नादिर
April 2017
मैनूं बिरहौ दी अग्ग विच्च झुळस लैण दओ
दिल जले नूं मेरे नां सहारा दवो
वेख के मैनूं लाहनत कोई दे दओ
मैनूं बिरहौ दी अग्ग विच्च झुळस लैण दओ
मैनूं गम दी खुशी विच्च तड़प लैण दओ
पोटे पोटे नूं कट्ट के तसीहे दवो
अध्ध मरे नूं सदीवी भटक लैण दओ
मैनूं बिरहौ दी अग्ग विच्च झुळस लैण दओ
इह घड़ी दरद दी दर खड़ी रहिण दओ
दिल दीआं धड़कनां नूं रुकण नां दवो
इह नूं यादां दे गळ लग्ग सिसक लैण दओ
मैनूं बिरहौ दी अग्ग विच्च झुळस लैण दओ
मेरे अपणे नूं बेगाना कहि लैण दओ
रिशतिआं नूं बदल नाम कोई दवो
बे-गरज़ बे-दिला बे-वफ़ा कहिण दओ
मैनूं बिरहौ दी अग्ग विच्च झुळस लैण दओ
मेरे वेहड़े 'च नहेरे नूं रहि लैण दओ
खुशक दीवे दी बत्ती नूं लो नां दवो
बळ सके नां कदे इह सुलग लैण दओ
मैनूं बिरहौ दी अग्ग विच्च झुळस लैण दओ
मेरीआं हसरतां नूं नां फुल्ल पैण दओ
कट्ट दवो टाहणीआं छांग मुढ्ढ तों दवो
फेर मुड़ के नां मेरा कदे नां लओ
मैनूं बिरहौ दी अग्ग विच्च झुळस लैण दओ
**********************************
माही
April 2017
चिड़ीआं नें चहिक लाई, तेरी हासी हस्स के
भौरिआं नें गुण गुणाए, तेरे गुण रट्ट के
टाहणीआं नें सिर निवाए, तेरे वल्ल झुक्क के
फुल्ल गुलाब साड़ खाए, तेरे वल्ल तक्क के
घुग्गीआं नें बात पाई, तेरी गल्ल दस्स के
टोटरू नें हूंग लाई, दिल ते हत्थ रख्ख के
काटोआं नें खेढ पाई, कंध कोठे टप्प के
सेहहड़ीआं नें बुड़ बुड़ाई, दस्स तेरे नख्खरे
बण पंजेब नच्चां मसत, पैर तेरे लग्ग के
इक्क वारी कहि के माही, सानूं ज़रा सद्द दे
बींडिआं नें हेक लाई, कंन हत्थ रख्ख के
गौण तेरी ही रुबाई, विच्च बहि के सत्थ दे
फुल्ल रस लै के मख्ख, आओंदे तेरे दर ते
शहिद बणाओंदे, लै के जांदे तेरे झलके
फुल्ल बहिण राहीं तेरे, सज सज फब्ब के
महिक उधारी लैणी, देवें जे तूं कढ्ढ के
तितलीआं डौर भौर, होईआं उड्ड उड्ड के
मंगदीआं रस तेरा, तैनूं लभ्भ लभ्भ के
बण पंजेब नच्चां मसत, पैर तेरे लग्ग के
इक्क वारी कहि के माही, सानूं ज़रा सद्द दे
बद्दलां नें नीवीं पाई, सूरजां नूं ढक्क के
किरनां नें झात पाई, इक्क अख्ख दब्ब के
कणीआं नें गीत गाए, बुल्ल्ह चब्ब चब्ब के
पौण फिरे गेड़े खाई, सवाद तेरा चख्ख के
ढळ सूरजां दे, परछावें वी नें लत्थ गे
वज्ज वज्ज टल्ल, बौलदां दे गळ थक्क गे
लारिआं नें लारिआं नूं, लारे लाए लप्प के
आजड़ी वी घर नूं आए, सारा दिण खप्प के
बण पंजेब नच्चां मसत, पैर तेरे लग्ग के
इक्क वारी कहि के माही, सानूं ज़रा सद्द दे
नहेरिआं नें रात पाई, राह तेरे थक्क गे
तारिआं नूं तौणी आई, रात गळ लग्ग के
