प्रसिध्ध कवी अते चित्तरकार देव नहीं रहे। देव नें कविता अते चित्तरकारी विच्च विलख्खण पैड़ां पाईआं। उसदी पहिली किताब नें ही पंजाबी जगत विच्च हलचल मचा दित्ती सी। उसदा पिंड गालिब कलां सी पर उह बचपन विच्च ही नैरोबी चला गिआ सी। जवानी चहड़दिआं उस अंदरला साहितकार अते चित्तरकार उस नूं वापस पंजाब लै आइआ। इत्थे आ के उसने शादी कीती। उसदी पतनी लुधिआणे ए पी आर ओ लग्गी होई सी। जोगिंदर कौर अते देव दे घर इक्क पुत्तर नें जनम लिआ। इनहां दी रिहाइश कैलाश सिनमे दे साहमणे इक्क चुबारे विच्च सी। मैनूं इत्थे बैठ देव नाल काफी समां बिताउण दा मौका मिलिआ। मेरी पहिली मुलाकात घुमार मंडी बलदेव सिंघ बल दी दुकान उत्ते होई। इह नवीं मारकीट बणी सी। किताबां पहड़न दा शौक होण करके बलदेव नाल दोसती हो गई। उसने ‘युग चेतना’ नाम हेठ इक्क मैगज़ीन वी शुरू कीता ते इसे नाम हेठ किताबां छापणीआं वी शुरू कीतीआं। मैनूं लिखण दा शौक सी, मैं उसदे परचे लई लई लिखणा शुरू कर दित्ता। बलदेव नें मैथों डा. जीवागो दा पंजाबी अनुवाद वी करवाइआ। मैं बच्चिआं लई इक्क किताब लिखी ‘धरती दी कहाणी’, जिस नूं छापण दी बलदेव नें हामी भर दित्ती। उदों ही देव दी किताब वी छप रही सी। उसदे मैगज़ीन दे टाईटल उत्ते देव दे चित्तर आम ही छपदे रहिंदे सन। हमउमर होण करके असीं इक्क दूजे दे नेड़े आ गए। उह आम तौर ’ते उदास रहिंदा सी किउंकि उस नूं गिला सी कि उसदी कविता अते चित्तर आम लोकां दी समझ तों परे हन।

इक्क दिन दुकान ’ते बैठे सां तां बलदेव नें दस्सिआ कि पंजाबी यूनीवरसिटी नें गुरू नानक साहिब दे 500 साला प्रकाश पुरब मौके प्रो. मोहन सिंघ नूं गुरू जी बारे महांकावि लिखण लई आखिआ है। देव मैनूं आखण लग्गा, “तैनूं वी गुरू जी बारे लिखणा चाहीदा है।” मैं आखिआ, “यार किउं मखौल कर रिहा हैं, तूं वड्डा कवी हैं, तूं लिख”। उस मुड़ आखिआ मैं मखौल नहीं कर रिहा, इहो जिहा कंम तूं कर सकदा हैं।

“चलो मंन लवो मैं लिख लैंदा हां, उस नूं छापेगा कौण?”

बलदेव बोलिआ, “मैं छापांगा।”

मैं दो दिन ला के इक्क कांड लिखिआ ते बल दी दुकान ’ते गिआ। देव अजे आइआ नहीं सी। बल आखण लग्गा, चलो उसदे घर चलदे हां। बलदेव दी दुकान दे नाल ही जस्सल नें आरट गैलरी बणाई सी। उस नूं दुकान दा धिआन रख्खण लई आख असीं देव दे घर चले गए। उह घर ही सी। मैं कांड पहड़ के सुणाइआ। उसने कुझ शबद बदले ते मैनूं हलाशेरी दिंदिआं आखिआ, “बहुत वधीआ, बस्स इसे तरहां किताब पूरी कर दे। इसदा टाईटल वी मैं ही बणावांगा। उत्थे ही किताब दा नाम रख्खिआ गिआ, “युग पुरश - गुरू नानक।

