पंजाब दे उघ्घे नाटककार, लेखक, संपादक अते कालमनवीस गुरशरन सिंघ नें औरत दी परिवारक अते समाजिक देण दा ज़िकर करदिआं लिखिआ है, “औरतां नूं घर संभालण लई जो कंम करना पैंदा है, उसदी कीमत मरदां नालों कीते कंम तों डिउढी है। पर औरतां दे कीते कंम दी मारकीट कीमत नहीं, इस लई समाजिक तौर ’ते उहनां दी मिहनत नूं फालतू अते फज़ूल समझिआ जांदा है।” उपरोकत कथन विच्च इक्क कौड़ी सचाई है। सारा दिन कोहलू दे बैल वांग कंम करन वाली औरत दे सिदक, सिरड़ अते करड़ी मिहनत नूं बहुत वार अख्खों परोखे कीता जांदा है। इह वी इक्क दुखांतक पहिलू है कि मरद दी मरदानगी दा प्रगटावा करदिआं कीते अनैतिक कंमां दा इवज़ाना वी इक्क पतनी दे रूप विच्च, इक्क मां दे रूप विच्च अते इक्क धी दे रूप विच्च औरत ही भोगदी है। ताहनिआं, मिहणिआं, कुसैले बोलां अते बेरुखी दा शिकार होई औरत बहुत वार शेरनी वरगी दहाड़ नाल आपणी होंद दा अहिसास करवाउण विच्च कामयाब वी हो जांदी है।

इक्क नामवर नशा छुड़ाउ केंदर दे डाइरैकटर वजों मेरे सेवा करदे समें दौरान इक्क औरत आपणे नशई पती नूं नाल लै के आ गई। पती नशिआं दा झंबिआ पिआ हड्डीआं दी मुठ्ठ बण गिआ सी। 40 कु सालां दी उमर विच्च ही उसदी हालत डिगूं डिगूं करदी इमारत वरगी सी। औरत दे चिहरे ’ते उक्करी सोगी इबारत उसदे नशई पती कारन पोटा पोटा दुखी होण दी शाहदी भरदी सी। कमरे विच्च कुझ पल संनाटा जिहा छाइआ रिहा। औरत दा दरद उहदे नैणां दे कोइआं विच्चों अत्थरूआं दे रूप विच्च वहि रिहा सी। फिर उहने चुंनी दे पल्ले नाल अत्थरू पूंझदिआं निमरता नाल किहा, “इह मेरा घर वाला ऐ जी। नशा डफ्फदा है। नशा करके जूआ वी खेडदै। डक्का कंम नहीं करदा। दो खेत ज़मीन ऐ। नशे दा झस्स पूरा करन लई उहनूं वी वेचण नूं फिरदा सी। उह तां जी मैं रिशतेदारां दी मदद नाल अदालत विच्च ज़मीन वेचण ’ते सटेअ लै लई। पर घर विच्च इहने कुझ नहीं छड्डिआ। जवाकां दे मूंह विच्चों रोटी खोहण दी इहने कोई कसर नहीं छड्डी। इह जी..।”

मैं चाहुंदा सी कि उह औरत आपणे मन ’ते पिआ बोझ हलका कर लवे। उसने आपणी दरद कहाणी जारी रख्खी, “इह जी, अध्धी अध्धी रात नूं घर वड़दा। इहदे कारन मैनूं नींद कित्थे आउंदी? जदों इह नशे विच्च टल्ली होइआ खौरू पाउंदा तां बच्चे वी सहिम के उठ्ठ जांदे। मेरी कुट्टमार, बच्चिआं नूं झिड़कां अते रोज़ दे कलेश कारन गुआंढी वी तंग आ गए सन। इहदे जी, किंने वार थोडे कोल इलाज करवाउण लई तरले पाए, पर इहने पैरां ’ते पाणी नहीं पैण दित्ता।”

“फिर इत्थे आउण लई इह किवें मंनिआ?” मैं पुछ्छिआ।

“फिर जी, इक्क दिन मैं सोचिआ कि इस तरहां ढेरी ढाह के तां कुझ नहीं बणना। जवाकां दी ज़िंदगी वी रुल जाणी ऐ। वड्डा मुंडा सुख्ख नाल नौंवीं विच्च ऐ अते कुड़ी सत्तवीं विच्च पहड़दी ऐ। दोनों जवाक पहड़न विच्च हुशिआर नें। असीं फिर तिंनां नें राए करके इहदे नासीं धूंआं लिआउण दा फैसला कर लिआ। फिर जी, इक्क दिन मैनूं पता लग्गिआ कि इह आपणे वरगे तिंन चार मुशटंडिआं नाल दारू पीके जूआ खेड रिहा है। मैनूं तां जी अंदरों अग्ग लग्ग गई। घरों डांग चुक्क के मैं इनहां दे टिकाणे ’ते पहुंच गई। मैनूं उत्थे देख के दूजे मसटंडे तां ठठंबर जिहे गए। मैं इहदे सोटी दी हुझ्झ मारदिआं किहा, “हुण नशे दे नाल जूआ वी खेडण लग्ग पिऐं। शरम नहीं आउंदी तैनूं?”

