-60-

 

बघेल सिंघ चाली लख्ख दी पहिली किशत लै के चंडीगहड़ लई रवाना हो गिआ।

उसदा इस तरहां दा मुख्ख मंतरी नाल पहिला रिशता सी। इस रिशते विचों उस नूं अजीब जिही ख़ुशबू आउंदी महिसूस हो रही सी।

छोटे मोटे कंमां वालीआं कुझ्झ दरख़ासतां उसने नाल लै लईआं। इक्क दो मुलाज़मां दीआं बदलीआं सन। कुझ्झ करज़े मनज़ूर करवा के देणे सन। कुझ्झ सांझे कंमां लई गरांटां लैणीआं सन।

बघेल सिंघ नें सोचिआ सी कि त्रिपत होए मुख्ख मंतरी नें इनहां दरख़ासतां ‘ते झरीटां मार देणीआं सन। इंने विच्च बघेल सिंघ दा महीने दा ख़रचा निकल जाणा सी।

सिआसी सकत्तर उसदा बे सबरी नाल इंतज़ार कर रिहा सी।

बघेल सिंघ नूं सिध्धा मुख्ख मंतरी दे निज्जी डराइंग रूम विच्च लिजाइआ गिआ।

बघेल सिंघ नूं बहुता इंतज़ार वी नां करना पिआ। सारे कंम विचे छड्ड के मुख्ख मंतरी बघेल सिंघ कोल आ बैठा।

“किस तरहां रिहा फेर?” मुख्ख मंतरी नूं इस मुलाकात दे मकसद दा पता सी। जित्त दे अहिसास नाल भरे मुख्ख मंतरी नें कुरसी ’ते बैठदिआं ही आपणी सिआसी ताकत दा अहिसास कराइआ।

“तुसीं कमाल कर दित्ता। मेरी बल्ले बल्ले हो गई।”

झुक के गोडीं हत्थ लाउंदे बघेल सिंघ नें इलाके विच्च आपणी पई पैंठ कारन मुख्ख मंतरी दा धंनवाद कीता।

“बहुत सिफारशां आईआं। केंदर तक हिल्लिआ पिआ सी। मैं किसे दी परवाह नहीं कीती। सोचिआ मुंडा ऐवें रध्धुसिआ फिरदा है। पहिली वार कंम किहै। मुंडे दी इज़्ज़त बणा के छड्डूं।”

“सच्चमुच्च तुसीं मेरा माण वधाइऐ। आह लओ पहिली किशत।”

बघेल सिंघ नें नोटां वाला बरीफ़ केस मुख्ख मंतरी वल्ल वधाउंदे होए आखिआ।

इह पहिली वार सी जदों बरीफ़ केस मुख्ख मंतरी तक आइआ सी। पहिलां बरीफ़ केस सकत्तर कोल जमहां हुंदे सन। उह आपणी तसल्ली करके, पहुंची रकम दी सूचना फ़ोन उप्पर मुख्ख मंतरी नूं दे दिंदा सी।

इस बरीफ़ केस नूं जाण बुझ्झ के अंदर बुलाइआ गिआ सी। इस पिछ्छे इक्क राज़ सी।

“इस विच्च की है?”

“चाली लख्ख है।”

“मैं की करने नें? रख्ख आपणे कोल। देख आपणे बापू दीआं मिहरां।”

नवीं पीहड़ी मुख्ख मंतरी नूं बापू आख के बुलाउंदी सी। इक्क सुहिरद बाप वाले फरज़ निभाउंदिआं मुख्ख मंतरी नें बघेल सिंघ दी पिठ्ठ थापड़ के बरीफ़ केस उस वल्ल खिसका दित्ता।

“मैं अगली किशत लै लवांगा। इह तुहाडी अमानत है।”

“नहीं बई नहीं। सभ किशतां तेरीआं हन। कोई होर हुकम है तां दस्स?”

मुख्ख मंतरी बघेल सिंघ नूं खुल्हा गफ़्फ़ा लवाउणा चाहुंदा सी।

हैरानी अते शरधा कारन गद्दगद्द होए बघेल सिंघ नूं सुझ्झ नहीं सी रिहा, उह मुख्ख मंतरी दा धंनवाद किस तरहां करे।

फेर मुख्ख मंतरी नें आपणे सिआसी सकत्तर नूं बुलाइआ। बरीफ़ केस नूं बघेल सिंघ दी गड्डी विच्च रख्ख के आउण दा हुकम सुणाइआ।

“उस आपणे जथेदार दा खहिड़ा छड्ड। उस पिछ्छे लग के तैनूं कुझ्झ नहीं मिलणा। इधर रहेंगा तां अजिहे गफ़्फ़े हर रोज़ मिलणगे।”

वख्ख होण तों पहिलां खचरी हासी हस्स के मुख्ख मंतरी नें इस मिहरबानी दा कारन बघेल सिंघ नूं समझाइआ।

“मेरी भुल्ल बख़शो। अज्ज तों मैं तुहाडे नाल।”

बघेल सिंघ इक्क वार फेर मुख्ख मंतरी दे गोडिआं वल्ल झुकिआ।

मुख्ख मंतरी नें उसनूं रसते विच्च बोच लिआ।

पैरीं पवाउण दी थां उस नूं हिक्क नाल ला लिआ।

मुख्ख मंतरी दी इस जफ़्फ़ी नें बघेल सिंघ नूं पूरी तरहां जकड़ लिआ।

हुण उह किधरे होर जाण जोगा नहीं सी।

भाग दूजा “Law is the slave of the Rich …”

अंगरेज़ी कहावत

-1-

 

बहुते अख़बारां दे सथानक ऐडीशनां दी वड्डी सुरखी नीरज होरां बारे सी।

पुलिस दीआं ज़िआदतीआं कारन दोशीआं दा बलड्ड प्रैशर बहुत वध गिआ सी। पंकज नें आपणी छाती विच्च दरद होण दी शिकाइत कीती सी। पुलिस नूं उनहां नूं अध्धी रात सिवल हसपताल लै के जाणा पिआ सी। डाकटरां नें उनहां दी हालत चिंताजनक दस्सी सी। दोवें भरा ऐमरजैंसी वारड विच्च पए ज़िंदगी अते मौत विचकार लड़ाई लड़ रहे सन।

ख़बर पहड़दिआं ही राम नाथ दे हत्थ कंबण लग्गे। डाकटरां ’ते गुस्सा आइआ।

अख़बारां नाल गिला होइआ। इह सभ झूठ सी।

अमीरज़ादिआं दे दिल कमज़ोर हुंदे हन, इह दुनीआं जाणदी सी। मुसीबत पैण ’ते बलड्ड प्रैशर दा चहड़ना सच्च हो सकदा सी। पर ज़िंदगी अते मौत विचकार हो रही लड़ाई दी ख़बर सौ फीसदी गलत सी। दोशीआं नें इह बहाना हवालात दीआं तकलीफ़ां तों बचण लई घड़िआ सी। दोशी कानूंन दी खुल्हदिली दा नजाइज़ फ़ाइदा उठाउण दा यतन कर रहे सन। पैसे दे ज़ोर नाल भैड़े समिआं नूं सुखावें दिनां विच्च बदलण दा यतन कीता जा रिहा सी।

सच्च की है? खोज किस वसीले राहीं कढ्ढी जावे? राम नाथ सोचां दे घोड़े दुड़ाउण लग्गा।

राम नाथ आपणे शहिर हुंदा तां इक्क फ़ोन करन ’ते उसनूं सूचना मिल जाणी सी। माइआ नगर विच्च उह प्रदेसी सी। इथों दे डाकटरां नें उसदे पल्ले कुझ्झ नहीं सी पाउणा।

हाई बलड्ड प्रैशर अते दिल दी बिमारी माइआ नगर विच्च आम सी।

इथों दे लोकां कोल धन तां सी पर सकून नहीं सी। छोटी जिही मुसीबत पैण ‘ते इनहां दे बलड्ड प्रैशर सतवें असमान जा चहड़दे सन। दिल फेल्ह होण लगदे सन। माइआ नगर दी पुलिस सेठां नूं फड़न तों बहुत डरदी सी। पुलिस नूं कोठी अग्गे खहड़ी देख के उनहां नूं गशां पै जांदीआं हन। जिंना चिर सेठ पुलिस हिरासत विच्च रहिंदे सन, पुलिस दी जान मुठ्ठी विच्च आई रहिंदी सी। पता नहीं कदों दोशी रब्ब नूं पिआरा हो जाए अते कदों पुलिस उपर दोशी नूं कुट्ट के मार देण दा मुकद्दमा दरज हो जाए। आपणी धौड़ी बचाउण लई पुलिस पैरपैर ‘ते अदालत नूं दोशीआं दी सिहत बारे सूचना दिंदी सी।

राम नाथ नूं सही सूचना अदालतों मिल सकदी सी। उह अदालत दे खुल्ल्हण दा इंतज़ार करन लग्गा।

सरकारी वकील नूं सारी हालत दा पता सी। डाकटरां नें उहो बिमारीआं फड़ीआं सन जिहड़ीआं ख़बरां विच्च दरज सन। डाकटरां नें अदालत नूं बेनती कीती सी। दोहां दोशीआं दी जांच दिल दे माहिर डाकटरां कोलों होणी चाहीदी सी। सिवल हसपताल विच्च आधुनिक सहूलतां मौजूद नहीं सन। दोशीआं नूं पी.जी.आई.चंडीगहड़ भेजिआ जाणा चाहीदा सी।

दोशीआं दे वकीलां वल्लों दरख़ासत आ गई। उनहां नें दोशीआं नूं पी.जी.आई.भेजण उपर इतराज़ कीता सी। उह सरकारी हसपताल सी। उथे सिफारशीआं दा इलाज हुंदा सी। आम विअकती नूं उथे कोई नहीं पुछ्छदा।

उनहां दे साइलां दा दिल्ली दे असकारट हसपताल विच्च इलाज चल्ल रिहा सी।

उनहां नूं दिल्ली भेजिआ जाणा चाहीदा सी। सरकारी खरचे दी उनहां नूं ज़रूरत नहीं सी। उह आपणे ख़रचे ’ते इलाज कराउण लई तिआर सन।

राम नाथ नूं चाल समझ आ गई। इह डरामा जेल्ह दीआं रोटीआं तों बचण लई रचिआ गिआ सी।

मुदई धिर नूं दोशीआं दी दरख़ासत दा विरोध करना चाहीदा सी। इह सोच के राम नाथ टाईपिसट कोल गिआ। झट्टपट्ट उसने दोशीआं दी दरख़ासत दा जवाब तिआर करवाइआ। जेल्ह दी थां हसपताल दे एअर कंडीशन कमरिआं विच्च आराम करन दी दोशीआं दी इह नवीं चाल सी। हाले कल्ल्ह इनहां ही डाकटरां नें उनहां दा मुआइना कीता सी अते उनहां नूं रिशट पुशट दस्सिआ सी। दिल दी बिमारी रातो रात होण वाली नहीं सी। राम नाथ नें अदालत नूं सुझाअ दित्ता। अदालत आपणी देख रेख हेठ माहिर डाकटरां दा इक्क बोरड बणाए। आधुनिक तकनीक दे आधार ’ते उनहां कोलों मुआइना कराए। उस मुआइने दे आधार ’ते फैसला होवे।

इह जवाब सरकारी वकील वल्लों दाइर होणा सी। मुदई दे वकील नूं कचहिरी दे कंम विच्च टंग अड़ाउण दा अधिकार नहीं सी।