जुगनूआं नें टिम टिमाई, चेते तेरे लग्ग के
चंन फिरे रौशनाई, धुप्प चुंम चट्ट के
भोर होण नूं है आई, तारे सारे भज्ज गे
याद तेरी सानूं आई, अख्ख किवें लग्ग जे
पाठ तेरे पाठ वांगू, पहड़ पहड़ पहड़ ते
मंग लैणा नाम तेरा, रब्ब कोळों लड़ के
बण पंजेब नच्चां मसत, पैर तेरे लग्ग के
इक्क वारी कहि के माही, सानूं ज़रा सद्द दे
सुण के आशिकां दी गल्ल, दंद काह तों कढ्ढ ते
होळी हौळी मारदी ऐं, इक्को वारी वढ्ढ दे
लोक मैनूं आखदे नें, इह दा खहिड़ा छड्ड दे
नाम लिख ला तूं मैनूं, मेरा फाहा वढ्ढ दे
इक्क वारी गल्ल मेरी, सुण ज़रा गौर के
तेरी करां मैं चकारी, हत्थ मेरे हत्थ दे
बण महिबूब साडी, ख़ाब सच्च कर दे
नहीं हत्थ आपणे तूं, जिंद साडी कढ्ढ दे
बण पंजेब नच्चां मसत, पैर तेरे लग्ग के
इक्क वारी कहि के माही, सानूं ज़रा सद्द दे
************************************
बहार
April 2017
आई रुत्त ए बहार
मींह वरहे बंनह धार
तेरा इशक खुमार
होइआ मन ते सवार
कदे बण के पुरा वग जा सज्जणा
मोर नच्चे पब्ब भार
उड्डे चिड़ीआं दी डार
करे दिल बेकरार
मैनूं तेरा इंतज़ार
कदे बण के घटा चहड़ जा सज्जणा
वज्जे राग मलहार
छेड़े मन दी सितार
लग्ग गळ मेरे यार
तपे देह जिओं बुखार
कदे बण के बद्दल वरह जा सज्जणा
दिन ज़िंदगी दे चार
चल्ल बद्दलां दे पार
करां रज्ज मैं पिआर
लाहां तेरे मैं उधार
कदे बण के कणी छूह जा सज्जणा
मैनूं आवे नां करार
तेरा होइआ नां दीदार
अग्ग लग्गणी फुहार
चुंमे मेरे रुख़सार
मेरा मदन मोहन बण जा सज्जणा
***************************
पुकार
March 2017
ऐ मां
मैं गुड्डी किंज चाहड़ां
अंबर किहड़े दे विच्च तारां
हुण कीहदे पिआर दा मैं मांजा
डोर ते मारां
ऐ मां
लेटी
चेता तेरा मैं पा के घोळदा
तील्हे
बांस दे झाड़ूआं दे टोळदा
तेरी यादां दा बुल्ला फिरे झोलदा
कंनी दे दे नी माए बोलदा
गुड्डी लुट्टी ते जे रोवां तां
कोई नहीं गौळदा
ऐ मां
सुनेहा
दिलां दा डोरां नाळ वळदा
तैनूं
रहां मैं रोज घल्लदा
काटा पिआ इहा अजल दा
हुंगारा आवे नां तेरे वल्ल दा
कुंगड़ कीहदी पैंद पै जावां
वेला आवे जद सौण दा
ऐ मां
मूरत
बण के तूं बहि गई किओं दीवार ते
हंझू
वी रुक गए मेरे हार के
हौंके दसतक दिंदे मेरे दुआर ते
गुड्डे लुट गए नें सारे पिआर दे
मुड़ के नां आवीं बुला जा इक्क वार
वाजां मार के
ऐ मां
ऐ मां
मैं गुड्डी किंज चाहड़ां
अंबर
किहड़े दे विच्च तारां
हुण कीहदे पिआर दा मैं मांजा
डोर ते मारां
ऐ मां
***********************
हालात
February 2017
औड़ां भरिआ मन दरिआ
विच्च वगदा सुक्का पाणी
बिन मतलब दे उळझे फिरदे
