तिंनों मुंडे सड़कों उत्तर के कमादां दे ओहले विचों लंघ के अग्गे होए तां वेखिआ अरजन सिंघ गोभी दी पनीरी गोड रिहा सी। मसां पंजाह गज़ ‘ते उहनां दी बंबी चल्ल रही सी। बंबी दी कंध विच गड्डी लोहे दी निक्की जिही किल्ली नाल उहने आपणी तिंन फुट्टी किरपान टंगी होई सी। मुंडिआं वल्ल उहदी पिठ्ठ सी। “चहड़ा दां गड्डी बुढ्ढे नूं?”

उहनां दे आगू ‘लैफ़टीनैंट जनरल’ गुरजीत सिंघ नें पता नहीं इशारे नाल की समझाइआ कि बिल्लू नें सटेन दी नाली हाल दी घड़ी नीवीं कर लई। उह बंबी दे चुबच्चे कोल आ के रुके। आगू मूंह हत्थ धोण लग्गा। बिल्लू नें सटेन नाल दे मुंडे नूं फड़ाई ते आप मन-पसंद गंना भंनण लई कमाद विच वड़ गिआ।

कमाद दे ओहले विच डुब्बण लई हेठां नूं जांदे सूरज दी लाली असमान ‘ते फ़ैली होई सी, जिस नाल चार-चुफ़ेरे विछीआं निक्कीआं-निक्कीआं हरीआं कणकां वी लिशक उठ्ठीआं सन।

अरजन सिंघ आपणी मसती विच पनीरी विचों घाह-बूट पुट्ट रिहा सी। उहनूं मुंडिआं दे आउण दी कोई ख़बर-सुरत नहीं सी। कमाद विचों गंनां भज्जण दा खड़ाक आइआ तां उसने चौकंनां हो के ओधर वेखिआ। बिल्लू आग दा सिरा भंनदा कमाद विचों बाहर आ रिहा सी। दूजे मुंडे नें उसनूं सटेन फड़ा के मूंह-हत्थ धोणा चाहिआ तां गंनां चूपदे बिल्लू नें सिर हिला के उसनूं किल्ली उत्ते सटेन टंगण दा इशारा कीता। उसदे हत्थ विहले नहीं सन।

अरजन सिंघ नें आपणी किरपान उत्ते सटेन टंगदा वेख के मुंडे नूं ललकारना चाहिआ, “नां उए! मेरी किरपान नूं आपणी सटेन दे हेठां नां दब्बीं।”

उहदे लई तां इह किरपान पवित्तर याद वरगी सी! किसे अजाइब घर विच सांभण वाली याद-योग वसत!

ते उहनां मुंडिआं नें इसनूं ‘आपणी सटेन हेठां लै लिआ सी!’

पर उह मौका वेख के चुप्प कर रिहा। उहदा रंबा घाह दी तिहड़ नूं पुट्टदा-पुट्टदा गोभी दे बूटे दीआं जहड़ां विच खुभ गिआ। कट्टिआ बूटा धौण सुट्ट के इक पासे लुड़क गिआ। उसने कट्टे बूटे नूं हत्थ विच फहड़ के पलोसिआ। इक पल लई उसदा मन भिज्ज गिआ। फिर उसनूं मुंडा वी ते आपणा आप वी मूरख़ लग्गे। दोवां दे हथिआर इस वेले दोवां दे हत्थां विच नहीं सन!

उहदी याददाशत हरी सिंघ नलूए दी वार विचों कुझ सतरां कढ्ढ लिआई:

“मेरे हत्थीं खंडा परखिआ मेरे नाल टिकाउणा।”

“शशतर बाझों सूरमा किहड़े कंम आउणा।”

जे लोड़ वेले हथिआर कोल नहीं होणा तां अग्गों पिछ्छों ऐवें भार चुक्की फिरन दा की फ़ाइदा!

किरपान उत्ते सटेन टंगी वेख के उहदा दम घुट्टण लग्गा।

भार हेठां दब्बिआ गिआ सी उह!

मसां अठ्ठ-नौं साल दा बाल। किसे विआह दी गल्ल सी शाइद! उह रात नूं छेती बिसतरा मल्ल के उत्ते रजाई लई पिआ सी। इक्क मोटा मद-मसत शराबी आइआ ते मंजा खाली समझ के उस उत्ते ढेरी हो गिआ। उह पहाड़ हेठां आ गिआ सी। साह घुट्टिआ गिआ। मरन-हाका। उहदी तां चीक वी गळे विच भरड़ा गई। शाइद उह तां उदों ही ‘गड्डी चहड़ जांदा’ जे उसदी मां काहली नाल आ के शराबी नूं नां हलूणदी, “है हाइ! सिंघ जी! मुंडा हेठां लै के मारना जे!”

मद-मसत होई सटेन नें थल्ले लै के उहदी किरपान दा साह घुट्ट छड्डिआ सी।

इह किरपान उहदे वडेरिआं ते उहदी विरासत दी यादग़ार सी। उहदे ‘ज़िंदा-शहीद’ बाप इंदर सिंघ दी निशानी!

उहदा बाप जिस दिन गुरू के बाग़ दे मोरचे विच जथे नाल गिआ सी, उस दिन उसने इसनूं उतार के किल्ली उत्ते टंगिआ सी। अंम्रित छके दी साखी भरदी छोटी किरपान उसदे गल विच है सी।

कहिंदा सी, ‘गुरू अरजन ते गुरू तेग़ बहादर दे गुरदवारिआं नूं आज़ाद कराउण जाणैं महंतां हत्थों। दोवां गुरूआं नें जबर दा मुकाबला सबर नाल कीता सी। ते हुण असीं वी वेखणै कि उहनां दे किंने कु सच्चे सिख्ख आं! जगत सिंघ ते प्रेम सिंघ जिऊंदे हुंदे तां पता नहीं की सोचदे ते की आखदे! उहनां नूं तां शाइद इंज हथिआर किल्ली ‘ते टंगणा बुज़दिली लग्गदी! पर नहीं, उहनां वी शाइद मेरे नाल ही होणा सी, जथे दा आगू बण के।”

ग़दर पारटी दे शहीदां जगत सिंघ ते प्रेम सिंघ दा पिंड-साथी ते लहिर-साथी रिहा सी उहदा बापू। उहनां नाल लोकां नूं जोड़न ते ग़दर दा परचार करन पिंड पिंड मीटिंगां ‘ते जांदा। लाहौर मीआं-मीर दी छाउणी नूं ग़दर करन लई जदों उह माझे विचों जथा लै के गए सन तां उह वी उहनां नाल मुहरलीआं सफ़ां विच सी। ग़दर फ़ेल हो गिआ ते ग़दरीआं दी फड़ो-फड़ाई शुरू हो गई। उह वी फहड़िआ गिआ सी। जगत सिंघ ते प्रेम सिंघ दोवें तां वख्ख वख्ख मुकद्दमिआं विच फ़ांसी लग्ग गए सन ते अध्धी दरजन तों वध्ध उसदे गिराईंआं नूं उमर कैद, जाइदाद-ज़बती ते काले-पाणी दी सज़ा हो गई सी पर उहनूं ते इक होर साथी नूं सिरफ़ चार-चार साल सख़त कैद दा ही हुकम होइआ सी।

उह कैद कट्ट के आइआ सी तां पंजाब विच लड़ाई दा नवां दौर शुरू हो गिआ सी। श्रोमणी कमेटी बण चुक्की सी। गुरदवारिआं नूं महंतां तों आज़ाद कराउण दी लहिर जोबन ‘ते सी।

उह ते उहदे साथी तां कदी ‘जे चित प्रेम खेलण का चाओ’ पहड़ के ही ‘प्रेम दी इस गळी विच’ उत्तरे सन। जे उहनां दे गुरू दी मरज़ी इह सी कि डांग झल्ल के अग्गों मोड़वीं डांग मारो तां उहनां उह कंम कीता। जे हुण गुरू चाहुंदा सी कि नहीं; शांत रहि के डांगां खाओ ते आपणे सबर ते सहिण-शकती दी सिख़र सिरज के आपणे लोकां दे मनां विच ज़ालम हकूमत दे खिलाफ़ रोह दा सूरज बाल दिओ! तां उह सारे जणे इस लई वी तिआर होणे सन।

उस सूरबीर ते देशभगत पिओ दी निशानी इह किरपान सालां तों उहनां दे सुफ़े विचली साहमणी विचकारली किल्ली ‘ते टंगी रही सी।

इक वार उसने बापू दी हाज़री विच किरपान नूं किल्ली तों लाहिआ। उसनूं मिआन विचों बाहर कढ्ढण लग्गा तां बापू नें आखिआ, “एदां नहीं कढ्ढीदा किरपान नूं मिआन विचों।”

“किद्दां ते कद्दों कढ्ढीदै फिर?”

“उदों जदों आपणा बचाअ जां किसे दीन-दुखी दी रख्खिआ करनी होवे!”

उसने कढ्ढी किरपान मिआन विच पा दित्ती ते उसनूं अडोल किल्ली उत्ते टंग दित्ता।

आप सदा लई हत्थ विच हळ दी जंघी फहड़ी रख्खण दा प्रण कर लिआ। घर नूं इसदी ही लोड़ सी।

पिछ्छों वी बापू दे आज़ादी लई कीते संघरश ते जेल्ह यातरावां नें उसनूं घर दे दूजे पासे लग्गे मूंह नूं सिध्धे पासे करन दी सोच दे लड़ लाई रख्खिआ। उहनां वेलिआं दीआं दस जमातां पास सी; पर उह अंगरेज़ सरकार दी नौकरी करे! इह गल्ल बापू नूं तां किसे सूरत विच वी पसंद नहीं सी। उस आप वी कदी अजिहा नहीं सी चाहिआ, सोचिआ।

“तूं भावें कुक्कड़, कबूतर ते चिड़ीआं-जनौर पाल ते भावें घोड़ीआं ते मझ्झां-गावां। पर इस घर नूं पालणा वी तेरी ज़िंमेवारी ऐ। मैनूं तूं मेरे देश ते मेरे लोकां लई विहला कर छड्ड!”

बापू दे इह बोल सारी उमर उसदे अंग-संग रहे सन।

सनूं उह छिण वी याद आए जदों उसने एसे किरपान नूं किल्ली तों लाह के पहिली वार मिआन विचों बाहर कढ्ढिआ सी।

देश-वंड दे घलूघारे दे दिन सन। उहदा बापू नेड़े-तेड़े दे पिंडां विच हम-खिआल लोकां नूं मिल के ‘अमन-कमेटीआं’ बणा रिहा सी। पर इतिहास उसदे हत्थां ‘चों खिसक गिआ सी ते अंनहे होए फिरकू लोकां दी पकड़ विच आ गिआ सी। उह निआईं वाले खेतां विच पठ्ठे वढ्ढदा पिआ सी कि उसने किसे मुटिआर दीआं चीकां दी आवाज़ सुणी, ‘बहुड़ी वे वीरा! बचा लै मैनूं। मैं तुहाडे पिंड दी धी, तेरी भैण वे। मैनूं मेरे सहुरिआं दे पिंडों इह ज़ालम लुट्ट दा माल समझ के धूह लिआए वे। मेरे सोहणिआं वीरा। मैं तुहाडे पिंड दी धी वे; तुहाडी भैण!”

किल्ले दी वाट ‘ते दो जणे लिशकदीआं नंगीआं तलवारां दे परछावें हेठां कुड़ी नूं धूही लिजा रहे सन। सिरों नंगी, खिल्लरे वाल, बंदिआं हत्थों छुट्ट छुट्ट मदद लई बाहवां उलारदी। मिआंकदी होई बक्करी कसाईखाने वल्ल बहुड़ीआं पाउंदी जा रही सी। कुड़ी दे बोलां नें उहदे कलेजे दा रुग्ग भर लिआ सी। उह सिरफ़ उसनूं ही नहीं, उह तां आपणे पूरे पिंड नूं आपणी रख्खिआ लई आवाज़ां मार रही सी। पिंड दी कोई धी, पिंड दी कोई भैण!

उह दातरी टक्क विच छड्ड के उठ्ठिआ। खाली हत्थ। उसदा साथ देण वाला वी नेड़े-तेड़े कोई नहीं सी। कुझ सोचिआ ते घोड़ी दे नंगे पिंडे ‘ते पलाकी मार के हवेली नूं घोड़ी दुड़ा लई। किल्ली नालों किरपान लाही ते मिआनों कढ्ढ के नंगी तलवार लहिराउंदा, घर दिआं दे पुछ्छदिआं, रोकदिआं ते लोकां दे विंहदिआं पलां-छिणां विच पिंडों बाहर आ गिआ।

कुड़ी ते बंदे एने विच नज़रों ओहले हो गए सन।

साहमणे ओसे कुड़ी दे पिंड नूं सवेरे लुट्टण चहड़े, दो जणे, घोड़ीआं ‘ते सवार, उहदे आपणे पिंड दे गभ्भरू, उसनूं साहमणिओं टक्करे।

“किधर चल्लिऐं अरजन सिअहां!” उहनां पुछ्छिआ तां उहने उहनां वल्ल वेख के नफ़रत नाल थुक्किआ ते इह कहिंदिआं घोड़ी नूं अड्डी ला दित्ती, “मेरी भैण नूं लै गे‘ नें उह कुत्ते!”

उहनां वी मगरे घोड़ीआं भजा लईआं। अध्धे कोह दी वाट ‘ते जा के उसने उहनां बंदिआं नूं ढाह लिआ। बंदे जाणू सन। गुआंढी पिंड दे। सिर उत्ते उल्लरी, वार करन नूं काहली अरजन दी किरपान वेख के तरले लैण लग्गे। अरजन अग्गे हत्थ जोड़े।

आपणे बचाअ वासते उहनां कुड़ी नूं दोवां बाहवां तों फहड़ के ढाल वजों उसदे अग्गे कीता।

“वेखीं! जाह जांदी नां हो जाए किते, अरजना!” तरला गूंजिआ।

“इहदीआं बाहवां छड्ड दिओ कुत्तिओ! मेरी भैण दीआं।”

दूजे दोवें गभ्भरू वी सिर ‘ते आण खलोते वेख के उहनां कुड़ी नूं धक्का मार के ज़मीन ‘ते सुट्ट दित्ता ते आप भज्ज गए।

अरजन नें भज्जे जांदे बंदिआं दा पिछ्छा करना मुनासब नहीं सी समझिआ। उह तां कुड़ी नूं बचाउण आइआ सी। घोड़ी तों उत्तर के उह डिग्गी होई कुड़ी नूं उठाउण लग्गा तां कुड़ी नें भज्ज के अरजन नूं जफ़्फ़ी पा लई।

सारिआं इक-दूजे नूं पछाण लिआ सी।

“जुग जुग जीओ वे मेरिओ छिंदिओ वीरो!”

उह तां सच्चमुच उहनां दे पिंड दी धी, उहनां दी भैण सी! जुंमें तेली दी धी ते अरजन दे यार फज्जे दी भैण फ़ातमा!

वड्डी गल्ल तां इह होई कि उह तिंने सवार फ़ातमा नूं लै के जदों जुंमें दे घर पुज्जे तां इक भीड़ जुड़ गई सी उहनां दवाले शाबाश देण वालिआं दी। उहदा बापू इंदर सिंघ वी वैसाखीआं दे सहारे लड़खड़ाउंदा होइआ भीड़ नूं चीरदा अग्गे आइआ ते आपणे पुत्त तों वी पहिलां दूजे दोवां गभ्भरूआं नूं गळ नाल ला लिआ।

“शाबाशे पुत्तरो! गुरू दे सच्चे सिघ्घां वाली कीती जे!”

दोवें नौजवान आपणी शरम दे मारे होए चोर अख्खीं इक दूजे वल्ल वेख रहे सन। इक्क नें आपणी जेब विचों लुट्टीआं होईआं टूंमां दी पोटली कढ्ढी ते हेठां फ़ातमा दे पैरां अग्गे रख्ख दित्ती, “ लै भैणा! इह हुण तेरी। सानूं माफ़ करीं।”

दूजे नें वी इंज ही कीता ते लुट्टिआ होइआ सोने दा कैंठा पैरां विच रख्खदिआं फ़ातमा दे पैर वी छुह लए।

“बीबी! तूं साडी वड्डी भैण एं। साडे पाप बख़श दे।”

“वे मेरे वीरो! तुसीं तां मेरे रब्ब वे! मेरीआं इज़्ज़तां दे राखे! मैं कौण हुंदी आं तुहाडे पाप बख़शण वाली!”

