उह कंध दा आसरा लै के खिड़की कोल आ खहड़िआ। बाहर, सड़क उत्ते कारां अंनहेवाह दौड़ रहीआं सन। ‘पता नहीं लोकां नूं की काहल पई होई आ’ उह सोचण लग्गिआ। ‘सारिआं नें इक्क दिन इसे तरहां मुक्क जाणै, जिवें लैसली मुक्क गिआ’ पर फिऊनरल वालीआं कारां, उस नूं दूर तक्क दिखाई नां दित्तीआं। उस नें घड़ी देखी। दो वज्ज चुक्के सन। एहो तां समां सी फिऊनरल दा। उह उदास हो गिआ। फेर उह सोचण लग्गिआ, ‘जाणा तां इक्क दिन मैं वी ए ...। पता नहीं मेरे नाल वी की बीतेगी? मुंडे मेरे फिऊनरल ’ते आउणगे वी जां नहीं?’ उस नें फेर नज़र दुमेल ते गड्ड दित्ती।

अज्ज उस दे दुआले रौबरट, गरैग्ग अते जौरज विच्चों कोई वी नहीं सी। रौबरट जो वाकर लै के इस वेले रोज़ाना हाल वेअ विच्च चार पंज गेड़े कढ्ढदा है। गैसट रूम विच्च टी वी इकल्ला ही चल्ल रिहा सी अते खाली सोफे महिमानां नूं उडीक रहे सन। कदे हैरी वी इसे तरहां भारत तों आउण वालीआं चिठ्ठीआं नूं उडीकिआ करदा सी। पर हुण तां उस दा भारत विच्च कोई वी नहीं सी। कदे कदे उस नूं आपणा पिंड बहुत याद आउंदा। पर उस नें उत्थे जाणा किस कोल सी? उह सोचदा, ‘हुण तां मैनूं सारे भुल्ल भुला गए होणे नें’ उस नें इक्क वार फेर खिड़की दा परदा हटाइआ। मेपल अते सीडर दे दरखत हवा नाल झूम रहे सन। मिउंसपैलिटी दे फुहारे हरे कचूर घाह ’ते वरखा कर रहे सन। ‘ज़िंदगी किंनी खूबसूरत आ। पर जदों इह हत्थों तिलकदी आतां होर वी खूबसूरत लग्गण लग्ग जांदी आ।’ लैसली दी मौत नें उस नूं धुर अंदर तक्क हलूण दित्ता सी।

इक्क हौल जिहा उसदी नाभी विच्चों उठ्ठदा ते सिर नूं चहड़ जांदा। हरनाम नूं अज्ज आपणे बेटे दानवीर अते रवनीत बहुत याद आ रहे सन। दानवीर दा इह नां तां सिरफ हरनाम नूं ही पता है, बाकी तां सारे उस नूं डैनी ही कहिंदे नें। जो दानवीर धनोआ तों डैनी डनोआ बण गिआ। रवनीत दी पछाण हुण रौन है। किंने चुण चुण के नां रख्खे सन उसदी पतनी तेजो नें। फेर हरनाम नूं उह दिन वी याद आए जदों उह बच्चिआं दे नां दा पहिला अख्खर कढवाउण गुरदुवारे गए सन। उदों टोरांटो एरीए विच्च सिरफ इक्क ही गुरदुवारा सी, पेप वाला। फेर जिउं जिउं गुरदुवारे वधदे गए, लड़ाईआं वी वध गईआं। पर उसदी तां आपणे बच्चिआं नाल कोई लड़ाई नहीं सी होई। फेर किहड़ा सप्प सुंघ गिआ सी उनहां नूं? उह होर वी परेशान हो गिआ।

उस नें देखिआ कि सपैनिश मरीआ टौम ऐंमबरो नूं वील्ह चेअर विच बिठाई घुमाउण लई आ रही सी। उस नें ‘हैलो हैरी’ किहा, ते लंघ गई। हरनाम तों हैरी तां उसदे दोसतां नें उस नूं मुद्दतां पहिलां ही बणा दित्ता सी। हुण तां उह वी हर किसे नूं आपणा नां हैरी ही दस्सण लग्ग पिआ सी। इस सीनीअर होम विच्च वी सारे उस नूं हैरी दे नाम नाल ही जाणदे हन।

फेर उस नें खिड़की विच्चों बाहर देखिआ। सारी कुईन सटरीट कारां नाल भरी पई सी। सकौट फिऊनरिल होम वी इत्थों कोई बहुता दूर नहीं सी। करैडिटवैली समिट्टरी नूं जाण वाले काफले इसे रसतिउं गुज़रदे सन। हरनाम आपणे पिआरे मित्तर लैसली दी अंतिम यातरा विच्च शामल तां नहीं सी हो सकिआ, घट्टो घट्ट उसदी अंतिम यातरा देख तां सकदा सी।

उसने मैडी-कारट लई जा रही नरस मैरी तों पुछ्छिआ, “भला लैसली दे फिऊनरिल दा की टाईम सी?”

