रात दस कु वजे दा वकत होवेगा। टी वी वेखण तों विहले हो के बाल-बच्चे आपणी मां दी निगरानी अधीन आपणा सकूल दा कंम कर रहे सन। मैं कोई किताब पहड़ रिहा सां। घर दी बाहरली कंध तों साडे घर दे विहड़े विच 'दगड़ दगड़' छालां वज्जण दी आवाज़ सुणी। साडे कलेजे मुठ्ठी विच आ गए। जिहड़ी गल्ल दा डर सी, उह आख़र हो के ही रही। मेरी इस 'होणी' नूं मेरे सहिकरमीआं अते दोसतां नें अंदरो-अंदर पहिलां ही कलपिआ होइआ सी।

"तुसीं उस दिन बहुत वड्डा रिसक लिआ, ज़ख़मीआं दी मदद करके। लोक तां इह वी कहिंदे हन कि तुसीं पुलिस नूं फ़ोन करके 'सिंघां' नूं फड़वाउणा चाहुंदे सी। गल्लां तां सभ 'उहनां' तक्क पुज्ज ही जांदीआं नें। आपणा बचा रख्खिओ! सावधान रिहा करो।" साडे सकूल दे पी टी मासटर नें सलाह दित्ती।

"मैं उहनां नूं फड़ाउण लई नहीं, मौके 'ते आ के हालात नूं वेखण अते ज़ख़मीआं नूं सांभण लई मदद करन वासते पुलिस नूं बुलाउणा चाहुंदा सां। पुलिस नें उहनां नूं की फहड़ना सी! ठाणेदार तां सानूं राह 'च ही मिलिआ सी; उहनां नूं वेख के लुक गिआ सी। फहड़ना पुलिस नें आपणी मां दा सिर सी!" मैं सपशटीकरन वी दिंदा अते आपणे आप नूं तसल्ली वी। पर इक्क डर सचमुच्च मेरे धुर अंदर वड़ के बैठ गिआ सी। असीं दोवें जीअ जदों कदी इकल्ले बैठदे तां साडी गल्ल-बात विच इह डर अकसर ही आण खलोंदा।

मेरी पतनी मैनूं धीरज बंनहाउंदी, "कोई नहीं । उह सच्चा पातशाह तां सभ कुझ विंहदा ए। असीं किसे दुखी ते लोड़वंद दी मदद ही कीती है। सिख्खी विच किसे मज़लूम दी जान बचाउणा पुंन दा कंम समझिआ जांदा है कि पाप दा? 'सरबत्त दा भला' मंगण वाला बाबा नानक आपे साडा वी भला करू।" उह गुरू नानक दी तसवीर वल्ल वेख के अख्खां मुंद के हत्थ जोड़ लैंदी।

पिंड विच गोली चल्लण दी घटना वापरी नूं महीने तों उत्ते हो गिआ सी। इस समें विच देश अंदर बहुत कुझ होर वापर चुक्का सी। इंदरा गांधी दा कतल हो चुक्का सी। दिल्ली अते पंजाबों बाहरले होर शहिरां विच वस्सदे सिख्खां दे योजना-बध्ध तरीके नाल होए कतलेआम दे प्रतीकरम वजों पंजाब विच अते ख़ास करके पिंडां विच 'हिंदूआं' दे जान-माल लई ख़तरा होर वी वध गिआ सी। उह आपणे आप नूं पहिलां नालों वी वध्ध असुरख्खिअत समझण लग्गे सन। जित्थे अत्तवाद दीआं घटनावां वध रहीआं सन, उथे पुलिस अते सुरख्खिआ दसतिआं वल्लों वी शिकंजा, होर, कस्सिआ जा रिहा सी।

कंध उतों छालां मार के आउण वालिआं नें, जिस कमरे विच असीं बैठे होए सां, उसदा वख्खी वाला दरवाज़ा ठकोरिआ। असीं दोहां जीआं नें इक्क दूजे दे मूंह वल्ल वेखिआ। सोचिआ; शाइद इह इक्क दूजे दे अंतम दीदारे हन। दरवाज़ा दूजी वारी खड़किआ। मैनूं छेती नाल बाहों फहड़ के आपणे पिछ्छे करदिआं पतनी नें हौंसला करके दरवाज़े दी चिटकणी खोल्ह दित्ती। उह 'पहिला वार' आपणे उत्ते झल्लण लई तिआर सी!

साहमणे दरवाज़े विच ख़ाकी वरदी विच कस्सिआ, दरमिआने कद्द दा आदमी जिस दे मोढे उत्ते सटार अते फ़ीती चमक रहे सन; हत्थ विच रीवालवर लई खलोता सी। उहदे पिछ्छे हवालदार दी वरदी पहिने आदमी नें हत्थ विच फहड़ी राईफ़ल मेरे वल्ल ताणी होई सी। उहदे पिछ्छे होर दो जणे पुलिस वरदी विच सन।

'तां इह 'सिंघ' पुलिस वरदी विच आण धमके सन!'

मैं मन ही मन अनुमान लाइआ।

"आ जाह, निकल आ बाहर । कित्थे जाएंगा बच के हुण?" हवालदार नें ललकारा मारिआ।

मैं हत्थ नाल फहड़ के पतनी नूं पिछ्छे कीता अते थाणेदार नूं पुछ्छिआ, "कोई कारन वी तां दस्सो।"

मैं जाणना चाहुंदा सां कि इह सचमुच पुलिस वाले सन जां पुलिस दी वरदी विच तथा-कथित खाड़कू!

उंज मेरे लई 'पैंदे सौवां, सिरहाणे सौवां' वाली 'इक्को गल्ल' ही सी।' 'खाड़कूआं'दा डर तां सी ही, पर पुलिस वी किहड़ी घट्ट कर रही सी! 'बलू सटार ओपरेशन' तों पिछ्छों इह 'ओपरेशन वुड्ड-रोज़' वाले दिन सन। सरकार नें भारती फौज अते पैरा-मिलटरी फोरसिज़ नूं 'अत्तवाद' कुचलण लई लगभग 'मारशल-लाअ' वाले अधिकार दित्ते होए सन; जिनहां अधीन पिंडां विचों 'अत्तवादीआं'नूं चुण चुण के लभ्भणा अते काबू करना शामल सी। सिख्ख धरम अते सभिआचार बारे अणजाणपुणे कारन, इह फोरसां, हरेक अंम्रितधारी अते खुल्ल्हे दाहड़े वाले आदमी दे 'अत्तवादी' होण दे भरम दा शिकार सन। इस भुलेखे कारन अते कई वार जाण बुझ्झ के वी अजिहे लोकां नूं तंग कीता जांदा, जिंनहां दा बिलकुल कोई कसूर नां हुंदा। कई छोटे 'गुनाहां' वालिआं नूं वड्डे तशद्दद दा शिकार होणा पैंदा। इहनां छोटे 'गुनाहां' विच किसे खाड़कू दा रिशतेदार होणा, उस नाल माड़ी मोटी जाण-पछाण होणा, उस नूं जबरी घर आ वड़े नूं रोटी खवाउणा आदि दे दोश शामिल सन। कईआं दोशीआं अते कई निरदोशां नूं झूठे मुकाबले बणा के मारिआ जाण लग्गा। जिहनां दा किसे कारन पहिलां ही पुलिस दे रीकारड विच नां सी, उहनां लई वी इह 'भले दे दिन' नहीं सन।

इस दो-मूंहीं कुड़िक्की विचों मैं किहड़ी दे मूंह विच आउण वाला सां!

