दिल च' वजदे सांझ वाले साज नूं सजदा करां मैं।
लोक-हित विच उठ रही आवाज नूं सजदा करां मैं।
भरम है इह सितमगर नूं कैद नां होवे कदी इह,
अंबरां नूं छोह रही परवाज़ नूं सजदा करां मैं ।
जोश रख्खां तेज ऐपर होश नां छड्डां कदी वी,
हक्क खातर लड़न दे इस काज नूं सजदा करां मैं।
ज़ुलम दा है अंत होणा जित्तणा मज़लूम आखर,
इस अगंमी सच्च वाले राज़ नूं सजदा करां मैं।
उच्चिआं महलां नें डिग्गणा, मुड़ उसरना ढारिआं नें,
वकत-तबदीली दे ऐसे नाज़ नूं सजदा करां मैं।
ख़ाक जो है करम-भों दी, तख़त है इह कामिआं दा,
किरत-मुहड़के नें बणाइआ,ताज नूं सजदा करां मैं।
खंभ तोड़े, चुंझ भंने, जिंदगी नूं जीण खातर
ऊरजा नविआउण वाले,बाज नूं सजदा करां मैं।
मिट रिहा है नहेर सारा,नैण-सूरज खुल्ल रहे नें,
इक-सुबह दे हो रहे आगाज़ नूं सजदा करां मैं।