हरेक कांड नूं उसदे चुबारे विच्च बैठ पहड़दे ते सुधाई करदे। खैर किताब लिखी गई। कुदरती मेरी किताब ‘धरती दी कहाणी’ दी सरकारी खरीद हो गई। बल दा हत्थ खुल्ल्हा हो गिआ ते उसने किताब कंपोज़ करवा लई। उस नूं उमीद सी कि इस किताब दी वी सरकार जां कोई होर संसथा खरीद कर लवेगी। उदों पंजाबी भवन दी आपणी प्रैस्स हुंदी सी ते इह किताब वी उत्थे ही छप रही सी। हुण इह सी कि इसदा मुख्ख बंद किस तों लिखवाइआ जावे? देव आखण लग्गा, “मुख्ख बंद दी कोई लोड़ नहीं, तूं आपणे वल्लों दो शबद लिख दे। पर बलदेव नां मंनिआ। उदों साडी यूनीवरसिटी दे उप-कुलपती डा. महिंदर सिंघ रंधावा सन। साहित अकाडमी दे वी प्रधान सन। बलदेव पुछ्छण लग्गा, “रंधावा साहिब नाल कोई जाण-पछाण है?”

मैं आखिआ, “हां मैनूं जाणदे हन।” फैसला हो गिआ कि रंधावा साहिब तों मुख्ख बंद लिखवाइआ जावे। दूजे दिन मैं खरड़ा लै के उनहां दे दफतर गिआ। कुदरती उस दिन उह लुधिआणे सन ते दफतर विच्च बैठे सन। वैसे उनहां आपणा दफतर चंडीगहड़ रख्खिआ होइआ सी ते रिहाइश खानपुर आपणे फारम ’ते रख्खी होई सी।

मैं उनहां दे सैकटरी दिलजीत सिंघ कोल गिआ ते आखिआ, “सर नूं मिलणा।”

उह आखण लग्गा, “इकल्ले ही कमेटी रूम विच्च बैठे हन, चला जा।”

मैं आखिआ, “गुस्से नां हो जाण?”

“तैनूं कुझ नहीं आखणा, तूं चला जा। कोई होर आ गिआ तां मुशकिल हो जाणी है।”

इत्थे इह दस्सणा उचित होवेगा कि डा. रंधावा नें सरदीआं विच्च कदे हीटर नहीं सी वरतिआ सगों दफतार नाल लगदे कमेटी रूम दी इक्क खिड़की, जित्थे चहड़दे सूरज दी सिध्धी धुप्प आउंदी सी, इक्क छोटा टेबल ला के बैठे जांदे सन। मैं अंदर गिआ। फतहि बुलाई। मैनूं देख के उह आखण लग्गे, “हां, किवें आइआं?”

मैं खरड़ा अग्गे रख्खदिआं आखिआ, “सर, गुरू नानक साहिब बारे किताब लिखी है, तुहानूं इसदी भूमिका लिखण दी बेनती करन आइआं।”

आखण लग्गे, बैठ। वैसे बैठण नूं उह घट ही आखदे सन। खरड़ा देखिआ, दो तिंन थांवां तों पहड़िआ ते आखण लग्गे, “अगले हफते आ के लै जावीं।”

कुदरती अज्ज उेह इकल्ले ते चंगे मूड विच्च सन, उंझ उत्थे कोई नां कोई मीटिंग चलदी रहिंदी सी, जां मिलण वालिआं दी भीड़ लग्गी रहिंदी सी। मैं जाण लई उठ्ठिआ तां उह आखण लग्गे, बैठ, चाह पींदे हां। मेरे लई इह हैरानी अते खुशी दा मौका सी।

डा. साहिब नाल मेरी पहिली मुलाकात यंग राईटर ऐसोसीएशन दे वारशिक समागम विच्च होई सी। मेरी जाण पछाण हाकी वाले प्रिथीपाल सिंघ होरां करवाई सी। उदों उह डिपटी डाइरैकटर सन ते मैं पीऐच्च.डी कर रिहा सां। प्रिथीपाल होरां मेरे बारे कुझ चंगे शबद बोले सन। मैनूं उनहां आपणे कोल बिठा लिआ। यूनीवरसिटी नें मेरी इक्क किताबड़ी ‘किसान चरचा मंडल’ छापी सी। कुदरती इह सचित्तर सी ते इसदी छपाई वधीआ होई सी। मैं इसदी इक्क कापी उनहां नूं भेट कीती। उनहां उसनूं देखिआ ते कई थांवां तों पहड़िआ ते आखण लग्गे, “वधीआ जाणकारी है अते छपी वी सोहणी है। तैनूं पता इह सकीम मैं ही बणाई सी?”