मिसटर हैरी, टू ओ कलाक।” उह बोली।

पर हरनाम अग्गों होर कोई सवाल नां पुछ्छ सकिआ। हुण उह सोच रिहा सी, ‘लैसली वी तां आपणे धीआं पुत्तरां दीआं ऐनीआं गल्लां करिआ करदा सी। पता नहीं उह हुण अंतिम वेले आए होणगे कि नहीं? दस्सिआ करदा सी कि दो वड्डे तां फिलपाईन विच्च ई नें, इक्क इंगलैंड विच है ते इक्क इत्थे ही है कैनेडा विच्च। किवें विचारा सारी उमर फैकटरीआं विच्च कंम करदा रिहा। जदों बुढापे विच संभालणा पिआ तां सुट्ट गए सीनीअर होम। अखे साडे कोल टाईम नी ...। गधे किसे थां दे।

उह कमरिआं दे अग्गों, हाल वेअ विच्च फेर गैसट रूम वल नूं तुर पिआ। मौरगन दे कमरे अग्गे इक्क औरत आपणे दो बच्चे लई खहड़ी सी। इह उस दी सभ तों वड्डी धी मिशैल्ल सी। जो कदी कदाईं बच्चिआं नूं आपणे नाने नूं मिलाउण लै आउंदी। जदों आउंदी तां घरों बणाइआ खाणा वी लिआउंदी। पर हरनाम नूं तां घरदा खाणा खाधिआं युग्गड़े बीत गएे सन। कदे कदे उसदा दिल साग अते मक्की दी रोटी खाण नूं करदा। ते कदे बेबे दी बणाई मांह छोलिआं दी तुड़की होई दाळ वी बहुत याद आउंदी। पर बेबे दे जहानो तुर जाण नाल इह सारा कुझ्झ वी तां तुर गिआ सी। उसदी बेबे उसदे सुपनिआं विच्च अजे वी अकसर आउंदी है। उह सोचदा है, ‘ज़िंदगी है तां बहुत खूबसूरत पर लोकां नूं इसदे मानण दा पता ही नहीं। फेर जदों इह साबण दी गिल्ली टिक्की वांगूं हत्थां विच्चों तिलकण लग्गदी आ, तां किते जा के पता लग्गदा।’ उसदे धीआं पुत्तर वी तां उसदी ज़िंदगी विच्चों एवें ही तिलक गए नें ...।’ उह सोचण लग्गिआ।

अज्ज तां हरनाम नूं आपणी दस साल पहिलां विछ्छड़ चुक्की पतनी तेजो वी बहुत याद आ रही सी। उह सोचण लग्गिआ, ‘भला इकल्ले बंदे दी वी की जून आ? मां तों बाअद जे कोई साथ निभिआ तां पतनी दा ई सी। किवें उह हर दुख-सुख विच्च मेरे साथ निभदी रही। मेरे खाण पीण दा वी किंना खिआल रख्खिआ करदी सी। जदों उह तुर गई, बस्स जीवन दे साक ही जिवें तुर गए। धीआं पुत्त वी उदों तक्क ही सन, जद तक्क तेजो सी। तेजो दीआं किडनीआं शूगर खा गई। नहीं उह कित्थे मरदी सी? मैं किंने साल उस नूं डाइलसिस ते लै के जांदा रिहा। मुंडे, रंनां दे मुरीद तां उदों वी आखदे रहे कि ‘साडे कोल टैम नी।’ अखे मौम नूं सीनीअर होम छड्ड दिंदे आं। आपे टेक केअर करनगे। मैं किहा, खबरदार जे मुड़ के इह किहै। मैं मर तां नी गिआ? आपे करांगा तेजो दी टेक केअर। जे उह जीऊंदी हुंदी तां किते मैनूं इउं रुलण दिंदी?’ हरनाम दीआं अख्खां विच्चों आप मुहारे हंझूआं दीआं घराळां वहि तुरीआं,जिनहां नूं उस नें टिशू पेपर नाल पूंझ सुटिआ।

हुण उह लत्तां घसीटदा गैस्सट रूम वल नूं तुरिआ जा रिहा सी। अग्गे टी वी ते सी बी सी तों खबरां चल्ल रहीआं सन। पाकिसतान विच्च कुझ्झ अत्तवादी सरगणिआं दा बदला आम सधारन लोकां नूं बंबां दा शिकार बणा के लिआ जा रिहा ए। इह वी उस नें ख़बरां विच्च ही सुणिआ सी कि किवें अमरीकन नेवी सीलज़ दे कमांडोज़ नें चौपरज़ हैलीकापटरां राहीं अप्रेशन करके विशव प्रसिध्ध दहिशतगरद उसामा नूं मार मुकाइऐ। हुण अमरीका खुश सी कि उस नें नौं गिआरां वाला बदला लै लिआ है। वाईट हाऊस अग्गे खुशी विच नच्च रहे लोकां दे द्रिश दिखाए जा रहे सन। पर हरनाम दा मूड तां अज्ज बुझिआ पिआ सी।

इसदे नाल ही दूसरी वड्डी खबर दिखाई जा रही सी कि किवें उत्तरी अमरीका विच्च इक्क टरनैडो नें अलबामा, वहामास, मिआमी अते अरलैंडो विच्च तबाही मचाई होई है। लोक इस दी दहिशत तों त्राह त्राह कर रहे सन। घर ढहि गए। सैंकड़े लोक मर गए। गड्डीआं मोटरां तबाह हो गईआं। कई कारां तां दरखतां ’ते पुठ्ठीआं लटक रहीआं सन। अमरीका विच्च अजिहा हर वरहे ही वापरदा है। कदे टरनैडो ते कदी साईकलोन। ख़बरां विच्च इस वावरोले दी असमान छूंहदी बोदी नूं घुंमदिआं ते सारा कुझ्झ आपणी लपेट विच्च लैंदिआ लाईव दिखाइआ जा रिहा सी। इसे तरहां समुंदरी तूफान आउण वेले वी रिपोरटर आपणी जान जोखम विच्च पा के खबरां भेजदे हन। टैलीवीयन ’ते असमान विच्च धूंआं ते गहिर छाई होई दिखाई दे रही सी। पर टोरांटो विच्च तां अजिहा कुझ्झ वी नहीं सी। बस्स, हरनाम दे आपणे अंदर ही कोई तूफान झुल्ल रिहा सी।

