चिट्टे ते गैंगसटरवाद वांग चाईना डोर दा कहिर दिन बदिन वधदा जा रिहा है, जिस नें हुण तक हज़ारां लोकां नूं ज़खमी करन तों इलावा सैंकड़े लोकां दीआं जानां वी लै लईआं हन। पर इसदे बावजूद नां तां साडीआं सरकारां नें अते नां ही लोकां नें चाईना डोर दी वरतों नां कीते जाण नूं लै के गंभीर हन। जेकर चाईना डोर दे इस वध रहे कहिर नूं वकत रहिंदिआं लगाम नां लाई गई तां उह दिन दूर नहीं जदों इस उत्ते नकेल पाउणी साडे वस्सों बाहर हो जावेगी ते असीं हत्थ मलदे रहि जावांगे। चाईना डोर दी समस्सिआ इस कदर वध चुक्की है कि घरों बाहर निकलदे ही इस डोर दा डर सताउण लग्ग जांदा है। मैं जदों वी आपणे घर दी छत्त उत्ते चहड़दा हां तां छत्त उत्ते चाईना डोर दा जाल विछिआ हुंदा है, जो कोठे उत्ते चल्लण वकत मुशकिल खहड़ी करदा है। इत्थों तक कि इह मौत दी डोर सड़कां अते गलीआं विच्च तुरन वकत राहगीरां दे पैरां विच्च अड़दी है। इह लोकां लई दिक्कतां ही खहड़ीआं नहीं करदी बलकि लत्तां पैरां ’ते जखम वी कर दिंदी है ते ख़ून वगण ला दिंदी है। हर रोज़ इस डोर दी वजाह करके अनेकां लोकां दे ज़खमी होण अते इस डोर दी वजाह नाल मौत हो जाण दीआं ख़बरां अखबारां दीआं सुरखीआं बणदीआं रहिंदीआं हन।

जेकर संजीदगी नाल देखिआ जावे तां हुण तक चाईना डोर नाल हज़ारां मौतां हो चुक्कीआं हन। इस संबंधी सैंकड़े नहीं, हज़ारां केस अदालतां विच्च चल्ल रहे हन। मेरे शहिर विच्च अज्ज वी चाईना डोर दी खुल्ल्हे आम वरतों हो रही है। चाईना डोर वेचण वालिआं जां वरतों करन वालिआं विरुध्ध कोई सख़त कारवाई नहीं कीती जा रही, जिस करके इस नूं बणाउण, वेचण अते वरतण वालिआं दे हौसले बुलंद हन। उध्धर जदों इस डोर दी कारन कोई घटना वापरदी है तां प्रशासन वल्लों सख़त अते सथाई कदम चुक्के जाण दी थां गोंगलूआं तों मिट्टी झाड़ दित्ती जांदी है। अज्ज चिट्टे अते गैंगसटरवाद वांग इस डोर दा कारोबार वी वड्डे पध्धर उत्ते फैल चुक्का है। लख्ख कोशिशां दे बावजूद इस नूं हाले तक नत्थ नहीं पाई जा सकी। नत्थ पवेगी किवें, किउंकि इस डोर दे कारोबार नाल करोड़ां दी कमाई जु हो रही है। चिट्टे दे नशे दी सपलाई करन वालिआं वांग इस डोर दे कारोबार पिछ्छे वी वड्डे लोक जुड़े होए हन, जिनहां दी बदौलत इसदी वरतों हर वरहे लगातार वधदी ही जा रही है। इसे कारन इस नूं लगाम नहीं लग्ग रही। हुण तां इस डोर दी वरतों नां केवल पतंग (गुड्डी) चहड़ाउण लई ही कीती जांदी है, सगों इसदी वरतों दुशमणी कढ्ढण लई वी कीती जा रही है, जो बेहद्द खतरनाक रुझान है। इसदे बावजूद पता नहीं साडीआं सरकारां ते लोक कदों समझणगे? सूझवान लोक इह सवाल पुछ्छदे हन के सरकार वल्लों चाईना डोर उत्ते पाबंदी लाउण दे बावजूद अमल किउं नहीं हो रिहा? लगदा है प्रशासन इस प्रती बिलकुल वी गंभीर नहीं है। रोज़ाना इस खतरनाक डोर दी वजाह सदका लोक ज़खमी हो रहे हन ते मौतां वी हो रहीआं हन। फिर वी नां तां मापे ही आपणे बच्चिआं नूं इस डोर दी वरतों तों वरज रहे हन अते नां ही बच्चे इस डोर दी वरतों करन तों मुड़दे हन। पता नहीं साडीआं सरकारां ते लोक इस मुद्दे प्रती कदों गंभीर होणगे? चाहीदा तां इह है कि इस डोर उत्ते रोक नूं लै के सानूं सभ नूं सख़त होणा पवेगा तां ही इस जानलेवा डोर दी वरतों रुक सकदी है। नहीं तां ‘पंचा दा किहा सिर मत्थे, परनाला उत्थे दा उत्थे’ इसदी वरतों निरंतर जारी रहेगी ते प्रशासन मूक दरशक बणिआ रहेगा।

