5 जनवरी 2007 नूं गुरू नानक देव यूनीवरसिटी अंम्रितसर विच्च नशिआं विरुध्ध होए सैमीनार दी प्रधानगी उस वेले दे गवरनर स्री रौडरिगज़ नें कीती सी। उस वेले केंदरी जेल्ह अंम्रितसर दे मुखी अते सीनीअर पुलिस अधिकारी कुंवर विजे प्रताप सिंघ आई.पी.ऐस्स नें किहा सी कि असीं पुलिस वाले इमानदारी अते सिदक दिली नाल चाहीए तां नशिआं दी नामुराद बिमारी तों इक्क हफते विच्च छुटकारा पाइआ जा सकदा है। पर उस वल्लों निराशता भरी सुर विच्च किहा गिआ सी कि साथों इह आस नां रख्खिओ। स्री कुंवर विजे प्रताप सिंघ दे इहनां बोलां नाल हाल विच्च संनाटा छा गिआ सी। उसदे बेवसी वाले बोलां विच्च इक्क इशारा सी कि सिआसी आगू आपणे राजसी अते निज्जी हितां कारन इस गंभीर समस्सिआ नूं हल्ल करन विच्च रुकावट बणे होए हन। नशे दे तसकरां उत्ते सिआसी बंदिआं दा मिहर भरिआ हत्थ है। भला जदों दरबाना दी अख्ख चोरां नाल मिली होवे, माली दगाबाज़ हो जाण, दुध्ध दी राखी बिल्ला बहि जावे अते कौम दे रहिनुमा ग़द्दार हो जाण फिर देश अते कौम दे भविख्ख ’ते प्रशन चिंनह लग्गेगा ही। इह गल्ल उस समें वी सपशट हो गई सी जदों साल 2008 विच्च उस समें पंजाब ’ते राज कर रही राजसी पारटी वल्लों पुलिस दे ज़िल्हा मुखीआं नूं इक्क पत्तर जारी कीता गिआ सी, जिस विच्च उहनां तसकरां दी सूची तिआर करन लई किहा गिआ सी, जिनहां दा कुझ जन अधार है। दूजे शबदां विच्च वोट बैंक पक्का करन लई अजिहे तसकरां तों मदद लैण दी विउंतबंदी कीती गई सी। उस पत्तर दा रौला पैण कारन बाअद विच्च उह पत्तर सरकार वल्लों वापस लै लिआ गिआ सी।

अंदाज़न तिंन दहाकिआं ’ते नज़र मारदे हां तां पंजाब विच्च नशिआं दी महांमारी फैलण दे वड्डे कारनां विच्च सिआसतदान, पुलिस अते तसकरां दा आपसी गठजोड़ मुख्ख कारन रिहा है। पिछले कुझ समें विच्च ही नशिआं दी खपत विच्च 213% दा वाधा होणा पंजाब दे मत्थे ’ते धब्बा ही तां है। दुखांतक पहिलू इह वी है कि सिआसी लोक नशिआं दे मुद्दे ’ते खिद्दो खूंडी खेड रहे हन। राज सता ’ते काबज़ लोक दूजीआं सिआसी पारटीआं नूं इसदे लई ज़िंमेवार ठहिराउंदे हन अते दूजीआं पारटीआं राज भाग भोग रही पारटी नूं नशे दे वाधे लई कसूरवार ठहिराउंदीआं हन। इनहां दोशां दी खेड विच्च आम लोक बुरी तरहां पिस रहे हन। इस वेले 41% नशई चिट्टे दा सेवन करदे हन जिनहां दा प्रती दिन औसत खरचा 1300 रुपए है। 12 करोड़ दी रोज़ाना शराब, 13.20 करोड़ दा चिट्टा अते अंदाज़न 68 करोड़ प्रती दिन प्रवास दे लेखे लग्गण कारन पंजाबीआं दा कचूमर निकलिआ पिआ है। जेकर पंजाब दे विहड़े सुख्ख हुंदी तां नां तां हवाई अड्डिआं ’ते जवानी दी भीड़ होणी सी अते नां ही सिविआं विच्चों कुरलाउण दीआं अवाज़ां आउणीआं सन। इस सभ कुझ दे बावजूद आगूआं दीआं जाइदादां विच्च बेतहाशा वाधा होइआ है।

इस वेले पंजाब बहुपख्खी अते बहुपरती संकट विच्चों गुज़र रिहा है। रोज़ औसतन दो कतल, (ख़ुदकुशीआं वख्खरीआं), 2 कातलाना हमले, 11 चोरी दीआं वारदातां, सटरीट कराइम, हर दो दिन बाअद इक्क विअकती दा अगवा होणा, फिरौतीआं अते कतला दा रुझान, दो दिनां विच्च पंज औरतां दा बलातकार, दो दिनां विच्च सत्त विअकतीआं दा झपट मारी दा शिकार होणा, अंदाज़न 19 मापिआं वल्लों आपणे पुत्तरां नूं बेदखल करना, 16 दुरघटनावां अते हर रोज़ 15-16 तलाक दे केस दरज होण दे नाल नाल नशिआं दी महांमारी कारन मापे नरक भरिआ जीवन बतीत कर रहे हन। अजिही दोज़ख़ भरी सथिती बणाउण विच्च जदों राजसी आगूआं दा योगदान साहमणे आउंदा है तां सिर शरम नाल झुक जांदा है।

