डा. महिंदर सिंघ रंधावा करनी वाला महांपुरश सी। पंजाब दी महांनाज़ हसती। उह सच्चमुच्च पंजाब दा छेवां दरिआ सी। नवें पंजाब दा निरमाता। उस नें जिस कंम वी नूं हत्थ पाइआ कामयाबी नाल सिरे लाइआ। उह पूरन पुरखां वांग जीविआ ते करनी वाले महांपुरशां वांग सुरगवास होइआ। अख़ीरले साहां तक आहरे लग्गा रिहा। तुरदा फिरदा परउपकार दे कारज करदा अलोप हो गिआ। उहनूं किसे नें विहला बैठा नहीं सी वेखिआ। इको जूंन ‘च उह कई जूंनां जी गिआ। उह इक हो के वी सवा लख्ख सी!

उह चोटी दा बनसपती विगिआनी सी, कला प्रेमी, साहितकार ते इतिहासकार, भवन कला दा माहिर, अणथक्क खोजी, सुंदरता दा पुजारी, बाग़बान, विदवान ते सफल प्रसाशक सी। साइंस, साहित ते कला दी त्रैमूरती। पंजाबी लोक गीतां, भारती चित्तरां ते ख़ास कर के कांगड़ा शैली दे चित्तरां दा संग्रहिक। खेती ते पेंडू विकास दा मसीहा। विगिआनक सोच दा मालक। कदे उह डिपटी कमिशनर, कदे खेतीबाड़ी ते पेंडू विकास दा केंदरी सकत्तर, कदे शरनारथीआं दे मुड़ वसाऊ महिकमे दा डाइरैकटर, कदे पिंडां दा विकास कमिशनर, कदे चंडीगहड़ दा चीफ़ कमिशनर ते कदे पंजाब खेतीबाड़ी यूनीवरसिटी दा वाईस चांसलर बणिआ। उस नें दरजनां किताबां ते खोज परचे लिखे। उह थिरी इन वन नहीं टैन्न इन वन सी।

गिआनी लाल सिंघ दा कहिणा सी: डा. रंधावा चौड़ी छाती ते खुल्ल्हे दिल वाला पंजाबी जट्ट ही नहीं, इक सच्चा साहितकार, नुकता-शनास आलोचक, सूझवान संपादक, सुचज्जा संग्रहि-करता, लोक-साहित ते लोक-भाशा दा दिलदादा, रुख्खां ते फुल्लां दा प्रदरशक, कला ते सुंदरता दा आशक अते सतयम, सि਼वम ते सुंदरम दा प्रतीक ते प्रसारक सी।

काश उह पंजाब दे काले दौर वेले पंजाब दा गवरनर हुंदा! फिर अग्गे वधदा पंजाब एना पिछ्छे नां पैंदा। उहदी सोच वी हां पख्खी सी अते बोल-चाल ते करम वी अग्गांहवधू सन। उह मसले लमकाउण जां उलझाउण नहीं, नजिठ्ठण ते तण-पत्तण लाउण जाणदा सी।

1966 तों उहदा वसेबा खरड़ नेड़े गारडन कलोनी विच हो गिआ सी। उथे उनहां दा 15 एकड़ दा फारमी बाग सी। पाकिसतान दे जि਼ल्हा मिंटगुमरी विच रहि गई 18 एकड़ सेंजू ज़मीन बदले उनहां नूं 1950 विच गारडन कलोनी दी सकीम हेठ बाग उगाउण लई खरड़ नेड़े इह ज़मीन अलाट होई सी। जदों तक डा. रंधावा दूर दुराडे नौकरी करदा रिहा उदों तक उस फारम दी सांभ संभाल आई. ऐन्न. ए. दा संपूरन सिंघ करदा रिहा। उह गारडन कालोनी विच ही कलर्रक सी ते उस दी आपणी वी 6 एकड़ ज़मीन सी। डा. रंधावे नें सहारनपुर दीआं नरसरीआं तों अंबां, संतरिआं ते अमरूदां दे वधीआ नसल दे बूटे फारम ‘ते भेज दित्ते सन। 1964 विच रंधावा परिवार नें उस फारम विच आपणा घर वी पा लिआ सी। 1966 विच जदों रंधावा साहिब दी बदली बतौर चीफ़ कमिशनर चंडीगहड़ दी होई तां रंधावा परिवार उस फारम हाऊस विच रहिण लग्ग पिआ सी।

उसे फारम विच रंधावा जीवन दी शाम माण रिहा सी। 3 मारच 1986 दी रात सी। रंधावा साहिब दी पतनी सरदारनी इकबाल कौर दस्सदी है, “अंत अचानक ही आ गिआ। पंज-सत्त दिन तों थकावट महिसूस करदे सन। हसपताल जा के ई. सी. जी. वी करवाइआ। कुझ नहीं निकलिआ। अंतली रात जदों रात गई मैनूं जगाइआ तां पसीने नाल भिज्जे पए सन। बिसतरा, नाईट सूट, कछ्छा-बुनैण, सारे कपड़े तरो-तर। मैं पुछ्छिआ, कोई तकलीफ़ है तां मूंहों द...द...द ही निकलिआ। मैं सोचिआ कि दुध्ध मंगदे हन। मैं सोच ही रही सां कि ढहि पए। ख़तम। ‘दुध्ध’ नहीं ‘दरद’ कहिणा चाहुंदे सन।”

ऐसी होणी सी पंजाब दे इस महान सपूत दी। जिवें टहिकदा फुल्ल टहिणीओं अचानक झड़ जाए!

गुलज़ार सिंघ संधू दुआरा संपादत पुसतक ‘पंजाब दा छेवां दरिआ’ विच संधू दी सरदारनी इकबाल कौर नाल इंटरविऊ दरज है। संधू, रंधावा साहिब दी पतनी नूं बीजी कहिंदा आइआ है। बीजी हुण सौ साल दे हो गए हन जो चंडीगहड़ आपणे छोटे पुत्तर पास रहिंदे हन। वड्डा पुत्तर गुज़र चुक्कै। सरदारनी इकबाल कौर दसदी है, “मेरे दो बेटे ते दो बेटीआं सन। वड्डी लड़की दिमाग़ी तौर ‘ते कुझ ठीक नहीं सी, उस दी डैत्थ हो गई। वड्डा बेटा वलाइत पहड़न गिआ सी। उथे उस दा इक जरमन लड़की नाल पिआर हो गिआ। रंधावा साहिब जद किसे कानफरंस ‘ते उथे गए तां उस नें उस लड़की नूं रंधावा साहिब नाल मिलाइआ। लड़की अछ्छी सी अते रंधावा साहिब नें साडे बेटे नूं उस नाल विआह कराउण दी इजाज़त दे दित्ती। बेटा पहिलां नौकरी करदा सी फिर उस नें नौकरी छड्ड दित्ती। उस नूं कुझ डिपरैशन हो गिआ। दो साल उह बिनां किसे कंम कार साडे कोल खरड़ रिहा। इसे दौरान रंधावा साहिब दी डैत्थ हो गई। उनहां दी डैत्थ कारन बेटे दा डिपरैशन वध गिआ जिस कारन उस नें सैूएसाईड कर लई। उस दे दो बेटे ते इक बेटी है। बेटी विआह करवा के अमरीका रहिंदी है। साडी नूंह अज्जकल्ल्ह खरड़ फारम ‘ते रहिंदी है अते उह वी डिपरैशन विच ही है। दवाईआं खाई जांदी है, कदे ठीक हो जांदी है पर बहुता अपसैट्ट ही रहिंदी है। उस कोल इक छोटा बेटा अते उस दी पोती जाणी मेरी पड़पोती रहिंदी है।

“साडे दूसरे बेटे नें आपणी मरज़ी नाल विआह करवाइआ। रंधावा साहिब तां पहिलां इस विआह दे हक्क विच नहीं सन पर फेर उनहां नें किहा कि जे मैं नांह वी कहांगा तां फिर उह आपणी मरज़ी विआह करवा लवेगा। इस करके उह इस विआह लई सहिमत हो गए। इह विआह अंतर-जाती है अते विआह लुधिआणे ही होइआ सी। मेरी बेटी विआही होई है अते आपणे परिवार नाल रहि रही है। रंधावा साहिब आपणे बच्चिआं नूं पिआर तां करदे सी पर उह हर वेले होरनां दी बिहतरी बारे ही सोचदे ते कंम करदे रहिंदे सी। इस करके बच्चिआं लई उनहां पास समां ही नहीं सी। रंधावा साहिब दे पूरे होण पिछ्छों कई औकड़ां आईआं। घर विच उदासी रहिण लग्ग पई। फिर अत्तवाद दा ज़ोर हो गिआ। किसे नें इक बंदा मार के टिऊबवैल्ल कोल सुट्ट दित्ता। वैसे वी बच्चे कहिंदे असीं पहड़ना है, इस करके शहिर विच मकान लै लवो। असीं चंडीगहड़ दे सैकटर 8 विच मकान लै लिआ ते उथे चले गए। पर मेरी वड्डी नूंह अते उस दा इक बेटा अते पोती खरड़ गारडन हाऊस विच रहिंदे हन।”

रंधावा साहिब दे सुभाअ बारे पुछ्छण ‘ते सरदारनी इकबाल कौर नें किहा, “रंधावा साहिब मेरे नाल कदे गुस्से नहीं होए किउंकि मैं उनहां नूं कदे गुस्से होण दा मौका ही नहीं दित्ता सी। रंधावा साहिब नूं प्रिंटिड कपड़े बिलकुल पसंद नहीं सन। मैनूं उनहां नें प्रिंटिड कपड़े पाउण तों वरजिआ अते मैं सारी पलेन कपड़े ही पाए। रंधावा साहिब नूं बलिऊ रंग बहुत पसंद सी। इस करके मैं बलिऊ शेडज़ दे कपड़े अकसर पहिनदी सी। कई वार उह कमरे तों बाहर निकलदे तां उनहां कहिणा कि देख असमान किंना सोहणा नीला है। उह पहाड़ां दे नीले रंग दी वी बहुत तारीफ़ करदे सन।”

फारम उते रहिण दे दिनां विच होई गल्लबात विच स्रीमती रंधावा नें दस्सिआ सी, “दुध्ध रिड़कणा वधीआ वरजिश है। हुण दुध्ध रिड़कण वालीआं मशीनां आम मिलदीआं हन पर मैं इनहां नूं नहीं वरतदी। जे इनां नूं वरतां कसरत छुट्ट जाएगी। टिऊबवैल्ल ‘ते नहाउण दा बड़ा आनंद आउंदा है। इह सुख असीं विसार नहीं सकदे। टिऊबवैल्ल दा पाणी गरमीआं विच ठंढा अते सरदीआं विच गरम हुंदा है। साडा विचार है कि मनुख्ख पैसा कमाउण लई ही पैदा नहीं होइआ सगों कंम करन लई पैदा होइआ है। जो उह पैदा करे, वंड के खावे। इस संबंध विच असीं गुरू नानक साहिब दी उदाहरण ‘ते अमल कर रहे हां, जिनहां नूं आपणे आख़री सालां ‘च जीता रंधावा नें करतारपुर विच थोहड़ी जिही ज़मीन दित्ती सी। उस खेत विच जो वी पैदा हुंदा लंगर विच दे दिंदे अते बाहरों आउण वाले इथों परशादे छकदे। असीं कुदरत विच विचर रहे हां। जो वी पैदा करदे हां आपणे कामिआं नाल वंड के खांदे हां। मैनूं इह जीवन चंगा लग्गदा है अते इह तजरबा सानूं बहुत पिआरा है।”

डा. रंधावा नें अंगरेज़ी ते पंजाबी विच तिंन दरजन तों वध्ध पुसतकां लिखीआं ते लिखवाईआं जिनहां विच सवैजीवनी ‘आप बीती’ वी है। उहदे वाईस चांसलर होण समें इक प्रोफै਼सर नें उस दी जीवनी लिखण दी इछ्छा परगट कीती तां रंधावा साहिब नें किहा सी, “तुसीं जीवनी विच मेरीआं तारीफ़ां ही करोगे, इस तरहां इक फोकी जिही किताब बणेगी। जीवनी दा मतलब इह है कि जो चंगा माड़ा बीतिआ है, सच्चाई नाल लिखिआ जावे ते इह कंम मैनूं आप ही करना चाहीदा है।”

उस नें ‘आप बीती’ दे मुख्खबंद विच लिखिआ, “पंजाबी लोकां विच इह अनुभव सी कि मैं पंजाब दी उन्नती विच बड़ा हिस्सा पाइआ है। पंजाब दे उज्जड़न ‘ते शरनारथीआं नूं वसाइआ, ज़मीनां वंडीआं, टिऊबवैलां दा रिवाज पाइआ, खिलरीआं पुलरीआं ज़मीनां दी चक्कबंदी कीती, पिंडां नूं पक्कीआं सड़कां नाल जोड़िआ, नवें ढंग दी खेती दा रिवाज पाइआ ते लोकां दे जीवन विच पलटा लिआंदा। चंडीगहड़ नूं फुल्लदार बूटिआं नाल सजाइआ, मिऊज़अम बणाए ते डाकटरां, साइंसदानां, लिखारीआं ते चितरकारां नूं ससते पलाट दित्ते अते नवें शहिर विच वसाइआ। सभ तों उत्तम कंम लुधिआणे दी खेतीबाड़ी यूनीवरसिटी नूं उसारना सी ते इस नूं पंजाब दे पिंडां दी उसारी दा सोमा बणाइआ।”

मुख्खबंद दे अख़ीर विच लिखिआ, “जद लोक इक कामयाब विअकती वल्ल वेखदे हन तां समझदे हन कि इस दा जीवन बड़ा सुखी रिहा होवेगा ते एस नें कोई वी तकलीफ़ नहीं वेखी होणी। उह इह नहीं समझदे कि कामयाबी किंनीआं मुसीबतां नाल साहमणा कर के हासल हुंदी है। मैं तां देखिआ है कि इनसान बणदा ही मुसीबतां दा मुकाबला कर के है। जिवें लोहा अग्ग दे सेक नाल बणदा है एवें ही इनसानी जि਼ंदगी बड़ा भारी घोल है ते औकड़ां दा साहमणा कर के ही आदमी, आदमी बणदा है। मैं खि਼आल करदा हां कि अज्ज कल्ल्ह दे विदिआरथी मेरीआं औकड़ां ते मुशकलां दा वरणन पहड़ के उतशाहित होणगे ते आपणे जीवन दे घोल विच कामयाब होणगे।”