अरजन नें फ़ातमा दे बाकी परिवार बारे पुछ्छिआ। पता लग्गा हमला होण दी ख़बर सुण के सारे एधर-ओधर लुकण लई भज्जे सन। ते फिर पता ई नां लग्गा कदों उहनूं रोंदी कुरलाउंदी नूं पिछले अंदर लुकी नूं जफ्फा मार के ‘उह’ बाहर कढ्ढ लिआए सन।

तिंने गभ्भरू वापस घोड़ीआं ‘ते सवार हो के निकल पए ते तिरकालां तक्क फ़ातमा दा सारा परिवार लभ्भ के पिंड परत आए। उहदा सस्स-सहुरा, पती ते छोटा जिहा दिउर तूड़ी दे मूसल विच लुके उहनां नें जा लभ्भे सन। उसदा बापू कई साल इह कहिंदा रिहा सी कि इह अरजन वल्लों ऐन समें सिर मिआनों कढ्ढी तेग़ दी ही करामात सी कि सारे पिंड नूं आपणी गवाची धी लभ्भ पई सी। उहनां दे पिंड दी इज़्ज़त बच गई सी। पिंड दे हर घर ‘चों किसे रेजा, किसे खेस, किसे दरी-चुतैही ते किसे बणदे-सरदे चवानी-अठिआनी, रुपईआ, दो रुपईए फ़ातमा दी झोली पाए। जिवें सारा पिंड धी दा दाज तिआर कर रिहा होवे! ते फिर जुंमे ते उहदे कुड़मां दा समान आप गड्डे ‘ते लद्द के पिंड दे गभ्भरू उहनां नूं हद्द पार करा के आए सन।

अरजन दी जथेदारी विच उहनां गभ्भरूआं नें मिल के आपणे पिंड दा जथा बणा लिआ सी। आपणे पिंड दे मुसलमानां दी राखी लई ही नहीं, सगों नेड़े तेड़े दे पिंडां विच वी उह फ़से होए मुसलमान टब्बरां नूं कढ्ढ के हद्द पार करा के आउण लग्गे। अमन कमेटीआं विच उह बापू ते उहदे साथीआं दी सरगरम धिर हो निब्बड़े सन।

ठंढ-ठंढौड़ा होइआ तां अरजन नें किरपान मुड़ किल्ली ‘ते टंग दित्ती ते फिर तों हळ दी जंघी फहड़ लई। उह सिपाही तों मुड़ किरती बण गिआ।

सिपाही अते किरती दीआं डिऊटीआं दोवां पिओ-पुत्तां नें सहिवन ही संभाल लईआं सन। ते उदों तों संभाल लईआं सन जदों अजे अरजन सिंघ नें सुरत ही संभाली सी। बापू गुरू के बाग़ दे मोरचे विच गिआ, इक तरहां नाल अपाहज हो के परतिआ सी ते अरजन नूं सकूल जाण दे नाल नाल खेती-बाड़ी दा कंम वी मां नाल मिल के आप ही संभालणा पै गिआ सी। बापू दी परिवारक जिंमेवारी आपणे सिर पै जाण दा उसनूं अफ़सोस नहीं सी। जे बापू सरकार दे ज़ुलम दा भार सिर ‘ते चुक्क सकदा सी तां उह बापू दे कहिण ‘ते परिवार दा भार सिर ‘ते भला किउं नहीं चुक्क सकदा!

उहदा बापू आपणीआं कुरबानीआं नाल पिंड ते इलाके दा माण बण गिआ सी। बापू कोलों साकिआं दीआं गल्लां सुण सुण के अरजन नूं लग्गदा कि कुझ नां कुझ कुरबानी करनी तां उस दे हिस्से वी आउणी ही सी! उह कलपना ही कलपना विच बापू दे सिर ‘ते पुलिस अफ़सर बीटी वल्लों वरहाईआं डांगां नूं हवा विच ही रोक लैंदा ते डांगां दी छावें बैठा बापू इंदर सिंघ मोरचे ‘ते जा डटण दा बिरतांत सुनाउण लग्गदा:

“असीं चौकड़ी मारी बैठे शबद पहड़ रहे सां हत्थ जोड़ी, “जो लरै दीन के हेत; सूरा सोई, सूरा सोई।” मैं अगली कतार विच बैठा सां। पुलिस हथिआर ते संमां वालीआं डांगां लै के कुझ कदमां दी वित्थ ‘ते सी। बीटी ते होर गोरे अफ़सर वी नाल सन। शबद दी आवाज़ उच्ची हुंदी तां उह कचीचीआं वट्टदे। खिझ के इक्क जणे नें मेरे गले दी हड्डी ‘ते डांग दा संम खुभोइआ। मैं पिछ्छे नूं डिग्गिआ। फिर उठ्ठिआ। उच्ची आवाज़ विच शबद दी सुर नाल सुर मिलाई, “सूरा सोई, सूरा सोई!” तां उसने होर वी ज़ोर नाल डांग मारी। मेरे हस्स दा कड़ाका पिआ। पीड़ नाल मेरा आपा सूतिआ गिआ। मैं संभल के जैकारा छड्डिआ, “बोले सो निहाल!” जवाब विच जिवें हज़ारां आवाज़ां गूंजीआं, “सति स्री अकाल।” पुलिस अफ़सर बीटी नें गुस्से ते नफ़रत विच उब्बलदिआं मेरे कलेजे विच ज़ोर दा ठुड्ड मारिआ। मैं पीड़ नाल ‘कठ्ठा हो गिआ। फिर की सी! पुलिस वल्लों दे डांग ‘ते डांग। बीटी आप हळका होइआ पिआ सी। उसने मेरे ‘ते वरहाईआं सभ तों पहिलीआं डांगां। ते फिर डिग्गे पए दे मेरे गले ‘ते बूट रख्ख के मेरे गळ नूं एदां मिध्धिआ जिवें कोई किसे कीड़े नूं मसलदा है। पहिलां टुट्ट चुक्का मेरा हस्स होर तिड़क गिआ। पर असीं तां गुरू दे सिंघ सां। कोई कीड़े-काढे नहीं सां, जिहड़े उसदे मारिआं मर जांदे।”

गल्लां सुणाउंदिआं बापू दे चिहरे ‘ते अजीब तेज हुंदा सी। उह आपणे गळे दी टुट्टी ते विंगी होई हड्डी हत्थ नाल विखाउंदा, “आह मेरा हस्स उदों दा ई विंगा होइऐ। उहनां मेरी गले दी हड्डी तां विंगी कर दित्ती, मेरी रीहड़ दी हड्डी दे मणके तां तोड़ दित्ते पर उह मेरी धौण विंगी नां कर सके ते नां ही मेरा हौसला तोड़ सके।”

इह धौण बापू नें सच्चमुच सारी उमर नीवीं नहीं सी होण दित्ती। रीहड़ दी हड्डी ‘ते लग्गी सट्ट नें उहनूं सरीरक तौर ‘ते अपाहज बणा दित्ता सी। उह सारी उमर वैसाखीआं नाल लंगड़ा के तुरन जोगा रहि गिआ सी। पर जदों वेले दे मुख-मंतरी परताप सिंघ कैरों नें पिंड दे किसे समाग़म ‘ते बापू दे गोडिआं नूं हत्थ ला के किहा सी, “बाबा जी! मेरे अफ़सर आउणगे तुहाडे कोल। इह आपे ई इक फ़ारम ‘ते दसतख़त करवा के लै जाणगे तुहाडे कोलों। साडी सरकार नें देश भगतां दीआं पैनशनां लाउण दा फ़ैसला कीतै। तुसीं साडे एडे वड्डे देश-भगत ओ,” तां बापू नें किहा सी, “ परताप सिअहां! मैं बड़ा ख़ुश आं कि तुसीं एने अमीर हो गए ओ कि सानूं ही ख़रीद सको। पर मेरी इक्क गल्ल कंन खोल्ह के सुण लै! मेरी पैनशन दी गल्ल उदों करीं जदों मेरे देश दे सारे बज़ुरगां दीआं तूं पैनशनां ला देवेंगा!”

- अज्ज इह मुंडे अरजन सिंघ दे बापू दे ओस इतिहास नूं वंगारन आए सन। उहदी किरपान दी लिशक नूं मैला करन आए सन!

उह हत्थला कंम छड्ड के उहनां वल्ल टिकटिकी ला के वेखण लग्गा। हुण दूजे दोवें मुंडे वी कमाद विचों गंने भंन के खाळ दी वट्ट ‘ते बहि के चूपण लग्गे।

उहदे अंदरले नें जोश मारिआ। उह शाइद उहदे कमाद ‘चों गंने भंन के उसनूं नेड़े आउण लई ही वंगार रहे सन। उहने रंबा पासे रख्खिआ। उठ्ठण दी सोची। उंज वी सूरज डुब्बण विच मसां हत्थ भर दी ही वित्थ सी। बोती ‘ते छटाले दी चिल्ली लद्ददिआं वेख के उसने आप ही आपणे छोटे पुत्त हरजीत ते वरहिआं तों नाल तुरे आउंदे कामें फुंमण नूं किहा सी, “तुसीं जाओ, पठ्ठा-दत्था पाओ पशूआं नूं। मैं नाले पनीरी दी गोडी दा कंम बंनें ला आवां; नाले ओने चिर तक्क बत्ती जाण दा टैम वी हो जाणैं। पाणी लग्गी कणक दा किल्ला वी उदों तक्क सिंजिआ जाऊ। आउंदा होइआ मोटर वाले कमरे नूं वी ताला लाउंदा आऊं।”

दुनिआवी सिआणप नें उसनूं मुंडिआं वल्ल जाणों रोकिआ, “दो मिंट रुक जाह! की पता हुणे चले जाण।”

पिछले समें तों दोवां धिरां विच चंगे संबंध नहीं सन। उह उसनूं मारन वी आए हो सकदे नें! सगों आए ई एसे करके नें। इहनां दी तां उह कई चिर तों ‘हिट्ट लिसट’ ‘ते सी। होणा वी चाहीदा सी!

उह वी इहनां दी उडीक विच ही तां एने समें तों किरपान चुक्की फिरदा सी। उहदे आपणे पुत्त तां सदा उहनूं हनेरे-सवेरे बाहर निकलणों मनहा करदे रहिंदे सन पर उह उहनां दी सुणदा कदों सी! अज्ज वी अजे हरजीत नें आखिआ ही सी, “बापू जी! चल्लो चल्लीए पिंड नूं। फुंमण आपे मोटर बंद कर आउंदै।” तां उहने उहनां नूं कहि दित्ता सी कि उह चले जाण। उह आप पिछ्छों आ जावेगा। उहनां दा वैर वी तां वंगारवां बण गिआ होइआ सी। उसने इस वैर दे पिछोकड़ ‘ते तरदी जिही झात मारी।

अरजन सिंघ दा वड्डा मुंडा जगजीत सिहत विभाग दा करमचारी सी ते पैरा-मैडीकल कामिआं दी यूनीअन दा सटेट कमेटी दा सकत्तर वी। मुलाज़म घोलां विच कई सालां तों सरगरम। पहिलां तां बाबे करके उहनां दा घर ‘ग़दरीआं’ जां ‘जथेदारां’ दा घर वी वज्जदा सी। बापू किरती पारटी नाल वी जुड़िआ रिहा सी ते आख़र विच ‘कामरेड’ वी वज्जण पिआ सी। कदी कोई उहनूं ‘जथेदार जी’ ते कदे कोई ‘कामरेड जी’ आख के वी संबोधन कर लैंदा। उह ‘अंम्रितधारी कामरेड!’ सी! पर बापू दे चलाणे तों बाअद ते जगजीत दी चहड़त पिछ्छों उहनां दा टब्बर ‘कामरेडां दा टब्बर’ वज्जण लग्ग पिआ। उंझ अरजन सिंघ नूं वी लोकीं अजे वी कदी ‘कामरेड’ ते कदे ‘जथेदार’ कहि के बुला लैंदे। उह दोवां तरहां नाल बुलाए जाण ‘ते ख़ुश सी। जे उसदे बापू नूं अजिहा अखवाउण ‘ते उजर नहीं सी तां उसनूं किउं हुंदा! कामरेड वी उहनूं ओने ही आपणे ते पिआरे सन। जगजीत कर के होर वी ‘आपणे पुत्तां’ वरगे लग्गदे।

पर इहनीं दिनीं ‘कामरेडां’ ते ‘नवें जथेदार बणे’ मुंडिआं दी आपसी दुशमणी तां जग्ग-ज़ाहिर सी। अरजन सिंघ इहनीं दिनीं पूरे दा पूरा किसे धिर नाल वी नहीं सी रहि गिआ। नां कामरेडां नाल नां नवें बणे ‘जथेदारां जरनैलां’ नाल। अरजन सिंघ दा छोटा पुत्त हरजीत सिंघ पिंड दे हाई सकूल विच ही मासटर सी। उह पिता नाल रल के नाल नाल खेती दा कंम वी वेखी जांदा। खिआलां पख्खों आपणे बाप अरजन सिंघ वांग ही सी उह। दोवां धिरां दे विच विचाले। नां मुंडिआं वल्ल नां निरहा कामरेडां वल्ल। सरकार ते कामरेडां दा मुंडिआं बारे अज्ज-कल्ल्ह इक्को जिहा पैंतड़ा ही सी।

पर असल विच गल्ल तां विगड़ी सी ग़दरी शहीदां दी बणाई यादग़ार ‘ते कबज़े दी लड़ाई पिछ्छों।

यादग़ार दी नींह तां अरजन सिंघ दे बापू नें ढाई दहाके पहिलां आपणे युध-साथी ते आगू बाबा सोहन सिंघ भकना तों रखवाई सी। बाबे भकने नें ही इक वार पिंड विच होए जलसे विच सटेज तों उहनां दे बापू नूं उल्हामां दित्ता सी, “इंदर सिअहां! तेरे आपणे ग़दरी भरावां दी कुरबानी तेरे पिंड दे पुत्तां-पोतरिआं नूं वी चेते रहि जाए, उहनां दी कोई याद ही बणवा छड्ड पिंड आपणे विच। उहनां नूं भुलाउण वालिआं तां कोई कसर नहीं छड्डी पहिलां ई।”

बापू नूं लग्गा सी, बाबे भकने दी गल्ल किंनी ठीक सी! बाबा भकना देश भगतां वल्ल हुण दी सरकार दे रवई्ईए नूं कोस रिहा सी।

अरजन सिंघ नूं अंगरेज़ी राज दे समें दी गल्ल याद सी। अरजन अठवीं जमात दा विदिआरथी सी। इक दिन उसने घर आ के दस्सिआ कि अंगरेज़ सरकार नें उहनां दे सकूल दे मत्थे ‘ते इक्क वड्डी सारी संगमरमर दी सिळ लाई सी। इस मकसद लई पिंड दे कुझ सरकार हमाइती बंदे ते फौजीआं दे कुझ परिवार सद्द के समाग़म वी कीता गिआ सी। बापू इंदर सिंघ नूं वी इस समागम दा पता सी। पर उसनूं नां किसे सद्दणा सी ते नां उह गिआ। पिछ्छों इक दिन जा के उह सिळ पहड़ आइआ। चिट्टी सिळ ‘ते काले अख्खरां विच अंगरेज़ी ज़बान विच ख़ुदिआ होइआ सी कि इस पिंड विचों पहिली वड्डी जंग विच भाग लैण लई 121 बंदे शामल होए जिनहां विचों इक दी जान वी चली गई सी।

जंग विच शामल होए बंदिआं दे परिवारां नूं बुलाइआ गिआ सी उस समाग़म ‘ते अते मारे गए जवान दे परिवार नूं पंजाह रुपए दा इनाम ते सरटीफिकेट वी दित्ता गिआ सी अंगरेज़ अफ़सर वल्लों।

अंगरेज़ आपणे लई लड़न वालिआं दी ‘कदर’ पा रिहा सी। उहनां लई वफ़ादार रहिण ते लड़न मरन वालिआं दी यादग़ारी सिळ ला के नवीं पीहड़ी दे मनां विच आपणी वफ़ादारी बणाई रख्खण दी नींह पक्की कर रिहा सी, पर दूजे पासे देश लई लड़न वालिआं सूरबीरां शहीदां नूं भुला विसार दित्ता गिआ सी ते जां उहनां बारे डाकू, कातल ते लुटेरे होण दा जाळ बुण दित्ता सी जिस विच फसे उह तड़फ़ रहे सन।

बाबे इंदर सिंघ नें आपणे कोलों पैसे ख़रच के पिंड दी पहुंच-सड़क ‘ते दो कनाल ज़मीन ख़रीदी सी। उस विच इक्क शहीदी लाट बणा के उस उत्ते ग़दरी शहीदां अते होर कुरबानी वाले लोकां दे नां खुदवा दित्ते सन। विच निक्का जिहा बग़ीचा वी लवा दित्ता सी। पिंड दे अगांहवधू नौजवानां ते कुरबानी वाले परिवारां दे सिआणे बंदिआं दी कमेटी वी बणवा दित्ती सी। पहिलां बाबा इंदर सिंघ, फिर अरजन सिंघ ते हुण कुझ सालां तों जगजीत इस कमेटी दा प्रधान सी।