माअने सभ बेमानही
परछावें जिहे बंदिआं मूरहे
हउमैं है जिसमानी
पहड़ लिख के वी अनपहड़ ऐथे
अनपहड़ ब्रहम गिआनी
निरमलता ते कोमलता
उपदेश दवे अभिमानी
मकरे बैठे गुर घर सांभी
दुनीआं होई दिवानी
हर मन दे दरवाज़े हुंदी
झूठां दी अगवानी
सच्च बोले तां कीकण बोले
चहड़िआ झूठ ज़ुबानीं
तरक तां तोले सावां सावां
कुतरक बे रोक बिआनी
सिंघासण ते सज सज बैठे
पल्ले अकल दुआनी
धरती उत्ते लीकां वाह के
बण गए दुशमण जानी
परले पासे राकश वस्सदे
उरले दिलबर जानी
धरती वंडी पाणी वंडिआ
हवा नी वंडी जाणी
आह वी मेरा औह वी मेरा
दो दिन दे सैलानी
धरी धराई रहि जाणी है
सारी बुध्धीमानी
आदम जात नूं लै के डुब्बू
आपणी ही शैतानी
***************************
बिरथे
February 2017
दिल बेकरार मेरा
कदों दा बीमार तेरा
तेरीआं नें यादां आओंदीआं
रवे इंतज़ार तेरा
होवे नां दीदार तेरा
थक्क गई पओंदी औंसीआं
झाक दीआं राहां उत्ते
बिरथा दा पहिरा लग्गे
पीड़ां नंगे हो के नहाओंदीआं
घुप्प मस्सिआ दा नहेरा
होवे नां कदे सवेरा
तांघां मैनूं लारे लाओंदीआं
आई नां घटा चहड़
उमरां वी गईआं हहड़
हिजरां नें पैलां पाओंदीआं
आसां दे बनेरे मेरे
कावां नें लाए नां फेरे
गूंगीआं नें कोइलां गाओंदीआं
दिल वी नां धड़के इह
अख्ख वी नां फड़के इह
बिड़कां वी नहीओं आओंदीआं
बण के भुलेखे जिहे
अणहोणीआं दे टोले
बूहा मेरा खड़काओंदीआं
वंगां दे पए टोटे
टुट्टदे नां मैथों छोटे
ताक तेरी मारे झल्लीआं
पत्तीआं वी फुल्ल दीआं
वैरना नें बण गईआं
नांह ते आ के मुक्क जांदीआं
बिरहौ वी अड़ अड़
बहिंदी डट मेरे दर
पक्कीआं बरूहां मल्लीआं
भरमा नें आओणा छड्ड
सुपने बणाओणा छड्ड
मुक्कण नां रातां लमीआं
दिल बेकरार मेरा
कदों दा बीमार तेरा
तेरीआं नें यादां आओंदीआं
रवे इंतज़ार तेरा
होवे नां दीदार तेरा
थक्क गई पओंदी औंसीआं
*********************
चिब्ब
February 2017
वेख कदे तां चुक्क के सिर नूं
मार के वेख कदे ललकार
पैर कढ्ढ के वेख कदे तां
काइदे दे दाइरे तों बाहर
दुनीआं दे कानूनां थल्ले
दब्बे कुचले मण मण भार
किस नें इह कानून बणाए
पुछ्छ के वेख कदे तां यार
राजे माहराजे सभ तुर गए
झुकणा छड्ड हुण बरखुरदार
सांभी बैठे संसद तेरी
चोर उचक्के सरमाएदार
कुझ वी आखण सिर मत्थे ते
कदे तां कर कुझ सोच विचार
भेडां दा इह इज्जड़ छड्ड के
कल्ला वेख दड़ंगे मार
गुंडे नेता पुलिस राज दा
बस्स कर सहिणा अतिआचार
खोह के वेख इनहां दे हत्थों
कदे तां इनहां दे हथिआर
हंभिआ वकत तेरे वल्ल झाके
वाजों तेरे है लाचार
रंग ला फेर बसंती चोले
इनकलाब लई हो तिआर
ब्रहिमंडां दे साहवें भावें