इह वावरोला देखके तां उस नूं आपणा बचपन याद आ गिआ सी। जदों उसदी मां प्रसिन्नी किहा करदी सी  वे नहामिआं वावरोलिआ विच नी खेडीदा, वे एहनां विच भूत हुंदे नें। ... फेर इह वावरोले कणक दीआं भरीआं उडा के लै जांदे। कदे उस नूं रमाइण अते महांभारत विच सुणीआं कहाणीआं याद आ जांदीआं, जिनहां विच्च पूतना अते ताड़िका वरगीआं चुड़ेलां मूंह विच्चों अगनी कढ्ढदीआं तूफान बणके झुल्लदीआं सभ कुझ नाश कर दिंदीआं। ‘इह पछ्छमी संसक्रिती वी तां पूतना ते ताड़िका समान ही समझ लै, जो मेरा सभ कुझ उडा के लै गई।’ उह सोचदा रिहा।

उह वाकर कंध नाल खहड़ा करके सोफे ते बहि गिआ। ओकलाहोमा सिटी नूं वी तूफान घेरन वाला सी। इसे शहिर तां उसदा पुत्तर दानवीर वसदा सी - दानवीर उरफ डैनी। उह झूठा जिहा हस्सिआ। ‘पैण ढठ्ठे खूह विच्च’ ख़बरां तां होर वी आ रहीआं सन। इस कैटरीना नां दे तूफान नें हज़ारां लोकां नूं बेघर कर दित्ता सी। उस नें बथेरा समझाइआ सी आपणे पुत्त नूं कि कैनेडा छड्ड के अमरीका नां जा, पर उसदी सपैनिश घर वाली सैंडरा नहीं सी मंनी ते लिजा सुट्टिआ सी अमरीका। तेजो नूं किंना चाअ हुंदा सी कि मुंडे विआहे जाणगे, नूंहां आउणगीआं अते सेवा करनगीआं। हुण फड़ लउ हुण मुंडिआं दी पूछ ...। इउं भज्ज गए सारे खहिड़ा छुडाके, जिवें पिउ कोई दुशमण होवे।

उस नें देखिआ कि साहमणे दौलत भाई पटेल वी खूंडी खड़काउंदा गैस्सट रूम वल ही आ रिहा सी। हुण पटेल नें वी तां इह ही रोणे लै के बहि जाणा सी।

“आ जा, आ जा, पटेल भाई।” उह बोलिआ।

मैं तों कुझ्झ खाने को निक्कला छै। लंच रूम में गया। पर मन नहीं मानै छै।”

कमरे में अभी अभी नरस आई छै। नुहला के बसतर वी बदल गी छै। फेर बोली लंच रूम में आउ और कुझ्झ खाअ लो, ते आधा घंटा वाक करो। पर मेरा तो काहे को भी दिल नां करे छै।”

पटेल कुझ्झ देर रुक के फेर बोलिआ, “मिसटर सिंघ, गुजराती खाना खाने को आज बड़ा दिल करे छै। आलू बड़ा, ढोकला, ते डोसा खाधे को तों वरसों बीत गए छै। यहां तों जलदी मौत वी नहीं आती?” फेर उह मुसकराइआ, “मौत आए भी कैसे, यह नरसें हमारा इतना खियाल जो रख्खती छै। हमारे आपणे बच्चे तों मरने के लीए फैंक गए यहां। अभ तो हमारे बेटे बेटीआं यहीं लोग छै। मेरा तो दिल करता है के इंडीआ वाली सारी की सारी प्रौपरटी वेच के सारा पैसा इसी सीनीअर होम को दे जावां छै। मिसटर सिंघ आप नें वी ऐसा ही करना। लालची उलाद जो मरने के लीए छोड़गी उनको तो फूटी कौड़ी वी मत्त देना।” उह बुड़बड़ा रिहा सी ते हरनाम हां हूं करी जा रिहा सी।

फेर उनहां लैसली दीआं गल्लां तोर लईआं कि किंना चंगा हुंदा सी लैसली। हैरी नें इह वी दस्सिआ कि उसदा अंतिम सफर देखण लई उह किंनी देर तों इस खिड़की विच्च खहड़ा है पर अजे तक्क वी फिऊनरल वालीआं कारां नहीं लंघीआं। पटेल नें दस्सिआ कि टाईम तां दो वजे दा सी, हो सकदा है किसे कारन करके उनहां गड्डीआं दा रूट बदल लिआ होवे।

फेर उह दोवें गल्लां मारदे लंच रूम वल नूं तुर पए, जित्थे उनहां वरगे घरां विच्चों धक्के होए कई होर तुरे फिरदे सन। पर इनहां विच्च पंजाबी मूल दा कोई वी बंदा नहीं सी। हां कदे कदे कोई पंजाबी आ वी जांदा है। जो आ जांदा है, उसनूं इह ही नमोशी मारी जांदी है कि लोक की कहिणगे? बई हुण टब्बर नें सारी उमर रत्त निचोड़ के बुहड़ा घरों कढ्ढ दित्ता?

फेर हैरी नूं दो साल पहिलां सीनीअर होम आए हरबंस सिंघ दी याद आई, किवें इत्थे आ के उह पाणी विच्चों कढ्ढ के तपदी रेत उत्ते सुट्टी मछ्छी वांग तड़फिआ सी। जिवें उस दी धौण उत्ते कोई छुरी चला रिहा होवे। कई दिन उस नें खाणे नूं मूंह नहीं सी लाइआ। उह पंजाबी विच्च डाकटरां ते नरसां नूं गंदीआं गाळां कढ्ढदा। पंजाबण कुड़ीआं तां उस दे नेड़े ही नहीं सन जांदीआं कि पता नहीं की कहि देवे। फेर इक्क दिन तां उसदा दिमाग ही हिल्ल गिआ। उह बाकीआं दे कुरसीआं चुक्क चुक्क मारन लग्गा। सकिउरटी वालिआं नें मसां काबू करके उस नूं मैंटल वारड विच्च भेजिआ। हरनाम दा वी तां पहिलां एहो हाल सी।