सतवें दहाके दे मुढले सालां विच अगांहवधू लहिर विच आए उभार कारन कमेटी नूं चलाउण वाले आगू नौजवानां नें पिंड ते इलाके विचों उगराही कर के अते बाहरले मुलकां विच रहिंदे पिंड वासीआं नूं वंगार के माइआ इकत्तर कीती ते एथे इक छोटा हाल कमरा वी बणवा दित्ता। हाल विच मेज़ कुरसीआं ला के अख़बारां रिसालिआं दा ही प्रबंध नहीं सी कीता सगों चंगे साहित ते इनकलाबी इतिहास नाल संबंधित पुसतकां वाली लाइब्रेरी वी चालू कर दित्ती सी। कोई नां कोई नौजवान वारी नाल लाइब्रेरी दी देख-भाल लई ते किताबां इशू करन लई वी ओथे बैठण लग्गा। बाबे इंदर सिंघ दे चहड़ाई कर जाण पिछ्छों अरजन सिंघ आप ते उहदे दोवें पुत्त लाइब्रेरी नूं बनाउण, चलाउण ते खोल्हण विच सदा अग्गे अग्गे रहे सन।

पिछले दहाके विच यादग़ार नाल जुड़े नौजवान जां तां कंमां धंदिआं ‘ते जा लग्गे सन ते जां समें नाल कईआं दी ‘लाली’ फिक्की पै गई सी। कुझ दी ‘लाली’ तां ‘निलत्तण’ विच वी वट गई सी। कुझ लोक, आपणी लालसा नूं पठ्ठे पाउण लई, कुझ नवें हालात दे दबाओ अधीन, कुझ सिख्ख सटूडैंट फैडरेशन दे डरे डराए कमेटी विच आपणी मरज़ी दी तबदीली करना चाहुंदे सन ते यादग़ार नूं वरतणा वी आपणे मकसद लई लोड़दे सन। उहनां दे मकसद दी सूह अरजन सिंघ नूं वी मिलदी रहिंदी सी। इस तबदीली लई विरोधी धड़े नें सकत्तर मोहन सिंघ ते प्रधान जगजीत सिंघ दी सलाह अते मरज़ी तों बिनां ही मीटिंग वी सद्द लई। पिंड विच ढोल वी मरवा दित्ता।

अज्ज कल्ल्ह उहनां दा ‘राज’ सी। बेमुहार हथिआरां दी ताकत सी उहनां दी पिठ्ठ पिछ्छे। इकठ्ठ वाले दिन कामरेड जगजीत नें तां ओथे जाणा बिहतर नां समझिआ। अग्ग वांग भख़दे माहौल विच छाल मारनों झिजकदा सी उह। उंझ वी मीटिंग किहड़ी कमेटी दे निसचित संविधान अनुसार हो रही सी! हिक्क दे धक्के वालिआं दा आप-मुहारा इकठ्ठ सी। पर अरजन सिंघ नें नीली दसतार बध्धी ते हत्थ विच तिंन फुट्टी किरपान लै के इकठ्ठ विच इक्क नुक्करे जा खलोता। किसे नें उहदी बज़ुरग़ी दा खिआल रख्खदिआं उसनूं बैठण वासते वी नां किहा। आप उसने बैठणा मुनासब ही नां समझिआ। इक धड़े दे कुझ कु कमेटी मैंबरां तों इलावा पिंड दी होर मुंडहीर वी तमाशा वेखण लई आण जुड़ी सी ते कुरसीआं ‘ते ‘बिराजमान’ सी। बहुते मैंबर मरज़ी नाल जां इस झगड़े तों डरदे आए ही नहीं सन। कौण बलदी दे बुत्थे आउंदा!

‘लैफ़टीनैंट जनरल’ गुरजीत दा वड्डा भरा अजाइब सिंघ आखण लग्गा, “साध संगत जी! अज्ज जदों कौम आपणी अज़ादी दी लड़ाई लड़ रही आ तां कामरेड सरकार दा साथ दे के पंथ नाल ध्रोह कमा रहे हन। साडी पहिली मंग तां इह है कि कमेटी दा प्रधान कोई ‘कामरेड’ नहीं होणा चाहीदा। उंझ वी ख़ालसा जी! इह किसे दी निज्जी जाइदाद नहीं जो वरहिआं तों इको परिवार दा ही कोई नां कोई बंदा इहदा प्रधान तुरिआ आवे!”

अकाली विचारां दा कमेटी मैंबर भजन सिंघ हुंगारिआ, “हूं, हूं, आहो। असीं तां कई चिर दे आंहदे आं।”

उह वी पिंड दे किसे ग़दरी परिवार दा पोतरा सी। इसे करके कमेटी दा मैंबर सी। बहुते मैंबर है ई उह सन जिहनां दा कोई नां कोई वडेरा ग़दर पारटी विच शामल रिहा सी जां जिनहां दे किसे बज़ुरग नें गुरदवारिआं नूं आज़ाद कराउण लई किसे मोरचे विच जां किसे किसान मोरचे विच आज़ादी तों पहिलां कैद कट्टी सी। कुझ मैंबर उह वी सन जिहड़े दिख्ख वजों अगांहवधू विचारां दे सन। कुझ साल पहिलां जदों गुरजीत दा वड्डा भरा अजाइब सिंघ इस कमेटी दा मैंबर बणिआं सी तां उह वी ‘कामरेड’ ही हुंदा सी!

इकठ्ठ विच ख़ामोशी छा गई। सारे अरजन सिंघ दे मूंह वल्ल वेखण लग्गे। कोई वी बोल नहीं सी रिहा।

अरजन सिंघ नें जेब विचों इक कागज़ कढ्ढिआ ते लागे खलोते मुंडे दे हत्थ विच फड़ा दित्ता। हत्थो हत्थ तुरदा काग़ज़ मुख्ख बुलारे कोल पहुंच गिआ। इह कमेटी दी प्रधानगी तों जगजीत सिंघ दा असतीफ़ा सी। अजाइब सिंघ नें बड़े उतशाह विच पहड़ के सुणाइआ। अज्ज जिहड़े मुंडे बिल्लू दे हत्थ विच सटेन गंन सी, उह उहनीं दिनीं अजे ‘भगौड़ा’ नहीं सी होइआ। उसने ज़ोर दी जैकारा बुलाइआ अते फिर आप ही पहिलां सोचिआ फ़ैसला सुणा दित्ता, “लैफ़टीनैंट जरनैल गुरजीत सिंघ दे वड्डे भा जी सरदार अजाइब सिंघ अज्ज तों एस कमेटी दे प्रधान होए।” मुंडहीर विचों किसे नें फेर जैकारा छड्डिआ।

अंदरे अंदर अरजन सिंघ नूं आपणे इकल्ले रहि जाण ‘ते शरमिंदगी आई। उसनूं ‘कामरेडां’ ‘ते गुस्सा वी आइआ कि उहनां दी धिर खुरदी खुरदी असलों ही किउं खुर गई सी! उहनां विचों जां उहनां वल्लों कोई तां बोलण वाला हुंदा एथे!

चुणी होई कमेटी दे पंझी बंदिआं विचों उहदे आपणे सणे मसां सत्त मैंबर हाज़र सन। बाकी भीड़ तां तमाशबीनां दी सी। नवां बणिआं ‘प्रधान’ कहिण लग्गा, “साध संगत जी! बाकी मैंबर असीं आपे ही आपस विच बैठ के आपसी सलाह नाल चुण लवांगे। दूजी गल्ल जिहड़ी असीं सभ तों पहिलां करनी एं उह इह है कि असीं लाइब्रेरी विच लग्गीआं इहनां देश भगतां दीआं तसवीरां दे नाल ‘आपणे हुण वाले एस दौर दे धरम युध दे शहीदां सूरमिआं’ दीआं तसवीरां वी लाउणीआं नें ताकि उहनां दी याद वी रहिंदी दुनीआं तक्क पंथ दे चेतिआं विच जिऊंदी रहि सके।”

नाल खलोते बिल्लू नें फिर तों जैकारा छड्डिआ।

“खलो जा उए! भूतरी मुंडहीरे!”

अग्ग भबूका हो के अरजन सिंघ गरजिआ। ळाल अख्खां। तपदा चिहरा।

उह ‘नवें चुणे प्रधान’ नूं सिध्धा मुख़ातब होइआ, “बाकी मैंबर तूं आपे आपणी सलाह नाल चुण लएंगा! हैंअ! किउं तेरे पिउ दा राज आ उए! ते जिहड़े ‘शहीदां’ दीआं तूं एथे फोटो लाउणा चाहुंदैं, उहनां दी गल्ल तां बाअद ‘च करदां पहिलां ऐथे ही मेरे हत्थों जिहड़ा माई दा लाल शहीद होणा चाहुंदै, उहदी फोटो लाइओ एथे। हुण अग्गे आवे कोई आपणी तसवीर लवाउण वाला! मैं छकाउंदा उहनूं शहीदी बाटा!” उसने पिछ्छे हट के मिआन ‘चों लिशकदी तलवार कढ्ढ के वार करन वरगा पैंतड़ा लै लिआ।

सभ नूं सप्प सुंघ गिआ। मूंहां उत्तों हवाईआं छुट्टण लग्गीआं।

“उस ठेठर दी फोटो लाउणी जे एथे जिहड़ा गरीब जट्टां दी धी दी इज़त कमादां विच रोलदा रिहा ते फिर घेरा पैण ‘ते ‘शहीद’ हो गिआ!”

अरजन सिंघ नें आपणे ही भाईचारे दे उस मुंडे दा ज़िकर कीता जिहड़ा आपणे गुपतवास समें किसे बहिक ‘ते अकसर जांदा रहिंदा सी। जिसने उहनां दी मुटिआर धी फुसला के आपणे नाल भजा लई सी ते उसदी पत रोलदा रिहा सी। उस ग़रीब किसान नें आपणी धी मोड़ देण लई कई थाईं टक्करां मारीआं सन। तरले लए सन। अरजन सिंघ नूं असर-रसूख वाला बंदा समझ के उह उस कोल वी आइआ सी। उहदी धी तां मुंडे दे मारे जाण तों पिछ्छों पुलिस नूं अरध-कमली होई कमाद विचों मिली सी।

किसे दे मूंह विच जिवें ज़बान नहीं सी।

“आओ तां सही कोई अग्गे। मैं तां मरना ठाण लिऐ। पर तुहानूं किसे नां किसे नूं ‘शहीदी जाम’ पिआ के ई मरूं। ते तूं कहिदैं इह यादग़ार किसे दी ‘निज्जी जाइदाद’ नहीं! जे फेर पुछ्छदैं तां इह मेरी ‘निज्जी जाइदाद’ ई ऊ उए! इस करके नहीं कि मेरे पिओ नें आपणे पल्लिओ पैसे ख़रच के इह थां ख़रीदी सी ते एथे यादग़ार उसारी सी। इह मेरी ‘निज्जी जाइदाद’ इस करके है कि इह जिनहां दी याद विच उसारी गई है, उह सारे मेरे आपणे ‘निज्जी’ सन, मेरे ‘निगदे’ सन। उह किसे निज्जी रिशते करके नहीं, विचारां दी सांझ करके मेरे आपणे नें। उहनां दे विचारां दी, उहनां दे अमलां दी विरासत मेरी आपणी है। मेरी ‘निज्जी’। इह धरम-निरपख्ख, अगांहवधू विचारां वाली ते सरबत्त दा भला चाहुण वाली विरासत ही मेरी ‘निज्जी जाइदाद’ है। मैं इस निज्जी जाइदाद ‘ते इंज किसे डाका नहीं पैण देणा उए!”

उसदी नज़र अचनचेत आपणे सज्जे-खब्बे आण खड़ोते दो नौजवानां वल्ल मुड़ी। उहदे दोवें पोतरे सन। मस-फुट्ट। जवानी दीआं बरूहां दे आर-पार खलोते दरशनी जवान। हत्थां विच हाकी-सटिक्कां मज़बूती नाल फहड़ीआं होईआं। उहनां दोवां वल्ल तरदी झाती सुट्ट के उसने ललकारा मारिआ ते कुरसी मल्ल के बैठे किसे वाफ़र मुंडे दी कुरसी नूं पासे धक्किआ, “पासे हो उए छोकरिआ! राह छड्ड।”

ते उह उघ्घरी किरपान लै के इकठ्ठ दे विचकार जा खलोता ते ललकारा मारिआ, “एथे किउंकि कमेटी दी मीटिंग ई सद्दी गई ए, भावें इह ठीक आ जां ग़लत, इहदा फ़ैसला वी हो जाऊ। पर हाल दी घड़ी जिहड़ा कमेटी दा मैंबर ए उह ई एथे बैठा रहे ते बाकी भलेमाणस बण के हाल कमरे ‘चों बाहर हो जाओ। इक मिंट विच। फेर नां आखिओ। भगउती मेरे हत्थ ‘च ए। किते इह गुरू दे हुकम नाल चल्ल नां जावे! तुहाडा एथे कोई कंम नहीं।”

किरन-म-किरनी सारा छोकर-वाधा उठ्ठ के बाहर नूं तुर पिआ।

“वाधा करदा एं तूं चाचा अरजन सिअहां!” अकाली मैंबर भजन सिंघ नें किहा।

हुण सिरफ़ अरजन सिंघ दे दोवां पोतरिआं तों इलावा कमेटी दे चुणे होए सत्त मैंबर ही हाल विच रहि गए सन।

“मुंडिओ! तुसीं वी बाहर जा के खलोवो।”

अरजन सिंघ नें आपणे पोतरिआं नूं किहा ते फिर भजन सिंघ नूं मुख़ातब होइआ, “वाधा तां तूं कीतै भजन सिअहां! कई चिर दा तूं आप प्रधानगी लई खुड्ड पुट्टदा पिआ सैं अंदरे अंदर। सानूं भला इसदी ख़बर नहीं सी! पर आह की तरीका वरतिआ ई! मुंडिआं दे हथिआरां दे ज़ोर ‘ते प्रधानगी हथिआउणा चाहुंदा सैं नां! मिली तैनूं उह वी नां। प्रधानगी तां लै गिआ अजैब सुंह। पर अजैब सिअहां! प्रधान तूं वी नहीं। किउंक इह मीटिंग नियम अनुसार नहीं सद्दी गई। ते जे इस मीटिंग नूं जाइज़ सद्दिआ मंन वी लईए तां अहुदेदारां नूं अहुदे तों लाहुण लई कोरम पूरा नहीं। ते तूं तां किसे सूरत विच प्रधान बण ई नहीं सकदा किउंकि कमेटी दे विधान अनुसार मुख्ख अहुदेदार सिरफ़ देश भगतां दे परिवारां विचों ई कोई बण सकदै। जित्थों तक्क साडे टब्बर दी गल्ल ए, असीं अग्गे तों प्रधानगी छड्डी। परिवारवाद वाली गल्ल है ई माड़ी। पर सानूं अग्गे लाउंदे वी तां तुसीं ही रहे ओ। भजन सिअहां! जे कमेटी मैंबर तैनूं प्रधान बनाउणगे तां तूं ई बण जावीं पर बणेंगा लोक-राजी ढंग नाल। वोटां पै के। ते जिंनां चिर नवें प्रधान दी चोण लोक-राजी ढंग नाल नहीं हुंदी, ओने दिन एथे मेरा डिकटेटरी राज चल्लू। तुसीं हुण वाहगुरू कहि के एथों उठ्ठो ते बाहर चल्लो।”

“असीं तां पहिलां ई इहनां नूं इह गल्ल आखदे सां।” दो कु मैंबरां नें उठ्ठदिआं बुड़ बुड़ कीती।

उस रात नूं सारा परिवार रोटी खा के सुफ़े विच मंजिआं ‘ते जुड़ बैठे तां अचनचेत वड्डे पोतरे नें किल्ली ‘ते लिआ के टंगी बापू दी किरपान लाह लई। फिर उहनूं मुठ्ठ तों फहड़ के थोहड़ा कु मिआनों बाहर कढ्ढ के हस्सिआ, “अज्ज बापू जी दे हत्थ फहड़ी किरपान दा चमतकार वेखिआ। इक्को ललकारा मारिआ; सभ कच्चे पिल्ले झड़ गए ते हाल विचों बाहर हो गए।”

अरजन सिंघ नें वरजिआ, “काका! किरपान ऐवें इसतरहां मिआन विचों बाहर नहीं कढ्ढीदी!”

“किउं बापू जी?”

अरजन सिंघ नूं आपणा बापू चेते आइआ, “उदों कढ्ढीदी ए जदों आपणा बचाअ करना होवे जां किसे दीन-दुखी दी रख्खिआ करनी होवे!”

ते उसने कुझ होर वी नाल जोड़ लिआ, “ते जां फिर उदों जदों तुहाडे अंदर बैठा गुरू तुहानूं वंगार के आखे कि भाई सिख्खा! हुण सच्च सुणा, सच्च सुनाउण दा वेला आ गिऐ; ते जे किसे नूं फिर वी बोलिआ गिआ सच्च नहीं सुणदा, जां उह सुणना ही नहीं चाहुंदा ते घोगल-कंनां बणिआं फिरदै तां फिर शाइद उसनूं किरपान दी आवाज़ सुणनी/सुनाउणी ही ठीक लग्गदी ए।”

“एसे करके ही तां अरदास करदिआं सभ तों पहिलां भगउती नूं सिमरिआ जांदा ए। कहिंदे नें नां, ‘प्रिथम भगउती सिमर के नानक लईं धिआए।’ बड़ी करामात है भगउती विच!” मासटर हरजीत सिंघ नें किहा।

“नां नां नां! मैं पहिलां एह भगउती नहीं सिमरदा।”

“फिर?”

