-10-
सवेरे नशा उतरण तों पहिलां ही पुलिस नें ठेकेदार नूं आ दबोचिआ।
पहिलां राम लुभाइआ नूं लग्गा उह सुपना देख रिहा है। नशे अते नींद दी लोर विच्च उसनूं कई वार पुलिस आपणे घर छापे मारदी नज़र आई सी।
मार तों डरदा जदों उह त्रभकदा सी तां उसदी अख्ख खुल्ह जांदी सी अते उह सुख दा साह लैंदा सी।
इस वार जदों डांगां ताड़ ताड़ उसदे मौरां विच्च पैण लग्गीआं अते सारे सरीर विचों सेक निकलण लग्गा फेर उसनूं अहिसास होइआ इह सुपना नहीं हकीकत सी।
डौर भौर होई पतनी अते डरे सहिमे बच्चे राम लुभाइआ ’ते पैंदी कुट्ट, सबर दा घुट्ट भरदे देखदे रहे।
कुझ्झ पुलसीए घर दी तलाशी लैण लग्गे। सारा समान इधर उधर सुट्टण लग्गे।
भईआं दीआं बसतीआं विच्च मूंह हनेरे पुलिस दे छापे कोई नवीं गल्ल नहीं सी। घरां दीआं तलाशीआं दौरान मिले कीमती समान दा ज़बत हो जाणा वी कोई अणहोणी गल्ल नहीं सी।
इस वार विलख्खण गल्ल इह सी मार कुटारी अते तलाशी किसे आम भईए दी नहीं, सगों ठेकेदार दी हो रही सी।
“लिआ बई रात वाला माल लिआ? कित्थे है कैश अते गहिणे? बाकी दे साथी किथे लकोए नें?”
“कौण सा पैसा? कौण से बंदे?” करड़ा हड्ड होण कारन राम लुभाइआ मार झल्ल रिहा सी”
राम लुभाइआ दी पतनी तों पती ’ते पैंदी मार झल्ल नां होई। उसने आपणे नाले नाल बंनही टरंक दी चाबी नाले नालों खोल्ह के हौलदार अग्गे सुट्ट दित्ती।
उह आप टरंक दी तलाशी लै लए।
पतनी दा खिआल सी टरंक विच्च दो तिंन हज़ार रुपए होणगे। उह लै के पुलिस टल जाएगी।
इक्क सिपाही नें टरंक विहड़े विच्च चुक्क लिआंदा। सभ दे साहमणे जिंदरा खोल्हिआ। अंदरों बरामद होइआ समान देखके सभ दीआं अख्खां अड्डीआं दीआं अड्डीआं रहि गईआं। सत्तर हज़ार दी नकदी दे नाल नाल दो कीमती साहड़ीआं अते इक्क सोने दा निग्गर हार टरंक विच्च छुपा के रख्खिआ होइआ सी।
नकदी ठेकेदार दी हो सकदी सी। साहड़ीआं अते सोने दा हार पाउण दे योग ते नहीं सी भईआ राणी।
साहड़ीआं अते हार दी बरामदगी ’ते पुलिस वाले झूम उठ्ठे। घटना दी पहिली लड़ी, पहिला ठोस सबूत उनहां दे हत्थ लग्ग चुक्का सी। कड़ी नाल कड़ी जोड़ना हुण उनहां दे खब्बे हत्थ दी खेड सी।
मौके तों मिली सफ़लता दी सूचना कपतान नूं दित्ती। अगली कारवाई लई रहिनुमाई मंगी गई।
कपतान दी हदाइत उपर उसदे घर दी मुकंमल तलाशी लई गई।
हिसाब किताब वालीआं कापीआं, जेब डाइरी, बैग, लोकां दे विज़टिंग कारड सभ कबज़े विच्च लै लए गए।
उसदे घर नूं सील कर दित्ता गिआ। ‘कपतान दे मौका देखण तक कोई किसे चीज़ नूं हत्थ नां लावे।’ इह हुकम झाड़िआ गिआ।
ठेकेदार अते बरामद होए सामान नूं कपतान अग्गे पेश कीता गिआ।
कपतान नें हिसाब किताब वालीआं कापीआं फरोल के उनहां सारे बंदिआं दी लिसट बणाई जिनहां नाल ठेकेदार दा लैण देण सी।
वेद कोठीआं, दुकानां लैण देण दा कंम करदा सी। छोटी मोटी मुरंमत लई उसनूं मिसतरी मज़दूरां दी लोड़ पैंदी सी। राम लुभाइआ दी उस नाल कोई कड़ी जुड़ी हो सकदी सी।
ठेकेदार दी डाइरी विच्च दरज फ़ोन नंबरां दे मालकां दे वेरवे इकठ्ठे कीते गए। उनहां विचों इक्क नंबर पंकज दे मोबाईल फ़ोन दा वी सी।
पुलिस कपतान नें मुख्ख अफ़सर वल्लों इस मुकद्दमे संबंधी तिआर कीती रिपोरट उपर पहिलां सरसरी नज़र मारी सी। परचे विच्च भावें मुदई नें किसे ’ते शक्क ज़ाहिर नहीं सी कीता। वैसे राम नाथ नें वेद परिवार नूं पंकज तों मिलदीआं धमकीआं दा ज़िकर कीता सी। पंकज दा नां ‘शक्की बंदिआं’ विच्च बोलदा सी।
पुलिस कपतान नें इक्क वार फेर रिपोरट ’ते नज़र मारी। इस वार पूरी डूंघाई नाल।
फेर ठेकेदार दे बैग विचों मिले विज़टिंग कारडां दी घोख होई। उनहां विचों इक्क पंकज दा सी।
पंकज अते ठेकेदार विचकार सथापत होई इस दूजी कड़ी नें कपतान लई अगला रसता खोल्ह दित्ता।
पंकज दे पिछोकड़, उस दे कारोबार, फैकटरीआं विच्च बणदे पुरज़िआं, कंम करदे मज़दूरां दी गिणती, सभ पहिलूआं ’ते विसतरत जाणकारी हासल कीती गई।
कपतान नूं राम नाथ दा पंकज होरां उपर कीता शक्क सच्च विच्च बदलदा नज़र आउण लग्गा।
पंकज शहिर दे गिणे चुणे शहिरीआं विचों इक्क सी। बिनां ठोस सबूत तों उस नूं हत्थ पाउणा ख़तरे तों खाली नहीं सी।
थाणे दे मुख्ख अफ़सर उपर कपतान नूं बहुता भरोसा नहीं सी। उह मुलज़मां कोल मुख़बरी करके खेड विगाड़ सकदा सी।
इस तफ़तीश विच्च खुफ़ीआ विभाग कपतान नूं सभ तों वध्ध सहियोग दे रिहा सी। इक्क वार फेर इस विभाग दी पिठ्ठ थापड़ी गई।
ठेकेदार नें पंकज लई की की कंम कीते? उस दी किसे कोठी जां फैकटरी दी उसारी उस राहीं होई? कदे उनहां लई ठेकेदार नें मज़दूर भरती करके दित्ते? जे पंकज दा फ़ोन अते कारड ठेकेदार कोल सी तां उनहां दा कोई नां कोई संबंध ज़रूर सी। इह की संबंध सी? कपतान नूं इसदी जाणकारी चाहीदी सी।
प्रतख्ख तौर ’ते ठेकेदार नें पंकज होरां लई कोई कंम नहीं सी कीता। पिछले सत्त दिनां विच्च दो वार उह पंकज दी फैकटरी विच्च गिआ सी। दोवें समें दोवें भरा फैकटरी विच्च हाज़र सन। ठेकेदार अते मालकां विचकार इकल्लिआं गल्ल होई सी। दूसरी मुलाकात बाअद ठेकेदार फैकटरी विचों दो राड अते दो छोटे बैग लै के आइआ सी। इस संबंधी इंदराज फैकटरी दे रिकारड विच्च होइआ सी।
पुलिस कपतान निशाने दे बहुत नेड़े पुज्ज चुक्का सी। वारदात समें दोशीआं नें दो राडां दी वरतों कीती सी। इक्क मौके तों बरामद होई सी। दूजी दोशी नाल लै गए सन। इक्क बैग मौके वाली थां तों बरामद होइआ सी। दूसरा ठेकेदार दे घरों। बस हुण इहो तसदीक करना बाकी सी कि इह राड अते बैग उहो सन, जिहड़े फैकटरीओं गए सन जां होर?
मौके तों बरामद होए माल दा इक्क वार फेर मुआइना कीता गिआ।
मौके तों बरामद होए बैग उपर पंकज दी फैकटरी दा नां छपिआ होइआ सी। पंकज अजिहे बैग आपणे मज़दूरां नूं तोहफ़े वजों दिंदा सी। राम लुभाइआ दे घरों बरामद होइआ बैग इसदे नाल दा सी।
राड उपर ख़ून अते मिट्टी जंमी होई सी। राड नूं साफ़ करके इनहां सबूतां नूं मिटाउण दा ज़ोखम लैण दा तां ही फ़ाइदा सी, जे पहिलां इह पता लग्गे कि पंकज दी फैकटरी विच्च बणदे पुरज़िआं उपर कोई मारका लगदा सी जां नहीं।
खुफ़ीआ विभाग नें इस नुकते ’ते पड़ताल कीती।
नीरज दी फैकटरी विच्च बणदा सामान उच्च कोटी दा सी। उनहां दे पुरज़े आम पुरज़िआं नालों महिंगे सन। आपणी पहिचाण बणाउण लई उह आपणे हर पुरज़े उपर आपणा मारका लाउंदे सन। नमूने लई सूहीए नें इक्क राड बाज़ार विचों खरीदी अते लिआ के कपतान अग्गे रख्ख दित्ती।
विगिआनक ढंगां दी मदद नाल राड दा मुआइना कीता गिआ। ख़ून दे इक्क धब्बे हेठों नीरज दी फैकटरी दा मारका नज़र आ रिहा सी।
पंकज अते नीरज दी साज़िश दा परदा फ़ाश हो चुक्का सी। उनहां नूं ग्रिफ़तार करन लई इंने सबूत काफ़ी सन।
रात देर गए पुलिस कपतान नें प्रैस कानफरंस बुलाई। ठेकेदार अते उस कोलों फड़े समान नूं पत्तरकारां अग्गे पेश कीता।
बाकी दे दोशीआं दे सुराग़ मिलण अते जलदी ग्रिफ़तारी दा भरोसा दे के पत्तरकारां नूं विदा कीता।
-11-
पुलिस राहीं पंकज नूं सूह मिल चुक्की सी। राम नाथ नूं पंकज होरां उपर शक्क सी। डर अते गुस्से कारन उनहां नें हसपताल वल्ल मूंह नहीं सी कीता।
उड्डदी उड्डदी ख़बर रिशतेदारां दे कंनीं जा पई।
बहुते सांझे रिशतेदारां दा झुकाअ झुकदे पलड़े वल्ल सी। कदे कदे, कोईा”
कोई मजबूरी वस्स हसपताल आउंदा सी। ओपरिआं वांग घड़ी दो घड़ी बैठ के, चोरां वांग वापस मुड़ जांदा सी। अंदरों रिशतेदार डरदा रहिंदा सी किधरे मोहन दे परिवार नूं उसदे वेद परिवार नाल जागे हेज दी मुखबरी नां हो जावे।
किधरे उह उनहां दे मूंह लग्गणों नां रहि जावे।
पर नीलम दे पेके पहिले दिन तों कावां वांग इकठ्ठे होए बैठे सन।
