टीके ला के एदां ही जे पए रहे लंमे बई,

पैरों लै के सिर ताईं होजोंगे निकंमे बई।

कीहदे गळे लग्ग रोण थोडीआं ज़नानीआं,

गुंमगे जुआन गुंम गईआं नें जुआनीआं।

की पंजाब दीआं जुआनीआं सच्चमुच्च गुंम गईआं हन? की पंजाबी नौजुआन सच्चमुच्च ही नशे पत्ते विच्च गरक गए हन? की उनहां दे साहमणे जीवन दा कोई उसारू उदेश नहीं रिहा? की उह सच्चमुच्च ही निपुंसक हो रहे हन? की होवेगा पंजाब दी जुआनी ते पंजाब दा भविख्ख? की रंगला पंजाब सच्चमुच्च कंगला हो गिआ है? अजिहे अनेकां सवाल हन जो पंजाब दा दरद रख्खण वाले दरदीआं दे मनां विच्च पैदा हो रहे हन। पंजाब दे जुआनां बारे जो रिपोरटां आ रहीआं हन, उह पंजाब दे बुध्धीजीवीआं दी चिंता वधाउण वालीआं हन। अजिही हालत विच आदरशक अधिआपकां, लोक पख्खी लेखकां ते कलाकारां, इमानदार अफ़सरां, परउपकारी डाकटरां, सेवाभावी सिआसतदानां, मज़हबी रहिबरां अते संवेदनशील सज्जणां, सभनां नूं रल मिल के इस वबाअ दा कोई उपाअ करना चाहीदा है। पंजाब नूं नशिआं पत्तिआं दी जिल्ल्हण विच्चों कढ्ढणा चाहीदा है।

कदे पंजाब दुध्ध घिउ दीआं लहिरां बहिरां वाला देस किहा जांदा सी। अकसर गाइआ जांदा सी: सोहणा देसां विच्चों देस पंजाब नी सईओ, जिवें फुल्लां विच्चों फुल्ल गुलाब नी सईओ। पंजाब देसी खुराकां, अधरिड़के मलाईआं, खोए पंजीरीआं, बदामां दीआं शरदाईआं, घोल कबड्डीआं, रुसतमे हिंद पहिलवानां, चैंपीअन खिडारीआं, बहादर फौजीआं, सुतंतरता संगरामीआं, निडर जोधिआं, बारां, बंजरां ते तराईआं आबाद करन वाले मिहनती किसानां करके जाणिआ जांदा सी। पर हुण नशेड़ीआं दे पंजाब वजों जाणिआ जाण लग्गा है। अग्गे पंजाब विच तिंन चार नशे ही सुणदे सां। अफ़ीम, शराब, भंग ते भुक्की। हुण तां कोई अंत ही नहीं रिहा। सिंथैटिक नशिआं दीआं बेशुमार किसमां, गोलीआं, कैपसूल, टीके, पाऊडर, हैरोइन, समैक, चरस, सुलफ़ा, करैक, कोकीन, मारफिन, मीथाडोन, मैपरीडोन, नाफीन ते ज़हिरी रसाइण मिला के ख़ास तरीके नाल तिआर कीता नशीला पदारथ ‘चिट्टा’!

चिट्टे दा नशा नक्क राहीं वी लिआ जांदा है ते नाड़ राहीं वी। करंसी नोट जां ऐलोमीनीअम पेपर उत्ते चिट्टा रख्ख के, हेठां लाईटर जां सीख नाल अग्ग ला के नक्क राहीं धूंआं खिच्चिआ जांदा है। जां फिर नशीला पदारथ पाणी विच्च घोल के सरिंज नाल नाड़ विच्च टीका लाइआ जांदा है। कई वार ओवरडोज़ लैण नाल सरिंज नाड़ विच्चों कढ्ढण तों पहिलां ही नशेड़ी दी मौत हो जांदी है। अजिहीआं दरदनाक ख़बरां नाल अख़बारां दे सफ़े भरे रहिंदे हन। चिट्टा वसदे रसदे घरां दे होणहार चिराग़ां दी रौशनी बुझा के हनहेर लिआई जांदा है। इह ऐसा नामुराद नशा है जीहनूं जे कोई इक वार लै बैठे, मुड़ के छड्डणा औखा हो जांदा है। इहदा असर शुकराणूआं `ते वी पैंदा है जिस करके नशेड़ी औलाद पैदा करन दे काबल नहीं रहिंदा। चिट्टे दा नशा करन वाला नशेड़ी हर वेले अगली डोज़ दी भाल विच भटकदा रहिंदा है ते इहो उहदा जीवन उदेश बण जांदा है। अड़िआं थुड़िआं आइओडैकस, बूट पालिश, बूटां दे पताविआं दी मैल, चूने दी गैस, कीड़े मकौड़े अते मरीआं होईआं किरलीआं वी नशे दी पूरती विच शामल हो जांदीआं हन!