डा. रंधावा दे पिता सरदार शेर सिंघ तहिसीलदार सन। उनहां दा पिंड बोदलां जि਼ल्हा हुसि਼आरपुर विच पैंदा है। जदों उह ज़ीरे दे तहिसीलदार सन तां उनहां दी पतनी सरदारनी बचिंत कौर दी कुख्खों 23-24 सतंबर 1908 दी अध्धी रात नूं जौड़े बच्चिआं दा जनम होइआ। वैसे सरटीफिकेट उते उनहां दी जनम तारीख़ 2 फरवरी 1909 लिखी होई है। उनहां दे जनम दी ख़ुशी विच पाठ कराइआ गिआ। नाम रख्खण लई स्री गुरू ग्रंथ साहिब विचों र ते म अख्खर आए। रारे अख्खर ‘ते पहिले लड़के दा नां राजिंदर सिंघ ते दूजे दा मंमे तों महिंदर सिंघ रख्खिआ गिआ। पर उनहां दे पिता जी पिआर नाल उनहां नूं जुंगो ते मुंगो कहि के ही बुलाउंदे। जिथे-जिथे पिता दी बदली हुंदी रही उथे-उथे जुंगो-मुंगो पहड़दे रहे। उह वख्ख-वख्ख इलाकिआं ते वख्ख-वख्ख फिरकिआं दे सकू਼लां विच पहड़े जिस करके उनहां दी सोच सैकूलर ते खुल्ल्ही-डुल्ल्ही हो गई।

उनहां दी वड्डी भैण हरबंस कौर नें लिखिआ कि जदों पिता जी करतारपुर तहिसीलदार सन राजिंदर महिंदर दोहां नूं गौरमिंट सकूल विच पहड़न ला दित्ता। पहिले दिन पहड़न भेजे तां माता जी नें चौल उबाल के दहीं विच खंड पा के खुआए। चरन कंवल गुरदवारे तलाअ थल्ले उल्ली लग्गी होई सी जिथे महिंदर दा पैर तिल्हक गिआ। कई गोते खाधे पर इक यातरी नें बचा लिआ। महिंदर नूं सुत्ते होए तुरन दी आदत सी। राजिंदर नूं खेडण दा शौक सी ते महिंदर नूं पहड़न दा। पिता दी बदली होण ‘ते दोहें भरा ऊने दे सनातन धरम हाई सकूल विच पहड़न लाए। महिंदर नें घोटा ला के संसक्रित दा पाठ याद कीता।

फिर बलग्गणी आरीआ सकूल विच पहड़न लग्गे। अजे तारिआं दी लोअ ही हुंदी जद काकिआं नें सकूल जाण दी तिआरी करनी। परनिआं विच रोटीआं ते अंब दा अचार बंनह लैंदे अते बेही रोटी मख्खण ते शक्कर नाल खा के सकूल वल्ल चल्ल पैंदे। डी. ए. वी. हाई सकूल बलग्गण साडे पिंड तों तिंन मील दे फासले ‘ते सी। आपणे पिंड दे रक्कड़ विच्चों लंघ के, चोअ पार कर के, खेड़ा कोटली कोलों लंघदे होए हुसि਼आरपुर-दसूहा सड़क ‘ते पहुंच जांदे। उथों इक कच्ची सड़क बलग्गण तक जांदी सी। बहुत सारे जट्टां दे मुंडे सकूल तों मुड़ के खेती दा कंम करदे। काकिआं दा जमाती करम सिंघ ढल्ल चरही दीआं भरीआं सिर ‘ते चुक्क के लिआउंदा। काकिआं नें वी पंडां चुक्कण दा तजरबा कर लिआ ते महिसूस कीता कि इस तों मुशकल कंम कोई नहीं।

फिर 1922 विच पिता जी मुकतसर तहिसीलदार लग्ग गए। असीं सारा सामान, कुक्कड़, घोड़ी, मझ्झां ते गऊ लै के मुकतसर चले गए। मुकतसर दे ख़ालसा हाई सकूल तों काकिआं नें दसवीं पास कीती। ख़ालसा सकूल विच पहड़न करके काके पंजाबी वी पहड़ गए। सकू਼ल दी इमारत लई हैड्ड मासटर नें सारे विदिआरथीआं दी डिऊटी चंदा जमहां करन ‘ते ला दित्ती। महिंदर नें 300 रुपए जमहां कर के सकूल दे बिलडिंग फंड विच दित्ते। उस नें दसवीं ‘च हत्थ लिखत अख़बार कढ्ढिआ जिस दा नां ‘ख़ालसा हाई सकूल टाईमज़’ रख्खिआ। इक वार सकूल विच शेकसपीअर दा डरामा जूलीअस सीज़र खेडिआ गिआ। महिंदर नें मारक ऐटनी दा पारट बड़ी कामयाबी नाल अदा कीता। उह पहड़ाई ‘च एना मगन रहिंदा कि रोटी खांदा वी अख्खां मूहरे किताब रख्ख लैंदा। नपोलीअन दी किताब बहुत पहड़दा सी। कहिंदा हुंदा सी कि मैं वी कुझ बणांगा।

बचपन विच इक बड़ी दिलचसप घटना घटी। संधवां फराला दा ठेकेदार शेर सिंघ बरमा विचों बहुत सारा धंन कमा के लिआइआ सी। उस नें नवांशहिर दे तहिसीलदार शेर सिंघ दे मुंडे नूं आपणी लड़की दा रिशता करना चाहिआ, पर चार-चार सालां दे जुंगो-मुंगो विचों कीहनूं रिशता करे? इस दा फैसला गुणिआं राहीं कीता गिआ। गुणा राजिंदर सिंघ दे हक्क विच पै गिआ जिस कर के उहनूं रिशता कर दित्ता गिआ।

महिंदर सिंघ नाल फिर मुक्केबाज़ मुहंमद अली ते हाकी दे खिडारी बलबीर सिंघ वाली गल्ल होई। मुहंमद अली दे तिंन विआह होए पर वसी चौथी। बलबीर सिंघ दीआं तिंन मंगणीआं टुट्टीआं, विआह चौथी थां होइआ। महिंदर सिंघ दा पहिला मंगणा उग्गी चिट्टी दे बेअंत सिंघ दी लड़की नाल होइआ। लड़की नूं पहड़ने नां पाउण तों मंगणी टुट्ट गई। फिर लाहौर तों गुपाल सिंघ डिपटी सुपरडंट पुलिस दी लड़की दा शगन आ गिआ। इकत्ती मोहरां ‘चों इक रख्खी गई। छे महीने बाअद उह मंगणी वी कैंसल हो गई। तीजे मंगणे दी गल्ल पटिआले गज्जण सिंघ ठेकेदार दी लड़की नाल चल्ली। रिशते होर वी बहुत आए पर नांह हुंदी गई। महिंदर सिंघ नें किताबां चुक्की बोदलीं भीखे खां दी झिड़ी वल्ल पहड़न जाणा तां दरशन सिंघ मसंद नें पुछ्छणा, “सरदार जी की तुसीं पहड़ी ही जाणा है, विआह नहीं कराउणा?”

आख़र आई. सी. ऐस्स. बण के उहने विआह कराइआ जो 16 अगस्सत 1932 नूं डा. हरभजन सिंघ गरेवाल दी लड़की इकबाल कौर नाल होइआ। बरात लारी ‘च बैठ के बोदलां तों नारंगवाल गई। उस वकत आई. सी. ऐस्स. होणा बहुत वड्डी गल्ल सी। बरात विच उस दे कई सि਼मला निवासी मित्तर वी सन जिनहां दे नां रसालदार लाल सिंघ, गिआनी गुरबख़श सिंघ, गिआनी निरंजण सिंघ, बाबा जसवंत सिंघ, निरंजण सिंघ बैंस, ज़ोरावर सिंघ बैंस, अनूप सिंघ बेदी, शाम सिंघ सिध्धू, डा. जसमेर सिंघ, भगवान सिंघ गरेवाल, जसजीत सिंघ ते अमरीक सिंघ हन। उनहां नें चौधरी ग़ुलाम जीलानी साहिब ‘आसी’ तों सुभाग सेहरा पहड़वाइआ। उह सेहरा अजे वी संभालिआ होइआ है जिस उते लिखिआ होइऐ:

सरदार महिंदर सिंघ ऐम. ऐस सी. (आनरज़) आई. सी. ऐस्स. सपुत्तर सरदार साहिब सरदार शेर सिंघ जी तहिसीलदार, पिंड बोदल, जि਼ल्हा हुसि਼आरपुर दे 16 अगस्सत 1932 नूं, बीबी इकबाल कौर सपुत्तरी सरदार साहिब डा. हरभजन सिंघ जी, नारंगवाल, जि਼ल्हा लुधिआणा नाल होए शुभ अनंद कारज समें आप दे सि਼मला निवासी मित्तरां वल्लों प्रेम पूरबक भेटा कीता गिआ।

सुभाग सेहरा

मौसम आइआ बहार दिल शाद होइआ,

बुलबुल फुल्लां उते पई गाउंदी ए।

उपर बैठ शमशाद दे अज्ज कुमरी,

‘हक्क हू’ दा शोर मचाउंदी ए...

वाह वाह! भाग सरदार हरभजन सिंघ दे,

दूल्हे लाल नूं गले दे नाल लाइआ,

‘हरिचरन’, ‘अमरीक’, ‘हरबंस’ सारे

भाईआं नाल है जिनहां पिआर पाइआ।

पुत्तर ‘शेर’ दे शेर कहांवदे नें,

लाज शेरां दी रख्खणा धरम तेरा।

सुख्ख देवीं ‘हरभजन दी लाडली’ नूं,

डोले मूल नां भा ते भरम तेरा...

रहे शाद आबाद सुभाग जोड़ी,

हत्थ बंनह है बेनती रब्ब अग्गे,

सुखी रहिण संसार दे विच हरदम,

तत्ती वा नां इनहां नूं मूल लग्गे।

उदों तक केवल दो जट्ट सिख्ख आई. सी. ऐस. बणे सन। दूजा सी सिरदार कपूर सिंघ जिस दा जनम 2 मारच 1909 नूं होइआ सी ते देहांत 13 अगस्सत 1986 नूं जगराओं विच होइआ। दोवें लगभग हाणी सन ते गुज़रे वी डेढ कु साल अग्गे पिछ्छे। मैं सिरदार कपूर सिंघ नूं वी मिलदा रिहा सां ते आख़री वार मई 1986 विच जगराओं उहदे ‘त्रैजामण’ नां दे घर मिलिआ सां। उस नें 1931 तों 62 तक आई. सी. ऐस. दी नौकरी कीती अते डिपटी कमिशनरी करदिआं बरखासत होइआ। उह लेखक वी सी ते राजसी नेता वी। अनंदपुर साहिब दा मता उहने ही लिखिआ सी।

डा. रंधावा नें खु਼द आपणे बारे काफी कुझ लिखिआ, वड्डी भैण हरबंस कौर नें वी लिखिआ, होर बहुत सारे लेखकां नें लिखिआ ते होर वी लिखिआ जांदा रहेगा। उह विशेश विअकती सी, वड्डी हसती सी। हसती की, संसथा सी। उहदा मिलण गिलण वालिआं नूं ‘तूं’ कहि के बुलाउणा अपणत्त जताउणा सी। गल्ल भावें वाईस चांसलर डा. जौहल नाल करे, भावें किसे कमिशनर नाल, भावें ओलंपीअन बलबीर सिंघ नाल ते भावें मुख्ख मंतरी लछमण सिंघ गिल्ल नाल। उह पेंडू पंजाबी ‘च गल्ल कर के ख़ुश हुंदा सी। पंजाबी, पंजाबी सभिआचार ते पंजाबीअत दा उह गहि-गड्डवां मुदई्ई सी।

मैनूं ख़ुद रंधावा साहिब नूं मिलण दे कुझ मौके मिले सन। 1970विआं दी गल्ल है। उदों उह पंजाब खेतीबाड़ी यूनीवरसिटी लुधिआणे दा वाईस चांसलर सी। यूनीवरसिटी नें कणक दा नवां बीज डबलयू ऐल 711 कढ्ढिआ सी जिस दा झाड़ पहिलां नालों वध्ध सी। मैं उह बीज हर हालत विच हासल करना चाहुंदा सां, इस लई डा. रंधावा तक पहुंच करन दी सोची। मैनूं पता सी कि उह पंजाबी लेखकां दी बड़ी कदर करदै।

मैं उदों लाला लाजपत राए कालज ढुड्डीके विच लैकचरार सां। ढुड्डीके दे नावलकार जसवंत सिंघ कंवल नें मैनूं दिल्ली तों पट्टिआ सी। मैं सोचिआ, कंवल साहिब दी सिफ़ारशी चिठ्ठी लै के रंधावा साहिब नूं मिलां। इस नाल चंगा प्रभाव पवेगा ते बीज वधेरे मिल जावेगा। बीज वंडण तों कुझ दिन पहिलां मैं कंवल दा रुक्का लै के लुधिआणे रंधावा साहिब नूं जा मिलिआ। डा. रंधावे नें ऐनकां विचों दी तेज़ नज़र सुट्टी। उस नें पुछ्छिआ, “तूं है कौण? किवें आइआं मेरे कोल?” मैनूं कईआं नें दस्सिआ सी कि उस इसे तरहां ‘तूं’ कहि के बोलदै।

मैं सिध्धा दस्सिआ, “माड़ा मोटा लेखक हां जी। संधू जट्ट आं, घर दे खेतां वासते नवां बी लैण आइआं। पंजाबी दा लैकचरार हां ते खेडां-खिडारीआं बारे ‘आरसी’ रसाले विच लिखदा रहिनां।”

रंधावा ऐनकां विचों मुसकराइआ, “फेर कंवल दा रुक्का लिआउण दी की लोड़ सी? सिध्धा आ जांदा।”

मैं वी मिंनहां मुसकरउंदिआं किहा, “दो चार थैलीआं वध्ध लैण दा लालच ऐ, हज़ूर! दाणे चंगे हो जाणगे, तुहाडे गुण गावांगे।”

उस दा जवाब फिर सिध्धा सी, “इक बंदे नूं चार किलो दी इको थैली मिलणी ऐं। इह असूल दी गल्ल आ। तूं घर दे वध्ध जीअ लाईन ‘च ला देईं ते वध्ध थैलीआं लै जाईं।”

उस नें कंवल दे रुक्के दी लाज वी रख्ख लई ते आपणा असूल वी नां तोड़िआ। बाअद विच मैं नवां बीज हासल करन लई किसानां दी जद्दोजहिद बारे इक कहाणी वी लिखी जिस दा नां ‘बुढ्ढा ते बीज’ रख्खिआ जो ‘आरसी’ विच छपी। उहदे विच पंजाब दे इक बुढ्ढे किसान वल्लों नवां बी हासल करन दा डिग्गण-ढहिण ते उठ्ठण वाला संघरश विखाउण दी कोसि਼श कीती। बुढ्ढा, हैमिंगवे दे नावल ‘बुढ्ढा ते समुंदर’ दे नाइक वांग डिग्ग-डिग्ग के उठ्ठदै! हरा इनकलाब ऐवें नहीं आइआ।

1982 विच पंजाबी यूनीवरसिटी पटिआला नें मैथों लिखवाई किताब ‘पंजाबी खिडारी’ डा. रंधावा तों रिलीज़ करवाई सी। उथे मैनूं दूजी वार उस नूं मिलण दा मौका मिलिआ। कुझ गल्लां बातां वी होईआं। उस नें मैनूं सलाह दित्ती कि खेडां खिडारीआं दीआं गल्लां-बातां टी. वी. तों वी करिआ करां। उस नें किहा, उह टी. वी. वालिआं नूं सिफ़ारश कर देवेगा। पर मैं मौका नां सांभिआ ते उस पासे नां जा सकिआ। इह मेरी बदकिसमती रही। वरना डा. रंधावा ख़ुद सिफारश करन दी पेशकश करे तां होर की चाहीदा सी?

