शाह हुसैन दा मज़ार डा. जगतार नें पहिलां देखिआ होइआ सी ते असीं ठीक रसते ‘ते ही जा रहे सां पर फिर वी पुशट कर लैण लई डराईवर नूं किहा। डराईवर किउंकि साडे कोलों ‘शाह हुसैन’ बार-बार सुण रिहा सी, उस नें हौली कर के किसे नूं पुछ्छिआ, ‘‘शाह हुसैन दा मज़ार किथे है?’’
उस बंदे नें लाइलमी ज़ाहिर कीती तां जगतार नें डराईवर नूं समझाइआ, ‘‘एथे शाह हुसैन आखिआं किसे नूं पता नहीं लग्गणा, माधो लाल हुसैन आख।’’
उस नें अगले बंदे नूं माधो लाल हुसैन दा नां लै के पुछ्छिआ तां उस नें तुरंत राह दस्सदिआं थोहड़ा कु अग्गे जाण लई किहा। मुसलमान सूफ़ी फ़कीर शाह हुसैन ते उसदा हिंदू दोसत, ‘माधो लाल’ आपणी आपसी प्रीती कर के इको देह-जान हो निब्बड़े सन। अड्डरी हसती गवा के इक हो गए सन। ‘माधो लाल हुसैन’ दो विअकती दो फिरकिआं दी आपसी सांझ ते मुहब्बत दे प्रतीक हो निब्बड़े सन।
बाज़ार दे विचकार ही इक पासे इक छोटा जिहा तकीआ सी जिथे दोहां मित्तर-पिआरिआं दीआं कबरां सन। बाहर दरवाज़े ‘ते गुलाब दे हार ते फुल्ल पत्तीआं अकीदत भेट करन लई विक रहे सन। असीं फुल्लां दे हार लए ते बड़ी शरधा नाल वीह पंझी ग़ज़ दा लांघा लंघ के ज़मीन तों पंज-चार फुट्ट उपर बणे मज़ार दीआं पौड़ीआं तक पुज्जे तां इक जणे नें सभ तों अग्गे पौड़ीआं चहड़ रहे जगतार नूं रोक लिआ ते उपर जाणों मनहां कीता।
‘‘मैं आपणे बाबे कोल आइआं। तंू मैनूं किउं रोकदैं!’’ जगतार नें आपणा हक्क जताइआ।
एने नूं तेज़-तेज़ तुरदा इक शख़स आइआ ते उहने दूसरे बंदे नूं वरज दित्ता। उह शाइद इथों दा इंचारज सी। दूजा बंदा पासे होइआ तां आउण वाले बंदे नें किहा, ‘‘गुसताख़ी मुआफ…चलो जी उपर तुसीं…’’
उपर चहड़ के असीं दरवाज़े दी चौखट ‘ते खलोते सां। साहमणे पंजाब दी सांझी आतमा दोहां फकीरां दे रूप विच इक दूजे दे अंग-संग कबरां विच लेटी होई सी। मेरे अंदरों शाह हुसैन बोलिआ—
होरां नाल हसंदी-खडंदी
शहु नाल घंुघट केहा
चारे नैण गडावड होए
विच विचोला किहा।
असीं परिकरमा कर रहे सां। फुल्लां दे हार चहड़ा रहे सां ते आपणे वडेरिआं दे अंग-संग विचरण दे इलाही अनंद विच मग़न सां। अख्खां मीट के उनहां दे नैणां विच नैण गड्डे होए सन।
बणदी-सरदी माइआ भेट कर के हेठां उतरे तां जगतार कहिण लग्गा, ‘‘आ तैनूं इक होर बाबे नाल मिलाईए।’’
शाह हुसैन दे मज़ार तों उतरदिआं खब्बे हत्थ नाल ही पंज-छे गज़ दी दूरी ‘ते दोहां पंजाबां विच सतिकारे जांदे पंजाबी दे महान शाइद उसताद दामन दी यादगार सी। असीं इस बुलंद आतमा वाले निडर शाइर अग्गे सिर झुकाइआ ते उस दी फ़कीरी दा ज़िकर सांझा कीता जिस नें हनेरे सिल्ल्हे घुरने वरगे हुजरे विच उमर बतीत कीती पर उह दी शाइरी हमेशां हक्क सच्च दा चानण वंडदी वड्डे तों वड्डे हाकमां नाल आढा लाउण तों नहीं सी टली। थां-थां विकदीआं ते छोटे-मोटे इनामां-सनमानां लई लिलकड़ीआं कढदीआं कलमां वाले इस दौर विच उसताद दामन धरू तारे वांग चमक रिहा सी। अडिग, अडोल, सथिर। सच्च ते ज़मीर दी आवाज़ ‘ते पहिरा देण वाला।
छोटे-छोटे बच्चिआं दी इक भीड़ साडे दुआले इकठ्ठी हो गई। उह वारी-वारी बड़े चाअ नाल सानूं हत्थ मिला रहे सन। इक अलसमत माई नें आ के नाअहरे लाउणे शुरू कर दित्ते…’’हक्क…हक्क…ज़िंदाबाद!…ज़िंदाबाद!! पाकिसतान ज़िंदाबाद! हिंदुसतान ज़िंदाबाद! ज़िंदाबाद! ज़िंदाबाद!!’’