मैं आखिआ, “हां जी, तुसीं जदों दिल्ली डाइरैकटर जनरल सी, उदों ही इह सकीम लागू होई सी।” कुदरती मैं इस सकीम बारे लेख लिखिआ किउंकि इसदे वी तिंन महिकमे रल के कंम करदे सन, खेतीबाड़ी, विद्दिआ अते अकाशवाणी। उसदी कातर मेरे कोल सी। मैं उनहां नूं विखाई। थोहड़ा पहड़ के उह आखण लग्गे, “तूं मेरे बारे इंना कुझ जाणदां? अज्ज मैं इत्थे हां, शाम नूं आवीं। मेरे नाल सैर करन चल्लीं।”

मैं अगले हफते गिआ। उनहां फाईल विच्चों मुख्ख बंद कढ्ढिआ ते मेरे साहमणे उस उत्ते महिंदर सिंघ रंधावा लिख के मैनूं फड़ा दित्ता। डा. साहिब पंजाबी पहड़ तां लैंदे सन पर लिखण विच्च औख महिसूस करदे सन इसे करके उनहां आपणी जीवनी शिंगारा सिंघ भुल्लर नूं लिखवाई सी।

जदों किताब छप गई तां मैं कापी डा. साहिब नूं देण गिआ। मैनूं आखण लग्गे, “बैठ, तेरे नाल गल्ल करनी है।”

उनहां किताब दा कवर देखिआ। उनहां नूं पसंद आइआ किउंकि इह नवेकले ढंग दा सी। उह मैनूं पुछ्छण लग्गे, “इह कवर किसने बणाइआ है?”

मैं आखिआ, “जी इक्क नवां मुंडा देव चित्तरकारी अते कविता विच्च नवेकलीआं पैड़ां पा रिहा है।”

मैनूं आखण लग्गे, “उस नूं आखीं, मैनूं आ के मिले।” नाल ही मैनूं आखण लग्गे, “तैनूं मैं इक्क सलाह देणी है।”

मैं आखिआ, “हुकम करो।”

उह कहिण लग्गे, “कविता, कहाणी लिखण वाले बहुत हन, किसानां लई अते किसानां वासते लिखण वाले नहीं हन। इसे करके मैं पत्तरकारी दी कलास शुरू करवाई है। तूं किसानां बारे लिखिआ कर। मैनूं पता, तूं इह कंम कर सकदा हैं।”

इंझ इह कविता दी मेरी पहिली अते आखरी किताब सी पर इसदे पंज ऐडीशन छप चुक्के हन।

मेरे कहिण ’ते देव डा. रंधावा नूं मिलिआ। डा. रंधावा नें अलोप हो रहे पंजाबी विरसे नूं संभालण लई समाजिक इतिहास दा अजाइब घर बणाइआ। उसदे बरांडे दी लंबी कंध उत्ते उह चित्तरकारी करन लई आखिआ, जिहड़ी पिंडां विच्च कंधां नूं लिप के औरतां करदीआं हुंदी सन। देव नें पिंडां विच्च जा के नमूने इकठ्ठे कीते ते चित्तरकारी दा कंम शुरू कर दित्ता। हुण उस कोल विहल नहीं सी।

बलदेव आपणी दुकान बंद करके दिल्ली चला गिआ। सुरिंदर नें हेम जोती दा मैगज़ीन शुरू कर लिआ। उसदा दफतर वी घुमार मंडी चौंक विच्च ही सी। उत्थे कदे कदाईं देव नाल मेल हो जांदा। कुझ समें पिछ्छों सुरिंदर नें हेम जोती दा मुख्ख दूजे पासे मोड़ लिआ। मैगज़ीन नौजवानां विच्च हरमन पिआरा हो गिआ पर सुरिंदर नूं इसदी भारी कीमत चुकाउणी पई। सरकार नें दफतर बंद कर दित्ता। पुलिस तशदद नें आखर सुरिंदर दी जान लै लई। देव नाल हुण यूनीवरसिटी जांदिआं आउंदिआं ही मुलाकात हुंदी सी। मैं 1974 विच्च बाहर चला गिआ। जदों पंज साल पिछ्छों वापस आइआ तां देव लुधिआणा ही नहीं, सगों देश ही छड्ड गिआ सी।

* * * * *