जसवंत गिल्ल समालसर दा पलेठा कावि संग्रहि ‘ज़िंदगी दे परछावें’ समाजिक सरोकारां दा प्रतीनिध है। इस कावि संग्रहि विच्च 68 खुल्हीआं विचार प्रधान कवितावां हन। शाइर आपणी कविता विच्च खुद लिखदा है कि अजिही कविता सारथिक नहीं हो सकदी, जिसदा लोकाई नूं कोई लाभ नां होवे ते लोकां नूं आपणे हक्कां लई जाग्रत नां करदी होवे। उह पिआर दीआं पींघां पाउण वालीआं कवितावां नूं लोक हित्त दीआं नहीं समझदा।

जसवंत गिल्ल समालसर दीआं इस कावि संग्रहि विचलीआं कवितावां लोकां दे हित्तां ‘ते पहिरा देण वालीआं हन। उह संवेदनशील कवी है। सिआसतदाना नें धरम दे हथिआर राहीं लोकां दे हक्कां नूं खोहण दी कोशिश कीती है। धरम जीवन जाच नहीं, सगों करम कांड बण गिआ है। इस कावि संग्रहि विच्चों कवी दी विचारधारा प्रतख्ख रूप विच्च विखाई दिंदी है। कवी बहुतीआं कवितावां विच्च समाज दे दब्बे कुचले किरतीआं, कामिआं, इसतरीआं, मज़दूरां ते मिहनतकशां नूं लामबंद हो के इनकलाब लिआउण दी प्रेरना दिंदा रहिंदा है।

उस दीआं कवितावां समाजिकता दी गल्ल करदीआं हन। इनहां कवितावां दे विशे नशे, किसानी ख़ुदकशीआं, सिआसतदाना दीआं फ़िरकू नीतीआं, बेरोज़गारी, भ्रिशटाचार, लालच, धोखे, झूठे पुलिस मुकाबले, प्रशाशनिक मशीनरी सरकार दी कठपुतली, गरभपात, सरमाएदारी, लुट्ट घसुट्ट, परिवारिक रिशतिआं विच्च खटास, ज़ुलम, पुलिस वधीकीआं, औरत दी ज़बत विच्च रहिंदिआं आज़ादी, धारमिक कुरीतीआं, पखंडवाद, ज़ात पात, महंतवाद, पुजारीवाद, रूड़ीवाद, अंधविशवास अते लोकतंतर दी दुरवरतों आदि हन। भावें सारे प्रगतीशील विचारधारा दे हामी लेखकां नें जिहड़े विशे चुणे हन, उह ही जसवंत गिल्ल समालसर नें चुणे हन, प्रंतू उसदा इनहां विशिआं बारे कविता लिखण दा अंदाज़ बाकी सारे शाइरां नालों वख्खरा है। उसने सवाल जवाब दी तकनीक नाल वंगारदीआं कवितावां लिखीआं हन। सरकारां वल्लों प्रगतीशल चिंतकां नाल कीतीआं गईआं अणमनुख्खी हरकतां करके उसने आपणीआं कवितावां विच्च चिंता प्रगट कीती है। सरकार बुधीजीवीआं दी आवाज़ दबाउणी चाहुंदी है, कलमकारां नूं देश ध्रोही, किसानां नूं अतवादी ते मज़दूरां नूं नकसलवादी गरदानके भंडिआ जा रिहा।

उसदी कविता किसे होर शाइर दे प्रभाव अधीन नहीं लिखी गई, सगों उसने आपणी विलख्खण पहिचाण बणाई है। इस कावि संग्रहि दीआं कवितावां पहड़के पाठक अंदर समाजिक कुरीतीआं विरुध्ध आवाज़ उठाउण लई इकल्ली जाग्रती ही पैदा नहीं हुंदी, सगों इनकलाब लिआउण लई जोश वी पैदा हुंदा है।

कावि संग्रहि दी पहिली ‘मेरी कविता’ दे सिरलेख वाली कविता विच्च ही कवी कविता नूं लोकां हित्तां दी पहिरेदार वजों पेश करदा है। ‘कविता दी ताकत’ सिरलेख वाली कविता विच्च लिखदा है कि कविता विच्च अथाह शकती हुंदी है, जिहड़ी इनसान दी ज़िंदगी ते राज भाग बदल सकदी है। ‘इनकलाब दे नाअरे’ सिरलेख वाली कविता विच्च पंजाबी भाशा दी अणवेखी लई, पंजाबी खास तौर ‘ते उनहां दे मापे ज़िंमेवार हन, जिहड़े आपणी मां बोली तों मुनकर हो के मां दे दुध्ध नूं दाग़ लाउंदे हन। इस कविता विच्च कवी नें पुरसकार प्रापत करन वाले मां बोली दे साहितकारां नूं वी तिख्खे तीर मारे हन, किउंकि उह मामूली पुरसकारां लई आपणी ज़मीर वेच दिंदे हन।

‘वकत दे बदलाअ’ वाली कविता विच्च कवी लिखदा है कि समें दी तबदीली नाल ग़रीबां दे बच्चे हुण पिता पुरखी कंम सरमाएदारां दी ग़ुलामी करके नहीं करनगे, किउंकि उह हुण पहड़ लिखके जाग्रत हो गए हन। उह समाज दे दब्बे कुचले वरगां दे बच्चिआं नूं पहड़न लई प्रेरदा है। ‘ललकार’ कविता किसानी अंदलन दे प्रतीकरम वज्जों लिखी गई है, जिस विच्च शाइर किसानां ते मज़दूरां दी एकता दे फ़ैसले दी वकालत करदा है तां जो सरकारां दे मनसूबे पूरे नां हो सकण।

