भाग दूजा

15

करफ़िऊ हटाए जाण दी ख़बर लाईनों पार वस्सदी गांधी बसती दे वसनीकां लई रब्बी दात बण के आई। सारी बसती विच्च इक्क अध्धा घर ही ख़ुशनसीब होएगा जिस नूं इहनां काले दिनां विच्च फाका नां कट्टणा पिआ होवे।

कदे मजहबीआं दा विहड़ा अखवाउण वाली इस बसती लई करफ़िऊ इक्क वख्खरा ही मतलब रख्खदा सी। उह आम शहिरीआं वांग आपणे घरां विच्च कैद तां नहीं सन पर घुंमण-फिरन दी इस अज़ादी दा वी कोई लाभ नहीं सी।

कांगरसीआं दी किरपा नाल इस बसती नूं गांधी बसती दा नां मिल गिआ सी। विहड़े दे विचकार इक्क सरकारी टूटी लग्ग गई सी। किसे-किसे खंभे ’ते बिजली दा बलब वी लटक गिआ सी। पर पेट भरन लई नां गांधी दे नां नाल सरदा सी, नां बिजली दे झलकारिआं नाल अते नां ही इकल्ले पाणी दीआं घुट्टां नाल। ढिड्ड भरन लई रोटी दी ज़रूरत सी जिहड़ी करफ़िऊ नें उहनां तों खोह लई सी।

भैड़े दिनां विच्च कंम आउण लई उहनां दा इको-इक्क सहारा गफ़ूर मीआं सी। कदे कोई बीमार हो जांदा जां दिहाड़ी टुट्ट जांदी तां उह उधार दे के चार दिन कटा दिंदा।

इंने दिन सारी बसती नूं ही उधार चुकाई जाण लई गफ़ूर किहड़ा हेड़ीकिआं वाला सेठ सी बई उस दे सटोर ख़तम नां हुंदे। जिहो जिहे मलंग गाहक, उहो जिहा ग़रीबड़ा उहनां दा शाह। दिखावा करन लई तां मीएं नें तीह-चाली डब्बे चिण के रख्खे सन पर वरतों विच्च अठ्ठ-दस ही आउंदे सन। गिणवें तां सौदे विकदे सन। आटा, लूण, घिउ, चाह अते गुड़। गंढे अते आलू। इह चीज़ां मीआं सवेरे बज़ारों ख़रीद लिआउंदा, शाम तक वेच लैंदा। विचों आपणा तोरी फुलका कढ्ढ लैंदा।

करफ़िऊ दे दिनां विच्च उस दे मन विच्च रहिम आ गिआ सी। उह आपणे गाहकां नूं भुख्खे मरदे नहीं सी देख सकदा। जिंना चिर सारे डब्बे ख़ाली नहीं हो गए, उस किसे नूं उधार देणों नांह नां कीती। उस दी घर वाली नें तां आपणी रसोई विचले पीपे विचों वी आटा कढ्ढ के दे दित्ता सी।

कल्ल्ह दा उह ख़ुद ही भुख्खा बैठा सी।

करफ़िऊ हटिआ तां सभ दे चिहरिआं ’ते रौणक आ गई। बहुता नहीं तां थोहड़ा जिहा कंम तां मिलेगा ही।

रिकारड विच्च लख्ख इस बसती नूं उन्नत होई दिखाइआ गिआ सी, पर असल विच्च इह बसती पहिलां नालों वी निघ्घर गई सी। विहड़े दे बहुते घरां विच्च पहिलां वांग ही हाले वी भंग भुज्जदी सी। सूरज दीआं पहिलीआं किरनां दे नाल ही सारे घरां नूं जिंदरे वज्ज जांदे सन। किसे दे सारे टब्बर नें आहड़तीआं दीआं दुकानां संवरण जाणा हुंदै, किसे नें घरां दी सफ़ाईआं लई। जे किसे दा मरद दिहाड़ी जांदा है तां घर वाली दफ़तर झाड़ू देण। किसे नें रिकशा लै के डाक गड्डी तों उत्तरन वाली सवारी कोलों बोहणी करनी हुंदी है अते किसे नें लेबर चौक विचों। किसे नूं उस विउपारी दी तलाश हुंदी है जिस नूं बज़ारों ख़रीदे समान नूं पिंड पहुंचाण लई रेहड़े दी ज़रूरत हुंदी है।

कईआं दिनां तों करफ़िऊ कारन इह ताणा-बाणा उलझिआ होइआ सी।

मीते नें वी आपणा रेहड़ा शिंगार लिआ सी। उह सबज़ी मंडी अग्गे जा के आपणी किसमत अज़माउणा चाहुंदा सी। उस नूं पता सी कि अजिहे मौकिआं ’ते सभ तों वध्ध भीड़ आटे वालीआं चक्कीआं ’ते हुंदी है जां आलू गंढिआं वालीआं दुकानां ’ते। करफ़िऊ दा की पता है कदों फेर लग्ग जाए? ढिड्ड धाफड़न लई घर विच्च घट्टो-घट्ट इहनां चीज़ां दा होणा ज़रूरी है।

आटे वालीआं चक्कीआं तां चार-पंज सन। कोई शहिर दे उत्तर विच्च ते कोई दख्खण विच्च। मीते दा निशाना सबज़ी मंडी सी। हर छोटा-वड्डा दुकानदार आपणे वित्त अनुसार आलू गंढे ज़रूर ख़रीदण पहुंचेगा।

बसती तों फाटक, फाटक तों रेलवे लाईन दे नाल-नाल उह सटेशन ते पुज्जा। उथों सदर बज़ार विच्च दी हुंदा होइआ थाणे वल्ल वधण लग्गा। ख़िआल सी थाणे पिछ्छों हो के कच्चा कालज रोड पै के सबज़ी मंडी पुज्ज जाएगा।

बज़ार लोकां नाल खचाखच भरिआ होइआ सी। उस नूं रसते विचों सामान मिलण दी आस सी। इह ज़रूरी तां नहीं सी कि सबज़ी मंडी विचों ही सामान मिले। उह काफ़ी लेट हो गिआ सी। बसती विच्च ख़बर ही देर नाल पुज्जी सी। दो-चार रुपए राह विच्च बण जाण तां चंगा सी।

उह तेज़-तेज़ तुर रिहा सी। मीते दे मंडी पहुंचण तक किधरे सारा सामान ढोइआ ही नां जा चुक्का होवे। करफ़िऊ कारन मंडी विच्च वी तां माल थोहड़ा ही पुज्जा होणा है।

बज़ार कई दिनां बाअद खुल्ल्हा सी। रौणक दी थां बज़ार विच्च छाउंदे जा रहे मातम नूं देख के मीता हैरान हो रिहा सी। दुकानदारां नूं ख़ुश होणा चाहीदा सी। इह किहड़ा मीते दा रेहड़ा है बई जिहड़ी दिहाड़ी मर गई सो मर गई। इहनां नें तां रेट दुगणे कर के आपणा घाटा पूरा कर लैणा सी।

सौदा ख़रीदण वाले पाग़लां वांग इधर उधर दौड़ रहे सन। औरतां अते बच्चे टोकरीआं झोले चुक्की फिरदे सन। जिस दुकान दा वी दरवाज़ा खुल्ल्हदा, लोक गिरझां वांग उसे दुकान ’ते झपट पैंदे।

दुकान पंज-दस मिंट खुल्ल्ह के फिर बंद होणी शुरू हो जांदी। दुबारा बंद हो रहीआं दुकानां कारन ही गाहकां विच्च हफड़ा-दफड़ी मच्ची होई सी।

देखदिआं-देखदिआं मुड़ सारा बज़ार बंद हो गिआ। लोक थां-थां इकठ्ठे होण लग्गे। सभनां दे चिहरिआं ’ते उदासी सी, मातम सी अते गुस्सा वी। कईआं दीआं अख्खां विच्च अत्थरू वी छलक रहे सन।

मीते नें अंदाज़ा ला लिआ कि आउण वाला समां चंगा नहीं होवेगा। उह फटा-फट पंज-चार रुपए कमाउणा चाहुंदा सी। आटा-कोटा ख़रीद के घर सुट्ट लए तां चंगा है। कोई पता नहीं कदों फेर घरे कैद होणा पए अते फाके कट्टणे पैण।

मीते नूं इंना कु पता सी कि लाला जी दा पोता कई दिनां तों गुंम सी। उस नूं दहिशतगरदां नें किते छुपा रख्खिआ सी। उह लाला जी तों वार-वार पंज हज़ार रुपिआ मंग रहे सन। पुलिस वालिआं नें सख़ती कीती होई सी। कई दिनां तों घर-घर दी तलाशी हो रही सी। इसे लई करफ़िऊ लाइआ गिआ सी।

इंनी सख़ती बाअद तां बंटी लभ्भ जाणा चाहीदा सी। बंटी दे लभ्भ जाण ’ते शहिरीआं नूं ख़ुश होणा चाहीदा सी। ख़ुश होण दी थां उह निराश किउं हन, मीते दी समझ ’च नहीं सी आ रिहा।

मीता मन ही मन उस सरकारी वकील दा धंनवाद कर रिहा सी जिस नें उस दी हिसटरी-शीट बंद करवा दित्ती सी। अज्ज-कल्ल्ह पुलिस मीते नूं तंग नहीं करदी।

इहो वाका इक्क साल पहिलां होइआ हुंदा तां मीते नूं वी थाणे बिठाइआ हुंदा। कुट्ट-कुट्ट उस दे हड्डीं राध पाई हुंदी।

पिछलीआं कुट्टां नूं याद कर के मीते दी चाल मठ्ठी पै गई। उस दे मौरां विच्च दरद दी त्राट उठ्ठी। रेहड़ा उस नूं हज़ारां मण भारा लग्गण लग्गा।

सबज़ी मंडी वल्ल तेज़ी नाल वध रहे मीते अग्गे उस दा अतीत सुरजीत होइआ खड़ा सी।

मीते दा बचपन सटेशन अते बस्स-अड्डिआं दीआं भीड़ां विच्च बीतिआ सी। लोकां दीआं जेबां कट्टण दा गुर उस नूं किसे होर तों नहीं, सगों आपणे बाप तों मिलिआ सी। पहिलां उस नूं सकूल जांदे बच्चिआं दीआं जेबां कट्टणीआं सिखाईआं गईआं, फेर तमाशा देख रहे नौजवानां दीआं अते अख़ीर विच्च बस्स चहड़दीआं सवारीआं दीआं। पहिलां जेब कट्टण बदले उस नूं खाण-    पीण दीआं रज्जवीआं चीज़ां मिलदीआं सन, फेर हिस्सा मिलण लग्गा अते अख़ीर विच्च उह ख़ुद-मुख़तिआर हो गिआ।

बाप नें धंदे दे लोकां नाल उस दी जाण-पहिचाण कराई। अड्डे विच्च देसू दादे नाल, नाल दे साथीआं नाल। कुल्लीआं नाल अते टरैफ़िक दे सिपाहीआं नाल। कामयाबी सभ दे मिल के कंम करन विच्च ही सी। कट्टी गई जेब विचों किस नूं किंना हिस्सा देणा है, इह समझाइआ गिआ। कौण की मदद करेगा? इस दी जाणकारी दित्ती। कुल्लीआं नें असामीआं दस्सणीआं हन। सामान ढोंदे-ढोंदे उह अंदाज़ा लाउंदे हन कि किहड़ी असामी मालदार है। फड़े जाण ’ते तुहानूं देसू दादा नें लोकां तों छुडाउणा है। फेर वी दाल नां गले तां बाकी दा कंम बस्स-सटैंड ’ते ताइनात टरैफ़िक पुलिस दा हुंदा है। उहनां दा डिपटी तक हिसाब-किताब हुंदा है। आपे निब्बड़दे रहिंदे हन। दो-चार थप्पड़ जड़नगे। बंनह के बिठा लैणगे। जदों लोकां दी भीड़ खिंड जाएगी तां इधर-उधर लिजा के तुहानूं छड्ड देणगे।

आपणे साथीआं नाल कोई बेईमानी नहीं करनी। किसे नाल वी ठग्गी मारी तां धंदा चौपट हो जांदा है। कुल्ली नूं हिस्सा नां दित्ता तां उह आसामी कोल जां पुलिस कोल मुख़बरी कर दिंदे हन। पुलिस नूं पैसे नां पुज्जण तां मुकद्दमा बण जांदा है। दादा नाल विगड़ गई तां उह अड्डे विच्च वड़नों बंद कर दिंदै।

मीते नें बड़ी फ़ुरती नाल सारे गुण सिख्खे। दिनां विच्च ही अंबाले अते राजपुरे तक्क दे अड्डिआं ’ते उह काबज़ हो गिआ।

उस समें कदे मीते दे दिमाग़ विच्च वी नहीं सी आइआ कि दो वकत दी रोटी कमाउण लई उस नूं मंडीआं साहमणे खलो के घंटिआं बध्धी इंतज़ार करना पएगा अते मणां-मूंहीं भार ढोणा पएगा।

उह पहिलां वाला मीता हुंदा तां हुण तक पंज-चार सौ रुपिआ कमा के किसे होटल विच्च बैठा पैग्ग ला रिहा हुंदा। अजिहा दिन तां उहनां लई ‘सीज़न’ वाला दिन हुंदा है। मातम विच्च डुब्बे लोकां नूं नां आपणी सुध हुंदी है, नां आले-दुआले दी। चुपके जिहे जिस मरज़ी टोली विच्च जा खड़ोवो। जिस दी मरज़ी जेब विचों परस खिसका लओ।

लोकां दीआं जेबां ख़ाली करन वाले मीते दी इस समें आपणी जेब ख़ाली सी। उह वी समां सी जदों उस दे कंम तों ख़ुश हो के उस दे बाप नें जेब-तराशी दा सारा कंम उस दे हवाले कर के आप होर धंदा अपणा लिआ सी।

उस दा बाप तरक्की कर के राजसथान चला गिआ सी। उथे उह डाके मारन लग्गा सी। इथों दे किसे थाणेदार नें उस दी जाण-पहिचाण डाकूआं दे किसे गरोह नाल करवा दित्ती सी।

उधर बाप नोटां दे थब्बे लै-लै आउंदा, इधर मीता उसताद बण गिआ। मीते नें पंज-चार चेले मुंन लए। जिहड़ा वी जेब कट्टदा, मीते अग्गे लिआ रख्खदा। उह कई- कई दिन शराब पींदे रहिंदे, मुरग़े खांदे अते चरस पींदे। लुधिआणे जा के नवे-नवें कप्पड़े ख़रीददे, फ़िलमां देखदे अते फेर ज़नानीबाज़ी लई अड्डिआं ’ते चले जांदे। जिंनां चिर सारे पैसे मुक्क नां जांदे, उह लुधिआणे टिके रहिंदे।

माड़े दिन आए तां दिनां विच्च ही पासा पुठ्ठा पै गिआ। राजसथान पुलिस नें उस दा बाप फड़ लिआ। पुलिस नूं उह कईआं कतलां विच्च लोड़ींदा सी। सरकार नें उस दे सिर ’ते लख्ख रुपए दा इनाम रख्खिआ होइआ सी। उस नूं उमर कैद हो गई।

पिछ्छों मीते दी मां नूं इक्क सिपाही भजा के लै गिआ।

इकल्ले रहि गए मीते दा वी बुरा हाल हो गिआ। उह कई वार फड़िआ जा चुक्का सी। कई थाणिआं दी पुलिस उस नूं कुटापा चाहड़ चुक्की सी।

पुलिस दा धुरग हिल्ल गिआ सी। हर किसे नें आपणा रेट दुगणा कर दित्ता सी। सारी रकम ही हड़प्प करन नूं तुरे फिरदे रहिंदे सन। जेब पंज सौ दी कट्टो, हज़ार, उहनां नूं चाहीदा सी। पंजाह तरहां दी पुलिस तुरी फिरदी सी। कोई गुंडा सटाफ़ है तां कोई सी.आई.ए.इह सिटी दी पुलिस है अते इह थाणे दी। हिसाब-किताब करदे- करदे मीता मलंग हो जांदा। जेब चाहे पटिआले कट्टी गई होवे चाहे अंम्रितसर, हिस्सा इथों दी पुलिस मंग के बैठ जांदी सी। भुल्ल-भुलेखे कदे किसे मोहतबर दी जां पुलिस दे किसे ख़ास वाकफ़ दी जेब कट्टी जांदी तां उस दा सारा हरजाना मीते नूं देणा पैंदा। हिस्से पत्तीआं पुलिस खा जांदी। पैसे जेब-कतरे देण।

पुलिस तों तंग आए मीते दे साथी शहिर छड्ड गए। कई कैदां कट्ट रहे सन। मीता वी हंभ चुक्का सी। उस नूं कई वार कैद कट्टणी पई सी। हर वार उह तोबा कर के बाहर आउंदा। आउंदिआं ही कोई नां कोई पुलसीआ उस दी पिठ्ठ थापड़ दिंदा।

‘कंम शुरू कर। मैं आपे सांभ लूं।’

सांभणा किस नें हुंदा? जिंना चिर माल मिलदा रहिंदा, मीते नाल घिओ खिचड़ी बणे रहिंदे। कोई भीड़ पै जांदी तां मूंह फेर लैंदे।

हिसटरी-शीट दा कोहड़ उस नूं चंबड़ चुक्का सी। महीने बाअद उस दी थाणे हाज़री लग्गदी। हाज़री काहदी लग्गदी सी, सिपाही, मुनशी तों लै के थाणेदार तक सभ दीआं जेबां भरनीआं पैंदीआं।

हत्थां पैरां दे निशानां तों लै के फ़ोटोआं तक थाणे दीआं मिसलां नाल चिपक गईआं। वारदात किते वी होई हुंदी, मीते दे घर दसतक ज़रूर हुंदी। कई वार कई-कई थाणे देखणे पैंदे। हर थां कुट्ट-मार, लुट्ट-खसुट्ट।

लुट्ट-खसुट्ट अते कुट्ट-मार याद कर के मीते दा भटकिआ मन फेर थां सिर आ गिआ। जेबां कट्टणीआं छड्ड के उस नें चंगा ही कीता सी। नहीं तां बंटी दे गुंम हुंदिआं ही उस दी हड्डी-पसली इक्क हो जाणी सी।

करफ़िऊ वाले दिनां विच्च इक्क वार उस दे घर ’ते रेड हो चुक्का सी। शुकर सी कि उह उस समें आपणे घर ही सी। गिल्ले गोहे नाल अग्ग बालण दे यतन करदा अख्खां विचों पाणी बहा रिहा सी। उस नूं हाज़र बैठा देख के पुलिस दीआं अख्खां ठंढीआं हो गईआं सन। उस दी धौण विच्च दो-चार जड़ के ही उह खहिड़ा छड्ड गए सन। वड्डीआं- वड्डीआं मारां सहिण वाले मीते लई इह तां झूंगा ही सी। उस नें लख्ख वार धरती नमसकारी। उस नूं थाणे नहीं सी लिजाइआ गिआ।

मीते दे थाणे नेड़े पहुंचदिआं-पहुंचदिआं मुड़ सारा बज़ार ख़ाली हो गिआ। लोक सौदा-पत्ता ख़रीदणा विचे छड्ड के घरां नूं मुड़ पए। लोकां विचली फुरती खंभ बण गई सी। लग्गदा सी उहनां दी भुख्ख मिट गई जां फेर उहनां नूं सौदे-पत्ते दी ज़रूरत ही नहीं रही।

“की गल्ल हो गई बई?” आख़र मीते नें कोलों लंघदे इक्क रिकशे वाले तों पुछ्छिआ।

“की दस्सां भरावा ) कहिंदे कोई बंटी दी लाश डंगरां वाले हसपताल विच्च सुट्ट गिऐ। पता नी किहो जे दिन आ गे। मनां ’च जमां ई किरक नी रही, भाणा वरत गिऐ।” संखेप ’च सारा किस्सा सुणा के रिकशे वाला तेज़-तेज़ पैडल मारन लग्गा। उह वी जलदी-जलदी चार रुपए कमाउण दी तमंना रख्खदा सी।

मीते नूं सारा माजरा समझ आ गिआ। उस दा आपणा दिल वी धक्क-धक्क करन लग्गा। उस दीआं अख्खां सिंम आईआं, इह सच्चमुच्च अत्तिआचार सी।

मीता वी जेबां कट्टदा रिहा सी, पर उेस नें तां कदे किसे भईए जां माड़े मंगते दी जेब नहीं सी कट्टी। हमेशा मोटीआं असामीआं नूं ही हत्थ पाइआ सी। उहनां नें बदला लैणा सी तां लाले तों लैंदे। बंटी नें की विगाड़िआ सी? उंझ तां लाले दा वी की कसूर सी? पैसे चाहीदे हन तां बैंक लुट्टण। लाले कोल वी की है? उह वी तां मसां दिन-कट्टी करदा है।

अजिहे ज़ुलम ख़िलाफ़ रोस प्रगट करन लई किसे नूं हड़ताल दा सद्दा देण दी ज़रूरत नहीं सी। जिंना चिर मासूम दी लाश शहिरीआं दीआं अख्खां अग्गे पई सी, उन्ना चिर किस पत्थरदिल इनसान दा मन करेगा कि उह गद्दी ’ते बैठ के आराम नाल सौदा वेचे जां कोई ठंढे दिमाग़ नाल सौदा ख़रीदे।

जे ज़ालमां दे दिल पसीज सकण तां मीता वी रेहड़ा खड़ा कर के हड़ताल विच्च शामल होण लई तिआर सी भावें उस नूं कई दिन भुख्खा ही रहिणा पए। उस नूं पता सी मुजरमां ’ते इहनां जलसे-जलूसां अते हड़तालां दा कोई असर नहीं हुंदा। उह ख़ुद वी तां उहनां विच्च रहि चुक्का सी। तड़पदे लोकां नूं देख के तां सगों उहनां नूं ख़ुशी हुंदी है।

“जाणी के बंटी दा कतल हो गिआ।” इह ख़िआल आउंदिआं ही मीते नूं चक्कर आउण लग्गे।

“ओ मेरिआ रब्बा ) इक्क कंम होर करीं। औखा-सौखा कातलां नूं वी फड़ा ही देईं, नहीं तां मेरे वरगे सैंकड़े बंदिआं दा कहड़ीआ हो जू।” दुआ करदे मीते दा मन सरकारी वकील दी कोठी वल्ल दौड़न नूं काहला पै रिहा सी। उस दे आखण ’ते ही पुलिस नें उस दी हिसटरी-शीट बंद कर दित्ती सी, पर इह कतल दा मामला सी। की पतै कदों पुलिस पुराणा बसता खोल्ह लए।

कतलां दे मामलिआं ’च सरकारी वकीलां नूं कौण पुछ्छदै? इह सोचदिआं उह आपणा रेहड़ा धूंहदा रिहा।

‘जे फड़ वी लिआ तां गुरमीत आपे छुडा लएगा।’ गुरमीत दा याद आउंदिआं ही उस दे मन नूं कुझ्झ धरवास मिली।

इह इहो सरकारी वकील सी जिस नें मीते नूं सिध्धे राह पाइआ सी।

शराबी होए मीते नूं बस्स सटैंड विच्च हुल्लड़बाज़ी करदिआं पुलिस नें फड़ लिआ सी। उह कई दिनां तों थाणे बैठा सी। गुरमीत शहिर ’च नवां बदल के आइआ सी। पटिआले तों उस दा सामान चुक्क के लिआउण लई कुझ्झ मज़दूरां दी ज़रूरत सी। इक्क तां मीता हाज़र सी। सवेर दा वकत हुंदा तां मज़दूर लेबर चौक विचों लै आउंदे। दस वजे तक चौक ख़ाली हो जांदा सी। होर कोई राह नां लभ्भा तां उहनां बस्स-अड्डे विचों तिंन-चार रिकशे वाले फड़ लिआंदे। जुरम दा की है? जिहड़ा मरज़ी सिर महड़ दिउ। उहनां रिकशे ग़लत थां खहड़ाए सन। उहनां नूं सरकारी वकील दा सामान चुक्क लिआउण दी सज़ा दित्ती गई सी।

मीता महीना-महीना थाणे बैठा रहिंदा सी। विहले मीते तों पुलिस वगार कराउंदी रहिंदी। कदे डिपटी थाणेदार वाढीआं गोडीआं लई आपणे फ़ारमां ’ते लै जांदे। दिहाड़ी तां की देणी सी, कदे किसे नें रज्जवां खाण-पीण नूं वी नहीं सी दित्ता।

इस सरकारी वकील दे कंम निआरे सन। वापस आउंदिआं ही उस नें रिकशे वालिआं तों पुछ्छिआ कि उह किंने रुपए दिहाड़ी कमाउंदे हन। उहनां डरदिआं दस रुपए दिहाड़ी दा हिसाब दस्सिआ। उस नें झट्ट पंदरां-पंदरां रुपए उहनां दे हत्थ फड़ा दित्ते।

गुरमीत नूं इस तरहां रुपए वंडदे देख के मीते नें आपणी सारी कहाणी उस नूं सुणा दित्ती।

मीते नूं लग्गा सी जिवें दुनीआं दे सारे मुजरमां दा दरद गुरमीत दी छाती ’च छुपिआ होइआ सी। उस नें मीते ’ते सवालां दी झड़ी ला दित्ती।

उस वरगे छोटे मुजरम तां पुलिस दे घर भरन लई ही जुरम करदे हन। उहनां दी खट्टी कमाई सभ पुलिस खा जांदी है। मुजरमां पल्ले रहि जांदी है कुट्ट, कैद जां उहनां ग़रीबां दीआं दुरसीसां जिहड़े उहनां दे जुरमां दे शिकार हुंदे सन। मीते पल्ले की सी? कुझ्झ वी नहीं। फटे कप्पड़े, भुख्खा ढिड्ड।

गुरमीत दी प्रेरना ’ते उस नें जेबां कट्टणीआं छड्ड दित्तीआं।

पहिलां उस नें रिकशा चलाइआ। डरदीआं सवारीआं उस दे रिकशे ’च नां बैठिआ करन। की पतै किथे खड़ा कर के लुट्ट लए।

रिकशा छड्ड के दिहाड़ी लई चौक ’च खहड़न लग्गा। कोई डरदा घर नां वाड़े। मिसतरी सिर हिला दिआ करन। किसे मिसतरी दा मूंह सिर काला कराएगा।

मीता हिंमत हारन लग्गा तां मुड़ गुरमीत नें संभालिआ। किसे आपणे वाकफ़ बैंक मैनेजर तों करज़ा मनज़ूर करवा के रेहड़ा ख़रीद दित्ता।

थोहड़ा बहुत कंम मिलण लग्गा तां मत्थे लग्गा कलंक फेर उस दा पिछ्छा करन लग्गा।

इक्क वार लेखकां दा कालज ’च बहुत वड्डा इकठ्ठ होइआ। दो दिन लंगर चल्लिआ। जदों प्रोगराम ख़तम होइआ तां इक्क लेखक नें बचे सामान नूं मोड़न लई उस नूं बुला लिआ। मीता उस लेखक नूं चंगी तरहां जाणदा सी। उह बड़े वधीआ भाशण दिआ करदा सी। मीते वरगिआं नूं हिक्क नाल लाउण दीआं गल्लां करिआ करदा सी। उस दीआं कई किताबां छप चुक्कीआं सन अते लोक उस नूं ग़रीबां दा हामी आखदे सन। मीते नूं वी उह उहनां दा हमदरद लग्गा। जिंने पैसे मीते नें मंगे, उस नें उने ही देणे मंन लए।

मीता सामान लद्द दे बज़ार नूं तुर पिआ। लेखक साहिब किसे नाल गल्लीं पै गए। सामान किस दुकान ’ते लिजाणा है, मीते नूं कुझ्झ नहीं सी दस्सिआ गिआ। उह लेखक नूं गली-गली, दुकान-दुकान लभ्भदा रिहा।

मीते नूं लेखक उदों लभ्भा जदों इक्क सिपाही नें मीते नूं गरदनों आ फड़िआ। लेखक नें मीते ख़िलाफ़ रिपोरट दरज कराई सी। लेखक आपणी ग़लती ’ते पछता रिहा सी। उस नें जेब-कतरे इनसान ’ते इतबार कीता सी। मीता सामान लै के ग़ाइब हो चुक्का सी।

मीते दी किसे नां सुणी। मुकद्दमा दरज अते रेहड़ा ज़बत।

गुरमीत नें लेखक दे हाड़े कढ्ढ के मसां राज़ीनामा कराइआ।

बाकी तां सभ ठीक हो गिआ पर मीते दी बदनामी कारन कंम मठ्ठा पै गिआ। कई दुकानदार उस नूं सामान चुकाउणों डरन लग्गे।

कुझ्झ वी सी। मीता आपणे इरादे ’ते डटिआ होइआ सी। पूरा इक्क साल हो गिआ सी, उस नें किसे दी जेब वल्ल तक्किआ वी नहीं सी।

“इह सारी शरारत पुलिस दी है। लाश मिली तां खंड मिल्ल वाले भठ्ठे कोलों है। इह आखदे नें डंगरां वाले हसपताल विच्च पई सी … निरा झूठ।”

रेहड़े पिछ्छे गल्लां करदी आउंदी इक्क टोली नें मीते दा धिआन उखेड़िआ।

“राम बाग दा माली दस्सदा सी कि अज्ज सवेरे जदों उह गऊआं नूं पाणी पिआउण लई गऊशाला विच्च गिआ तां पुलिस दी इक्क जीप गेट कोल आ के रुकी। कुझ्झ बंदे जीप विचों उतर के हसपताल वल्ल चले गए। उहनां दे हत्थां विच्च कुझ्झ फड़िआ होइआ सी। मिंट कु बाअद उह मुड़ आए। उह ज़रूर लाश सुट्ट के गए होणगे।

दूसरा नौजवान पहिले दी पुशटी कर रिहा सी।

हसपताल दे पिछ्छे रहिंदे धंने झटकई नें वी इहो दस्सिआ है। उस नें रात पुलिस नूं टारचां मारदे अते इसे कमरे विच्च घुंमदिआं देखिआ।

तेज़-तेज़ तुरदीआं कई टोलीआं मीते दे कोलों दी लंघ गईआं।

मीते नें अंदाज़ा ला लिआ सी कि इह सारे लोक डंगरां दे हसपताल वल्ल ही वहीरां घत्त रहे सन।

“पुलिस आखदी है कि उहनां नूं किसे नें टैलीफ़ोन ’ते इतलाह दित्ती सी कि लाश हसपताल विच्च पई है। टैलीफ़ोन वाले कहिंदे हन कि रात किसे बाहरले बंदे नें पुलिस नाल फ़ोन ’ते गल्ल नहीं कीती। जिहड़े लोकां नें थाणे फ़ोन कीते उहनां दी पूरी लिसट महिकमे वालिआं कोल है। फ़ोन दरवेश नें कीता सी जां संघ वालिआं नें … हनेर मच्चिआ पिऐ।”

मीते कोलों लंघदा कोई होर आख रिहा सी।

सरकारी हसपताल साहमणे बणे चौक कोल आ के मीता रुक गिआ। इथों दो राह फटदे सन। इक्क राम बाग दे कोल दी हो के भदौड़ वाली सड़क जा चहड़दा सी। रसते विचों इक्क सड़क डंगरां वाले हसपताल नूं फटदी सी। दूसरा रसता कच्चा कालज रोड सी, जिस ’ते सबज़ी मंडी पैंदी सी।

बंटी दे कतल दी ख़बर सारे शहिर विच्च फैल चुक्की सी। सारा शहिर बंद हो गिआ सी। सबज़ी मंडी दे खुल्ल्हे रहिण दा सवाल ही पैदा नहीं हुंदा। मीते नूं कोई कंम मिलण दी संभावना नज़र नहीं सी आ रही।

उह राम बाग वाले राह पै गिआ। बाग विच्च रेहड़ा खड़ा कर के उह हसपताल वल्ल तुर पिआ।

 

 

16

हसपताल दे छोटे जिहे अहाते विच्च लग्गदा सी जिवें सारा शहिर ही उमड़ आइआ होवे।

टाहली दे दरख़्ख़त हेठ डाकटर नें मेज़ कुरसीआं लगवा दित्तीआं सन। दो मंजे वी डाहे गए सन। विचकारली कुरसी डिपटी लई ख़ाली रख्खी गई सी। बाकी थाणेदारां अते हौलदारां नें मल्ल रख्खीआं सन। मंजीआं उपर सिपाहीआं नें डेरा लाइआ होइआ सी।

डाकटर दी कोठीउं चाह आ गई। टरेअ विच्च सज्जिआ इक्क टी-सैट्ट मेज़ ’ते रख्खिआ गिआ। सिपाहीआं नूं चाह कच्च दे गलासां विच्च वरताई गई।

सिटी इंचारज नाले चाह दीआं चुसकीआं लै रिहा सी नाले हौलदार नूं कुझ्झ लिखवा रिहा सी। थाणेदार वार-वार आले-दुआले दा जाइज़ा लैंदा अते फेर लिखाउण लग्गदा।

हौलदार नें वी सनमाइके दी फट्टी ’ते सफ़ैद काग़ज़ बड़े सलीके नाल रख्खे होए सन। उह चिण-चिण के अख्खर पा रिहा सी। उस दी सुंदर लिखाई सारे ज़िल्हे विच्च मशहूर सी।

जिथे पुलिस पारटी बैठी सी, उस दे बिलकुल साहमणे वाले कमरे विच्च इक्क दरी दा टुकड़ा दिखाई दे रिहा सी। दरी दे सिरे ’ते इक्क काला धब्बा जिहा नज़र आउंदा सी, जिहड़े बच्चे दे वालां दी झलक दिवाउंदा सी। उथे कुझ्झ होर नज़र नहीं सी आ रिहा।

सारी भीड़ दा इको निशाना सी। किवें नां किवें उस उजाड़ कमरे अंदर झात मारी जावे। बंटी दे चिहरे नूं निहारिआ जा सके। पुलिस दा वी उना ही ज़ोर लग्गा होइआ सी कि लग्गदे हत्थ कोई बंदा लाश दे सौ गज़ दे घेरे अंदर नां जा सके। इस कंम लई पुलिस नूं पूरी सख़ती वरतणी पै रही सी। इक्क वार भीड़ नूं पिछांह धक्कण लई पुलिस नूं हलका लाठीचारज वी करना पिआ सी। लोक सन कि टल ही नहीं सी रहे। धक्के मार-मार फेर अग्गे आ जांदे।

भीड़ विच्च शामल होइआ हर नवां आदमी पहिलां लाश वल्ल नूं ही झुकदा। डिपटी भीड़ विच्च घुंम रिहा सी। उह लोकां नूं समझा रिहा सी। लोकां दे लाश दे नेड़े जाण नाल बहुत सारे सबूतां दे मिट जाण दा ख़तरा सी। उहनां कातलां दी शनाख़त करन लई कुत्ते, खोजी अते उंगलां दे निशानां दे माहिर बुलाए होए सन। जे भीड़ लाश तक पहुंच गई तां सभ गुड़ गोबर हो जाणा सी।

कई सिआणे बंदे तां टल के इक्क पासे जा बैठे, पर बहुतिआं ’ते इहनां गल्लां दा कोई असर नहीं सी हो रिहा।

मीता वी भीड़ विच्च गुआच गिआ। उस दा मन वी बंटी दी झलक लई काहला पिआ होइआ सी। कई वार कूहणीआं नाल लोकां नूं पिछ्छे हटा के उह भीड़ दी पहिली कतार तक पहुंचण विच्च कामयाब हो चुक्का सी। भीड़ नूं काबू कर रहे सारे ही पुलसीए उस नूं जाणदे सन। अख्खां कढ्ढ के पिछांह धक्क दिंदे।

कुलवंत सिपाही नें तां उस दा मोढा ही आ फड़िआ। इशारे नाल समझा दित्ता कि उस नें मीते नूं इथे घुंमदिआं देख लिआ है। मीता जिहड़ी वी जेब कट्टे चुप्प कर के उस दा हिस्सा घर पहुंचा देवे।

मीते दीआं उंगलां कई वार मोटीआं-मोटीआं जेबां नाल घिसरीआं वी। उस दा मन वी ललचाइआ। कदे-कदे जेब मारन विच्च की हरज है? फाके तां नहीं कट्टणे पैणे। पर उह मन ’ते काबू पाउंदा रिहा। इक्क वार वी उह पाप कर बैठा तां दुबारा उहो चक्कर शुरू हो जाणा सी। कई पुलसीए उस नूं इथे फिरदे नूं देख चुक्के हन। उह भावें जेब नां कट्टे, किसे दा बटूआ गुंम हो जाण ’ते वी उसे नूं फड़िआ जाणा सी। उह उंगलां ’ते काबू रख्खदा रिहा।

रमेश हौलदार नें मीते नूं भीड़ विच्च खड़ा देख के दो मौरां विच्च जहड़ दित्तीआं। नाले उच्ची-उच्ची चिल्लाइआ ।

“भैण दिआ खसमा, इथे तां रहिण दे। लोकां दीआं अख्खां ’चों तां अत्थरू नहीं सुक्कदे ते तूं जेबां ’ते नज़र टिकाई फिरदैं।”

रमेश दी बहड़क नाल मीते दा धुर अंदर तक हिल्ल गिआ। भीड़ वी सहिम गई। सारे मीते वल्ल कौड़-कौड़ अख्खां नाल देखण लग्गे। उहनां नूं मीता बंटी दे कातलां जिंना ही गुनाहगार लग्गा। सारिआं नें आपणीआं-आपणीआं जेबां ’ते हत्थ मारे अते पैसा टका थां सिर पा के सुख्ख दा साह लिआ।

मीते दा मन मसोसिआ गिआ। उह उच्ची-उच्ची चिल्ला के सारी पुलिस अते भीड़ नूं दस्सणा चाहुंदा सी कि उह हुण जेब-कतरा नहीं रिहा। उह रेहड़ा वाहुण वाला इक्क मज़दूर है। इक्क साल तों हक्क हलाल दी रोटी खांदा है, पर उस दी जीभ तालूए नाल ही लग्गी रही। इक्क मुजरम दे सच्च नूं किस नें मानता देणी सी?