बाअद विच डा. रंधावे नूं पंजाबी साहित अकाडमी दे प्रधान वजों कई वार वेखिआ पर मेरीआं सिध्धीआं गल्लां नां होईआं। उंज उहदा जलौअ हर वार दिसदा। उह गंभीरता नाल गल्लां करदा। हासा गाइब हुंदा। इक दिन असीं वाश रूम वल्ल इकठ्ठे गए। बदबो आउंदिआं उह कहिण लग्गा, ‘किंने गंदे हन!” मैं उहदे नेड़े खहड़ा सां जिस करके मैनूं ही किहा, “बुला किसे सेवादार नूं।” मैं सेवादार सद्द के सफाई करवाई। उह खहड़े पैर कंम करवाउण वाला बंदा सी।

फिर ऐसा समां आइआ जदों पंजाब विच जिऊणा दुभ्भर हो गिआ। मार-धाड़ दा हद्द-बंना नां रिहा। अग्गे वधदा पंजाब कई दहाके पछड़ गिआ। डा. रंधावे नें 1947 विच दिल्ली दे डिपटी कमिशनर वजों जनूंनीआं ते गुंडिआं दी मार-धाड़ ‘ते काबू पा लिआ सी। पहिलां यू. पी. दे तुत्तन ख़ां वरगे बदमाश सोधे सन। जे अकतूबर नवंबर 1984 विच उह दिल्ली दा ऐडमनिसट्रेटर हुंदा तां इक वी सिख्ख अनिआई मौत नां मरन दिंदा। काश! पंजाब दे दहिशती दौर समें दिल्ली ते पंजाब दे सिआसतदान डा. महिंदर सिंघ रंधावे नूं पंजाब दा गवरनर लाउण लई सहिमत हो जांदे। फिर पंजाब उह नहीं सी होणा जो अज्ज है। पंजाब रंगला होणा सी, कंगला नहीं। अज्ज वी पंजाब नूं डा. रंधावे वरगे करनी वाले बंदिआं दी लोड़ है।

जि਼ल्हा हुसि਼आरपुर दा पिंड बोदलां उस दा जद्दी पुशती पिंड है। उस दे बचपन ते जुआनी दा जो समां बोदलां विच बीतिआ उस दीआं यादां विच समा गिआ सी। डा. रंधावा नें पुसतक ‘आप बीती’ विच उस दा जि਼कर हुब्ब के कीता: हर महीने ते हर रुत्ते इस पिंड ते इलाके दे बदलदे नज़ारे बड़े ही मनभाउणे सन। बरसात विच जद चारे पासिओं घनकोर कालीआं घटावां उठदीआं तां बद्दलां दी गरज सुण के मोर चारे पासिओं कैओं कैओं दा हल्ला मचा दिंदे। रात वेले डड्डूआं दी गुड़ैं गुड़ैं सारी हवा नूं भर दिंदी। जद डड्डू हट जांदे तां बिंडे आपणा टीं टीं दा राग छेड़ लैंदे। रात नूं पिप्पल हेठ छपड़ी ‘ते जुगनूआं दा नाच शुरू हो जांदा ते इंज लग्गदा जिवें तारिआं दा मींह पै रिहा होवे!

दिने ठंढे पाणी नाल नहाउण दा सवाद ते रात नूं कोठे दी छत्त ‘ते सौण दा आनंद। मंजे ‘ते पै के चंन तारिआं वल्ल वेखणा ते वेख वेख नां रज्जणा। चंन दा असमान विच रोज़ाना सफ़र बड़ा सुहावणा हुंदा। पहाड़ां दे पिछोकड़ ‘चों धुंदली जिही रोशनी दिसणी, हौली हौली तेज़ होणी ते सारे असमान विच फैल जाणी। चंन ते बद्दलां दी लुकणमीची नें होर वी सवाद देणा। धरू तारे ते सत्त रिशीआं नूं उत्तरी आकाश विच बड़ी रीझ नाल वेखणा ते धरू भगत दी कहाणी याद आउणी। ‘छड़िआं दे राह’ नें हनहेरी रात विच होर वी चमकणा...।

इनहां हुसि਼आरपुरी पिंडां दा पाणी वी निआमत है। गरमीआं विच वी ऐना ठंढा कि नहाओ तां कांबा लग्गण लग्ग जावे। अंबां नूं ठंढे कर के रज्ज के चूपणा। कोई खट-मिठ्ठा, कोई खट्टा, कोई सौंफीआ। मुसलमानां दे बहिशत विच हूरां ते पाणी दे चशमे दस्से जांदे हन। साडे हुसि਼आरपुरीआं दी बहिशत दे मिठ्ठे अंबां नूं किहड़ी चीज़ मात पा सकदी है? साडे मुसलमान भरावां नूं पता नहीं अगले जनम हूरां लभ्भण कि नां लभ्भण, पर बहिशत तां साडे कोल है ते हर साल सावण भादरों दिआं महीनिआं विच इहनूं माण सकदे हां। कंमां ते फि਼करां दे भंने होए अते शहिरां तों अक्के होए कई आदमी मैनूं पुछ्छदे हन, साडी बीमारी दा की इलाज है, साडी रूह नूं सकून किवें मिल सकदै? इनहां नूं मैं इहो सलाह दिंदा हां, “जाओ हुसि਼आरपुर दे बाग़ां विच पंदरां दिन अंब चूपो ते भुल्ल जाओ कि तुसीं पहड़े लिखे हो।”

डा. रंधावा नें जुआन हो रहे मुंडिआं कुड़ीआं दी कुदरती खिच्च बारे वी निशंग लिखिआ: मुंडिआं कुड़ीआं दे मेल गुरदुआरे दी मस्सिआ ते संगरांद ‘ते हुंदे। गरना साहिब दीवान लग्गणा तां इक पासे कुड़ीआं ते तीवीआं दीआं टोलीआ नें बैठणा अते उनहां दे साहमणे मुंडिआं ते आदमीआं नें। बज़ुरगां दा धिआन शाइद पाठ सुणन विच होवे पर मुंडे कुड़ीआं तां इक दूसरे नूं देखण ही जांदे। जिहड़ा जिहनूं पसंद करदा, उहदे वल्ल टिकटिकी ला के वेखदा रहिंदा। पिंड दी भठ्ठी उते झिऊरी दाणे भुंनण विच मसरूफ़ रहिंदी ते मुंडे कुड़ीआं अख्खां गरमाउण विच!

डा. रंधावा दा कथन है, “जि਼ंदगी विच सैकस बहुत ज़रूरी चीज़ है। जिवें दीवे दी लोअ हुंदी है, इसे तरहां है सैकस। इस विचों आरट निकलदा है, इसे विचों साहित निकलदा है ते इसे विचों बहादरी। जिस आदमी विच इह चीज़ नहीं, उह पूरा आदमी नहीं। भला दस्सो, खुसरा कदे राईटर बणिआ? कदे बहादर बणिआ? सैकस सारीआं शकतीआं दा सोमा है।”

1924 विच मैट्रिक दे इमतिहान विचों महिंदर सिंघ नें 520 ते राजिंदर सिंघ नें 519 नंबर लै के हाई फसट डिवीज़न लई। ऐफ. ऐस्स-सी. फोरमैन क्रिसचीअन कालज लाहौर तों कर के अग्गे पहड़न लई सरकारी कालज लाहौर विच दाखला लै लिआ। उथों 1930 विच बौटनी दी ऐम. ऐस्स-सी. आनरज़ कीती। इंज उस नूं सिख्ख, आरीआ समाज, इसाई ते सैकूलर सभ वरगां दे सकूलां कालजां विच पहड़न दा तजरबा हासल हो गिआ। इस नाल सारे धरमां दे असूलां दी वाकफ़ी हो गई ते उस नूं अनुभव होइआ कि सारे मज़हब रब्ब दी भाल करदे हन अते उहनां नें रब्ब दे नां ही वख्खो-वख्ख रख्खे होए हन। मज़हबां दा मरकज़ तां इक है, पर हर मज़हब नें आपणे भाईआं, पंडतां, मुल्लां ते पादरीआं दीआं फौजां बणाईआं होईआं हन ते उनहां दे करमकांड घड़े होए हन। आख़र विच बहुत सारे लोक धरम भुल्ल जांदे हन ते रसमां विच ही आपणे मन दी तसल्ली करदे हन।

बाईआलोजी दी पहड़ाई नें उस दीआं अख्खां खोल्ह दित्तीआं। इस दे पहड़न तों पता लग्गा कि जीवन दी उतपती ते विकास किवें होइआ? हौली-हौली कोई दो सौ करोड़ सालां विच जीवन तरक्की करदा आदमी दी जूंन तक पहुंचा। सभ तों पहिलां जीवन समुंदरां विच पैदा होइआ सी ते ओथों कीड़िआं, गंड-गंडोइआं ते मछ्छीआं दी जूंन तक पहुंचिआ। फेर जिं਼दगी डड्डूआं दी जूंन विच आई ते धरती ‘ते आ गई। फेर किरलीआं दी जूंन तों तरक्की करदी दुध्ध चुंघाउण वाले जानवरां ते परिंदिआं दी जूंन विच आई। छछूंदरां, टारसीअस बांदरां तों चल्लण फिरन वाले बांदरां तक पहुंची ते हौली हौली दो करोड़ सालां विच आदमी दी जूंन ताईं पहुंची।

डा. रंधावे नें लिखिआ: लाहौर पहड़दिआं सानूं तिंनां महीनिआं दीआं गरमी दीआं छुट्टीआं हुंदीआं। इह छुट्टीआं असीं पिंड विच ही बतीत करदे। मैं देखिआ कि पहिले पंदरां दिन सुफ़ने अंगरेज़ी विच आउंदे। अगले पंदरां दिन सुफ़निआं दी बोली मिठ्ठी कूली हो जांदी, अध्धी अंगरेज़ी ते अध्धी पंजाबी। तीसरे महीने दिमाग़ तों अंगरेज़ी दी तहि बिलकुल उतर जांदी ते सुफ़निआं दी बोली निरोल पंजाबी हो जांदी।

मैं कदे कदे जट्टां नूं समझाउण दी कोसि਼श करनी कि धरती गोल है ते सूरज दुआले घुंमदी है। इक राजा सिंघ महीआं दा वपारी सी पर रहिंदा सी टुट्टी जिही कोठड़ी विच। मैं कहिणा, “चाचा घोर नरक विच किउं रहिंनां हैं? पैसा नाल बंनह के लै जावेंगा? इक हवादार कोठा छत्त लै।” उस नें कहिणा, “उदों छत्तांगा जदों धरती घुंमणो हट जाऊ। होर नां किते कोठे दा मूंह ही दूजे पासे नां हो जावे!”

मैं टाहलीआं दी झिड़ी विच कुरसी डाह के पहड़िआ करदा सां। इक दिन गुआंढी पिंड बेरछे दा इक रउल मुसलमान आजड़ी कोल ही मझ्झां चरा रिहा सी। मैनूं वेख के नेड़े आ गिआ ते कहिण लग्गा, “सरदार जी तुसीं सोल्हां जमातां तां कर लईआं, हुण होर वी पहड़ी जाणा है?”

मैं उत्तर दित्ता, “फज्जू, अज्ज कल्ल्ह नौकरी बड़ी मुशकल मिलदी है।”

“सरदारा, गप्पीआं वल्ल देख लै, उहनां दे दो मुंडे पटवारी आ ते इक कानूंगो ऐ। ओहनां वांग तूं नी कानूंगो बण सकदा? होर नहीं तां मुछ्छलां दे मुंडे वांग बंकां दा इंसपैकटर ही बण जा।”

मैं किहा, “अछ्छा सोचांगे।”

“सरदारा, असल गल्ल तां इह आ, तेरे चाचे नूं चाहीदा, रुपईआं दी टोकरी भर के किसे वड्डे अफ़सर नूं दे आवे। अज्ज कल्ल्ह वसीले तों बिनां नी कोई पुछ्छदा।”

मैं गल्ल टाल के किहा, “फज्जू एदां दी हिंमत तां मेरी ख़ातर तूं ही कर, चाचा तां बड़ा कंजूस है।”

“सरदारा, असीं तां ग़रीब आदमी होए, इह तां अमीरां दी खेड ऐ। अमीर तां भावें नित्त जलेबीआं खाई जाण!”

फज्जू भाणे जलेबीआं खाणा ही दुनीआ विच सभ तों वड्डा सुआद सी!

