इस साल सत्त मई नूं मेरे जीवन दे अस्सी वरहे पूरे हो गए हन। समां इंनी तेज़ी नाल बीतिआ कि पता ही नहीं लग्गिआ कदों जीवन दे आखरी पड़ाअ विच्च दाखल हो गिआ हां। पिछले छे दहाकिआं तों मैं पंजाबी पाठकां नाल सांझ पा रिहा हां। मैनूं इस गल्ल दी बेहद्द तसल्ली है कि पाठक मैनूं पहड़दे हन, मेरे नाल संवाद रचाउंदे हन अते मेरे दित्ते सुझावां नूं अपणाउंदे हन। इत्थे इह दस्सणा वी उचित होवेगा कि मेरे सुझावां नूं केवल पाठकां नें ही नहीं अपणाइआ सगों सरकारां नें वी अपणाइआ है। इत्थों तक कि श्रोमणी गुरदवारा प्रबंधक कमेटी नें वी मेरे सुझावां ’ते अमल कीता। इस मिले हुंगारे अते उतशाह सदका ही मैं पिछले छे दहाकिआं तों लगातार लिखदा आ रिहा हां। हुण वी मेरे लेख हर महीने पंजाबी दीआं कोई 10 अख़बारां अते मैगज़ीनां विच्च छपदे हन। इसे करके कदे महिसूस ही नहीं होइआ कि मैं बुढ्ढा हो गिआ हां।

मेरा बचपन इक्क पिंड विच्च बीतिआ, जित्थे प्राइमरी सकूल वी नहीं सी। हाई सकूल पिंडों कोई चार किलोमीटर दूर सी, जित्थे पैदल ही जाणा पैंदा सी। किताबां पहड़न अते भाशण देण दी चेटक साडे प्राइमरी सकूल दे अधिआपक गिआनी जोगिंदर सिंघ होरां लगाई, जिहड़े जलंधर तों बदल के आए सन। भारत सरकार वल्लों 1952 विच्च ‘होर अंन उगावो’ इक्क मुहिंम चलाई गई। गिआनी जी नें बच्चिआं दा इक्क काफला तिआर कीता जिहड़ा लागले पिंडां विच्च जलसे करदा सी। इस काफले विच्च मैनूं इक्क भाशण याद करवाइआ गिआ। उदों खेती बहुती विकसित नहीं सी होई। केवल रूड़ी टोइआं विच्च रख्खो, पौहली दा नास करो, चूहिआं नूं काबू करो आदि सुझाव ही सन। गिआनी जी नें किताबां पहड़न दी वी चेटक लगाई, जिस नें पिंड विच्च लाइब्रेरी खोल्हण लई प्रेरित कीता। साडे पिंड दी ‘जनता लाइब्रेरी सूरापुर’ शाइद सभ तों पुराणी पेंडू लाइब्रेरी होवेगी। पिंड दे सरपंच नें वी साडी चोखी सहाइता कीती ते इसदी सांभ संभाल दी ज़िंमेवारी मेरे हिस्से आई। सटेज तों बोलण दे खुल्ल्हे झाके अते किताबां अते अख़बारां पहड़न दी चेटक नें मैनूं भाशण देण लई उतशाहित कीता। हाई सकूल ते कालज विच्च जित्ते इनामां सकदा सफ़र सुखावां हो गिआ। हालांकि पहड़ाई विच्च मेरी बहुती रुची नहीं सी पर फिर वी चंगे विदिआरथीआं विच्च ही गिणिआ जांदा रिहा हां।

मेरे साथी मैनूं सिध्धड़ ते डरू सुभाउ वाला आखदे हन। इसदा कईआं नें लाभ वी उठाइआ पर कदे बुरा नहीं मनाइआ किउंकि किसे दा भला ही होइआ है। डरू सुभाअ होण करके आपणा कंम पूरी मिहनत नाल कीता तां जो किसे प्रोफैसर जां अफसर दीआं झिड़कां नां खाणीआं पैण। कदे किसे दा बुरा नहीं चाहिआ अते प्रापतीआं लई कोई जोड़ तोड़ वी नहीं कीते। सभ कुझ आपणे आप हुंदा गिआ। जदों मैं अठ्ठवीं विच्च पहड़दा सां, उदों मेरा पहिला लेख सरकारी रसाले ‘जाग्रती’ विच्च 1956 विच्च छपिआ सी, जिसदे मैनूं पैसे वी मिले सन।