मीते दा मन कीता, उह इथों किधरे होर चला जावे, पर कित्थे? कुझ्झ समझ नां आइआ। सारा शहिर तां इथे पहुंच ही गिआ सी। सारे कंम-कार ठप्प हो गए सन। उस नूं रुज़गार मिलणों रिहा। घरे विहला पै-पै के उह थक्क चुक्का सी।

उथों हट के उह भीड़ दी उस साईड वल्ल चला गिआ, जिथे उसे वरगे चूहड़े, चमार, मज़दूर अते जमांदार खड़े सन। उथे नां किसे दी जेब ’च कोई पैसा सी, नां जेब-कतरे तों कोई ख़तरा। अध्धे नालों वध्ध लोक उस नूं निज्जी तौर ’ते जाणदे सन। लोड़ पैण ’ते उस दी ईमानदारी दी ज़मानत दे सकदे सन।

इथे सिपाही वी घट्ट-वध्ध ही चक्कर मारदे सन। मीता किसे दी नज़र वी नहीं पएगा।

बेफ़िकर हो के उथे खड़ोता मीता आराम नाल पुलिस दी कारवाई वेखदा रिहा।

सभ तों पहिलां कुत्तिआं वाला सुकाइड आइआ। उनहां नूं इक्क मारूती वैन विच्च संगरूरों लिआंदा गिआ सी। तिंनां कुत्तिआं नाल इक्क-इक्क उसताद सी।

आउंदे ही उह कंम विच्च रुझ्झ जाणा चाहुंदे सन। पर डिपटी नें उहनां नूं रोक लिआ। कुत्तों दूरों आए सन, थक्के होणगे। बिंद-झट्ट आराम करन।

इक्क सिपाही चाह वाली टरेअ चुक्क लिआइआ अते दूजा बिसकुटां वाली। उसतादां नूं आपणे नालों ज़िआदा आपणे कुत्तिआं दा ख़िआल सी। आप उह इक्क बिसकुट खांदे सन पर कुत्तिआं नूं चार दिंदे सन।

कुत्तिआं नूं भीड़ वल्ल तक्कदिआं देख के मीता भीड़ दी आख़री कतार वल्ल खिसक गिआ। इहनां कुत्तिआं नाल उस दा इक्क वार वाह पै चुक्का सी। इहनां कंबख़तां नें जिस नूं वी मूंह ला दित्ता, उसे दी शामत आ जाणी सी।

मीता उस समें फस गिआ सी जदों बैंक मैनेजर दे घर चोरी होई सी। गहिणे, कप्पड़े अते टी.वी.तक सभ कुझ्झ चोरी हो गिआ सी। थावां सुंघदे कुत्तिआं नूं देख के मीता वी उथे खड़ो गिआ।

इक्क कुत्ते नें उस दा अजिहा झग्गा फड़िआ कि छड्डण दा नां ही नां लए। जज्ज तक किसे नें वी मीते दी गल्ल नां सुणी। मीते दा पुराणा रिकारड ही उस नूं दोशी ठहिराउण लई काफ़ी सी। झूठीआं-सच्चीआं चीज़ां दी बरामदगी मीते सिर महड़ के उस नूं पुलिस नें छे महीने दी सज़ा करा दित्ती सी।

इथे कतल दा मसला सी। उमर कैद होणी सी। डरदा मीता बहुत पिछांह हट के खड़ो गिआ।

“इह वी हो सकदा है कि कुत्ते उसतादां नें सिखा रख्खे होण। उसताद दे इशारे ’ते उह मीते वरगे दा झग्गा फड़ लैंदे होण। इहनां कुत्तिआं दे उसताद मीते नूं चंगी तरहां पहिचाणदे सन।” मीता सोच रिहा सी।

उंझ मीते नूं पता सी कि इह डरामा ही सी। किसे कुत्ते नें बस्सां दे अड्डे ’च जा के रुक जाणा सी अते किसे नें चौरसते विच्च। किसे नूं पैटरोल दी बू नें भंबलभूसिआं विच्च पा देणा सी अते किसे नूं सैंटां दी ख़ुशबू नें। पुराणे ज़माने तां रहे नहीं कि मुजरम नूं कई-कई मील तुर के जाणा पए। मिंट-मिंट ’ते बस्सां, रेल-गड्डीआं चल्लदीआं हन। दो घंटिआं ’च चाहे तुसीं चंडीगहड़ पहुंच जाओ। कुत्ते दिंदे रहिण गेड़े। अज्ज-कल्ल्ह दे मुजरम वी इंने अणजाण नहीं कि उहनां नूं कुत्तिआं दीआं आदतां दा पता नां होवे। उहनां नूं कुत्तिआं दीआं अख्खां विच्च घट्टा पाउण लई वीह तरीके आउंदे हन। घंटा अध्धा घंटा टक्करां मार के इहनां कुत्तिआं नें बूथीआं चुक्क के खड़ो जाणा सी। उसतादां दा टी.ए.डी.ए.बण जाणा सी अते पुलिस दी कारवाई पै जाणी सी।

मन परचाउण लई मीता दूर खड़ा कुत्तिआं दा तमाशा देखदा रिहा। पहिलां कुत्तिआं नूं बंटी दी लाश सुंघाई गई। फेर दरी अते आख़िर विच्च कमरा।

कुझ्झ मिंटां बाअद कुत्ते उसतादां नूं धूहण लग्गे।

इक्क कुत्ता उसताद नूं राम बाग वल्ल लै तुरिआ। हुल्लड़बाज़ी करदी अध्धी भीड़ कुत्ते पिछ्छे लग्ग गई।

दूजे दोहां नूं कोई राह नां लभ्भा। मुड़-मुड़ उह उसतादां दे पैरां विच्च लिटण लग्गे।

कुत्तिआं नूं इक्क वार फेर बंटी दुआले लिजाइआ गिआ। इक्क वार दरी नूं पासे कर के बंटी नूं सुंघाइआ गिआ।

कुत्ते वधेरे चुसत हो गए। उह इंना ज़ोर दिखा रहे सन कि उसतादां नूं उहनां दीआं संगलीआं काबू रख्खणीआं औखीआं हो गईआं।

बब्बर शेर वरगा इक्क कुत्ता रमेश हौलदार नूं चंबड़ गिआ। कुत्ते नें उहदी पैंट पाड़ दित्ती अते हत्थां नूं बुरक मारन दी कोशिश करन लग्गा। उसताद हैरान होइआ उस नूं पुचकारन लग्गा। कुत्ता इह की करन लग्गा सी? रमेश तां पुलिस दा हौलदार सी, कोई मुजरम नहीं।

“फड़ो-फड़ो इस हौलदार नूं। फड़दे किउं नहीं?” भीड़ विचों किसे नें आवाज़ां कस्सीआं।

रमेश दा रंग पीला भूक हो गिआ। उस दीआं लत्तां कंबण लग्गीआं। मत्थे ’ते पसीने दीआं बूंदां टपक पईआं। कदे उह डिपटी वल्ल तक्कदा अते कदे भौंक रहे कुत्ते वल्ल।

चुप्प खड़े डिपटी नूं देख के बांस बाहीआं वाला प्रेम तिड़क उठिआ। कुत्ता साफ़ इशारे कर रिहा है, पुलिस कोई कारवाई नहीं करदी। किस नूं नहीं पता पुलिस आप दहिशतगरदां नाल मिली होई है। इस कांड विच्च वी पुलिस दी मिली भुगत हो सकदी है। इंनीआं तलाशीआं दे बावजूद वी कातल इसे शहिर विच्च लुके रहे, खांदे-पींदे रहे अते चिठ्ठीआं वी लिखदे रहे। जदों मन ’ते आई बच्चे नूं मार के लाश इथे सुट्ट गए। अध्धी पुलिस उहनां नाल रली होई है अते बाकी डरी होई है। कुत्तां तां किसे दा सिखाइआ होइआ नहीं।

“इस पुलसीए नूं फड़िआ जाए।” प्रेम नें इक्क वार फेर आवाज़ा कस्सिआ। उस नाल बंदूकां वाला शिंदी वी सहिमत सी। जदों पुलिस चोरीआं डकैतीआं कर सकदी है तां इह कंम वी फड़ लिआ होवेगा। इथों पैसे चंगे मिलदे होणगे।

उह उस बुढ्ढी दी कहाणी सुणाउण लग्गा, जिस नूं दो सिपाही ही लुट्टण पै गए सन। बुढ्ढी ’च पुराणा ख़ून सी। घबराउण दी थां उस नें दोहां विचों इक्क दे मोढे ’ते बुरकी भर लई। सवेरे जदों तफ़तीश लई उहो सिपाही थाणेदार दे नाल आए तां बुढ्ढी नें उह पछाण लए। थाणेदार पैरां ’ते पाणी नां पैण देवे। उलटा बुढ्ढी नूं ही धमकाउण लग्गा। पंचाइत दे ज़ोर देण ’ते जदों सिपाही दा कुड़ता लुहाइआ गिआ तां दंदी वाली थां तों ख़ून सिंम रिहा सी। जदों पुलिस वालीआं लाहुण तक अप्पड़ गई है तां कातलां नाल हिस्सा-पत्ती करना किहड़ी अणहोणी गल्ल है? इस हौलदार नूं फड़िआ ही जाणा चाहीदा है।

विउपार मंडल दे प्रधान नें डिपटी नाल गल्ल कीती। डिपटी नें रमेश दी गरंटी दे दित्ती। उह तां कल्ल्ह दा डिपटी दे नाल फिरदा है। डिपटी रमेश नूं नाल लै के कई वार मौका देख चुक्का है, इस लई कुत्ते नूं उस ’ते शक्क हो गिआ। उह जानवर है। ग़लती कर सकदा है।

प्रधान दी फेर वी तसल्ली नां होई तां डिपटी नें पैंतड़ा बदलिआ।

“उह तुहाडा हिंदू भरा है, अजिही ग़लती कर सकदै?”

डिपटी प्रधान नूं किवें दस्सदा कि जिहड़ी पुलिस पारटी रात इथे लाश सुट्ट के गई सी, रमेश उस दा मुखी सी। डिपटी नें रमेश नूं बथेरा समझाइआ सी, सैंट वगैरा लगा के रख्खे, मुड़ के मौके ’ते नां आवे। नहा-धो के कप्पड़े बदल लए। बेवकूफ़ नें इक्क नां मंनी। उसे दी सज़ा भुगत रिहा सी। नाल डिपटी दी बदनामी हो रही सी।

डिपटी शुकर मना रिहा सी कि रमेश हिंदू है। सिख्ख हुंदा तां भड़की भीड़ नें उस नूं हत्थकड़ीआं लगवा के छड्डणीआं सन।

डिपटी दे समझाउण नाल गल्ल आई गई हो गई। उसताद कुत्ते नूं आराम कराउण दे बहाने थाणे लै गिआ।

दूसरा कुत्ता जीप नूं भौंक रिहा सी। वार-वार उह जीप दीआं सीटां सुंघण लग्गदा।

डिपटी दा दिल इक्क वार फेर धड़किआ। कुत्ता इथे वी ग़लत नहीं सी। रमेश नें इक्क होर ग़लती कीती लग्गदी सी। डिपटी नें आखिआ लाश सुट्टण लई प्राईवेट गड्डी वरती जावे। उस नें सरकारी जीप ही वरती लग्गदी सी।

डिपटी नूं आपणी ग़लती दा अहिसास होइआ। इथे कुत्ते बुलाउण दी की लोड़ सी? इह नाटक पुलिस लई महिंगा पै सकदा सी। कुत्तिआं नूं इथों की लभ्भणा सी? उहनां दी ज़रूरत खंड मिल्ल लागले खंडरां विच्च सी। उह इथों तिंन मील दूर सन। उथे कुत्ते लिजाए नहीं जा सकदे। लोकां विच्च पहिलां ही घुसर-मुसर हो रही सी। कुत्ते उथे भेज के डिपटी उहनां दे शक्क नूं सच्च विच्च नहीं सी बदल सकदा।

दिन दे गिआरां वज्ज चुक्के सन। हाले उंगलां दे निशानां दे माहिर अते खोजी नें आपणा कंम करना सी। पोसट मारटम ’ते वी कई घंटे लग्गणे सन। सूरज छिपण तों पहिलां-पहिलां बच्चे दी मिट्टी समेटणी वी ज़रूरी सी। जे पुलिस इसे तरहां कुत्तिआं पिछ्छे फिरदी रही तां समें सिर संसकार होणा असंभव सी।

इहनां गल्लां दा बहाना बणा के डिपटी नें कुत्ते थाणे भेज दित्ते।

रमेश हौलदार नूं लाला जी वल्ल भेजिआ। उह आउण अते लाश संभालण। भीड़ काबू तों बाहर हुंदी जा रही सी।

जिंना चिर लाला जी नहीं आउंदे, डिपटी नें मुजरमां दे हत्थां-पैरां दे निशान इकठ्ठे करन लई माहिरां नूं कमरे विच्च बुलाइआ। कंम शुरू करन तों पहिलां ही डिपटी नें उहनां नूं सारा किस्सा समझा दित्ता। इथों किसे दे निशान नहीं मिलणे। उहनां महिज़ जाबता पूरा करना है। माहिर नूं इथे बुलाउण दे दो ही कारन सन। पहिला इह कि लोकां नूं यकीन दिवाइआ जाए कि पुलिस कातलां नूं लभ्भण विच्च कोई कसर बाकी नहीं छड्ड रही। दूजा इह कि पिछ्छों किसे समें जे किसे ’ते केस फिट्ट करना पिआ तां इस मौके मुलाहज़े दा फ़ाइदा उठाइआ जा सके। हुण इकठ्ठे कीते गए निशानां नूं असली मुजरमां दे निशानां नाल किसे समें वी बदलिआ जा सकदा है। लोड़ बस्स इस चीज़ दी सी कि माहिरां दा मौका-मुलाहज़ा करन दीआं रिपोरटां रोज़नामचिआं अते ज़िमनीआं विच्च दरज हो जाण। इस लई माहिरां नूं बहुतीआं टक्करां मारन दी लोड़ नहीं सी।

दो तिंन मोहतबरां नूं गवाह बणा के माहिरां नें कंम आरंभ कीता। मुजरम बड़े चुसत लग्गदे हन। किधरे वी कोई निशान नहीं सी छड्ड के गए। उंझ वी निशान लभ्भणे मुशकल सन। कमरा हाले उसारी अधीन सी। इस लई लक्कड़ अते इट्टां तों सिवा इथे कोई चीज़ नहीं सी। इहनां ’ते हत्थां-पैरां दे निशान नहीं आउंदे। फेर वी इक्क घंटे दी सिर-खपाई तों बाअद उह कुझ्झ निशान लभ्भण विच्च कामयाब हो गए सन।

तफ़तीश दी सुसत रफ़तार तों संघ वाले खिझे होए सन। उहनां नूं इहनां दिखाविआं विचों कुझ्झ निकलदा नज़र नहीं सी आ रिहा। मरन वाला मर चुक्का सी। कातल फड़े वी जाण तां किहड़ा उस नें मुड़ आउणा सी। संघ जलदी तों जलदी पुलिस तों लाश हासल करना चाहुंदा सी तां जो समें सिर अंतम रसमां पूरीआं कीतीआं जा सकण।

डिपटी वल्लों कोई देर नहीं सी। पुलिस दी लिखा-पहड़ी मुकंमल सी। लाला जी आउण। लाश दी शनाख़त करन अते रसीद दे के लाश संभाल लैण।

रमेश नें वापस आ के दस्सिआ कि डिपटी कमिशनर साहिब लाला जी दे परिवार नाल दुख्ख वंडाउण लई उहनां दे घर पहुंचे होए सन। इस लई देर हो रही सी। ख़ान वी उहनां नाल सी। गुपता जी नूं किसे ज़रूरी मीटिंग दा सुनेहा आइआ सी। उह उथों ही संगरूर चले जाणा चाहुंदे सन। उस दा कोई कंम बाकी नहीं सी रहि गिआ। कातल तां पुलिस नें लभ्भ ही लैणे सन। लोक शांत सन ही।

गुपते नें सरकार वल्लों मिलण वाली वीह हज़ार दी मदद दा ऐलान कर दित्ता सी। रैड्ड करास वल्लों वी भरोसा दिवाइआ गिआ सी कि बच्चे दी याद विच्च अजिही यादगार उसारी जाएगी कि उस दा नां रहिंदी दुनीआं तक रहेगा। उहनां नें माहिरां नूं अपील वी कीती कि कोई अजिही यादगार दी योजना उस नूं जलदी तों जलदी भेजी जावे।

‘बंटी यादगारी मैडल’ हर साल देण दा ऐलान तां उह ख़ुद ही कर गए सन। इह इनाम रैड्ड करास वल्लों शहिर दे उस विदिआरथी नूं दित्ता जाइआ करेगा, जिहड़ा मैट्रिक दी प्रीखिआ विचों पहिले नंबर ’ते आएगा।

ख़ान नूं उहनां हदाइत कीती कि बंटी दा अंतम संसकार पूरे सरकारी सनमानां नाल कीता जावे। पुलिस दी इक्क सैकशन उस नूं सलामी देवे।

रमेश हत्थ सुनेहा आइआ सी कि डिपटी कमिशनर दे विदा हुंदिआं ही ख़ान ख़ुद लाला जी नूं लै के इथे पुज्जणगे।

डिपटी नें वाधू समें दा पूरा लाभ उठाइआ। जिंना चिर तक लाला जी नहीं पहुंचदे, उना चिर तक खोजी आपणे जौहर दिखाउण। बड़ी छाण-बीण तों बाअद पुलिस दो पैड़ां खोज कर सकी। पैड़ां नूं मिट्टी घट्टे अते लोकां तों बचाउण लई उहनां बठ्ठलां हेठ ढक्क दित्ता सी।

इक्क खोजी उहनां पैड़ां दे ‘मोलड’ (निशान चुक्कण लई तिआर कीते जांदे पलासटिक दे फट्टे) तिआर करन लग्गा। दूजा मुजरमां दा खुरा लभ्भण दे यतन करन लग्गा।

खोजीआं दे यतन जारी ही सन कि ख़ान दी जीप आ धमकी।

भीड़ नूं चीरदी जीप सिध्धी बंटी दी लाश वाले कमरे साहमणे जा रुकी। विचों उतरदे लाला जी नूं देख के सारी भीड़ दे साह सुक्क गए। चारे पासे संनाटा छा गिआ।

ख़ान ख़ुद लाला जी नूं लाश तक लै के गिआ।

“हरे राम … हरे राम … ।’

“वाहिगुरू … वाहिगुरु … ।”

“या अल्ल्हा … रहिम … ।”

“भर लए ज़ालमों ख़ज़ाने इस दरवेश दे घर नूं उजाड़ के … ।”

तरहां तरहां दे हउके फ़िज़ा नूं ग़मग़ीन करन लग्गे

बंटी दा चिहरा देखदिआं ही लाला जी नूं चक्कर आ गिआ। ख़ान नें मसां उस नूं डिग्गदे नूं संभालिआ।

लाला जी नें बंटी नूं हिक्क नाल ला लिआ। इक्क पासे लुड़क गए बंटी दे चिहरे नूं उह वाहोदाही चुंमण लग्गे। बंटी दा निक्का जिहा सरीर उहनां तों संभल नहीं सी रिहा। कदे बांह इक्क पासे लुड़क जांदी, कदे टंग अते कदे गरदन।

लाला जी दीआं अख्खां विचों हंझूआं दीआं नदीआं वहि तुरीआं।

लाला जी दी इह हालत देख के राम सरूप अते दरशन पुलिस दे डंडिआं दी बिनां परवाह करे लाला जी वल्ल दौड़ पए।

बंटी दे करूप चिहरे अते पिंजर बणे सरीर नूं देख के उह वी धाहां मारन लग्गे।

“असीं पोसट मारटम नहीं होण देणा। इस मासूम विच्च बाकी रहि ही की गिआ है, जिहड़ा चीरिआ फाड़िआ जावे।” जदों इक्क हौलदार इस मकसद लई लाला जी तों काग़ज़ां ’ते दसख़त कराउण आइआ तां काग़ज़ां नूं पिछांह धक्कदा होइआ दरशन चिल्लाइआ।

दरशन दी हुल्लड़बाज़ी कारन ज़मीन ’ते गिरे काग़ज़ां नें ख़ान नूं नाराज़ नहीं कीता। उह होर वी नरम हो के दरशन नूं समझाउण लग्गा।

“कातलां नूं सज़ा दिवाउण लई पोसट मारटम बहुत ज़रूरी है।”

“जिहो जिहा ज़ोर तुसीं पहिलां ला लिआ, उहो जिहा फेर ला लओगे।” ख़ान दा हत्थ परहां करदे दरशन दा गला फेर भर आइआ।

“तुसीं हाले बच्चे हो … कानूंन दीआं पेचीदगीआं नूं नहीं समझदे … । असीं तुहाडे दुख्ख नूं समझदे हां … पर इह साडी मजबूरी है … पोसट मारटम बहुत ज़रूरी है … नहीं तां कातल आसानी नाल बरी हो जाणगे … ।” ख़ान उतेजित नहीं सी हो रिहा। उह बराबर संघ दे नौजवानां दे जज़बातां ’ते काबू पाउण दे यतन कर रिहा सी।

“तुसीं आपणा फ़रज़ निभाओ … इस मिट्टी नाल हुण काहदा मोह? पल दो पल नूं मिट्टी दे हवाले तां कर देणा है … जिवें मरज़ी करो ख़ान साहिब।”

आपणे सिर ’ते लपेटे तौलीए नूं सिर तों लाहुंदिआं लाला जी नें आपणी सहिमती प्रगटाई।

बंटी नूं तौलीए विच्च लपेट के, लाश नूं दोहां बाहां विच्च संभाल के लाला जी डैड्ड हाऊस वल्ल तुर पए।

पिछ्छे-पिछ्छे हउके भरदी भीड़ तुर पई

मीता वी अख्खां ’च उमड़ आए हंझूआं नूं रोक नहीं सी सकिआ।

 

 

17

लाश नूं डैड्ड हाऊस विच्च पिआं दो घंटे हो गए सन। पोसट मारटम दी कारवाई शुरू होण ’च नहीं सी आ रही।

लाश दे डैड्ड हाऊस पहुंचदिआं ही डाकटर नें कुरसी मल्ल लई सी। उह जोगिंदर नूं कई सुनेहे भेज चुक्का सी।

जोगिंदर सी कि सानह वांग आकड़िआ आपणे झोटे दी पिठ्ठ थापड़न विच्च मसरूफ़ सी।

डाकटर जोगिंदर दे रोसे दा कारन समझ रिहा सी। उस नूं फ़ीस नहीं सी मिली नां मिलणी ही सी। हर केस विचों फ़ीस दी आस रख्खणा उस दी बेवकूफ़ी सी।

इस केस विच्च करना वी तां कुझ्झ नहीं सी। ज़ाबता ही पूरा करना सी। लाश दा मुआइना तां डाकटर ख़ुद कर चुक्का सी। सिर विच्च इक्क गहिरा घाओ सी। लोहे दी राड नाल सट्ट मारी गई सी। बच्चा जदों इस सट्ट नाल नां मरिआ तां उहो राड उस दी गरदन ’ते रख्ख के दबाई गई। बाहर निकलीआं अख्खां अते लटकदी जीभ इस दा सबूत दे रहीआं सन। सरीर ’ते जंमी मैल अते गल्ल्हां ’ते हंझूआं दे निशान दस्सदे सन कि बच्चा बिनां नहाते-धोते लगातार रोंदा रिहा सी।

मौत इहनां सट्टां कारन होई। पेट खोल्हण दी डाकटर कोई ज़रूरी महिसूस नहीं सी करदा। फेर वी पोसट मारटम दी रिपोरट दे ख़ाने भरन लई डाकटर नूं उस दा पेट खोल्हणा ही पैणा सी। पेट विचों विसरा लैणा सी। खाधे खाणे दे आधार ’ते मौत दे कारन अते समां मिथणा सी।

पेट दी चीर-फाड़ लई डाकटर नूं हसपताल दे जमांदार दी ज़रूरत पैंदी सी। गंद ’च हत्थ मारन दी जोगिंदर दी घट्टो-घट्ट फ़ीस पंजाह रुपए सी।

लाश नूं डैड्ड हाऊस विच्च पिआं दो घंटे हो गए सन तां पए होण। सूरज छुपण विच्च थोहड़ा समां ही रहिंदा है तां पिआ रहे। डाकटर सुनेहे भेज रिहा है तां पिआ भेजे। जोगिंदर नें वी बच्चे पालणे हन। जोगिंदर हुरां नूं किसे नें विआह ’ते तां बुलाउणा नहीं। उलटा अजिहे किसे मौके ’ते उह मत्थे लग्ग जाण तां अशुभ्भ समझिआ जांदा है। वीह-वीह गाल्हां कढ्ढीआं जांदीआं हन। महीने विच्च इक्क दो लाशां नें तां पोसट मारटम लई आउणा हुंदा है। घोड़ा घाह नाल ही दोसती कर लए तां खाएगा की?

जोगिंदर नूं डाकटर दा कोई डर नहीं सी। गंदीआं लाशां दी चीर-फाड़ करना जोगिंदर दी नौकरी दा हिस्सा नहीं सी। काग़ज़ीं-पत्तरीं उह जमांदार है। उस दी डिऊटी हसपताल दी सफ़ाई करनी है। इह दूसरी गल्ल है कि उस दी इस डिऊटी नूं सारे भुल्ल-भुला गए हन। उस दा इको-इक्क फ़रज़ डैड्ड हाऊस नूं साफ़ रख्खणा अते पोसट मारटम लई आई लाश दी चीर-फाड़ करके डाकटर दी मदद करना समझिआ जांदा है जां फिर आपणे झोटे दी देख-भाल करना अते कोठी नाल लग्गदी वाधू ज़मीन विच्च डाकटरां लई सबज़ीआं उगाउणा।

पहिलां झोटा सरकारी हुंदा सी। हलटी ’ते जोड़ लैंदा। विहला हुंदा तां लोकां दीआं मझ्झां नवें दुध्ध करदा रहिंदा। लोक उस नूं गुड़ दी भेली दे जांदे।

समां बदलिआ तां हलटी ’ते मोटर लग्ग गई। झोटे दा ख़रचा मिलणों बंद हो गिआ। जोगिंदर नें झोटा हिक्क नाल लाई रख्खिआ। पहिलां वाली गुड़ दी भेली बंद कर के जोगिंदर नें झोटे दा रेट वीह रुपए फ़ी मझ्झ कर दित्ता। दिन विच्च दो-चार मझ्झां नवें दुध्ध लई आईआं ही रहिंदीआं। उहदी अते झोटे दी धंन-धंन हो जांदी। घाह-पठ्ठे दी कोई कमी नहीं सी। डैड्ड हाऊस दे नाल लग्गदी ज़मीन विच्च घाह ही घाह सी। भूतां-प्रेतां दे वहिम करके कदे किसे नें इस ज़मीन नूं वाहुण दी कोशिश नहीं सी कीती। जोगिंदर नें इस वहिम दा फ़ाइदा उठाइआ होइआ सी। हरा-हरा घाह झोटा ख़ुश हो के खांदा सी।

समां होर बदलिआ तां झोटे वाला कंम वी मठ्ठा पै गिआ। लोक उस दे झोटे कोल लिआउण दी थां मझ्झां डंगरां दे हसपताल लिजाण लग्गे। इहनीं दिनीं तां झोटे दा ख़रचा वी इस कंम विचों नहीं निकलदा। मोह दा मारिआ जोगिंदर झोटे नूं घरों नहीं सी कढ्ढ सकदा। उंझ तां इह सगों जोगिंदर ’ते बोझ बणिआ होइआ सी।

अजिहे हालात विच्च जे मसां-मसां आई लाश नूं जोगिंदर बिनां फ़ीस लए चीर देवे तां भुख्खा नहीं मरेगा? दुखी होइआ जोगिंदर दुखी झोटे नाल दुख्ख सांझे कर रिहा सी। उह वार-वार झोटे दी पिठ्ठ खुरक रिहा सी।

मरन वाला लाला जी दा पोता है तां पिआ होवे। लाला ख़ुद वी मरिआ हुंदा तां वी जोगिंदर नें बिनां फ़ीस लए कंम नहीं सी करना।

लाला किड्डा कु भलामाणस है, इह जोगिंदर चंगी तरहां जाणदा सी। पिछली राम लील्हा वेले जोगिंदर नें उस दे बहुत हाहड़े कढ्ढे। राम लील्हा वालिआं नें सीता-सवंबर वाले दिन किसे नां किसे दी कुड़ी विआहुणी ही हुंदी है। कुड़ी दी चोण लाला जी नें करनी हुंदी है। जिस दे सिर ’ते वी उहनां दा हत्थ टिक जाए, उसे दे भाग खुल्ल्ह जांदे हन। दाज लई इंनीआं चीज़ां इकठ्ठीआं हो जांदीआं हन कि जोगिंदर वरगा ग़रीबड़ा तां सारी उमर घट्टा-ढो के वी इकठ्ठीआं नां कर सके।

जदों वी लाला जी कोई कैंप हसपताल विच्च लाउंदे, जोगिंदर तन-मन नाल मरीज़ां दी सेवा करदा। सारा दिन गंद हूंझदा रहिंदा। मजाल है इक्क मख्खी वी कैंप `c आ सके। इको आस नाल कि ख़ुश हो के लाला जी उस ’ते मिहर करन। उस नूं पूरी उमीद सी, लाला जी उस नूं सेवा दा फल ज़रूर देणगे। इस झाक विच्च उस नें कंपाऊडर मुंडा वी देख लिआ। रिशतेदारां नूं सारी गल्ल समझाई। इंना दाज दिआंगा कि अख्खां अड्डीआं रहि जाणगीआं।

जोगिंदर सारा दिन डाकटरां, कंपाऊडरां विच्च ही तां रहिंदा सी। पता सी सारा दिन नोटां दी झड़ी लग्गदी है। दवाईआं तां इधर-उधर करदे ही हन, बिनां फ़ीस लए किसे दे चूंडी नहीं भरदे। दवाईआं दीआं दुकानां वाले अड्ड पुच्च-पुच्च करदे रहिंदे हन। प्राईवेट प्रैकटिस अलग्ग। कुड़ी नें मौजां करनीआं सन, डाकटरनी अखवाउणा सी।

इस लाले दे बच्चे नें पैरां ’ते पाणी नां पैण दित्ता। जोगिंदर नें डाकटर तों वी सिफ़ारश करवाई। मोदी दवाईआं वाले तों वी। सभ नूं टालमटोल कर गिआ। कहिंदा इस वार तां उस नें शांती दी कुड़ी लई हां कर दित्ती है। कोई लाला जी नूं पुछ्छे बई शांती हुण कोई ग़रीब है। उह मुख्ख मंतरी दी कोठी संभरदी है। उस दी बीबी नाल सिध्धी जाण-पछाण है। चौथे दिन कोई नां कोई कार ’च बिठा के उस नूं चंडीगहड़ लै तुरदा है। घर दे सारे जीअ नौकर करा लए। किसे नूं मारकीट कमेटी ’च चौकीदार लगवा दित्ता, किसे नूं फूड सपलाई विच्च जमांदार। इक्क नूं ऐफ़.सी.आई.विच्च लगवा दित्ता। उह आथण नूं बोरी कणक दी लै के आउंदै। कुड़ीआं तां नित्त नवां पा-पा निकलदीआं नें। शांती तां चाहे जिड्डा मरज़ी विआह कर लए। जिस नाल मरज़ी नाता जोड़ लए। लाला जी नें इक्क नां सुणी। शांती दी कुड़ी दा विआह कर के छड्डिआ लाले नें। अंदरखाते ज़रूर उस राहीं मुख्ख मंतरी तों कोई कंम कराइआ होणै। उंझ तां उस दी मुख्ख मंतरी नाल बणदी नहीं।

अगले साल लई वी लाला हां कर दिंदा तां वी जोगिंदर रिशतेदारां दी मिंनत कर लैंदा। फेर टाल गिआ। अगले साल दा फ़ैसला अगले कीता जाएगा। उस साल किसे होर वज़ीर दी टंग अड़ जाणी सी। ग़रीब जोगिंदर दी किस नें सुणनी सी।

जोगिंदर नूं विचोले नूं साफ़ आखणा पिआ कि रिशतेदारां नूं कुड़ी आम मजहबीआं वांग विआह के लिजाणी पएगी।

इस तरहां उह किउं करदे? उहनां दे पहड़े-लिखे मुंडे नूं साकां दा घाटा सी? उहनां अगले दिन ही मुंडा मासटरनी नाल मंग लिआ।

जोगिंदर दे सुफ़ने खेरूं-खेरूं हो गए। उस दी कुड़ी नूं गोहे कूड़े नाल ही टक्करां मारनीआं पै रहीआं हन। टुट्टे साक दी नमोशी कारन जोगिंदर नूं फटा-फट विआह करना पिआ। भुख्खे-नंगे रिशतेदार टक्करे। सीरी रलिआ होइआ जवाई। लाले दी मिहर होई हुंदी तां धी मौजां करदी।

जोगिंदर दस्सणा चाहुंदा सी कि उस दी वी कोई हैसीअत है। उह जल्लाद ज़रूर अखवाउंदै पर किते नां किते उस दी वी पुछ्छ है। भावें लाशां चीरन विच्च ही सही। आपणी फ़ीस लए बिनां उह लाश नूं हत्थ नहीं लाएगा। कदे वी नहीं।

लाश दा पोसट मारटम कराउण आए सिपाहीआं दा कोई कसूर नहीं सी। उहनां नें तां इशारे नाल लाला जी दे हमाइतीआं नूं समझा दित्ता सी कि जोगिंदर दा ख़िआल रख्खे। पर अख्खां ’चों मगरमछ्छ वाले हंझू वहाउंदे मोटे ढिड्डां वालिआं नूं लाला जी नाल दिलों कोई हमदरदी नहीं सी। नहीं तां की हुंदे नें पंजाह रुपए। जिहड़ा मरज़ी उस नूं फड़ा दिंदा। अग्गे किहड़ा हर वार फ़ीस वारिस ही दिंदे हन। जिस नूं वी सिपाही नें आख दित्ता, उस नें फड़ा दित्ते। इथे तां हर कोई गल्ल सुणी-अणसुणी कर के बाहर विछे सत्थर ’ते जा बैठदा है।

जोगिंदर नूं बुध्ध सिंघ हौलदार दी याद सताउण लग्गी। बड़ा भला आदमी सी उह। ख़ास कर जोगिंदर लई। उस नूं लिखा-पहड़ी दा कंम घट्ट आउंदा सी। इस लई थाणे वाले उपरले कंमां ’ते ही रख्खदे सन। जोगिंदर वांग उह ग़रीब घराणे दा सी। जोगिंदर दी हालत नूं चंगी तरहां समझदा सी। किसे पुलिस अफ़सर दी मिहरबानी नाल सिपाही भरती हो गिआ। अग्गों आपणी ताबेदारी दे सिर ’ते हौलदार बण गिआ। मजहबीआं दा मुंडा सी। कोरस करदिआं ही फीतीआं लग्ग गईआं। जोगिंदर नाल बहुत पिआर रख्खदा सी। जदों वी किसे लाश नाल आउंदा, घट्टो-घट्ट सौ दा नोट दिवाउंदा। इक्क वार तां तिंन सौ वी दिवा गिआ। इहनां दा किहड़ा दिवाउंदिआं दा लूण ढिलकदै जां जेबों निकलदे नें। थोहड़ी जिही ज़बान ही हिलाउणी हुंदी है।

इक्क-दो वार लावारिस लाशां नाल आइआ। फेर वी पंजाह दा नोट आपणे कोलों दे गिआ। जोगिंदर नें बथेरा समझाइआ। लावारिस लाशां विच्च उहनां नें कुझ्झ नहीं करना हुंदा। घंटा डैड्ड हाऊस विच्च पाई रख्खण बाअद लाश वापस कर देणी हुंदी है।

पहिलां वाले डाकटर तां रहे नहीं, जिहड़े आप नाड़-नाड़ टोंहदे सी। फुट्टे पैनसलां फड़ी ज़ख़मां दी लंबाई-चौड़ाई मिणदे रहिंदे सी। हुण तां पहिलां इह पुछ्छदे हन कि किस तरहां दी रिपोरट देणी है। जिहो जिही फ़ीस, उहो जिहा मुआइना। कतल नूं ख़ुदकुशी बणा दिंदे हन अते ख़ुदकुशी नूं कतल। विसरे बदल के खाधी ज़हिर दा नां निशान मिटा दिंदे हन। लोड़ पए तां ज़हिर कोलों मिला देंदे हन। अख़ीर इह सभ कंम जोगिंदर दे हत्थीं ही तां हुंदे हन। लावारिस लाशां तां जोगिंदर वी नहीं छेड़दा।

उस नूं याद सी, इसे तरहां इक्क लावारिस लाश विच्च डाकटर शरमे नूं सिआपा पिआ सी। पोसट मारटम दी उस दी घट्टो-घट्ट फ़ीस इक्क हज़ार रुपए सी। जिहड़ा इंने पैसे नहीं सी दिंदा, उह उसदे उलट रिपोरट कर दिंदा। उह वी कोठी बैठ के ही। डैड्ड हाऊस विच्च पैर नहीं सी धरदा। उस केस विच्च इक्क भईए दा कतल होइआ सी। असल गल्ल दा किसे नूं वी नहीं सी पता। पुलिस नें गल्ल टालण लई इस कतल नूं शराबीआं दी लड़ाई विच्च बदल दित्ता। उहनां परचा दरज करदिआं लिखिआ सी कि भईआ शराबी सी। दूजे भईए नें सराब दे नशे विच्च मरन वाले नूं सट्ट मार दित्ती। डरदा भईआ आपणे देस दौड़ गिआ।

मुजरम वी भईआ अते मरन वाला वी भईआ। हज़ार कौण देवे? बिनां फ़ीस तों डाकटर कोल वकत किथे कि उह पुलिस दे काग़ज़ पत्तर पहड़ सके। उस दे सिध्धी सादी रिपोरट कर दित्ती।

रिपोरट जदों सरकारी वकील कोल पुज्जी, उह अग्ग-बबूला हो गिआ। पुलिस मुताबक मरन वाला मौत होण समें शराबी सी। डाकटर दी रिपोरट आखदी है कि उस दे पेट विच्च शराब नहीं सी। डाकटर झूठा है जां थाणेदार? उस नें वड्डी सारी चिठ्ठी ऐस.ऐस.पी.नूं लिख दित्ती। कसूरवार नूं सज़ा दित्ती जावे। मुकद्दमा ख़ारज कीता जावे। पुलिस नें पुलिस दा ही पख्ख लैणा सी। कपतान नें डाकरट ख़िलाफ़ परचा दरज करन दा हुकम फ़रमा दित्ता। डाकटर दा सिफ़ारशी कपतान नूं दस्स बैठा सी कि उस नें मरन वाले दा पेट खोल्हिआ ही नहीं सी। नोटां दे थब्बे दे के मसां उस दा खहिड़ा छुट्टिआ।