फज्जू तों मैनूं फाजि਼लका दा इक राए सिख्ख याद आ गिऐ। गल्लां चल्ल रहीआं सन महाराजा रणजीत सिंघ दी अमीरी दीआं। कोई दस्स रिहा सी कि उहदी फौज दे घोड़िआं दीआं काठीआं नूं सोने दे कोके लग्गे हुंदे सन। राए सिख्ख किहा, “मुड़ महाराजे रणजीत सिंघ दा की कहिणा, उह तां सोने दे कोकिआं दी थां भावें गुड़ दीआं काठीआं चा बणाउंदा!”

जे फज्जू जलेबीआं नूं वड्डी अमीरी समझदा सी तां उह राए सिख्ख गुड़ नूं सोने तों वी महिंगी शैअ समझ रिहा सी!

इस गल्ल दा किसे नूं नहीं सी पता कि महाराजा रणजीत सिंघ नें आपणी घोड़ी लेली दी काठी ते साज़ नूं तीह लख्ख रुपए दे हीरे जवाहरां नाल सजाइआ सी!

डा. रंधावा वेखण नूं भावें गंभीर दिसदा सी पर हस्सण वेले खुल्ल्ह के हस्स वी लैंदा सी। उस नें ‘आप बीती’ विच कई हसाउणीआं घटनावां दा जि਼कर कीता है। राजे महाराजे कंनां दे कच्चे हुंदे सन अते वज़ीर उनहां दा इंज उल्लू बणाउंदे सन: ‘आएगा नदौण, जाएगा कौण’ कहावत इस करके प्रचलत होई किउंकि नदौण बड़ा रंगीला कसबा सी। राजा संसार चंद वेले उथे तिंन सौ वेसवावां आपणा धंदा चलाउंदीआं सन। डा. रंधावा इक वार कांगड़ा चित्तरां दी खोज भाल विच नदौण गिआ तां राजे दे महिमान ख़ाने विच बिसराम कीता। पुराणे राजिआं बारे कई दिलचसप कहाणीआं प्रचलत सन। नदौण नेड़े गिद्दड़ बहुत सन जिहड़े रात नूं ख़ूब भैरवी अलापदे। पोह दा महीना सी। नदौण दा राजा अंमतर शहिर दे महिलां विच सुत्ता पिआ सी। अध्धी कु रात होई तां गिद्दड़ां नें ख़ूब कूकां मारीआं। अगली सवेर राजे नें वज़ीर नूं बुलाइआ ते पुछ्छिआ, वज़ीर! रात नूं गिद्दड़ किउं रोंदे हन?” वज़ीर बोलिआ,“जनाब, पोह दा महीना है, कक्कर पैंदा है। विचारे पाले दे भंने होए कूकदे नें।”

राजे नें हुकम दित्ता कि इनहां नूं कंबल वंडे जाण। उसे रात ही नौकरां नें जंगल विच जिथे गिद्दड़ रहिंदे सी, कुझ कंबल खिलार दित्ते ते कुझ आपणे घरां नूं लै गए। रात होई तां गिद्दड़ां नें फिर हवांकणा शुरू कीता। राजे नें अगले दिन फेर वज़ीर नूं पुछ्छिआ, “वज़ीर, गिद्दड़ हाल ताईं वी कूकदे हन, की कंबलां नाल इनहां दा पाला नहीं हटिआ?” वज़ीर नें जवाब दिता, “हज़ूर इह जनाब दा शुकरीआ अदा कर रहे हन कि आप नें इनहां नूं पाले तों बचाइआ है!”

इह सुण के राजा ख़ुश नां हुंदा तां होर की हुंदा?

विदिआरथीआं दे इक टूर वेले चंबे असीं इक धरमशाला विच रहे। हर लड़के नें खाण नूं घरों कुझ नां कुझ लिआंदा सी। मेरे पास मूंगी दीआं पिंनीआं सन। मैं बज़ार सैर करन नूं गिआ ते जद परतिआ तां देखिआ पिंनीआं ग़ाइब सन। शाम नूं मैं वेखिआ कि जिंने चोर सन बार बार टट्टी वल्ल तुरे जाण। मूंगी दा आटा कुझ कच्चा सी ते खा वी कुझ वध्ध गए सन जिस करके सारिआं नूं मोक लग्ग गई!

साडे डैलीगेशन दा लीडर दीवान सर टी. विजे राघवचारी सी। दुबला पतला जिहा इनसान, उमर 70 साल, पर दिल दा जवान। जद औरतां नूं उस दा नां लैण विच दिक्कत आउंदी तां कहिंदा मैनूं डीअर ही कहि लिआ करो। राओ बड़ा चंगा बोलदा सी ते जद शुरू हो जांदा तां सपीच मुकाउण दा नां नां लैंदा। इंज मलूम हुंदा जिवें नलके दी टूटी खुल्ल्ही रहि गई है!

जुआला मुखी दे सफ़र विच साडे नाल लोक गीतां दा इक संग्रहिक वी सी। बीबी दाहड़ी ते लंमे लंमे वाल अते फोटोग्राफ़ी दा शौकीन। जद मैं मंदर तों मुड़ के आइआ तां वेखिआ कि जीप कोल बड़ी भीड़ है। पता लग्गा कि मेरे मित्तर इक पहाड़ी औरत दी फोटो खिच्चदे होए उस नूं मूंह दा पल्ला उते थल्ले करन दी हिदाइत दे रहे सन कि उपरों उस दा पती आ गिआ। रौला पै गिआ कि कोई पाकिसतानी फकीर, हिंदू औरतां दीआं तसवीरां खिच्च रिहा है। फेर की सी किसे नें बांह फड़, किसे नें कोट फड़, खिच्चोताण करनी शुरू कर दित्ती। हिंदुसतान ख़ास तौर ‘ते पंजाब विच ओपरीआं ज़नानीआं दी फ़ोटोग्राफ़ी करनी बड़ी कठन है। होर नहीं तां इह कहिणों नहीं टलदीआं, “जे फ़ोटो खिच्चणी ऐ तां आपणी मां दी खिच्च, भैण दी खिच्च, तूं साथों की लैणै?”

असीं आपणे मित्तर नूं बड़ी मुशकल नाल बचाइआ। जे ठाणेदार मौके ‘ते नां आ जांदा तां पता नहीं अनपहड़ कांगड़ा वासी उस दी की गत बणाउंदे? उनहां नूं समझाइआ गिआ कि इह पंजाब दे टैगोर हन ते इनहां नें लोक गीत इकठ्ठे कर के पंजाबी साहित दी बड़ी सेवा कीती है। फोटोग्राफ़ी वी इह सभिआचारक नुकते तों ही कर रहे सन, इनहां दी कोई माड़ी नीअत नहीं सी। उनहां सिध्धे सादे पहाड़ीआं नूं की पता सी कि अज्ज कल्ल्ह कांगड़े विच ऐसे उच्च पध्धर दे यातरू वी आउंदे हन। उनहां नूं हाल ताईं पंजाबीआं दी धक्केशाही दा ही तजरबा सी जो उनहां दीआं सुंदर तीवीआं नूं बहिका के मैदानां विच लै जांदे सन।

पहिलगाम दरिआ दे कंढे इक धोबण कपड़े धोंदी सी। मैं दरिआ दे कंढे बैठा साहमणे दिआर दे जंगल देखदा सी। इक पहाड़ीआ आइआ ते कहिण लग्गा कि तुसीं मेरी धरम पतनी वल्ल देख रहे हो। मैं जवाब दित्ता कि मेरी धरम पतनी मेरे नाल है ते उस मोटी जिही तीवीं दे मुकाबले जि਼आदा ख़ूबसूरत है। इकबाल पास ही बैठी सी, मैं किहा, जे शक्क है तां देख लै ते मुकाबला कर लै!

गप्प गोशटीआं विच बोदलां वालिआं दा कोई मुकाबला नहीं कर सकदा। जदों असीं मुलक राज अनंद दी टोली नूं लै के जलंधर तों आपणे पिंड बोदलां गए तां सीरीं ते डौली (मुलक राज अनंद दी पतनी ते सैकटरी) वी साडे नाल सन। उनहां दे पतलूणां पाईआं होईआं वेख के पिंड दे जट्ट वाहिगुरू वाहिगुरू करन लग्ग पए!

महिंदर सिंघ बहुत मिहनती विदिआरथी सी। लाहौर कालज दीआं लैबौरटरीआं विच तजरबे करदिआं रोज़ रात पै जांदी। उह किसे खेड विच हिस्सा नहीं सी लै सकदा। सिनमा वी छे सालां विच शाइद 4-5 वार ही वेखिआ होवे। सिहत ठीक रख्खण लई सवेरे डंड बैठकां लगा लैंदा सी ते शाम नूं चैसट ऐकसपैंडर नाल कसरत कर लैंदा सी।

1930 विच जदों उस नें ऐम. ऐस्स-सी. कीती उदों खेती विच भारी डीपरैशन सी। कणक डेढ रुपए मण विक रही सी। किसानी दा बुरा हाल सी। रंधावे नें लैकचरार बणन दी सोची। ख़ालसा कालज अंम्रितसर विच बौटनी दी पोसट निकली। उदों कालज दे करता धरता सुंदर सिंघ मजीठीआ सन। रंधावा आपणा वधीआ सूट पा के, टाई ला के ते बूट पालिश कर के उनहां नूं मिलण गिआ। बाई कु साल दे नौजुआन दे विरली जिही दाहड़ी सी पर कड़ा नहीं सी पाइआ होइआ।

मजीठीए सरदार नें नौजुआन रंधावे नूं नीझ नाल वेखिआ ते पुछ्छिआ, “की तुसीं जपुजी साहिब दा पाठ करदे हो?” रंधावे नें जवाब दित्ता, “जाणदा हां, पर करदा नहीं।” नाल ही किहा, “मेरा खि਼आल सी कि इह बौटनी पहड़ाउण दी पोसट है नां कि गिआनी दी।”

डा. रंधावे नें बाअद विच लिखिआ, “इस तरहां दे सुआल सुण के मेरे मन विच बड़ी घिरणा होई कि इनहां मज़हबी संसथावां विच अकल ते इलम दी कोई कदर नहीं। मैं अनुभव कर लिआ कि सरदार जी नें मैनूं पसंद नहीं कीता ते नां ही मैं उनहां नूं पसंद कीता।”

उस दा दिल पहिली नाकामयाबी तों बड़ा दुखी होइआ। फिर उह आई. ए. ऐस. इमतिहान दा 50 रुपए दाखला भेज के, इकांत विच तिआरी करन लई आपणे वड्डे भरा हरकिशन सिंघ कोल पिंड गज सिंघ पुर, बीकानेर चला गिआ। उथे उह इक कच्चे कोठे विच रिहा जिस दे साहमणे पाणी दी डिग्गी सी। खालिआं दे कंढे रिंडां लाईआं होईआं सन। इक खाले कोल उस नें इक छप्पर छताइआ ते उहदे हेठ इक ढिल्ली जिही मुंज दी मंजी रख्ख लई। उस ‘ते इक मोटा जिहा खद्दर दे गि਼लाफ़ वाला गोल तकीआ ढोअ लाउण लई रख्ख लिआ। उथे उस नें सवेरे सत्त वजे दुध्ध पी के पहड़न लग्ग पैणा। दुपहिरे दहीं ते माहां दी दाल नाल दो फुलके खाणे ते शाम छे वजे तक पहड़दे रहिणा। फेर इक घंटा खाले दे कंढे सैर करनी। सिट्टा इह निकलिआ कि 1931 विच होए आई. सी. ऐस. दे इमतिहान विचों उहदा 19वां नंबर आइआ जिस नाल उह आई. ए. ऐस. विच नां आ सकिआ।

1932 विच उस नें होर तिआरी कर के इमतिहान दित्ता। तकरीबन इक महीना परचे हुंदे रहे। नतीजा निकलिआ तां उह 5वें सथान ‘ते रिहा जिस नाल उस दी आई. सी. ऐस. लई चोण हो गई। कुझ दिन पिंड रहि के उह सि਼मले दी सैर करन चला गिआ। उस नें लिखिआ: मैं सवेरे रोटी खा के चील दे जंगलां वल्ल चला जांदा ते उनहां दी छां हेठां आराम करदा। हवा चील दे बरोज़े दी ख़ुशबू नाल भरी हुंदी ते पत्तिआं दी शां शां दा राग मन नूं बड़ी शांती दिंदा। बुरास दे लाल फुल्लां दे गुछ्छे पहाड़ां नूं होर वी शोभा दिंदे। साहमणे पहाड़ां ‘ते पहाड़नां मोतीआं मणकिआं दीआं कंठीआं पाई, दातीआं नाल घाह वढ्ढदीआं। पहाड़ां दी चुप्प ते शांती नें मैनूं फिर नौ बर नौ कर दित्ता ते मेरे दिमाग़ तों इमतिहान दा बहुत सारा बोझ उतर गिआ।

1932 तों 34 तक उस दी इंगलैंड विच ट्रेनिंग होई। उहनीं दिनीं इंगलैंड गए भारती नौजुआन मेमां विआह लिआउंदे सन। मेमां दे डरों उस दा विआह इंगलैंड जाण तों पहिलां ही कर दित्ता गिआ सी। उस दी पतनी इकबाल कौर दी उमर उदों 17 साल दी सी। डोली लै के मुड़े तां पिंड दा रसता कच्चा होण कारन मोटर गरना साहिब छड्डी ते उथों लाड़ी डोले ‘ते सवार होई अते लाड़ा घोड़ी ‘ते।

इंगलैंड विच दो साल रहि के रंधावे नें जो प्रभाव लए उहनां दा जि਼कर उस नें इंज कीता: मैं कई वार सोचदा हां कि साडा ते पछ्छमी लोकां दा किंना वड्डा फरक है। साडे लोक मुहब्बती हन ते प्राहुणचारी विच इनहां दा कोई मुकाबला नहीं। कदे वी ओपरे आदमी नूं पिंड विचों भुख्खा नहीं जाण देणगे चाहे आप किंने वी ग़रीब किउं नां होण। इनहां दे मुकाबले पछ्छमी गोरे ख़ुदगरज़ ते कोरे हन ते पैसा ही इनहां दा मां बाप है। भावें किंने वी अमीर होण बगै਼र मतलब तों कदे वी अख्ख नहीं मिलाउणगे। इनहां दे मूंह गोरे हन ते हिरदे कठोर! साडे ग़रीब किसानां दे भावें लीरां ही लमकदीआं होण किंने निघ्घे सुभाअ दे हन, आपणा कंम छड्ड के प्राहुणे नूं सिर उते चुक्क लैंदे हन।

