कुदरत वल्लों कई विअकतीआं दी दिख्ख ही इहो जिही हुंदी है कि उह हर इक्क नूं आपणे-आपणे अते पिआरे-पिआरे लगदे हन। कुझ्झ इहो जेही ही दिख्ख वाळी मिकनातीसी सखशीअत कैनेडा दे बरैंपटन निवासी किरपाल सिंघ पंनूं दी है। बरैंपटन दे ही इक्क हाल विच्च इक्क नाटक दिखाइआ जा रिहा सी। मेरा बेटा बलजिंदर जगदेओ वी उस नाटक विच्च इक्क रोल कर रिहा सी। बेटा साहितक रुचीआं दा मालक है जिस दी जाग उस नूं सुधार कालज विच्चों लग्गी सी। भंगड़े दा इक्क वधीआ कलाकार होण करके सटेज दा संग-संगा अते डर-भौअ उस तों कोहां दूर हुंदा है। मंच उत्ते जा के तां उस नूं इस तरहां चाअ चहड़ जांदा है जिवें रुमाली पहिलवान नूं खाड़े विच्च गेड़ा दे के चहड़ जांदा है। बेटे नें आपणा रोल साकार कर दिखाइआ।

नाटक दी समापती तों पिछ्छों मैं पंनूं साहिब नूं मिळिआ। फतिह सांझी कर के हुणे-हुणे होए नाटक सबंधी उनहां दे विचार पुछ्छे। नाटक दी समुच्ची पेशकारी दी पुणछाण करदिआं उनहां नें बलजिंदर दे रोल दी भरपूर परसंसा कीती। साडी जाण पछाण गूहड़ी हो गई। फिर कदे वी कोई नाटक दी पेशकारी जां होर कोई वी साहितक इकठ्ठ, जिवें ‘कलमां दा काफ़ला’ दी मासक इकत्तरता आदि होणा तां पंनूं साहिब दे आम दरशन हो जाणे अते मैं उनहां दी पिआर भरी मिलणी दा पूरा निघ्घ माणना। खेड लेखक प्रिंसीपल सरवण सिंघ जी वी अकसर उनहां दे नाळ हुंदे। मैं आपणे मित्तर कवी सुखमिंदर रामपुरी नूं कहिणा कि इह तां राम लछमण दी जोड़ी है। आपां वी इनहां दे निघ्घे पिआर तों कुझ्झ सिख्खीए।

किरपाल सिंघ पंनूं नें गुरमुखी तों शाहमुखी अते शाहमुखी तों गुरमुखी परवरतन उत्ते काफी समां खरच कीता है अते पूरी मिहनत ते लगन नाळ इस असंभव कंम नूं संभव कर विखाइआ है जदों कि संसार भर विच्च होर किसे वी परोगरामर नें इस पासे दा अजे राह वी नहीं सी फड़िआ। इह 2000 दे करीब दी गल्ल है जदों शाहमुखी दी कोई वी ऐसी लिप्पी नहीं सी जो पीसी कंपिऊटर उत्ते वरती जा सकदी होवे। यूनीकोड फौंटां दे आ जाण नाळ हुण ते इह कंम पहिलों दे मुकाबले बहुत आसान हो गिआ है।

हुण पिछले तिंन सालां तों आई नैट्ट कंपिऊटर मिसीसागा, जो डिकसी गुरदुआरा साहिब दे साहमणे है, तों सीनीअरां नूं कंपिऊटर सिखाउण दीआं मुफ़त कलासां ला रहे हन। इस नाळ सिखिआरथीआं नूं आपणे भविख्ख नूं सकारथा बनाउण दे बहुत चानस वध जांदे हन। इस इनसान दे दिल विच्च दूसरिआं प्रती पिआर, दरद अते सनेह दा समुंदर ठाठां मारदा है। सेवा भावना दा सिख़र है किरपाल सिंघ पंनूं।

उनहां नें पहिलां पुलीस / बारडर सकिउरिटी फोरस विच्च वख्खो वख्ख बटालीअनां, सिख्खिआ केंदरां आदि विच्च आपणी सेवा दा भरपूर योगदान पा के नामणा खट्टिआ। फिर सेवा मुकत हो के वी आराम करन दी रुची भारू नहीं होण दित्ती। हुण उह कैनेडा विच्च होर वी उतशाह अते लगन नाळ कंपिऊटर राहीं अभिलाशीआं दी सेवा करदे हन। उनहां दा पिछला पिंड कटाहरी ज़िल्हा लुधिआणा, मेरे पिंड ‘छपार’ दे नेड़े है। मैं अते सुखमिंदर रामपुरी नें उनहां नूं बेनती कीती, “पंनूं साहिब सानूं वी आपणे विदिआरथी बणा लवो।” तां पंनूं साहिब खुश हो के कहिण लग्गे, “कल्ल्ह ही आ जाओ। तुहाडे लई दरवाज़ा सदा खुल्ल्हा है ते खुल्ल्हा ही रहेगा।” ऐपर असीं दोवें ही परिवारक रुझेविआं कारन अज्ज तीकर समां नहीं कढ्ढ सके। इक्क दिन पंनूं साहिब इक्क महिफल विच्च साडे दोहां वल्ल इशारा कर के कहिण लग्गे कि मेरे इह दो सिखिआरथी ऐहो जिहे नें जिनहां नें कलास दे अंदर तां की आउणा सी सगों सकूल दे पिछ्छों दी वी नहीं लंघदे। इह सुण के भरी महिफल विच्च हासा पै गिआ।

किरपाल सिंघ पंनूं उमर दे इस पड़ाअ ’ते आ के वी इस तरहां विचर रहे हन अते इतने सनेह अते लगन वाळे हन कि हर मिलण वाळे लई उह इक्क प्रेरना सरोत हन। मैं पंनूं साहिब दी लंमी अते अरोग उमर दी कामना करदा होइआ इह सतरां पेश करन ’च खुशी महिसूस कर रिहा हां:

मंज़िल पैरां विच्च चल्ल के आप आउंदी,
पक्के पैर जो मंज़िल वल्ल धरन वाळे।
हर इक्क नूं सुख्ख आराम देवण,
दुख्ख दरद मुसीबतां जरन वाळे।
मरजीवड़े उनहां नूं आखदे नें,
जो नें पीड़ पराई ते मरन वाळे।
जग्ग उनहां दी दीद लई सहिकदा ए,
‘रवी’ जग्ग नूं पिआर जो करन वाळे।