-40-

 

रसते विच्च प्रताप सिंघ दा फ़ोन आ गिआ। उह वासूदेवा वकील दी कोठी उनहां दा इंतज़ार कर रिहा सी।

वासूदेवा नें गरमजोशी नाल उनहां दा सवागत कीता।

प्रताप सिंघ दूजी मंज़ल उपर बणे गैसट हाऊस विच्च बैठा उनहां दा इंतज़ार कर रिहा सी। पंकज नूं साहिब कोल पहुंचाइआ गिआ।

सभ कोल समां घट्ट सी। बाकी दे साथीआं नूं वासूदेवा दे दफ़तर बैठाइआ गिआ। जिंना चिर साहिब अते पंकज विचकार गल्लबात होवे उना चिर सिंगला वासूदेवा नूं केस समझावे। दरख़ासत लिखाउण विच्च उसदी मदद करे।

प्रताप सिंघ जिस कमरे विच्च बैठा सी, उथे केवल छे बंदिआं दे बैठण दा इंतज़ाम सी। दो दो सीटां वाले दो सोफ़े आहमणे साहमणे पए सन। विचकार इक्क टेबल सी। साईडां उपर दो पुराणे ज़माने दीआं टाहली दीआं कुरसीआं पईआं सन। कमरे विच्च इंनी कु रोशनी सी कि मुशकल नाल इक्क दूजे दे चिहरे पहिचाण विच्च आउंदे सन।

सैंटर टेबल उपर पए निक्क सुक्क तों लग्गदा सी जिवें विसकी दा दौर चल्ल रिहा सी।

प्रताप सिंघ नें खहड़ा हो के पंकज दा सवागत कीता। आपणे नाल वाली कुरसी ’ते उसनूं बैठाइआ। ख़ुद पैग बणा के उसनूं पेश कीता।

“मैनूं अफ़सोस है आपां सैशन कोरट विच्च कामयाब नहीं हो सके। मैं कोशिश कीती सी पर किसे नें पैर नां लाए।”

प्रताप सिंघ नें हेठां होई असफ़लता ’ते अफ़सोस प्रगट कीता।

“बस्स हुण तुहाडे रख्खण दे हां,”

पंकज नें प्रताप सिंघ दे गोडे हत्थ ला के लेल्हड़ी कढ्ढी।

“तूं परवाह नां कर पुत्तरा। देखीं इथे आपां किस तरहां चक्करी घुमावांगे।

ज़मानतां सुणन वाले बैंच विच्च जिहड़े दो जज्ज बैठे हन उह दोवें मेरे यार हन। आपां दोहां नूं इथे बुला सकदे हां। कंम हो जाण, दे फेर तेरे नाल पिआवांगा।”

“साडी डोर हुण तुहाडे हत्थ है।”

“इह दस्सो कोई वकील तां नहीं कीता?”

“नहीं सर! तुहाडे पुछ्छे बिनां थोहड़ा करना सी।”

“गुड्ड! वकील आपां वासूदेवा नूं करांगे। इह लाअ मनिसटर दा सका भाणजा है। इस दी भूआ दा दिउर सुपरीम कोरट दा जज्ज है। दोवें, महीने दो महीने बाअद इथे चक्कर मारदे हन। जज्ज इशारा समझ जांदे हन। किसे दी इस तों बाहर जाण दी जुअरत नहीं पैंदी। इस वकील नाल मेरी बुक्कल सांझी है। हर वकील नूं असीं अंदरली गल्ल नहीं दस्स सकदे। मैं साल दे अंदर अंदर हाई कोरट दा जज्ज बण जाणा है। बहुते वकीलां नाल बुक्कल सांझी हो जावे, उह पिछों बलैक मेल करदे हन। इह वकील हर पख्खों ठीक रहेगा।”

“जिवें तुहाडी मरज़ी।”

“आपां इथे बहुती देर नहीं बैठ सकदे। इथे कई जज्ज इसनूं मिलण आउंदे रहिंदे हन। अठ्ठ वजे मैं कलब्ब जाणा है। मेरा तेरे वाले जज्जां नाल समां मिलाइआ होइऐ। आपां उनहां नूं बहुत इंतज़ार नहीं कराउणा। वासूदेवा नूं मैं कंम समझा दित्ता है। कंम होणा है मेरी सिफारश नाल जां तेरी माइआ नाल। फेर आपां बहुते वड्डे वकीलां दे घर किउं भरीए?”

“ठीक कहिंदे हो सर!”

“किंने पैसिआं दा इंतज़ाम करके लिआंदा है?”

पहिला पैग्ग ख़तम करके दूजा पैग्ग तिआर करदे प्रताप सिंघ नें पंकज कोलों पुछ्छिआ, “इक पेटी मेरे कोल है। पैसिआं दी कोई समस्सिआ नहीं। इथे मेरे कई रिशतेदार रहिंदे हन।”

“बहुत हन। अज्ज दा कंम सर जाएगा। पचवंजा हज़ार आपां वासूदेवा नूं देवांगे। सभ कुझ्झ मिला के। मुनशीआना, टाइप सभ मिला के। इंने पैसे तूं फड़ा देईं। वध्ध मंगे आख देईं साहिब दा इहो हुकम है।”

“जिवें तुहाडा हुकम।”

अग्गे की विचार है? जज्जां नाल गल्ल करनी है?”

“जिवें तुसीं ठीक समझो। सानूं मतलब कंम तक है। जिस तरहां हुंदा है उसे तरहां कराओ।”

“देख! बैंच विच्च दो जज्ज बैठदे हन। जूनीअर जज्ज नाल मेरी बहुत बणदी है। उसनूं मैं जो दे देवांगा, लै लएगा। उसनूं आपां इक्क पेटी देवांगे। सीनीअर नाल उह आपे गल्ल करेगा। वध्धो वध्ध इक्क पेटी सीनीअर लै लएगा। इह घट्टो घट्ट फ़ीस है।”

“कोई नहीं सर! तुसीं वध्ध थोहड़ा दिवाउणे हन। कंम तां हो जाएगा नां सर?”

“इह किहड़ा कंमां विचों कंम है! मैं उह कंम करवा दित्ते, जिनहां बारे कदे कोई सोच नहीं सकदा। तहाडे शहिर फिरोज़पुर रोड ’ते बणे हन नां दस बारां मैरिज पैलिस। उनहां दे नेड़े मिलटरी दी छाउणी है। छाउणी विच्च फ़ौज दा गोली सिक्के दा भंडार है। अरबां रुपए उसदी कीमत है। इक्क तीली लग जावे तां सारा माइआ नगर इक्क मिंट विच्च सुआह हो जावे। करोड़ां अरबां दा नुकसान वख्खरा। सिवल अफ़सरां नें पैसे लै के मैरिज पैलिस बणवा दित्ते।

पत्तरकारां नें आपणी तोरी फुलका चलाउण लई मसला प्रैस्स विच्च भखा लिआ। कहिंदे मिलटरी नियमां दी उलंघणा होई है। पैलिस असला भंडार दे इक्क किलोमीटर दे घेरे विच्च आउंदे हन। मालकां नूं फ़िकर पै गिआ। जे सरकार पिछ्छे पै गई तां करोड़ां दा नुकसान हो जाएगा। पैलिस वालिआं नें सिवल अफ़सरां तक पहुंच कीती। दित्ती रिशवत दी याद दिवाई। पर अफ़सर की करन? देश दी रख्खिआ दा सवाल सी। उह कोई मदद नहीं सन कर सकदे। पैलिस मालकां दी माड़ी किसमत राजसथान दे इक्क इहो जिहे भंडार नूं अग्ग लग गई। माइआ नगर दे डीपू दी सुरख्खिआ दा मामला होर तूल फड़ गिआ। अफ़सर पैलिस ढाहुण दी तिआरी करन लग्गे। किसे नें पैलिस वालिआं नूं मेरी दस्स पा दित्ती। मैं गठ्ठ तुप्प कीती। जज्जां तों मैरिज पैलिस ढहाउण उपर पाबंदी लगवा दित्ती। बंदी लै के मालकां दे हत्थ फड़ा दित्ती। अज्ज तक सरकार पैलिसां दे कोल दी नहीं लंघ सकी। दो तिंन साल मैं सुणवाई नहीं होण दिंदा। इंने विच्च गल्ल ठंडी पै जाएगी। मैं मिलटरी बंनह दित्ती। सरकार रोक दित्ती। तुहाडा कंम वी कोई कंम है?”

“फेर ठीक है सर! मैनूं सभ मनज़ूर है।”

“इह दो पेटीआं कदों पुज्ज जाणगीआं?”

“जदों कहो।”

“कल्ल्ह शाम तक पहुंचा देणा। परसों नूं सुणवाई होएगी। देखणा किस तरहां पेशगी ज़मानत मनज़ूर हुंदी है। बिनां दूजी धिर नूं सुणे।”

“पहुंच जाएगी सर! … हुण तुसीं किहड़े कलब्ब चल्ले हो?”

“पहिलां आपां मतलब कढ्ढ लईए। फेर तेरी मुलाकात करवा देवांगा।

हाले काहला नां पै।”

“मेरा इह मतलब नहीं सर! मैं तां पुछ्छ रिहा सी कि मैं बिल्ल अदा कर दिंदा!”

“किउं शरमिंदा करदा हैं? तेरा अंकल बिल्ल देण जोगा वी नहीं?”

“तुहाडा ख़रचा हुंदा रहिंदा है। तुसीं इह रख्ख लओ।” प्रताप सिंघ दे अहिसान दा बदला चुकाउण लई पंकज नें इक्क पंजाह हज़ार वाली गुट्टी उसदे अग्गे रख्ख दित्ती।

“कोई नी … कोई नी … इह रहिण दिंदा।” आखदे प्रताप सिंघ नें पहिलां गुट्टी सोफ़े हेठ रख्ख दित्ती। फेर कुझ्झ देर बाअद जेब विच्च पा लई।

नोट संभाल के प्रताप सिंघ नें इक्क इक्क वड्डा पैग्ग बणाइआ।

“अछ्छा इह दस्स पुलिस वल्लों कोई मदद मिल रही है जां नहीं?

कुझ्झ देर ख़ामोश रहि के प्रताप सिंघ नें अगली गल्ल तोरी।

“कोई ख़ास नहीं।”

“तूं पहिलां ज़मानत करवा लै। फेर मैं तेरा इह इंतज़ाम वी करदा हां।

कराईम बरांच दा आई.जी.मेरा यार है। वकील कोलों अज्ज ही दरख़ासत टाइप कराउंदे हां। उह अरजी मैं पुलिस मुखी कोलों उसदे नां मारक करवा लवांगा।

उस कोल पड़ताल करवा के तुहानूं केस विचों कढवा देवांगा।”

“इस तरहां वी हो जांदा है?”

प्रताप सिंघ जो आख रिहा सी, उस उपर पंकज नूं यकीन नहीं सी आ रिहा।

“सभ हो जांदा है। पैसे विच्च बड़ी ताकत है। कानूंन इसदा ग़ुलाम है।

देख आगे आगे होता है किआ?”

सरूर विच्च आइआ प्रताप सिंघ वाअदे ’ते वाअदा करन लग्गा।

“आई.जी.कराईम कौण नें?”

“उह मेरा यार है। जदों मैं अंम्रितसर मैजिसटरेट सी उदों उह नवां भरती हो के ए.ऐस.पी.लग्गा सी। असीं दोवें छड़े सी। आफीसर होसटल विच्च रहिंदे सी। फेर असीं पटिआले इकठ्ठे हो गए। उह पुलिस कपतान सी अते मैं अडीशनल सैशन जज्ज। असीं फेर इकठ्ठे मौजां मारीआं। सभ चंगे माड़े कंम कीते। मैं बथेरे बंदे उसदे आखे सज़ा तों बरी कीते। उसने मेरे आखे बहुत बंदे अंदर बाहर कीते। अज्ज तक यारी काइम है। सुभाअ दा लालची है पर कलम दा पक्का है। जो ज़ुबान कर लए पूरी करके हटदा है। सूरज इधर दी थां चाहे उधर चहड़न लग्ग जाए।”

पंकज दा दूजा बोझ वी हलका हो गिआ। उस नूं लग्गा प्रताप सिंघ राहीं उस नूं गिद्दड़सिंगी मिल गई सी। उसदा संकट टलण वाला सी।

तीसरा पैग्ग ख़तम हुंदे ही हेठों वासूदेवा दी बैल्ल आ गई। कागज़ पत्तर तिआर हो चुक्के सन। पंकज आए, दसतख़त करे अते फ़ारग होए।

“फेर तूं मैनूं कदों मिलदैं बाकी पेमैंट लै के? इस सहुरे रिशवत दे धंदे विच्च उधार नहीं चल्लदा। हर कोई पेशगी भालदा है।”

हेठां जाण लई पंकज उठ्ठ खड़ोता सी। उसनूं पक्का करन दी नीअत नाल प्रताप सिंघ नें उसनूं इक्क वार फेर टोहिआ।

“सवेरे दस वजे तों पहिलां।”

“वधीआ गल्ल है। कल्ल्ह नूं पैसे पहुंचा दिआंगे। परसों हुकम लै लवांगे।”

हेठां उतरदे पंकज नूं प्रताप सिंघ दीआं गल्लां दा शराब नालों वध्ध नशा सी।

 

-41-

 

भोग दीआं रसमां समापत हुंदे ही राम नाथ दीआं समस्सिआवां विच्च कई गुणा वाधा हो गिआ।

कमल दे दोसत, नेहा दीआं सहेलीआं, उनहां दे मापे उक्का ही नाता तोड़ गए। पहिलां दोहां बच्चिआं दे दोसतां दीआं डारां हसपताल आउंदीआं सन।

घंटिआं बध्धी उह बिमारां दे बिसतरिआं ’ते बैठ के उनहां दी मुठ्ठी चापी करदे सन। मापे बाहरली भज्ज नठ्ठ विच्च राम नाथ दी सहाइता करदे सन। किसे दी डाकटर तक पहुंच सी अते किसे दी पुलिस कपतान तक्क। दर दर दीआं ठोकरां खाण दी ज़रूरत नहीं सी पैंदी। उह फ़ोन खड़का के घर बैठे सूचना मंगवा दिंदे सन।

भोग दे नाल ही इनहां सहूलतां दा वी भोग पै गिआ।

हुण ख़बर लैण कोई टावां टल्ला आउंदा सी। बहुते लोक छुट्टी वाले दिन आउंदे सन। माइआ नगर निवासी रात नूं चक्कर मारदे सन। सोचदे सन, नाले सैर हो जाएगी, नाले हाल चाल पुछ्छण दी रसम पूरी हो जाएगी।

