आख़िर बारां सालां बाअद हुण फेर आसट्रेलीआ ‘च कुझ कु लोकां कारन साडा नौजवान वरग चरचा ‘च है। भावें इहनां बारां सालां दौरान साडे बहुत सारे बच्चिआं नें, वड्डीआं-वड्डीआं मल्ल्हां मारीआं। पर अज्ज दे युग्ग दी रीत है कि जो चंगा कारज होवे उह नज़रां तों ओहले ही रहि जांदा है पर बुरा ‘कारा’ नज़री चहड़दा बिंद नहीं लाउंदा। पहिलां 2008 ‘च साडे कुझ कु नौजवान आसट्रेलीआ दीआं सड़कां ‘ते आए सन। उस ग़लती दे नतीजे कईआं नें, कई सालां तक्क भुगते सन। उस वकत हाले फेर वी नराज़गी दी वजहा सही सी, पर इतराज़ जताउण दा तरीका ग़लत सी। पर इस बार तां बिनां वजहा दे सोशल मीडीआ दे मैदान ‘च बहड़कां मारन तों लै के हैरिस पारक दीआं गलीआं ‘च उड्डीआं धज्जीआं सभ नें देखीआं। अफ़सोस इस गल्ल दा है कि हर बार दी तरहां इस नूं रंगत भाईचारे दी जां फेर धरम दी दे दित्ती गई।

हर पासे तों प्रतीकरम देखण सुणन नूं मिले पर ज़िआदातर नें इस वरतारे दी निंदिआ ही कीती। कुझ कु नें इस नूं सही दरसाउण लई वी वाह लाई। इत्थे हर इक नूं आपणे विचार रख्खण दा हक्क है। पर सिरफ़ इस लई टिंड ‘च काना नहीं फसाई दा हुंदा कि भावें असीं सही हां, भावें ग़लत हां पर हारना नहीं। बिनां किसे वी गल्ल दी तहि ‘ते गिआं नतीजा कढ्ढ लैणे सही नहीं हुंदा।

बीते दिनीं सिडनी ‘च जो होइआ उस बारे किसे इक धिर नूं दोशी नहीं गरदानदिआं जा सकदा। पर इह गल्ल साबित हो चुक्की है कि विदेश ‘च हर कोई आपणी कौम राज जां देश दा राज नाइक हुंदा है। इसे लई किहा जांदा है कि कोई वी वरतारा करन तों पहिलां सौ बार सोच लैणा चाहीदा है। पहिली गल्ल तां लड़न वालीआं दोनें धिरां इक्को मुलक नाल संबंधित हन। सो तीजिआं ‘ते साडा जो अकस बणिआ उह सभ दे साहमणे है। दूजी गल्ल, जिस मसले दी लड़ाई सी, उस लई जंग दा मैदान इह मुलक नहीं हो सकदा सी।

भावें कुझ लोक इस नूं निज्जी लड़ाई दा नाम दे रहे हन। पर मेरा मंनणा है कि लड़ाई उन्नी देर निज्जी हुंदी है जिंनी देर किसे झंडे थल्ले नां लड़ी जावे। पर इत्थे तां नाअरे, जैकारे सभ मुलक जां कौम दी अगवाई कर रहे सन। सो लड़ाई नूं ‘हरिआणा बनाम पंजाब’ दा नामकरन कीता गिआ।

भावें धरम नालों पहिलां मैं इनसानीअत ‘च विशवास रख्खदा हां, दोनां धिरां ‘च आपणे ही सन। पर मेरा पहिला गिला उस नौजवान नाल है, जो बिनां सोचे समझे साहिब-ए-कमाल दी ललकार मार रिहा सी। उस नूं इह ललकार मारन तों पहिलां इह देख लैणा चाहीदा सी कि गुरू साहिब नें तां किहा कि सूरा उसे नूं समझो जिहड़ा दीन के हेत लड़दा है जां बंदा उह हुंदा जो वकत विचारे। उस नूं कैमरे मूहरे बहि के गज्जण तों पहिलां देख लैणा चाहीदा सी कि उस दीआं बांहां विच बाबा दीप सिंघ वरगा ज़ोर है के नहीं? उस नूं पता होणा चाहीदा सी कि भाई बचित्तर सिंघ दी नागणी की आपे मसते हाथी दा मत्था चीर गई सी? हरी सिंघ नलूए नूं ‘नलूआ’ किउं किहा जांदा सी? इस बारे पता होणा चाहीदा सी। उस नूं इह वी गिआन होणा चाहीदा सी कि सवा लाख नाल एक लड़ाऊं पिछ्छे उह ‘एक’ गुरू दी बख़शीश ‘चों निकले ‘मरजीवड़े’ सन जो मैदान ‘च आपणे सैनापती नूं इकल्ला जां ज़ख़मी नहीं छड्डदे हुंदे। जे कर ऐना बाहू-बल नहीं सी तां मुग़लां नूं उनहां दे दरबार ‘च ललकारन वाले छोटे साहिबज़ादिआं वांग लोहे दे इरादे दे धारनी होणा लाज़मी सी। हुण जो मरज़ी कही जाओ कि पिछ्छों बार कर दित्ता जां कुझ होर, पर असल ‘च जो होइआ उह लोकां दे साहमणे है।

हुण जां तां इस वरतारे नूं आपणा निज्जी मंन के तुसीं आपणे आप नूं सही साबित कर सकदे हो, नहीं तां अग्गे तों आपे किसे कौम दे सैनापती नां बणिओ।