"पग्ग रख्ख लौ सिर 'ते। रात लई ठंढ तों बचा लई कोई कप्पड़ा वी लै लवो।" थाणेदार नें किहा। उहदे बोलां विच हलीमीं सी।

"पर भा जी कोई कसूर तां दस्सो, इहनां दा। ऐवें नाहक्क ई तुसीं किवें लै तुरोगे इहनां नूं?" मेरी पतनी दा उजर सी।

"हक्क-नाहक्क दा सभ पता लग्ग जू।" हवालदार फिर गहड़किआ। थाणेदार नें उसनूं हत्थ दे इशारे नाल चुप्प करन लई किहा।

"चलो तिआर हो जो, छेती। कसूर असीं नहीं दस्स सकदे।" थाणेदार नें आखिआ। अड़न दा कोई चारा नहीं सी। सारी सथिती नूं 'रब्ब आसरे' छड्ड के मैं विचले दरवाज़े विचों लंघ के दूजे कमरे विच कप्पड़े बदलण चला गिआ। मैं पतनीं नूं कप्पड़े कढ्ढ के देण लई आवाज़ मारी। उह उठ्ठण लग्गी तां उसनूं किहा गिआ, "नहीं आपणी थां तों हिल्लणा नहीं!" उह बेवस्स हो के बैड्ड दी बाही उत्ते बैठ गई। पुलसीए वी कमरे विच डठ्ठीआं कुरसीआं उत्ते निठ्ठ के बैठ गए।

मैं अलमारी विचों कप्पड़े लभ्भण लग्गा।

मेरी पतनी थाणेदार नूं मेरे 'प्रसिध्ध लेखक' होण, पिंड दे सकूल विच कई सालां तों लग्गे 'ज़िंमेवार अधिआपक' होण अते पिंड दे लोकां वल्लों 'पिआरे अते सतिकारे जाण वाले' विअकती होण दा ज़िकर बिनां रुके करी जा रही सी।

"औह वरदी वाली तसवीर किसदी है?" अंगीठी 'ते पई पुलिस वरदी वाली तसवीर वल्ल इशारा करके थाणेदार नें पुछ्छिआ तां मेरी पतनी नूं आपणे हक्क विच भुगताउण लई इक्क होर 'वोट' मिल गई।

"इह मेरे पिता जी नें। पुलिस विच इंसपैकटर हुंदे सन। छब्बी जनवरी वाले दिन खेडां करदिआं, उहनां दी घोड़े तों डिग्ग के मौत हो गई सी।" उह आपणे इंसपैकटर पिता दी थाणेदार नाल 'कित्ते दी सांझ' जोड़ के उसदी 'हमदरदी बटोरना' चाहुंदी सी शाइद!

मैं कप्पड़े बदल के वापस आइआ। मेरी वड्डी धी अते पुत्तर सहिमे होए सारा 'नाटक' वेख रहे सन। सभ तों छोटी बच्ची मेरी पतनी दी बांह खिच्च के बार बार आख रही सी, "मंमी मैनूं पहड़ाओ वी।"

मैं बच्ची दे सिर 'ते हत्थ फेरिआ। दूजे बच्चिआं वल्ल तरदी जिही नज़र मारी अते कमरे 'चों बाहर निकल आइआ।

पुलिस चौकी विच पहुंचण 'ते हवालदार नें कमरे विच पए इक्क लाणे मंजे वल्ल इशारा करके मैनूं किहा, "एथे पै जाओ। होर कप्पड़े लीड़े दी तां लोड़ नहीं?" उसदा रवई्ईआ वी लचकदार हो गिआ सी। मेरी पतनी वल्लों मेरे बारे दस्से जाण करके जां थाणेदार दे समझाउण करके जां रब्बीं ही उसदे मन विच मिहर पै गई सी! इस बारे कुझ नहीं सी किहा जा सकदा।

मैं 'धंनवाद' कहि के मंजे 'ते बैठ गिआ। सारे पुलसीए चौकी दा बाहरला दरवाज़ा बंद करके आपो आपणे टिकाणिआं 'ते जा के लंमें पै गए। ज़ाहिर सी कि मैनूं दिन चहड़न तीक इकल्ला छड्ड दित्ता गिआ सी। मैं मंजे 'ते लंमा पिआ आपणी ग्रिफ़तारी दा कारन जाणन दी कोशिश कर रिहा सां।

दिन चहड़िआ तां मैं वेखिआ कि पिंड दा साबका सरपंच सवरन सिंघ पंज सत्त बंदिआं समेत मेरे कोल आइआ, "भा जी तुसीं कोई फ़िकर नां करो। असीं हुणे थाणेदार नूं मिलदे आं।"