भोग दा मतलब ही तुर गए नाल संबंधां दी समापती सी। शाइद इहो सोच के कमल दे दोसतां नें उसदे वारिसां नालों नाता तोड़ लिआ सी। नेहा दीआं सहेलीआं दे हाऊस टैसट शुरू हो गए सन। उह पहड़ाई विच्च रुझ्झ गईआं सन।

उह फ़ोन ’ते हाल चाल पुछ्छ के सार लैंदीआं सन।

बाहरले रिशतेदारां दा आपणे कंमीं कारीं जुट्ट जाणा वाजिब सी। मरीज़ां दी हालत सथिर हुंदी जा रही सी। बिमारीआं लंबीआं सन। उनहां दे हर रोज़ दे चक्करां नाल मरीज़ां नूं तां कोई धरवास नहीं सी हुंदा, पर उपरलिआं नूं वाधू दी खेचल हो जांदी सी। माइआ नगर दे रिवाज़ वी पुठ्ठे सन। उपरलिआं नूं ख़बर लैण आइआं दी प्राहुणिआं वांग सेवा करनी पैंदी सी। चाह जां कौफ़ी वध्धडिआं लई। कोलड डरिंक, चिपस जां चौकलेट बच्चिआं लई। हत्थ घुट्ट के वी सौ दा नोट खुल्ल्ह जांदा सी। इहो जिहे तरक दे दे उह माइआ नगर आउणों हट गए सन।

इहो जिही सोच माइआ नगर रहिंदे हमदरदीआं दी सी। आपणे आपणे फ़ोन नंबर दे के अते लोड़ पैण ते फौरी हाज़र होण दा वाअदा करके उह घरो घरी बैठ गए।

दिन पैण नाल आपणिआं विच्च वी बेचैनी वधण लग्गी।

पलवी दे घर पंज दिनां तों विहली बैठी सुशमा उकताउण लग्गी।

पलवी अते उसदे मापे नेहा ’ते जान छिड़क रहे सन। जिहो जिहे तरक दे के उह नेहा नूं समझा रहे सन, उहो जिहे तरक नां सुशमा नें किधरे पहड़े सन, नां सुणे सन। कुआर भंग होण ’ते कुहड़न नूं उह उस समें दी पुराणी जगीरू सोच आख रहे सन, जदों औरत पूरी तरहां ग़ुलाम सी। जे नेहा दी मजबूरी कारन सागर उसनूं तिआग रिहा सी तां उह जंगाली सोच दा मालक सी। अजिही सोच दे मालक नूं नेहा नूं ख़ुद ही तिआग देणा चाहीदा सी। इक्क बंदे नाल बध्धझे रहिण अते उमर भर इशक निभाउण दा रिवाज वी हुण पुराणा पै चुक्का सी। अज्ज कल्ल्ह दीआं कुड़ीआं इशक इक्क नाल करदीआं हन, विआह दूजे नाल कराउंदीआं हन अते बच्चे तीसरे दे जनमदीआं हन। नेहा पहड़ी लिखी कुड़ी सी।

आपणे पैरां सिर खहड़न दे योग सी। उस लई होर वर बथेरे।

कमल दे मरन नाल परिवार नूं नां पूरिआ जाण वाला घाटा पिआ सी।

पर मरिआं नाल मरिआ नहीं जांदा। नेहा आपणा मन तकड़ा करे। मापिआं नूं मन तकड़ा करन विच्च मदद करे। नेहा आपणीआं नवीआं ज़िंमेवारीआं नूं समझे अते उनहां नूं निभाउण लई तिआर होवे।

कातलां तों बदला लैण लई हुण ख़ुद नूं हथिआर चुक्कण दी ज़रूरत नहीं सी। दोशीआं नूं सज़ा देण लई अदालतां बैठीआं सन। मुकद्दमे दा सारा दारोमदार नेहा उपर सी। उह तकड़ी हो के कानूंनी लड़ाई लड़े अते मुलज़मां नूं फांसी दे फंदे तक पहुंचाए।

उनहां दीआं गल्लां दा नेहा ’ते असर हो रिहा सी। दिनों दिन उह संभल रही सी।

इक्क प्रोफैसर अते इंजीनीअर दे हुंदिआं नेहा नूं सुशमा वरगी प्राइमरी अधिआपका दी कोई ज़रूरत नहीं सी।

कंम करन लई घर विच्च दो नौकर सन। सुशमा दे करन वाला कोई कंम नहीं सी। नां पलवी घर आए महिमान नूं कंम लग्गण दिंदी सी।

विहली बैठी सुशमा नूं महिसूस होण लग्गा, जिवें उह पलवी दे घरदिआं उपर बोझ सी।

अक्की थक्की सुशमा नें इक्क दिन लई सहुरे घर गेड़ा मार आउण दी इजाज़त लै लई। उसनूं नीलम दे घर पए डाके दी ख़बर चाणचक्क मिली सी।

घर दा समान जिथे पिआ सी, उथे ही छड्ड के उह माइआ नगर नूं दौड़ पई सी। उसदा पती बाल किशन मसत मौला सी। उसनूं घर दी कोई परवाह नहीं सी। बाल किशन दी बेपरवाही कारन घर दी सथिती होर विगड़ गई होवेगी।

उह आपणा घर थां सिर कर आएगी। नाले सकूल जा के पिछली छुट्टी मनज़ूर करवा आएगी। भोग तक दी छुट्टी लै आएगी।

हसपताल विच्च बहुते बंदिआं दी ज़रूरत नहीं सी। सुशमा दे नाल ही बाल किशन तिआर हो गिआ। जदों किसे बंदे नें डिऊटी बदलणी होवे, उसनूं फ़ोन कर दित्ता जावे। उह उपरले बंदिआं नूं दम दिवाउण लई आ जावेगा।

इक्क दिन आख के गई सुशमा जदों कई दिन वापस नां मुड़ी तां सीमा दा मन वी खहिड़ा छुडाउण लई काहला पैण लग्गा।

सीमा अते सुजाता नीलम नूं संभाल रहीआं हन। वैसे किसे नूं आई.सी.यू. विच्च जाण दी इजाज़त नहीं सी। पर जदों कदे रात बराते नीलम नूं दौरा पैंदा सी तां उह यूनिट दीआं नरसां दे काबू तों बाहर हो जांदी सी। नीलम दे कंबदे सरीर नूं काबू करन लई दो तिंन औरतां दी सहाइता दी ज़रूरत पैंदी सी। थोहड़ी जिही कुताही नाल सरीर नूं लग्गीआं नालीआं उख्खड़ जांदीआं सन अते उखड़ीआं नालीआं जान लेवा सिध्ध हो सकदीआं सन।

मरीज़ दी हालत नूं धिआन विच्च रख्खदिआं डाकटर नें ज़रूरत पैण ’ते दो औरतां नूं यूनिट विच्च दाख़ल होण दी इजाज़त दे रख्खी सी।

जिंना चिर नीलम आई.सी..यू.विच्च रही, उना चिर उसनूं सीमा अते सुजाता दी ज़रूरत पैंदी रही।

हुण जदों तों उस नूं जनरल वारड विच्च तबदील कीता गिआ सी, उदों तों उस दे दौरे बंद सन। नां उस नूं कोई अवाज़ सुणाई दिंदी सी, नां कोई इशारा समझ पैंदा सी। उह इक्क ज़िंदा लाश वांग सी।

दसां दिनां तों सीमा हसपतालां दे फरशां ’ते सौं रही सी। जनरल वारड दे फलश्श गंदे सन। उसदा पेट कदे चज्ज नाल साफ़ नहीं सी होइआ। नहाए बिनां उह कदे रही नहीं सी। इथे नहातिआं दो दो दिन लंघ जांदे सन। उसनूं आपणे कपड़िआं अते सरीर विचों बू आउण लगदी सी। सीमा नूं निंम दी दातण करन दी आदत सी। इह आदत छुट्ट जाण कारन उसदा मूंह सारा दिन कौड़ाकौड़ा रहिंदा सी। कोई चीज़ सवाद नहीं सी लगदी। उसदे साहां विचों दुरगंध आउण लग्गी सी। रात नूं घंटा, दो घंटे नींद मसां आउंदी सी। उनींदरे रहिण कारन उसदा सिर भारा रहिण लग्गा सी। भुख्ख घट गई सी। बासीआं अते तंदूर दीआं रोटीआं खा खा उसदे पेट विच्च गैस बणन लग्गी सी।

सीमा दा सरीर आराम दी मंग करदा सी। घर जा के जे उस नें आराम नां कीता तां उसने वी मंजा मल्ल लैणा सी।

उपरलिआं दी परेशानी नूं देखदिआं इक्क वार राम नाथ नें मन बणाइआ।

नीलम लई सपैशल कमरा लै लिआ जावे। नाले नीलम नूं आराम रहेगा नाले उपरलिआं नूं बैठण उठ्ठण अते नहाउण धोण दी सहूलत प्रापत हो जाएगी।

पर जदों हसपताल दे कैशीअर नें सपैशल कमरे दे खरचिआं दी लिसट उसदे हत्थ फड़ाई उह सपैशल कमरे दे ख़रचे देख के हक्का बक्का रहि गिआ। जनरल वारड विच्च इक्क बिसतरे दा कराइआ सौ रुपए सी। सपैशल कमरे दा कराइआ पंज सौ रुपए। इथे डाकटर दे इक्क गेड़े दी फ़ीस सौ रुपए सी उथे बारां सौ रुपए।

किसे दानी नें मरीज़ां दी सहूलत लई जनरल वारड विच्च इक्क टैलीफ़ोन लगवा दित्ता सी। मरीज़ां दे वारिस उथों मुफ़त फ़ोन कर सकदे सन। सपैशल कमरे विच्च इक्क फ़ोन दा ख़रचा पंज रुपए पैंदा सी।

उस समें सीमा नें राम नाथ नूं सपैशल कमरा लैण तों रोक दित्ता सी। नीलम नूं गरमी सरदी इक्क बराबर सी। उह जनरल वारड विच्च होवे जां सपैशल वारड विच्च उसनूं कोई फ़रक नहीं सी।

उपरले औखे सौखे दिन कट्ट रहे सन। इंना ख़रचा करन दी कोई ज़रूरत नहीं सी।

हुण जनरल वारड विच्च दिन कट्टणे उसे नूं सभ तों वध्ध औखे लग्ग रहे सन।

बिमारी पहिलां ही हत्थ धो के उनहां दे पिछ्छे पई होई सी। नवीं मुसीबत तों बचण लई उनहां नें सीमा नूं सलाह दित्ती। उह नीलम दी कोठी चली जावे।

हुण उथे बहुत समां संगीता रहिंदी सी। कोठी करन लई कोई कंम नहीं सी।

सफ़ाई अते रोटी टुक्क लई माई लग्गी होई सी। उनहां दा कंम अफ़सोस करन आए लोकां कोल बैठणा अते कथा करदे पंडित दीआं लोड़ां पूरीआं करना सी।

कोठी जाण दी गल्ल सुणदिआं ही सीमा नूं कंबणी छिड़ गई। कोठी बारे सोचदिआं ही इक्क भिआनक द्रिश उस दीआं अख्खां अग्गे उजागर होण लग्गदा सी। पहिलां जदों कदे उह नीलम नूं मिलण इस कोठी आई सी, सारे टब्बर नें उस उपर हर खुशी निशावर कीती सी। उसने नीलम दा टब्बर इस घर विच्च हस्सदा खेडदा, नच्चदा टप्पदा अते शरारतां करदा देखिआ सी। बदले हालात विच्च उसदा उथे इक्क मिंट लई वी रहिणा दुभ्भर सी। कोठी नालों उह हसपताल चंगी सी।

नीलम लई उपरले बंदे दा होणा नां होणा इक्क बराबर सी। उसनूं गुलूकोज़ लग्गा होइआ सी। दवाईआं अते ख़ुराक इसे राहीं दित्ता जांदा सी। इह कंम नरस दा सी। गुलूकोज़ ख़तम होण ’ते नवीं बोतल लगवाउण दा कंम नाल दे मरीज़ दे वारिस वी कर सकदे सन। बिमार धी नूं हसपताल बैठाउण दा कोई फ़ाइदा नहीं सी। कुझ्झ दिन आराम करन लई सीमा नूं सहुरे भेजिआ गिआ सी।

उस दिन दी गई सीमा वी सुशमा वांग भोग ’ते ही आई सी। भोग उपर वी किसे नें दिन कटाउण दी गल्ल नहीं सी तोरी। आम रिशतेदारां वांग सवेरे आए अते शाम नूं मुड़ गए सन।

राम नाथ नूं आपणीआं भैणां दे सहुरे पिंड मुड़ जाण ’ते कोई गिला नहीं सी। उह पहड़ीआं लिखीआं हो के वी सहुरे परिवार दीआं कठ्ठ पुतलीआं सन।

उनहां नूं सहुरे तंग करदे होणगे। आपणे घर उजाड़ के उह दूजिआं दे घर नहीं सन वसा सकदीआं। जिंना समां उह कटा सकदीआं सन, कटा गईआं सन। उनहां सिर कोई उलांभा नहीं सी।

पर जदों सके भरा मूंह ’ते मिट्टी मलण लग्गे, उस समें राम नाथ दा मन कुरला उठ्ठिआ।

कमल दे फुल्ल पाउण बाअद अशवनी नूं शहिर भेज दित्ता गिआ सी। उसदी पतनी अनीता गरभवती सी। अठ्ठवां महीना चल्ल रिहा सी। उसनूं तुरन फिरन विच्च दिक्कत आ रही सी। गरभ विचले बच्चे दे मानसिक विकास उपर भैड़ा असर पै रिहा सी। राम नाथ अते मंगत राए माइआ नगर बैठे सन। पिछों कोई घर संभालण वाला वी चाहीदा सी। अनीता शहिर रहि के सभ कंम देख रही सी। अशवनी इक्क दिन छड्ड के शहिर चक्कर मार आउंदा सी। तिंनां घरां दीआं लोड़ां पूरीआं कर आउंदा सी।

अनीता पहिलां ही शहिर रहिंदी सी। भोग तों बाअद अशवनी नें वी माइआ नगर आउणा छड्ड दित्ता।

मंगत राए इक्क दो वार आ के बहाने घड़न लग्गा। उसदा महिकमा जंगी पध्धर ’ते मुख्ख मंतरी दी साली दे पिंड नूं बिजली दी नवीं लाईन पा रिहा सी। बहाना बाबे दी बरसी ’ते पिंड नूं रुशनाउण दा सी। बरसी नेड़े आ रही सी अते खंभे अजे दूर सन। महिकमे नें सारे मुलाज़मां दीआं छुट्टीआं बंद कर दित्तीआं सन। जिहड़े पहिलां छुट्टी ’ते चल्ल रहे सन, उनहां नूं डिऊटी ’ते बुला लिआ गिआ सी। मंगत दी पहिली लंबी छुट्टी कारन जवाब तलबी तां नहीं सी होई, पर बुड़ बुड़ ज़रूर होई सी। कई वार उसनूं रात नूं डिऊटी देणी पैंदी सी। पिछों बच्चे डर जांदे सन। इस बहाने उसने सुजाता नूं वी शहिर बुला लिआ।