फेर पटेल नें आपणी कहाणी तोर लई। उह दस्स रिहा सी कि किवें उस दी घरवाली नूं हड्डीआं भुरन दी बिमारी है। जदों नूहां उस दी सांभ संभाल तों अक्क गईआं तां लग्गे घरों कढ्ढण दीआं सकीमां बणाउण। जदों वड्डी कुड़ी नूं पता लग्गिआ, उह कहिंदी, ‘मैं मां नूं इंगलैंड आपणे कोल लै जांदी आं।’ अंत नूं उस नें वी हत्थ खहड़े कर दित्ते। इक्क दिन उह वी दमिअंती नूं सीनीअर होम दाखल करवा आए। पंज साल तों उह हुण उत्थे रुलदी है ते मैं एथे …’ पटेल नें लंबा साह भरके गल्ल अग्गे तोरी।

“कल्ल वड्डे मुंडे दा फोन आइआ छै। अखे मैं इंगलैंड हो आइआं छू। वोअ कहि रहा था कि ‘दीदी दा फोन आइआ छै कि मां सीरीअस आ ते होश विच्च वी नहीं। पर जदों मैं वहां गया तां मां तो मेरे वल देखने लगी। मेरी आवाज़ वी उसने तुरंत पहिचान ली। मां को तो कुछ नहीं हूआ था। मैने तो पंदरां सौ डालर भी भाड़े में झौंका और पूरा वीक खराब करके वापस आ गया वैसे का वैसा। अगर मां को दुबारा फेर कुछ हो गया तो फेर जाना पड़ेगा। इतना हम अफोरड नहीं कर सकते। ... मुझे वी उसका कहिना था के इंडीआ वाली प्रौपरटी वेच कर पैसा इधर किउं नहीं मंगवाते? उस नालाइक को तो इस बात की चिंता थी कि आखिर मां मरती किउं नहीं? किउं उसने इतना सटरैस्स बना रख्खा है।” दौलत भाई दा गल्ल करदिआं साह फुल्ल गिआ। उसने आपणी सटिक्क ज़ोर नाल फरश ते मारी ते गुस्से विच बोलिआ, “एक पैनी भी नहीं दूंगा।”

फेर उह दोनो तुरदे तुरदे इक्क होर कमरे अग्गे पहुंच गए, जित्थे किंने सारे होर बज़ुरग इकठ्ठे होए बैठे सन। अग्गे तां उह ताश खेडदे हुंदे नें पर अज्ज किसे दे जनम दिन दा केक कट्टिआ जा रिहा सी। पता लग्गा कि मिसटर जौरज दा नब्बेवां जनम दिन है। बहुत सारीआं नरसां डाकटर कलीनर ते होर सटाफ वी इत्थे इकठ्ठा हो गिआ सी। पता लग्गिआ कि जौरज लई इक्क वड्डा केक वारड सुपरवाईज़र कैरोलीन नें खुद मंगवाइआ सी। इसे दे नाल नाल कुक्कीआं डोनिट ते कौफी दा प्रबंध वी कीता गिआ सी। तद मिस्स मारथा बोली, “मिसटर हैरी कित्थे चला गिआ सी? मैं सारे कमरिआं विच्च लभ्भ आई आं? तैनूं ते मिसटर पटेल नूं ही उडीक रहे सी।”

दोनां नें मारथा नूं थैंकस किहा। हैरी सोचण लग्गिआ, जिस दिन मैं चुरासीआं दा होइआ सी मेरा केक वी तां एवें ही कट्टिआ गिआ सी। इह सारे तां किंने खुश सन, पर मेरे आपणिआं विच्चों किसे दा वी फोन नहीं सी आइआ।

हरनाम दा दिल अज्ज उख्खड़िआ पिआ सी। उसदा दिल करदा सी कि इस इमारत दी खिड़की विच्चों बाहर छाल मार देवे। जां उस दा दिल करदा सी कि जो वी उस नें पैनशन दा पैसा जोड़िआ है, सारा लै के ही इंडीआ नूं भज्ज जावे। जिस घर विच्च उसदा बचपन बीतिआ सी उस नूं देखण लई मन विच्चों इक्क हूक जिही उठ्ठदी रहिंदी।

फेर उह सोचण लग्गिआ, ‘हुण तां उह घर वी खोळा बण गिआ होणै जां किसे नें दब्ब लिआ होऊ। घर वी तां वसदिआं नाल ही हुंदे नें। मन विच्च इह वी आइआ कि ‘नवां घर बणा के वी तां रिहा जा सकदा है। नाले पिंड विच अजे वी कई बुढ्ढे ठेरे होणगे जो मैनूं जाणदे होणे नें। कहिणगे गंढा सिउं दा हरनामा आ गिआ।’ पर दूसरा मन कहिंदा, ‘हुण तूं कैनेडीअन सिटीजन एं। एथे तैनूं सभ सुख्ख सहूलतां नें। ओथे तैनूं किहने पुछ्छणै? ऐंवे चौंह छिल्लड़ां पिछ्छे तेरा कोई घोगा चित्त करदू। कीहदे कीहदे नाल लड़दा फिरेंगा? ओथे वी कहिंदे हुण कोई किसे दा सका नहीं। नाले लोक कहिणगे हुण मरन नूं एथे आ गिआ।’ फेर उसदे मन विच्च एहो जिहे खिआलां दी हनेरी शूकदी रही।