जगतार नें उस नूं पंजां दा नोट फड़ाइआ। उह होर वजद विच आ के नाअहरे लाउण लग्गी, ‘‘ज़िंदाबाद, ज़िंदाबाद!’’ उह नें दोवें बाहवां हवा विच लहिराईआं, ‘‘फ़तहि नसीब होऊ तुहानूं…जाओ, ज़िंदाबाद!…हिंदुसतान ज़िंदाबाद! पाकिसतान ज़िंदाबाद…’’
निआणिआं दी भीड़ खड़खिल्ली पा रही सी। ‘‘ओ बस वी कर! महिमान आए नें…ऐवें बहुता सिर नां खाह…’’ उथे बैठे कुझ सिआणिआं नें माई नूं झिड़किआ। ‘‘कोई गल्ल नहीं…रहिण दिओ रब्ब दी मौज ‘च इहनूं…’’ जगतार नें आखिआ ते असीं वापस जाण लई परते। माई नें ललकारिआ, ‘‘ज़िंदाबाद!…फतहि होऊ…शेखूपुरे ज़रूर जाइओ…’’ उह बोली जा रही सी।
मैं ‘शेखूपुरे’ दे अरथां ‘च वड़ के ननकाणे जाण दा उहदा सुनेहा लभ्भ ही रिहा सां कि सठ्ठ-पैंहठ साल दा पर सिहतों चंगा इक पेंडू जापदा आदमी मेरे कोल आ खड़ोता। सिर ‘ते घमसैला जिहा पटका बंनहिआ होइआ। गल पीले रंग दा कुरता ते तेड़ घमसैला चादरा! हत्थ विच डंगरां नूं हिक्कण लई पराणी।
‘‘मैं ते मेरी घरवाली औह टांगे ‘ते जांदे पए सां। मैं तुहानूं वेखिआ कि सरदार हुरीं‥खलोते नें टांगा रोक के तुहानूं मिलण लई भज्जा आइआं‥’’
मेरे साथी कार कोल खलोते मेरी उडीक कर रहे सन। मैं उस पेंडू किसान नूं सतिकार दे के तुरना चाहुंदा सां पर उस नें गल्ल छेड़ लई, ‘‘सरदार जी, असीं उनहां दिनां नूं रोंदे आं‥जदों तुसीं साथों अलग्ग होए। डसके लागे ऐ साडा पिंड। ज़ैलदार रणजीत सुंह दा पिंड…तुहाडा लूण खाधा ए सरदार जी! कदी भुल्ल नहीं सकदे। सानूं गरीबां नूं पिछ्छे छड्ड के किधर तुर गए तुसीं सरदार जी।’’
उस नें डूंघा हउका भरिआ। कुलवंत सिंघ विरक दी कहाणी ‘उल्हामा’ मेरिआं चेतिआं विच लिशक उठ्ठी। देश दी वंड दे रौलिआं वाले दिन सन। आपणा घर घाट ते पिंड छड्ड के लागले पिंड दा मुखी आपणी जान-बचा के कैंप विच बैठा होइआ है। आसे-पासे पाकिसतानी पुलीस ते मिलटरी है। बाहरों नां कोई कैंप दे नेड़े आ सकदा है ते नां ही कैंप दे अंदरों कोई बाहर जा सकदा है। दोवां सूरतां विच गोली सीना चीर सकदी है। हिंदुसतान जाण दा अजे सबब्ब बण नहीं रिहा। उह सरदार इक दिन सुरख्खिआ करमचारीआं कोल तरला मारदा है कि इक वार हिंदुसतान नूं तुरन तों पहिलां उह आपणे पिंड दे दरशन करना चाहुंदा है। आगिआ लै के जदों उह पिंड पुज्जदा है तां उहदे पिंड दे मुसलमान, खेतां विच कंम करन वाले कामे उहदे दुआले इकठ्ठे हो जांदे हन। बच्चिआं ते औरतां दी भीड़ वी आ उलरदी है ते पिंड दी इक बज़ुरग औरत सरदार नूं आ के उल्हामा दिंदी है, ‘‘सरदार इह तूं की कीता? सानूं एथे छड्ड के आप तूं कुप्प विच जा वड़िओं। साडी बांह कीहनूं फड़ाई आ। असीं तेरे पीहड़ीआं दे कंमीं सां।’’
विरक नें इस कहाणी बारे आप ही टिप्पणी करदिआं लिखिआ सी, ‘‘उल्हामा कहाणी विच इह दिखाणा सी कि किस तरहां जन-साधारन उनहां महान राजनीतक तबदीलीआं दा, जिहड़ीआं उस दा नां लै के लिआईआं जांदीआं हन, अरथ समझण तों वी असमरथ रहिंदा है।’’
इसे प्रसंग विच रघबीर सिंघ नाल किसे मुसलमान नौजुआन दी गल्ल वी कुझ इसे भाव नूं प्रगट करदी सी। उह नौजवान बलोचिसतान दे इलाके ‘चों आइआ सी। फटे-हाल कप्पड़े पर जिसम नरोइआ। गल्लां-बातां विच रघबीर सिंघ नें पुछ्छिआ, ‘‘बलोचिसतान तों लाहौर किउं आइऐं?’’