अशवनी कोल घड़न लई अजिहा कोई बहाना नहीं सी। उह सटैनो सी।

टाइप दा कंम सारे बाबू जाणदे सन। पहिलां कदे उस नें लंबी छुट्टी नहीं सी लई। अजिहे मौके कोई अफ़सर छुट्टी नूं जवाब नहीं दिंदा। राम नाथ कई पंचाइतां दा वकील सी। उसदी बी.डी.ओ.नाल चंगी जाण पहिचाण सी। उह सिफारश करके उसदी छुट्टी मनज़ूर करवा सकदा सी।

राम नाथ नें जदों मूंह फाड़ के अशवनी नूं माइआ नगर रहिण लई आखिआ तां उह खहिड़ा छुडाउण लई कहिण लग्गा: “तुसीं इथे हो तां सही। सारे टब्बर नें की करनै? जदों तुसीं शहिर जाणा होइआ, मैनूं दस्स देणा। मैं इथे आ जावांगा।”

 

-42-

 

राम नाथ पहड़े लिखे भरावां नूं किस तरहां समझाए कि उसने वी बच्चे पालणे सन।

अशवनी अते उसदी पतनी सरकारी मुलाज़म सन। उनहां दी तनख़ाह पक्की सी। अनीता नूं छे महीने दी मैटरनटी लीव मिल गई सी। इह छुट्टी वध के इक्क साल हो जाणी सी। घर बैठे उनहां नूं पूरी तनख़ाह अते इलाज दा ख़रचा मिल जाणा सी।

राम नाथ दी दुकानदारी सी। वकालत दे धंदे विच्च सख़त मुकाबला सी।

वकील दी इक्क दिन दी ग़ैर हाज़री उसदे खेडणे खिंडा दिंदी सी। राम नाथ वीह दिन तों कंम छड्डी बैठा सी।

भोग तक गल्ल होर सी। उस दिन तक उसनूं सभ पासिउं सहियोग मिलिआ सी।

साइल चुप्प सन। सोचदे सन वकील ’ते भीड़ पई है। दो चार दिन केस इधर उधर हो गिआ, कोई गल्ल नहीं।

पर जदों उह भोग दे हफ़ता बाअद वी शहिर नां गिआ तां साइलां विच्च हाहाकार मच्च गई। लोक आपणे दुखड़े लै के माइआ नगर आउण लग्गे।

किसे दा रिशतेदार जेल्ह विच्च सड़ रिहा सी। वकील दे हाज़र नां होण कारन ज़मानत मनज़ूर नहीं सी हो रही।

किसे दे मसां मना के लिआंदे गवाह बिनां भुगते मुड़ गए सन। गवाहां ‘ते होए वड्डे ख़रचे दी साइल नूं परवाह नहीं सी। दुख्ख इस गल्ल दा सी कि अगली पेशी तक दूजी धिर नें गवाहां नूं मुक्करा देणा सी।

कईआं नूं जज्ज झईआं लै लै पै रहे सन। केस बहिस ’ते लग्ग चुक्का सी।

अगली पेशी ते जे वकील नें बहिस नां कीती तां उसने दूजी धिर दे वकील दी बहिस सुणके फ़ैसला कर देणा सी। बहिस करन राम नाथ आएगा जां नहीं?

साइल पुछ्छण आउंदा सी।

साइलां दे शिकवे जाइज़ सन।

पिछले वीह दिनां विच्च राम नाथ केवल इक्क वार कचहिरी गिआ सी।

उसने इकल्ले इकल्ले जज्ज दे चैंबर विच्च जा के आपणी मजबूरी दस्सी सी। हर जज्ज नें हमदरदी प्रगटाउण दे नाल नाल उसनूं पूरे सहियोग दा भरोसा दित्ता सी।

राम नाथ दे केस भुगताउण दी ज़िंमेवारी किहर सिंघ नें आपणे ज़िंमे लई सी। उसने राम नाथ नूं भरोसा दिवाइआ सी। जिथे मिल सकी, पेशी लई जावेगी। जिथे नां सरिआ, ज़रूरी ज़रूरी गवाह भुगता लए जाणगे। छोटी मोटी बहिस कर दित्ती जावेगी। वड्डी बहिस नूं टालण लई कोई नां कोई अरज़ीप ् तर अड़ा दित्ता जाएगा। राम नाथ दे साइल नूं गिला करन दा मौका नहीं दित्ता जाएगा।

बदले विच्च राम नाथ नें किहर सिंघ नूं खुल्ह दित्ती सी। पिछ्छों जे कोई नवां केस आएगा किहर सिंघ नूं उस विचों अध्ध मिलेगा। मुढ्ढली कारवाई किहर सिंघ करेगा। पिछ्छों राम नाथ पैरवाई संभाल लएगा।

शहिर दा इक्क इक्क वकील उसदे दुख्ख विच्च भागीदार बणिआ सी। बार वल्लों कमल दी मौत ते दुख्ख दा प्रगटावा कीता गिआ सी। दुखी परिवार दे दुख्ख विच्च सांझ पाउण लई मता पास कीता गिआ सी। मते दी नकल उसनूं माइआ नगर पहुंचाई गई सी। दूजे मते राहीं सरकार कोलों असल दोशी फहड़े जाण दी मंग कीती गई सी। मंग दे समरथण विच्च इक्क दिन दी हड़ताल कीती गई सी। राम नाथ नूं बार वल्लों भरोसा दिवाइआ गिआ सी। बार दा हर मैंबर माइआ नगर जा के मुकद्दमे दी पैरवाई करन लई तिआर सी।

लग्गदा सी कमल दे भोग दे नाल ही इनहां वाअदिआं दा भोग पै गिआ सी।

जज्ज साइलां नूं धमकाउण लग्ग पए सन। अगली पेशी ’ते वकील दी हाज़री मंग रहे सन।

किहर सिंघ नें गवाह भुगताउण अते बहिस करन दी फ़ीस मंगणी शुरू कर दित्ती सी।

विरोधी धिर दे वकील बिनां भुगते आपणे गवाहां दा ख़रचा मंगण लग्ग पए सन।

होर तां होर राम नाथ दा आपणा मुनशी ग़दारी करन लग्ग पिआ सी।

उह राम नाथ दे नवें साइलां नूं किहर सिंघ दी थां सुरिंदर मोहन दे फध्धटे ते लिजाण लग्गा सी। किहर सिंघ कोलों उस नूं केवल मुनशीआना मिलदा सी। सुरिंदर मोहन फ़ीस विचों तीजा हिस्सा दिंदा सी।

इह गिला किहर सिंघ नें वी कीता सी अते सुरिंदर मोहन कोल फसे उसदे कुझ्झ साइलां नें वी।

पर सबर दा घुट्ट भरन तों सिवा राम नाथ कुझ्झ नहीं सी कर सकिआ।

मुनशी दस साल तों उस कोल कंम कर रिहा सी। उह सारे साइलां दा भेती सी। हर मुकद्दमे दी कमज़ोरी नूं जाणदा सी। झाड़ झंब कीती उसने सारा कंम किसे होर वकील दे फट्टे ते लै जाणा सी।

वीह दिन बाहर रहिण कारन राम नाथ दा कंम अध्धा रहि गिआ सी।

नवें केस आउणे बंद हो गए सन। पुराणे खिंड रहे सन। इस धदे विच्च खहड़े दा नां खालसा वाली गल्ल सी।

कुझ्झ वकीलां नें राम नाथ दी छत्तरी ’ते बैठे कबूतरां नूं उथों उडा के आपणी छत्तरी ’ते बैठाउण लई तरहां तरहां दीआं अफवाहां फैलाउणीआं शुरू कर दित्तीआं सन।

कोई आखदा सी राम नाथ वकालत छड्ड गिआ है। उह माइआ नगर रहि के आपणी भैण दी जाइदाद संभालेगा। जीजे दा कारोबार देखेगा।

राम नाथ नूं यकीन सी कईआं नें उसनूं ‘मर गिआ’ तक आख दित्ता होणा है।

राम नाथ दे आपणे कंम दा भठ्ठा तां बैठा ही सी, उस नूं लगदा सी संगीता लई वी मुसीबत खहड़ी होण वाली सी। उसदे सकूल विचों वार वार फ़ोन आ रहे सन। उह हिसाब पहड़ाउंदी सी। उसदा विशा बहुत अहिम सी। उसदीआं जमातां दा सलेबस बहुत पिछ्छे रहि गिआ सी। कई पहड़े लिखे मापे प्रिंसीपल कोल शिकाइत कर रहे सन। उनहां दे बच्चिआं दा की बणेगा? लंबी गैर हाज़री संगीता दे शहिरों तबादले दा कारन बण सकदी सी।

पंदरां साल पिंडां दे सकूलां विच्च धक्के खा के मसां संगीता नूं शहिरी सकूल मिलिआ सी। पिंडां विच्च लग्गे अधिआपक शहिर आउण दे मौके दी तलाश विच्च रहिंदे सन। कई अधिआपक प्रिंसीपल तक पहुंच कर चुक्के सन। जे प्रिंसीपल हां करे तां उह आपणा तबादला संगीता दी थां करवा लैण। हाले तक प्रिंसीपल मौका संभालदी आ रही सी। होर गैर हाज़री उसदे वसों बाहर हो सकदी सी।

संगीता कुझ्झ दिन लई डिऊटी ’ते हाज़र हो जावे। मसला ठंडा हुंदे ही फेर छुट्टी लै जावे।

राम नाथ दे बच्चे गिला कर रहे सन। कुड़ीआं दा बहुता समां खाणा बनाउण अते कपड़े धोण विच्च लंघ जांदा सी। उनहां दी पहड़ाई दा नुकसान हो रिहा सी।

पर बिनां भरावां दे सहियोग दे राम नाथ कोई प्रबंध करे तां किस तरहां?

 

-43-

 

इधर राम नाथ नूं घर दीआं समस्सिआवां तंग कर रहीआं सन, उधर पुलिस शिकंजा कस्स रही सी।

कई दिनां तों मुख्ख अफ़सर दा रीडर उस दे खहिड़े पिआ होइआ सी।

किसे होर पुलिस अफ़सर नूं फ़ीस नहीं दित्ती नां सही, फोटो ग्राफ़र दा बिल तां अदा करो। पैसे नां मिलण कारन उह फोटोआं रोकी बैठा सी। वारदात वाली जगहा दा सकेली नकशा बनणा सी। नकशा नवीस दा प्रबंध करो।

इह सभ ज़िंमेवारीआं पुलिस दीआं सन। पुलिस लाईन विच्च इनहां कंमां लई फोटो ग्राफर अते नकशा नवीस ताइनात सन। पर इनहां नूं अफ़सरां दीआं बीवीआं दीआं फोटो खिच्चण अते अफ़सरां दीआं कोठीआं दे नकशे बनाउण तों विहल मिले तां उह आपणे फरज़ निभाउण।

बाहरले फोटो ग्राफ़र अते नकशा नवीस पुलिस दे चहेते सन। मूंह मंगी फ़ीस लैंदे सन। फसे आदमी नूं मार खाणी पैंदी सी।

पंज चार सौ लई राम नाथ वी पुलिस नूं नराज़ नहीं सी कर सकदा। दिल ‘ते पत्थर रख्ख के उस नें बिल्ल तार दित्ते।

मुख्ख अफ़सर दा रीडर पिछ्छों लिहा तां डिपटी दा रीडर आ चंबड़िआ।

डिपटी राम नाथ नूं दफ़तर बुला रिहा सी।

राम नाथ दो वारी डिपटी दे दफ़तर गिआ। हर वार उह किसे ज़रूरी कंम दे बहाने दफ़तरों खिसकिआ हुंदा सी।

तीजी वार डिपटी ख़ुद हसपताल आ टपकिआ।

“सानूं मुख़बरी मिली है। कुझ्झ दोशी आपणे पिंडां वाली गड्डी चहड़े हन।

माल दे ख़ुरद बुरद होण तों पहिलां आपां उनहां नूं दबोचना है।”

मज़रूबां दा हाल चाल पुछ्छण दी उपचारकता निभाअ के डिपटी नें असल मुद्दा छोहिआ।

झट्ट राम नाथ डिपटी दे हसपताल आउण दा कारन समझ गिआ। उसदा ख़ुद पुलिस नाल पहिली वार वाह पिआ सी। पर फ़ौजदारी वकील होण कारन उसनूं पुलिस दे कंम करन दे ढंग तरीकिआं दा पूरा गिआन सी।

हुण डिपटी उसनूं बिहार जाण लई आखेगा। उह नहीं जा सकदा तां किसे होर बंदे दी मंग करेगा। बहाना दोशीआं दी शनाख़त अते उनहां कोलों फहड़े माल दी पहिचाण कराउणा होएगा।

असल मकसद सफ़र दौरान पुलिस दी सेवा कराउणा होएगा।

राम नाथ नें पिछ्छे जिहे अख़बार विच्च पहड़िआ सी। माइआ नगर दे इक्क उदयोगपती नें आपणी धी दा दहेज बरामद कराउण लई पुलिस पारटी नूं बंबे लिजाण लई हवाई जहाज़ राहीं सैर कराई सी।

आपणे सवाल दा जवाब पता हुंदिआं वी राम नाथ नें डिपटी ’ते सवाल कीता: “दस्सो मैं की मदद करां?”

“साडे नाल चल्लो। तुसीं वकील हो। तफ़तीश विच्च साडी रहिनुमाई करना।

बिहार दे वकीलां अते मैजिसटरेटां नाल नजिठ्ठणा।”

“इस कंम तों मैनूं मुआफ़ी दिओ। दोहां मरीज़ां दी हालत ख़राब है। कुड़ी वी ठीक नहीं।”

“तुसीं नहीं जा सकदे, कोई होर बंदा भेज देवो।”

“मैं किसे नूं मनाउण दा यतन करदा हां।”

“होर कुझ्झ नहीं कर सकदे तां इक्क गड्डी दा प्रबंध ही कर दिउ। कपतान साहिब काहल कर रहे हन। पुलिस पारटी जलदी भेजो। माल ठिकाणे लग्गण बाअद पुलिस गई जां नां गई, इक्क बराबर है।”

राम नाथ डिपटी दी चाल समझ रिहा सी। उह माल बरामद करन दे बहाने गड्डी दा ख़रचा बटोरना चाहुंदा सी।

मुलजम इंने कमले नहीं सन कि वारदात करके पिंडां वल्ल नूं दौड़न।

कमले तों कमले मुलज़म नूं वी पता हुंदा है पुलिस सभ तों पहिलां उनहां दे घरां ते छापे मारदी है।

मुलजम बिहारी सन। उनहां दे बिहार वल्ल दौड़न विच्च वी कोई तुक नहीं सी। उथे किहड़ा उनहां दीआं कोठीआं बणीआं होईआं सन। पता नहीं कोई झुग्गी झौंपड़ी होएगी वी जां नहीं?

