मारच 1992। मालटन कमिऊनिटी सैंटर, मिसीसागा-कैनेडा। ‘कलमां दे काफ़ले’ दे जनम दा ऐलान करनी भरवीं मीटिंग। टोरांटो अते आस पास दे समूह लेखक कुसीआं दे गोलदाइरे ’च इक्क सांझे सुपने नूं हकीकत ’च बदलण लई जुड़ बैठे सन। बीबी, अनुशासित अते चुसत दिख्ख वाला इक्क बंदा निक्के जिहे हाल ’च दाखल होइआ अते बड़े अदब नाल हत्थ मिलाउंदिआं बोलिआ, “किरपाल सिंघ पंनूं, इस मीटिंग बारे अख़बार ’च पहड़िआ सी।”

इस मीटिंग ’च काफ़ले दे विधान नूं पहड़िआ गिआ। लेखकां नें सुझाअ दित्ते, पंनूं हुरां नें वी। मैनूं पंनूं हुरां दे सुझाअ खास तौर ’ते टुंब रहे सन। मैं उहनां नूं बाकी लेखकां वांग इक्क लेखक वजों नहीं सां जाणदा इसे लई उनहां दे सुझाअ मेरे लई खास खिच्च दा कारन सन। उहनां ’चों पंजाबी बोली अते खास तौर ’ते भाशा प्रती खास प्रतीबध्धता दी महिक आ रही सी। जदों उह बोल रहे सन तां मैं नोट लैंदिआं गहु नाल उहनां वल्ल वेख रिहा सां। गोरा रंग। डोर पा के बंनी बसमां लग्गी दाहड़ी। चुसत-फुरत सरीर जिवें साधना अते संजम दा मुजस्समां। मेरे लई लेखकां दे दाइरे तों बाहरला उह पहिला बंदा सी जिस दी नेड़ता लई मैं उतसुक हो रिहा सां। मैनूं अपणा दाइरा फैलदा महिसूस हो रिहा सी अते किरपाल सिंघ पंनूं इस नवें अहिसास दा हत्थ अपणे हत्थ ’च लई मुसकरा रिहा सी।

काफ़ले दीआं मिलणीआं दा अतुट्ट प्रवाह शुरू होइआ। किरपाल सिंघ पंनूं इस दा अतुट्ट अंग बण गिआ। हुण उह अकसर नज़मां वी लिख के लिआउंदा अते सांझीआं करदा। कई वेर जद उस कोल कोई नज़म नां हुंदी तां उह एअरपोरट दी अपणी जौबह तों बाअद काफ़ले दी मीटिंग ’च आण बैठदा अते कवितावां गीतां कहाणीआं नाल महिकदी फ़िज़ा ’च ऊंघदा। उस दी थकान भरी ऊंघ किसे दम लै रहे कामे दी ऊंघ वांग काविक हुंदी अते मिलणी ’च अपणा सकून घोलदी रहिंदी। काफ़ले विचले उसारू कलातमिक माहौल दा पाह उहनूं चहड़न लग्गिआ। कहाणीकारां नाल उहदी दोसती कुझ वधेरे परपक्क होण लग्गी। उह खुद वी कहाणीआं लिखण लग्गिआ। “...ते उह रोंदी रही” उस दी चंगी कहाणी सी जो असीं इक्क मीटिंग विच्च पहड़ी अते विचारी।

काफ़ले दीआं इहनां ही मिलणीआं दौरान पंनूं हुरां नें ही इह सुझाअ वी दित्ता कि मासिक मीटिंगां तों इलावा निरोल कविता अते कहाणी दीआं त्रै-मासिक मिलणीआं वी करीए जिहड़ीआं कि हर वेर किसे लेखक जां पाठक दे घर होण अते घरेलू माहौल ’च अपणे परिवारां अते दोसत मित्तरां नूं वी साहित नाल जोड़ के काफ़ले दा आधार वसीह कीता जावे। कहाणी मीटिंगां दी शुरूआत दा जिंमां वी उहनां लिआ।

कहाणी मीटिंगां दे नाल नाल उहनां नें खास तौर ’ते टरांटो अते आस पास दे खेतरां ’चों नवें कहाणी लेखक/लेखकावां लभ्भणे शुरू कीते। नवींआं लेखकावां नूं खास तौर ’ते उतशाहित कीता। काफ़ले नाल जोड़िआ। हुण उह कहाणीआं दी इसलाह वी करन लग्गे। नवीआं नवीआं कहाणीआं लभ्भणा.. उहनां ’ते हत्थ फेरन दे नाल नाल उहनां नूं टाईप कर कर के अख़बारां रसालिआं तीक पुजाण दा ज़िंमां अणकिहा अते अण-ऐलानिआ ही उहनां नाल जुड़ गिआ।

इस पड़ाअ ते उहनां दी रुची खास तौर ’ते पंजाबी टाइपिंग, कीअ-बोरड लेअ आऊट, अते पंजाबी फौंटा दे मसलिआं वल्ल वधण लग्गी, तद तीक काफ़ले वल्लों पहिली वड्डी पंजाबी-कानफ़रंस 1998 दा मौका बण चुक्किआ सी। पंनूं हुरां नें इस कानफरंस ’च पंजाबी फौंटां बारे अते खास तौर ’ते पंजाबी लिप्पी दे कंपिऊटरीकरन बारे इक्क सैशन रखवाइआ। अमरीका विच्च प्रोफैशनल पध्धर ते पंजाबी फौंटां ’ते निशकाम कंम कर रहे कुलबीर सिंघ थिंद नाल पंनूं हुरां दी नेहड़ता नाल असीं थिंद हुरां नूं इस कानफ़रंस लई पे्ररिआ, बुलाइआ अते सनमानिआ। पंजाबी लिप्पी दे कंपिऊटरीकरन बारे परचे पहड़े गए। उसारू बहिस होई। पंनूं हुरां वल्लों तिआर कीती फौंटा दी सीडी मुफ़त वंडी गई।