किसे नें मेरे लई लिआंदी चाह मेरे कोल रख्खी।

हौली हौली होर बंदे आउंदे गए, मेरे हक्क विच मेरे हमदरदां दी भीड़ जुड़दी जा रही सी। लोकां दे इस इकठ्ठ पिछ्छे मेरी पतनी दी हिंमत सी। रातीं जदों पुलिस वाले मैनूं फहड़ के लै आए तां उह बच्चिआं नूं आपणे कोल बिठा के सारी रात जागदी रही। नींद कित्थे आउणी सी! रात नूं इकल्ली किते जा नहीं सी सकदी। आंढी-गुआंढी तां दूजे घर कुझ 'हुंदा' सुण के उच्ची साह नहीं सन बाहर कढ्ढदे! मैं पहिलां वी दस्सिआ है; उदों अजे पिंड दे कुझ इक्क मोअतबर बंदिआं दे घरीं ही टैलीफ़ोन लग्गे होए सन। मैं 'मोअतबर' तां नहीं सां पर टैलीफ़ोन मैं वी लवाइआ होइआ सी। इस टैलीफ़ोन कर के मेरे नेड़ले यार मेरा मज़ाक वी उडाउंदे रहिंदे सन। मैं इह टैलीफ़ोन करना किस नूं सी! सिवाइ इक्क अध्धे रिशतेदार दे, मेरे जाणूआं जां रिशतेदारां 'चों किसे कोल वी तां टैलीफ़ोन नहीं सी लग्गा होइआ! मेरे घर बझ्झा इह 'काला हाथी' किस कंम सी! पर उस रात इह बड़ा कंम आइआ। पतनी नें तहड़के अंम्रित वेले, जदों अजे सारे सुत्ते होए सन, सभ नूं फ़ोन खड़का के मेरे ग्रिफ़तार होण बारे दस्स दित्ता सी अते उहनां नूं मेरे पिछ्छे जाण दी बेनती कीती सी। इहनां विचों बहुते लोकां नूं तां उसने वेखिआ वी नहीं सी होइआ, ज़बान सांझी करनी तां किते रही!सभ पिंड-वासीआं नें मेरा माण रख्खिआ सी। उह भीड़ दे रूप विच मेरे मगर उमड आए सन! उह मेरे कमरे विच आउंदे। मेरे नाल हत्थ मिलाउंदे अते 'फ़िकर नां करन' लई आख के चौकी दे बाहरले गेट साहमणें इकठ्ठे होण लग्गे। मैं हौंसले विच हो गिआ। आख़र मैं कसूर किहड़ा कीता सी जिस करके पुलिस वाले मेरी ग्रिफ़तारी नूं 'हक्क-बजानब' ठहिराउणगे!

सारे जणे चौकी दे बाहर खलोते, थाणेदार दे तिआर हो के आउण अते हकीकत जाणन दी उडीक कर रहे सन। एने चिर नूं दो सिपाहीआं दे नाल 'बूटा' मेरे कमरे विच मेरे कोल आइआ। उसदे चिहरे दा रंग उड्डिआ होइआ सी। मैं समझिआ मेरे फ़िकर करके चिंतावान है! मैं उसनूं धीरज धरन लई किहा।

"इह मैनूं वी फहड़ के लिआए नें।" उसने ख़ुलासा कीता।

"चंगा होइआ सगों साथ बण गिआ!" मैं मज़ाक कीता।

"पर भा जी आपां नूं लिआंदा किउं आं?" बूटे नें पुछ्छिआ अते फिर आप ही किआफ़ा लाइआ, "इह -हुरां दा कंम लग्गदा!"

बूटा साडे पिंड दे 'घुमिआरां' दा मुंडा सी। इकहत्तर-बहत्तर दे सालां विच उह गुरू नानक देव यूनीवरसिटी विच पंजाबी दी ऐम ए दा विदिआरथी सी। जदों उह बी ए दा विदिआरथी सी तां मेरे प्रभाव अधीन 'तत्ती लहिर'दे नेड़े आ गिआ सी। परचार दे कंम विच सरगरमी नाल हत्थ वटाउंदा। रात-बराते कंधां उत्ते इशतिहार लाउंदा, लवाउंदा। विदिआरथी यूनीअन अते नौजवान सभा विच कंम करदा। आगूआं वल्लों कीतीआं गुपत मीटिंगां विच भाग लैंदा अते होर नौजवान साथीआं नूं लहिर नाल जोड़ण दा कंम करदा। फिर उह ऐम ए दी पहड़ाई विचे छड्ड के ग़ैर-कानूंनी ढंग नाल जरमनी चला गिआ। उथे दिल नां लग्गा तां वापस परत आइआ। मैनूं कहिंदा, "भा जी! मैं सोचिआ कि जे एथे जरमनी विच रहि के ,औखे हो के, लुक छिप के,'इलीगल' कंम कर के ही पैसे कमाउणे नें तां आपणे मुलक विच ही इह 'इलीगल' कंम कर के, पैसे किहड़े नहीं कमाए जा सकदे!" हुण उह पिंड घट्ट वध्ध ही रहिंदा सी। बहुता 'बाहर अंदर' ही रहिंदा। आपणे 'कंम-कार' करदा। उसदी जोटी, हुण, 'उहो जिहे' लोकां नाल ही सी। वरहे-छिमाही मिलदा तां 'जुरम दी दुनीआं' दी कोई नां कोई दिलचसप साख़ी सुणा जांदा। इहनां साखीआं विच इक्क वार उसने इह वी दस्सिआ कि भिंडरां वाले दी सज्जी बांह सोढी नूं मारन वाला उहदा आपणा यार छिंदा है। उसने सोढी दे कतल दी कहाणी वी सुणाई अते फिर छिंदे दे कतल दी वी! उह इस गल्लों वी डरदा कि छिंदे नाल उहदी यारी रही होण कर के उसनूं वी नां मार दित्ता जावे! कदी कदी इह वी पता लग्गदा कि किसे 'केस' विच उसनूं फहड़ण लई पुलिस नें पिंड विच छापा मारिआ सी।

"पर भा जी! इहनां नें आपां नूं फहड़िआ किउं?"

उसदे सवाल दा जवाब मेरे कोल वी तां नहीं सी।

थाणेदार आइआ। साहमणे विहड़े विच धुप्पे लग्गे मेज़ 'ते बैठ के उसने पंज-चार मोअतबर बंदिआं नूं कोल बुलाइआ अते 'अंदरली गल्ल' दस्सी।

थाणेदार दी गल्ल सुण के उह साडे कोल आए।उहनां दे चिहरे गंभीर सन।

"भिख्खीविंड वाले ऐस ऐच ओ नूं आ लैण दिओ। उसदे आइआं ही असली गल्ल दा पता लग्गू। असीं एथे बाहर ही उडीकदे आं।"

उहनां दे बोलां विच पहिलां वाला उतशाह नहीं सी। चौकी वाले थाणेदार नें 'हकीकत' दस्स के उहनां दा जोश मठ्ठा कर दित्ता सी। इह हकीकत है की सी?

वेखिआ; फुफ्फड़ सूरता सिंघ मेरे दोहां वड्डे बच्चिआं ,रूप अते सुपनदीप नूं आपणीआं दोहां उंगलां नाल लाई चौकी दा दरवाज़ा लंघ रिहा सी। रूप नौं कु साल दी सी अते सुपन दी उमर छे कु साल सी। बच्चिआं वल्ल वेख के मेरा मन भर आइआ। की सोचदे होणगे मेरे बारे इह मासूम बच्चे! इहनां नूं तां नां ही देश दी सिआसत अते नां ही जुरम दी दुनीआं बारे कोई गिआन सी। उहनां लई तां उहनां दा पिओ 'बड़ी वड्डी ताकत' हुंदा सी, जिसदी बुक्कल विच उह सदा आपणे आप नूं सभ तों वध्ध सुरख्खिअत समझदे सन! उहनां दी इह 'ताकत' पुलसीआं दे हुकम अते इसारे 'ते बैठण, उठ्ठण अते बोलण जोगी रहि गई सी!