राम नाथ होरीं तिंन भैणां अते तिंन भरा सन। राम नाथ सभ तों वड्डा सी। फेर नीलम सी। उस तों छोटा मंगत राए सी। उह बिजली महिकमे विच्च जूनीअर इंजीनीअर सी। सभ तों छोटा बी.डी.ओ.दफ़तर विच्च सटैनो सी। छोटीआं दोवें भैणां जे.बी.टी.पास सन अते प्राईवेट सकूलां विच्च अधिआपकावां सन।
उनहां दे पती सरकारी सकूलां दे अधिआपक सन।
राम नाथ दा शहिर माइआ नगर तों सत्तर पंझत्तर किलोमीटर दूर सी।
राम नाथ दीआं बाकी रिशतेदारीआं माइआ नगर तों उलट दिशा वल्ल सन।
नतीजन किसे रिशतेदार दा पिंड माइआ नगर तों सवा सौ किलोमीटर दूर सी अते किसे दा डेढ सौ किलोमीटर।
फेर वी तिंन दिनां तों बारां दे बारां जीअ घर बार छड्डी हसपताल डेरा लाई बैठे सन।
राम नाथ दे भरा अड्ड अड्ड रहि के वी इकठ्ठे सन। शक्कां शूशकां सांझीआं भरदे सन। इक्क दूजे नाल पिआर भाव अते आउण जाण बणिआ होइआ सी।
लोड़ पैण ’ते उह तनों मनों इक्क दूजे दे दुख्ख सुख विच्च सहाई हुंदे सन।
उनहां दे परिवार दे किसे मैंबर उपर पहाड़ जिडी इहो जिही मुसीबत पहिली वार टुट्टी सी। रल मिल के उह दुख्ख वंडाउण दा यतन कर रहे सन।
नेहा नूं सरीरक नालों मानसिक प्रेशानी वध्ध सी। उसदी हालत नीम पागलां वरगी सी। जदों उसनूं होश आउंदी सी उह आपणे वाल पुट्टण लग्ग जांदी सी।
उच्ची उच्ची चीकां मार मार कमल नूं अवाज़ां मारदी सी। कदे उस नूं आपणे भंग होए सत्त दा फिकर खांदा सी अते कदे इसे कारन सागर नालों प्रेम संबंधां दे टुट्टण दा। कदे उह आतम हत्तिआ करन दा इरादा जताउंदी सी अते कदे दोशीआं नूं कतल करन दा।
डाकटर नेहा नूं बेहोशी दे टीके ला रहे सन। उनहां दी राए सी कि उस नूं किसे भैण वरगी सहेली अते मां वरगी चाची ताई दी छतर छाइआ दी ज़रूरत सी।
राम नाथ दी सभ तों छोटी भैण सुशमा नें इह ज़िंमेवारी आपणे ज़िंमे लई सी। उह नेहा दी मासी सी, इस लई नेहा नूं मावां वरगा पिआर दे सकदी सी। उनहां दी उमर विच्च सारा सत्त साल दा फ़रक सी। दोवें मासी भाणजी वांग घट्ट, सहेलीआं वांग वध्ध रहीआं सन। सुशमा पहिले दिन तों नेहा दी हमराज़ सी। इस लई उह नेहा दी सहेली दे फरज़ वी निभाअ सकदी सी।
बिनां संग शरम महिसूस करे सुशमा पलवी दे घर डेरा लाई बैठी सी।
मंगत अते उसदी पतनी सुजाता वेद दी देखभाल विच्च जुटे होए सन।
वेद दी टंग कट्टे जाण तों बच गई सी। डाकटरां नें उस नूं ख़तरे तों बाहर घोशित कर दित्ता सी। जुबाड़े दी टुट्टी हड्डी उस नूं होश नहीं सी आउण दे रही।
तिंन दिन आई.सी.यू.विच्च रख्खण बाअद उस नूं जनरल वारड विच्च भेज दित्ता गिआ सी। बेहोशी विच्च होण कारन उप्परलिआं नूं उस दी कोई तकलीफ़ नहीं सी, पर उनहां नूं चौवी घंटे उसदे सिरहाणे बैठणा पैंदा सी।
बाकी सारे रिशतेदार अते भैण भरा नीलम उपर सन।
नीलम दी हालत नाज़ुक सी। उसनूं आई.सी.यू.विच्च रख्खिआ गिआ सी। उसदे नक्क, गल्ल्ह अते पेट विच्च नालीआं फिट्ट कीतीआं गईआं सन। उह वैंटीलेटर दे सहारे ज़िंदा सी। किसे वी समें भैड़ी ख़बर आ सकदी सी। बाकी दे रिशतेदार नीलम दे वारड दे बाहर बैठे उसदे ठीक होण दी दुआ कर रहे सन।
नीलम दीआं दवाईआं घटण दी थां वध्धदीआं जा रहीआं सन। टैसट अते सकैन वार वार हो रहे सन। खून दित्ता जा रिहा सी। दिल दी धड़कण कदे वध जांदी सी अते कदे घट जांदी सी।
राम नाथ सीनीअर डाकटरां नूं पुछ्छ पुछ्छ हंभ चुक्का सी।
“बस्स चौवी घंटे होर” आखके डाकटर उस नूं टालदे आ रहे सन।
-12-
चौवी चौवी घंटे करके इक्क हफ़ता लंघ चुक्का सी। हाले प्रनाला उत्थे दा उत्थे सी।
कुझ्झ मरीज़ां दे वारिस राम नाथ नूं समझाउण लग्गे।
“इह हसपताल नां दा ही वड्डा है। सरकारी हसपतालां वांग इथों दे डाकटरां नूं वी रिशवत दी झाक रहिंदी है। इनहां डाकटरां नें इस लुट्ट दा नां ‘कनसलटेशन फी’ रख्खिआ होइआ है। कोठी जा के डाकटर दी मुठ्ठी गरम करो। डाकटर फेर मूंह खोल्हणगे।”
लोकां दे तुने तनाए राम नाथ इक्क हज़ार रुपिआ लै के सीनीअर डाकटर दी कोठी पहुंच गिआ। मरीज़ दी हालत संबंधी कुझ्झ सवाल पुछ्छ के उसने राए मशवरे वाली फ़ीस उस वल्ल वधाई।
“हसपताल विच्च दाख़ल मरीज़ दी हालत संबंधी पुछ्छण दी कोई फ़ीस नहीं लगदी। जदों मरीज़ ठीक हो के घर चला गिआ अते फेर कदे दिखाउण आए फेर फ़ीस लवांगे।”
आखके डाकटर नें राम नाथ दा हत्थ मोड़ दित्ता।
राम नाथ दी समस्सिआ उसे तरहां काइम सी।
निओरो वारड दे कुझ्झ मरीज़ राम नाथ नूं डराउण लग्गे। हड्डां ’ते बीती दे आधार ’ते उह आख सकदे सन कि नीलम दी हालत दिनो दिन निघरदी जा रही सी। डाकटर मरीज़ दे मरन तक किसे नूं राह नहीं देणगे। उनहां दा टैसटां अते फीसां विच्च हिस्सा सी। मरीज़ दी जान नालों उनहां नूं आपणी फ़ीस पिआरी सी। उह दुहाई दे दे आख रहे सन, मरीज़ नूं किधरे होर दिखाओ।
होर उह किस नूं दिखाउण? दयानंद हसपताल उत्तरी भारत दे गिणवें हसपतालां विचों इक्क सी। इस हसपताल दे सीनीअर डाकटरां दी निगरानी हेठ नीलम दा इलाज हो रिहा सी। इस हसपताल दे डाकटर अंतर राशटरी प्रसिध्धी दे मालक सन। किसे नां किसे बाहरले देश दा उनहां नूं आपणे तजरबे उस देश दे डाकटरां नाल सांझे करन दा सुनेहा आइआ ही रहिंदा सी। नीलम आई.सी.यू.विच्च पई सी। उसनूं बचाउण लई हर आधुनिक तकनीक दी वरतों हो रही सी। इस तों वध्ध इलाज की हो सकदा सी?
“इक वार अपोलो दे डाकटरां दी राए लै लओ। पिछ्छों आपां नूं पछताउणा नां पए?”
कमल दे इक्क दोसत दे पिता नें, जिहड़ा कि कई दिनां तों नीलम दा पता करन आ रिहा सी, इह गल्ल आखी तां राम नाथ दा मन डोल गिआ।
राम नाथ नें आपणे सारे रिशतेदारां अते भैण भरावां नूं इकठ्ठे कीता।
सभ नीलम दे शुभ चिंतक सन। हर कीमत ’ते उसदी जान बचणी चाहीदी सी। सभ दी इहो राए सी।
उपरों सभ रिशतेदार दिल्ली लिजाण दीआं सलाहां दे रहे सन पर ख़ुद दिल्ली जाण तों डर रहे सन।
दिल्ली जा के इक्क नहीं कई समस्सिआवां दा साहमणा करना पैणा सी।
सभ तों गंभीर समस्सिआ पैसे दी सी। इस हसपताल दे ख़रचिआं नें ही उनहां नूं कंगाल बणा दित्ता सी। अपोलो हसपताल इस नालों कई गुणा महिंगा सी। इथे रोटी टुक्क दा ख़रचा बच जांदा सी। आउंदा जांदा कोई रिशतेदार रोटी नाल लै आउंदा सी। उथे खाणे दा बिल्ल कई सैंकड़िआं दा बणिआ करना सी। इथों पिंड बहुते दूर नहीं सन। वेले कुवेले घर जा के पिछलिआं दी सार आसानी नाल लई जा सकदी सी। दिल्ली दे कराए भरदे रिशतेदार जेबां खाली कर बैठणगे। उथे गिआ रिशतेदार दिल्ली जोगा रहि जाएगा। पिछलिआं नूं संभालणा मुशकल हो जावेगा।
किसे नां किसे ढंग नाल पैसे दी समस्सिआ हल्ल हो सकदी सी। हुण तक पैसा रिशतेदारां दा लग्गिआ सी। हुण नेहा बोलण चालण लग गई सी। साफ़ गल्ल दस्स के उस कोलों पैसा मंगिआ जा सकदा सी।
पर उस कोल दिल्ली कौण रहेगा? इह समस्सिआ हल्ल होणी मुशकल जाप रही सी।
दिमाग़ी मरीज़ां दे इलाज लंबे हुंदे हन। इस वारड विच्च कई मरीज़ छे छे महीने तों पए सन। की पता है किंना चिर दिल्ली बैठणा पए?
सुशमा इक्क हफ़ते विच्च ही अक्क गई सी। आने बहाने उह घर जाण दी इछ्छा प्रगटाअ चुक्की सी। उस दीआं कई मजबूरीआं सन। उसदी नौकरी कच्ची सी। उसनूं लंबी छुट्टी नहीं सी मिल रही। उसनूं डर सी किधरे लंबी छुट्टी पक्की छुट्टी विच्च नां बदल जाए। उस दीआं टिऊशनां खराब हो रहीआं सन। सस्स बिमार सी। सुशमा माइआ नगर मसां दिन कट्ट रही सी। दिल्ली जाणा उस लई संभव नहीं सी।
राम नाथ दा पुलिस खहिड़ा नहीं सी छड्ड रही। कदे मौका देखण आ जांदी सी, कदे गवाह खहड़े कराउण। कदे उह चोरी होए समान दी लिसट मंग लैंदी सी, कदे चोरी होए समान दे बिल्ल। कदे थाणे आ के दोशीआं दी शनाख़त करो।
कदे फड़े समान दी। तिंनां भरावां विचों इक्क भरा दा शहिर रहिणा वी ज़रूरी सी। तिंनां भरावां दे बच्चे शहिर सन। इकल्ले बच्चे ओदर जांदे सन। डर जांदे सन। उनहां दी देखभाल लई अशवनी नूं शहिर छड्डिआ गिआ सी।
“तुसीं डाकटरां तों इह पुछ्छो कि उह दिल्ली लिजाण जोगी है जां नहीं?
कुड़ी मारनी नहीं। मैं रहूं उस कोल!”
