पिछले वरहे जून महीने 'च गुरप्रीत घुग्गी दे आसट्रेलीआ दौरे दौरान उनहां नाल कुझ वकत गुज़ारन दा मौका मिलिआ। जिस दौरान कामेडी तों हट के होर बहुत सारे मुद्दिआं 'ते साडी गल्लबात होई। मेरे मन 'च पहिलां वी गुरप्रीत लई काफ़ी सतिकार सी। पर उस दिन दी मुलाकात तों बाअद मेरे विचारां नूं होर प्रोहड़ता मिली। उह आपणे विरसे प्रती काफ़ी चिंतत है। गल्लां-बातां दौरान उनहां किहा कि तुसीं बहुत कुझ लिखदे रहिंदे हो, किसे दिन साडे विगड़ रहे विरसे अते धरम 'ते वी लिखो। मैं उनहां नूं दस्सिआ कि मैं तकरीबन तिंन कु वरहे पहिलां आपणे आप नाल वाअदा कर बैठा हां कि भविख्ख 'च कदे आपणे धरम बाबत नहीं लिखांगा कि उस वकत मैं इक्क-दो खुल्ल्हीआं चिठ्ठीआं पंथ दे नां लिख दित्तीआं सन ते पंथ दे ठेकेदारां नें मैनूं इस पासे लिखण लई तौबा करवा दिती सी। भावें इह मैं किसे दे डरों नहीं कीता, बस्स उस वकत शबद गुरू तों हुकम मंगिआ तां उथों इही हदाइत आई कि ''मूरखै नालि न लुझीऐ''। सो, उसे दिन तों इस हुकम दा इशारा समझ गिआ कि जां तां शबद गुरू उनहां लोकां नूं अगाह कर रहे हन, जो मेरे जिहे मूरख नाल सिंघ अड़ाउंदे हन जां फेर इस दे उलट इशारा होवे।

गल्ल अग्गे तोरन तों पहिलां दस दिआं कि धरम दे ठेकेदारां नें उस वकत मैनूं इस लई वरजिआ सी कि इक्क तां मैं रहित धारी नहीं हां ते दूजा मेरे नां नाल 'सिंघ' नहीं लिखिआ होइआ। फेर सोचण 'ते मजबूर हुंदा हां कि हनी सिंघ तां सिंघ लिखदा!!! चलो छड्डो जी, बहुत कुझ है इस मसले 'च मेरे कोल लिखण लई पर मैं उलझणा नहीं चाहुंदा । हर बंदे दी आपणी आज़ादी हुंदी है कि उह की बणना चाहुंदा है, सो मैं सिख्ख बण के बहुत ख़ुश हां ते हाले बहुत कुझ सिख्खणा चाहुंदा हां। हां ! जिस दिन लगिआ कि हुण मैं सिंघ सजण लई परपक्क हो गिआं हां तां ज़रूर सजांगा।

हुण तुसीं सोचदे होवोगे कि जे धरम बारे नां लिखण दा वाअदा कीता सी तां अज्ज फेर किउं लस्सी रिड़कण बैठ गिआ हां । दोसतो! मेरे यू टरन मारन दा कारन हिंदी फ़िलम 'ओ माई गाड' बणी है। थोहड़ा चिर पहिलां रिलीज़ होई इस फ़िलम नूं जो वी देख आउंदा सी, आउण सार फेसबुक्क ते सिफ़तां दे पुल बंनह दिंदा सी। मेरी जिगिआसा वी वधी कि इस फ़िलम 'च इहो जिहा की है! सो फ़िलम देखी, देख के हज़ारां ही सवाल मन 'च खहड़े हो गए। जिनहां विच इक तां इह सी कि लोक हिंदी फ़िलमां 'च नंगेज़ अते दो अरथी शबदावली नूं समें दी लोड़ दस्सदे हन। उनहां दी दलील हुंदी है की इहनां चीज़ां बिनां फ़िलम हिट्ट नहीं हो सकदी। पर बिनां किसे नंगेज़ दे सुपर हिट्ट हो के इस फ़िलम नें साबत कर दित्ता है कि किंझ साफ़ सुथरीआं फ़िलमां वी हिट्ट हो जांदीआं हन।