सूरता सिंघ दी इस थाणेदार नाल 'दूर-नेड़े' दी कोई रिशतेदारी सी। उह मेरी पतनी नूं धरवास दे के आइआ सी, "बीबी रजवंत! थाणेदार आपणा मुंडा है। उहदे हुंदिआं आपणे नाल नजाइज़ नहीं हुंदी। तूं रती भर वी फ़िकर नां कर।"

उहदा दित्ता धरवास वाजब सी। पतनी चिंता-मुकत हो के होर घड़ी पल तक मेरी वापसी दी उडीक कर रही सी।

मैनूं बच्चिआं नूं मिलण लई थाणेदार वाली मेज़ कोल ही बुला लिआ गिआ। मैं लाड नाल दोहां दीआं गल्ल्हां थपथपाईआं। मुसकरा के उहनां दीआं अख्खां विच अख्खां पा के उहनां नूं कुतकुताइआ। मैं सहिज रहिण दा यतन करदा होइआ इह प्रभाव देण दी कोशिश कर रिहा सां कि उहनां दा पिता हुण वी 'वड्डी ताकत' ही है!

उह पता नहीं की महिसूस कर रहे सन!

थाणेदार नें सूरता सिंघ नूं अलग्ग कर के 'कुझ' दस्सिआ। एने चिर विच इक्क जीप बाहरले गेट कोल रुकी अते उस विचों निकले ऐस ऐच ओ नूं बाहर खलोते बंदिआं नें घेर लिआ। उहनां नाल गल्ल कर के अते उहनां नूं बाहर ही रुकण दा कहि के, उह अंदर आइआ। चौकी वाले छोटे थाणेदार नें उठ्ठ के उसनूं सलूट मारिआ। मैं वी कुरसी तों उठ्ठ खलोता। उसने मैनूं बैठ जाण लई इशारा कीता। हुण साडी ग्रिफ़तारी दा रहस्स खुल्ल्हण दा मौका सी। थाणेदार बड़े ठरहंमें नाल बोल रिहा सी पर मेरे कंनां विच गड़गड़ाहट हो रही सी। मैं विचारगी दी हालत विच उसदे बोलां दे मलबे हेठां दब्बिआ गिआ सां!

"तुहाडे पिछ्छे आइआ सारा पिंड तुहाडा कसूर पुछ्छदा पिआ है! लौ सुण लौ आपणा कसूर। पिंड सुर सिंघ विच महीनां पहिलां जिहड़ी गोली चल्ली है असीं कहिंदे हां कि उह तुसीं चलाई है। इक्क बंदे नूं तुसीं कतल कीता ए अते चौदां बंदे ज़ख़मी कीते नें। इह केस बणदा है तुहाडे 'ते। हुण तुसीं साबत करना है कि गोली तुसीं नहीं चलाई! बंदा तुसीं नहीं मारिआ!"

उह उतसुक नज़रां नाल मेरे वल्ल वेखण लग्गा। 'दंद जुड़ जाणे' दा मुहावरा मैनूं पहिले दिन एनी बारीकी नाल 'समझ' आइआ! मैनूं सुझ्झ औड़ ही नहीं सी रही कि की जवाब देवां! मैं इह किवें साबत कर सकदा सां भला! दोश लाउण वाले उहनां दिनां विच, उंज वी, 'साबत' करन दा मौका कित्थे दिंदे सन! जे कोई साबत करन लई कुझ दस्सदा वी सी तां मंनदे कित्थे सन!

"तुहानूं मेरे बारे मेरे पिछ्छे आउण वाले लोकां कोलों पता लग्ग ही गिआ होवेगा कि मैं किहो जिहा बंदा हां! उहनां दस्स ही दित्ता होवेगा कि मैं गोली चलाउण वाला सां जां गोली लग्गण वालिआं नूं बचाउण वाला। इसतों वध्ध मैनूं सुझ्झदा ही नहीं कि मैं आपणी सफ़ाई विच की आखां!"

सूरता सिंघ मेरे हक्क विच बोलण लग्गा तां थाणेदार नें किहा, "सरदार जी, 'पुछ्छ-गिछ्छ' नाल सारी सचाई वेखिओ किवें साहमणें आउंदी! दुध्ध दा दुध्ध ते पाणी दा पाणी नितार के रख्ख दिआंगे।"

सूरता सिंघ नें बच्चिआं नूं उंगल लाइआ अते मेरी पतनी तक इह मनहूस ख़बर पहुंचाउण लई तुर पिआ। बच्चिआं नें थाणेदार दी सारी गल्ल सुण लई सी। उह बब्बोलिके होए धौणां मोड़ के मेरे वल्ल मुड़ मुड़ वेखदे दरवाज़े तों बाहर हो गए।

थोहड़े चिर पिछ्छों, भिख्खीविंड लिजाण लई, सानूं इक्क वख्खरे टैंपू विच बिठा लिआ। मेरे हमाइती बेवस्स अते ख़ामोश खलोते सन। एने चिर नूं सकूल विच मेरा जमाती रहि चुक्का किरपाल आइआ अते थाणेदार नूं, जीप विच वड़दे नूं वेख,हस्स के पुछ्छिआ, "साडे जमाती नूं कित्थे लै चल्ले ओ सरदार जी! सानूं कोई गल्ल दस्स के तां जाओ। इह तां साडा हीरा है। मैनूं तां हुणे पता लग्गा; भज्जा आइआं मैं।"

किरपाल, जिसनूं सारे 'पाल' कहिंदे सन, पहिलां पुलिस विच ही हुंदा सी। नकसली दौर विच उहदी डिऊटी मेरीआं गतीविधीआं दा धिआन रख्खण 'ते वी लग्गी रही सी। उह उदों वी मैनूं जमाती होण कर के 'संभल के चल्लण' दी 'हदाइत' करदा हुंदा सी। हुण उसने नौकरी छड्ड दित्ती सी अते सिआसत विच सरगरम दिलचसपी लैणी सुरू कर दित्ती होई सी। पुलिस विच रिहा होण कर के अते लोकां दे 'कंम-धंदे'करवाउण लई पुलसीआं नूं अकसर मिलदा रहिण कर के, पुलिस वालिआं नाल उसदे संबंध निर-उचेच सन। थाणेदार नें उसनूं किहा, "आ, तूं वी आ जाह। तेरे वल्ल वी जाणा सी।"

"चल्लो!" हस्सदा होइआ उह उहनां नाल ही जीप विच सवार हो गिआ।

टैंपू चल्लिआ तां रोण-हाके बूटे नें कंबदे होठां नाल किहा, "भा जी! इहनां नें आपां नूं गोली मार देणी एं। मैं पक्का हिसाब ला लिआ। इह ऐस ऐस पी इस ज़िल्हे 'च लाइआ ई एसे करके आ। कई झूठे पुलिस मुकाबले बणा के इहने कई बंदे मरवा दित्ते नें। आपां नूं वी इह छड्डण नहीं लग्गे!"