जदों किसे होर नें हत्थ नां फड़ाइआ तां संगीता नें वड्डी भरजाई होण दे नाते दिल्ली रहिण दी ज़िंमेवारी आपणे सिर लैंदिआं गल्ल नबेड़ी।
इस बारे डाकटरां तों पुछ्छे कौण? मरीज़ नूं इथों लिजाण बारे सुणके उनहां सूई बघिआड़ी वांग पैणा सी।
कमल दे दोसत दे पिता नें उनहां दी इह समस्सिआ हल्ल कर दित्ती। उस दा ताइआ अपोलो हसपताल दे डरग्ग सटोर दा ठेकेदार सी। सारे डाकटरां नाल उसदी जाण पहिचाण सी। जे नीलम दे टैसटां दीआं रिपोरटां अते दवाईआं दी लिसट मिल जावे तां उह घर बैठे उनहां दी राए हासल कर के दे सकदा सी।
अंनहा की भाले दो अख्खां! तुरंत रिकारड दिल्ली पुज्जदा कीता गिआ।
दिल्ली वाले डाकटरां नें दयानंद हसपताल दे डाकटरां नाल फ़ोन ’ते गल्ल कर लई।
शाम तक नतीजा आ गिआ।
“फ़िकर वाली कोई गल्ल नहीं सी। इलाज उहो हो रिहा सी जो अपोलो हसपताल होणा सी। मरीज़ दी हालत तसल्ली बखश सी। दो दिनां बाअद उस नूं जनरल वारड भेज दित्ता जाणा सी।”
सम्ममुच्च इंझ ही होइआ।
दो दिनां बाअद उसनूं खतरे तों बाहर घोशित कर दित्ता गिआ।
आई.सी.यू.विचों कढ्ढ के जनरल वारड विच्च भेज दित्ता गिआ।
-13-
ठेकेदार दे घर छापा पैंदिआं ही पंकज होरां दे हत्थां दे तोते उड्ड गए।
आपणी जाणे उनहां नें साज़िश बहुत सोच विचार के घड़ी सी। पर पुलिस नें वारदात दे बहत्तर घंटिआं दे अंदर अंदर इक्क दोशी वी फड़ लिआ अते चोरी होइआ बहुत सारा समान वी बरामद कर लिआ।
ठेकेदार राहीं पुलस दे हत्थ किसे वी समें उनहां तक पुज्ज सकदे सन। चंगा होवे जे पहिलां ही मौका संभाल लिआ जावे। तफ़तीश जित्थे है उत्थे ही रुकवा दित्ती जावे। ग्रिफ़तारी भईआं तक सीमत करवा दित्ती जावे।
सभ तों पहिलां पंकज नें ऐम.पी.साहिब नूं फ़ोन कीता। उह घरों बाहर नां जाण। पंकज उनहां वल्ल आ रिहा सी। उसनूं बाबू जी दी सहाइता दी ज़रूरत सी।
पंकज नें ठीक समें फ़ोन कीता सी। फ़ोन कुझ्झ सकिंट लेट होइआ हुंदा उह दिल्ली लई निकल गए हुंदे। बाबू जी दी प्रधान मंतरी नाल मुलाकात सी। बहुता लेट होण दी गुंजाइश नहीं सी। पंकज नूं उनहां नें तुरंत बुला लिआ।
“पुलिस दी की मजाल है तुहानूं झूठे केस विच्च फसा लए? ठीक है भतीजिआं दी चाचे नाल मुकद्दमेबाज़ी चल्लदी है। पर इसदा इह मतलब थोहड़ा है कि भतीजे चाचे दे घर डाका पवा देणगे? चाचे दे मुंडे दा कतल करवा देणगे। पुलिस तुहाडी’वा वल्ल नहीं झाक सकदी।”
पंकज दी गल्ल सुणके बाबू जी नूं पुलिस दी वधीकी ’ते गुस्सा आइआ सी।
किसे होर नें इह गल्ल आखी हुंदी कि वारदात वाले दिन दोवें भरा उस नाल दिल्ली सन तां शाइद बाबू जी उसते यकीन नां करदे। पर हुण इह गल्ल उह ख़ुद आख रहे सन। वारदात वाली रात पंकज अते नीरज बाबू जी दे नाल सन। उस तों इक्क दिन पहिलां उह इकठ्ठे दिल्ली गए सन। इकठ्ठे दिल्ली घुंमदे रहे सन। वारदात दी ख़बर उनहां नूं दिल्ली मिली सी। बाकी दे कंम विच्च छड्डके उह वापस माइआ नगर आ गए सन। फेर पंकज अते उसदा भरा वारदात विच्च भागीदार किस तरहां होए? पुलिस दी वधीकी ’ते बाबू जी नूं हैरानी हो रही सी।
उनहां दा इकठ्ठे दिल्ली जाण दा प्रोगराम कई महीने तों लटकदा आ रिहा सी। कई कंम अड़े पए सन। कदे बाबू जी कोल वकत नहीं सी हुंदा। कदे पंकज नूं अड़चन पै जांदी सी।
बड़ी मुशकल नाल दोहां धिरां नूं इकठ्ठिआं विहल मिली सी। बाबू जी दी सनअत मंतरी नाल मुलाकात सी। बाबू जी माइआ नगर लई भारे उदयोग दी मंग कर रहे सन। उनहां विचों कुझ्झ उदयोगां दे मनज़ूर होण दी संभावना सी। मंतरी अते ऐम.पी.विचकार इसे मुद्दे ’ते विचार होणी सी।
पंकज होरे इक्क तीर नाल दो निशाने फुंडन नूं फिरदे सन।
कुझ्झ दिनां तों पंकज नूं दिल दी किसे बिमारी दे लग्ग जाण दा शक्क पै रिहा सी। माइआ नगर दे डाकटरां दे कुझ्झ पल्ले नहीं सी पै रिहा। उह दिल्ली दे ‘असकारट’ हसपताल विच्च मुआइना कराउणा चाहुंदा सी।
नाले मुआइना हो जाणा सी नाले ऐम.पी.साहिब नाल दो दिनां दी लंबी मुलाकात दौरान घरेलू, विउपारक अते जनतक मसलिआं उपर विचार वटांदरा हो जाणा सी। सन्नअत मंतरी नाल मुलाकात सी। किसे नवें प्रोजैकट ते हत्थ वज्ज सकदा सी।
बाबू जी लई वी उनहां दा साथ सुखावां सी। सिटी होंडा कार, सेवा लई दो अमीरज़ादे तिआर बरतिआर। पूंजी सेठां दी, सिफारश ऐम.पी.दी। कोई मोटी मुरगी हत्थ लग गई तां मुफ़त मुफ़त विच्च बाबू जी दी उमर भर दी रोटी दा जुगाड़ बण जाणा सी।
दोवें भरा, बाबू जी अते गंनमैन सवेरे पंज वजे माइआ नगरों निकले सन। नौं वजे उह ऐम.पी.साहिब दे फलैट ते पुज्ज गए सन। दो घंटे बाबू जी नें अराम कीता। फेर घंटा फ़ोन घुमाए। फरैश होए, नाशता कीता अते कंमांकारां लई निकल पए।
सनअत मंतरी नूं शाम नूं छे वजे मिलणा सी।
पंज वजे तक पंकज आपणा मुआइना करवा लए। तद तक बाबू जी छोटेमोटे कंम नबेड़ लैणगे।
पंज वजे तक पंकज दे हसपताल विच्च टैसट हुंदे रहे। ख़ून तों लै के गुरदे तक दी जांच होई। हर टैसट दी रिपोरट ठीक आ रही सी। आए सन तां कंम नबेड़िआ जावे। किसे सिट्टे ’ते पुज्जिआ जावे। डाकटर टैसटां दी लिसट लंबी करदे गए। पंकज बिनां झिजक पैसे भरदा रिहा।
कोई नुकस लभ्भे तां डाकटर किसे सिट्टे ’ते पुज्जण। सिट्टे ’ते पुज्जण लई होर टैसट ज़रूरी सन।
अगले दिन इक्क वार फिर आउण लई आखिआ गिआ।
सनअत मंतरी नाल तैअ होई मुलाकात छे तों अठ्ठ अते अठ्ठ तों गिआरां तक खिसक गई। मंतरी विदेश तों आए किसे वफ़द नाल हो रही मीटिंग विच्च रुझ्झा होइआ सी।
मंतरी दे दफ़तर पुज्जण विच्च हो रही देरी कारन मुलाकातीआं दी गिणती सैंकड़िआं तक पुज्ज गई। सूबिआं दे कुझ्झ मंतरी अते होर ऐम.पी.मुलाकातीआं विच्च शामल हो गए। बाबू जी नूं अजिहे माहौल विच्च होण वाली मुलाकात विचों बहुता कुझ्झ निकलदा नज़र नहीं सी आ रिहा। उनहां कल्ल्ह तिंन वजे दा समां निशचत करवाइआ अते वापस फलैट ’ते आ गए।
अगला दिन इसे तरहां लंघिआ। इक्क वजे तक दोवें भरा हसपताल विच्च रहे। फेर कुझ्झ असामीआं नाल हिसाब करन चले गए।
बाबू जी दफ़तरां विच्च घुंमदे रहे।
सनअत मंतरी नाल चलदी मुलाकात दौरान ही उनहां नूं माइआ नगर विच्च होई वारदात दी ख़बर मिली सी। बाबू जी दा लोकां दा नुमाइंदा होण कारन अते पंकज होरां दा वेद नाल भाईचारा होण कारन उनहां दा माइआ नगर पुज्जणा ज़रूरी सी।
बाबू जी नें बाकी दे प्रोगराम मुलतवी कीते अते गड्डी माइआ नगर वल्ल मोड़ लई।
वारदात तों करीब चौवी घंटे पहिलां तों दोवें भरा बाबू जी दे नाल सन।
उनहां दी हाज़री असकारट वरगे हसपताल विच्च लग्गी होई सी। उत्थे पंकज दे सरीर दे अंग अंग दा मुआइना होइआ सी। इसदा सबूत कंपिऊटरां विच्च दरज सी। सनअत मंतरी दी कोठी दाख़ल हुंदे समें उनहां दे गेट पास बणे सन।
उनहां पासां उपर उनहां दे फोटो लग्गे सन। सभ तों वड्डा सबूत बाबू जी ख़ुद सन।
इक्क ऐम.पी.झूठ थोहड़ा बोल सकदा सी।
सारी सथिती दा जाइज़ा लै के बाबू जी नें उनहां नूं मदद दा भरोसा दिवाइआ। लोड़ पई उह मुख्ख मंतरी नाल गल्ल करनगे। ग्रहि मंतरी अते प्रधान मंतरी तों दख़ल दिवाउणगे।
ऐम.पी.दे थापड़े नाल पंकज होरां नूं राहत तां मिली पर उनहां दे धड़कदे दिलां नूं ठल्ल्ह नां पई। आपणे मन दा चोर उनहां नूं बेचैन कर रिहा सी। बाबू जी नाल भेत सांझा करन दा हाले वकत नहीं सी। हो सकदा है मामला उंझ ही ठप्प हो जावे। आपणे पैर आप कुहाड़ा मारन दी ज़रूरत नहीं सी।
पर तसल्ली तां ही होणी सी जदों कपतान वल्लों कोई हुंगारा मिलणा सी।
घट्टो घट्ट इह तां पता लग्गे कि तफ़तीश किथों तक पुज्जी सी। इह जानण लई बाबू जी नें पुलिस कपतान नाल संपरक कीता। कोठीउं अते दफ़तरों इको जवाब मिलण लग्गा। साहिब बाहर गए होए हन। कपतान दे मोबाइल फ़ोन बंद सन। वाइरलैस्स सैट्ट राहीं वी उनहां दी मौजूदगी वाली थां बारे पता नहीं सी लग्गिआ।
बाबू जी दे मन विच्च शक्क दे बीज पुंगरण लग्गे। अग्गे अजिहा कदे नहीं सी होइआ। जदों चाहो कपतान नाल संपरक हो जांदा सी। कपतान कदे कंम विच्च रुझ्झा हुंदा तां विहला हुंदे ही खुद बाबू जी नूं फ़ोन करदा। कपतान नूं इथे लिआउण अते फेर इथे जंमे रहिण विच्च बाबू जी दी अहिम भूमिका सी।
कपतान जे उस नाल संपरक तों टल रिहा सी तां इस पिछ्छे कोई राज़ सी।
मतलब साफ़ सी। कपतान इस वारदात बारे सूचना सांझी नहीं सी करना चाहुंदा।
मसला गंभीर सी। लोकां दी सुरख्खिआ अते सरकार दी इज़्ज़त दाअ ’ते लग्गी होई सी। सिआसत मंग करदी सी, कौमी हित्तां नूं निज्जी हित्तां नालों पहिल दित्ती जावे।
बाबू जी दा भला टल जाण विच्च सी।
“तुसीं फिकर नां करो। मैं दिल्ली चलिआ हां। मोबाइल फ़ोन मेरे कोल है।
रसते विच्च कपतान नाल संपरक करांगा। फेर तुहानूं दस्सांगा। बे इनसाफ़ी नहीं होण दिआंगा।”
‘बे इनसाफ़ी’ शबद ’ते ज़ोर दिंदिआं बाबू जी कोठी विचों बाहर निकले अते कार दा दरवाज़ा खोल्ह के विच्च बैठ गए।
बाबू जी दे मूंहों निकलिआ ‘बे इनसाफ़ी’ शबद पंकज होरां दे मनां नूं झंजोड़न लग्गा। उनहां नूं लग्गा जिवें बाबू जी नूं सभ कुझ्झ पता लग्ग गिआ सी। उनहां नें बे इनसाफ़ी विरुध्ध खड़ोण दा वाअदा कीता सी। पंकज होरां दे हक्क विच्च खड़ोण दा नहीं।
इनहां हालतां विच्च उनहां नूं बाबू जी तों बहुती आस नहीं सी रख्खणी चाहीदी।
आपणे विरुध्ध आप ही नतीजे कढ्ढदे पंकज अते नीरज खाली हत्थ वापस मुड़ पए।
-14-
हुण उह किधर जाण? किस कोल जाण?
बाबू जी दी कोठी दे बाहर, चौराहे कोल खड़ो के उह सोचण लग्गे।
“भाई साहिब कपतान कोल सिफ़ारश करन तों पहिलां सानूं इह पता कर लैणा चाहीदा है कि साडा नां विच्च आ गिआ है जां हाले बचे होए हां? हो सकदा है ठेकेदार मार सहि गिआ होवे?”
नीरज काहल विच्च कदम पुट्टण दे हक्क विच्च नहीं सी।
“तूं हले छोटा हैं। पुलिस दे हत्थ बड़े लंबे हुंदे हन। हुण तक उह कदों दे मसले दी तैअ तक पुज्ज गए होणगे। फेर वी जे तूं कहिंदा हैं तां पहिलां शक्क कढ्ढ लैंदे हां।”
छोटे भरा दा दिल रख्खण लई पंकज नीरज नाल सहिमत हो गिआ।
“चल्ल आपणे प्रधान वल्ल चल्ल! उह आपे राह लभ्भ !”