“अरदास विच तां ‘भगउती’ दे अरथ शाइद ओस वाहगुरू जां पारब्रहम दे ही नें, पर इसनूं सुणन ते समझण वालिआं इह अरथ सिरफ़ किरपान तक्क ही घटा लए नें। ते जे ‘वाहगुरू’ दे थां उसदे अरथ सिरफ़ किरपान दे ही लए जाणे नें तां फिर मैं तां पहिलां ‘प्रिथमै नानक सिमर के’ ही अग्गे तुरदां। नानक नूं सिमरे बिनां जां नानक तक्क पहुंचण तों पहिलां चल्ली भगउती बड़ीआं गड़बड़ां कर सकदी ए।”

जगजीत सिंघ हस्सिआ, “बापू जी! तुहाडी ख़ाह-म-ख़ाह पंगा लैण दी आदत नहीं जांदी। पहिलां तां तुहानूं अज्ज जाणा नहीं सी चाहीदा ओथे। कोई अभी नभी हो जांदी तां! मैं तां तुहाडी ज़िद करके असतीफ़ा लिख के दे दित्ता ते तुहानूं जाण वी दिता। उंझ वी तुसां करनी तां मन दी मरज़ी ई हुंदी ए। मैं लैणा वी की ए इस प्रधानगी तों। बणिआं वी तुहाडे आखे सां। मेरे कोलों तां आपणे महिकमे दी सटेट दी सकत्तरी सांभणी मुशकल होई पई ए। पर झगड़ा होण दा तां ओथे सारा समान अगलिआं कीता होइआ सी नां! असीं एसे करके मुंडे पिछ्छे घल्ले सन। हुण वी हाअ गल्ल किधरे बाहर नां करन लग्ग पिओ, अगले कहिणगे इह ‘साडी अरदास’ ई उलट-पुलट करन लग्ग पिऐ।”

“मैं उलट-पुलट की करनैं! इह तरतीब तां मेरे गुरूआं नें ही बणाई ए। मैं उहनां दी बणाई तरतीब नूं किवें बदल सकदां! उहनां तां ‘वाहिगुरू’ जां पारब्रहम’ नूं ही पहिल दित्ती सी। पर अरथां दे अनरथ करन वालिआं नें पहिल ‘हथिआर’ नूं दे दित्ती। एसे करके बेमुहार होए हथिआर गुरूआं दे नां ‘ते चल्ली जा रहे नें!””

“हछ्छा! एह गल्ल ऐ! सानूं तां पता नहीं सी!” हरजीत लई शाइद इह सच्चमुच नवीं गल्ल सी।

“मैनूं किहड़ा सारा पतै! ‘वाहगुरू’ दा तां मैनूं वी पता नहीं कि की है, कित्थे है, कौण है! मैनूं तां थोड़ा-बहुता बाबे नानक दा ई पतै। एसे करके मैं तां पहिलां आपणे बाबे दे आखे ई लग्गणैं। उह जे आखू सच्च बोल, सच्च बोलांगा; जे आखू हुण एने नाल सरदा नहीं; किरपान चुक्क तां किरपान चुक्क लऊं। मेरा गुरू वी अमल विच तां इहो ही आखदा है कि जदों सारे हीले-वसीले फेल्ह हो जाण तां ही तलवार दी मुठ्ठ ‘ते हत्थ जाणा जाइज़ है। मेरे गुरू तां जंग दे मैदानां विच वी सैद खां ते पैंदे ख़ान वरगिआं दे वंगारवें पहिले दो वार झल्ल के तीजा वार ही तलवार दा बख़शदे सन।”

जगजीत सिंघ दा चिहरा अजे वी कस्सिआ होइआ सी।

“पापा! तुसीं ऐवें बापू जी नूं कहिंदे रहिंदे ओ। जे उह अज्ज ओथे नां जांदे तां उह तां कर गए सी नां यादग़ार ‘ते कबज़ा।” छोटे पोतरे नें किहा।

“काका! तेरा पापा जिहनूं मेरा ‘पंगा लैणा’ आखदै, मैनूं उह आपणी जिंमेवारी निभाउणी जापदी ए।” आखदा होइआ अरजन सिंघ आपणा परना संभालदा सौण लई आपणे कमरे वल्ल तुर पिआ।

“तुहाडीआं तुसीं जाणों। पर हुण हालात इहो जिहे बण गए नें कि बहुत सावधान हो के बाहर निकलण दी लोड़ है सारिआं नूं। चिप्प चहड़ के उह कुझ वी कर करा सकदे नें! पता नहीं किहड़े वेले किहड़ी गली ‘चों, किहड़े पासे तों किसे नें कदों हमला कर देणैं। लग़ातार चौकसी बहुत ज़रूरी ए सारे टब्बर लई। पर बापू जी तुहाडे लई इहदी कुझ ज़िआदा ई ज़रूरत ए।” तुरे जांदे अरजन सिंघ नूं जगजीत सिंघ दी चेतावनी सी।

- पर अज्ज तां उह बिनां चौकसी तों ई ‘काबू’ आ गिआ लग्गदा सी। शाइद मुंडिआं दा इह टोला अज्ज उहदे पिछ्छे खेतां विच उसनूं मारन ही आइआ सी। जे मरना ही एं तां पिठ्ठ ‘च गोली किउं खावे! पर फिर खिआल आइआ; जे उहनां चुप्प-चुपीते मारना हुंदा तां उहदी पिठ्ठ पिछली वट्टे ही उह बंबी वल्ल आए जापदे सन। मार दिंदे। तां की हुण उसनूं वंगार के मारनगे? उहनां मारना ई एं तां वेखी जाऊ। पर उहनां नूं वंगारन दा मौका देण तों पहिलां आप किउं नां वंगार बण के उहनां अग्गे जा खलोवां! गुरू दा सिंघ हो के मैदान छड्ड के भज्जदा की मैं चंगा लग्गांगा!

सेक उहदे सिर नूं चहड़दा जांदा सी। उह इस सेक तों भार-मुकत होणा चाहुंदा सी। अंदरों बहुत काहला पर बाहरों ठरहंमें नाल हौली हौली तुरदा उह बंबी कोल गिआ।

मुंडिआं नें उहदे वल्ल वेखिआ। उह किल्ली वल्ल वधिआ। किरपान नूं हत्थ लाउण तों पहिलां उसने आखिआ, “स-स- सिं”

पर उहदी ज़बान रुक गई।

“सिंघा! आह हथिआर पासे करीं ज़रा” आखण नूं उहदा चित्त नां कीता।

“काका! आह हथिआर पासे करीं ज़रा” उसने आखिआ।

बिल्लू नें अख्खां ही अख्खां विच आगू गुरजीत नूं पुछ्छिआ ते इशारा पा के गंने दी छिल्ली गुल्ली नूं डक्की वढ्ढदिआं गनेरी मूंह विच पाई ते गंनां चुबच्चे दे बंनें ‘ते रख्खदिआं सटेन लाह के हत्थ विच फहड़ लई।

अरजन सिंघ नें किरपान नूं आराम नाल किल्ली तों लाहिआ। उहदे मत्थे विच फ़ैली गैस दा दबाओ घटणा शुरू हो गिआ। उह टिकाओ विच आ गिआ।

सटेन फहड़ के बिल्लू चुबच्चे दे परले पासे खलोते गुरजीत कोल गिआ ते हौली जिही उसदे कंन विच खुसर-फुसर कीती, “होर नहीं तां इहदे पिओ माइआ राम दा सुनेहां तां इहनूं दे ई जाईए। इहनूं वी कंन हो जाण!” धिआन देण ते ज़ोर लाउण दे बावजूद वी अरजन सिंघ नूं बंबी दे चुबच्चे विच डिग्गदे पाणी दे शोर विच उहनां दी गल्ल नां सुणी।

तुरन लग्गे आगू गुरजीत दे मन विच पता नहीं की गल्ल आई, कहिंदा, “चंगा बापू जी! वाहिगुरू जी का ख़ालसा; वाहिगुरू जी की फ़तहि!”

अरजन सिंघ उहनां नूं बड़ी भैड़ी बद-असीस देणी चाहुंदा सी। जिहड़ी करतूत उहनां नें परसों कीती सी, उहदे लई तां उह वड्डी तों वड्डी सज़ा दे हक्कदार सन। उहनां नें उहदे इशट दा कतळ कीता सी! उहदे रहिबर दा!

पर उसदे मूंहों निकल गिआ:

“वाहर जी का ख़ालसा पुत्तरो! जिऊंदे वस्सदे रहो।”

उहने जांदे तिंनां मुंडिआं दीआं पिठ्ठां वल्ल वेखिआ। इक पल उहनूं जगजीत, हरजीत ते फुंमण जांदे लग्गे।

आपणे आप ‘ते हासा वी आइआ। इक दम की हो जांदै उसनूं! कदी अग्ग दा बलदा गोळा; कदी पिघली होई बरफ़!

दो तिंन ‘जाण-पछाण’ वालीआं चिड़ीआं उहदे लागे आ के ‘चूं! चूं’ करन लग्गीआं।

“दाणा दे! दाणा दे!” निआणिआं वाली ज़िद!

बरफ़ पिघल गई। बंबी वाले कोठे विच गिआ ते मिट्टी दे वड्डे मघ्घे विच इसे मकसद लई रख्खे, कणक, बाजरे ते चौलां दे टोटे दी मुठ्ठ भर लिआइआ। चुबच्चे दी चौड़ी बंनी ‘ते थोहड़ी जिही मुठ्ठ ढिल्ली कीती तां तिंन चार होर चिड़ीआं वी पता नहीं किधरों आण टपकीआं। उह लागे खलोता उहनां दीआं तेज़ चल्लदीआं निक्कीआं निक्कीआं चुंझां, ढुकवां थां बदलण लई टपूसीआं लाउंदे पैरां ते फड़कदे खंभां नूं निहारन लग्गा किसे डूंघ विच उत्तर गिआ।

देश दी वंड तों पहिलां दे दिन। जवानी दा वारा पहिरा! उहदे अजीब शौक! कुक्कड़, कबूतर ते बटेरे पालणे। उहनां नूं चांदी दे वरकां विच बदामां, मेविआं ते मुनक्किआं दा चूरा लपेट के खवाउणा। फिर कुक्कड़ां, बटेरिआं दी लड़ाई ते कबूतरां नूं उडाउण दीआं शरतां लाउणीआं।

इक वार तरनतारनों मस्सिआ वेख के आउंदिआं उसनूं आपणे बेली फज्जे तेली दी दस्सी गल्ल याद आई, “झबाल अड्डे ‘ते माइआ राम मशीन वाला जनौरां दा बड़ा वधीआ दाणा रख्खदै। अगले गेड़े जदों मस्सिआ गए तां ओथों हुंदे आवांगे।”

उहने घुग्गू दी आवाज़ दी सूह नाल मशीन लभ्भ लई। माइआ राम कंडे ‘ते बैठा दाणे जोख रिहा सी। इक्क मुंडा चल्लदी मशीन अग्गे पीसीदा आटा पाउण लई बोरी लाई खड़ा सी।

“शाह जी! जनौरां लई दाणा चाहीदै।”

“जिंनां चाहें जवाना!” माइआ राम आप उठ्ठ के इक्क नुक्कर वल्ल वधिआ। उहने दो दो सेर दीआं गुत्थीआं चुक्क के पासे करदिआं किहा, “आह लै कंगणी, आह बाजरा, आह चौलां दा टोटा ते आह-।”

पंज सत्त थैलीआं अरजन नें पासे रखवा लईआं। बोझे विच हत्थ पाइआ तां हत्थां दे तोते उड्ड गए। हत्थ शरमिंदा होइआ बोझे विचों हेठां निकल गिआ। सोलां रुपए सन गंढ दे पल्ले। किसे नें मस्सिआ विच उहदी गंढ खिसका लई सी। निराशा विच सिर हिला के उहने आखिआ, “शाह जी! रहिण दिओ दाणा। कोई गंढ कप्प दाअ ला गिआ पैसिआं नूं।”

उसने आप ही दाणे वालीआं गुत्थीआं चुक्क के टिकाणे सिर रख्खणीआं शुरू कर दित्तीआं तां माइआ राम कहिंदा, “जवाना! गुत्थीआं लै जा। पैसे आपे आ जाणगे! पैसिआं दा फिकर नां कर तूं।”

उह माइआ राम दी सख़ावत ते दरिआ दिली ते हैरान! चंगे भले जाण-पछाण वालिआं नूं वी कोई छेती कीते हुधार नहीं दिंदा। उस नाल तां माइआ राम दी नां कोई जाण नां पछाण। नां उहदे पिंड दा उहनूं कोई थहु पता। पहिली वार इक दूजे नूं मिले।

“शाह जी! दाणा तां मैं लै जाऊं पर पहिलां मेरा इक्क शंका नविरत करो।”

“पुछ्छ जवाना!”

“नां तुसीं मैनूं जाणों, नां पछाणों। नां मेरे अग्गे-पिछ्छे दा तुहानूं कोई पता। कल्ल्ह नूं मैं तुहाडे पैसे देण आवां ई नां! तुसीं इह नहीं सोचिआ कि मैनूं कित्थों लभ्भोगे!”

माइआ राम खिचड़ी मुछ्छां ‘चों मुसकराइआ।

“जवानां! मैनूं पतै मेरे इह पैसे मुड़ आउणे नें। तूं पुछ्छ किउं? भलिआ-माणसा! जिहड़ा बंदा पंछीआं जनौरां नूं दाणा पाउंदै, उह मेरे पैसे कदी मार ई नहीं सकदा!”

माइआ राम दे चिहरे ‘ते जगदा सवै-विशवास उहदे आपणे चिहरे ‘ते सवै-माण दी आभा बण के लिशक उठ्ठिआ। उसने अग्गे वध के माइआ राम दे गोडिआं नूं हत्थां विच घुट्ट लिआ।

“शाह जी, तुहाडे पैसे तां अज्ज-भलक विच ख़रे हो जाणगे। पर जे अग्गों किधरे जिंदगी विच मेरा किसे गल्लों कदे बेईमान बणन नूं जीअ कीता वी तां तुहाडा भरोसा मैनूं डिग्गदे नूं संभाल लिआ करू।”

माइआ राम दे बोलां नें पता नहीं उहनूं की कर दित्ता सी! उह कुझ होर दा होर सोची जा रिहा सी; होर दा होर हुंदा जा रिहा सी! बार बार आपणे आप नूं सवाल करदा, “की मैं वाकिआ ही बड़े दरदमंद दिल वाला हां! की मैं पंछीआं-जनौरां नूं इसे करके चोगा पाउंदा हां किउंकि मैं उहनां नूं दिलों बड़ा पिआर करदा हां ते उहनां दी चोगे दी लोड़ ते भुख्ख मैनूं आपणी लोड़ ते भुख्ख वांग लग्गदी है! कि कोई होर वी गल्ल है इस पिछ्छे?

डूंघे अंदरों लभ्भ के उहदे मन नें आखिआ, ‘होर गल्ल वी है इसदे पिछ्छे!’