किसे दोशी दे पिंडों फहड़े जाण दी कोई संभावना नहीं सी। नाल गए बंदे नूं की पता लग्गणा सी कि फड़िआ गिआ बंदा असली सी जां किसे बेकसूर नूं अड़ाइआ जा रिहा सी। कोई फड़िआ वी गिआ तां माल बरामद नहीं सी होणा।

कुझ्झ माल बरामद हो वी गिआ तां उह पुलिस नें ख़ुरद बुरद कर देणा सी।

फ़ैसले तक फड़े माल नें थाणे कचहिरी दे मालख़ाने विच्च रुलदे रहिणा सी। कपड़े लीड़े नें गल सड़ जाणा सी। सोने नें सौ हत्थां थाईं लंघदे लंघदे पित्तल विच्च बदल जाणा सी।

असल बंदे फड़े जाण तां वी राम नाथ होरां दे कालजे ठंड नहीं सी पैणी।

उह भाड़े दे टट्टू सन। उनहां दे असल दोशी पंकज अते नीरज सन। उनहां वल्ल पुलिस झाक नहीं सी रही।

बिहार जाण दे नफ़े नुकसान दे नाल नाल राम नाथ पुलिस कोलों खहिड़ा छुडाउण दे ढंग तरीके वी सोच रिहा सी।

“किहड़ी गड्डी ठीक रहू?”

“उध्धर मारूती थोहड़ा चल्लू। टाटा सूमो लिजाणी पएगी। नाले गड्डी मज़बूत है। नाले डीज़ल ते होण कारन खरचा घट्ट पऊ।”

डिपटी टाटा सूमो दे फ़ाइदे समझाउण लग्गा।

मन ही मन राम नाथ टाटा सूमो दे खरचे दा अंदाज़ा लाउण लग्गा।

सूमो वाले नें जे इक्क हज़ार रुपिआ दिहाड़ी दा लिआ तां सत्त अठ्ठ दिहाड़ीआं दा सत्त अठ्ठ हज़ार बण जाणा सी। चार पंज हज़ार दा तेल फ़ुकना सी। पुलिस वालिआं दी टहिल सेवा अलग्ग। ख़रचा वीह हज़ार तक पुज्जदा नज़र आउंदा सी।

“मैं शाम नूं आउना तुहाडे दफ़तर। राए करके दस्सदां।” आखदे राम नाथ नें विदाअ होण दी नीअत नाल डिपटी नाल हत्थ मिलाइआ।

“वकील साहिब बहुता सोचण दी लोड़ नहीं। बंदे अते गड्डी दोहां दा इंतज़ाम करो। पसंजर गड्डी विच्च जा के मुलज़म नहीं फड़े जाणे।”

वकील पैरां ते पाणी नहीं सी पैण दे रिहा। राम नाथ दी चलाकी ’ते खिझे डिपटी नें गल्ल सपश्शट कीती।

पुलिस वल्लों वेद परिवार लई खहड़ी कीती इह नवीं समस्सिआ सी। बिहार भेजण लई उनहां कोल बंदा किथे सी? बंदा तां उनहां कोल राम नाथ दी थां हसपताल विच्च खहड़ा करन लई नहीं सी। पंजां दिनां तों उह शहिर गेड़ा मारन लई तरस रिहा सी।

पैसा उनहां नूं इलाज लई थोहड़ा पै रिहा सी। हसपताल दे कैशीअर दा मूंह हर समें दैंत वांग खुल्ल्हा रहिंदा सी। नेहा दे ख़ातिआं विचला सारा पैसा इस दैंत नें निगल लिआ सी। उह सूमो गड्डी भेज के पुलिस दे मनोरंजन दा प्रबंध करन दी सथिती विच्च नहीं सी।

राम नाथ नें विचकारला राह अपणाइआ।

नां उह बंदा भेजेगा, नां सूमो। उह पुलिस नूं थोहड़ा बहुत ख़रचा देवेगा।

इहो पुलिस भाल रही सी।

जदों राम नाथ शाम दे वाअदे ते पूरा नां उत्तरिआ तां रात नूं डिपटी दा रीडर हसपताल आ धमकिआ।

राम नाथ नें दो हज़ार रुपए रीडर दे हत्थ ’ते रख्ख दित्ते।

इंनी थोहड़ी रकम देख के रीडर अग्ग बगूला हो गिआ। मोड़ के पैसे उस नें राम नाथ दी जेब विच्च पा दित्ते।

वापस मुड़न तों पहिलां रीडर नें डिपटी नाल फ़ोन ’ते गल्ल कीती।

डिपटी नें रीडर नूं समझाइआ। अफ़सर दा हुकम सी। पुलिस पारटी नूं बिहार जाणा ही पैणा सी। जो मिलदा है, उह लै लए।

पैसे रीडर वापस कर चुक्का सी। हुण वापस किहड़े मूंह मंगे?

डिपटी नें इह मसला सुलझाइआ।

राम नाथ नाल फ़ोन ’ते गल्ल कीती। रीडर दी बेवकूफ़ी ’ते रीडर नूं झाड़ां पाईआं।

डिपटी राम नाथ दी मजबूरी समझ रिहा सी। राम नाथ पुलिस दी मजबूरी समझे।

उह जो खुश हो के देणा चाहुंदा है, देवे। पुलिस नूं खिड़े मत्थे मनज़ूर सी।

 

-44-

 

डिपटी पिछों लत्था तां तफ़तीशी अफ़सर दे सुनेहे आउण लग्गे।

ठेकेदार अते पंडित नूं ग्रिफ़तार होइआं वीह बाई दिन हो गए सन।

हाले तक तफ़तीशी अफ़सर नें गवाहां कोलों मुलज़मां दी शनाख़त नहीं सी करवाई। कानूंन मुताबक इह शनाख़त दोशीआं दी ग्रिफ़तारी दे फौरी बाअद होणी चाहीदी सी। हो रही देरी कारन केस कमज़ोर हो रिहा सी। इस कमज़ोरी लई तफ़तीशी अफ़सर नूं ज़िंमेवार ठहिराइआ जा रिहा सी। कपतान वल्लों उसनूं तिंन कारन दस्सो नोटिस जारी हो चुक्के सन। तफ़तीशी अफ़सर मुफ़त विच्च आपणा रिकारड ख़राब कराउण लई तिआर नहीं सी।

तफ़तीशी अफ़सर आख रिहा सी। नेहा हुण चंगी भली सी। उह पुलिस नाल जेल्ह विच्च जा के शनाख़त परेड विच्च हिस्सा लए। दस पंदरां बंदिआं विच्च रले खहड़े पंडित अते ठेकेदार नूं पहिचाणे। फेर दस्से पुलिस वल्लों फड़े दोशी सही सन जां गलत। जे उह असल मुलज़म सन तां उनहां विचों कमल दा कतल किस नें कीता सी? वेद दे सट्टां किस नें मारीआं सन? नीलम दा सिर किस नें पाड़िआ सी?

कानूंनी नज़रीए तों तफ़तीशी अते उसदे अफ़सर दरुसत सन। शनाख़त परेड जलदी तों जलदी होणी चाहीदी सी। पर शनाख़त परेड विच्च हिस्सा लैण तों टलण दी राम नाथ दी आपणी मजबूरी सी। नेहा दे अल्ले ज़ख़मां नूं उह नमक वाले चाकू नाल खरोचना नहीं सी चाहुंदा।

नेहा देखण नूं चंगी भली लग्गदी सी, पर हाले उसदा अंदर बुझिआ होइआ सी। राम नाथ उसनूं कई वार कोठी गेड़ा मार आउण लई आख चुक्का सी।

कोठी दी सफ़ाई हो चुक्की सी। पाठ पूजा हो चुक्की सी। समान थां सिर टिका दित्ता गिआ सी। कदों तक हसपताल बैठे रहिणा सी। मन तकड़ा करके इक्क दिन कोठी जाणा ही पैणा सी।

कोठी दा ज़िकर छिड़दे ही नेहा धुर अंदर तक हिल जांदी सी। परलपरल उसदीआं अख्खां विचों हंझू वहिण लग्गदे सन।

दसां दिनां तों उह हसपताल दी सरां विच्च लए कमरे विच्च कां खाधे कुत्ते वांग पई सी। कदे कदे पलवी जां उसदी मंमी उसनूं आपणे घर लै जांदी सी। कुझ्झ देर लई मन बहिल जांदा सी। हसपताल आ के मुड़ उहो बाहां उहो कुहाड़ा हो जांदा सी। गुंम सुंम उह बिटर बिटर कंधां वल्ल तक्कदी रहिंदी सी।

जिहड़ी कुड़ी आपणे घर वल्ल मूंह करन तों डरदी सी, उस कुड़ी नूं कातलां अते बलातकारीआं अग्गे किस तरहां खहड़ा कीता जा सकदा सी? भठ्ठ पए कानूंन अते इनसाफ़। कानूंन दा ढिड्ड भरन लई उह अल्ल्हड़ कुड़ी दे जज़बातां दा घाण नहीं सी करवा सकदा।

सोच विचार के राम नाथ नें तफ़तीशी अफ़सर नूं गलों लाह दित्ता। हाले नेहा शनाख़त परेड विच्च हिस्सा लैण दे योग नहीं सी।

कोई साधारन आदमी शनाख़त परेड विच्च हिस्सा लैण तों नांह करदा तां तफ़तीशी अफ़सर नूं कारन समझ पै सकदा सी। इक्क फौजदारी वकील शनाख़त परेड विच्च हिस्सा लैण तों नांह करके केस नूं कमज़ोर करे, इह उसदी समझों बाहर सी।

“मैं मिसल विच्च नोट देण लग्गा हां। चशमदीद गवाह मुलज़मां नूं शनाख़त करन तों मुनकर है। इसदा की नतीजा निकलेगा तुहानूं पता है? फेर मैनूं उलांभा नां देणा।”

खिझे तफ़तीशी नें मन दी भड़ास कढ्ढी।

“शनाख़त परेड नाल किहड़ा दोशीआं नूं सज़ा हो जाणी है? केस ख़ामीआं नाल भरिआ पिआ है। कानूंन दोशीआं दे हक्क विच्च भुगतदा है? मैं मासूम कुड़ी नूं बलदी अग्ग विच्च नहीं सुट्ट सकदा।”

उसे अंदाज़ विच्च राम नाथ नें आपणे मन दी भड़ास कढ्ढी।

चिड़े होए तफ़तीशी नें मूंह सुजा लिआ। मुड़ कदे उसने राम नाथ नाल सिध्धे मूंह गल्ल नहीं सी कीती।

 

-45-

 

प्रताप सिंघ दे इशारे ’ते कंम पलक झपकदिआं होण लग्गे।

हाई कोरट वल्लों दोहां भरावां दी ग्रिफ़तारी उपर पंदरां दिनां लई रोक लगा दित्ती गई।

पंकज होरां दी दरख़ासत उपर पुलिस मुखी नें आपणा कलमी हुकम जारी कीता। आई.जी.कराईम नूं ख़ुद पड़ताल करन दा हुकम दित्ता।

प्रताप सिंघ नें पंकज नूं आई.जी.कोल बिठा के मूंह ’ते गल्ल कराई। लैणदेण पंकज दे हत्थीं होइआ।

आई.जी.नें हिक्क ठोक के भरोसा दित्ता। जिंनी तफ़तीश होणी सी, हो गई।

अग्गों तों तफ़तीश ठप्प। हुण जो तफ़तीश होएगी, उह पंकज होरां दे हक्क विच्च होएगी। हाई कोरट दी अगली पेशी तों पहिलां पहिलां उनहां नूं बेकसूर घोशित कर दित्ता जाएगा। इसे रिपोरट दे आधार ’ते उनहां दी कच्ची ज़मानत, पक्की हो जाएगी।

आई.जी.नें पुलिस मुखी दे हुकमां दी पालणा करदे होए मिसल ज़िल्हा पुलिस कोलों आपणे दफ़तर मंगवा लई।

पड़ताल दे पहिले दिन, हुण तक होई तफ़तीश विच्च शामल होए गवाहां नूं दुबारा बुलाइआ गिआ। आई.जी.नें ख़ुद उनहां तों उनहां वल्लों अख्खीं देखी घटना बारे पुछ्छ गिछ्छ कीती।

दूजे दिन तफ़तीशी, मुनशी अते मुख्ख अफ़सर नूं बुलाइआ गिआ। फड़े गए माल मुकद्दमे दी घोख होई।

अगले हफ़ते मुलज़मां वल्लों आपणी सफ़ाई विच्च पेश कीते जाण वाले गवाहां दे बिआन कलम बंद करन दा प्रोगराम रख्खिआ गिआ।

विचकारले दिनां विच्च आई.जी.साहिब नें मौका देखण दा ऐलान कीता।

उसदा मकसद माइआ नगर जा के मुदई धिर अते उनहां दे हमाइतीआं दे मूड दा जाइज़ा लैणा सी। उसने छोटी जिही प्रैस्स कानफ़रंस बुला के मुलज़मां दे बे कसूर होण दा इशारा करना सी। अगले दिनां विच्च लोकां वल्लों इस बिआन उप्पर की प्रतीकरम हुंदा है? इसदा उसने जाइज़ा लैणा सी। प्रतीकरम अनुसार अगली कारवाई होणी सी।

पर ग्रिफ़तारी ’ते लग्गी पाबंदी अते आई.जी.वल्लों आरंभी पड़ताल दा सवाद जलदी ही किरकरा होण लग्गा। पुलिस कपतान अते डी.आई.जी.दे उलांभे आउण लग्गे। इंनी जलदी पड़ताल करवा के उह तत्ता लक्क रहे सन।

उनहां दे नाल नाल उनहां अफ़सरां दा वी नुकसान होणा सी, जिनहां नें उनहां दी मदद कीती सी। मठ्ठी पई अग्ग मुड़ भड़क सकदी सी।

अफ़सरां दे तौख़लिआं बारे पंकज नें प्रताप सिंघ नाल गल्ल कीती।

“तुसीं चुप्प करके बैठे रहो। आई.जी.दी रिपोरट आ लैण दिओ। मैं आपे पुलिस मुखी तों सहिमती लै देवांगा। रिपोरट हाई कोरट विच्च पेश करवा के हाई कोरट दी मोहर लगवा देवांगा। फेर कोई की करू?”