हरनाम नें वी जौरज नूं जनम दिन दी वधाई दित्ती। केक दा पीस वी खाधा, पर कौफी पीण नूं उसदा दिल नां कीता। डैनीअल नें ताश खेडण नूं किहा, उस नें तद वी नांह विच्च सिर फेर दित्ता। ज़िंदगी दी बाज़ी तां उह पहिलां ही हार गिआ सी। होर हुण खेडण नूं की रहि गिआ सी? मन कहि रिहा सी, तेरे पुत्त नां होए. लहू पीणीआं जोकां हो गईआं। लोड़ वेले तूं बाप सी ते फेर सराप बण गिआ। तां ही तां सारे खहिड़ा छुडा के भज्ज गए।

हुण उह कंध नाल डहे इक्क होर बैंच ते बैठ गिआ ते फेर खुद नाल ही गल्लां करन लग्गा। हरगणा वाला बलदेव सूंअ दस्सदा सी कि हुण तां इंडीआ विच्च धीआं पुत्तर बुहड़े बुहड़ीआं नूं बिरध आशरमां विच्च छड्ड आउंदे नें। मां बाप तां सारी उमर फरज़ पूरे करदे रहिंदे नें पर उलाद पूरीआं करदी है गरज़ां …। लोक एने सुआरथी किउं हो गए नें? कित्थे भला होऊ इहनां दा?

फेर उस नूं कई बीबीआं दाहड़ीआं दा वी खिआल आइआ जो बिरध आशरमां लई बगलीआं पा पंजाबी रेडीउ टैलीवीयनां ’ते अकसर ही आ बैठदे। अज्ज कल्ल इंडीआ तों दान इकठ्ठा करन कैनेडा आउणा वी इक्क बिज़नस ही है। उस नूं तां सारी उमर इहो जिहे तौर तरीके आए नहीं सन। उह तां आपणी बेबे दे सुख्ख लई बाहरले देश नूं आ गिआ सी। बेबे विचारी नूं सुख्ख तां की मिलणा सी, उह तां उडीकदी ही तुर गई। फेर उह सोचण लग्गिआ, शाइद मैनूं बेबे दा ही सराप लग्ग गिआ ए, जो इस तरहां रुळदा हां। टब्बर नें मखणी विच्चों वाल वांगू कढ्ढ के बाहर रख्ख ’ता।

हरनाम चौवीवें साल विच्च सी जदों उह इक्क किल्ला ज़मीन गहिणे धर पिंड दे कुझ्झ होर मुंडिआं नाल, एजंट नूं पैसे दे के सन 1968 विच्च लिबीआ आ गिआ सी। पंज साल लिबीआ रहि के उह गरीस निक्कल गिआ ते शिप्प ते जौब करदा रिहा। जदों इक्क वार उनहां दा जहाज़ कैनेडा दी बंदरगाह ते वैनकूवर लग्गिआ तां उह उत्तर गिआ, ते लुक के रहिण लग्गिआ। फेर सरकार नें इक्क वार सारे गैर कनूंनी बशिंदे पक्के करन दा ऐलान कीता तां उस दा वी दाअ लग्ग गिआ। वैनकूवर विच्च लंबर दे कंम दा सताइआ उह टोरांटो आ गिआ ते लग्गा फैकटरीआं विच कंम करन।

जदों चार पैसे जुड़ गए तां उह इंडीआ जा के तेजवंत नाल विआह करवा आइआ। पर उदों तक्क तां उसदी बेबे उस नूं उडीकदी ही तुर गई सी। उदों कैनेडा विच अजे टब्बर मंगवाउण दी खुल्ल्ह नहीं सी। फेर दानवीर दा जनम पंजाब विच्च ही होइआ। जदों प्रधान मंतरी टरूडो नें फैमलीआं मंगवाउण दी खुल्ल्ह दे दित्ती तां उस नें वी तेजो ते दानवीर नूं मंगवा लिआ। दानवीर तों छोटे दोनों, मुंडा ते कुड़ी तां कैनेडा आ के ही होए। फेर इनहां बच्चिआं दी प्रवरिश लई उस नें ज़िंदगी भर की की पापड़ नहीं सी वेले?

मन दा झख्खड़ होर तेज़ हो गिआ, जिवें किवें दा झख्खड़ अमरीका विच्च झुल्लदा उस नें टैलीवीयन ते वेखिआ सी। पिछले कुझ्झ समें तों अमरीका विच्च कुझ्झ जिआदा ही झख्खड़ झुल्ल रहे सन। नौं गिआरां वाला झुल्लिआ झख्खड़ तां अजे रुकण दा नां ही नहीं सी लै रिहा, जो हुण सारी दुनीआं विच्च फैलदा जा रिहा सी। दहिशतगरदी दा इह वावरोला अमरीका दे जहड़ीं तेल देण लग्गिआ सी। इह हुण उसदे सरवशकतीमान होण दा ताज कदे वी उडा सकदा सी। ताज उड्डण दे डर नें अमरीका नूं एना डरा दित्ता सी कि उस दीआं सैनावां आदम बोअ, आदम बोअ करदीआं दुनीआं भर विच्च फैलीआं पईआं सन। फौजी खरचिआं नें देश दा कचूमर कढ्ढ के रख्ख दित्ता सी।

हरनाम नें आपणे सिर ते हत्थ फेरिआ। नां पगड़ी नां टोपी, ताज कित्थे होणा सी? सिर दी टिंड वी खुशक पई सी, जिस ’ते कदे कदे तेजो तेल झस्स दिआ करदी सी। उह सोचण लग्गिआ कि अमरीका नें वी तां विशव ’ते सरदारी काइम रख्खण लई थाणेदारां वांगूं, दूसरे देशां नूं डरा धमका के उनहां दे कुदरती सरोत हड़प्प लए नें। तेल दे भंडारां ’ते कबज़ा करन ही तां उह इराक गिआ सी। ते इसे तरहां उसदा अगला निशाना लिबीआ ते इरान सन। अफगानसतान विच फौजी अड्डे बणाके उह चीन अते भारत दे सिर उत्ते तलवार लटकाई रख्खणा चाहुंदै, तां कि विशव शकती दे रूप विच्च कोई होर शरीक नां जंम पवे। पर हरनाम नें तां आपणी सरदारी काइम रख्खण लई धीआं पुत्तरां विचकार ‘पाड़ो अते राज करो’ वाली कोई नीती नहीं सी अपणाई। फेर अजिहा किउं होइआ सी?

