संसार दे सारे मनुख्खां दी नसल (species) दा साइंसी नाउं है ‘होमो सेपीअनज’ (Homo sapiens), जिसदा अरथ है सिआणा, बुध्धीमान, जां विचारवान मनुख्ख। इह नाउं 1758 विच्च सवीडन दे इक्क मशहूर साइंसदान कैरुलस लिनीअस नें रख्खिआ सी; बलकि सारे जानदार प्राणीआं दे साइंसी नाउं रख्खण दी प्रणाली दा आविशकार ही उस नें कीता सी अते इह ही अज्ज सारे संसार विच्च प्रचलत है। सरीर अते सुभाअ दे कुछ लछ्छणां करके पशू-जगत दे प्राणीआं नाल मेल खाण कर के भावें मनुख्ख नूं पशू-जगत (ऐनीमेलीआ किंगडम Animalia Kingdom) विच्च रख्खिआ गिआ है पर कुदरत वलों मिले होर विशेश गुणां (Faculties) कर के इह उनहां सभ विच्चों उत्तम है। इह गुण हन: विकसित किसम दा सरीर अते दिमाग, सिध्धे खहड़े हो के दोंह पैरां ’ते तुर, बोल, अग्ग नूं वरत सकण, जथेबंद (Forming Groups) कर/हो सकण अते बुध्ध-विवेक दी अधिकारता, जिनहां कर के इस नूं इह नाउं दित्ता गिआ है। मनुख्ख नें बहुत हद्द तक आपणे इस नाउं नाल इनसाफ़ वी कीता है। इस संसार विच्च अड्ड-अड्ड समिआं अते अड्ड-अड्ड देशां विच्च चोटी दे अधिआतमिक महांपुरख आ चुक्के हन, अते आ रहे हन। इनहां नें मनुख्खां दे आतमिक गुणां नूं उभारिआ, सुचज्जे जीवन जिऊण दीआं सिआणपां सिखाईआं, बराबरी अते शांती दा सुनेहा दित्ता, अते उनहां नूं हक्क-सच्च वासते डटण दी हिंमत दित्ती। वड्डे-वड्डे निआं-पसंद हुकमरान, फ़िलासफ़र अते समाजिक महां-मनुख्ख आए, जिनहां दी रहिनुमाई विच्च मनुख्ख नें जीवन दे दुनिआवी खेतरां विच्च विकास कीता।

इसे तरहां इक्क होर वरग दे सिआणिआं नें कुदरत दे अनेकां वरतारिआं दा धिआन नाल निरीखण कीता, इहनां पिछ्छे कंम करदे कुदरती नियमां नूं आपणी बुध्धी नाल समझिआ अते आपणे इस गिआन नूं साइंस दा रूप दित्ता। फिर इस साइंस नूं तकनीकां अते काढां राहीं समुच्ची मनुख्खता दी भलाई वासते वरतिआ। इनहां महांपुरखां, महां-मनुख्खां अते सिआणिआं दे परउपकारां सदका अज्ज आपां सारे आपणे पूरवजां तों वध्ध ख़ुशहाल, साधन-संपंन, सिहतवंद, पहड़े-लिखे अते आतम-निरभर हां। सानूं अपूरब सुख-सहूलतां, मन-प्रचावे दे साधन, सिहत-सेवावां, आवाजाई अते ढोअ-ढुआई दे साधन, खाध-खुराक दे वसीले, विद्दिआ अते गिआन प्रापती दे साधन, अते राजनीतक अते समाजिक खुल्ल्हां हासल हन।

