शांती दे पुंज, द्रिहड़ इरादे दे मालक, बाणी दे बोहिथ, शहीदां दे सिरताज स्री गुरू अरजन देव जी दी शहादत नूं किते टिके होए मन नाल, धुर अंदरों चितवण दी कोशिश करीए, तां मन अनोखे विसमाद विच आ जांदा ए। दुनिआवी पदारथां दी चकाचौंध विच रत्तिआ अते थोथे गिआन नाल आपणे आप नूं भरपूर कहाउण वाला हिरदा वी भिज्ज जांदा है अते सच्चे शबद दी करामात अग्गे सिर झुक जांदा है। जबर अते सबर दी इस जंग विच्च होई सबर दी जित्त नूं लिखण दी निमाणी जिही कोशिश करन लग्गिआ हां।

गुरू अरजन देव जी दा जनम गोइंदवाल साहिब विखे पिता गुरू रामदास जी दे घर माता भानी जीं दी कुख्खों 15 अप्रैल 1563 नूं होइआ। आप जी नें बचपन दे 11 साल आपणे नाने गुरू अमरदास जी दी संगत विच बिताए । उहनां कोलों ही आप जी नें गुरमुखी अते गुरमति सिख्खी। पंडित बेणी जीं तों संसक्रित ,मामा मोहरी तों गणित, मामा मोहन जीं तों धिआन लगाउणा सिख्खिआ। घर दा गुरमति वाला वातावरण आप जी दी शखशीअत दी घाड़त विच्च बहुत सहाई होइआ। निमरता, बाणी दा पिआर, वड्डिआं दा सतिकार अते समद्रिशटी वरगीआं भावनावां शुरू तों ही पक्कदीआं गईआं।

1574 ईसवी विच गुरगद्दी मिलण ते पिता गुरू रामदास जी आपणी पतनी माता भानी जीं अते तिंने पुत्तरां प्रिथी चंद, महादेव अते अरजन नूं नाल लै के गुरू के चक्क विखे आ गए। 16 साल दी उमर विच्च तहिसील फिलौर दे पिंड मौ विखे गंगा जी नाल आप जी दा विआह होइआ। अते आप ग्रहिसथी जीवन निभाउंदे होए गुरू घर दी सेवा करदे रहे अते नाम सिमरन विच वी लग्गे रहे । 1-9-1581 नूं गुरू रामदास जी नें आप जी नूं हर पासिओं योग जाण के गुरगद्दी दी वड्डी जिंमेवारी सौंप दित्ती। आप जी दे भरावां नूं इस गल्ल दी नराजगी सी, खास करके प्रिथी चंद जो वड्डा होण करके गुरगद्दी ते आपणा हक्क समझदा सी, उस नें आपणी विरोधता अते नराजगी कई वार घटीआ हरकतां करके दिखाई वी।

गुरू बणन तों बाअद दे कारज :– पहिलां तां गुरू अरजन जीं पिता गुरू दे कारजां विच मद्ददगार ही हुंदे सन। पर पिता जी दे जोती जोत समाउण तों बाअद अते गुरगद्दी दी जिंमेवारी मिलण ते आप होर वधेरे कारजां विच्च रुझ्झ गए।

1. बाणी दी संभाल अते खुद बाणी लिखणा :– चल्लदी मरयादा अनुसार ही गुरू रामदास जी नें गुरिआई दी जिंमेवारी सौंपण समें ही बाणी दी पोथी वी अरजन जी नूं दित्ती सी। इस पोथी विच गुरू नानक देव जी तों गुरू रामदास जी तक्क दी सारी बाणी अते गुरू नानक जी वलों आपणीआं उदासीआं दौरान इक्कठी कीती होई भगत बाणी वी शामल सी । गुरू अरजन जी नें आप वी बहुत वड्डी मातरा विच अते बहुत ही शांत अते अनंदमई बाणी लिखी । आप जी दी बाणी मौजूदा गुरू ग्रंथ साहिब जी दे 31 रागां विचों सिरफ इक्क राग – जैजवंती नूं छड्ड के बाकी 30 रागां विच्च लिखी होई है। आप जी दुआरा रची गई बाणी विचों सुखमनी साहिब जीं नूं आप जी दी शाहकार रचना आखिआ जा सकदा है। इस तों बिनां रागमई शबद, बारह माहा, बावन अख्खरी, वारां, गुणवंती, अंजली, पहिरे, दिन रैण ,गाथा, फुनहे, चउबोले, सलोक सहसक्रिती, मुंदावणी अते सलोक महला 5 आदि हन। आप जी दी बाणी दा प्रधान रस शांत रस है, भावें कविता दे बाकी दे रस वी मौजूद हन। बाणी विच वरते गए बिंब, प्रतीक, अलंकार, मुहावरे आदि कमाल दे हन अते लोक मन दे बहुत नेड़े हन। विशा पख्ख तों आप जी नें नाम जपण, वधीआ किरदार बणाउण, निमरता अते सहिज विच जिंदगी जिऊंदे दूसरे दे कंम आउण वाला जीवन जिऊण दी प्रेरना दित्ती है। प्रभू दे हूकम नूं सच्च करके मंनणा उनहां दा मुख्ख उपदेश वी रिहा है।