दिमाग़ ’ते बोझ पा के पंकज नें ईजहे मोहतबर दा नां सोचिआ, जिहड़ा पुलिस दी गुपत सूचना नूं संनह ला सकदा सी।
नीरज नूं पंकज दा सुझाअ पसंद आइआ। अगले ही पल उनहां नें गड्डी ‘भारी उदयोग मालक संघ’ दे प्रधान अनिल जैन दी फैकटरी अग्गे ला दित्ती।
“बच्चू किउं घबराउंदे हो? थाणेदार इथे आएगा। आपणी ज़ुबानी सभ कुझ्झ दस्स के जाएगा।”
प्रधान नें हैंकड़ दिखाई।
झट्ट उसने मुख्ख अफ़सर नूं फ़ोन कीता। नाल इशारा वी। थाणेदार दा दस हज़ार उसदे दराज विच्च पिआ सी। नाले उह आपणा नज़राना लै जाए नाले ताज़ी सथिती उपर रोशनी पा जाए।
मुख्ख अफ़सर तफ़तीश विच्च रुझ्झा होइआ सी। इक्क मिंट दी फुरसत नहीं सी। पर उह प्रधान नूं नराज़ वी नहीं सी कर सकदा। उपरों जदों वड्डी वगार पैंदी सी तां अड़िआ गड्डा प्रधान ही कढ्ढदा सी। वड्डे सनअतकारां दा उह प्रधान सी। सनअतकारां नूं जदों भीड़ पैंदी सी उह अनिल वल्ल भज्जदे सन।
प्रधान मुख्ख अफ़सर नूं फ़ीस पहिलां दिवाउंदा सी कंम पिछ्छों दस्सदा सी। प्रधान दी पहुंच चंडीगहड़ दे पुलिस अधिकारीआं तक सी। कदे बदली हुंदी दिस्से जां किसे पुछ्छ पड़ताल दा ख़तरा होवे, उह झट्ट फ़ोन खड़का के ठल्ल्ह पा दिंदा सी।
मुख्ख अफ़सर प्रधान नूं नांह नहीं सी कर सकदा।
रेड करन दा बहाना ला के उह प्रधान दी फैकटरी पुज्ज गिआ।
पंकज अते नीरज मुख्ख अफ़सर दे मत्थे नहीं सन लग्गणा चाहुंदे। उह नाल दे कमरे विच्च चले गए।
प्रधान नें ठंडा पिछों पुछ्छिआ, नोट पहिलां पेश कीते।
फेर आपणी गरज़ दस्सी।
प्रधान कतल कांड बारे कुझ्झ जानणा चाहुंदा सी। इह सुण के मुख्ख अफ़सर नूं कांबा छिड़ गिआ।
असलीअत इह सी कि इस केस दी तफ़तीश कपतान ख़ुद कर रिहा सी।
किसे गल्लों कपतान नूं मुख्ख अफ़सर ’ते शक्क हो गिआ सी। कारवाई उस तों गुपत रख्खी जा रही सी।
दस हज़ार दे नोट उसदी जेब विच्च पै चुक्के सन। इनहां नूं हज़म करन लई उसनूं झूठ बोलणा पैणा सी।
“पंकज होरां बारे हाले तक कुझ्झ वी मिसल ’ते नहीं आइआ। उंगल उनहां वल्ल उठ रही है। पर हाले कोई ख़तरा नहीं। वैसे सावधान रहिणा चाहीदा है।”
ख़ूह विच्च इट्ट सुट्ट के मुख्ख अफ़सर खिसक गिआ।
प्रधान खुश सी। थाणे दा मुख्ख अफ़सर उस कोल खुद चल्ल के आइआ सी।
प्रधान लई इह फ़खर वाली गल्ल सी। जे उह कहिंदा सी कोई ख़तरा नहीं तां समझो कोई ख़तरा नहीं।
पर पंकज होरां दा मन टिक नहीं सी रिहा। उह उंगल उनहां वल्ल उठ्ठण अते सावधान रहिण बारे वी कहि के गिआ सी। इनहां संकेतां दा मतलब समझणा चाहीदा सी।
पहिलां ठेकेदारा दे फड़े जाण अते उसदे घरों चोरी होए समान दे फड़े जाण दी ख़बर निकली सी। हुणे हुणे नवीं ख़बर आई सी। पुलिस नें ठेकेदार कोलों इक्क जेबी डाइरी फड़ी सी। उस डाइरी विच्च पंकज दा फ़ोन नंबर दरज सी। उसदी जेब विचों उनहां दा विज़टिंग कारड वी निकलिआ सी। इह समाचार शुभ नहीं सन।
प्रधान कोल बैठे बैठे मोबाइल कंपनी दे मैनेज़र दा फ़ोन आ गिआ। पुलिस पंकज होरां दे फ़ोन नंबरां दी लिसट अते उनहां वल्लों पिछले इक्क महीने विच्च कीते फ़ोनां दी सूचना लैण आई सी। कंपनी नूं शक्क सी पुलिस उनहां दे फ़ोन टेप कर रही सी। उह कंपनी दे पक्के गाहक सन। इस लई फ़ोन कंपनी नें उनहां नूं सूचित करके आपणा फरज़ निभाइआ सी। अग्गे उह जो ठीक समझण करन।
नीरज नें वड्डे भरा नूं समझाइआ। हुण हवाई किल्हे उसारन दा समां नहीं सी। उनहां नूं अंडर गराऊंड हो जाणा चाहीदा सी।
दोसतां, मित्तरां अते रिशतेदारां नूं भरोसे विच्च लै के आपणे बचाअ दे ढंग तरीके सोचणे चाहीदे सन।
किसे वधीआ वकील राहीं कानूंनी चाराजोई करनी चाहीदी सी।
पंकज नीरज नाल सहिमत सी।
झट्ट उनहां नें आपणी गड्डी गैरज विच्च ला दित्ती। मोबाईल फ़ोन बंद कर दित्ते।
अगली नीती घड़न लई उह पंकज दे सांढू दे भरा अजे दी फैकटरी जा बैठे।
-15-
अजे पंकज नाल सहिमत सी।
ज़ोखम उठाउण दी गुंजाइश नहीं सी।
पेशगी ज़मानत दी दरखासत लाउणी बणदी सी। जे मुकद्दमे विच्च नां पै गिआ तां पुलिस दे चक्करां अते ग्रिफतारी तों बचाअ हो जाएगा। नां निकल गिआ तां चार पैसिआं दे खरच दा सवाल सी। अजिहे मौके पैसिआं बारे नहीं सी सोचिआ जा सकदा।
दीवानी मुकद्दमेबाज़ी पंकज नें बहुत कीती सी। पलाटां अते ज़मीनां दे कबज़े लैण देण कारन कोई नां कोई पंगा पिआ रहिंदा सी। फैकटरी लग्गी तां लेबर नाल टेटा पैण लग्गा। लैण देण दे झगड़े रहिण लग्गे। कदे किसे नें उधार मार लिआ। कदे किसे दा चैक्क कैश नहीं होइआ।
फौजदारी मुकद्दमे दा साहमणा उसनूं पहिली वार करना पै रिहा सी।
अजे उनहां दा रिशतेदार पिछ्छों, गूहड़ा दोसत अते हमराज़ पहिलां सी। नाले उह कई फौजदारी मुकद्दमे हड्डां ’ते हंढा चुक्का सी।
पहिली वार उसदा पुलिस नाल वाह उस समें पिआ सी जदों फैकटरी विच्च खूह पुट्टदे समें तिंन बंदे मिट्टी हेठ दब्ब के मर गए सन। मामला अणगहिली अते लापरवाही दा बणदा सी। पर पुलिस नें लालच अते लेबर यूनीअन दे दबाअ विच्च आ के मुकद्दमा कतल दा दरज कर दित्ता सी। मज़दूरां दे वारिसां नूं मुआवज़ा दे के अजे नें समझौता कर लिआ। बिनां लीडरां दी सहिमती दे होइआ समझौता लीडरां नूं पसंद नहीं सी। लीडरां नें अजे नूं जेल्ह भेजण लई अड्डी चोटी दा ज़ोर ला दित्ता। अजे नें वी अड़ी फड़ लई। उह उमर कैद कट्ट आएगा। सारा घर बार मुकद्दमे उपर ला देवेगा पर लीडरां अग्गे नहीं झुकेगा।
इस लड़ाई विच्च उस नूं सैशन कोरट तों लै के सुपरीम कोरट तक दे दरवाज़े खड़काउणे पए।
अजे दा उहो तजरबा अजे दे नाल नाल उसदे मित्तरां अते रिशतेदारां दे कंम आ रिहा सी।
माइआ नगर दे सनअतकारां नूं जे पुलिस तक लोड़ पैंदी सी तां उह अनिल जैन वल्ल भज्जदे सन। जे कचहिरी जाण दी नौबत आउंदी सी तां अजे वल्ल दौड़दे सन।
अजे दी फैकटरी बैठिआं ही उनहां आपणे इक्क दो होर दोसतां नूं फ़ोन कर दित्ते। हो रहे विचार वटांदरे विच्च उह वी आपणे विचार पेश करन।
शहिर विच्च दो चोटी दे वकील सन। नंद लाल अते महिंदर सिंघ। अजे दोहां नूं अज़मा चुक्का सी।
कानूंन दी जाणकारी विच्च महिंदर सिंघ नंद लाल नालों वध्ध माहिर सी।
पर उह इमानदारी वाली घोड़ी चहड़िआ होइआ सी। उसदा विशवास अफ़सरां नाल लड़न विच्च ज़िआदा अते मिलवरतण विच्च घट्ट सी। अज्ज दा ज़माना होर सी। अज्ज कल्ल्ह फैसले गुणां दे आधार ’ते घट्ट होर गल्लां दे आधार ’ते ज़िआदा हुंदे हन।
सारे हालात नूं धिआन विच्च रख्ख के अजे नंद लाल नूं वकील करन दे हक्क विच्च सी। उह फ़ीस ज़रूर ठोक के लैंदा सी पर फ़ीस तैअ होण बाअद साइल दी सिरदरदी मुक्क जांदी सी। असामी पैसा खरचण वाली होवे उह कचहिरी दे अरदली तों लै के सुपरीम कोरट दे जज्ज तक दी आपे खरीदो फ़रोखत कर दिंदा सी।
नंद लाल दी पुलिस विभाग विच्च पूरी चहड़त सी। उसदे फ़ोन उपर कंम हुंदे सन। थाणेदार मिसल चुक्की उसदे पिछ्छे पिछ्छे घुंमदे सन। इह माइआ जाल उसने आपणी लिआकत दे सिर ’ते बुणिआ सी। कदे किसे मंतरी, विधाइक जां पुलिस अफ़सर नूं कचहिरी दा मूंह देखणा पै जाए तां उह नंद लाल वल्ल दौड़दा सी। उह लोक इसनूं फ़ीस तां दिंदे ही सन अड़े थुड़े कंम वी करदे सन।
नंद लाल दी उमर सत्तर दे करीब सी। जिहड़े कदे उस कोल मैजिसटरेट होइआ करदे सन उह हुण हाईकोरट दे जज्ज सन। जिहड़े थाणेदार उस कोल बैठ के गवाहीआं समझिआ करदे सन उह कपतान बणे बैठे सन। पुराणे अफ़सर पुराणे मित्तरां दी कदर करदे सन। मुकद्दमे दीआं कई दिक्कतां नंद लाल दा नां लैण नाल हल्ल हो जांदीआं सन।
इस लई अजे नंद लाल तों सिवा किसे होर वकील बारे नहीं सी सोच सकदा।
“जे होर कोई औपशन है ही नहीं फेर देर किउं कीती जावे? फ़ोन करो अते टाइम लओ।”
घबराइआ नीरज सोच विचार विच्च समां बरबाद नहीं सी करना चाहुंदा।
“नंद लाल दी फ़ीस होरां नालों वध्ध है।”
अजे नें होण वाले ख़रचे बारे सूचित करना आपणा फ़रज़ समझिआ।
पंकज होरां नूं पैसे दी कोई परवाह नहीं सी। अलमारीआं नोटां नाल भरीआं पईआं सन। पैसा इज़्ज़त वधाउण लई सी। पैसा बचाउण लई इज़्ज़त नहीं सी गवाई जा सकदी। उनहां नूं हर हीले ग्रिफ़तारी तों बचणा चाहीदा सी।
इह सोच के दोहां भरावां नें नंद लाल नूं वकील नियुकत करन दी तजवीज़ मनज़ूर कर दित्ती।
अजे नें नंद लाल नाल संपरक कीता।
हाले उह कचहिरी विच्च बहिस कर रिहा सी। अध्धे घंटे बाअद उस नें आपणे चैंबर विच्च आ जाणा सी। उह कचहिरी आ के गल्ल कर लैण।
इसे दौरान पंकज दा साला आपणे दो साथीआं नाल उथे आ पुज्जा।
हो रहे विचार वटांदरे विच्च उह आपणे तजरबे सांझे करन लग्गा।
“कचहिरी जाणा ख़तरे तों खाली नहीं है। पुलिस उथे सारा दिन फिरदी रहिंदी है। किसे वी समें दबोच सकदी है। किउं नां वकील नूं इथे बुला लिआ जावे?”