इहनां ठंढे तत्ते मौसमां विच्च हरनाम नें कैनेडा विच्च कई मंदवाड़े देखे। जदों कंज़रवेटिव प्रधान मंतरी बराइन मलरोनी नें पूजीपती धनाडां दा झोली चुक्क बणदिआं, लिबरल टरूडो दीआं पालसीआं नूं पुठ्ठा गेड़ा दे के दूसरे मुलकां नाल फरी टरेड समझौता कर लिआ तां किवें ससती मज़दूरी खातर, मुनाफाखोरां दीआं कंपनीआं गरीब देशां विच्च जा वड़ीआं सन? रातो रात हज़ारां फैकटरीआं बंद हो गईआं। कंमां तों लेअ आफ हो गई। लोक विहले हो के घर बैठ गए। आमदन दे सारे वसीले खतम होण नाल कईआं नें बिज़नस ते घर गुआ लए। उदों ही तां हरनाम दा कंम गिआ सी। पूरे कैनेडा विच्च होई सटील वरकरां दी हड़ताल नें अग्ग उप्पर तेल दा कंम कीता सी। सारीआं सटील फैकटरीआं नूं ताले लग्ग गए सन। उदों ही उलाद खातर उस नें घर बचाउण दी कसम खाधी सी। ते भारत वाली जाइदाद तां वेची कि बच्चे बेसमैंटां विच्च नां रुलण। पर उनहां तां पिउ नूं रोलण लग्गिआं इक्क वार वी नां सोचिआ?

फेर हरनाम किंनी ही देर बेचैनी विच्च वाकर खड़काउंदा हाल विच्च घुंमदा रिहा। कईआं नूं लग्गदा सी कि उह सैर कर रिहा है। एसे करके तां नरस एमी कहि गई सी, “वैरी गुड्ड मिसटर हैरी, वाक इज़ सो गुड्ड फार यूअर हैलथ।” पर उसदे अंदर झाक के किस नें देखणा सी? उसने सोचिआ, ‘कई वार बंदा सिरफ आपणे नाल ही गल्लां करन जोगा रहि जांदै। मेरा वी तां हुण इह ही हाल है?’

फेर उस नूं छोटे बेटे रौन दा खिआल आइआ जिस नूं उह अजे तक्क वी रणजीत ही कहिंदा सी। ‘किवें उसदी ट्रिनीडाडीअन गरल फरैंड नें उस ’ते जादू धूड़िआ सी कि बाकी उह सारा कुझ्झ ही भुल्ल गिआ। पहड़ा लिखा के आटो इंजनीअर मैं बणाइआ ते उह सिरफ उसे दा बण के रहि गिआ। नाले उस विच्च तां इंडीअन कुड़ीआं वाली कोई शरम हया ही नहीं सी ते नां ही किसे वड्डे छोटे दा सतिकार। अखे जी ‘साडी ओअन लाईफ आ, प्राईवेसी चाहीदी आ।’ जिउं ही फोरड कंपनी विच जौब मिली, जा के ओकविल्ल रहिण लग्ग पए। नाले ओकविल्ल किहड़ा प्रदेस आ ... आह पंदरां मिंट लग्गदे नें कार ’च … कदे बंदा आ के मिल ही जावे।’

फेर हरनाम नूं उह दिन याद आइआ जद रौन नें विचारा जिहा मूंह बणा के किहा सी अखे ‘डैड सबरीना मेरे नाल ई पहड़दी आ। उसदे गरैंड पेअरैंटरस वी इंडीअन सी ते आप उह ट्रिनी नें। इंडीअन कलचर दी उह हुण वी बहुत रिसपैकट करदे नें, हिंदी गीत वी सुणदे नें। फेर जदों मैनूं मिलाउण लै के गिआ तां अग्गों उह अध्ध पचध्ध जिहे कप्पड़े पाई इक हत्थ बीअर दी बोतल फड़ी बैठी, ते दूसरे हत्थ ’च सिगरट। मैं किहा जे हुण बेबे हुंदी तां छित्तर लाह लैंदी। पर इह अग्गों माऊं जिहा बणिआ उस दी लोलो-पोपो जिही करदा रिहा। मेरा छोटी उमर विच्च ही बाप मर गिआ सी। मैनूं पिउ वाहरे बच्चिआं दे दुख्ख पता सी। तां ही तां मैं इनहां नूं रोटी दिंदा रिहा। पर मैनूं रोटी देण लग्गिआं उनहां दी जान निक्कल गई।

‘मैं तां फेर वी कोई कसर नहीं छड्डी बई किते तेजो दी रूह नां तड़फे कि मैं उलाद दी खुशी दा खिआल नहीं रख्खिआ। मैं रौन नूं वी किहा जे तैनूं ठीक लग्गदी आ, करवा ला विआह। फेर विआह ते वीह हज़ार डालर वी कढवा के दित्ता। तां ही शानदार पारटी कीती सी। पर पारटी ते मैनूं किसे नें पुछ्छिआ ई नहीं। होर तां होर अखे इंडीअन नहीं सद्दणे। उह तां खा पी के बाहर जा के गल्लां ही बणाउणगे। आप दी लल्ली छल्ली बथेरी ’कठ्ठी कर ली।’