उह सरकारी वकील नूं लभ्भण लग्गा। नां अदालत, नां दफ़तर। नां कंटीन, नां किसे वकील दे डब्बे! उह किधरे नज़र नहीं सी आ रिहा।

दोशीआं दे वकील अदालत विच्च खहड़े सन। किसे वी समें दरख़ासत दी सुणवाई हो सकदी सी। राम नाथ नें सरकारी वकील दे आउण तक कारवाई रोकण दे इरादे नाल दरख़ासत अड़ा दित्ती।

इस वार सफ़ाई धिर दे वकीलां दी थां मैजिसटरेट उस नूं भज्ज के पिआ।

उसनूं दरख़ासत देण दा कोई अधिकार नहीं सी।

“जे सरकारी वकील जाण बुझ के खिसक जावे तां मैं की करां?” सरकारी वकील नूं लभ्भ लभ्भ थक्क जाण कारन रोण हक्का होए राम नाथ नें आपणी मजबूरी दस्सी।

मैजिसटरेट अते सरकारी वकील दी बुक्कल सांझी सी। मैजिसटरेट नें हुकम मुदई धिर दे विरुध्ध करना सी। जे इह हुकम बिनां सरकारी वकील नूं सुणे सुणाइआ गिआ तां सरकारी वकील दी शिकाइत होणी सी। सरकारी वकील दा बचाअ करना मैजिसटरेट दा फरज़ सी।

सफ़ाई धिर वी राम नाथ दा मूड ताड़ गई। सरकारी वकील उनहां दे बंदिआं नाल ही सतलुज कलब्ब बीअर पीण गिआ सी। हुकम घंटा पहिलां होवे जां बाअद विच्च इस नाल सफ़ाई धिर नूं कोई फ़रक नहीं सी पैणा। सरकारी वकील दे हित्त दा धिआन रख्खणा उनहां दा इख़लाकी फ़रज़ सी। हुकम उसदी हाज़री विच्च होणा चाहीदा सी।

“बहिस बाअद दुपहिर सुण लवांगे। तद तक तुसीं सरकारी वकील नूं लै आओ।”

सफ़ाई धिर नूं जज्ज दा हुकम प्रवान सी। बिनां कोई उजर कीते उह बाहर आ गई।

दो घंटे दी खज्जल खुआरी बाअद राम नाथ नूं पता लग्गा सरकारी वकील कित्थे सी।

रंग विच्च भंग पाउणा दरुसत नहीं सी। उह कलब्ब दे गेट कोल खड़ो के उसदा इंतज़ार करन लग्गा।

सरकारी वकील मुलज़मां दे ताज़े खाधे नमक दा मुल्ल उतारन लग्गा।

“इह मामला मुलज़मां अते मैजिसटरेट विचकार है। मुलज़म अदालत दी हिरासत च हन। जेल्ह च जां हसपताल, इस नाल सरकार नूं कोई मतलब नहीं। मुदई धिर दे हक्क विच्च बहिस करना मेरे लई जाइज़ नहीं।

“मुलज़म जेल्ह विच्च हन जां हसपताल, इस नाल सानूं फ़रक पैंदा है।

हवालात अते जेल्ह विच्च सख़तीआं बिनां मतलब नहीं हुंदीआं। इनहां पिछ्छे सिधांत कंम करदा है। इह मौजूदा दोशी नूं सबक सिखाउण अते होरां नूं डराउण लई हुंदीआं हन। जे दोशी हसपतालां विच्च पै के मुड़ आए इस नाल दोशी उतशाहत होणगे। जुरमां दी गिणती विच्च वाधा होएगा। मुदईआ दे सीनिआं ते सप्प लड़नगे।”

राम नाथ दे इस तरक नाल वी सरकारी वकील नूं कोई लगाओ नहीं सी। उह सरकार दी नुमाइंदगी कर रिहा सी। सरकार मुदई अते दोशी नूं इको अख्ख नाल देखदी सी। जे दोशी बिमार सी तां उसदा इलाज होणा चाहीदा सी। सरकारी वकील बिनां कारन दरख़ासत दा विरोध करके मुदई पख्खी होण दा दोश आपणे सिर लैण लई तिआर नहीं सी।

राम नाथ नूं लग्गा घिउ सिध्धी उंगल नाल निकलण वाला नहीं सी।

“पलीज़ मेरी मदद करो। मैं सेवा करन नूं तिआर हां।”

सरकारी वकील सेवा कराउण दे मूड विच्च नहीं सी।

इह केस थोहड़ा जिहा आसाधारण सी। अख़बार इस उपर नज़र रख्ख रहे सन। मुख्ख मंतरी तक्क, वड्डे अफ़सरां नूं सूचना जांदी सी। इक्क सरकारी वकील पहिलां मार खा चुक्का सी।

पैसे लैण विच्च इक्क होर ख़तरा सी। फैसला मुदई धिर दे उल्लट होण वाला सी। फ़ीस दे के वी जदों कंम नां होइआ तां मुदई धिर दे ज़ख़मां ते नमक छिड़किआ जाणा सी।

रिशवत ठुकरा के सख़त रवई्ईआ अख़तिआर करी रख्खणा वी ख़तरनाक सी।

सोच समझ के सरकारी वकील नें रुख्ख बदलणा शुरू कीता।

“मेरी सथिती समझो। इक्क पासे मैं आपणे दसतख़ती डाकटरां वल्लों आई दरख़ासत मैजिसटरेट अग्गे पेश कीती है। हुण उसे दरख़ासत दा मैं विरोध किस तरहां करां? विचकारला राह लभ्भदे हां। लिखती विरोध नहीं करदे। मरीज़ां नूं मरज़ी दे माहिरां कोल भेजण दा सख़त विरोध करदे हां।”

सरकारी वकील नें इंझ ही कीता।

सरकार दोशीआं नूं मुआइने लई माहिर डाकटरां कोल भेजण लई तिआर सी। पर माहिर दोशीआं दी मरज़ी दे नहीं होणगे। अज्ज दोशी असकारट जाणा चाहुंदे हन। कल्ल्ह अमरीका जाणा चाहुणगे। अदालत नें मुलज़मां दी मरज़ी मुताबक नहीं चल्लणा। सरकार कोल महिरां दी कमी नहीं सी। मुआइना सरकारी माहिरां कोलों होणा चाहीदा सी।

मैजिसटरेट नें दोहां धिरां दे हक्कां दी राखी कीती।

सरकारी डाकटरां दे किरदार शक्की सन। कल्ल्ह कहिंदे सन दोशी ठीक ठाक हन। अज्ज कहिंदे हन सख़त बिमार हन। माइआ नगर विच्च असकारट हसपताल दे पध्धर दे कई हसपताल सन। इनहां हसपतालां दे डाकटरां नूं नां सरकार दा डर सी, नां पैसे दा लालच। उनहां दी रिपोरट ते इतबार कीता जा सकदा सी।

“दोशीआं दा मुआइना दयानंद दे पंज माहिर डाकटरां कोलों करवाइआ जावे। फ़ीस मुलज़मां वल्लों भरी जावे।”

राम नाथ नूं इस हुकम ते बहुता इतराज़ नहीं सी।

दयानंद हसपताल दे डाकटरां नें सरकारी डाकटरां वाले कारनामे कीते होण, इह राम नाथ नें कदे सुणिआ नहीं सी।

इनसाफ़ दी आस नाल उस नें सिर झुका के फैसला सवीकार कीता।

 

-62-

 

दयानंद हसपताल दे सारे माहिरां दी इको राए सी। दोवें दोशी सख़त बिमार सन।

मरीज़ां लई मिंट मिंट सहाई सी। उनहां नूं मुड़ सिवल हसपताल जां किधरे होर लिजाण विच्च बरबाद होइआ समां जान लेवा साबत हो सकदा सी। डाकटर आपणे फरज़ां विच्च कुताही नहीं सन कर सकदे। बिनां अदालत दा कोई हुकम उडीके उनहां नें दोहां दोशीआं नूं ऐमरजैंसी विच्च दाख़ल कीता अते इलाज शुरू कर दित्ता।

माहिर डाकटरां दी राए नूं उलत्थना मैजिसटरेट लई वी मुशकल सी। उसने डाकटरां दी हां विच्च हां मिलाउंदिआं हुकम जारी कीता: “दोहां दोशीआं दे ठीक होण तक उनहां नूं दयानंद हसपताल विच्च रख्खिआ जावे।”

राम नाथ नें हुकम मनज़ूर कर लिआ। उसनूं यकीन सी लख्खां रुपए महीना कमाउण वाले डाकटरां नें सच्च बोलिआ होणा है। इक्क दो डाकटरां नूं खरीदिआ जा सकदा सी। पंजां नूं नहीं।

उह पंकज होरां दे ठीक होण दा इंतज़ार करन लग्गा।

पर सच्च उह नहीं सी जो राम नाथ सोच रिहा सी।

इस हसपताल दा प्रबंध माइआ नगर दे कुझ्झ सनअतकारां दे हत्थ विच्च सी। सनअतकार इनकम टैकस कमिशनर दीआं कठपुतलीआं सन। कमिशनर नें सनअतकारां नूं आपणीआं उंगलां ते नचाइआ। सनअतकारां नें डाकटरां नूं। कमिशनर डाकटरां नूं वी दबका मार सकदा सी। पर इह दबका उसने उचित समें लई संभाल के रख्ख लिआ सी।

सोची समझी योजना तहित इक्क दिन उनहां नूं ऐमरजैंसी वारड विच्च रख्खिआ गिआ। तिंन दिन आई.सी.यू.विच्च।

डाकटरां दी चार दिन दी ‘सख़त’ मिहनत बाअद उनहां दी हालत कुझ्झ सुधरी। हुण उह जनरल वारड विच्च जा सकदे सन।

जनरल वारड विच्च जाणा पंकज होरां लई उचित नहीं सी। इस वारड विच्च हर समें तीह तों लै के चाली तक मरीज़ दाख़ल रहिंदे सन। इस तों दुगणी तिगणी गिणती उनहां दे वारिसां दी हुंदी सी। वारड कबूतरख़ाना बणिआ रहिंदा सी।

दूसरे उह पुलिस हिरासत विच्च सन। पुलिस नें उनहां दे कोल बैठ के उनहां उपर नज़र रख्खणी सी। इथों उनहां दी ग्रिफ़तारी दी ख़बर सारे शहिर विच्च तेज़ी नाल फैलणी सी।

उनहां नूं सपैशल कमरिआं विच्च दाख़ल होणा चाहीदा सी। इह कमरे वारड दी इक्क नुक्कर विच्च सन। मरीज़ां अते उनहां दे वारिसां नें आपणे आपणे कमरे विच्च बैठणा सी। नाल दे कमरे विच्च कौण है, इसदा पता नहीं चलदा। उनहां दी ग्रिफ़तारी गुपत रहिणी सी।

नाले सपैशल कमरे एअर कंडीशन सन। विचे किचन सी। फरिज अते टी.वी. सी। वारिसां लई इक्क मंजा वाधू पिआ सी। पता लैण आउण वालिआं दे बैठण लई कुरसीआं सन। फ़ोन सी। घर वरगीआं सभ सहूलतां इनहां कमरिआं विच्च मौजूद सन।

दोहां मरीज़ां दे नाल लगदे दो सपैशल कमरे अलाट करवा लए।

 

-63-

 

पहिले दिन थाणे वल्लों वरदीआं वाले दो सिपाही उनहां दी निगरानी लई आए।

दोवें सिपाही बंदूकां नाल लैस सन। पुलिस हिरासत विचों भज्जण वाले हवालाती नूं गोली मारन दा उनहां नूं अधिकार सी। इक्क वाकी टाकी सैट्ट उनहां कोल सी। बहुता ख़तरा होवे तां उह थाणे संपरक कर सकदे सन।