मेरी शेरनी वरगी दुहाड़ सुण के इसने ढीठ जिहा होके किहा, “फिर की होइआ जे जूआ खेडदां, जूआ तां पांडो वी खेडदे सी।” इहदी इह गल्ल सुण के मैं फिर गरजवीं आवाज़ विच्च किहा, “ठीक ऐ, पांडो जूआ खेडदे सी। पर उहनां दी पतनी दरोपदी दे पंज पती सन। मैनूं वी हक्क ऐ, दस्स फिर मैं वी पंज खसम रख्खां?” इह कुझ नहीं बोलिआ। इहनूं इह पता लग्ग गिआ सी कि जे मैं होर पंज-तिंन कीती तां इह डांग मेरे ’ते वरह वी सकदी ऐ। इह जी, चुप्प करके मेरे नाल घर नूं तुर पिआ। उस दिन तों बाअद इहदी असीं पूरी नाकाबंदी कर दित्ती। रात नूं देर नाल आउण ’ते असीं बूहा नहीं सी खोल्हदे। जवाकां नें वी इहनूं बुलाउणा छड्ड दित्ता। रोटी टुक्क वेले जे इह घर हुंदा तां असीं दे दिंदे, नहीं फिर पहिलां वांग इहदे लई चुल्ल्हा नहीं सी बलदा। जदों जी, चारे पासिउं इहदे नासीं धूंआं आ गिआ, फिर इह आप ही कहिंदा कि मेरा इलाज करवा दिउ। हुण जी, तुहाडे लड़ लग्गे हां।”

उस औरत दी गल्ल सुणन तों बाअद मैं उहदे पती नूं पुछ्छिआ, “किउं बई, इलाज करवाउणै?”

उसने पहिलां आपणी पतनी वल्ल देखिआ अते फिर मेरे वल्ल मूंह करके किहा,” आहो जी, मैनूं दाख़ल कर लवो। मैं इह कुत्ता कंम छड्डणै।”

असीं कागज़ी कारवाई उपरंत उसनूं दाखल कर लिआ। उसदी पतनी नूं दिलासा दिंदिआं मैं किहा, “आपणे वल्लों साडी पूरी कोशिश होवेगी कि सिरफ इसदा नशा ही नां छुडवाईए, सगों चंगा इनसान बणाउण दा वी यतन करीए।”

उह औरत शुकराने भरे शबद कहि के चली गई।

दुआ अते दवाई दे सुमेल नाल उह विअकती दिन-ब-दिन मानसिक अते सरीरिक तौर ’ते तंदरुसत हुंदा गिआ। शाम नूं योगा, मैडीटेशन करवाउण उपरंत दाख़ल मरीज़ां दी कौंसलिंग करनी मेरे कारज दा अहिम हिस्सा सी। कौंसलिंग करदिआं मैं दाख़ल नशई मरीज़ां दे चिहरिआं वल्ल देखदा। मेरीआं कहीआं गल्लां उह बड़े धिआन नाल सुणदे सन। कौंसलिंग समें इक्क दिन मैं उस औरत दे पती करम सिंघ नूं खहड़ा करके पुछ्छिआ, “सच्च दस्सीं, करम सिआं, की तूं आपणी पतनी दा चंगा पती बणिआ हैं?”

उसने नां विच्च सिर हिला दित्ता। मेरा अगला प्रशन सी, “की तूं आपणे बच्चिआं दा चंगा बाप बण सकिआ हैं?”

उहने फिर निराशता दा बुत्त बण के “नहीं जी” कहि दित्ता। फिर मैं अगला प्रशन पुछ्छिआ,” की तूं मां बाप दा चंगा पुत्त बण सकिआ हैं?” इस प्रशन दा जवाब देण दी थां उह फुट्ट फुट्ट के रोण लग्ग पिआ। उसदे इह पछतावे दे हंझू बुरिआई तों चंगिआई वल्ल जाण दा संकेत सन।

समें समें सिर उसदी पतनी दा टैलीफोन आउंदा रिहा। वीह कु दिनां बाअद उह उसनूं मिलण आ गई। उसदे पती नूं मिलाइआ गिआ। उह आपणी पतनी नूं डाढे ही मोह नाल मिलिआ। राज़ी-खुशी पुछ्छण उपरंत उसने पतनी नूं पुछ्छिआ, “भला आपणी मीतो हुण कैमीं विच्च हो गई? बिक्कर किहड़ी जमात विच्च पहड़दै?” पुछ्छण वेले उसदे चिहरे ’ते ज़िंमेवारी दा अहिसास झलकदा सी।

पती पतनी दे मिलण समें मैं कुझ समें लई दफतर विच्चों बाहर चला गिआ। जदों वापस आइआ तां नज़र भर के देखिआ। दोनां दे चिहरिआं ते मुसकराहट झलक रही सी। उसने पतनी वल्ल विहंदिआं द्रिहड़ विशवास नाल किहा, “गाहां नूं आपां ज़मीन ठेके ’ते नहीं देणी। मैं आप करूंगा खेती। आपणे पुत्त-धी नूं पहड़ाउण लई वी पूरा टिल्ल ला दिआंगा।”

उस औरत नें मैनूं मुख़ातिब हुंदिआं किहा, “जिहड़ीआं गल्लां असीं पिछले 15 सालां विच्च नहीं कीतीआं, उह थोहड़े जिहे समें ही कर लईआं नें। इहनूं जी होर लोट कर दिउ। फिर ही मैं लै के जावांगी।”

हुण उस औरत दे चिहरे तों खुशी डुल्ल्ह डुल्ल्ह पैंदी सी। उहदे नैणां विच्च सिरजे होए सुपने साकार होण दा चाअ वी झलक रिहा सी।

* * * * *