प्रताप सिंघ नें पैरां ’ते पाणी नां पैण दित्ता।

प्रताप सिंघ दी सलाह दे उलट उह नहीं सन चल्ल सकदे। हुण तक प्रताप सिंघ नें जो आखिआ सी, कर दिखाइआ सी। उसदी पहुंच दी कोई सीमा नहीं सी। पुलिस मुखी अते आई.जी.नाल उह इउं गल्लां करदा सी, जिवें उह कलरक होण। जो उह करेगा, ठीक करेगा। इह सोच के उनहां नें मन करड़ा कर लिआ।

जलदी ही आई.जी.दे तेवर ढिल्ले पैण लग्गे।

पहिलां उसने तिंन दिनां लई दौरा अग्गे पाइआ। फेर दौरा रद्द कर दित्ता।

सफ़ाई दे गवाहां दे बिआन अणमिथे समें लई अग्गे पा दित्ते गए।

हफ़ते बाअद मिसल थाणे वापस आ गई। बहाना इह सी कि मुकामी पुलिस दी तफ़तीश विच्च विघन पै रिहा सी। हाले कुझ्झ दोशी फड़ने बाकी सन।

माल बरामद करन वाला रहिंदा सी। फड़े जा चुक्के मुलज़मां दे रिमांड विच्च वाधा कराउणा सी। बहुती देर मिसल चंडीगहड़ नहीं सी रख्खी जा सकदी।

थाणे मिसल मुड़ आउण नाल पंकज होरां दा मत्था ठणकिआ। ज़रूर दाल विच्च कुझ्झ काला सी।

सच्च जानण लई पंकज नें आई.जी.नाल राबता काइम कीता। आई. जी.नें उनहां नूं झिड़किआ तां नहीं पर पहिलां वाली अपणत्त वी नां दिखाई।

घबराए पंकज नें प्रताप सिंघ नाल संपरक कीता। रकम चोखी खरच हो चुक्की सी। पर कंम सिरे चहड़दा नज़र नहीं सी आ रिहा। घट्टो घट्ट उनहां नूं पता तां लग्गे, हुण आई.जी.नूं किहड़ा सप्प सुंघ गिआ।

प्रताप सिंघ नें आई.जी.नाल गल्ल कीती। किथे अड़चन आ रही सी?

प्रताप सिंघ तों किसे नूं फ़ोन कराउण दी लोड़ सी, उह करन नूं तिआर सी।

आई.जी.नें जदों आपणे दड़ वट्टन दा भेत खोल्हणा शुरू कीता तां प्रताप सिंघ दे पैरां हेठों ज़मीन खिसकण लग्गी।

आई.जी.नूं मुख्ख मंतरी वल्लों झाड़ां पईआं सन। किसे घर दे भेती नें लंका नूं अग्ग लाई सी। मुख्ख मंतरी नूं कपतान, डी.आई.जी.तों लै के आई.जी.तक नूं पुज्जीआं रकमां दी सूह मिल चुक्की सी। मुख्ख मंतरी नें धमकी दित्ती सी, जे सच्च नां नतारिआ गिआ तां तफ़तीश सी.बी.आई.नूं दे दित्ती जाएगी। पुलिस अते मुलज़मां दी मिली भुगत दी घोख वी सी.बी.आई.करेगी।

“किधरे मेरा ज़िकर तां नहीं आइआ?”

प्रताप सिंघ नूं आपणा पाला खाण लग्गा। जे आई.जी.तक पुज्जी रिशवत उजागर होई सी तां रिशवत दिवाउण वाले दा नां वी उजागर होइआ होएगा।

“नहीं, मेरा खिआल है तुहाडे विच्च आउण बारे किसे नूं पता नहीं। अग्गों तों तुहानूं बच के रहिणा चाहीदा है।”

आई.जी.दे विशवास दिवाउण ’ते प्रताप सिंघ नूं कुझ्झ राहत महिसूस होई।

पूरी तसल्ली करन लई उह होर डूंघाई विच्च जाण लग्गा।

“फ़ोन तुहानूं मुख्ख मंतरी नें कीता सी जां किसे सकत्तर नें?”

“पहिलां सी.ऐम.ख़ुद गल्ल करना चाहुंदे सन। जदों मैं फ़ोन ’ते आइआ, उह मीटिंग ’ते चले गए। मेरी गल्ल प्रिंसीपल सैकटरी नाल होई सी। उह मेरा यार है। असीं दो वार इकठ्ठे रहे हां। इक्क वार मैं पटिआले कपतान सी अते उह ए.डी.सी.। दूजी वार मैं फ़िरोज़पुर डी.आई.जी.सी अते उह डिपटी कमिशनर।”

“हो सकदा है प्रिंसीपल सैकटरी नें आपणे कोलों दबका मार दित्ता होवे?

असामी दे मोटी होण दी भिणक किसे पासिउं उसदे कंन विच्च पै गई होवे? उह वी वगदी गंगा विच्च हत्थ धोणा चाहुंदा होवे।”

“नहीं! उह मेरे नाल इंझ नहीं कर सकदा। आपां उसे दे सहारे इस पोसट ते बैठे हां। बथेरी वार लोकां नें इस पोसट ’ते लग्गण दी कोशिश कीती है। हर वार उह बचाउंदा रिहा है। कोई झाक हुंदी, उह सिध्धा आख दिंदा।

कोई गड़बड़ ज़रूर है।”

“फेर, हुण की कर रहे हो?”

“करना की है! चुप्प बैठे हां। चंगी थां ’ते लग्गे हां। छोटा जिहा सूबा है।

मेरे वरगे अठारां आई.जी.नें। तिंन चार नूं छड्ड के बाकी सभ खुड्डे लाईन लग्गे होए हन। हर कोई फीलड विच्च आउणा चाहुंदा है। मौका भालदे रहिंदे हन, कदों कोई ग़लती करे अते उह उसदी कुरसी हथिआए। भरावा मैं कोई जोख़म नहीं उठाउणा। जाण बुझ के ग़लती नहीं करनी। जे उह तेरे मित्तर हन, आपां रकम वापस कर दिंदे हां। मैं मुख्ख मंतरी नूं नराज़ नहीं कर सकदा।”

“इडी घबराहट वाली किहड़ी गल्ल है। रकम वापस किउं करनी है? आपणे किहड़ा उह साले लगदे हन। विउपारी हन। चीज़ खरीद रहे हन। लोड़ पई तां आए हन। मैं आपे उनहां नूं चुप्प करवा देवांगा। कोई रिसक लैण दी ज़रूरत नहीं।”

“मेरी तुहानूं इक्क निजी राए है। तुसीं इस कंम विचों आपणा हत्थ खिच्च लवो। बहुता जग्गर हो के कंम नां करो। साडी धूह घड़ीस इसे तरहां हुंदी रहिंदी है। तुहाडा ज़िआदा नुकसान हो जाणा है। हाई कोरट जाण वाले हो।”

आई.जी.दे इस सुझाअ ’ते प्रताप सिंघ नूं लग्गा, जिवें उसदा नां शिकाइत विच्च बोल रिहा सी। आई.जी.जाण बुझ के प्रताप सिंघ तों लुका रिहा सी।

“किधरे खुफ़ीआ विभाग नें तां मुख्ख मंतरी दे कंन नहीं भरे? उस बरांच तों चैक्क करना सी?”

प्रताप सिंघ बिनां कमज़ोरी दिखाए तैअ तक जाणा चाहुंदा सी।

“उह सभ मैं देख चुक्का हां। चुगली साडी किसे बरांच वल्लों नहीं होई।

इतलाह निजी सोमे तों मिली है।”

“चलो मैं कढ्ढदा हां खुरा। तुसीं धिआन रख्खणा। मेरा किधरे नां आउंदा नज़र आवे, मैनूं दस्स देणा। मैं रोक करांगा … मैं पारटी नूं समझा दिंदा हां।

उह मुख्ख मंतरी नूं शांत करे।”

दोहां मित्तरां नें इक्क दूजे दे बचाअ दा भरोसा दिवाइआ।

प्रताप सिंघ नें आई.जी.कोलों जो साफ़ साफ़ सुणिआ सी, उसनूं इशारिआं दी पान चहड़ा के पंकज नूं सुणा दित्ता।

“किसे भेती नें भेत बाहर कढ्ढ दित्ता है। हुण सिआसी पहुंच दी ज़रूरत है। सैंटर विचों फ़ोन खड़क रहे हन। मुख्ख मंतरी उपर सिआसी दबाअ पै रिहा है। उह आई.जी.उपर दुध्ध दा दुध्ध अते पाणी दा पाणी नितारन दा दबाअ पा रिहा है। आई.जी.पाणी नूं दुध्ध किस तरहां बणा देवे। आपणी लिहाज़ कारन उसने मामला लटका दित्ता है। तुसीं मुख्ख मंतरी नूं ठंडा करो। उह दोबारा मिसल मंगवा के आपणा कंम कर देवेगा।”

आई.जी.दी मजबूरी दस्स के प्रताप सिंघ उनहां नूं आपणे बारे चौकस करन लग्गा: “दोहें धिरां इको परिवार दीआं मैंबर हन। रिशतेदार अते भाईचारा सांझा है। आई.जी.दा अनुमान है कि तुहाडा हमदरद बणिआ फिरदा कोई बंदा दूजी धिर नूं सूह दे रिहा है। जिहड़ी गल्ल तेरे अते मेरे विचकार होई उह मुख्ख मंतरी तक किस तरहां पुज्ज गई? इस गल्ल नूं गहिराई नाल सोचो।

किधरे मेरी पग्ग नूं हत्थ नां पै जाए। अग्गों तों मेरे नाल घट्टो घट्ट संपरक करो।

फ़ोन बिलकुल नां करो। पता नहीं कदों कोई गल्ल बात टेप कर लए। कोई लोड़ पए, वासूदेवा नाल फ़ोन कर लैणा। उह आपे मेरे नाल संपरक कर लएगा।

मेरा नां विच्च आ गिआ, थोडे हाई कोरट दे सारे कंम विच्च रहि जाणगे। … घर दा भेती लध्धभो। सभ मसले हल्ल हो जाणगे।”

“सर तुहाडी बहुत पहुंच है। कोई मुख्ख मंतरी दा ठोस बंदा लभ्भ दिओ।”

पंकज प्रताप सिंघ दी भरपूर वाकफ़ीअत दा फ़ाइदा उठाउणा चाहुंदा सी।

“मेरी जाण पहिचाण अफ़सरां नाल है। उनहां कोलों जो मरज़ी करवा लवां।

अफ़सर धुर तक पुग्गदे हन। सिआसी बंदिआं दा कोई भरोसा नहीं। अज्ज इक्क दी झोली, कल्ल्ह नूं दूजे दी। दोहां धिरां तों पैसे लै लैंदे हन। आपणे ’ते बणदी नज़र आवे, पाणी अफ़सरां वल्ल रोहड़ दिंदे हन। जदों इह गद्दीउं लहिंदे हन, सौ सौ सकैंडलां विच्च फसदे हन। सिआसी लोक आपस विच्च इक्क मिक्क हो जांदे हन। अफ़सर मुकद्दमे भुगतदे मर जांदे हन। तुहाडा मसला टेढा है। सिआसी बंदिआं तों कंम सिआसी बंदिआं राहीं लओ। कोई मेरा दाअ लध्धगिआ, मैं तुहानूं फ़ोन करके दस्स दिआंगा।”

प्रताप सिंघ पंकज होरां दी पहुंच मुख्ख मंतरी तक करवा सकदा सी, पर होई शिकाइत तों घबरा रिहा सी। आपणे मन अंदर उह सुख्खां सुख्ख रिहा सी।

इस वार बे दाग़ उह इस सिआपे विचों निकल जावे। अग्गों तों उह तरक्की होण तक किसे गिल्ले गोहे उपर पैर नहीं रख्खेगा। नवीं मुसीबत गल पाउण दा सवाल ही नहीं सी।

पंकज हुण उस लई वैसे वी अंब दी चूसी गिटक वांग सी। प्रताप सिंघ आपणी पग्ग बचा के उसदी जिंनी मदद कर सकदा सी, कर चुक्का सी। चंगे पैसे हत्थ लग्ग चुक्के सन। अफ़सरां नाल लैण देण कराउण दा इहो फ़ाइदा सी।

जो दित्ता, फड़ के रख्ख लिआ। कोई पुछ्छ पड़ताल नहीं, किंना लिआ, किस राहीं लिआ। कंम होइआ, सभ हज़म।

प्रताप सिंघ दी हाई कोरट तक पहुंच सी जां पुलिस तक्क। उह दोहीं थाईं हत्थ पैर मार चुक्का सी। होर किधरे विचोलगी दी गुंजाइश नहीं सी।

किधरे होवे वी उसने तां वी नहीं सी करनी। लालच बुरी बला है।

इहो सोच के प्रताप सिंघ नें पंकज होरां नाल आख़री वार हत्थ मिलाइआ।

 

-46-

 

मुख्ख मंतरी तक पहुंच करनी औखी नहीं सी। समस्सिआ सी, घर दे भेत बाहर जाण दी। लंका ढाहुण वाले भवीशण दी।

इह समस्सिआ नवीं नहीं सी। पहिले दिन तों पेश आ रही सी। पहिलां मेलू राहीं कपतान नाल होए संपरक दीआं ख़बरां अख़बारां विच्च छपीआं। हुण आई.जी.नाल पक्की खिचड़ी ज़ाहर हो गई। जे इसे तरहां हुंदा रिहा तां उनहां दा ख़रचा वी करोड़ां तक पुज्ज जाणा सी अते उनहां नूं कैद वी कट्टणी पैणी सी।

सभ तों पहिलां घर दे भेती दा खुरा खोजणा ज़रूरी सी।

पंकज नां किसे सांझे दोसत दी मदद लै रिहा सी, नां किसे सांझे रिशतेदार दी। सारी कारवाई दौरान उस नाल अजे रिहा सी जां विने। उह उसदे आपणे दोसत सन। वेद जां कमल दा उह पहिलां नां तक नहीं सन जाणदे। सतीश उसदा सका साला सी। उसनूं जीजा पिआरा सी जां जीजे दे दुशमण।

पंकज दे सभ समरथक विउपारी सन। विउपार विच्च करोड़ां दे कारोबार दो नंबर विच्च हुंदे हन। कामयाब विउपारी उहो है, जो करोड़ां दी कांप तां झल्ल जावे, पर भेत बाहर नां कढ्ढे।

शक्क दी दूसरी सूई सिंगले वल्ल मुड़दी सी।

सिंगला पंकज दे परिवारक घेरे विचों नहीं सी। नां उह घाटे वाधे हज़म करन वाला विउपारी सी।

पर उह वकील सी। वकीलां नूं आपणे साइलां दे हर चंगे माड़े कंम दा पता हुंदा है। वकील नूं साइल दे सारे भेत आपणी हिक्क विच्च दफ़न रख्खणे पैंदे हन। इक्क वकील दा हाज़मा वी कमज़ोर नहीं हो सकदा।

फेर गल्ल निकली किथों?