जोगिंदर सिंघ नें कुझ्झ करना है भावें नहीं, बुध्ध सिंघ नें फ़ीस देणी ही देणी है। उह आखदा हुंदा सी कईआं केसां विच्च पुलिस लख्ख-लख्ख रुपिआ खा जांदी है। कदे पल्ले तों दे देणगे तां किहड़ा मलंग हो जाणगे। उह आपे मुनशी तों लै लएगा।

बुध्ध सिंघ नूं याद कर के जोगिंदर रोण-हाका हो गिआ। की पता सी जोगिंदर दे मनहूस हत्थ कदे उसे दा पेट चीरन लई चल्लणगे।

उह पींदा बहुत सी। कई वार जोगिंदर नें वी समझाइआ सी, बहुती नां पीआ करे, पर मां दा शेर किसे दी नहीं सी सुणदा। पीण लग्गदा तां हफ़ता-हफ़ता पींदा रहिंदा। सड़कां ’ते लिटदा रहिंदा।

मोटर साईकल लिआ तां सभ नें वरजिआ। इह तां उस दी मौत दा गाला सी। इनफीलड तां सोफ़ी बंदे तों नहीं संभलदा, उह तां सारा दिन शराबी रहिण वाला सी।

आख़िर उहो होइआ। महीने कु बाअद ही उह चित्त हो गिआ। मरिआ वी कुत्तिआं वाली मौत। शराबी होए नूं पता नां लग्गा कि अग्गे कस्सी दी पुली है। कस्सी ’च गिरदिआं ही घंडी टुट्ट गई। मोटर-साईकल नूं अग्ग लग्ग गई। किसे तों लाश पछाणी वी नां गई। डरदिआं किसे नें थाणे वी इतलाह नां दित्ती। सारी रात कस्सी ’च पिआ सड़दा रिहा।

सवेरे पता लग्गा, उह शराब दी केनी लैण पिंड चाउके गिआ सी। रज्ज के पीती, बाकी डिघ्घी विच्च रख्ख लई।

अफ़सरां नें रहिम कीता। मरिआ उह तपे थाणे दी हदूद विच्च सी। इस तरहां काग़ज़ पत्तर भरे गए तां उस दे वारिसां नूं धेला नहीं सी मिलणा। उस नूं किसे ढंग नाल डिऊटी ’ते दिखाउणा ज़रूरी सी।

सरकारी वकील दी राए नाल उस दी जेब विच्च बठिंडे ज़िल्हे दे संमन पाए गए। रोज़नामचा पाड़ के नवीं रिपोरट दरज कीती गई। उस नूं बठिंडे वल्ल गिआ दिखाइआ गिआ।

बाकी कंम जोगिंदर दे रहिमो-करम ’ते सी। जे पोसट मारटम विच्च शराब आ गई तां अफ़सरां दी कीती-कराई खूह विच्च पै जाणी सी। शराबी बंदे नूं महिकमा की लई बैठा सी? डाकटर हर तरहां दी मदद लई तिआर सी, बस्स जोगिंदर दी हां चाहीदी सी।

जोगिंदर भज्जण वाला थोहड़ा सी। इस हौलदार लई तां उह कुझ्झ वी कर सकदा सी। बुध्ध सिंघ दे सरीर ’ते छुरी चलाउंदे जोगिंदर नूं इउं लग्गदा सी जिवें उह आपणे पुत्त दा पेट कट्ट रिहा होवे। कई वार इउं झउले पए, जिवें बुध्ध सिंघ उठ्ठेगा अते आखेगा, ‘बाई हौली )’ पर मुरदे कदे उठ्ठे नें? जोगिंदर दे ज़ालम हत्थ बुध्ध सिंघ दे टुकड़े-टुकड़े करदे रहे।

देण वाले तां जोगिंदर नूं बुध्ध सिंघ दे पोसट मारटम दी फ़ीस वी दे गए सन। उस नें बथेरे तरले लए। उह बुध्ध सिंघ दे बच्चिआं नूं कुझ्झ दे तां नहीं सकदा पर लवे तां नां, पर पुलिस वाले नां मंने। जे जोगिंदर सिंघ नें बुध्ध सिंघ दे बच्चिआं दे मूंह रोटी पाणी सी तां उहनां दी यूनीअन दी पंजाह रुपए नाल टंग थोहड़ा टुट्ट जाणी सी।

इह सन कि जोगिंदर दी फ़ीस दी परवाह ही नहीं सन कर रहे।

जे इहनां नूं कोई परवाह नहीं तां घट्ट जोगिंदर वी नहीं। उह वी मजहबी दा पुत्त है। मजहबी दी आकड़ सारे मशहूर है। इक्क वार उह आकड़ गिआ तां पंज सौ ’ते वी नहीं मंनणा। डाकटर आप भावें चीर-फाड़ कर लए। डाकटर जोगिंदर तों बाहर हो के चल्लिआ तां उस नें वी डाकटर दा बाईकाट कर देणा है। अग्गे तों उह पाणी ’च सड़ीआं अते अग्ग ’च झुलसीआं लाशां दी चीर-फाड़ डाकटर नूं कोल खड़ा हो के करिआ करेगा। अध्धा मील दूर बैठे कोल विसरे लिजा-लिजा नहीं रख्खेगा।

जोगिंदर दा कोई होर वस्स नां ही चल्लिआ तां उस कामरेड वरगी तां करेगा ही, जिहड़ा ऐकसीडैंट विच्च मर गिआ सी। जदों जोगिंदर नें फ़ीस दा इशारा कीता, उस दे साथीआं नें चुप्प कर के नाहरे मारने शुरू कर दित्ते। जिवें विरोध करन लई कोई सरमाएदार उहनां नूं लभ्भा ही नहीं सी। ग़रीब जोगिंदर ही लभ्भा सी, गंदगी ’चों रोटी कमा के ढिड्ड भरन वाला।

जोगिंदर नूं मजबूरी विच्च चीर-फाड़ तां करनी पई सी पर उस नें कामरेडां नूं नानी याद करा दित्ती सी।

जोगिंदर नें कामरेड दा पेट तां चीरना ही सी, उस दीआं लत्तां बाहां दे जोड़ वी ढिल्ले कर दित्ते। आंतड़ीआं दी थां तूड़ी भर के पेट नूं चंगी तरहां सीऊण दी थां कच्चे सड़ोपे ही मारे।

टराली ’च रख्खदिआं ही लाश खख्खड़ी-खख्खड़ी हो गई। लत्त किते, बांह किते अते धड़ किते। फेर उहनां नूं जोगिंदर दी अहिमीअत दा पता लग्गा। सारे रसमो-रिवाज विचे छड्ड के उहनां नूं लाश समेटण दी पै गई। कामरेड नूं गठ्ठड़ी वांग बंनह के शमशान लिजांदे साथीआं नूं देख के जोगिंदर दे कालजे ठंड पई सी। देखे जोगिंदर दे हत्थ।

लाला जी नूं वी इहो करामात दिखाणी पएगी।

इक्क सिपाही नें जोगिंदर नूं दस्सिआ कि डाकटर नें मुरारी नूं बुला के जोगिंदर नूं मनाउण दा इशारा कीता सी।

मुरारी डाकटर दे नज़दीकीआं विचों इक्क सी। उस दा हसपताल बहुत आउण जाण सी। होर काहदी लिहाज़ सी? डाकटर दा दलाल सी। उस नूं केस लिआ-लिआ दिंदा सी। कोई चंगी मुरगी फस जांदी तां हिस्सा लै जांदा सी। पैग्ग मुफ़त ’च ला जांदा। नरसां नाल हासा-ठठ्ठा बोनस विच्च।

जोगिंदर उहनां दी ख़ूब सेवा करदा सी। जदों उह अते डाकटर विसकी पी रहे हुंदे, उह बाहर बैठा पहिरा दिंदा रहिंदा। कदे भज्ज के मुरगा फड़ लिआइआ कदे सिगरटां दी डब्बी अते कदे विसकी दी बोतल। जोगिंदर नूं पूरी आस सी। मुरारी जोगिंदर नूं फ़ीस दिवा देवेगा।

जोगिंदर नूं की पता सी कि उह उच्ची दंदवीड़ वाला, पीले दंदां नूं कढ्ढणा जोगिंदर नूं रिशवतख़ोर आख के भंडण लग्गेगा।

“रिशवत दी वी कोई हद्द हुंदी है। इह तां मुरदे तों खफ्फण लाहुण वाली गल्ल है।” उहदी चिड़-चिड़ सुण के डाकटर नूं वी धरती ’च धसण लई थां नां लभ्भी। डाकटर रोण-हाका हो के चुप्प कर गिआ।

जोगिंदर दा दिल कर रिहा सी, उह मुरारी दे बच्चे नूं गिच्ची तों फड़ के पुछ्छे कि उह किधरला भलामाणस है? जदों दी माल-गुदाम दे नाल लग्गदी बसती विच्च चक्की लाई है, उह माला-माल हो गिआ है। विचारे सांसी बिहारी अते तामिल, लेबर दे डंडे खा-खा मसां चार सेर दाणे इकठ्ठे करदे हन। इह भोअ दे भाअ कणक ख़रीद के आटा तिंन रुपए किल्लो वेचदा है। ऐफ़.सी.आई.वालिआं तों लै के टरक्कां वालिआं तक सभ चोरी दी कणक उसे नूं वेचदे हन। इक्क-दो वार फड़िआ वी गिऐ। डाकटर नूं विच्च पा के पुलिस तों केस रफ़ा-दफ़ा करा दित्ते। उह हेराफेरी नहीं हुंदी? रिशवतख़ोरी नहीं? मक्की दे आटे विच्च कणक दा, वेसण ’च मक्की दा आटा रलाउणा जुरम नहीं? जदों सुक्कीआं मिरचां ’च मरे होए चूहिआं दीआं हड्डीआं ही पीह दिंदै, उदों उस नूं खफ्फण याद नहीं आउंदै? कोई नहीं। कदे मुरारी दे किसे रिशतेदार नूं डैड्ड हाऊस देखणा पिआ तां जोगिंदर दस्सेगा कि रिशवतख़ोरी की हुंदी है?

बिनां किसे कारन तों पोसट मारटम लई हुंदी देर तों सारे घबरा गए सन। डैड्ड हाऊस दे आले-दुआले हज़ारां दी गिणती विच्च लोक इकठ्ठे हो गए सन। कई छोटे वड्डे बांदरां वांग कंधां ’ते चहड़ के बैठ गए। इक्क चक्कर डिपटी वी मार गिआ सी।

भीड़ बेचैन हुंदी जा रही सी। किसे वी समें डाकटर दे ख़िलाफ़ नाहरेबाज़ी हो सकदी सी।

ढलदी शाम नूं देख के लाला जी नें पहिलां प्रोगराम बदल दित्ता सी। पहिलां उहनां सोचिआ सी, कुझ्झ देर लई लाश गीता भवन विच्च रख्ख दित्ती जाएगी। लोक शरधांजली भेट कर सकणगे। घर दीआ औरतां नूं वी उथे ही जाण लई आखिआ गिआ सी।

कुवेला होण कारन हुण इह संभव नहीं सी। इक्क घंटा बाकी सी सूरज असत होण विच्च। घंटे दे अंदर-अंदर संसकार नां कीता गिआ तां संसकार अगले दिन ’ते पाउणा पैणा सी। इह असंभव सी। बच्चा पता नहीं कदों दा मरिआ होइआ सी। रात भर विच्च देह फिट्ट सकदी सी। बंटी दी मां कांता दा वी बुरा हाल सी। उस नूं मिंट-मिंट बाअद दंदल पै रही सी। जिंनी जलदी हो सके, बंटी दी मिट्टी समेटी जाणी चाहीदी सी।

इह तां ही संभव सी जे पोसटमारटम कर के लाश उहनां दे हवाले कीती जावे। डाकटर मूंह-चुक्की बैठा सी। जमांदार झोटे नाल चंबड़िआ खड़ा सी। किसे नूं वी इस पहेली दी समझ नहीं सी आ रही।

किसे पासिउं बाबू जी दे उथे आ पुज्जण नाल भीड़ विच्च नवीं रूह फूकी गई।

आपणी आदत अनुसार आउंदे ही उह धाहां मार के लाला जी दे गल चिंबड़ गए। हाले तक लाला जी सबर दा घुट्ट भरी बैठे सन। अफ़सोस करन आए हर हमदरद दी पिठ्ठ थापड़ के उह भाणा मंनण दा उपदेश दिंदे सन। बाबू जी दीआं धाहां नें उहनां नूं वी बेकाबू कर दित्ता। लाला जी दीआ अख्खां विचों वी गंगा जमना वहि तुरीआं।

पहिलां लाला जी बाबू जी नूं दिलासा दे रहे सन। फेर आपे तों बाहर होए लाला जी नूं बाबू जी समझाउण लग्गे। शहिर दे दोहां पतवंतिआं दे रुदन नूं देख के सारी भीड़ दीआं अख्खां सिंम आईआं। कुझ्झ कु हमदरद हउके भरन लग्गे।

जदों सभ कुझ्झ ठीक हो गिआ तां संघ वालिआं नें पोसट मारटम विच्च हो रही देरी लई बाबू जी कोल शिकाइत कीती। बाबू जी सिरकढ्ढ कांगरसी तां सन ही, नाल समाज सेवक वी सन। छोटे मज़दूर तों लै के वड्डे-वड्डे कारख़ानेदार सभ उहनां दे उपाशक सन। उह सभ दे दुख्ख-सुख विच्च शरीक हुंदे सन। विआह-शादी होवे जां मरन-जंमण, बाबू जी आपे हाज़र हो जांदे सन। लोड़ पैण ’ते वितों वध्ध मदद करदे सन। किधरे बाहर अंदर जाणा होवे तां इह वी नहीं पुछ्छदे कि किथे जाणा है? पैर जुत्ती पा के नाल तुर पैंदे हन। भावें तिंन दिन लई नाल लई फिरे। चुप्प कर के नाल घुंमदे रहिंदे।

डाकटर उहनां दी मोड़ नहीं सकदा। डाकटर विरुध्ध कारवाई तां संघ आप वी कर सकदा सी, पर इस भैड़े मौके उह नाअरेबाज़ी जां तकरार विच्च नहीं सी पैणा चाहुंदे। उह डाकटर नाल किसे होर समें निब्बड़नगे। इस समें बाबू जी मसला हल्ल करन।

बाबू जी नूं डाकटर वल्ल जांदा देख के जोगिंदर दा मत्था ठणकिआ। जे बाबू नें ज़ोर पा दित्ता तां जोगिंदर नूं हथिआर सुट्टणे ही पैणगे। डाकटर दे हुकमां दी तां उस नें कोई परवाह नहीं कीती पर बाबू दा हुकम टालणा मुशकल सी। बाबू दा उहनां दे परिवार ’ते बहुत वड्डा अहिसान सी।

जोगिंदर दा भणोईआ उन्नी सौ इकत्तर दी जंग विच्च शहीद हो गिआ सी। उस दी छोटी भैण भर जवानी विच्च विधवा हो गई सी। जोगिंदर होरीं पाग़लां वरगे हो गए सन। कुझ्झ नहीं सी सुझ्झ रिहा कि की कीता जावे। जवान भैण नूं, उस दे बच्चे नूं किहड़े खूह विच्च धक्का देवे? जोगिंदर दा तां आपणा डंग मसां टप्पदा सी।

बाबू जी नूं पता लग्गा तां भज्जे-भज्जे आए। आप ही अग्गे लग्ग के कुड़ी दा नां रुज़गार दफ़तर विच्च दरज करवाइआ। आपे कारड कढवा के तहिसील विच्च जमांदारनी लगा दित्ता। हुण मौजां करदी है। नांह-नांह करदी वी उपरली आमदन दे पंजाह रुपए रोज़ लै के घर वड़दी है। मुंडा वी तहिसील विच्च ही नौकर करा लिआ। उह उस तों वी वध्ध कमाउंदा है। जोगिंदर दा परिवार तां उठ्ठदे-बैठदे सारा दिन बाबू जी नूं असीसां दिंदा है। उह बाबू जी दी नहीं मोड़ सकेगा।

उहो होइआ, जिस दी जोगिंदर नूं तवक्को सी। डाकटर नें बाबू जी नूं इक्क पासे लिजा के सारा किस्सा समझाइआ।

बाबू जी संघ वालिआं नूं डाकटर कोल खड़ा के इकल्ले ही जोगिंदर वल्ल वधे।

शरमसार होए जोगिंदर नूं उहनां दे पैरीं हत्थ लाउणा वी भुल्ल गिआ।

बाबू जी जोगिंदर दा हत्थ फड़ के इक्क पासे लै गए। आपणी जेब विचों नोटां दा थब्बा कढ्ढ के किसे ख़ास नोट दी तलाश करन लग्गे।

“तुसीं इह की करदे हो?” जोगिंदर नूं लग्गा, बाबू जी उस नाल डाहडे नाराज़ सन। उस ’ते लाहनतां पा रहे सन।

जोगिंदर नूं लग्गा, उस दीआं दोवें गल्ल्हां ’ते थप्पड़ां दा मींह वरस रिहा सी। उस नूं नमक-हराम अते ग़दार दे ख़िताब मिल रहे सन।

नोट नूं परहां धक्कदा जोगिंदर सुसत चाल नाल डैड्ड हाऊस वल्ल वधण लग्गा।

बच्चे दे पेट ’ते छुरी चलाउंदे जोगिंदर नूं महिसूस हो रिहा सी जिवें बाबू उस दे भुख्खे बच्चिआं दे पेट ’ते लत्त मार गिआ सी।

 

 

18

डी.आई.जी.निरभै सिंघ कई दिनां तों मानसिक तनाओ विच्च सी।

लोहे दा थण बणे डिपटी ते निरभै सिंघ नूं इक्क चहड़दी अते इक्क लहिंदी सी। बहुते दिन तां नहीं बीते जदों इहो डिपटी दिन ’च वीह-वीह वार उस दे गोडीं हत्थ लाउंदा सी। कई सालां तों पुलिस लाईन विच्च खुड्डे लग्गा होइआ सी। जे निरभै सिंघ उस दी पोसटिंग लई पूरा सटैंड नां लैंदा तां उस नूं इस सब-डवीज़न ’ते तां किस नें लाउणा सी, किसे नें पी.ए.पी.दे वी दरशन नहीं सी कराउणे। शहिर दे दो-चार जथेदारां नाल यारी पा के उह डी.आई.जी.नूं टिच्च ही समझण लग्गा सी। नां सुनेहे ’ते आइआ, नां वाइरलैस्स करन ’ते। डिपटीआं दी मीटिंग रख्खी तां बहाना ला के टाल गिआ। शहिर विच्च हालात तनाओ-पूरन हन। किसे वी समें गड़बड़ हो सकदी सी। डिपटी दा शहिर विच्च हाज़र होणा बहुत ज़रूरी सी।

उलटा डी.आई.जी.दे बंदे धमका दित्ते। ‘दोबारा साहिब कोल गए तां सारे टब्बर नूं अंदर तुंन दिऊं।’

बंटी दे कतल दी ख़बर नाल डी.आई.जी.नूं काफ़ी राहत मिली। मौका वेखण दे बहाने उह शहिर जा सकेगा अते डिपटी दी खुंब ठप्प सकेगा। जे फेर वी काबू नां आइआ तां उस दी बदली दी सिफ़ारश कर के फाहा वढा सुट्टेगा।

कई मसले सी, जिहड़े उस नें डिपटी नाल नजिठ्ठणे सन।

पहिला राएसर वाली पंजाह किल्ले ज़मीन दा सी। उस नें साफ़-साफ़ डिपटी नूं आखिआ सी कि इस वार ज़मीन ’ते कबज़ा गरेवालां दा होणा चाहीदा है। उह इक्क केंदरी मंतरी दी चिठ्ठी लिआ के उस नूं मिले सन। डिपटी नूं चंगा-भला पता सी कि उस नूं शहिर दी इस सब-डवीज़न विच्च उसे मंतरी दी किरपा नाल लगवाइआ गिआ सी।

डी.आई.जी.नें गरेवालां नूं मशवरा दित्ता कि ज़मीन ’ते जे कोई कबज़ा करवा सकदा है तां उह नौनिहाल सिंघ जी है। उहनां डी.आई.जी.दे कहे अनुसार केंदरी मंतरी नूं जा आखिआ। मंतरी नें डी.आई.जी.नूं सिध्धा फ़ोन खड़काइआ। घंटे विच्च नौनिहाल सिंघ दे आरडर जारी हो गए। आपणा कंम कढा के गरेवालां तों मूंह लुको रिहा है।

इस वार तां गरेवालां नें वैसे ही लड़ाई दी जहड़ वढ्ढ दित्ती सी। उहनां बुढ्ढी तों बैनामा करवा लिआ सी। पहिलां बुढ्ढी नूं कोई पारटी चुक्क के लै जांदी सी अते कदे कोई। गरेवालां नूं कबज़ा दिवाउण विच्च कोई कानूंनी अड़चन नहीं सी रही।

गरेवाल कई वार उलांभा दे के गए सन। डिपटी दूजी पारटी नाल मिलिआ फिरदा है। सिध्धे मूंह उहनां नाल गल्ल नहीं करदा। जे गरेवाल कबज़ा नां लै सके तां डी.आई.जी.दा कई लख्ख दा नुकसान हो जाणा सी। पंजाहां विचों पंज किल्ले उस नूं मिलणे सन।

दूजा मसला खुड्डी वाले नंबरदार दा सी। उह कई दिनां तों निरभै सिंघ दी कोठी डेरा लाई बैठा सी। डिपटी नूं चंगा भला पता सी कि नंबरदार दे हत्थ बहुत लंबे हन। फेर वी उस नूं वंझ ’ते टंगी बैठा सी।

बहाना वधीआ है।

“डी.आई.जी.दा हुकम है। सारे पंजाब विच्च भुक्की बंद है। इसे सब-डवीज़न विच्च आम विकदी है। नाल लग्गदे ज़िल्हिआं दे कपतानां नें डी.जी.कोल शिकाइत कीती है। उहनां दी सख़ती दा कोई फ़ाइदा नहीं। अमली शहिर दे इलाके विचों भुक्की लै आउंदे हन। डी.जी.नें उहनां थाणेदारां दी लिसट भेजी है, जिनहां नूं नंबरदार दस हज़ार तों लै के पंजाह हज़ार रुपए तक महीना दिंदा है। डी.जी.दा ही हुकम है कि नंबरदार दे पिछ्छे किसे होर थाणे दा थाणेदार लाइआ जावे।

किसे करिंदे ’ते केस बणा दिंदा तां नंबरदार नूं फ़रक नहीं सी पैणा। नंबरदार दे ख़िलाफ़ परचा कट्ट देवे तां वी कोई हरज नहीं, पर उस नूं ग्रिफ़तार तां नां करे। पेशगी ज़मानत तां करा लैण देवे। उलटा उह सैशन जज्ज दे कंन विच्च वी फूक मार आइआ है। डरदे सैशन जज्ज नें ज़मानत रद्द कर दित्ती।

चलो इह वी कोई गल्ल नहीं। डिपटी नंबरदार दी पतनी अते धी नूं तां ज़लील नां करे। कई वार थाणे बुला के उहनां दी बेइज़्ज़ती कर चुक्का है। कार बेशक्क थाणे खहड़ाई रख्खे, पेटीआं-टरंक, टी.वी.अते गीजर थाणे चुक्क लिआउण दा की मतलब?

डी.आई.जी.नंबरदार नूं बथेरा समझाउंदा सी, हुण उह इह कंम छड्ड देवे। बथेरा पैसा कमा लिआ। उस कोल घट्टो-घट्ट करोड़ रुपए दी जाइदाद होएगी। साल विच्च पंज-चार कारां तां उह अफ़सरां नूं ख़रीद के दिंदा है। कई लख्ख रुपए छोटे मुलाज़मां ’च वंडदा है। नाले उह कमा किस लई रिहा है? इक्क धी है। उह वी पेटों नहीं फुट्ट सकी, बांझ है। सहुरिआं नें सारे इलाज करा के देख लए। पंजां सालां तों नंबरदार दे घर बैठी है। उहदे घर वाले नें होर विआह करा लिआ है।

नंबरदार दे अजिहा लहू मूंह लग्गा है कि हर वार उस कोल तोबा कर के जांदा है। जांदा ही फेर कंम शुरू कर लैंदा है। इस वार वी इहो आख रिहा है। इस वार खहिड़ा छुट्ट जाए, मुड़ कंम तों तोबा।

डी.आई.जी.वी चाहुंदा है कि नंबरदार नूं कचहिरी विच्च ज़लील नां होणा पए। उस दी नज़र नंबरदार दी घर बैठी कुड़ी ’ते सी। डी.आई.जी.दे नालाइक पुत्त दी वी आपणी पाहड़ी पतनी नाल नहीं सी बणदी। कई सालां तों पेकीं बैठी है। उस दा तलाक करा के उह नंबरदार नाल रिशतेदारी पाउण दा इछ्छुक सी। मुंडे कोल दो मुंडे सन। नंबरदार दी धी बच्चे नहीं वी जंमेगी तां वी कोई फ़रक नहीं सी। उस दे नालाइक पुत्त नूं एना पैसा मिल जाएगा कि भावें सारी उमर विहला बैठ के खांदा रहे।

डी.आई.जी.वी रिटाइरमैंट उडीकदा है। सारे दे साल रहिंदे हन। हुणे रिशतेदारी पा लई तां सारे सूबे विच्च बदनामी हो जाणी सी। नंबरदार नामी समग्गलरां विच्च आउंदा सी। इक्क वार उह रिटाइर हो गिआ तां उस नूं पुछ्छण वाला कोई नहीं रहिणा। गल्लीं-गल्लीं उस नें इह गल्ल नंबरदार दे कंनां थाणी कढ्ढ वी दित्ती सी। उह वी राज़ी सी।

नंबरदार इकल्ला अमीर ही नहीं, उस दीआं रिशतेदारीआं वड्डे-वड्डे थां हन। इक्क साली आई.ए.ऐस्स.है। नंबरदार दी डट के मदद करदी है। अध्धी रातीं जा के भावें ख़ाली काग़ज़ां ’ते दसतख़त करा लिआए। डिपटी नें जिहड़ा वी काग़ज़ टाईप करा के उस वल्ल भेजिआ, उसे ’ते दसतख़त हो के आ गए। बदलीआं-शदलीआं तां मामूली कंम है। उह तां खड़ी-खड़ी लख्खां दे फ़ाइदे कर दिंदी है। जदों उह टरांसपोरट सकत्तर सी तां निरभै सिंघ नें तिंन लंबे रूट परमिट लए सन। इक्क रूट दी बलैक पंजाह हज़ार रुपए है।

नंबरदार दा इक्क सांढू हाईकोरट दा जज्ज है। उह वी नंबरदार दी बाप वांग इज़्ज़त करदा है। वज़ीरां दा की है? कदे वज़ारत बण गई, कदे टुट्ट गई। जज्ज सदा- बहार वज़ीर हुंदे हन। छोटे-मोटे मैजिसटरेट जां सैशन जज्ज दी की मजाल है कि अख्ख चुक्क दे वी देख जाण। माड़े जिहे इशारे ’ते ही अगले मिसलां चुक्क के चंडीगहड़ आ धमकदे हन। जुडीशरी नें तां जज्जां तों डरना ही सी, दूजे अफ़सर वी नांह नहीं करदे। की पतै कदों किस दी हाईकोरट विच्च जान फस जाए?

निरभै सिंघ नें कपतानां दी पिछली मीटिंग विच्च संगरूर वाले कपतान दी काफ़ी खिचाई कीती सी। काफ़ी असर वी होइआ। उस नें समान वी वापस करवा दित्ता अते ज़नानीआं नूं थाणे बुलाउण तों वी वरज दित्ता। इकल्ली कार ही रहिंदी सी। उह वी इस लई कि इह केस विच्च पा दित्ती गई सी। होर मदद करन तों उह असमरत्थ सी। डिपटी नाल उस दी बहुती बणदी नहीं, सगों डिपटी तां आपणे आप नूं निरभै सिंघ दा बंदा ही आखदा सी। इसे लई कपतान उस दे ख़िलाफ़ कोई कारवाई नहीं सी करदा। हुण उहनां इशारा कीता है तां उह डिपटी नूं मांज देवेगा।

कांगरस दी वज़ारत हुंदी तां नंबरदार नें कदों दा डिपटी दा पत्ता कटा देणा सी। मुख्ख मंतरी उस दा विरोधी तां नहीं सी, पर कोई कंम वी नहीं सी करदा। नंबरदार शुरू तों ही कांगरस विच्च पैर धरदा सी। कांगरसीआं नाल ही उस दीआं रिशतेदारीआं सन।

ज़ोर इस वज़ारत विच्च वी बथेरा सी, पर छोटे वज़ीरां तक पहुंच सी। अजिहे मसले विच्च वज़ीर डी.जी.नूं फ़ोन करन तों झिजकदे सन। उह वज़ीरां नूं टिच्च समझदा सी। उस दा केंदर नाल सिध्धा संपरक सी। वज़ीर कई वार उस दे ख़िलाफ़ बोल चुक्के सन अते उस दी बदली दी मंग कर चुक्के सन। किसे दे कंन ’ते जूं नहीं सी सरकी। अजिहे भैड़े बंदे दा कोई वसाह नहीं वज़ीरां दे फ़ोन ही रिकारड कर लए। सिफ़ारशां दे हवाले दे-दे प्रैस नूं बिआन दाग़ देवे। उह कई वज़ीरां ’ते पहिलां ही दहिशतगरदां नाल संबंध रख्खण दे दोश ला चुक्का सी। फेर आखेगा उह समग्गलरां दी वी मदद करदे हन।

इसे लई नंबरदार अकल तों कंम लै रिहा सी।

सैशन जज्ज नें तां निभा दित्ती सी। पंदरां दिनां लई नंबरदार दी ग्रिफ़तारी ’ते पाबंदी ला दित्ती सी। थोहड़ी जिही पुलिस ढिल्ली पए तां उह पेशगी ज़मानत लैण लई तिआर सी।

डिपटी ग्रिफ़तारी ’ते ज़ोर ला रिहा सी।

नंबरदार डिपटी नूं मूंह-मंगे पैसे देण नूं तिआर सी। डिपटी डर गिआ सी। पैसे लैणों टल रिहा सी। उस नें विचोलिआं कोल इहो तौख़ला प्रगटाइआ सी कि नंबरदार रेड कराएगा जां शिकाइत कराएगा।

डिपटी दे ज़ोर पवाउण लई नंबरदार नें डी.आई.जी.दी कोठी डेरा लाइआ होइआ सी।

नंबरदार इको गल्ल चाहुंदा सी। सामान दी कोई परवाह नहीं। महीना दो महीने कंम वी बंद रख्खेगा। मुकद्दमा वी भुगत लएगा। थाणे हाज़र होण नूं वी तिआर है। नां मार-कुटाई होवे, नां लोकां साहमणे बेइज़्ज़ती। रात-बराते कचहिरी विच्च पेश कीता जावे। बिनां हत्थकड़ी लाए।

डिपटी सिध्धे राह नहीं सी आ रिहा। डी.आई.जी.अजिहे मौके दी तलाश विच्च सी जिस नाल उह डिपटी नूं सबक सिखा सके कि अफ़सर तां मिट्टी दा माण नहीं हुंदा, उह तां फिर धड़ल्लेदार डी.आई.जी.सी।

आख़र डी.आई.जी.नूं मौका लभ्भ ही गिआ सी।

बंटी दे कतल दी इतलाह मिलदिआं ही उस नें शहिर वाइरलैस्स करवा दित्ती। सवेरे उह मौका देखण आएगा। लोक-कचहिरी वी लग्गेगी। कई मीटिंगां होणगीआं। पबलिक दी अलग्ग, सिआसी नेतावां दी अलग्ग अते शहिरी पतवंतिआं दी अलग्ग।

हुण डिपटी ’ते हमला करन दी नंबरदार दी वारी सी। उस नें लोकां नूं बथेरा रुपिआ खवाइआ सी। हर पारटी दे नेता उस दी हाज़री भरदे हन। उह हर तबके विचले आपणे बंदिआं नूं हुशिआर करे। निरभै सिंघ कोल उस डिपटी ख़िलाफ़ झूठीआं सच्चीआं शिकाइतां करन।

डी.आई.जी.कोल डिपटी नूं धमकाउण लई कुझ्झ ही शिकाइतां काफ़ी सन। बाकी उह आपे देख लएगा।

नंबरदार नूं शहिर भेज के डी.आई.जी.शहिर दे टूर दीआं तिआरीआं करन लग्गा।

 

 

19

समां घट्ट होण कारन डी.आई.जी.दे दौरे दी ख़बर पिंड-पिंड नहीं सी पहुंचाई जा सकी। केवल शहिर विच्च ही ढंडोरा पिटाइआ गिआ सी। आम लोकां नूं बी.डी.ओ. दफ़तर अते पतवंते सज्जणां नूं रैसट हाऊस विखे इकठ्ठे होण लई आखिआ गिआ सी।

थाणे वाले चाहुंदे सन कि डी.आई.जी.पहिलां मौका देख लए। उथे बहुत सारे तमाशबीन इकठ्ठे होए-होए सन। अमन बहाल रख्खण लई अते अफ़सरां नूं किसे ख़तरे तों बचाई रख्खण लई उथे बहुत सारी फ़ोरस लाई गई सी। इक्क वार मौका देखण दा कंम मुक्क जाए तां उह फ़ोरस विहली हो सकदी सी। उसे फ़ोरस नूं पिछ्छों डी.आई.जी.दी सकिउरिटी लई वरतिआ जा सकदा सी।

डी.आई.जी.मौके ’ते जाण तों पहिलां कुझ्झ मीटिंगां कर लैणा चाहुंदा सी। उस नें आपणे ज़िहन विच्च इक्क योजना बणाई होई सी। उसे मुताबक चल्ल के उस दा इथे आउण दा मकसद हल्ल होणा सी।

बी.डी.ओ.दफ़तर विच्च लोक तां बथेरे सन। शिकाइतां वी धड़ा-धड़ कर रहे सन, पर जिहड़ी शिकाइत निरभै सिंघ सुणना चाहुंदा सी, उह किसे दे मूंहों वी नहीं सी निकल रही। कोई आपणे खुस्से कबज़े दे रोणे रो रिहा सी, कोई किसे वल्लों दब्बे पैसिआं दे अते कोई ढाहे गए खाल दे। कोई टावां-टल्ला पुलिस ख़िलाफ़ वी बोलदा सी। फलाणे हौलदार नें नाले उस नूं कुट्टिआ, नाले उस दी घड़ी लाह लई। फलाणे सिपाही नें उस नूं तां दो दिन थाणे बिठाई रख्खिआ, पिछ्छों दूजी पारटी नें उस दी जगहा ’च कंध कढ्ढ लई। निराश होइआ डी.आई.जी.शिकाइतां नोट करदा रिहा।

लोक पुलिस दे ख़िलाफ़ खुल्ल्ह के किउं नहीं बोलदे? इस दा कारन उस नूं सिरां ’ते खड़ी पुलसीआं दी डार नज़र आई। किस दा सिर भविआं है कि कोल खड़े पुलसीए दे ख़िलाफ़ ही शिकाइत कर देवे। डी.आई.जी.नें तां तुर जाणा है। पिछ्छों अगले नें शिकाइती दे हड्डां विच्च राध पा देणी है। आप कुझ्झ नां कीता तां आपणे किसे चमचे तों छित्तर लगवा देणे नें। शिकाइत करके सगों लैणे दे देणे पै सकदे सन।

जदों निरभै सिंघ ऐस.ऐच.ओ.सी तां उह वी इस ही तरहां करिआ करदा सी। अजिहे मौकिआं ’ते आपणे विरोधीआं नूं पहिलां ही बैरकां विच्च ताड़ दिआ करदा सी। इथे वी इंझ ही होइआ होणा है।

उस नें हाज़र सारे पुलिस मुलाज़मां नूं मीटिंग विचों बाहर भेज दित्ता। पल्ले फेर वी कुझ्झ नां पिआ। इह तां हो नहीं सकदा कि नंबरदार आपणे हक्क दा इक्क वी बंदा इथे नां भेज सकिआ होवे। डिपटी नूं सूह लग्ग गई होणी है। नंबरदार दे बंदे जां फड़ लए गए होणे हन जां डंडे मार-मार इथों भजा दित्ते होणगे।

निरभै सिंघ हिंमत हारन वाला नहीं सी। इस मीटिंग विचों कुझ्झ नां मिलिआ तां पतवंते सज्जणां विचों कुझ्झ ज़रूर मिल जाएगा। पतवंते तां डिपटी तों डरन नहीं लग्गे। डिपटी दा की है? अज्ज इथे तां कल्ल्ह उथे। नंबरदार नें तां हमेशा इथे ही रहिणा है। किसे नें गऊशाला लई चंदा लैणा हुंदा है, किसे नें डरामा कलब्ब लई अते किसे नें इलैकशन लई। उह नंबरदार नूं नाराज़ नहीं करनगे।

इकठ्ठ विचों कुझ्झ बंदे डी.आई.जी.नाल अलग्ग-अलग्ग गल्ल करना चाहुंदे सन।

डी.आई.जी.नूं आपणी ग़लती दा अहिसास होइआ। उस नूं तां आउंदे ही इह ऐलान कर देणा चाहीदा सी कि जे किसे नें गुपत मुख़बरी देणी है जां किसे पुलिस मुलाज़म दी शिकाइत करनी है तां उस नूं इकल्लिआं मिल सकदा है।

इकल्ले मिलण तों डिपटी नूं कदों इनकार सी? उह डैपूटेशन नूं दूजे कमरे विच्च लै गिआ। निरभै सिंघ नूं आस सी ज़रूर इह नंबरदार दे बंदे होणगे। इस वार उस नें रीडर नूं वी बाहर भेज दित्ता। शिकाइतां दे नोटिस लैण लई उस नें कापी पैनसल आप संभाल लई।

इह तां कामरेडां दा टोला सी। इह नंबरदार दी बोली नहीं सी बोल रहे। उस दे उलट बोल रहे सन। हौलदारां, सिपाहीआं तों लै के इंसपैकटर तक सभ ’ते दोश ला रहे सन। शहिर विच्च सट्टेबाज़ हन, रंडीआं हन अते जूआ घर हन। नाजाइज़ शराब विकदी है। अफ़ीम अते डोडिआं दे टरक्क आम आउंदे हन। शाम नूं अध्धी पुलिस सट्टेबाज़ां दे घर हुंदी है ते बाकी जूएबाज़ां दे। रंडीआं थाणे बैठीआं रहिंदीआं हन। थाणेदार बराबर कुरसी दिंदे हन। उहनां दी लोकां दे नुमाइंदिआं नालों वध्ध चल्लदी है। सभ तरहां दे नाजाइज़ धंदिआं विच्च पुलिस दा हिस्सा है। अफ़ीम, डोडे थाणिउं मुल्ल मिलदे हन। वीह बंदे इहनां नें वगारी बणा के थाणे रख्खे होए हन। आथण नूं उहनां नूं झोला डोडिआं दा दे दिंदे हन। सारा दिन उहनां तों इसे बदले कंम कराउंदे हन। पुलिस ख़ुद लोकां नूं नशिआं ’ते लाउण लग्गे तां जुरम कौण रोकेगा?