पर असली सवाल तां इह है कि फ़िलम विच शबद गुरू दी महत्तता दरसाई गई है। सारी दी सारी फ़िलम गुरू नानक जी दे फ़लसफ़े ते अधारित है। पर हैरानी इस गल्ल दी हुंदी है कि शबद गुरू स्री गुरू ग्रंथ साहिब जां फेर उस दे वारिसां दा किते ज़िकर किउं नहीं कीता गिआ ? बहुत ही समझदारी नाल इस फ़िलम नूं सिख्ख धरम तों दूर रख्खिआ गिआ है। भावें मैं पहिलां कहि चुक्किआं कि फ़लसफ़ा सिख्ख धरम दा अपणाइआ गिआ है ते बहुत सारीआं बुराईआं वी उही दिखाईआं हन, जो अज्ज कल्ल्ह सिख्ख धरम 'च दाखिल हो चुक्कीआं हन। जिवें कि डेरावाद, गोलकवाद, धरम दे नां ते सिआसत अते जज़बाती बलैकमेल आदि। फ़िलम देख के इक विचार मन विच आउंदा है कि की अज्ज भारत विच तिंन ही धरम हन! भावें निज्जी तौर ते मैं इहनां धरम दे नां ते वंडीआं 'च यकीन नहीं रख्खदा, पर इक गल्ल चिंता ज़रूर पैदा करदी है कि इह सभ कुझ इतिहास नूं बदलण वल्ल इशारा है।भावें सिआणे कहिंदे हन कि इतिहास नूं कोई वी बदल नहीं सकदा, पर इक सच्च इह वी है कि जे इक पीहड़ी अगली पीहड़ी नूं इतिहास दी तोड़ मरोड़ के जाणकारी देणी शुरू कर देवे तां सिरफ़ वीह कु वरहिआं 'च आउण वाली पीहड़ी सच्च तों अणजाण हो जावेगी।

इक गल्ल होर जो ज़िहन 'च आउंदी है उह इह कि जदों अज्ज तों वीह-तीह वरहे बाअद कोई इह फ़िलम देखेगा तां उस दे दिमाग़ 'च इही गल्ल आवेगी कि उस वकत सिख्ख धरम दा कोई वजूद नहीं सी। किउंकि इस फ़िलम 'च इही दरसाइआ गिआ है। हुण गल्ल आउंदी है कि इंझ किउं होइआ! दोसतो! इक गल्ल जग्ग जाहिर है कि हिंदी फ़िलमां नूं कामयाब करन लई पंजाबी तड़का बहुत ज़रूरी समझिआ जांदा रिहा है। पर पिछले कुझ कु समें दा, जदों तों जागरूक लोकां नें कुझ नकेल कस्सी तां किसे टाईम 'च मज़ाक दा पातर बणाए जांदे साडे भाईचारे नूं कुझ ठीक रूप 'च दिखाउणा शुरू कीता गिआ है। पर कुझ इक गल्लां 'च साडे 'ते कलेशी होण दी मोहर वी लग्ग गई है। हर फ़िलम बणाउण वाला सोचदा है कि पता नहीं कदों इह कौम नंगीआं तलवारां लहिराउण लग्ग जावे। इहनां गल्लां नूं मद्दे-नज़र रख्खदिआं कोई बंदा नहीं चाहुंदा कि बिनां किसे गल्ल दे कोई विवाद सहेड़िआ जावे। सो राहड़ नालों वाड़ चंगी दे फ़ारमूले ते कंम करदिआं इहनां नें सानूं अज्ज दे समाज चों मनफ़ी कर के देखणा शुरू कर दित्ता है। इस गल्ल 'च कोई दुचित्ती नहीं होणी चाहीदी कि जदों अज्ज असीं समाज चों मनफ़ी हो गए तां इतिहास 'च साडा ज़िकर किवें आवेगा।