दोबारा नंद लाल नूं फ़ोन कीता गिआ।
नंद लाल किसे दे घर जा के सलाहां देण वाला वकील नहीं सी। जिस नूं पिआस लग्गी है उह खूह कोल आवे।
नंद लाल दे कोरे जवाब नाल बैठी सभा दे मैंबरां दे चिहरे उत्तर गए।
“जिहड़ा वकील हुणे गल्ल करन नूं तिआर नहीं अजिहे वकील नूं गोली मारो।”
पंकज दे साले सतीश दे इक्क दोसत नें मत्त प्रगटाइआ। उह इह केस नंद लाल दी थां आपणे मित्तर नूं दिवाउणा चाहुंदा सी।
“नंद लाल बुढ्ढा हो गिआ है। उसदा कंम घट रिहा है। सिंगले दा कंम चहड़ रिहा है। सिंगला मेरा यार है। उसनूं इथे बुला लैंदे हां। मैनूं नांह नहीं करेगा।” विने नें नंद लाल दी थां सिंगले वकील दा नां पेश कीता।
“उह नंद लाल दा चेला है। चेले गुरूआं तों अग्गे नहीं लंघ सकदे। वकील आपां नंद लाल नूं ही करांगे। राए मशवरे लई सिंगले नूं बुला लओ। उसनूं इस कंम दी फ़ीस दे देवांगे।”
अजे नूं विने दी नंद लाल दा नां रद्द करन दी तजवीज़ चंगी नहीं सी लग्गी। उसने मोड़वां जवाब दे के आपणी तजवीज बचा लई। नाले सिंगले नूं फ़ीस देण दा सुझाअ दे के विने दी रख्ख लई।
“नंद लाल लालची सुभाअ दा बंदा है। मौका देखण वी बाहर जांदा ही है। बुरकी सुट्टो इथे आ जाएगा।”
सतीश नंद लाल दा भेती सी। उसने आपणे तजरबे दे आधार ’ते नंद लाल नूं इथे बुलाउण दी तजवीज़ पेश कीती।
इक्क वार फेर फ़ोन मिलाइआ गिआ। मीटिंग विच्च शामल होण दी वख्खरी फ़ीस देण दी पेशकश कीती गई।
“पहिलां फ़ीस तैअ कर लओ। बाकी फेर देखांगे।”
इस वार नंद लाल दा रवईआ नरम सी।
“अग्गे कदे फ़ीस घट्ट दित्ती है। इह मेरा आपणा कंम है। जो मंगोगे मिल जाएगा। आओ सही।”
अजे नें आपणी दोसती दा अहिसास कराइआ।
“मैं इक्क लख्ख रुपिआ फ़ीस लवांगा। जे केस लड़ना पिआ फेर पंजाह हज़ार होर लग्गणगे। जे शरत मनज़ूर होवे तां अध्धी फ़ीस अते गड्डी भेज देवो।”
नंद लाल नें आपणी फ़ीस अते शरतां दस्सीआं।
पंकज नूं फ़ीस बहुत ज़िआदा लग्गी। अग्गे कदे उसने वकील नूं पंज हज़ार तों वध्ध नहीं सी दित्ता। हाले उनहां नूं आपणा नां घड़ीसे जाण दा शक्क सी।
पुलिस वल्लों कोई इशारा नहीं सी। हाले पेशगी ज़मानत दी दरख़ासत देणी सी। इह कंम किसे छोटे वकील तों करवाइआ जा सकदा सी। जे पुलिस पिछ्छे पैण लग्गी फेर नंद लाल नूं वकील कीता जा सकदा सी।
“गंढिआं दे चोर वाली कराउण दा कोई फ़ाइदा नहीं। किधरे इह नां होवे कि लालच वस्स गठ्ठे वी खाणे पैण, छित्तर वी अते अख़ीर जुरमाना वी भरना पवे। फेर किहड़ा नंद लाल नें घट्ट फ़ीस लै लैणी है। उलटा उसने भारा हो जाणै। किसे होर वकील नूं दित्ती फ़ीस खूह खाते पै जाणी है।”
अजे नें इक्क वार फेर आपणा तजरबा सांझा कीता।
“ठीक है। गड्डी भेजो अते बुलाओ। सिंगले नूं वी बुला लओ। इक्क अते इक्क रलके गिआरां हो जाणगे।”
नीरज नें झट्ट फैसला सुणा दित्ता।
-16-
सिंगला नंद लाल नालों पहिलां पुज्ज गिआ।
सिंगले नूं किस केस बारे बुलाइआ जा रिहा है इसदी जाणकारी उस नूं पहिलां दे दित्ती गई सी। उह जिंनी जाणकारी मिल सकदी सी उनी लै आइआ सी।
ठेकेदार नूं अदालत विच्च पेश कीता जा चुक्का सी। मैजिसटरेट नें उसदा तिंन दिन दा पुलिस रिमांड दित्ता सी।
पुलिस रिमांड हासल करदे समें पुलिस नें जो दरख़ासत दित्ती सी उह सिंगला पहड़ आइआ सी। उस दरख़ासत तों अजिहा कोई संकेत नहीं सी मिलदा जिस तों पंकज होरां दे साज़िश विच्च शामल होण बारे अंदाज़ा लगदा होवे। पुलिस नें बाकी दोशीआं दे नां पते पुछ्छण अते माल बरामद कराउण लई पुलिस रिमांड मंगिआ सी।
जिस सरकारी वकील नें ठेकेदार दा रिमांड लिआ सी उस नाल सिंगले दा खाण पीण सी। सिंगले नें उस नाल संपरक करन दा यतन कीता सी। पर उह दूसरी कचहिरी विच्च रुझ्झा होइआ सी।
“जे कुझ्झ ख़रच करन दी इजाज़त होवे तां मैं उस कोलों मिसल दा हालचाल पुछ्छ सकदा हां।”
सिंगले नें सरकारी वकील दे खाण पीण दे सुभाअ नूं मुख्ख रख्ख के खरचे दी इजाज़त मंगी।
“पैसिआं दी परवाह नां करो। मसला हल्ल करो।” नीरज दे बोलण तों पहिलां ही विने नें सिंगले नूं इजाज़त दे दित्ती।
मोबाइल फ़ोन ’ते सरकारी वकील नाल गल्ल होई।
सरकारी वकील नें मिसल गंभीरता नाल नहीं सी पहड़ी। अदालत दे बाहर सटूडैंट यूनीअन मुज़ाहरा कर रही सी। पत्तरकारां दी टीम कैमरे चुक्की फिरदी सी। महिला मुकती संमती आपणा मजमा लाई बैठी सी। पहिले दिन तों प्रैस इस घटना दा विसथार दे रही सी। रिमांड मिलणा ही मिलणा सी। सरकारी वकील नूं बहुती बहिस करन दी ज़रूरत महिसूस नहीं सी होई। इस लई उसने मिसल नहीं सी घोखी।
“ठेकेदार नें आपणे साथीआं दे नां दस्स दित्ते? किस किस दा नां लिआ है? कुझ्झ याद है?”
“उस नूं इकल्ले आपणे भतीजे दे नां दा पता सी। बाकी भतीजे नूं जाणदे सन। तूं किस दा पुछ्छणा है? साफ़ साफ़ दस्स।”
सिंगले नें अंदाज़ा लाइआ। गल्ल हाले भईआं ’ते रुकी होई सी। पंकज होरां नूं कोई ख़तरा नहीं सी।
“यार असल गल्ल इह है कि वेद दा मेरे दोसत नाल दीवानी झगड़ा चलदा है। लालिआं वांग इह डरी जांदे हन। मैं इनहां बारे पुछ्छणा सी।”
“बाई जी सच्ची गल्ल इह है कि मैं मिसल दीआं ज़िमनीआं नहीं पहड़ीआं।
जे बहुती गल्ल है थाणे जा आउंदा हां। तूं किथों बोलदा हैं? थाणे जा के मैं तेरे कोल आ जांदा हां।”
सिंगले नें सरकारी वकील नूं महिफ़ल होटल दा टाइम दे दित्ता।
पंकज नूं राहत महिसूस होई। हाले तक बचाअ सी।
पर सिंगले दा धुड़कू दूर नहीं सी होइआ। लगदा सी सरकारी वकील ऊट पटांग बोल रिहा सी। उसने मिसल पहड़ी नहीं सी। उह दस्से वी की?
“होर किस पासे संपरक करीए?” सिंगला हाले सोच ही रिहा सी कि बाबू नंद लाल जी आ धमके।
सिंगले नें खहड़ा हो के उसदा सवागत कीता। झुक के गोडे हत्थ लाए।
फेर चुप्प करके नंद लाल दीआं तजवीज़ां सुणन लग्गा।
-17-
नीरज दे मूंधहों हुण तक दी कहाणी सुण के नंद लाल नें अगली कारवाई शुरू कीती।
नंद लाल दी कपतान नाल सिध्धी गल्ल सी। पर हाले उह सिरे दे डंडे नूं हत्थ नहीं सी पाउणा चाहुंदा। कारवाई पहिले डंडे तों शुरू होणी चाहीदी सी। जाणकारी सही वी मिलणी सी अते ससती वी।
सभ तों पहिलां नंद लाल नें थाणे दे मुनशी नूं टोहिआ। मुनशी थाणे दी मां वांग हुंदा है। थाणे विच्च होण वाली हर कारवाई दा उसनूं इलम हुंदा है।
मौके अते दोशीआं कोलों बरामद होइआ माल मुनशी कोल जमहां हुंदा है।
माल फड़िआ वध्ध हुंदा है पर कागज़ीं पत्तरी घट्ट दिखाइआ हुंदा है। ढुकवें समें ’ते मिसल दा ढिड्ड पूरा कीता जांदा है। मुनशी कोल रख्खे माल कोलों इह पता लग जांदा है कि पुलिस अग्गों की करन वाली है?
नंद लाल इहो अंदाज़ा लाउणा चाहुंदा सी।
“मालख़ाने विच्च बहुत थोहड़ा माल पुज्जिआ है। बहुता माल कपतान नें आपणे कोल रख्ख रख्खिआ है। रजिसटर अते रोज़नामचे खाली छड्डे गए हन। पता नहीं कपतान की हुकम करदा है?”
नंद लाल नूं लग्गा मुनशी पुलसीए अंदाज़ विच्च गोल मोल गल्ल कर रिहा सी।
मुनशी हुणे नमक हरामी कर जाएगा, इसदी नंद लाल नूं आस नहीं सी।
उसनूं रिशवत दे केस विचों बरी होइआं हाले हफ़ता वी नहीं होइआ। जे नंद लाल विच्च नां पैंदा तां गवाहां नें गवाही तों इक्क इंच इधर उधर नहीं सी होणा। मुनशी नें बथेरा गवाहां दे पैरीं पग्ग रख्खी, बथेरे रिशतेदार ढोए, पर उह भरे सत्थ विच्च होई बेइज़ती नूं भुल्लण नूं तिआर नहीं सन। मुनशी नें उनहां नाल बुरी कीती सी। नाले फ़ीस लै लई, नाले चालू भठ्ठी फड़के केस बणा दित्ता, नाले भरी पंचाइत साहमणे कुटाई कर दित्ती। उनहां दा गुस्सा तां ही ठंडा हुंदा सी जे मुनशी नूं सज़ा होवे। जदों मुनशी हंभ गिआ तां नंद लाल नें गवाहां नूं मनाउण वाली घुंडी दस्सी। मुनशी नें उहो बंदा जा फड़िआ। अगली पेशी गवाह मुक्कर गए। मुनशी बरी हो गिआ।
लगदा सी उहो मुलज़म हुण नंद लाल नूं ‘हुरर’ कहि रिहा सी।
“पुत्तरा बापू नूं गोल मोल जवाब नां दे। जे अहिसान नहीं मंनणा तां शाम नूं आपणी फ़ीस लै जाईं। पर गल्ल सही दस्स।”
गुस्से च आए नंद लाल नें मुनशी नूं झिड़किआ।
मुनशी नें दस सौहां खाधीआं। उह सच्च बोल रिहा सी। उसनूं कुझ्झ पता नहीं सी।
“चंगा इउं दस्स बई सही जाणकारी कौण दे सकदा है?”
“भुल्लर, साहिब दा रीडर है। लिखापहड़ी उहो कर रिहा है। उहो भुल्लर जिस उपर रोज़नामचा साड़न दा केस चल्ल रिहा है। तुसीं उसदे वकील हो।”
मुनशी नें रीडर दे नां दे नाल नाल मोबाइल फ़ोन दा नंबर दस्स के नंद लाल दी अड़चन असान कर दित्ती।
भुल्लर नें नंद लाल नूं निराश नहीं सी होण दित्ता।
सरकारी वकील अते मुनशी सच्च बोल रहे सन। हाले तक जो कारवाई होई सी उह ज़ुबानी होई सी। मिसल ठप्प सी। कोई कुझ्झ दस्से तां किस तरहां?
वैसे मामला शीशे वांग साफ़ सी।
पहिलां ठेकेदार मार सहिंदा रिहा। उस नूं कुरसी लाई, घोटा लाइआ, पुठ्ठा लटकाइआ। पर उह टस तों मस नां होइआ। अचानक जदों उसदा भतीजा पुलिस दे हत्थ लग गिआ, उह फोड़े वांग फिस पिआ।
शहिर दे शेरपुर चौंक विचों इक्क बस्स हर रात बिहार नूं जांदी सी। बस्स दे मालकां कोल रूट परमिट नहीं सी। अफ़सरां दी शहि ’ते कंम दो नंबर विच्च हो रिहा सी। बस्स विच्च बहुते भईए चहड़दे सन। बस्स तुरन तों पहिलां पुलिस भईआं उपर सरसरी जिही नज़र मार लैंदी सी।
उस दिन इस वारदात कारन पुलिस नें सटेशन अते बस्स अड्डे उपर सख़त पहिरा लाइआ होइआ सी। शहिरों बाहर जांदी हर कार, बस्स दी तलाशी हो रही सी।
शेरपुर चौंखी दा इंचारज कपतान दीआं हदाइतां दी सख़ती नाल पालणा कर रिहा सी। तलाशी दे बहाने हर भईए दा समान खुल्हवा के दस वीह झाड़ रिहा सी।
इक्क भईए नें जिउं ही इक्क रंगदार टैलीविज़न अते इक्क वी.सी.आर. बस्स दे पिछ्छे बणे बाकस विच्च रख्खिआ झट्ट उसने भईए नूं दबोच लिआ। उस समें उसदी नीअत चार पैसे लै के भईए नूं छड्ड देण दी सी। उसनूं नहीं सी पता कि वड्डी मछ्छी जाल विच्च फस चुक्की सी।
बस्स दे मालकां नें इंचारज दे इस रवई्ईए ’ते इतराज़ कीता। पुलिस नूं फ़ीस इसे खज्जल खुआरी तों बचण लई दित्ती जांदी सी। जे सवारीआं इस तरहां प्रेशान होणगीआं तां कौण उनहां दी बस्स विच्च बैठेगा?