कुझ वी नां तेरा आकार
पा जा फिर वी इस ते अपणे
निक्के निक्के चिब्ब हज़ार
*********************
तद तक
February 2017
बीत जावांगा मैं वी इक्क दिण
ढल जावेगा सूरज तेरा
पर जद सीत हवा उमरां नें
ठंडा कीता पिंडा तेरा
कज्ज कलेवर गरमावेगा
निघ्घा जिहा अलिंगन मेरा
चानण जद धुंदळा जावेगा
लो तड़फेगी भोरा भोरा
उख्खड़े उख्खड़े साहां दे विच्च
दिल धड़केगा थोहड़ा थोहड़ा
मन तेरे नूं सहलावेगा
अणथक्क साथ भरोसा मेरा
नरम रुपहिले केसां दे विच्च
वाळ कोई कल्लम कल्ला काला
सज्जरे वाहण दे वांगर खिड़िआ
सोहणा रहिमत मुखड़ा तेरा
खुशक लबां नूं नरमावेगा
नाज़ुक सिल्ल्हा चुंमण मेरा
याद वी इक्क दिन बहिकावेगी
बोझे चाबी गुंम जावेगी
किस सूरत दा नाम है किहड़ा
भुल्लिआ कंम सी करना जिहड़ा
तद वी पूरन चंदरमा बण
रोशनावांगा विहड़ा तेरा
जद तक्क साह विच्च साह है बाकी
ताकत इक्क वी कदम चुक्कण दी
सौण तों पहिलां हत्थ फड़न दी
सुबहा नूं फिर तों तांघ मिलन दी
तद तक हर इक संझ सवेरा
पावांगा मैं तैनूं घेरा
***************
खड़ोत
January 2017
जद बहे उलटी गंगा, भर जे पापां दा घड़ा
फेर सोधां दी दवा, रास नां आए
गूंगी जद हो जे अवाज, बे-इमान दा हो जे ताज
झूठ दा आ जे रिवाज, डांग बण जावे समाज
नहेरा सूरज खा लवे, तरक फाहा ला लवे
सबर दा बंनह टुट्ट जे, आस दा दम घुट्ट जे
गरक जावे जद समाज, रोग बण जे ला-इलाज
फेर सोधां दी दवा, रास नां आए
चोर दा हो जे निज़ाम, राज गुंडा बेलगाम
भीड़ दे हत्थ हो निआं, लुकण नूं लभ्भे नां थां
हक्क नूं लुट्ट लए विधान, भुख्खा मर जावे किसान
ज़िंदगी दे बोझ नूं, चुक्कदा थक्क जे जुआन
कदर आपो धाप दी, लोक सेवा गाळ जिही
फेर सोधां दी दवा, रास नां आए
वेख सच्च सुत्ता पिआ, हर समें दा बादशाह
भेस वट्ट दरवेश दा, नाअरा लावे देश दा
भुख्ख मंगे रोज़ीआं, रुझ्झे विच्च इह सिआसतां
वाद ते विवाद की, जुमला घड़दे नित्त नवां
आम जद कोई आतमा, बण बहे परमातमा
फेर सोधां दी दवा, रास नां आए
धीआं भैणा औरतां, वेख राह विच्च कल्लीआं
हर कोई बण जे हैवान, खाण नूं पै जे शैतान
किहड़े वेळे आण इह, किहड़े वेळे जाण इह
किहड़े कप्पड़े पाण इह, जिओण जां मर जाण इह
पाक पावन खसलतां, सनद देवण वहिशतां
फेर सोधां दी दवा, रास नां आए
दुनीआं दे इस इंतज़ाम, बंदा बण जावे गुलाम
कुझ कु इक्क दी ऐश लई, विअसत हो सारा जहान
गुरबतां हो कारोबार, लुट्ट खोह बण जे वपार
मार के आपणी ज़मीर, विक जे हर कोई बज़ार
वेख जे कोई इह कहे, इह सदा ही इओं रहे
फेर सोधां दी दवा, रास नां आए
***************************
पंजाबण
January 2017