समस्सिआ सदा सदा लई हल्ल होणी चाहीदी सी। जे सिंगले ’ते शक्क सी तां दूर कर लैणा चाहीदा सी। वकील नाल उनहां नूं हर पड़ाअ ’ते राए मशवरा करना पैणा सी। वकील कोलों भेत छुपा के मुकद्दमा नहीं जिध्धतिआ जा सकदा।

जे कसूरवार होइआ आपे पैरवाई छड्ड जाएगा। अणगहिली करदा होइआ अग्गों तों सावधान हो जाएगा। बे कसूर होइआ सपश्शटीकरन देवेगा।

“नां कानूंन वकील नूं आपणे साइल दे भेत बाहर कढ्ढण दी इजाज़त दिंदा है, नां इख़लाक। विरोधी धिर नाल साज़ बाज़ करन दी जुअरत उहो वकील कर सकदा है जिसने वकालत नूं तलाक देणा होवे। वकील दे होर सभ कसूर मुआफ़ हो सकदे हन, पर विरोधी धिर नाल मिलण वाला काला टिक्का हमेशा उसदे मत्थे ’ते चमकदा रहिंदा है। मैं हाले बहुत मंज़लां तैअ करनीआं हन।”

इस जवाब दे नाल नाल सिंगले नें इक्क सुझाअ वी दित्ता।

“डराईवरां तों सावधान रहो। रसतिआं विच्च उह सारी गल्लबात सुणदे रहिंदे हन। नशे विच्च टुन हो के सभ कुझ्झ बक दिंदे हन। मैं कई वार अजिहे भेत डराईवरां कोलों कढ्ढे हन।”

सिंगले नें इक्क वार फेर उनहां दा मन मोह लिआ। उसदा शक्क काफी हद्द तक ठीक जापदा सी।

पंकज होरां नें मता पकाइआ। अग्गे तों जदों उह मुकद्दमे दे सबंध विच्च बाहर जाणगे तां गड्डी ख़ुद चलाउणगे।

नां रहेगा बांस नां वज्जेगी बंसरी।

 

-47-

 

बला डराईवर गल पा के सिंगले नें आपणी धौड़ी ज़रूर बचा लई पर इस वार भांबड़ सिंगले दी लाई तीली कारन निकलिआ सी। इह दूसरी गल्ल सी कि अग्ग उसने जाण बुझ्झ के नहीं सी लाई।

विहले चार वकील जदों इकठ्ठे हुंदे हन तां उनहां दी गल्लबात दा विशा नवें मुकद्दमिआं नाल सबंधत हुंदा है। किस केस विच्च किस वकील नें किंनी ठग्गी मारी? किस वकील नें किस जज्ज दे नां ’ते किंने पैसे खाधे? किस जज्ज नें किस पारटी तों, किस राहीं, किंने पैसे लए? पुलिस नें किस दे आखे ज़िमनीआं बदलीआं? गवाही मुक्करण दे किंने पैसे लए।

इहो जिही इक्क गप्प शप्प दे दौरान पुलिस कपतान दी ईमानदारी दा किस्सा छिड़ पिआ। पुलिस पख्खी इक्क वकील पुलिस कपतान दी ईमानदारी दे सोहले गाउण लग्गा। दूजा वकील कपतान वल्लों मुख्ख मंतरी परिवार नूं जांदी मंथली दा वेरवा देण लग्गा। तीजा वकील कपतान वल्लों मुकद्दमे दरज करन अते दरज मुकद्दमिआं नूं कैंसल करन लई वसूली जांदी रकम दे सबूत देण लग्गा।

कपतान पख्खी वकील दी दलील नूं काट देण लई सिंगले नें ठोस सबूत वजों इस मुकद्दमे दे तत्थ पेश कर दित्ते।

कपतान पख्खी वकील कंन झाड़ के तुर गिआ।

पर बघेल सिंघ पख्खी इक्क वकील नें इह गल्ल आपणे कंन विच्च पा लई।

वकील अते विधाइक कई दिनां तों किसे ठोस सबूत दी तलाश विच्च सन।

विधाइक दी कपतान विरुध शिकाइत दी सुणवाई नहीं सी हो रही। मुख्खमंतरी वल्लों ठोस सबूत दी मंग कीती जा रही सी। हुण कपतान अड़िक्के आइआ सी।

वकील तुरंत विधाइक दी कोठी जा वज्जा। कपतान तों बदला लैण दा इह वधीआ मौका सी।

वकील दा इक्क रिशतेदार पुलिस नें इक्क झूठे केस विच्च फ़सा रख्खिआ सी।

उसदे रिशतेदार दा इह कसूर सी कि उसने बैअ नामे उपर गवाही पाई सी।

गवाही उसने ठीक पाई सी। पलाट वेचण वाला उसदा दोसत सी। उसने आपणे दोसत दी शनाख़त कीती सी। दोसत कोल मालक वल्लों उसदे हक्क विच्च दित्ता मुख़तिआर नामा सी। उस मुखतिआर नामे दी नकल सबूत वजों बैअ नामे नाल लाई गई सी। पिछों पता लग्गा उह मुख़तिआर नामा जाअली सी। इस विच्च गवाह दा की कसूर सी। नां कानूंनी तौर ’ते उह मुलज़म बणदा सी। नां असल विच्च उसनूं इस जाअल साज़ी बारे पता सी। वकील विधाइक ’ते ज़ोर पा रिहा सी। उह कपतान नूं आख के उसदे रिशतेदार नूं बे कसूर करार दिवाए।

विधाइक कई वार सिफ़ारश कर चुक्का सी पर कपतान टालमटोल कर रिहा सी।

वकील नूं कपतान ’ते वध्ध गुस्सा इस लई सी कि पुलिस बैअ नामे दे दूजे गवाह नूं बे कसूर करार देई बैठी सी। मुखतिआर नामे दे गवाहां नूं पुलिस नें बुलाइआ तक नहीं सी। हालांकि ग़लत बंदे नूं तसदीक करके जाअली मुखतिआर नामा तिआर कराउण विच्च उनहां दा हत्थ सी।

वकील नूं बघेल सिंघ ’ते गुस्सा सी। उह पूरा ज़ोर नहीं सी लाउंदा।

विधाइक नूं कपतान ’ते गुस्सा सी। उह उसदा जाइज़ कंम वी नहीं करदा।

कपतान नाल किड़ कढ्ढण दा इह वधीआ मौका सी।

वैसे वी इह पारटी मोटी सी। अफ़सर झोलीआं भर रहे सन। उह टंग अड़ाउणगे तां भेली विचों कोई रोड़ी उनहां दे हत्थ वी लग सकदी सी।

बहाना लभ्भदे ही विधाइक अते वकील चंडीगहड़ दे राह पै गए। जांदे होए उनहां ख़बरां दीआं कातरां वी नाल लै लईआं जिनहां विच्च सरकारी वकील अते थाणेदार दे मुलज़म धिर नाल साज़ बाज़ होण दीआं ख़बरां छपीआं सन।

मुख्ख मंतरी कुझ्झ मिंट पहिलां कोठीउं निकल चुक्का सी। उह उसनूं मिलणो रहि गए।

मुख्ख मंतरी दा सिआसी सकत्तर विधाइक दा यार सी। विधाइक नें सकत्तर नूं सारी कहाणी समझाई। कपतान दे मोटी रकम लैण बारे ख़बर पक्की सी।

‘डी.आई.जी.नें दस लख्ख लिआ है’ इह चरचा आम सी। सकत्तर नें जे थोहड़ा जिहा झटका दे दित्ता, पारटी नें चंगी रकम दे देणी सी।

सकत्तर नें बघेल सिंघ दे साहमणे ही कपतान तों केस दी ताज़ा सथिती बारे पुछ्छ लिआ। नाल हुंदी चरचा बारे सुणा दित्ता।

कपतान नें दस्सिआ मिसल आई.जी.कराईम कोल आई होई सी। इह वी पता लग्गा दोशीआं नें आपणे बे कसूर होण बारे दरख़ासत दित्ती सी। आई.जी. उसे दी पड़ताल कर रिहा सी।

आई.जी.कोल आई मिसल दा मतलब सी दोशीआं दा बे कसूर साबत होणा। सकत्तर नूं आई.जी.दीआं सारीआं कारवाईआं दा पता सी। उह नोटां दे बोरे भर रिहा सी। पहिलां उह कदे सकत्तर दे लोट नहीं सी आइआ। हुण दबका मारिआ जा सकदा सी।

सिआसी सकत्तर दी प्रिंसीपल सैकटरी नाल इको गल्ल सी। आई.जी.दा रैंक वड्डा सी। उसनूं दबका प्रिंसीपल सैकटरी तों मरवाइआ गिआ। दो लख्ख लई रिशवत दी कहाणी कोलों घड़ी गई।

आई.जी.किधरे सिध्धा मुख्ख मंतरी नूं सपश्शटीकरन नां देण लग्ग जाए इस लई प्रिंसीपल सैकटरी नें बघेल सिंघ दी शिकाइत मुख्ख मंतरी दे कंनीं कढ्ढ दित्ती।

बघेल सिंघ पारटी दे नराज़ धड़े नाल सबंध रख्खदा सी। इह धड़ा दिनोदिन भारू हुंदा जा रिहा सी। धड़े विच्च संनह लाउणी ज़रूरी सी।

विधाइक नूं ख़ुश करन लई मुख्ख मंतरी नें तुरंत कारवाई करन दा हुकम झाड़ दित्ता। प्रिंसीपल सैकटरी नूं सथिती ’ते नज़र रख्खण अते सवेरे शाम मुख्खमंतरी नूं सूचित करन दी हदाइत कर दित्ती।

उनहां दे घुग्गी सूत आ गई। आई.जी.मोक मार गिआ।

सी.ऐम.हाऊस आ के नाले सकत्तरां कोल हाज़री लगवाई, नाले मिंनत तरला कीता। अग्गों तों अध्ध बोल कंम करन दा वाअदा कीता।

सिंगले दी इक्क फड़ के राई दा पहाड़ बणा दित्ता।

केस पुलिस दे हत्थों निकल के मुख्ख मंतरी दी कोठी पहुंच गिआ।

 

-48-

 

पंकज दे डैडी ठीक आखिआ करदे सन: “अफ़सर अते नेता चंगे समिआं विच्च साथ दिंदे हन। कदे भीड़ पै जावे तां पूछ दबा के भज्ज जांदे हन।”

पंकज होरां नाल इसे तरहां हो रिहा सी। जिंनहां अफ़सरां दे उनहां घर भरे सन, दिल खोल्ह के तोहफ़े दित्ते सन, उह उनहां नूं पछानण तों मुनकर हो रहे सन।

जिनहां नेतावां नूं उनहां दिल खोल्ह के चंदे दित्ते सन, वेले कुवेले जिनहां दे नाल खलोते सन, उह हुण उनहां दे फ़ोन सुणन नूं तिआर नहीं सन।

मुख्ख मंतरी तक पहुंच किस राहीं कीती जावे? इह सोचण लई रिशतेदार इकठ्ठे होए बैठे सन। ऐम.पी.साहिब पिठ्ठ दिखा चुक्के सन। डरदा वीह दिनां तों उह माइआ नगर नहीं सी वड़िआ। माइआ नगर विचों तिंन विधाइक चुणे गए सन। दो विरोधी धिरे दे सन। जिहड़ा सत्ताधारी धिर दा सी उस बारे चरचा सी कि मुख्ख मंतरी उस दी सुणदा नहीं। उह पारटी दे नराज़ धड़े नाल जुड़िआ होइआ सी।

पंकज दे इक्क साले दे सांढू दा बाप मुख्ख मंतरी दे इलाके विच्च काफ़ी असर रसूख़ रख्खदा सी। उसदा जद्दी कंम आहड़त दा सी। दो शैलर अते तिंन भठ्ठे वी सन। हत्थ पहिले दिनों खुल्हा सी। समाज सेवक अखवाउण दा उसनूं शौक सी। इलाके विच्च अख्खां दा कैंप लग्गा होवे, गरीब कुड़ीआं दे विआह हुंदे होण, उह दिल खोल्ह के दान दिंदा सी। उसदे दान नूं मुख्ख रख्खदिआं लगभग हर संसथा नें उस नूं कोई नां कोई अहुदा दित्ता होइआ सी। सिआसत विच्च उसनूं कोई दिलचसपी नहीं सी। पर जे कोई सिआसी पारटी किसे रैली जां जलूस लई टरक्क जां लेबर मंगण आ जांदी तां उह किसे नूं जवाब नहीं सी दिंदा। अकाली, कांगरसी सभ उस लई बराबर सन।

उसदी इसे सेवा कारन उसदी इलाके दे हर सिरकढ्ढ नेता नाल जाणपहिचाण सी। कदे कदे उह आपणे शैलर ’ते कोई छोटा मोटा समागम रख्ख के सिआसी नेतावां नूं बुलाउण दा शौक पूरा कर लैंदा सी।

उसदी कबीलदारी ठीक चल्ल रही सी। आपणे निजी कंमां लई उसनूं सिआसी बंदिआं पिछ्छे भज्जण दी ज़रूरत नहीं सी पैंदी। किसे सांझे कंम लई जे उह किसे मंतरी कोल जांदा तां कदे खाली हत्थ नहीं सी मुड़दा।

इह मुख्ख मंतरी पहिलां चौधरी दे पिंड दा सरपंच रिहा सी। जदों इह विधाइक बणिआ चौधरी नें उस कोल आउण जाण बणाई रख्खिआ। मंतरी बण के उह चौधरी दीआं विआह शादीआं ’ते आउंदा रिहा। मुख्ख मंतरी बण के वी उसने चौधरी दी पछाण नहीं सी भुल्ली। भरे इकठ्ठ विचों उह चौधरी नूं नां लै के बुलाउंदा सी अते सभ तों पहिलां उसदा कंम करदा सी।

सतीश दा मत्त सी चौधरी दी मदद लैणी चाहीदी सी।

मालवे दी हिक्क ’ते वध्धसिआ चौधरी दा इलाका माइआ नगर दी ज़िलत तों बचिआ होइआ सी। उथों दे लोक हाले वी सिध्धे सादे सन अते हर कंम विचों सिआसी लाहा नहीं सन लैंदे।

कंम होवे जां नां, पर चौधरी दे जाण नाल इह पता ज़रूर लग्ग जाएगा कि मुख्ख मंतरी दी मुदई धिर विच्च किंनी कु दिलचसपी सी। उस नूं चुप्प कराउण लई किस पध्धर दा रसूख़ अते किंनी कु रकम चाहीदी सी।

रिशतेदारां नूं उसदी मदद दी लोड़ है! इह सुणके चौधरी फुल के कुप्पा हो गिआ। उसने पैर जुत्ती नां पाई। झट्ट माइआ नगर वल्ल दौड़ पिआ।