ठीक है लंडन भावें लख्खां आदमीआं ते तीवीआं नाल भरिआ पिआ है, पर ओपरे आदमी लई जिस दा कोई दोसत मित्तर नां होवे, इह अरब दे रेगसतान तों वी सुंनी जगहा है।

23 सतंबर 1934 नूं उस नें इंडीअन सिवल सरविस दी हाज़री भरी। 1934 तों 36 तक सहारनपुर सहाइक मजिसट्रेट, 36-38 तक जुआइंट मजिसट्रेट फ़ैज़ाबाद ते 39-39 विच अलमोड़ा रिहा। 1939-40 विच अलाहाबाद दा ऐडीशनल मजिसट्रेट ते कलैकटर। अलाहाबाद असली माअनिआं विच वकीलां दा शहिर है। अलाहाबाद दे जि਼ल्हे विच दो तहिसीलां विचों गंगा वगदी है। जिनहां तहिसीलां विचों गंगा वहिंदी है उथे दे लोक बड़े तंदरुसत हन। जिनहां तहिसीलां विचों यमना गुज़रदी है उथों दे लोक कमज़ोर ते बीमार जिहे दिखाई दिंदे हन। इही वज़हा सी कि मुग़ल बादशाह वी पीण लई गंगा दा पाणी मंगवाउंदे सन। तअल्लकेदार सारा दिन बकरीआं वांग पान चब्बदे रहिंदे। जद किसे तअल्लकेदार नूं मोटर खरीदण दी लोड़ हुंदी तां आपणे मुजारिआं तों मोटराना इकठ्ठा कर लैंदे। हाथी खरीदणा तां ‘हथिआवन’ ते लाट साहिब दे दौरे वेले ‘लटिआवन’। हरेक काशतकार नूं मोटराना, हथिआवन ते लटिआवन देणा पैंदा।

अलाहाबाद तों रंधावे दी बदली आगरा ते आगरे तों 1942-45 तक बतौर डिपटी कमिशनर राइबरेली दी हो गई। 1945-46 दौरान उह दिल्ली विच खेतीबाड़ी कौंसल दा सकत्तर रिहा। फिर दिल्ली विच दंगे शुरू हो गए। इक दिन सरदार वल्लभ भाई पटेल नें उस नूं होम मनिसटरी दे दफतर सद्दिआ ते किहा, “असीं तुहानूं दिल्ली दा डिपटी कमिशनर लाउणा सोच रहे हां, सानूं अंगरेज़ डिपटी कमिशनर ली बेली ‘ते इतबार नहीं।”

रंधावे नें हामी भर दित्ती हालांकि उहनीं दिनीं इह जि਼ंमेवारी लैणी उख्खली ‘च सिर देण बराबर सी। उस नें ‘आप बीती’ विच लिखिआ: 11 नवंबर 1946 नूं मैं आपणा सामान, 17 राजपुरा रोड लै गिआ। चारज लैण विच ख़ज़ाने दा गिणना बड़ा ज़रूरी हुंदा है ते दिल्ली दे ख़ज़ाने विच तां लख्खां रुपए दे नोट ते सटैंप सन। जद मैं नोटां दे बंडल गिण रिहां सां तां हर पंजां मिंटां बाअद ख़बर आउंदी कि फ़लाणे महल्ले विच छुरेबाज़ी नाल कतल हो गिआ। मैं कसीस वट्ट लई कि ख़ज़ाना गिण के ही उठांगा ते कल्ल्ह ही छुरेबाज़ी काबू आ जावेगी। मैं इक वजे तक ख़ज़ाना गिण छड्डिआ। उस वेले तक कोई दस आदमी, छुरेबाज़ गुंडिआं दा सि਼कार हो चुक्के सन। तदे मैं हुकम दित्ता, जो आदमी छुरेबाज़ी करेगा उस नूं गोली नाल उडा दित्ता जावेगा। इस हुकम अनुसार इक सिख्ख कानसटेबल नें इक मुसलमान बुच्चड़ नूं, जो इक हिंदू दे छुरा मार रिहा सी, गोली मार दित्ती। इस वाके नाल गुंडिआं विच बड़ा सहिम पैदा हो गिआ ते हालात काफी हद्द तक काबू हेठ आ गए।

जे तुसीं हौंसले विच द्रिड़ होवो ते हौंसला रख्खो तां बड़े बड़े मौब वी तुहाडे तों भै भीत हो जाणगे। आम तौर ‘ते बदमाश लोक बुज़दिल हुंदे हन ते उनहां नूं डराउंदे हन जो डरदा होवे। जे तुहाडी विल्ल पावर मज़बूत है तां तुसीं इनहां दोशीआं ‘ते ग़लबा पा सकदे हो।

जद हालत वधेरे खराब हुंदी तां दिल्ली शहिर विच करफिऊ लगा दिता जांदा। रात नूं मैं पुलिस लै के आप गशत ‘ते जांदा। जे कोई घरों बाहर निकलदा तां उसे वकत फड़ लिआ जांदा ते टरक्क ‘ते लद्द के ठाणे पुचाइआ जांदा। जिन्नाह नें इंपीरीअल होटल विच मुसलिम लीग दी इक मीटिंग करनी सी। इस मीटिंग ‘ते ख़ाकसारां नें बेलचिआं नाल हमला करन दी तिआरी कीती। पता लग्गण ते मैं काफी पुलिस होटल विच भेज दित्ती। जद ख़ाकसारां नें मीटिंग ‘ते हमला कीता तां पी. ऐन. शरमा फ़ोटोग्राफर फ़ोटो खिच्चण लग्गा। मुसलम लीगीए उहदे पिछ्छे पै गए ते उस नें इक सिख्ख लड़की दे कमरे विच लुक के जान बचाई। जे मैं ख़ुद मौके ‘ते नां पहुंचदा तां हो सकदा सी कि जिन्नाह नूं ख़ाकसार ज़रूर मारदे। जद पटेल नाल मुलाकात होई तां उस नें किहा कि इस मामले विच ऐनी जलदी ऐकशन लैण दी लोड़ नहीं सी।

मैं ज़ाती तौर ‘ते ख़तरे विच रहिंदा सी। पुलिस गारड ते बौडीगारडां दे इलावा, मैं इह तरकीब करदा सी कि आपणा कोई सैट्ट प्रोगराम नहीं सी बणाउंदा। मेरी सैर करन दी आदत है पर मैं दिल्ली दी किसे सड़क ‘ते सैर नहीं सी करदा। बग़ैर किसे नूं दस्से किसे नां किसे पिंड चला जांदा, नाले पिंड वालिआं दी मदद करदा, नाले सैर कर लैंदा।

मारच 1947 ‘च रावलपिंडी दे इलाके विच फ़साद शुरू होए, तकरीबन 2000 सिख्ख मारे गए। अप्रैल विच पोठोहारी सिख्ख दिल्ली पहुंच गए। इह साफ़ सी कि पंजाब दी वंड होएगी। जनवरी 1947 विच गिआनी करतार सिंघ मैनूं मिलण आइआ सी। उह शकल दा कोझा पर अकल दा तेज़ सी। उह बड़ा बादलील सी ते उस दी सोच बड़ी साफ सी। मैं पंजाब दी वंड बारे डूंघा सोचिआ होइआ सी। मैं गिआनी नूं सुझाअ दित्ता कि रावी दरिआ हद्द रख्ख के पंजाब दी वंड मंगो। ज़ोर पवे तां लाहौर भावें मुसलमानां नूं दे दिओ। इस हद्द नाल मिंटगुमरी दी बार भारत विच आ जाणी सी ते इस नाल सिख्ख किसानां जि਼मीदारां दा बहुता नुकसान नहीं सी होणा। गिआनी नूं इह गल्ल जच गई ते मैं इक पैंफ़लट अंगरेज़ी विच लिख के गिआनी नूं नकशे समेत दित्ता। गिआनी नें इह पैंफ़लट आपणे नां हेठां छपाइआ जिस दा खरचा स. रणजीत सिंघ नें दित्ता। इह पैंफ़लट कांगरसी लीडरां विच वंडिआ गिआ...।

...किरपान बैन दे सिलसले विच इक मीटिंग होई, जिस विच नहिरू, पटेल, मौलान आज़ाद ते बलदेव सिंघ मौजूद सन। बलदेव सिंघ नें लांभे कर के मैनूं किहा, “किरपान ‘ते बैन नहीं लग्गणा चाहीदा, इह सिख्खां दा मज़हबी चिंनह है।” मैं जवाब दित्ता, “इस वेले बैन ज़रूर लग्गणा चाहीदा है, किउंकि सिख्ख मुसलमानां ‘ते जि਼आदती कर रहे हन।” बलदेव सिंघ नें फिर आपणी गल्ल दुहराई। मैं किहा कि मैं आपणी सही राए दे दित्ती है, हुण तुसीं मौलाना ते नहिरू दे साहमणे आपणी राए दस्सो। जद मीटिंग होई तां बलदेव सिंघ नें आपणी राए दस्सण दा हौसला नां कीता। इह वेख के बलदेव सिंघ मेरीआं नज़रां विच गिर गिआ। मैं देखिआ कि जद कोई मुशकल आउंदी तां बलदेव सिंघ काइरता दिखाउंदा सी ते उह सिरफ़ कागज़ी भलवान ही सी। जे उह हौसला ते द्रिड़ता दिखाउंदा तां मिंटगुमरी दा जि਼ल्हा जिस विच दस लख्ख सिख्ख सन ते ढाई लख्ख मुसलमान, ते ननकाणा साहिब ज़रूर भारत विच शामल हुंदे। पंजाब दा गवरनर जैनकिनज़ इस तजवीज़ दे हक्क विच सी।

शनिचरवार दी सवेर, 16 अगस्सत 1947 नूं लाल किले दे दरवाज़े दे साहमणे, आज़ाद हिंदुसतान दा तरंगा झंडा चहड़ाउण दी रसम नहिरू नें अदा कीती। इस रसम विच मेरी वी ख़ास जि਼ंमेवारी सी। झंडे दा इंतज़ाम किले दे गैरीसन इंजनीअर कुलवंत सिंघ पास सी। मेरे पास ही राजिंदर परशाद ते पटेल खहड़े सन।

16 अगस्सत दुपहिर बाअद रैडकलिफ़ दा अवारड सुणाइआ गिआ। रैडकलिफ़ पहिलां ही इंगलैंड जा चुक्का सी किउंकि उस नूं पता सी कि इस अवारड तों कोई वी ख़ुश नहीं होवेगा। इस अवारड नाल सभ तों करारी चोट सिख्खां ‘ते लग्गी। लाइलपुर, सरगोधा ते मिंटगुमरी दीआं बारां उनहां नें आबाद कीतीआं सन। हिंदू मिडल कलास दा गहड़ लाहौर सी। छे सतंबर तक दिल्ली विच पंज लख्ख शरनारथी आ गए। प्रापेगंडा शुरू कर दित्ता कि मैं पंजाबीआं दी मदद कर रिहा हां।

कोई वीह हज़ार पंजाबी कई दिनां दे भुख्खणभाणे रावी दे तट्ट ‘ते फसे होए सन। उस वेले दिल्ली दे पंजाबीआं विच पंजाबीअत दी लहिर चल्ल रही सी। मैं आपणी घर वाली इकबाल कौर नूं किहा कि आटा लै के गुरदवारा सीसगंज जावे। सभ इसत्रीआं नूं रेडीउ तों अपील कीती कि आपणे घरों आटा लै के गुरदवारे पहुंच जाण। सैंकड़े औरतां आटा लै के गुरदवारे आ गईआं ते रोटीआं पकाउण विच मसरूफ़ हो गईआं। रावलपिंडी दे भापिआं नें अंब दे आचार दे पीपे लै आंदे ते असीं सवेरसार रोटीआं ते आचार दे पीपे हवाई जहाज़ विच लदा दित्ते। इस तरहां भुख्खिआं ते बे-आसरे पंजाबीआं नूं खाणा पुचाइआ गिआ।

मेरी पंजाबी शरनारथीआं नाल अथाह हमदरदी सी, किउंकि मैं महिसूस करदा सां कि इस वंड दे फैसले विच मेरा वी हिस्सा है। इह मेरी इखलाकी जि਼ंमेवारी सी कि जो लोक इस वंड दे फैसले कारन उजड़ पुजड़ के पाकिसतान तों आए हन, उनहां दी वध्ध तों वध्ध मदद कीती जावे। नहिरू नूं कुझ पंजाबी हिंदू मिलण आए कि टाऊनसि਼प बणाउण लई उनहां नूं दिल्ली तों सत्त मील दे फासले ‘ते 500 एकड़ ज़मीन दित्ती जावे। नहिरू नें उत्तर दित्ता, “सत्त मील दूर नहीं, सत्त सौ मील दूर!”

पंजाबीआं दी लीडरसि਼प बोदी ते कमज़ोर सी। मेरे खि਼आल विच दुकानदार दा लीडर बणना असंभव है किउंकि लीडर नूं हमेशां आपणा नफ़ा नुकसान ही नहीं सोचणा चाहीदा। इस तों मैनूं छोटू राम दा मखौल याद आउंदा है। किसे लाला जी तों मरन समें पुछ्छिआ गिआ कि सवरग विच जाणा है जां नरक विच? उत्तर मिलिआ, उथे भेज दिओ जिथे मुनाफ़ा जि਼आदा होवे। जे लाला जी बीमार हो जाण ते कोई पुछ्छण जाए कि किंना आराम आइआ तां जवाब दिंदे हन, दुआनी भर। तंदरुसती होवे जां बीमारी, आनिआं दुआनीआं विच ही सोचदे हन!