‘सिरफ इक्क वार मज़बूरन मेरा पिउ दे तौर ते सटेज तों नां लिआ, पर तेजो नूं तां उक्का ही याद नहीं कीता। मैं इकल्ला ही खूंजे लग्गिआ बैठा रिहा ते इह बीअर दीआं बोतलां फड़ी नच्चदे रहे। पारटी मुक्कण तक्क नूंह राणी पूरी डरंक सी। की विआह वालीआं कुड़ीआं दे इह लछ्छण हुंदे नें? उह तां इक्क दिन आ के वी घर नहीं रही …।अखे असीं कंडो किराए ते लिआ होइआ। जे मेरे नाल रहिंदे, मैं तां आपणा घर वी दे दिंदा। फेर किवें मोमोठगणीआं मार के मेरा उह घर वी विकवा दित्ता। मैनूं तां मरनो पहिलां ही मार गए। आह लैसली वाली मौत तां इक्क दिन ही आउंदी आ, पर मैं तां रोज़ ही मरदा रिहा आं।’

फेर उस नूं पिछले साल सीनीअर होम विच आए इक्क होर पंजाबी बंदे दी याद आई जो आपणे आप नूं लंबड़दार दस्सिआ करदा सी। उसदे पुत्तर वी उस नूं मरन लई इत्थे सुट्ट गए सन। पर उह इत्थे किसे नरस तों कालिंग कारड मंगवा के आपणी इंडीआ रहिंदी कुड़ी नूं फोन कर लैंदा। फेर इक्क दिन उसदी कुड़ी नें इंडीआ तों टिकट दा प्रबंध वी करवा दित्ता। कहिंदी ‘मैं सांभांगी बापू। तूं इउं रुलण नालों पिछ्छे ई मुड़ आ।’ ते इक्क दिन उह चुप्प चाप किसे दी मदद नाल जहाज़ चहड़ गिआ। ते इंडीआ जाण सार, कैनेडा रहिंदे मुंडिआं नूं ज़मीन तों बेदखल कर दित्ता। ज़मीन वेच के कुझ पैसे कुड़ी नूं दे दित्ते बाकी सारे पिंड दे सकूल अते हसपताल नूं दे दित्ते। कहिंदा, ‘ऐहो जिही ’लाद नूं की करनै?’

हुण हरनाम 1991 दे उस समें बारे सोच रिहा सी जदों वड्डे बुश नें इराक ते हमला कीता सी। किवें मींह वांगूं बंब वरसाए गए सन। इक्क पासे बंबां बंदूकां ते पैसा फूकिआ जा रिहा सी ते दूसरे पासे कैनेडा दे मंदवाड़े नें आम बंदे नूं रोटी दे लाले पाए होए सन। उह दोवें पख्ख टैलीवीयन ते देखदा रिहा। उध्धर इराक तबाह हो रिहा सी ते एधर हरनाम दा घर। उस समेत दोनां मुंडिआं नूं कंमां तों जवाब मिल गिआ सी। उदों किवें सारे उसदे हाहड़े कढ्ढदे सन कि डैड तुसीं घर नूं बचा लवो। इंडीआ वाली ज़मीन आपां की करनी आ, जद उत्थे जाणा ई नी। उदों तां तेजो नूं वी हत्थां ’च लई फिरदे सी। उह अड्ड मेरे मगर पै गई। अखे जौबां करके फेर खरीद लैणगे ज़मीनां। नाले अखे मुंडे दा दूजी कमिउनटी विच्च विआह होणा ए, अगले की कहिणगे? उदों ज़मीन वेचण नूं तां झट्ट मेरे नाल इंडीआ जाण नूं वी तिआर हो गए। गुराइआं शहिर नाल लग्गदी जो ज़मीन हुण करोड़ां दी है, उदों लख्खां ’च वेचती, भोअ दे भाअ। चाली चाली लख्ख दोहां नूं वंड के दे दित्ता ते आपणे हत्थ वढवा लए। बस्स, पैसे मिलण दी देर सी कि पिठ्ठ ते लत्त मार के औह गए, औह गए। हुण तां कुड़ी नाल वी नहीं वरतदे।

‘बहाना अखे ‘कुड़ी नें गोरे नाल विआह साडी मरजी नाल नहीं करवाइआ? जद साडी मंनी ही नी। हुण लोक की कहिणगे?’ अग्गों उसदा गोरा घर वाला वी तां अजिहा ही निक्कलिआ? जो उस नूं लै के शिकागो चला गिआ। नां कदे कोई फोन, नां ख़बरसार …। मेरे भाअ दे तां सारे ही मर गए।

‘हुण आप तां सारे घुंमदे नें कदे डिज़नीलैंड ते कदे किऊबा, बस्स मेरे लई ही टाईम नहीं। मैं ही पुछ्छां पड़तालां करदा रहिंदा आं। पता लग्गिआ सी पिछ्छे जिहे शिप्प करूज़ ते बारवैडो जा के आए नें। दोनो आपणीआं घर वालीआं ते निआणिआं समेत। मैं तां पोते पोतीआं दे मूंह देखण नूं वी तरस गिआ। पुरखिआं दी जाइदाद वेच के वड्ड वडेरिआं तों वी मूंह मोड़ लिआ। ते तेजो वी छड्ड के तुर गई। जे सच्च पुछ्छदे हों तां तेजो वी इहनां दी लापरवाही नाल ही गई आ। हुण आपणीआं घर वालीआं नूं बथेरा चुक्की तुरे फिरदे आ। उनहां लई तां बथेरा टाईम आ, पर मां लई नहीं सी। आह इक्क लैसली सी एहदे नाल दिल फोल लईदा सी, अज्ज उह वी तुर गिआ। मनां मरिआं नाल तां मरिआ नहीं जांदा। संसार तां है ई पैसे दा …।

