किहो जिहा समें दा गेड़ आ गिआ। आपणे ही घरां अंदर बंद हो के रहि गए। आपणे आप नूं बचाउण लई इह ज़रूरी वी है। आपणे आले-दुआले नूं ही नीझ ला के देखण दा मौका। ज़िंदगी तां इही सी आला दुआला वी इही, पर मन घर तों बाहर भज्जिआ रहिंदा, लोड़ां वी वध्ध सन। उनहां नूं पूरीआं करन दीआं कोशिशां वी वध्ध सन। हुण सिमट गए। उंनीआं कु लोड़ां जिहनां नाल बंदा जिउंदा रहि सके। सभ बदलिआ बदलिआ जापदा है।

तालाबंदी दे दिन, सवेरे सवेरे खिड़की विच्चों दी देखीदा, रुख्ख, वेलां-बूटे सभ शांत लग्गदे हन। उच्चे उच्चे सफैदे, निंम, पौपलर, टाहलीआं, गुलमोहर, तूत आदि जो वी दिसदे हन सभ शांत। जापदा है जिवें सारे टिके रहिण दा सुनेहा दिंदे होण। इह आप वी तां जेठ हाड़ दी धुप्प, मींह, हनेरी, झख्खड़, पोह माघ दी सरदी आपणे सिरां ’ते सहिंदे हन। असीं तां फिर वी आपणे घरां अंदर ही रहिणा है कुझ कु दिन। असीं कदे धिआन ही नहीं दित्ता कुदरत वल्ल। हुण जदों वी छत्त उत्ते चहड़ के देखीए तां हरे हरे पत्ते, लाल पपीसीआं, बकरैणां दे फुल्लां दी खुशबू, कुदरत आपणा कंम कर रही है। तूतां दीआं तूतीआं पक्कणीआं शुरू हो गईआं। पर निंम दे निक्के निक्के पत्ते देख के धनी राम चात्रिक दी कविता दी सतर याद आउंदी है - ‘आल्हणे दे बोटां वांग खंभीआं उछालीआं।’

गुलमोहर अजे वी रुंड मरुंड जापदा ए। सूरज दी चमक वध गई जापदी है जिवें पुराणे समें रसोई विच्च लग्गे बलबां नूं साफ़ कर के चानण बहुता बहुता जापदा सी। इसे तरहां सूरज वी जिवें बहुत समें बाअद किसे नें साफ़ कर के रख्खिआ होवे। रुख्खां, बूटिआं दे नवें नवें पत्तिआं ’ते पैंदी सूरज दी रौशनी ... कई वार लिशकोर नाल अख्खां चुंधिआ जांदीआं हन। सभ कुझ नवां नवां जापदा ए. जिवें कुदरत नें नवां नवां रंग कीता होवे।

निक्कीआं निक्कीआं चिड़ीआं जिहनां नूं निक्के हुंदिआं पिद्दीआं चिड़ीआं आखदे सी, फोरीआं मारदीआं फिरदीआं कदे किसे रुख्ख ’ते कदे किसे रुख्ख ’ते। कोई काले चमकीले रंग दी, कोई मिट्टी रंगी। हां इक्क दो घरेलू चिड़ीआं वी दाणे चुगण आ जांदीआं नें। जीअ करदा हुंदा कि आखीए- ‘हर रोज़ आइआ करो’ पर जे किते उहनां दी फोटो जां वीडीओ बणाउण लई मोबाइल हत्थ विच्च फड़िआ होवे तां उडारी मार जांदीआं नें। जिवें आखदीआं होण - इहनां (मोबाईलां) नूं चलाउण लई लग्गे टावरां कर के तां साडे परिवार ख़तम होए नें।

पंछीआं नूं दाणे चुगदिआं देखण दा वी आपणा ही आनंद है। तोते बड़े अराम नाल चुगदे नें। इक्क मोटा जिहा पहाड़ी कां वी बड़ी सुसती जिही नाल रोटी दे निक्के निक्के कीते टुक्कड़े चुगदा। देसी कां अग्गों दी झपट मार के लै जांदा है। कबूतर बड़े काहली काहली डरदे डरदे, माड़ा जिंना खड़ाक होण ’ते उड जांदे नें। बुलबुलां बड़ी फुरती नाल चुगदीआं हन। काटो (गलहिरी) सभ नूं भाजड़ां पा दिंदी है। अगले दोवें पैरां तों हत्थां दा कंम लैंदी बड़ी फुरती नाल मूंह चलाउंदी है। हुण तां तित्तर वी आउण लग्ग पए दाणा चुगण ते पाणी पीण।