मेरीआं कवितावां अते कहाणीआं उदों दे मुख्ख रसाले जिवें कि ‘प्रीतलड़ी`, ‘बाल संदेश`, ‘कविता`, ‘फ़तिह`, ‘प्रीतम`, ‘सुरताल`., ‘कौमी एकता’ आदि विच्च छपदीआं रहीआं। मेरी पहिली किताब गुरू नानक साहिब दे जीवन ’ते अधारत कविता विच्च ‘युग पुरश गुरू नानक’ सी जिसदा हुण पंजवां ऐडीशन छपिआ है। इसदी भूमिका डा. महिंदर सिंघ रंधावा नें लिखी सी। उदों उह पंजाब ऐगरीकलचरल यूनीवरसिटी दे वाईस चांसलर सन। डा. रंधावा नें इस किताब दी प्रशंसा वी कीती सी अते नाल ही सुझाअ दित्ता सी कि किसानां बारे लिखण वाला कोई नहीं, तूं किसानां बारे लिखिआ कर। मैं किसानां बारे लिखणा शुरू कीता। मेरी नौकरी अजिही सी कि पिंडां विच्च जाणा पैंदा सी अते किसानां नाल विचार-वटांदरा वी हुंदा सी। मेरीआं लिखतां दी शलाघा होण लग्ग पई।

किसान मेरे सुझावां ’ते अमल करन लग्ग पए। उदों ही भारत सरकार नें पिंडां दीआं लारिब्रेरीआ लई किताबां लिखवाउण दा प्रोगराम उलीकिआ, जिस लई इनामी मुकाबले करवाए। पहिले साल दा विशा सी ‘खेती विकास विच्च पंचाइती राज संसथावां दा योगदान’। मैं किताब लिखी ते भेज दित्ती। पंजाबी लई इनाम मैनूं मिल गिआ। दूजे साल विशा सी ‘खेती विकास विच्च सहिकारी संसथावां दा योगदान’। इस वार वी मेरी किताब नूं इनाम मिल गिआ। इह दोवें किताबां भारत सरकार नें हज़ारां दी गिणती विच्च छपवा के पिंडां विच्च भेजीआं। यूनीवरसिटी विच्च मेरी बल्ले-बल्ले हो गई किउंकि मैं तां अजे नौकरी दे पहिले डंडे उत्ते ही सां। उदों ही भारत सरकार नें बालग सिख्खिआ प्रोगराम शुरू कीता। अनपहड़ां नूं पहड़ाउण लई केंदर खोल्हे गए। इनहां केंदरां दे पाठकां लई किताबां लिखवाउण लई इनामी मुकाबले शुरू करवाए गए। पहिले साल मेरी किताब ‘जीवन जाच’ नूं इनाम मिलिआ। दूजे साल ‘सुखावां जीवन’ ते तीजे साल ‘सुखावां परिवार’ नूं इनाम मिलिआ। इह किताबां वी हज़ारां दी गिणती विच्च छपीआं।

किसानां नाल विचार-वटांदरे करन समें मैं इह महिसूस कीता कि खेती अते पेंडू विकास लई केवल तकनीकी गिआन ही ज़रूरी नहीं है सगों इस नूं प्रभावित करन वाले होर वी कई महत्तवपूरन पख्ख हन जिवें कि सरकारी नीतीआं, राजनीतक वचनबध्धता, समाजिक कुरीतीआं नूं रोकण लई समाज दी ज़िंमेवारी आदि। मैं इह वी महिसूस कीता कि धरम वी इस पासे अहिम योगदान पा सकदा है। साडी नवीं पीहड़ी विच्च निराशता वध रही सी। मेरे लेखां नें बहुतिआं नूं जीवन सेध बख़शी। कई तां खुदकुशी बारे सोच रहे सन। उनहां वल्लों किताब दी मंग सी। ‘मनोहर शखसीअत’ इस पासे पहिली किताब सी। इस किताब दी विकरी पंजाह हज़ार दा अंकड़ा पार कर चुक्की है।

इसे विशे ’ते पंजाबी यूनीवरसिटी नें मेरी किताब ‘सवै विकास’ प्रकाशित कीती है। इस तों पहिलां इसे यूनीवरसिटी नें मेरीआं किताबां ‘पंजाबी किसान’ ते ‘बालग सिख्खिआ’ प्रकाशित कीतीआं हन, जिनहां दे कई ऐडीशन छप चुक्के हन। नैशनल बुक्क ट्रसट नें मेरीआं खेती नाल संबंधित तिंन पुसतकां छापीआं हन। भाशा विभाग पंजाब नें मेरी दो पुसतकां छापण विच्च सहाइता कीती। पंजाब ऐगरीकलचरल यूनीवरसिटी नें वी चार पुसतकां प्रकाशित कीतीआं हन। मैं इह वी वेखिआ कि बच्चिआं अते किसानां विच्च वध रही निराशता अते बेचैनी दा इक्क कारन है परिवारिक झगड़े। इस संबंधी मैं लेख लिखे ,जिहड़े बहुत पसंद कीते गए। इस विशे संबंधी किताबां दी मंग होण लग्गी। मैं चार पुसतकां इस संबंधी लिखीआं, जिहड़ीआं हज़ारां दी गिणती विच्च छपीआं। धरम संबंधी मेरे लेखां अते सुझावां दा भरवां सवागत होइआ। मैं आपणे कित्ते नूं वी भरपूर जीविआ है। मैनूं आपणे अफसरां, साथीआं, विदिआरथीआं अते किसानां तों भरपूर हुंगारा मिलिआ है। कुझ नवां सोचण अते करन दी मेरी हमेशा तांघ रही है। आपणी नौकरी दे पहिले ही साल मैं किसान मेले दी रूप-रेखा उलीकी।

