किधरे सफर लई जाण दा सबब्ब बणे जां धी-पुत्तर दे विआह-शादी, जां बज़ुरग दे दिहांत दे बाअद भोग दी तारीख किउं नां मिथणी अते दस्सणी होवे, भारती लोक अते असीं पंजाबी वी आम कर के तिंन किसम दे कैलंडरां तों सेध लै के चल्लदे हां। पहिली चोण इस वकत दुनीआ भर विच्च चल्लदा अंगरेज़ी कैलंडर बण चुक्का है, जिसदे गरीगोरीअन जां कोई होर होण बारे बहुता सोचण दी पंजाब अते भारत दे लोकां नूं लोड़ नहीं जापदी, कंम चलाउण लई इही कैलंडर वेखिआ जांदा है। दूसरा भारत दी मुख्ख धारा वल्लों वरतिआ जांदा बिकरमी कैलंडर है, जिहड़ा हिंदू धरम दे सदीआं पुराणे इतिहास अते मिथिहास तों वरतिआ जांदा रिहा है। असीं लोक जदों अजे बच्चे सां, सकूलां-कालजां अते दफतरां दे कंम संसार पध्धर दे अंगरेज़ी कैलंडर दे नाल जुड़ने शुरू हो गए सन, पर साडे समाज दे विआह-शादी तों मौत तक दे बाकी सारे कंम-काज दे दिन हाले बिकरमी संमत तों सेध लै के चलाए जांदे सन। पंजाब अते दुनीआ भर दे सिख्ख भाईचारे लई इनहां तों वख्खरा तीसरा कैलंडर ‘नानकशाही’ साल 1998 विच्च पहिली वारी सिख्खां दी सभ तों वड्डी धारमिक संसथा श्रोमणी गुरदुआरा प्रबंधक कमेटी नें प्रवान कीता अते साडे चेते मुताबक 1999 विच्च पहिली वारी इस नूं जारी करन नाल अमल विच्च लागू होइआ सी। कैनेडा दे अलबरटा राज दी राजधानी ऐडमंटन विच्च वसदे पाल सिंघ पुरेवाल नांअ दे बहुत वड्डे बुध्धीवान सिख्ख नें जदों नानकशाही कैलंडर जारी कीता तां इस कैलंडर दी हिमाइत असीं खुद वी नहीं सी कीती अते कारन इसदा किसे तरहां दा नुकस नहीं, सगों पहिलां बहुत सारे विवादां विच्च फसे पंजाबी समाज अते सिख्ख भाईचारे विच्च नवें विवाद उभ्भरन तों झिजकदे सां। इस कैलंडर नूं जारी करन दे हक्क विच्च आवाज़ लगातार वधदी गई अते फिर जारी कर दित्ता गिआ तां उही होइआ, जिसदी शंका सी कि इस नाल कई नवें विवाद उठ्ठ सकदे हन ते उद्दों उठ्ठे विवाद कदे रुक नहीं सके।

थोहड़े चिर पिछ्छों इस नूं इह कहि के सोधण दा ऐलान हो गिआ कि इस विच्च तरुट्टीआं हन अते सोधण दा झंडा उनहां सज्जणां नें चुक्क लिआ, जिहड़े कैलंडरां वासते वरते जांदे सूरज जां चंद दी चाल दे मामलिआं बारे इल्ल दा नाम कोको नहीं सी जाणदे। पाल सिंघ पुरेवाल नूं अंम्रितसर सद्दिआ गिआ। सिख्ख विदवानां दे नाल उस दी गोशटी कराई गई अते फिर इह कहि के उस दी झाड़-झंब कर दित्ती गई कि उस नें स्री साहिब नहीं पाई, इस कर के सिख्खी ते गुरू नानक पातशाह दे नांअ वाला कैलंडर बणाउण वरगा कंम करन दा उस नूं कोई हक्क ही नहीं। पिछले दहाके दे अंतले सालां