जलमुरगीआं वी घर दी चारदीवारी ते कुरर कुरर करदीआं फिरदीआं हम। कदे कदे सारे पंछी बड़ा बोलदे नें। जदों इह बिल्ली, कुत्ते, सप्प आदि तों डर के बोलदे नें तां इहनां दी आवाज़ तेज़ डरी होई ते बहुत उच्ची हुंदी है। जिवें मदद लई पुकारदे होण। पर हुण इह आराम नाल बोलदे हन जिवें आपो विच्च गल्लां करदे होण, मनुख्ख उत्ते विअंग कस्सदे होण कि हुण बैठो घरां विच्च, कुदरत नाल खिलवाड़ करन दा नतीजा भुगतो। रब्ब दे शरीक बणन दा नतीजा भुगतो।

पंछीआं नूं देखणा वधीआ लग्गदा है। उहनां दीआं शरारतां देख के हस्स वी लैंदे हां। पर अंदरों मन उदासिआ जिहा रहिंदा। मन आपे वार वार बोलदा है - ‘हे मालका सुख रख्खीं सारे पासे।’ मन बदलदिआं देर नहीं लगदी। थोहड़े दिन पहिलां महिसूस करदे सी - नां पिंड विच्च, नां शहिर विच्च, विचकार जिहे लमकदे हां। निक्की जिंनी चीज़ दी लोड़ होवे औखा हो जांदा है। हुण सोचीदा, किंनी वधीआ जगहा ते बैठे आं, कुदरत दे नेड़े। आले दुआले खेत, रुख्ख वेल बूटे। किंनी सोहणी कुदरत है कादर दी।

बज़ुरग गल्लां सुणाउंदे हन कि उनहां दे पिउ दादा दस्सदे हुंदे सी कि इक्क वार बिमारी पई तां घरां दे घर खाली हो गए। इक्क नूं महड़ीआं विच्च लै के जांदे, आउंदिआं नूं दो होर मरे पए हुंदे सी। उदों बचाअ दा वी नहीं सी पता हुंदा। हुण आपां नूं पता है कि जे आपणे घरां विच्च रहीए, सफ़ाई रख्खीए, इक्क दूजे तों दूरी बणा के रख्खीए, खाण पीण दा धिआन रख्खीए तां फिर बचाअ है इस बिमारी तों। पुराणे समिआं विच्च इलाज वी नहीं सन हुंदे। मेरा दिल करदा है आख दिआं कि इलाज तां हुण वी नहीं लभ्भ रिहा कोई। फिर सोचदे आं कि उमीद बणी रहे तां मन खलोता रहिंदा। नहीं तां जे मन ढेरी ढाह जावे तां बंदा बिनां बिमारी तों ही मुक्क जांदा है।

मोबाइल खोल्हदे हां तां अंतां दी जाणकारी, पता नहीं ठीक है जां गलत। घर विच्च सभ चुप्प, मूंह नां खुल्ल्हदा बोलण लई ... पर अंदरो अंदर सभ बोलदे। अग्गे तां सिरफ़ उनहां रिशतेदारां अते जाणकारां दा फ़िकर हुंदा सी जिहड़े शराब पींदे, होर नशे करदे जां बिमार हुंदे। हुण सभ दी फ़िकर। जिस नें कदे किसे नशे नूं हत्थ वी नहीं लाइआ, नां कोई मास मछ्छी खाधी। बज़ुरग आपणे दोहते पोतिआं दा फ़िकर करदे नें कि उह घरे नहीं टिकदे। फोन करके पुछ्छण ’ते पता लग्गदा कि पुलिस वालिआं दे डरों घरे ही रहिंदे ऐ। ‘जिउंदे रहिण पुलिस वाले’ बज़ुरगां दे मूंहों निकलदा। पर जदों कोई अजिही वीडीओ देखदे कि पुलिस वाले मजबूर लोकां उत्ते वी डंडे वरहाउंदे नें, फिर आखदे नें, ‘बड़ी माड़ी करदे नें पुलिस वाले।’ फालतू गेड़े मारन वालिआं तों तंग आई पुलिस चंगे भले सिआणे मुंडे नूं वी कुट्ट सुट्टदी है। चोर दे भुलेखे साध कुट्टे जांदे हन। पर इह वी की करन, लोकां दे भले लई उहनां नूं घरां अंदर रहिण लई आखदे नें। आप औखे हो के कई कई घंटे डिउटी दिंदे नें। किते भुख्खिआं नूं रोटी खवाउंदे नें, किते फालतू इकठ्ठ करन वालिआं नूं घरो घरी वाड़न लई उनहां दे पिछ्छे भज्जदे नें। कई थांईं लोक शिकाइत करदे नें कि बिमारी नाल भावें नां मरीए, भुख्ख नाल ज़रूर मर जावांगे। सच्ची बड़ा औखा है उहनां लई, जिहनां रोज़ कमाउणा ते उही खाणा हुंदा है। सरकारां प्रबंध तां कर रहीआं नें, फिर वी लगदा है, बहुत कुझ चंगा नहीं हो रिहा।