अजिहीआं 2-3 घटनावां दे वरणन नाल बहुत सारे राजसी आगूआं दी भूमिका साहमणे आ जावेगी। 2017 तों 2022 तक फिरोज़पुर दिहाती दी कांगरसी विधाइक अते हुण भाजपा आगू सतिकार कौर गहिरी खरड़ विखे नशा सपलाई करदी पुलिस नें रंगे हत्थीं फड़ लई। कार दी तलाशी दरमिआन उस कोलों 100 ग्राम हैरोइन फड़ी गई। कोठी दी तलाशी दरमिआन 28 ग्राम हैरोइन अते 1.56 लख्ख डरग्ग मनी वी बरामद होई। चार लगज़री कारां वी खड़ोतीआं सन। वख्ख-वख्ख कारां दीआं नंबर पलेटां वी बरामद होईआं हन, जो नशे दी तसकरी वेले वरतीआं जांदीआं सन। पुछ्छ पड़ताल दरमिआन उस वल्लों हरिआणा अते दिल्ली तक नशे दी सपलाई करन दा प्रगटावा कीता गिआ। उसने इह वी प्रगटावा कीता कि उह नशे दी बरामदगी फिरोज़पुर दे दो तसकरां तों करदी सी। उसदी निशानदेही ’ते उहनां नूं वी ग्रिफतार कर लिआ है। सरकार वल्लों दो तिंन ‘सुरख्खिआ करमी’ उस दी सुरख्खिआ लई दित्ते गए सन। जो हुण वापस लै लए हन।

इत्थे इह वी वरणन योग है कि सतिकार कौर गहिरी नूं साल 2022 विच्च नजाइज़ जाइदाद बणाउण दे केस विच्च उसदे पती लाडी गहिरी समेत ग्रिफतार वी कीता गिआ सी। उस समें साहमणे आइआ सी कि सारे साधनां तों उसदी आमदन 1 करोड़ 65 लख्ख बणदी सी पर जाइदाद 4 करोड़ 49 लख्ख दी बणाई गई। इस तरहां दी काली कमाई करन लग्गिआ पता नहीं किंनीआं मावां दे पुत्तां नूं सिविआं दे राह पाइआ अते किंनीआं औरतां रंडीआं‌ कीतीआं।

अंम्रितसर ज़िल्हे दे बाबा बकाला नाल संबंधित इक्क राजसी आगू तों 105 किलो हैरोइन बरामद कीती गई। राजसी छतरी हेठ उह चिट्टे दा काला धंदा करके जवानी दा घाण कर रिहा सी। कुझ समां पहिलां तरन तारन पुलिस नें नजाइज़ माईनिंग अते रेत माफीए विरुध्ध मुहिंम उस समें दे ऐस्स .ऐस्स .पी. गुरमीत सिंघ चौहान दी अगवाई विच्च विढ्ढी सी। मुखबरी दे आधार ’ते पुलिस वल्लों अध्धी रात नूं छापा मारके नजाइज़ माईनिंग करदिआं दोशीआं नूं 10 टिप्परां अते होर समान समेत रंगे हत्थीं फड़ लिआ। दोशीआं दा समान ज़बत करके उहनां नूं पुछ्छ गिछ्छ लई थाणा सी.आई.ए. लिआंदा गिआ। उनहां दोशीआं विच्च राज सत्ता नाल संबंधित विधाइक दा नज़दीकी रिशतेदार वी शामिल सी। भला पुलिस दी की जुर‌अत कि उह विधाइक दे नज़दीकी रिशतेदार नूं नजाइज़ माईनिंग करदिआं हत्थ पावे? जिस समें विधाइक नूं पता लग्गिआ तां उह लोहा लाखा हो गिआ। राजसी ताकत दे नशे विच्च उह अध्धी रात नूं ही फेसबुक्क ’ते लाईव हो के ऐस्स.ऐस्स.पी. नूं चैलिंज करदिआं कहिण लग्गिआ कि मेरे नज़दीकी रिशतेदार नूं ग्रिफतार करन दे गंभीर नतीजे तैनूं भुगतणे पैणगे। राजसी ताकत दे ज़ोर नाल रिशतेदार नूं रात नूं ही छुडवा लिआ। इत्थे ही बस्स नहीं, रेड करन वाले करमचारीआं नूं उप्परों आए हुकमां अनुसार ससपैंड कर दित्ता गिआ। ऐस्स. ऐस्स. पी. गुरमीत चौहान दी बदली करवा दित्ती गई। तरन तारन दी समुच्ची पुलिस टीम वल्लों ऐस्स.ऐस्स.पी. नूं खुल्ल्ही जीप विच्च बिठा के उस ’ते फुल्लां दी वरखा करके विदा कीता गिआ। बहुत सारे पुलिस करमचारीआं दीआं अख्खां विच्च अत्थरू वी सन। इह अत्थरू विधाइक दे चुक्के कदम संबंधी रोस दा प्रगटावा सी। इस कारवाई उपरंत जित्थे पुलिस करमचारीआं दा मनोबल गिरिआ, उत्थे ही नजाइज़ धंदा करन वालिआं नूं शहि वी मिली।

अंकड़े दस्सदे हन कि इस कांड तों बाअद तसकरां अते निजाइज़ माईनिंग करन वालिआं दे हौसले बुलंद होए अते कराईम गराफ़ विच्च वाधा वी होइआ। राजसी लोकां नूं इह चेते रख्खणा चाहीदा है कि उह समाज तों वख्ख नहीं, सगों समाज दा हिस्सा हन। आपणी कारगुज़ारी, लोक-हितां विच्च चुक्के कदमां लई समां आउण ’ते उनहां नूं लोकां दी कचहिरी विच्च जा के जवाब वी देणा पवेगा। उह इहनां शबदां नूं याद रख्खण:

येह दबदबा, येह हकूमत, येह नशा-ए-दौलत,

किराएदार हैं, घर बदलते रहिते हैं।

* * * * *