गल्ल कोई चाली साल पुराणी है। असीं अंम्रितसर दी उदों दे हिसाब नाल भीड़ वाली इक्क सड़क कंढे खहड़े गल्लां कर रहे सां। अचानक इक्क मोटरसाईकल वाले नें कोल आण के बरेक लाई ते साऊपुणे बगैर कहिण लग्गा, “इह सड़क कित्थे जांदी है?” कहिण दे ढंग तों खिझे होण कारन मेरे मूंहों निकल गिआ कि बहुत साल हो गए वेखदिआं, सड़क कदी किते गई नहीं, इस तों लंघण वाले किते नां किते चले जांदे हन। इद्दां दा जवाब सिरफ मैं नहीं सी दित्ता, मेरे वांग कई लोकां नें कदे नां कदे दित्ता होइआ होवेगा। इंने कु सालां बाअद वी उह सड़क किते जांदी दिस्सी नहीं, लोक ही लंघ के किते नां किते जांदे रहिंदे हन। सड़क होवे जां साडा भारत देश, बहुत घट्ट फरक सड़क विच्च अते इस देश दे हालात विच्च पिआ होवेगा। आवाजाई सड़क उत्ते चोखी वध गई अते अबादी देश विच्च वध गई, जिस कारन सड़क उदों जिंनी घट्ट चौड़ी बुत्ता नहीं सार सकदी, चोखी चौड़ी करनी पई ते इद्दां ही वध गई अबादी अते इसदीआं लोड़ां मुताबक देश दा ढांचा वी खिलारे वाला हो गिआ है, बाकी बड़ा कुझ ओदां ही है। उदों वी सड़कां उत्ते चल्लण लग्गिआं सिरफ आपणे बचा बारे सोचणा पैंदा सी, अगला बचदा कि नहीं, उस दी चिंता नहीं सी कीती जांदी अते अज्ज वी किसे दी चिंता करन दी लोड़ नहीं समझी जांदी। देश, समाज अते राजनीती विच्च वी उदों वांग आपणा हित वेखिआ जांदा है, बच सके तां आपणी इज़्ज़त बचाउण बारे खिआल रख्खिआ जांदा है, दूसरे दी इज़्ज़त दा की बणदा है, इसदी चिंता करन वाला उदों वी बेवकूफ समझिआ जांदा सी, चाली सालां बाअद अज्ज वी इद्दां ही है।
इस वकत भारत विच्च जो कुझ हुंदा आए दिन दिखाई दिंदा अते कंनां विच्च गूंजदा है, उस दी कथा करन दी लोड़ बेमतलबी जापदी है, साडे आंढ-गवांढ ते साडे पंजाब विच्च जां नाल लग्गदे हरिआणे विच्च जो कुझ ते जिंना कुझ वापरदा है, उस विच्चों छोटा जिहा हिंदुसतान दिस सकदा है। की देखणा है भारत दे होर इलाकिआं विच्च, इहो वेखण अते सुणन नूं मिलेगा कि आर ऐस्स ऐस्स अते उस दी बणाई होई पारटी दे आगूआं नें लोकां नूं इंना मूरख मंनण दी आदत नहीं छड्डी कि जो मरज़ी कहि के उस नूं इतिहासक तत्थ कहि दित्ता जावे, उनहां दे पिछ्छलग्ग खुद सच्च मंनदे अते होरनां नूं मनाउण वासते ज़ोर ला दिंदे हन। कांगरस दी लीडरशिप्प आपणे नेड़ले घेरे दे अठ्ठ-दस आगूआं नूं वी आपणे कहिणे विच्च रख्खण विच्च कदी कामयाब नहीं हो सकी, पर आपणे आप नूं सारे देश दी राजनीती दी हाई कमान मंनदी है। जिहड़े किसे राज विच्च उस दे लीडर आपणी जित्त होणी यकीनी समझदे हन ते आम लोक वी इहो मंन लैंदे हन, आखर विच्च पारटी लीडरां दी आपसी गुट्टबंदी खीर उत्ते इहो जिही खेह पाउंदी है कि बेशरमी पल्ले पै जांदी है। इसे खराबी दा ताज़ा सबूत है कि हरिआणे विच्च चोणां विच्च हार जाण पिछ्छों इक्क महीना लंघा के वी पारटी विरोधी धिर दा नेता चुणन वासते सहिमती करन जोगी नहीं हो सकी ते हाऊस विच्च उस दे विधाइक मनमरज़ी दे सवाल करदे अते हाकम धिर भाजपा दीआं टिप्पणीआं दे तीर झल्लदे फिरदे हन। बाकी विरोधी पारटीआं दी लीडरशिप्प वी इक्क जां दूसरी तरहां लगभग इहो जिही हालात दी घुंमणघेरी विच्च फसी होई दिस सकदी है।