बस्स दे मालक तों खहिड़ा छुडाउण लई चौंकी इंचारज नें उंझ ही बहाना घड़ दित्ता। दीप नगर होई डकैती विच्च इहो जिहे समान दी चोरी होई सी।
साहबि दी सख़त हदाइत सी। इहो जिहा समान लै के घुंम रहे हर बंदे दी पूरी घोख पड़ताल होवे। उह उसे हुकम दी पालणा कर रिहा सी।
मनघड़त कहाणी घड़दे इंचारज नूं फुरना फुरिआ। इह किधरे सच्चमुच्च उहो समान नां होवे।
इंचारज नें भईआ अते समान बस्स विचों उतार लए। उह बिनां पुछ्छ पड़ताल दे भईए नूं नहीं छड्ड सकदा। मालक नूं तकलीफ़ है तां कपतान नाल गल्ल करे।
मालक किसे झंजट विच्च पैण नूं तिआर नहीं सी। भईए नूं उतार के उसने बस्स तोर लई।
तीजी शिफट विच्च भईआ जुरम दा इकबाल करन लग्गा।
आपणे हिस्से आए गहिणे अते कप्पड़े टरंक विचों कढ्ढ के उसने पुलिस दे हवाले कर दित्ते। वारदात समें वरती राड अते आपणे ख़ून नाल लिबड़े कप्पड़े उसने आपणे कुआटर दीआं पिछलीआं झाड़ीआं विचों बरामद करवा दित्ते।
चाचे भतीजे नूं जदों आहमणे साहमणे कीता गिआ तां चाचे दीआं नसां ढिल्लीआं पै गईआं। उसने साज़िश दे सारे वेरवे विसथार पूरवक दस्स दित्ते।
पुलिस दी इक्क पारटी दोशीआं नूं फड़न लई बिहार लई रवाना हो गई सी। दूजी पारटी पंकज होरां उपर नज़र रख्ख रही सी।
“लै बई सेठ अजे कुमार! कहाणी साफ़ हो गई। आपणा नां मिसल ’ते आ चुक्का है।”
रीडर तों सारा वेरवा लै के नंद लाल दे चिहरे ’ते चिंता दी थां खुशी दे चिंनह उभरे सन। उसनूं आपणी कारगुज़ारी ’ते फ़खर हो रिहा सी। नंद लाल जे सुराग़ नां कढ्ढदा तां पुलिस नें दोहां भरावां नूं सुत्तिआं नूं दबोच लैणा सी।
साल भर उनहां नूं जेल्ह दी हवा खाणी पैणी सी।
पेशगी ज़मानत दी दरख़ासत हुण लाउणी ही पैणी सी।
दरख़ासत दा मज़मून तिआर करन तों पहिलां नंद लाल नूं सारी वारदात दा वेरवा चाहीदा सी।
दोशीआं नें आपणे जुरम दा इकबाल करना सी। इह इकल्ले वकील दी हाज़री विच्च होणा चाहीदा सी। होरां साहमणे कीता इकबाल उनहां विरुध्ध वरतिआ जा सकदा सी।
सच्च जानण लई नंद लाल दोहां भरावां अते अजे नूं नाल दे कमरे विच्च लै गिआ।
“तुसीं मुकद्दमे विच्च फस गए हो। मैं वकील दे नाते तुहाडा बचाअ करना है। मेरे कोलों गल्ल छुपाउणी नहीं। दाई कोलों पेट नहीं छुपाइआ जा सकदा।
मैं सारे पख्ख जाण के ही कोई सफ़ाई पख्ख घड़ सकांगा। इस लई सच्च सच्च दस्सणा।”
“इक कानूंनी नुकता होर दस्स दिआं। कानूंन तुहानूं मेरे अग्गे ढिड्ड फरोलण दा हक्क दिंदा है। मेरे उपर कानूंनी पाबंदी है। तुहाडे इस इकबाल नूं मैं तुहाडे विरुध्ध कदे नहीं वरत सकदा। तुहाडा वकील नां रहिण पिछ्छों वी नहीं।”
सच्च इह सी कि पंकज होरां नें इक्क साज़िश घड़ी सी। पर इरादा इडा भाणा वरताउण दा नहीं सी। उह मूंह फट्ट चाची अते सप्प वांग फन्न चुक्क रहे कमल नूं थोहड़ा जिहा सबक सिखाउणा चाहुंदे सन। नां उनहां नूं चाचे नाल गिला सी, नां नेहा नाल। नेहा दी इज़्ज़त उनहां दी इज़्ज़त सी।
लगदा सी ठेकेदार लालच विच्च आ गिआ सी। वाअदे मुताबक ठेकेदार नें वारदात विच्च शामल नहीं सी होणा। लग्गदा सी उह इक्क बंदे दे पैसे बचाउणा चाहुंदा सी। हथिआर अते कप्पड़े खरीदण लई उसनूं पंज हज़ार अलग्ग दित्ता गिआ सी। लालच च आए ठेकेदार नें उह रकम जेब विच्च पा लई अते जांदा होइआ फैकटरी विचों राड चुक्क के लै गिआ।
कमल दा कतल किउं होइआ? नेहा दी इज़्ज़त किउं लुट्टी गई? इस बारे उह कुझ्झ नहीं दस्स सकदे। इनहां घटनावां ’ते उनहां नूं शरम वी आ रही सी अते पछतावा वी हो रिहा सी।
“भैड़े दिन किसे नूं पुछ्छ के नहीं आउंदे। जो होणा सी हो गिआ। हुण भाणा मंनो। मैं आपे तुहाडा बचाअ कर लवांगा।”
घबराए भरावां दा हौंसला वधा के नंद लाल ज़रूरी कानूंनी नुकते समझाउण लग्गा।
“मुकद्दमा लड़न दे तिंन सुनहिरी असूल हन। इह याद कर लओ। मुकद्दमे वाली जोक कई साल तुहाडा ख़ून पीएगी। इह नुकते याद रहे तां सौख रहेगी।”
“पहिला नुकता इह है कि जिस बंदे नूं वी अग्गे लाओ उस ’ते पूरा भरोसा रख्खो। इथे मिंट मिंट ’ते पैर तिलकदा है। किसे मदद कर रहे अफ़सर दी मजबूरी हो जावे इह नां समझणा कि उह गदारी कर गिआ।
“दूजा नुकता है सबर रख्खण दा। फौजदारी मुकद्दमिआं विच्च नतीजे हौलीहौली निकलदे हन। तत्ता लक्कोगे तां जीभ सड़ेगी।
“तीजा नुकता इह है कि तुहाडे कोल पैसे हन। इस नूं दिल खोल्ह के वरतो।
मुकद्दमे दी खेड सप्प सीड़ी वाली खेड है। पता नहीं कदों बाज़ी नड़िनवें दे हिंसे ‘ते पुज्ज के जित्त वल्ल जाण दी थां किसे सप्प दे मूंह विच्च पै के सिफ़र वाले अंनहे खूह विच्च जा डिग्गे। इह नां समझणा विचकारला बंदा पैसे आप खा गिआ।
हौंसला रख्ख के खेड इक्क वार फेर सिफ़र तों शुरू करो। देखणा अख़ीर कामयाबी तुहाडे पैर चुंमेगी।”
“इसे तरहां करांगे।”
नंद लाल दा उपदेश पंकज होरां नूं अंम्रित बाणी वांग लग रिहा सी।
उनहां नें इक्क इक्क नुकता गहु नाल सुणिआ अते आपणे दिमाग़ वाले कंपिऊटर विच्च ‘लाक’ कर दित्ता।
“हुण सुणो अगली गल्ल। मुकद्दमे नाल सबंधत हर अहिलकार नूं मैं संभाल लवांगा। अफ़सरां दे बंदे दस्सांगा। अफ़सरां तक पहुंच करनी तुहाडा कंम है।
कोई हीला नां बणे हत्थ खड़े कर देणा। फेर मैं जाणां मेरा कंम जाणे।
“सैशन जज्ज तक पहुंच करो। पुलिस ते दबाअ पाओ। तुहाडा बहुत रसूख़ है। सिआसी बंदे फड़ो। रिशतेदार अफ़सरां तों फ़ोन कराओ। हाले कुझ्झ नहीं विगड़िआ। तफ़तीश इथे रुक सकदी है।
“ठेकेदार नें आपणा वकील इक्क भईए नूं कीता है जिस नें हिंदी विच्च कानूंन पहड़िआ है। पहड़िआ है जां उंझ ही डिगरी लै आइआ इह वी पता नहीं है। ठेकेदार दा मुकद्दमा जे उस वकील नें लड़िआ तां ठेकेदार नालों वध्ध नुकसान आपणा होवेगा। ठेकेदार दा होर पुलिस रिमांड नां मिले अते तफ़तीश जिथे है उथे ही खड़ो जावे इस लई ठेकेदार वल्लों उच्च कोटी दा वकील पेश होणा चाहीदा है। इस दा इंतज़ाम सानूं करना चाहीदा है।”
नंद लाल ठेकेदार दा वकील नहीं बण सकदा। उह पंकज वल्लों पेश होएगा।
ठेकेदार अते पंकज दोहां वल्लों पेश होण नाल उनहां दोहां विचली साज़िश जग्गर होएगी। जज्ज नूं शक्क होणा सी ठेकेदार कोल नंद लाल दी फ़ीस चुकाउण दी परोखों किथों आ गई? उसने अंदाज़ा लाउणा सी, ठेकेदार दी फ़ीस पंकज नें दित्ती होणी है। इह शक्क उनहां नें जज्ज दे दिमाग़ विच्च आउण नहीं सी देणा।
ठेकेदार दा वकील अजिहा कीता जावे, जिसदा सबंध नंद लाल दे चैंबर नाल नां होवे।
नंद लाल नें वकील दा नां आप सुझाअ दित्ता। बाहर बैठा सिंगला उसदा वकील होएगा।
ठेकेदार दे भतीजे लई कोई तीसरा वकील कीता जावे। भतीजे दा वकील जे सिंगला बणाइआ गिआ तां चाचे भतीजे दी सांझ साबत होएगी।
नंद लाल दीआं नसीअतां पंकज होरां नूं दुध्ध घिओ दीआं नालां वरगीआं लग्गीआं। मन ही मन उह अजे दी चोण दी दाद देण लग्गे। उनहां नूं यकीन होण लग्गा, नंद लाल दे हुंदिआं उनहां दा वाल वी विंगा नहीं होण लग्गा।
राहत महिसूस करदे नीरज नें नंद लाल दे हर हुकम ’ते फुल्ल चहड़ाउण दा वाअदा कीता। पैसे दी उनहां कोल कमी नहीं सी। पैसा उह पाणी वांग वहा देणगे। नंद लाल उनहां दे मुकद्दमे दी वागडोर संभाले। उनहां नूं मुकती दा राह दस्से।
नंद लाल नें घड़ी देखी। उसनूं फैकटरी आइआं दो घंटे हो गए सन। उसदा काफ़ी वकत ख़रच हो चुक्का सी।
पंकज होरे पूरी तरहां नंद लाल उपर धिज्ज चुक्के सन। नंद लाल नें ताड़ लिआ। हुण तवा पूरा गरम सी। रोटी सेक लैणी चाहीदी सी।
“चंगा हुण मैं चलदा हां। अध्धी फ़ीस मैनूं मिल गई। दफ़तर जा के मैं अरज़ी पत्तर तिआर करदा हां। घंटे कु नूं आ के नाले कागज़ां पत्तरां ’ते दसतख़त कर देणा नाले बाकी फ़ीस पुजदी कर देणा।”
“ठीक ए सर!”