विच्च इक्क वारी मैं ऐडमिंटन गिआ तां इनहां सतरां दे लेखक नूं पाल सिंघ हुरीं आप आ के मिले अते फिर असीं उनहां दे घर गए। सिहत समस्सिआ होण कारन मैं पौड़ीआं चहड़न तों बचदा रहिंदा हां, पर उस दिन उनहां दी बेसमैंट विच्च उत्तरना पिआ तां मेरे पूरे घर नालों वड्डे उस हाल कमरे विच्च दुनीआ भर दे विदवानां वल्लों सूरज अते चंद दी चाल, उसदे धरती उत्ते पैंदे प्रभाव अते इस कारन गिणे जांदे दिन-रात जां मौसमां बारे जाणकारी दे ग्रंथ भरे पए सन। संसार दे किस देश दे किस विदवान नें कोई वी कैलंडर बणाइआ, शाइद ही कोई उत्थे नां पिआ होवे ते मेरे वरगे सधारन बंदे दा सिर इस गल्लों घुंमी जावे कि असीं पंजाबी ते सिख्ख आपणे किसे विदवान दा बणदा-सरदा सतकार करना वी नहीं जाणदे। इहो कारन सी कि उद्दों उस कैलंडर नूं सोधण दा ऐलान होण मगरों सिरफ इक्क वार नहीं, दो जां तिंन वार सोधिआ गिआ अते फिर इक्क आवाज़ इह वी उठाई जाण लग्गी कि वार-वार सोधण नालों इस कैलंडर नूं सोधा ही ला देणा चाहीदा है। शुकर है कि इद्दां नहीं कीता गिआ अते उस महान पंजाबी अते समर्रपित सिख्ख विदवान दा तिआर कीता कैलंडर सोधां समेत ही सही, चल्लदा है।

बेशक इह कैलंडर चल्लदा है, पर जिहड़े लोक इस नूं धारमिक पख्खों मानता दिंदे हन, आपणा बाकी सभ कंम-कार आम कर के अंगरेज़ी कैलंडर मुताबक करदे हन। होर तां छड्डो, इस कैलंडर नूं जारी करन वाली श्रोमणी कमेटी वी आपणीआं मीटिंगां आदि दा ऐलान करन वेले अंगरेज़ी कैलंडर मुताबक ही तारीखां मिथदी है। इस वकत जिहड़ा स्री अकाल तखत दा हुकमनामा बहुत ज़िआदा चरचा विच्च है, उस नूं वी ‘दो दसंबर दा हुकमनामा’ किहा जांदा है, कदी किसे नें नानकशाही कैलंडर मुताबक बणदी उस दी किसे तित्थ दा ज़िकर करन दी लोड़ नहीं समझी। फिर वी अमल विच्च उह नानकशाही कैलंडर जारी करन दी रिवाइत काइम है, बेशक भारत दे अंदर वी अते इस तों बाहर वी कई गुरदुआरा कमेटीआं हाले तक इस नाल सहिमत नहीं हो सकीआं अते हर गुरपुरब जां तिउहार मनाउण लई वख्खो-वख्खरे दिन रख्खे जांदे हन, जिस नाल समाज विच्च दुबिधा रहिंदी है। सिरफ इक्क गल्ल दी सहिमती हुंदी है कि कैलंडर हर साल चेतर महीने दी संगरांद दे दिन शुरू कीता जांदा है। इह रिवाइत नानकशाही कैलंडर दे लेखक नें नहीं सी पाई, इस कारन पई है कि हर कोई मंनदा है कि पहिले अते पंजवें गुरू साहिबान नें वी बारा-माहा दी रचना करन वेले आपणा संदेश इसे महीने तों अरंभ कीता सी। चलो सहिमती दा इह नुकता ही सही।