पुलिस हड़तालां विच्च दख़ल दिंदी है। धरना ला रहे मज़दूरां नूं चुक्क लिजांदी है। वड्डे-वड्डे जुरम ला के महीना-महीना उहनां दी ज़मानत नहीं होण दिंदी। इहनां कंमां विच्च सरमाएदारां तों नोट वसूल करदी है।

इक्क वड्डी सारी लिसट उहनां पहड़ के सुणाई, जिस विच्च दरज सी कि किस पुलसीए नें किस तों किंने पैसे लए।

उस विच्च सभ दे नां सी। इको नां नहीं सी जिस दी डी.आई.जी.नूं ज़रूरत सी। उस नूं महिसूस होइआ, इह टोला डिपटी दा भेजिआ होइआ है।

“तुसीं इह लिसट डिपटी नूं देणी सी ”

“उह किहड़ा भलामाणस है … उहनां दा वी गुरू है … उस कोल वी शिकाइतां कीतीआं सन। कदे कोई कारवाई नहीं होई … मुलाज़मां तों आपणा हिस्सा लै के चुप्प कर जांदे।”

“उस दे ख़िलाफ़ तुहाडे कोल कोई सबूत हन?”

“सबूत उह बाकी छड्डदा ही नहीं। उस दे दलाल वड्डे-वड्डे सेठ जां जगीरदार हन। उहनां तक साडे कामरेडां दी पहुंच नहीं … । अजिहे दल्ले किसे ख़िलाफ़ मूंह वी नहीं खोल्हदे। … सबूत किथों इकठ्ठे करीए?”

निरभै सिंघ नें कामरेडां नूं पूरी तसल्ली दिवाई। उह उहनां दीआं शिकाइतां ’ते पूरा ग़ौर करेगा। मुलाज़मां दीआं फीतीआं लाहेगा, डिसमिस करेगा। उह डी.आई.जी.नूं सहियोग देण। जे इहनां दे गुरू डिपटी ख़िलाफ़ ठोस सबूत मिल जाण तां छोटे मुलाज़मां दा आपे हौसला ढहि जाए। उह रिशवतख़ोरी नूं उपरों ख़तम करन दे हक्क विच्च सी।

इक्क संखेप जिहा भाशण झाड़ के कामरेडां नूं डिपटी ख़िलाफ़ सबूत इकठ्ठे करन दे आहर ला के डी.आई.जी.पतवंते सज्जणां दी मीटिंग लैण लई जीप विच्च जा बैठा।

रैसट हाऊस वल्ल जांदा डी.आई.जी.सोच रिहा सी कि नंबरदार डिपटी ख़िलाफ़ बंदे खड़े करन विच्च कामयाब नहीं हो सकिआ होणा। डिपटी आख़िर ते थाणिआं दा मालक है। अज्ज-कल्ल्ह पुलिस नूं पूरे अख़तिआर हन, जिस नूं मरज़ी दहिशतगरद आख के गोली मार दिओ। कोई बहुत वड्डे गुरदे वाला ही डिपटी दे ख़िलाफ़ बोल सकदा है, उह जिस नें आपणी जान तली ’ते धर लई होवे।

जिवें किसे ज़माने ’च कामरेड बसंत नें धरी सी। उस नें भरी महिफ़ल विच्च निरभै सिंघ ’ते दोश लाए सन अते उस दी बेइज़्ज़ती कीती सी।

उहनीं दिनीं निरभै सिंघ डिपटी सी अते नकसलबाड़ी लहिर ज़ोरां ’ते सी। बसंत थोहड़ा-थोहड़ा उहनां ’च पैर धरन लग्गा सी। पुलिस नें मूमां पिंड दे इक्क ख़तरनाक नकसलीए बेअंत नूं मारिआ सी। आई.जी.मौका देखण आइआ सी। सारिआं साहमणे बसंत डिपटी ख़िलाफ़ बकण लग्गा।

“थोडा इह डिपटी सारा दिन शराबी रहिंदा है। भावें इस वकत मुआइना करा के देख लओ, उह शराबी निकलेगा। नशे ’च धुत्त इस डिपटी नूं चंगे-माड़े दी पछाण नहीं रहिंदी। नौजवान मुंडिआं नूं पुलिस मुकाबले बणा-बणा ख़तम करन दे हुकम दिंदा रहिंदा है। बेअंत पुलिस मुकाबले विच्च नहीं मरिआ, उस नूं पहिलां फड़िआ गिआ, तसीहे दित्ते गए अते फेर मारिआ गिआ।”

उस वकत तां निरभै सिंघ नें चुप्प कर के आई.जी.दीआं झिड़कां खा लईआं, पर उस दे अंदर ओना चिर विश घुलदा रिहा, जिंना चिर बसंत नूं उस नें टिकाणे नां ला दित्ता।

निरभै सिंघ नें इलाके दे सारे बदमाशां, समगल्लरां अते थाणेदारां नूं हदाइत जारी कीती कि जिथे मिले गोली मार दिओ। कोई उनहां दी ‘वा वल्ल वी नहीं झाक सकदा।

डरदा जदों कोई वी उस नूं हत्थ नां पा सकिआ तां निरभै नूं ख़ूद ही हूला फक्कणा पिआ।

पंज-चार पुराणीआं मिसलां विच्च उस नूं मुजरम नामज़द कीता। नवें दरज हुंदे मुकद्दमिआं विच्च उस नूं मौके ’ते हाज़र दिखाइआ। भगौड़ा करार दे के सरकार तों उस दे सिर ’ते इनाम रखवा दित्ता।

ख़ूंख़ार नकसलीए दा बिंब बणा के बसंत नूं फड़िआ अते पुलिस मुकाबला बणा के फुंड दित्ता।

निरभै दी इस बहादरी दे किस्से अख़बारां विच्च छपे। माण-सनमान मिले। भावें उह दरजन डिपटीआं तों जूनीअर सी फेर वी उसे बहादरी दी बदौलत उस नूं डिपटी कनफ़रम कर दित्ता गिआ। उसे बहादरी दी बदौलत उह अज्ज डी.आई.जी.है। उस नाम दे मसां ऐस.पी.बण सके हन।

बसंत दे मरन नाल लोकां विच्च पुलिस दी अजिही दहिशत पई कि डिपटी दे ख़िलाफ़ तां किसे नें की बोलणा सी, कोई सिपाही दे ख़िलाफ़ वी साह नहीं सी कढ्ढदा।

नौनिहाल किहड़ा किसे तों घट्ट सी? उह वी किसे नूं कुसकण नहीं देवेगा। इस लई निरभै सिंघ नूं लग्गदा सी डिपटी नूं झाड़ां पाउण लई उस नूं ख़ुद ही कोई बहाना घड़ना पएगा।

पतवंते सज्जणां तों निरभै नूं कोई बहुती आस नहीं सी। उह तां किसे चपड़ासी तक दी शिकाइत नहीं करदे। डिपटी तां बहुत वड्डी पोसट है। मीटिंग विच्च आउण दा उहनां दा मकसद तां अफ़सरां नाल हत्थ मिलाउणा, जाण-पहिचाण काइम करना अते आपणे रुतबे दा दिखावा करना हुंदा है। नां पुलिस उहनां नूं नराज़ कर सकदी है, नां ही उह पुलिस नूं। पुलिस नें अचानक पईआं वगारां इहनां सिरों ही पूरीआं करनीआं हुंदीआं हन। कदे अफ़सरां नूं कणक भेजणी हुंदी है, कदे कार अते कदे विआह-शादी लई मुरग मुसल्लम। पतवंते सज्जण इहो जिहे कंम खिड़े-मत्थे करदे हन। कार वी दिंदे हन, डराईवर वी अते तेल वी। लोड़ पए तां रसते दा राशन-पाणी वी। कोई वड्डी वगार पै जाए तां किहड़ा पिठ्ठ दिखाउंदे हन। कई ऐसोसीएशनां बणा रख्खीआं हन। शैलरां वालिआं दी ऐसोसीएशन, कपाह दे कारख़ानेदारां दी ऐसोसीएशन अते लोहे वालिआं दी ऐसोसीएशन। हर संसथा कोल लख्खां ’च फंड पए हन। उथों पैसे भेज दिंदे हन।

पुलिस वी उहनां दे बथेरे बुत्ते सारदी है। महीने ’च इक्क गेड़ा कारख़ाने मारन नाल ही लेबर ’ते रोहब पिआ रहिंदा है। पुलिस अफ़सर नूं वी गेड़ा माड़ा नहीं रहिंदा। नाले बैठ के खाओ-पीओ, नाले आउंदे होए कोई नां कोई गिफ़ट लै आओ। लेबर ’ते डंडा परेड करन दी ज़रूरत तां कदे-कदे ही पैंदी है। लेबर डरी रहे, कारख़ानेदार इस नाल ही ख़ुश रहिंदे हन।

पतवंते तां अफ़सरां दी वध चहड़ के तारीफ़ ही करनगे। निरभै सिंघ अज्ज तारीफ़ सुणन दे मूड विच्च नहीं सी।

निरभै सिंघ नें आपणा सारा धिआन काजू बदामां वल्ल ही लाई रख्खिआ। उहनां दे मशवरे तां उहो घसे-पिटे सन।

उस दी आख़री उमीद युवा संघ सी।

संघ दा सारा नज़ला प्रीतम सिंघ ’ते झड़ रिहा सी। उह आख रहे सन कि प्रीतम कट्टड़ सिख्ख है। उह सिख्खां दी डट के हमाइत करदा है। हिंदूआं दी गल्ल ही नहीं सुणदा। जे गुरदुआरे दी तलाशी पहिले ही दिन कर लई जांदी तां इह नौबत नहीं सी आउणी। नाले कातल फड़े जाणे सन, नाले बंटी दी जान बच जाणी सी। प्रीतम ख़िलाफ़ सख़त कारवाई होणी चाहीदी सी।

“प्रीतम तां बड़ा होणहार पुलिस अफ़सर है। उह तां दहिशतगरदां दी हिट्ट लिसट ’ते है। जिहड़ा इस सारे पुआड़े दी जहड़ है, उस दी तुसीं शनाख़त ही नहीं कर सके। करो वी किस तरहां? उह है ही चलाक लूंबड़ी दी जात ’चों।” काग़ज़ पत्तर फरोलदे डी.आई.जी.नें आपणी कूटनीती दा पहिला बाण छड्डिआ।

“इह जिहड़ा तुहाडा डिपटी है, इहो है ज़हिर दी गंदल। इस दीआं सारीआं रिशतेदारीआं अंम्रितसर अते गुरदासपुर ज़िल्हे विच्च हन। इस दा इक्क भतीजा ‘बी’ श्रेणी दा दहिशतगरद है। इसे नें उस नूं बचा रख्खिआ है। सरकार कोल ख़ुफ़ीआ रिपोरट पुज्जी सी कि उह कई-कई दिन इस कोल रहि के जांदा है। इह डिपटी उस नूं शरन दिंदा है।”

निरभै सिंघ कोई वी कसर बाकी नहीं सी रहिण देणा चाहुंदा।

युवा संघ वालिआं दीआं अख्खां अग्गों जिवें हनेरा हट गिआ। उहनां दा गुस्सा इकदम असमान छूहण लग्गा।

“बिलकुल ठीक है, जदों दा इह आइआ है, नित्त नवीं वारदात हो जांदी है। पहिलां धनौले वाली सड़क ’ते उहनां दीशा मारिआ, फेर निरंकारी। पिछले बंद समें सी.आर.पी.तों गोली चलवा के दो हिंदू मरवा दित्ते। ज़रूर उस अतिवादी नें, इस दी शहि नाल इथे अड्डे बणा लए होणगे।” राम सरूप प्रधान पिछलीआं घटनावां नूं डिपटी नाल जोड़न लग्गा।

“जदों कातलां नूं डिपटी दी शहि सी तां उह फड़े किथों जांदे। असीं अज्ज ही सरदार जी (मुख्ख मंतरी) नाल गल्ल करदे हां। उस दा इथों फाहा वढाउंदे हां।” दरशन मेज ’ते मुक्कीआं मार-मार डी.आई.जी.नाल सहिमती प्रगटाउण लग्गा।

“सिआणे बंदे नूं तां इशारा ही काफ़ी हुंदा है। तुसीं मेरी मदद करो। मैं इकल्ला ही इस नूं नौकरीउं कढा दिआंगा। मुख्ख मंतरी जी तक जाण दी लोड़ नहीं पैणी।”

“सानूं हुकम करो, असीं हर तरहां तुहाडे नाल हां।” जोश ’च आए संघ वाले डी.आई.जी.दे इशारे ’ते कुझ्झ वी करन लई तिआर सन।

“हाल दी घड़ी तुसीं छोटा जिहा कंम करना है, मौके ’ते पुज्जो। जदों मैं उथे पुज्जां तुसीं डिपटी ख़िलाफ़ नाअरे मारने शुरू कर दिओ। बाकी मैं आपे संभाल लवांगा।”

‘ठीक है, नाअरे तां जे तुसीं आखो तां हुणे मार दिंदे हां।”

“नहीं, फेर तां उह समझेगा डी.आई.जी.नें तुहानूं चुक्क ‘ता। मैं सटाफ़ नाल मीटिंग कर लवां। पंजां मिंटां विच्च उथे पुज्ज जावांगा। बस्स तुसीं तिआर रहो। आपणी सारी ताकत ला दिओ। सारे वरकरां नूं उथे इकठ्ठे करो।” निरभै सिंघ नें ख़ुशी-ख़ुशी संघ नूं विदा कीता।

डिपटी दी लाह-पाह करन लई हुण निरभै सिंघ कोल काफ़ी मसाला सी।

मीटिंग तनाअ-पूरन माहौल विच्च शुरू होई। हर अफ़सर डरिआ होइआ सी।  डी.आई.जी.नें इकल्ले बहि के लोकां तों शिकाइतां सुणीआं सन। लोकां नें पता नहीं थाणेदारां विरुध्ध की कुझ्झ आखिआ होणै? सभ नूं आपणा-आपणा पाला मार रिहा सी।

आम होण वालीआं मीटिंगां वांग डी.आई.जी.नें पहिलां थाणिआं दे अंकड़िआं ’ते झात मारी। बुलाइआ तां छे ऐस.ऐच.ओज़ नूं गिआ सी। पुछ्छ-पड़ताल केवल शहिर दे थाणे दी होई।

भठ्ठीआं दी गिणती पिछले साल नालों कई गुणा घट्ट सी। पसतौल ज़िआदा फड़े गए सन। कतल वी कुझ्झ ज़िआदा ही होए सन। चोरीआं तां घट्ट सन, पर खोहां वध्ध गईआं सन। अफ़ीम, डोडे किधरे नज़र नहीं सी आ रहे। सट्टा जूटा पहिलां नालों तेज़ सी। आवारागरदी वी पहिलां नालों वध्ध सी।

“लोक तां शिकाइतां करदे हन कि इथे टरक्कां दे टरक्क डोडिआं दे आउंदे हन। अंकड़े दस्सदे हन कि इथे अमलीआं दा नां-निशान वी नहीं। इह की माजरा है?” डी.आई.जी.दा पहिला सवाल सी।

“लोकां नूं ऐवें शिकाइतां करन दी आदत है जनाब। डिपटी साहिब नें समग्गलरां नूं अजिहा फैंटा चाहड़िऐ, बई उहनां दीआं कई पुशतां इस इलाके विच्च नहीं वड़न लग्गीआं। जदों दा नवां कानूंन बणिऐ अमलीआं अते छोटे समग्गलरां नूं तां उंझ ही नानी याद आ गई है।” इह ऐस.ऐच.ओ.प्रीतम सिंघ दा उत्तर सी।

“समग्गलर तां भजा दित्ते, पर आह जूए-सट्टे वाले नहीं संभलदे सोथों? जिवें किते इह वड्डे पहिलवान होण? जे तुसीं इहनां दा कुझ्झ नहीं विगाड़ सकदे तां दहिशतगरदां दा की करोगे?”

“जूआ खेडदा कोई नी जी इथे। उह तां जज्ज साहिब नें आखिआ सी कि जे इस महीने पिछले साल जिंने मुकद्दमे पेश नां कीते तां इक्क अदालत टुट्ट जाएगी। अदालत बचाउण लई केस बणाए गए सी सर। सारे मुजरम इकबाल कर गए।” नवें आए सिटी इंचारज नें सपश्शटीकरन दित्ता।

“बैठ जा, बैठ जा। मैनूं सभ पता जिहड़ा तुसीं गंद पाइआ होइऐ। चलो इह पिछ्छों देखदे हां। पहिलां बंटी दी गल्ल करो। इस केस बारे डिपटी साहिब ज़रा तुसीं चानणा पाओ।” डिपटी नूं बोलण लई आखदा डी.आई.जी.कुझ्झ सख़त हो गिआ सी।

डी.आई.जी.वल्लों अचानक होए हमले नाल डिपटी घबरा गिआ। उस नूं उमीद नहीं सी कि डिपटी तों वी प्रशन पुछ्छे जाणगे। भवंतरिआ डिपटी डाइरी दे वरके फोलण लग्गा।

“ज़रा जलदी कर … मैं मौका देखण वी जाणै। सिआणा अफ़सर सारीआं गल्लां टिपस ’ते रख्खदै।” डिपटी नूं घबराइआ देख के, उस दा चंगी तरहां जलूस कढ्ढण लई निरभै सिंघ नें पैरां हेठ अग्ग मचा दित्ती।

“हाल तक तां कोई सुराग नहीं मिलिआ सर? इक्क रिकशे वाला अते इक्क चपड़ासी फ़रार हन। उहनां दी ग्रिफ़तारी तों शाइद कोई सुराग मिल सके।” बच्चिआं वांग बहाने घड़दा डिपटी खहिड़ा छुडाउण लग्गा।

“उहनां दोहां नूं फड़न लई की यतन कीते नें तूं?”

डिपटी चुप्प सी। कुझ्झ कीता होवे तां दस्से।

“जे सुराग कढ्ढण दी कोशिश कीती होवे तां ही सुराग मिले। जनाब दा ज़ोर तां इस बहाने मनथलीआं इकठ्ठीआं करन ’ते लग्गा होइऐ। सारा शहिर तेरे ’ते शक्क कर रिहै, कहिंदे नें तेरी नालाइकी करके बच्चे दी मौत होई। उहनां नूं सभ पतै, तेरा कोई रिशतेदार ‘बी’ श्रेणी दा दहिशतगरद है। उह तेरे ख़िलाफ़ मुख्ख मंतरी नूं मिलण वाले हन।”

इहो जिही तां कोई गल्ल नहीं सर ) मैं तां पूरी वाह ला दित्ती।” डिपटी डी.आई.जी.दे सिध्धे इलज़ाम ’ते बौखला उेठिआ।

डिपटी समझ गिआ सी कि डी.आई.जी.किथों बोल रिहा है। उह चुप्प विच्च ही भली समझदा सी। नेड़े भविख्ख विच्च कातलां दे फड़े जाणा संभव नहीं सी। इस कतल दा नज़ला किसे नां किसे ’ते झड़ना ही सी। कोई वी बली दा बक्करा बण सकदा सी। उस नूं मसां-मसां इह इलाका मिलिआ सी। सच्च-मुच्च शहिर वालिआं नें मुख्ख मंतरी कोल उस दी शिकाइत कर दित्ती तां डिपटी नें खूंजे लग्ग जाणा सी। उह पहिलां ही मसां-मसां बचिआ सी। दुबारा मुख्ख मंतरी नहीं बख़शण लग्गा।

डिपटी डी.आई.जी.नाल विगाड़ लैण ’ते पछता रिहा सी। डी.आई.जी.आपणी रिपोरट विच्च जे अजिहा इलज़ाम ला देवे तां डिसमिसल दे आरडर मिलण लग्गिआं मिंट नहीं लग्गणा। पिछ्छों नां कोई अपील, नां दलील। उह निरभै सिंघ तों आपणी ग़लती दी मुआफ़ी मंगण लई तिलमिलाउण लग्गा।

“इक अफ़सर होण दे नाते मैं आपणा फ़रज़ निभा दित्ता है। अग्गे तूं जाण अते तेरा कंम। सी.ऐम.दा इलाका है। मैं कोई ज़ोख़म नहीं उठा सकदा। किसे नें लिखती शिकाइत कीती तां मैनूं कारवाई करनी ही पएगी।” आखदा निरभै सिंघ मौके ’ते जाण लई उठ्ठ खलोता।

डी.आई.जी.दे मौके ’ते पहुंचदिआं ही चारे दिशावां हरकत विच्च आ गईआं।

सुसत पै चुक्के सिपाहीआं नें मुड़ डिऊटीआं संभाल लईआं। कोई सठ्ठ-सत्तर सिपाही अते सी.आर.पी.दे जवान लोकां दी भीड़ नूं काबू करन लई जूझ रहे सन। कुझ्झ नें पोज़ीशनां लै के बंदूकां ताण रख्खीआं सन।

मनहूस कमरे तों भीड़ नूं अध्धा किल्लोमीटर दूर रख्खिआ जा रिहा सी।

उहो सिपाही जिहड़े कुझ्झ देर पहिलां घिओ-खिचड़ी होए भीड़ नाल गप्पां मार रहे सन, डी.आई.जी.दे आउंदिआं ही लोहे दे बण गए। उह लोकां नूं हुझ्झां मार-मार इउं पिछ्छे धक्कण लग्गे जिवें इहनां विचों किसे नें डी.आई.जी.नूं गोली मार देणी होवे।

गड्डीओं उतरदिआं ही तिंन-चार फ़ोटोग्राफ़र अते दस-बारां पत्तरकार डी.आई.जी.नाल जा रले। डी.आई.जी.नें उहनां वल्ल कोई धिआन नां दित्ता। उह पहिलां मौका देखेगा अते फेर कोई बिआन दे सकेगा।

इंसपैकटर डी.आई.जी.दी अगवाई कर रिहा सी। डिपटी उस दे बराबर सी। दोहां नूं सटेनगंनां नाल लैस सिपाहीआं नें घेरिआ होइआ सी। उहनां दे पिछ्छे शहिरीआं अते प्रैस वालिआं दा काफ़ला चल्ल रिहा सी।

घटना दी जाणकारी इंसपैकटर दे रिहा सी। डी.आई.जी.सारी गल्ल बड़े गहु नाल सुण रिहा सी।

लाश उस जगहा रख्खी मिली सी। मुजरमां दे दाख़ल होण दा इको रसता सी। उहनां दे किधरों आउण अते किधर जाण दी संभावना हो सकदी है। किथों-किथों हत्थां-पैरां दे निशान लए गए। दोशीआं दीआं पैड़ां किस-किस दिशा वल्ल गईआं। कुत्ते किथों तक दोशीआं दा पिछ्छा कर सके।

डी.आई.जी.हर गल्ल वल्ल धिआन दे रिहा सी। कई वार छोटे-छोटे सवाल वी पुछ्छ रिहा सी। मुजरम किंने हो सकदे हन? लाश किस वहीकल विच्च लिआंदी गई होऊ? लाश बाहर खेतां विच्च किउं नां सुट्टी गई? नेड़े लुक्कण दे किहड़े-किहड़े टिकाणे हो सकदे सन? हसपताल दे आले-दुआले किस तरहां दे लोक रहिंदे हन आदि।

डी.आई.जी.नें हसपताल वल्लों आउंदे अते बाहर जांदे हर रसते दा बड़ी बरीकी नाल मुआइना कीता। आले-दुआले वस्सदे घरां दीआं छत्तां दी परख कीती।

उह मौके दी जांच कर ही रहे सन कि दूर खड़े इक्क बच्चे अते उस दे दादे विचले सवाल-जवाब नें निरभै सिंघ दी इकागरता भंग कर दित्ती।

बच्चा पुछ्छ रिहा सी, “बाबा, उह कौण है, जिस नें आपणी पग्ग दुआले काला रिबन बंनहिआ होइआ है?”

“इहो पुलिस दा उह वड्डा अफ़सर है, जिहड़ा मौका देखण आइआ है।”

“उह वार-वार कमरे दे अंदर-बाहर किउं जांदा है? कदे उप्पर हेठां तक्कदा है। उह की कर रिहा है?”

“डरामा, लोक दिखावा। जिड्डा वड्डा अफ़सर है, ओना ही वधीआ ऐकटर। मौका देखण दा नाटक कर रिहा है। लोकां दीआं अख्खां विच्च घट्टा पा रिहै।”

बुढ्ढे दी गल्ल सुण के निरभै सिंघ दे सत्तीं कप्पड़ीं अग्ग लग्ग गई। उस दे मोढिआं `qy वड्डे अफ़सर दे बिल्ले नां लग्गे हुंदे तां उस नें कुट्ट-कुट्ट के बुढ्ढे दी जान कढ्ढ देणी सी।

निरभै नें कौड़ीआं अख्खां नाल बुढ्ढे वल्ल तक्किआ। उह बच्चे नूं लै के खिसक गिआ।

पुलिस ’च जिवें अणख ही नहीं रही। इक्क बुढ्ढा पुलिस ’ते विअंग कस्स रिहा सी अते कोल खड़ा सिपाही हिड़-हिड़ कर रिहा सी। उस दी थां निरभै सिंघ हुंदा तां पता नहीं की कुझ्झ कर बैठदा।

बुढ्ढे दे कटाख़श नें डी.आई.जी.दा मनोबल गेर दित्ता। उह इस नाटक नूं बहुती देर चालू नां रख्ख सकिआ। उस दी अंतर-आतमा जाग पई सी। उस नूं अहिसास होइआ कि जनता उस दे दिखावे नूं समझ रही सी।

उह बेसबरी नाल संघ दे नाहरे उडीकण लग्गा। इक्क-दो नाहरे वी वज्ज जाण, उह मौका विचे छड्ड के संघ वालिआं नाल मीटिंग लई रैसट हाऊस चला जावे।

इक्क नुक्कर दा मुआइना कराउण दे बहाने डिपटी उस नूं इक्क पासे लै तुरिआ।

“मैथों कोई गुसताख़ी हो गई जनाब ) मैं तां ताबेदार हां।” डिपटी निरभै सिंघ दे गोडिआं वल्ल झुकणा चाहुंदा सी। दूर खड़ी भीड़ तों झिजकदिआं उस नें केवल इस तरहां करन दा इशारा ही कीता।

“नहीं, गुसताख़ी तां मैथों हो गई, जिहड़ा तेरे वरगे नमक-हराम नूं इथे लगवा दित्ता।”

“किसे नें जनाब ते मन ’च ग़लतफ़हिमी पा दित्ती। मैनूं दस्सो मैं की ख़िदमत करां?” डिपटी पिघल के मोम हो चुक्का सी।

“मैं किसे दीआं गल्लां विच्च आउण वाला दुध्ध चुंघदा बच्चा हां?”

“फेर दस्सो वी?” दो-तिंन संघ दे वरकर उहनां वल्ल वध रहे सन। उहनां नूं पिछ्छे ही रुकण दा इशारा कर के डिपटी नें फेर तरला लिआ।

“लुट्टण नूं तैनूं नंबरदार ही लभ्भा सी? गरेवालां दा कबज़ा किउं नहीं हो रिहा? ढाई घर तां डैण वी छड्ड दिंदी ऐ।”

“उह तां … जी … “

“आख दे डी.जी.दा हुकम है। बड़ा वधीआ बहानै, पर पुराणा हो चुक्कै। इह असीं वीह साल पहिलां वरतदे हुंदे सी।”

“छड्डो सर ) जिवें आखोगे, उंझ ही करांगा।”

“नंबरदार जिवें आखदै, उसे तरहां कर। उह तेरा हक्क वी नहीं रख्खदा। गरेवालां दा कबज़ा कर के कल्ल्ह ही रिपोरट भेज।”

डिपटी तों मन-मरज़ी दीआं शरतां मंनवा के डी.आई.जी.नें संघ अते प्रैस वालिआं नूं कोल बुलाइआ। तफ़तीश संबंधी जाणकारी दिंदिआ उस नें बिआन दित्ता।

“मैनूं चल्ल रही तफ़तीश ’ते पूरी तसल्ली है। मुलज़मां दी शनाख़त हो चुक्की है। पुलिस पारटीआं उहनां दी ग्रिफ़तारी लई जा चुक्कीआं हन। किसे वी समें उह तुहाडे साहमणे खड़े कीते जा सकदे हन। मेरा वस्स चलदा तां मैं कातलां दे नां वी दस्स दिंदा, पर इस तरहां तफ़तीश नूं धक्का लग्गेगा।”

डिपटी दे भाशन नें सभ दे मन मोह लए। सभ दे चिहरिआं ’ते ख़ुशी टपक पई। इसे ख़ुशी विच्च संघ वाले डिपटी ख़िलाफ़ नाहरे मारने ही भुल्ल गए। डी.आई.जी.वी इहो चाहुंदा सी। उस दा डिपटी नाल राज़ीनामा हो चुक्का सी। नाहरे माहौल विगाड़ सकदे सन।

डिपटी तों गुस्सा लहि जाण करके डी.आई.जी.दी इकदम भुख्ख चमक पई। उस दा वफ़ादार इंसपैकटर काफ़ी देर तों ग़ाइब सी। उस नूं निरभै सिंघ दी पसंद दा इलम सी। ज़रूर चिल्ली चिकन दा प्रबंध करन गिआ होएगा।

लोकां नूं ख़ुश कर के निरभै सिंघ नें खाणे लई रैसट हाऊस दा रुख़ कीता। डिपटी नूं उस नें आपणी गड्डी विच्च ही बिठा लिआ। खुल्ल्ह के गल्लां करन दा इह वधीआ मौका सी। किसे चंगे मौके नूं हत्थों गवाउणा निरभै सिंघ दी आदत नहीं सी।

 

 

20

डी.आई.जी.दे लारे लोकां नूं बहुते दिन ख़ुश नां रख्ख सके।

बूझा सिंघ सी.आई.डी.वाले नें सारे पाज खोल्ह दित्ते।

“उह मौका देखण नहीं सी आइआ डिपटी नूं सिध्धा करन आइआ सी। आपणा उल्लू सिध्धा कर के तुर गिआ। देख लओ, उसे दिन दा नंबरदार पिंड बहड़कां मारदा फिरदै। गरेवालां नें ज़मीन ’ते कबज़ा कर लिऐ। बंटी दे कातलां दा पता टिकाणा नां उस दिन सी, नां हाले तक लग्गै। उह कोरा झूठ मार गिऐ।”

बूझा सिंघ दा परचार रंग लिआइआ सी।

बंटी दी मौत वाले दिन तों हड़ताल जारी सी। हड़ताल वी बेमिसाल सी। जदों दी पंजाब विच्च गड़बड़ होई है, हर तीसरे दिन हड़ताल हुंदी है। कदे सिख्खां वल्लों, कदे हिंदूआं वल्लों। सिख्खां वल्लों हड़ताल होवे तां हिंदू डरदे दुपहिर तक तां दुकानां बिलकुल नहीं खोल्हदे। दुपहिर तों बाअद पहिलां थोहड़ा जिहा दरवाज़ा खोल्हदे हन ते फेर हौली-हौली सारा। शाम तक बज़ार विच्च गहिमा-गहिमी होण लग्गदी है।

हड़ताल हिंदूआं वल्लों होवे तां माहौल तनाअ-पूरन बणिआ रहिंदा है। अध्धे सिख्ख तां दुकानां बंद करदे ही नहीं। उहनां दे बहाने कुझ्झ हिंदू वी दुकानां खोल्ह लैंदे हन। कुझ्झ कांगरसी होण दा पज्ज लाउंदे हन ते कुझ्झ कामरेड होण दा। उह आखदे हन, उहनां दा फ़िरकू पारटीआं जां उहनां दे प्रोगरामां नाल कोई संबंध नहीं। भारती जनता पारटी वाले जां फेर विउपार मंडल वाले लोकां तों दुकानां बंद कराउण लई इक्क गेड़ा मारदे हन, फेर घरो-घरी जा वड़दे हन।

इस वार हालात उलट सन। बंटी दे कतल दे सवाल नूं लै के होई हड़ताल कारन ढाबिआं तों लै के शराब दे ठेकिआं तक सभ दुकानां नूं जिंदे वज्जे होए सन। किसे राह जांदे नूं चाह दा कप्प तक नसीब नहीं सी हुंदा। किसे बीमार नूं हसपताल लिजाण लई रिकशा तक नहीं सी लभ्भदा। आख़िर विउपार लई वी तां सुख-शांती चाहीदी है। अजिहे रुख्खे दिनां विच्च कंम करन नूं किस दा दिल करदा है? हनेर-गरदी मच्ची पई सी। दिन-दिहाड़े बच्चे नूं अगवा कीता गिआ, पुलिस नें पूरा ज़ोर ला लिआ, उह शहिर विच्च बैठे होए वी उस दे हत्थ नां आए। धमकीआं दिंदे रहे, बच्चे नूं मार के भज्जण विच्च कामयाब हो गए।

अजिहे माहौल विच्च आम बंदे दा की वट्टीदा है? किंने ही वार लोकां तों सकूटर खोहे गए, कई वार बज़ारां विचलीआं बैंकां लुट्टीआं गईआं। मौके ’ते कदे कोई नहीं फड़िआ गिआ। लोकां दे दिल टुट्ट चुक्के सन। कंम ’ते आउण दी किसे दी रूह नहीं सी करदी।

इस मुकंमल हड़ताल लई बूझा सिंघ आपणे आप नूं शाबाश दे रिहा सी। इस दा मुढ्ढ उसे दे पैरों बझ्झा सी।

बूझा सिंघ दी सी.आई.डी.विचों निकलण दी पहिली चाल असफ़ल हो गई सी। तलाशीआं दौरान उस नें पंज केस बणाउण दी कोशिश कीती सी। पंजाब सटूडैंटस यूनीअन नें अजिहा सिआपा पाइआ कि शामू दे नाल-नाल बूझा सिंघ नूं बाकी सांसी वी छड्डणे पए। करफ़िऊ हुंदिआं होइआं वी यूनीअन नें पता नहीं किथों सूह कढ्ढी। ख़ान नूं झट्ट फ़ोन खड़का दित्ते। तरक्की दी थां बूझा सिंघ नूं मिलीआं ख़ान दीआं झिड़कां।

हड़ताल उस दी दूसरी चाल सी। उह विसथार नाल रिपोरटां भेज रिहा सी। घुंम-फिर के सारी गल्ल प्रीतम सिंघ सिर आ जांदी। बूझा सिंघ आपणीआं रिपोरटां नाल अफ़सरां नूं इह गल्ल जचाउण ’ते तुलिआ होइआ सी कि इस सारी बदअमनी दा इको कारन प्रीतम सिंघ ऐस.ऐच.ओ सी।

जिंनीआं वी ख़बरां छपदीआं, जिंनीआं रैलीआं हुंदीआं, सभ विच्च प्रीतम ’ते सिध्धे हमले हुंदे। उस वल्लों कीती जा रही कुरप्पशन दे कच्चे चिठ्ठे खोल्हे जांदे। बूझा सिंघ दी किरपा नाल उस दे पुलिस ’च भरती होण तों लै के अज्ज तक बणी लख्खां रुपए दी जाइदाद दे अंकड़े कई पोसटरां विच्च छप चुक्के सन।

किसे जथेदार राहीं मुख्ख मंतरी नूं भेजी आपणी ख़ुफ़ीआ रिपोरट चि बूझा सिंघ नें साफ़ लिखिआ सी कि लोक असल विच्च प्रीतम सिंघ दे ख़िलाफ़ हन, किउंकि उहनां दी प्रीतम नूं तबदील करन दी मंग नहीं मंनी जा रही, इस लई हुण लोक मुख्ख मंतरी दे ख़िलाफ़ हुंदे जा रहे हन। लोकां दा मत बणदा जा रिहा है कि इस गड़बड़ विच्च मुख्ख मंतरी वी हिस्सेदार है। की हो गिआ जो अज्ज उनां दी पारटी चोणां जित्त गई है। कल्ल्ह उह वी वख्खवादी नाअरे ही तां मार रहे सन। जे मुख्ख मंतरी नूं आपणे इलाके दे लोकां दा ही ख़िआल नहीं, उह सूबे दा की संवारेगा? उस नूं इक्क बेईमान थाणेदार नाल इंना मोह किउं है? मंतरी दी चुप्प सगों पुलिस नूं लुट्ट-खसुट्ट दी खुल्ल्ही छुटी दे रही सी।

लोकां दीआं मंगां जाइज़ सन। उह किसे पुलिस वाले नूं फाहे लाउण दी मंग तां नहीं कर रहे। इमानदार अफ़सरां दी मंग ही कर रहे हन। मुख्ख मंतरी नूं चाहीदा है, लोकां दा गुस्सा शांत करे।

इह शहिर ही है, जिहड़ा वोटां वेले मुख्ख मंतरी दे हक्क विच्च भुगतदा है। चोणां तों पहिलां लोक लख्ख सरदार जी नाल रुस्से होण, वोट पाउण वेले उह सरदार दे नरम सुभाअ ’ते ही धिजदे हन। विरोधी चाहे जिंने मरज़ी ब्राहमणवाद दे नाहरे लाउंदे रहिण, लोक सरदार जी नालों नहीं टुट्टदे। इस वार मामला नाज़ुक है। जे फौरी उहनां दीआं मंगां नां मंनीआं गईआं ता लोकां नें सरदार जी तों अजिहा मुख्ख मोड़ना है कि उहनां नूं होर हलका लभ्भणा पैणा है। इस वार पारलीमैंट दीआं चोणां समें उह लोकां दे गुस्से दा सुआद चक्क चुक्के हन।