काळी बोळी रात तिलकवें वाळ
धुप्प च रहड़िआ मुखड़ा भूरा लाल
बुल्ल्हीआं अल्ल्हड़ पत्तीआं रंग गुलाल
जलवा हर इक्क नदरी नदर निहाल
लटकी वट्टो वट्ट चल्ल के चाल
थिरके अंग अंग मसत मौज दे नाळ
लक्क हुलारे खावे वांग भुचाळ
थपके पिछ्छा सहिज परांदा लाल
नक्क कंन विंनिआ सूळ किक्कर दी नाळ
कोका घड़ के पाइआ निम्म दी डाळ
गुंदिआ छल्ला घाह दा सधरां नाळ
नज़रांवट्टू गल्ल्ह ते करे कमाल
तुंन तुंन भरिआ नक्को नक्क जमाल
छल्ल छल्ल डुल्ल्हदा रूप हरेक उछ्छाळ
लंघ जे जित्थों पैंदा रहे धमाल
सुध्ध बुध्ध खो जे उड्ड जे होश हवाल
सोहणी सूरत फब्बत बोल ते चाल
अकल शकल दा दुरलभ मेल मिसाल
सूरज फिक्का पैदा वेख जलाल
कुड़ी पंजाबण परतख्ख इंदर जाल
***********************
छुट्टी
January 2017
आ अज्ज आपां दोवें मिळ के
ऐतवार दी छुट्टी मनाईए
देर सवेर तक्क ताण के लमीआं
घेसळ वट्टीए ते सुसताईए
गोडे गोडे सूरज चहड़ जे
फिर रळ दो कप्प चाह बणाईए
विच वरांडे बहि के दोने
लंमे लंमे सुहड़के लाईए
लंघदा वेख के सबज़ी वाला
रुक जा भाई वाज लगाईए
किल्लो गाजर ते किल्लो मटर दा
ठीक ठीक जिहा भाअ लगवाईए
धुप्प च डाह के वाण दा मंजा
तेल सरहों दा कौल च पाईए
इक्क दूजे दे कढ्ढ चीरमी
धौळे पट्टीए झासे लाईए
बंनह के सिर फिर दोनो जूड़े
कौफी दी फुरमाइश लगाईए
चाहड़ पतीला पाणी चूल्हे
गाणे इशक मुहब्बत गाईए
पंझत्तर माडल दा लमबरेटा
धो के पालश ला चमकाईए
नवा धवा रांझे दी सवारी
लूना तेरी नाळ खहड़ाईए
कोसे कोसे पाणी दे नाल
वारी वारी दोने नहाईए
गंदे मंदे कपड़े धो के
चूंढी ला ला सुक्कणे पाईए
खुल्ल्हे छड्ड फिर वाळ पिछांह नूं
सबज़ी गाजर मटर बणाईए
गरमा गरम ताज़ी मक्की दी
देसी घे पा रोटी खाईए
तिंन तों छे सिनमा वेखण दा
झट्ट पट्ट जहे प्रोग्राम बणाईए
काहळी काहळी कंम मुका के
कप्पड़े सोहणे सोहणे पाईए
मार पलाकी बहि लमबरेटे
सिनमा घर नूं सरपट जाईए
कोने दीआं दो सीटां लै के
हत्थ च पा हत्थ इशक लड़ाईए
इंटरवल विच्च जा के बाहर
लिमके दे नाळ टिक्कीआं खाईए
इक्क दूजे नूं भर भर अख्खीआं
फिलमी रौं विच्च डुब्बदे जाईए
डुब्बिआ सूरज देख के बाहर
छेती छेती घर नूं जाईए
फिलम दे निरदेशक नूं भंडीए
नाइक ते नाइका वडिआईए
तार तों सिल्ल्हे कपड़े लाह के
गरम प्रैस्स दे नाळ सुकाईए
अगले ऐतवार तों पहिलां
कंम मुकाओण दी विओंत बणाईए
छे दिण हर हफते दे विच्चों
वांग भमीरी घुमी जाईए
हर दिण ऐतवार बण जावे
छे दिण बहि इह आसां लाईए
*********************
अपवाद
December 2016
कि कीता भौर फुल्लां नें शुदाई
भौर की आखे
बाग वी फुल्ल दी देवे गवाही
भौर की आखे