पर बड़े ही दुख्ख दी गल्ल इह है कि इसदे नाल-नाल मनुख्खां दे दूसरे बहुत वड्डे हिस्से नें आपणे इनहां ही कुदरती विशेश गुणां (Faculties) दी हद्दों वध्ध कुवरतों वी कीती; इंनी, कि मनुख्ख दीआं सारीआं चंगिआईआं उस दीआं बुरिआईआं साहमणे अज्ज नां-मातर ही लग्गदीआं हन। किंने-किंने ज़ालम हुकमरान, खुदगरज़ हाकम-श्रेणीआं; धरमां, जातां अते समाजिक नां-बराबरीआं दी आड़ हेठ जंगां-युध्धां राहीं मनुख्खता दा घाण करन वाळे अखौती धारमिक अते समाजिक आगू वी लगातार आए अते आ रहे हन। मनुख्खी गुणां दी इह घ्रिणातमक दुर-वरतों विअकतीगत पध्धर ’ते वी होई अते समूहिक पध्धर ’ते वी होई। इतिहास इस गल्ल दा गवाह है अते वरतमान इसदा प्रतख्ख प्रमाण है कि समें नाल इस दुरवरतों विच्च वाधा ही होइआ है। भावें इस दुरवरतों दीआं किसमां अते करन दे ढंग-तरीके बदलदे रहे हन पर इनहां दी करूरता अते मिकदार कदे वी घटी नहीं अते इह सिलसिला अज्ज वी जारी है।

आपस विच्च कीते नुकसान तों इलावा मनुख्ख नें धरती अते इसदे कुदरती वसीलिआं दा वी बहुत नुकसान कीता है। जे इकल्ले ‘वातावरण’ नूं कीते नुकसान दी ही गल्ल करीए तां ‘अंतर-राशटरी ऊरजा एजंसी’ दे कारजकारी डाइरैकटर (Executive Director of the International Energy Agency), मि. फेथ बाइरल दा कहिणा है कि “शाइद इह समस्सिआ मनुख्खता नूं अज्ज तक आईआं सभ समस्सिआवां तों वड्डी है।” सानूं दरपेश इंनीआं ही मारू दो होर समस्सिआवां हन: प्रमाणू हथिआरां दी दौड़ अते कंपिऊटर खेतर विच्च हो रहीआं बेलोड़ीआं अते बेलगाम खोजां। इनहां तों इलावा भुख्ख-मरी, गरीबी, नां-बराबरी, अत्तवाद, महां-मारीआं, वध रही अबादी, संपरदाइक झगड़े, खपत-वाद, इशतिहारबाज़ी, पलासटिक दा प्रदूशण अते सरकारां दी घट रही भरोसेयोगता अते अथारिटी दीआं समस्सिआवां। मनुख्ख वलों मनुख्ख नाल कीते गए अते कीते जा रहे ज़ुलम अते आप-सहेड़ीआं इनहां मारू समस्सिआवां नें साडीआं विअकतीगत अते समूहिक सिआणपां उत्ते वड्डा प्रशन चिंनह ला दित्ता है अते इह विवाद खहड़ा कर दित्ता है कि इनसान सिआणा है जां मूरख? मूरख उह हुंदा है जो आपा-मारू (Self-destructive) जां मानवता अते कुदरत विरोधी कंम करे; जाण-बुझ्झ के करे भावें अणजाण-पुणे विच्च करे। इतिहास नूं पहड़ के अते अज्ज दीआं निराशाजनक सथितीआं नूं देख के सिध्ध हो जांदा है कि मनुख्ख सुभाविक तौर ’ते सिआणा घट्ट अते मूरख वध्ध है। संसार दे अज्ज दे सुप्रसिध्ध फ़िलासफ़र-इतिहासकार मि. यूवल हरारी नें आपणी किताब ‘21 Lessons for the 21st Century’ विच्च लिखिआ है:

“सानूं मनुख्खी मूरखता (Human Stupidity) - भावें इह विअकतीगत पध्धर दी होवे भावें समूहक पध्धर दी - नूं कदे वी घट्ट नहीं समझणा चाहीदा। मनुख्ख विच्च आपणी तबाही आप करन दी कुदरती प्रविरती है। मनुख्खी मूरखता इतिहास दीआं सभ तों वड्डीआं मारू ताकतां विच्चों इक्क है, फिर वी असीं इस नूं घटा के देखण दी कोशिश करदे हां। सूझवान लीडर वी अकसर वड्डीआं-वड्डीआं मूरखतावां कर बैठदे हन।”