उह गल्ल है की? उसनूं इसदा जवाब अंदरों मिलिआ नां।

अगले दिन ही उहनूं कुक्कड़ां दी लड़ाई लई लग्गी शरत भुगताउण लागले पिंड जाणा पैणा सी।

लड़ाई लई उहदा ‘लाल सिरा’ पूरी तिआरी विच सी। फ़ैसला देण वाले पंच इक पासे वड्डे मंजिआं ‘ते बैठे सन। मुख्ख पंच दीवान चंद दे हत्थ विच मघदे हुक्के दी नड़ी सी। लड़ाई कराउण वाला पंच शहाबुदीन अखाड़े विचकार खलोता सी। उसने कुक्कड़ां दे मालकां नूं आवाज़ दित्ती। दोवें मालक मैदान दे अध्ध विचकार पहुंचे। अरजन नें लाल-सिरे दी कलगी नूं चुंमिआं, उहदी धौण ‘ते हत्थ फेरिआ ते हत्थों निकल निकल जांदे जनौर नूं लड़न लई छड्ड दिता।

दोवें कुक्कड़ नीवीआं ते लंमीआं धौणां करदे भलवानां वांग दाअ लाउण लई गेड़ीआं कढ्ढण लग्गे। दो-तिंन चक्कर ला के विरोधी कुक्कड़ पैर जमा के खलो गिआ ते इक पल लई लाल-सिरे दीआं अख्खां विच अख्खां पा के उस ‘ते सिध्धा भरपूर हमला कर दित्ता। लाल-सिरा मुकाबले लई तिआर सी। दोवें हवा विच उछ्छले। ज़मीन ‘ते पैर लाउंदिआं लाल-सिरा थोड़ा कु पिछ्छे नूं उल्लरिआ। पर छेती ही संभल गिआ। अखाड़े विच शोर दी इक्क लहिर उठ्ठी। दोवां धिरां दे हमाइती आपणे आपणे पठ्ठे नूं ललकार रहे सन। भख़े मैदान विच दोवें कुक्कड़ हट हट के हमला करदे। बराबर दा जोड़। जे इक पल लई इक्क दा हत्थ उत्ते हुंदा तां दूजे पल दूजा हावी हो जांदा। हवा विच ललकारे ते आवाज़ां गूंज रहीआं सन। युध दा लंमां समां। दोवें इक्क-दूजे ‘ते हट हट के वार करदे। लड़दे लड़दे हवा विच उछ्छलदे। डिग्गदे, उठ्ठदे ते फिर जुट्ट पैंदे। दोवें ज़ख़मी ते लहू-लुहान! लड़ाई दे अंतम पल। पता नहीं की होइआ! दोवां नें हट के टक्कर मारी। हवा विच उछ्छले ते फिर दोवें इक वारगी धरती ‘ते डिग्गे। विरोधी कुक्कड़ हरफ़लिआ होइआ उठ्ठिआ ते मैदान विचों बाहर भज्ज गिआ। ‘लाल-सिरा’ अजे वी ज़मीन ‘ते विछिआ पिआ सी।

अरजन नें ललकारा मारिआ, “उठ्ठ उए मेरे शेर बच्चिआ! छाल मार। ऐली ऐली कर। मैदान खाली हो गिआ ई।”

जित्तण लई जेतू कुक्कड़ दा मैदान विच खड़ा होणा लाज़मी सी। ‘लाल-सिरे’ नें उहदी ललकार सुणी। उठ्ठ के खंभ फ़ड़फड़ाए। लंगड़ाउंदा होइआ एधर ओधर नज़र दौड़ा के दुशमण नूं लभ्भण लग्गा।

ओधर उहदी जित्त दा ऐलान होइआ; ओधर लड़खड़ा के तुरदे लाल-सिरे नूं अरजन नें भज्ज के जा चुक्किआ ते आपणे गळ नाल घुट्ट लिआ। उसने उहदी ज़ख़मी धौण ‘ते हत्थ फेरिआ। हत्थ लहू विच भिज्ज गिआ। त्रिप! त्रिप! उहदा चिट्टा कुड़ता वी लाल हो गिआ। सहिम के उसने लाल-सिरे दे मूंह वल्ल वेखिआ। लाल-सिरे नें पीलीआं भूरीआं पलकां विचों अरजन वल्ल वेखिआ। ते फिर जिवें उहदीआं अख्खां अग्गे भंबू-तारे नच्चण लग्गे होण। उहदीआं खुल्ल्हीआं अख्खां कंबदीआं कंबदीआं हौली हौली मिचण लग्गीआं ते अगले पल उह अरजन दीआं बाहवां विच लुड़क गिआ।

“उह मेरिआ रब्बा!” अरजन नें धाह मारन वरगी आवाज़ कढ्ढी।

दुख-सुख दा केहा अजीब सुमेल सी! अरजन नूं वधाईआं वी मिल रहीआं सन; आख़र उह सौ रुपए दी शरत जित्तिआ सी ते इह कोई छोटी रकम नहीं सी! पर नाल ही उस नाल ‘लाल-सिरे’ दी मौत दा अफ़सोस वी सांझा कीता जा रिहा सी।

अरजन नें लाल-सिरे दी लोथ हिक्क नाल घुट्टी ते पग्ग दे लड़ नाल अख्खां पूंझदा अखाड़े ‘चों बाहर निकलण लग्गा। मुख्ख पंच दीवान चंद नें अग्गे वध के वधाई दिंदिआं ते उसदे हत्थ विच सौ दा नोट फड़ाउंदिआं दुख्ख सांझा कीता, “अरजन सिअहां! तेरा ‘लाल सिरा’ तां भरावा वड्डे वड्डे रणां दा जेतू सी। इहो जिहे शेर किते रोज़ रोज़ जंमदे नें!”

“नहीं चाचा! मैं आपणे पुत्त दी मौत दा मुल्ल नहीं लैणा!”

उसने नोट वापस मोड़दिआं किहा, “जिधर गईआं बेड़ीआं ओधर गए मलाह! जित्थे इह गिआ, ओधर गईआं इहदीआं जित्तीआं शरतां!”

दीवान चंद नें नोट उहदे बोझे विच तुंन दित्ता।

उह आपणी ढाणी नाल पिंड नूं तुर पिआ। उहदे साथी फज्जे तेली नें आखिआ, “सरदार! आपणा लाल-सिरा मैदान विच शहीद हो गिआ। रण-तत्ते दा सूरमा! इहदी तां यादग़ारी समाधी बनाउणी चाहीदी है।”

“उए चल्ल उए बिज्जूआ जिहा। मूंह नां चंगा होवे तां बंदा गल्ल तां चज्ज दी करे। जा के मसाला ला के भुंन के खांदे आं। सौ दा खड़ खड़ करदा नोट जट्ट दे बोझे ‘च आ। ठेके दीआं दो बोतलां लैंदे जांदे आं। जशन होऊ अज्ज तां।” अरजन दे चचेरे भरा प्रीतू नें फज्जे नूं झिड़किआ तां अरजन नें लाल गहिरीआं अख्खां नाल उस वल्ल घूर के वेखिआ।

फिर नहीं सारे राह किसे नें गल्ल कीती।

घर जा के चिट्टे लठ्ठे दे नवें कप्पड़े विच ‘लाल-सिरे’ नूं लपेटिआ ते हवेली दी इक्क नुक्करे टोआ पुट्ट के उसनूं ज़मीन विच नप्प दित्ता। उसदी नवीं बणी ‘समाध’ दे सिरहाणे बहिंदिआं अरजन नें पुठ्ठे हत्थ नाल सभ नूं तुर जाण दा इशारा कीता। फज्जा उहदे मोढे नूं घुट्ट के उहदे कोल ही बहि गिआ।

“फज्जिआ! मैनूं कल्ल्ह पंडत माइआ राम नें जिहड़ी गल्ल आखी सी उहदी सोझी तां मैनूं हुण आई ए। उह शाइद मैनूं बड़ा दिआलू ते दइआवान समझदा सी। पर मेरा कंम तां है सी शरता लाउणीआं ते जित्तणीआं! वधाईआं लैणा, जित्त दे जशन मनाउणा। वधीआ जनौर पालण दी सरदारी दा माण करना ते नाल लोकां दी बल्ले! बल्ले! सुण के ख़ुश होणा! इह सी ‘उह होर गल्ल’ जिसदी मैनूं समझ नहीं सी पई! पर शरतां निभाउंदे आपणे जनौरां दा हुंदा घाण ते उहनां दी तकलीफ़ मैं कदी इसतरहां महिसूस नहीं सी कीती। शाइद महिसूस तां मैं करदा सां पर--”

माइआ राम दी गल्ल नें उसनूं होर ही पासे सोचण ला दित्ता सी। उहनूं लग्गा; उह माइआ राम अग्गे पूरा सच्चा नहीं! उह निरसवारथ हो के नहीं सी पंछीआं जनौरां नूं चोगा पाउंदा। इस पिछ्छे तां उसदा आपणा लालच सी। आपणा मकसद। उहदे ‘पहिलवान’ सरीरों तकड़े रहिण ते जित्तां ते मल्लां मार के आउण। उह एडा दिआलू ते दइआवान कित्थे सी!

अगले दिन सवेरे ही लस्सी-पाणी पी के उह ते फज्जा घोड़ी लै के माइआ राम दा करज़ लाहुण झबाल नूं तुर पए। माइआ राम दा हुदार उहदे हत्थ फड़ा के अते ‘लाल-सिरे’ दी मौत दी कहाणी सुणा के अरजन कहिंदा, “शाह जी! तुसीं तां मैनूं बड़े दरदमंद दिल वाला बंदा समझिआ सी, जिहड़ा जनौरां नूं रब्ब दे जीअ समझ के दाणा पाउंदां; पर मैं तां असल विच धुर अंदरों किते ज़ालम सां। सच्ची पुछ्छदे ओ मैं तां कातल आं आपणे ‘लाल-सिरे’ दा। तुहाडे पैरां दी सहुं। जनौरां नूं दाणा तां पाऊं, पर शरतां ते मुकाबले अग्गों तों सदा लई बंद।”

फिर कई दहाके बीत गए, उह गभ्भरू-जवान तों बाबा बण गिआ। शरतां लाउणीआं तां दूर उसने पंछी, जनौर रख्खणे ही बंद कर दित्ते पर उहनां नूं दाणा पाउणा नां छड्डिआ। उसने हवेली विच वी पाणी दा वड्डा कुज्जा इक्क नुक्करे रख्खिआ होइआ सी ते सवेरे शाम ओथे जानवरां लई दाणा खिलारदा सी। चिड़ीआं, गुटारां, घुग्गीआं उसदे दुआले बेख़ौफ़ हो के टपूसीआं मारदीआं। दाणा चुगदीआं। कदी कदी कोई उहदे मोढे ते हत्थां ‘ते वी आ बैठदी। खेतां विच वी बंबी वाले कोठे विच उसने दाणिआं वाला कुज्जा एसे मकसद लई रख्खिआ होइआ सी। पुत पोतरे कहिंदे सन कि बापू तां फ़सलां दा नास मारन लई जनौरां नूं आप ‘रोटी वरजदै!’

पर उह हस्स के आखदा, “एहनां जनौरां दे पैरां पिछ्छे ई रब्ब सानूं रोटी दिंदै।”

- उहने मुठ्ठ विच रहि गए दाणे वी चुबच्चे दी बंनी ‘ते खिलार दित्ते ते चिड़ीआं नूं चोग चुगदिआं वेख डूंघी उदासी विच डुब्ब गिआ।

मुंडे शाइद उहनूं ही मारन आए सन पर पता नहीं किउं छड्ड गए! इसे गुरजीत नें, जिहड़ा हुण सवै-सिरजत ‘लैफ़टीनैंट जनरल’ बणिआं होइआ सी, आपणे दसतख़तां वाले पैड ‘ते माइआ राम दे कतळ दी जिंमेवारी ओटी सी। नब्बे साल दा बुढ्ढा माइआ राम मार के उह बड़ी सरहंद फ़तहि कीती समझदे सन! माइआ राम दी अगली औलाद नें वी बथेरी कमाई कीती सी। शैलर ला लए सन। कप्पड़े दी वड्डी दुकान चल्लदी सी। होर कारोबार वी सन। इहनां नें माइआ राम नूं अगवा कर लिआ सी। पंज लख्ख मंगदे सन।

‘समें सिर’ पैसे नां पहुंचे ते विचारा माइआ राम!

कल्ल्ह दी अख़बार विच लहू विच भिज्जी माइआ राम दी लाश दी तसवीर वेख के अते उहदी मौत दी जिंमेवारी लैंदी ‘लैफ़टीनैंट जनरल’ गुरजीत सिंघ दी चिठ्ठी दा हवाला पहड़ के अरजन सिंघ बौंदल गिआ सी। माइआ राम अजे वी मुसकड़ीआं विच हस्सदा उसनूं कहि रिहा सी, “जिहड़ा बंदा पंछीआं जनौरां नूं दाणा पाउंदै, उह मेरे पैसे कदी मार ई नहीं सकदा!”

“ते जिहड़ा कोई गुरू दा सिंघ अखवाए, उहदा दस्सिआ बाणा पाए, उहदी बाणी दा पाठ करे ते फिर तैनूं ही मार दए माइआ रामा, गुरू दे सिख्ख नूं! उह गुरू दा की लग्गदा ए!”

उहदे अंदरों हौका निकलिआ।

उहनां नें उहदे इशट दा कतल कर दित्ता सी।

पहिलीआं दो मिलणीआं तों बाअद उह माइआ राम दा मुरीद हो गिआ सी।

“शाह जी! तुसीं मैनूं दुनीआं नूं वेखण वाली नवीं नज़र दित्ती है। तुसीं मेरे गुरू ओ।”

“राम राम कहु सरदार अरजन सिअहां! मैं पापी बंदा। तक्कड़ी नूं ठूंगा मारन वाला। छोटीआं मोटीआं बेईमानीआं करन वाला। एना भार नां मेरे सिर ‘ते चाहड़।”

पर अरजन सिंघ दे मन विच, सालां दे साल बीत गए, माइआ राम दी कदर जिउं दी तिउं काइम सी। उह जदों वी कदी दोंह चहुं-महीनीं ओधर लंघदा, उचेचा माइआ राम दे गोडिआं नूं हत्थ ला के आउंदा।

अरजन सिंघ आखदा हुंदा सी कि उसदा गुरू, उसदा इशट तां टोटो टोटो हो के छोटे छोटे टुकड़िआं विच सारे बंदिआं विच बैठा होइआ है।

अज्ज इहनां ‘गुरू दे सिंघां’ नें माइआ राम दे अंदर बैठा अरजन सिंघ दे ‘गुरू’ दा इक हिस्सा कतळ कर दित्ता सी।

उसने तुरे जांदे ‘जरनैल’ दे हत्थ विच फहड़ी सटेन ‘ते नज़र मारी तां माइआ राम तड़फ़दा दिखाई दित्ता। ‘बाज़’ ‘चिड़ीआं’ नूं ‘तोड़’ रहे सन। उहदे आसे पासे माइआ राम दी मौत ‘ते वैण पाउंदीआं चिड़ीआं चिचला रहीआं सन।

उहदे अंदरों हाअ वरगा हौका निकलिआ, “सच्चिआ पातशाह! इह केहा सितम एं कि बाज़ तेरा ही नां लै लै के तेरीआं चिड़ीआं नूं तोड़ रहे नें!”

उहनां दे काबू आए माइआ राम नूं जदों ‘लैफ़टीनैंट जनरल’ दे नां दा पता लग्गा सी तां उसनूं उहदा पिंड वी पता लग्ग गिआ सी। अख़बारां विच दूजे चौथे दिन उहदा नां अख़बारां विच छपदा ही तां रहिंदा सी। माइआ राम नें उसनूं ओसे पिंड दा जाण के अरजन सिंघ दी पछाण अते मित्तरता दा वी वासता पाइआ सी। गुरजीत सिंघ नें उदों ज़हिरी हासा हस्सदिआं किहा सी, “कोई गल्ल नहीं; उहनूं पाग़ल बुढ्ढे नूं वी तेरी फतहि बुला आवांगे।”

कमाद दे ओहले होण तों पहिलां बिल्लू नें धौण भुआ के उच्ची आवाज़ विच आखिआ, “बाबा! माइआ राम मरन तों पहिलां तैनूं ‘आपणी राम राम’ बुलाउंदा सी!”

तिख्खा तीर खुभ गिआ उसदे कलेजे विच!

“ओह! ज़ालमों!! मैनूं एहो गोली मारन आए साओ एथे!”

- कलेजा घुट्ट के उह कणक दे किआरे दा पाणी वेखण तुर पिआ। होर पंज कु मिंट तक्क किआरा बंने लग्ग जाणा सी।

अचनचेत वेखिआ; उहनां दे खेतां नूं आउंदी कच्ची सड़क ‘ते पुलिस दीआं दो जीपां धूड़ उडाउंदीआं आ रहीआं सन। बंबी कोल आ के जीपां रुक गईआं ते पुलिस ते सी आर पी दी धाड़ दी धाड़ बाहर निकल के उस वल्ल वधी। कोल आ के थाणेदार कहिण लग्गा:

“सानूं पक्की सूह मिली ए कि मुंडे एधर आए नें। तेरी बंबी ‘ते नहाउंदिआं वेखे नें किसे नें। पंज मिंट नहीं होए अजे इस गल्ल नूं। बुढ्ढिआ! बंदा बण के दस्स दे कित्थे लुकाए ई?”

अरजन सिंघ दे सिर नूं गुस्से दी कांग चहड़ी, “बंदा तां मैं सारी उमर बणन दी कोशिश विच लग्गा रिहां पर बंदा बणिआं ई नहीं जा सकिआ। पर सरदारा! बंदिआं वाली ज़बान ‘च गल्ल करनी तैनूं वी नहीं आउंदी। मैं वी गुरू दा सिख्ख आं ते वेखण नूं तां तूं वी इंझ ई लग्गदैं। इक बज़ुरग नाल, जिहड़ा दस साल पिंड दा सरपंच वी रिहा होवे, गल्ल-बात करन दा इह किहड़ा सलीका ते किहड़ा तरीका ए भाई!”

थाणेदार कोई नवां ही आइआ लग्गदा सी, जिहड़ा अरजन सिंघ दा जाणू नहीं सी। अरजन सिंघ दी झाड़ सुण के थोहड़ा कु झेपिआ ज़रूर पर फिर संभल गिआ।

“मेरे नाल बहुता गिआन नां घोट ते सिध्धी तरहां दस्स उह एथों गए किधर नूं नें?”