विचारा भौर तां लभ्भदा सी मन दा मेल दूनीआं चों
वटा के भेस महिबूबा दा फुल्लां मोह लिआ उस नूं
झलक रंगां दी फुल्लां ऐसी पाई
भौर की आखे
बाग वी फुल्ल दी देवे गवाही
भौर की आखे
इह काळा भौर ही होणा जो कलीआं वरगलाओंदा ए
कि पी के रस इह रूपां दा उजाड़े बाग पाओंदा ए
जे दूनीआं वेख के रंग मन बणाए
भौर की आखे
बाग वी फुल्ल दी देवे गवाही
भौर की आखे
कलम इक्क पासड़ी फुल्लां दे दिल दी गल्ल दस्सदी ए
इह हर इक्क भौर नूं संग दिल फरेबी कहि के सद्ददी ए
जे दूनीआं दोश मरज़ी दे लगाए
भौर की आखे
बाग वी फुल्ल दी देवे गवाही
भौर की आखे
बणा के भौर नूं कमळा इह फुल्ल जद खिड़ खिड़ाओंदे नें
तोड़ के पिआर दे रिशते इह जद इलज़ाम लाओंदे नें
दरद रूहां ते किंने नें हंढाए
भौर की आखे
बाग वी फुल्ल दी देवे गवाही
भौर की आखे
इह दुनीआं भौर दी गूंजण कदे नां समझ सकदी ए
हवस दे शीशिआं चों ही मुहब्बत नूं इह तक्कदी ए
किसे नें कौल किंने नें निभाए
भौर की आखे
बाग वी फुल्ल दी देवे गवाही
भौर की आखे
जे दुनीआं दोश भौरां ते ही लाए
भौर की आखे
बाग वी फुल्ल दी देवे गवाही
भौर की आखे
***********************
ख़ाहश
October 2016
जद मिळे तद मिले, जद मिळे तद मिळे
जद मिळे मैनूं तेरा सहारा मिळे
जद मिळे तद मिळे … … …
तेरीआं अख्खीआं साडे दिल दी ज़ुबान
तेरे ही मैं खिआलां च रुझ्झिआ रहां
जद मिळे मैनूं तेरा नज़ारा मिळे
जद मिळे तद मिले … … …
तेरीआं आहटां दिल दीआं धड़कनां
तेरे वाजों नां कोई मेरा मिहरबान
जद मिळे मैनूं तेरा हुंगारा मिळे
जद मिळे तद मिले … … …
तेरीआं ख़ाहशां साडीआं नीअतां
तेरीआं कलपना विच्च मैं डुब्बिआ रहां
फेर मुड़ के नां मैनूं किनारा मिळे
जद मिळे तद मिले … … …
चंचल इह अदा तेरीआं शोख़ीआं
तेरे ज़ुलफां दे पेचां च गुमिआ रहां
पिआर मैनूं ही तेरा इह सारा मिळे
जद मिळे तद मिले … … …
मेरीआं हसरतां तेरीआं चाहतां
तेरा होण ते टिकिआ मेरा इह जहान
बिन तेरे नां मेरा हुण गुज़ारा होवे
जद मिळे तद मिले … … …
जद मिळे तद मिले, जद मिळे तद मिळे
जद मिळे मैनूं तेरा सहारा मिळे
जद मिळे तद मिळे … … …
****************
दासतान
पाप दिन पर दिन वधे
भोळे कळयुग आखदे
कुझ कू दुशमण आस दे
मिहनतां नूं हड़प दे
भुख्ख दी अपणी ही होणी ए कोई तां दासतान
ऐवें कोई चोरी नहीं करदा रोटीआं इनसान
सरहद्दां ते कुझ खहड़े
रोज़ीआं दे वासते
अफसरां दे अरदली
बण गए अणख बाप दे
गुरबतां दी वी तां होणी ए कोई तां दासतान
ऐवें कोई मौत नहीं मंगदा गुआंढ दी इनसान
थक्क गए राखीआं खहड़े
करज़ दी फसल पाळदे
पिंड दी जूह बिरख ते
लाश बण के लटकदे