‘तहिज़ीब’ कविता सरमाएदारां अरथात वड्डे घरां दे काकिआं दीआं बलातकार अते लुट्टां खोहां वरगीआं वारदातां दा ज़िकर करदा कवी कहिंदा है कि मापिआं दा कसूर है कि उह आपणी औलाद नूं तहिज़ीब नहीं दे सके। उनहां तहिज़ीब नूं होर रंगत दे दित्ती है। ‘साल ग़रीबी दे’ कविता अजोकी नौजवान पीहड़ी नूं दस्सण दी कोशिश कीती है कि उनहां दे मापिआं नें कितनी मिहनत करके पालिआ है, उनहां दी मिहनत दा मुल्ल पाउणा औलाद दी ज़िंमेवारी है।

जसवंत गिल्ल समालसर दीआं कवितावां कहिंदीआं हन, ज़िंदगी आपणे हक्क प्रापत करन लई हुंदी है, डरन दी लोड़ नहीं, किउंकि डर के कुझ वी प्रापत नहीं कीता जा सकदा, सरकारां दे वाअदे वफ़ा नहीं हुंदे, प्रंतू शबद तबदीली दे लखाइक हुंदे हन, औरत ग़ुलाम नहीं अते नां ही कैद कीती जा सकदी है, प्रंतू औरत दी आज़ादी ज़बत विच्च रहिके होणी चाहीदी है, किउंकि भेड़ीआ रूपी लोक जंगल राज विच्च वसदे हन, मरद औरत दी सरीरक सुंदरता दा मुद्दई हुंदा, प्रंतू सूरत नालों सीरत बिहतरीन हुंदी है। घरां विच्च टैलीविजना ‘ते आउण वाले प्रोगरामां नूं नंगेज़बाद किहा जांदा है, जदोंकि होटलां विच्च देह विओपार हो रहे हन, रुख्खां नूं कट्टके मनुख्ख आपणीआं जड़ां कट्ट रिहा हुंदै, बरसात अमीरां लई वरदान, प्रंतू ग़रीबां लई सराप अते निज्ज नालों जमाती हक्कां लई लड़न नूं पहिल देणी चाहीदी है आदि।

‘भारत महान’ सिरलेख वाली कविता विच्च सरकार वल्लों भारत नूं महान तां किहा जांदा है, प्रंतू इह खोखला नाअरा है, आतम हत्तिआवां, बलातकार, ज़ातपात, पहिलवान इसतरीआं दा सरीरक शोशण, मणीपुर कतलेआम, आदि आम हो रहे हन, फिर भारत महान किवें? इह सारा कुझ होण ‘ते विशवगुरू शरमिंदा नहीं हुंदा। इनसान नूं सुपने सिरजदे रहिणा चाहीदा है। सोने दे चमचिआं नूं वरतण वालिआं नूं ठूठे फड़ने पैणगे, किउंकि ज़िंदगी दे नंगे नाच हो रहे हन, सरकारां दा खून पाणी बण गिआ, मिहनत दा मुल्ल नहीं मिलदा, इक्क शबद वी हमदरदी दा नहीं बोल रहे, मीडीआ सरकार दी बोली बोल रिहा, सवरग नरक दे लारे नहीं चलणगे, हुण तां लोहड़ी वरगे तिओहार भ्रिशटचार ख़तम करन ते सरकारां बदलण लई मनाउणे पैणगे। आज़ादी तां प्रापत कर लई प्रंतू उस दीआं बरकतां दी उडीक लगातार ज़ारी है। धीआं दे जंमण नूं बुरा समझिआ जा रिहा है। शाइर समाजिक ताणे बाणे विच्च वापर रहीआं अलामतां नूं बंद करन लई नौजवानी नूं अग्गे आ के अगवाई करन दी वकालत करदा है। इस मंतव लई चंगा उसारू साहित साहितकारां नूं लिखण दी कोशिश करनी चाहीदी है। इसदे नाल ही उह भारत दे संविधान विच्च लिखे गए सिधांतां ‘ते अमल नां करन तों दुख्खी वी है। देश विच्च चंगी प्रशाशनिक प्रणाली दी अणहोंद रड़कदी महिसूस कर रिहा है, किउंकि सरकारी दख़लअंदाज़ी करके लोकाई नूं इनसाफ़ नहीं मिल रिहा। लोकां दे चाअ अते खुहाइशां पर ला के उड गईआं हन, किउंकि उनहां दे पूरा होण दी उमीद ही ख़तम हो गई है। इस मंतव दी प्रापती लई शाइर इक्कमत हो के बगाबत करन लई प्रेरना दिंदा है। देश दी वंड समें हैवानीअत दे होए नंग नाच नें मनुख्खता नूं तार-तार कर दित्ता सी। परवास दी समस्सिआ वी साडी नौजवानी नूं नुकसान पहुंचा रही है। पिछ्छे मापे, विआहीआं औरतां अते निक्के-निक्के बच्चिआं दीआं उडीक करदिआं अख्खां थक्क जांदीआं हन।

अख़ीर विच्च किहा जा सकदा है कि इस कावि संग्रहि विच्च जसवंत गिल्ल समालसर आपणीआं कवितावां राहीं पंजाब दी गंभीर समाजिक, आरथिक, सभिआचारक अते भाईचारक सथिती दा सुचज्जे ढंग नाल द्रिशटांतिक रूप विच्च वरणन करके पंजाबीआं नूं आपणे हक्कां लई इक्कमुठ्ठ हो के जदोजहिद करन लई उतशाहत करन दी कोशिश कर रिहा है।

128 पंनिआं, 250 रुपए कीमत वाला इह कावि संग्रहि प्रीत पबलीकेशन नाभा नें प्रकाशत कीता है।

संपरक: जसवंत गिल्ल समलसर: 9780451878