उस कुड़ी नें किहा, "जे आपां विछड़ गए तां मैं इक पल वी नहीं जी सकांगी । मैं तां उसे पल ही ख़ुदकुशी कर लवांगी ।"
उस मुंडे नें वी किहा, "जे आपां विछड़ गए तां मैं इक पल वी जी नहीं सकांगा । मैं तां उसे पल ही खुदकुशी कर लवांगा ।"
ते फिर सच्च मुच्च कुड़ी ते मुंडा विछड़ गए ।
विछड़्ड़ण लग्गिआं कुड़ी ज़ार ज़ार रोई ।
विछड़्ड़ण लग्गिआं मुंडा वी ज़ार ज़ार रोइआ ।
कुड़ी दूर तक्क धौण भुआं के वार वार वेखदी अख्खों उहले हो गई तां मुंडे नूं आपणे बोल चेते आए, "जे आपां विछड़्ड़ गए तां मैं इक पल वी नहीं जी सकांगा । मैं तां उसे पल ही खुदकुशी कर लवांगा ।"
ते उस दी नज़र विच इक पल विच उहनां आउण वाले सारे सालां ते तैर गई , जिहड़े उस नूं उस कुड़ी बाझों बिताउणे पैणगे । "हाइ ! इहनां सालां दा पहाड़ी भार उहदी कूली आतमा किवें चुक्केगी ! उह तां उस बाझों नहीं जी सकण लग्गा ।"
सच्चमुच्च उस नें उसे पल खुदकुशी कर लई ।
खुदकुशी करन तों पिछों मुंडा कुड़ी नूं बड़ी तीबरता नाल उडीकण लग्गा ।
उह इक पल बीत गिआ ।
कुड़ी नां आई ।
इक दिन वी बीत गिआ ।
पर कुड़ी नां आई ।
इंझ इक साल बीत गिआ ।
कुड़ी फेर नां आई ।
आखर हौली हौली इक उमर बीत गई । मुंडा उडीकदा उडीकदा बिकुल थक्क गिआ पर कुड़ी अजे वी नां आई ।
उह सोचिआ ; भला वेख के तां आवां !
ते उस वेखिआ, निक्के निक्के बच्चिआं विच घिरी बैठी, बातां पाउंदी, चिट्टे वालां वाली उह कुड़ी उस नूं वेख के कंबी, उठी, उस दे होंठ फड़के ते अख्खां विच सारे जहान दा दरद इक्कठा करके उह भरे गले नाल बोली, "हाइ ! मैं मर जां । तूं किंना काहला एं ! एनी छेती मुड़ आइऐं ? मैं तां तेरे कोल आउण ही वाली सां ।"