हुण चिंतन करन दी गल्ल इह आउंदी है कि ग़लती किथे हो रही है! इस मुद्दे ते मैं बहुत सारे नौजवानां नाल गल्लबात कीती। हर बंदा आपणा पख्ख नवें रूप 'च लै के आउंदा है। पर जिहड़ी इक सांझी गल्ल इहनां सारिआं दे विचारां 'च देखण नूं मिली उह इह है कि हर कोई चिंतन कर रिहा है कि असीं किसे वड्डी साजिश दा शिकार हो रहे हां। कल्ल्ह दी ही गल्ल हैं मैं नौजवान शाइर दविंदर सिंघ धालीवाल नाल गल्ल कर रिहा सी तां उह कहिंदा बाई तूं बहुत ढीठ बंदा हैं, सारा दिन हवा 'च वार करी जांदा रहिदैं । चंगा भला तैनूं पता कि सारे दा सारा सिसटम सिख्खी नूं मिठ्ठा ज़हिर दे के ख़तम करन 'च लग्गिआ पिआ है। बाई तूं फेर वी आस दी किरन भाली जांदा!

दविंदर दी गल्ल 'च इक बहुत वड्डी सचाई दिखाई दे रही है। जित्थे मेरे जिहे सिख्खी सरूप तों मुनकर हो के सिख्खी नूं ढाह ला रहे हन, उथे धरम दे ठेकेदार वी कोई घट्ट नहीं गुज़ार रहे। नरम खिआलीआं दा इस कलयुग्ग 'च कुझ वट्टिआ नहीं जा रिहा ते गरम ख़िआलीए जोश 'च होश गवा के कंम कर रहे हन। जिहड़ी सिख्खी दा सभ तों पहिला फ़लसफ़ा ही बाबा नानक जी नें निमरता दा दित्ता, उस तों कोहां दूर है साडी कौम। मुक्कदी गल्ल है जी कि पता पता सिंघां दा वैरी वाली गल्ल सोल्हां आने सच्च साबत हो रही है। चलो आओ इहनां विचों कुझ इक पत्तिआं ते झात मारदे हां;

जगत गुरू बाबा नानक जी वल्लों गड्डी मोहड़ी, दसम गुरू साहिबान दे आउंदे आउंदे इक बहुत ही संघणी छां वाले दरख़त दे रूप 'च दुनीआं 'च उजागर होई। इस महान दरख़त नें पता नहीं किंने लोड़वंदां, मज़लूमां नूं पनाह दित्ती। पर वकत दे थपेड़े किसे नां किसे रूप 'च इस नूं जहड़ों पुट्टण दी कोशिश 'च लग्गे रहे। जदों मसंदां तों खहिड़ा छुडवाइआ सी तां लगदा सी कि इस सबक तों साडी कौम बहुत कुझ सिख्खिआ है ते मुड़ के कदे वी इहो जिही सथिती इस कौम 'ते नहीं आवेगी। पर वकत बड़ी ज़ालम शैअ दा नां है। मसंदां नालों वध्ध के डेरे अज्ज साडा मूंह चिड़ाउंदे हन। सिख्खी दा सहारा लै के चले इह डेरे होली होली सिख्खी दे शरीक बण के साहमणे आ खहड़े होए। जदों ग़ैर पंथक सरकारां आउंदीआं हन तां उनहां 'ते डेरावाद फैलाउण दे दोश लाए जांदे हन। जदों पंथ दे वाली वारिस कहाउण वाले ताकत 'च आउंदे हन तां सभ कुझ भुला दित्ता जांदा है। मैं इथे इह नहीं लिखांगा कि ''पता नहीं किउं'', किउंकि सभ नूं पता ही है कि सिसटम किद्दां कंम करदा है। हाले तक्क दे सिख्ख इतिहास 'च मैनूं तां कदे नज़र नहीं आइआ जदों कि साडा आढा कदे समें दे हाकमां नाल नां लग्गिआ होवे। हुण तक्क दे सारे इतिहास विचों महाराजा रणजीत सिंघ दे राज-काज नूं छड्ड कदे इहो जिहा वकत दिखाई नहीं दित्ता जदों साडे हाकमां ख़िलाफ़ मोरचे नां लग्गे होण।

