इक तों विसतार होइआ, इस विच्च हुण शक्क दी गुंजाइश कित्थे है। धरम तों लै के साइंस तक्क इस गल्ल दी पुशटी वी कर चुक्के हन। ''अरबद नरबद धुंदूकारा'' तों हुण तक्क एक तों अनेक होण दा सिलसिला लगातार जारी है। इस सचाई नूं चंगी तरां जाणदे होए वी असीं सभ तेरी मेरी दी दुनीआ 'च घिरे होए हां। हर रोज़ साडे नाल कोई नां कोई इहो जिहा वरतारा वापरदा रहिंदा है जिस नाल असीं इह अहिसास कर वी लैंदे हां कि असीं 'इक' हां पर फेर वी दुनीआदारी इस कदर पलीती गई कि इक ढिड्डों जंमे वी अलग्ग-अलग्ग होण दा राग अलाप रहे हां। जिंना मरज़ी हद्दां बंने खिच्च लईए। ''एकस के हम बारिक'' वाली होंद नूं झुठला नहीं सकदे। हुण गल्ल आउंदी है कि जदों असीं इक दा हिस्सा हां तां कुझ नां कुझ समानतावां तां होणीआं लाज़मी हन।
कुझ वकत पहिलां इक इहो-जिही समानता नें मैनूं आपणे वल्ल खिच्चिआ। जदों मैं इक गोरे पीटर दे घर 'च लग्गी होई इक तसवीर देखी, तसवीर काहदी सी मेरा निरा पुरा हंढाइआ बचपन सी..
धुंदले रंग वाली कंध 'ते मुसकराउंदी ओस तसवीर दे रंग खिड़ खिड़ पै रहे सी जिवें बहार रुत्ते सज्जरे फुल्ल कलीआं टहिक रहे होण.... ओस तसवीर विच्च गली दे कुझ बच्चे गोळीआं.... जिनहां नूं असीं तुसीं बंटे वी कहिंदे आं, खेड रहे सी.... ते कुझ उनहां दुआले झुरमट बणा के दरशक बणे गोळीआं 'ते टिकदीआं निशाने मिथदीआं उंगलां नूं नीझ नाल देख रहे सन। सठ्ठ कु वरहिआं दे पीटर नूं जदों मैं पुछ्छिआ कि तुहाडे कलचर 'च वी 'घुत्ती पा' खेडण दा रिवाज सी? सवाल तां मेरा सहिज जिहा ही सी, पर जिवें मैं पीटर दी दुखदी रग ते हत्थ धर दित्ता होवे। पीटर नें तसवीर वल्ल देखिआ, तां उस दीआं अख्खां छिण भर विच्च अतीत दे चोअ 'चों पाणी भर लिआईआं। भरड़ाई 'वाज नाल कहिंदा-किंने वधीआ दिन सन 'उह'! .. जदों मैं पिछली कंध टप्प के मां तों चोरी जुआकां नाळ गोलीआं खेडण चला जांदा सी। मेरी मां मैनूं भालदी रहिंदी ते साडा कुत्ता टिपसी मैनूं भालण 'च मेरी मां दी मदद करिआ करदा सी ते फेर कई वार मैं विचारे टिपसी दी छित्तर परेड वी कर दिंदा सी कि तूं मां नूं दस्सिआ बई असीं किथे खेड रहे सां। पीटर दी इह गल्ल मुक्कदे-मुक्कदे उस दीआं अख्खां दा पाणी वी सुक्क गिआ सी, उमर दे तकाज़े नाल मुरझा रहे चिहरे ते केरां तां रौणक जिही खेडण लग्गी.. मैं किते गुआच जिहा गिआ सी.. पर पीटर दे बोलां ''हे मैन तूं रो रिहैं?'' नें जदों इक झटके नाल मैनूं उस दी इस गल्लबात दे वहिण 'चों धूह के बाहर कढ्ढिआ तां मैं झूठ बोल दित्ता-किहा ''नहीं तां।'' पर अख्खां दा पाणी बाग़ी हो के गल्लां तक्क पहुंच चुक्किआ सी।
पीटर मेरे अत्थरूआं तों शाइद हैरान जिहा होइआ सी.. उह नें विचारगी जिही नाल पुछ्छिआ- “मेरे तों कोई ग़लती हो गई?.. ''ते मेरा जुआब उडीके बिना आंहदा- ''लग्गदै मैं तेरी कोई याद ताज़ा करा दित्ती?''