जद पंजाब ते फरंटीअर तों शरनारथीआं दे आउण करके दिल्ली दा अमन पूरी तरहां भंग हो गिआ तां महातमा जी नें जनवरी 1948 विच वरत रख्खिआ। इनहां दिनां विच गांधी जी ते पटेल विचकार काफी फरक हो गिआ सी। पटेल नें मैनूं किहा कि मैं महातमा गांधी नूं मिलां। उनहां दे कहे मैं महातमा जी नूं मिलण बिरला हाऊस गिआ। महातमा जी लाअन विच धुप्पे चारपाई ‘ते लेटे होए सन। मैं नमशकार कीती ते साहमणे कुरसी ‘ते बैठ गिआ। कुझ गल्लां बातां बाअद मैं महातमा जी नूं किहा कि उह पालमपुर नेड़े पिंड दौलतपुर विच पंचाइत घर दा उदघाटन करन जो मैं पिंड वालिआं नाल मिल के बणाइआ सी।

महातमा जी नें इह गल्ल मनज़ूर कर लई ते अगले दिन मैं उनहां नूं उस पिंड लै गिआ। उस वेले मैनूं जां दिल्ली ऐडमनिसट्रेशन नूं बिलकुल पता नहीं सी कि कुझ आदमी महातमा जी नूं मारन ‘ते तुले होए हन। कुझ दिनां बाअद जद उनहां दा कतल होइआ तां मैं महिसूस कीता कि उस दिन कोई घटना हो जांदी तां सारी जि਼ंमेवारी मेरे सिर ही पैणी सी।

20 जनवरी नूं किसे नें गांधी जी दी शाम दी पूजा मीटिंग ‘ते इक बंब सुट्टिआ। इस नाल कंध दीआं इट्टां उख्खड़ गईआं पर किसे नूं कोई चोट नां लग्गी। गांधी जी शांत रहे ते उनहां नें आपणी मीटिंग जारी रख्खी।

वज़ीर चंद महिरा आई. जी. पुलिस नें सुझाअ दित्ता कि जिंने विअकती पूजा मीटिंग विच शामल होण पुलिस उनहां दी तलाशी लवे ते फेर ही उनहां नूं बैठण दी इजाज़त दित्ती जावे। पर महातमा गांधी जी नें इह मनज़ूर नां कीता। जि਼आदा कंम दे सटरेन नाल मैनूं फलू हो गिआ। मैं मंजे ‘ते पिआ सी कि कोतवाली तों 30 जनवरी शाम नूं टैलीफोन आइआ कि किसे नें गांधी जी नूं गोली मार दित्ती है। मैं बुख़ार विच ही तुरंत बिरला हाऊस गिआ। नहिरू, पटेल ते होर लीडर उथे अग्गे ही पहुंच चुक्के सन। महातमा जी दी लाश खद्दर नाल ढकी होई फरश ‘ते पई सी। सारे हाल विच मुरदनी छाई होई सी।

मैं हतिआरे नूं वेखण पारलीमैंट सटरीट दे ठाणे विच गिआ। उहदा नां गोडसे सी जो पूने दा मरहट्टा ब्राहमण सी। दुबला पतला जिहा आदमी सी ते उहदीआं अख्खां चमक रहीआं सन। उस नूं आपणे कीते ‘ते कोई अफ़सोस नहीं सी ते बड़ी तेज़ी नाल बोली जांदा सी। इंज मालूम हुंदा सी जिवें नशे विच होवे।

अगली सवेर 31 जनवरी नूं गांधी जी दी अरथी राज घाट लै जाई गई। चारे पासे लख्खां आदमीआं ते औरतां दी भीड़ सी। जद चिता नूं अग्ग लगाई तां हजूम नें चारे पासिओं हल्ला जिहा कर दित्ता। हवाई फौज वालिआं दा घेरा टुट्ट गिआ ते इंज मालूम हुंदा सी कि नहिरू, पटेल, मौलाना, माऊंटबेटन आदि सभ चिता विच झोके जाणगे। मैं घोड़े ‘ते चहड़िआ होइआ सी ते कुझ घोड़सवार सिपाही मौजूद सन। असीं सारिआं नें मिल के बड़ी मुशमल नाल भीड़ नूं पिछ्छे धक्किआ ते लीडरां नूं बचाइआ।

पटेल नूं बंबई दे चीफ़ मनिसटर ख़ैर नें इह पहिलां ही इतलाह दे दित्ती सी कि कुझ मरहट्टे गांधी जी नूं मारना चाहुंदे हन। पता नहीं पटेल नें दिल्ली ऐडमनिसट्रेशन दी मीटिंग किउं नां बुलाई। जे सानूं बुलाइआ जांदा ते ख़तरे तों जाणू कीता जांदा तां असीं बग़ैर तलाशी तों बंदिआं नूं गांधी जी दी मीटिंग विच शामल नां होण दिंदे, भावें गांधी जी कुझ ही कहिंदे। जे इह इहतिआत लई जांदी तां हो सकदा सी कि गांधी जी दी हत्तिआ दिल्ली विच नां हुंदी।

फिर पटेल नें जनसंघ नूं आड़े हत्थीं लिआ। दिल्ली ऐडमनिसट्रेशन नूं हुकम मिलिआ कि जनसंघ दे कारकुन ग्रिफ़तार कर लए जाण। असीं सैंकड़े जनसंघी पकड़ लए। इनहां विच बहुत सारे दफ़तरां दे बाबू सन। महातमा दी शहीदी नाल शरनारथीआं नूं बहुत धक्का लग्गा। हुण हिंद सरकार दी हमदरदी उनहां नाल घट गई। जनसंघी जिहड़े महातमा दी मौत ‘ते मिठाईआं वंड रहे सन, जूंआं वांग सौं गए। नफ़रत दी अग्ग दे भांबड़ महातमा दे बलीदान नाल ही दब गए।

अकतूबर 1948 विच रंधावा दिल्ली तों पंजाब परतिआ। डा. गोपी चंद भारगव नें उस नूं अंबाले दा डी. सी. ला दित्ता। 1949 विच उह मुड़ वसाऊ महिकमे दा ऐडीशनल डाइरैकटर बणिआ। कुलवंत सिंघ विरक नूं महिकमे दा लोक संपरक अफ़सर लाइआ गिआ। 40 लख्ख शरनारथीआं नूं मुड़ वसाउण दा कारज पहाड़ जिड्डा सी। किसान जि਼मीदार पछ्छमी पंजाब विच 5700000 एकड़ ज़मीन छड्ड के आए सन। पूरबी पंजाब विच 4500000 एकड़ ज़मीन ही विहली होई सी। अलाटमैंट लई 7000 पटवारी ते होर अमला फैला जलंधर दे कैंप विच दिन रात कंम करन लग्गा। 12 मण कणक पैदा करन वाली ज़मीन नूं सटैंडरड एकड़ मंनिआ गिआ। अलाटमैंट, ऐलोकेशन, सटैंडरड एकड़ ते ओवरफ़लो वरगे अंगरेज़ी लफ़ज़ पंजाबीआं दे मूंह चहड़ गए। ओवरफलो नूं अनपहड़ जि਼मीदार देसी बोली विच अल्लो-फल्लो कहिंदे।

शरनारथी जिथे वी मिलदे, हर कोई इहो पुछ्छदा, तुहाडी परची निकली है किधरे? परची ज़मीन दी पक्की अलाटमैंट दे कागज़ां नूं आखदे सन। इह जलंधर तों आउंदी सी अते तहिसीलों वंडी जांदी सी। औख, कौड़, फि਼कर अते वितों वध्ध कंम दे इस पसरे होए बीआबान विच इक रंधावा साहिब दी ज़ात ही सी, जिहड़ी इक तारे वांग सारिआं नूं सुख्ख ते आस दा सुनेहा दिंदी सी। लोक कहि रहे सन, पंजाब विच जां पहिलां महाराजा रणजीत सिंघ नें आपणे हत्थीं ज़मीनां ते खूह वंडे सन जां हुण रंधावा वंड रिहै।

ज़मीनां दी अलाटमैंट तुरत फुरत मुका के खेती दे संदां दा मेला लाइआ गिआ। किसानां नूं दो करोड़ दे करज़े खहड़े पैर दित्ते तां कि उसे वेले संद खरीद के खेती शुरू कर सकण। 40 लख्ख बंदिआं नूं दो सालां विच आबाद कीता जद कि 15 लख्ख फलसतीनी अरबां दी दौलत दे बावजूद कई दहाके आबाद नां हो सके। जदों इह सोचीए कि पाकिसतान विच मुहाजर वीह साल उखड़े फिरदे रहे ते बंगाल विच शरनारथी वरहिआं-बध्धी कैंपां विच रुलदे रहे, रंधावे दी अगवाई हेठ पंजाब दे मुड़-वसाऊ महिकमे नें इक ऐसा कारनामा कीता जिस दी मिसाल दुनीआ भर विच किते नहीं मिलदी। इस दा नतीजा इह निकलिआ कि जिहड़ा पंजाब 1947 विच अनाज वल्लों थुड़ वाला राज मंनिआ जांदा सी, 1957 विच आपणी लोड़ तों वध्ध अनाज उपजाउण लग्ग पिआ। डा. रंधावा पंजाब विच हरे इनकलाब दा मोढी मंनिआ गिआ। बाअद विच उस नें पंजाबी शरनारथीआं बारे उस नें किताब लिखी ‘आऊट आफ़ ऐशज़’।

1951-52 विच अंबालिओं ट्रिबिऊन टरस्सट दी मदद नाल उस नें ‘ऐवरी डे साइंस’ नां दा परचा चलाइआ। लाइब्रेरीआं बणवाईआं जिनहां नूं चित्तरां नाल सजाइआ। विकास कमिशनर बण के पंजाब दे पिंडां दा विकास कीता। पेंडू विकास दे इलावा उस कोल चक्कबंदी दी सकीम वी सी। चक्कबंदी नाल किसानां दीआं निक्के टुकड़िआं विच वंडीआं ज़मीनां इक थां ‘कठ्ठीआं हो गईआं। टिब्बे टोए कराह के खेत पध्धरे कर लए गए जिनहां विच टिऊबवैल्ल लग्गण लग्गे।

उस नें पंजाब, हरिआणा ते कांगड़ा कुल्लू दे लोक गीत इकठ्ठे करवाए, भंगड़ा टीमां बणवाईआं, गराम सेवक लाए ते ‘पंजाब’ नां दी अहिम पुसतक तिआर करवाई। कांगड़े दे गीतां दी खोज ते अधिऐन तों इह वी पता लग्गा कि कांगड़ा, बिलासपुर, सुकेत, मंडी, जंमू ते चंबे दी बोली पंजाबी ही है। इस खोज नें साबत कर दित्ता कि पंजाबी उत्तरी भारत दी सांझी बोली है, किसे ख़ास फिरके जां मज़हब दी निज्जी जाइदाद नहीं।

उह अकसर किहा करदा सी, पंजाबी, मुसलमानां, हिंदूआं ते सिख्खां दी सांझी बोली है। इस नूं मौलवी दी वहुटी, भाई जी दी गातरे वाली सिंघणी ते पंडत जी दी पंडताणी बणाइआ जाणा ग़लत है।

1955 तों 60 तक उह फिर दिल्ली चला गिआ अते भारती खेतीबाड़ी ते खोज कौंसल दा उप प्रधान रिहा। 1961 तों 64 तक पलानिंग कमिशन दा सलाहकार अते 64 तों 66 तक भारत दे खाद ते खेतीबाड़ी महिकमे विच सकत्तर दी डिऊटी निभाई। 1966 विच उह चंडीगहड़ कैपीटल दा पहिलां वित्त कमिशनर ते फिर कमिशनर बणिआ। चंडीगहड़ विच अज्ज जो कुझ वी चंगा ते सुंदर बणिआ दिसदा है उहदे विचों बहुता डा. रंधावे दा बणाइआ होइऐ।

उस नें लिखिआ: साफ़ सफ़ाई पिछ्छों मैं गुलाबां दे बाग़ दी सकीम बणाई। इह बाग़ दो सालां विच ही तिआर कीता। मेरे चंडीगहड़ जाण तों पिछ्छों पता नहीं किस नें इहदा नां ज़ाकिर रोज़ गारडन रख्ख दित्ता। जदों इहदा नां गुलाब दे नां ‘ते ही सी तां फिर किसे विअकती दे नां नूं इस नाल जोड़ना नामुनासिब सी। पर इस मुलक विच ख़ुशामद दा बहुत रिवाज है। जो मौके दा हाकम होवे, लोक उस नूं जाइज़ नाजाइज़ तरीके नाल ख़ुश करना चाहुंदे हन। इस बाग़ दा नां रोज़ गारडन ही रहिणा चाहीदा है। इस बाग़ मुतल्लक इक होर समस्सिआ दा जि਼कर करना चाहुंदा हां। असीं सोचिआ कि इस बाग़ दे अंदर जाण वाले दरवाज़े ‘ते कोई गुलाब दे फुल्ल मुतल्लक कविता उकरी जावे। चोण पिछ्छों इक कविता मिली, उह भाई वीर सिंघ दी गुलाब दे फुल्ल बाबत जो इस तरहां सी:

डाली नालों तोड़ नां सानूं, असां हट्ट महिक दी लाई।

लख्ख गाहक जे सुंघे आ के, खाली इक नां जाई।

जे तूं इक तोड़ के लै गिउं, इक जोगा रहि जासां।

उह वी पलक झलक दा मेला, रूप महिक नस्स जाई।

जद इह कविता गुरमुखी अख्खरां विच उथे लगाई गई तां शहिर दे कुझ विअकती मैनूं मिलण आए। उनहां किहा कि इथे हिंदी कविता वी लाउणी चाहीदी है। मैं जवाब दित्ता कि तुसीं अजिही कोई कविता लभ्भ के लिआउ मैं उस नूं देवनागरी अख्खरां विच उकरा के लावांगा। मैं उनहां नूं इक महीने दा समां दित्ता पर कोई वी गुलाब उते हिंदी कविता नां लिआ सकिआ।

डा. रंधावे नूं तिंन किसम दे बंदे चंगे नहीं सन लग्गदे। फुल्ल तोड़न वाले, शराबी ते तीवीं-बाज़। उह पहिला विअकती सी जिस नें पूरन सिंघ दे जीवन ते रचना दी सही कदर पाई। उस नें पूरन सिंघ दी पतनी माया देवी तों उस दे पती पूरन सिंघ दी जीवनी लिखवाई ते फिर ‘पूरन सिंघ जीवनी ते कविता’ संपादन करके साहित अकाडमी नवीं दिल्ली तों प्रकासि਼त कराई। पूरन सिंघ दी प्रसिध्ध कविता ‘देश नूं असीस साडी ग़रीबां दी’ तामर पत्तर ‘ते उकरवा के चंडीगहड़ दी सुखना लेक ‘ते लगवाई।