‘‘साडे ओधर पाणी नहीं, फसलां नहीं हुंदीआं। गरीबी बहुत है। कंम है नहीं… इधर आइआं कुझ दिन होए…कंम दी तलाश विच’’
‘‘फिर मिलिआ कोई कंम!’’ रघबीर सिंघ नें किहा तां उह मासूमीअत नाल कहिण लग्गा, ‘‘अजे तक तां मिलिआ नहीं। तुसीं ही कोई कंम धंदा दे दिओ।’’
उस नौजवान नूं एना पता वी नहीं सी कि जिस बंदे नूं उह कंम पुछदा पिआ सी ते पाकिसतान दा शहिरी समझदा सी, उस नूं जां उस दी जाती दे लोकां नूं तां अध्धी सदी पहिलां इथों इस लई कढ्ढ दित्ता गिआ सी तां कि इह मुलक निरोल उस नौजवान दा ही हो सके।
ते उह नौजवान इस तों कंम पुछ्छदा पिआ सी!
मैं पिआर नाल भिज्ज के उस किसान नूं गल नाल लाइआ। असीं अजे जुदा होए ही सां कि सिर ‘ते टोपी अते दरवेशी लिबास वाला इक साईं लोक काहले कदमीं तुरदा मेरे कोल आइआ। उहदे हत्थां विच गुलाब दीआं फुल्ल-पत्तीआं नाल भरिआ लिफ़ाफ़ा सी। उह लिफ़ाफ़ा उस नें मेरे हत्थां विच दिंदिआं बड़े वैराग नाल आखिआ, ‘‘सरदार जी! ऐह फुल्लां दी ख़ुशबो मेरे वलों कबूल करो। ते तुहाडे ईमान दी सहुं जे-तुसीं इह फुल्ल मेरे वलों गं्रथ साहिब दे अग्गे चहड़ाउणे‥’’
इह आख के उस नें मैनूं गलवक्कड़ी विच घुट्ट लिआ ते मेरे मोढे ‘ते धौण रख्खी फुसफुसाइआ, ‘‘सरदार जी! बस रो ई नहीं सकदे।’’
पर उस दा गच्च भर आइआ सी ते बोल सिल्ल्हे हो गए सन। साडी गलवक्कड़ी टुट्टी तां नाल ही मेरे अंदरों कड़च्च कर के कुझ टुट्टा ते मेरीआं अख्खां ‘चों अत्थरू वग तुरे।
एने विच रिज़वान मेरे कोल आण खड़ोता सी। उस नें मेरे मोढे ‘ते हत्थ रख्ख के ढारस दित्ती। मैं अत्थरू पूंझदिआं कार वल्ल तुर पिआ।
कार विच वड़न तों पहिलां मैं परत के झात पाई तां पेंडू किसान नें पराणी वाला हत्थ मत्थे नूं छुहा के किहा, ‘‘अछ्छा सरदार जी रब्ब राखा।’’ उहदे पिछ्छे उहदी पतनी अध्धा चिहरा कज्जी तरल अख्खां नाल मेरे वल्ल वेख रही सी। मैं जेब ‘चों सौ दा नोट कढ्ढिआ ते किसान दी मुठ्ठी विच दे दित्ता। उस नें फिर मत्थे नूं हत्थ ला के सलाम आखी।
कार तुर पई। मैं पिछ्छा भौं के वेखिआ। दोवें पती-पतनी अजे वी उथे ही खड़ोते सन, जिवें आपणे मित्तर पिआरिआं नूं विदा कर के कोई ओना चिर उथे ही खड़ोता रहिंदा है जिंना चिर अगले दिसदे रहिंदे नें। उनहां दे पिछ्छे खलोता सी उह दरवेश ते मेरा साईं शाह हुसैन। मैनूं लग्गा मैं निरहे लाहौर दी ही नहीं पंजाब दी सुच्ची आतमा नूं मिल के हटिआ होवां।
अत्थरूआं दी सिल्ल्ह अजे वी मेरीआं पलकां ‘ते सी।