लाल दे इस कटाख़श ’ते सख़त इतराज़ सी।
“बिलकुल नहीं। अदालत उह हुंदी है जिस दे हत्थ विच इनसाफ़ दी तक्कड़ी होवे। जिस अदालत दी तक्कड़ी दा इको पल्लड़ा होवे अते उह वी सरकारी, अजिही अदालत नूं मैं अदालत ही नहीं समझदा। जदों इह अदालत ही नहीं, इस दी इज़्ज़त काहदी?”
पिआरे लाल पूरी द्रिहड़ता नाल आपणे शबदां ’ते अड़िआ रिहा।
मोता सिंघ नें कंनां विच तेल पा लिआ। मन ही मन उस नें पिआरे लाल नूं शाबाश दित्ती। पिआरे लाल सच्च आख रिहा सी।
बाहरली भीड़ काबू तों बाहर हुंदी जा रही सी। अत्थरू गैस दा धूंआं कोरट रूम तक पुज्जण लग्गा।
“जज्ज साहिब, जलदी करो। भीड़ काबू तों बाहर हुंदी जा रही है। कारवाई पूरी करो ते बाहर निकलो।”
अचानक डिपटी कोरट रूम आ धमकिआ। उस दे हत्थ विच भरिआ होइआ पिसतौल सी।
“मैं गड्डी रिटाइरिंग रूम अग्गे ला दित्ती है। फटाफट विच बैठो। तुसीं वी डी.ए. साहिब।”
डिपटी हफिआ होइआ सी तां सथिती ख़तरनाक ही होएगी।
डिपटी दी ताड़ना सुण के अदालत दे अमले-फैले नूं वी हत्थां-पैरां दी पै गई। जज्ज अते डी.ए. लई गड्डी हाज़र सी। उहनां नें आपणी रख्खिआ आप करनी सी।
“इह बड़ा संगीन जुरम है। मामूली जिही रकम बदले इक मासूम बच्चे दा बेरहिमी नाल कतल कीता गिआ। अजिहे ख़ौफ़नाक जुरम दी सज़ा मौत तों घट्ट नहीं होणी चाहीदी। पर मैं रिआइत करके दोशीआं नूं उमर कैद दी सज़ा सुणाउंदा हां।” मोता सिंघ आपणी ज़मीर नूं पूरी तरहां कुचलण विच कामयाब नहीं सी होइआ। हिंमत बटोर के उस नें उपरों आए फ़ैसले विच कुझ रद्दो-बदल कर दित्ता सी।
फिर वी भरे गले नाल मोता सिंघ नें फ़ैसला सुणाइआ अते कंबदे हत्थां नाल काग़ज़ां ’ते दसतख़त कीते। आख़री अख्खर पा के उस नें पैन्न दा निब्ब तोड़िआ ते फेर टुट्टे पैन्न नूं परहां वगाह मारिआ।
इहनीं दिनीं निब्ब तोड़न दी प्रथा नहीं सी। पहिलां मोता सिंघ नें वी कदे इंझ नहीं सी कीता। अज्ज पहिली वार उस नूं आपणी कलम ’ते ग़ुस्सा आइआ सी।
बाहर रबड़ दीआं गोलीआं चल्लण लग्गीआं। किसे वी समें फ़ाइर खुल्ल्ह सकदासी।
बाकी दे काग़ज़ मोता सिंघ नें रीडर दे हवाले कीते। भारे-भारे कदम पुट्टदा आप उह डिपटी दे बराबर जा खड़ोता।
बाहर खड़ी जीप वल्ल उह वधण ही लग्गे सन कि इक भारी काली चीज़ उहनां दे पैरां ’च आ डिग्गी।
सभ त्रबक गए। मोता सिंघ दी तां चीक ही निकल चल्ली सी।
मोता सिंघ नें गहु नाल तक्किआ। इह काला कोट सी जिहड़ा उहनां उपर सुट्टिआ गिआ सी।
मोता सिंघ नें उस दिशा वल्ल तक्किआ जिधरों कोट आइआ सी। इह कोट पिआरे लाल दा सी। उह काली टाई वी लाह के सुट्ट चुक्का सी। इहनां कालीआं चीज़ां तों खहिड़ा छुडा के पिआरे लाल भीड़ वल्ल तुरिआ जा रिहा सी।
इक वार मोता सिंघ दा दिल कीता, उह कोट नूं चुक्क के हिक्क नाल ला लए। इह वरदी दी तौहीन सी।
दूसरे ही पल उह रुक गिआ। वरदी दी इस तों वध्ध तौहीन उस नें ख़ुद कीती सी। मोता सिंघ नूं आपणा कोट आपणे मोढिआं ’ते रख्खण दा वी अधिकार नहीं सी रिहा।
मोता सिंघ कोट तों लांभे हो के लंघणा चाहुंदा सी, पर डिपटी कोल इंना वकत नहीं सी।
कोट नूं लिताड़दा डिपटी अग्गे लंघ गिआ।
मिध्धे जा रहे कोट नूं देख के मोता सिंघ दे सीने ’च रुग्ग भरिआ गिआ। ख़ाकी वरदी नें काला कोट दरड़ दित्ता सी।