2. आदि ग्रंथ दा संकलन अते प्रकाश :– गुरू घर ईरखालूआं वलों ईरखा वस बाणी विच मिलावट करनी शुरू कर दित्ती गई सी। किउंकि प्रिथी चंद दा पुत्तर मिहरबान अते उस दा पुत्तर हरि जी आप लिखारी सन। उनहां वलों नानक छाप हेठ बाणी लिखी गई सी। जिस कारन सिख्ख संगतां नूं भुलेखे तों बचाउण दी डाढी लोड़ सी । इस लई आप जी नें भाई गुरदास जी दी मद्दद नाल सारी बाणी नूं बाकाइदा इक्क तरकीब अते नियम बध्ध कीता । संपादना दा इह कारज इंनी बारीकी नाल अते मिहनत नाल कीता गिआ है कि हुण इस विच मिलावट दी कोई गुंजाइश ही नहीं रही। सारे शबदां नूं राग अनुसार कीता गिआ, फिर शबद, छंत, अशटपदीआं आदि सभ दी गिणती वी दरज कर दित्ती गई । साडे अजोके दुनिआवी संपादकां तों उलट इक्क वी पंकती नां तां कट्टी गई है अते नां ही बदली गई है। जित्थे किते सपशटता दी लोड़ पई है, उथे नाल आपणे वलों सलोक आदि लिख दित्ता गिआ है, पर मूल बाणी नूं बिलकुल वी नहीं बदलिआ गिआ। भाई गुरदास जी वलों लिखी इस बीड़ नूं आदि ग्रंथ आखिआ गिआ। इस नूं हरिमंदर साहिब विखे 30 अगसत 1604 नूं प्रकाश कीता गिआ सी । बाबा बुढ्ढा जी पहिले ग्रंथी बणे। उस दिन तों गुरू अरजन देव जी नें आदि ग्रंथ नूं उच्ची थां रख्खिआ अते आप हेठां फरश ते सौंदे रहे ।

3. शबद बाणी दा प्रवाह अते कीरतन :– गुरू अरजन देव जी नें शबद बाणी दा अटुट्ट प्रवाह चलाइआ। उनहां आप कीरतन कीता वी अते गुरसिख्खां नूं खुद कीरतन करन लई किहा वी। उनहां शबद अते संगीत दे माहर होण ते जोर दित्ता, पर भुल्ल के वी सूखम जिहा हंकार वी नां करना द्रिहड़ करवाइआ। इस संबंधी इक्क वार पोथी साहिब मोहन जीं तों लैण वाली साखी अते दूजी सत्ते बलवंड दे कीरतन करन तों इनकार करन वाली साखी तों आप जी दा शबद अते संगीत प्रती पिआर दा पता लग्गदा है। कीरतन नूं गुरू साहिब जी नें बहुत उच्चा सथान दित्ता है। हरिमंदर साहिब विच लगातार कीरतन, चौंकीआं आदि गुरू अरजन जीं दी देण है। सारंदा साज गुरू जी नें आप बणवाइआ अते सिख्खां नूं सिखाइआ।

