रूप ढिल्लों परवासी पंजाबी साहितकार है। उसदीआं नौं पुसतकां प्रकाशत हो चुक्कीआं हन, जिनहां विच्च इक्क कविता/कहाणी अते अठ्ठ नावल शामल हन। उसदी पुसतक ‘भरिंड’ 2011 अते बाकी अठ्ठ नावलां विच्च ‘नीला नूर’ 2007, ‘बाबेलोना : घर वापसी ‘ 2009, ‘ओ’ 2013, 2014, ‘समुराई’ 2015, 2018, ‘सिंधबाद 2020, ‘चिट्टा ते काला’ 2021, ‘हौल’ 2023 अते ‘नागां दी खेड’ 2025 विच्च प्रकाशत होईआं हन। 2007 तों लै के जदों उसदी पहिली पुसतक छपी सी, लगपग हर साल उसदी इक्क नवीं पुसतक जां किसे पुसतक दा दूजा ऐडीशन प्रकाशत हो रिहा है, भाव उह लगातार पंजाबी मां बोली दी सेवा कर रिहा है।‘रांझा’ नावल उसदी दसवीं पुसतक है। इह नावल पंजाबी सभिआचार अते बरतानीआं दे सभिआचार दा सुमेल है, जिस विच्च दरसाइआ गिआ है कि पंजाबी परिवार बरतानीआं विच्च जा के भावें उथों दे सभिआचार, कानूंन अते कदरां कीमतां अनुसार विचरन दी कोशिश करदे हन, प्रंतू इसदे बावजूद वी उह आपणी विरासत नूं नहीं भुल्ल सकदे, अंगरेज़ी ते पंजाबी भाशावां नूं रलगड करके बोलदे हन। उह दोहां सभिआचारां विच्च विचरदिआं पूरी तरीके नाल किसे वी सभिआचार ‘ते पहिरा नहीं दिंदे। इह नावल इक्क किसम नाल बरतानीआं विच्च रहि रहे चार पंजाबी परिवारां दे बच्चिआं दे इशक दी दासतां माडरन हीर रांझे दे रूप विच्च है। नावल दे सारे पातरां दे नां हीर रांझे दे किस्से दे पातरां वाले हन। जिवें हीर, रांझा, चूचक, कैदो, सैदो, सहिती आदि। रूप ढिल्लों नें इस नावल नूं इतना दिलचसप बणाके लिखिआ है कि पाठक इक्क बैठक विच्च ही पहड़के ख़तम करन दी कोशिश करदा है। इहो नावलकार दी सभ तों वड्डी प्रापती है। नावल विच्च पंजाबीआं दे परवास विच्च जा के जदो जहिद करके सैटल होण अते आपणीआं पुराणीआं आदतां अते नवें सभिआचार विच्च अडजसट होण दी कहाणी वी दिलचसप बणाके विखाई है। पंजाबी भावें संसार विच्च किसे वी कोने विच्च रहिण, प्रंतू आपणी बिमार मानसिकता तों खहिड़ा नहीं छुडा सकदे। परवास विच्च खुल्हा डुल्हा जीवन है, मरद औरत दे आपसी विचरण ते कोई शक्क नहीं कीती जांदी, प्रंतू परवास विच्च गए पंजाबी दोहां सभिअचारां विच्च उलझे होए हन।

इस नावल विच्च मोहन सिंघ रांझा दे इक्क परिवार दी जदो जहिद वाली ज़िंदगी दा वरणन कीता गिआ है, दूजे पासे ‘सिआल ईकूएसटरीअण केंदर’ दे मालक (चूचक) परिवार दे घरेलू कलेश तों बाअद इंगलैंड विच्च जदो जहिद तों बाअद ख़ुशहाल ज़िंदगी दा प्रगटावा है, तीजे अरजन सिंघ खेड़ा दे परिवार जिस विच्च पतनी जीतो, सपुत्तर (साधू सिंघ) सैदो ते लड़की सहिती, चौथे मुराद बलोच दा परिवार शामल हन। चार परिवारां दीआं कहाणीआं बराबर चलदीआं हन। मोहन सिोंघ रांझा दे परिवार विच्च तिंन पुतर रणधीर, अज़ीम ते सभ तों छोटा धीदो सिंघ रांझा, रणधीर दी पतनी वीणा ते अज़ीम दी पतनी सुखी। धीदो सिंघ रांझे दा उथों दे कानूंन दे विरुध्ध शराब पी के गड्डी चलाउणा आदि दरसाइआ है। नावल दी कहाणी रूप ढिल्लों, अज़ीम दे पातर राहीं फसट परसन विच्च सणाउंदा है।

जिवें पंजाब विच्च सांझे परिवारां दी आपसी खिचोताण, रहिण सहिण, दराणी जठाणी, दिओर/जेठ भरजाई दा इशक मुशक अते सके भैण भरावां विच्च पिआर ते खटास अते परिवारां दी जाइदाद दे मसलिआं दा वेरवा द्रिशटांतिक ढंग नाल दित्ता गिआ है। रूप ढिल्लों हर गल्ल, घटना अते हर परिवार दा वेरवा देण समें अजिहा चितरण करदा है कि सीन साहमणे विखाई देण लग्ग जांदा है, जिवें पाठक खुद सारा कुझ वेख रिहा है। शाइद कुझ चैपटर नावल दा साईज़ वधाउण लई बणाए गए लगदे हन। मैनूं लग्गदा है कि कई वार उह मुख्ख विशे तों दूर चला जांदा है अते इनहां अधिआवां विच्च वख्ख-वख्ख विशिआं विच्च चला जांदा है। इह इस तरहां है जिवें उह सारे विशिआं नूं इक्क किताब विच्च शामल करना चाहुंदा है।

