पंजाब सरकार नें इक्क अपरैल 2025 तों नशिआं विरुध्ध युध्ध छेड़िआ होइआ है। आगूआं दे भाशण, रैलीआं, पंचां–सरपंचां, विदिआरथीआं अते आम लोकां नूं नशा रोकण अते नशा नां करन दीआं सहुंआं वी खवाईआं जा रहीआं हन। तसकरां दी फड़ोफड़ी दे नाल नाल कई थांवां ’ते तसकरां दे घर बुल्लडोज़र दी मार हेठ वी आए हन। पंजाब दीआं 26 जेल्हां वी नशे दे तसकरां अते होर गुनाहगारां नाल नक्को नक्क भरीआं होईआं हन। इक्क पासे तां इस तरहां नशिआं विरुध्ध युध्ध चल्ल रिहा है पर दूजे पासे नशे दी मार कारन पिंडां दे सोगी विहड़िआं विच्च सत्थरां दी गिणती विच्च लगातार वाधा हो रिहा है। हर रोज़ नशिआं कारन मरन वाले नौजवानां दी गिणती औसत चार है। बहुत सारीआं मौतां वख्ख वख्ख कारनां करके गिणती विच्च नहीं आउंदीआं। अजे तक नां मावां दे वैण रुके हन अते नां ही भैणां दे आप मुहारे वहिंदे खून दे हंझू। बाप दे चिहरे ते पसरिआ सोगी संनहाटा वरतमान अते भविख्ख दी सोगी तसवीर पेश करदा है। कई थांवां ’ते तां भैणां नें आपणे कुआरे भरा दे चिहरे ते सिहरा बंनह के भुब्बां मारदिआं उस नूं अंतिम विदाइगी दित्ती है।

चिट्टे दी मार दे नाल नाल मजीठा इलाके दे पिंड भंगाली कलां, कत्थू नंगल, मराड़ी कलां, थरीए वाला, गालेवाल कुलीआं विच्च 28 अभागे कामे अते मज़दूरां दा ज़हिरीली शराब नें साह सूत लिआ। इनहां कहिर दीआं मौतां नें नशिआं विरुध्ध युध्ध दे बाणां नूं खुंढा कर दित्ता है। नशे दे तसकरां, पुलिस विभाग दे करमचारी, ऐकसाईज़ विभाग दे अधिकारी अते सिआसी आगूआं दी सरप्रसती संबंधी उस इलाके दे लोक दुहाई पा रहे हन। पंजाब दे होरां थांवां तों नशे दे सुदागरां दी पुलिस अते सिआसी आगूआं नाल गठ्ठजोड़ दीआं कई घटनावां साहमणे आईआं हन। संगरूर जेल्ह दा डी.ऐस्स.पी. (सुरख्खिआ) दो दिन पहिलां नशा सपलाई करदा रंगे हत्थीं फड़िआ गिआ। दरअसल जदों माली दगाबाज़ हो जाण तां महिकां दी पत्त रुल जांदी है अते जदों दरबान दी अख्ख चोरां नाल मिल जावे तां मालक दी जान अते माल नूं गंभीर ख़तरा पैदा हो जांदा है। नशा मुकत समाज सिरजण लई इस तरहां दे यतन हो रहे हन कि छत्त चोअ रही है अते फरश साफ कीता जा रिहा है। बूटा सुक्क रिहा है अते सपरेअ फरश ’ते कीता जा रिहा है। फटी होई रजाई उत्ते सुनील दा गिलाफ़ चहड़ाके बुत्ता सारन दी असफल कोशिश कीती जा रही है।

पिछले दिनीं पुलिस पारटी नें इक्क तसकर औरत दे घर छापा मारिआ। पुलिस पारटी विच्च दो लेडी पुलिस करमचारी वी शामल सन। रोअब नाल बूहा खड़काउण ’ते औरत नें बूहा खोलिआ। पारटी दे पुलिस मुखी नें गुस्से नाल संबोधन हुंदिआं किहा, “तैनूं किंनी वार वारनिंग दे के छड्डिऐ, पर तूं नशा वेचणो नहीं हटी। चल्ल साडे नाल थाणे, तेरी कढ्ढदे आं सारी महड़क। इउं नहीं तूं नशा वेचणो हटणा।”