नशिआं दी लत पूरी करन लई नशेड़ीआं वल्लों चोरीआं, लुट्टां-खोहां, दिन दिहाड़े डाके, बैंक डकैतीआं, औरतां नाल छेड़छाड़, बलातकार, अगवा, कतल, फिरौतीआं, अंनहेवाह सड़क हादसे अते हर तरहां दे घिनाउणे अपराध नित्त पहड़न सुणन नूं मिलदे हन। रिपोरटां हन कि मालवे दे 65 फीसदी अते माझे/दुआबे दे 68 फीसदी परिवारां दे जीअ नशिआं दी ग्रिफ़त विच आ चुक्के हन। पंजाब दे 1 लख्ख 23 हज़ार नशेड़ी हैरोइन दा अति महिंगा ते मारू नशा करन लग्ग पए हन जिस दी कीमत प्रती गराम चार तों पंज हज़ार रुपए तक जा पहुंची है। 1995 तक समैक लैण वाले नशेड़ी, कुल्ल नशई्ईआं विच्चों 3% सन जो तिंन सालां विच ही 16% हो गए सन। दिनो दिन इह फीसदी होर वधी जा रही है। रिपोरट अनुसार वधेरे नशेड़ी 18-30 साल दी उमर दे हन। अंकड़े दस्सदे हन कि हर साल 7500 करोड़ रुपए दीआं नशीलीआं डरग्गां दी समग्गलिंग हो रही है जिस नाल समग्गलरां अते उनहां दे सरप्रसत अफ़सरां/सिआसतदानां दे वारे निआरे हो रहे हन। उह पैसे नाल राज सत्ता ते राज सत्ता नाल पैसा जोड़ी हराम दी कमाई विदेशां विच्च ढोई जांदे हन। इक गराम समैक 1000 तों 1500 रुपए नूं मिलदी है। समैक दे नशेड़ी हर रोज़ 2-3 गराम समैक दा नशा लैंदे हन। नशा करन लई फिर मापिआं दे गळ गूठा देणो वी नहीं टळदे। नशिआं ख़ातर पुत्तरां हत्थों पिउ मार देण दीआं गल्लां खुंढ-चरचा बण गईआं हन।

पहिलां पंजाब विच पाणी दे पिआओ लग्गदे सन। हुण शराब दे ठेके ही पाणी दे पिआओ लाउण वांग हो गए हन। 2006 विच शराब दे ठेकिआं दी गिणती 5600 सी। दसां सालां विच पंजाब दे ठेकिआं दी गिणती 9 हज़ार तों वी वध गई अते खपत वी दुग्गणी हो गई है। ख़बर है कि 3 करोड़ तों घट्ट आबादी वाले पंजाब विच सालाना 38 करोड़ तों वध्ध बीअर/शराब दीआं बोतलां वरताईआं जांदीआं हन। शराब दे ठेकिआं तों पंजाब सरकार नूं सालाना 5000 करोड़ तों वध्ध दी ‘कमाई’ होण लग्ग पई है। अग्गों ठेकेदार ते नजाइज़ शराब कढ्ढण/वेचण वाले किंने कमाउंदे हन, उहदा कोई लेखा नहीं। दस साल पहिलां पंजाबी रोज़ाना 8 करोड़ दी शराब पींदे सन हुण हर रोज़ 13 करोड़ दी पी के वी कहिंदे हन साडा एनी नाल नहीं सरदा!

