राज सभा मैंबर राघव चढ्ढा नें इंसटागराम ’ते आपणीआं ताज़ीआं रख्खीआं मुछ्छां वाली फोटो पा के पुछ्छिआ है कि मैं मुछ्छां नाल किस तरहां लगदा हां? फोटो नाल पुछ्छे प्रशन विच्चों ही प्रशन उठ्ठदा है कि पंजाब दे हितां दी राखी करन लई राज सभा विच्च भेजे गए चढ्ढा जी नें इह प्रशन सत्ता दे गलिआरिआं विच्च बैठीआं हसतीआं नूं कीता है, गरीबी, लाचारी अते बेवसी दा सफ़र हंढा रहे मज़दूरां दे हिस्से आइआ है, नशिआं कारन जवान पुत्तां दीआं मौतां दा दरद हंढा रहे मापिआं नूं पुछ्छिआ है, गैंगसटरां दीआं फिरौती लई आई धमकीआं कारन ख़ौफ़ दा शिकार होए विउपारीआं नूं पुछ्छिआ है, बेरुज़गारी दे झंबे पए जवानी विच्च ही झुरड़ीआं दा शिकार होए बदनसीब नौजवानां नूं पुछ्छिआ है, नशईआं दे हरल हरल करदे झुंडां तों भैअभीत उनहां किसानां तों पुछ्छिआ है जिनहां दीआं खेतां विच्च लग्गीआं मोटरां अते केबल तारां दिन दिहाड़े चोरी हो रहीआं हन अते नाल ही सोधण दीआं धमकीआं वी आ रहीआं हन, जां फिर उनहां परिवारां तों पुछ्छिआ गिआ है जिनहां नें नशे दा धंदा करन वालिआं नूं वंगारिआ अते भूतरे तसकरां नें कईआं नूं छल्लीआं वांग कुट्टिआ अते कईआं नूं मौत दे घाट उतार दित्ता, की इह प्रशन उनहां पीड़ित परिवारां लई है जां फिर उनहां पिंड वासीआं लई है जिनहां नें जान अते माल सुरख्खिअत नां होण कारन आपणा पिंड ही ‘विकाऊ’ करार दे दित्ता है? किते इह सुनेहा उनहां बदनसीब परिवारां लई तां नहीं, जिनहां दे नौजवान पुत्त पुलिस नें किसे नां किसे जुरम दी आड़ विच्च घरों चुक्क लए, अते उह तसीहिआं दी मार नां झल्लदे होए दम तोड़ गए। खून दे अत्थरू केरदे मापे, विधवा होईआं औरतां अते मासूम बच्चे इनसाफ लई दर दर भटक रहे हन। भला सिआसी लोकां दे दिलासे पीड़ित लोकां दे अंदर बळदे दरद दे भांबड़ नूं किंज मठ्ठा कर सकदे हन? तुहाडीआं मुछ्छां वाले प्रशन ’ते पंजाब वासी उदास होए हन।

भारत दी राजधानी दिल्ली दे वसनीक राघव चढ्ढा नूं पंजाबीआं नें अंतां दा सतिकार दित्ता। मारच 2022 विच्च आम आदमी पारटी सता विच्च आउण तों बाअद पंजाब दी प्रशासनिक वागडोर बहुत हद्द तक राघव चढ्ढा दे हत्थां विच्च रही। 50 नंबर सरकारी बंगला सत्ता दे गलिआरिआं विच्च चरचा दा विशा रिहा। पंजाब नाल संबंधित हर ज़रूरी फाईल ’ते राघव चढ्ढा दी मनज़ूरी ज़रूरी सी। इस सबंध विच्च कई उच्च अधिकारीआं नें इह कहि के फाईलां प्रवानगी लई लै के जाण तों इनकार कर दित्ता कि राघव चढ्ढा कोल कोई संविधानिक अहुदा नहीं है, ज़रूरी फाईलां ’ते उहनां दी प्रवानगी लैणी गैर संविधानिक है। इस गुसताख़ी कारन कई उच्च अधिकारीआं दे अहुदे वी खुस गए। राघव चढ्ढा दी 50 नंबर कोठी विच्च अहिलकारां, सिआसतदानां अते होर खुशामदी लोकां दा तांता हर समें लग्गिआ रहिंदा सी। पंजाब दी आरथिक हालत नूं खोरा लाउण दे नाल नाल सरकारी तंतर अते समाजिक खेतर विच्च राघव चढ्ढा दा दबदबा बणिआ रिहा। पर लोकां दा गंभीर प्रशन उस वेले वी सुलगदा रिहा कि इस ग़ैर पंजाबी नें पंजाब दा की संवारिआ है? पंजाब दीआं बहु-पख्खी अते बहु-परती समस्सिआवां दे हल्ल लई इस शखसीअत वल्लों किहड़े निग्गर कदम चुक्के गए जां किहड़े उसारू सुझा पंजाब दे सरब पख्खी विकास लई रख्खे गए? हां, इक्क गल्ल ज़रूर होई, 50 नंबर कोठी दी चार दीवारी काफी उच्ची ज़रूर कीती गई। 2022 विच्च ही पंजाबीआं दा हक्क खोह के राघव चढ्ढा नूं राज सभा विच्च भेजिआ गिआ। तिंन साल तों वध्ध समां हो गिआ पर इस शखसीअत नें संसद विच्च पंजाब दे हक्कां दी गल्ल ही नहीं कीती। पाणीआं दे मसले, किसानी संकट, नशे, बेरुज़गारी, लक्क तोड़वीं महिंगाई, किसे वी भखदे मसले नूं संसद विच्च नहीं रख्खिआ। हां, सिआसत दे बुलंद सितारिआं दरमिआन ही 13 मई 2023 नूं प्रसिध्ध फिलमी नाइका प्रणीती चोपड़ा नाल सगाई होई। सगाई दी रसम निभाउण लई वी दिल्ली विच्च पंजाब सरकार दी सरकारी इमारत कपूरथला हाऊस दी वरतों कीती गई। पंजाब दे राजनीतिक आगू अते अफसरशाही नें कपूरथला हाऊस पुज्ज के आपणी हाज़री लगवाई। इंज ही 24 सतंबर 2023 नूं शादी दी रसम समें वी राजसथान दे उदेपुर शहिर विच्च खूब गहिमा गहिमी रही अते पंजाब मंतरी मंडल दी वज़ारत उत्थे हाज़र रही।