भारत सरकार दे इक्क प्रोगराम अधीन पिंडां विच्च किसान चरचा मंडल बणाउणे सन। पहिला चरचा मंडल पिंड बाड़ेवाल विच्च बणाइआ। हुण इह राज पध्धर ’ते पंजाब किसान कलब्ब है। इनहां कलब्बां नूं बणाउण अते चलाउण दे अनुभवां ’ते अधारत इक्क होर किताबचा प्रकाशित कीता। देश विच्च पहिली वार किसान मरदां अते किसान बीबीआं लई डाक राहीं सिख्खिआ प्रोगराम उलीकिआ अते सफ़लतापूरवक चलाइआ गिआ। इस विशे दी विशव कानफरंस कैनेडा दी यूनीवरसिटी विखे 1980 विच्च होई जित्थे प्रधानगी करन वासते मैनूं विशेश रूप विच्च बुलाइआ गिआ।

संचार दीआं कई होर विधीआं जिवें कि आडीओ कैसटां, फ़सल कैलंडर, लघू फिलमां, बहु-विधीआं संचार नीती अते होर कई विधीआं विकसित कीतीआं। अमरीका दी कारनल यूनीवरसिटी विच्च तां कुझ समां पहड़ाई दा वी मौका मिलिआ। आपणे विशे संबंधी लिखी मेरी पुसतक पिछले तीह सालां तों विकरी दे लिहाज़ नाल पहिले नंबर ’ते है। दास नूं विशव बैंक, यूरपीअन यूनीअन अंतरराशटरी ऐटमी ऐनरजी कमिशन, अंतरराशटरी झोना खोज केंदर, इराक सरकार आदि विच्च सलाहकार दे तौर ’ते वी सेवा करन दा वी मौका मिलिआ।

पिछली मनमोहन सिंघ सरकार वल्लों सारे करमचारीआं नूं सिखलाई देण दी इक्क मुहिंम चलाई गई सी जिसदा मंतव करमचारीआं नूं आपणे कंम दी मुहारत दे नाल नाल इह वी सिखाइआ गिआ कि उह लोकां दे नौकर हन ते उनहां दा कंम लोकां दी सेवा करना है। मैनूं वी इस मुहिंम विच्च हिस्सा लैण दा मौका मिलिआ अते पंजाब दे हरेक विभाग दे लगभग सारे करमचारीआं नाल संवाद रचाउण दा मौका मिलिआ। इस विच्च सकूलां दे मुखी वी शामिल सन। प्रापत होए हुंगारे तों यकीन हुंदा है कि बहुते करमचारीआं दी कारजशैली विच्च तबदीली आ गई।

कुझ निज्जी मजबूरीआं कारन भावें मैं किसे उच्ची पदवी ’ते नहीं पहुंच सकिआ पर इह तसल्ली है कि जिस कालज विच्च पहड़ाई कीती सी, उसे कालज दे डीन दी कुरसी ’ते बैठिआं सेवा मुकत होइआ हां। पंजाब खेतीबाड़ी यूनीवरसिटी दे सारे कालजां दे विदिआरथीआं नूं पहड़ाउण दा वी मौका मिलिआ। मेरे वरगे बंदे नूं जिहड़े इनाम सनमान मिल सकदे हन, उह प्रापत होए। पंजाब सरकार नें आपणे वड्डे इनाम ‘पंजाब सरकार प्रमाण पत्तर अते श्रोमणी साहितकार ते भारत सरकार नें ‘कौमी सनमान’ नाल निवाजिआ। मेरे आपणे विशे विच्च मिलण वाले वी सारे सनमान प्रापत होए। सारे देश विच्च ही साडे विशे दे विदिआरथी मैनूं गुरू जी आख संबोधन करदे हन।

इह सारा कुझ पिआरे पाठको तुहाडे वल्लों मिले भरवें हुंगारे कारन ही संभव होइआ है। यूनीवरसिटी दे वी सारे ही मुखीआं नें हमेशा उतशाहित कीता। तुहाडीआं बखशिशां लई बहुत बहुत धंनवाद। मैं यकीन दुआउणा चाहुंदा हां कि जदों तक मेरे हत्थ ते ज़बान चलदे रहिणगे, इवें ही तुहाडी सेवा करदा रहांगा।

* * * * *