दोहां सिपाहीआं नें दोहां कमरिआं अग्गे कुरसीआं डाह लईआं अते आपणी डिऊटी उपर डट गए। हर आए गए दी पुछ्छ पड़ताल होण लग्गी।

कोई साधारन कैदी जे सिवल हसपताल दाख़ल हुंदा तां पुलिस उस उपर पुलिस नियमां दी सखती नाल पालणा करदी। उसदी इक्क लत्त नूं बेड़ी पाई जांदी। बेड़ी दा संगल मंजे दी बाही नाल बंनहिआ जांदा। हर वार मंजे तों उठ्ठ के टट्टी पिशाब जाण लई कैदी नूं सिपाही तों इजाजत लैणी पैंदी।

इनहां हवालातीआं उपर इह नियम लागू नहीं सी कीता गिआ। वकीलां नें सुपरीम कोरट दे इक्क फैसले दा हवाला दे के अदालत कोलों दोशीआं नूं हत्थकड़ी लाउण उपर पाबंदी लगवा दित्ती।

मनुख्ख अधिकारां लई लड़दी इक्क समाज सेवी संसथा दा मत्त सी कि संगल डंगरां नूं लाए जांदे हन। संगल लाए जाण नाल हवालातीआं दे सवै अभिमान नूं सट्ट वज्जदी सी। सुपरीम कोरट इस तरक नाल सहिमत होई सी अते उसने दोशीआं नूं हत्थकड़ी लाउण ’ते पाबंदी ला दित्ती सी।

जे हवालाती नूं हत्थकड़ी नहीं लाई जा सकदी तां बिमार दोशी नूं बेड़ी किस तरहां पाई जा सकदी सी? बेड़ी नाल दोशी दी मानसिकता नें ज़खमी होणा सी। बिमार मानसिकता नाल रोगी दे इलाज विच्च विघन पैणा सी।

बेड़ी तों खहिड़ा इस तरहां छुट्ट गिआ। वरदीआं वाले सिपाहीआं तों खहिड़ा छुडाउणा बाकी सी। उनहां दे कमरे अग्गे पुलिस खहड़ी देखके लोक बिड़कां लैण लगदे सन। सारे शहिर विच्च उनहां दी चरचा हो रही सी।

इसदा हल्ल पंकज नें लभ्भिआ।

पूरा दिन सिपाहीआं दी भरपूर सेवा होई। खाण पीण लई आउंदी हर चीज़ उनहां कोल पुज्जदी रही। शाम नूं इक्क इक्क विसकी दी बोतल उनहां दे हत्थ फड़ाई गई। मुरग मसल्लम लई पंज पंज सौ दा नोट उनहां दी जेब विच्च पाइआ गिआ।

अगले दिन उनहां नें वरदी लाह दित्ती। ख़ाकी पग्ग, ख़ाकी पैंट अते लाल बूट उनहां नें इस ढंग नाल पाए कि उह सिपाही घट्ट अते बाबू वध्ध जापण लग्गे।

दोशीआं तों पुछ्छगिछ करन आए तफ़तीशी नें उपरों मिलीआं नवीआं हदाइतां तों सिपाहीआं नूं जाणू कराइआ।

“बहुती देर कमरे अग्गे जा बैठे रिहा करो। इधर उधर घुंम के आले दुआले उपर वी नज़र रख्खिआ करो।”

अफ़सरां दीआं हदाइतां दा सिपाहीआं नें सही मतलब कढ्ढिआ।

इक्क हसपताल रहिण लग्गा अते दूजा फरलो मारन लग्गा।

पुलिस रिमांड ख़तम हुंदिआं ही दोशीआं उपर नज़र रख्खण दी ज़िंमेवारी पुलिस हत्थों निकल के जेल्ह अधिकारीआं हत्थ आ गई।

सिपाही थाणे मुड़ गए। उनहां दी थां जेल्ह दे जवानां नें लै लई।

इह होम गारड दे जवान जेल्ह सुपरडैंट दे वफ़ादर मुलाज़म सन। इह सरकारी डिऊटी घट्ट अफ़सरां दी सेवा वध्ध करदे सन। भरती होण तों पहिलां इह अफ़सरां दे घरां विच्च नौकर सन। इनहां दा कंम हुण वी पहिलां वाला सी। निज्जी चाकरी। नां इनहां नूं वरदी पाउणी आउंदी सी, नां बंदूक फड़नी।

पहिले ही दिन उह मरीज़ां नाल घुल मिल गए। बाहरों अंदरों समान लिआउण, घरों टिफ़न लिआउण, कप्पड़े सुक्कणे पाउण तक उह घर दीआं सुआणीआं दी मदद करन लग्गे। वेले कुवेले चाह बनाउण अते आए महिमानां नूं वरताउण विच्च वी सहाई होण लग्गे।

दिनों दिन बाकी बंदशां वी घटदीआं गईआं।

पहिलां दोशीआं नूं मोबाईल फ़ोन कोल रख्खण दी इजाजत मिली। उनहां दे कमरिआं विच्च फ़ोन तां सी पर उनहां दी वरतों विच्च दिक्कत महिसूस हो रही सी।

विउपार दे संबंध विच्च उनहां नूं हज़ारां फ़ोन आउंदे सन। हर विउपारी नूं हसपताल दा नंबर नहीं सी दित्ता जा सकदा। मोबाईल फ़ोन मिलण नाल कारोबार चलाउण विच्च पेश आउंदी दिक्कत दूर हो गई।

इक्क कमरे नूं उनहां नें दफ़तर विच्च तबदील कर लिआ। दोहां कमरिआं दीआं कुरसीआं अते मेज़ इस कमरे विच्च कर लए। इस कमरे दा बैड्ड दूजे कमरे विच्च लै गए। मैनेजर, मुनीम अते होर कारिंदे इस कमरे विच्च बैठण लग्गे।

विउपारी कारोबार करन लई फैकटरी दी थां हसपताल आउण लग्गे।

विउपार मुड़ पहिलां वांग चमकण लग्गा।

बंदशां होर घटीआं। दोवें भरा इक्क इक्क करके शहिर गेड़ा मारन लगे।

लोड़ पैण ’ते फैकटरी जा आउंदे।

रात नूं वी बहुती सख़ती नहीं सी रही। उनहां दीआं वहुटीआं नूं देखभाल लई उनहां कोल सौण दी इजाज़त मिल गई सी।

सिंगला हर शाम चक्कर मार जांदा सी। थाणे कचहिरी विच्च होई कारवाई दी सूचना दे जांदा सी।

मुदई अते मुलज़म इको हसपताल विच्च दाख़ल सन। सांझे बंदिआं राहीं इक्क दूजे नूं इक्क दूजे दे हलातां दी ख़बर मिलदी रहिंदी सी।

राम नाथ पंकज होरां नूं मिलदी हर सहूलत ’ते उजर करदा सी। पर सिंगला सरकारी वकील नाल रलके उस दी पेश नहीं सी जाण दिंदा। उसदी हर दरख़ासत रद्द हो रही सी।

सिंगले नें इक्क होर खुशख़बरी सुणाई।

हिरासत विचले दोशीआं दे इलाज कराउण दी ज़िंमेवारी सरकार दी सी।

जे सरकार इलाज आपणे हसपतालां विच्च कराउंदी है तां बिहतर। पर जे दोशी नूं सहूलतां दी घाट कारन किसे प्राईवेट हसपताल विच्च दाख़ल होणा पैंदा है तां सरकार दी इह ज़िंमेवारी है कि उह हसपताल दा खरचा झल्ले।

सरकार ज़िंमे इह डिऊटी लउण वाला सुपरीम कोरट दा इक्क फैसला उसने लभ्भ लिआ सी।

सिंगले नें खरचा वसूलण दी दरख़ासत अदालत विच्च ला दित्ती सी। आस सी अगली पेशी फैसला उनहां दे हक्क विच्च हो जाणा सी।

पंकज नूं हुंदे खरचे दी परवाह नहीं सी। उह हसपताल खज्जल खुआरी तों बचण लई आए सन। उनहां दा इह मकसद पूरा हो रिहा सी।

सिंगले दी पैरवाई तों खुश हो के पंकज नें बखशीश दित्ती: “तेरी हिंमत कारन सरकारी ख़ज़ाने विचों जो पैसा मिलेगा उह तेरा।”

उतशाहित होइआ सिंगला होर तनदेही नाल पैरवाई करन लग्गा।

 

-64-

 

हर नवीं समस्सिआ खहड़ी होण ’ते राम नाथ सोचदा सी इह आख़री समस्सिआ सी। इस समस्सिआ नूं सुलझा के उह शहिर मुड़ सकदा सी। आपणे विगड़े कंम अते उख्खड़े परिवार नूं मुड़ लीह ’ते लिआ सकदा सी।

पर कुझ्झ वी उसदी सोच अनुसार नहीं सी हो रिहा।

मुकद्दमा दरज करवा के उसने सोचिआ सी उसदी ज़िंमेवारी खतम हो गई।

गवाहां दे बिआन लिखणे, माल मुकद्दमा बरामद करना, दोशीआं नूं फड़ना, फोटो खिचवाउणा अते नकशे बनवाउणा पुलिस दी ज़िंमेवारी सी।

दो तिंन दिन पुलिस नें चुसती नाल कंम कीता। दो दोशी फड़ लए। कुझ्झ माल बरामद कर लिआ। जिउं ही उंगल पंकज अते नीरज वल्ल उठ्ठी पुलिस दा पहीआ जाम हो गिआ।

आथण उगण थाणे जा के राम नाथ नूं सुत्ती पुलिस नूं जगाउणा पैंदा सी। जिंनी मिसल उह कोल बैठ के लिखवा आउंदा उनी लिखी जांदी। उसदे थाणिउं निकलदे ही मिसल ठप्प हो जांदी।

कानूंन दीआं मोरीआं भरन लई पैर पैर ’ते पुलिस गवाह मंग रही सी।

असल चशमदीद गवाह लभ्भणा पुलिस दी ज़िंमेवारी सी। पुलिस इह गवाह लभ्भ वी सकदी सी, पर उनहां तों मुदई धिर नूं ख़तरा सी। उह मुलज़म धिर कोल विक वी सकदे सन अते उनहां कोलों डर वी सकदे सन। पुलिस नूं अजिहे गवाह चाहीदे सन जो इट्ट वरगे पक्के होण। राम नाथ दे इशारे ’ते नच्चदे होण।

आपणे शहिर विच्च राम नाथ अजिहे गवाहां दा प्रबंध आसानी नाल कर सकदा सी। इथे गवाह पैसे वी लै रहे सन अते भरोसा वी नहीं सी कि गवाही उनहां दे हक्क विच्च देणगे वी जां नहीं! फेर वी राम नाथ नूं कौड़ा घुट्ट भरना पै रिहा सी।

वारदात करन वाले सारे मुलज़म फड़े जा चुक्के सन। आए दिन कोई नां कोई मुलज़म समस्सिआ खहड़ी कर रिहा सी। किसे दी दरख़ासत आ जांदी। शनाखत परेड दा प्रबंध करो। उसदी गवाहां कोलों शनाखत कराओ। कदे कोई कहिंदा उसदी पतनी बिमार है। इलाज लई उसनूं दस दिनां दी छुट्टी देवो।

राम नाथ नूं हर दरख़ासत दा विरोध करन कचहिरी जाणा पैंदा सी। उसदे कचहिरी जाए बिनां पत्ता नहीं सी झुल्लदा। हर पड़ाअ ’ते उसनूं सरकारी वकील दी मुठ्ठी चापी करनी पैंदी सी अते कानूंनी मुद्दे समझाउणे पैंदे सन।