मुख्ख मंतरी पता नहीं किहड़ी कुंभकरनी नींद सुत्ता होइआ है जां फेर उस नूं लोकां दे ग़ुस्से दी कोई परवाह नहीं सी जां फेर इस चुप्प विच्च वी कोई सिआसी चाल सी।

बूझा सिंघ नूं आपणी काहल सी। उस नें मुख्ख मंतरी दे सभ तों नज़दीकी जथेदार नूं शिंगार रख्खिआ सी। जिस दिन वी बदलीआं होईआं, मुख्ख मंतरी तों फ़ोन करा के ऐस.ऐच.ओ.लगवा देवेगा।

जथेदार तां आई.जी.कोल वी जा वज्जा सी। आई.जी.नें इको शरत रख्खी सी।

“पहिलां पंज-चार दहिशतगरद फड़ के मार। आउंदे दे ही आरडर कर दिआंगा।”

बूझा सिंघ इह करन लई तिआर नहीं सी। पहिलां इक्क मारिआ सी तां अज्ज तक ताब नहीं सी आइआ। अजिही नौकरी नालों तां इथे ही भला सी।

उंझ बूझा सिंघ सी.आई.डी.विच्च पहिलां जिंना औखा नहीं सी। इस कंम दा हुण उस नूं भुस्स पै गिआ सी।

जदों दी गड़बड़ शुरू होई है, सी.आई.डी.वालिआं दीआं वी मौजां हो गईआं हन। पहिलां तां सारा दिन चोरां वांग शैलरां, फूड सपलाई जां मारकफैड्ड वालिआं पिछ्छे फिरना पैंदा सी, कदों दो नंबर दे चौलां नाल भरिआ टरक्क गुदामों बाहर निकलदा है? कदे पी.डबलियू.डी.वालिआं पिछ्छे बंदे लाउणे पैंदे, कदे जंगलात वालिआं पिछ्छे। ‘मुलाज़म भाई, मुलाज़म भाई’ दा वासता पा के उह मसां ही दसौंध दिंदे सन।

इहनां दिनां विच्च उहनां पिछ्छे फिरन दी किस नूं विहल है? उस दा हौलदार बड़ा सिआणा है। उस दी सारी नौकरी सी.आई.डी.दी है अते उह वी इस इलाके दी। इथों दे बच्चे-बच्चे नूं जाणदा है। सिपाही वी पुराणे हन। उप्पर भेजण लईं आपे इतलाह इकठ्ठी कर लैंदे हन। कुझ्झ प्रैस-रिपोरटरां कोलों, कुझ्झ नेतावां कोलों अते कुझ्झ इधरों-उधरों। बाकी घड़ीआं-घड़ाईआं हुंदीआं हन। जिवें अत्तवाद बारे हर पंदरां दिनां बाअद इहो रिपोरट भेजणी हुंदी है कि इलाके विच्च कुझ्झ नवें अतिवादी प्रवेश कर गए हन। किसे वी समें माड़ी घटना वापर सकदी है जां अतिवादी इलाके विच्च आपणा विसथार कर रहे हन, नवें मुंडे भरती कर रहे हन। इलाके विच्च मारू हथिआर जमहां कीते जा रहे हन।

इह ख़बर उहनां आपणे अफ़सरां तों सिख्खी है। हर पंदरां अगसत अते छब्बी जनवरी नूं दिल्ली पुलिस अजिही ही ख़बर नशर करदी है ते पंज-चार मुंडिआं दीआं फ़ोटोआं छाप दिंदी है कि इह ख़तरनाक अतिवादी दिल्ली विच्च प्रवेश कर गए हन। कोई वी वारदात कर सकदे हन। उहनां दी सरकारी समागमां विच्च गड़बड़ करन दा योजना है आदि। जे दिल्ली वाले इंझ कर सकदे हन तां उेह किउं नहीं कर सकदे? लोकल पुलिस आपे टक्करां मारदी रहिंदी है।

शहिर विच्च हड़ताल होणी होवे तां वी रिपोरट तिआर है। उहो पहिलां वाले अख्खर, संघ वल्लों ख़ून-ख़राबे लई ज़ोरां-शोरां नाल तिआरी हो रही है। मंदर विच्च मीटिंगां हो रहीआं हन। कुझ्झ हथिआर अते बहुत सारीआं डांगां इकठ्ठीआं कीतीआं जा चुक्कीआं हन। दुकानां लुट्टण, अग्गज़नी तों लै के कतलां तक कुझ्झ वी हो सकदा है। बस्सां दा घिराओ कीता जाएगा, सरकारी मुलाज़मां नूं दफ़तर जाणों रोकिआ जाएगा आदि। इह रिपोरट वी उहनां उच्च अधिकारीआं वल्लों हर तिउहार ’ते जारी कीती जांदी रिपोरट दे आधार उप्पर ही तिआर कीती है।

हड़ताल अकालीआं वल्लों होवे तां कुझ्झ शबद बदलणे पैंदे हन। मंदर दी थां गुरदुआरा, डांगां दी थां किरपानां, बाकी उहो कुझ्झ।

कोई सरकारी जलसा होवे तां लोकां विच्च भारी उतशाह दी रिपोरट। कोई विरोधी पारटी दा जलसा होवे तां लोकां विच्च उदासीनता दी रिपोरट। हुकमरान पारटी दे जलसे विच्च इकठ्ठे होए लोकां दी गिणती दिंदिआं इक्क जां दो बिंदीआं होर ला दिओ। विरोधी पारटी दे इकठ्ठ नालों इक्क बिंदी खिसका दिओ। बस्स ) तुसीं इक्क कामयाब सूहीए बण गए।

अजिहीआं रिपोरटां तां हुण उस दे खब्बे हत्थ दी खेड सी।

उहनां दा ज़िआदा धिआन नवें पुंगरदे अतिवादीआं वल्ल रहिंदा सी। किसे मुंडे नें केसरी पग्ग बंनही नहीं कि उहनां आपणा जाल विछाइआ नहीं। इस कंम लई बूझा सिंघ दा तां बहुता दिमाग़ कंम नहीं करदा, पर उस दा सटाफ़ बहुत माहिर है।

उह दूजे-तीजे दिन कोई नां कोई शिकार फुंड लैंदे हन।

पहिले दिन सिपाही मुंडे दे मापिआं नूं मिलदा है। मुंडे दे बुरी संगत विच्च पै जाण दी सूचना दिंदा है। उस मीटिंग दी कारवाई पहड़ के सुणाउंदा है, जिहड़ी विचों मुंडा उठ्ठ के आइआ हुंदा है। बड़े सलीके नाल उह मापिआं नूं समझाउंदा है कि उह उहनां नूं आपणा समझ के सूचित करन आइआ है। हाले मौका संभालिआ जा सकदा है। उपरों चिठ्ठी आई है कि मुंडे दीआं गतीविधीआं ’ते निगाह रख्खी जावे। नाले उस दे चाल-चलन दी रिपोरट भेजी जावे। इक्क वार सी.आई.डी.वालिआं नें लिख दित्ता कि मुंडा अतिवादीआं नाल मिलदा-जुलदा है तां सिआपा खड़ा हो जाणा है। सिपाही कई-कई उदाहरणां दिंदा। किसे दे पुलिस मुकाबले विच्च मारे जाण दी, किसे दे बिनां मुकद्दमा जेल्ह ’च सड़दे रहिण दी। इक्क वार हिसटरी-शीट खुल्ल्ह जाण ’ते लग्ग जाण वाली कोहड़ दी बीमारी दी। फेर कतल चाहे दिल्ली होइआ होवे जां बंबई, अगलिआं झट्ट थाणे बुला लिआ करनै। कई-कई दिन थाणे बिठाई रख्खिआ करनै। हर वार पैसे दे के खहिड़ा छुट्टिआ करनै।

उह समझा-बुझा के मापिआं दा दिल हिला के आइआ ही हुंदा है कि बूझा सिंघ अध्धी रात नूं उहनां दे घर रेड कर दिंदा है। मुंडे तों सभ कुझ्झ मनवा के, मापिआं दीआं मिंनतां नूं मुख्ख रख्खदिआं उस नूं अगले दिन तक लई छड्ड आउंदा।

बाकी कंम सेवा सिंघ हौलदार करदा। उस नूं पता हुंदा सी, किसे दे किड्डी कु सिंगी लाउणी है।

अतिवादीआं विच्च नां आउण अते फेर कट्ट देण दा उहनां दा पूरा सीज़न लग्गा होइआ सी। फेर वी उह वज्जदे तां सी.आई.डी.वाले ही सन। उह सहूलतां तां नहीं सन, जिहड़ीआं थाणे वालिआं नूं हुंदीआं हन। इथे तां सिनेमा देखण वी जाणा होवे तां पहिलां मैनेजर नूं दस्सणा पैंदा है कि उह कौण है? बस्स ’च सफ़र करना होवे तां अडैंटी कारड दिखाउणा पैंदा है। थाणे लग्गा होवे तां अगले वरदी देख के ही डर जांदे हन।

थाणेदार नूं कोई वड्डा अफ़सर वी नहीं पुछ्छदा। कोई ज़माना सी जे थाणेदार दे हलके विच्च इक्क कतल वी हो जांदा तां अगले दी बदली हो जांदी। हुण तां भावें थाणे अग्गे फ़ाइरिंग कर जाए, कोई पुछ्छ-पड़ताल नहीं हुंदी। सी.आई.डी.नूं वखत ज़रूर पै जांदा है। उहनां पहिलां सूह किउं नां लाई? सी.आई.डी.सूह किथों लावे? इस महिकमे बारे कोई नहीं सोचदा। दहिशतगरदां कोल इनफीलड मोटर-साईकल हन। पुलिस कोल साईकल वी नहीं। मीटिंग लई उहनां नूं पंज सटार होटल मिल सकदे हन। सी.आई.डी.वाले ढाबे ’ते चाह दा कप्प नहीं पी सकदे। सी.आई.डी.वाले पिछ्छा किवें करन? कदे पैर हेठ बटेरा आ वी जावे तां पैसे पुलिस बणा लैंदी है। धमकीआं सी.आई.डी.वालिआं नूं।

इसे लई बूझा सिंघ नें असल कंम छड्ड के चार पैसे कमाउण वल्ल धिआन लाइआ होइआ है। चार पैसे कमाए हन तां ही जथेदारां नूं कारां विच्च ढोण दे काबल होइआ है। अज्ज कल्ल्ह जथेदारां नूं वी खंभ लग्ग गए हन। बिनां कार तों पुलांघ नहीं पुट्टदे।

उस लई कई जथेदार मुख्ख मंतरी नूं आख चुक्के सन, पर उस दे कंन ’ते जूं नहीं सी सरकी। उह हर वार आम तबादलिआं विच्च तबादला करन दा वाअदा कर के टाल दिंदा। इह गल्ल जथेदार उस नूं नहीं सी समझा सके कि पुलिस दे तबादले बारां महीने तीह दिन हुंदे रहिंदे हन। जनरल तबादले नहीं हुंदे।

मुख्ख मंतरी दा खहिड़ा छड्ड के बूझा सिंघ हड़तालां पिछ्छे पिआ होइआ सी। इह बेअरथ नहीं सन जाणीआं। बाहरले शहिरां विच्च इहनां दा असर दिखाई देण लग्गा सी। कई शहिरां विच्च इथों दे लोकां दीआं मंगां दी हमाइत विच्च हड़ताल हो चुक्की सी।

कल्ल्ह किसे अख़बार विच्च पंजाब बंद होण दा इशारा वी सी।

मसला जे पंजाब पध्धर ’ते पहुंचे तां मुख्ख मंतरी दीआं अख्खां खुल्ल्हण। उस दीआं अख्खां खुल्ल्हण तां पुलिस दे तबादले होण। पुलिस दे तबादले होण तां बूझा सिंघ दा दाअ लग्गे।

हाल दी घड़ी इह हवाई किल्हे ही सन। निराश बूझा सिंघ नूं कुझ्झ वी वापरदा नज़र नहीं सी आ रिहा।

 

 

21

आपणे हलके विच्च वापर रहीआं घटनावां ’ते मुख्ख मंतरी बराबर नज़र रख्ख रिहा सी।

हर शाम उह सी.आई.डी.दीआं रिपोरटां अते अख़बारां विच्च छपदीआं ख़बरां नूं घोखदै।

अख़बारां विच्च बंटी कांड बारे लिखिआ तां बहुत कुझ्झ गिआ सी, पर उह सी खेतरी भाशावां दे अख़बारां विच्च। इहनां अख़बारां नूं मुख्ख मंतरी जी बहुती अहिमीअत नहीं सन दिंदे। पहिला कारन तां इह सी कि इहनां दे हित्त किसे नां किसे तबके नाल जुड़े होए सन। इह हर घटना नूं उसे नज़रीए नाल देखदे सन। दूजा इह कि पाठकां दा घेरा सीमत होण करके हर ख़बर नूं लूण मिरच लाउणा इहनां दी मजबूरी है। इह अख़बार तां बात दा अजिहा बतंगड़ बणाउंदे हन कि पहड़न वाले दा सिर चकरा जांदा है। सुरख़ीआं पहड़ के लग्गेगा, सारा पंजाब जल रिहा है। हर हिंदू हर सिख्ख दा वैरी है। घरों बाहर निकलण नूं दिल नहीं करदा। लग्गेगा जे बाहर निकल गए तां गलीआं बज़ारां विच्च घेर लए जाओगे अते गोलीआं नाल भुंन दित्ते जाओगे। डरदे सफ़र नहीं करीदा। की पतै कदों कोई बस्स रोक लए। इक्क तबके दीआं सवारीआं नूं हेठां उतार के गोली मार दित्ती जावे।

घरों बाहर निकलो तां सथिती उलट नज़र आएगी। नां हिंदू दा सिख्ख वैरी है, नां सिख्ख दा हिंदू। उहो सांझ है, उहो इकठ्ठा खाण-पीण अते उहो सांझा सभिआचार।

इसे लई मुख्ख मंतरी नें इहनां अख़बारां दीआं रिपोरटां दे आधार ’ते दख़ल देणा ठीक नहीं सी समझिआ। किसे इंगलिश दे अख़बार नें नोटिस लिआ हुंदा तां उह वी समझदे कि मामला गंभीर है।

सी.आई.डी.दीआं रिपोरटां दी वी इहो हालत सी। इह तां हुण नां दा ही महिकमा रहि गिऐ। हर मुलाज़म नूं महिसूस हुंदा रहिंदा है जिवें उस नूं खूंजे लाउण लई ही सी.आई.डी.विच्च लाइआ गिआ है। सारा दिन इको तलब रहिंदी है। किवें इस महिकमे तों जान छुडाई जावे? कंम इहनां की सवाह करना है? सी.आई.डी.वालिआं विच्च मुख्ख मंतरी नूं नां असलीअत खोज लैण दी काबलीअत नज़र आउंदी है अते नां ही सच्ची रिपोरट देण दी हिंमत। बिनां मतलब झूठीआं रिपोरटां देई जाणगे।

“बहुत माड़ी घटना वापरन दी संभावना है। रात नूं चल्लदीआं बस्सां बंद करा दिओ। हथिआरां ’ते पाबंदी ला दिओ। दुकानां छे वजे बंद करा दिओ।”

जे मुख्ख मंतरी इहनां रिपोरटां नूं गंभीरता नाल लैण लग्गे तां शाम तक पाग़ल हो जावे। बहुतीआं रिपोरटां नूं तां मुख्ख मंतरी पाड़ के रद्दी दी टोकरी विच्च सुट्ट दिआ करदा सी।

पर जदों इलाके दे वरकर माड़ीआं ख़बरां सुणाउण लग्गे तां मुख्ख मंतरी नूं कुझ्झ सोचण लई मजबूर होणा पिआ।

सरकल जथेदार अजीब गल्ल दस्स रिहा सी। बाबू हत्थ धो के ही सरदार दे पिछ्छे पै गिआ लग्गदा सी। उह आखदा फिरदा सी कि इस कतल पिछ्छे सरदार दा सिध्धा हत्थ है। कारन किसे तों लुकिआ नहीं। इस वार चोणां विच्च लाला जी नें सरदार दा डट के विरोध कीता सी। सरकार दे हामी उसे दिन तों लाला जी नूं धमकीआं दिंदे आ रहे सन। सरदार नें इस विरोध दा बदला लैणा सी, सो लै लिआ। आपणे दोश दे हक्क विच्च उह दलील दिंदा है कि इसे लई मुख्ख मंतरी चुप्प धारी बैठा है। नहीं तां मुख्ख मंतरी दे हलके विच्च हाहाकार मच्ची होवे ते उह इलाके दा दौरा तां की करना सी, इक्क बिआन वी नां दागे? ज़रूर सरदार नें पुलिस नूं अख्खां मीची रख्खण दा इशारा कीता होणा है। इसे लई पुलिस लोकां नूं दिल खोल्ह के लुट्ट रही है। शहिर विच्च छाए मातम दा सरदार नूं कोई अफ़सोस नहीं। उह तां सगों ख़ुश हो रिहा होएगा।

बाबू तां बाबू, इस मसले नूं भारती जनता पारटी वी उछालणा चाहुंदी सी। अंदरे-अंदरी उह ‘पंजाब बंद’ लई यतन कर रही सी। अज्ज ‘पंजाब बंद’ तां कल्ल्ह नूं ‘भारत बंद’। मसला राशटरी पध्धर तक जा सकदा सी। विरोधी पारटीआं हमेशा अजिहे नुकते दी तलाश विच्च रहिंदीआं हन, जिस ’ते ऐजीटेशन कीती जा सके। हिंदूआं दी हमदरद अखवाउंदी भारती जनता पारटी नूं इस तों वधीआ होर किहड़ा मौका मिलेगा?

कतल नूं आपणे नां नाल जुड़दा देख के मुख्ख मंतरी नूं घबराहट होण लग्गी। उहनां नूं इलम सी कि उह पंजाब दी विगड़ी सथिती नूं केंदर सरकार दी इछ्छा अनसार नहीं सी संभाल सके। उहनां दे राज काल विच्च हालात होर ख़राब होए हन। इसे लई उहनां ’ते केंदर पहिलां जिंना मिहरबान नहीं सी। जदों केंदर नें किसे मुख्ख मंतरी तों खहिड़ा छुडाउणा होवे तां उस नूं किसे नां किसे सकैंडल विच्च फसा के पहिलां बदनाम कीता जांदा है अते फेर उस दा पत्ता कट्ट दित्ता जांदा है। हो सकदै बाबू इह प्रचार केंदर दे इशारे ’ते कर रिहा होवे? पाइल कतल कांड मुख्ख मंतरी दे साहमणे सी। सिआसी कतलां विच्च कई वार वड्डे-वड्डे बंदिआं नूं वी हवालात देखणी पै जांदी है। उह पेशे तों वकील सी। वकील दा मन कमज़ोर हुंदा है। मुख्ख मंतरी नूं लग्गण लग्गा, जिवें कोई गुपत संसथा जाण बुझ के उहनां ख़िलाफ़ ताणा-बाणा बुण रही सी। उह चुप्प रहि के ख़ुद वी बेवकूफ़ी कर रहे सन। उस नूं तां चाहीदा सी, पहिले दिनों ही इस कांड विरुध्ध आवाज़ बुलंद करे।

डुल्ल्हे बेरां दा हाले वी कुझ्झ नहीं सी विगड़िआ।

मुख्ख मंतरी नें सारे मसले नूं गंभीरता नाल सोचिआ। उस दी चुप्प दा असल कारन इह सी कि लाला जी दे घर जाण दी गल्ल तां दूर रही, उस दा तां शहिर वल्ल वी मूंह करन नूं दिल नहीं सी करदा। चोण जित्त के मुख्ख मंतरी नें इह ज़रूर आखिआ सी कि हुण उस दे विरोधी वी उस दे मित्तर ही हन, पर इह महिज़ इक्क सिआसी गल्ल सी। असलीअत इह सी कि उस दे दिल दे किसे कोने विच्च शहिरीआं प्रती नफ़रत भरी होई सी। लख्ख यतन करन ’ते वी उह लोड़ों वध्ध ही मिंनतां कराउंदे सन। उस दा शहिरीआं दा मेंगणां घोल के दुध्ध देणा पसंद नहीं सी।

हर इक्क इको मुद्दा लै के उह सरदार दा विरोध करन लग्गदे। सरदार फ़सली बटेरा है। चोण जित्त के चंडीगहड़ जा बैठदा है। वोटां वेले ही नज़र आउंदा है।

जित्त के गिआ सरदार लोकां नूं भुल्ल जांदा है। कोठी ’ते पहिरा ला दिंदा है। सिरकढ्ढ वरकर नूं वी मुलाकात करन तों पहिलां पुलिस हत्थों ज़लील होणा पैंदा है। तलाशी ही नहीं देणी पैंदी, चोरां वांग वीह सवालां दे उत्तर वी देणे हुंदे हन। कोठी विच्च प्रवेश करन दी इजाज़त मिल जावे तां किहड़ा सरदार मिलदा है। खड़े रहो धुप्पे। इह वी पता नहीं हुंदा, जदों तुहाडी वारी आवे तां सरदार खाणे लई उठ्ठ जावे। फेर आराम करन लग्ग पए। पिछ्छों किसे ज़रूरी मीटिंग ’ते तुर जाए। तुहानूं तिंन दिन उडीकणा पएगा जां पंज दिन, कोई पता नहीं हुंदा।

कदे सबब्ब नाल मिल वी जावे तां वी कंम नहीं कराउंदा। कलरकां वांग टाले लाउंदा रहिंदा है।

“मैं डाइरैकटर नाल गल्ल करूं। मैं सकत्तर नूं पुछ्छूं। जे कंम होण वाला होइआ तां ज़रूर होऊ।”

दस चक्कर लगवा के जे किसे अफ़सर नूं फ़ोन कर देवे तां ज़ोर ला के नहीं आखदा। मलवीं जिही जीभ नाल आखेगा ।

“देख लैणा, हो सके तां अडजसट कर लैणा।”

इस तरहां किते कंम हुंदे हन? उस दा इक्क उदेश हुंदा है। अगला चंडीगहड़ दे गेड़े मार-मार के आपे हंभ जाएगा अते सरदार दा खहिड़ा छड्ड जाएगा।

सरदार नें शहिरीआं नूं बथेरा समझाइआ। अग्गे उह इकल्ला वज़ीर हुंदा सी। बहुते कंमां लई मुख्ख मंतरी दे हत्थां वल्ल झाकणा पैंदा सी। कसर तां उस नें फेर वी कोई नहीं सी छड्डी। जदों सिख्खिआ मंतरी सी तां सैंकड़े सकूल अप्प-गरेड कराए, वीसीआं नवें खोल्हे। उह कंम लोक भुल्ल गए। याद करा रहे हन उह बदलीआं, जिहड़ीआं उह मजबूरी-वस्स नहीं सी करा सकिआ।

इस वार उस नें मुख्ख मंतरी बणना सी। केंदर दा हत्थ उस दे सिर ’ते सी। शहिर नूं सवरग बणा देवेगा। लोकां दी इको वड्डी मंग है कि शहिर नूं ज़िल्हा बणाइआ जाए। ज़िल्हा तां की, शहिर नूं राजधानी वालीआं सहूलतां देवेगा। लोकां नूं परमिट, कोटे, नवीआं फ़ैकटरीआं लई लाइसैंस अते नौजवानां नूं नौकरीआं देवेगा। इलाके नूं पछ्छड़िआ करार दे के सबसिडी नाल निहाल कर देवेगा। बिनां विआज वाले करज़िआं दे गफ्फे मिलणगे। पहिले करज़े मुआफ़ होणगे।

पर किसे ’ते कोई असर नहीं सी हो रिहा।

बाबू अते लाला मिल के सथिती नूं विगाड़ रहे सन। चोणां लड़न दा होर तां उहनां कोल कोई मुद्दा नहीं सी। माहौल नूं फ़िरकू रंग देण ’ते तुले होए सन। सथिती इंनी माड़ी हो गई सी कि सरदार नूं किसे होर हलके विच्च जाण दा मौका नहीं सी मिल रिहा। उहनां नूं महिसूस होण लग्गा सी, जिवें उहनां दी हार यकीनी सी। जे ख़ुद ही हार गए तां केंदर नूं की मूंह दिखाउणगे? आपणी पारटी दे विरोधी धड़े नूं मुख्ख मंतरी बणाउणों कौण रोक सकेगा?

केंदर नें तां सरदार ’ते एनी मिहर कीती सी कि कांगरसीआं नूं वी टिकट सरदार दी मरज़ी नाल दित्ते सन। बाबू नूं टिकट सरदार दे आखण ’ते दित्ता सी। सरदार दा ख़िआल सी कि हिंदू होण करके उस नूं पिंडां विचों तां वोट मिलणी नहीं। शहिर नूं सरदार आपे काबू कर लएगा। शहिरी सिआणे हुंदे हन। सभ नूं पता है, इस वार उस नें मुख्ख मंतरी बणना है। आपे सरदार नाल आ रलणगे।

इस इलाके दे वोटरां दा सुभाअ अजीब जिहा सी। अध्धी वोट पेंडू सी अते अध्धी शहिरी। किसे हिंदू दे जित्तण दी संभावना इस लई घट्ट सी कि उस नूं पिंडां विचों वोट नहीं सी मिलदे। कांगरस किसे सिख्ख नूं टिकट दिंदी तां उस नूं शहिर ’चों वोटां नां मिलदीआं। सरदार नें आपणे ही ढंग नाल संतुलन बणाइआ होइआ सी। पिंडां विचों वोट इस लई मिलदे सन कि उह अकाली उमीदवार हुंदा सी। शहिर ’चों उह इस बहाने वोटां बटोर लैंदा कि उह शहिर दा जंमपल सी। जदों दा सिआसत विच्च पैर रख्खिआ सी, उस नें पिछांह मुड़ के नहीं सी तक्किआ। हर वार चोण जित्ती सी। किसे विरोधी पारटी दे नेता दे इथे पैर जंम ही नहीं सके। निराश होइआ नेता हलका बदल लैंदा। सरदार नूं होर सौखा हो जांदा।

इस नीती नूं मुख्ख रख्ख के सरदार नें बाबू नूं टिकट दिवाइआ सी।

शहिर दी कांगरस पहिलां ही दो धड़िआं विच्च वंडी होई सी। कांगरस ’च बाबू दे विरोधीआं दी गिणती उस दे समरथकां नालों ज़िआदा सी। अध्धे तां बाहरले हलकिआं नूं तुर जाणगे। इथे रहिणगे तां शरमो-शरमी बाबू नाल तुरना पएगा। बाबू नाल तुरनगे तां कुझ्झ वोटां उहनां नूं पै ही जाणीआं सन। बाहर जा के आपणे किसे मूंह- मुलाहज़े वाले दा हत्थ वटाउणगे। बाबू नूं हराउण ’च सहाई होणगे।

कई पुराणे नेतावां नें बाबू दा खुल्ल्ह के विरोध करना सी, जदों उहनां नूं टिकट मिलिआ सी तां बाबू नें इह आख के उहनां दा विरोध कीता सी कि हाई कमांड नें बाबू दा हक्क मार के उहनां नूं टिकट दे दित्ती। जदों बाबू उहनां नूं हराउण लई अड्डी-चोटी दा ज़ोर लाउंदा रिहा सी तां उहनां किहड़ी भली गुज़ारनी सी।

चुसत बाणीए नें बोतल ’चों नवां ही जिंन कढ्ढ मारिआ। लाले नें उस दा साथ दित्ता। उह मदारीआं वाला खेड खेडण लग्गे।

उह इस गल्ल दा तां प्रचार करदे ही सन कि बाबू सारा दिन लोकां दे अंग-संग रहिंदा है, अफ़सरां नाल लड़-लड़ लोकां दे कंम कराउंदा है अते अमीर-ग़रीब दा वितकरा कीते बिनां हर इक्क नाल उठ्ठ तुरदा है। पंजाह रुपए दे कंम लई पंज सौ ख़रच के चंडीगहड़ जाण दी ज़रूरत नहीं पैंदी। उह इस गल्ल ’ते ज़िआदा ज़ोर दे रहे सन कि बाबू उहनां दे धरम अते जात बरादरी नाल संबंध रख्खदा है।

जात बरादरी दे नां ’ते वोटां लैण दा ठेका लाले ज़िंमे सी। उस नें मुहल्ले-मुहल्ले कमेटी बणा दित्ती। किते अगरवाल सभा, किते ब्राहमण सभा। अगरवाल सभा दा प्रधान आप बण गिआ। ब्राहमण सभा दी वागडोर युवा संघ नूं फड़ा दित्ती। महांबीर दल, गीता भवन संमती सभ बाबू दे हक्क विच्च राग अलापण लग्गे। मुख्ख मंतरी नूं किसे मुहल्ले विचों वी साथ नहीं सी मिल रिहा। उह इकल्ला पै गिआ।

सरदार लाले नूं आख़री दिन तक चोगा पाउंदा रिहा। इंपरूवमैंट टरस्सट दी चेअरमैनशिप तों लै के पबलिक सरविस कमिशन दी मैंबरी तक कुझ्झ वी उस नूं भरमा नां सकिआ। इको जवाब सी, इस वार उह मजबूर है। बाबू नाल उस दा बचपन तों यराना है। राम लील्हा विच्च जे लाला दसरथ बणदा तां बाबू रावण। लाला अख्खां दा कैंप लाउंदा तां बाबू किसे मंतरी नूं उदघाटन ’ते बुला के पैसे बटोर के दिंदा। महांबीर दल लई राशन बाबू इकठ्ठा करदा, लंगर लाला चलाउंदा। बाबू नूं तां लाले दी अते उस दीआं जथेबंदीआं दी पहिली वार ज़रूरत पई सी। लाला पिठ्ठ नहीं सी दिखा सकदा। नाले जे बाबू जित्तेगा तां उहनां दीआं संसथावां नूं फ़ाइदा ही होएगा। बाबू दी सहाइता नाल होर तरक्की करनगीआं। सरदार तों तां किसे नूं कोई आस नहीं सी।

बस्स, इहो गल्ल सरदार दे दिल विच्च कंडे वांग चुभी होई सी। लाले दी अड़ी नूं सरदार भुला नहीं सी सकिआ। बंटी कांड बारे कोई कारवाई करन लग्गिआं उस दा मन बाग़ी हो जांदा सी।

ठंढे दिमाग़ नाल सोचिआ तां महिसूस होइआ कि आख़र उह मुख्ख मंतरी है। वड्डे बंदे दा हिरदा विशाल होणा चाहीदा है। छोटीआं-छोटीआं गल्लां नूं मन ’च नहीं लिआउणा चाहीदा। नाले उह सभ सिआसी लोक हन। कदे इक्क कैंप विच्च, कदे दूसरे कैंप विच्च। फेर लाला हमेशा तां सरदार दा विरोधी नहीं रिहा। पहिलां हर इलकैशन विच्च मोढे नाल मोढा जोड़ के उह सरदार दा साथ दिआ करदा सी। इस वार बाबू दा साथ दे दित्ता तां की हो गिआ? नाले बाबू तां फेर वी हार गिआ सी।

सगों उहनां दा ब्राहमणवाद सरदार दे कंम ही आइआ सी।

बाबू किसे ज़माने ’च लुके-छुपे तौर ’ते गरम ख़िआलां वाले मुंडिआं दी मदद करिआ करदा सी। जदों उह अंडर-गराऊंड सन तां बाबू उहनां नूं पुलिस तों बचाउंदा रिहा सी। इसे अहिसान बदले उह बाबू दी अंदरख़ाते मदद कर रहे सन। उह बहुत सारीआं पंचाइतां ’ते काबज़ सन। बहुते लोक उनहां पिछ्छे लग्गदे सन। जे लाला जी जातीवाद दा प्रचार नां करदे तां उहनां मुंडिआं नें पिंडां विचों बहुत सारीआं वोटां बाबू नूं पवा के सरदार दा नुकसान करना सी।

सरदार नें आपणे समरथकां राहीं मुंडिआं दे प्रगतीवाद ’ते कटाख़श कराए, पोसटर लगवाए। पुछ्छिआ, की धरम दे नां ’ते वोटां मंगणा ही प्रगतीवाद है? मुंडिआं नूं बैठ के सोचणा पिआ। बाबू दी हमाइत कर के उहनां दीआं नीतीआं नूं तां ग्रहिण लग्गणा ही सी, उहनां दी निज्जी साख़ वी विगड़नी सी। उह पिछांह हटे तां सरदार नूं पिंडां विचों घट्ट रहीआं वोटां दा ख़तरा टलिआ। प्रगीतवादीआं दे चुप्प करन नाल उह वोटां पंथ तों सिवा किधरे नहीं सी जा सकदीआं।

कुझ्झ बदमाश पारटीआं वी बाबू नें आपणे हक्क विच्च कर रख्खीआं सन। बाबू शहिर विच्च रहिंदा सी अते अफ़सरां नाल लै-दे कर लैंदा सी। थाणे कचहिरीआं विच्च वी उस दी चहड़त सी। वेले-कुवेले उह उहनां पारटीआं दी मदद करदा सी। हेठ उतांह कर के केस रफ़ा-दफ़ा करा दिंदा।

उह वी बाबू दी मदद कर रहे सन। उहनां नूं बाबू नालों तोड़न लई सरदार नूं वी जातीवाद दा सहारा लैणा पिआ। बदमाशां ’ते सरदार नें पुलिस दा प्रभाव तां पाइआ ही, पंथ दा वासता वी पाइआ। जे शहिर वाले ब्राहमण सभा अते अगरवाल सभा बणा सकदे हन तां उहनां नूं उस दा मूंह-तोड़वां जवाब देणा चाहीदा है। इह जवाब पंथ दे हत्थ मज़बूत कर के ही दित्ता जा सकदा है।

इस लई सरदार नूं लाला जी नाल नाराज़ होण दी थां सगों ख़ुश होणा चाहीदा सी। उहनां दी कच्ची सिआसी चाल नाल ही सरदार नूं जित्त हासल होई सी।

सरदार दे शहिर जाण तों टाल-मटोल करन दा इक्क होर वी कारन सी। इक्क बच्चे दा अपहरण जां कतल अज्ज दे हालतां विच्च इक्क मामूली घटना सी। अज्ज-कल्ल्ह तां भरी बस्स दी हर इक्क सवारी नूं हेठां उतार लिआ जांदा है अते मौत दे घाट उतार दित्ता जांदा है। सारे दा सारा टब्बर भुंन दित्ता जांदा है। टब्बर विच्च औरतां वी हुंदीआं हन अते बच्चे वी। इह अजिहा मसला नहीं सी, जिस ’च मुख्ख मंतरी निज्जी दिलचसपी लैंदा। सूबे ’च वा-वरोला उठ्ठ खहड़ना सी। मुख्ख मंतरी नूं इक्क ख़ास बच्चे नाल इंना मोह किउं है? सारे सूबे दा फ़िकर किउं नहीं? उस कोल की जवाब सी?

हुण जथेदारां दीआं गल्लां तों सरदार नूं लग्गण लग्गा सी जिवें सारा शहिर ही नहीं, सगों जथेदार वी उस तों पुछ्छ रहे सन कि आख़िर उह आपणे शहिर दी भलाई लई की कर रिहा है?