बूटा जो कहि रिहा सी, उह झूठ नहीं सी। इह 'सभ -कुझ' हो रिहा सी। जे पुलिस नें इह सच्च मंन ही लिआ है कि सुर सिंघ पिंड विच असीं ही गोली चलाई है तां बूटे दा ख़दशा सोलां आने सच्च सी। मेरे सरीर विचों वी दहिशत दी इक्क कंबणी लंघी अते मत्थे 'ते पसीने दीआं बूंदां उभ्भर आईआं।

"हैं भा जी! जे इहनां नें आपां नूं गोली मार दित्ती तां!" उहदे बोलां विच बच्चिआं वरगी विलकणी अते जुगिआसा सी। इह नहीं कि मैं अंदरों बड़ा बलवान अते सहिज सां पर मैं आपणे मन नूं करड़ा कर के, मुसकरा के उसनूं किहा, "बूटा सिंअहां! जे इहनां नें गोली मारनी ही होई तां आपां किहड़ी हत्थां नाल रोक लैणी एं! हौंसला रख्ख! जो होऊ, वेखी जाऊ।" मैं नहीं सां चाहुंदा कि सानूं लै के जाण वाले सिपाहीआं दे साहमणे साडी हालत हासोहीणी लग्गे।

थाणे जा के सानूं हवालात विच बंद कर दित्ता। कुझ पलां पिछ्छों पाल नूं वी इक्क सिपाही नें हवालात दा दरवाज़ा खोल्ह के अंदर वाड़िआ तां मैं समझिआ कि पुलिस नाल नेड़ले संबंधां कर के उह मेरे नाल 'गल्ल-बात' करन लई हवालात विच अंदर आ गिआ है। पर उह साडे नाल ही फ़रश 'ते आण बैठा।

"मैं तां तेरे पिछ्छे आउण कर के फस गिआ। नहीं तां मैं इहनां दे कित्थे काबू आउणा सी!"

तां थाणेदार सच्च ही आखदा सी उसनूं, "तूं वी आ जाह।तेरे वल्ल वी जाणा सी।"

पाल नें मिली सूचना अनुसार दस्सिआ कि पिंड दे सारे सरकरदा बंदिआं नूं ग्रिफ़तार करन लई पुलिस निकली होई है। साबका सरपंचां समेत हुण दे सरपंच नूं वी लभ्भदी फिरदी है!

मेरी ग्रिफ़तारी दी ख़बर फ़ैल गई सी अते सारे अधिआपक जगत विच मेरे जिस जिस सनेही नूं पता लग्ग रिहा सी, उह भिख्खीविंड थाणे अग्गे आण पुज्जा सी। अधिआपकां अते मेरे पिंड वासीआं दी वड्डी भीड़ साडे कोल दी लंघ के थाणे अंदर पहुंची। थाणेदार नाल गल्लबात कीती। उहनां विचों कईआं दे, पुलिस दे कई करमचारीआं नाल चंगे संबंध वी सन। सारे इस गल्ल दी मंग कर रहे सन कि असीं कोई आदी अते इख़लाकी मुजरम नहीं सां; इस लई सानूं हवालात विचों कढ्ढ के कुरसीआं उत्ते बिठाइआ जावे! सारे मेरे कोल आ के मैनूं आपणे हमदरद बोलां नाल बल बख़श रहे सन। पंज-सत्त आ रहे सन। पंज-सत्त जा रहे सन। मेरे सकूल दा सारा सटाफ़ छुट्टी कर के मैनूं मिलण आइआ तां मैं किहा कि मैनूं बाहर निकल के उहनां नूं मिलण दित्ता जावे। सारे साथी इक्क कतार विच खलोते सन। मैं इक्क इक्क जणे नाल हत्थ मिला के धंनवाद कर रिहा सां। नज़रां उठा के मेन गेट दे बाहर वेखिआ; मेरे विदिआरथीआं दी इक्क भीड़ बाहर खलोती होई सी। नज़रां मिलीआं वेख उहनां हत्थ हिलाउंदिआं रौला चुक्क लिआ, "सा सरी काल भा जी!"

मैं मुसकरा के उहनां वल्ल हत्थ हिलाइआ। मेरे विच इक्क गुझ्झी ताकत दा संचार हो रिहा सी। मेरा डोलदा मन धीरज धर गिआ सी। मैं सोचदा सां; आपणे लोकां दी इहो मुहब्बत ही बंदे नूं आपणे विच विशवास रख्खण अते 'फ़ांसीआं' उत्ते झूल जाण दी ताकत दिंदी होवेगी।

थोहड़े चिर पिछ्छों मेरे सालिआं दे लड़किआं नाल सी आर पी दे इक्क-दो अफ़सर अते साडे पिंड दे प्राइमरी हैलथ सैंटर दा डाकटर गुरदिआल सिंघ गिल्ल थाणे आण पुज्जे। पहिलां मैनूं मिले अते 'बेफ़िकर रहिण' लई कहि के थाणेदार कोल चले गए।

जदों सूरता सिंघ नें बुझे मन नाल साडे घर जा के मेरी पतनी नूं, मेरे उत्ते 'कतल पा देण दी ख़बर' सुणाई तां उसदा साह उतांह दा उतांह अते हेठां दा हेठां रहि गिआ। उसने उच्ची चीक मारी अते उल्लट के मंजी तों हेठां डिग पई। उह फुट्ट फुट्ट के रोण लग्गी। हमदरदी करन लई आईआं अते उस दुआले बैठीआं ज़नानीआं उसनूं सांभण अते हौंसला देण लग्गीआं। उह मछ्छी वांग तड़फ़ रही सी!

पर रोंदे रहिण नाल तां मसला हल्ल नहीं सी होणा!