उनहां दिनां विच नेक चंद सैणी दा कंम उहदी निगाह ‘च आइआ। उह रोड ओवरसीअर सी। उस नें हाई कोरट दे पूरब वल्ल डरंमां दी इक वलगण जिही वली होई सी ते उहदे विच वख्ख वख्ख किसमां दे पत्थर, जो उस नें चोआं ‘चों लभ्भे सन, बड़े तरीके नाल लगाए होए सन। उह बड़ी लगन वाला कलाकार सी। रंधावे नें उस नूं कैपीटल प्राजैकट वल्लों फंड दुआइआ ते उहदे पत्थरां दे बाग़ दी मदद कीती। हुण इह ‘राक गारडन’ नां दा बाग़ दूर-दूर तक मशहूर है।

डा. रंधावा बुनिआदी तौर ‘ते बनसपती ते जीव विगिआनी सी। उहदा कहिणा सी कि जीव जातीआं विचों सिरफ़ आदमी, कुत्ता ते कुक्कड़ ही हन जो आपणी नसल दे वैरी हन ते आपस विच लड़दे मरदे हन।

अमीर लोक जिंना पैसा विसकीआं, कलब्बां अते आपणीआं ज़नानीआं दी सज धज ते गहिणे कपड़िआं ‘ते खरचदे हन उस दा चौथा हिस्सा वी किताबां ते चित्तरां ‘ते खरचण तां इनहां दीआं रूहां वी सूखम खि਼आलां ते जज़बिआं नूं समझण लग्ग पैण।

इह रेशमी साहड़ीआं वेचण वाले बड़े रुपए कमाउंदे नें। ते इह होटलां वाले वी। पंजाबीआं नूं खाण पहिनण दा शौक है, पहड़न दा नहीं। मैं डंडे दे ज़ोर नाल चंडीगहड़ विच किताबां दीआं दुकानां खुल्हवाईआं।

पहाड़ सैर सपाटे नूं ठीक हन पर पोसटिंग नूं नहीं।

विहले अफ़सर ही साज़शां करदे हन।

वेल इसत्री दा चिंनह है ते ब्रिछ आदमी दा। पुराणे ज़माने विच माधवी लता आम तौर ‘ते अंब दे ब्रिछ ‘ते चहड़ाई जांदी सी अते माधवी ते अंब दा विआह वी रचाइआ जांदा सी।

कंबलां हेठ सौण वाले की समझण रजाई दा निघ्घ? दो साल लंडन दे पाले विच मैनूं रज़ाई बहुत याद आई।

किहा जांदा है कि कांगड़े दे 23 बुरज ते 70 दरवाजि਼आं वाले किले ‘चों महिमूद ग़ज़नी नें सत्त लख्ख सोने दे दीनार, सत्त सौ मण सोने ते चांदी दे भांडे, दो सौ मण खालस सोना, दो सौ मण कच्ची चांदी, वीह मण सुच्चे मोती जिनहां विच हीरे जवाहरात ते पंने शामल सन, इथों लुट्टे। 5 अप्रैल 1905 नूं सवेरे 6 वजे भुचाल नाल कांगड़े दा नगर सारे दा सारा ढेरी हो गिआ।

इसत्रीआं दे गहिणिआं बारे उस नें लिखिआ: इकबाल कोल अठ्ठ सोने दीआं चूड़ीआं, दो कलिप ते इक सोने दा हार सी। उस वकत मेरा खि਼आल सी कि औरतां नूं गहिणे नहीं पाउणे चाहीदे। औरत दी ख़ूबसूरती चंगी सिहत विच हुंदी है। चंगी सिहत अछ्छी खुराक अते वरजिश नाल बणदी है। मैं इकबाल नूं सलाह दित्ती कि गहिणिआं नूं वेच देवे। उस नें मेरा आखा मंन के गहिणे वेच दित्ते। एस तरहां असीं चोरी दे डर तों निशचिंत हो गए। सरदारनी इकबाल कौर दी उमर हुण सौ सालां तों टप्प गई है। कुझ साल पहिलां उस नें इक इंटरविऊ विच दस्सिआ सी:

-दुध्ध रिड़कणा चंगा लग्गदा है। इस तों मख्खण मिलदा है, लस्सी मिलदी है। घर दा देसी घी। थोहड़े बहुत अंग वी हिलदे हन। मैं तां बिजली दी मधाणी आउण ‘ते वी हत्थीं रिड़कदी रही। मैनूं दुध्ध रिड़कणा चंगा लग्गदा है।

-रंधावा जी दरिआवां दे किनारे बहुत पसंद करदे सन। किहा करदे सन कि मैं तां दरिआ दे किनारे घर बणा लैणा आख़री उमर लई।

-उनहां नें वलाइत जा के वाल कटाए। वापस आए तां थोहड़ी थोहड़ी दाहड़ी रख्खी होई सी। दाहड़ी इकसार नहीं सी। किते है सी किते नहीं। पग्ग वी चंगी तरहां नहीं सी बंनहणी आउंदी। उनहां दौरे जाणा तां मैं पंदरां मिंट पहिलां सभ कुझ तिआर कर दिंदी सी। सादा खाणा, आंडे, मिस्सी रोटी, दहीं, मख्खण, लस्सी ते फल।

-संजमी सन पर किताबां जां पेटिंगज़ खरीदण वेले फट्ट पैसे कढ्ढ लैंदे सन। संजम घर दे खरचे उते ही चलदा सी। मैनूं महीने दे शुरू विच जिंने पैसे दिंदे मैं ओने नाल ही सारना हुंदा सी। पर उह खाण दा सरफा नहीं सन करदे। मीट खाण दे बड़े शौकीन सन। संखीआं चूसदे ते चूंडदे सारीआं उंगलां लबेड़ लैंदे। पहिनण दे बहुते शौकीन नहीं सन।

-उनहां कोल विहल ही नहीं सी लड़न-झगड़न दी। लड़दे तां विहले लोक ही हन। साडे वेले कंम नहीं सी मुक्कदे। मझ्झां-गाईआं, दुध्ध, मधाणी, रसोई ते बच्चे। हुण वी मैं डेढ घंटा रोज़ सैर करदी हां।

-हसबैंड वाईफ़ नूं झगड़ा नहीं करना चाहीदा। थोहड़ा-थोहड़ा दोहां नूं झुकणा चाहीदा। विआहुता जीवन दे सुख वरगा होर सुख कोई नहीं।

-कोई जोतशी आ जांदा तां बिठा लैंदे। तुर जाण ते कहिंदे ‘सभ झूठे नें।’ ‘निरे ठग्ग नें सारे’। सरदार पटेल इनहां नूं बहुत पसंद करदा सी। कैरों ते गिल्ल वी। गिल्ल नूं जो वी कहिंदे मंनदा सी। गिआनी गुरदित्त सिंघ नें इकेरां कैरों नूं किहा, रंधावे नूं चीफ़ सैकटरी ला दिओ। कैरों कहिंदा, ‘फेर तां सरकार रंधावे दी ई चल्लू। इक मिआन ‘च दो तलवारां नहीं समाइआ करदीआं। उहनूं ऐगरीकलचर यूनीवरसिटी सौंपांगे।

-इक मकान दिल्ली बणाइआ सी, हौज़ खास। इक चंडीगहड़ 9 सैकटर वाला। सुरिंदर ते जतिंदर लई। मेरे लई खरड़ वाला बाग। पिंड दी ज़मीन मेरे नां छड्डी कि तूं सांभ लवेंगी। मैं हुण छोटे पुत्तर कोल रहिंदी हां। खरड़ वाला घर वड्डे दी विधवा कोल है। सुरिंदर बड़ा साऊ सी, डरू सी। जतिंदर इल्लती हुंदा सी।

-मैं तां कहिंदी हां असीं भागां वाले हां। धी आपणे घर सौखी है। वड्डे बेटे दे बच्चे लाइक नें। छोटे दा होटल है मनाली विच। भरा दे घर वी आउण जाण है। बस्स, खरड़ तों बाग नूं जांदी सड़क देख के ई मन दुखी हुंदा।

डा. महिंदर सिंघ रंधावा ते डा. सरदारा सिंघ जौहल नूं विदवता दे उच्चे बुरज किहा जांदा है। डा. जौहल नें डा. रंधावा बारे दस्सिआ: रंधावा साहिब उच्च विदिआ दे मालक, सफ़ल प्रशासक ते सादा इनसान सन। उह सख़त तबीअत प्रशासक नहीं सन। जे कोई हलीमी नाल दो-चार वार बेनती कर लए तां कोई वी गल्ल मंनवा सकदा सी। उनहां दी शखसीअत शीशे वांग पारदरशी सी। पंजाब दे किसानां उते बड़े मिहरबान सन उह। 1971-72 विच ज़मीन दी घट्टोघट्ट हद्द मिथण दा मसला आइआ। मैं उदों उहाईओ सटेट यूनीवरसिटी ‘च विज़टिंग प्रोफ़ैसर सां। दसंबर 71 विच मैनूं वापस लुधिआणे यूनीवरसिटी मुड़न दा हुकम मिलिआ। मैं किहा, मेरा माली नुकसान होऊ पर उनहां नें इक नां मंनी। मेरे दिल विच रंधावा साहिब दी बड़ी कदर सी। मैं जनवरी ‘च वापस आ गिआ ते घट्टोघट्ट 30 एकड़ ज़मीन हद्द मिथण दी रीज़नेबल/वाइबल रिपोरट तिआर कीती। पहिलां 12 एकड़ दी गल्ल चल्ल रही सी जिस नाल फारम वाइबल नहीं सी रहिणे। उनहां नें उस रिपोरट दीआं पंज हज़ार कापीआं छपवा के देश दे सारे पारलीमैंट मैंबरां ते विधान सभावां दे मैंबरां नूं भेजीआं। फिर कलावे विच लै के कहिंदे, “तेरा प्रोफैशनल अते माली नुकसान की इस फ़ाइदे नालों वध्ध हो जाणा सी? मैं जाणदा हां कौण की लिख सकदा है?”

इक वार कानवोकेशन लई लैकचर लिखणा सी। कहिंदे, “सवेरे मेरे कोल आ जावीं। जद तूं मेरे कोल बैठदा एं तां मैनूं इक ख़ास किसम दी रौशनी मिलदी है।”

किसानां दे इलावा उह पंजाबी ज़बान दे वी ख़ास मुदई्ई सन। इक वार कहिण लग्गे, जद मैं किसे नाल अंग्रेज़ी विच गल्ल करदा हां तां मैनूं इंज महिसूस हुंदा जिवें मैं झूठ बोलदा होवां। जद कोई अंग्रेज़ी विच गल्ल करदा तां पुछ्छदे, तूं पंजाबी एं, तैनूं पंजाबी नहीं आउंदी? सौखी तरहां गल्ल कर तां! हस्सास वी बड़े। कहिंदे, जौहल तूं फि਼लमां नां देखिआ कर। फि਼लमां दे पातरां तों फज़ूल ईमोशनल होईदा। इह मसनूई पातर हुंदे नें। इनहां उते अपणीआं इमोशनज़ ख़तम कर के आदमी अमली जि਼ंदगी दे पातरां नाल उह इमोशनज़ नहीं दिखा सकदा।

इक डीन दी आवाज़ बड़ी बरीक सी। मेरे कंन ‘च कहिण लग्गे, इहदे कल्ल्ह नूं मेल हारमोन दे टीके लग्गवा दिंदे हां!

इक दिन कहिंदे, आबादी एनी हो गई है कि एथों जगराओं वल्ल नूं जाईए तां राह विच मूत करन नूं वी थां नहीं लभ्भदी!

इक वार पंजाबी कानफरंस विच देश दी खेतीबाड़ी उते विगिआन भवन दिल्ली ‘च मैं पंजाबी विच डेढ घंटे दा सैमीनार दित्ता। डा. मनमोहन सिंघ प्रधानगी कर रिहा सी। अग्गिओं उठ्ठ के रंधावा साहिब नें मैनूं डाइस ‘ते ही जफ्फी विच लै लिआ ते कहिण लग्गे, जौहल, तूं साबत कर दित्ता कि कोई ऐसी गल्ल नहीं जो पंजाबी विच नहीं कीती जा सकदी।

मैं खेतीबाड़ी यूनीवरसिटी तों तिंन साल दी छुट्टी लै के ऐफ. ए. ए. दी सरविस विच गिआ सां। उदों तिंन साल तों वध्ध छुट्टी नहीं सी मिलदी। मैं इरादा बणाइआ कि पंज साल यू. ऐन. ओ. दी नौकरी विच पूरे करने हन तां जो पैनशन लै सकां। उहदे लई होर छुट्टी लैणी जां असतीफ़ा देणा पैणा सी। मैं रंधावा सहिब नूं आखिआ कि मैं असतीफ़ा दे दिंदा हां तां कि तुहाडी पोज़ीशन नूं आंच नां आवे। मैं फिर नवें सिरिओं नौकरी लभ्भ लवांगा। कहिंदे, ख़बरदार, जे मेरे कोल असतीफ़े दी गल्ल कीती। तूं जिंना चिर जाणा है जाह। मैं तेरा नाउं यूनीवरसिटी विचों नहीं कट्टणा। मेरी पुज़ीशन मेरी सिरदरदी है, तेरी नहीं।

डा. रंधावा प्रीतलड़ी दा पाठक सी ते गुरबख़श सिंघ हुरां दी बड़ी इज़त करदा सी। उहनां नूं अलाहाबाद सद्द के नहिरू, मौलाना ते सुचेता क्रिपलानी नूं मिलाइआ ते इज़त माण दित्ता। उजाड़े पिछ्छों दिल्ली विच सैटल करन ‘च भरपूर मदद कीती। दार जी दी वड्डी किशती नाल छोटे-मोटे लोहे दे सरीए, किल्ल ते मेखां वी तर गए। पिआरा सिंघ दाता, गिआनी जसवंत सिंघ, गुरबचन सिंघ खुराणा, पिआरा सिंघ सहिराई ते भापा प्रीतम सिंघ सभ दिल्ली विच सथापत हो गए।

इक वार भापा प्रीतम सिंघ नूं सैर लई नाल तोर लिआ। अग्गे पारलीमैंट सटरीट वाला ठाणा आ गिआ। ‘आ तैनूं इक थां दिखावां’ कहि के ठाणे जा वड़े। उथे जा के उह कोठड़ी खुल्हवाई जिथे गांधी जी दी हत्तिआ तों पिछ्छों नत्थूराम गोडसे नूं रख्खिआ सी। ‘मैं एथे बंद कीता सी महातमा गांधी दे कातल नूं। देखिआ। बड़ा माड़ा समां सी उह। अफसरी वी तली ‘ते सिर धर के हुंदी सी उदों।’

रंधावा खालस बंदा सी। अंदरों बाहरों खुल्ल्ही किताब। बाहरों थोहड़ा खरहवा सी पर अंदरों बहुत कूळा। उहदा वीह साल पी. ए. रिहा मलहोतरा दस्सदै: मैं पहिले दिन डिऊटी ‘ते गिआ तां कहिंदे, तूं ऐं मलहोतरा? ठीक है। कंम बड़ा करना पैणा। मेरे नाल कंम करना औखा ऐ। बाबूआं तों मेज़ कुरसी मंग लै। जदों सद्दांगा आ जाईं। खुरपी दा कंम हुंदा तां खुरपी हत्थ विच फड़ लैंदे। कही दा हुंदा तां कही। जदों रंधावा साहिब दा हत्थ खुरपी जां कही नूं लग्गदा तां सारे खुरपीआं चुक्क लैंदे। कहीआं, बेलचे, टरक्क, ट्रैकटर आ जांदे। रंधावा लीजैंड सी, लीजैंड!