अगले कारन ते आ जाओ; सानूं शबद गुरू दे वारिस बणा के गुरू साहिबान नें अग्गे ज़िंदगी जिउण दा राह दिखा के, इक वख्खरी पछाण दे के, इस समाज दा इक अंग बणा दित्ता सी। उस तों बाअद दी जिंमेवारी आ गई सी, साडे प्रचारकां, बुध्धीजीवीआं अते हाकमां दी। हाकमां 'ते तां होर की चरचा करनी, उह पहिलां वाली काफ़ी है। बुध्धीजीवीआं बारे मैं कुझ टिप्पणी कर सकां, इस लई मेरे कोल एनी बुध्धी नहीं है अते किसे वी पख्खों ख़ुद पूरा नहीं कि किसे नूं अधूरा कहि सकां। बस्स इक गल्ल सांझी कर सकदां मतलब तुसी आप कढ्ढ लिओ।

जगत गुरू नानक देव जी नें सानूं इक फ़लसफ़ा दिता सी, उह सी गोशटी, जो उनहां नें सिध्धां नाल बहुत ही छोटी उमरे कीती। इथे मैं इक गल्ल इह सांझी करनी चाहांगा कि सिख्ख धरम दे सिरजणहार नें कोई वी इहो जिही उदाहरन नहीं दित्ती, जो सिरफ़ किताबी होवे । उनहां हर चीज़ नूं अमली कर के दिखाइआ, उसे 'चों इक गोशटी है। अज्ज सारा संसार मंनदा है कि वारता बिनां किसे वी मसले दा हल्ल कढ्ढणा बहुत मुशकिल हुंदा है। साडे 'ते अज्ज इह दोश लग्गदा है कि असीं वारता दी थां डांगां कढ्ढण 'च ज़िआदा विशवास करदे हां। इथे सवाल इह पैदा हुंदा कि डांगां बुध्धीजीवी तां कढ्ढदे नहीं, इह तां आम आदमी दे हिस्से आउंदीआं हन। आम आदमी कदों मोरचे लाउंदा૴ जदों कोई वारता नां करे। सो असली सवाल इह है कि बुध्धीजीवी वारता किउं नहीं करदे ?

जदों तों असीं शबद गुरू दे वारिस बणे हां, उदों तों बहुत सारे मसले साडे कोल अणसुलझे पए हन। पिछले तिंन-चार सौ सालां 'च साडी कौम 'च बहुत सारे बुध्धीजीवी पैदा होए पर कोई सिरे लाउण वाली वारता किते नहीं होई, जो इहनां मसलिआं दा सारथिक हल्ल कढ्ढ सकदी। मसले तां अणगिणत हन पर इथे उदाहरन दे तौर ते दसम ग्रंथ जिहे अहिम मसले ते गल्ल करदे हां। मेरे समेत बहुत सारे लोकां लई इह मसला भंबलभूसा बणिआ होइआ है। साडे 'च एनी तां बुध्धी अते शकती है नहीं कि असीं ख़ुद इस ग्रंथ ते घोख विचार कर सकीए। असीं तां आपणे बुध्धीजीवीआं दे मोहताज हां। जदों असीं कदे दसम ग्रंथीआं दी गल्ल सुण लैंदे हां तां उह सच्चे लगदे हन, ते जदों दसम ग्रंथ दे विरोधीआं दे विचार सुण लैंदे हां तां उह ठीक लगदे हन। भाई काहन सिंघ नाभा नें कई वार भाशा दे मामले 'च आपणे ग्रंथ ''महानकोश'' नाल दुचित्ती चों कढ्ढिआ, पर जदों दसम ग्रंथ दे मामले 'च उनहां कोल जाईदै तां उथे वी सथिती सपश्शट नहीं हुंदी। इस लई वेले-वेले सिर बहुत सारे बुध्धीजीवीआं नाल गल्लबात करन दी कोशिश कीती पर कोई तसल्ली नहीं होई।