इसे तरहां मापिआं दा आपणी औलाद नाल पिआर दी वी बिहतरीन प्रगटावा विखाइआ गिआ है। मापिआं लई सारी औलाद बराबर हुंदी है, प्रंतू फिर वी थोहड़ा बहुता फ़रक रख्खदे हन। परिवार विच्च इक्क नां इक्क मैंबर ज़रूर बाकीआं नालों विलख्खण किसम दा हुंदा है, जिवें सभ तों छोटा धीदो सिंघ रांझा, जिसनूं निखट्टू वी कहिंदे हन, प्रंतू वंझली कमाल दी वजाउंदा है। इक्क किसम नाल हीर रांझे दी कहाणी माडरन हीर रांझे दे रूप विच्च दरसाई गई है। धीदो सिंघ रांझा भरजाईआं दे मिहणिआं अते ज़िंदगी विच्च सफल हो के सुंदर पतनी लिआउण नूं पूरा करन लई हीर दी भाल विच्च जदो जहिद करदा है। उस विच्च रांझे वाले सारे गुण विखाए गए हन। उसनूं अणखी ते हीर नूं पाउण लई मिहनत ते जदो जहिद करदा विखाइआ गिआ है। रूप ढिल्लों दी इक्क होर कमाल है कि उह जो वी लिखदा है, इउं महिसूस हुंदा है, जिवें सारा कुझ वापरदा पाठक वेख रिहा होवे।इस करके नावल भावें ठेठ पंजाबी विच्च है, प्रंतू कई वार उसदी गल्ल पल्ले नहीं पैंदी कि उह कहिणा की चाहुंदा है, मेरी समझ अनुसार, पंजाबी उसदी दूजी भाशा होण अते गुंझलदार वाकां नूं धिआन नाल लिखण दा मिशरण है जो अंगरेज़ी साहित अते भाशा दे वधेरे आम हन। अजिहा महिसूस हुंदा है जिवें पाठक हर चीज़ नूं आसानी नाल समझण लई तिआर नहीं है पर उसनूं इस ‘ते कंम करना पैंदा है।किउंकि परवास विच्च रहिण करके लिखण दा थोहड़ा अंतर है, कुझ फ़िकरे अशपशट जिहे हुंदे हन? भावें शबदावली वी उह ठेठ पंजाबी वरतदा है, जिवें हिड़हिड़ाउणा, भोंडी तीवीं, जनौर, साझरा, तिहाकाल, निंबल, बेदाग़, छड़ा छांट सिआपा, प्रेम कुठ्ठा, शीश डब्ब, हिंड, हाजरी, तड़्ड़कख़ोरी, कंड, लूंबड़, तसकरी, चंबलदा, झाड़ झड़ना, दुसांघिआं, खड़ीच, पैंतड़ा, सुराखीआं, घातड़िआ, टटवाणीआं, कड़तल, उमंग, झुंजल, बिलबिलाउंदा, झंजट, हेरवे, अख्ख मटक्का, झाकी झाकी, खुतखुतीआं, दकिआनूसी, मुखालफ़त, शरीक, आड़ी, काहड़नी, चुड़ेल, कसोहणा, हरारत अते पिछलपैरे आदि।

इंगलैंड विच्च वी जातीवाद, वख्खरे गुरदुआरे, डेरे हन ते गोरिआं विच्च वी परिवारिक कलेश, जाइदाद दे झगड़े ते तरफदारी विखाई गई है। भारत दीआं परंपरावां नालों बरतानीआं दे सभिआचार दा फ़रक वी दरसाइआ गिआ है, लड़के अते लड़कीआं नूं आपणे वर आप लभ्भणे पैंदे हन, इथे विचोलगिरी दा रिवाज़ नहीं है। हीर दे पातर नूं अदरशक विखाइआ गिआ है, जो विआह तों बाअद वी आपणे पती नाल हमबिसतर नहीं हुंदी। बड़ी कशमकश तों बाअद रांझा हीर दीआं सहेलीआं बरासता सहिती हीर नूं मिलण विच्च सफल हो जांदा है। रांझा सहिती दे प्रेमी मुराद बलोच नूं मिलदा है ते फिर उह दोवें योजना बणाके हीर नूं रांझा ते सहिती नूं मुराद बलोच भजा के लै जांदे हन। वैसे कहाणी तां जाणीए हीर रांझे दी कथा दे हिसाब नाल तुरदी ही है। बहुते वेवरे नहीं इत्थे देणे किउंकि पाठक वासते कई कुझ पहड़नयोग है। ख़ुद पाठक दे तौर ‘ते आपणे लई इह खोजण लई कि बहुत कुझ है, जो इसनूं मज़ेदार बणा देवेगा।इस सारे ब्रितांत नूं अजिहे ढंग नाल लिखिआ है कि पाठक दी दिलचसपी वध्ध जांदी है कि अग्गे की होवेगा।

नावल दा अंत दुखांतक हुंदा है। अंत विच्च किहा जा सकदा है कि बरतानीआ विच्च बैठके अजिहा दिलचसप नावल लिखणा इक्क विलख्खण प्रापती है।