उदों मैं बहुत छोटा सां। उसे साल मैं सकूल दाखल होइआ सी अते उह वी सिफारशी किउंकि मेरी उमर अजे सकूल दाखले दी नहीं होई सी। मैनूं इक्क महीने विच्च ही कच्ची जामत तों पक्की जमात विच्च कर दित्ता गिआ किउंकि उरदू दा काइदा मैं सारा पहिलां ही घर पहड़ रख्खिआ सी। गरमीआं दीआं छुट्टीआं तों पहिलां मासटर जी नें आखिआ कि जेकर तूं छुट्टीआं विच्च सारे पहाड़े याद कर लए तां तैनूं छुट्टीआं पिछ्छों पहिली विच्च कर दित्ता जावेगा। मैं छुट्टीआं खतम होण दी बड़ी बेसबरी नाल उडीक कर रिहा सी कि खबर फैल गई, “सकूल बंद ही रहिणगे किउंकि रौळे पै गए हन।” सानूं समझ नहीं सी कि रौले की हुंदे हन अते सकूल किउं बंद कर दित्ते जांदे हन।
कुझ दिनां पिछ्छों साडे पिंड कुझ परिवार आपणे गड्डिआं उत्ते पहुंचे, जिहड़े कई साल पहिलां बार विच्च चले गए सन। उनहां दे आउण नाल पिंड विच्च हलचल शुरू हो गई। पिंड दे कुझ कु नौजवान, जिनहां दा कंम ही आवारागरदी करदे फिरना सी, नें लोकां दे इकठ्ठ सद्दणे शुरू कर दित्ते। इक्क दिन शाम नूं उनहां विच्चों दो मुंडे साडे घर आए। उनहां कुझ ऐलान करने सन। साडा मकान तिंन मंज़ला होण करके शाइद सभ तों उच्चा सी। उदों पिंडां विच्च बहुते कच्चे कोठे ही हुंदे सन। साडे घर इक्क तविआं वाला वाजा सी, जिस अग्गे इक्क धूतू लग्गिआ होइआ सी। उनहां उह धूतू लै लिआ अते सभ तों उतली छत्त उत्ते चहड़ के धूतू नूं मूंह नाल ला के पूरे ज़ोर नाल आखणा शुरू कर दित्ता, “हमले शुरू हो गए हन, असीं आपणी राखी वी करनी है अते बदला वी लैणा है। जिहड़े साडे भरा उउजड़ के आए हन, उनहां उस पासे होए ज़ुलम दी कहाणी दस्सी है। सानूं इह वी पता लग्गिआ है कि गवांढी पिंड विच्च हमले दी तिआरी हो रही है। इह हमला साडे उत्ते वी हो सकदा है।” उस नें लोकां नूं अपील कीती कि हर घर विच्च हथिआर होणे चाहीदे हन। किरपानां, टकूए अते बरछे तिआर रख्खण नूं आखिआ। उस इह वी आखिआ कि पिंड दे लुहार कोलों इनहां नूं तिख्खिआं करवा लिआ जावे। कोठिआं उत्ते इट्टां-वट्टे इकठ्ठे कर लवो। जदों वी कोई हमला होइआ तां तीवीआं कोठिआं उत्ते दुशमण नूं इट्टां-वट्टे मारनगीआं। उस नें पिंड दे सारे मरदां नूं गुरदुआरे इकठ्ठे होण दी वी बेनती कीती।
उस रात पिंड विच्च भारी इकठ्ठ होइआ। उत्थे इह फैसला वी कीता गिआ कि पिंड विच्च रोज़ रात नूं पहिरा दित्ता जाइआ करेगा। इस पहिरे लई घरां दीआं वारीआं लगा दित्तीआं गईआं। लोकां नूं आखिआ गिआ कि उह इकल्ले खेतां वल नां जाण खास करके औरतां नूं खेतां विच्च जाण दी मनाही कीती गई अते इह वी आखिआ गिआ कि दिन छुपण तों पहिलां घरां नूं वापस आइआ जावे। किसे वी अजनबी लई दरवाज़ा नां खोल्हिआ जावे।
दो दिन पिछ्छों साडे घरों ही इह ऐलान कीता गिआ, “कल्ल्ह लागले पिंड हमला करना है, जिहड़े जथे विच्च शामिल होणा चाहुण, उह आपणे हथिआर नाल लै के सवेरे दिन चहड़दे नूं दरवाजे पुज्ज जाण।”
असीं चुबारे दी खिड़की विच्चों मुंडिआं नूं तलवारां ते बरछे चुक्की भज्जदे फिरदे वेखदे रहे। जदों उह शाम नूं मुड़ के आए तां सारिआं दे सिरां उत्ते सामान सी। मंजे, पीहड़ीआं, टरंक, पीपे, गठड़ीआं उनहां चुक्कीआं होईआं सन। इह लुट्ट दा सामान सी जिहड़ा इह मुसलमानां दे घरां विच्चों लुट्ट के लिआए सन। लुट्ट दा सामान वेख दूजे दिन जथे विच्च जाण वालिआं दी गिणती विच्च वाधा हो गिआ। उनहां दो जथे बणा लए, जिहड़े ‘बोले सो निहाल’ दे जैकारे बुलाउंदे होए दो वख्खरे वख्खरे पिंडां वल तुर पए।