सी आर पी दा इंसपैकटर तिवाड़ी अरजन सिंघ नूं जाणदा सी। अरजन सिंघ पिछले दिनीं किसे कंम लई उसनूं दो-चार वार मिलिआ वी होइआ सी। गल्ल-बात दी वाग-डोर तिवाड़ी नें आपणे हत्थ लैणी चाही, “बाबा जी! नराज़ मत्त होईए। आए तो वोह इधर ही हैं आप के पास।”

बिल्लू दी बोली नें अरजन सिंघ दा कलेजा चीरिआ होइआ सी।

अज्ज उहनूं आपणे पुत्त जगजीत सिंघ दा पैंतड़ा वी ठीक ही लग्गा। भावें पहिलां कदी इस बारे उसदी सहिमती नहीं सी होई।

“इहनां कातल टोलिआं नाल तां बेकिरक हो के नजिठ्ठण दी लोड़ ए। इस तों पहिलां कि उह तुहाडे ‘ते वार करन तुहानूं उहनां ‘ते वार कर देणा चाहीदा ऐ। जदों कोई तुहाडे खिलाफ़ हथिआर चुक्क के तुर पिऐ, फिर इह नां वेखो कि उसदा कसूर किंना कु है ते किंना कु नहीं! मौका मिले तों पहिलां आपणा वार कर दिओ। कोई लिहाज नहीं, कोई तरस नहीं। इह किहड़ा किसे ‘ते तरस खांदे नें!” उस अंदरों उसदे पुत्तर जगजीत दी पारटी-लाईन बोलण लग्गी।

उसनूं खुद ‘सरकारी’ होण तों बड़ी चिड़ सी। सरकार अते सथापती नाल तां उहदा ख़ानदानी वैर सी। भावें उहने आप ही घर दे मुहाज़ ‘ते लड़न दा निरणा लिआ होइआ सी ते ‘बाहरली वड्डी लड़ाई’ लई बापू इंदर सिंघ समरपित सी तद वी कदी कदी उहदा बाग़ी आपा उछाल मार जांदा रिहा सी। पंजाबी सूबे दे मोरचे विच तां उह बापू इंदर सिंघ नाल जेल्ह विच आप वी गिआ सी। ख़ुश हैसीअती टैकस दे विरोध विच उठ्ठी कमिऊनिसट लहिर विच वी दोवें पिओ-पुत्त ग्रिफ़तार होए सन। उंज ते जगजीत दी सारी उमर वी सरकार दीआं वधीकीआं नाल लड़दिआं ते मुलाज़म घोल करदिआं लंघी सी। इक वार मुलाज़म मंगां लई उह लंमी भुख्ख हड़ताल ‘ते बैठा सी तां उह मरदिआं मरदिआं मसां बचिआ सी। उहनीं दिनीं तां अरजन सिंघ नूं उस ‘ते अंतां दा मोह ते लाड आइआ सी। मोह तां उहदे अगांहवधू विचारां ते करमां नूं उह अजे वी करदा सी। उस ‘ते माण वी सी उसनूं। योधा सी उह वी उहदे लई। पर अज्ज कल्ल्ह उसदे इस ‘सरकारी पैंतड़े’ नाल उहदी सहिमती नहीं सी। किसे मुंडे नूं विंहदिआं जां फहड़दिआं ही अगले नूं गोली मार देण दा सरकार ते पुलिस दा फ़ैसला उसनूं हज़म ही नहीं सी हुंदा।

“तूं ते तेरी पारटी तां हुण असलों ई सरकारी हुंदी जांदी ए। तूं वी सरकारी बंदा बणदा जांदा एं जगजीत सिअहां!”

“ बापू जी, साडे हीरिआं वरगे कामरेड इहनां मुंडिआं नें शहीद कर दित्ते। असीं इहनां नूं माफ़ किवें कर दईए? इहनां खिलाफ़ बेकिरक लड़ाई लड़न दी ही लोड़ है।”

इह बहिस उहनां दे परिवार विच पिछले तों पिछले महीने बड़ा डाढा ज़ोर फहड़ गई सी। रात नूं टब्बर विच बैठिआं उह गल्लां-बातां कर रहे सन कि ‘लहीआं दी पत्ती’ दा परताप सिंघ ते उहदे भाईचारे दे दो-तिंन बंदे उहनां दे घर आए सन। उहनां दे ‘बेकसूर’ मुंडे परमजीत नूं परसों बाबा बुढ्ढा साहिब दे गुरदुआरे टब्बर नाल मत्था टेकण जांदिआ नूं सी आर पी वालिआं नें टराली तों लाह लिआ सी। कल्ल्ह उह मुंडे दे पिछ्छे गए सन, पर सी आर पी वाले कहिंदे सन; पुलिस नूं पुछ्छो, असीं तां फहड़ के बंदे पुण-छाण लई पुलिस नूं ही दे दिंदे आं। जे इस नां दा कोई मुंडा होइआ तां पुलिस नूं पता होऊ। अग्गों पुलिस उहनां नूं कोई निआं नहीं सी दिंदी। सवेरे उहनां पुलिस कोल फेर जाणा सी ते उह अरजन सिंघ नूं आखण आए सन कि उह उहनां दे नाल जावे। पुराणा सरपंच रिहा होण कर के, गल्ल-बात दा सलीका जानण करके ते दलील विच ज़ोर होण कर के अजे वी लोक उहदा आसरा तक्कदे रहिंदे सन। उह इस लई वी आए सन कि जगजीत सिंघ दी डी ऐस पी नाल वी नेड़ता सुणींदी सी। जे उह वी डी ऐस पी नूं आख देवे तां!

उहनां दे जाण तों बाअद जदों अरजन सिंघ नें किहा, “जगजीत! कर विचारे ग़रीब जट्ट दी मदद; जे कुझ कर सकदा एं तां!”

“बापू जी, मैं तां कातलां दे टोले नाल दुशमणां वांग नजिठ्ठण दे हक्क विच आं। मापिआं दे इस ‘बेकसूर’ मुंडे नें की पता किंने बेकसूर लोकां दा घाण कीतै! पिछले तिंन महीने इह घरों मुंडिआं नाल भज्जिआ रिहै। उहनां नाल दीवाली वेखण तां नहीं सी गिआ! मैं तां तुहानूं वी रोकूं। पर तुसीं तां आपणी मरज़ी ई करनी हुंदी ए। किहड़ा किसे दी सुणनी जां मंनणी हुंदी ए!”

उसने तां असलों हत्थ खड़े कर दित्ते सन।

मुंडा हरजीत दा विदिआरथी रिहा सी। उसने कोलों गवाही दित्ती, “बापू जी, मुंडे नें पिछले साल ही अजे दसवीं कीती ए। मेरे कोल पहड़दा सी। पहड़दे समें निहाइत बीबा मुंडा सी। हुण हर घर ते हर बहिक ‘ते तां जदों जी करे मुंडे आ वड़दे नें। इहनां दी बहिक ‘ते वी आउंदे-जांदे सन। उहनां दीआं गल्लां, बदामां दीआं गिरीआं ते हथिआरां दे रुमांस नें खिच्च तां उहनूं पा लई ते उह दो महीने घरों भज्जा वी रिहै। पर मापिआं दा इक्को इक्क पुत्त होण कर के इक तां मापिआं नें अगलिआं दे तरले कीते कि साडे पुत्त नूं मोड़ दिओ ते दूजा मुंडा वी उहनां नाल जा के फ़स गिआ महिसूस करदा सी। अजे हफ़ता नहीं होइआ, उह मैनूं मिलिआ सी। उहनूं खुल्ल्हा फिरदा वेख के मैं वी पुछ्छ लिआ तां उह फिस्स पिआ। कहिंदा, “मासटर जी ऐवें चाअ चाअ विच ई उहनां दा झोला चुक्क के तुर पिआ सां। अग्गे तों कंनां नूं हत्थ लाए। जिंनी नहाती ओना पुंन! मैं तां हुण ओधर मूंह नहीं करदा। शुकर ए जिऊंदिआं घर आ गए आं। उहनां नाल बदामां दीआं गिरीआं खाण नालों भुख्खे रहिणा चंगा।”

“तां इह गल्ल है? वाकिआ ई कसूर कोई नहीं उहदा?”

“वेखो जी, मैं तां इह वी पुछ्छिआ सी उहनूं। उहने सहुं खा के आखिआ सी कि उसदा किसे वारदात विच कोई हत्थ नहीं। मैं तां उसनूं जदों इह पुछ्छिआ कि हुण तूं करना की चाहुंदैं! तां बड़ा मासूम जवाब दित्ता, “मासटर जी! मैं तां जिऊणां चाहुंदां!” घरदिआं नाल बाबे बुढ्ढे मत्था टेकण जाण वाले दिन वी उह ‘नविआं’ दी टराली ‘ते बहि के सुख्खणा लाहुण ई जा रहे सन कि उहनां दा पुत्त बाबे दी मिहर नाल जिऊंदा जागदा घर मुड़ आइऐ!”

“फिर तां जगजीत सिअहां मुंडे नूं बचाईए यार किसे तरहां।” अरजन सिंघ नें तरला लिआ।

पर जगजीत नहीं सी मंनिआं। आपणे ‘सिधांतक पैंतड़े’ ते काइम रिहा सी। अरजन सिंघ पिंड दे होर मोअहतबरां नाल मिल के मुंडे दा पता करन जांदा रिहा सी। पहिलां तां पुलिस हत्थ पल्ला ई नहीं सी फड़ाउंदी। पर आख़र उहनां नूं सूह मिल गई कि मुंडा सी आर पी दे इंसपैकटर तिवाड़ी कोल है। उह तिवाड़ी कोल पुज्जे। तिवाड़ी मंन तां गिआ कि मुंडा उहदे कोल है पर उह छड्डेगा नहीं किउंकि अजे उस कोलों पुछ्छ-पड़ताल कर रिहा है! अरजन सिंघ नें दलील दित्ती, “मंन लिआ, मुंडा तुसीं फहड़िआ है। पर पिछले एने दिनां विच मुढली पुछ्छ-गिछ्छ तां हो ई गई होवेगी! जे उहदे ‘च कुझ हुंदा तां हुण तक्क निकल आउणा सी। असीं सहुं दिंदे आं उहदी कि साडे मुंडे नें कीता कराइआ कुझ नहीं। तुहानूं वी पता लग्ग गिआ होणैं। उंझ वी जे कल्ल्ह-कलोतर नूं उहदी कोई गल्ल निकल आवे तां असीं आप मुंडे नूं तुहाडे अग्गे पेश कर दिआंगे।”

तिवाड़ी अरजन सिंघ नूं पासे लै गिआ, “बाबा जी! आपस की बात है। कूएं मे गिरी ईंट तो बाहर सूखी नाहीं निकले। एक लाख परसों तक ले आना और लड़का ले जाना।”

अरजन सिंघ नें दुहाई पाई, “जी उहदा पिओ तां विचारा डाढा गरीब जट्ट ऐ। सिरफ़ साढे तिंन किल्ले पैली। करज़े दा पहिलां ई भंनिआं होइआ। गंजी खाऊ की ते निचोड़ू की! कित्थों दे लऊ तुहानूं लख्ख रुपैआ! एदां गरीब मार नां करो।”

“मैं नें एक बात कहि दी, सो कहि दी। परसों आ जाना। नहीं तो--। येह भी आप के कहिने पर बोल रहा हूं।”

उसने ढठ्ठे दिल नाल आ के सारिआं नूं तिवाड़ी दा फ़ैसला सुणा दित्ता। सारे आखण लग्गे, इस बिनां होर कोई चारा नहीं। मुंडे दी जान नालों पैसे चंगे नें किते! उसनूं तां किसे तरहां बचाउणा ई होइआ!

तिवाड़ी नूं मिलण जाण वाले दिन अख्खां दे कोइआं विच पाणी अते कंबदे हत्थीं परताप सिंघ, अरजन सिंघ कोल आइआ, “जथेदारा! की करीए हुण। मैं तां सारे अंगां साकां दे खल्लां-खूंजे फ़रोल लए। मेरे कोलों तां मसां तीह हज़ार होइऐ। नंबरदार हरसा सुंह नूं ज़मीन लिखा लैण नूं किहै मंन वी गिऐ उह। पर उहदे आहड़तीए नें पैसिआं दा परसों दा करार कीतै।”

अरजन सिंघ नें आपणे घर पिआ दस हज़ार रुपैआ वी फहड़ लिआ। उह तिवाड़ी कोल गए। अरजन सिंघ नें हत्थ जोड़े, “तिवाड़ी साहिब! आह चाली हज़ार फहड़ो हाल दी घड़ी। अजे सारा ताण ला के मसां एना ई सरिऐ। कल्ल्ह जां हद्द परसों तक्क बाकी पैसे मैं आप लै के आऊं। पर अज्ज मिहरबानी कर के मुंडा सानूं दे दिओ। तुहाडे अग्गे हत्थ बंनहदे आं।”

तिवाड़ी नें नोटां दी दत्थी वापस मोड़दिआं किहा, “मैं नें एक बात करी थी आप से। वोह भी गुरू का सिख्ख जान कर। अभी भी शाम तक्क का समें है आप के पास। पैसे ले आओ, लड़का ले जाओ!”

निरास होए उह वापस परते सन। तिवाड़ी दे आखे शबद, “गुरू का सिख्ख जान कर!” उहनूं लाहनतां पा रहे सन। उह गुरू अग्गे शरमिंदा सी। उहने हत्थ जोड़े, “सच्चिआ पातशाह! मैं दल्ला नहीं। तूं वी जाणदैं मैं कदी इहो जिही दलाली नहीं कीती। की करदा मैं? मेरा मुंडा हुंदा तां मैं लड़दा। धरने दिंदा। भीड़ां इकठ्ठीआं करदा। अख़बारां कोल जांदा। लड़ाई लड़दा। पर एथे की करदा? मुंडे दे घर दे तरले लैंदे सन, हत्थ जोड़दे सन, कहिंदे सन मैं गरम नां होवां! बणदी खेड किते विगड़ नां जावे। जिवें वी होवे, मुंडा छुडवा लईए। परसों विच इक दिन ही तां बाकी है।”

पर मुंडे दी जिऊंदे रहिण दी सध्धर अधूरी रहि गई सी। लख्ख रुपए ते मुंडे विचला इक्क दिन उमरां नालों लंमां हो गिआ सी। शाम तक्क उह ‘वाअहदे मुताबक’ इक्क लख्ख रुपईआ नहीं पुचा सके सन। अगले दिन परमजीत दे ‘मुकाबले’ विच मारे जाण दी ख़बर आ गई सी।

कई दिन परमजीत दे बोल जिहड़े अरजन सिंघ नें हरजीत दी ज़बानी सुणे सन उहदे कंनां विच गूंजदे रहे, “मैं जिऊणा चाहुंदां! मैं जिऊणा चाहुंदां!”

- पर परमजीत, पुलिस अते मुंडिआं विचकार अचनचेत फेर माइआ राम आ के खलो गिआ।

गुस्से विच भरे अरजन सिंघ दा जी कीता पुलिस नूं आखे, “औह जांदे नें ऐं नूं। कमाद दे ओहले होइआं अजे मसां पंज मिंट नहीं होए।”

उह माइआ राम नूं कतल कीते जाण अते हुणे कलेजे विच बरछी वांग खोभी ‘बोली’ दा तत्ते घाह ही बदला लै लैणा चाहुंदा सी। पर उहदीआं अख्खां अग्गे जिऊण लई तरले लैंदा परमजीत आ के खलो गिआ। आखण लग्गा, “मैं जिऊणा चाहुंदां!”

अगले पल परमजीत दा तरला माइआ राम दे तरलिआं विच वट गिआ।

चार चेफ़ेरे आवाज़ां आउण लग्गीआं, “मैं जिऊणा चाहुंदां! मैं जिऊणा चाहुंदां!”

उह दुबिधा विच पै गिआ।

की पैंतड़ा लवे उह हुण?