उह आपणे पेकिआं नूं भज्ज उठ्ठी। उसदे ताए दा पुत्त फ़ौज विचों कैपटन रिटाइर हो के आइआ सी। उह बाहर बहिक उत्ते रहिंदे सन। उहनां दे नेड़े ही सी आर पी वालिआं दा कैंप सी। सी आर पी दे डी ऐस पी नाल उहनां दी नेड़े दी सांझ सी। उहनां नें मेरे रिशते बारे उसनूं दस्सिआ अते मदद करन लई किहा। सारे जणे भिख्खीविंड वल्ल तुरे तां मेरी पतनी रजवंत नें आपणे भतीजे नूं किहा, "भिंदिआं! तुसीं डाकटर गिल्ल नूं वी नाल लै के जाणा एं। उसनूं तां पता ए कि उस दिन 'इह' आप हसपताल विच ज़ख़मीआं दी मदद कर रहे सन। इक्को वेले इह जां तां हसपताल विच हो सकदे नें जां 'गोलीआं चलाउण वालिआं विच!' उह जा के पुलिस नूं दस्से खां सारी असलीअत! उसदे आखे दा अकसर कोई मुल्ल होवेगा!" डाकटर गिल्ल दे सालिआं दा मेरे सालिआं नाल दोसतानां सी। इस हवाले नाल वी अते उंज वी डाकटर गिल्ल दी मेरे नाल चंगी जाण-पछाण सी ही।

सो, रजवंत कौर वी आपणी समरत्था अनुसार आपणा ताण ला रही सी। जिस जिस दा जिंनां जिंनां ज़ोर सी, ला रिहा सी।

मैनूं मिलण वालिआं दी भीड़ घटी तां थाणेदार नें मैनूं इकल्ले नूं आपणे दफ़तर विच बुलाइआ। आपणे साहमणे कुरसी उत्ते बिठा के उसने होरनां नूं 'नेड़े नां आउण' दी हदाइत दित्ती।

"सरदार साहब, सच्ची गल्ल तां इह है कि मैनूं तुहाडे बारे पहिलां एना पता नहीं सी। इह तां मैनूं तुहाडे मगर आउण वाले लोकां तों पता लग्गा है कि पिंड अते इलाके विच तुहाडी एनी इज़्ज़त है। सानूं ऐस ऐस पी वल्लों ही तुहानूं ग्रिफ़तार करन दा हुकम होइआ है। तुसीं की समझदे ओ कि तुहानूं भला किहड़ी बिना 'ते इस केस विच फसाइआ गिआ है!"

थाणेदार दे बोलां विचली नरमी, नकली अते विखावे दी नहीं सी जाप रही।

मैं आपणे अनुमान अनुसार दस्सिआ कि मेरा नाम कदी नकसली लहिर नाल जुड़िआ रिहा है। ऐमरजैंसी विच अते अग्गों पिछों दो तिंन वार, बिनां किसे कसूर तों, इस सिलसिले विच जेल्ह वी जाणा पिआ है। पाए केस झूठे होण करके हर वार बाइज़्ज़त बरी वी हुंदा रिहां। सी आई डी दे काग़ज़ां विच नां चहड़िआ होण करके हुण वी फहड़ लिआ होवेगा। मैं तां इस दुखांत विच सभ दी जिंनी हो सकी, मदद ही कीती है।

मैं इस मदद दा विसथार वी दित्ता।

"मैनूं सारा पता लग्ग चुक्का ए। मैं तुहानूं अंदरली गल्ल दस्सां!" उसने धौण अग्गे वधा के, मेज़ 'ते मेरे वल्ल उल्लरदिआं राज़ सांझा करन वांग किहा, "सी आई डी दे काग़ज़ां कूग़ज़ां करके नहीं, तुहाडा नां तुहाडे पिंड दे हिंदूआं नें लिआ ए ऐस ऐस पी कोल। इह बार बार जा के उसनूं कहिंदे सन कि 'इस वारदात पिछ्छे पिंड दे किसे बंदे दा हत्थ ए।' इक्क दिन उसने खिझ के किहा, "जे तुहानूं पता ऐ तां दस्सो। दस्सदे किउं नहीं। जे तुसीं नां दस्सिआ तां मैं तुहानूं लंमें पा लैणा एं।" फिर तुहाडा नां लिआ उहनां नें!"

हुण मैनूं आपणी अते बूटे दी ग्रिफ़तारी दा इक्क सांझा सूतर नज़र आइआ। नकसली लहिर समें पिंड दे इस वेले दे 'तेज़ तरार' इक्क हिंदू सज्जण दा छोटा भरा वी मेरे प्रभाव अधीन साडीआं मीटिंगां विच आइआ करदा सी। मेरे वल्लों लहिर तों पासा वट्ट लैण करके इहो जिहे सारे संगी साथी आपो आपणे कंमां कारां विच रुझ्झ गए सन। हुण जदों सारे हिंदू आपस विच बैठ के 'पिंड दे शक्की बंदिआं दी सूची' बणाउंदे होणगे तां हो सकदा है कि उस 'तेज़ तरार' बंदे जां उसदे भरा जां किसे होर नें साडा नां वी लिआ होवे! पुराणे नकसलीआं विचों कई 'इस पासे' तुरे वी तां होए सन अते ख़बरां रख्खण वालिआं नूं इस हकीकत दा पता वी सी। असीं वी तां 'इध्धर तुरन वालिआं' विच गिणे जा सकदे सां! इस लई हो सकदा है कि ऐस ऐस पी दे ज़ोर देण 'ते 'तेज़ तरार' आगू नें, आपणे बचाओ लई जां 'शक्क' करके ही साडा नां लै दित्ता होवे! बूटा तां इह गल्ल बार बार आख ही रिहा सी।

इसे समें थाणेदार दे मेज़ 'ते पए टैलीफ़ोन दी घंटी खड़की।

"जी सर! रातीं उसे वेले, तुहाडा हुकम मिलदिआं ही ग्रिफ़तार कर लिआ सी। हां जी, बहुत सख़त इंटैरोगेशन हो रही ए जी। ठीक ए जी, लै जांदे आं सर। ज़रूर कढ्ढांगा जी। जी सर! हां जी! बिलकुल जी। आए नें जी बड़े। जी सर। छेती रीपोरट करदां जी।"

टैलीफ़ोन दा चोंगा रख्खदिआं थाणेदार कहिंदा, "ऐस ऐस पी दा फ़ोन सी। कहिण डिहा , 'इहनूं बाडर वल्ल लै जाओ, पुछ्छ-गिछ्छ दे बहाने। इह वारदात 'इहदे' 'चों कढ्ढणी एं।' कित्थे लै जावां हुण मैं तुहानूं! भैण दा यार नां होवे तां!"

