प्रसिध पंजाबी कवी करतार सिंघ बलग्गण दे लड़के दा विआह सी। सवेरे जंज चहड़नी सी। रात दी महिफ़िल विच्च शाइर मित्तरां दी भीड़ सी, हासा सी, खुशीआं सन, गप्पां सन। लतीफ़े ते लतीफ़ा ठाह लतीफ़ा! विअंगमई ते तिख्खे बोलां दे काटवें वार सन, शिअर सन, हुसन सी, लताफ़त सी।

"साईं तां रहि गिआ फ़िर!" विधाता सिंघ तीर नें इक्कदम गल्लां दा रुख़ पलट दित्ता।

"लग्गदा तां इंज ही है। आउणा हुंदा तां चानणे चानणे ही आ जाणा सी। हो सकदै वीज़ा नां लग्गा होवे।" बलग्गण दा जवाब सी।

फ़िर उस नें आप ही आखिआ, "इनवीटेशन कारड विखा के वीज़ा लग्ग तां जांदा ही है……।"

देश दी वंड हो चुक्की सी पर पुराणीआं मुहब्बतां ते दोसतीआं अजे खिच्चां मारदीआं सन। मुहब्बत दा तुणका कदी इधरले ते कदी उधरले शाइर मित्तरां नूं एधर-ओधर खिच्च लिआंदा सी। हुण वी सांझे मित्तर, पसरूर दे रहिण वाले साईं हयात पसरूरी नूं याद कीता जा रिहा सी।

इस वेले वी ऐन नानक सिंघ दे नावलां वाला मौका मेल वापरिआ। बलग्गण दीआं बच्चीआं दौड़ीआं आईआं।

"लोटे वाला चाचा आ गिआ! लोटे वाला चाचा आ गिआ!"

उहनां दे बोलां विच्च खुशी अते सूचना इकठ्ठी सी।

साईं हयात पसरूर पंज वेले नमाज़ पहड़न वाला पक्का नमाज़ी सी। बच्चे उस नूं जदों तों सुरत संभाली सी, उदों तों जाणदे सन। जद कदी उह अंम्रितसर बलग्गण कोल ठहिरदा, उह नाल लिआंदे लोटे नाल बाकाइदा वुज़ू करदा, नमाज़ पहड़दा। बच्चिआं नें उस दा नाम 'लोटे वाला चाचा' धर दित्ता सी।

"उहनूं आखो उप्पर आवे मरे मिआनी 'च। हेठां की पिआ करदा ए" किसे नें मोह विच्च भिज्ज के आखिआ।

"उह दरवाज़े दे बाहर खहड़ा ऐ। अंदर नहीं आउंदा। कहिंदा, 'भापे नूं आखो सुच्चे भांडे 'च पाणी लै के आवे'……।"

बच्चीआं नें दस्सिआ ते दुड़ंगे मारदीआं चलीआं गईआं।

बलग्गण दे नाल दो चार होर दोसत वी खहड़े हो गए। उह रहस्स जाणना चाहुंदे सन कि साईं दरवाज़ा किउं नहीं लंघ रिहा।

साईं दरवाज़े विच्च खलोता सी। दुशाले विच्च कोई चीज़ लपेट के सिर 'ते रख्खी होई सी। पैरां तों नंगा सी। उहदे कहिण 'ते गड़वी 'च सुच्चा पाणी लिआंदा गिआ अते उहदे अग्गे-अग्गे पाणी तरौंकदे उस दा 'ग्रहि-प्रवेश' करवाइआ।

असल विच्च उसदे सिर उप्पर स्री गुरु ग्रंथ साहिब दी बीड़ सी। ते जदों उह यारां दी भीड़ विच्च गलवक्कड़ीआं दी जकड़ तों आज़ाद हो के बैठा तां 'बीड़' दी कहाणी इंज छोह लई।

"जदों मैनूं करतार दा सद्दा मिलिआ तां सोचिआ आपणी नूंह लई किहड़ी कीमती सौगात लै के जावां। मैं होइआ मिट्टी दीआं पिआलीआं ते कौलीआं बणा के वेचण वाला ग़रीब ते फ़कीर शाइर। मेरी एनी पाइआं कित्थे कि कीमती तोहफ़े खरीद सकां! तां ही ख़ैर मैनूं दस्स पई कि पसरूर तों दस बारां कोह दी वाट 'ते किसे कोल गुरू महाराज दी बीड़ सांभी पई है। मैं उहनां कोल गिआ ते गल विच्च पल्ला पा के आपणा मकसद दस्सदिआं मंग कीती कि जे कीमत मंगदे ओ तां उह लै लओ ते जान मंगदे ओ तां उह लै लओ……पर इह बीड़ मैनूं बख़श दिओ। उह मिहरबान लोक, जिनहां नें हुण तक्क इह मुतबरक ग्रंथ अदब नाल सांभ के रख्खिआ होइआ सी, मैनूं कहिण लग्गे, 'साईं साहब! असीं हुण तक्क इस ग्रंथ नूं अख्खां नाल ला के सांभिआ होइआ ए पर इस दी सांभ-संभाल करदिआं मते कोई खुनामी हो जावे, इस लई अंदरे अंदर डरदे वी रहे आं। इस लई इस मुतबरक ग्रंथ नूं आदर नाल तुसीं उहनां शरधावानां कोल पहुंचा ही दिओ जिहड़े इहदी ठीक संभाल कर सकण……।'

एनी आख के साईं नें परने नाल मूंह पूंझिआ अते गल्ल जारी रख्खी।

'मैं उस पिंड तों नंगे पैरीं गुरू बाबे दी बीड़ सिर 'ते रख्ख के आपणे पिंड पुज्जा…ते हुण नंगे पैरीं सटेशन तों चल्ल के घर पुज्जां…इह कीमती तोहफ़ा मैं जान तों पिआरा समझ के आपणे नूंह पुत्त लई लै के आइआं।……कोई भुल्ल-चुक्क हो गई होवे तां गुरू बाबा आप बख़शणहार है…।' उस नें उंगलां धरती नाल छुहा के कंनां नूं ला लईआं। ते मोढे 'ते लटकाए बुचके विच्चों लोटा कढ्ढ के कहिण लग्गा, 'ठहिरो! मैं वुज़ू करके नमाज़ अदा कर लवां……फ़िर महिफ़िल जमाउंदे आं…ते हां सच्च, करतार! सवेरे जंज चहड़न तों पहिलां मेरे पैरीं जुत्ती पवा लवीं! वीर मेरिआ।'