सरदार कोल सफ़ाई ’च आखण लई कुझ्झ वी नहीं सी।

मुख्ख मंतरी नूं महिसूस होइआ कि मौका संभालिआ जाणा बहुत ज़रूरी सी, नहीं तां उस दा सिंघासण डोल जाणा सी।

उह मुख्ख मंतरी है। लोकां नूं भरमाउण लई कुझ्झ वी कर सकदा है। कुझ्झ बिआन दाग़ के, कुझ्झ वड्डे-वड्डे वाअदे कर के अते कुझ्झ कंम नेपरे चाहड़ के भोले-भाले लोकां दे रोह नूं ठल्ल्हिआ जा सकदा है।

होर समां गवाउणा हुण सिआणप नहीं सी।

उस नें सभ तों पहिलां प्रैस सकत्तर नूं बुलाइआ। उस नूं अजिहे नरम-नरम भाशण अते बिआन तिआर करन दा हुकम होइआ, जिहड़े पत्थर-दिल लोकां नूं वी हंझू वहा देण लई मजबूर कर देण।

कल्ल्ह उह शहिर दा दौरा वी करनगे। इस दौरे दी ख़बर तुरंत प्रैस नूं जारी कीती जावे। रेडीओ अते टी.वी.दे हर बुलिटिन विच्च इस दौरे दी सूचना दित्ती जावे। उहनां दीआं टीमां वी सारी कारवाई दी कवरिंग लई मौके ’ते हाज़र रहिण

मुख्ख सकत्तर नूं पिछलीआं सारीआं ख़बरां दा नचोड़ अते लोकां दीआं मंगां दी सूची तिआर करन दा हुकम होइआ। उह मंगां वख्ख कर लईआं जाण, जिनहां नूं फौरी तौर ’ते कबूल कीता जा सकदा होवे।

उह आप सिआसी सलाहकारां अते जथेदारां दी सहाइता नाल दौरे दी रूप-रेखा उलीकण लग्गे।

सरकल जथेदार दा मत्त सी कि इस विच्च कोई शक्क नहीं कि शहिर विच्च अकाली पारटी दा वजूद नां बराबर है। पारटी नूं जो वोटां मिलदीआं हन, उह सरदार दे निज्जी रसूख़ कारन मिलदीआं हन। सरदार दी चुप्प अते पुलिस दी वधीकी कारन सरदार दे पक्के समरथक वी नाराज़ सन। उहनां नूं बिनां मतलब लोकां दे मिहणे-ताअने सुणने पै रहे सन। सारे शहिर विच्च सोग सी, सहिम सी अते निराशा वी। बंटी दे कतल नालों वी लोक सरदार दी चुप्प ’ते दुखी सन। इस दा इको इक्क हल्ल पुलिस दा वड्डे पध्धर ’ते तबादला सी। पुलिस नें लोकां नाल बहुत ज़िआदती कीती सी।

शहिर दी सारी पुलिस दे तबादले ’ते सरदार नूं तां कोई गिला नहीं सी, पर डी.जी.पी.बड़ा अड़ीअल सी। उह सारा दिन अजिहे ढंग तरीके सोचदा रहिंदा है, जिस नाल पुलिस दे गिरे मनोबल नूं फिर तों उच्चा चुक्किआ जा सके। वड्डे पध्धर ’ते कीते जाण वाले तबादलिआं दा उस नें विरोध करना सी। उस नें आखणा सी, इस नाल पुलिस ’च फैली बेचैनी होर वधणी सी। लोक तां पहिलां ही दोश ला रहे हन कि डरदी पुलिस दिन छिपदे ही थाणिआं नूं जिंदे मार लैंदी है। बाहर कुझ्झ वी हुंदा रहे, कोई दरवाज़ा नहीं खोल्हदा। सरहद्दी ज़िल्हिआं विच्च रात नूं राज ही दहिशतगरदां दा हुंदा है। इस गल्ल ’ते केंदर डी.जी.पी.दी हमाइत करदा है, पर जे मुख्ख मंतरी नूं आपणी ही कुरसी दा ख़तरा होवे तां उस नें पुलिस दे मनोबल तों की लैणा है? नाले अग्गे किहड़ा पुलिस मल्ल ढाहुंदी सी बई फेर ढाउणों हट जू। उह तबादले करेगा।

उह जथेदारां नूं वी ख़ुश रख्खणा चाहुंदे सन। जे उह आपणे किसे रिशतेदार नूं शहिर विच्च लगवाउणा चाहुंदा है तां उस दा नां नोट करा देवे। मुख्ख मंतरी उस नूं मन-मरज़ी दी थां ’ते लगवा देवेगा।

जथेदार नें ज़िहन ’ते पूरा ज़ोर दे के सोचिआ। उस दा इक्क वी रिशतेदार डिपटी जां थाणेदार नहीं सी। कुझ्झ कु वाकफ़ ज़रूर सन। चंगे थाणे दे तबादले लई कई जणे कई-कई वार गोडे हत्थ ला के गए सन। उहनां दे नां नोट कराउण नूं जथेदार दा दिल नां कीता। उस दा तजरबा दस्सदा सी कि सारे पुलसीए इको थैली दे चट्टे-वट्टे हुंदे हन। पहिलां होर हुंदे हन, कुरसी मिलदिआं ही पहिलां आपणिआं दे चित्तड़ कुट्टदे हन। जिहड़ा मरज़ी आ जावे, सभ ठीक है। डरदे आपे सलूट मारनगे। किसे नूं सिफ़ारश कर के लगवा लिआ तां उस नें सिर चहड़े रहिणा है। चंगे-मंदे कंम विच्च उस दी हमाइत करनी पिआ करेगी।

जथेदार नें इकल्ले बूझा सिंघ दा नां नोट कराइआ। उस नूं ज़रूर थाणे विच्च ला दित्ता जावे। जथेदार उस नाल वाअदा कर चुक्का सी।

मुख्ख मंतरी बूझा सिंघ ’ते ख़ुश नहीं सी। उह जिहड़ा गंद पा रिहा सी, उस दी सारी रिपोरट मुख्ख मंतरी नूं पुज्ज रही सी, पर उहनां मन दी गल्ल मन विच्च ही रख्खी। सोचिआ रोपड़ वल्ल धक्क दिआंगे। नाले जथेदार ख़ुश, नाले होए तबादले ’ते लोक ख़ुश, नाले बूझे नूं मुख्ख मंतरी विरुध्ध प्रचार करन अते रिपोरटां भेजण दा सुआद पता लग्ग जाएगा।

सिआसी सलाहकार समस्सिआ नूं गंभीरता नाल लैणा चाहुंदे हन। उहनां नूं रिपोरटां मिल रहीआं सन कि दूजा धड़ा प्रधान मंतरी दे नेड़े हुंदा जा रिहा सी। केंदर दा कोई वसाह नहीं, उस नूं हिक्क नाल ला लए।

शहिर विच्च बहुत वड्डी कानफ़रंस होणी चाहीदी है। किसे केंदरी मंतरी नूं वी बुलाइआ जावे। नाले ताकत दा दिखावा कीता जावे, नाले मिठ्ठे-मिठ्ठे भाशणां नाल सरदार दे ख़िलाफ़ हुंदे प्रचार नूं नकारिआ जावे। बंटी दी याद विच्च बणाई जाण वाली किसे वड्डी यादगार दा ऐलान कर के लोकां दे बदले मज़ाज़ नूं आपणे हक्क विच्च कीता जावे।

मुख्ख मंतरी कानफ़रंस दे हक्क विच्च नहीं सी। इस घटना नूं सिआसी रंग दे के आपणे पैर ’ते आपे कुहाड़ा मारन वाली गल्ल होएगी। इस कतल नूं निज्जी मसले तक ही सीमत रख्खिआ जाणा चाहीदा सी। उह लाला जी दे घर जाणगे। दो घड़ी उहनां विच्च बैठणगे। लोकां दीआं मंगां मंनणगे।

लोकां दा ग़ुस्सा ठंढा करन लई ज़रूरी है, लोकां विच्च बैठिआ जावे। उच्चीआं- उच्चीआं सटेजां तों भाशण देण नाल कुझ्झ नहीं सी संवरना।

मुख्ख सकत्तर दी रिपोरट तिआर सी। दो कु मंगां छड्ड के बाकी मौके ’ते पूरीआं कीतीआं जा सकदीआं सन

इस वार मुख्ख मंतरी इकल्ले ऐलान करन दे मूड विच्च नहीं सी। उह जिहड़ा वी ऐलान करनगे, उस ’ते तुरंत ही अमल होएगा। इस लई मुख्ख सकत्तर नूं हदाइत होई कि उह डिपटी कमिशनर अते होर ज़िल्हा अधिकारीआं नूं मौके ’ते हाज़र रहिण दा हुकम जारी करे।

शहिर जाण दा प्रोगराम बणा के मुख्ख मंतरी दे मन तों बोझ लहि गिआ सी। बेफ़िकर होए उह सूबे दे होर कंमां वल्ल धिआन देण लग्गे।

 

 

22

मुख्ख मंतरी दे शहिर आउण दी ख़बर नाल चारे पासे ख़ुशी दी लहिर दौड़ गई।

सरकारी महिकमिआं नूं सभ तों वध्ध भाजड़ां पईआं। तिआरी लई उहनां नूं बहुत थोहड़ा समां मिलिआ सी।

सभ तों ज़िआदा वखत मिऊंसपैलटी वालिआं नूं पिआ सी। कारज साधक अफ़सर नूं जमांदारां दीआं छुट्टीआं कैंसल कर के उहनां नूं तुरंत डिऊटी ’ते हाज़र होण दा हुकम जारी करना पिआ। बाकी कंमां दी ज़िंमेवारी तां दूजे मुलाज़मां दे मोढिआं ’ते वी पाई जा सकदी सी, पर सड़कां, नालीआं अते गलीआं दी सफ़ाई तां उहनां बिनां कोई नहीं सी कर सकदा।

टुट्टीआं सड़कां दी मुरंमत होण लग्गी। गलीआं, मुहल्लिआं दे टोए भरे गए। भावें मुख्ख मंतरी नें रात नूं शहिर विच्च नहीं सी ठहिरना, फेर वी सटरीट लाईटां दे फिऊज़ बल्लब अते टिऊबां बदल दित्तीआं गईआं।

ख़ुफ़ीआ विभाग नें घर-घर दा जाइज़ा लिआ। किथे मोरचाबंदी करनी है, किथे घट्ट अते किथे वध्ध सूहीए ताइनात करने हन, इस दा फ़ैसला लिआ गिआ। गशती पारटीआं दी गिणती तां तुरंत ही वधा दित्ती गई।

बाहरों आए बंदे नूं इउं झउला पैंदा सी जिवें किसे धनाढ दी कुड़ी दी बरात आउणी होवे। विआह वरगा माहौल बणिआ होइआ सी। सारे शहिर विच्च पाणी छिड़किआ गिआ। उहनां सारीआं सड़कां ’ते कली विछा दित्ती गई, जिथों लंघ के सरदार नें लाला जी दे घर जाणा सी।

सारे अफ़सरां दा धिआन लाला जी दे मुहल्ले वल्ल सी। उथे कोई कसर बाकी नहीं सी रहिणी चाहीदी। नालीआं ’ते डी.डी.टी.छिड़की गई। कुझ्झ कु थावां ’ते अगरबत्तीआं लाईआं गईआं। सोग दा समां नां हुंदा तां सवागती गेट वी लाए जांदे।

जिउं-जिउं सूरज उच्चा हुंदा गिआ, तिउं-तिउं लाला जी दे घर चहिल-पहिल वधदी गई। अज्ज उहनां दे दुख्ख वंडाउण वालिआं विच्च अफ़सरां अते सिआसी नेतावां दी गिणती ज़िआदा सी। कदे ऐस.डी.ऐम.चक्कर कट्टदा-कट्टदा इधर आ जांदा, कदे डी.ऐस.पी.। हर कोई बैठक विच्च बैठे लाला जी दे गोडीं हत्थ लाउंदा अते बड़ी निमरता नाल सेवा पुछ्छदा। असल इशारा इस गल्ल वल्ल हुंदा सी कि लाला जी मेहर रख्खण। उहनां दीआं भुल्लां बख़शण। अफ़सरां दी नालाइकी दे चिठ्ठे मुख्ख मंतरी अग्गे नां खोल्हण। होर तां सभ ठीक सी, पर कांता मुख्ख मंतरी दे सवागत लई तिआर नहीं सी हो रही। उह मंजे नाल चिपकी पई सी। सुबहा चार-चार वजे उठ्ठ के सारे कंमां नूं मिंटां-सकिंटां विच्च समेटण वाली कांता दी सारी चुसती-फुरती जिवें बंटी आपणे नाल ही लै गिआ सी।

कमरे ’च पई कांता बहुत उदास सी। संघ दा मुख्ख मंतरी दे सवागत लई लटा-पींघ होणा उस नूं बंटी दे कतल नालों वी भैड़ा लग्ग रिहा सी।

संघ वाले मुख्ख मंतरी लई चाह दा इंतज़ाम कर रहे सन। इस मकसद लई टैंट कोठे ’ते लाइआ गिआ सी। कराकरी मंगवाई गई सी। जदों सवागत दीआं तिआरीआं दा प्रोगराम उलीकिआ जा रिहा सी तां कांता नें उस समें ही मुख्ख मंतरी नूं चाह पिआउण दी तजवीज़ दा विरोध कीता सी। उह मुंडे दी छटी ’ते नहीं सी आ रिहा बई उस नूं बरफ़ी अते पेड़िआं नाल चाह पिलाई जाए। अजिहे समें चाह पीणा बंटी दी रत्त पीण बराबर होएगा।

कांता तां इह वी चाहुंदी सी कि मुख्ख मंतरी दे मनहूस पैर इस घर विच्च पैण ही नां। बंटी सूबे विच्च फैली हफड़ा-दफड़ी अते अराजकता दा शिकार होइआ सी। इस सारी बदअमनी लई उह मुख्ख मंतरी नूं ज़िंमेवार समझदी सी। जदों दा उह मुख्ख मंतरी बणिआ सी अते अकालीआं विच्च कुरसी-युध्ध छिड़िआ सी, उदों दे लोकां दे घरीं मुड़ सत्थर विछण लग्गे सन। कांता नूं तां मुख्ख मंतरी ही बंटी दा कातल लग्गदा सी। उस दीआं कमज़ोर नीतीआं कारन पुलिस पुलिस नहीं सी रही। पुलिस दा मनोबल इंना गिर गिआ सी कि उह कोल खड़े मुजरम नूं वी हत्थ पाउण तों डरदी सी।

जो होणा सी सो हो गिआ। हुण मगरमछ्छ वाले हंझू वहाउण दा की फ़ाइदा? घर तां कांता दा उजड़िआ है। मुख्ख मंतरी आपणा राजपाट माणदा रहे।

रात कांता नें आपणे मन दी इह सारी भड़ास लाला जी अग्गे कढ्ढ लई सी।

लाला जी उस नाल सहिमत तां सन, पर सन मजबूर। उस दा मन उहनां कलमूंहें कातलां नूं देखण लई काहला पै रिहा सी, जिनहां अंदरली सारी मानवता मर चुक्की सी, जिहड़े बंटी वरगे मासूमां दा गला घुट्टण लग्गे वी ‘सी’ नहीं करदे। उह तां ही बेनकाब हो सकदे सन जे मुख्ख मंतरी पुलिस नूं सिर-धड़ दी बाज़ी ला के कातलां नूं फड़न दा हुकम देवे।

लाला जी अते उस दे चेलिआं दी अकल ’ते कांता नूं रोणा आइआ सी। बंटी दे कातलां दी झलक देखणी है तां किसे वी सिआसी नेता दे चिहरे ’चों देख लैण। प्रधान मंतरी, मंतरी सभ कातल हन। कोई बंटी दा कातल है, कोई उस वरगे लख्खां होरां दा। मुख्ख मंतरी तों कातलां दी शनाख़त दी आस रख्खणा संघ दी अकल दे निकले जनाज़े दा सबूत सी। कोई आपणे पैरोकारां नूं वी कटहिरे विच्च खड़ा कर सकदै भला?

कांता दीआं दलीलां दा लाला जी कोल कोई जवाब नहीं सी। उस नें औरतां वांग अख्खां भर लईआं। मुख्ख मंतरी नूं घरे आउण तों रोकण दी लाला जी विच्च हिंमत नहीं सी। आपणी इज़्ज़त दा वासता पा के उह कांता नूं मनाउण लग्गे।

सहुरे अग्गे हथिआर सुट्टण तों सिवा कांता कर वी की सकदी सी? हुण किहड़े मूंह कांता मुख्ख मंतरी दे सवागत लई हार-शिंगार करे?

कांता दी मरज़ी नूं कोई पहिली वार तां अणडिठ्ठा नहीं सी कीता गिआ। इस घर विच्च उस नूं पुछ्छदा ही कौण सी? कई वार कांता नूं लग्गदा सी, उह पैदा ही लताड़े जाण लई होई सी।

बंदे तां बंदे, उस दे तां कुदरत वी हत्थ धो के पिछ्छे पै गई लग्गदी सी।

हाले दो साल पहिलां ही उस दे मत्थे तों सुहाग दी बिंदी पूंझी गई सी। हस्सदी- खेडदी कांता अचानक ही विधवा हो गई सी। उस दा बलदेव टरक्क हेठ कुचलिआ गिआ सी।

कांता नूं अज्ज तक यकीन नहीं आइआ कि उस दा बलदेव कदे वी मुड़ के घर नहीं आएगा। यकीन आवे वी किवें? उस नूं किहड़ा बलदेव दे आख़री दरशन कराए गए सन। दरशन किथों कराउंदे? टरक्क नें देखण वाला छड्डिआ ही की सी? सारा सरीर ही फीता-फीता कर दित्ता सी।

कांता नूं बंटी दे मरन ’ते वी यकीन नहीं। कांता नूं पहिलां आखिआ गिआ सी कि बंटी नूं घर लिआंदा जाएगा। उस दी गोद विच्च पाइआ जाएगा। फेर उस नूं दस्सिआ गिआ, पोसटमारटम नूं देर हो गई सी। लाश दा घर लिआउणा मुशकल सी। सूरज छुपण वाला सी। कांता नूं डैड्ड हाऊस वल्ल धूहिआ गिआ। कांता नाल धोखा होइआ सी, सारा धोखा।

जिहड़े गिणवें पल बंटी दे दरशनां लई मिले, उहनां विच्च उह बंटी नूं चज्ज नाल देख वी नां सकी। जिहड़ी लाश उस नूं दिखाई गई सी, उह बंटी दी नहीं सी लग्गदी। उह बच्चा तां माड़चू जिहा सी, हड्डीआं दा ढांचा। उस दा बंटी तां लुग-लुग करदा सी। उस बच्चे दा चिहरा काला शाह सी, बंटी गोरा निछोह सी। लाश दा तां कुझ्झ वी बंटी नाल नहीं सी मिलदा।

हिंमत कर के कांता नें पेट नंगा कीता। बंटी होइआ तां पेट ’ते लसण दा निशान ज़रूर होएगा। पेट सिऊण नाल भरे वड्डे-वड्डे सड़ोपे देख के कांता दीआं अख्खां अग्गे भंबू-तारे नच्चण लग्गे। उह धड़म्म देणे पिछांह गिर गई। लसण देखण दा समां ही नां मिलिआ।

जदों होश आई, बंटी मिट्टी नाल मिट्टी हो चुक्का सी।

लाला जी दे मन विच्च वी इहो शक्क सी। उह साफ़-साफ़ तां नहीं सी आखदे, पर शंका अकसर प्रगट करदे सन। उहनां दे मूंहों कई वार निकलिआ सी कि मरन वाला उहनां दा पोता नहीं सी।

कांता नूं लग्गदा सी, गुरदुआरे दी तलाशी तों डरदी पुलिस नें किसे होर मां दे ढिड्ड दे आंडे नूं कांता दी झोली पा दित्ता सी।

कांता नूं सौ फ़ीसदी यकीन सी कि बंटी ज़िंदा सी। उह कांता नूं छड्ड के किधरे जा नहीं सकदा।

फेर वी सारा टब्बर उस दा वैरी बण गिआ लग्गदा सी। उस दे अध्धो-राणे कप्पड़े ग़रीब बच्चिआं विच्च वंड दित्ते गए सन। उस दे सारे खिडौणे, नवें कप्पड़े, किताबां अते फ़ोटोआं अलमारी विच्च सांभ दित्तीआं गईआं सन। बहाना वधीआ सी, कांता सारा दिन पाग़लां वांग खिडौणिआं नाल गल्लां करदी रहिंदी है। उहनां नूं साहमणे रख्ख के बंटी नूं आवाज़ां मारदी है।

घर विचों बंटी दा नामो-निशान ही मिटा दित्ता गिआ सी। इस कारन कांता दा मन होर वी मसोसिआ गिआ सी। उह सच्चमुच्च ही पाग़ल हो के घरों निकल गई हुंदी, जे उस दीआं दोवें धीआं उस दा रसता रोकी नां खड़ीआं हुंदीआं।

धीआं कदे कांता नूं दुध्ध दीआं नालां लग्गदीआं, कदे विहु दीआं गंदलां।

विहु दीआं गंदलां इस लई कि उह सारा दिन बंटी नाल खहिबड़दीआं रहिंदीआं सन। कदे उस दे खिडौणे खोह लए, कदे बिसकुट अते कदे कापी पैंसल। ज़िद्दी सुभाअ कारन उह कांता तों वी दो-चार खा लैंदा। बंटी दा होर तां कोई ज़ोर नां चल्लदा, उह कंधां नाल टक्करां मारन लग्गदा। इक्क वार रोण लग्गदा तां घंटा-घंटा रोंदा रहिंदा। कांता दे हाहड़े कढ्ढण ’ते वी चुप्प नां करदा। बंटी नूं दुखी करन वालीआं इह भैणां कांता नूं किवें चंगीआं लग्गण।

जिस दिन दा बंटी गुंम होइआ सी, इह वी बलूंगड़िआं वांग सहिम गईआं सन। उहनां दे इस साऊपुणे तों कांता चिड़न लग्गदी।

“हुण नसाल लओ टंगां भूतनीओं … फिरदीआं रहो कल्ल-मुकल्लीआं … सांभ लओ सारे खिडौणे … कापीआं पैंसलां … उह तां गिआ विचारा … “

उह धाहां मार-मार कांता नूं चिंबड़ जांदीआं। कंनां नूं फड़ के आखदीआं ।

“मंमी इक्क वार बंटी नूं घर लै आओ … मुड़ के कदे नहीं लड़दे, असीं उस तों कोई चीज़ नहीं मंगदीआं … मोड़ लिआ साडे वीर नूं … ।”

छोटी नें तां आपणीआं सारीआं खेडां कांता दे मंजे हेठ लिआ रख्खीआं। जदों बंटी आवे, उस नूं दे देवो।

बच्चीआं दीआं गल्लां सुण-सुण कांता वी परल-परल हंझू वहाउण लग्गदी। किथों मोड़ लिआवे उह बंटी नूं?

लाडलीआं बच्चीआं कदे कांता नूं डैणां लग्गण लग्गणगीआं, इह तां उस नें कदे सोचिआ वी नहीं सी। कांता तां बड़े फ़ख़र नाल आखिआ करदी सी कि धीआं अते पुत्तां विच्च कोई फ़रक नहीं हुंदा।

जदों शीलू पैदा होई सी तां सारे टब्बर दे चिहरे मुरझा गए सन। इक्क कांता ही सी, जिस तों चाअ सांभिआ नहीं सी जांदा। उह कुड़ी नूं मुंडिआं नालों वध्ध लाइक बणाउण दे सुपने देखदी सी।

“कुड़ी लछ्छमी दा रूप हुंदी है।” हार के घर दे कांता दी हां विच्च हां मिलाउण लई मजबूर होए सन।

नीरू पेट विच्च आई तां बलदेव ज़िद्द फड़ के बैठ गिआ। उहनां नूं केवल दो बच्चे चाहीदे सन। इक्क लड़का अते इक्क लड़की। उह पेट विचले बच्चे दा सैकस टैसट करवाउणा चाहुंदा सी। कांता नें साफ़ नांह कर दित्ती। जो वी होइआ, उस नूं मनज़ूर होएगा। घर विच्च लड़के दा होणा कोई ज़रूरी नहीं। जे ज़रूरी है वी तां किसे नूं गोद लिआ जा सकदा है। विआह पिछ्छों किसे जवाई नूं वी घर रख्खिआ जा सकदा है।

नीरू होई तां घर विच्च मातम छा गिआ। आंढ-गुआंढ इउं सोग करन आइआ, जिवें घर विच्च कोई जंमिआ नहीं, मरिआ होवे। कांता नें किसे नूं मूंह नहीं सी लाइआ, सभ नूं फिटकारिआ सी। उस नूं धीआं जंमण ’ते अफ़सोस नहीं सी।

बलदेव कई महीने कांता नाल रुस्सिआ रिहा। उस दा कहिणा सी कि कांता दी अड़ी करके उस दे मोढिआं ’ते बोझ आ पिआ है। लाला जी वी कदे पोतीआं नूं हिक्क नाल नहीं सी लाउंदे।

बंटी पेट विच्च आइआ तां कांता इस अणचाहे गरभ तों छुटकारा पाउणा चाहुंदी सी। तीजे बच्चे दी कोई ज़रूरत नहीं सी। बलदेव नें सैकस टैसट कराउण दी ज़िद्द कीती अते धमकी वी दित्ती। हार के कांता नूं हथिआर सुट्टणे पए। शुकर सी उह बंटी सी।

बंटी दे पैदा हुंदिआं ही बलदेव छोटे परिवार दीआं गल्लां भुल्ल गिआ। मुंडिआं दी जोड़ी दी इछ्छा रख्खण लग्गा। कुड़ीआं नें तां आपणे घर तुर जाणा है। इकलौते पुत्तर दा की पतै, की बणे? दो होणगे तां उहनां दा भविख्ख सुरख्खिअत रहेगा।

बलदेव कोल आपणी दलील दे हक्क विच्च कई उदाहरणां सन।

सभ तों पहिलां उह कांता दे मामे दी गल्ल छेड़दा। उहनां इको पुत्तर जंम के बस्स कर दित्ती सी। मुंडा बेहद्द लाइक निकलिआ। अठ्ठवीं तक वज़ीफ़े लैंदा रिहा, नौवीं ’च जा के दिमाग़ दा कैंसर हो गिआ। तिंन साल इलाज चल्लदा रिहा, घर-बार सारा उस दी बीमारी ’ते लग्ग गिआ। पल्ले पिआ तां रोण-धोण। साहमणे खड़ी मौत नूं देख मामी नें रो-रो आपणीआं अख्खां गाल्ह लईआं। दुख्ख ’च बच्चेदानी ’च नुकस पै गिआ। मुड़ बच्चा पैदा नहीं होइआ। उहनां दी तरसयोग हालत देखी नहीं जांदी। दो बच्चे हुंदे तां इह दिन तां नां देखणे पैंदे।

बलदेव दे बैंक मैनेजर दा वी कुझ्झ अजिहा ही हाल सी। विआह उस नें लेट कराइआ। फिर बच्चा देर नाल जंमिआ। लाड लडा-लडा मां नें विगाड़ दित्ता। कालज अप्पड़दा-अप्पड़दा असभ्भिअता दीआं सारीआं हद्दां टप्प गिआ। नशे, चोरीआं, सारे वैल-ऐब सहेड़ लए। कई वार पुलिस नें फड़िआ। नमोशी तों डरदे मैनेजर नें घरों कढ्ढ दित्ता। नशे ’च धुत्त कदे सटेशन ’ते पिआ हुंदै, कदे बस्स सटैंड ’ते। इस उमर विच्च होर बच्चा वी पैदा नहीं हो सकदा। दर-दर दीआं ठोकरां खांदे फिरदे हन।

कांता दा आपणा तरक सी। दो किहड़ा मर नहीं सकदे। पंज-पंज किहड़ा बदमाश नहीं निकल सकदे। कांता उहनां दीआं उदाहरणां दिंदी, जिहड़े पंज-पंज, सत्त-सत्त पुत्तां दे मापे हुंदिआं वी रोटी नूं तरसदे फिरदे सन। कई वार सारे ही पुत्तर धक्के मार के घरों कढ्ढ दिंदे हन। उहनां दे तां फिर वी दो धीआं हन। धीआं नूं मापे ज़िआदा पिआरे हुंदे हन। उहनां दे भविख्ख नूं कोई ख़तरा नहीं सी।

कांता होर गरभ धारन तों टलदी सी।

उस नूं की पता सी कि इक्क दिन बलदेव दी भविख्खबाणी सच्च हो जाणी सी।

बलदेव अते बंटी बिनां कांता दी ज़िंदगी अरथहीण हो गई सी।

हाले पहाड़ जिड्डी उमर अग्गे खड़ी सी। मत्थे ’ते दो कलंक आ लग्गे सन। निपुत्ती अते विधवा। उस दी हाले उमर ही की सी? सारी बत्ती साल। उस दीआं कई सहेलीआं दे तां हाले विआह वी नहीं सी होए।

लाला जी पिछ्छे लग्ग के कांता नौकरी दा इक्क मौका गवा चुक्की सी। बलदेव दी थां उस नूं बैंक विच्च नौकरी मिल सकदी सी, पर लाला जी नूं इह पसंद नहीं सी कि उहनां दी नूंह मरदां ’च बैठ के हीं-हीं करे। विधवा औरत दा आंचल तां पवित्तरता दी होर वी मंग करदा है। मरदां विच्च बैठेगी तां मन ’च मैल आएगी ही। उस समें कांता इस तरक नाल सहिमत सी। जदों सुहाग ही उज्जड़ गिआ तां काहदी ज़िंदगी। कांता दा मन भटकिआ होइआ सी। बच्चे नां हुंदे तां उह संनिआस लै लैंदी।

लग्गीआं ठोकरां नें उस दी सोच बदल दित्ती सी। बलदेव दी गरैजुइटी दे सहारे उह किंने कु दिन कट्ट सकेगी? बंटी दे मरन नाल लाला जी तां कुझ्झ दिनां विच्च ही अध्धे रहि गए। उह सारी उमर तां साथ नहीं दे सकदे। कांता नहीं सी चाहुंदी, उस दीआं धीआं नूं लोकां दे हत्थां वल्ल झाकणा पए। धीआं नूं पैरां सिर करन लई पहिलां कांता नूं पैरां सिर खहड़ना पएगा।

कांता नौकरी करन दा मन काफ़ी चिर तों बणा चुक्की सी। लाला जी तों चोरी रोज़गार दफ़तर विच्च नां दरज वी करा आई सी। उह दसवीं पास सी। शाइद कदे नौकरी मिल जावे।

दो धीआं अते बंटी नां हुंदे तां उस नें कदों दा विआह करा लैणा सी। आख़र मरिआं नाल काहदा मोह? नां मरिआं नें वापस आउणा सी, नां कुरबानी दी शाबाश देणी सी, पर आपणे आराम बदले उह तिंन बच्चिआं दा भविख्ख ख़राब नहीं सी कर सकदी।

आपणे आप नाल जूझदी कांता ज़िंदगी नूं धूंहदी आ रही सी।

बंटी दी मौत नें उस नूं झंजोड़ सुट्टिआ सी। उस दीआं सारीआं योजनांवां धरीआं- धराईआं रहि गईआं।

जदों तों बंटी दे सही-सलामत घर मुड़न दी आस मुक्की सी तां कांता पत्थर बण के रहि गई सी। उस नूं खाणा-पीणा भुल्ल गिआ। बंटी दे संसकार तों बाअद उह केवल इक्क वार नहाती सी। उस दे वालां दा झथरा बण गिआ सी। कप्पड़े मैले हो गए सन। घड़ी-घड़ी वहिंदे हंझूआं कारन चिहरे ’ते सैंकड़े निशान पै गए सन।

दरशन नूं कांता दा इह भूतनीआं वाला हुलीआ पसंद नहीं सी। मुख्ख मंतरी किसे वी समें घर आ सकदा सी। कांता दा इस तरहां मुख्ख मंतरी अग्गे पेश होणा अजीब- अजीब जिहा लग्गेगा।

इस समें दरशन बिसकुटां वालीआं पलेटां कोठे ’ते पहुंचा रिहा सी। हर वार उह कांता दे कमरे ’च झात मार जांदा। उमीद सी, शाइद अगले चक्कर ’च संभल जाए। जदों कांता उसे तरहां पई रही तां दरशन तों रिहा नां गिआ। कुझ्झ समझाउण दी नीयत नाल उह कांता दे कमरे विच्च दाख़ल होइआ।

“भैण जी, ज़रा हौंसला करो … होर नहीं तां मूंह-हत्थ ही धो लओ … मुख्ख मंतरी जी किसे वी समें आ सकदे हन।”

“तिआर होण नूं मैं मुकलावे जाणैं? भठ्ठ ’च पए तेरा मुख्ख मंतरी नाले तेरा संघ … मैं किसे दे मत्थे नहीं लग्गणा।” दरशन दे चिहरे ’ते टपकदी ख़ुशी कांता दे सीने ’च बलदी अग्ग लई बालण बण गई। उस नूं दरशन अते सरदार इको सिक्के दे दो पासे लग्गे। दोवें बंटी दी मौत तों सिआसी लाभ लैण ’ते तुले होए सन। ग़ुस्से कारन भर आईआं अख्खां नूं लुकाउण लई कांता नें आपणा मूंह कंध वल्ल कर लिआ। उह दरशन तों पुछ्छणा चाहुंदी सी कि जे मुख्ख मंतरी आ रिहा है तां इस विच्च ख़ुश होण वाली किहड़ी गल्ल है? उस नें कोई बंटी नूं मोड़ लिआउणा है?

खरीआं-खरीआं सुण के दरशन दा सीत निकल गिआ। ढिल्ला जिहा मूंह बणा के कमरे ’चों बाहर जाण तों सिवा उस कोल कोई चारा नहीं सी। जांदा-जांदा उह दो-दो बिसकुट कुड़ीआं नूं फड़ा गिआ।

बिसकुट कांता नें गिरझ वांग झपट लए। इस दा इह वी मतलब सी, मनहां करन दे बावजूद वी घर विच्च बिसकुट लिआंदे गए हन। इस दा इह वी मतलब सी कि कांता दी हुण इस घर विच्च कोई गल्ल मंनी ही नहीं जाइआ करेगी।

बिसकुटां नूं तरसदा बंटी उस दीआं अख्खां अग्गे आ खड़ोता।

बंटी बिसकुटां नूं बहुत पिआर करदा सी। कांता हर वकत डब्बा बिसकुटां नाल भरी रख्खदी। उसे दिन उस दी याददाशत नूं पता नहीं की हो गिआ? बिसकुट रात दे मुक्के होए सन। उह मंगवाउणा भुल्ल गई। सकूल जाण लग्गे बंटी नूं जदों बिसकुट नां मिले, उह धूंआं सत्थर पा के बैठ गिआ। आखे बिसकुटां बिनां सकूल नहीं जाणा। फ़रश ’ते लिट-लिट वरदी ख़राब कर लई। वाल पुट्ट सुट्टे। कांता नूं वी जिवें कोई माड़ा दिखाई दे गिआ सी। उस नें वी बंटी नूं चुप्प नां कराइआ। उह बंटी दीआं ज़िदां तों तंग आ गई सी। सोचिआ रो-रो आपे हंभ जाएगा। कुदरती लाला जी वी घर नहीं सन। घर हुंदे तां उहो बंटी नूं हिक्क नाल ला लैंदे। मोम वांग पिघली कांता बंटी दे चुप्प होण नूं उडीकदी रही। आख़र बंटी नूं ही हथिआर सुट्टणे पए। कुझ्झ कु मिंट हउके भर के उह चुप्प कर गिआ।

बघ्घी वाला आइआ तां बसता चुक्क के सकूल तुर गिआ। ख़रचण लई नां पैसे लए नां लंच-बौकस। कांता दीआं तां उसे वकत भुब्बां निकल गईआं सन। की पता सी उह सारी उमर लई रुस्स के जा रिहै? बंटी नें जाणा सी तां मां तों ख़ुशी-ख़ुशी तां विदा हुंदा। रज्ज-पुज्ज के घरों जांदा। मां दे मन ’च इह तां नां रहि जांदा कि बंटी भुख्खण-भाणा ही तुर गिआ। उह वी चंदरे बिसकुटां नूं।

जदों कांता नें सहुं खाधी सी कि जिऊंदे-जी उह बिसकुटां नूं घर नहीं वड़न देवेगी तां घर विच्च बिसकुट किउं लिआंदे गए? बिसकुटां नें कांता अंदर मच्चदी विदरोह दी लाट नूं होर उच्चा कर दित्ता। उस दा मन करन लग्गा कि भूतरी गां वांग उह सारे भड़थू पा देवे। टैंट पुट्ट सुट्टे, कराकरी तोड़ देवे। बिसकुटां अते बरफ़ी नूं पैरां हेठ मसल देवे। सहुरे दी इज़्ज़त नूं धिआन ’च रख्खदिआं उह इंझ तां नां कर सकी, पर आपणीआं धीआं ’ते ज़ोर ज़रूर चला लिआ। उहनां तों खोह के बिसकुट गली ’च वगाह मारे।

मुख्ख मंतरी शहिर ’च पहुंच चुक्का सी। संघ दे किसे वरकर नें लाला जी नूं दस्सिआ सी। रैसट हाऊस विच्च कुझ्झ मिंट रुकण तों पिछ्छों उह इधर आउण वाले हन।

मिंटां विच्च सारा मुहल्ला पुलिस नाल भर गिआ। इक्क-इक्क बंदे पिछ्छे दो-दो पुलसीए लग्ग गए। सी.आर.पी.नें कोठिआं ’ते पोज़ीशनां लै लईआं। ख़ुफ़ीआ विभाग दीआं औरतां वी लाला जी दे घर इकठ्ठीआं होईआं औरतां विच्च जा बैठीआं।

बाहरों आए प्रैस रिपोरटर कांता नाल मुलाकात करना चाहुंदे सन। उहनां कोल वड्डे-वड्डे कैमरे वी सन। उह फ़ोटो वी लैणा चाहुंदे सन। अख़बार कांता दे दुख्ख लोकां नाल सांझे करने चाहुंदे सन। कांता सभ नूं नांह कर रही सी। करन नूं नवीआं गल्लां सन ही किहड़ीआं? जो वापरिआ सी सभ नूं पता सी।

इक्क बहुत ही चुसत फ़ोटोग्राफ़र नें कांता दी मंजे ’च पई दी ही फ़ोटो खिच्च लई। बिटर-बिटर तक्कदीआं दोहां बच्चीआं दी वी। इक्क दुखी परिवार दा इस तों वध्ध यथारथक चित्रण की होएगा?

कांता दे रोस प्रगट करन ’ते पत्तरकार बाहर चले गए।

कांता नूं इकल्ली पई देख के दूरों लग्गदी उस दी फूफस उस कोल आ बैठी।

उह कांता नूं हौसला रख्खण अते भैड़े दिनां नूं दलेरी नाल लंघाउण दी सिख्खिआ देण लग्गी। उह किसे होर दी नहीं, आपणी उदाहरण दे रही सी। कांता वांग उह वी भर जवानी विच्च रंडी होई सी। दो जवान पुत्तरां दा हत्थीं संसकार कीता। धीआं सहुरे तोरीआं। कदे बाल-बच्चिआं नाल चहिकदे घर विच्च हुण उह इकल्ली ही रुलदी है, पर उस नें दुख्खां तों हार नहीं मंनी। कांता नूं वी हिंमत बटोरनी चाहीदी है। जाण वाले चले गए। गए तां जाण। कांता नूं उहनां लई जिऊणा चाहीदा है, जो जिऊंदे हन। खाणा-पीणा छड्ड के किसे वापस थोहड़ा मुड़ आउणा सी? उस नूं कुझ्झ हो गिआ तां इहनां अनाथ कुड़ीआं दा की बणेगा?

कांता लई उह पहिलां वी चाह दा गलास रख्ख गई सी, जो पई-पई ठंढी हो गई सी। फूफस दूसरा गलास लै आई, नाल बरैड पीस वी। नाले भोरा आपणे अंदर पाए नाले इहनां मासूमां दा पेट भरे। उह सवेर तों कांता दे मूंह वल्ल तक्क रहीआं सन। मुख्ख मंतरी दे शोर-शराबे कारन किसे नें उहनां दी जात नहीं सी पुछ्छी। मां नें वी उहनां दे हत्थों बिसकुट खोह लए। जे मां ही वैरन बण गई तां बिगानिआं नूं की चट्टी पई है, इहनां दा ख़िआल रख्खण दी?

फूफस दे बोल कांता नूं शहिद वरगे लग्गे। उस नें कुड़ीआं नूं घुट्ट के हिक्क नाल ला लिआ। हंझू कांता दीआं अख्खां विचों वहि तुरे। कुड़ीआं दे हंझूआं दे वी जिवें कड़ पाट गए। उह हुबकीं-हुबकीं रोण लग्गीआं। कई दिनां बाअद कांता विचों उहनां नूं आपणी गुआची मां लभ्भी सी।

कांता नें दोहां नूं गोद विच्च बिठा लिआ। हौली-हौली उहनां नूं बरैड्ड खवाउण लग्गी।

“मैं तुहानूं रुलण नहीं दिआंगी, मेरीओ बच्चीओ … मैं हर तरहां दी कुरबानी लई तिआर हां … मैं ज़रूर कोई अजिहा साथी लभ्भांगी जिहड़ा तुहानूं पिओ दा पिआर देण लई तिआर होवे … आपां इह घर छड्ड जावांगीआं …”  आपणे मन दा फ़ैसला उह बच्चीआं नाल सांझा करना चाहुंदी सी, पर हाले उहनां नूं इस फ़ैसले दी समझ किथे सी?

