राज दरबार दे बूहे दा, घड़िआल वज्जदा है। दरबान दरवाज़ा खोलदा है। फरिआदी नूं, सिर तों पैरां तक्क फरोलदा है। तिरछी नज़रे घूरदा है। फरिआदी, फरिआद लै के, राजे तक्क अप्पड़दा है। राजा, धिआन नाल सुणदा है। फरिआद दी सचाई नाल, सहिमत हुंदा है। मुजरम पेश करन दे हुकम दिंदा है। दरबारी, मुजरम नाल राबता काइम करदा है ते राजे दे हुकम बारे दस्सदा है। पर मुजरम, राजे ते राजे दे हुकम दी, प्रवाह नहीं करदा।
फरिआदी, अगले दिन फिर पेश हुंदा है। राजा, ख़ुद मुजरम नाल राबता काइम करदा है ते पेश होण लई आखदा है। फरिआदी, उमीदां दी पंड बंन, विउंतां बुणदा, दुआवां दिंदा, घर मुड़दा है।
राजे ते मुजरम दी गलबात, रंग विखाउंदी है। उमीदां दी पंड खोहलण लई, फरिआदी, राजे दे दरबार दा मुड़, घड़िआल वजाउंदा है। खुल्लदा दरवाज़ा, 'चींअ' चींअ' करदा है। फरिआदी दा, मत्था ठणकदा है। अख्ख फरकदी है। अख्ख 'ते तीला ला, उह राजे दे पेश हुंदा है। राजा, आपणी मजबूरी दा वासता पा के, फरिआदी नूं, घर तोर दिंदा है। राजे दे दरबार 'च लग्गी, भगत सिंघ दी फोटो कोल आ के, फरिआदी, भगत सिंघ नूं पुछ्छदा है, हुण मैं कित्थे जावां?
सच्च दी तड़फन लै के, फरिआदी, घर मुड़दा है। सारी रात, सच्च नूं पलोसदा है। दवा दारू करदा है। अगली सवेरे, सच्च दी मल्हम पट्टी वासते, फरिआदी, कोतवाली दीआं पौड़ीआं चहड़दा है। कोतवाल समझाउंदा है कि कोतवाल नालों, राजा वड्डा हुंदा है। सिआणा हुंदा है। राजे दी पुड़ी नाल ही, मरज़ ठीक होणी आ। फरिआदी दे सच्च दी तड़फन, होर वध्ध जांदी है। सहारा लै लै के, उह पौड़ीआ उत्तरदा है। कोतवाली दे गेट 'ते, हत्थ 'च संविधान फहड़ी, अंबेदकर साहिब दे बुत्त कोल खलोे, फरिआदी, बुत्त नूं पुछ्छदा है, मैं हुण कित्थे जावां? दिन ढल्लदा है। फरिआदी दे सच्च दी तड़फन, होर वध्ध जांदी है। उह फिकरमंद हुंदा। सच्च दी, होण जा रही मौत बारे, सोच सोच के, घबराउंदा है पर बेवस्स है। चौराहे 'ते आ के, उह घर दा राह भुल्ल जांदा है ते निआं दे मंदर दा टल्ल, खड़काउंदा है।
सच्च दे बच्च जाण दी, उमीद लै के, घर मुड़दा है। सच्च नूं हौसला दिंदा है ते हिंमत रख्खण लई, आखदा है। रात इह सोचदिआं लंघदी है कि हत्थ 'च तक्कड़ी फहड़ी ते अख्खां 'ते काली पट्टी वाली, निआं दे मंदर दी देवी, राजे तों वड्डी ते सिआणी हुंदी है। उह मेरे सच्च दा इलाज, जरूर करू। मेरा सच्च, किदां मरू।
अगली सवेरे, निआं दी देवी नें, फरिआदी दी, फरिआद, सुणी। फरिआद सच्ची होण दी हामी भरी। मुज़रम बारे, राजे नूं समझाइआ पर राजे दी, समझ नहीं आइआ। मुज़रम नें, फिर आपणा दाअ चलाइआ। राजे नूं भरमाइआ।। उस नें आपणा, हुकम चलाइआ। राजे नें, अख्खां नीवीआं करके, फरिआदी तों, आपणा खहिड़ा छडाइआ।
फरिआदी दा सच्च, उच्ची उच्ची, कुरलाइआ। हाल पाहरिआ पाइआ। पर किसे नें, मरदे सच्च दे मूंह विच्च, पाणी नहीं पाइआ, मरदा सच्च, नहीं बचाइआ। सहारिआं आसरे, फरिआदी, घर नूं धाइआ। इनसाफ़ दे मंदर अग्गों लंघदिआ, फरिआदी नें, अख्खां 'ते पट्टी ते हत्थ 'च तक्कड़ी वाली, निआं दी देवी नूं, प्रशन लाइआ, मैं हुण कित्थे जांवा?
जद राजे, कोतवाल ते निआं दी देवी नूं लाए प्रशनां दा, कोई उत्तर नहीं आइआ तां फरिआदी नें, सच्च दी मौत दा, मातम मनाइआ। मरे सच्च दी लाश नूं वार वार सहिलाइआ। हंझूआं नाल नहिलाइआ। टुट्टीआं उमीदां दा, उस 'ते ख़फ्फन पाइआ ते दिल दी इक्क नुक्करे, मोइआ सच्च, दफ़नाइआ।
सभ्भ कुझ सांभ संवर के, फरिआदी, कबर दे फुल्ल वांग, मुसकाइआ। कुदरत अग्गे, सीस झुकाइआ। मुआफ़ीनामा, आख सुनाइआ। शुभ-चिंतकां, शुकर मनाइआ।
हार के वी, जित्त दा, यशन रचाइआ।
जित्त हार नूं पासे करके, फरिआदी नें, नवें सच्च दा, बूहा खड़काइआ। उस नूं, पास बुलाइआ। गल नाल लाइआ। अख्खां पूंझ के, फरिआदी, मुसकाइआ। सच्च दी जित्त दा, गीत पुराणा गाइआ। गीत हाले, मुक्किआ नहीं सी, कि मरे सच्च नें, फिर आण सताइआ।
मरे सच्च दी सड़िआंद, फरिआदी तों, सहि नहीं हुंदीं। वार वार सताउंदी है। इह सड़िआंद, कदों मुकू, कोई नहीं जाणदा।
उंझ! मैं जाणदा, तुहानूं पता है कि इह सड़िआंद, कदों मुक्कणी है ते तुसां इह कहिणा है, कि फरिआदी नूं कहो "फिकर नां करे, सच्च कदे हरदा नहीं, मरदा नहीं"।
काश! इह किताबी प्रवचन, हकीकत बण जाण।
उंझ! इह प्रवचन, सतयुग दे तां हो सकदे हन पर कलयुग दे नहीं ...