“आह वेख ताज़ा गंने चूपे होए।” थाणेदार नें दाणा चुगदीआं चिड़ीआं नूं सिशकार के उडाइआ ते चुबच्चे लागे चूप के सुट्टीआं गंने दीआं छिल्लां नूं विखाउण लग्गा

एने चिर विच अरजन सिंघ नें आपणे मन विच पैंतड़ा बणा लिआ सी।

“इक्क मिंट खलो जो।” अरजन सिंघ बंबी नाल लग्गदे कमाद वल्ल वधिआ ते मुंडिआं वल्लों भंने गंनिआं दा आग फहड़ के हौली जिही तुरदा उहनां कोल आइआ। उह उतसुकता नाल वेख रहे सन कि इह की कर रिहा है! अरजन सिंघ चाहुंदा सी कि जिंनां वध्ध तों वध्ध समां लंघा सके चंगा है, ओने चिर तक्क मुंडे थोहड़ा दूर निकल जाणगे। इह उह जाण गिआ सी कि पुलिस वाले हुणे ही किसे वल्लों दित्ती पक्की सूह नाल आए हन। उहनां अग्गे कोरा झूठ बोलिआं हुण गुज़ारा नहीं होणा।

उहनां कोल आ के कहिंदा, “मैं कदों कहिंदां उहनां गंने नहीं चूपे। आह वेखो! भंने होए गंनिआं दे आग। छिल्लां वी ठीक उहनां दीआं नें। पर जित्थों तक्क नहाउण दी गल्ल ए, उह एथे नहाते बिलकुल नहीं। मूंह हत्थ ज़रूर धोता। मैं तां औह गोभी दी पनीरी गोडण डिहा सां। ओथे ई रिहां मैं तां। डरदा सां कि किते मैनूं ई मारन नां आए होण। मैं तां साहब जी कोल ई नहीं आइआ उहनां दे। किहड़ा मौत नूं मासी आखे!” उह जाण बुझ्झ के बेमतलब गल्ल लंमी करी जा रिहा सी।

“बज़ुरगा! बहुतीआं कहाणीआं नां पाई जा। तूं इह दस्स एथों गए किधर नूं नें उह? साडे कोल तेरी रमाइण सुणन दा टैम नहीं।” थाणेदार खिझ गिआ सी।

“गए?” अरजन सिंघ नें जिवें आपणे आप नूं पुछ्छिआ। फिर उह चारे पासे वेखदा चारे दिशावां वल्ल घुंमिआं ते आख़रकार इस सौ अस्सी दरजे दे कोन ‘ते मुंडिआं दे जाण दी बिलकुल उलट दिशा वल्ल हत्थ कर दित्ता, “ऐधर नूं गए नें। मसां पंज मिंट होए होणगे।”

उसदा खिआल सी कि जिंने चिर विच उह उहनां नूं इस पासिओं लभ्भदे निरास हो के मुड़नगे, ओने चिर तक्क मुंडे दूजे पासे दूर निकल जाणगे।

“चल्लो, छेती करो। हरी अप्प।” उह फटा फट गड्डीआं ‘ते सवार होए ते अरजन सिंघ दी दस्सी दिशा वल्ल गड्डीआं भजा लईआं।

उह अंदरे अंदर ‘पुंन दा कंम’ करके ख़ुश सी। माइआ राम उसदे साहमणे आ के खलो गिआ, “मेरे कातलां नूं बचा के तूं चंगा नहीं कीता।”

उह माइआ राम नाल अख्खां नहीं सी मिला सकदा। शरमिंदा जिहा हो गिआ उह!

एने चिर विच बंबी दी बत्ती चली गई। उसने कोठे नूं ताला लाइआ ते किरपान हत्थ विच फहड़ के पिंड नूं तुरन लग्गा। दो कदम ही चल्लिआ सी कि गोलीआं दी गड़गड़ाहट नाल चौगिरदा गूंज उठ्ठिआ। दाणा चुगदीआं चिड़ीआं-गुटारां दा झुंड ‘चीं चीं’ दा शोर करदा उड्ड गिआ। अरजन सिंघ नें कलेजा फहड़ लिआ।

“जाह जांदीए! होणी वरत गई लग्गदी ऐ!”

पर मुंडे तां गोली चल्लण दी उलट दिशा नूं गए सन! ओधर किउं मुड़ गए? किवें मुड़ गए!

अरजन सिंघ दे कदमां नाल पहाड़ बझ्झ गिआ सी। तुरना मुहाल हो गिआ। आपणे आप नूं खिच्चदिआं धूहदिआं उह अजे पिंड नूं जांदी पक्की सड़के चहड़िआ ही सी कि पुलिस दी जीप पिछों आउंदी दिसी। थाणेदार नें बाबे नूं तुरिआं जांदा पछाण के डराईवर नूं जीप हौली करन दा इशारा कीता ते हौली होई जीप विचों उस वल्ल हत्थ हिलाउंदा बोलिआ, “बाबा! वधाई होवे। तेरे दस्से तिंने दे तिंने पंछी फुंडे गए नें!”

ते जीप धूड़ां उडाउंदी थाणे वल्ल भज्ज गई। सपीड फड़ रही जीप दा अनुमान लाउंदिआं नेड़े बैठे हौलदार नें सुझा दित्ता, “बाबे तों ई नां इहनां दी शनाख़त करा लईए!”

“शनाख़तां ते काग़ज़ी कारवाई बाअद दी गल्ल ए। ढेकिआ! पहिलां वड्डे अफ़सरां नूं ख़ुशी दी ख़बर तां सुणा लईए।”

अरजन सिंघ दे तां थां ‘ते ही पैर जंम गए। थाणेदार दे बोल गोलीआं दी गड़गड़ाहट वांग ही उसदे अंदर गूंजण लग्गे।

“बाबा! वधाई होवे। तेरे दस्से तिंने दे तिंने पंछी फुंडे गए नें! तेरे दस्से -–तेरे दस्से--तेरे दस्से-।”

“मेरे दस्से? मेरे दस्से! पर मैं कदों दस्सिआ सी। तूं दस्सिआ नहीं सी? कदो? नहीं दस्सिआ। दस्सिआ सी। नहीं।”

भज्जी जांदी धूड़ां उडाउंदी जीप दा घट्टा उहदे अंदर धुंदूकार बण के फैल गिआ। जीप दी आवाज़ आखी जांदी सी, “अरजन सिंघ साडा मुख़बर! अरजन सिंघ साडा मुख़बर!”

इतिहास दे सारे मुख़बर उहदीआं अख्खां अग्गे घुंमण लग्गे। लोकां दीआं फिटकारां दे मारे होए! उहनां विच उह वी खलोता सी!

उह बौंदल गिआ।

“मेरा की कसूर ऐ इहदे विच? मैं तां नहीं दित्ती उहनां दी सूह!” उस आपणे आप नूं किहा।

सारा ताण ला के ज़मीन नाल चिंबड़ गए आपणे पैर पुट्टे ते पिंड नूं तुरन लग्गा। अख्खां अग्गे बार बार हनेरा आवे।

एने चिर विच एधर मुड़दी सड़क ‘ते थाणेदार जांदा जांदा दो सिपाही खड़े कर गिआ सी। उह पिंड वल्लों एस राहे जाण वालिआं नूं रोक रहे सन, “ओधर मुकाबला होइऐ!”

नाके ‘ते डक्के खलोते दो-चार जणिआं नें साहमणिओं अरजन सिंघ नूं आउंदा वेखिआ।

इक गभ्भरू नें पुछ्छिआ, “बाबा! तहाडीआं पैलीआं कोल होइआ लग्गदै मुकाबला! ओथों कु खड़ाक सुणिआं सी गोलीआं दा! कौण सन भला?”

अरजन सिंघ नूं जापिआ जिवें गभ्भरू नें वी उसनूं टेढे तरीके नाल इहो किहा होवे कि तेरे दस्सण ‘ते ई तेरीआं पैलीआं कोल मारे गए नें मुंडे!

“मैनूं नहीं कुझ वी पता जवानां!” उसने खिझ के आखिआ ते पिंड दे राहे पै गिआ।

“सभ पतै बाबे नूं।” उसनूं पिछ्छों आवाज़ सुणी। इह नाके ‘ते खलोता सिपाही सी, जिहड़ा कुझ चिर पहिलां पुलिस दी जीप विच उहनां दी बंबी ‘ते पुलिस नाल गिआ सी।

सिर विच बंब फटण लग्गे।

“तेरे दस्से तिंने दे तिंने पंछी फुंडे गए नें!--- सभ पतै बाबे नूं!”

लग्गा हुणे सिपाही नें नाके ‘ते खलोते बंदिआं कोल सारी गल्ल खोल्ह देणी ऐं। ते सवेर तक्क उहदी ‘करतूत’ तां बच्चे बच्चे दी ज़बान ‘ते होवेगी।

“मैं नहीं मुंडिआं दा कातल।” उहनां ज़ोर नाल आपणे आप नूं आखणा चाहिआ। पर उहदे अंदरले नें इस आवाज़ नूं सुणनों इनकार कर दित्ता।

घर आउंदिआं तक्क अरजन सिंघ नूं जिहड़ा वी बंदा राह विच आउंदा मिलिआ, उहदीआं नज़रां इहो कहिंदीआं लग्गीआं, “मुंडे मरवा के तूं चंगा नहीं कीता अरजन सिअहां!”

गलीआं दे कख्ख वी उहनूं मिहणे मार रहे सन , “बड़ा पाप कीतै तूं! दुर लाहनत ए तैनूं!”

“मैनूं काहदी दुर लाहनत! दुर लाहनत उहनां नूं जिहड़े बेदोसिआं दे खूंन विच नहाउंदे नें हर रोज़! जिहनां माइआ राम जिही हसती नूं कतल कीतै! नाले मैं तां आपणी वल्लों उहनां नूं बचाउण दी ही कोशिश कीती सी।”

थाणेदार दे बोल उहदे टिकण दा यतन कर रहे मन विच फिर विसफ़ोट करन लग्गदे, “बाबा! वधाई होवे। तेरे दस्से तिंने दे तिंने पंछी फुंडे गए नें! तेरे दस्से -–तेरे दस्से--तेरे दस्से-।”

उह आपणे आप नूं गुनाहगार समझण लग्ग पिआ सी। अज्ज सिपाही नें दस्स सित्ता सी कल्ल्ह नूं थाणेदार नें सारी दुनीआं नूं दस्स देणैं कि मैं ही उहनां नूं मुंडिआं दी सूह दित्ती सी। गल्ल बाहर आउणों तां रहिणी नहीं! बाहर तां आ ई गई ए हुण तां!

पुत्तरां उहदिआं बड़ा समझाइआ, “बापू जी! इस विच तुहाडा कसूर की ए! पहिली गल्ल तां तुसीं उहनां नूं नां फड़वाइआ ते नां मरवाइआ ए। तुसां तां पुलिस नूं उहनां तों उलट राहे तोर के आपणी वल्लों बचाउण दा ही चारा कीता सी। इह तां उहनां दी माड़ी किसमत कि ओसे पासे मोड़ा कट्ट गए ते पुलिस नूं टक्कर गए। जे कसूर गिणीएं वी तां किसे ओस दा ए, जिस नें उहनां नूं आपणी बंबी वल्ल आउंदिआं वेखिआ ते पुलिस नूं सूह दित्ती। तुसीं तां बिलकुल निरदोश ओ। उझ वी उह जिहड़ीआं करतूतां करदे सन, उहनां दी कीती दा फ़ल किसे नां किसे दिन मिलणा ई सी उहनां नूं। कल्ल्ह नहीं तां अज्ज मिल गिआ।”

पर अरजन सिंघ दा मन धीर नहीं सी धर रिहा।

“मैं आपणी अणख़ लई, ख़ानदान दी इज़्ज़त लई आपणा पुत्त तां मरवा सकदां, पर कदी पुलिस दा मुख़बर नहीं बण सकदा!”

ते उहदे पुत्त जगजीत सिंघ नूं उह दिन चेते आए जदों उसने आपणी जथेबंदी दे फ़ैसले अनुसार मुलाज़म मंगां दी पूरती लई चंडीगहड़ विच पंजाह दिन दी लंमी भुख्ख हड़ताल निभाई सी। उदों तां अजे बापू इंदर सिंघ वी जिऊंदा सी। बापू इंदर सिंघ नें किहा सी, “साडा मुंडा ग़लत फ़ैसला लै बैठै। भुख्ख हड़ताल सिरे चहड़ाउणा बड़ा औखा कंम एं। असीं कर कर के वेखीआं नें। मासटर तारा सिंघ ते संत फ़तहि सिंघ नें बिनां कुझ प्रापत कीतिआं मरन वरत तोड़ के आपणी ते कौम दी बड़ी हेठी कराई ए। इह तां फेरूमान रख्ख विखा गिआ ते इहनां वल्लों लबेड़िआ कौम दा मूंह धो गिआ। हुण साडा मुंडा किते सानूं उल्हामां नां दिवा देवे! मेरे ‘च तां इस उमर ‘च जाण दी हिंमत नहीं। जाओ मुंडे नूं दिलबरी दे के आओ।”

जिस दिन उहदा पिओ अरजन सिंघ पिंड दे दस बंदिआं नूं नाल लै के उहनूं भुख्ख-हड़ताल ते बैठे नूं मिलण गिआ सी तां जगजीत दी भुख्ख हड़ताल नूं बत्ती दिन गुज़र चुक्के सन। उह मरन-हार, निढाल होइआ अध्ध मीटीआं अख्खां ‘चों पिंड दे बज़ुरगां वल्ल झाकिआ सी। बाप अरजन सिंघ दी चिट्टी हो गई दाहड़ी वल्ल वेखदिआं उस सोचिआ सी, “पहिलां वड्डे बापू जी दे बिखड़े राहीं तुरन करके मेरे बापू नूं सारी उमर आपणे भैण भरावां दा ते साडा परिवार पालणा पिआ सी। ते हुण भावें मेरे मरन तों बाअद उसनूं मेरा परिवार वी पालणा पै जाए!”

बाप दे उमर भर लंमे संघरश दा धिआन धरदिआं उसदीआं अख्खां विच पाणी भर आइआ सी। पर इह किसे कमज़ोरी दा पाणी नहीं सी। दादे ते बाप बारे सोचदिआं पैदा होए गौरव दा अहिसास सी। उहदी अख्ख दे कोए ‘चों किरदी पाणी दी बूंद उहदे पिउ नें ताड़ लई सी। उसदी आवाज़ गरजी सी, “जगजीत सिंअहां, ‘अजीत’ बण! तेरा पिंड शहीदां सूरमिआं दा पिंड ए। ओस पिंड दे नां नूं वट्टा नां लावीं। आपणे दादे ते पिओ दी चिट्टी दाहड़ी ते उजली पग्ग नूं दाग़ नां लग्गण दईं। वेखीं किधरे राह ‘चों नां मुड़ आईं। पिछ्छे दी फिकर नां करीं। आह तेरे साथी ते वडेरे तैनूं एहो गल्ल आखण आए आं, शहीद होणा पए तां खिड़े मत्थे होईं। घबराईं नां। मेरे गुरू दे पुत्त वी मैदान विचों नहीं सी मुड़े ते मेरा पुत्त वी नहीं मुड़ना चाहीदा।”

बापू दे गरजदे बोल उहदी ताकत बण गए सन ते उहनां दे आसरे उह बाकी अठारां दिन वी कढ्ढ गिआ सी। सरकार नूं उहनां दीआं मंगां मंनण लई आख़रकार झुकणा पिआ सी।

जगजीत नें फेर समझाइआ, “बापू जी! तुहाडा कोई कसूर नहीं। तुसीं ऐवें मन नूं वहिम ला लिऐ।”

“किउं हरजीत सिअहां! जगजीत सुंह ठीक आखदै? मैनूं तां लग्गदै कि सवेरे सारा पिंड मैनूं थूह थूह करूगा।”

“बापू जी की गल्लां करदे ओ! तुहाडा सारा जीवन साफ़ सुथरी सलेट है। असलों बेदाग़! तुहानूं कोई इहो जिही तुहमत किवें ला सकदा ऐ!” हरजीत नें हौंसला दित्ता। उसने कोल खलोते आपणे पुत्त ते भतीजे नूं इशारा कीता ते अगले पल दोवां पोतरिआं नें आपणे दादे दे गल नूं जफ़्फ़ी पा लई।

“साडा बापू दला दा सूरमां। शेर बब्बर” वड्डे पोतरे नें उहदी सफ़ैद दाहड़ी नूं लाड नाल सहिलाइआ।

अरजन सिंघ नूं कोई भुल्ली होई गल्ल चेते आ गई, “बच्चिओ! तुहाडा वड्डा बापू अजे जिऊंदा सी, जद इक दिन मैं सभाउकी उहनूं आखिआ, “बापू जी! तुसीं तां आपणी जिंदगी सोहणी निभा लई; अग्गों साडी वेखीए किवें लंघदी ऐ। तां उहने अग्गों पतै की अखिआ सी? आखण लग्गा, “अरजन सिअहां! पुत्तरा!! काहदी चंगी निभ गई! मेरी पूरी चंगी निभी उस दिन जाणिओं जिस दिन आह चिट्टी दाहड़ी एसतरहां चिट्टी दी चिट्टी ही मेरे नाल महड़ीआं विच सड़ गई। बंदे दा की पता किहड़े वेले कदों कालख़ लग्ग जावे!--”

एनी आख के उस नें दो-तिंन वार नांह विच सिर हिलाइआ।

“बापू तूं तां लै गिओं चिट्टी दाहड़ी नाल आपणे पर मेरी तां दाहड़ी नूं लग्ग गई कालख़!”