पंकज होरां दे फड़े जाण बाअद उसने सोचिआ सी हुण उसदी खलासी हो जाणी सी। तफ़तीश मुकंमल सी। पंज चार दिनां विच्च पुलिस नें चलान पेश कर देणा सी। चलान पेश होण बाअद अदालती कारवाई नें हौली हौली चल्लणा सी।

दोहां मरीज़ां नूं छुट्टी होण वाली सी। उनहां दे घर पुज्जदिआं ही राम नाथ दे मोढिआं तों भार लहि जाणा सी। उनहां नें हौली हौली ठीक हुंदे रहिणा सी।

पर पंकज होरां दे हसपताल पुज्जदिआं ही राम नाथ दी सिरदरदी कई गुणा वध गई।

इक्क पासे अदालतां दोशीआं नूं सहूलतां दे गफ़्फ़े देण लग्गीआं।

दूजे पासे वेद होरां दा पता लैण आउण वाले रिशतेदारां दी गिणती वधण लग्गी।

नीलम हसपताल दी पंजवीं मंज़िल उपर पई सी। वेद पहिली उप्पर।

पंकज होरां दे कमरे तीसरी मंज़िल उपर सन। सांझे रिशतेदारां नूं मूंह ’ते मिट्टी मल के वेद कोलों पासा वट्टणा मुशकल हो जांदा सी। मजबूरी वस्स हाअ नां नाअरा मारन लई उह वेद वल्ल आ जांदे सन।

पुत्तां नूं मिलण माइआ देवी अकसर हसपताल आउंदी सी। पर तीजी मंज़ल दी थां उह पहिली मंज़ल उपर वध्ध समां बिताउंदी सी। सच्चे दिलों वेद नाल दुख्ख सांझा करदी सी। कमल नूं याद करके अख्खां नम करदी सी। बुक्कल ‘च लै के वार वार नेहा दा सिर पलोसदी सी।

माइआ देवी नूं पता सी इह भाणा पंकज होरां नें वरताइआ सी। इस लई नां कदे उह पंकज होरां दा पख्ख पूरदी सी नां समझौते दी गल्ल चलाउंदी सी। भरे मन नाल चुप्प गड़ुप आउंदी सी अते उसे तरहां गुंम सुंम मुड़ जांदी सी।

सारे रिशतेदार माइआ देवी वांग नहीं सन सोचदे।

बहुते सांझे रिशतेदारां दा विशवास सी कि मुंडे बे कसूर सन। उनहां नूं शक्क दे आधार ’ते फसाइआ गिआ सी। उनहां दी दिली इछ्छा सी मुंडे बाहर आउणे चाहीदे हन। कुझ्झ सिआणे लोक आपणी इछ्छा आपणे मन विच्च ही दबा लैंदे सन। उह वेद कोल पंकज होरां दा ज़िकर तक नहीं सन करदे। पर उनहां लोकां दी गिणती ज़िआदा सी जिनहां नूं पंकज होरां दा हेज मारदा सी। उह मन दी गल्ल होठां ’ते लै आउंदे सन।

जे इक्क आखदा, “दिल ’ते पत्थर रख्ख के सभ कुझ्झ भुल्ल जा। वड्डे भरा दे जाइआं नूं निआणे समझ के मुआफ़ कर दे।”

तां दूजा आखदा: “लै दे करके गल्ल मुका लओ। मुंडिआं नूं आख़ के सारे केस वापस करवा दिंदे हां। कुझ्झ होर चाहीदा है उह दिवा दिंदे हां। थाणे कचहिरी रुल के लोकां दे घर किउं भरदे हो? घर दा मसला घर बैठ के नबेड़ो।”

मुलाकातीआं दे ईजहे सुझाअ वेद दे ज़ख़मां ’ते मल्हम लाउण दी थां नमक छिड़क जांदे सन।

बोलणा वेद लई वरजित सी। अजिहीआं गल्लां सुण के उस दीआं अख्खां विच्च हंझू उम्मड़ पैंदे सन। इह हंझू हज़ारां प्रशन खहड़े करदे सन।

“की जवान पुत्त दी मौत दा कोई मुल्ल हुंदा है? की कुआरी धी दी इज़्ज़त दा कोई मुल्ल हुंदा है? पैसा अते पलाट मेरे हुण किस कंम?”

जदों वेद कोई हुंगारा नां भरदा तां चौधरी राम नाथ दुआले हो जांदे।

राम नाथ वी वेद वाले प्रशन दुहरा दिंदा।

राम नाथ दी नांह नुक्कर चौधरीआं नूं रड़कण लगदी।

“वेद तां शरीफ है। उह साडा आखा मोड़न वाला नहीं। पर इस सारे पुआड़े दी जहड़ इह वकील है। इह उसदा वस्स नहीं जाण दिंदा।”

पहिलां चौधरी उस नूं पिठ्ठ पिछ्छे कोसदे सन। हुण साहमणे सुनाउण लगे।

जदों रिशतेदारां नूं समझौता कराउण विच्च कामयाबी नां मिली तां ज़िंमेवारी समाजक अधिकारीआं नें संभाल लई।

कुझ्झ अजिहीआं जथेबंदीआं, जिहड़ीआं मुढ्ढले दिनां विच्च धरने मारन अते जलूस कढ्ढण विच्च मोहरी सन, समझौते दा सुझाअ देण लग्गीआं। कुझ्झ पत्तरकार आपणे अहिसानां दी याद कराउण लग्गे। नेहा अते कमल दे दोसतां दे मापे वी लड़ाई खतम करन विच्च बिहतरी दस्सण लग्गे।

होर तां होर राम नाथ दे सके भरा वी घर बैठे ही लड़ाई तों थक्के बैठे सन। मलवीं जीभ नाल उह वी खहिड़ा छुड्डा के घर बैठण दी सलाह देण लगे।

अशवनी कहिंदा, “पंकज होरीं अमीर हन। असीं उनहां दा मुकाबला नहीं कर सकदे।”

मंगत कहिंदा: “उह पैसे चहड़ा के बरी हो जाणगे। पिछ्छों मूंह दी खाण नालों हुणे लै दे करके पिछ्छे हटण विच्च बिहतरी है।”

समझौते लई चारे पासिउं पैंदे दबाअ कारन सारा परिवार मानसिक दबाअ थल्ले आउण लग्गा।

नीलम लई सभ इको जिहा सी। वेद आपणी कुड़त्तण मन ही मन पी लैंदा सी। पर नेहा दा बचपन उसनूं विआकुल कर रिहा सी। उसदा आगिआ चक्कर गुस्से नाल मुड़ भखण लगदा सी।

राम नाथ सभ दे मूंहों लहिंदा जा रिहा सी।

पंकज होरां दी हसपताल विच्च हाज़री नें वेद परिवार दा हसपताल रहिणा दुभ्भर कर दित्ता। उनहां दे सरीरां दे ज़ख़म तां अल्ले सन ही, मन दे ज़ख़म होर गहिरे होण लग्गे।

हसपताल हुण उनहां लई इलाज वाली थां नहीं सी रही।

इस तों पहिलां कि कोई मैंबर सकैटरी (मनो रोगी) वारड विच्च दाख़ल होवे उनहां नूं हसपतालों छुट्टी लै के घर चले जाणा चाहीदा सी।

डाकटर छुट्टी देण दे हक्क विच्च नहीं सन। राम नाथ नें डाकटरां दी सलाह दे उलट दोहां मरीज़ां नूं छुट्टी करवा लई।

पूरी तरहां ठीक होण विच्च जो कसर सी, उह पिछ्छों पुरी हुंदी रहेगी।

तूफ़ान लंघे सन। उनहां दा असर उमर भर रहिणा ही रहिणा सी।

 

-65-

 

भावें नीरज होरां नूं हसपताल विच्च घर वरगीआं सहूलतां प्रापत सन फेर वी वीहां दिनां बाअद उनहां दा मन काहला पैण लग्गा। उह आपणे रिशतेदारां उपर ज़ोर पाउण लग्गे। पुलिस नाल गल्ल करो। जज्ज नूं फ़ोन कराओ।

जो कुझ्झ कोई मंगदा है उस नूं देवो। उनहां दे बाहर आउण दा इंतज़ाम करो।

नहीं तां उह सच्चमुच्च बिमार हो जाणगे।

विशेश फ़ीस दे के नंद लाल नूं हसपताल बुलाइआ गिआ। उस अग्गे वासते पाए गए। उह ज़मानत दी दरख़ासत लाए। दुनीआं भर दा कानूंन पेश करके दरख़ासत मनज़ूर कराए। सरकार वल्लों हुण राह पध्धरा सी। किसे जज्ज उपर कोई दबाअ नहीं सी। हुण ज़मानत मनज़ूर होण विच्च की दिक्कत सी?

नंद लाल तत्ता लक्कन दे हक्क विच्च नहीं सी। कानूंन नें मुलज़मां दी मरज़ी अनुसार नहीं सी चल्लणा। आई.जी.नें पड़ताल सिरे ला लई सी। गवाहां दे बिआन लिखे जा चुक्के सन। मौके दा मुलाहज़ा हो चुक्का सी। बस रिपोरट लिखणी बाकी सी। नंद लाल चाहुंदा सी, मुलज़मां नूं दरख़ासत देण दी थां पुलिस नूं दोशीआं नूं रिहाअ करन दी दरख़ासत देणी चाहीदी सी। उस दरख़ासत दे आधार ‘ते दोशीआं नूं बाहर आउणा चाहीदा सी।

खुदा नां खासता जे दरख़ासत साधू सिंघ वरगे किसे सिर फिरे जज्ज कोल लग्ग गई अते नां मनज़ूर हो गई तां उनहां दे दोशी होण ’ते अदालत दी मोहर लग्ग जाणी सी। इह मोहर अग्गे चल्ल के उनहां नूं महिंगी पैणी सी।

फेर ज़मानत वाली दरख़ासत किहड़ा पहिले दिन मनज़ूर हो जाणी सी।

दस पंदरां दिन इस नें खा जाणे सन। उनहां दसां दिनां विच्च आई.जी.तों रिपोरट तिआर करवा के पक्का कंम करवाउणा चाहीदा सी।

नंद लाल दा इक्क होर मत्त सी। नीरज होरां दी ज़मानत मनज़ूर कराउण तों पहिलां किसे भईए दी ज़मानत मनज़ूर करवा लैणी चाहीदी सी।

मुकद्दमे दे मुख्ख दोशी भईए सन। उह मुख्ख दोशी इस लई सन, किउंकि उनहां नें जुरम करन विच्च सिध्धा हिस्सा पाइआ सी। उनहां कोलों लुट्ट दा समान बरामद होइआ सी। पंकज होरां उपर उनहां नूं उकसा के जुरम कराउण दा दोश सी। कानूंन अजिहे दोशीआं नूं दो नंबर दे दोशी मंनदा सी। जे मुख्ख दोशी दी ज़मानत मनज़ूर हो जावे, फेर दो नंबर दे दोशी दी ज़मानत झट्ट मनज़ूर हो जांदी सी।

