सिख्ख कौम इस गल्ल तों निराली है अते माण करदी आई है कि इस विच्च शबद नूं गुरू दी उपाधी दित्ती गई है। इस दे संसथापक गुरू नानक जी तों जदों सिध्धां नें पुछ्छिआ सी कि तेरा गुरू कौण है, तां उहनां नें “शबद गुरू सुरति धुनि चेला” आख के इक्क तरां नाल शबद-गुरू नूं गुरिआई दे दित्ती सी। इसे शबद नूं उहनां नें सभ तों वड्डी करामात वी दस्सिआ सी।इस विच्च कोई दो रावां नहीं, अज्ज दे विगिआन अते तकनालोजी दे युग्ग नें इह सिध्ध कर दित्ता है कि गिआन सभ तों वड्डी शकती है। गुरबाणी दे होर हवाले अते बाकी गुरू साहिबान दे जीवन अते बचनां विचों बाणी-गुरू दीआं झलकां दी गल्ल नां करदे होए अज्ज असीं सिरफ गुरू गोबिंद सिंघ जी दे शबद-सतिकार ते केंदरित होवांगे।

गुरू गोबिंद सिंघ जी नूं बाणी दी गुहड़ती घरों ही मिली । गुरबाणी दा सतिकार उहनां दे वड्डे वडेरे करदे आए होण करके उहनां नूं बचपन विच्च ही जित्थे होर दुनिआवी विद्दिआ दित्ती गई, उत्थे गुरबाणी दा गिआन अते प्रेम वी प्रतख्ख रूप विच्च मिलिआ। उहनां दे जीवन विचों कुझ उहनां घटनावां दा जिकर करदे हां जिहड़ीआं उहनां दे बाणी दे सतिकार नूं प्रगटाउंदीआं हन।

*दसंबर 1704 ईसवी विच्च अनंदपुर साहिब दा किल्हा दुशमण वल्लों आपणे आपणे इशट दीआं खाधीआं कसमां ते इतबार करके छड्डिआ, तां दुशमण नें कसमां तोड़ के पिछ्छों हमला कर दित्ता। लड़दे लड़दे सरसा नदी दे कंढे पुज्ज गए। अंम्रित वेला होइआ जाण के, कुझ सिख्खां दी पहिरे ते डिऊटी लगाई अते आसा दी वार शुरू कर दित्ती। इस अवसथा नूं जानणा अते डूंघाई विच्च समझणा बहुत जरूरी अते महत्तवपूरन है ,गुरू साहिब इस संकट दे समें वी आपणा नित्तनेम छड्डण लई तिआर नहीं, ते असीं अज्ज सभ कुझ हुंदे होए, सुख्ख सहूलतां माणदे होए वी नित्तनेम नूं विसार बैठे हां।

*इक्क होर घटना गुरू साहिब दे जीवन विच्च इंझ है कि जदों उहनां नें इक्क सिख्ख नूं पाठ करदे गलत उचारण करदे सुणिआ, तां उहनां आपणी नाराज़गी प्रगट कीती सी। सिख्ख नें रामकली दी वार विचली पंकती “करते की मिति करता जाणै, कै जाणै गुर सूरा” नूं गलत पहड़िआ सी। उसने “करते की मिति करता जाणै के जाणे गुर सूरा” पहड़ दित्ता सी। गुरू जी नें अरथ समझाउंदे होए दस्सिआ सी कि दुलावां लगा के “कै” उचारण करन नाल इस दे अरथ होणगे, कि करते दी मिति जां करता जाणदा है ते जां गुरू। जदकि जे लावां लगा के “के” पहड़िआ जावे तां अरथ बणनगे कि गुरू नूं करते की मिति दा कुझ नहीं पता। इस लई गलत उचारण करन नाल अरथां दे अनरथ हो रहे हन। गुरू साहिब दी इछ्छा सी कि उहनां दे सिख्ख गुरबाणी दे ठीक अरथ जाणदे होण, अते शुध्ध उचारण करन तद ही उह गुरबाणी अनुसार जीवन जीऊ सकदे हन।