बेवस्सी दी वी तां होणी ए कोई तां दासतान
ऐवें कोई आप नहीं मरदा शुगल नूं इनसान
कुझ कतारां विच्च खहड़े
नौकरी दी आस ते
बाकी नशिआं दी बली
चहड़ गए नें भटकदे
नाउमीदी दी वी होणी ए कोई तां दासतान
भर जवानी दे विच्च नां लग्गे बेवजहा दूनीआं
ठेकिआं तों धरम दे
नफरतां नें वरतदे
गावां नूं मां आखदे
खाण मांवां चूंड के
सहिम ते डर दी वी होणी ए कोई तां दासतान
ऐवें कोई अपणे ही घर बैठा नां डरे इनसान
वकत जे इओं ही रहे
तुर पैणे बण काफले
झुल्ल जाणे जबर ते
बण के नहेरी इह कदे
ज़ुलम दा लभ्भणा नहीं मुड़ के फेर नामो निशान
ऐवें नित्त सुत्ता नहीं रहिंदा दब्बिआ इनसान
*********************************
खेड़े
October 2016
साडे विहड़े फुल्ल खिड़िआ, फुल्ल खिड़िआ उमंगां दा
निक्के निक्के अंग इह दे, भोळे भोळे ढंग इह दे
चाहत दे रंग रंगिआ
साडे विहड़े फुल्ल खिड़िआ, फुल्ल खिड़िआ उमंगां दा
... … …
साडे दिलां दी है जान इह, पूरा होइआ साडा अरमान है
गोडे गोडे चा चहड़िआ, साडे दर इह जद वड़िआ
धुप्प वाळा रंग लै के, इतर सुगंध लै के
सिर साडे नूं चहड़िआ
साडे विहड़े फुल्ल खिड़िआ, फुल्ल खिड़िआ उमंगां दा
... … …
कुदरत दा होइआ अहिसान इह, दुनीआं दारी तों नादान इह
चाउ नूं झल्ल चहड़िआ, खुशीआं साडा पल्ला फड़िआ
तेरे मेरे पिआर दा इह, गुल इतबार दा इह
मस्सिआ नूं चंन चहड़िआ
साडे विहड़े फुल्ल खिड़िआ, फुल्ल खिड़िआ उमंगां दा
... … …
आओंदे समें दी पहिचाण इह, जांदे वेळे दी मुसकान इह
जद दा सानूं मिळिआ, दिन रहिंदा जिवें चहड़िआ
पुनर जनम साडा, होइआ जिवें पूरा वाअदा
सुपने नूं बांहों फड़िआ
साडे विहड़े फुल्ल खिड़िआ, फुल्ल खिड़िआ उमंगां दा
... … …
**********************************
वकत
May 2016
उंजळां भरिआं वकत नी रुकदा
वग जे उंगळां थाणी
पल पल कर के वग जांदा
फड़िआ नां जावे पाणी
औह जो लंघ गिआ
उहदा इक्को ही मतलब है
आह जो लंघ रिहै
जीवन दा इहो सच्च है
जनम तों पहिलां वी कल्ल्ह सी
ते मौत तों बाअद वी कल्ल्ह है
अज्ज दे विच्च ही जीवन हैं
विच्च कल्ल्ह दे मौत जीवत है
कल्ल्ह नें तेरे आओणा नाहीं
जद होणा हुण होणा
हुण ही कल्ल्ह सी हुण ही अज्ज है
हुण ही कल्ल्ह बण जाणा
जनम तों पहिलां वी कुझ नाहीं
मौत तों बाअद वी नाहीं
जीवन दा मतलब ही अज्ज है
कल्ल्ह दा मतलब नाहीं
वकत है जीवत इस दम ही
सभ अग्गे पिछ्छे मरिआ
किस लमहे दीआं करें उडीकां
आ गिआ
आह गिआ
औह गिआ
*****************
तनहाई
May 2016
पल दो पल दी खेड है सारी
एनी गूहड़ी लाई किओं यारी
मौत नें कीती है दिलदारी
आई सानूं वारो वारी
पल दो पल दी...