बच्चीआं नूं खुआ-पिआ के बाहर भेज दित्ता। बाहर काफ़ी इकठ्ठ हो गिआ सी। उहनां दा मन परच जाएगा।

कोई होर फ़ोटो नां खिच्ची जावे, इस लई खेस ताण के उह लंमी पै गई।

कुझ्झ ही देर बाअद ‘आ गए, आ गए’ दा शोर कांता दे कंन खाण लग्गा। पुलिस दे काशन सुणाई देण लग्गे। विसलां वज्जण लग्गीआं। लाला जी दे घर जिवें भुचाल जिहा आ गिआ। लोक इधर-उधर दौड़न लग्गे।

मंतरी जी नूं बैठक तक पहुंचदिआं अध्धा घंटा लग्ग गिआ। बाहर उपाशकां दा तांता लग्गा होइआ सी। हर इक्क दी इछ्छा सी कि उह मुख्ख मंतरी नाल हत्थ मिलाए। हत्थ मिलाउंदे दी फ़ोटो खिच्ची जावे। इस मकसद लई कईआं नें तां फ़ोटोग्राफ़र नाल लिआंदे सन। बाकीआं नें हाज़र फ़ोटोग्राफ़रां नूं इस गल्ल दी ख़ास हदाइत दित्ती सी, जदों वी उस नूं मुख्ख मंतरी दे नेड़े होण दा मौका मिले, झट्ट फ़ोटो खिच्च लई जावे।

मंतरी जी नूं बैठक विच्च बिठाइआ गिआ। बैठक विच्च संघ दे चोणवें वरकर, कुझ्झ जथेदार, मंतरी दा सटाफ़ अते कुझ्झ अफ़सरां नूं ही बैठण दित्ता गिआ सी।

अख्खां नम कर के मुख्ख मंतरी जी बंटी बारे पुछ्छण लग्गे। उह किंने साल दा सी? किहड़ी कलास विच्च पहड़दा सी? किंने वजे सकूल गिआ? पुलिस नें किंने कु यतन कीते? आदि।

लाला जी इक्क-इक्क कर के सवालां दा जवाब दिंदे रहे।

जदों मंतरी जी वल्लों कीते जाण वाले अहिम ऐलानां दा समां आइआ तां मंतरी जी नूं किसे ख़ास विअकती दी ग़ैर-हाज़री रड़कण लग्गी। उहनां नूं ‘बीबी’ नज़र नहीं सी आई।

बीबी नूं बैठक ’च लिआउण लई लाला जी नूं ख़ुद उस दे कमरे विच्च जाणा पिआ।

उह हाले वी खेस ताणी पई सी। कांता नूं मनाउण लई लाला जी बच्चिआं वांग लेल्हड़ीआं कढ्ढण लग्गे। तमाशा बणन तों डरदी कांता आख़र उठ्ठ खलोती।

कांता दे बैठक विच्च पैर धरदिआं ही कैमरिआं दे फ़लैश वज्जण लग्गे। टी.वी.सटेशन दी कैमरा टीम नें वी कैमरे दा फ़ोकस मुख्ख मंतरी तों हटा के कांता ’ते कर लिआ।

मुख्ख मंतरी नें कांता नूं आपणे कोल बिठाइआ। पिआर भरिआ नरम-नरम हत्थ उस दी पिठ्ठ ’ते फेरिआ। ‘भाणा मंनण’ दी घसी-पिटी सिख्खिआ दित्ती।

कांता सिर सुट्ट के बैठी रही। कमरा छोटा सी, इकठ्ठ ज़िआदा। कांता दीआं वख्खीआं विच्च गोडे वज्ज रहे सन। कांता नें चोर अख्खां नाल देखिआ। जथेदारां अते संघ दे वरकरां दीआं निगाहां टी.वी.कैमरे ’ते सन। कैमरा मुख्ख मंतरी अते कांता ’ते फ़ोकस होइआ होइआ सी। वख्खी विच्च गोडे मारन वाले इस ताक विच्च सन कि किवें नां किवें मुख्ख मंतरी जां कांता दे नेड़े हो जाण तां जो उहनां दीआं शकलां वी कैमरा आपणे विच्च समो सके। सभ नूं इको तलब सी। किवें नां किवें शाम नूं टी.वी.’ते उस दी फ़ोटो आ जावे। कांता उहनां विचों हट जाणा चाहुंदी सी। उस नें आपणे कमरे विच्च जाणा चाहिआ।

मुख्ख मंतरी जी नें कांता नूं रोक लिआ। जिस कंम लई उह इंनी दूरों आए सन, उह तां हाले रहिंदा सी। बहुता समां तां मंतरी जी कोल वी नहीं सी। कांता दी तेज़ी दा फ़ाइआ उठाउंदिआं उह ऐलान करन लग्गे।

पहिलां उहनां बंटी दी मां लई इक्क लख्ख रुपए दी सहाइता दा ऐलान कीता। नाल ही उहनां समझाइआ कि दहिशतगरदां हत्थों मरन वाले दे वारिसां नूं सरकार वैसे तां केवल वीह हज़ार रुपिआ ही दिंदी है, पर किउंकि बंटी उहनां दा आपणा बच्चा सी, इस लई उह आपणे विशेश अख़तिआरां दी वरतों कर रहे सन। मुख्ख मंतरी दा ऐलान महिज़ ऐलान ही नहीं सी, उहनां नें चैक भरवा के लिआंदा सी। डी.सी.नें चैक झट्ट मुख्ख मंतरी जी नूं फड़ा दित्ता।

मुख्ख मंतरी जी कांता नूं चैक इस ढंग नाल देणा चाहुंदे सन जिवें किसे जेतू नूं टराफ़ी दित्ती जांदी है। जिंना चिर कैमरे वालिआं नें पोज़ीशनां नां संभाल लईआं, उह रुके रहे।

कांता बंटी दी जान दी कीमत लैण लई तिआर नहीं सी। उस नें चैक लई हत्थ फैलाउणों नांह कर दित्ती। उह डुंन बणी बैठी रही।

लाला जी नें मौका संभालिआ। उहनां अग्गे हो के चैक फड़िआ। धड़ा-धड़ फ़ोटोआं होईआं।

दूसरा ऐलान वी घट्ट अहिम नहीं सी। कांता नूं सिख्खिआ विभाग विच्च कलरक दी नौकरी दित्ती गई सी। उह पहड़ी ही दस जमातां सी। बी.ए.हुंदी तां मुख्ख मंतरी उस नूं पी.सी.ऐस.किहड़ा नां बणा दिंदे। उहनां इह वी यकीन दिवाइआ कि कांता जिथे आखेगी, उस दी पोसटिंग उथे ही होएगी।

ऐलान हुंदिआं ही डी.ई.ओ.अग्गे वधिआ। नियुकती पत्तर वाला लिफ़ाफ़ा उस नें मुख्ख मंतरी नूं फड़ाइआ।

लिफ़ाफ़ा कांता वल्ल वधाउंदे मुख्ख मंतरी जी झिजक रहे सन। किधरे पहिलां वाली गल्ल ही नां होवे। इस वार कांता नें हत्थ अग्गे वधाए। उह नौकरी करेगी।

इह तां दुखी परिवार नूं राहत देण संबंधी ऐलान सन। उह बंटी दी शहादत नूं वी अमर करना चाहुंदे सन। पहिला कंम इह कीता गिआ कि शहिर दे सदर बज़ार दा नां बदल के बंटी बज़ार रख्खिआ गिआ। किसे वड्डी यादगार लई डिपटी कमिशनर पहिलां ही ऐलान कर चुक्का सी। मुख्ख मंतरी नें उस यादगार लई इक्क लख्ख रुपए दी गरांट दा ऐलान कीता।

इहनां ऐलानां तों बाअद मुख्ख मंतरी जी नें लोकां नूं समां दित्ता। उह आपणे दुख्खड़े दस्सण। मुख्ख मंतरी सारे दुख्खड़े दूर करेगा।

लोक ख़ामोश बैठे रहे, जिवें किसे नूं कोई दुख्ख ही नां होवे।

कुझ्झ पल मंतरी जी भीड़ वल्ल तक्कदे रहे। जदों ख़ामोशी नां ही टुट्टी तां उह उठ्ठण दी तिआरी करन लग्गे।

दरशन तों रिहा नां गिआ। मुख्ख मंतरी नूं उठ्ठदा देख के उस नें पुलिस दे अत्तिआचारां दी कहाणी छेड़ दित्ती।

दरशन दे गल्ल शुरू करन दी ही देर सी कि शिकाइतां दे ढेर लग्ग गए।

मुख्ख मंतरी जी तां पहिलां ही इस दी तिआरी कर के आए सन। आपणे आप तां पुलिस दे तबादलिआं दा ऐलान नहीं सी करना। लोकां तों अखवा के ही करना सी।

“सारी पुलिस दा तबादला करो। इमानदार अते सख़त अफ़सर भेजो … जिहड़े किसे दा वी लिहाज़ नां करन।” हल्ल पुछ्छे जाण ’ते दरशन नें सुझाअ दित्ता।

“ठीक है, तुसीं हौलदारां अते थाणेदारां दे तबादलिआं दी गल्ल करदे हो, मैं ज़िल्हे दे कपतान तक सारी पुलिस दे तबादले दा ऐलान करदा हां। नाल इह वी वाअदा करदा हां कि अजिहे पुलिस अफ़सर इथे भेजांगा, जिहड़े बंटी दे भोग तों पहिलां-पहिलां कातल तुहाडे साहमणे लिआ खहड़ाउण।”

लोक इह भुल्ल-भुला गए सन कि इह सोग समागम सी। ख़ुशी ’च पाग़ल होए लोकां नें ताड़ीआं दी झड़ी ला दित्ती।

हुण भीड़ दा मूड ठीक सी। मुख्ख मंतरी जी वापस जाण लई उठ्ठ खलोते।

लाला जी नें अग्गे हो के उहनां दा रसता रोकिआ। चाह तिआर सी।

इह किस तरहां हो सकदा सी? मुख्ख मंतरी दे चाह किवें लंघ सकदी है?

मुख्ख मंतरी नूं तोर के बाकी बचे लोक कोठे ’ते जा चहड़े। मुख्ख मंतरी नें चाह नहीं पीती तां नां सही। उह तां चुसकीआं लै-लै चाह पीणगे। मुख्ख मंतरी तों वड्डे-वड्डे ऐलान करा के उहनां मोरचा मार लिआ सी।

 

 

23

युवा संघ वालिआं दा धरती ’ते पत्थ नहीं सी पैंदा। उहनां दे संघरश अग्गे मुख्ख मंतरी नूं झुकणा पिआ सी। सभ तों वध्ध तसल्ली वाली गल्ल इह सी कि उस दे ऐलानां ’ते बड़ी फुरती नाल अमल हो रिहा सी।

पुराणे अफ़सरां दा तुरंत बोरीआ बिसतरा गोल कराइआ गिआ। नवें अफ़सर किधरों बरसाती खुंबां वांग आ निकले अते शाम तक कुरसीआं ’ते आ बिराजे।

सी.आर.पी अते बी.ऐस.ऐफ़.वी टिड्डी-दल वांग आ उत्तरी। शहिर दीआं सारीआं धरमशालावां अते मंदर उहनां नाल भर गए। कुझ्झ सरकारी सकूल वी ख़ाली कराउणे पए। आउंदिआं ही उहनां गली-गली दी गशत शुरू कर दित्ती। लोकां विच्च फैलिआ आतंक खंभ ला गिआ।

नवीआं नियुकतीआं सरकार दी नवीं पालिसी अधीन होईआं सन। लोकां नूं इस शिकाइत दा मौका ही नहीं सी दित्ता गिआ कि फलाणा अफ़सर इक्क तबके नाल संबंध रख्खदा है, इस लई उस तबके दी मदद करदा है। ज़िल्हे दा डिपटी कमिशनर हिंदू सी। पुलिस दा मुखी सिख्ख लाइआ गिआ। ऐस.डी.ऐम.सिख्ख सी, इस लई डिपटी हिंदू भेजिआ गिआ। थाणे दा वासता पिंडां नाल है, इस लई ऐस.ऐच.ओ.सिख्ख सी। सिटी अधीन शहिर आउंदा सी इस लई सिटी इंचारज हिंदू सी। सी.आई.डी.दी देख भाल लई कोई मुसलमान ही कढ्ढ मारिआ। इथे ही बस्स नहीं सी, हेठले पध्धर दीआं नियुकतीआं वी इसे नीती दे आधार ते ही होईआं सन।

पुलिस अफ़सर वी चुण-चुण भेजे गए सन। अड़ीअल अते ख़ूंख़ार। नां परवाह करन तां मुख्ख मंतरी दी वी नां करन। मुजरमां दी सिफ़ारश करन वालिआं दी भरी पंचाइत विच्च बेइज़ती करन वाले। कसूरवारां नूं चौंक विच्च पुठ्ठे लटकाउण वाले। बंटी दे कातलां नूं लभ्भण लई अजिहे पुलिस अफ़सरां दी ही ज़रूरत सी।

होर तां सभ ठीक सी, पर संघ वालिआं नूं इक्क गल्ल समझ नहीं सी आ रही। मुख्ख मंतरी साहमणे तां किसे दी पुलिस ख़िलाफ़ चूं तक करन दी हिंमत नां पई। हुण उह शहिर विच्च जिथे वी जा खड़ोंदे हन, हर कोई फहड़ां मारदा सुणाई दिंदा है। फलाणे अफ़सर दी बदली पिछ्छे फलाणे बंदे दा हत्थ है।

सभ तों वध्ध फहड़ां ठेकेदार मार रहे सन। उह चौंक ’च खड़ो के शरेआम आखदे सन कि डिपटी दा पत्ता उहनां नें कटाइआ है। सारे शहिर नूं पता सी कि बंटी दे केस दी तफ़तीश करदिआं उस नें ठेकेदारां नाल पंगा लै लिआ सी। उदों जे सपीकर उस दी मदद नां करदा तां मुख्ख मंतरी नें पहिलां ही तबादला कर देणा सी। सरदार नें ठेकेदारां नूं यकीन दिवाइआ होइआ सी कि मौका लग्गदे ही उह डिपटी नूं झोटीआं चुंघा देवेगा। मुख्ख मंतरी नें ठेकेदारां नाल कीता वाअदा निभाइआ सी। उह डाहडे ख़ुश वी सन। नवां अफ़सर उहनां दे ठेकिआं वल्ल झाकण तों पहिलां पंजाह वार सोचेगा।

खुड्डी वाला नंबरदार वी कमली तीवीं वांग घर-घर गेड़ा दिंदा फिरदा सी। उह आखदा सी ठेकेदार तां ऐवें फहड़ां मारदे हन। असल ’च डिपटी दा तबादला तां डी.आई.जी.दी रिपोरट दे आधार ’ते होइआ है अते इह किस नूं नहीं पता बई निरभै सिंघ नंबरदार दा लंगोटीआ यार है। नंबरदारां दे बिआनां दे आधार ’ते निरभै सिंघ नें डिपटी ख़िलाफ़ अजिही रिपोरट तिआर कीती कि मुख्ख मंतरी नूं मजबूर हो के तबादला करना पिआ। संघ दा इस विच्च कोई रोल नहीं।

सट्टे वाला वेदू तां दरशन नाल खहिबड़ ही पिआ। अखे संघ नूं कौण पुछ्छदा है? जे मुख्ख मंतरी संघ दी इंनी ही मंनदा हुंदा तां उदों तहिसीलदार दा तबादला नां कर दिंदा, जदों संघ नें पंदरां दिन इसे मंग नूं लै के धरने लाए सन। उस समें संघ नें इस तों कई गुणा वध्ध ज़ोर लाइआ सी।

अकाली सरकार नें गद्दी संभालदिआं ही किरसानां नूं लुट्ट तों बचाउण लई तहिसीलां विच्च कट्टे जांदे रैड्ड करास दे टिकट बंद करवा दित्ते।

पर तहिसील वालिआं नूं इस कानूंनी रिशवत दा अजिहा भुस्स पिआ सी कि उह इस पाबंदी तों तिलमिला उठ्ठे। उहनां होर राह लभ्भिआ। रैड करास दीआं टिकटां नां सही, ‘गुरदास मान नाईट’ दीआं सही। इह सकीम तहिसीलदार दे हमपिआला दोसतां दी काढ सी। इस बहाने नाले तहिसील वाले चार पैसे बणा लैणगे, नाले यार दोसत रंग-रलीआं। ‘नाईट’ लई वधीआ-वधीआ डांसरां बुलाईआं जाणीआं सन।

संघ नें इस लुट्ट दे ख़िलाफ़ जहाद छेड़िआ। लोकां दी दूहरी लुट्ट हो रही सी। पहिली तां इह कि लोकां दी ख़ून पसीने दी कमाई नूं कंजरीआं दे नाचां ’ते ख़रचिआ जाणा सी। दूजा इह कि अव्वल तां लोकां नूं टिकट दित्ते ही नहीं सी जांदे, जे दित्ते वी जांदे सन तां बाहर बैठे अरज़ी नवीस अध्ध विच्च ख़रीद के बाबूआं नूं वापस दे आउंदे सन। इस तरहां इक्क-इक्क टिकट कई-कई वार विक रिहा सी।

संघ नें धरने लाए, हड़तालां कीतीआं। पत्तरकारां तों अख़बारां विच्च वड्डीआं- वड्डीआं सुरख़ीआं लगवाईआं। कईं डैपूटेशन मुख्ख मंतरी नूं मिले, पर परनाला उथे दा उथे रिहा। किसे दे कंन ’ते जूं नां सरकी। हंभ के संघ नूं राज़ीनामा करना पिआ। तहिसीलदार नें प्रोगराम कैंसल कर दित्ता ते इकठ्ठे होए पैसे रैड करास फंड विच्च जमहां करवा दित्ते। महीना कु चुप्प रहि के उहो चाले फेर फड़ लए।

इस लई वेदू ग़लत नहीं सी। सिटी पुलिस दे तबादलिआं विच्च संघ दी नहीं, सगों सट्टे वालिआं दी सुणी गई लग्गदी सी।

सिटी पुलिस नें सट्टे वालिआं दे नक्क विच्च दम कर रख्खिआ सी। महीना तां लैंदे ही सन, दिहाड़ी अलग्ग भालदे सन। मनबीर सिंघ तां ठीक सी, हेठलिआं नें अत्त चुक्की होई सी। दिन ढलदिआं ही सारे हौलदार वारी-वारी उस दे चुबारे आ खहड़दे। दारू-सिक्के दा ख़रच तां उह बरदाशत कर लैंदे, पर जिहड़ी जीप गली विच्च खहड़दी सी, इह ख़तरनाक सी। चार सटेनगंनां वाले सिपाही गली ’च गेड़े देण लग्गदे। पुलिस मुहल्ले ’च फिरदी होवे ता गाहक नें आ के पुलिस तों टंगां तुड़ाउणीआं हन? इहो वकत चार पैसे कमाउण दा हुंदा है। सट्टा लाउण किसे आहड़तीए जां कारख़ानेदार नें तां आउणा नहीं। मज़दूरां, दिहाड़ीदारां नें ही आउणा हुंदा है। पुलिस नूं देख के अगले टल जांदे सन। इह किहड़ा नशा है बई जे नां खाधा तां जान निकल जाऊ। अज्ज नहीं तां कल्ल्ह सही। जिस दिन वी जीप गली ’च आ लग्गदी, आमदन अध्धी रहि जांदी। जे जीप दूर खहड़ाउणी है तां सिपाहीआं नूं नाले फ़ीस दिओ नाले बोतल। सट्टे वालिआं दी तोबा होई पई सी।

आपणे आहड़तीआं राहीं वेदू नें अफ़सरां कोल दुखड़े रोए होए सन। सट्टा बरादरी दी करामात करके ही सारा गंदा अनसर तबदील कीता गिआ सी। नहीं तां मनबीर सिंघ तों सिवा बाकी दी सिटी पुलिस दा बंटी दे केस नाल की संबंध सी? वेदू दी राए सी कि संघ नूं बिनां मतलब ही उतली हवा विच्च नहीं उड्डदे रहिणा चाहीदा।

हलवाई यूनीअन दा प्रधान गिआन अड्ड डफली वजाउंदा फिरदा सी। उह कहिंदा सी यूनीअन नें पिछले चार महीनिआं तों पुलिस ख़िलाफ़ ठंढा युध्ध शुरू कीता होइआ सी। उह पुलिस दी मुनासब वगार तां करदे आ रहे सन। जिस मरज़ी दुकान विच्च वड़ के पुलिस चाह पी लए। कोई पैसा नहीं मंगदा। कोई दो-चार बरफ़ी दे टुकड़े जां लड्डू चुक्क लए तां उह वी मुआफ़ सी, पर इह की मतलब होइआ कि किसे अफ़सर दे दौरे समें काजूआं वाले मरतबान ही चुक्क लए जाण। अफ़सर इक्क आउणा हुंदा तां वगार वीह दुकानदारां नूं पैंदी। किसे तों बरफ़ी, किसे तों पनीर, किसे तों समोसे।

पिछले कुझ्झ महीनिआं तों पुलिस दा ज़िआदा ही मूंह खुल्ल्ह गिआ सी। किसे नां किसे पुलसीए दे घर विआह-शादी आई ही रहिंदी है। किसे वड्डे अफ़सर दे विआह होवे तां बणी-बणाई मिठाई वी इथों जांदी अते मुफ़त विच्च हलवाई वी। दिल कीता तां चार ढोल दुध्ध दे मंगवा दित्ते, नां दिल कीता तां उपरों-उपरों ही सार दित्ता। छोटे मुलाज़म दे विआह होवे तां खोए, पनीर भेजो। पंज सौ दी चीज़ दे पंजाह रुपए वी पल्ले नहीं सी पैंदे।

फेर वगार दा अहिसान कोई नहीं। दुध्ध तों मठिआई बणाउण ’ते पाबंदी तां पिछ्छों लग्गदी, हलवाईआं दे छापे पहिलां पै जांदे। सारा दिन गद्दीआं ’ते बैठण करके हलवाईआं दीआं गोगड़ां तां पहिलां ही वधीआं हुंदीआं हन। उपरों इह किसे नेता दे पहुंचण तों पहिलां-पहिलां अगले दीआं डंड-बैठकां लगवा-लगवा बलड्ड प्रैशर हाई कर चुक्के हुंदे। बिनां पैसा लए कोई छड्डणा नहीं। नोट इउं गिण-गिण लैंदे, जिवें हलवाई उहनां दे करज़ाई होण।

हलवाई यूनीअन नें बाकाइदा लिखती रूप विच्च मुख्ख मंतरी नूं शिकाइत भेजी होई सी। पिछली वार जदों सरदार जी शहिर ’च आए सन तां उहनां दी यूनीअन दा डैपूटेशन उहनां नूं मिलिआ वी सी। यूनीअन नें सरदार नूं धमकी वी दित्ती सी कि जे हलवाईआं दी नां सुणी गई तां उह अग्गों तों सरदार दा बाईकाट करनगे।

इह हलवाईआं दी यूनीअन दे संघरश दा नतीजा सी कि उहनां दे गलों जूला लहि गिआ सी। मुड़ नां हलवाई किसे पुलसीए नूं मुफ़त ’च चाह पिआउणगे, नां वगार करनगे।

दरशन नूं पता सी, प्रधान एना ख़ुश किउं सी। इह तां ठीक सी कि डरदिआं- डरदिआं यूनीअन नें पुलिस दी शिकाइत कीती सी, पर प्रधान नें इह शिकाइत यूनीअन दे भले लई नहीं सी कराई, सगों आपणी बेइज़्ज़ती दा बदला लैण लई कराई सी। सिटी पुलिस नें उस दे साले दा सीमिंट दा भरिआ टरक्क फड़ लिआ सी। उस दा साला पी.डबलियू.डी.महिकमे विच्च ओवरसीअर सी अते सरकारी सीमिंट अते लोहा थोक दे भाअ वेचण विच्च मशहूर सी। उह टरक्क उस नें सरकारी गुदामां विचों चोरी कीता सी। प्रधान चाहुंदा सी बिनां दित्ते-लए टरक्क छुट्ट जावे। पुलिस फसी मुरगी हत्थों जाण नहीं सी देणा चाहुंदी। कोई होर हुंदा तां प्रधान पुलिस दे ख़िलाफ़ नाअरे मार के बाहर आ जांदा। अगले उपर भावें वीह मुकद्दमे बण जांदे। आपणे साले लई उह मुकद्दमे दा जोख़म नहीं सी उठा सकदा। मजबूरी विच्च प्रधान नूं पैसे देणे पए सन। उसे दिन तों प्रधान नूं लगदा सी उह शहिर विच्च किसे नूं मूंह दिखाउण जोगा नहीं रिहा। सारा दिन पुलिस ख़िलाफ़ प्रचार करदा रहिंदा सी।

इह उस लई वधीआ मौका सी। पुलिस दे तबादलिआं दा सिहरा आपणे सिर बंनह के उह आपणी खोई लीडरी प्रापत करन दे यतन कर रिहा सी।

थां-थां हुंदे इस तरहां दे प्रचार नाल संघ दे नेतावां नूं फ़िकर होण लग्गा। लड़ाई संघ नें लड़ी, हड़तालां संघ नें कराईआं, सरदार कोल संघ नें शिकाइत कीती, पर संघ दा कोई नां ही नहीं सी लैंदा। जे इस तरहां प्रचार हुंदा रिहा तां लोकां नें इस कोरे झूठ नूं सच्च मंन लैणा सी अते संघ दी कीती कराई खूह ’च पै जाणी सी।

लोकां नूं संघ दीआं प्रापतीआं बारे दस्सणा बहुत ज़रूरी सी। शहिर विच्च थां-थां खड़ो के तां संघ दा प्रचार नहीं कीता जा सकदा। इस दा इको-इक्क हल्ल सी। इक्क सरब-पारटी कानफ़रंस रख्खी जावे। मुख्ख मुद्दा सरदार वल्लों दिखाई गई खुल्ल्हदिली दे धंनवाद दा होवे। नाल ही इस मंग ’ते ज़ोर दित्ता जावे कि कीते वाअदे अनुसार मुख्ख मंतरी बंटी दे कातलां नूं भोग तक हर हालत विच्च ग्रिफ़तार कराए। संघ दा प्रचार आपे ही हो जाणा सी।

संघ कोल आपणे तां बहुते वरकर नहीं सन। नां ही चंगे बुलारे। किसे इक्क सिआसी पारटी ’ते वी निरभर नहीं सी करना चाहीदा। भरवीं कानफ़रंस लई ज़रूरी सी कि सारीआं पारटीआं दे नुमाइंदे सद्दे जाण।

संघ नें कानफ़रंस दी तिआरी तां ज़ोर-शोर नाल कीती, पर उह नतीजे नां निकले, जिनहां दी उहनां नूं आस सी।

किसे वी पारटी दा सिरकढ्ढ नेता समागम विच्च शामल नां होइआ। दूसरे-तीसरे दरजे दे नेता ही भेजे गए, संघ दा समागम जिवें कोई ट्रेनिंग सैंटर होवे। दरशन नूं इस दे दो कारन नज़र आए। पहिला इह कि लीडर दहिशतगरदां दे ख़िलाफ़ बोलण तों डरदे सन। दूजा इह कि समागम दा मुख्ख मुद्दा मुख्ख मंतरी दा धंनवाद सी। विरोधी धिर मुख्ख मंतरी दी तारीफ़ किवें कर सकदी है? उस दा कंम तां सरकार ’ते नोक-झोक करना है।

संघ नूं इस गल्ल दा वी अफ़सोस सी कि कानफ़रंस नाल संघ दा प्रचार नहीं सी होइआ। हर बुलारे दा इको उदेश हुंदा सी लोकां नूं इह दस्सणा कि पुलिस बहुत ज़ालम है। पुलिस दे तबादले लई वकता जां उस दी पारटी ज़िंमेवार सी। नां कोई कातलां दी गल्ल छेड़दा नां बंटी दी।

दरशन नें समागम दा उदघाटन ज़ैलदार तों कराइआ। ख़िआल सी मुख्ख मंतरी दे हक्क विच्च उह सभ तों वध्ध बोलेगे। उह पहिले हल्ले ही बूझा सिंघ ’ते वरहन लग्गा। उस कोल अंकड़िआं दी किताबची सी। बूझे नें किस सिख्ख नौजवान तों किंने पैसे लए, सभ उस नूं ज़बानी याद सी। उह दुखी सी कि बूझा सिंघ किसे नूं वी नहीं सी बख़शदा। इक्क वार चुपके जिहे उह ज़ैलदार दे पोते दे सांढू तों दस हज़ार लै गिआ। ज़ैलदार लंबे समें तों उस दे ख़िलाफ़ संघरशशील सी। उह हर थां बूझे दीआं ज़िआदतीआं दे ख़िलाफ़ आवाज़ उठाउंदा सी_पारटी मीटिंगां विच्च, गरीवीऐंस कमेटी विच्च अते मुख्ख मंतरी कोल। उह मुख्ख मंतरी दा धंनवादी सी कि मुख्ख मंतरी नें देर तां ज़रूर कीती सी, पर हनेर नहीं सी पाइआ। सिख्ख उहनां दे धंनवादी सन। उहनां सिख्खां नूं इस कोहड़ तों राहत दिखाई सी।

बूझा सिंघ नाल दुशमणी दा असल कारन उस दी लुट्ट नहीं सी। दरशन नूं पता सी बूझा सिंघ नें ज़ैलदारां दे कुड़मां दा डोडिआं दा टरक्क फड़ लिआ सी। उह ज़ैलदार दे रोहब अग्गे झुकिआ वी नहीं सी। उलटा बूझा सिंघ नें पहिलां ही मुख्ख मंतरी दे कंन भर दित्ते। भज्जा-भज्जा ज़ैलदार जदों मुख्ख मंतरी कोल गिआ तां अग्गों झिड़कां खाणीआं पईआं। गिआन चंद वांग उस दिन तों ज़ैलदार वी बूझा सिंघ विरुध्ध ज़हिर घोल रिहा सी। उस नूं वी बूझा सिंघ दे तबादले लई आपणे आप नूं ज़िंमेवार ठहिराउण दी काहल सी तां ही लोकां ’च नक्क रहिणा सी।

अखिल भारती मज़दूर संघ दे बुध्ध राम दा सारा ज़ोर सिपाहीआं नूं भंडण ’ते लग्गा सी। किवें उह ऐफ़.सी.आई दी लेबर नूं तंग करदे हन। किवें ग़रीब इसतरी मज़दूरां ’ते बुरी नज़र रख्खदे हन। किवें डुल्ल्हे चौल इकठ्ठे करदीआं मंगतीआं दी इज़्ज़त लुट्टदे हन। किवें किसे कणक दी सपैशल गड्डी लग्गण दी ख़बर सुण के गिरझां वांग उहनां दे सिर ’ते मंडराउण लग्गदे हन। अफ़सरां दी वगार दे बहाने, कदे थाणे दी मैस दे बहाने किवें दस-दस बोरीआं कणक चुक्क के लिजांदे हन। कणक चोरी दे झूठे इलज़ाम ला के किवें लेबर तों शराबां पींदे अते मुरग़े खांदे हन।

जदों लेबर कोई जाइज़ हड़ताल करे तां डंडा परेड वी लेबर ’ते ही करदे हन। उस समें सिपाही लेबर दीआं दोसतीआं भुल्ल जांदे हन। उहनां नूं सरमाएदारां दी माइआ अते विसकी दी याद रहिंदी है। उस नूं गिला सी, अध्धे नालों वध्ध सिपाही पंदरां-पंदरां साल तों इथे लग्गे होए सन। झूठी मुख़बरी कर-कर उह अफ़सरां नूं भटकाउंदे सन। इस तबादले विच्च वी उहनां नूं नहीं सी छेड़िआ गिआ। पता नहीं मुख्ख मंतरी नूं उहनां नाल मोह किउं सी?

बुध्ध राम दे भाशण नूं उलट दिशा वल्ल जांदा देख के दरशन तिलमिला उठिआ। कानफ़रंस मुख्ख मंतरी दे सवागत लई बुलाई गई सी नां कि विरोध करन लई। उस दा सिपाहीआं विरुध्ध बोलण दा कारन निज्जी सी। उह आप तां सारा दिन लीडरी ’ते रहिंदा सी, पर उस दे दोवें मुंडे चोरी दी कणक ख़रीदण लई माल गुदाम ’ते बैठे रहिंदे सन। सिपाहीआं नें उहनां नूं कई वार फड़िआ सी। उह सिपाही इस समें कानफ़रंस विच्च हाज़र सन। बुध्ध राम नूं कई सालां बाअद सटेज ’ते चहड़न दा मौका मिलिआ सी। उह सिपाहीआं नूं डराउण ’ते तुलिआ होइआ सी।

बुध्ध राम दीआं ऊट-पटांग गल्लां दरशन तों बरदाशत नां होईआं। पहिलां उस नें उस नूं भाशण दा रुख़ बदलण लई इशारे कीते। जदों उह नां ही हटिआ तां दरशन नूं ‘समां समापत हो गिआ’ आख के उस तों माईक खोहणा पिआ।

अगला बुलारा उस दा वी गुरू निकलिआ। उह *तीकारी फ़रंट दा राजिंदर सी। उह मुख्ख मंतरी अते पुलिस नूं तां गेड़ा दे ही रिहा सी, नाल ही संघ ’ते वी विअंग करन लग्गा।

उह पुछ्छ रिहा सी कि मुख्ख मंतरी दा धंनवाद किस ख़ुशी विच्च कीता जावे?