सभिआचारक कदरां कीमतां विच्च आइआ इक होर निघार इह कि पहिलां पंजाब विच्च केवल मरद ही शराब पींदे सन, हुण औरतां वी ‘आधुनिक’ होईआं इक दूजी दी रीस नाल शराब दा खुल्ल्हा सेवन करन लग्ग पईआं हन। खांदे पींदे घरां विच्च इस नूं ‘सभिअक’ समझिआ जा रिहा है! पारटीआं विच मुंडे कुड़ीआं दा इकठ्ठिआं नशा करना आम जिही गल्ल हुंदी जा रही है। कंज कुआरीआं वी मंग करन लग्गीआं हन कि साडे उत्ते किसे तरहां दी कोई रोक टोक, पाबंदी नहीं होणी चाहीदी। दलील इह दित्ती जांदी है कि मरदां वांग असीं वी ‘आज़ाद’ हां!

बीते समें पंजाब दे जुआनां दी उपमा विच बड़े गीत लिखे गए ते वारां गाईआं गईआं। उनहां दे सरू वरगे कद्दां, चौड़ीआं हिक्कां, वेलणिआं वरगे पट्टां ते मछ्छलीआं वाले डौलिआं दीआं उसततां दे पुल बंनहे गए। प्रो. पूरन सिंघ ते धनी राम चात्रिक वरगे कवीआं नें पंजाब दे जुआनां दी रज्ज के सिफ़त कीती। पंजाब दे खिडारीआं बारे बड़े सिफ़ती लेख लिखे गए। अखे पंजाबी जिंने ज़ोर नाल हल वाहुंदे हन उंने ही ज़ोर नाल खेडदे हन। जिंने चाअ नाल मेले वेखदे हन उंने ही उतशाह नाल खेड मुकाबलिआं विच्च शरीक हुंदे हन। मैं आपणी अख्खीं वेखदा ते लिखदा रिहा हां। बड़ी टौहर हुंदी सी पंजाब दे खिडारीआं दी! देश पध्धर दीआं खेडां दे बहुते नैशनल रिकारड पंजाबी खिडारीआं दे नां हुंदे सन। उदों मिलखा सिंघ ते गुरबचन सिंघ रंधावे दे नां तिंन-तिंन चार-चार कौमी रिकारड सन। प्रदुम्मण सिंघ, बलकार सिंघ, महिंदर सिंघ, सरवण सिंघ, अजीत सिंघ ते जोगिंदर सिंघ वरगिआं दी एशीआ विच्च झंडी हुंदी सी। भारती टीम हाकी दे गोलड मैडल आम कर के पंजाबी खिडारीआं दे सिर ’ते जित्तदी सी। देश दी आज़ादी पिछ्छों वीह पच्ची सालां तक भारत नें एशिआई जां होर कौमांतरी खेड मुकबलिआं विच्चों जो मैडल जित्ते, उह वधेरे कर के पंजाबी खिडारीआं राहीं जित्ते। पुलिस अते फौज विच विखाई बहादरी दे वधेरे मैडल अते पुरसकार वी पंजाबी जुआन प्रापत करदे सन। पर हुण पंजाबीआं दी उह चहड़त नहीं रही। पंजाब दे हाकम विकास दीआं जो मरज़ी टाहरां पए मारन पर जो असलीअत है, उह किसे तों गुझ्झी नहीं। राजसी सरप्रसती वाले चंद घरां नूं छड्ड के आम घरां विच्च भंग भुज्जदी है। हुण तां कोई हरिआ बूट रहिओ वाली गल्ल होई पई है।

भारत दीआं कौमी खेडां विच पहिलां पंजाब मीरी हुंदा सी, हुण होरनां सूबिआं तों किते पछड़ गिआ है। इत्थों तक कि हरिआणा, दिल्ली, मनीपुर ते केरला वरगे छोटे-छोटे सूबे कौमी खेडां विच पंजाब तों किते वध्ध मैडल जित्तण लग्ग पए हन। हुण जदों पंजाब दे जुआनां जां खिडारीआं दीआं पहिलां वांग सिफ़तां करदे हां तां इउं लग्गदै जिवें झूठ बोल रहे होईए। लै दे के इकल्ली कबड्डी रहि गई ऐ पंजाबीआं कोल ते उह वी डरग्ग दे टीकिआं वाली! कबड्डी खेडण चल्ले बहुते जुआन खेड किट्ट बेशक भुल्ल जाण पर टीकिआं वाली किट्ट लिजाणी नहीं भुल्लदे। अग्गे गीत सी, कप्प ओहीओ जित्तणगे जिनहां दे डौलिआं, पट्टां विच जानां। हुण पैरोडी चल्ल पई है, कप्प ओहीओ जित्तणगे जिनहां दीआं किट्टां विच समाना!