* गुरू गोबिंद सिंघ जी नें पिता-गुरू ,गुरू तेग बहादर जी दी बाणी नूं आदि ग्रंथ विच्च उसे तरतीब विच्च चहड़ाइआ जिस तरतीब विच्च गुरू अरजन देव जी नें संपादित कीता सी।

* भाई मनी सिंघ जी अते होर सिख्खां राहीं गुरू ग्रंथ साहिब दे उतारे करवाउणे उहनां दे शबद बाणी प्रती सतिकार नूं ही परगट करदे हन।

गुरू ग्रंथ साहिब जी नूं गुरिआई:- समें दे हालात देख के अते आउण वाले समें नूं धिआन विच्च रख्खदे होए उहनां नें आपणे अंतिम समे नंदेड़ विखे समूह संगत दे साहमणे गुरू ग्रंथ साहिब जी नूं सिर निवाइआ अते फुरमाइआ कि अग्गे तों स्री गुरू ग्रंथ साहिब जी ही गुरू होणगे।सिख्खां दे इह पुछ्छण ते कि तुहाडे तों बाअद सानूं किस दे लड़ ला चल्ले हो ?? तां गुरू साहिब जी नें आखिआ सी कि जिस नें मेरे नाल गल्ल करनी होवे, उह गुरू ग्रंथ साहिब दा प्रेम नाल पाठ करे। गुरू जी नें आखिआ सी कि मेरा सरीर पंथ विच्च, आतमा ग्रंथ विच्च होएगी।( अज्ज जदों सिख्खां नूं गुरू ग्रंथ साहिब नूं पख्खे,ए.सी.अते रजाई दिंदे देखदे हां तां हैरानी हुंदी है कि उहनां नूं गुरू गोबिंद सिंघ जी दे अंतिम बचन किउं भुल्ल गए हन ? आतमा नूं तां गरमी सरदी नहीं लग्गदी, …….गुरू ग्रंथ साहिब जी दे पंनिआं नूं अंग आखण वाले वी इह भुल्ल गए हन कि गुरू ग्रंथ साहिब जी ,गुरू गोबिंद सिंघ जी दी आतमा हन।)

गुरू ग्रंथ साहिब जी बारे दो भुलेखे :- गुरू गोबिंद सिंघ जी बारे दो भुलेखे संगत विच बणे होए हन जिहनां बारे गल्ल करनी ज़रूरी है।।

पहिला भुलेखा इह है कि गुरू तेग बहादर जी नें गुरू जी तों इक्क प्रशन पुछ्छिआ जिहड़ा सलोक महला 9 विच दरज है-

बलु छुटकिओ बंधनु परे कछू न होत उपाइ।।

कहु नानक अब ओटि हरि गज जिउ होहु सहाइ।।……………………………..(सलोक महला 9, पंना 1429)

किहा जांदा ए कि इस तों अगला सलोक, गुरू गोबिंद सिंघ जी वलों दित्ता गिआ जवाब है। कुझ विदवान तां इस जवाब नूं गुरगद्दी देण दा मापदंड तक्क कहिण तों संकोच नहीं करदे।

दूसरा सलोक इंझ है -

बलु होआ बंधनु छुटे सभु किछु होत उपाइ ।।

नानक सभु किछु तुमरे हाथ मै तुम ही होत सहाइ ।।…………………………….(सलोक महला 9, पंना 1429)

सचाई इह है कि इह दोवें सलोक गुरू तेग बहादर जी दे आपणे ही लिखे होए हन। आप ही सवाल करके उसदा जवाब लिखण दा तरीका गुरू ग्रंथ साहिब जी विच होर वी बहुत थावां ते होर गुरू साहिबान अते होर बाणीकारां वलों वी वरतिआ गिआ है।

गुरू गोबिंद सिंघ जी दी लिखत गुरू ग्रंथ साहिब जी विच नां होण दे दो होर वड्डे कारन हन।

पहिला कि गुरू गोबिंद सिंघ जी दी लिखत( जे उह सच्चमुच्च ही उहनां दी है) दा अंदाज़ अते शैली गुरू ग्रंथ साहिब जी नालों वख्खरी है ।