उध्धर अंम्रितसर दे ज़िल्हा मैगिसट्रट वल्लों चाईना डोर दी रोकथाम वासते कारगर कदम चुक्कदे होए शहिर विच्च डरोन दी वरतों कीती जा रही है तां जो डरोन दे ज़रीए पता लग्ग सके के कौण चाईना डोर दी वरतों कर रिहा है। हां, बेशक डरोन दे डर तों बहुत सारे लोक इसदी वरतो नहीं करदे पर इह सथाई ’ते पक्का हल्ल नहीं आखिआ जा सकदा। असल विच्च प्रशासन नूं इसदी वरतों करन वालिआं विरुध्ध कारवाई करन तों पहिलां इसदी पैदावार करन वालिआं खिलाफ कारवाई करन नूं पहिल देणी चाहीदी है।

सिआणे आखदे हन “कमले नूं नां मारो, कमले दी मां नूं मारो, तां जो होर कमला नां जंम धरे।” मतलब साफ़ है कि अगर चाईना डोर उत्ते पूरन पाबंदी लाउणी है तां इस कहावत दी तरहां चाईना डोर तिआर करन वाले लोकां ’ते कारवाई होणी चाहीदी है। जेकर चाईना डोर दा उदपादन करन वालिआं ’ते कारवाई होवे तां नां रहेगा बांस ते नां वज्जेगी बंसरी। भाव जदों डोर तिआर ही नां होवेगी तां आवेगी कित्थों ते कौण करेगा इसदी वरतों? अगली गल्ल डोर वेचण वालिआं अते इसदी वरतों करन वालिआं खिलाफ कानूंन दी आईपीसी धारा 307 तहित मुकद्दमा दरज़ कीता जावे तां कि डोर दी वरतों रुक सके। जिंना समां सरकार ते प्रशासन सख़त कारवाई नहीं करदे, उंना समां इस डोर दा कहिर रुकणा मुशकिल ही नहीं, सगों नां मुमकिन वी जापदा है। मेरी समुच्चे मापिआं नूं वी पुरज़ोर अपील है कि आपणे फरज़ नूं समझदे होए आउ आपां रल के प्राण करीए ते इस डोर उत्ते रोक लाउण वासते जित्थे प्रशासन दा साथ देईए, उत्थे खुद वी अग्गे आईए। इस डोर दे नुकसान नूं दरसाउण वासते सरकार नूं इशतिहार देणे चाहीदे हन, सकूलां विच्च सैमीनार ला के बच्चिआं नूं सुचेत करना चाहीदा है, इस डोर दी वरतों करन वाले विरुध्ध होण वाली कारवाई बारे जाणू करवाउणा चाहीदा है। अज्ज लोड़ इस गल्ल दी है कि समाज सेवी जथेबंदीआं अते सरकार नूं चाईना डोर खिलाफ जंगी पध्धर उत्ते मुहिंम विढ्ढण तां जो चाईना डोर उत्ते मुकंमल रोक लग्ग सके ते इस डोर दी वजाह नाल होण वाले जानी नुकसान नूं लगाम लग्ग सके।

* * * * *