की इस लई कि उह दस दिन चुप्प कर के बंटी दी मौत उडीकदा रिहा? जां इस लई कि उस नें बंटी दी शहादत दा मुल्ल इक्क लख्ख रुपिआ पाइआ सी जां फिर इस लई कि उस दी सारी पुलिस निकंमी सी।

इस गल्ल दी की गारंटी है कि अग्गों तों कोई बंटी अगवा नहीं होएगा जां आउण वाली पुलिस ईमानदार अते दिआनतदार होएगी।

मुख्ख मंतरी लोकां नाल हमदरदी प्रगटाउण नहीं, उहनां नूं बुध्धू बणाउण आइआ सी। लोकां दे जज़बात भटक गए सन। मजबूर हो के उस नूं शहिर आउणा पिआ सी। लोक उस दीआं लूंबड़-चालां विच्च आ गए सन।

की इक्क लख्ख रुपए दी सहाइता नाल लोकां दे मसले हल्ल हो गए? ओना चिर सैंकड़े बंटी अगवा अते शहीद हुंदे रहिणगे, जिंनां चिर लोकां नूं सच्च अते झूठ दी पहिचाण नहीं हुंदी। सूबे विच्च अमन बहाल करना है तां मूलवादी शकतीआं दे तत्त नूं पछाणो। इहनां वख्खवादी अते अतिवादी ताकतां नूं उभारन वाले बाहरों किधरों नहीं आए, साडे आपणे हन। साडे सूबे विच्च मूलवाद दी जहड़ जे मुख्ख मंतरी दी पारटी नें लाई है तां केंदरी सरकार इस नूं वधण-फुल्लण विच्च सहाई हो रही है। दोहां दा मकसद इको है। किवें नां किवें सत्ता ’ते काबज़ रिहा जावे जां फेर सत्ता हथिआई जावे। इस गड़बड़ तों दोवें फ़ाइदा उठा रहे सन। लोक इस चाल नूं समझण।

उह संघ नूं वी समझा रिहा सी। समस्सिआ इकल्ले बंटी दी नहीं। नां इक्क लख्ख रुपए दी गरांट नाल हल्ल होई सी। हज़ारां बंटी इस समस्सिआ दा शिकार सन। संघ आपणी ताकत मुख्ख मंतरी दे धंनवाद दी थां उस दी असलीअत नूं बेनकाब करन अते लोक-शकतीआं नूं इक्क पलेटफ़ारम ’ते इकठ्ठिआं करन विच्च लाए। इहो बंटी लई सच्ची शरधांजली सी।

राजिंदर दा भाशन दरशन नूं भंबल-भूसिआं ’च पाउण लग्गा।

हुण तक तां संघ समझदा सी कि मुख्ख मंतरी नूं जे किसे नें झुकाइआ सी तां उह संघ ही सी। संघ दीआं हड़तालां अते धमकीआं अग्गे मुख्ख मंतरी हथिआर सुट्टण लई मजबूर होइआ सी, पर लोकां दे दाअविआं अते नेतावां दे भाशणां तों उस नूं महिसूस होण लग्गा सी कि मुख्ख मंतरी दे ऐलानां पिछ्छे नां संघ दा हत्थ सी, नां जथेदारां दा अते नां ही किसे यूनीअन दा।

इस पिछ्छे कोई होर ही कारन सी, जिहड़े दरशन दी समझों बाहर सी। हो सकदै उहनां विचों इक्क राजिंदर दे कहिण मुताबक, संघ नूं बुध्धू बणाउणा वी होवे।

 

 

24

जे पाला चाहुंदा तां घरों भज्ज के आपणी जान बचा सकदा सी।

बलवंत सिपाही उस नूं रात ही दस्स गिआ सी कि नवीं पुलिस नें पुराणे बसते खोल्ह लए हन। पुलिस नें हर उस मुजरम तों पुछ्छ-गिछ्छ करनी है, जिस ख़िलाफ़ कदे इक्क वी मुकद्दमा दरज होइआ है। पाला तां दस नंबरीआ रिहा है। उस दे घर पहिली ही रात छापा पएगा।

बलवंत नें इह वी दस्सिआ सी कि सटाफ़ बड़ा ख़ूंख़ार है। किसे दी हड्डी पस्सली तोड़ना उहनां लई मामूली गल्ल है। इह बंदा मारन लग्गे वी ‘सी’ नहीं करदे। इक्क-इक्क नें कई-कई बंदे मारे होए हन। वड्डा थाणेदार अंम्रितसर दे इंटैरोगेशन सैंटर विचों आइआ है, बड़ा ज़ालम है। बंदे दी गरदन इउं मरोड़ दिंदा है, जिवें बंदा बंदा नां होवे, मुरग़ा होवे। वड्डे साहिब नें उस नूं अख़तिआर वी पूरे दित्ते हन। कातल हर हालत विच्च भोग तों पहिलां-पहिलां फड़े जाण। इस मकसद दी प्रापती लई उह भावें वीह बंदे मार देवे, उस नूं खुल्ल्ही छुट्टी है।

पाले दा इसे विच्च फ़ाइदा है कि उह दो-चार दिन इधर-उधर हो के आपणी जाण बचा लए।

बुढ्ढे सिपाही दी घबराहट तों पाले नें अंदाज़ा ला लिआ सी कि बलवंत दी गल्ल विच्च सौ फ़ीसदी सच्च सी। बलवंत उहनां दा पुराणा जुट्ट है। मौके-बेमौके पाले हुरां दे कंम आउंदा रिहा है। नवीं योजना दा पता लग्गदे ही उह भज्जा-भज्जा आइआ। इक्क मिंट वी नां रुकिआ। हाले उस नें बहुत मित्तरां दे घर जाणा सी।

रोण-हाका हो के थर-थर कंबण तों सिवा पाला कुझ्झ वी नहीं सी कर सकदा। बलवंत दीआं गल्लां सुण के पाले दा सारा सरीर दरद करन लग्गा। पुलिस दी पैण वाली मार दी कलपना कर के उस दीआं चीकां निकलण वालीआं हो गईआं। पहिलां उह तकड़ा सी। पुलिस दी मार झल्ल जांदा सी। हुण तां उस दा हर अंग टुट्टिआ-भज्जिआ पिआ है। पुरे दी हवा चल्लदे ही सारे जोड़ां विच्च दरद शुरू हो जांदा है। पाले दा सरीर हुण मार खाण दे काबल नहीं रिहा।

घरों भज्ज के खहिड़ा छुट्ट सकदा हुंदा तां उह ज़रूर घरों भज्ज जांदा। कई वार उस नें घरों भज्ज-भज्ज देखिआ सी। पाले दे सारे टब्बर नूं बगल लिआ जांदा। बुढ्ढे बाप दी दाहड़ी पुट्टी जांदी। भरावां नूं पुठ्ठा लटकाइआ जांदा। मां अते भैणां नाल जो सलूक हुंदा, उस बारे सोच के पाले नूं आपणे-आप नाल नफ़रत होण लग्गदी है। उस दीआं भैणां नूं, बाप अते भरावां अग्गे नंगा होणा पैंदा। इक्क तों दूजे दे गुपत अंगां दे वाल पुटवाए जांदे। भैणां पुलसीआं दी हवस दा शिकार ही नहीं सी हुंदीआं, उन्ना चिर गोहा-कूड़ा वी करदीआं जिंना चिर पाला हाज़र नां हुंदा।

मां-बाप नूं इहो ताहने दित्ते जांदे कि उहनां नें पाले वरगा नालाइक पुत्त किउं जंमिआ है? जदों पाला हाज़र हुंदा तां सभ नूं नंगे कर के उहो कारवाई फेर दुहराई जांदी।

मां-बाप दी बेइज़्ज़ती ’ते पाले नूं कोई रंज नहीं सी हुंदा। उस समें उह समझदा सी कि पाले नूं चोर बणाउण विच्च उहो भाईवाल सन। उहनां नाल जिंनी होवे, ओनी ही थोहड़ी सी।

आहड़त दी दुकान ’ते मापिआं नूं चंगी मज़दूरी मिलदी सी। कंम करन वाले बथेरे जीअ सन। कुल मिला के पूरे गिआरां। पंजाह-सठ्ठ दी दिहाड़ी किधरे नहीं सी जांदी। सीज़न विच्च दाणे-फक्के दे बोहल लग्ग जांदे। फेर उहनां नूं की लोड़ सी, पिड़ां ’चों कणकां, कपाहां ते झोना चोरी करन दी? कदे किसे ढेर विचों कणक दा पीपा भर लिआ, कदे किसे ढेर ’चों रुग्ग कपाह दा खिसका लिआ। उहनां नूं नां आहड़तीआ कुझ्झ आखदा नां मुनीम। इस गल्ल दी पाले नूं पिछ्छों समझ आई सी कि आहड़तीए दी इस मिहरबानी दा मुल्ल मां किस रूप विच्च उतारदी सी।

पाला वड्डा होइआ तां उस नूं इहो जाच सिखाई गई। जिड्डी वड्डी चोरी करदा, ओडी वड्डी थापी मिलदी। कदे-कदे झोली दाणिआं दी वी मिलदी। दाणे वेच के जो मरज़ी खावे।

ख़रचण लई पैसे होण तां खाण-पीण दीआं चीज़ां दी तां कोई कमी नहीं। वासदेव दी बरफ़, राम दीआं कचौरीआं, लीले दे लड्डू अते मोटे दीआं जलेबीआं, नन्ने दी करारी चाट अते मिठ्ठू दे भल्ले।

करारीआं चीज़ां खाण दा अजिहा भुस्स पिआ कि रोटी सवाद लग्गणों हट गई। पाला साबत कणक दा पीपा वेच के पैसे जेब ’च पाउण लग्गा। उहनां पैसिआं नाल उह फ़िलम देखदा, बीड़ीआं पींदा अते दोसतां नाल रल के मछ्छी खांदा। सिनेमे विच्च उस दी मुलाकात मीते, निंदे अते घारू नाल होई। मीता जेबां कट्टदा सी। निंदा अते घारू चोरी करदे सन। उहनां दीआं शकलां, कद-काठ अते पहिरावा पाले नाल मिलदा- जुलदा सी। मां-बाप वी इको जिहे अते घर-बार वी। उह सारे ही चोरी फ़िलमां देखदे सन। कुझ्झ दिनां विच्च उह सारे दोसत बण गए।

पैसे कमाउण दा घारू नें बड़ा वधीआ तरीका दस्सिआ। सिनेमा अग्गे खड़े साईकलां दीआं घंटीआं तों पित्तल दीआं कौलीआं लाह लओ। इक्क कौली बदले नन्ना चाट वाला पूरा पत्ता चाट दा दिंदा है। वैसे इह कंम सौखा नहीं सी। ठेकेदार अकसर उनां दी मुरंमत कर दिंदे। उह डाकख़ाने, हसपताल अते बैंक अग्गे खड़े साईकलां ’ते हत्थ फेरन लग्गे।

निंदे नें खोज कढ्ढी। उस नूं पता लग्ग गिआ कि नन्ना कौलीआं किथे वेचदा है। निंदा कबाड़ीए नूं मिल वी आइआ। जे सिध्धी कौली उस कोल वेची जावे तां दो रुपए मिल सकदे सन। चाट वाला पत्ता तां सारा अठ्ठ आने दा हुंदा सी।

उहनां दी कबाड़ीए नाल दोसती हो गई।

कदे-कदे उह गलीआं विच्च चक्कर कढ्ढदे। चबूतरिआं ’ते पए गलास, कौलीआं खिसका लैंदे। इहनां चीज़ां दे चंगे पैसे मिलदे।

“घंटीआं लाहुण नूं तुसीं हुण जवाक नहीं रहे। साईकल ही उडा लिआ करो। पंजाह रुपए फ़ी साईकल मिलिआ करनगे।” कबाड़ीए नें इक्क दिन उहनां नूं वड्डे होण दा अहिसास कराइआ।

मीता जेबां कट्टण विच्च माहिर हो गिआ। उह कदे-कदे ही मिलदा। पक्की दोसती तिंनां विच्च ही रहि गई।

सच्चमुच्च साईकलां वाला धंदा वधीआ सी। चोरी दा ढंग वी कबाड़ीए नें ही दस्सिआ सी। जिस साईकल नूं चोरी करना होवे, उस कोल आपणा साईकल खड़ा कर दिओ। कुझ्झ देर इधर-उधर घुंम के चोरी वाला साईकल खिसका के तुरदे बणो। जे फड़े जाओ तां ग़लती होण दी मुआफ़ी मंगो। पए भुलेखे दा अहिसास कराओ। आपणा साईकल चुक्क के तुरदे बणो। जे साईकल थां सिर पहुंचाउण विच्च कामयाब हो गए तां थोहड़ी देर बाअद आपणा साईकल वी चुक्क लिआओ।

इक्क वार साईकल कबाड़ख़ाने तक पहुंचा दिउ, पैसे खरे। कबाड़ख़ाने पुज्जदिआं ही साईकल दा पुरज़ा-पुरज़ा हो जांदा सी।

कई साल उह मौजां करदे रहे। पाला घरे वड़नों हट गिआ। सारा दिन दोसतां नाल फिरदा रहिंदा। कंम-कार उक्का छड्ड दित्ता। दिल कीता घर चला गिआ, नां दिल कीता तां कबाड़ख़ाने पिआ रिहा।

फेर उहनां नूं लग्गा, साईकलां दी चोरी नाल गुज़ारा होणा मुशकिल सी। पंजाह रुपए नाल तिंन जणिआं दा की बणदा है? पंजाह दी तां शराब आउंदी है। उपरला ख़रच किथों आवे?

कबाड़ीआ फेर उहनां दी सहाइता लई बहुड़िआ। उह सकूटरां ’ते हत्थ अज़मा के देखण। घारू सकूटर चला लैंदा सी। पाले हुरीं उस दी हिफ़ाज़त करन लग्गे। तरीका उहो पुराणा। बस्स थोहड़ा जिहा ख़िआल रख्खणा पैंदा सी। कंम-कार दा घेरा वड्डा करना पैणा सी। बाहरले कसबिआं तक जाणा पैणा सी। कंम शुरू करन लई कबाड़ीए नें उहनां नूं इक्क सकूटर वी दे दित्ता।

इह धंदा बहुता चिर नां चल्लिआ। सकूटर दा अकसर बीमा होइआ हुंदा सी। बीमे दी रकम लैण लई चोरी दी रिपोरट दरज होणी ज़रूरी सी। साईकल दी चोरी थोहड़ा सी कि मालक सबर दी घुट्ट भर के बैठ जाए। कोई थाणे चला वी जांदा तां थाणे वाले रसीदां पेश करन दे बहाने टाल दिंदे। सकूटरां वाले परचा दरज करा के ही हटदे।

सकूटर चोरी होण दे दो-चार मुकद्दमे दरज होए तां पुलिस नूं फ़िकर हो गिआ।

चौथा सकूटर चुक्कदे ही उह फड़े गए।

थाणे दी इह उस दी पहिली सैर सी।

इक्क-दो वार थाणे जा के पुलिस दा हऊआ चुक्किआ गिआ। पुलिस वाले ज़ालम घट्ट ते दोसत ज़िआदा सन। पहिलां-पहिलां दब्ब के कुट्टदे सन, पर सट्टां ठीक होण तों पहिलां ही गहिरी दोसती वी गंढ लैंदे सन। हिस्सा-पत्ती आपे तहि कर लैंदे।

थाणे-जेल्हां विच्च उहनां दी दोसती दा घेरा विशाल हुंदा गिआ। चोरां दे कई गरोह उहनां दे संपरक विच्च आ गए। साईकलां दी चोरी वी कोई चोरी है? कोठीआं नूं पाड़ लाओ।

थाणे-कचहिरी उहनां लई आम गल्ल हो गई। वकीलां नें बरी होण दे सारे दाअ-पेच सिखा दित्ते। बिनां झिजक घरां ’च चोरीआं करन लग्गे। बहुतीआं चोरीआं विच्च उह फड़े ही नां जांदे जां आखो पुलिस फड़दी ही नां। कदे फड़े जांदे तां पुलिस नूं माल ख़रीदण वालिआं दे घर लिजा के पैसे खटा दिंदे।

कोई धड़ल्लेदार थाणेदार हुंदा तां महीना-वीह दिन जेल्ह ’च रहि के जुरम दा इकबाल कर लैंदे, उह ख़ुश हो जांदा। उस दा मुकद्दमा कामयाब हो गिआ।

माड़ा हुंदा तां ज़मानत करा के बाहर आ जांदे। गवाह कचहिरी दे चक्कर कट्ट-कट्ट हंभ जांदे। अक्क के पैरवाई छड्ड जांदे। अध्धे गवाह आपणी धरम दी सहुं खा के झूठ बोलण तों नांह कर दिंदे। सच्च बोले तां उह बरी। कोई बहुता ही चुसत मुदई्ई हुंदा तां पाले हुरीं सरकारी वकील नूं पैसे दे दिंदे। उह आपे हेठ-उतांह कर के बरी करवा दिंदा।

पाले नूं इह कंम बड़ा रास आ गिआ सी। मौजां ही मौजां सन। जेल्हां ’च बणे दोसत बड़े कंम आउंदे सन। कदे भीड़ पैंदी तां वड्डे समग्गलरां दी ओट मिल जांदी।

फेर बी.ए.नां नाल मशहूर इक्क अजिहा थाणेदार आइआ कि उहनां नूं नानी याद आ गई। तेज़ रोशनीआं अग्गे बिठा-बिठा के पहिलां पाले दी निगाह कमज़ोर कीती। जदों दिखेगा ही नहीं चोरी किवें करेगा? पिछ्छों चूला लाह दित्ता। महीना थाणे पाई रख्खिआ। इलाज वी नां करवाउण दित्ता, उह लंगड़ा हो के तुरन लग्गा।

घारू दीआं दोवें बाहां तोड़ दित्तीआं। निक्के के कंनां विच्च कोई चीज़ पा दित्ती, उह बोला हो गिआ।

उहनां विचों कोई वी चोरी दे काबल नां रहिण दित्ता।

साल भर हसपतालां दे धक्के खा के पाले नूं मसां धुप्प-छां दिखाई देण लग्गी सी। बसाखीआं तां लहि गईआं, पर तेज़ तुरन लग्गिआं सारी टंग दरद करन लग्गदी।

जीवन आहड़तीआ उस दी बांह नां फड़दा तां पाले नूं किसे मंदर-गुरदुआरे अग्गे बैठ के भीख मंगणी पैंदी। बाप नें जीवन दे पैरीं पग्ग धरी, मां नें हाहड़े कढ्ढे। सारी उमर जीवन दी कीती ग़ुलामी दी याद दिवाई। पाले नें वी नक्क नाल लकीरां कढ्ढीआं। माड़े कंमां दी असल सज़ा उह हुण भुगतण लग्गा सी। पंझीआं दी उमर विच्च सठ्ठां दा लग्गण लग्गा सी। उह होर पाप नहीं करेगा।

पाले नूं सुधरन दा मौका मिलिआ। जीवन नें अख्खां वाले डाकटर तों उस दा इलाज वी करवा दित्ता। मोटे-मोटे शीशिआं वालीआं ऐनकां ला के उह ठीक देख सकदा सी।

मुड़ उस नूं नां घारू दे दरशन होए नां निंदे दे। पाला उहनां नूं भुल्ल-भुला गिआ।

पाले दा पिछले साल विआह वी हो गिआ सी। उह बाप बणन वाला सी।

बलवंत सिपाही दे आखे लग्ग के जे उह घरों भज्ज वी जांदा तां पिछ्छों की होणा सी, उस तों भुल्ला नहीं सी। भैणां तां विआहीआं वरीआं गईआं। मां थाणे जाण जोगी नहीं सी। सारी उमर धूड़ फक्कदी रहिण कारन उस नूं टी.बी.हो गई। पुलिस दी इको घुरकी नाल उस नें मर जाणा सी। नंगी करन लई उस दी पतनी ही रहि जाणी सी। पतनी नूं पुलिस दे हत्थ उह देणा नहीं सी चाहुंदा।

पाला मोढे ’ते भूरा रख्ख के जीवन आहड़तीए कोल चला गिआ। किसे जाण-पहिचाण वाले राहीं उह पाले नूं पुलिस कोल पेश करा देवे।

जीवन सोचीं पै गिआ, किस अफ़सर राहीं पाले नूं पेश करे। हौलदार तों लै के डिपटी तक सारे अफ़सरां दा इकदम तबादला हो गिआ सी। पहिलां कदे इस तरहां नहीं सी होइआ। पहिलां इक्क-दो दे तबादले हुंदे सन। पुराणिआं राहीं नवें अफ़सरां नाल जाण-पहिचाण हो जांदी।

पहिला डिपटी हुंदा तां पाले नूं किसे नें थाणे बुलाउणा तक्क नहीं सी। पाले दा ठीक रिकारड देख के दो साल पहिलां उस नें पाले दी हिसटरी-शीट बंद करवा दित्ती सी। हिसटरी-शीट बंद करवाउणी कोई खेड नहीं हुंदी। सैंकड़े रिपोरटां हुंदीआं हन, पर डिपटी जीवन दा हम-पिआला सी। उस दी गरंटी दे आधार ’ते ही पाले नूं दस नंबरीआं विचों कढ्ढ दित्ता गिआ सी।

हथिआर सुट्टण वाला जीवन वी नहीं सी। वाकफ़ तां उस दे जज्ज वी सन। इस कंम लई तां सरकारी वकील दी सिफ़ारश ही काफ़ी सी।

गुरमीत राहीं पाला पेश हो गिआ।

पाला आपे पेश होइआ सी, इस लई उह पुलिस दे ग़ुस्से तों बचिआ होइआ सी। उस नूं मज़ार वाले चबूतरे कोल बैठ के आपणी वारी दी उडीक करन दा हुकम होइआ सी।

पाले दी नज़र थाणे दे वड्डे दरवाज़े ’ते टिकी होई सी। हर दस-पंदरां मिंटां बाअद गेट ’ते पुलिस दी कोई गड्डी रुकदी। उस विचों पाले वरगा कोई दस नंबरीआ उतरदा जां दस नंबरीए दे वारिस।

थाणे विच्च वध रही भीड़ नूं देख के पाले नूं कांबा छिड़ रिहा सी। किसे वी समें उस ’ते तशद्दद भारू हो सकदा सी।

हुण भावें दो-तिंन सालां तों उह टिकिआ होइआ सी, पर उस दे ख़िलाफ़ दरज होए मुकद्दमिआं दी लिसट बहुत लंबी सी। कईआं विच्च उस नूं सज़ा होई सी, कईआं विचों बरी होइआ सी। इहनां सज़ावां दे आधार ’ते ही उस नूं दस नंबरीआ बणाइआ गिआ सी। उहो सज़ावां उस नूं किसे वी समें पुठ्ठा लटकण लई मजबूर कर सकदीआं सन।

पाले नूं तां उस दिन दी ही पुलिस दी उडीक सी, जिस दिन बंटी दी लाश मिली सी। अजिहे मौके पुलिस नूं उस वरगे मुजरमां दी लोड़ पैंदी, पर उह इस लई बच गिआ सी, किउंकि सारी पुलिस जीवन आहड़तीए दी वाकफ़ सी। जीवन आहड़तीए नूं वी पता सी कि उह हुण घंटे लई वी दुकान तों ग़ैर-हाज़र नहीं हुंदा। सारीआं कहाणीआं भुला के पाले नें दुकान सुंभरन, दाणिआं नूं झार लाउण, बोरीआं भरन अते सिलाई दा कंम शुरू कर दित्ता सी।

चोरी-यारी तों पाले नूं नफ़रत हो गई सी। महिंगाई दे इहनां दिनां विच्च मज़दूरी दुग्गणी-तिग्गणी हो गईं सी। नाले चार सेर दाणे वी इकठ्ठे हो जांदे सन। दो-तिंन ढिड्ड भरन लई इंनी कु कमाई बहुत सी।

फेर वी नवीं पुलिस नूं उस दी ज़रूरत महिसूस होई सी।

उह पुलिस दे सवालां दा जवाब देण लई ख़ुद ही हाज़र हो गिआ सी।

पता नहीं किथों पुलिस पाले दे सारे पुराणे दोसत लभ्भ लिआई सी। कई अजिहे बंदे वी फड़ लए गए सन जिहड़े पाले नूं कदे-कदाईं जेल्ह जां थाणे विच्च ही मिलदे सन। बाहर कदे उहनां दे दरशन नहीं सी होए।

सभ तों पहिलां पुलिस दे हत्थ आउण वालिआं विच्च उस दे साथी बारू अते निंदा सन।

उसे ढाणी दे संतू, मिहरू, पालू, घीचर अते बंतू। पुराणा जेब-कतरा मीता अते उस दे चेले दारू, रामू अते सुंदर। नाजाइज़ शराब कशीद करन वाले निंदर, मुरली अते साथी। नंबरदारां दी अफ़ीम ढोण वाले बिहारी भईए। वेदू सट्टे वाले दे करिंदे रमेश, दरशी अते जनक। रिकशे वाला बंतू अते जस्सा। जूआ खेडणा जिनहां दी आदत सी। दो पैसे आ जाण तां सटेशन ’ते ही जूआ खेडण बैठ जांदे। कई वार फड़े गए। जुरमाने भर के छुट्ट आउंदे सन। दानकिआं दे घीचर अते निहाला जिहड़े जंगलात महिकमे दीआं लक्कड़ां चोरी करन लई मशहूर हन। पीलू अते धिचकू जिनहां नूं बण-संवर के रहिण अते बदमाश अखवाउण दा शौक है। पब्बी नें जदों वी ज़मीन ’ते कबज़ा करन जाणा होवे, उह मुछ्छां नूं वट्ट दे के, प्रैस कीते कुड़ते-चादरे पा के अते मोढे ’ते बंदूकां लटका के सभ तों अग्गे जांदे हन। कई बंदे मारे। कदे बरी हो जांदे, कदे दो-चार साल दी कट्ट आउंदे। वधीआ तों वधीआ वकील उहनां दी पैरवाई लई हाज़र हुंदा। दारू दा घुट्ट पी के आपणे ही भाईचारे दा सिर पाड़न वाले ढीचू अते साधू। सांसी अते बाज़ीगर। सभ पुराणे मुजरम, पाले दे यार।

नवें चिहरिआं दी वी घाट नहीं सी, पर उह सन पाले दी जात-बरादरी विचों ही।

जिहड़े घरां विचों मुजरम नहीं सी मिले, उहनां विचों मुजरमां दे वारिस धूहे गए सन। प्रिंस दीआं भैणां अते नानू दी मां। शालू दा बाप लिआंदा गिआ सी। शंकर दा चाचा। जिस दा कोई वी नां मिलिआ, उस दा सामान चुक्किआ गिआ। बाकीआं दे डंगर-पशू खोल्ह लिआंदे गए। दुपहिर तक थाणा मुजरमां नाल भर चुक्का सी। चारे पासे चीक-चिहाड़ा पै रिहा सी।

मुजरम दा थाणे वड़दिआं ही सवागत शुरू हो जांदा। दो सिपाही दरवाज़े अग्गे खड़े सन। अंदर वड़दिआं ही हूरे मारने शुरू कर दिंदे। धौण ’च, जाभां ’ते, मौरां ’च। अगले दा हुलीआ विगड़ जांदा। पग्ग किते हुंदी अगला किते। धक्के मार-मार धरती ’ते डेग लैंदे, ठुड्डे मारदे। केसां तों फड़ के खड़ा करदे। धीआं-भैणां दीआं गाल्हां कढ्ढदे ऐस.ऐच.ओ.दे पेश करदे।

नां पता पुछ्छ के ऐस.ऐच.ओ.हिसटरी-शीट खोल्हदा। उस दे पुराणे रिकारड नूं देख के फ़ैसला कीता जांदा कि उस नूं किस तफ़तीशी पारटी दे हवाले करना है।

पाला बेसबरी नाल उडीक रिहा सी। कोई पता नहीं उस नूं किस पारटी दे हवाले कीता जावे?

 

 

25

बलवंत सिपाही दी गल्ल ग़लत नहीं सी।

नवां थाणेदार सच्चमुच्च दिओ वरगा सी, छे फ़ुट्ट कद्द। बिल्लीआं अख्खां। कुंढीआं मुछ्छां। तुरदा तां धरती कंबण लग्गदी। बोलदा तां सभ दे दिल हिला दिंदा।

उसे जिंना ख़तरनाक सी, उस दा सहाइक, छोटा थाणेदार नाजर सिंघ। कुइंटल देह, चौड़ी छाती, सूहीआं अख्खां ’चों कहिर वरसाउण वाला। जिस कोल वी जा खड़दा, अगला डरदा आपे बकण लग्गदा।

हौलदार वी जिंनां दा रूप। सिपाही उहनां दे वी गुरू।

थाणे दा विहड़ा युध्ध-भूमी बण गिआ लग्गदा सी। इक्क पासे सन माड़चू जिहे निहत्थे मुजरम, दूजे पासे सन झोटिआं वरगे हथिआरबंद पुलसीए।

ऐस.ऐच.ओ.लाल सिंघ नें तफ़तीशी अफ़सरां दी योगता दा पैमाना उहनां दी कुट्ट-मार कर सकण दी शकती रख्खिआ सी। पारटी दी योगता दे आधार ’ते ही उहनां नूं मुजरम संभाले जांदे सन।

किसे पारटी नूं घोटा लाउण दा हुकम होइआ सी, किसे नूं कुरसी अते किसे नूं मंजा।

कुझ्झ नूं पिप्पल नाल बंनहिआ गिआ सी। कुझ्झ टाहणीआं ’ते तोरीआं वांग लटक रहे सन। कोई पुठ्ठा लटक रिहा सी, कोई सिध्धा। रस्सा किसे दे गिट्टिआं विच्च पाइआ गिआ सी अते किसे दे गुट्टां विच्च।

किसे नूं पिंजरे विच्च ताड़ के तड़पाइआ जा रिहा सी, किसे नूं बरफ़ दीआं सिलीआं ’ते पा के।

टट्टीआं कोल गंद दा बठ्ठल भरी बैठी जमांदारनी बड़ी ख़ुश सी। उस दे कोल गंद चुक्कण वाला कड़छा पिआ सी। रमेश, दरशी अते जनका उस दे हवाले सन। बड़े मज़े नाल उस नें तिंनां दे मूंह ’ते गंद बंनहिआ सी। उहनां दे हत्थ पिछांह पिठ्ठ ’ते लिजा के बंनह दित्ता गिआ सी। थाणेदार दी सख़त ताड़ना सी। उह जिंना चिर कुझ्झ बकण दा इशारा नां करन, उहनां दे मूंहां तों गंद नां लाहिआ जावे। उह थाणे कचहिरी घुंमदे रहिंदे हन। हो सकदै उहनां कदे मुजरमां नूं साज़िश करदे सुणिआ होवे।

घीचर अते निहाला उहनां नालों कुझ्झ तकड़े सन। इस लई उहनां ’ते सख़ती दी ज़रूरत सी। कतल बारे जाणकारी रख्खण दी संभावना रद्द नहीं कीती जा सकदी। उहनां नूं मुनशी दे दफ़तर अग्गे कुरसी डाही बैठे हौलदार दे हवाले कीता गिआ सी। हौलदार दे दोहां हत्थां विच्च डंडे फड़े होए सन। मुजरमां नूं उस दे साहमणे पैरां भार बैठण दा हुकम होइआ। उहनां दे विगड़े दिमाग़ नूं दरुस्सत करन लई उहनां दे सिरां नूं छल्लीआं वांग कुट्टिआ गिआ। दो कु वार उहनां सिरां ’ते हत्थ रख्ख के मारां नूं ठल्ल्हणा चाहिआ, उलटा डंडिआं दी बारश तेज़ हो गई।

बिनां कोई इकबाल करे उह इक्क पासे नूं लुहड़क गए।

दो सिपाही आए अते बाहां तों फड़ के बैरकां नूं लै तुरे।

इस तफ़तीश तों विहला हो के अगले हुकमां लई हौलदार नें थाणेदार नूं सलूट मारिआ।

पुलिस कोल बंदे बहुत सन, पर समां घट्ट सी। दिन छिपण नूं आइआ सी। कंम अध्धा वी नहीं सी निब्बड़िआ।

लाल सिंघ दा सारा समां सिफ़ारशीआं दे हहड़ ठल्ल्हण ’ते लग्ग गिआ सी। जज्ज तों लै के डी.सी.तक दीआं सिफ़ारशां आ गईआं सन। अक्क के उस नें फ़ोन ही कटवा दित्ता। कांगरसीआं तों लै के कामरेड तक सभ थाणे दा चक्कर मार गए सन। लाल सिंघ जाण-बुझ्झ के उहनां नूं पुठ्ठा ही पैंदा रिहा तां जो मुड़ उह सिफ़ारश करन दी हिंमत नां करन। खिझे थाणेदार नें थाणे दे गेट नूं जिंदा लगवा दित्ता। जिंना चिर अंदरले मुजरमां तों पुछ्छ-गिछ्छ नहीं हो जांदी, किसे लई दरवाज़ा नां खोल्हिआ जावे।

जे थाणेदार चलाक सी तां मुजरम वी दो चंदे वध्ध सन। कपतान तक पहुंच कर के वाइरलैस्स करवा सकदे सन। किसे सिफ़ारश दे आउण तों पहिलां पहिलां ही उह आपणी तसल्ली करना चाहुंदा सी।

नाज़र सिंघ ढीचू अते साधू दी तफ़तीश कर के हटिआ सी। उहनां नूं कुटापा चाहड़दे नाज़र दा आपणा बलड्ड प्रैशर हाई हो गिआ सी। उस दा साह नाल साह नहीं सी रलदा। मत्था पसीने नाल तर हो गिआ सी। तफ़तीश दी रिपोरट दिंदे नाज़र नूं कई वार रुकणा पैंदा सी।

उस नें सिट्टा कढ्ढिआ सी कि ढीचू अते साधू निरदोश सन। उह तां साधारन जिहे लड़के सन। बंटी दे कतल वरगी गुंझलदार साज़िश उहनां दे वस्स दा रोग नहीं सी।

पीलू अते पिचकू दी तफ़तीश सिपाहीआं दे वस्स दी नहीं सी। उहनां ’ते घोटा लग्गणा चाहीदा सी। जिहड़े कई-कई कतल भुगत चुक्के होण, उह माड़ी-मोटी तफ़तीश नूं की समझदे हन? उहनां तों नाज़र सिंघ वरगा थाणेदार ही कुझ्झ हासल कर सकदा सी।

नाज़र चाहुंदा सी, पीलू हुरां ’ते झट्ट लाउण तों पहिलां उस नूं कुझ्झ समां आराम लई दित्ता जावे अते कुझ्झ होर बंदे वी। घोटा लाउण लई घट्टो-घट्ट अठ्ठ-दस बंदिआं दी लोड़ पैंदी है।

लाल सिंघ नाज़र नूं समां नहीं सी दे सकदा, बंदे ज़रूर दे सकदा सी।

वैसे तां उस कोल हौलदार वी विहला सी, पर इस हौलदार लई उस कोल होर बथेरे बंदे बैठे सन। नाज़र सिंघ सिपाहीआं नाल कंम चला सकदा सी।

किहड़े बंदे फ़ारग कीते जा सकदे सन, इस दा जाइज़ा लैण लई लाल सिंघ नें सारीआं पारटीआं ’ते नज़र मारी।

दो सिपाही तां उस नूं उह वाधू लग्गे, जिहड़े इक्क सांसी दा जमूरां नाल मास खिच्च रहे सन। किसे बाज़ीगर दे नहुं उखाड़दे दो सिपाही वी उथों हटाए जा सकदे सन। सांसी बाज़ीगरां दा की है? जदों मरज़ी वंझ ’ते चाहड़ देवो। इहनां दी किहड़ी सिफ़ारश आउणी सी।

पीलू अते पिचकू पारटीबाज़ सन। उहनां दी सिफ़ारश मुख्ख मंतरी तक किसे वी पध्धर तों हो सकदी सी।

औखा-सौखा नाज़र उहनां दी तफ़तीश ज़रूर कर लए। शक्की बंदिआं नाल आप घुलण दी ज़रूरत नहीं। उह चुप्प कर के कुरसी ’ते बैठा रहे, सवाल पुछ्छदा रहे। बाकी कंम टरेंड सिपाहीआं तों कराए।

उकत चारे सिपाही उस नें नाज़र नूं दे दित्ते। जे होर बंदे दी ज़रूरत है तां सवेर तों विहले बैठे पाले नूं नाल लै लए। थाणे ’च मार खाण दा उस दा बहुत तजरबा है। मुसतविआं दीआं टंगां-बाहां तां काबू कर ही लएगा।

नाज़र मंन गिआ। जे इंने बंदे मिल जाण तां उह कंम चला लएगा।

“खड़ा हो ओए गधी दिआ पुत्तरा। किवें लाट साहिब वांग कछ्छां ’च हत्थ देई बैठैं?” ढूही ’ते डंडे दी हुझ्झ मारदे नाज़र नें पाले नूं खड़ा होण दा इशारा कीता।

नाज़र दा हुकम सुण के पाले दीआं अख्खां अग्गे भंबू-तारे नच्चण लग्गे। हड्डां नूं जरकाउण वाला डंडे दा दरद तां उह भुल्ल गिआ, पर इस गल्ल दा फ़िकर खाण लग्गा कि पाले दा नंबर हुण लग्गा सी। पता नहीं की वापरन वाला सी।

ढीचू अते साधू उत्ते नाज़र दी वरसदी डांग पाले नें देखी सी। जे मामूली मुजरमां ते घंटा डांग वरस सकदी सी तां पाले वरगे चोर दी ख़ैर किथे? उस नाल कुझ्झ वी वापर सकदा सी।

थर-थर कंबदा पाला हत्थ बंनह के खड़ा हो गिआ। उस दे सारे सरीर विच्च दरद दीआं त्राटां छिड़ पईआं। उस नूं कुझ्झ नहीं सी सुझ्झ रिहा। चहड़न वाले कड़क लई किस अंग नूं तिआर करे? पाले दा तां कोई वी अंग तफ़तीश दे काबल नहीं सी रिहा।

“चल्ल घोटा चुक्क के लिआ।” पाले दे जुड़े हत्थां ’ते डंडा मारदे नाज़र नें पिप्पल हेठां वाधू पए इक्क बाले नूं चुक्क लिआउण दा हुकम सुणाइआ।

घोटे दा नां सुणदिआं ही पाले नूं तरेली आ गई। इस घोटे दी ताब नां झल्लदिआं इक्क वार उस दे गोडे दी चप्पणी लहि गई सी। अज्ज तक उस दे गोडे विच्च दरद रहिंदा है। दोबारा घोटा लवाउण दी हिंमत कित्थे?

नीम-बेहोशी दी हालत विच्च पाले नूं कोई पता नां लग्गा, कदों उस नें घोटा चुक्किआ अते कदों कंबल विछाइआ।

इक्क वार उस नूं झउला जिहा पिआ, जिवें कप्पड़े लाहुण दा हुकम पाले नूं नहीं, पिचकू नूं होइआ सी।

“धौण ’ते बैठ जा। देखीं हिल्ल नां सके।” जदों पाले दे गिट्टिआं ’ते डंडा मार के पाले नूं पिचकू दी गरदन नूं चंगी तरहां नप्पण दा हुकम होइआ तां किते जा के उस दे होश परते।

“बंटी दे कातलां बारे कुझ्झ पतै तां भलमाणसी नाल दस्स सकदैं। नहीं तां झुरलू तिआर है।” अलफ़ नंगा कर के कंबल ’ते पैण दा हुकम देण तों पहिलां नाज़र नें पिचकू नूं इक्क मौका दित्ता।

“वाहिगुरू दी सहुं मैनूं कुझ्झ नी पता। जिहड़े कतल असीं कीते आ’, उह सारे दस्स दिंना।” पिचकू नें लेल्हड़ी कढ्ढी।

“जे तुसीं आसानी नाल मंन जाओ तां तुहानूं बदमाश किहड़ा आखे? देखदा जा बंटी दा कतल वी किवें मंनदैं तूं … ? रख्खो बई घोटा जवानो।” बैठ के गल्ल करन लई उठ्ठण लग्गे पिचकू दी ढूही ’च ठुड्डा मार के दुबारा हेठां सुट्ट के नाज़र नें कारवाई शुरू करन दा हुकम दित्ता।

पाले नें पिचकू दी गरदन नप्पी। दो सिपाही बाहां फड़ के बैठ गए। इक्क नें पहिलां खुच्चां ’च परना रख्खिआ। फेर घुमा-फिरा के घोटा फिट्ट कीता। बाकी दे दो नें टंगां नूं गिट्टिआं कोलों फड़ के हौली-हौली टंगां नूं पिचकू दी पिठ्ठ वल्ल दबाउणा शुरू कीता।

जिउं-जिउं गिट्टिआं ’ते ज़ोर वधदा गिआ, तिउं-तिउं पिचकू दीआं चीकां उच्चीआं हुंदीआं गईआं। सारे सरीर ’चों वहि तुरीआं पसीने दीआं नदीआं दा वहा तेज़ हो गिआ।

पाला पिचकू दे दरद नूं चंगी तरहां समझ रिहा सी। उस नूं पता सी जदों घोटा लगदा है तां हड्डीआं खिच्च नां सहारदीआं होईआं, टुट्टूं-टुट्टूं करन लग्गदीआं हन। दिल ज़ोर-ज़ोर दी धड़कदा है। दिमाग़ विच्च वा-वरोले उठ्ठ खड़ोंदे हन। मास फटण लग्गदा है, हफ़दिआं दा मूंह सुक्क जांदा है। जीभ तालूए नाल जा लग्गदी है। अख्खां बाहर नूं आ जांदीआं हन। बंदा जिऊण नालों मरन नूं तरजीह देण लग्गदा है। उहनां घड़ीआं नूं बेसबरी नाल उडीकदा है, जदों घोटा खुच्चां ’चों कढ्ढिआ जाणा हुंदा है। इह कुझ्झ कु पल सदीआं जिड्डे लंबे लग्गण लग्गदे हन। उह मन ही मन तोबा करदा है। अग्गे तों माड़े कंम नां करन दी सहुं खांदा है।

इहो हालत पिचकू दी हो रही सी। उह हाल-दुहाई पा रिहा सी। गिट्टिआं ’ते वध रहे ज़ोर नूं घटाउण लई अरज़ां कर रिहा सी। सहुंआं खा-खा निरदोश होण दे सबूत दे रिहा सी।

जदों पिचकू दीआं चीकां मध्धम पै गईआं अते लत्तां-बाहां दी फड़फड़ाहट घट गई तां गिट्टिआं तों दबाअ घटाइआ गिआ। हौली-हौली टंगां नूं असली थां लिआंदा गिआ। खुच्चां तों घोटा चुक्क के, जंमे ख़ून दा दौरा वधाउण लई खुच्चां अते पिंजणीआं दी मालश कीती गई। सुक्के बुल्ल्हां ’ते पाणी लाइआ गिआ। जदों उस नें अख्खां खोल्ह लईआं तां दो सिपाहीआं नें मोढिआं दा सहारा दे के उस नूं तुरन दा अभिआस कराइआ। कुझ्झ कदम सिपाहीआं दे सहारे तुर के पिचकू आपे तुरन लग्गा।

उस नूं कुझ्झ सुसताउण लई इक्क पासे बिठा दित्ता गिआ।

जिस फुरती नाल पाले नें नाज़र दी सहाइता कीती सी, उस ’ते नाज़र गद-गद हो गिआ। अग्गों तों उह पाले नूं हर तफ़तीस विच्च आपणे नाल रख्खण लग्गा।

पाला ख़ुश सी। पुलिस उस नूं कुट्टणा भुल्ल गई सी।