कहिंदे हन कि जवानी दी उमर शाह उमर हुंदी है, शाह वी उह जो हर पासिओं ही माला माल होवे! इह उमर सदा उडूं-उडूं करदी है। इसनूं आपणी शकती असीम अते अथाह लगदी है। जवानी विच्च पता ई नहीं हुंदा कि दिन कदों चहड़दा है ते रात कदों पैंदी है। इह जवानी हर इक्क उत्ते आउंदी है। मेरे उत्ते वी आई। इत्थे मैं आपणी जवानी दीआं कुझ्झ कु घटनावां वरनण करदी हां।

मैं जदों कालज पहड़दी सी बी.ए पारट-2 विच्च। मेरी इक्क सहेली, जो अज्जकल्ल्ह इंगलैंड विच्च रहिंदी है, नें मैनूं पौड़ीआं उतर दी नूं धक्का दे दित्ता। पर मैं सतरक सी संभळ गई ते उस नूं किहा कि जसमीत तैं इह चंगा कंम नीं कीता। अग्गों उह बोली कि इत्थे तां अज्जकल्ल्ह इद्दां ही हुंदै।

इस घटना नूं कोई बहुता समां नहीं सी होइआ ते असीं दोवें पौड़ीआं उतर रहीआं सी। मैं उसनूं ऐवें ही बेमतलबा मोढा मार दित्ता। उह पौड़ीआं विच्च डिग पई अते रुहड़दी-रहड़दी शुकर है कि उप्पर नहीं गई सगों सिध्धी ही थल्ले पहुंच गई। शाइद उस दे सट्ट वी लग्गी होवे। इस घटना बारे नां कुझ्झ उह बोली अते नां ही कुझ्झ मैं । उस तों बाअद साडा पोलिटीकल साइंस दा पीरड सी ते जसमीत कलास विच्च जा के सभ तों पिछले डैसक ते लंमी पै गई। जदों मैंडम कलास विच्च आए उनहां नें पुछ्छिआ, “आह पीछे कौण पड़ी है। खहड़ी हो जओ।” जदों जसमीत खहड़ी होई ते मैडम कहिंदे, “इह कलास रूम है सौणे की जगहा नहीं।” जसमीत कहिंदी कि मैडम मेरे सट्ट लग्गी है। मैनूं हरजोगिंदर नें पौड़ीआं विच्चों धक्का दे दित्ता। अग्गों मैडम ललकारे, “खहड़ी हो जाओ, कौण है हरजोगिंदर?” मैं खहड़ी हो गई। मैं किहा “मैडम सच्च बोलदी हां! इस नूं मैं धक्का नहीं दित्ता। धक्का तां उस कुड़ी नें दित्ता है जिस नूं कुझ्झ दिन पहिलों जसमीत नें पौड़ीआं विच्च दित्ता सी।” मैडम कहिंदी कि मेरे को पता है कि आप ऐसा नहीं कर सकती। उह मेरे प्रती हमदरदी रख्खदे सन। मैडम जसमीत नूं कहिंदे चलो कलास से बाहर हो जओ और जा के सटाफ रूम में लेट जाओ।

जदों सानूं छुट्टी होई मैं जसमीत नूं पुछ्छिआ कि आइआ सुआद धक्का देण दा। उत्तर चुप्प! उह थोहड़े दिन तां मेरे नाळ बोली नहीं फेर आपे हौळी-हौळी उसदा बरताओ ठीक हो गिआ। सच्ची गल्ल तां इह है कि जुआनी पहिरे सानूं पता ई नहीं सी लग्गदा कि असीं की ठीक कर रहे हां ते की ग़लत। आपणे आप विच्च मसत, जो रौं नें उकसा दित्ता, बस्स ओहो ही कर करा दित्ता, बिनां सोचे समझे। फेर वी सच्ची गल्ल तां इह है कि अज्ज वी उनहां समिआं विच्च मुड़ जाण नूं दिल करदा है। काश…।

मैं चुफेर-करीआ (आल-राऊंडर) सां। सिध्धवां कालज विच्च सानूं गिध्धा पाउण दा बड़ा शौक सी। जदों असीं पंज सत्त जाणीआं कुड़ीआं नें सटड्डी वल्लों विहलीआं होणां तां चक्कवीआं बोलीआं चक्क देणीआं ते रज्ज के धरती पट्ट गिध्धा पाउंणा। पर साडा इह कंम बहुते दिन नहीं चल्लिआ। साडी प्रिंसीपल मैडम नें वारडन नूं समझाइआ कि सिध्धवां कालज पिंड विच्च है अते सड़क दे नाळ लग्गदा है। पहड़न वाळीआं कुड़ीआं दा इह खौरू पाउणा चंगा नहीं लग्गदा। इस नाळ कालज दी बदनामी हुंदी है। बच्चीआं नूं पिआर नाल समझाओ। वारडन मैडम नें इवें ही कीता अते अग्गे नूं होसटल विच्च लड़कीआं दा नच्चणा टप्पणा बंद हो गिआ।