मुख्ख मंतरी दे अमले फैले कोल चौधरी दा नां उसदे ख़ास बंदिआं विच्च दरज सी। थोहड़ी जिही उपचारकता तों बाअद उसनूं मुख्ख मंतरी दे दरबार विच्च भेज दित्ता गिआ।

मंतरीआं अते विधाइकां नूं फ़ारग करके मुख्ख मंतरी नें चौधरी तों उसदे आउण दा कारन पुछ्छिआ।

मुख्ख मंतरी दा हैलीकापटर पुज्ज चुक्का सी। उह उडण लई तिआर सी।

चौधरी गागर विच्च सागर भर के आपणी गल्ल आख देवे।

चौधरी नें जदों पंकज होरां दे बे कसूर होण दी गल्ल आखी तां मुख्ख मंतरी दा चिहरा गुस्से नाल सूहा हो गिआ। पर उह आपणा गुस्सा विचे पी गिआ।

कोई होर वरकर हुंदा, मुख्ख मंतरी भरी महिफ़ल विच्च उसदी बेइज़्ज़ती करके आपणे इनसाफ़ पसंद मुख्ख मंतरी होण दा सबूत दिंदा। पर चौधरी भोला पंछी सी। माइआ नगर दे कुबेर उसनूं वरगला के लै आए सन।

मुख्ख मंतरी नें आपणे सिआसी सकत्तर नूं इशारा कीता, उह चौधरी नूं नाल दे कमरे विच्च लै जाए। गल्ल इकांत विच्च करन वाली सी।

इक्क दो होर फरिआदां सुणके मुख्ख मंतरी नें बाकी फरिआदीआं नूं सकत्तरां दे लड़ ला दित्ता। आप चौधरी नूं नाल लै के आपणे निजी कमरे विच्च चला गिआ।

“चौधरी साहिब तुसीं आए हो, धंनभाग! पर तुहाडे रिशतेदारां नें कंम बहुत माड़ा कीता है। सारे तत्थां दी मैं ख़ुद तहिकीकात कराई है। दूजा जुरम इह कीतै कि अफ़सरां नूं वड्डीआं रकमां दे के ख़रीद लिआ। आपणी सरकार दी बदनामी हो रही है। जे मुंडे नाल आए नें तां बेशक्क मेरे साहमणे बुला के पुछ्छ लओ। जे केस झूठा होइआ, मैं हुणे उनहां नूं बरी कर देऊंगा।”

“जे इह गल्ल है तां मैनूं मुआफ़ी दिओ। मैनूं कहिंदे असीं बेकसूर हां। मैं तां आ गिआ। जे उह कसूरवार नें बेशक्क फाहे ला दिओ। फेर मेरी कोई सिफारश नहीं।”

चौधरी इस तरहां सपश्शटीकरण देण लग्गा, जिवें उह ख़ुद मुलज़म होवे।

“मुआफ़ी वाली किहड़ी गल्ल है। तुसीं आए हो तां ख़ाली हत्थ थोहड़ा मोड़ांगे।

कुछ करांगे। मेरी मीटिंग दा टाइम हो गिआ है। मैं जाणै। तुसीं मेरे सिआसी सकत्तर नूं मिल लउ। उह थोनूं सिध्धे राह पा देवेगा। मैं उसनूं आख दिंनै। मेरे वल्लों जिथे आख़ोगे, फ़ोन कर देवेगा।”

चौधरी दी बांह सिआसी सकत्तर दे हत्थ फड़ा के मुख्ख मंतरी जहाज़ चहड़ गिआ।

मुख्ख मंतरी दे बाहर जांदिआं ही सारी भीड़ खिंड गई। विहला होइआ सिआसी सकत्तर चौधरी नूं आपणे दफ़तर लै गिआ। सिआसी सकत्तर नूं मुकद्दमे दे तत्थां दा मुख्ख मंतरी नालों वध्ध पता सी। उह इक्क इक्क घटना दा वेरवा देण लग्गा।

“मैं नुकस सुणन नहीं आइआ। इह दस्स साडा खहिड़ा किस तरहां छुट्टू।”

सिआसी सकत्तर उनहां दे इलाके दा सी। चौधरी दा वाकिफ़ सी। इस लई बिनां भूमिका बंनहे उह सिआसी सकत्तर तों हल्ल पुछ्छण लग्गा।

“तुहाडा कंम होएगा। मुख्ख मंतरी जी इशारा कर गए हन। पर आपां नूं ढंग नाल चलणा पएगा। पारटी नें नवीं नीती घड़ी है। सारे कंम इलाके दे विधाइक राहीं सिफारश हो के आउण। चोणां सिर ’ते हन। विधाइक शिकाइत करदे हन, अफ़सर उनहां दी परवाह नहीं करदे। उह लोकां नालों टुट्ट रहे सन।

उनहां दा गिला सी, जे इलैकशन हार गए, फेर नां आखणा सरकार डिग्ग गई।

तुसीं बघेल सिंघ नूं मिल लओ। मैं फ़ोन कर दिंदा हां। उह आपे विगड़ी संभाल लएगा। सभ अफ़सरां नूं ताड़ देवेगा।”

सिआसी सकत्तर नें विधाइक नूं फ़ोन कीता। चौधरी साहिब दे आउण दी सूचना दित्ती। जो कंम उह लै के आ रहे हन, उह मुख्ख मंतरी साहिब दा है।

जिवें उह आखण, उह कर देवे।

गेट तक छड्डण आए चौधरी नूं सकत्तर नें इक्क हदाइत कीती: “मुंडे नवें नवें फसे हन। ग़लत बंदिआं हत्थ चहड़े फिरदे हन। आखो हुण हत्थ घुट लैण। जिथे लोड़ पई आपे ऐम.ऐल.ए.साहिब दस्स देणगे।”

सोची समझी योजना तहित सिआसी सकत्तर नें चौधरी नूं बघेल सिंघ दी झोली पा दित्ता।

वापस आउंदे चौधरी नूं समझ नहीं सी आ रही। उसदा कंम होइआ है जां उसनूं जवाब मिलिआ है।

 

-49-

 

चौधरी नें जो रिपोरट लिआ के दित्ती, उस तों इह सपश्शट हो गिआ कि इस सारे फ़साद दी जहड़ बघेल सिंघ सी।

कुझ्झ दिनां तों उसदीआं हरकतां शक्की हो गईआं सन।

वारदात दे दस दिनां बाअद उसनूं दुखी परिवार नाल हमदरदी जागी सी। उह दोहां ज़ख़मीआं दी हसपताल जा के ख़बर लै के आइआ सी। उह कमल दे भोग विच्च शामल होइआ सी। पत्तरकारां नूं बुला बुला उह भड़कीले भाशण दे रिहा सी। पुलिस दी नलाइकी नूं कोस रिहा सी। कपतान नूं उह ताड़ रिहा सी। आख रिहा सी, जे असल मुलज़म साहमणे नां लिआंदे गए तां मुख्ख मंतरी ते ज़ोर पा के उह तफ़तीश सी.बी.आई.दे हवाले करवा देवेगा। थां थां उह पुलिस विच्च फैले भ्रिशटाचार दा ज़िकर कर रिहा सी।

लोकां विच्च आम चरचा सी। बघेल सिंघ मुख्ख मंतरी दे समरथक विधाइकां विचों इक्क नहीं सी। उह जथेदार दे धड़े विच्च गिणिआ जांदा सी। इस लई उसदी चहड़त मुख्ख मंतरी नूं पसंद नहीं सी। अंदरख़ाते मुख्ख मंतरी नें अफ़सरां नूं हदाइतां जारी कीतीआं होईआं सन। उस नूं मूंह नां लाइआ जावे।

हुण मुख्ख मंतरी नूं उस नाल पता नहीं की हेज जाग पिआ सी। इस केस दी सारी वागडोर उस नें बघेल सिंघ नूं संभाल दित्ती लग्गदी सी।

पुलिस कपतान मुख्ख मंतरी दा खास बंदा सी। लोकां विच्च आम चरचा सी।

उह काका जी दा जमाती सी। इस रिशते तों इलावा उह मैडम कोल वी हाज़री भरदा सी। बघेल सिंघ इनही दिनीं उसे कपतान दी भौंडी पिट्ट रिहा सी। मुख्खमंतरी ख़ामोश सी। इह की सिआसत सी पंकज होरां दे समझ नहीं सी आ रही।

हुण मुख्ख मंतरी दे सकत्तर नें हुकम झाड़िआ सी। उसे विधाइक नूं मिलण लई आखिआ सी, जिसदी मुख्ख मंतरी शकल देखण नूं तिआर नहीं सी।

बघेल सिंघ नूं चुप्प कराउणा उनहां दे खब्बे हत्थ दी खेड सी। उह उनहां दा आपणा वाकिफ़ सी। वीह वार उनहां दे दफ़तर आइआ सी। फंड लै के गिआ सी। इट्ट चुक्कण ’ते उसदी सिफारश लभ्भ पैणी सी।

पर उनहां दीआं इह किआस अराईआं ग़लत साबत होईआं। विधाइक सानह वांग भूसरिआ बैठा सी। सिध्धे मूंह गल्ल नहीं सी करदा।

उसदा आकड़ना जाइज़ सी। उसनूं आपणी सिआसी सथिती दा गिआन सी। उह आपणे सिआसी गुरू नाल वफ़ादार सी। गुरू मुख्ख मंतरी नाल सिंग अड़ाई खहड़ा सी। किसे वी समें पारटी दो धड़िआं विच्च वंडी जा सकदी सी।

मुख्ख मंतरी नें विरोधी धड़े दे विधाइकां दे खंभ कुतर रख्खे सन। बघेल सिंघ दी वुक्कत सिफ़र होई पई सी। उह लोकां नालों टुट्ट रिहा सी। लोक मुख्ख मंतरी पख्खी नेतावां नाल जुड़ रहे सन।

बघेल सिंघ दा सिआसी भविख्ख ख़तरे विच्च सी। जे पारटी दो फाड़ नां होई तां मुख्ख मंतरी नें उसदा टिकट वाला पत्ता कट्ट देणा सी। जे पारटी बची रही अते उसनूं टिकट मिल गिआ फेर वी उसदे जित्तण दी कोई संभावना नहीं सी। असुरख्खिअत महिसूस करदा बघेल सिंघ असर रसूख़ दी थां पैसा बणाउण वल्ल धिआन दे रिहा सी। दोहां सथितीआं विच्च पैसे दी ज़रूरत सी। जे टिकट मिल गिआ तां असर रसूख़ दी घाट कारन पैसा पाणी वांग वहाउणा पैणा सी। टिकट नां मिलिआ तां अगले पंज साल आराम नाल कढ्ढण लई पैसा चाहीदा सी। फेर पता नहीं कदे हकूमत विच्च आउण दा मौका मिले जां नां।

इहो जिही सोच तहित बघेल सिंघ नें इह तकड़ी मछ्छी आपणे जाल विच्च फसाई सी।

जदों तों इस केस दी गिद्दड़ सिंगी बघेल सिंघ दे हत्थ आई सी, उसदे दिन फिरन लग्गे सन।

बघेल सिंघ वल्लों विढ्ढी लड़ाई दा सभ तों वध्ध ख़तरा कपतान नें मंनिआ सी। उसने झट्ट उसदे लटकदे सारे कंम सिरे चाहड़ दित्ते। वकील दे रिशतेदार नूं बेकसूर बणा दित्ता। उसदे हलके विच्च उसदी मरज़ी दा मुख्ख अफ़सर ला दित्ता।

डी.आई.जी.नाल बघेल सिंघ नें सिध्धा पंगा नहीं सी लिआ। पर डी.आई.जी.आपणी कमज़ोरी भांप रिहा सी। उह बघेल सिंघ नूं अदब नाल कुरसी देण लग्गा सी।

मुख्ख मंतरी दी कोठी रिशते सुधरणे शुरू हो गए। प्रिंसीपल सैकटरी अते सिआसी सकत्तर उस दे कंमां नूं तरजीह देण लगे। दोहां अफ़सरां नाल उसने बुक्कल सांझी कर लई। छोटे मोटे कंम सकत्तर आपणे दसतख़तां नाल करा दिंदे।

बघेल सिंघ नें उनहां दे घरीं तोहफ़े भेजणे शुरू कर दित्ते। सांझ परिवारक बणा लई।

इस असामी कोलों सभ नूं चंगी रकम मिलण दी आस सी। इहो आस उनहां दे नवें रिशते दी जहड़ सी।

बघेल सिंघ दूर दी सोच रिहा सी। इस पारटी राहीं उह मुख्ख मंतरी नूं ख़ुश करना चाहुंदा सी। बस थोहड़ी जिही सख़ती अते थोहड़े सबर दी ज़रूरत सी।

एसे नीती तहित उह पंकज दीआं सिफारशां ठुकरा रिहा सी।

कई दिन दी भज्ज नठ्ठ अते मिंनत तरले बाअद मसां बघेल सिंघ नें उनहां नूं मुलाकात दा समां दित्ता।

पहिली मुलाकात विच्च बहुत सारे गिले शिकवे विचारे गए। दोहां धिरां वल्लों उनहां शिकविआं नूं दूर करन दा भरोसा दित्ता गिआ।

तीजी मुलाकात विच्च असल मुद्दा विचारिआ गिआ।

“चोणां सिर ’ते है। अजिही ख़ौफ़नाक वारदात कारन मुख्ख मंतरी दी इस शहिर तों लै के विदेशां तक भंडी होई पई है। उपरों पुलिस नें मूंह काला कर लिआ। उह किसे नूं मूंह दिखाउण जोगे नहीं रहे। मुड़ इस शहिर विच्च पैर नहीं पाइआ। सारे प्रोगराम कैंसल कर दित्ते। कहिंदे उस समें आवांगा, जदों असल मुलज़म फड़े गए। तुहानूं पता ही है। असल मुलज़म उह किनहां नूं कहिंदे हन।”

“मुलज़म कौण हन, इह गल्ल छध्धडो। इह दस्सो खहिड़ा किंने विच्च छुट्टदा है। किंना पारटी फंड साडे जिंमे लग्गेगा?”

अजे नूं बघेल सिंघ दीआं मोमो ठगणीआं गल्लां ’ते चिड़ चहड़ रही सी।

मूंहों कुझ्झ होर नां निकल जाए, इस लई उह सिध्धा असल मुद्दे उपर आ गिआ।

“पारटी फंड देणा पऊ! किंना देणा पऊ, इह प्रधान जी दस्सणगे!”