जदों उह शाम नूं घर मुड़े तां सिरां उत्ते लुट्ट दा माल सी। साडी दादी गुआंढी मुंडिआं नूं जथे विच्च जाण तों रोकदी रही। उह आखदी रही कि इस कबाड़ नूं तुसीं की करना है? लुट्ट दा माल कदे हज़म नहीं हुंदा। आपणे घर बैठो। जे किसे दा भला नहीं कर सकदे तां बुरा वी नां करो। पर जथे इसे तरहां ही जांदे रहे।
इक्क दिन साडे पिंड हाहाकार मच्च गई जदों इक्क जथे दे मैंबर लुट्ट दे माल दी थां आपणे दो साथीआं दीआं लाशां लै के वापस मुड़े। सारा पिंड उनहां दे दाह-संसकार विच्च शामिल होइआ। उनहां दा संसकार सिविआं विच्च करन दी थां उनहां दे खेतां विच्च कीता गिआ तां जो उत्थे शहीदां दीआं समाधीआं बणाईआं जा सकण। लोकां दे इकठ्ठ नूं भड़काइआ गिआ अते मुसलिआं तों बदला लैण लई उकसाइआ गिआ। दूजे दिन जथे पूरे जोश नाल रवाना होए अते दुपहिर तीक आपणे नाल दो घोड़िआं वालिआं नूं फड़ लिआए। इह खबर सारे पिंड विच्च फैल गई। पता लग्गा कि पिंडों बाहर पिप्पल नाल उनहां नूं बंनह दित्ता गिआ है। साडी हवेली उसे पासे पैंदी सी। मैं वी आपणी दादी नाल हवेली नूं तुर पिआ तां जो दुशटां नूं वेख सकां। उह बंनहे होए बंदे मैनूं आम बंदिआं वरगे ही जापे। दुशटां वाला कोई विशेश वखरेवां नज़र नहीं सी आ रिहा। उह आपणी जान बखशी लई सरदारां अग्गे लेलड़ीआं कढ्ढ रहे सन। कुझ नौजवान पत्थर उत्ते तलवार तेज़ कर रहे सन। इह वेख मैनूं याद आइआ कि लोहड़ी दे दिन जदों बक्करा वढ्ढिआ जांदा सी तां उस दीआं अख्खां विच्च वी इवें ही तरस नज़र आउंदा सी। उदों वी तलवार तेज़ कीती जांदी सी तां जो इक्क वार नाल ही सिर झटकाइआ जा सके। मेरी दादी मेरी बांह फड़ के मैनूं उत्थों लै आई। उह मूंह विच्च बुड़बुड़ा रही सी- इंझ किसे बेदोशे नूं बंनह के मारना ज़ुलम है। इनहां नूं पाप लग्गेगा। पिछ्छों पता लग्गा कि तलवार दे इक्क टक्क नाल उनहां दा झटका कर दित्ता गिआ सी।
जथिआं दा सिलसिला इंझ ही चलदा रिहा अते पिंड दे घरां विच्च लुट्ट दा माल आउंदा रिहा। इक्क दिन मैं आपणी हवेली गिआ तां बाहरवार इक्क कोठे अग्गे मुंडिआं दी भीड़ इकठ्ठी होई वेखी अते अंदरों चीकां दीआं अवाज़ां आ रहीआं सन।
पता लग्गा कि मुंडे कुझ कुड़ीआं नूं फड़ के लिआए हन अते पिंड दे छड़े उनहां नाल खेह खा रहे हन। उदों पता नहीं सी हुंदा कि खेह खाणा की हुंदा है पर दादी दीआं गाल्हां तों पता लग्गदा सी कि इह कोई बहुत बुरा कंम हुंदा है। दादी आख रही सी- तुहाडे कीड़े पैणगे मासूम अबलावां उत्ते ज़ुलम करदे हो। धीआं भैणां सभ दीआं सांझीआं हुंदीआं हन, कुझ शरम करो। पिंड दे सिआणे वी पता नहीं कित्थे मर गए, जिहड़े इनहां नूं कुझ नहीं आखदे।
खैर, उदों कुझ आखण दी किसे विच्च हिंमत नहीं सी पर फिर वी साडी दादी दे रौला पाउण ’ते पंचाइत इकठ्ठी कीती गई। पिंड दे सिआणे बंदे बहुत देर सलाह मशवरा करके उस थां वल्ल चले गए। मुंडीर उनहां दी गल्ल मंनण लई तिआर नहीं सी। पता नहीं इह सच्च सी जां झूठ, किसे बज़ुरग नें आखिआ कि पुलिस पिंडां विच्च छापे मार के कुड़ीआं लभ्भदी फिरदी है। रातो रात उह कुड़ीआं किते टिकाणे ला दित्तीआं गईआं।
कुझ दिनां पिछ्छों बरसात शुरू हो गई। अजिही झड़ी लग्गी कि हटण दा नाम ही नां लवे। लोकां दे कच्चे कोठे ढहिण लग्ग पए। लुट्ट दा माल रुहड़न लग्गा। साडी दादी आख रही सी, “मैं तां पहिलां ही कहिंदी सी कि बुरे कंम नां करो। हुण वेख लिआ बुरे कंम दा नतीजा? इह रब्ब दा कहिर है, जिहड़ा मींह दे रूप विच्च वरह रिहा है।”
* * * * *