पंजाब दी लीडरशिप्प आए दिन उप चोणां विच्च उलझी रहिण दी मजबूरी नूं बहाने वजों वरत लैंदी है, पर आपणीआं आदतां ते रुझान किसे वी पारटी नें बदलण दी लोड़ कदी महिसूस नहीं कीती। बदलण दी लोड़ वी की है, जिहड़ा आगू अज्ज अकाली दल विच्च दिखाई दिंदा है, भलक नूं कांगरस विच्च ते परसों भाजपा विच्च जां आम आदमी पारटी विच्च जा के इद्दां सारिआं दा मोहरी बण जांदा है, जिवें लाहौरीआं दी बोली विच्च कहिंदे हन कि निकंमा कट्टा वग्ग दा मोहरी हुंदा है। असीं लोक अजे तक हरिआणे दे इक्क राजसी मुहावरे ‘आइआ राम, गिआ राम’ नाल बुत्ता सारदे पए हां, जदों कि किसे समें दे उदों दे विधाइक गिआ राम तों वध्ध तमाशबीनीआं साडे पंजाब दे आगू करन दे माहर हन। इक्क लीडर नें कांगरस वल्लों विधान सभा चोण लड़ी अते आम आदमी पारटी तों हारन दे अगले साल आम आदमी पारटी वल्लों लोक सभा चोण लड़ी अते जित्ती अते उस तों अगले साल उसे सीट लई भाजपा दा उमीदवार जा बणिआ सी। इत्थे दल-बदली करन वाले आगूआं लई ‘आइआ राम, गिआ राम’ वाला मुहावरा वरतण दी थां जलंधर दे उस आगू दा नां वी लिआ जा सकदा है, पर असीं वरतदे नहीं। सानूं राजनीतक पख्ख तों पहिलां बिहार दा राम विलास पासवान सभ तों वड्डा मौसम विगिआनी जापदा हुंदा सी, किउंकि उह हर चोण मौके दलबदली करदा ते उस गठजोड़ नाल जुड़ जांदा हुंदा सी, जिसदी सरकार बणनी हुंदी सी। फिर नितीश कुमार जां महाराशटर वाला अजीत पवार इद्दां दा लीडर जापण लग्ग पिआ, पर इद्दां समझ लैणा पंजाब दे निहाल सिंघ वालीए उस आगू नाल कुझ बेइनसाफी जापदा है, जिस नें नितीश कुमार जां अजीत पवार दे गठजोड़ बदलण तों वी वध्ध पारटीआं बदलण दा कंम कर विखाइआ सी। उहदे हक्क दा बणदा खिताब किसे होर नूं नहीं देणा चाहीदा।
राजनीतक खेतर विच्च जिहड़े लोक आउंदे हन, आज़ादी लहिर दे दिनां दौरान उनहां विच्चों बहुत सारे देशभगती दी भावना नाल ओत-पोत हुंदे सन, बाअद विच्च आइआं विच्चों बहुते आगूआं दी सोच कुरसीआं उत्ते बहिण अते बैठ गए होण तां टिके रहिण तक सीमत हुंदी है। इस कारन भारत दी लीडरशिप्प होवे जां किसे वी राज दे आगू होण, जो कुझ विरोधी धिर विच्च हुंदिआं आखदे हन, जदों कदे सत्ता मिल जावे तां ऐन इस तों उलट बोलदे सुणन लग्गदे हन। लोक प्रधान मंतरी तक दे पुराणे भाशणां दीआं कलिप्पां वाइरल कर के खुश होई जांदे हन अते जिनहां दे पुराणे भाशणां दीआं वीडीओ कलिप्पां वाइरल हुंदीआं हन, उह नाराज़ होण दी थां इह सोच के खुश होई जांदे हन कि लोक इंने कु मनोरंजन नाल दिल दी सारी भड़ास कढ्ढ लैण तां अगली चोण तक इनहां गल्लां नूं आम जिहीआं मंन के फिर साडा पाइआ चोगा चुगण जोगे हो जाणगे। अगली चोण विच्च फिर सत्ता माणन वाले अते सत्ता लई तरलोमछ्छी होण वाले लीडरां विच्च वोटरां नूं बेवकूफ बणाउण दा मुकाबला शुरू हो जांदा है ते जिहड़ा वड्डी गप्प मारन दे समरत्थ हुंदा है, उस नूं लोक जेतू करार देण दे लई बेताब हो जांदे हन। इक्क गल्ल भारती समाज अते पंजाबी समाज विच्च इह वी प्रचलित है कि लोक पंज साल जिनहां गल्लां दा रोणा रोंदे रहिंदे हन, वोटां वेले उह सभ गल्लां भुल्ल जांदे ते भाशण कला दी ऐकटिंग दा माहर लीडर ज़रा भावुक हो के चार गल्लां कहि देवे तां उस दी जै-जै कार करन लग्गदे हन। चोणां दी घड़ी लंघण दे बाअद ‘सभ कुझ लुटा के होश में आए तों किआ आए’ वाला हाल होइआ पता लगदा है।