इस बार संयोगवस्स दोहां धिरां दे लोक ऐडीलेड विच्च आए। जिनहां विचों डाकटर हरपाल सिंघ पंनूं जो कि दसम ग्रंथ बारे काफ़ी रिसरच कर चुक्के हन ते उधर नौजवान प्रचारक प्रोफैसर सरबजीत सिंघ धूंदा।पंनूं साहिब कोल मैं इह गल्ल रख्खी कि आम इनसान जो दोचित्ती दी ज़िंदगी जिउं रिहा है, उस दा हल्ल बुध्धीजीवी वरग किउं नहीं कढ्ढ रिहा ? मैं उनहां नूं इह वी बेनती कीती कि भावें दो-तिंन साल दा वकत लै लवो अते इक उच्च पध्धरी वफ़द बणा के इक फ़ैसला सुणा दिओ कि की असीं दसम ग्रंथ नूं वी मंनणा है जां नहीं ? उह कहिंदे कि पहिली गल्ल तां इह कि मैं हाले तक्क इह भरम नहीं पालिआ कि मैं कोई बुध्धीजीवी हां पर फेर वी जिनहां कु मैं अधिऐन कीता उस मुताबिक जे कोई इहो जिही कमेटी बणदी है तां मैं उस विच इक पख्ख ज़रूर रख्ख सकदा हां अते उसारू बहिस लई हर वकत तिआर हां।

प्रोफैसर धूंदा साहिब पिछ्छे जिहे आपणीआं बेबाक टिप्पणीआं कारन बड़ी तेज़ी नाल सुरख़ीआं 'च आए सन। पर अफ़सोस पता नहीं किस दबाअ हेठ इह नौजवान बुध्धीजीवी वी आपणे आप नाल समझौता कर गिआ। किउंकि पिछले दिनीं उह आसट्रेलीआ 'च आए ते उनहां दे आउण वेले जो कुझ होइआ उह आम आदमी भावें नहीं जाणदा पर कुझ इक अंदरूनी लोकां तों इह गल्ल लुकी नहीं है कि किंझ उनहां दे मूंह 'च मोंदा दे के उनहां नूं प्रचार करन लई संगतां मूहरे लिआंदा गिआ। जिनहां आसां नाल उनहां दे चाहुण वाले सुणन गए सन, उह उस तों वांझे ही रहे।

पता नहीं कदों उह दिन आवेगा जदों साडे सरब उच्च अकाल तखत साहिब तों बिनां किसे दबाअ दे सिख्ख संगत दे नां ते इक फ़रमान जारी होवेगा! जिस विच साडी दुचित्ती दा हल्ल होवेगा। कौम दे नां इस हुकम 'च जां तां दसम पिता जी दे हुकम गुरू मानिओ ग्रंथ नूं प्रोहड़ता मिले जां फेर इह हुकम होवे कि आतमिक लई स्री गुरू ग्रंथ साहिब अते विहारक लई दसम ग्रंथ दी मंनों जी। इस असंभव जिहे फ़ैसले दी उडीक 'च पता नहीं कदों तक्क पिसदा रहेगा आम सिख्ख! बाकी आम सिख्ख किहड़ा घट्ट है समें-समें सिर होए सिख्ख बुध्धीजीवीआं नूं असीं किहड़ा बख़शिआ ? भावें उह मासटर तारा सिंघ होवे, भावें संत हरचंद सिंघ लौंगोवाल होण। इलज़ाम लाउंदिआं वी सानूं तां शरम नहीं आउंदी कि साडे बुध्धीजीवी रसगुल्लिआं ते डुल्ल्ह गए।