“इक्क आख़री नुकता होर। इथे इक्क सैशन जज्ज है अते पंज अडीशनल सैशन जज्ज। इक्क नूं छड्ड के बाकी सभ नाल आपणी सूत है। जे दरख़ासत उनहां विचों किसे कोल लग गई, फेर आपां नूं किधरे होर जाण दी लोड़ नहीं पैणी।
तुसीं कोशिश करके उनहां विचों किसे इक्क कोल लगवा दिओ।”
“दस्सो किस नूं आखीए?” नीरज नें उतावला पैंदे पुछ्छिआ।
“सैशन जज्ज नूं। होर किस नूं।”
“उस नूं किस तों अखवाईए? कचहिरी दे बंदिआं नाल साडा वाह वासता नहीं है।” सैशन जज्ज दा नां सुणदे ही दोहां भरावां दे चिहरे उत्तर गए।
“मैं मसां तुहाडा मूड ठीक कीता सी। तुसीं फेर मूंह लटका लए। सैशन जज्ज तक पहुंच नहीं हुंदी नां सही। सुपरडैंट नूं टिका लओ।”
नंद लाल हौली हौली आपणा शकंजा कस्स रिहा सी।
“तुसीं सानूं चक्कर विच्च नां पाओ। आपे करो सभ कुझ्झ। सानूं बस खरचा दस्स दिउ।” अजे नें जो हुण तक चुप्प बैठा सी दखल दित्ता।
इहो नंद लाल चाहुंदा सी।
“तुसीं हुकम करो किस नूं की देणा है?” नोटां वाली गुट्टी जेब विचों कढ्ढ के पंकज नें पुछ्छिआ।
कोई होर वकील होवे वीह हज़ार दा बिल्ल बणा देवे। तुसीं मैनूं सणे सरकारी वकील बारां हज़ार दे देवो। हिसाब मावां धीआं दा। जो बचिआ पैसा पैसा वापस हो जाएगा।”
उंगलां दे पोटिआं ’ते हिसाब ला के नंद लाल नें खरचा जोड़िआ।
“तुसीं पैसे दी परवाह नां करो। पंज दी थां पंजाह खरचो। बस्स पुलिस साडे दरां ’ते नहीं आउणी चाहीदी।”
आखदे पंकज नें बारां दी थां पंदरां हज़ार नंद लाल दे हवाले कर दित्ता।
“पुलिस दी मां दी ऐसी तैसी। आ जाणा शाम नूं। नाले दसतख़त कर देणा। नाले फ़ीस पुजदी कर देणा।”
तीजी वार फ़ीस दी याद करवा के नंद लाल बाहर निकलिआ।
“सिंगला, तूं ठेकेदार दा वकील बणीं।”
गेट तक छड्डण आए सिंगले नूं पिठ्ठ थापड़ के अशीरवाद दिंदे नंद लाल नें अहिसास करवाइआ जिवें उस नें सिंगले नूं इस केस विच्च वकील नियुकत करवाइआ सी।
-18-
नंद लाल दे फैकटरी रहिण तक शिशटाचार भारू रिहा सी। उह सीनीअर वकील सी। उसनूं गुस्सा बहुत आउंदा सी। दूजी वारी कोई सवाल पुछ्छ लए उह लिफाफा वगाह के मारदा सी।
इसे डरों किसे नें उस नाल खुल्ह के गल्ल नहीं सी कीती।
सिंगला उनहां दे हाण दा सी। दोसत मित्तर सी। उस नाल दिल दी गल्ल हो सकदी सी।
बाबू जी दे जाण बाअद खुल्ल्ह के गल्लां होण लग्गीआं।
“बाबू जी बड़े चालू पुरजे हन। फ़ीस तों इलावा होर किंनी कुंडी ला गए?”
सिंगले नें मित्तरां नूं चौकस करन अते उनहां दे मनां विच्च आपणी थां बनाउण दी नीअत नाल पुछ्छिआ।
नंद लाल नें अजे दा मूंह बंनहिआ सी। इस पंदरां हज़ार बारे किसे नाल गल्ल नां कीती जावे। रिशवत दा मामला सी। गल्ल बाहर निकलण ’ते फ़ाइदा घट्ट अते नुकसान व ् होणा सी। बदनामी तों डरदा अफ़सर कंम उलटा कर सकदा सी।
उह भेत खोल्हे जां नां। अजे दोचित्ती विच्च सी।
विने भांप चुक्का सी कि दाल विच्च कुझ्झ काला है। उह सिंगले दी धांक जमाउण लई राज़ उगलाउण दा यतन करन लग्गा।
“थोहड़े जिहे लए हन। कलरकां मुनशीआं लई।”
पंकज नें चुप्प तोड़ी।
“बड़ा खरांट है बुहड़ा! डेढ लख्ख लै के सबर नहीं आइआ। फाईव सटार वकील है। अहिलकारां दी फ़ीस वी फाईव सटार रेट दे हिसाब नाल लई होएगी।”
सिंगले दे हत्थ नंद लाल दी कमज़ोरी लग चुक्की सी। इस कमज़ोरी नूं जग्गर करके उह दूहरा फ़ाइदा उठाउणा चाहुंदा सी। पहलिा, उसने पंकज होरां नूं नंद लाल दी लुट्ट तों बचा लैणा सी। दूजा, उसने उनहां नूं आपणे ’ते धिजा लैणा सी। अजिहे केस विच्च पैसा पाणी वांग वहिंदा है। हर मुकाम ’ते पैसे चहड़ने सन। हर मुकाम ’ते विचोलिआं नूं हिस्सा पत्ती मिलणा सी। सिंगला नंद लाल वांग मूंह मंगी फ़ीस नहीं सी लै सकदा। उसने आपणा घर हिस्से पत्तीआं नाल पूरा करना सी। इस लई असामी दा नंद लाल नालों मोह भंग होणा ज़रूरी सी।
“देखो कंम होण ’ते आपां नूं लै दे करनी पएगी। कलरकां अरदलीआं नें मेरे पिछ्छे फिरनै। दूहरी फ़ीस आपां देणी नहीं। मैनूं दस्सो किस किस दे नां दे किंने किंने लै गिआ? उनहां नूं मैं बाबू पिछे ला देवांगा।”
सिंगला वकीलां वालीआं चलाकीआं वरत के मसले दी तैअ तक जाण लग्गा।
“पंदरां हज़ार लै गए। कहिंदे हन सुपरडैंट नाल गल्ल करनी है। दरख़ासत मरज़ी दे जज्ज कोल लगवाणी है। होर कईआं दे नां लैंदे सन। सानूं की पता है कौण की हुंदा है?”
नीरज लको रख्खण दे हक्क विच्च नहीं सी। दोवें उनहां दे वकील सन। गल्ल सपश्शट होणी चाहीदी सी।
“कर दित्ती नां उहो गल्ल। सारा खरच पंज सौ दा है। सुपरडैंट नूं फ़ीस देवो जां नां इको गल्ल है। दरखासतां जज्ज आप जज्जां कोल भेजदा है। इक्क सटैनो, दो अहिलमद्द। रीडर अते चपड़ासी। सभ पंजाह पंजाह दी मार। बहुती तेज़ी होवे तां सौ। चलो कोई नहीं। अग्गों तों चौकस रहिणा। जे बाबू जी किसे अहिलकार दे नां दे पैसे मंगण, आख देणा सिंगले नें गल्ल कर लई है। आपे पिछ्छों लहि जाएगा। नहीं तां दाहड़ी नालों मुछ्छां वड्डीआं हो जाणगीआं। इक्क वार मूंह पै गिआ पिछ्छों जवाब देणा औखा हो जाएगा। मैं तुहानूं सावधान करके आपणा फरज़ निभाअ दित्ता। अग्गे तुहाडी मरज़ी।”
“गल्ल सिआणी है।”
आखदा पंकज शशोपंज विच्च पै गिआ। उह किस दी गल्ल मंने। दोवें दरुसत लगदे सन। ख़ैर! जदों उख्खली विच्च सिर आ गिआ तां मूंगलीआं दा की डर?
सोच के पंकज नें गल्ल अग्गे तोरी।
“पैसिआं दा झंजट छड्डो। जिहड़े तुहाडे कोलों मंगणगे उनहां नूं तुसीं दे दिओ। दस वीह हज़ार होर लग जाएगा। इह दस्सो पेशगी ज़मानत मिल वी जाएगी?”
“सच्ची गल्ल समझ लओ। अख़बारां विच्च बहुत ख़बरां लग गईआं हन।
यूनीवरसिटी विच्च हड़ताल है। शहिर विच्च जलूस निकल रिहा है। इस सभ दा जज्जां ’ते असर पएगा। पुलिस साडी सहाइता करनों घबराएगी। हाले बज़ार गरम है। फेर वी आपां हिंमत नहीं हारनी। मिली असफ़लता तों घबराउणा नहीं। बड़े राह हन कामयाबी तक पुज्जण दे। सैशन जज्ज वधीआ बंदा है।
दरख़ासत आपणे कोल रख्ख लए, चंगा है। उह किसे दबाअ अग्गे नहीं झुक्कदा।”
“सैशन जज्ज दा कोई बंदा?”
“सच्ची गल्ल इह है कि उसदा कोई बंदा नहीं। हिक्क थापड़ के उस तों कंम कराउण दे दाअवेदार बथेरे मिलणगे पर उस दी कोठी वड़न दी किसे दी हिंमत नहीं। इह मसला रब्ब ’ते छड्ड देवो।”
“होर की कीता जावे?”
“फौरी करन वाली गल्ल इह कि किवें नां किवें पुलिस तक पहुंच कीती जावे। पुलिस कपतान नूं बंनहिआ जावे। फेर रैंक मुताबक छोटे थाणेदारां दी मुठ्ठी गरम कीती जावे। हर रुतबे दी आपणी अहिमीअत है। सभ दा माण करो।”
“पुलिस कपतान दा कोई सही बंदा?”
“बंदे उसदे बथेरे हन। पर जे मेरी मंनणी है तां सिध्धी पहुंच करो। जे किसे सिआसी बंदे जां रिशतेदार दे पिछ्छे भज्जे, नाले खज्जल ख़ुआर होवोगे नाले वध्ध ख़रच हो जाएगा। सिफारशी पहिलां आपणा ढिड्ड भरेगा। सिधे जाउगे, अफ़सर खुश होएगा।”
“सिध्धे किवें जाईए? उह कपतान है। फड़ के अंदर कर दिऊ।”
“मेरा मतलब इंझ सिध्धे जाण तों थोहड़ा है। मतलब है सिफारश दी थां दलाल फड़ो।”
“दलाल दस्सो कौण है?”
“चुप्प करके मेलू डेअरी वाले कोल चले जाओ। उह साफ़ सुथरा बंदा है।
दस हज़ार आप लएगा। मूंहों मंग के। गल्ल जो करेगा सौलां आने सही होएगी।
तुहाडे बंदे नूं नाल लै के जाएगा। गल्ल मूंह ’ते करेगा। तुहाडे हत्थीं पैसे दिवाएगा। अग्गे पिछ्छे लोड़ पई नाल जाएगा।”
“ठीक है। असीं हुणे उस कोल जांदे हां।”
“जाओ। कोई दिक्कत आवे मैनूं फ़ोन कर देणा। रात नूं दस वजे बाअद मैं फ़ोन बंद कर दिंदा हां। अज्ज खुल्ल्हा रख्खांगा। जदों मरज़ी उठा लैणा। हुण मैं चलदा हां। सरकारी वकील मैनूं उडीक रिहा होणा है।”
घड़ी देखदा सिंगला घर जाण लई उठ्ठ खड़ोता।
“बैठो सिंगला साहिब! तुसीं आपणी फ़ीस दस्सी नहीं। चार घंटे हो गए मगज़ खपाई करदिआं नूं।”
सिंगले दा हत्थ फड़ के बैठाउंदे अजे नें उसनूं रोकिआ।
अंनहा की भाले दो अख्खां? होर सिंगले नूं की चाहीदा सी?
“फ़ीस आपणिआं तों थोहड़ा लईदी है। इह मेरा आपणा कंम है।”
मुड़ कुरसी संभालदे सिंगले नें मलवीं जीभ नाल दोसतां दा मान रख्खिआ।
“घोड़ा घाह नाल दोसती पाएगा तां खाएगा की? आपणे कोल यारां दोसतां नें आउणै। यारी दोसती इक्क थां। कारोबार दूसरी थां। तुसीं आपणी फ़ीस दस्सो।”
विने सिंगला दा पख्ख पूरन लग्गा।
“मंगणा मैं की है! जिहड़े देवोगे चुप्प करके जेब विच्च पा लवांगा।”
“फेर वी कुझ्झ तां दस्सो?” पंकज नें पंज पंज सौ दे नोटां वाली गुट्टी जेब विचों कढ्ढ के हत्थ विच्च फड़दिआं पुछ्छिआ।
सिंगला किंनी फ़ीस मंगे उस नूं सुझ नहीं सी रिहा। गिआरां हज़ार उस दी वध्ध तों वध्ध फ़ीस सी। आम तौर ’ते उस नूं पचवंजा सौ मिलदा सी। घट्ट वी चल्ल जांदी सी। इथे घट्ट मंगे जां वध्ध? उह किसे नतीजे ’ते नहीं सी पुज्ज रिहा।
“मैं किहड़ा बाबू जी हां कि लख्खां विच्च मंगांगा। मैनूं उनहां दा मुनशीआना दे देणा। होर दस्सो!”
“जानी पंदरां हज़ार!” विने नें दस फीसदी दे हिसाब नाल हिसाब ला के आखिआ।
“लओ बाई हज़ार!” पंकज नें पंज पंज सौ दे चुताली नोट सिंगले दी जेब विच्च पा दित्ते।
“सरकारी वकील दा खरचा वी लै लओ।”
“किउं छित्तर मारदे हो! हर रोज़ इकठ्ठे खांदे पींदे हां।”
सिंगला मिली फ़ीस तों संतुशट सी। उह भुख्ख दिखा के आपणा वकार नहीं सी घटाउणा चाहुंदा।
“कोई होर सावधानी?”