पर इक्क दिन की होइआ रात नूं अचानक लाईट चली गई। साहमणे बी.ए-1 दीआं रहिंदीआं कुड़ीआं मैनूं कहिंदीआं सीनीअर भैण जी अज्ज तां गिध्धा पाउण नूं जी करदै। मैं उस समें ऐम्म.ए-1 विच्च सी ते मेरी गल्ल मंनीं जांदी सी। मेरी अलवेली जुआनी नें बिनां सोचे-समझे उनहां नूं हल्लाशेरी दित्ती ते किहा चक्क दिओ फट्टे देखी जाऊ जो होऊ। हुण हनेरा है किसे नें आपणे होसटल नहीं आउणा अते नां ही किसे नूं गिध्धा पाउण दा पता लग्गणा है। बस्स फेर की सी जवानी दा जोर चक्क बोली ते बोली। इक्क कुड़ी नें बोली पाई, “बोली पावां ते बोली पावां ललकार के, मधरी जिही रहि के नां बोली पैंदी सुआर के”। सानूं तां पता ही उदों लग्गिआ जदों हनेरे विच्चों ही दो मैडमां साडे साहमणे परगट हो गईआं। हनेरे हरामी नें साडी सहाइता तां की करनी सी सगों उस नें साडे नाळ ध्रोअ कमाइआ। उह विचारा वी की करदा। उह अख्खां तों तां साडा पड़दा रख्ख सकदा सी, खौरू पाउंदी, धूम मचाउंदी जुआनी दी आवाज़ नूं फैलण तों किवें डक्क सकदा सी? हत्थां दीआं ताड़ीआं अते अड्डी टप्पे दी आवाज़ सुणदिआं सार वारडन मैडम नें अंगरेज़ी वाळी मैडम ते अंम्रित मैडम नूं मौके उत्ते भेज दित्ता। ते आ के अंम्रित मैडम नें पुछ्छिआ, “किहड़ी शेर बच्ची दी नां बोली पैंदी सुआर के”?

मैं मैडम नूं देख के थमहले दे उहले हो गई। थमला तां थमला ई सी, किहड़ा हमालीआ पहाड़ सी। साहमणे हो के मैनूं मैडम कहिंदे इह गिध्धा कौण-कौण पा रहीआं सन। मैं किहा जी मैनूं तां पता नहीं। पता नहीं कुड़ीआं इत्थे ही होणगीआं। कुड़ीआं मैडम नूं देख के मंजे थल्ले वड़ गईआं। मैडम बहुत तेजी नाळ रूम विच्च गए ते मंजे थल्ले टारच मरी ते उनहां कुड़ीआं नूं बाहर कढ्ढ के कहिंदी, “चारे आपणा-आपणा नां लिखाओ तुहानूं मैं फाईन करना है। उनहां दे नां नोट कर के ते उनहां नूं आपणे कमरे विच्च जाण लई कहिके मैडमां मुड़ गईआं। मैडमां दे जाण पिछ्छों, उही कुड़ीआं कहिंदीआं भैण जी जुरमाना तां भावें गिआ हो सानूं, चल्लो कोई गल्ल नहीं, पर गिध्धा पाउण दा नज़ारा आ गिआ। मैं सोचिआ इस नूं कहिंदे नें जवानी। नां घाटे दी परवाह ते नां वाधे दी, बस्स हर पल अपणी मरजी दा जीवन जिओण दा चाअ।

ऐम्म.ए-1 पास करन पिछ्छों मैनूं बी.ऐड्ड कालज विच्च ही ऐम्म.ऐड्ड विच्च दाखला मिळ गिआ। मैं सोच सोचके ऐम्म.ए-2 दी थां ऐम्म.ऐड्ड विच्च दाखला लैण नूं पहिल दित्ती। ऐम्म.ऐड्ड दी पहड़ाई नाळो-नाळ शुरू हो गई। वाईस प्रिंसीपल मैनूं वाधू टाईम देण लग्ग पए। कहिंदे थीसस नाळो-नाळ लिखणा जरूरी है। मैं बी.ऐड्ड कालज विच्च बैठी पहड़दी होणा ते मेरे नाळ दीआं जो ऐम्म.ए-1 तों -2 विच्च दाखल होईआं सन मेरे कोळ आ जाइआ करन ते मैनूं तंग करिआ करन। उनहां नें कहिणा कि लै बई लोक तां हुणे वड्डे पहड़ाकू बण गए। मेरा मन वी उनहां नूं आज़ाद फिरदीआं देख बड़ा चंचल होइआ करे, कि इह तां आराम नाळ मसती करदीआं फिरदीआं हन आह पंछी कित्थे फस गिआ अख्खरां दे जंगळ विच्च। उनहां दी चक्क विच्च आ के मैं वी ऐम्म.ए-2 विच्च ई दाखला मंग लिआ। मैनूं पांघली सर कहिण लग्गे हुण तां तूं लेट हो गई। मैं किहा जो मरजी करो मैं तां कलास विच्च आ बैठी हां। अते मैं ऐम्म.ए-2 विच्च दाखल हो गई। सोहणे दिन बीतण लग्गे।