इक्क होर प्रसिध्ध इतिहासकार बरबारा टक्कमैन दी किताब ‘The March Of Folly: From Troy To Vietnam’ विच्च दरज है:

“मूरखता (Folly) देश अते काल तों अज़ाद है; इह सदीवी अते सरब-विआपी है भावें कि इसदा रूप वकत अते सथान दीआं मानतावां अते रहु-रीतां अनुसार बदलदा रहिंदा है। इसदा हकूमत (Regime) दी किसम नाल कोई सबंध नहीं; इह राजतंतर, अलपतंतर अते गणतंतर सभ विच्च उपजदी है, अते नां ही इसदा किसे कौम जां वरग नाल कोई सबंध है।”

मूरखता करके ही सरकारां अते ज़िंमेवार हसतीआं नां तां आ रहीआं समस्सिआवां नूं गौळदीआं हन अते नां ही पईआं होईआं नूं ठीक ढंग नाल नजिठ्ठ सकदीआं हन। उदाहरण वजों पहिलां तां कौविड-19 दी महां-मारी बारे माहिरां वलों पिछले पंज-सत्त साल तों दित्तीआं जा रहीआं चितावनीआं नूं अणगौळिआ कीता जांदा रिहा अते इसदे शुरू होण तों बाअद इस नूं नजिठ्ठण विच्च हर पध्धर ’ते दिखाई जा रही नां-अहिलीअत इसदा इक्क होर प्रमाण है।

पर हैरानी दी गल्ल इह है कि मूरखता (Stupidity, Folly) दे हर पध्धर ’ते, सदीवी अते सरब-विआपी होण दे बावजूद इस विशे ’ते नां-मातर खोज होई है, जद कि मनो-विगिआनी, समाजिक मनो-विगिआनी अते चिंतक होर अणगिणत किसम दीआं खोजां करी जा रहे हन। इस विशे ’ते किते कोई सैमीनार, कोई कोरस जां टरेनिंग आदि नहीं हुंदी। इसदा मुख्ख कारन इह है कि कुदरती सुभाअ कर के असीं आपणे औगुणां-विकारां, आपणीआं गलतीआं-कमज़ोरीआं अते मूरखतावां प्रती बहुत भावुक हां अते आपणे नेड़े तों नेड़े दे विअकती नाल वी इहनां बारे गल्लबात नहीं कर सकदे। होर किसे दी गल्ल छड्डीए, निरपख्ख ढंग नाल आपणी सवै-पड़चोल वी नहीं कर सकदे। इह गल्ल विअकतीगत, समूहिक अते सरकारां, सभ पध्धर ’ते ढुक्कदी है। आपणे इस सुभाअ दे सबूतां वासते आपां नूं बाहरों तत्थ लभ्भण दी ज़रूरत नहीं, आपां इह सभ आप करदे हां अते दूसरिआं नूं करदे देखदे हां। परिवारां, समाजिक इकठ्ठां, मीटिंगां अते वड्डीआं-वड्डीआं सभावां विच्च वड्डे-वड्डे मसले बरीकीआं नाल विचारे जांदे हन अते वड्डे-वड्डे, अते सही फैसले लए जांदे हन पर कदे अंतर-झात नहीं पाई जांदी, सवै-पड़चोल नहीं कीती जांदी। सिरफ आपणीआं मूरखतावां तों मुकरन जां इनहां नूं जाइज़ सिध्ध करन दीआं कोशिशां ही कीतीआं जांदीआं हन।

आपां सिआणे जां मूरख इनसानां विच्च कोई वंड नहीं पा सकदे किउंकि वाधे-घाटे अते किसम दे फरक नाल हर इनसान आपणे-आप विच्च सिआणप अते मूरखता दा मिशरण है; कारण-वस्स आपां सारे दोहां किसमां दे कंम करदे हां। डा. जौनथन हाईट अनुसार साडी शखसीअत इक्क इकाई नां हो के इक्क ऐसी कमेटी वांग है जिस नूं इक्क ‘महत्तवपूरन कंम’ मिलिआ होइआ है पर जिसदे मैंबर आपस विच्च लड़दे-झगड़दे रहिंदे हन। इस कमेटी दे चेअरमैन होण दे नाते साडा फरज़ है कि असीं इस तों वध्ध तों वध्ध सिआणे फैसले करवाईए तां कि असीं मिले होए ‘महत्तवपूरन कंम’ नूं पूरा कर सकीए। पर दो कारनां कर के आपां इह सभ करन तों असमरत्थ हां:

सुखावें बाहरी माहौल दी घाट: जिवें कि समाज, प्रबंध, राजनीती अते सरकार पध्धर ’ते कीतीआं जा रहीआं कारवाईआं प्रती आपां बेवस्स हां। असीं आपणे-आप इस समाजिक-जाळ (Social Trap) विच्चों निक्कळ नहीं सकदे अते इस पासे कीतीआं साडीआं कोशिशां विअरथ हो जांदीआं हन।

साडी फज़ूल दी भावुकता: जिहड़ी सानूं साडे औगुणां-विकारां प्रती निरपख्ख (Objective) रवईआ नहीं अपणाउण दिंदी, सानूं यथारथवादी नहीं बणन दिंदी, उलटा भांज-वादी बणा दिंदी है। इनहां नूं पछाणन, सवीकार करन, अते दूर करन दीआं सुहिरद अते सुचेत कोशिशां तों बगैर अग्गे वासते इनहां तों बच सकणा असंभव है।

सपशट है कि साडीआं प्रचलित सिआणपां, जिनहां दा अधार ज़िआदातर अजोकीआं पछ्छमी खोजां हन, सानूं आपणी सुभाविक मूरखता तों रोक नहीं सकीआं। इसे कर के पिछले छे-सत्त दहाकिआं तों पछ्छम दे हर खेतर दे मनो-विगिआनक पूरबी महांपुरखां दीआं सिख्खिआवां दा गंभीरता नाल अधिऐन कर रहे हन अते इनहां दा पछ्छम विच्च हो रहीआं खोजां नाल सुमेल कर रहे हन। सुमेल दी इस कारवाई नूं डा. हाईट नें ‘सनातनी सिआणपां विच्चों अजोकी सचाई दी भाळ’ (Finding Modern Truth in Ancient Wisdom) किहा है। हुण जे पछ्छम वाळे खुल्ल्ह-दिली नाल इह सभ कर रहे हन तां साडे वासते ज़रूरी हो जांदा है कि असीं वी उनहां दीआं खोजां राहीं आपणी अधिआतमिक विरासत नूं अज्ज दे साइंसी परिपेख विच्च नवें सिरे तों समझीए। इस वासते अधिआतमिक महांपुरखां दीआं सिख्खिआवां तों सेध लैणा ही साडे वासते इक्क राह है। इत्थे इह विचार वी ज़रूरी है कि सभ धरमां दे मोढी महांपुरखां दीआं सिख्खिआवां दा अधार इक्क ही सचाई है जो आदि जुगादि तों चली आ रही है अते सरब-सांझी है। इस सचाई तों मुनकर होणा ही मनुख्खी इतिहास दी सभ तों वड्डी मूरखता है।

जिवें साइंसदान मनुख्खी जून दीआं विशेशतावां दस्सदे हन, उसे तरहां महांपुरखां नें वी मनुख्ख दी जून नूं सरब-स्रेशट किहा है। गुरबाणी नें कुदरत वलों इस नूं बाकी सभ जूनां दी सरदारी दित्ती होई दस्सिआ है। इसदे सरीर नूं हरी मंदर अते मन नूं जोत सरूप किहा है। पर नाल ही उह मनुख्ख नूं मूरख, अणजाण, मतिहीण, अंनहा अते इस तरहां दे भाव वाळे होर अनेकां विशेशणां नाल संबोधित करदे हन। इंना ही नहीं, उह सानूं खुदगरज़, हंकारी पखंडी, नीच, बुरा तक कहिंदे हन अते कुत्ते दी पूछ, सप्पां, सूरां आदि नाल साडी तुलना करदे हन।