इह दुखांत ही है कि पंजाब दे सिर ’ते गैर पंजाबी राज करन पर पंजाब दी संकट घड़ी समें खामोशी उनहां दे अंग संग रहे। इसे कारन हुण लोकां दा सिआसी विअकतीआं तों विशवास उठ्ठ गिआ है। सरकारी मशीनरी उत्ते सिआसी विअकतीआं दा दबदबा है। भला जदों छोटी मोटी प्रापती ’ते सिआसी लोक लोकां साहमणे आपणी पिठ्ठ आप ही थपथपाउंदे हन, फिर लोकां उत्ते आफ़तां दे पहाड़ टुट्टण समें उह ज़िंमेवारी तों भज्ज के सरकारी अधिकारीआं ’ते ज़िंमेवारी किउं सुट्टदे हन? प्रशासनिक कंमां विच्च लोड़ तों ज़िआदा सिआसी दाख़ल अंदाज़ी नाल इनसाफ दा तराजू वी डोलदा है अते नाल ही बाहूबल अते रिशवतखोरी खोरी वी जनम लैंदी है। इसे कारन हुण अक्के होए लोक अदालतां दी शरन विच्च जा रहे हन। अदालतां विच्च माणयोग जज्जां दीआं समें समें सिर सरकार दी कारगुज़ारी ’ते कीतीआं सख़त टिप्पणीआं अते पीड़ितां दे फौरी हल्ल नाल लोकां नूं सकून मिलिआ है अते राजसी लोकां नूं चुकंने रहिण दा सुनेहा वी।

पंजाब दा ज़िंमेवार नागरिक होण दे नाते मेरी राघव चढ्ढा नूं सलाह है कि मुछ्छां रख्खणीआं उनहां दे निज्जी जीवन नाल संबंधत है अते निज्जी जीवन दे परछावें तों लोक दूर ही रहिंदे हन। हां, जिहड़ी अहिम ज़िंमेवारी ऐम्म.पी. वजों तुसीं संभाली होई है, उह पंजाब वासीआं वल्लों तुहानूं संभाली गई है, उस प्रती तुसीं पंजाब वासीआं नूं जवाबदेह वी हो। पंजाबी तुहाडी ऐम्म.पी. वजों हुण तक दी कारगुज़ारी नूं प्रशन सूचक नज़रां नाल देख रहे हन।

तुहाडे कोल दो साल दा होर समां है। मूंह अड्डी खहड़ीआं पंजाब दीआं समस्सिआवां प्रती गंभीर हो के उहनां दे हल्ल लई संसद विच्च आपणी आवाज़ बुलंद करो। लोकां दे चेतिआं विच्च वसण लई इह अतिअंत ज़रूरी है। कोई अजिहा सनअती जां विद्दिअक प्रोजैकट पंजाब विच्च लिआंदा जावे जिस नाल बेरुज़गारां नूं रुज़गार मिले अते उह प्रोजैकट लोकां दीआं सहूलतां विच्च वी वाधा करे।

हां, इंज मुछ्छां दा ज़िकर करना इस तरहां है जिवें वरहदे मींह विच्च आपणी कुल्ली बचाउंदे मज़दूर कोल ताज महिल दा ज़िकर छेड़िआ जावे।

* * * * *