4. हरिमंदर साहिब दी उसारी :- गुरू साहिब दे महान कारजां विचों इक्क कारज सी , सिख्खी दे केंदरी धुरे वजों जाणे जांदे दरबार साहिब दा निरमाण करवाउणा । इस महान उसारी दी पूरी अगवाई अते देख रेख गुरू जी नें आप पूरी तनदेही नाल कीती। भाई गुरदास जी, बाबा बुढ्ढा जी, भाई सालो जीं अते होर अनेकां ही गुरसिख्खां नें आप कारसेवा विच हिस्सा लिआ। दरबार साहिब इमारतसाज़ी दा इक बहुत विलख्खण नमूना है। इस दे चार दरवाजे चारे वरणां लई सांझे होण दा प्रतीक हन अते गुरू अरजन जीं नें प्रसिध्ध सूफ़ी फकीर साईं मीआं मीर जी तों इस दी नींह 3-1-1588 नूं रखवा के धारमिक एकता दे मुदई होण दा सबूत दित्ता।

5. होर गुरदुआरिआं दा निरमाण:- हरिमंदर साहिब तों बिनां आप जी नें 1590 विच तरनतारन साहिब अते 1593 विच करतारपुर साहिब (जिला जलंधर) दा वी निरमाण करवाइआ। इसे तरां गुरू की वडाली दा वी निरमाण करवाइआ। आप जी नें सरोवर अते खूह बणवाउण वल्ल विशेश धिआन दित्ता तां कि पाणी दी घाट पूरी कीती जा सके। आपणे साहिबज़ादे हरगोबिंद दे जनम दी खुशी वी खूह लगवा के ही मनाई सी । इहनां सभ थावां ते गुरमति सिधांतां अनुसार पंगत अते संगत दा प्रवाह चलणा जारी कीता।

6. लाहौर दा काल समे गुरू साहिब दा योगदान :– 1597 विच लाहौर विच भुख्खमरी अते काल पै गिआ। आप जी नें हरिमंदर साहिब दी उसारी रोक के ,उस लई दसवंध दी आई सारी रकम नूं लाहौर दे काल पीड़ितां दी मद्दद ते खरच कीता। गुरू जी आप लाहौर विखे गए। दुखी जनता दी मद्दद कीती। डब्बी बाज़ार विच अते चूना मंडी विच लंगर चलाए अते बाउली वी बणवाई । (साडे अज्ज दे प्रचारक इस गल्ल दा प्रचार किउं नहीं करदे ??? साडे कार सेवा वाले बाबे, साडीआं सिख्ख संसथावां जो कौम दी माइआ नूं संगमरमर अते सोना लगाउण ते खरच कर रहीआं हन, की उनहां नूं साडे देश दे लख्खां दुखी लोक नजर नहीं आ रहे ????)। 1598 विच जदों अकबर गोइंदवाल आइआ तां उचेचा गुरू अरजन जीं नूं मिलण आइआ। उस नें गुरू साहिब वलों काल पीड़ितां दी मद्दद कीते जाण ते गुरू जी दा धंनवाद वी कीता। उस नें लंगर लई जगीर दी पेशकश कीती जो गुरू जी नें प्रवान नहीं कीती , किउंकि लंगर विच्च सभ दा हिस्सा हुंदा ए अते इह किसे इक्क वलों नहीं हो सकदा। गुरू जी नें अकबर दीआं फौजां दे उथे रहिण कारन आम जनता दे होए नुकसान दी भरपाई वजों अकबर नूं लगान मुआफ करन लई किहा, जो उस नें खुशी नाल कर वी दित्ता ।

