अंदाज़न 19 कु वरहे मैं नशा छडाऊ केंदर दे डाइरैकटर वजों सेवा निभाई है। नशईआं नूं धरम, साहित अते किरत दे संकलप नाल जोड़ के मुख्ख धारा विच्च लिआउण दे हर संभव यतन कीते जांदे सन। उस दिन मैं बहुत ही हैरान अते प्रेशान होइआ, जदों मापे आपणे 13-14 साल दे पुत्तर नूं नशा छडाउण लई लै के आए। जिस सकूल विच्च लड़का पहड़दा सी, उस सकूल दा अधिआपक वी नाल आइआ सी। अधिआपक नें दस्सिआ कि अज्ज ही सवेर दी प्रारथना समें इह बेहोश हो के डिग पिआ सी। तुरंत मापे वी बुला लए। कुझ देर बाअद मुंडा होश विच्च आ गिआ। पिआर नाल पुछ्छण ते उसने दस्सिआ कि उह चिट्टा पीण दा आदी हो गिआ है। मापे हद्दों वध्ध प्रेशान सन। बच्चे दी कौंसलिंग करदिआं साहमणे आइआ कि इह लड़का पिछले चार महीनिआं तों चिट्टे दी लपेट विच्च आइआ है। उस नें इह वी दस्सिआ कि सकूल विच्च तिंन-चार होर मुंडे वी नशे दी वरतों करदे हन। उस बच्चे नूं तुरंत दाखल कर लिआ। मापिआं अते अधिआपक नूं भरोसा दित्ता कि महीना कु इहनूं इत्थे रख्ख के नशा मुकत करन दी हर संभव कोशिश करांगे। नशिआं संबंधी आले दुआले दे सकूलां दी सथिती संबंधी पता कीता तां साहमणे आइआ कि बहुत सारे सकूली बच्चे मैडीकल नशे, जरदा अते सिगरट पीण लग्ग पए हन। असीं शहिर दे पंज छे समाज चिंतक इकठ्ठे होए। इस गंभीर समस्सिआ ते विचार वटांदरा कीता। इह सोच उभ्भर के साहमणे आई कि जिहड़े बालग नशे दी दलदल विच्च धस गए हन, उहनां नूं मुख्ख धारा विच्च लिआउण लई हर संभव यतन हो रहे हन, पर विदिआरथी वरग दा नशिआं वल्ल रुझान गंभीर चिंता दा विशा है। विदिआरथीआं नूं नशिआं दे मारू प्रभावां तों जाणू करवा के उहनां नूं इस पासिओं रोकिआ जा सकदा है। इस संबंध विच्च असीं विउतबंदी बणा लई। वफद दे रूप विच्च ज़िल्हा सिख्खिआ अफसर नूं मिले। उहनां नूं सारी सथिती तों जाणू करवाइआ। ज़िल्हा सिख्खिआ अफसर वी सुण के गंभीर हो गिआ। उस नें इस नेक कारज लई हर तरहां दा सहियोग देण दा वाअदा कीता। विचार वटांदरे अनुसार फैसला होइआ कि साडी नशा विरोधी टीम हफते विच्च चार दिन सवेर दी प्राथना समें सकूल विच्च जावेगी। 15 सकूलां दी लिसट ज़िल्हा सिख्खिआ अफसर सानूं हफते बाअद भेजेगा अते सकूलां नूं सूचना वी ज़िल्हा सिख्खिआ अफसर राहीं पहिलां ही भेज दित्ती जावेगी। इंज संबंधित सकूल नाल तालमेल करके असीं प्रारथना समें जा के विदिआरथीआं नूं नशिआं दे मारू प्रभावां तों जाणू करवाउण दे नाल नाल नैतिक सिख्खिआ दा गिआन देण दी वी हर संभव कोशिश करांगे। नाळ वाले साथी सारे ही सुहिरद सन। अगले हफते तों असीं आपणा कंम शुरू कर दित्ता। सकूल दे मुखी नूं साडे आउण संबंधी सूचना पहिलां ही पहुंची हुंदी सी। सकूल विच्च निशचित समें ’ते पहुंच के असीं विदिआरथीआं नूं संबोधन करदे। नशिआं कारन सरीरिक, मानसिक, बौधिक अते आरथिक नुकसान दस्सण दे नाल नाल ज़िंदगी दी दौड़ विच्च नशिआं कारन फाडी रहिण वालिआं दे किस्से वी छोहे जांदे। विदिआरथी वरग वल्लों बहुत चंगा हुंगारा मिल रिहा सी। अधिआपक वरग वी साडे इस उपराले दी प्रशंसा करदा सी। कई सकूलां विच्च नशा करन वाले विदिआरथी वी साहमणे आए। उनहां दे इलाज लई हर संभव यतन कीता गिआ।