2008 विच इंगलैंड अते कैनेडा दा कबड्डी सीज़न खेडण पहुंचे कबड्डी खिडारीआं दे डोप टैस्सट करवाए गए तां 119 खिडारी डरग्गी निकले! फिर पंजाब दे कबड्डी वरलड कप्प-2011 लई भारती टीम दी चोण करन वेले 51 खिडारीआं दे डोप टैसट कीते जिनहां विच्चों 20 खिडारी पाज़ेटिव निकले। पूरी रिपोरट आउण पिछ्छों टराइलां दौरान 20 ते कप्प दौरान 52 खिडारी जोड़ के कुल्ल 72 खिडारी डरग्गी साबत होए! उनहां विच इंगलैंड दे 10, कैनेडा 8, अमरीका 8, सपेन 7, आसट्रेलीआ 6, इटली 6, नारवे 3, भारत 1, पाकिसतान 1, जरमनी 1 अते अरजनटीना दा वी 1 खिडारी सी। टराइलां वाले जोड़ के भारत यानी पंजाब दे 21 खिडारी डरग्गी सन!

कई डरग्गी खिडारी घोड़िआं नूं लग्गण वाले टीके आपणे आप नूं लाउण लग्ग पए हन ते कहिंदे हन कि हुण साडे विच्च घोड़े जिंनी ताकत हो गई! टीकिआं उत्ते साफ़ लिखिआ हुंदा है कि इह घोड़िआं लई हन। कबड्डी दे इक खिडारी नें मैनूं उनहां टीकिआं दी शीशी विखाई। नाल भेत दी गल्ल दस्सी पई परची घोड़े दी बणवाईदी ऐ, वरती दी ऐ बंदे लई! इह वी दस्सिआ कि पंजाब दीआं कुझ कबड्डी अकैडमीआं विच्च कबड्डी दी कोचिंग घट्ट पर टीके लाउण दी ‘कोचिंग’ वध्ध मिलदी ऐ! ‘माल’ वी उही मंगवा दिंदे ऐ। उंज खिडारीआं नूं कित्थों पता लग्गणा सी पई ताकत दा ख़ज़ाना कित्थे ऐ? इस हमाम विच्च नशा तशकर, कुझ कबड्डी ‘कोच’, कुझ कबड्डी ‘प्रमोटर’ ते कुझ कबड्डी कलब्बां वाले वी नंगे मिलणगे। उनहां नूं हत्थ पता नहीं कदों पवेगा? पता सभ नूं है कि सिआसी सरप्रसती ते पुलिस दी मिली भुगत बिनां अजिहा धंदा नहीं चल्ल सकदा।

2018 विच पंजाब सरकार नें ‘तंदरुसत पंजाब’ दे नाहरे हेठ गलोबल कबड्डी लीग करवाई है। की उस नें लीग खेडे कबड्डी खिडारीआं दे डोप टैस्सट कराए हन? जे कराए हन तां नतीजे नशर कीते जाण तां जो अग्गे तों कोई कबड्डी कलब्ब/फैडरेशन डरग्गी/डोपी खिडारीआं नूं किते कबड्डी नां खिडावे।

कहावत है ‘चोर नहीं, चोर दी मां नूं फड़ो’। नशिआं दा जूड़ वढ्ढण लई नशेड़ीआं दी थां नशावर डरग्ग बणाउण ते सपलाई करन वाले अते उनहां नूं शहि देण वाले सरप्रसतां नूं फड़न दी लोड़ है नां कि साधारन करमचारीआं दा डोप टैस्सट कराउण दी। मुद्दा नशिआं दी जणनी नूं फड़न दा है। बथेरे हन जिहड़े नशिआं दी सौदागरी करदे बिनां किसे डर ख़ौफ़ दे नोट इकठ्ठे करी जांदे हन। नोटां नाल ‘कामयाब रैलीआं’ करी जांदे हन। नाल कही वी जांदे हन कि चोणां जित्तण लई इह धंदा ज़रूरी है!