हुण गल्ल करदे हां प्रचारकां दी। प्रचारक किसे वी धरम दी रीहड़ दी हड्डी हुंदे हन। सिख्ख धरम 'च वी काफ़ी वड्डे नां प्रचारकां दे रूप 'च होए हन। पर त्रासदी इह रही है कि कुझ इक प्रचारकां दा जदों संगतां विच बोलबाला हो गिआ तां उह आपणीआं वख्खरीआं दुकानां खोल्ह के बहि गए। कईआं नें प्रचार बाअद 'च शुरू कीता ते संत दी उपाधी पहिलां आपे ही लै लई। हां इक सच्चमुच्च दे संत यानी कि संत सिंघ मसकीन वी पिछले दौर 'च आए। पर साडी कौम दी त्रासदी कि उह जदों कुझ कौम नूं देण जोगे होए तां इस जहान तों तुर गए। साडे सिख्खी दे मुख्ख अदारे दी सुण लवो, मसकीन साहिब दे जिउंदे जीअ कोई उपराला नहीं ते उनहां दी मौत तों बाअद दस्स रहे हन कि उह इको-इक प्रचारक सन, जो कदे दरबार साहिब कथा करन दे पैसे नहीं सन लैंदे। उह तां सानूं धंनवाद करना चाहीदा है इक पंजाबी चैनल दा जिनहां उनहां नूं घर घर पहुंचा दिता। इस गल्ल दा सद्दा ही मलाल रहेगा कि मसकीन जी जिहा प्रचारक आपणे सिखर दे वकत सानूं छड्ड गिआ। प्रचार दे खेतर विच कुझ होर वी आस दीआं किरनां चमक रहीआं हन पर जदों पार लग्गीआं उदों जाणगे।

प्रचारकां तों बाअद गल्ल आउंदी है ग्रंथी सिंघां दी जिहड़े कि स्री गुरू ग्रंथ साहिब दी सेवा तों बिनां मुढ्ढला प्रचार वी सांभदे हन। पर इथे वी हैरानीजनक गल्लां साहमणे आउंदीआं हन। गुरू घरां दे प्रबंधकां उते अकसर ही इह दोश लग्गदे हुंदे हन कि उह ग्रंथी सिंघ नूं इहो जिहा अहिसास करवाउंदे हन कि ग्रंथी सिंघ आपणे आप नूं इक सेवादार नां समझ के इक बंधूआ मज़दूर समझण लग्ग पैंदे हन। इक ग्रंथी सिंघ नाल गल्ल करदिआं उनहां दस्सिआ कि भाई साहिब साडे उते हर वकत तलवार लटकदी रहिंदी है कि जे असीं प्रबंधकां दे सतिकार 'च थोहड़ी बहुत वी ढिल्ल कर गए तां साडा देश निकाला होइआ समझिओ। उनहां दे कहिण मुताबिक कि सानूं देश निकाले दा वी कोई डर नहीं पर जो दोश ला के ते ज़लील कर के सानूं कढ्ढिआ जांदा है, उह साडे भविख्ख नूं ही ख़तम कर दिंदा है। इहनां आम ही लगाए जाण वाले दोशां चों गोलक चोरी, मैली अख्ख अते माड़ा चरित्तर सभ तों पहिलां लग्गदे हन। हुण तुसीं दस्सो कि इस सथिती 'च जिउण वाला आपणी कौम दा की सवार लवेगा।