पंजां मुख्ख दोशीआं विचों पंचम दी ज़मानत मनज़ूर होण दे वध्ध आसार सन।

उह आपणी उमर भावें तेई चौवीं साल दस्सदा सी पर अण दाड़ीआ होण कारन उह सतारां अठारां साल दा लगदा सी। उसदे इस सरीरक गुण दा लाभ उठाइआ जा सकदा सी। कानूंन अठारां साल तों घट्ट उमर दे किशोर अपराधीआं नूं विशेश रिआइत दिंदा सी। पहिली रिआइत इहो ज़मानत वाली सी। अजिहे अपराधी भावें दुनीआं भर दे सभ अपराध करन दे दोशी होण, इनहां दी ज़मानत मनज़ूर करनी ज़रूरी सी। तरक सी किशोर मनां नूं पेशावर मुलज़मां विच्च रख्ख के पक्के मुजरम नहीं सी बणाइआ जा सकदा। दूजा उसनूं मुजरम साबत होण उपर वी कैद दी सज़ा नहीं सुणाई जा सकदी। अजिहे मुजरम नूं वध्धधो वध्ध तिंन साल लई किशोरां लई बणे सुधार घरां विच्च सुधरण दा मौका देणा पैणा सी। उह सुधरे जां विगड़े, बिनां इस दी जांच करे तिंन साल बाअद उसनूं रिहाअ करना पैंदा सी।

पंचम दी ज़मानत मनज़ूर होण दा इक्क आधार होर वी सी। पुलिस हिरासत दौरान उसदी चंगी कुटाई होई सी। उसदी सज्जी लत्त टुट्ट गई सी। उस उपर पलस्सतर लग्गा होइआ सी। नंद लाल नूं पता लग्गा सी कि ठीक इलाज नां होण कारन उसदे टुध्धटे हड्ड विच्च पस पै गई सी। किसे वी समें टंग कट्टी जा सकदी सी। जेल्ह दे डाकटरां दी अणगहिली अते उसदी टंग नूं बचाउण दी दुहाई दे के उसनूं ज़मानत ते रिहाअ करवाइआ जा सकदा सी।

भईए दी उमर लुकाउण विच्च सौख रहिणी सी। इनहां दा कोई पता नहीं सी इह किथे अते किसने जंमे सन? जनम सरटीफिकेट मिलणों रहे। जनम मिती साबत करन लई नां सफ़ाई धिर नूं कोई सबूत मिलणा सी नां मुदई धिर नूं।

अजिहे घचोले विच्च अदालत नूं डाकटर दी सहाइता लैणी पैणी सी। उह दोशी दीआं हड्डीआं दा मुआइना करके उस दी उमर दा अंदाज़ा लाएगा। इह टैसट पक्का नहीं सी। दो तिंन साल दा फ़रक असानी नाल पाइआ जा सकदा सी। डाकटर जे उमर सतारां अते उनीं दे विचकार लिख देवे फिर वी फ़ाइदा मुलज़म नूं होणा सी। कानूंन नें उह उमर मंनणी सी, जिसदा दोशी नूं फ़ाइदा होणा सी।

डाकटर पंकज होरां दे हत्थां विच्च सन। मरज़ी दी रिपोरट कराई जा सकदी सी। मजबूरण अदालत नूं ज़मानत देणी पैणी सी।

पंचम उपर डकैती दे नाल नाल कमल नूं कतल करन दा दोश वी सी।

उह मुकद्दमे दा मुख्ख दोशी सी। उसदी ज़मानत हुंदिआं ही बाकीआं दी ज़मानत दा राह पध्धरा हो जाणा सी।

सिंगला सीनीअर वकील दी राए नाल पूरी तरहां सहिमत सी।

हो सकदा सी पंचम दी ज़मानत मनज़ूर होण तों पहिलां ही आई.जी.दी रिपोरट आ जावे अते इस रिपोरट दे आधार ’ते उनहां दी फौरी रिहाई हो जावे।

फेर वी दूर दी सोच के हुणे तों हर सथिती दा मुकाबला करन दी तिआरी शुरू कर देणी चाहीदी सी। पासा कदों पलट जावे, कोई पता नहीं लगदा? चाह दे पिआले अते बुल्हां विच्च बहुत फरक हुंदा है। इह कहावत पंकज होरां उपर कई वार सही सिध्ध हो चुक्की सी।

हाल दी घड़ी इह मंन के चल्लणा चाहीदा सी कि रिपोरट उनहां दे हक्क विच्च नहीं हो रही। उनहां नूं मुकद्दमे दी तिआरी साधारन हालातां अनुसार करनी चाहीदी सी।

ठेकेदार नूं छड्ड के बाकी दोशीआं दा कोई वाली वारिस नहीं सी। नां उनहां नें आपणा कोई वकील कीता सी। फैसले तक उनहां दे बाहर आउण दे कोई आसार नहीं सन।

पंजां दोशीआं दा जेल्ह विच्च रहिणा पंकज होरां लई ख़तरे दी घंटी सी।

जे मुलज़म जेल्ह विच्च होण फेर अदालत नूं मुकद्दमा तेज़ी नाल चलाउणा पैणा सी। वड्डीआं अदालतां नूं दोशीआं दा जेल्ह विच्च रहिणा चुभदा सी। उह हेठलीआं अदालतां नूं ताड़दीआं रहिंदीआं सन। मुक्कदमे दा फैसला जलदी करो। जे दोशी बेकसूर है, उसनूं जलदी बाहर कढ्ढो।

वैसे वी जे कोई साधू सिंघ वरगा जज्ज मुकद्दमा तेज़ी नाल चलाउण लग्ग पिआ तां उसनूं ठल्ल्ह पाउणी मुशकल होवेगी। ताज़ा मुकद्दमा जे सिरे लग्ग जाए तां अकसर दोशीआं नूं सज़ा हुंदी है। गवाहां दे मनां विच्च गुस्सा हुंदा है अते याददाशत ताज़ा हुंदी है। मामला लटकिआ होवे तां गवाहां अते हमाइतीआं दा पेशीआं भुगत भुगत, वकीलां अते जज्जां दीआं झिड़कां सुण सुण अते मुनशीआं मुसद्दीआं दीआं जेबां भर भर, हौंसला पसत हो जांदा है। हत्थ पल्ले कुझ्झ पैंदा नां देख के उह पैरवाई छड्ड जांदे हन। जो मिलिआ, लाहे दा सोच के चार पैसे लै के राज़ीनामा कर जांदे हन।

इस लई सिंगला मुकद्दमा लटकाउण दा मसाला हुणे तों इकठ्ठा करन विच्च जुट जाणा चाहुंदा सी।

जिंने मुलज़म ज़मानत उपर होणगे, ओना मुकद्दमे नूं वध्ध लटकाइआ जा सकेगा।

पंकज होरे तजरबे करके देख चुक्के सन। जे अफ़सर अड़ जाण फेर नां उनहां नूं पैसा खरीद सकदा है नां सिफरश दबाअ सकदी है।

अजिहे मौके कानूंनी दाअ पेच ही कंम आउंदे हन।

दूजे दोशीआं दे बाहर आउण दी हाले कोई संभावना नहीं सी। कानूंनी रणनीती मंग करदी सी, घट्टो घट्ट पंचम नूं हत्थ विच्च कर लैणा चाहीदा सी।

ज़मानत मनज़ूर कराउण तों पहिलां उस नाल शरतां तैअ कीतीआं जाण।

वड्डी शरत इको सी। फैसले तक उसनूं उनहां दे हत्थ हेठ रहिणा पैणा सी। लोड़ पैण ’ते उस नूं कदे जेल्ह दे अंदर अते कदे बाहर आउणा पैणा सी।

सोच विचार करन लई पंचम नाल मुलाकात कीती गई। उह झट्ट सभ शरतां मंन गिआ।

उसनूं आपणे दोहीं हत्थीं लड्डू नज़र आए। उसनूं किशोर मंन लिआ गिआ तां उस दीआं पौं बारां। नां मंनिआ गिआ, फेर वी बाहर आ के उसदी टंग बच रहिणी सी। अंदर रहि के उसदी टंग किसे वी दिन कट्टी जा सकदी सी।

पंचम दी ज़मानत मनज़ूर कराउण दीआं तिआरीआं होण लग्गीआं।

 

-66-

 

इनसाफ़ दे सारे काइदे कानूंन दीआं धज्जीआं उडा के पंकज होरां नूं सहूलतां उपर सहूलतां दित्तीआं जा रहीआं सन। राम नाथ वल्लों उनहां सहूलतां नूं नत्थ पाउण लई दित्तीआं जा रहीआं दरख़ासतां बिनां किसे तरक दे रद्द कीतीआं जा रहीआं सन।

पहिली दरख़ासत विच्च राम नाथ नें दोशीआं नूं दिल दे मरीज़ घोशित करन दे दयानंद हसपताल दे डाकटरां दे फैसले नूं वंगारिआ सी।

पहिले ही दिन मैजिसटरेट नें उस दी दरख़ासत नां मनज़ूर कर दित्ती सी।

पंज माहिर डाकटरां दी राए उपर शक्क करन दा कोई ठोस आधार नहीं सी।

राम नाथ नें इस फैसले विरुध्ध सैशन कोरट विच्च अपील कीती। सैशन जज्ज नें दूजी धिर नूं नोटिस जारी कर दित्ता। महीने दी तारीख़ पा दित्ती। महीनेमहीने दीआं कई तारीख़ां होर पैणीआं सन। फैसला होण तक उनहां नें रिहाअ हो जाणा सी। पिछों होए फैसले दा मुदई नूं की भाअ।

दूजी दरख़ासत राहीं राम नाथ नें दोशीआं दे हसपताल विच्च दफ़तर खोल्हण, मोबाईल फ़ोन रख्खण, खुल्हीआं मुलाकातां, घरां विच्च चक्कर मारन अते पतनीआं दे दोशीआं कोल सौण उप्पर इतराज़ कीता सी। मैजिसटरेट नें इनहां सहूलतां ‘ते रोक लाउण दी थां पुलिस दे उप कपतान नूं पड़ताल दा हुकम कर दित्ता।

पड़ताल मुकंमल करके रिपोरट पेश करन लई उसनूं इक्क महीने दा समां दे दित्ता।

इस फैसले दे विरुध्ध राम नाथ दी अपील करन दी जुरअत नां पई। नतीजा पहिली अपील वाला होणा सी। इह उसनूं साफ़ दिखाई दे रिहा सी।

अदालत दे इनहां इक्क पासड़ फैसलिआं कारन राम नाथ दा खौल रिहा ख़ून हाले ठंडा नहीं सी होइआ कि पंचम नूं किशोर अपराधी बणा के ज़मानत लई दित्ती दरख़ासत नें बलदी ’ते तेल पाउण दा कंम कर दित्ता।

पंचम दे दाहड़ी मुछ्छां नहीं सन, इस दा कारन उसदा किशोर होणा नहीं सी। असल कारन इह सी कि उह निपाली नसल दा लगदा सी। निपालीआं दे अव्वल तां दाहड़ी मुछ्छां आउंदीआं नहीं। जे आउण तां बहुत देर नाल आउंदीआं हन। उस दा कद्द काठ, रंग अते मुहांदरा उस नूं निपाली सिध्ध करदा सी। पुलिस दी पुछ्छगिछ्छ दौरान उस नें आपणी उमर चौवी पच्ची साल लिखाई सी। सी वी इंनी ही।

हुण पंचम नें आपणी दरख़ासत दे नाल नाल इक्क हलफ़ीआ बिआन लाइआ सी, जिस विच्च उसने आपणी उमर सतारां साल होण दा दाअवा कीता सी। नाल उस दे पिंड दे इक्क अखौती प्रधान दा हलफ़ीआ बिआन सी, जिस विच्च उसने उस दी उमर सतारां साल होण दी ताईद कीती सी।