डाकटर वार वार हत्थ जोड़दे नें कि घरां अंदर रहो, जे वाइरस फैल गिआ तां आपणे कोल साधन नहीं कि बहुते मरीज़ां नूं संभाल सकीए। बहुत सारे लोक डाकटरां वल्लों दित्तीआं हदाइतां दी पूरी तरहां पालणा करदे हन, कई मज़ाक उडाउंदे हन। पर जदों इहो जिहा कुझ सुणदे देखदे नें कि जे असीं मूरखता नां छड्डी तां साडे मूंह विच्च पाणी पाउण वाला वी नहीं बचणा कोई। फिर रंग उड जांदे नें, मूंहां ते पिलत्तण छा जांदी है। वाधू दीआं कामनावां मरन लग्गीआं नें। नां कप्पड़िआं दा कोई चाअ, नां गहिणिआं दा। नां ही कोई बहुता खाण बणाउण दा चाअ। जित्थे दाल सबज़ी खाण लई वीह वीह नख़रे हुंदे सन उत्थे चटणी ’ते सारे परिवार दी सहिमती हो जांदी है। डराउण वाले संदेश पहड़ सुण के कंबणी जिही छिड़ जांदी है। फिर रब्ब नूं सलाहां देण लग्ग पैंदे आं - रब्बा अध्ध-विचाला नां करीं, ... नहीं तां सभ नूं लै जावीं, ... नहीं फेर सारे पासे सुख्ख रख्खीं।

पर अध्धे तों वध्ध लोक डंडे दे डरों ई घर बैठे होए नें। जे इस तरहां आख दित्ता जावे कि तुसीं आपणी मरज़ी नाल जा सकदे हो तां घंटीआं, थालीआं वजाउण वालिआं वांग इक्क मिंट वी नहीं लाउणा सड़कां ’ते आउण लग्गिआं। कईआं नूं लगदा है कि घरां अंदर रहि के असीं दूजिआं उत्ते अहिसान कर रहे हां। दूजे ही पल खिआल आउंदा है कि दूजिआं लई नहीं, आपणे बचाअ लई करदे हां सभ कुझ। जिहड़े लोकां नूं मजबूरी वस्स घरों बाहर जाणा पै जावे, उह दस्सदे हन कि बाहर दा संनाटा देख के मन नूं डोब पैण लग्ग पैंदे नें, जिवें किसे होर दुनीआं विच्च आ गए होईए। सड़कां सुंनसान, जे कोई इक्क अध्धा बंदा बाहर होवे, उस नें वी मूंह बंनहिआ हुंदा है। किसे अमीर दा काका जां विगड़िआ जवाक हुण वड्डीआं वड्डीआं गड्डीआं नाल सड़कां ’ते नहीं दिसदा। इह वाइरस ही इहो जिहा, गरीब अमीर नहीं देखदा। शाइद इसे करके ऐने इंतज़ाम कीते नें।

इस वरतारे दे अंदर इक्क गल्ल तां चंगी हो गई कि वातावरण साफ़ हो गिआ। हवा दी गुणवत्ता विच्च हैरानीजनक सुधार होइआ है। उमीद ऐ कि लोक-मनां दे अंदर फैलिआ ज़हिरीला प्रदूशण वी घटिआ होवेगा। दुआ है कि इस भिआनक करोना वाइरस नूं ख़तम करन लई सारी दुनीआं दीआं कीतीआं कोशिशां कामयाब होण।