पिछ्छे जिहे आई राजीव गांधी नैशनल इंसटीचिऊट आफ यूथ डिवैलपमैंट, मनिसटरी आफ यूथ अफेअरज़ ऐंड सपोरटस दी रिपोरट पंजाबीआं दीआं अख्खां खोल्हण वाली है। यूथ डिवैलपमैंट रिपोरट-2010 मुताबिक पंजाब दा नौजुआन वरग सिहत, विकास अते समाजिक कारजां विच भाग लैण दे मामलिआं विच्च भारत दे अति पछड़े सूबिआं दे नौजुआनां तों वी पछड़ गिआ है। पिछले समें पंजाब दे नौजुआन देश भर विच्च आपणी सरीरक सडौलता, सोहणी दिख्ख ते डील-डौल करके दूरों पछाणे जांदे सन। पर उकत रिपोरट अनुसार यूथ हैलथ इंडैकस विच पंजाब 0.682 अंकां नाल भारत विच ही 5वें सथान ’ते चला गिआ है। केरला, जो कदे पंजाब तों बहुत पिछ्छे सी, उत्थों दे नौजुआन वरग नें सिहत पख्खों केरला नूं अव्वल नंबर ’ते लिआ दित्ता है। इस इंडैकस विच गोआ दूजे, दिल्ली तीजे ते मेघालिआ चौथे सथान ’ते हन।

यूथ डिवैलपमैंट इंडैकस विच पंजाब दी हालत होर वी माड़ी है। इस विच इस दा 17वां सथान है। गुरू साहिबान दे ‘किरत करो ते वंड छको’ दे उपदेश अते परउपकारी बणन दी सिख्खिआ दे बावजूद पंजाब दा नौजुआन वरग निशकाम/परउपकारी कारजां तों मुख्ख मोड़ गिआ है। कौमी सेवा विच देश दी दर 9.86 फीसदी है पर पंजाब विच 1.7 फीसदी है जो सभ तों घट्ट है। इस विच गोआ दी 57 फीसदी, हरिआणे दी 10.39 ते हिमाचल दी 5.89 फीसदी है। नहिरू युवक केंदरां नाल वी पंजाब दा नौजुआन वरग उंना नहीं जुड़िआ जिंने होरनां सूबिआं दे नौजुआन जुड़े नें हालांकि पंजाब विच कबड्डी दे पेंडू टूरनामैंट सभ तों वध्ध हुंदे नें। पंजाब दे पेंडू नौजुआनां दी ऐनरोलमैंट 2.46 फीसदी है जद कि हिमाचल दे नौजुआनां दी 7.2 फीसदी है। नहिरू युवक केंदर संगठन ग़ैर सिआसी आरगेनाईजेशन है। इस नाल 13 तों 35 साल दे 80 लख्ख दिहाती नौजुआन जुड़े होए हन। पंजाब दे पेंडू नौजुआनां नूं इस नाल जुड़ के वध्ध तों वध्ध लाभ उठाउणा चाहीदा है। उनहां नूं खेड मैदानां विच्च खेडणा अते पसीने वहाउण वालीआं खेडां अते सरीरक कसरतां दे लड़ लग्गणा चाहीदा है। जिंना पसीना वहेगा उंना ही जुस्सा कंगण वरगा बणेगा। पंजाब दे बहुते जिंमा दा हाल बहुत माड़ा है। उनहां विच ‘मस्सल’ कसरतां नाल नहीं, सिंथैटिक सपलीमैंटां दे सेवन नाल बणाए जांदे हन जो सिहत लई घातक रुझान है।

इंज पंजाब दी जुआनी गंभीर संकट विच्च है। उह बुरी तरहां नशिआं दी ग्रिफत विच्च आ चुक्की है। नशे वी महिंगे तों महिंगे हन अते अंतां दे मारू हन। पंजाब दे नौजुआनां नूं पिंड पध्धर ’ते पंचाइतां, खेड कलब्बां ते सभा सुसाइटीआं वल्लों रल मिल के नशिआं दे कोहड़ तों बचाउणा चाहीदा है ते उसारू कारजां विच लाउणा चाहीदा है, तद ही पंजाब दी खुस्सी शान बहाल कीती जा सकदी है। नहीं तां पंजाब दा भविख्ख हनेरा ही हनेरा है।