“मेरा खिआल है आपां नूं कोई ख़तरा मुल्ल नहीं लैणा चाहीदा। घर विच्च जे कोई गलत चीज़ पई है उसनूं इधर उधर कर दिओ। पुलिस दा कोई वसाह नहीं। घरों कोई होर चीज़ नां मिले तां विसकी दा केस पा देवे। फड़े दसतावेज़ां नूं इनकम टैकस वालिआं कोल भेज देवे। घर पए कैश नूं हवाले दी रकम बणा के कोई नवीं मुसीबत गल पा देवे। असला, विसकी, सोना, कैश सभ खिंडा देवो।”
सिंगले दी इस राए नें दोसतां दे दिल मोह लए।
घर विच्च अजिहा बहुत कुझ्झ पिआ सी। इह सभ ग़ैर कानूंनी सी, इह किसे दे धिआन विच्च नहीं सी।
तुरंत सिंगले दी हदाइत ’ते अमल होइआ। नीरज नें घर फ़ोन खड़काइआ। सारा वाधू समान रिशतेदारां दे घर पहुंचा दिओ।
-19-
सिंगले नूं तोर के सारे मित्तर सिर जोड़ के बैठ गए।
वकीलां कोलों मिले सुझावां उपर विचार होण लग्गी।
सिंगला कहिंदा सी, सैशन जज्ज तक पहुंच करन दी लोड़ नहीं। नंद लाल दी सलाह उलट सी। सिंगला कहिंदा सी सैशन जज्ज किसे दी मंनदा नहीं। नंद लाल कहिंदा सी किधरे होर दाल नां गली तां मेरे कोल आ जाओ।
सिंगला नंद लाल दीआं फहड़ां बारे उनहां नूं सुचेत कर चुक्का सी। बाबू दे उच्चे रेटां बारे उनहां नूं पहिलां तजरबा हो चुक्का सी।
फेर कीता जावे तां की? बाबू दी मंनी जावे जां सिंगले दी।
सोच विचार के विचकारला राह लभ्भिआ गिआ। सैशन जज्ज तक पहुंच ज़रूर कीती जावे। पर किसे दलाल दे धक्के नां चहड़िआ जावे। कोई निज्जी दोसत फड़िआ जावे।
कई नां विचारे गए। सहिमती हाई कोरट दे रजिसटरार प्रताप सिंघ दे नां ’ते होई।
कुझ्झ साल पहिलां उह माइआ नगर विच्च अडीशनल सैशन जज्ज लग्गा होइआ सी। मोहन लाल नाल उसदी दोसती सतलुज कलब्ब विच्च होई सी।
उनहीं दिनीं मोहन लाल इक्क नवीं कालोनी उसार रिहा सी। मोहन लाल जदों कोई नवीं कालोनी उसारदा सी तां कुझ्झ चुनवें पलाट अफ़सरां लई राखवें रख्खदा सी। पहिला किसे सैशन जज्ज लई, दूजा पुलिस कपतान जां उस तों किसे वड्डे अफ़सर लई। तीजा, तहिसीलदार, ऐस.डी.ऐम.जां डी.सी.लई। चौथा इनकम टैकस दे किसे अफ़सर अते पंजवां मिऊंसपल कारपोरेशन दे मेअर जां कमिशनर लई। लोड़ अनुसार वाध घाट वी हो जांदी सी।
इंझ मोहन लाल आपणी इक्क नीती तहित करदा सी। इस नीती तहित सभ नूं फ़ाइदा हुंदा सी।
अफ़सरां दा काला धन खप जांदा सी। मुनाफ़ा वी चंगा हो जांदा सी।
मोहन लाल अफ़सरां कोलों ज़मीन दी लागत लैंदा सी। कालोनी दे विकास उपर होए खरचे दी वी उनहां नूं छोट हुंदी सी।
इवज विच्च मोहन लाल नूं आपणे प्रोजैकट विच्च निवेश करन लई खुल्हा पैसा मिल जांदा सी। लोड़ पैण ’ते अफ़सर घट्ट विआज ’ते रकम दे बोरे उस वल्ल भेज दिंदे सन।
अफ़सरां नूं पलाट देण दा मोहन लाल नूं इक्क होर वड्डा फ़ाइदा हुंदा सी। जे कालोनी बज़ार दे भाअ ज़मीन खरीद के उसारी जावे फेर खट्टण नूं कुझ्झ नहीं सी। मोहन लाल नूं दो पैसे तां टक्करदे सन जे कोई झगड़े वाली ज़मीन कौडीआं दे भाअ मिले। कौडीआं दे भाअ मिली ज़मीन मुकद्दमिआं दी खाण हुंदी सी। कदे कोई वारिस बंदी लै आउंदा, कदे कोई पुलिस चहड़ा लिआउंदा। कोई इनकम टैकस वालिआं नूं चिठ्ठी पा दिंदा, कोई चहड़दे इंतकाल विच्च टंग अड़ा दिंदा।
जिस महिकमे वल्लों कोई अड़चण हुंदी मोहन लाल उसे महिकमे दे अफ़सर नूं अग्गे कर दिंदा। आपणा हित कालोनी नाल जुड़न करके अफ़सर आपे मसला सुलझा दिंदा। कई कंम अफ़सरां दी आपणी कलम नाल हो जांदे। बाकी नाल दे अफ़सरां कोलों करवा लैंदे।
मोहन लाल दी इस हुशिआरी कारन उसदी कालोनी दी उसारी विच्च कदे कोई विघन नहीं सी पिआ। इस विउपार विच्च उसदी चंगी भल्ल सी। कालोनी कट्टी पिछों जांदी, विक पहिलां जांदी।
प्रताप सिंघ नूं मोहन लाल नें चार सौ गज्ज दा इक्क पलाट अते तिंन दुकानां दित्तीआं सन।
नवीं कालोनी दे पहिलां विकदे पलाटां दी कीमत घट्ट पैंदी सी। जिउंजिउं पलाट विकदे जांदे सन, तिउं तिउं मुल्ल वधदा जांदा सी। जदों पलाट कोठीआं विच्च बदल जांदे, मुल्ल असमान छोहण लगदे।
प्रताप सिंघ नूं किहड़ा पैसे दी घाट सी। उनहां नें आपणा पलाट सभ तों पिछ्छों वेचिआ सी। उनहां नूं लख्खां रुपए मुनाफ़ा होइआ सी। दुकानां हाले कोल सन। पंजाह हज़ार वाली दुकान पंज लख्ख दी होई पई सी।
इहो नहीं, मोहन लाल नें अजिहे कई होर फ़ाइदे उनहां नूं पहुंचाए सन।
दोसती परिवारक सांझ विच्च बदल गई सी। किसे ऐतवार मोहन लाल समेत परिवार प्रताप सिंघ दी कोठी हुंदा, किसे ऐतवार प्रताप सिंघ उनहां दी कोठी।
जदों प्रताप सिंघ बदल के गिआ फेर वी लंघदे वड़दे गेड़ा मार के जांदा सी। बहुत आउण जाण मोहन लाल दी मौत बाअद घटिआ सी। हाले वी दुसहिरे, दिवाली नूं पंकज हाज़री लगवा के आउंदा सी। परिवारक संबंध उसे तरहां काइम सन।
मोहन लाल दे होर जज्जां नाल वी संबंध सन पर ज़िआदा विशवास उह प्रताप सिंघ ’ते करदा सी।
प्रताप सिंघ विच्च इक्क वाधा सी। उह आपणे अफ़सरां नाल बणा के रख्खदा सी। अफ़सरां दी कोठी गेड़ा मारदा सी। बच्चिआं नूं ख़रीदो फ़रोखत करवाउंदा सी। अफ़सरां दे बैडरूम तक उसदी पहुंच सी।
प्रताप सिंघ दे इसे गुण कारन हाईकोरट दे कुझ्झ जज्जां नें चीफ़ कोल सिफ़ारश करके उस नूं हाईकोरट बुलाइआ सी। उह दफ़तर घट्ट, अफ़सरां दीआं कोठीआं विच्च वध्ध जांदा सी। उसदे हुंदिआं अफ़सरां नूं निज्जी कंम दा फ़िकर नहीं सी रहिंदा। किसे जज्ज दी कुड़ी दी शादी होवे तां टैंट तों लै के दाज तक सारी ज़िंमेवारी उसदे मोढिआं ’ते हुंदी सी।
बदले विच्च जज्ज उसदे इशारिआं ’ते नच्चदे सन।
उह हाईकोरट दा रजिसटरार सी। उसदी आपणी ताकत घट्ट नहीं सी।
हेठले जज्जां दी जान उसदी मुठ्ठी विच्च हुंदी सी। बदलीआं, तरक्कीआं, शकाइतां, सभ उसदे हत्थों निकलदीआं सन। राई दा पहाड़ बनाउणा अते पहाड़ दी राई बनाउणी उसदे हत्थ सी। रजिसटरार दा आखा मोड़ना सौखा नहीं सी। फेर प्रताप सिंघ वरगे धड़ल्लेदार अफ़सर दा।
नीरज चाहुंदा सी, प्रताप सिंघ नाल गल्ल फ़ोन ’ते कीती जावे।
अजे नें नीरज दी नादानी ते उसनूं झिड़किआ। इह बच्चिआं वाली खेड नहीं सी। पंकज अते नीरज हुण मुलज़म सन। निआंपालिका दे कंम विच्च दख़ल अंदाज़ी सौखा कंम नहीं सी। फूक फूक के कदम चुक्कणे पैणे सन। अफ़सर दी इज़्ज़त दा ख़िआल सभ तों पहिलां रख्खणा पैणा सी।
फ़ोन करके मिलण दा समां लिआ जावे। मिलिआ चंडीगहड़ जा के जावे।
कोठी दी थां किसे होटल जां कलब्ब विच्च।
मुलाकात समें धिआन रख्खिआ जावे। कमरे अते खाणे दा बिल्ल किसे होर दे नां कटवाइआ जावे।
तजरबे दे आधार ’ते अजे जज्जां नूं मिलदे समें वरतीआं जाण वालीआं सावधानीआं बारे उनहां नूं सुचेत करन लग्गा।
अजे इह सभ इस लई आख रिहा सी किउंकि अजिही इक्क अणगहिली कारन उसदा इक्क रिशतेदार नौकरी तों हत्थ धो बैठा सी।
अजे दे साले दे सांढू नौहरीआ राम नें इक्क कतल केस दा फैसला करना सी। दोवें पारटीआं करोड़पती सन। पैसिआं दे बरीफ़ केस भरी फिरदीआं सन।
जज्ज सारी उमर ईमानदार रिहा सी। रिटाइरमैंट नेड़े आ रही सी। दोशी वैसे वी बरी करने सन। उनहां वल्लों पंजाह लख्ख दी पेशकश आ चुक्की सी। दस वीह होर वध सकदे हन। विचोलगी इक्क साथी जज्ज कर रिहा सी। मामला पूरी तरहां गुपत रख्खिआ जा रिहा सी। साथी जज्ज दी इको शरत सी। नहौरीआ राम जां उसदी पतनी इक्क वार असामी नूं मिल लैण। ‘पैसे आ गए’ आख देण। इस तरहां होण नाल तिंनां धिरां दे दामन साफ़ रहिणे सन। किसे उपर किसे नूं शक्क नहीं सी रहिणा।
मोटी रकम दा लालच जज्ज तों तिआग नां होइआ। सठ्ठ लख्ख विच्च उसने हां कर दित्ती।
जज्ज दा छोटा भरा फ़रीदाबाद रहिंदा सी। उथे इक्क तिंन तारा होटल विच्च कमरा बुक्क कराइआ गिआ। जज्ज नें सोचिआ सी उथे तक किस मोए नें पिछ्छा करना सी।
असामी नूं किहड़ा सुपना आउंदा सी कि पिछ्छा हो रिहा है। उनहां नें होटल वालिआं कोल होटल आउण दा मकसद जज्ज नूं मिलणा लिखवा दित्ता।
मुलाकात होई।
बिल्ल पारटी नें चुकाउणा सी। चुका दित्ता।
विरोधी धिर नें खोज कढ्ढ लई।
होर सभ सबूत जज्ज दे हक्क विच्च सन। केस कमज़ोर सी। दोशीआं दा बरी करना जाइज़ सी। पर जज्ज नें मुलज़मां नाल होटल विच्च मुलाकात किउं कीती?
कमरे अते खाणे दा खरचा मुलज़म नें किउं चुकाइआ? नौहरीआ राम कोल इनहां दोशां दा कोई सपश्शटीकरन नहीं सी।
“किसे जज्ज कोलों कंम लैणा है तां धिआन नाल लिआ जावे। इह नां होवे कि आपणे नाल नाल दोसत अफ़सरां दा नुकसान हो जावे।”
अजे दे मशवरे अनुसार प्रताप सिंघ नाल फ़ोन ’ते गल्ल होई।
चंडीगहड़ जाण दा ज़िंमा अजे अते पंकज नें लिआ। अजे नूं चीफ़ जसटिस दा प्राईवेट सैकटरी वी जाणदा सी। उसने अजे दे कई अड़े गड्डे कढ्ढे सन।
उस नाल वी मुलाकात कीती जाएगी।
नीरज अते विने पिछ्छे रहि के पुलिस नूं संभालणगे।
अगले दिन दोबारा मिलण दी योजना बणा के उह विछड़ गए।