मेरीआं अख्खां मूहरे उह द्रिश इक पल 'च घुंम गए सन जदों मैं घरदिआं तों चोरी गोळीआं वाली पीपी चुक्क के 'सुरिंदर सेठ' दी दुकान मूहरे खेड रहे जुआकां नाळ सारा-सारा दिन खेडी जाणा। साडे पसू-डंगर सांभण वाले पाली नें मां नूं दस्स देणा ते मां नें कंन तों फड़ के घरे लै आउणा ते फेर जिंनीआं कु मेरे पैणीआं, आपां वेला कुवेला देख उह सारीआं अग्गे विचारे पाली नूं टरांसफ़र कर देणीआं। मां तों कुट्ट खांदे नें बस्स इही कही जाणा-''बई जदों कबीलदारी मेरे हत्थ आ गई नां, सारा दिन गोळीआं खेडिआ करूं, हटाइओ फेर....।''
ते हुण पीटर मेरे वहिण 'च वहि तुरिआ सी। उहदा गच्च फेर भर आइआ.. आंहदा-''फेर तूं जदों आपणे पैरां ते खहड़ा होइआ तां ख़ूब गोळीआं खेडिआ?'' उहदे सवाल 'च वी ते उहदिआं अत्थरूआं नाल भरीआं नज़रां विच्च वी शरारत झलक रही सी।
मैं संभलदिआं किहा, ''नां ओए भरावा.... हुण तां कदे सुपने 'च वी गोळीआं खेडण नूं जीअ नहीं कीता।'' पीटर नें मिठ्ठा जिहा नहोरा मारिआ, कहिंदा- ''सो तूं उनहां दिनां नूं विसार गिऐं ते लग्गदै चेते वी नहीं रख्खणा चाहुंदा?''
मेरे धुर अंदरों कुझ निकलिआ, खौरे हउका होणै.. .. मैं किहा- ''बस्स इंझ ही समझ लै।'' उह कहिंदा- ''पर मैं सारी उमर उह दिन नहीं भुल्लणा चाहुंदा। अज्ज वी कदे-कदे सुपने 'च खेड आउनां। इसे लई इह तसवीर ला रख्खी है कि किते 'उह' दिन भुल्ल नां जावां।''
फेर पीटर नूं मेरे नाल ते मैनूं पीटर नाल दिखावे लई सांझ दी लोड़ ही नां पई, कुझ वी सांझा नहीं सी साडा, नां जनम भूमी-नां कलचर.... पर इक सांझ बाकी असांझां दे सिर चड़ बोल रही सी कि असीं दोवें ही उह बीते दिन मुड़ हंढाउणा चाहुंदे सां......
पीटर नें पहिल करदिआं किहा-''अज्ज तों आपां आड़ी बण गए ते हुण जदों तूं मैनूं आपणे जनम दिन ते सद्देंगा तां मैं तैनूं इहो जिही इक्क तसवीर गिफ़ट करांगा। मैनूं इह फ़ोटो मेरी मां नें मेरे इक जनम दिन ते दित्ती सी ते नाले आपणे अंतले दिनां 'च उह मैनूं किहा करदी सी कि जे सरकार गोळीआं खेडण दे मुकाबले कराउंदी हुंदी तां मेरे पुत्त नें आसट्रेलीआ दा चैंपीअन होणा सी।''
पीटर बहुत कुझ दस्स रिहा सी, ते मैं वी ओथे ठहिर जाणा चाहुंदा सी, पर इह चंदरा वकत! किथे कुझ ठहिरन दिंदा.. मैनूं कंम निबेड़न दा चेता आइआ, ते मैं पीटर दी इजाज़त नाल उस तसवीर नूं आपणे कैमरे विच्च कैद कर लिआ.... फेर आपणा कंम मुकाअ के घर वापस आउण लग्गिआ तां पीटर कहिंदा- “उंज तां हुण मेरा ढिड्ड गोडिआं 'च नहीं आउंदा पर जे तूं कहें तां ऐस वीक ऐंड ते 'घुत्ती पा' खेडीए?'' उहदे बोलां 'च फेर शरारत सी ते मेरा मन तां बस्स भरिआ पिआ सी।
मैं आपणे पिछले सत्त सालां दे आसट्रेलीआ परवास विच पहिली वार भरीआं अख्खां नाल जौब कीती ते इक वख्खरा जिहा अहिसास मन अंदर लै के पीटर नूं बिनां हां नांह कहे “इक दी उपज'' होण बारे सोचदा घर परत आइआ, जित्थे मेरीआं कबीलदारीआं मैनूं उडीक रहीआं सन...