दूसरा होर वी महत्तवपूरन पख्ख इह है कि गुरू गोबिंद सिंघ जी आपणी ही लिखत नूं गुरू आख के सीस नहीं सी निवा सकदे ।

सो इह सपशट है कि इह दोवें सलोक गुरू तेग बहादर जी दे आपणे ही लिखे होए हन, नां कि गुरू गोबिंद सिंघ जी दे ।

दूसरा भुलेखा इह प्रचल्लित है कि गुरू गोबिंद सिंघ जी नें गुरू ग्रंथ साहिब विच भगत कबीर जी दे शबद विच्च आइआ शबद “खलासे” नूं बदल के “खालसे”कीता है । इह शबद इस तरां है –

परिओ कालु सभै जग ऊपर, माहि लिखे भ्रम गिआनी।।

कहु कबीर जन भए खालसे, प्रेम भगति जिह जानी।।…… …………………..—(पंना 654,सोरठि कबीर जी)

किहा जांदा ए कि आखरी पंकती विच कहु कबीर जन भए खलासे शबद सी, जिस नूं गुरू गोबिंद सिंघ जी नें खालसे कर दित्ता सी। पर हकीकत विच्च इह सच्च नहीं है।

पहिली गल्ल किसे वी गुरू साहिब नें आपणे तों पहिले गुरू साहिब जां भगतां दी बाणी दा इक्क वी शबद नहीं बदलिआ। होर तां होर, संपादकी हक्क रख्खण वाले गुरू अरजन देव जी नें वी जित्थे किते लोड़ पई है, वख्खरा शबद जां सलोक तां लिख दित्ता है, पर मूल शबद नूं नहीं बदलिआ।इतिहास गवाह है कि गुरू हरि राइ जी नें राम राइ जी वलों गुरबाणी दा इक्क शबद वी बदलिआ जाणा प्रवान नहीं सी कीता।( आधुनिक संपादक वी मूल लेखक दी रचना विचों जो आप नूं ठीक नहीं लग्गदा, कट्ट दिंदे हन अते कुझ संपादक तां मूल रचना विच आपणे कोलों वी इक्क दो पंकतीआं जोड़ दिंदे हन। हैरानी हुंदी है जदकि हर अख़बार अते मैगज़ीन दे संपादक साफ लिखदे हन कि लेखक दे विचारां नाल संपादक दा सहिमत होणा जरूरी नहीं। फेर वी रचना दी कांटी छांटी करदे हन। गुरू अरजन साहिब जी तों संपादकी सिख्खणी चाहीदी है जिहनां नें ,नां केवल हर लेखक दी रचना दी जिंमेवारी ही लई है। सगों मूल रचना हूबहू उसे तरां छापी गई है । जे किते कोई गल्ल सपशट करन वाली लग्गी है, नाल आपणा सलोक उचारिआ है, पर मूल लिखत नूं उसे तरां लिखिआ गिआ है।)

दूसरी गल्ल भाई काहन सिंघ नाभा जी नें महान कोश विच्च उचेचा फुट्टनोट दे के सपशट कीता है। भाई साहिब जी दे शबद इस तरां हन–

“कई अङाण लेखकां नें लिखिआ है कि श्री गुरू गोबिंद सिंघ जी नें दमदमा साहिब विखे “खलासे” दी थां “खालसे”शबद वरतिआ है, पर इह उनहां दी भुल्ल है। गुरू ग्रंथ साहिब जी दी करतारपुर वाली बीड़ विच्च पुराणी कलम दा लिखिआ पाठ खालसे है।”

सो इह भुलेखे मन विचों कढ्ढ देणे चाहीदे हन। गुरू गोबिंद सिंघ जी नें गुरू ग्रंथ साहिब दे मूल रूप नूं ही गुरू आखिआ है। उहनां नें तां सिरफ गुरू तेग बहादर जी दी बाणी नूं आदि ग्रंथ विच शामिल कीता है अते उह वी पहिलां ही चलदी तरतीब अनुसार ही।