औरत नें सहिज मते नाल जवाब दित्ता, “मैनूं थाणे जाण विच्च कोई इतराज़ नहीं।”

फिर उस औरत नें नाल आईआं दो लेडी मुलाज़मां विच्चों इक्क वल्ल इशारा करदिआं किहा, “मेरे नाल आपणी इस पुलिस मुलाज़म नूं वी अंदर करो। इह मेरे कोलों हर महीने सत्त हज़ार रुपए लै के जांदी है।”

लेडी पुलिस मुलाज़म नें उडे जिहे मूंह नाल जदों नांह नुक्कर कीती तां उसने द्रिहड़ विशवास नाल किहा, “मैं आपणे पुत्त नूं नाल लैके धारमिक असथान ’ते जाके इह गल्ल कहिण नूं तिआर हां। पर नाल इह वी धारमिक असथान ’ते जा के कहि देवे कि मैं सत्त हज़ार हर महीने नहीं वसूले।”

कुझ पल दी खामोशी तों बाअद तसकर औरत नें फिर किहा, “मैं कई वार नशा नां वेचण दा फैसला कीता पर इह अड़के मेरे कोलों महीना वसूलदी रही। मैनूं काला धंदा करन लई इह मुलाज़म मजबूर करदी रही।”

नाल आए अधिकारी अते दूजे पुलिस करमचारीआं नूं कोई जवाब नहीं सी अहुड़ रिहा। उहने फिर द्रिहड़ता नाल किहा, “इह सिरफ मैंथों ही उगराही नहीं करदी, सगों 15-20 होर थांवां तों वी उगराही करदी है। इहदा बैंक खाता देखो, इहने आपणी तनखाह कदे नहीं कढवाई। बस्स, साडे वरगिआं कोलों उगराही करके ऐश करदी है।”

फिर उस औरत नें लेडी पुलिस मुलाज़म नूं मुखातिब हुंदिआं किहा, “तेरी पैसे लैंदी दी वीडीओ वी मेरे कोल है। जे कहे तां हुणे विखावां?” पिंड दे लोकां दा उत्थे इकठ्ठ हो गिआ सी। लोकां नें वी हामी भरी कि इह लेडी पुलिस मुलाज़म गाहे-बगाहे इहदे कोल आउंदी रही है।

लोकां दे इकठ्ठ विच्चों ही इक्क विअकती नें गल्ल सुणाई, “कल्ल्ह मैं शहिर गिआ सी। पुलिस करमचारीआं नें विदिआरथीआं नूं नाल लैके शहिर विच्च रैली कढ्ढी सी। थोडी इह पुलिस मुलाज़म सभ तों मूहरली कतार विच्च बड़े जोश नाल नाअरा ला रही सी, “नशा पंजाब विच्च रहिण नहीं देणा, नशई किसे नूं कहिण नहीं देणा।”

लोकां दे चिहरिआं ’ते विअंगमई मुसकराहट आ गई। गल्ल नूं विगड़दी देखके पुलिस पारटी दे मुखी नें आपणा मोबाइल नंबर तसकर औरत नूं दिंदिआं किहा, “तेरे कोलों जे कोई उगराही लैण आवे तां मैनूं तुरंत इस फोन नंबर ’ते दस्सीं। पर तूं अग्गे तों नशा नहीं वेचणा।”

तसकर औरत नें भरे इकठ्ठ विच्च इह कहिके वाअदा कीता, “ठीक ऐ जी, जे कोई पुलिस वाला मेरे कोलों पैसा नहीं मंगेगा तां फिर मैं नशा वी नहीं वेचणा। फिर भावें थोडे समेत सारा पिंड मेरे भिउं भिउं के छित्तर लावे।”

पुलिस पारटी चली गई। उह लेडी पुलिस मुलाज़म इंज महिसूस कर रही सी, जिवें उहदे धोते मूंह उत्ते चपेड़ वज्जी होवे।

* * * * *