जदों देश विच्च इद्दां दे हालात हन, कुझ बदलदा दिखाई नहीं दिंदा तां लोक इसदा कारन समझण दी इछ्छा रख्खदे हन, पर कदे इह नहीं सोचदे कि हालात बदलदे नहीं हुंदे, बदलण दी इछ्छा पूरती वासते कुझ करना वी पैंदा है। समाज बदलणा जां देश दी राजनीती दी दिशा बदलणी है तां इसदे लई कुझ इहो जिहे समाज सेवीआं अते समाज सेवी संगठनां नूं अग्गे आउण दी लोड़ हुंदी है, जिहड़े खुद राजनीती दे किसे वी पड़ाअ उत्ते आपणे लई जां आपणिआं लई किसे किसम दे लाभां तों अगेती तौबा कर सकदे होण। भारत दे लोकां नूं अजे तक इहो जिहे हालात दी चिरां तों तांघ रही है, पर बदकिसमती है कि जदों वी कदी इद्दां हो सकण दी ज़रा जिंनी झलक दिखाई दिंदी है, रवाइती तिकड़मबाज़ राजनीती दी लाग वाले लीडर अगेता राह रोकण लई बाकीआं नूं मोढे मार के सभ तों मोहरे होण लग्गदे हन। लोड़ उस भरोसेयोगता दे पकेरे होण दा भरोसा बझ्झण दी है, पर जदों हर पासे भरोसेयोगता नूं खोरा लाउण दी राजनीती हो रही होवे तां लोकां दी इछ्छा पूरती वाली भरोसेयोगता पेश करन वाला भरोसेयोग विअकती लभ्भणा ही औखा होइआ पिआ है। असीं बहुत वारी सुणिआ है कि धरती कदी बांझ नहीं हुंदी, इह इतिहास दे नाइक बणन वाले योधिआं नूं जनम देण दी समरत्थ हमेशा रहिंदी है, पर जिस खेत विच्च बीज ही किसे पुराणे रोग दी लाग वाला केरिआ गिआ होवे, उस खेत तों किक्करां दे बीज खिलार के दाखां उग्गण दी आस करनी फज़ूल हुंदी है। चिरां तों इहो हुंदा आइआ है, इहो होई जा रिहा है अते इसदा इलाज ओहड़-पोहड़ करन तों अग्गे नहीं वध रिहा।
ओशो रजनीश नें इक्क वारी कथा कीती सी कि कोई नेक बंदा जदों धरती उत्ते आइआ तां लोक उस दे पैरोकार बणन लग्ग पए। हर पासे जदों उस दी महिमा हुंदी वेखी तां शैतान दे मंतरीआं नें उस नूं जा के किहा कि तूं की करदा पिआ हैं, धरती उत्ते इक्क नेक बंदा आ गिआ है, सभ लोक उस नाल जुड़ी जांदे हन, इद्दां ही चल्ली गिआ तां तेरी चौधर दी सफ वल्हेटी जा सकदी है। उस नें आपणे मंतरीआं नूं हस्स के किहा सी, मैं कच्चीआं गोलीआं नहीं खेडिआ, आउ तुहानूं आपणी खेड समझा दिंदा हां। सारिआं दा मूंह धरती वल्ल कर के उस नें पुछ्छिआ सी कि उत्थे की वेखदे हन ते उनहां नें किहा कि उह नेक विअकती हज़ारां दी भीड़ मोहरे कोई भाशण करदा अते आम लोक सिर हिला रहे हन। शैतान नें पुछ्छिआ कि उस दे घेरे-घेरे कौण लोक हन तां मंतरीआं नें किहा कि हज़ारां दी भीड़ है। उस नें फिर पुछ्छिआ कि हज़ारां दी भीड़ भुल्ल के असलों नेड़ले घेरे वाले लोकां वल्ल वेख के दस्सो कि कौण हन! मंतरीआं नें किहा कि साऊ जिहे कप्पड़िआं ते साऊ चिहरिआं वाले वीह-पंझी जणे बाकीआं तों वख्खरे सतिकारत जिहे सज्जण हन। शैतान नें किहा सी कि जिहड़े इह साऊ जिहे वीह-पंझी सज्जण उस नूं घेरा पाई खहड़े हन, इह मेरे प्रतीनिध हन, इनहां ज़िंमे इही कंम है कि लोकां नूं कही जाण कि जिहड़ा इसदे दरशन कर लवेगा जां इसदे चरनां दी धूड़ मत्थे नूं छुहा लवेगा, उस दा जनम सफल हो जावेगा, पर लोकां नूं इस नेक विअकती दे राह उत्ते कदे नहीं चल्लण देणगे। ओशो दी कही इह गल्ल कई युग्गां तों अमल विच्च सच्ची साबत हुंदी रही है, अज्ज वी सच्च साबत हुंदी है। असीं उस वकत दी उडीक कर सकदे हां ते सिदक-दिली नाल उडीक कर सकदे हां, जदों कोई रहिबर आवे तां इहो जिहे साऊ दिख्ख वाले घागां दा घेरा तोड़ के लोकां लई कुझ कर सके। उस वकत तक इह सड़क किसे पासे नहीं जाणी, इत्थे दी इत्थे रहेगी, इस तों लंघण वाले लंघदे रहिणगे ते देश वी ओदां दा ओदां ही समें दे कैलंडर दे वरके उथल्लदा रहेगा, लीडर मज़े माणदे रहिणगे, पता नहीं कदों तक!