जनवरी दा महीना सी लोहड़ी दा दिन आइआ। बी.ऐड्ड कालज विच्च पाथीआं लिआ के वड्डी सारी लोहड़ी बालण द परबंध कीता गिआ। ते उधर बी.ऐड्ड दी वारडन मैडम जो पहिलां तों ही मैनूं चंगी तरहां जाणदे सी, कहिंदे हरजोगिंदर नाळ सारीआं ऐम्म.ए वाळीआं कुड़ीआं नूं ज़रूर लै के आइओ। उनहां दा गिध्धा वी देखांगे। सो मैं वी आपणी सहेलीआं नाळ चली गई। जुआनी दा हर चाअ पूरा कीता गिआ, खूब गिध्धा पाइआ ते दब्बीआं सध्धरां दा रज्ज के उलांभा लाहिआ। आखर उत्ते सानूं इक्क नवीओं इल्लत सुझ्झी। वारडन मैडम अजे कुआरी ही सी। असीं उहनां नूं किहा कि मैडम जिहड़ी कुआरी कुड़ी, लोहड़ी वाळी धूणी उत्तों दी छाळ मारके लंघ जावे, उसदा छेती ही विआह हो जांदा है। पता नहीं मैडम साडे झांसे विच्च किओं आ गई। शाइद दब्बीआं सध्धरां वाळे सुझावां दी उंगळ छेती ही फड़ तुरदे हन। उस नें आ देखिआ नां ता, भज्ज के धूणी उत्तों दी छाळ मार दित्ती। विआह कराउण दा चाअ शाइद कुझ्झ बहुता ही सी

कि उह मसां ही डिगदी-डिदी बची। मैं नाळ दीआं कुड़ीआं नूं किहा, “करा दित्ती मैडम दी शादी! नी नवां ही पंगा पा लैण लग्गीआं सी। जे मैडम दे सट्ट लग्ग जांदी जां धूणी विच्च ही डिग पैंदी? फेर कीहदी मां नूं मासी कहिंदीआं। किओं नहीं असीं टिक के रहि सकदीआं। लग्गदै इह अवल्ली जुआनी सानूं कुझ्झ जिआदा ही चहड़ी होई है।

साडे कालज विच्च जगरओं तों इक्क फोटोग़राफर आउंदा हुंदा सी जो कालज दीआं सारीआं फोटोआं खिच्चदा हुंदा सी। इक्क दिन कालज विच्च उस दा मोटरसाईकल खहड़ा सी ते मैं उस नूं किक्क मार के सटारट कर दित्ता, ते फेर फोटोग्राफर नूं जा के आप ही दस्स दित्ता कि बाई जी किसे कुड़ी नें तुहाडा मोटरसाईकल सटारट कर दित्ता। उह भज्जिआ-भज्जिआ आइआ, मोटर साईकल बंद कीता ते कहिंदा दस्सो इह शरारत किस नें कीती है मैं प्रिंसीपल मैडम कोळ हुणे जा के दस्सदां। पर किसे वी कुड़ी नें उस नूं कुझ्झ नहीं दस्सिआ। ते उह उत्थे ही आपणा सिर फड़ के रहि गिआ।

इक्क दिन असीं वारडन मैडम कोळ गईआं तां उह बहुत ही फिकरां विच्च डुब्बी होई सी। असीं उसनूं पुछ्छिआ कि मैडम जी की गल्ल है? सानूं दस्सो, शाइद असीं कुझ्झ सहाइता कर सकीए। मैडम कहिंदी कि होसटल विच्च इक्क कुड़ी दे 1000 रुपए चोरी हो गए हन। इह 1981 दी गल्ल है। अज्ज उस रकम दा मुल्ल लग्गभग 10,000 रुपए दे बराबर है। वारडन मैडम नूं फिकर सी कि उह कुड़ी इक्क ऐम्म.ऐल्ल.ए दी धी है। उसनूं असीं की जवाब देवांगे। चोर दा किवें पता लग्गे ते रकम किवें प्रापत कीती जावे। उस वेळे होसटल विच्च तिंन चार सौ कुड़ीआं रहिंदीआं सन। थोहड़ा चिर सोच के मैं किहा कि मैडम तुसीं केवल इक्क कंम करना, थोहड़ी देर पिछ्छों सटड्डी बैल्ल करवा देणी। बाकी सारा कंम असीं आपे ही कर लवांगीआं।