जिहड़ा सिख्ख पंथ बहुत सारे होर मामलिआं विच्च विवादां तों बाहर नहीं निकल सकिआ ते कैलंडर दे मामले विच्च वी विवादां विच्च फसिआ रिहा है, उह चलंत साल इस कैलंडर दे जारी करन वाले दिवस तों पहिलां सिख्खी मरियादा अते राजनीती नाल धरम दे रिशते बारे विवाद विच्च उलझिआ पिआ है। बीते दसंबर दी दो तारीख नूं स्री अकाल तखत तों जिहड़ा हुकमनामा जारी कीता गिआ अते उस वेले सारे अकाली लीडरां नें सिर झुका के मंन लैण दा प्रभाव दित्ता सी, उह अकाली दल दी मौजूदा लीडरशिप्प ते उसदे प्रभाव हेठ श्रोमणी गुरदुआरा प्रबंधक कमेटी अज्ज तक पूरा लागू नहीं कर रही। उलटा इहो जिहे हालात बणाए जांदे रहे कि जिहड़े जथेदार साहिबान नें इद्दां दा हुकमनामा जारी कीता सी, उह सारे वारो-वारी पासे कर दित्ते जाण, तां कि नवें सिंघ साहिबान लिआ के उनहां तों उह हुकमनामा वी उलटाइआ जा सके अते भविख्ख बारे वी संदेश दे दित्ता जावे कि जिस नें इद्दां दिल-वधी कीती, उस दा इह हाल होवेगा। इस मकसद दी पूरती लई सिख्ख समाज दे वड्डे विरोध दे बावजूद स्री अकाल तखत अते तखत दमदमा साहिब दे जथेदारां दी थां नवें जथेदार नियुकत करन दा ऐलान कर दित्ता गिआ अते अकाल तखत साहिब लई जिहड़े कुलदीप सिंघ गड़गज्ज दा नांअ पास कीता गिआ, उस दी अध्धी रात कीती गई ताजपोशी नें नवां विवाद छेड़ दित्ता। पिछले समें विच्च जदों नवें जथेदार दी नियुकती कीती जांदी सी तां सिख्ख संसथावां, संपरदावां अते प्रमुख्ख हसतीआं वल्लों दसतारां अते सिरोपाउ भेट कीते जांदे सन, जिस लई बाकाइदा समां मिथिआ जांदा सी। रिवाइत दी पालणा दी बजाए इस वारी समां मिथ के वी बादल धड़े दे अकालीआं दे कबज़े हेठ श्रोमणी कमेटी नें बहुत गुपत ढंग नाल अध्धी रात विवादत नियुकती वाले जथेदार दी ‘ताजपोशी’ कर दित्ती। इह कुझ करदे वकत इह वी गल्ल लुकी नहीं रही कि रसम नां सिरफ तखत केसगहड़ साहिब दी बजाए इक्क कमरे विच्च निभाई गई, सगों इह वी कि उस वकत स्री गुरू ग्रंथ साहिब दा सरूप वी उत्थे नहीं सी। फिर अगले दिन इद्दां ही बिनां कोई समां मिथे अते किसे नूं माड़ी-मोटी खबर लग्गण तों वी बचा के स्री अकाल तखत साहिब पहुंच के नवें जथेदार नूं उत्थों दी ज़िंमेवारी वी संभाल दित्ती गई। इस नाल विवाद होर वधणा ही सी।