पंचम दी ज़मानत दी दरख़ासत दा नोटिस सरकार नूं होइआ सी।

सरकार नूं मुदई धिर दी सहाइता दी लोड़ महिसूस नहीं सी होई। इस लई सरकारी वकील नें मुदई धिर नूं सूचित करन दी कोशिश नहीं सी कीती।

राम नाथ नें आपणे सूतरां राहीं इस दरख़ासत दी सूह कढ्ढी सी।

सरकारी मशीनरी दे रवई्ईए विच्च आई इस तबदीली दी कनसोअ राम नाथ नूं होण लग्गी सी। इशक मुशक वांग मुलज़म धिर दी बघेल सिंघ नाल होए सौदे दी सूह हौली हौली जग्गर होण लग्गी सी।

लोकां नूं कराईम बरांच वल्लों कीती जा रही पड़ताल दे सिट्टे दी वी सूह सी। छोटा वड्डा हर कोई आख रिहा सी। आई.जी.उनहां नूं बे गुनाह साबत कर चुक्का सी।

पहिलां राम नाथ नूं इह सभ अफ़वाहां लगदीआं सन। पर हुण जाम हो चुक्की सरकारी मशीनरी नूं देखके उसनूं अफ़वाहां सच्च जापण लग्ग पईआं सन।

पहिलां राम नाथ नूं विशेश दूत राहीं अदालत विच्च आए अरज़ी पत्तर बारे सूचित कीता जांदा सी। हण पुछ्छे जाण ’ते वी उस तों तत्थ छुपाउण दा यतन कीता जांदा सी।

राम नाथ दे हौसले पसत होण लग्गे। उस नूं यकीन हो गिआ सरकार कोलों हुण उस नूं कोई सहाइता मिलण वाली नहीं।

राम नाथ नें आपणे मन नाल फैसला कीता। अग्गों तों उह आपणे पापड़ आम वेलेगा।

राम नाथ दे शहिर विच्च तिंन मैजिसटरेट अते इक्क सैशन जज्ज सी। चार सरकारी वकील अते पंदरां कु अहिलकार सन। राम नाथ दा सभ नाल उठण बैठण सी।

माइआ नगर जिवें जज्जां दा मेला लग्गा होइआ सी। इक्क सैशन जज्ज, पंज ऐडीशनल सैशन जज्ज, अठारां मैजिसटरेट। इंने ही सरकारी वकील। हज़ार वकील। सैंकड़े अहिलकार। किसे नूं किसे दी लिहाज़ नहीं सी। कोई लिहाज़ करे तां किंनिआं कु नाल? इथे सभ कंम पैसे नाल हुंदा सी। किसे नूं कोई संग शरम नहीं सी। सौदा कुरसी ’ते बैठे बैठे हुंदा सी। शरेआम पैसे फड़दे सन। गिणके जेब विच्च पाउंदे सन। कोई फटिआ पुराणा होवे तां बदलाउंदे सन।

उसदे शहिर इंझ नहीं सी हुंदा। इहो वारदात जे उसदे शहिर होई हुंदी तां इक्क वकील दे भाणजे दे कातलां दा किसे नें वकील नहीं सी बनणा। उलटा सारी बार नें राम नाथ दी पिठ्ठ ’ते होणा सी। सारे अहिलकारां नें राम नाथ दे कंमां नूं आपणा कंम समझणा सी। पैसा धेला किसे नें की लैणा सी, उल्लटा लोड़ींदे कागज़ उस दे घर पुज्जदे करने सन।

इथे दसां वाला कंम सौ विच्च हो रिहा सी। उह वी पूरी भकाई बाअद।

हुण तक राम नाथ नूं प्राईवेट वकील खहड़ा करन दी लोड़ महिसूस नहीं सी होई। सरकारी वकील पूरी तनदेही नाल पैरवाई कर रहे सन।

हुण सरकारी अधिकारीआं वल्लों चल्ली नां मिलवरतन लहिर कारन उसनूं प्राईवेट वकील दी लोड़ महिसूस होण लग्गी।

राम नाथ नूं लाअ पास कीतिआं छब्बी साल हो गए सन। लाअ उसने रात दीआं कलासां विच्च पहड़िआ सी। दिने उह नौकरी करदा सी। उसदे बहुते जमातीआं नें डिगरीआं तां पास कर लईआं सन पर घरेलू मजबूरीआं कारन नौकरीआं छड्डण दी हिंमत नहीं सी पई। नतीजे वजों उस नूं आपणे नाल पहड़दा इक्क वी मुंडा माइआ नगर विच्च वकालत करदा नज़र नहीं सी आइआ।

सवेर दीआं जमातां विच्च पहड़दे मुंडिआं लई इह वाधा सी। उनहां नूं हर शहिर विच्च आपणे जमाती वकालत करदे मिल जांदे सन। कई मैजिसटरेट अते सैशन जज्ज तक बणे फिरदे सन। पुराणे मित्तर दोसती नहीं भुल्लदे। भज्ज के मिलदे सन अते दिलों कंम करदे सन।

राम नाथ आपणे शहिरों आपणे साथी वकीलां कोलों माइआ नगर दे वकीलां दे नां चिठ्ठीआं लै के आइआ सी।

उनहां चिठ्ठीआं दे आधार ’ते राम नाथ नें कुझ्झ वकीलां नाल संपरक कीता।

रसमी जिही आओ भगत तों वध्ध किसे नें चिठ्ठी दी कदर नहीं सी पाई। किसे नें राम नाथ दी सहाइता लई आपणे जूनीअर वकील दी डिऊटी ला दित्ती अते किसे नें सीनीअर मुनशी दी।

जे थोहड़ा जिहा साथ किसे नें दित्ता सी उह राजकुमार सी।

राजकुमार दोशीआं वल्लों कीती जांदी हर अदालती कारवाई उपर नज़र रख्खदा सी। उस कारवाई दी राम नाथ नूं सूचना दिंदा सी। राम नाथ उसदा तोड़ लभ्भदा सी।

राम नाथ नूं सरकारी वकीलां नाल उहो मिलाउंदा सी। अहिलकारां कोलों हुकमां दीआं नकलां उहो तिआर करवाउंदा सी। किस नूं किंने पैसे देणे सन इस दा फैसला उहो करदा सी।

राम नाथ महिसूस कर रिहा सी। जित्थों तक्क वस्स चलदा सी राजकुमार उसदा फ़ाइदा करदा सी।

डेढ महीने दी भज्ज नठ्ठ दौरान राम नाथ नूं पता लग चुक्का सी कि माइआ नगर दे वकीलां दीआं फीसां असमान छोंहदीआं सन। उसदे शहिर वड्डे तों वड्डे वकील दी फ़ीस दस हज़ार रुपए सी। इथे दस हज़ार मुनशीआणा बण जांदा सी। राम नाथ वरगे वकील कोल आउण तों पहिलां साइल वीह वकीलां दे फध्धटिआं ’ते गेड़े मारदा सी। तोड़ मरोड़ करके मसां दो तिंन हज़ार पल्ले पाउंदा सी। उह वी किशतां विच्च।

इथों दा कोई वकील उठ्ठ के जांदे साइल नूं आवाज़ नहीं सी मारदा।

कोई मुनशी उसदा पिछ्छा नहीं सी करदा।

जूनीअर वकील नवें माडलां दीआं कारां लई फिरदे सन। सीनीअर वकीलां दा किआ कहिणा। इक्क दो तां मरसीडीज़ लई फिरदे सन।

मुकद्दमा जिस ढंग नाल मोड़ कट्ट रिहा सी उस तों राम नाथ नूं किसे सीनीअर वकील दी सहाइता दी लोड़ महिसूस हो रही सी। नीरज होरां नें चोटी दे वकील कीते सन। माहिर वकीलां दा मुकाबला माहिर वकील ही कर सकदा सी।

राजकुमार दी सहाइता नाल उसने किसे सीनीअर वकील नाल राबता काइम करन दा मन बणाइआ।

राजकुमार उस नाल सौ फीसदी सहिमत सी।

राम नाथ अते राजकुमार रलके वी शारकां दा मुकाबला नहीं सन कर सकदे। जज्जां नूं आप हुदरे हुकम करन तों रोकण लई काबल वकील दी ज़रूरत सी।

सीनीअर वकील कानूंन दे माहिर तां सन ही। इह उपर तक्क पहुंच वी रख्खदे सन। इह जज्जां दी चापलूसी वी करदे सन अते लोड़ पैण ’ते गल वी पै जांदे सन। आपणे नां हेठ जज्ज दी शिकाइत करन दी जुअरत वी रख्खदे सन। जे उनहां नाल कोई सीनीअर वकील खहड़ा हुंदा तां मैजिसटरेट दी दोशीआं नूं मंतरीआं वालीआं सहूलतां देण दी जुअरत नहीं सी पैणी।

“पर सीनीअर वकीलां दी फ़ीस बड़ी सुणीदी है?”

राम नाथ नूं आपणी चादर दा पता सी। आपणे पैर चादर तक सीमत रख्खण दे इरादे नाल उसने पुछ्छिआ।

“हां। फीसां ठोक के लैंदे हन।”

“भाईचारे दा कोई लिहाज़ नहीं करदे?”

“थोहड़ा बहुत करनगे।”

“किस कोल चल्लीए?”

“नेमी नाथ कोल चल्लदे हां। उह फ़ीस मूंह मंगी लैंदा है। फेर ठग्गी नहीं मारदा। नां सरकारी वकील दे नां ’ते लवे नां जज्ज दे नां ’ते। कदे लोड़ पए तां सिध्धी गल्ल कराउंदा है। बहुता ख़रच नहीं होण दिंदा। मेरे हिसाब नाल उह ठीक रहू।”

“किंने कु पैसे लऊ?”

“गल्ल करके देखदे हां, लालची बिलकुल नहीं। सच्ची गल्ल मूंह ’ते आखण वाला है। रिआइत करवावांगे।”

“चल्ल मिला फेर!”

“शाम नूं कोठी चल्लांगे। मैं टाइम लै के रख्खांगा।”

नेमी नाथ नें उनहां नूं शाम नूं मिलणा सी।

शाम नूं दोबारा इकठ्ठे होण दा वाअदा करके उह विछड़ गए।

 

-67-

 

मित्थे समें ’ते राजकुमार ख़ुद राम नाथ कोल पुज्ज गिआ। उसदे सकूटर पिछ्छे बैठा राम नाथ राजकुमार दी रहिम दिली दे वारे वारे जा रिहा सी। लोहे दे इस शहिर विच्च इनसानीअत हाले ज़िंदा सी।

नेमी नाथ उनहां दा इंतज़ार कर रिहा सी। साइलां दा छोटा जिहा इकठ्ठ नेमी नाथ दी कोठी दे बाहर बैठा सी।

उनहां नूं नेमी नाथ नें हाले मिलणा शुरू नहीं सी कीता। पहिल वकीलां दी सी।

नेमी नाथ समें दा पाबंद सी। इक्क इक्क मिंट दी कदर करदा सी। बिनां कोई भूमिका बंनहे उह राम नथ नूं संबोधत होइआ — “भाई साहिब तुहाडे नाल बड़ा धक्का होइआ है। मैं तुहाडा केस लड़ना चाहुंदा हां। पर मैनूं इक्क दिक्कत पेश आ रही है। पहिलां मैं उह दिक्कत दूर कर लवां। आपणा फैसला मैं तुहानूं सवेरे दस्सांगा। मैनूं आपणा फ़ोन नंबर नोट कराओ। मैं खुद फ़ोन करांगा।”

दर दर दीआं ठोकरां खा रहे राम नाथ दा कोई संपरक नंबर नहीं सी।

उस दे पैर चक्कर सी। कदे उह थाणे हुंदा, कदे कचहिरी।

“तुसीं मैनूं टाइम दस्सो। उस वकत मैं तुहानूं फ़ोन करांगा।”