दुनीआं दौड़ी फिरदी सारी
जावे लंघदी मारो मारी
जीवन कुझ पल वांग उधारी
मुड़ नां आवे वारी वारी
पल दो पल दी...
लभ्भदी फिरदी चीज़ पिआरी
खोल नां देखे आपणी पटारी
वकत नें करनी है हुशिआरी
धूआं आरी धूआं पारी
पल दो पल दी...
निक्की निक्की पिआरी पिआरी
गल्ल हुण तेरी जावे नां मारी
दुनीआं दी इह खेड निआरी
यादां मारन चोभ कटारी
पल दो पल दी...
जिंद तेरी मेरी अड्ड अड्डेरी
वंडी नां जावे अध्ध अध्धारी
तेरे साहां पहिलां मारी
मेरे साहां हुण मैं मारी
पल दो पल दी...
लंघ गई किंज इह सारे दी सारी
इक वी असां अजे पलक नी मारी
राह तेरा देखां थक्की हारी
मार गिओं किओं कल्ला उडारी
पल दो पल दी...
जद वी उठ्ठां तड़के सारी
दो कप्प चाह दे करन तिआरी
कल्ल्ह दो पीते अज्ज इक्क वी नहीं
किओंके अज्ज सी तेरी वारी
पल दो पल दी...
मघ जां किंज विच्च दुनीआं दारी
मेरी दुनीआं तूं सी सारी
हाहड़ महीने सिखर दुपहरी
तेरे हओंके नें मैं ठारी
पल दो पल दी...
पल दो पल दी खेड है सारी
एनी गूहड़ी लाई किओं यारी
मौत नें कीती है दिलदारी
आई सानूं वारो वारी
पल दो पल दी…
**********************
असमरथ
April 2016
औड़ां दे सैलाब नें मेरा
तन मन जल थल करिआ
तेरा पासा हरिआ भरिआ
मेरा कण कण सड़िआ
किंज लिखां ते कीकण गावां
मिठ्ठड़ी बात सुणावां
बात मेरी दे विच्चों छलके
बिहबल मन अध्ध भरिआ
सोचां दीआं कलमां नूं मेरे
सवाद दा पिओंद नी चहड़िआ
पुठ्ठा सिध्धा तिख्खा खुंढा
हर जी ला इस घड़िआ
दवो दलीलां पिओ मेरे नूं
विआह दूजा जिस करिआ
छोटी उमरे मां मतेई
कुछ्छड़ मैनूं धरिआ
मन मेरे चों इक्क इक्क करके
हरफ़ दा रौळा किरिआ
कई घंटे दीआं मशकां पिछ्छों
छंद इक्क वी नां सरिआ
चेतनता दा इस ते मैथों
सुघड़ पाण नां चहड़िआ
रूहां रब्बां वाळा सूफ़ई
वरक नां जावे महड़िआ
किस जज़बे ते तुहमत लावां
किस नूं लाहनत पावां
जिस नें हाल नां पुछ्छिआ मेरा
जां आपणा नां दस्सिआ
खुशीआं खेड़े मन दी गठ्ठड़ी
रोज़ी रोटी हरिआ
रहिंद खूंद नुमाइशां ला के
दिल नूं हलका करिआ
मैळे मन नूं चादर पा के
साहवें सभ दे धरिआ
पर जिस नें वी पल्ला फड़िआ
खिच के नंगा करिआ
वाक मेरे दा अख्खर अख्खर
जूठा कर कर धरिआ
आपणी ही तहिज़ीब सजा के
मन दा माअना घड़िआ
भिट्टे मन फिर नवहा धुआ के
दानश टिल्ले खड़िआ
कोतर सौ चों सवा लख्ख नें
ही है रमज़ नूं फड़िआ
हवन करो कोई मत्त मेरी लई
अकल दान वरतावो
पिआर मुहब्बत सूझ समझ दा
इस नूं भोग लगावो
मेरे मन दी तहि विच्च छुप्पे
शबदकोश वरजावो
आपणीआं सोचां इस नूं ला के
डूंघी गल्ल अखवावो
पुतना दे इस जिहनीं वस्से
ज़हिर नूं मणीआं लावो
मां मेरी दा फिर तों मेरे
अम्रित मूंह विच्च पावो