उस नें ऐस ऐस पी नूं गाल्ह कढ्ढी। मेरे लई इह डाढी हैरानी वाली गल्ल सी। उह ऐस ऐस पी दा नौकर सी जां मेरा कोई सज्जण-सहियोगी!

उह मेरा ही सज्जण सहियोगी सी।

"वेखो जी,जे सिरफ़ 'सिख्ख' होण कर के 'इह' साडे नाल इसतरहां बदसलूकी करदे नें तां साडा वी फ़रज़ बणदा है कि आपणे निरदोश 'सिख्ख- भरावां' नूं असीं वी नजाइज़ तंग नां करीए। दिल्ली विच भैण चोदां नें साडे भरावां दा किवें कतलेआम कीता! हुण इह कहिंदा; एधर असीं आपणे निरदोश भरावां नूं मारी जाईए। साथों तां नहीं हुंदी जी इह गऊ-हत्तिआ!"

उसने इक्कतरहां आपणा दुख़ी दिल मेरे नाल सांझा कीता। इंदरा गांधी दे कतल तों पिछों सिख्खां दे होए कतलेआम नूं अजे हफ़ता वी नहीं सी गुज़रिआ। इसदी कसक अजे उसदे अंदर रड़क रही सी। उस अंदरले पुलसीए उत्ते उस अंदरला 'सिख्ख' अते 'मनुख्ख' भारू हो गिआ सी।

उंज 'इहो जिहे' केसां विच पुलसीआं नें जां तां बंदा छड्डण लई लख्खां रुपए 'वट्टे' सन जां उहनां नूं बेनाम अते लावारिस लाशां बणा दित्ता सी।

"वेखो संधू साहब!मैनूं तुहाडी सारी हकीकत मालूम ऐ। तुसीं बड़े इज़्ज़तदार सज्जण ओ। मैं तुहानूं फुल्ल दी नहीं लग्गण दिंदा। इह मेरा वाअदा रिहा। पर तुहानूं वी मेरा साथ देणा पऊ। इक्क तां आपां दोवां विच होई गल्लबात दा किसे कोल धूं नहीं कढ्ढणा। दूजा; आपणी आह पग्ग ढाह के, वल्हेट मार के बंनह लौ। वेखण वाले नूं जापे कि खूब कुट्ट-मार होई है! तीजा; रहो हवालात दे अंदर ही। साडे कई बंदे वी कमळ कुदाउंदे नें अखे:तुहानूं बाहर उहनां दे कमरिआं विच कुरसीआं 'ते बिठाईए! इंज करके इह तुहाडा भला नहीं करनगे। उस 'कंजर'दा की पता हुणे आ जावे,चैक्क करन। तुसीं हवालात विच होवोगे तां तुहाडा वी ते साडा वी भला! मैं दो तिंन दिन दी तफ़तीश पाउण पिछ्छों ही उसनूं 'मनाउण' दी कोशिश करूं।"

उसदी गल्ल सच्ची सी। मैं हवालात विच वड़दिआं आपणी पग्ग लाह के उलटे सिध्धे वळ मार लए। किरपाल हुरां कारन पुछिआ तां मैं मुसकरा के बहाना मारिआ, "रहिणां हवालातां विच ते पग्गां पोच के बंनहणीआं! इहनां दा है कोई आपस विच ताल मेल!"

उहनां दी बहुती दिलचसपी मेरे अते थाणेदार दरमिआन होई गल्लबात नूं जानण विच सी। मैं दस्सिआ कि उसने मेरे कोलों उस रात होई-वापरी घटना बारे जाणकारी लई है अते मैं उसनूं आपणे निरदोश होण बारे आखिआ है। गल्ल उहनां दे मंनण वाली सी।

हौली हौली साडे पिंड दे होर बंदे वी पुलिस नें फहड़ लिआंदे। कुझ शरीफ़ अते कुझ गैर-कानूंनी गतीविधीआं विच रुझ्झे रहिण वाले वी। पता लग्गा; पिंड दा मौजूदा सरपंच 'लुक' गिआ सी , इक्क साबका सरपंच नूं वी पुलिस लभ्भदी फिरदी सी।

इह फहड़ फड़ाई चल्लदी रही। मेरी ग्रिफ़तारी दी ख़बर अख़बारां विच छप चुक्की सी। हर रोज़ ही मेरे सनेही वड्डी गिणती विच मैनूं मिलण आउंदे रहे। सभ दे चिहरिआं उत्ते सहिम दा डूंघा परछावां हुंदा। पता नहीं हुण की होवेगा! भावें मैनूं लोकां दी आखी इह गल्ल वी बार बार याद आ रही सी कि पुलसीए किसे दे मित्त नहीं हुंदे अते उहनां दी कही गल्ल उत्ते तां उहनां दे सके पिओ नूं वी यकीन नहीं करना चाहीदा तां वी मैनूं थाणेदार दे बोलां उत्ते इतबार जिहा सी। अंदरों कुझ हद्द तक चिंता-मुकत वी सां पर नाल नाल फ़िकरमंदी दा अहिसास वी चूंढीआं वढ्ढदा सी। थाणेदार नें वी तां 'ऐस ऐस पी नूं 'मनाउण दी कोशिश करन' बारे ही आखिआ सी! इस गल्ल दी की गारंटी सी कि उसदी 'कोशिश' कामयाब हो ही जावेगी! मेरे साथी हवालाती बड़े घबराए होए सन। मैं कहिंदा, "उए! आपां एने बंदिआं नूं इह फ़ाहे नहीं लाउण लग्गे! की पिंड दे सारे असर रसूख वाले बंदे ही कातल नें! इहनां नूं, आपां नूं छड्डणा ई पैणां एं। जे कतल पाउणा हुंदा तां इक्क दो बंदिआं 'ते पाउंदे। सारे पिंड 'ते तां नहीं पा सकदे!"

मेरी गल्ल उहनां नूं ठीक वी लग्गदी सी, पर धरवास नहीं सी हुंदा!