उसने धाह मारन वांग आखिआ ते दोवां हत्थां विच सिर घुट्ट लिआ।

टब्बर दे ज़ोर देण ‘ते वी उस रोटी दी बुरकी मूंह नां लाई। सारी रात बिसतरे ‘ते पिआ उस्सल वट्टे लैंदा रिहा। उहदी नज़र आपणे पिंड दे माण-मत्ते इतिहास ‘ते फ़ैल गई। एसे पिंड दे भाई हरदास सिंघ नें उह नाग़णी बणाई सी जिहड़ी भाई बचित्तर सिंघ नें गुरू दा थापड़ा लै के मसत होए हाथी दे मत्थे विच मारी सी। पर अज्ज इह नागणी उसदे आपणे कलेजे विच खुभी पई सी। एसे पिंड दे भाई महां सिंघ नें सिर दी बाज़ी ला के गुरू दी गोद दा निघ्घ माणिआं सी ते भरावां वल्लों लिखिआ बेदावा पड़वा के मुड़ तों ‘टुट्टी गंढ लई सी।’ पर अज्ज गुरू नें उस नालों आप ही तोड़ लई सी। उसनूं ख़ुद नूं गोद विचों धक्का दे के गुरू नें पासे सुट्ट दित्ता सी। उह आपणे गुरू घरों धक्किआ गिआ सी। नमोशी विच गळ गळ धसिआं होइआ! उस महिसूस कीता उहदी दाहड़ी अत्थरूआं नाल भिज्ज चल्ली सी।

कदी उहनूं आपणे ग़दरी सूरमिआं ‘ते बड़ा माण सी। आपणे पिंड दा ते आपणे ख़ानदान दा गौरवमई इतिहास लोकां नाल सांझा करदिआं उहदी छाती माण विच फुल्ल जाइआ करदी सी। चिहरे ‘ते जलाल आ जांदा सी। पर अज्ज उहनूं आपणे पिंड दे ग़दरी प्रेम सिंघ नूं धोखे नाल फड़ाउण वाले उहदे ग़दरी यार भूरिआं वाले लाल सिंघ दे पुत्त चंनण सिंघ दा खिआल आ रिहा सी जिसने आपणे मामे बलवंत सिंघ नाल मिल के प्रेम सिंघ नूं ग्रिफ़तार करवा दित्ता सी। अज्ज उह आप चंनण सिंघ ते बलवंत सिंघ बण गिआ सी!

फिर उहदी सोच उहनूं होर पासे खिच्च के लै गई। उह तां ऐवें आपणे पिंड दे माण-मत्ते इतिहास अते गौरव दा रौला पाउंदा रिहा सी। माइआ राम दे कातल इह मुंडे वी तां एसे पिंड दे सन। किसे ग़रीब जट्ट दी कुड़ी दी इज़्ज़त रोलण वाला अज्ज दा ‘शहीद सूरमा!’ वी तां एसे पिंड दा सी ते सी वी उहदे आपणे भाईचारे विचों! निहाल सिंघ वी तां एसे ही पिंड दा सी, जिहड़ा प्रेम सिंघ हुरां दा साथी सी ते जिसने पिछ्छों वाअहदा मुआफ़ गवाह बण के प्रेम सिंघ हुरां नूं फाहे लवाइआ सी! उसनूं अदालत विच वाअहदा मुआफ़ बणिआं वेख के प्रेम सिंघ नें आपणा मूंह परने नाल ढक्क लिआ सी ते किहा सी, “मैं इस ग़दार दा मूंह नहीं वेखणा चाहुंदा।”

प्रेम सिंघ नें तां इह वी किहा सी, “निहाल सिअहां! जिहड़ी मौत तों डरदिआं तूं वाअहदा मुआफ़ बणिआं एं, याद रख्खीं! तेरी ग़दारी ते तेरी नमोशी तैनूं साडे तों वी पहिलां लै डुब्बेगी। साडे तों पहिलां मरेंगा तूं!”

निहाल सिंघ नमोशी दा मारिआ घर आ के पिछले अंदर लुक गिआ सी। प्रेम सिंघ दी बोली उसदे अंदर खुभ गई सी। जे किते हनेरे-सवेरे, बाहर-अंदर जंगल-पाणी जांदा वी तां किसे नाल अख्ख मिलाउणों डरदा। उसनूं लग्गदा सी जिवें उहनूं वेखण वाला हर बंदा वेखदे सार मूंह उत्ते परना लै लैण लग्गा होवे! सारा दिन उह पिछले कमरे दे हनेरे विच लुकिआ रहिंदा। आए गए किसे नूं वी मिलदा नहीं सी। पिछले दिनां विच तां उह घर दे जीआं नूं वी कहिण लग्ग पिआ सी, “आपणे मूंह तों परना पासे किउं नहीं करदे! की विगाड़िऐ मैं तुहाडा! मेरे वल्ल विंहदे किउं नहीं तुसीं? किउं मूंह मोड़दे ओ मेरे तों?”

ते सच्चीं नमोशी दा मारिआ निहाल सिंघ प्रेम सिंघ हुरां दे फाहे लग्गण तों पहिलां ही प्राण तिआग गिआ सी। इह किसे वली-औलीए प्रेम सिंघ दा सराप नहीं सी। इह तां इक देश भगत अंदरों ग़दारी कर गए आपणे ही साथी लई सहिज-सुभा निकली दुर-असीस सी, जिस नें भैअ विच फस के आदरशों डिग्ग पए निहाल सिंघ दी ज़मीर नूं लाहनत पाई सी। आपणे ही अंदरों पई इस फिटकार नें उहदी ज़मीर ढेरी कर दित्ती सी ते नाल ही सरीर वी।

अज्ज उह ख़ुद वी निहाल सिंघ बण गिआ सी!

सवेरे किसे नूं की मूंह विखाएगा उह! सारे लोक उहनूं वेख के मूंह ‘ते परने लै लैणगे। किवें करेगा उह उहनां दा साहमणा! की हुण उह वी पिछले अंदर लुक जावे!

जगजीत ते हरजीत तां बार बार आखदे सन कि उसदा कोई कसूर नहीं! मुंडिआं दी मौत तां ‘बाज़ां’ दी ‘बाज़ां’ नाल लड़ाई दा फ़ल सी। उहनां ‘बाज़ां’ नें ही तां माइआ राम दा कतल कीता सी। माइआ राम दे कातल प्रेम सिंघ दी थां किवें लै सकदे सन! प्रेम सिंघ ते उह आप तां ‘चिड़ीआं दे यार’ सन!

ठीक ही तां सी। माइआ राम दे कातल प्रेम सिंघ दी थां किवें लै सकदे नें! पर थाणेदार हस्सदा होइआ आख रिहा सी, “बाबा! वधाई होवे। तेरे दस्से तिंने दे तिंने पंछी फुंडे गए नें! तेरे दस्से -–तेरे दस्से--तेरे दस्से-।”

उह इक्क तरहां आपणे मुंडिआं ‘ते चीक पिआ, “मसला ‘माइआ राम दे कातल मारे ही जाणे चाहीदे नें’ दा नहीं सगों मसला मेरे सहिवन ही ‘मुख़बर’ बण जाण दा है; जिसदी धुख्ख थाणेदार ते होरनां पुलसीआं राहीं अज्ज-भलक बाहर निकल ही जाणी है!

उसने फिर तों सिर फहड़ लिआ।

सारी रात उस जागदिआं कट्टी। लोअ लग्गी तां उसने दीवार ‘ते टंगीआं गुरू नानक देव ते गुरू गोबिंद सिंघ दीआं तसवीरां वल्ल वेखिआ।

“मेरे बाबा नानका! मैं तां सदा पहिलां तैनूं ई सिमरिऐ! तूं ई हुण राह दस्स कोई। मेरे नानक दी दसवीं जोत, होरनां दे ‘बाज़ां वालिआ’, पर मेरिआ ‘चिड़ीआं वालिआ!’ तूं तां जाणदैं कि मैं कितिओं वी अंम्रित नहीं सी छकिआ। मैं तां जदों फ़ातमां नूं छुडाउण जाण लई घरों किल्ली नालों बापू दी किरपान लाही सी तां केवल तेरा ही आसरा तकाइआ सी। मैं तां लोड़ वेले आपणी जिंमेवारी समझदिआं तेरा नां लै के तेरी किरपान कदी कदी उठा लैंदा सां तां भोले लोक समझदे सन कि मैं अंम्रित छकिआ होइऐ! लोकां लई मैं अंम्रितधारी सां। मैं लोकां दे विशवास नूं तोड़ के तेरी हेठी नहीं सां करवाउणा चाहुंदा। इस लई अणछके अंम्रित दा भेद मैं कदी किसे ‘ते उजागर नहीं सी होण दित्ता। मैं अणछकिआ अंम्रित वी कदी तेरे लई मिहणा नहीं सी बणन दित्ता। हुण तूं दस्स तां सही मैं माछीवाड़े दे जंगल विचों किवें पार जावां! फस गिआ मैं तां भुल्ल भुलईआं विच।”

दोवें बाबे अग्गों कुझ नहीं बोले। उह परेशान होइआ आपणे ‘पिंड’ नूं पुछ्छण लग्गा। सारे जिवें कहि रहे सन; तूं सानूं किउं पुछ्छदा एं; आपणे मन नूं पुछ्छ। पर मन विच तां चार चुफ़ेरे हनेरा ही हनेरा सी।

उह वार वार आपणे आप नूं सवाल करदा। वार वार वख्खरे वख्खरे जवाब मिलदे।

ते फेर जिवें उसनूं अचनचेत राह दिस पिआ होवे।

दिन चहड़े उह ख़ुशी ख़ुशी सारे टब्बर नूं मिलिआ। चाह वी पीती, नाशता वी कीता। किरपान किल्ली नालों लाही ते मज़बूत कदमीं तुरदा उह पिंड विच वड़दी सड़क दे साहमणे पैंदे चौराहे विचले थहड़े ‘ते आ के बैठ गिआ। उसनूं पता सी पुलिस इस वेले रोज़ ग़शत ‘ते आउंदी है।

पुलिस दी जीप आई तां उसने हत्थ दे के रोक लई।

“कल्ल्ह वाला बाबा अरजन सुंह एं।” हौलदार नें थाणेदार नूं आखिआ।

“सुणा बाबा!” थाणेदार नें ‘आपणा बंदा’ जाण के चाअ विच खब्बा पैर जीप तों हेठां लाहुंदिआं उतशाह नाल पुछ्छिआ।

“सुणाउंदां तैनूं हरामीआं!” उहने मिआन सणे किरपान उहदीआं बाहवां ‘ते मारी। उहदी गरजदी आवाज़ दूर दूर खलोते लोकां दे कंनां तक्क जा गूंजी।

“तूं मैनूं मुख़बर बणा ‘ता कंजरा! मैं दुनीआं साहमणें किते मूंह देण जोगा नहीं रहि गिआ। हरामीआं! कलंक लवा ‘ता ई मेरे मत्थे ‘ते। मेरे पिंड दे मत्थे ‘ते। मेरी उमर भर दी कमाई मिट्टी च रोहड़ ‘ती। मुंडिआं नें तां जो उह करदे सन, अज्ज भलक मरना ई सी। पर तूं उहनां दी मौत मेरे लेखे किउं पा ‘ती। दल्ला बणा ‘ता तूं मैनूं।”

पुलिस दे बंदे भज्ज के बाहर निकले। अरजन सिंघ दा हमला जीप दे साहमणे पासिओं होण कर के पिछलीआं सीटां तों उत्तरे सिपाहीआं दे अग्गे अरजन सिंघ नाल गुत्थ-म-गुत्था हुंदा थाणेदार आ गिआ। उह पासा वळ के हरफ़ली काहली नाल अरजन सिंघ वल्ल वधण लई लपके।

अरजन सिंघ पहिलां तां तलवार नूं मिआनों कढ्ढण लग्गा पर फिर कुझ सोच के उसने थाणेदार दी पेटी नाल लमकदे रीवालवर नूं हत्थ पा लिआ। थाणेदार नें उसनूं धक्का मार के नालों तोड़ना चाहिआ। पर उहदे हत्थ तां लोहे दे बणे होए सन। जीप तों भज्ज के उतरे साहो-साह होए हवालदार नें उसनूं पिछ्छों दी जफ्फा मारन दी कोशिश कीती पर उह झटके नाल उसदे जफ्फे ‘चों निकल गिआ। पूरे ज़ोर नाल उसने थाणेदार दा रीवालवर खिच लिआ।

“फहड़ो उए इहनूं। जदों मैनूं मार ई दऊगा, उदों ई कुझ करोगे।” थाणेदार दी कंबदी-विलकदी चीक गूंजी।

“कुत्तिआं मैं तैनूं मारना नहीं। पर मैं तैनूं सुक्का वी नहीं छड्डणा। तेरे लहू नाल मैं आपणे मत्थे ‘ते लग्ग गई कालख़ धोणी ऐं।” उहने खब्बे हत्थ विच किरपान संभाली ते सज्जे हत्थ नाल रीवालवर दा बट्ट पूरे ताण नाल थाणेदार दे मत्थे विच मारिआ। लहू दीआं घरालां वगण लग्गीआं।

“बअ्अअस!” एनी कर के उस तसल्ली दा डूंघा साह लिआ ते रीवलवर नूं हवा विच उच्चा उछाल के दूर सुट्टदिआं जेतू ख़ुशी विच किहा, “हेअ, आह लै।”

मीची मुठ्ठी वाला उसदा सज्जा गुट्ट मज़बूती नाल अग्गे वधिआ वंगार रिहा सी, “लओ, फहड़ लओ मैनूं।”

दो पुलसीआं नें अरजन सिंघ नूं जफ्फा मार लिआ।

लहू चोंदे मत्थे नूं पूंझदिआं घरकदे होए थाणेदार नें नाल दे साथीआं नूं ललकारिआ, “हुण मारो वी गोली इहनूं भैण चोदो! पिओ नूं जफ्फीआं काहदीआं पाउण डहे जे!”

जफ्फा पाउण वालिआं अरजन सिंघ नूं धक्का दे के इक्क पासे कर दित्ता।

सिपाही नें सटेनगंन सिध्धी कीती ते निशाना बंनह के गोली चला दित्ती। ‘गड़ गड़’ होई ते अगले पल अरजन सिंघ ज़मीन ‘ते डिग्गा, लहू विच लत्थ पत्थ, तड़फ़ रिहा सी।

पलां विच लोकां दी भीड़ जमहां हो गई। इह की भाणा वापर गिआ सी!

रुमाल नाल मत्थे तों लहू पूंझदा होइआ थाणेदार कदे मुठ्ठ-भेड़ विच पाट गई ते तिप तिप डुल्ल्हदे लहू नाल लिबड़ रही आपणी वरदी वल्ल वेख रिहा सी; कदी ज़मीन ‘ते डिग्गे अरजन सिंघ वल्ल। लहू चो चो के उहदे चिहरे ते अख्खां नूं भिउं रिहा सी।

पुलिस नें दबका मार के भीड़ नूं पासे हट जाण लई किहा। लोक दूर जा के खड़े हो गए। जिनहां कुझ इक जणिआं नें आपणी हाज़री विच घटना वापरदी वेखी सी, उह डरे-सहिमे वी सन ते हुलास विच वी सन। कंबदे, सहिमें ते उतशाही बोलां नाल उह घटना दा बिआन कर रहे सन। वधा चहड़ा के अरजन सिंघ दी बहादरी ते जवां-मरदी दी कहाणी सुणा रहे सन।

“नहीं उए रीसां! साडे सूरमे बापू दीआं! ओस बब्बर शेर दीआं!” किसे नें जोश विच भर के पर पुलिस तों डरदिआं हौली जिही आखिआ।

भीड़ तों परहे इक पासे आण खलोता अकाली भजन सिंघ आपणे नाल खलोते साथी नूं हौली जिही कहिंदा, “इहो जिहे इंज ई कुत्ते दी मौत मरदे हुंदे नें। जिहड़े नां एधर होण नां ओधर।”

“शरम कर ओ भजन सिअहां! उंज ‘अकाली’ बणिआं फिरदैं!” नाल दे गाल्ह कढ्ढण वांग आखिआ।

“ठाणेदार नें तां आपणी डिऊटी निभाउणी सी! पहिलां मुंडिआं दी सूह नां दिंदा इह!” भजन सिंघ अजे वी आपणी गल्ल ‘ते काइम सी।

“कोई नहीं उहने वी आपणी डिऊटी निभा दित्ती आ।”

भजन सिंघ दे मोढे ‘ते किसे नें हत्थ रख्खिआ।

इह पिछ्छे आ खलोता बाबे दा मुंडा जगजीत सिंघ सी जिहड़ा किसे दुकान तों हादसे दी ख़बर सुणके भज्जा आइआ सी।

जगजीत काहली नाल खूंन विच लिब्बड़े बापू दी लाश वल्ल वधिआ। लहू दा छप्पड़ लग्गा होइआ सी। छाती गोलीआं नाल छलणी होई पई सी। ते छाती दे नाल ही खब्बे पासे उसदी मुठ्ठ विच घुट्टी उहदे बाबे दी किरपान पई सी।

चहड़दे सूरज दीआं किरनां दे सुनहिरी चानण विच बाबे दी चिट्टी दाहड़ी लिश लिश कर रही सी।