7. गुरू जी दी शहादत (किउं अते किवें दा सच्च):- गुरू साहिब दी शहीदी दे किउं अते किवें बारे कुझ भुलेखे जरूर अजे वी चल्ल रहे हन। शहीदी दे कारनां विचों मुख्ख कारन जहांगीर दी धारमिक कट्टड़ता सी। सखी सरवरीए अते अहिमदीए जमात दे लोक गुरमति सिधांतां तों वाहवा औखे सन । किहा जांदा ए कि चंदू दी बेटी दा साक हरगोबिंद जी लई प्रवान नां करन ते उह बहुत नाराज़ सी। इह गल्ल ठीक है, इह वी ठीक है कि उह राजे दा दरबारी सी पर स खुशवंत सिंघ इतिहासकार दी खोज अनुसार चंदू किसे ऐडे वड्डे अहुदे ते नहीं सी कि उह बादशाह नूं रिशता ठुकराए जाण ते ही कतल कीते जाण दा हुकम देण लई मजबूर करदा। आदि ग्रंथ दी संपादना विच्च वख्ख वख्ख संत कवीआं दी रचना शामल कीती जाणी अते जहांगीर दे कहिण ते वी गुरू साहिब वलों उस विच कोई तबदीली नां करना , शाही तखत अते गुरू घर विच दूरी होर वधाउंदा है। पर इह वी शहीदी दे मुख्ख कारन विच नहीं कहि सकदे। खुसरो दी बगावत अते खुसरो दे गुरू दरबार विच आउण ते गुरू साहिब वलों उसनूं पिआर सतिकार देणा शहीदी दा ततकाली अते मुख्ख कारन बणदा है । जहांगीर दी आपणी लिखत ,जो उह तुजके-जहांगीरी विच लिखदा है, उस नूं असीं वड्डा अते वधीआ सबूत मंन सकदे हां। जहांगीर दे आपणे शबद धिआन देण योग हन—

” बिआस दरिआ कंढे गोइंदवाल नगर विच इक्क पीरां बज़ुरगां दे भेस विच्च अरजन नाम दे हिंदू नें बहुत सारे भोले भाले हिंदूआं अते बेसमझ मुसलमानां नूं वी आपणे मगर ला के आपणी पीरी दा ढोल उच्चा वजाइआ होइआ सी।लोक उसनूं गुरू अरजन आखदे सन। तिंन चार पीहड़ीआं तों इह दुकान चल्ल रही सी। चिर तों मैं सोच रिहा सी कि इस झूठ दी दुकान नूं बंद कीता जावे। जां इस गुरू नूं इसलाम विच्च लिआ जावे। इनहां दिनां विच ही हकूमत दा बागी खुसरो इधर आइआ ते इस गुरू नें उस दे मत्थे ते केसर दा टिक्का ला के जित्थे उसदी कामयाबी दी अरदास कीती, उत्थे माली सहाइता वी कीती।जदो मैनूं इसदा पता लग्गिआ तां मैं हुकम कीता कि इस गुरू नूं पकड़ के मेरे हवाले कीता जावे। उसदा घर घाट बच्चे अते माल असबाब मुरतज़ा खां दे हवाले कर के उस नूं यासा दंड दे के मार दित्ता जावे ।“

जहांगीर दे लिखे इह शबद महत्तवपूरन हन। इह तां हो सकदा ए कि उसनूं खबर देण वालिआं नें टिक्का लगाउण वरगी गल्ल वधा चहड़ा के कहि दित्ती होवे । पर मुख्ख कारन अते जहांगीर वल्लों मारे जाण दा हुकम दित्ते जाणा सपशट हुंदा है। उपरोकत हुकम अनुसार मुरतज़ा खां नें 24 मई नूं गुरू जी नूं ग्रिफतार कर लिआ अते राजे कोल पेश कर दित्ता। सजा दित्ते जाण दी चंदू दी डिऊटी लगाई दस्सी जांदी है, जिस नें रिशता ठुकराए जाण वाली गल्ल दा बदला लैण लई वधेरे ज़ुलम कीते जाण दी संभावना सही साबत हुंदी है।

यासा सजा उह हुंदी है जिस विच मुलाजम नूं तसीहे दे के इस तरां मारिआ जांदा ए जिस नाल उसदे खून दी इक्क वी तिप्प धरत ते नां डुल्ले। प्रचल्लित कथावां अनुसार असीं इह ही पहड़दे सुणदे आए हां कि गुरू जी नूं तत्ती तवी ते बिठा के हेठां अग्ग बाली गई अते उपरों तत्ता रेता पाइआ गिआ। इस दा मुख्ख सरोत गिआनी संतोख सिंघ जी रचित सूरज प्रकाश है । प्रसिध्ध इतिहासकार अते खोजी डाकटर हरजिंदर सिंघ दिलगीर जी अनुसार पहिलां गुरू जी नूं देग विच उबालिआ गिआ। अते इस मगरों उनहां दे हत्थ पैर बंनह के तपदी रेत विच सुट्टिआ गिआ। जेठ दे महीने विच रेत अग्ग वांग तप रही सी। उह केसर सिंघ छिब्बर दे हवाले नाल लिखदे हन