लओ जी! इस निघार दी अगली कड़ी दी गल्ल कर लईए, जो कि सभ तों महत्तवपूरन है। उह है मापे! जिनहां नूं जुआक दे पहिले गुरू होण दा माण प्रापत हुंदा है। इथे मैं इह गल्ल सपश्शट कर देणा चाहुंदा हां कि संसार 'च कोई वी इहो जिहा मां-बाप नहीं होवेगा जो आपणे बच्चिआं नूं कोई बुरी आदत सिखाउण दी कोशिश करेगा। हां अणजाणपुणे 'च बहुत कुझ हो रिहा है। पिछले दिनीं सारागहड़ी दे शहीदां दी याद मनाउण वेले वी इह सवाल मैं मापिआं नूं कीता सी कि जे अज्ज असीं सारागहड़ी दे शहीदां दी गल्ल कर रहे हां तां उह दे पिछ्छे हवलदार ईशर सिंघ होरां दा पालण पोशण कंम करदा है। उनहां नूं बचपन 'च साडे महान शहीदां दीआं जीवनीआं उनहां दे मापिआं नें सुणाईआं सन कि किवें भाई मनी सिंघ बंद-बंद कटवाउण वेले अडोल रहे, किवें बंदा सिंघ बहादर नें सरहिंद फ़तिह कीती, किवें हरी सिंघ नलूआ वरगे जरनैलां नें दुशमणां दीआं भाजड़ां पुआईआं। पर अज्ज दे मापे बच्चे नूं टी.वी. ते शकतीमान, बैटमैन ते जां फेर सपाईडरमैन दे शोअ ला के बच्चिआं नूं सांभ दिंदे हन। बड़ी हैरानी हुंदी है कि जदों साडी कौम कोल असली हीरो मौजूद हन तां नकली दे शकतीमान दिखा के असीं किहड़े चंगे भविख्ख दी कामना करदे हां।

''जिस घर दे सिआणे आपस विच इकसुर नहीं, उस घर दे निआणिआं तों किवें अलाप लाउण दी आस कीती जा सकदी है''! सो इही फ़ारमूला इथे कंम कर रिहा है। साडे नौजवानां नूं जदों असीं कुझ सपश्शट नहीं कर रहे तां उह आपणे राह आप चुणदे हन। आपे चुणे राह 'च भाई मनी सिंघ वाला जज़बा आउणा खाला जी दा वाड़ा नहीं। बाकी चहड़दी उमरे तां वाहिगुरू-वाहिगुरू दी थां यो-यो ही मन भाउंदा है। मैं इथे किसे विशेश कलाकार दी गल्ल नहीं कर रिहा अज्जकल्ल्ह इक नहीं बहुत सारे कलाकार सिरफ़ पैसे ते शोहरत लई साडी जवानी नूं साडे अमीर विरसे तों दूर करन दी भूमिका निभा रहे हन। सानूं अज्ज चटपटीआं अते मसालेदार गल्लां चंगीआं लगदीआं हन। सो इसे फ़ितरत दा लाहा मैं इस लेख दा सिरलेख देण 'च लै गिआ कि चलो इहो जिहे चटपटे सिरलेख दे बहाने इस बहुत ही संजीदा मुद्दे नूं लोक पहड़ तां लैणगे।

हुण जे मैं आपणी निज्जी राइ दी गल्ल करां तां इक ही गल्ल कहि सकदा हां कि जदों असीं स्री गुरू ग्रंथ साहिब "नूं" मंनण दी थां स्री गुरू ग्रंथ साहिब जी "दी" मंनण लग्ग जावांगे, ओदों हर सवाल दा जवाब सानूं मिल जाणा है। पर इह अधिऐन तों बिनां संभव नहीं हो सकदा। सो आओ अज्ज तों इक प्रण करीए कि असीं हर रोज़ स्री गुरू ग्रंथ साहिब जी दे इक अंग दे अरथ ख़ुद पहड़ के समझण दी कोशिश करीए। सिरफ़ तिंन कु वरहिआं 'च इस काबिल हो जाईए कि असीं ख़ुद दे सवाल दा हल्ल ख़ुद ही कढ्ढ सकीए । बाकी जिंनी कु मत्त सी उनहां कु लिख दित्ता जी, चंगा माड़ा लग्गे माफ़ करना। अखीर गुरबाणी दा इही फ़रमान चेते आ रिहा कि; तू समरथु वडा मेरी मति थोरी राम ॥