टैकनालोजी तों प्रभावत हो के समाजिक विशिआं नूं विसार देणा वड्डी भुल्ल है। तकनालोजी नाल संबंधित विशे बहुमंज़लीआं इमारतां ’ते पए दीविआं दा भटकदा चानण है, जदों कि समाजिक विगिआन, साहित ते मन नाल संबंधित विशे दरिआ किनारे जगदे दीविआं दी लोअ वांग हन।

जीवन दीआं थुड़ां अते औखिआईआं नाल खहि के लंघदी ज़िंदगी ही कंम दे रस दा असली आनंद माण सकदी है। हकीकतां नाल खहि के लंघदी ज़िंदगी रगड़ पैदा करदी है। रगड़ चंगिआड़ीआं नूं जनम दिंदी है ते जीवन विच्च भखदीआं चंगिआड़ीआं ही मताबी रंग पैदा कर सकदीआं हन।

गंदे गीतां दी शबदावली नौजुआनां दे अल्ल्हड़ मनां ’ते मारू असर करदी है अते उनहां दे हत्थां विच गलास अते हथिआर फड़ा दिंदी है जद कि मिआरी गीत सारथक ते मिहनतकश ज़िंदगी दे पूरने पाउंदे हन।

गुरूआं दे नां ’ते जींदे पंजाब विच, हत्थीं किरत कर के जिऊण दा गाडी राह बहुत सारे नौजुआन भुल्ले बैठे हन। किरत तों टुट्टिआं दा हाल मंदा ही हुंदा है। विहला बंदा शैतान दा चरखा बण जांदा है। पंजाब विच वड्डी पध्धर ’ते पसरी बेरुज़गारी नशिआं दा धरातल है। जदों कोई कंम नां होवे तां नशे दसतक देण लग्गदे नें। फिर कोई नौजुआन नशे वेचण लग्ग जांदै ते कोई खाण लग्ग जांदै। नशिआं दे मनहूस परछावें उनहां उत्ते वी पैण लग्गदे नें, जिनहां बारे कदे सोचिआ वी नहीं हुंदा। हौली-हौली नशिआं दी काली-बोली रात पसर जांदी है।

पंजाब विच नशे पसरन दे मुख्ख कारन बेरुज़गारी अते भ्रिशटाचार हन। पंजाबी समाज विच हुण नैतिक सिख्खिआ अते सुचज्जीआं कदरां कीमतां दी लगभग अणहोंद है। राजनीतक, धारमक अते समाजक आगू वी हुण माडल पातर नहीं रहे। उह ग़लत ढंगां नाल अहुदे हासल करदे अते चौधरां चमकाउंदे हन। इत्थों तक कि नशिआं दी तशकरी करन तों वी बाज़ नहीं आउंदे। छेती ते सौखिआं अमीर होण दी लालसा नें चंगे भलिआं नूं काले धंदिआं विच पा दित्ता है। पंजाब विच जिड्डी धिर नशे वेचण वालिआं दी है ओडी ही धिर नशे सेवन वालिआं दी खहड़ी हो गई है।

नशिआं विरुध्ध मुहिंम विढ्ढण वाला संवेदनशील लेखक गुरप्रीत सिंघ तूर आई पी ऐस्स आपणीआं पुसतकां ‘संभलो पंजाब’, ‘जीवे जवानी’ ते ‘अल्ल्हड़ उमरां तलख़ सुनेहे’ राहीं पंजाबीआं नूं जागण दा होका दे रिहा है। उह कित्ते वजों पुलिस दा ए आई जी है ते शौक वजों पत्तरकार/लेखक। उह पंजाब दी जवानी नूं चहड़दी कला विच्च वेखणी चाहुंदा है जो ढहिंदी कला वल्ल जा रही है, नशिआं, लुट्टां-खोहां, मार-धाड़, गैंग-वार, लच्चरता अते अवैड़े वैलां विच खच्चत हो रही है; कंमां-कारां तों विरहवी, विहलड़, अय्याश ते फोकीआं टौहरां दी पट्टी होई है। कंन विंनहाई, सिर मुनाई ते टैटू खुणवाई फिरदी है। मोटर बाईकां बिनां पैर पुट्टणा आपणी शान दे उलट समझदी है। बरांडिड चीज़ां वसतां, फैशनां ते टशनां नाल टिट्ट फार टैट होई फिरदी है। अजिही जुआनी नाल लेखक दा पुलिस अफसर होण दे नाते नित्त वाह पैंदा है। निज्जी तजरबा हुंदा रहिंदा है।