” चार दिन उनहां नूं रावी दे कंढे ‘तत्ती तवी वांग’ तपदी होई रेत विच तरां तरां दे तसीहे दित्ते गए। इस समे उथों लंघदे मुसलमान उनहां ते पत्थर मारदे गए ते इनहां विचों इक्क पत्थर जान-लेवा साबत होइआ। मगरों उनहां दे जिसम नूं पत्थरां नाल बंनह के रावी दरिआ विच रोहड़ दित्ता गिआ।” ….(केसर सिंघ छिब्बर,बंसावलीनामा दसां पातशाहीआं का, चैपटर 5, बंद 137-39)

दबिसतान-इ-मजाहिब दे लेखक मुताबिक वी गुरू जी नूं तपदी रेत विच बिठा के उनहां दे नंगे जिसम ते तत्ती रेत पाई गई सी ते नाल ही होर वी तशद्दद कीता गिआ सी जिस नाल उनहां दा जिसम छाले पैण मगरों सड़-गल गिआ ते अखीर उनहां नूं रस्सिआं नाल बंनह के दरिआ विच्च रोहड़ दित्ता गिआ।..(मऊबाद ज़ुलफिकार अरदसतानी)

डाकटर दिलगीर नें संतोख सिंघ बारे इह वी लिखिआ है कि उह आप इक्क वारी लिखदे हन कि गुरू जी नें खुद इशनान करन दी इछ्छा प्रगटाई सी अते संसकार नां कीते जाण बारे किहा सी (चैपटर 37, बंद 31) जद कि इसे पुसतक दे इसे चैपटर ( बंद 39 तों 48) विच लिखिआ है कि उनहां इक ब्राहमण दे घरों घाह मंगवाइआ, उस उप्पर लेट गए अते फेर देवते उनहां दी रूह नूं लै गए। रास चौथी विच जल प्रवाह लिखिआ है ,जद कि इसे सूरज प्रकाश दी रास पंजवी (चैपटर 10,बंद 41) विच उह गुरू जी दा संसकार वी करवा दिंदा है। डाकटर दिलगीर अनुसार रावी दे कंढे तपदी रेत नूं तत्ती तवी(तवी वी तपी तों बणिआ है) नाल तशबीह दित्ती जांदी सी। इहो जिही तवी लाहौर ही नहीं, जंमू विच वी झनां दी सहाइक नदी दे कंढे नूं वी तवी कहिंदे सन । अज्ज वी जंमू दा उह इलाका “जंमू तवी ” अखवाउंदा है।

इह गल्ल सपशट है कि गुरू जी नूं बहुत जिआदा तसीहे दित्ते गए सन। सिख्ख इतिहास विच शहीदी दा मुढ्ढ बंनहिआ गिआ सी अते इसे ही प्रेरना सदका होर किंनीआं ही शहीदीआं इतिहास नें दरज कीतीआं हन। इह वी ज़िकर आउंदा ए कि आपणी ग्रिफतारी तों पहिलां हरगोबिंद जी नूं गुरगद्दी देण समें आप जी नें उनहां नूं शकती धारन करन बाबत वी इशारा कर दित्ता सी जिस ते अमल करदिआं ही गुरू हरगोबिंद जी नें भगती अते शकती दा संकलप साहमणे लिआंदा सी।

इक्क पासे भट्टां नें पहिले गुरू साहिबान समेत गुरू अरजन जीं दी सिफत सलाह लिखी है जो गुरू ग्रंथ साहिब जी विच दरज है। भाई साहिब भाई गुरदास जी नें आप जी दे गुणां दा जिकर इंझ कीता है —

“रहिंदे गुरु दरीआउ विचि मीन कुलीन हेत निरबाणी ।।

दरशन देखि पतंग जिउ जोती अंदरि जोति समाणी ।।

सबदु सुरति लिव मिरग जिउ भीड़ पई चिति अवरु न जाणी ।।

चरण कवल मिलि भवर जिउ सुख संपट विचि रैणि विहाणी ।।

गुर उपदेसु न विसरै बाबीहे जिउ आख वखाणी ।।

गुरमुखि सुख फल पिरम रसु सहज समाधि साध संगि जाणी ।।

गुर अरजन विटहु कुरबाणी ।।………….(भाई गुरदास जी, वार 24, पउड़ी 23)