दूजा गिला हरिआणवी भरावां नूं, दस्स देवां कि निज्जी गल्लां नूं जातां-पातां दे लीड़े नहीं पवाई दे हुंदे। जी सदके तरक्कीआं करो। मां बाप नें जो कंम भेजे हो उस नूं नीझ नाल करो। थोहड़ा जिहा इतिहास वी पहड़ लओ कि असीं-तुसीं कौण हां। ऐवें नां मौकाप्रसत नेतावां दीआं गल्लां ‘च आ जाइआ करो। तुसीं निज्जी तौर ते जो मरज़ी किसे नूं कहि दिओ पर किसे दे धरम ते उंगलां उठाउण तों जिनहां गुरेज़ हो जावे चंगा हुंदा। इह गल्ल इकल्ली तुहाडे लई नहीं इह दोनां धिरां समेत सारी काइनात ते वस्सदे धरमां लई है।

इक गल्ल होर उनहां लोकां लई जो अकसर इस गल्ल तों दुखी हुंदे हन कि सिख्ख आपणा वख्खरा घर किउं मंगदे हन। उनहां लोकां नूं दस्स देवां कि जे किसे दा घर ग़द्दारी कर के दब्ब लिआ जावे तां की उह आपणा घर वापस मंगण कारन ‘दोशी’ हो गिआ? सो इतिहास पहड़ो एशीआ दा सभ तों ताकतवर सी ‘ख़ालसा राज’।

किसे नें ख़ूब किहा कि कौण कहिंदा कि ज़िंदगी इक बार मिलदी है? ज़िंदगी तां हर रोज़ मिलदी है। इक बार तां बस्स मौत मिलदी है। सोशल मीडीआ ते आउण वाले लाईक सथाई नहीं हुंदे उह तां सिरफ़ सिंग फसाउण तक्क ही सीमत हुंदे हन। बाअद ‘च तां मेरे वरगे अकसर आपणे सटेटस ज़रीए इहनां वरतारिआं दी पुरज़ोर निंदिआ ही करदे देखे जांदे हन। किसे दा पुत्त मरवा के उस नूं शहीद दा दरजा गुआंढ ‘च सोंहदा हुंदा। जदों शहीदी जाम पीण वाला आपणा होवे तां दुख्ख झल्लणा औखा हो जांदा।

लोकां लई इह सारा घटनाक्रम महिज़ मनोरंजन होवे। पर उस मां दे धड़कदे कालजे दी आवाज़ सुण के देखो जिस दा पुत्त बिनां किसे उदेश दी लड़ाई दे मैदान ‘च हुंदा। पहिलां पिंडां ‘च सुणदे हुंदे सी कि फलाणे नूं फलाणे दी चुक्क नें मरवा दित्ता। हुण इसे कारज ‘च थोहड़ी जिही आधुनिकता आ गई हुण मरवाउंदे हन लाईक अते शेअर।

सुणिआ इस केस ‘च जो धारावां लग्गण दी उमीद है उह इहनां टिक-टाक योधिआं नूं दस कु साल तां जेल्ह दीआं रोटीआं खवाउणगीआं ही। सो आह भविख्खबाणी वी सुणदे जाइओ जवानो, जदों तुसीं झुग्गे दे चार छिल्लड़ ला के ते ज़िंदगी दा कीमती समां जेल्ह ‘च गुआ के आउगे नां, तां उदों तक्क सोशल मीडीआ होर वी ऐडवांस हो चुक्का होवेगा। इह भुलेखा कढ्ढ दिओ कि तुहाडे इह अखौती फोलअर तुहाडी वापसी ‘ते जेल्ह मूहरे हार लई खहड़े होणगे। उह तां आपणी ज़िंदगी राह पा चुक्के होणगे। कोई ऐसा महान कारज कर के तुसीं जेल्ह नहीं सी गए, जो तुहाडे बुत्त, चौंकां ‘च लग्गे होणगे। अगले जेल्ह ‘चों सिध्धा तुहाडे पिंड आला जहाज़ चहड़ा के तुहाडे सुपनिआं दी वापसी दी उडारी लगवाउणगे। उदों तक्क भावें तुहाडा सरीर तां जोश गुआ चुक्का होवेगा पर एनी गल्ल दाअवे नाल कहि सकदा हां कि फेर अगलीआं पीहड़ीआं नूं होश ‘च रहिण दा प्रवचन करना तुसीं ज़रूर सिख्ख जावोगे।

नौजवान भरावो चंगा कहो जां माड़ा पर तुहाडे मूहरे हत्थ जोड़ के बेनती है कि जिंना फ़िकर तुसीं दुनीआ दा करदे हो जे उस नालों अध्धा वी आपणिआं दा कर लवो जिनहां नें तुहानूं आपा वेच के कुझ बणन लई विदेश भेजिआ, तां तुसीं अग्गा पिछ्छा सवार लवोगे। हां मैं नहीं कहिंदा कि आपणे धरम, विरसे अते सवैमाण दी राखी नां करो, करो ज़रूर करो पर हर इक दी ज़िंदगी ‘च इस नूं करन दा इक सही समां ज़रूर आउंदा। उदों नां पिछ्छे हटो। उदों तक्क , बंदा कुझ रहड़ वी जांदा है, जिस नाल सप्प वी मार लैंदा ते सोटी वी बचा लैंदा है।