सटड्डी बैल्ल हो गई। असीं ऐम्म.ए वाळीआं कुड़ीआं नें बाकी सारीआं कुड़ीआं नूं किहा कि सभ आपो आपणे कमरे विच्च जाओ अते सटड्डी करो। जो वी लड़की कमरे तों बाहर आवेगी उस नूं जुरमाना कीता जवेगा। सारीआं कुड़ीआं नें आदेस दा पालन कीता। असीं उनहां दे कमरिआं नूं बाहरों कुंडे ला दित्ते। अते होसटल दे इक्क पासिओं कमरिआं दी चंगी तरहां फरोलो फराली (तलाशी) शुरू कर दित्ती। पर इह कंम घा दे ढेर विच्चों सूई लभ्भण दे बराबर सी। हर इक्क कमरे विच्च चार तों छे-छे कुड़ीआं रहिंदीआं सन। असीं थोहड़े समें विच्च ही अक्क-थक्क गईआं। असीं फिकरां विच्च आपो आपणा सिर फड़ के बहि गईआं ते लग्गीआं सोचां दे घोड़े भजाउण। इक्क तरीका तां इह सी की इक्क पासिओं सारीआं कुड़ीआं दी तलाशी लई जांदी। इह बड़ा औखा कंम सी ते असीं शुरू करके देख लिआ सी। दूजा तरीका सी ‘मिट्टी पाउण’ दा। इस दे कारगर होण उत्ते वी साडी सहिमती नहीं बणी। असीं तीजा तरीका ही अपणाइआ।

जिस लड़की दी चोरी होई सी असीं उसनूं इक्क पासे कर के पुछ्छिआ कि उसदीआं गूहड़ीआं सहेलीआं कौण-कौण हन अते उस कोळ बहुता किस-किस दा आउणा जाणा है। उसने नेड़े दे कमरे वाळीआं चार-पंज लड़कीआं दे नां दस्से अते खास करके इक्क लड़की दा नां लिआ। असीं आपणी खोज उस कमरे उत्ते ही केंदरत कीती। पहिलों ज़िआदा शक्की लड़की दे सामान दी तलाशी लई गई। उस विच्चों कोई पैसा टका नां मिळिआ। उसदी जामा-तलाशी दी गल्ल चल्ली तां उह लड़की कुझ्झ घबराई होई अनुभव होई ते लग्गी आने-बहाने घड़न। असीं उसनूं समझाइआ कि तेरी तलाशी तां होवेगी ज़रूर अते चंगी तरहां होवेगी। इत्थे कोई मरद तां है नहीं, असीं वी तेरी वरगीआं लड़कीआं ही हां। फिर वी तेरी प्राईवेसी दा पूरा धिआन रख्खिआ जाइगा। असीं तेरे चार चुफेरे चादर दा पड़दा करदीआं हां। हुण तेरी आपणी मरजी है चाहे तां जो वी तेरे कोळ कोई चोरी दी चीज है उह थल्ले सुट्ट दे जां फिर आपणे सारे कप्पड़े उतार के केवल इस चादर दा पड़दा कर लै। चारे पासे घिरी देख के उस नें चादर दे पड़दे विच्च 700 रुपए दे नोट फरस उत्ते सिट्ट दित्ते। पुछ्छण उत्ते उस नें दस्सिआ कि चोरी उस नें 1000 रुपइआ ही कीता सी। उनहां विच्चों 300 रुपए उस नें खरच कर लए हन। उस पिछ्छों सारे कमरिआं दे कुंडे खोल्ह दित्ते गए अते सारे ख़बर फैल गई कि रुपए मिळ गए हन।

दूजे दिन होसटल विच्च ही मेरी सहेली रणधीर नें हेठां गराऊंड फलोर तों मैनूं आवाज़ मारी कि छेती आ सानूं प्रिंसीपल मैडम नें आपणे दफतर विच्च बुलाइआ है। मैं किहा मैं केसीं नहा के आउंदी हां। उह अग्गों बोली केसीं नहा के तूं नंदां ते बैठणा है। जलदी कर, छेती आ जा। सानूं नहीं सी पता कि सानूं किओं बुलाइआ गिआ है। असीं डरदीआं-डरदीआं प्रिंसीपल मैडम दे दफतर गईआं तां चोरी दा केस हल्ल कर लैण लई उसने सानूं सारीआं नूं ढेर सारी शाबाश दित्ती। असीं बाग़ो-बाग़ हो गईआं। पर उह चोर कुड़ी…?