* भावें इस मत्त ते सिख्ख कौम विच्च विवाद है कि गुरू गोबिंद सिंघ जी नें आप बाणी रची कि नहीं ? दसम ग्रंथ विच्च उहनां दी उहनां बाणी किंनी कु है, विदवानां अंदर इस बारे वख्ख वख्ख विचार हन। असीं उस सारे विवाद नूं परहे रख्खदे होए इह दाअवे नाल कहि सकदे हां कि गुरू ग्रंथ साहिब जी विच्च गुरू गोबिंद सिंघ जी दा इक्क वी शबद नहीं। शाइद इक्क वड्डा कारन इहो होवे, कि उह आपणी लिखत नूं ही गुरू आख के मत्था नहीं सी टेक सकदे। दसम ग्रंथ नूं गुरू ग्रंथ साहिब जी दे बराबर प्रकाश करन दी इजाज़त अकाल तखत तों पंथ प्रवानित सिख्ख रहित मरयादा अनुसार नहीं है।

गुरू गोबिंद सिंघ जी दे 52 हुकमनामे :- गुरू गोबिंद सिंघ जी दे नंदेड़ तों कीते गए 52 हुकमनामे सिख्ख पंथ विच्च बहुत सतिकार दा सथान रख्खदे हन । भावें इहनां दा कोई इतिहासक सरोत तां नहीं मिलदा, पर फेर वी सारा पंथ इहनां हुकमनामिआं नूं गुरू गोबिंद सिंघ जी दे लिखे हुकम ही मंनदा है ।इहनां विचों 10 हुकमनामे अजिहे हन, जिहड़े गुरबाणी दे सतिकार नूं द्रिड़ करवाउंदे हन । देखो जरा –

* तीसरा हुकमनामा – गुरबाणी कंठ करनी ।

* छेवां हुकमनामा -गुरसिख्खां पासों गुरबाणी दे अरथ समझणे ।

*अठ्ठवां हुकमनामा -शबद दा अभिआस करना ।

* नौवां हुकमनामा – धिआन सति सरूप सतिगुरू जी दा धरना ।

* दसवां हुकमनामा – सतिगुरू स्री गुरू ग्रंथ साहिब जी नूं मंनणा ।

*वीहवां हुकमनामा-गुरबाणी दी कथा अते कीरतन रोज सुणना अते करना।

*इक्कतीवा हुकमनामा-दूसरे धरमां दीआं पुसतकां, विद्दिआ पहड़नी पर भरोसा द्रिहड़ गुरबाणी अते अकाल-पुरख उत्ते ही रख्खणा ।

*तेतीवा हुकमनामा – रहिरास दा पाठ करके खहड़े हो के अरदास करनी ।

* चौतीवां हुकमनामा -सौण समे सोहिले दा पाठ करना ।

* उनतालीवां हुकमनामा – सभ कारज स्री गुरू ग्रंथ साहिब जी दी ताबिआ अते गुरबाणी अनुसार करने ।

अंतिका:- उपरोकत विचार चरचा तों असीं देखदे हां कि गुरू गोबिंद सिंघ जी नें आपणे जीवन विच्च शबद-बाणी नूं सदा सतिकार दित्ता । उदों दुख्ख लग्गदाहै जदों अज्ज सिख्खां नूं , होर तां होर खालसिआं नूं वी गुरू ग्रंथ साहिब जी नूं छड्ड के वख्ख वख्ख रंग बिरंगे डेरिआं अते बाबिआं कोल जांदे देखदे हां। गुर-फुरमान है-

जा को ठाकुरु ऊचा होई।

सो जनु पर घर जात न सोही।….(गउड़ी भी सोरठि भी पंना 330)

सपसट है कि अज्ज सिख्खां नूं आपणे गुरू ते भरोसा विसवाश नहीं रिहा इसे लई उह होर दुआरिआं ते भटकदे फिरदे हन। पातसाह बखशिस करन सानूं गुरू साहिबान नें जिस शबद दे लड़ लाइआ है, उस दा सतिकार करना आ जावे। सबद दी समझ आ सके, सबद नूं कमाउणा सिख्ख सकीए। सबद अनुसार आपणा जीवन ढाल सकीए।

********************************************************************