पंजाब दी जवानी नूं बचाउण लई सभ नूं आपो आपणा बणदा सरदा योगदान पाउणा चाहीदा है। बेशक कुझ विअकती पा वी रहे हन पर इह काफ़ला अजे छोटा है। कोई वी मसला इंना पेचीदा नहीं हुंदा कि उहदा कोई हल्ल नां हो सके। पंजाबी डिग्ग-डिग्ग के उठ्ठदे रहे हन ते कुकनूस वांग राख विच्चों उगमदे रहे हन। घोड़िआं दीआं काठीआं ’ते रहिण/सौण वाले राज भाग दे मालक बणे सन। 1947 दे घोर उजाड़े पिछ्छों फिर घुग्ग वस्से सन ते कंगाल पंजाब नूं ख़ुशहाल कीता सी। दहिशती दौर दीआं मारां झल्लीआं हन ते परदेसां दे दुख्खड़े झागे हन। नौजुआनां दी निघ्घरदी ताकत नूं हुण वी उसारी विच लाइआ जा सकदा है। ‘जित्थे चाह उत्थे राह’ वांग सूझ सिआणप नाल फैसले लै के उहनां उत्ते द्रिड़ इरादे नाल अमल करन दी लोड़ है।

संयुकत राशटर दी डरग्गज़ ते जुरमां दा लेखा-जोखा रख्खदी संसथा अनुसार नशिआं दी रोकथाम दे तिंन उपाअ हन। 1. नशिआं दी मुढ्ढली सपलाई लाईन नूं रोक दित्ता जावे। 2. नशई्ई लोकां दा इलाज करवा के नशिआं दी लोड़ नूं ही ख़तम कर दित्ता जावे। 3. नौजुआन पीहड़ी नूं नशिआं प्रती जागरूक कर के उनहां नूं नशिआं दी दलदल विच्चों बाहर कढ्ढ लिआ जावे। चीन नें अफ़ीम दी अत्त विरुध्ध लड़ाई लड़ के अफ़ीम दी सपलाई नूं पूरन रूप विच बंद कर दित्ता। किसे समें अफ़ीम नाल अधमोइआ कीता चीन हुण उलंपिक खेडां विच्चों सभ तों बहुते मैडल जित्तण जोगा हो गिआ है ते दुनीआ दी वड्डी ताकत मंनिआ जा रिहा है। खेडां विच ही नहीं, चीन विशव दे वणज वपार विच वी सिखर उत्ते है। जे चीन नशिआं दी दलदल विच्चों निकल सकदा है तां पंजाब किउं नहीं?

मिआरी विद्दिआ अते रुज़गार देणा अते भ्रिशटाचार रोकणा सरकार यानी सिसटम दे हत्थ-वस्स हन। पर कुझ अजिहे पख्ख वी हन जो नौजुआनां दे आपणे हत्थ हन। जिवें हत्थीं किरत करना, बाकाइदा कसरत करनी, खेडणा मल्ल्हणा, चंगा साहित पहड़ना, चंगिआं दी संगत करनी ते विहले समें नूं उसारू पासे लाउणा उनहां नूं नशिआं तों दूर रख्ख सकदा है। उह महान खिडारीआं, कलाकारां, समाज सेवकां अते वख्ख-वख्ख खेतरां विच नामणा खट्टण वाले नाइकां नूं आपणा माडल मंन के उनहां दी रीस कर सकदे हन। अजिहा करन नाल उह ख़ुद होरनां लई माडल बण सकदे हन ते पंजाब नूं मुड़ वसदा रसदा कर सकदे हन। फिर उही गीत गूंज सकदे हन: रंगला पंजाब साडा रंगला पंजाब ...। नहीं रीसां देस पंजाब दीआं, नहीं रीसां ...!