नेमी नाथ नें आपणा विज़टिंग कारड राम नाथ नूं दित्ता। सवेरे सत्त वजे फ़ोन करके उह समां निशचत कर सकदा सी।

“तुसीं मैनूं दस्सो। मैं इनहां नूं लै के हाज़र हो जावांगा।” राजकुमार नें गल्ल टोकी।

“नहीं हाले मैं कुझ्झ नहीं दस्स सकदा। सवेरे सत्त वजे ही पता लग्गेगा।”

सवेरे राम नाथ नें जदों फ़ोन मिलाइआ नेमी नाथ नें उस नूं इकल्ले नूं घर बुलाइआ।

“छोटे भरा मैं बड़ा साफ़ बंदा हां। साफ़ सुथरा कंम करदा हां। मेरी फ़ीस पचवंजा हज़ार है। यारां, दोसतां अते वकील भरावां दे केस मैं अध्धी फ़ीस विच्च करदा हां। मेरे असूल मुताबक इस केस दी फ़ीस बणदी है पच्ची हज़ार। असूल तोड़ के मैं तुहाडे कोलों पचंवजा हज़ार लै नहीं सकदा। पच्ची हज़ार विचों मैं केस लिआउण वाले वकील नूं तीजा हिस्सा दे नहीं सकदा। राजकुमार नूं विचों कढ्ढ के सिध्धी गल्ल करन दी गुसताखी वी मैं नहीं कर सकदा। इह उस नाल गदारी होवेगी। मैं नवें वकील नूं नराज़ वी नहीं कर सकदा। इह चंगा कंम दिंदे हन। इस लई मैं तेरा कंम नहीं कर सकदा। मेरा इक्क तेरे नाल वाअदा है। कदे किसे राए मशवरे दी लोड़ पई हाज़र हां। कदे कोई बहिस करवाउणी होई, करवा लैणा। मुफ़त करांगा। हुण इक्क मेरा सुझाअ है। किसे वकील नाल गल्ल करनी होई तां सिध्धा जाईं। तूं वकील हैं। तैनूं वकील नाल गल्ल करन विच्च झिजक काहदी? किसे कोलों फ़ोन तक करवाइआ अगले नूं हिस्सा देणा पै जाएगा। मजबूरी वस्स वकील नूं आपणा रेट वधाउणा पएगा।”

नेमी नाथ दी गल्ल सुण के राम नाथ दे कंन सां सां करन लग्गे। राजकुमार नें गऊ हत्तिआ वरगे केस विच्च हिस्सा मंगिआ सी। कंनीं सुणके वी उसदा मन इस घटना नूं सच्च मंनण लई तिआर नहीं सी।

नेमी नाथ दी कोठीउं निकलदे राम नाथ दा सिर चकराउण लग्गा। बचदा हौसला पसत होण लग्गा। माइआ नगर विचों उसनूं इनसाफ़ नहीं मिलेगा। उसदा वहिम यकीन विच्च बदलण लग्गा।

 

-68-

 

सारा दिन आपणे आप नाल खौझल के राम नाथ नें हौसला इकठ्ठा कीता।

इंझ ढेरी ढाह के वी नहीं सी बैठिआ जा सकदा।

ऊधम सिंघ दा नां चोटी दे वकीलां विच्च आउंदा सी। शाम नूं उह उसदी कोठी पुज्ज गिआ।

“तुसीं कचहिरी विचों मेरी फ़ीस दा रेट सुण लिआ होएगा। जे मैं मुदई धिर दा वकील बनणा होवे मैं इक्क लख्ख रुपिआ फ़ीस लैंदा हां। इह मेरी नैट्ट फ़ीस है। जे तुसीं कमिशन लैणा है तां फ़ीस होएगी डेढ लख्ख। पंजाह तुहाडा … इक्क लख्ख मेरा।”

“सर मेरी भैण दा घर तबाह हो गिआ। मैं हिस्सा लवांगा?”

राम नाथ दा सवेर दा मन भरिआ होइआ सी। उसदे हंझू आप मुहारे वहि तुरे।

राम नाथ दे इस रुदण अते सच्चे वहे हंझूआं उपर ऊधम सिंघ दा मन पसीज गिआ। उस नूं आपणे सख़त रवई्ईए ’ते अफ़सोस होइआ। कमिशन दी गल्ल उस नूं सोच समझ के करनी चाहीदी सी।

पर ऊधम सिंघ की करे? उस दा वाह अजिहे ही लोकां नाल पैंदा सी।

सके बाप नूं जे वकील करके देणा होवे तां वी लोक हिस्सा भालदे सन।

हाले कल्ल्ह उस कोल इक्क केस आइआ सी। चार पुत्तां दा बाप कतल केस विच्च फस गिआ सी। केस लिआउण वाला पुत्त कहिण लग्गा, ‘फ़ीस आपणी पूरी लवो।’ चारां भरावां नें बराबर हिस्सा पा के फ़ीस देणी सी। तिंन भरावां दा हिस्सा वकील रख्ख लए। केस लिआउण वाले भरा दा हिस्सा कमिशन विच्च समझ लए। उह कपुत्त तां साधारन शहिरी सी। इह वकील सी। की पतै पिछ्छों हिस्सा मंग के बैठ जाए? मंगेगा ही। मंगण दी वी ज़रूरत नहीं। कोस फड़न वाले वकील दा फरज़ सी आपणे आप हिस्सा देवे। केस लै के आउण वाले वकील नूं कई वार हिस्सा तैअ करन दा मौका नहीं मिलदा। असामी सिर ’ते चहड़ी रहिंदी है।

अजिहे कौड़े तजरबे कारन ऊधम सिंघ मूंह फट्ट होइआ सी। ऊधम सिंघ नें आपणे कौड़े शबदां लई मुआफ़ी मंगी। राम नाथ दी पिठ्ठ थापड़ के, पाणी पिला के उस नूं काइम कीता।

“मैं इंझ किउं आखिआ है तैनूं इक्क किस्सा सुणाउंदा हां। इक्क वकील मेरे कोल आपणे सके ताए दा केस लै के आइआ। मैं सोचिआ ताए दे केस विचों हिस्सा थोहड़ा लएगा। मैं फ़ीस घट्ट मंग लई। उह शाम नूं हिस्सा लैण आ गिआ।

मैं इतराज़ कीता तां उह कहिण लग्गा जे घोड़ा घाह नाल दोसती करेगा तां खाएगा की? ताए नें जुरम कीतै तां आपे भुगतेगा। मैं उसदे जवाब ’ते बड़ा खुश होइआ। मैं उसनूं अशीरवाद दित्ता। तूं तरक घड़न दा माहिर हैं। पुत्तर कामयाब वकील बणेंगा।”

“सर! उह साडा सारा घर लुट्ट के लै गए। भाणजे दे खाते विचों सकसैशन सरटीफिकेट बिनां पैसा निकल नहीं रिहा। भैण बेहोश पई है। जीजे दे हत्थां ‘ते पलस्सतर लग्गा है। उनहां दे ख़ाते बेकार होए पए हन। मैं छोटे जिहे शहिर दा साधारन जिहा वकील हां। आपणी पूरी पूंजी इलाज ’ते ला बैठां। सच्च जाणिओ हुण करज़ा चुक्कण तक नौबत आई पई है। मैं इंनी फ़ीस नहीं दे सकदा।”

“मैं तेरी मजबूरी समझ रिहां। इक्क लख्ख तों घट्ट मैं कदे फ़ीस नहीं लई।

तेरे लई अध्धी कर दिंदा हां। वीह पहिलां दे दिओ। बाकी हौली हौली दे देणा।”

इंनी रिआइत ऊधम सिंघ नें पहिली वारी कीती सी।

राम नाथ ऊधम सिंघ नूं वकील तां करना चाहुंदा सी पर इंनी फ़ीस देण दा फ़ैसला उह इकल्ला नहीं सी कर सकदा। उसनूं वेद नाल राए करनी चाहीदी सी।

“तुहाडी बड़ी मिहरबानी। मैं आपणे भणोईए नाल राए करके दस्सांगा।”

“चल्ल यार तूं दस हज़ार होर घट्ट दे देईं।”

पता नहीं किउं अज्ज ऊधम सिंघ दा दिल कुझ्झ ज़िआदा ही पसीज गिआ सी।

अजिही दरदनाक अते ख़ौफनाक घटना माइआ नगर विच्च पहिली वार घटी सी। उसदा मन उसनूं झंजोड़ रिहा सी। उसनूं मुदई धिर दी मदद करनी चाहीदी सी। इसे मानसिक दबाअ तहित उह फ़ीस घटाउंदा जा रिहा सी।

“बहुत बहुत धंनवाद। मैं कल्ल्ह शाम नूं आवांगा। उना चिर तुसीं दूजी धिर दे वकील नां बणिओ। मेरा इंतज़ार करिओ।”

“इह वाअदा पक्का। तूं मैनूं वकील नां वी करें फेर वी मैं मुलज़मां दा वकील नहीं बणांगा।”

“बहुत शुकरीआ।”

“तूं इंझ कर। विकटम वैलफेअर सोसाइटी वालिआं नूं मिल। केस उनहां दे नियमां दी जद्द विच्च आउंदा लगदा है। मैं वी उनहां दा मैंबर हां। जे उह मंन गए तुहाडे कई मसले हल्ल हो जाणगे।”

राम नाथ दे उठ्ठण तों पहिलां ऊधम सिंघ नें इह मशवरा दित्ता। पता नहीं किउं उह राम नाथ नूं खाली हत्थ नहीं सी मोड़ना चाहुंदा।

“बेहतर जनाब।”

निराश हो के मुड़दे राम नाथ नूं देख के ऊधम सिंघ दे कालजे विचों रुग्ग जिहा भरिआ जाण लग्गा।

“जे उह मंन गए ठीक। नहीं मेरे कोल आ जाईं। कोई राह लभ्भांगे।”

ऊधम सिंघ दे अंदरों कोई अवाज़ आ रही सी। उस कोल रब्ब दा दित्ता सभ कुझ्झ सी। पंदरां वीह लख्ख रुपए महीने दी वकालत सी। ज़मीन नाल ज़मीन सी, कारां नाल कारां सन। किसे चीज़ दी कोई घाट नहीं सी। फेर उह लालच किउं कर रिहा सी? इह केस उसनूं मुफ़त लड़ना चाहीदा सी।

ऊधम सिंघ नें अंदरों आउदी आवाज़ दी कदर कीती। उसने फैसला कीता।

उह मुकद्दमा मुफ़त लड़ेगा।

पर लख्ख चाहुंदे होए वी उह इह फ़ैसला राम नाथ नूं नां सुणा सकिआ।

शाइद इस लई किउंकि उह मुफ़त केस लड़न दा आदी नहीं सी।

 

-69-

 

राम नाथ विकटम वैलफेअर सोसाइटी दीआं गतीविधीआं तों वाकिफ़ सी।

छे कु साल पहिलां इस सुसाइटी दा गठन इस नगर दे चिंतक नौजवान वकील हरीश राए नें कीता सी।

तहिसील पध्धर तों लै के हाई कोरट तक इस सोसाइटी दीआं इकाईआं खुल्हीआं सन। इस मकसद लई राम नाथ दे शहिर आइआ प्रधान इक्क वार उसनूं मिलिआ सी।