अंधौ बोलौ मुगधु गवारु ॥ हीणौ नीचु बुरौ बुरिआर ॥ महला 1

इह सभ उह किसे खास देश, धरम, कौम जां गरुप्प दे बंदिआं नूं नहीं बलकि संसार दे सारे मनुख्खां नूं सांझे तौर ’ते कहिंदे हन। इसदा सपशट भाव है कि मनुख्ख मुढ्ढ-कदीम तों ही सुभाविक तौर ’ते (Intrinsically) बुरा अते मूरख है। उस नूं बुरिआईआं अते मूरखतावां तों वरजण वासते ही हज़रत मूसा नें दस रब्बी नेम (Ten Commandments) जारी कीते, महातमा बुध्ध नें अशट-मारग दा सिधांत दित्ता, इसाई धरम विच्च सत्त महां-पापां (Seven Cardinal Sins) तों वरजिआ। मुसलिम धरम नें आपणे अनुयाईआं नूं बुरिआईआं तों रोकण वासते गुनाहां दी लंबी लिसट बणाई होई है। हिंदू धरम नें काम, क्रोध, लोभ, मोह अते हंकार दे पंज विकारां नूं मनुख्ख दे होर सभ औगुणां-विकारां दा अधार मंनिआ है। गुरबाणी विच्च इस नूं होर सपशट अते विगिआनक ढंग नाल समझाइआ है कि मनुख्ख दा इक्क ही मुख्ख औगुण (रोग) है: हउमैं (I-ness, Ego) जो काम, क्रोध, लोभ, मोह अते हंकार दे पंज विकारां दा मूल (मां) है।

इसु देही अंदरि पंच चोर वसहि कामु क्रोध लोभु मोहु अहंकारा ॥ महला 3

असीं सारे बुरे कंम इनहां विच्चों किसे इक्क जां इनहां दे समूहां अधीन हो के करदे हां, भाव हउमैं दे किसे नां किसे हिस्से अधीन हो के।

हम मूरख मूरख मन माहि ॥ हउमैं विचि सभ कार कमाहि ॥ महला 3

की असीं आपणे कुदरती अते सुभाविक औगुणां-विकारां वासते ज़िंमेवार हां? नां वी होईए तां वी विहारक अते कानूंनी तौर ’ते इनहां दे मालिक होण दे नाते अज्ज असीं ही दोशी हां। फिर वी महांपुरख सानूं इनहां दे मालिक होण दे नाते बुरा नहीं कहिंदे बलकि उनहां दीआं सिख्खिआवां अनुसार इनहां नूं बे-दख़ल (Disown) करन तों इनकारी होण कर के कहिंदे हन। साडे औगुणां-विकारां दा वार-वार ज़िकर करन तों उनहां दा भाव सानूं निर-उतशाहित करन तों नहीं, बलकि इनहां दी होंद प्रती सानूं इस हद्द तक जागरूक करन तों है कि असीं इनहां प्रती आपणी फज़ूल भावुकता नूं छड्ड के इनहां नूं पछाणीए, सवीकार करीए अते इनहां दे तिआगण वासते सुहिरद अते सुचेत कोशिशां कर सकीए तां कि कुदरत वलों सानूं मिले ‘महत्तवपूरन कंम’ नूं सिरे चाहड़ सकीए। इह कंम है आपणे अधिआतमिक फरज़ नूं पूरा करन दे नाल-नाल इस जीवन नूं सिआणप अते नैतिक कदरां-कीमतां अनुसार जिऊणा, अते मनुख्खता दे हर वरग प्रती आपणे बणदे फरज़ पूरे करने। पूरे विचार दा सार-तत्त इह है कि ‘सिआणा मनुख्ख’ (Homo Sapiens) दे नाउं ’ते साडा हक्क तां जद्दी है, किउंकि महांपुरखां नें इह पहिलां ही सानूं दित्ता होइआ है। पर हुण मुड़ आपणे सिआणे कारनामिआं नाल सानूं नवें सिरे तों इसदे पातर बणना पवेगा।