‘अमरीका हुण घोर मंदवाड़े दा शिकार ए। कंम सारे बंद हो रहे नें। जौबां जा रहीआं नें ते घर विक रहे नें। उबामा तों तां बुश दा पाइआ खिलारा ही नहीं समेटिआ जा रिहा। कोई बफलो शहिर गिआ सी, दस्सदा सी कि सारे बिज़नसां नूं ताले लग्गे पए नें। सड़कां इउं खाली पईआं नें जिवें करफिऊ लग्गिआ होवे। की मेरे मुंडे बच जाणगे हुण एस कहिर तों? जे मेरे कोल आउणगे, मैं तां पैनी वी नहीं दिंदा। नाले काहदे रिशते नाते रहि गए हुण? असल विच्च अमरीकी सिसटम नें लोकां दी सोच वी आपणे वरगी ही बणा दित्ती आ। लोड़ वेले गधे नूं वी बाप बणा लैंदे नें ते लोड़ पूरी करके बाप नूं वी गधा समझदे नें।

फेर उह सोचण लग्गिआ, ‘कहिंदे यूरप दा वी इह ही हाल है। इकल्ले चीन ते भारत ही बचे नें। अमरीका दीआं अख्खां विच्च उह रड़कदे तां बहुत नें पर कर कुझ्झ नहीं सकदा। जे भारत वी दुनीआं दा अमीर मुलक बण जावे तां मेरे वरगिआं नूं बाहरले मुलकां ’च तां नां धक्के खाणे पैण? ते आपणी उलाद वी नां ऐवें गुआउणी पवे। बंदा जित्थे जनम लवे मरे वी उथे ही।’

हरनाम दी इह वी इछ्छा सी के मर के उस दे पंज भूतक सरीर दी मिट्टी पुरखिआं दी मिट्टी नाल ही मिले। पर हुण अजिहा संभव नहीं सी लग्गदा। इक्क दिन उस नें वी मैडोविल्ल समिट्टरी दे उसे हीटर ते सड़ना सी, जित्थे अज्ज लैसली जा रिहा सी। फेर उह वाकर सहारे तुरदा तुरदा खिड़की कोल जा खहड़िआ, ते परदा चुक्क के बाहर देखण लग्गिआ।

लैसली ते हरनाम दी होणी वी तां इक्को जिही सी। दोनो आपो आपणे मुलक छड्डके चंगे भविख्ख दी आस विच्च कैनेडा आए सन। ते फेर इस सीनीअर होम विच्च वी। दोहां दा सांझा दरद उनहां नूं इक्क दूजे दे नेड़े लै आइआ। लैसली उस नूं अकसर समझाउंदा, ‘भुल्ल जा सभ कुझ … जो ज़िंदगी दा बाकी समां बचिआ है उस नूं इनजुआए कर। देख नरसां साडा किंना करदीआं नें। रोज़ नुहा धुआ के कप्पड़े बदलदीआं नें। हर रोज़ नवें बैड्ड बणाउंदीआं नें। हस्स के बोलदीआं नें। कदे मत्थे वट्ट नहीं पाउंदीआं। इस इमारत विच्च आपां किंने सुरख्खिअत हां। कोई तूफान दा डर नहीं ते नां ही बेघर होण दा। कोई गरौसरी दा वी फिकर नहीं। फेर सारीआं दवाईआं फरी नें। ते आपणे कोल किंना वकत है। मरिआं नूं कोई मोढा देवे जा नां देवे, की फरक पैंदा है? तेरे असत भावें कीरतपुर पैण जां लेक उनटारीउ, तूं कुझ वी नां सोच।’ पर हरनाम कोलों अजिहा हो नहीं सी रिहा।

हरनाम नूं लैसली दी कही इक्क होर गल्ल याद आई, ‘देख, तूं आपणी ज़िंदगी हुण कढ्ढ लई आ। हुण तेरे धीआं पुत्तरां दी वारी आ। जीण दे उनहां नूं आज़ाद हो के। किउं उहनां दे खंभां नाल रिशतिआं दे पत्थर बंनहणा चाहुंना एं? किउं तेरे मन नूं टिका नहीं? हुण तूं बाकी बची ज़िंदगी नूं माण …’ हरनाम नूं जापिआ जिवें लैसली ठीक ही तां कहि रिहा सी।

तदे उस नूं टिमटिमाउंदे तारिआं दी तरहां किंनीआं ही कारां दे फलैशर नज़र आए। इक्क काली कार फिऊनरल वाले काफले दी अगवाई कर रही सी। उस नें सोचिआ कि इह लैसली तां नहीं हो सकदा, हुण तां तिंन वज्जण वाले नें। फेर उसदे मन नें किहा, चलो कोई वी होवे, चल्लिआ तां ओथे ही है, जित्थे मेरा यार गिआ है। ते आखिर नूं सभ नें उसे ही रसते जाणा है। हौली हौली इह काफला वी लंघ गिआ। उह अख्खां भरी देखदा रिहा।

हुण उह आपणे आप नूं कहि रिहा सी, ‘दरअसल तैनूं ही ज़िंदगी जीणी नहीं आई। आपणे लई तां तूं कदे जीविआ ही नहीं। कदे मापिआं लई ते कदे पतनी जां धीआं पुत्तरां लईं जीऊंदा रिहा। काश! तूं वी पछ्छमी लोकां वांग जीणा सिख्ख लैंदा!’

उस नें देखिआ बाहर खूबसूरत फुल्ल खिड़े होए सन। मेपल अते दिआर दे दरखत हवा नाल झूम रहे सन। मिऊंसपैलटी दे फुहारे हरे कचूर घाह ते वरखा कर रहे सन ते धुप्प चमक रही सी।

‘ज़िंदगी किंनी खूबसूरत है।’ हरनाम नूं जापिआ जिवें लैसली हुण उसदे नाल नाल तुर रिहा होवे।