फिर पंनूं हुरीं कुझ देर किचनर वाटरलू अपणे बेटे पास जा के रहिण लग्गे। काफ़ले दीआं मिलणीआं ’च उहनां दी घाट अकसर रड़कदी। इक्क वेर उह वाटरलू तों मीटिंग ’च शमिल होण आए तां उहनां दी दाहड़ी चिट्टी हो चुक्की सी। मैं उहनां नूं कारन पछ्छिआ तां उहनां हस्सदिआं किहा, “ओथे दे पाणी नाल दाहड़ी नूं रंग नहीं चहड़दा।” उस तों बाअद उह चिट्टी दाहड़ी नाल होर नवें गभ्भरू-जुआन दिसण लग्गे, इस दिख्ख ’च उहनां दा कुदरती सुहज अते सहिज होर तेजस्सवी हो उठिआ।

पंजाबी लिप्पी दे कंपिऊटरीकरन अते नव-तकनालोजी ’च पंजाबी भाशा दी सेवा-संभाल हुण उहनां दा इशक बण चुक्किआ है। उहनां नें खुद नवें फौंट ईजाद कीते हन। फौंटां दी दिख्ख विच्च कलातमिकता दे उह शैदाई हन। गुरमुखी लिप्पी तों शाहमुखी लिप्पी ’च बदलण वाले फौंट कनवरटर उहनां दी अणथक्क मिहनत, लगन अते प्रतीबध्धता दा परतख्ख प्रमाण हन। फौंटां दे नाल नाल उहनां नें आन-लाईन पंजाबी डिकशनरी तिआर करन दा वड्डा कंम वी कीता है। इहनीं दिनीं ही मैं कुझ कैनेडीअन पंजाबी बोलीआं लिखीआं जिहनां चों इक्क पंनूं हुरां नूं समरपित सी:

ओ! देस कनेडे उंझ बथेरे पंनूं

बई पंनूंआं ’चों इक्क पंनूं...

कंपिऊटर नाल मुहब्बत जिस दी

पंजाबी दा ठुक्क बंनूं

बई तैनूं किरपाल सिंहां

दुनीआ इक्क दिन मंनूं

तैनूं किरपाल सिंहां.....!!

कंपिऊटरी-इशक दे नाल नाल उहनां दा काफ़ले नाल पिआर ते साहित अते साहितकारां नाल डूंघा सतिकार भरिआ रिशता काइम है। पिछले दहाके तों लै के हुण तीक टोरांटो अते आस पास दे लेखकां दी छपी शाइद ही कोई पुसतक होवे जिहड़ी पंनूं हुरां दे रिविऊ तों बगैर प्रैस ’च गई होवे। हर छपण जा रही पुसतक फौंट, ले-आऊट अते परूफ़ रीडिंग दे पख्ख तों निसचिंत होण लई पंनूं हुरां पास इवें ही पुज्जदी है जिवें विआह तों पहिलां कोई विआंदड़ किसे जठेरे दे तकीए तों आशीरवाद लैण जावे।

पंनूं हुरां नें जित्थे पंजाबी लिप्पी अते भाशा नूं समें दी हाणी तकनोलोजी दे हाण दा बणाउण दा अहिम कारज डूंघे पिआर अते सतिकार नाल कीता है अते लगातार कर रहे हन ओथे उहनां टोरांटो अते आस पास दी कमिऊनिटी ’च कंपिऊटर दा ‘गिआन-लंगर’ वी चला रख्खिआ है। उह पिछले कुझ सालां तों बकाइदा कंपिऊटर दीआं कलासां चला रहे हन जिहनां ’च कंपिऊटर राहीं पंजाबी टाईपिंग दे नाल नाल बेसिक कंपिऊटर सकिलज़ जगिआसूआं नूं मुफ़त सिखाए जादे हन।

पंनूं हुरां दीआं इहनां सभ सेवावां दी महिक अज्ज दुनीआं दे हर उस खित्ते ’च है जित्थे पंजाबी वसदे हन, लिखदे हन अते छपदे हन। उहनां दे 75वें जनम दिन ’ते उहनां दे दोसतां मित्तरां अते प्रशंसकां वलों तिआर कीती जा रही इह अभिनंदन पुसतक उहनां नूं जिवें ज़माने वल्लों दित्ती जा रही ‘शाबाश’ है। शाला! पंजाबी भाशा, साहित अते सभिआचार दा इह अणथक्क कामा इवें ही जगदा-मघदा रहे।

जिवें देविंदर सतिआरथी बारे मशहूर है कि उस नूं जद दरगाहों ’वाज पई होवेगी तां धरमराज दी कचिहरी दा दरबान कूकिआ होवेगा, “देविंदर सतिआरथी...लोक गीतां वाला...हाज़र हो...ओ..ओ।” इवें ही जापदा है कि जद किरपाल सिंघ पंनूं नूं ’वाज पवेगी तां दरबान पुकारेगा, “किरपाल पंनूं फौंटा वाला...हाज़र हो...ओ ओ ओ।”