इह उपराला बड़ी सफलता पूरवक चल्लदा रिहा। साडा अध्धा समां इस कारज दे लेखे लग्ग जांदा अते बाकी समां फिर आपणी करम-भूमी विच्च कंम संभाल लैंदे। इक्क दिन साडी टीम संसथा विच्च गई। विदिआरथीआं नूं पहिलां दी तरहां संबोधन कीता। पर असीं महिसूस कीता कि विदिआरथीआं विच्च अनुशासन दी घाट है। जित्थे अनुशासन नहीं हुंदा, उत्थे होर कमज़ोरीआं वी नाल जुड़ जांदीआं हन। विदिआरथीआं नूं संबोधन करन तों बाअद मुख्ख अधिआपक नें सानूं दफतर विच्च बुला लिआ। दुखी मन नाल उसने प्रगटावा कीता कि पिंड विच्च खुल्ल्हे होए शराब दे ठेके दा ठेकेदार, सरपंच दा रिशतेदार है। उस नें आपणे ठेकेदार रिशतेदार नूं कहि रख्खिआ है कि जिस नूं मैं दसतख़त करके परची देवां, उस नूं पंज रुपए प्रती बोतल घट्ट लाउणे हन अते ‘माल’ वी वधीआ देणा है। इंज पिंड विच्च परची दे ज़ोर ’ते सरपंच नें आपणा दबदबा वी काइम रख्खिआ होइआ है अते अगांह नूं वोट-बैंक वी पक्का करदा है। अगली दुख्ख दी गल्ल इह है कि मापे सरपंच तों परची लै के अगांह ठेके तों शराब लिआउण लई परची आपणे पुत्त नूं फड़ा दिंदे नें। उनहां विच्चों कई साडे सकूल दे विदिआरथी हन। कई नौंवीं-दसवीं दे मुंडे सरपंच वाली परची लै के अध्धी छुट्टी वेले ही बोतल लै के बापू नूं घर दे आउंदे नें। सानूं शक्क है कि बोतल विच्चों मुंडे आपणा हिस्सा पत्ती वी रख्खदे नें।”

असीं इह सुण के सुंन हो गए। पिंड दा मुखी ही विदिआरथी जीवन नाल खिलवाड़ कर रिहा है। असीं फिर नौंवीं दसवीं दे विदिआरथीआं नाल विचार वटांदरा करन लई उहनां नूं इकठ्ठे कर लिआ। उहनां नूं बड़े पिआर नाल समझाइआ कि इस उमर विच्च जेकर तुसीं गलत रसता फड़ लिआ अते दौड़े वी तेज़ तां भटक जावोंगे। जिंना तेज़ दौड़ोंगे, उंना ही मंज़ल तों दूर हुंदे जाउंगे। पर जेकर रसता ठीक चुण लिआ अते तेज़ दौड़े तां आसानी नाल मंज़िल प्रापत कर लवोंगे। उहनां नूं भारत दे मरहूम राशटरपती श्री अबदुल कलाम दे विदिआरथीआं नूं कहे होए इह शबद याद करवाए, “तुसीं उह सुपने लओ, जिहड़े तुहाडी नींद उडा देण। तुसीं उह सुपने पूरे करन लई हर संभव यतन करो।”

फिर असीं विदिआरथीआं नूं शराब दे नुकसान दस्स के उहनां कोलों बहुत ही पिआर नाल सरपंच वल्लों शराब लिआउण लई दित्तीआं जांदीआं परचीआं संबंधी पुछ्छिआ। विदिआरथी ऐने प्रभावित होए कि उहनां विदिआरथीआं विच्चों पंज छे विदिआरथीआं नें सरपंच वालीआं परचीआं सानूं दिंदिआं दस्सिआ कि साडे बापू नें ठेके तों शराब लिआउण लई दित्तीआं सन। अगांह तों उहनां नें अजिहा नां करन दा प्रण वी कीता।

सकूलों आ के मैं नशा छडाऊ केंदर विच्च आ के बैठा ही सी कि डी. सी. साहिब दे पी.ए. दा फोन आ गिआ, “डी. सी. साहिब नें तुहानूं दफतर विच्च बुलाइआ है।”

मैं डी. सी. कोल चला गिआ। मैनूं कुरसी ’ते बैठण दा इशारा करके उह कुझ पल कागज़ां विच्च रुझ्झे रहे। आले दुआले खड़ोते करमचारीआं नूं बाहर भेज दित्ता। फिर मेरे वल्ल मूंह करके पुछ्छिआ, “अज्ज तुसीं किहड़े सकूल विच्च गए सी?”

मैं सकूल दा नां दस्स दित्ता। नाल ही सुचेत वी हो गिआ। उनहां नें थोहड़ी जिही बेरुखी नाल किहा, “उत्थों दे सरपंच दी शिकाइत आई है कि तुसीं उस दे विरुध्ध विदिआरथीआं कोल बोले हो। तुहाडा कंम विदिआरथीआं नूं समझाउणा है, पिंड दे मुखी विरुध्ध बोलणा उचित नहीं। अगांह तों …।”

उह अग्गे कुझ कहिणा चाहुंदे सन, मैं जेब विच्चों विदिआरथीआं तों लईआं परचीआं कढ्ढ के डी.सी. साहिब नूं दिंदिआं सारी कहाणी दस्स दित्ती। नाल ही ज़ोर दे के किहा कि नाबालग विदिआरथीआं नूं शराब लिआउण लई ठेके ’ते भेजण लई सरपंच सिध्धे तौर ’ते ज़िंमेवार है अते इस तरहां करके उह विदिआरथीआं दे जीवन नूं बरबाद कर रिहा है।”

मेरी गल्ल सुण के उह गंभीर हो गए। उनहां दा शिकवे भरपूर लहिजा दाद भरे शबदां विच्च बदल गिआ। मैनूं मुख़ातिब हुंदिआं किहा, “वैल्ल डंन, इह कंम जारी रख्खो।”

अगले दिन उस पिंड दा ठेका नाबालिग बच्चिआं नूं शराब वेचण दे दोश विच्च हफते भर लई बंद कर दित्ता गिआ अते सरपंच नूं वी दफतर विच्च बुला के डी. सी. नें अजिहा नां करन दी ताड़ना कर दित्ती।

इस पिछ्छों साडे कदमां विच्च होर वी द्रिहड़ता आ गई।

* * * * *