फंड तैअ करन लई अगली मुलाकात अगले दिन रख्खी गई।

“किंना फंड लिआ जावे?” इस मुद्दे उपर विधाइक अते सकत्तरां विचकार मत्तभेद सी।

विधाइक नूं पंकज होरां दी माइक हालत दा पता सी। उह इक्क करोड़ फंड वजों लैणा चाहुंदा सी। इह रकम उनहां नें अराम नाल दे देणी सी। उनहां दे सारे रिशतेदार करोड़पती सन। दस दस लख्ख पाइआ तां करोड़ बण जाणा सी। फेर उह कातल सन। जेल्ह नज़र आ रही सी। वीह पच्ची लख्ख उह पहिलां खरच चुक्के सन, पर परनाला उत्थे दा उत्थे सी। इह पारटी फंड दे के उनहां दे हत्थ थोक दा सौदा लग्ग रिहा सी। मुख्ख मंतरी दे इको झटके नाल बाकी जोकां नें झड़ जाणा सी।

सैकटरी नूं इह रकम बहुत वड्डी लग्ग रही सी। लोक करोड़ां विच्च फंड दिंदे सन, पर उदों, जदों उनहां कई करोड़ पारटी कारन कमाइआ हुंदा सी। टैकस चोरी करके जां कोटा लगवा के। इथे मसला दूसरा सी। अज्ज इनहां नें रकम दे देणी सी। चोणां समें दूजी धिर नूं दस्स के चोण मुद्दा बणा देणा सी। वीह लख्ख काफ़ी सी। प्रिंसीपल सैकटरी दा इह मत्त सी।

वीह लख्ख लै के की गंजी नहाएगी अते की निचोड़ेगी? उनहां दे आपणे पल्ले लख्ख लख्ख तों वध्ध नहीं पैणा।

आख़र फ़ैसला काका जी ’ते छड्ड दित्ता गिआ। उह केंदर विच्च सनअतमंतरी रहे सन। उस समें उनहां नूं माइआ नगर दे गहिरे समुंदर विच्च छुपे पए अणमोल हीरिआं दा गिआन होइआ सी। माइआ नगर दीआं अध्धीआं पारटीआं हुण उनहां नूं निजी तौर ’ते जाणदीआं सन। उह जो तैअ करनगे सभ नूं मनज़ूर होएगा।

सारे हलात सुण के काका जी नें बघेल सिंघ नाल सहिमती प्रगटाई।

माइआ नगर दे इक्क पलाट दी कीमत कई वार इक्क करोड़ रुपए बण जांदी सी। इथों दीआं कई पारटीआं करोड़ां रुपए इनकम टैकस दिंदीआं सन। इह मुलज़म कई फरमां दे मालक सन। कई कलोनीआं उसार चुक्के सन। किसे नुक्करे पिआ पलाट वेच के इनहां नें इंनी रकम चुका देणी सी। वट्टा रख्ख के देखो, झल्ल गए ठीक। नहीं तां निहंगां वालीआं रिआइतां दे दित्तीआं जाणगीआं।

बघेल सिंघ नें पारटी वल्लों लिआ गिआ फैसला पंकज होरां नूं सुणा दित्ता।

सोचण अते पैसे दा प्रबंध करन लई दो दिन दा समां दित्ता गिआ।

इक्क करोड़ दी मंग पंकज होरां उपर पहाड़ वांग डिग्गी। पंदरां दिनां तों उह इस मुसीबत विच्च फसे होए सन। सारा कारोबार ठप्प सी। कंम मुलाज़मां दे सिर ’ते चल्ल रिहा सी। पता नहीं घाटा पै रिहा सी जां वाधा हो रिहा सी।

वीह लख्ख उह हुण तक दे चुक्के सन। अज्ज तक उनहां पैसा ख़ुशी ख़ुशी दित्ता सी।

लग्गदा सी, बस्स इह आख़री पड़ाअ सी। इध्धर उध्धर अते बैंकां विच्च पई रकम ख़तम हो चुक्की सी। अग्गों तों भुगतण लई पैसा किसे कोलों फड़ना पैणा सी। उपरों मार इह कि हुण तक खरचिआ पैसा गुड़ तों गोबर बण चुक्का सी।

रिशतेदारां अते दोसतां मित्तरां नाल मुड़ विचारां होण लग्गीआं।

कुझ्झ सिआणे बंदिआं नें राए दित्ती: “मुसीबत आई है तां नुकसान करके ही जाएगी। पैसे दे के खहिड़ा छुडा लओ। रब्ब नें बथेरा कुझ्झ दित्ता है। पैसा इहो जिहीआं मुसीबतां नूं नजिठ्ठण लई हुंदा है। महीने, दो महीने लई अंदर रहिणा पै गिआ तां कारोबार ठप्प हो जाएगा। मिल्लां नूं जिंदे लग जाणगे। कंम दोहां दे हत्थ है। दोहें केस विच्च फसे बैठे हो। जेल्ह जाणा पिआ तां सारा सरकल टुट्ट जाएगा। गुडविल ख़तम हो जाएगी। कई वार टुध्धटे सरकल फरमां नूं दीवालीए बणा दिंदे हन। खहिड़ा छुडा लैण विच्च ही बिहतरी है।”

गरम धड़ा इस राए नाल सहिमत नहीं सी। उनहां दा मत्त सी कि इह कोई गरंटी नहीं कि इथे पैसे देण नाल जान सदा लई छुट्ट जाएगी। किसे होर सप्प नें फ़न चुक्क लैणा सी। हाले केंदर सरकार पई सी, अदालतां पईआं सन।

चोणां होण वालीआं सन। सरकार बदल जाणी सी। नवें मुख्ख मंतरी नें कहिणा सी, हुण मेरे दरबार विच्च पेश होवो। ख़तरा सहे नालों वध्ध पहे दा सी।

कईआं नूं मंगी गई रकम उपर इतराज़ सी। उनहां नूं लग्गदा सी बघेल सिंघ नें आपे रकम तैअ कर लई सी। जे इह रकम मुख्ख मंतरी मंग रिहा सी, फेर उस नाल सिध्धी गल्ल करनी चाहीदी सी। उसदे बथेरे विचोले माइआ नगर विच्च बैठे सन। किसे होर राहीं गल्ल करके जाइज़ रकम दे देणी चाहीदी सी।

केंदर तक पहुंच कीती जावे। कोई केंदरी मंतरी फड़ लिआ जावे। किसे नां किसे ढंग नाल बघेल सिंघ तों खहिड़ा छुडाइआ जावे।

जो वी करना सी, दो तिंन दिनां दे अंदर अंदर हो जाणा चाहीदा सी।

हाई कोरट दी तारीख़ नेड़े आ रही सी। उस तों पहिलां पहिलां आई.जी.दी रिपोरट तिआर होणी चाहीदी सी। इंझ नां होइआ तां ग्रिफ़तारी ’ते लग्गी पाबंदी वाला हुकम रद्द हो जाणा सी अते ग्रिफ़तारी वाली तलवार मुड़ सिर ’ते आ लटकणी सी।

सभ नूं पता सी माइआ नगर विच्च कई अजिहे परिवार सन, जिनहां दी मुख्ख मंतरी दे बैड रूम तक पहुंच सी। जदों कदे मुख्ख मंतरी माइआ नगर आउंदा सी, उनहां विचों किसे इक्क दे घर ठहिरदा सी। किसे अजिहे घराणे दी मदद लई जाणी चाहीदी सी।

अजे माइआ नगर दे चैंबर आफ़ कामरस’ दा सरगरम मैंबर सी। चैंबर दे प्रधान दी मुख्ख मंतरी नाल सिध्धी गल्ल सी। हुकमरान पारटी नूं जदों वी कदे पैसे दी ज़रूरत पैंदी सी, सुनेहा सिध्धा प्रधान कोल पुज्जदा सी। प्रधान आपणे मैंबरां नूं बुलाउंदा सी। वित अनुसार भार पाउंदा सी। रकम मुख्ख मंतरी दी कोठी पुज्ज जांदी सी अते किसे दे कंन ’ते जूं तक नहीं सी सरकदी।

बदले विच्च, अध्ध बोल प्रधान दे कंम हुंदे सन।

प्रधान नाल गल्ल होई। उसने चुटकी विच्च कंम कराउण दा भरोसा दिवा के झट्ट मुख्ख मंतरी नाल फ़ोन मिला लिआ।

“प्रधान जी इह कोई लाईसैंस, कोटे वाला मामला नहीं है। कतल वरगा संगीन मामला है।”

इह पहिली वारी सी, जदों मुख्ख मंतरी प्रधान नाल रुख्खा बोलिआ सी। प्रधान दे चिहरे ’ते इक्क रंग उतरण अते दूजा चहड़न लग्गा।

“मैनूं टाइम दिओ। मैं चंडीगहड़ आ के गल्ल करनी है।”

“इस लाअ ऐंड आरडर वाले मसले ’ते कोई गल्ल नहीं हो सकदी। वैसे हर समें तुहाडे लई दरवाज़े खुल्हे नें।”

प्रधान नें उहो कोरा जवाब अजे नूं सुणा दित्ता। मामला गंभीर होण कारन मुख्ख मंतरी दे वसों बाहर सी।

धालीवाल टिंबर सटोर वाले नाल गल्ल तोरी। उसने पहिलां ही सिर मार दित्ता। उह मुख्ख मंतरी नाल आपणे संबंधां दा फ़ाइदा चंगे कंमां लई उठाउंदा सी। कतल, डाकिआं वरगे इख़लाक तों गिरे कंमां लई नहीं।

सभ पासिउं मिल रहे कोरे जवाब तों लगदा सी बघेल सिंघ नें मुख्ख मंतरी दे सिर विच्च कोई टूणा झाड़ दित्ता सी। मुख्ख मंतरी उसे जादू दे असर हेठ बोल रिहा सी।

उह इक्क करोड़ देण नूं तिआर होण लग्गे। पर इक्क तौख़ला उनहां नूं डराउण लग्गा। इक्क करोड़ दिंदिआं ही किसे पासिउं पंज करोड़ दी मंग आ खहड़ी होई, फेर की करनगे?

अगले ख़तरे नूं मद्दे नज़र रख्खदे होए यारां दोसतां नें सलाह बणाई। गल्ल वीह लख्ख तों शुरू कीती जावे। औखे सौखे हो के पंकज तीह दे सकदा सी। सालिआं जीजिआं दी सहाइता नाल चाली तक पुज्जिआ जा सकदा सी। हद्द पंजाह लख्ख सी।

बघेल सिंघ दस लख्ख तों वध्ध रिआइत करन नूं तिआर नहीं सी। उह पंकज होरां दे हंझूआं नूं मगरमछ्छ वाले हंझू दस्स रिहा सी। उनहां नें की भाणा वरताइआ सी, उनहां नूं पता होणा चाहीदा सी। भाणा वरताउण तों पहिलां नतीजिआं बारे सोचणा चाहीदा सी।

बघेल सिंघ दे हत्थ वस्स कुझ्झ नहीं सी। रकम हाई कमांड नें तैअ कीती सी। उह जो रिआइत दे रिहा सी। उह बिनां हाई कमांड तों पुछ्छे दे रिहा सी। हो सकदा सी, इस बदले उसनूं झाड़ां खाणीआं पैण।

उह पंकज होरां नूं सलाह दे रिहा सी। उह माइआ नाल कुझ्झ ज़िआदा ही मोह दिखा रहे सन। उनहां दी किसे इक्क फरम दे इक्क साल दे मुनाफ़े नाल उनहां दा खहिड़ा छुट्टण लग्गा सी।

बघेल सिंघ टस्स तों मस्स नहीं सी हो रिहा। उसनूं ख़बरां मिल रहीआं सन।

मुख्ख मंतरी हर सिफारशी नूं कोरा जवाब दे रिहा सी।

मुख्ख मंतरी वल्लों बघेल सिंघ नूं पूरे अख़तिआर सन। उह जिथे चाहे, सौदा तोड़ सकदा सी।

बघेल सिंघ इनहां अधिकारां दी वरतों खुल्ल्ह के कर रिहा सी।

“लगा लओ पुत्तरो ज़ोर! पाणी अख़ीर पुलां हेठ दी लंघणा है।” मन ही मन उह पंकज होरां ’ते मुसकरा रिहा सी।

सोच सोच पंकज होरे पाग़ल हो गए। मसला किसे बंने नहीं सी लग्ग रिहा।

उधरों हाई कोरट दी पेशी नेड़े आ रही सी। वकील दा सुनेहे ’ते सुनेहा आ रिहा सी। उह ऐडवोकेट जनरल नाल गल्ल करनी चाहुंदा सी।

किसे फैसले ’ते पुज्जण तों पहिलां उनहां नें वासूदेवा नाल राए करनी ठीक समझी। जे उंझ ही पेशगी ज़मानत मनज़ूर हुंदी दिसे, फेर इंनी रकम उतारण दी की ज़रूरत सी।

पारटी फंड दा रेट सुणके वासूदेवा हक्का बक्का रहि गिआ।

“आपां इथे सभ नूं पैसे देई बैठे हां। सौ फीसदी आपणी ज़मानत मनज़ूर हो जाएगी। पेशगी ज़मानत होण नाल पुलिस अते जेल्ह वाली खज्जल खुआरी तों बचाअ हो जावेगा। मुकद्दमा चल्लदे चल्लदे कई साल लंघ जाणे हन। कई सरकारां बदल जाणगीआं। पंज दस लख्ख दी गल्ल हुंदी तां मैं हां कर दिंदा। इडी रकम देण दी मैं सलाह नहीं दे सकदा।”

“पर जे ज़मानत नां होई फेर?”

“किस तरहां नहीं होएगी? पैसे नहीं दित्ते। जज्ज आपणे नाल, सरकारी वकील आपणे नाल। पुलिस आपणी मुठ्ठी विच्च। ज़मानत नूं रोकू कौण!”

“बुरे दे घर तक सोच लैणा चाहीदा है। जे नां होई फेर?”

“नां होई सुपरीम कोरट जावांगे। उथे आपणी इथों नालों वध्ध चलदी है।

उह अदालत मुख्ख मंतरीआं नूं अंदर दे दिंदी है। प्रधान मंतरी तक नूं सुक्कने पा दिंदी है।”

“तुसीं आख़री फैसला करो। सानूं कुझ्झ नहीं सुझ्झ रिहा। जो आखोगे, उहो करांगे।”

“मेरी राए सपश्शट है। पहाड़ थल्ले आउण दी लोड़ नहीं। सहिंदा सहिंदा देण विच्च कोई हरज नहीं। ज़मानत दे हुकम तक देख लओ। लोड़ पई फेर सोच लवांगे।”

“अंकल प्रताप सिंघ मिल सकदे हन?”

“उह बाहर हन। फ़िकर नां करो। उनहां वी इहो राए देणी है।”

वासूदेवा दीआं गल्लां नाल उनहां दा मन टिक गिआ। उनहां फैसला कर लिआ। हाई कोरट दे फैसले तक बघेल सिंघ नूं टरकाई जाणगे।