अकाली लीडर आम करके इह दोश लाउंदे रहिंदे हन कि उनहां दे धारमिक मामलिआं विच्च बाहरी ताकतां दखल दिंदीआं अते सिख्खी दे अकस नूं ढाह लाउंदीआं हन। इस वारी हर किसे दे अख्खां मोहरे इह सच्च आ गिआ है कि बाहरी ताकतां सिख्खी दे अकस नूं ढाह लाउण ते भावें नां, सिख्खी दे नांअ उत्ते राजनीती करन वालिआं नूं जदों आपणे हितां दी लोड़ पवे, उस लोड़ लई सिख्खी अकस नूं ढाह लाउण तों खुद वी पिछ्छे नहीं रहिंदे। संसार भर विच्च फैले सिख्ख भाईचारे अते समाज दे होर हर किसम दे वरगां नूं इह गल्ल कही जांदी है कि अकाल तखत सिख्खां लई सरब उच्च धारमिक असथान अते इसदा मुखी सरब प्रवानत ते सरब उच्च हसती है। सिख्ख पंथ दी साजणा दा तिंन सौ साला दिवस मनाउण वाले साल जथेदारां नूं ज़लील कर के कढ्ढ दित्ते जाण वाली जिहड़ी रीत शुरू कीती गई, उह चलदी होई इत्थे आ गई है कि अज्ज हर पासे इसदी नां सिरफ चरचा है, सगों इस कारन आम सिख्ख दुबिधा विच्च फसिआ पिआ है। अकाली दल पारटी वजों जो मरज़ी करी जावे, इह गल्ल राजनीतक खेतर बारे कही जा सकदी है, पर जे इस पारटी दे लीडर धरम दी दुरवरतों करन तों अग्गे वध के धारमिक पदवीआं नूं राजनीती दे दाअ उत्ते लाउण अते बेलोड़े विवादां विच्च फसाउण तक जा पुज्जण तां इह गल्ल सिरफ सिख्खां तक सीमत नहीं रहि सकदी। प्रोफैसर पूरन सिंघ नें किहा सी: पंजाब वसदा गुरां दे नांअ ’ते। गुरू अते गुरू घर विच्च शरधा सिरफ सिख्खां तक सीमत नां रहि के पंजाबी मूल दे गैर-सिख्खां दे वी बहुत वड्डे हिस्से विच्च वेखी जांदी है। सदीआं तों कई हिंदू परिवारां विच्च पहिला पुत्तर सिख्ख बणाउण दी परंपरा अज्ज वी मौजूद है अते असीं इहो जिहे कई प्रमुख्ख लोकां दे नांअ गिणा सकदे हां। जदों गल्ल सिख्खी बारे कीती जांदी है तां सिख्खी नाल जुड़े होए इनहां लोकां बारे वी सोचणा चाहीदा है, पर इस बारे कोई चिंता नहीं करदा, बलकि गैर-सिख्ख परिवारां विच्च पैदा होए अते राजनीती दे राह पए सिख्ख आगू वी इसदा फिकर नहीं करदे वेखे गए। उनहां लई वी राजनीती मुख्ख मुद्दा रहिंदी है।

इद्दां दे हालात विच्च अज्ज जदों सिख्ख भाईचारे विच्च प्रमुख्ख धारमिक हसतीआं अते धारमिक पदवीआं बारे इस किसम दी दुबिधा ते कबज़ादारी दी भावना दा मुज़ाहरा हुंदा पिआ है तां इस नूं सिरफ सिख्खां दा मामला नहीं समझणा चाहीदा। इह चिंता समुच्चे पंजाबी भाईचारे दी नींद वी उडाउण वाली है ते उनहां दे इलावा दूसरे धरमां वालिआं लई वी इक्क चितावनी है कि जिस धरम अंदर सिआसी आगूआं दी वाग इंनी खुल्ल्ही छड्ड दित्ती जावे कि मन-आईआं करदे किसे तरहां दी झिजक ही नां विखाउण, हर उस धरम दे अंदर इद्दां दी हालत अज्ज नहीं तां कल्ल्ह, कदे नां कदे अचानक उतपंन हो सकदी है। समें दी मंग इहो है कि धरम अते राजनीती नूं थोहड़ा जिहा फासला रख्ख के चलाइआ जावे, तां कि राजनीतक खेतर दा गंद धरम दे खेतर विच्च आ के चंद चाहड़न दा कंम नां कर सके। होर कोई चारा नहीं रहि गिआ जापदा।