अख़बारां दीआं सुरखीआं विच्च रहिण दीआं भुख्खीआं कुझ्झ अखौती समाज सेवी संसथावां आपणा नां चमकाउण लई मुलज़मां दे मनुख्खी अधिकारां दा ढंडोरा पिट्टदीआं रहिंदीआं सन। “जेल्हां नूं अरामदाइक बणाओ। खाण पीण वधीआ दिओ। नहाउण लई खुल्हा पाणी अते तेल साबण दिओ। खेडां अते मनोरंजन दा प्रबंध करो। डाकटरी सहूलतां दिओ। मुड़ वसेबे दा इंतज़ाम करो। योगा कराओ। धारमिक भाशण कराओ। घर जाण दी छुट्टी दिओ। गरीब मुलज़मां नूं सरकारी खरचे ’ते वकील करके दिओ। सज़ा सुणाउण तों पहिलां मिसल ’ते ठोस सबूतां दा होणा यकीनी बणाओ।”

सरकारां अते अदालतां इनहां संसथावां दे दबाअ हेठ आ के मुलज़मां नूं रिआइतां ’ते रिआइतां दे रहीआं सन। नहाउण लई टिऊबवैल्ल ला दित्ते।

मनोरंजन लई टी.वी.ला दित्ते। खेडां दा प्रबंध कर दित्ता। कानूंनी सहाइता देण लई वख्खरा फंड बणा दित्ता। किशोर मुलज़मां दे हक्क विच्च कानूंन बण गिआ।

औरत मुलज़मां नूं भारी छोटां मिल गईआं। अदालतां नें दोशीआं दे हक्क विच्च नियम घड़ने शुरू कर दित्ते। जे अदालत नूं मुलज़म दे दोशी होण ’ते रत्ती भर वी शक्क पए तां बाकी सबूतां नूं छिक्के टंग के उसनूं बरी कर देवो। दोशीआं नूं मौजां लग गईआं। सौ विचों नब्बे बरी होण लग्गे।

मुलज़म पख्खी इस राम रौले विच्च मुलज़मां हत्थों मार खाई बैठे लोकां दीआं आहां कोई नहीं सुणदा। इनहां पीड़तां उपर दूहरी तीहरी मार पै रही सी।

पहिलां मुलज़म उनहां दे मनां अते सरीरां नूं ज़खमी करदे सन, फेर अदालतां मुलज़मां नूं निरदोश आख के उनहां दे ज़ख़मां नूं उचेड़ दिंदीआं सन।

हरीश राए नें इनहां पीड़तां दे हंझू पूंझण दा बीड़ा चुक्किआ सी।

उस समें इस शुभ कारज लई राम नाथ दे शहिर दे वकीलां वल्लों हरीश राए नूं भरवां हुंगारा मिलिआ सी। होर वकीलां दे नाल नाल राम नाथ नें वी सोसाइटी नूं आपणीआं सेवावां भेंट कीतीआं सन।

राम नाथ दे शहिर विच्च इकाई दा गठन होइआ सी। इकाई नें पूरे इलाके विच्च आपणे उदेशां दा प्रचार वी कीता सी। पर सोसाइटी लोकां विच्च हरमन पिआरी नहीं सी हो सकी।

इस दा इक्क कारन इह सी कि उनहां दे शहिर विच्च माइआ नगर वरगा धक्का नहीं सी हुंदा। वारदात होण ’ते पुलिस झट्ट मुकद्दमा दरज करदी सी।

फौरी तौर ’ते हरकत विच्च आउंदी सी। पेशगी ज़मानत साल विच्च मसां इक्क दोशी दी मनज़ूर हुंदी सी। बाकी दे केसां विच्च दोशीआं दी ग्रिफ़तारी हुंदी सी।

पुलिस समें सिर चलान तिआर करदी सी। अदालतां इनसाफ दिंदीआं सन।

ग्रिफ़तार होए मुलज़म दी ज़मानत नानी याद करवा के हुंदी सी। वकीलां दी फ़ीस थोहड़ी सी। मुदई नूं आपणा वकील खहड़ा करन विच्च बहुती औख महिसूस नहीं सी हुंदी।

माइआ नगर विच्च सथिती उलट सी। इथे मुजरम अते पैसे दा सताइआ पीड़त मनुख्ख सूली ’ते चहड़िआ रहिंदा सी। इस नगर विच्च अजिही संसथा दी बहुत ज़रूरत सी। इस लई सोसाइटी इथे कामयाबी नाल कंम कर रही सी।

सोसाइटी वल्लों हुंदी पैरवाई बारे राम नाथ अख़बारां विच्च पहड़दा रहिंदा सी। केस सोसाइटी दे हत्थ जांदिआं ही पीड़त नूं आपणे दुख्ख भुल्ल जांदे सन।

“बस इक्क वार मेरा केस प्रवान हो जाए। फेर मेरे मनों बोझ लहे।”

सारे रसते राम नाथ इहो दुआ करदा रिहा सी।

बड़ी गरम जोशी नाल राम नाथ दा सवागत होइआ।

प्रधान राम नाथ नूं हर तरहां दी सहाइता देण लई तिआर सी। थाणे दे मुख्ख अफ़सर तों लै के सूबे दे मुख्ख मंतरी तक उसदी पहुंच सी। प्रधान दी गल्ल धिआन नाल सुणी जांदी सी। उसदे सुभाअ ’ते अमल हुंदा सी। राम नाथ जिथे मरज़ी उसनूं लिजा सकदा सी।

राम नाथ नूं सारी सरकारी मशीनरी ’ते गिला सी। पंकज होरां दी ग्रिफ़तारी तक तफ़तीश ठीक चल्ल रही सी। हुण सभ कुझ्झ मुलज़मां दे हक्क विच्च हो रिहा सी।

सारा भार राम नाथ दे मोढिआं उपर सी। हुण उह मोढे थक्कदे जा रहे सन। सोसाइटी पीड़तां दी मदद लई आपणे मोढे अग्गे करे।

“केस आपणे हत्थ लैण दे सोसाइटी दे कुझ्झ नियम हन। हाले इह केस साडीआं शरतां पूरीआं नहीं करदा। सारे दोशी फड़े जा चुक्के हन। सारे जेल्ह विच्च हन। दसो पीड़तां नाल की धक्का हो रिहा है?”

“छोटे भरा! बहुत धक्का हो रिहा है। पंकज अते नीरज इक्क दिन लई वी जेल्ह नहीं गए। पहिले दिन तों हसपताल दाख़ल होए बैठे हन। हसपताल दे प्राईवेट कमरे लै के फाईव सटार वालीआं सहूलतां प्रापत कर रख्खीआं हन।

उथों बैठे कारोबार चला रहे हन। जदों दिल करे घर जा आउंदे हन। पतनीआं उनहां दे कमरिआं विच्च सौंदीआं हन। इह कोई पुलीस हिरासत है?”

“तुसीं ठीक कहिंदे हो। पर हन तां उह हिरासत विच्च ही। मेरी राए अनुसार कानूंन ठीक राह तुर रिहा है। थोड़ीआं बहुत ऊणताईआं हर थां रहि जांदीआं हन।”

प्रधान दा इह रवई्ईआ राम नाथ नूं नांह पख्खी लग्गा। उसदी हिंमत दी ढेरी ढहिण लग्गी।

प्रधान बरे उसने बहुत कुझ्झ सुण रख्खिआ सी। उसदी निरपख्खता, दलेरी अते सच्च ’ते पहिरा देण दी आदत हर थां मशहूर सी। फेर उह इस केस तों कंनी किउं कतरा रिहा सी?

राम नाथ नूं शक्क होइआ। पंकज होरे बड़े शातर हन। किधरे प्रधान तक पहुंच नां कर गए होण। हर मोरी बंद करनी उनहां नूं आउंदी सी।

“कानूंन पहिलां ठीक रसते चल्लदा सी। हुण चल्लणों हट गिआ है। इसे लई मैं तुहाडे कोल आइआ हां। आई.जी.(कराईम) पंकज अते नीरज नूं निरदोश करार दे रिहा है। जे उहो निकल गए, फेर सानूं काहदा इनसाफ़ मिलू।”

“जे उह मुकद्दमे विचों निकल गए, फेर केस सोसाइटी दी जद्द विच्च आ जाएगा, फेर असीं तुहाडा केस लड़ांगे।”

प्रधान दे इस उत्तर ’ते राम नाथ मन ही मन शरमिंदा होण लग्गा। उह बिनां कारन प्रधान ’ते शक्क कर रिहा सी। प्रधान ठीक आख रिहा सी। हाले उनहां नाल धक्का होइआ नहीं सी। होण जा रिहा सी।

“जदों तीर कमानों निकल गिआ फेर की करांगे? जे सोसाइटी साथ देवे तां मुलज़मां नूं बेकसूर करार दित्ते जाण तों रोकिआ जा सकदा है।”

“दस्सो आपां किस कानूंन तहित इह कारवाई रोकांगे? अदालत तफ़तीश विच्च दख़ल नहीं दे सकदी। तुहाडी नज़र विच्च कोई नुकता है तां दस्सो! तुसीं वकील हो। कानूंन जाणदो हो।”

राम नाथ नें प्रधान दे इस प्रशन दा उत्तर लभ्भण लई आपणे दिमाग़ नूं कंपिऊटर वांग चलाइआ। सारे कानूंन, नियम अते उच्च अदालतां दे फैसले घोखे। सच्चमुच्च अजिहा कोई नुकता नहीं सी।

“उनहां नूं आपणा ज़ोर ला लैण दिओ। आपां फेर तलब करवा लवांगे।”

“जिवें तुहाडी मरज़ी।”

राम नाथ कोल सहिमत होण तों सिवा कोई चारा नहीं सी।

“इक दोशी नें ज़मानत दी दरख़ासत लाई है। उसनूं वकील पंकज नें कर के दित्ता है। उह आपणे आप नूं किशोर दस्स रिहा है। सरकारी वकील मेरे नाल सिध्धे मूंह गल्ल नहीं करदा। ज़मानत रोकण विच्च मेरी मदद करो।”

“मैं तिआर हां। दस्सो की मदद चाहीदी है?”

“सोसाइटी वल्लों नां सही। निज्जी रूप विच्च साडे वकील बण जाओ।”

“मनज़ूर है।”

प्रधान दी मनजूरी मिलदे ही राम नाथ दे चिहरे ’ते उड्डदीआं हवाईआं खंभ ला गईआं। चिहरे ’ते खुशी टपकण लग्गी।

“फ़ीस दस्सो?” धड़कदे दिल नाल राम नाथ नें फ़ीस पुछ्छी। दो वकीलां कोलों उह फ़ीस दे रेट सुण चुक्का सी। किधरे प्रधान दा वी उहो रेट नां होवे? उह घबरा रिहा सी।

“कोई फ़ीस नहीं। तुहाडा कंम मेरा कंम।”

“नहीं थोहड़ी बहुती फ़ीस मैं ज़रूर देवांगा। तिल फुल्ल! दस्सो!”

“दस्सांगे जदों कंम हो गिआ।”

“फेर वी! पहिलां खोल्ही गल्ल ठीक रहिंदी है।”

“आपणे शहिर विच्च सोसाइटी दी इकाई खोल्हणा। इक्क साल सारा ख़रचा आपणे कोलों करना। इहो मेरी फ़ीस है।”

“इक साल नहीं मैं सारी उमर सोसाइटी दी सेवा करांगा। सोसाइटी दा असल उदेश मैनूं हुण समझ आइआ है। जदों भीड़ सिर ’ते पई है।”

“बस मेरी फ़ीस आ गई।”

खहड़े हो के प्रधान नें राम नाथ नाल हत्थ मिलाइआ।

इह हत्थ दोसती लई वी मिले सन अते सांझे उदेशां दी पूरती लई वी।