उनहां दा तपतेज परतापी सी ते चाल दरिआई। उह वगदे पाणीआं वांग कंढे खोरदे तुरे जांदे सन। उह इको इक अफसर होइआ जिस नूं हर कोई मिल सकदा सी। जिस दा जीअ करदा चिक्क चुक्क के दफतर जा वड़दा सी। सभ दी सुणदे सन। सिध्धी गल्ल करदे सन। इक तसीलदार नें बुढ्ढी दा तंदूर ढाहिआ तां तसीलदार नूं किहा, सफाई दा मतलब इह नहीं कि गरीबां दी रोज़ी खोह लओ। सफाई दा मतलब वधीआ तंदूर बणा के दिओ। तंदूर नेड़े बैठण लई थहड़े बणवाओ। कोई चंगा कंम वी करिआ करो। डा. रंधावा दीआं मिहरां चेते कर के मन भर आउंदा है ते मैं भरपूर हो जांदा हां। सिर तों पैरां तक्क। ही वाज़ ग्रेट! ग्रेट मैन!! सचमुच्च दा ग्रेट!!! इह कहिणा है पी. ए. मलहोतरे दा। उंज इक नहीं अनेकां बंदे अजिहा कहिंदे सुणे जा सकदे हन।

अंम्रिता प्रीतम दस्सदी सी: रंधावा साहिब नें मैनूं आल इंडीआ रेडीउ दी नौकरी लै के दित्ती सी, 1948 विच। फेर जदों मैनूं साहित अकाडमी ऐवारड मिलिआ, उह कहिण लग्गे, तेरे कोलों सारी उमर आपणा घर नहीं बणना। हुणे इक हज़ार दा चैक्क कट्ट, मैं डी. ऐल. ऐफ. दी हौज़ ख़ास बण रही कालोनी विच तेरे लई इक टुकड़ा ज़मीन लै देंदा हां। इह अवारड वाले सारे पैसे नां खरचीं। उह ज़मीन लैणी है किशतां विच। ते हुण जदों मैं एस घर विच रहिंदी हां तां रंधावा साहिब दी दूर-अंदेशी ‘ते हैरान हो जांदी हां। जापदा है इहदी इट्ट-इट्ट उते रंधावा साहिब दा करम खुणिआ होइआ है। एथे गुलाब दीआं पहिलीआं कलमां रंधावा साहिब नें ही लुआईआं सन।

करतार सिंघ दुग्गल नें दस्सिआ: मेरे ‘ते कमिऊनिसट होण दा शक्क हो गिआ। खुफ़ीआ पुलिस मगर लग्ग गई। अखे जलंधर रेडीओ सटेशन कामरेडां दा अड्डा। देश दी सुरख्खिआ लई ख़तरा! सरदार बलदेव सिंघ, प्रताप सिंघ कैरों, गिआनी गुरमुख सिंघ मुसाफिर ते सवरन सिंघ दीआं मेरे लई कीतीआं सिफारशां रद्द हो गईआं। दिल्ली खुफ़ीआ पुलिस दे डाइरैकटर नूं डा. रंधावा मिले ते किहा, ‘दुग्गल मेरा अज़ीज़ दोसत है। उस दी पूरी जि਼ंमेवारी मैं लैंदा हां।’ जो कंम मनिसटर नहीं कर सके सन उह रंधावा साहिब दी इक मुलाकात नें कर दित्ता। मेरी सवैजीवनी ‘किस पहि खोलउ गंठड़ी’ रंधावा साहिब नें छपवाई। उनहां नूं पाठ करदे जां गुरदवारे जांदे मैं नहीं कदी वेखिआ, पर इह वी सच्चाई है कि उनहां नें मैनूं नां कदी पाठ करनों टोकिआ, नां गुरदवारे जाणो वरजिआ। उह कहिंदे सी, देश विच जागरती लिआउण लई लाइब्रेरीआं दी बड़ी ज़रूरत है। पंजाब दी हरी क्रांती पंजाब खेतीबाड़ी यूनीवरसिटी नाल जुड़ी है ते यूनीवरसिटी डा. रंधावा नाल। प्रो. मोहन सिंघ नूं जिवें उनहां नें बेरुज़गारी दे नरक विचों कढ्ढ के मुड़ पैरां ‘ते खहड़ा कीता पंजाबी साहित उनहां दा हमेशा रिणी रहेगा। कई पंजाबी साहितकार हन जिनहां नूं उनहां नें समें समें उतशाहित कीता।

ख़ुशवंत सिंघ दा कहिणा है: इक शाम मैं बैठा विसकी दे घुट्ट भर रिहा सां कि इक बंदा बिन-बुलाए अते बिनां दस्से-पुछ्छे कमरे विच आ गिआ। उह दरमिआने कद्द दा सी, सिर विच गंज, जुस्से दा भरवां, पर इंज जिवें चाबक दा छांटा होवे। आउंदिआं बोलिआ, “तुसीं खुशवंत सिंघ हो? मेरा नां रंधावा है, मैं तुहानूं मिलण दा चाहवान हां अते तुहाडी मित्रता चाहुंदा हां।”

उस दीआं ऐनकां विचों चमक रही रोशनी सच्चमुच ही दोसती भरी सी। “विसकी लओगे?” “नहीं, शुकरीआ, मैं पींदा नहीं। मैं तां उंज ही जाण पछाण करन आइआ हां।”

की पुछ्छिआ, परम विअकती? हां, पंजाब जिंना इस बंदे दा रिणी है, उना किसे होर पंजाबी दा नहीं। उस नें सूबे नूं आपणे पैरां ‘ते खहड़ा कर दित्ता अते उस दी रूह नूं सुरजीत कीता। जेकर मैनूं कोई कहे कि मैं आपणे जीवन दी सैंचरी विच किसे इक दा नाम लवां, जिहड़ा सच्चमुच्च अनोखा ते अभुल्ल सी तां मैं बिनां झिजक कहांगा-महिंदर सिंघ रंधावा।

प्रो. प्रीतम सिंघ नें दस्सिआ: उह शाम नूं बाकाइदा सैर उते निकलिआ करदे सन। सैर वेले उनहां दी सदीवी साथण उनहां दी सोटी होइआ करदी सी। किहा करदे सन, जे मैं होर अफसरां दी तरहां कलरकां वाली डिऊटी आप सांभी हुंदी तां नां मैं कोई किताब लिख सकदा ते नां लोक-गीत जां लोक-कहाणीआं इकठ्ठीआं कर सकदा। नां कांगड़े दे चित्तरां जां पेंडू दसतकारीआं दी पछाण ते संभाल लई समां कढ्ढ सकदा। आपणी साइंस वाली खोज जां मौलिक रचना तां सी ही दूर दी गल्ल। उह धिआनी जिऊड़ा सी। बोलण दे मामले विच किरसी। कोई नशा नहीं सी करदा। कहिंदा सी, कंम दा आपणा नशा थोहड़ै? रंधावा साहिब नें संकलन ते संपादन दा सारा कंम आप नहीं कीता, होरनां पासों वी करवाइआ। बोलण वांग, लिखण विच वी रंधावा साहिब सिध्धे ते सादे सन। उनहां दीआं प्रापतीआं विच दो जरब दो बराबर चार वाला धड़ल्ला ते जलौअ सी।

गारगी नें लिखिआ: रंधावा पंजाबी कलचर दा शाहजहान सी। उस नूं कला भवन, साहितक किले ते कलचरल इमारतां उसारन दा जनूंन सी। रंधावा ताकत नूं वध्ध तों वध्ध वरतदा सी। उह अजिहा घोड़ा सी जो सिरपट्ट दौड़दा सी। उह आखदा सी, जि਼ंदगी बहुत थोहड़ी है। झट्ट फैसला कर के कंम करना चाहीदा है। इसे लई मैं तुरंत आरडर देंदा हां। उस दे मूंह तों ‘तूं’ कहिणा सजदा सी किउंकि उस विच आकड़ नहीं सी।

बंदूक दा लसंस लैण आए बंदे नूं कहिंदा, “तूं आपणी हिफ़ाज़त लई बंदूक चाहुंनैं तां आरट दी हिफ़ाज़त लई चंदा दे।”

मुलक राज अनंद नें उस नूं चानण दा वणजारा ते जाग्रती दा मिशालची किहा। किहा कि उहदीआं रगां विच बनसपती विगिआन, खेतीबाड़ी ते खेतां दी विरासत दा ख़ूंन वगदा सी। जिस हरे इनकलाब दीआं भारत हुण डींगां मारदा है इस दी नींह ऐम ऐस रंधावा नें रख्खी सी। रंधावा नें पंजाब दे कला पारखू नौजवानां दीआं तिंन पीहड़ीआं नूं कला दी जाग लाई। उस दे जीवन दी देण ते प्रापतीआं सदा नवीआं पीहड़ीआं नूं चानण ते दिशा प्रदान करदीआं रहिणगीआं।

संत सिंघ सेखों नें उस नूं दूला बादशाह कहिंदिआं आखिआ: कौण रंधावा बणेगा उस दूले तों बाअद? उस नें हर किसे दा कुझ नां कुझ संवारिआ।

गिआनी गुरदित्त सिंघ दा कथन: उस नें पंजाबीआं नूं कोमल हुनरां दी दुनीआ विच सिर उच्चा चुक्क के तुरन दा बल बखसि਼आ।

गुलज़ार सिंघ संधू नें लिखिआ: 1956 तों 86 तक मैं रंधावा साहिब नाल वख्ख-वख्ख सथितीआं विच कंम कीता। डा. रंधावा दे हत्थां दी छुह प्रतापी सी। गोबिंदगहड़ दी सभ तों गंदी थां नूं फुल्लां दी पारक विच बदलणा, चंडीगहड़ दा रोज़ गारडन, बरफ़ लद्दीआं पहाड़ीआं दीआं तसवीरां खिच्च के सांभ-संभाल करना, कांगड़ा ते बसौली दे चित्तरां दा संकलन, समुच्चे भारत दी खेतीबाड़ी दा इतिहास चार जिलदां विच लिखणा, भारत दे सि਼ंगार बूटिआं दे मूल ते विकास दी खोज, हिमाचल, हरिआणा ते कांगड़ा दे लोक गीतां दी भाल, बहुता कंम लिखतां दुआरा कीता। उह युग्ग पुरश सी।

सुरजीत पातर नें कावि-वारता ‘च किहा:

उस दे सिर ‘ते सतरंगी सूरजी दसतार सी

किरनां उहदे केस।

उस दी आवाज़ विच दरिआवां दीआं छल्लां सन।

उह बोदलां दा सोहणा मुंडा।

आपणी तरहां दा शहिनशाह सी।

साहितकार, संगीतकार, चितरकार,

फोटोगराफर, बुत्तघाड़े, इंजनीअर, इमारतसाज़

उस दे नौं रतन।

जदों उह पंजाब खेतीबाड़ी दा वाईस चांसलर सी तां उथे कुलवंत सिंघ विरक, प्रो. मोहण सिंघ, अजाइब चितरकार, क्रिशन अदीब, साधू सिंघ, अमरजीत गरेवाल, सुखचैन, प्रदीप बोस, गुरशरन रंधावा मौजूद सन ते नाल रल गिआ सुरजीत पातर। पातर नें लाइब्रेरी अग्गे इक लाअन विच रख्खे पत्थर ‘ते गुरमुखी विच लिखिआ पहड़िआ:

धरतीए पिआर करेंदीए तेरा मत्था नूरो नूर

डा. महिंदर सिंघ रंधावा पंजाब खेतीबाड़ी यूनीवरसिटी दा नूर सी।

जगदेव सिंघ जस्सोवाल दी ज़बानी: डा. महिंदर सिंघ रंधावा वरगे त्रैकाल दरशी पुत्तर मावां रोज़-रोज़ नहीं जंमदीआं। आपणे जीवन काल विच डा. रंधावा जिधर दी झाकिआ उधर ही विकास दा मूंह मुड़ गिआ। देश दी वंड तों बाअद नवां पंजाब सिरजण विच डा. रंधावा नालों वड्डा सिर होर कोई नहीं गिणिआ जा सकदा।

गुरभजन गिल्ल नें लिखिआ, “इस धरती दे कण-कण विच ख़ूबसूरती बीजण दा सुपनकार सी डा. महिंदर सिंघ रंधावा। जि਼ंदगी विच उस नें इक पल वी अजाईं नां जाण दित्ता। हर पल नवें सुपने दी खेती। आख़री सवासां तक निरंतर करमशील योधा। विगिआन, साहित ते कला दी त्रै मूरती दे रूप विच जाणिआ जाण वाला डा. रंधावा...अंबां दे पक्कण दी रुत्ते चूपण वाले संधूरी अंबां दा कदरदान डा. रंधावा साडे साहां सवासां विच अज्ज वी मिठास घोलदा प्रतीत हुंदा है।”

खेती अरथचारे दा धरू तारा डा. सरदारा सिंघ जौहल डा. रंधावा बारे कहिंदा है: पंजाब दा सपूत, सारी उमर पंजाब दी मिट्टी ते पाणी दा देणा दिंदा रिहा। जद वी कदी कोई पंजाब दी खेती दे विकास दी गल्ल करेगा जां पंजाब दे हितां दी गल्ल करेगा, रंधावा साहिब दा योगदान उभर के साहमणे आवेगा। उस पंजाबी सपूत नूं, महान आतमा नूं मेरा लख्ख-लख्ख प्रणाम!