हवालात विच तीसरा दिन सी। लगभग अध्धी रात नूं थाणेदार नें साडी हवालात कोल आ के आवाज़ दित्ती, "संधू साहब,वधाई होवे। तुहाडी रिहाई दे हुकम आ गए नें।"

उसने अज्ज सवेरे ही 'बसता बणा के' ऐस ऐस पी नूं भेजिआ सी जिस विच दस्सिआ गिआ सी कि बड़ी 'भारी पुछ्छ-गिछ्छ' तों पिछ्छों मेरा किसे परकार दा कोई संबंध इस वारदात नाल नहीं जुड़दा। हुणे ही ऐस ऐस पी दा फ़ोन आइआ सी अते उसने मैनूं छड्ड देण अते दूजिआं तों सख़त पुछ्छ-गिछ्छ दे हुकम टैलीफ़ोन उत्ते ही दित्ते सन। किरपाल दी रिहाई वी मेरे नाल ही होणी सी।

"हुण तुसीं वेख लवो, हुणे ई घर जाणा चाहुंदे जे कि सवेरे? मैं तुहानूं आपणी थाणे दी गड्डी 'ते भिजवा देंदा पर ऐस वेले साडे बंदे 'टुंन' हो के पए नें। जे तुसीं आप कोई प्रबंध कर सकदे ओ तां तुहाडी मरज़ी! मेरे वल्लों तुहानूं छुट्टी! उंज अज्ज कल्ल्ह रात नूं बाहर निकलणा ठीक वी नहीं। सवेरे वेले सिर तुर जाइओ।" थाणेदार नें सुझाअ दित्ता।

मैं तां अजे उधेड़-बुण विच ही सां कि किरपाल कहिंदा, "तुसीं सानूं बाहर कढ्ढो जी! असीं भावें तुर के पिंड नां जाईए, जाणा ज़रूर है।"

पिछ्छे रहि गए साथीआं नूं हौंसला रख्खण लई कहि के अते उहनां दे बचाओ लई सारा ताण ला देण दा विशवास दिवा के उहनां नूं फ़तहि बुला के असीं हवालात विचों बाहर आ गए। असीं किसे जाणकार कोलों भिख्खीविंड अड्डे विचों सकूटर फहड़ण दी सलाह बणाई। थाणेदार साडे नाल बाहर आइआ अते कहिण लग्गा, "मैं एथे बाहर खलो के तुहानूं उडीकदां। जे तुहाडा बंदोबसत नां होइआ तां भावें मैनूं आप नां तुहानूं छड्ड के आउणा पवे!"

असीं आपणे जाणकार इक्क आहड़तीए दे घर गए। उस कोलों सकूटर लिआ। आहड़तीए नूं सारा हाल हवाल दस्सदिआं अते उस वल्लों घरदिआं नूं जगा के उचेच नाल बणवाई चाह पींदिआं सानूं अध्धे कु घंटे दा समां लग्ग गिआ। जदों असीं थाणे कोल पहुंचे तां वेखिआ; अध्धे घंटे तों बाहर खलोता थाणेदार सानूं उडीक रिहा सी। असीं उस कोल रुक के इस खेचल लई , उस वल्लों कीती साडी समुच्ची मदद लई अते उसदे मिहरबान रवई्ईए दी परसंसा कीती अते धंनवाद दे लफ़ज़ आखे।

हुण तक होईआं मेरीआं ग्रिफ़तारीआं दे सिलसिले विच मैनूं मिले सारे पुलसीआं विचों उह मैनूं सभ तों नेक अते खूबसूरत इनसान लग्गा। उसने साबत कीता कि पुलिस विच सारे 'कसाई' ही नहीं हुंदे, 'इनसान' वी हुंदे हन। अज्ज वी उह जित्थे होवे मेरी उसनूं सलाम है!

तुरे जांदिआं मेरे मूंहों थाणेदार लई आप-मुहारे बोल निकले, "जिऊंदा रहो उए, गुरू दे सच्चे सिख्खा!"

पर इह आपणे पिंड दे 'हिंदूआं' नें की कीता सी! उहनां नूं मेरे नाल इंज तां नहीं सी करना चाहीदा! की लाल हुरां दे, गोपाल चंद हुरां दे परवार वी मेरे बारे इह कहि सकदे नें! मैं वड्डे बज़ुरग हिंदूआं दे हत्थां विच पलिआ सां। उहनां दे, मेरे हम-उमर, बच्चिआं नाल पहड़-खेड के जवान होइआ सां। निक्के हुंदिआं उहनां यारां बेलीआं नाल अनेकां वारी उहनां दे घर गिआ सां। उहनां दीआं मावां नें आपणे पुत्तां वांग नाल बैठा के मैनूं अनेकां वार रोटी खवाई सी। इहनां सभनां नाल साडी पीहड़ीआं दी सांझ सी। मरने-परने दे साडे दुख़ सुख सांझे सन! हुण इह मैनूं आपणा 'कातल' समझदे सन!

मैनूं इनसानीअत विचों विशवास उठ्ठदा नज़र आइआ।

रात नूं घर जा के जदों मैं आवाज़ दे के घर दा दरवाज़ा खुल्हवाइआ तां मैनूं इंज अचनचेत आइआ वेख के मेरी पतनी अते मेरे बच्चे जिस चाअ नाल मैनूं लिपटे, उसदा बिआन कीते जाण नालों महिसूसे जाण नाल वध्ध ताअल्लुक रख्खदा है।

दिन चहड़िआ तां मेरे आ जाण दा सुण के मेरे आले दुआले रहिंदा हिंदू भाईचारा मेरे घर आण इकठ्ठा होइआ। मैं वेखिआ लाल वी हौली हौली तुरदा बाहरला दरवाज़ा लंघ के मुसकराउंदा होइआ मेरे गले आण लग्गा। उस नें किसे नूं किहा, "सारिआं नूं दस्स दिओ फिर, तिआर नां हुंदे फिरन ऐवें!"

मैं सवालीआ नज़रां नाल पुछ्छिआ तां जवाब मिलिआ, "इक्क अध्धा दिन तां असीं उडीकदे रहे कि छड्ड देणगे तुहानूं। तुहाडा भला कसूर की है! पर कल्ल्ह, फिर, असीं सोचिआ कि हुण तां ऐस ऐस पी नूं मिलणा ही पऊ। उहनूं जा के आखणा एं कि जे बचाउण वालिआं नूं ही कातल आखोगे तां !-असीं अंबरसर जाण लई रातीं टरक्क कर लिआ सी। हुण सवेरे अठ्ठ वजे सकूल कोलों इकठ्ठे हो के तुरन दा प्रोगराम है; वीह पंझी बंदिआं दा। पर चंगा हो गिआ तुसीं आ गए! भगवान दा लख्ख लख्ख सुकर है!"

मेरा मन माण नाल भर गिआ। मेरे लई टरक्क कर के मेरे पिछ्छे जाण वाले इह मेरे 'हिंदू-भरा'सन! मेरे आले दुआले मेरी खैर-सुख्ख पुछ्छण आए बैठे इह मेरे 'हिंदू-भरा' सन!

नहीं; इह मेरे 'हिंदू-भरा' नहीं इह तां मेरे 'भरा' ही सन।

इनसानीअत विच मेरा डोलदा विशवास होर वी पक्का हो गिआ।